عنااااقريب الحبااااااااااااال

ده بوست مضاد لبوستات السراير الحايمة هنا اليومين ديل

و بما اني ضد السراير بكل انواعا(حديد خشب) و مقاساتا (سنغل ,دبل) و بما اني اولد ستايل

و اعشق التراث , اقوم هنا بذكر محاسن عناقريب الحبال و مضار سراير الحديد, /لعل و عسى

يعود للناس رشدها و يفكونا من قصة السراير دي

سنوو
يا حليل ناس العناقريب، وضحايا المارقوت..
___
مشتاقين ياخ..

-عناقريب الحبال صحية و خصوصاً لمن يعاني من آلام الظهر و القاوت

- لا يحتاج لمراتب ,و يمكن الاستعاضة عن المراتب بالبرش و هو رخيص
و غير مكلف مثل المراتب التى تحتاج تنجيد,دمورية ...الخ


- فعال في اوقات الظهيرة و خصوصاً عند انقطاع الكهرباء ,اذ انه لا يسخن بفعل

الحرارة , عكس سراير الحديد التي تكون مثل مكوة الفحم عند ارتفاع درجة الحرارة


-الحبال رخيصة و تدوم لفترة طويلة بعكس الحديد


-آمن للأطفال في حالة التنطيط بعكس سرير الحديد و الذي ينجم عنه وقوع الاطفال و التعرض
لكسور الايد و الرجل

- غير مزعج عند الجلوس عليه بعكس سرير الحديد و الذي يتسبب في التلوث السمعي

- مثالي للجرتق فهو يتحمل جلوس العريس و العروس و والدة العريس و والدة العروس و الشفع

الشوباريين من اهل العريس و العروس, و يتحمل وقوف العريس عليه في حالة البش شير و رش الريحة


- يحمل عليه الجنازة

Quote: سنوو يا حليل ناس العناقريب، وضحايا المارقوت.. ___ مشتاقين ياخ..

ود طيفور ,كيفنك و بالأكتر

الناس دي نست قديما و من نسى قديمو تاه

شابكننا سراير سراير

سناء
سلامات

ويا حلات العنقريب لمن يكون هبابي
وتختيه تحت تمرة ضلها تخين
وجنبك جر الليل موية عكرانة
وكورية ملينة دفيق ذي الفي البروفايل دا




خالص الود

Quote: ويا حلات العنقريب لمن يكون هبابي وتختيه تحت تمرة ضلها تخين وجنبك جر الليل موية عكرانة وكورية ملينة دفيق ذي الفي البروفايل دا خالص الود

و للا تحت ضليلة دومة في ضهرية سموما يلفح و تكون شايلك رادي بطارية خاتي

فوق اضانك و تسمع في اعادة حقيبة الفن و تنعس لك نعسة و تاخدك نومة لي بعد العصر


صورتك دي شهتني تمر بلدنا و ناس بلدنا


كل الود

شكراً علاء على العنقريب

انا بموووووووت من الضحك

والله انا بشوف انكـ انصفت العنقريب ايما انصاف


وخليني اسمي واصنف ليكـ الميزات والمحاسن


لا يحتاج لمراتب ,و يمكن الاستعاضة عن المراتب بالبرش و هو رخيص
و غير مكلف مثل المراتب التى تحتاج تنجيد,دمورية ...الخ

ميزة اقتصادية

آمن للأطفال في حالة التنطيط بعكس سرير الحديد و الذي ينجم عنه وقوع الاطفال و التعرض
لكسور الايد و الرجل

ميزة سلامة وأمن


فعال في اوقات الظهيرة و خصوصاً عند انقطاع الكهرباء ,اذ انه لا يسخن بفعل

الحرارة , عكس سراير الحديد التي تكون مثل مكوة الفحم عند ارتفاع درجة الحرارة

ميزة صحية

يحمل عليه الجنازة
ميزة مرعبة


لكن طبعا دي حملة ابادة جماعية للأسرة


ـــــــ
ممكن برضو تضيفي عنقريب القد

Quote: ده بوست مضاد لبوستات السراير الحايمة هنا اليومين ديل

سلامات ياسناء
زاوية مشاكسة:
اول سرير (إترفع) في المنبر ده
كتبوا زول في بلدا مافيها عناقريب (معذور)
وسيرة السرير تختلف عن سيرة العنقريب
نشوف حكاية اب حبال نهايتو شنو(ابيات شعر)

وتعيش عناقريب الحبال

غايتو حكايه انها بتعيش لمده اطول من الحديد دي فيها قولين يا سناء عبد السيد يا بتي
خاصه لو بقيتي زوله كسلانه وخليتي الحبال يتعرضن للشمش طول الزمن
او ان صبت فوقه المطره يبقي في انكماش وتمدد ويتقطع سريعا
والمصيبه كان دخلن غنم الحله واكلن الكراب
الكويس في السراير بتخليهن مجدعات في الحوش بس تجيب مرتبتك تنوم والصباح تطويها تدخلها العوضه
لكين العنقريب الا تشيلو معاك سادر ومدلي .

سناء

ازيك

جاييكم صاري لي حاجة عن عنقريب القد ذي الارجل السوداء . لكن لقيتكم فاتحين ليهو عديييل كدا متناسين انه هو التراث الحقيقي الذى ظل صامدا مقاوما العواصف وزمهرير الشمس وتنطط الشفع بدون ان يكل او يمل .

Quote: سناء ازيك جاييكم صاري لي حاجة عن عنقريب القد ذي الارجل السوداء . لكن لقيتكم فاتحين ليهو عديييل كدا متناسين انه هو التراث الحقيقي الذى ظل صامدا مقاوما العواصف وزمهرير الشمس وتنطط الشفع بدون ان يكل او يمل

عمي الطيب نورت البوست والله

عنقريب القد ده انا ما سمعت بيهو لكن كنت بشوف عنقريب بالأوصاف دي عند جيرانا

الله ياسناء جبتي التايهه ..
وما ننسى العنقريب الهباب
لمان نجدعه تحت التمر
ونرمي فيه مخدة على الحبل ساكت
ونرقد والهواء يجيك من هني ومن هني
نسيم عليل طبيعي
والتمر البيوقع فوقك تتكيء تغسلو
في الجدول الماري بي تحت العنقريب
تأكل وتجدع في النواة تعمل ليك دوائر
جميلة في الموية اللت الجدول
لمان تقضي إجازتك وإنت راجع
تكون عملت ليك جضيماتاً نايرات ..
وتقولي شنو وتقولي منو
العنقريب في زيو يا ناس ..

الجميلين المروا من هنا شمايل , ماما دومة , حيدر , عمو الطيب , معتصم مكاوي

لعلكم بخير , بجيكم بكرة ان شاء الله لمواصلة الونسة فوق العنقريب , بالنعاس ما قادرة افتح

عيني , قنبوا عافية

تحية للفاضلة سنا عبد السيد ،
ونأتي من مدخل قصيدة لأحد الذين عرفتهم ،
نهدي للثراء :


كتب الشاعر : محمد عبيد الفاضلابي
قصيدة في أرشيف مدونة ( سودان رأي )

واسمها :
كراب الشتاء الراخى وحداشر بت --اى واحد يعزل واحدة
http://sudaniyat.org/archive1/viewtopic.php?t=441&highlight=[/B]

Quote: اطلع من الغناء اطلع من الزيف مرات بتطلع من اليوم السنه امنع من النيل المطر لو جاط مسيخ وسعرت طيور القيف على كيف المنى ياحاضرين هذا المجال من وين بنغرف للبنات عيونن؟؟ والصبر وليونة الروح والعمر ده ما شأن العواطف تستدير فى حكرى أو من بدرى ومن رحم طائر صغير جات الحياة اهى دى الحياة محاصر بى الهجير والشوق مّغطّنى البرابرية سدادة الدار خشب ريفى الاتقرجوا الطمبارة مدسوس زى درادم اب طافه فى الشقريب لحاظ اب قدموا الناجين يا مد الحراز الدم سقايتك جافة من نشر الخرت بايعين سقام الروح نلم الفاقه فى شوفتك زمن لاغيّرن حاجاتك الحاجات ولا ارض الحجر حافه زمن فضفض ولا تغّمد ويملاك من جديد الفك زمن قحه ولا بيهمد يقدك ريفك الصحه ويجيك بّره زمن حّره وزمن فّتار زمن لا دنّقر الدفّاى ولا نضفن مراحيضك زمن غيّاب متين ما تكوس حضور دمك يفور همك يطق النابل الطيّاب احوطك لا خرير لا جاى كان ام حّضه فيها جبايه وكان ترجامى متعورب بجيبك بى الطرماشى ولا هامانى سّفايه ان المنك ولا منك من الفقرا البراهم بيك نسوك عندى وبلا محايه ذى امبارح مكملنا السهر دامرقا ولادك مون ولاد الريح رحم بنّوتك التجريح يلاقنك سكاكراً لا هدم لا توب يماسنك رهان بالعد اذا غّيبت لينا الشوف وشّبرت العدم بى الطىء وكان الدنيا ............طيره وزير واتحّركت لى أخـــــــر صناعة دم وغّمضت اتمليت بى ازمنة غيرك وقفت لقيت دى ما الدنيا ولّفه طويله لحّدى ما تانى ويلاقنك حداشر بت بت لّبان وبت طوفان وبت نيله وبت قرّايه للنجمات وبت عامله النسيم محبوب وبت فى عيونا بنشيله وبت من توب وبت وضّايه للزهرات وبت فى النوم وبت عوّامه وبت ..............مافى حداشر بت نحاصر بى الهجير كنا وهسع ست مكتفنا البكم ريحان معاد بى السور وجّدع فى الحبر لونين قاعد البور وطفاى المها السارح يا .. جابدنا فى لياسنا بى الحيمور شقينابك افتل البير سنج بعدك دى مى سنج البراح الحى قيم فى الناس دى مى قيم الحواس ام رى ومبروكات عليك ليحان نشاك اب ليف بيتلاقن اكان الدابره مجروحه بيتلاقن واكان الامنيه اتقسمت... بيتحابن عليك بّنوت دروبن تامه مطروحه يا .........غيماتنا فى الحّماله والمشرق كّبن ساى وادفرونى البلد بّريك تبرك بى اللفيخ مخنوق وتبرك بى الطفيق ابرص وتبرك بى الخرم مشنوق وغصباً عنك انت الناس وانت الجايى ضد الناس وانت المبهم المحروم من الارث البغنوبو وبقولوا احساس سعينابك سعيه وضيم قلينابك تمر لالوب مع القضيم وانت تسّوى فى سواتك وبيناتنا المسارق خوخ وضل النيم وكرّاب الشتاء الراخى وضيفين من تعب يلقوك تسّقى الريق من المافى بتقوى على امل واحد وتبدأ لميعك النعسان ولو لعطش العمر فى الغيم اقّدم للعيون رسّام واشوفك بالبشوف حرّاسو فى الضحله وذى قيد المسيريه البقود اللينه فى الرمله مكّتف فى الوطن حافى يا........ بت عيسى فى الازرق؟ بتفرى الطرحه للرحله؟ ترب هدل السكينه تجف وعريقاً يغاير الريح دخلنا على القياس طفله لقينا الحب مع الريفيه ........ سيّافى وفى الجّبانه غير الحسنى ما بتطيبى تتعافى ... دحين اختوا البكانات طب بقينا أغراب .. يا نحنا المشيناها ويا دخلوا وقفلنا الباب قفلنا العين على الصبّاب ترا الملاّجا بى يعاينوا محاصر بالهجير والشوق مغّطنى البرابريه سدادة الدار خشب ريفى الاتقرجوا الطمباره محمد عبيد الفاضلابى مع تحياتى وحبى الشديد 5/7/2004م

Quote: جاييكم صاري لي حاجة عن عنقريب القد ذي الارجل السوداء . لكن لقيتكم فاتحين ليهو عديييل كدا متناسين انه هو التراث الحقيقي الذى ظل صامدا مقاوما العواصف وزمهرير الشمس وتنطط الشفع بدون ان يكل او يمل .

هيييييييييييييييع شيوخ العرب ظهروا نحن غايتوا ربايه مدن
عنقريب القد ما شفناه الا اظنوا من الجلد
لكين ابوي مرات بيدعي الزول يقول لو تسو ى في قده.
يا ود شيقوق ورنا ليهو ان بقي عندك منه صوره

سناء الظريفه
اول مره نتصادم في بوست و كده

عارفه لما رجعت السودان بعد فتره من القعاد في بلاد الجليد

كان نفسي في عنقريب .... و فعلا سويت لي عريشه بي عناقريب نالت اعجاب الجميع

الذ حاجه انه قبل ما أسويها قلت لي الحاجه ... تعرفي انا نفسي في عنقريب و يكون حبله مرخي من النص
و كوز مويه ما فيه أضان ... و الرادي ابو بطاريه .... و التبروقه و الأبريق

عاينت لي كده بي نظره بتاعت الله يشفي ...
حالتي ما تميت الامنيه و كلمتها بي العراقي و سوط العنج

لوووووووووووووووووووووووووووووول

اول مره نتصادم في بوست و كده

Quote: عارفه لما رجعت السودان بعد فتره من القعاد في بلاد الجليد كان نفسي في عنقريب .... و فعلا سويت لي عريشه بي عناقريب نالت اعجاب الجميع الذ حاجه انه قبل ما أسويها قلت لي الحاجه ... تعرفي انا نفسي في عنقريب و يكون حبله مرخي من النص و كوز مويه ما فيه أضان ... و الرادي ابو بطاريه .... و التبروقه و الأبريق عاينت لي كده بي نظره بتاعت الله يشفي ... حالتي ما تميت الامنيه و كلمتها بي العراقي و سوط العنج

هههههه , يا غالية يا بت الهنا يا نور حياتي الما ونا

موتيني من الضحك , خاصة بالكوز المن غير اضنين ده

تعرفي لمن نرجع السودان , بنكون فاقدين حاجات كده لمن نطلبا من القاعدين هناك

بشوفوها طلبات غريبة , لأنهم الحاجات دي عايشين فيها مابحسوا بي متعتا زينا نحنا

الفاقدينها لكن بركة الما واصلتي بقية الطلبات , كانت طوالي حتسوقك لي اقرب فكي


عنقريبك ده نسيتي تختي تحته أهم حاجتين



جركانة الكركار الملخبت بدهن الساق و قزازة الجلسرين بالليمون

اتجبجبي و ارقدي يختي


كل الود

Quote: اطلع من الغناء اطلع من الزيف مرات بتطلع من اليوم السنه امنع من النيل المطر لو جاط مسيخ وسعرت طيور القيف على كيف المنى ياحاضرين هذا المجال من وين بنغرف للبنات عيونن؟؟ والصبر وليونة الروح والعمر ده ما شأن العواطف تستدير فى حكرى أو من بدرى ومن رحم طائر صغير جات الحياة اهى دى الحياة محاصر بى الهجير والشوق مّغطّنى البرابرية سدادة الدار خشب ريفى الاتقرجوا الطمبارة مدسوس زى درادم اب طافه فى الشقريب لحاظ اب قدموا الناجين يا مد الحراز الدم سقايتك جافة من نشر الخرت بايعين سقام الروح نلم الفاقه فى شوفتك زمن لاغيّرن حاجاتك الحاجات ولا ارض الحجر حافه زمن فضفض ولا تغّمد ويملاك من جديد الفك زمن قحه ولا بيهمد يقدك ريفك الصحه ويجيك بّره زمن حّره وزمن فّتار زمن لا دنّقر الدفّاى ولا نضفن مراحيضك زمن غيّاب متين ما تكوس حضور دمك يفور همك يطق النابل الطيّاب احوطك لا خرير لا جاى كان ام حّضه فيها جبايه وكان ترجامى متعورب بجيبك بى الطرماشى ولا هامانى سّفايه ان المنك ولا منك من الفقرا البراهم بيك نسوك عندى وبلا محايه ذى امبارح مكملنا السهر دامرقا ولادك مون ولاد الريح رحم بنّوتك التجريح يلاقنك سكاكراً لا هدم لا توب يماسنك رهان بالعد اذا غّيبت لينا الشوف وشّبرت العدم بى الطىء وكان الدنيا ............طيره وزير واتحّركت لى أخـــــــر صناعة دم وغّمضت اتمليت بى ازمنة غيرك وقفت لقيت دى ما الدنيا ولّفه طويله لحّدى ما تانى ويلاقنك حداشر بت بت لّبان وبت طوفان وبت نيله وبت قرّايه للنجمات وبت عامله النسيم محبوب وبت فى عيونا بنشيله وبت من توب وبت وضّايه للزهرات وبت فى النوم وبت عوّامه وبت ..............مافى حداشر بت نحاصر بى الهجير كنا وهسع ست مكتفنا البكم ريحان معاد بى السور وجّدع فى الحبر لونين قاعد البور وطفاى المها السارح يا .. جابدنا فى لياسنا بى الحيمور شقينابك افتل البير سنج بعدك دى مى سنج البراح الحى قيم فى الناس دى مى قيم الحواس ام رى ومبروكات عليك ليحان نشاك اب ليف بيتلاقن اكان الدابره مجروحه بيتلاقن واكان الامنيه اتقسمت... بيتحابن عليك بّنوت دروبن تامه مطروحه يا .........غيماتنا فى الحّماله والمشرق كّبن ساى وادفرونى البلد بّريك تبرك بى اللفيخ مخنوق وتبرك بى الطفيق ابرص وتبرك بى الخرم مشنوق وغصباً عنك انت الناس وانت الجايى ضد الناس وانت المبهم المحروم من الارث البغنوبو وبقولوا احساس سعينابك سعيه وضيم قلينابك تمر لالوب مع القضيم وانت تسّوى فى سواتك وبيناتنا المسارق خوخ وضل النيم وكرّاب الشتاء الراخى وضيفين من تعب يلقوك تسّقى الريق من المافى بتقوى على امل واحد وتبدأ لميعك النعسان ولو لعطش العمر فى الغيم اقّدم للعيون رسّام واشوفك بالبشوف حرّاسو فى الضحله وذى قيد المسيريه البقود اللينه فى الرمله مكّتف فى الوطن حافى يا........ بت عيسى فى الازرق؟ بتفرى الطرحه للرحله؟ ترب هدل السكينه تجف وعريقاً يغاير الريح دخلنا على القياس طفله لقينا الحب مع الريفيه ........ سيّافى وفى الجّبانه غير الحسنى ما بتطيبى تتعافى ... دحين اختوا البكانات طب بقينا أغراب .. يا نحنا المشيناها ويا دخلوا وقفلنا الباب قفلنا العين على الصبّاب ترا الملاّجا بى يعاينوا محاصر بالهجير والشوق مغّطنى البرابريه سدادة الدار خشب ريفى الاتقرجوا الطمباره محمد عبيد الفاضلابى مع تحياتى وحبى الشديد

الشقليني

كلمات جميلة و معبرة

التحية ليك و للشاعر الرقيق محمد عبيد الفاضلابي

ياسنسن ..


إنتوا صباحكم بجي الساعة كم ؟؟

الاخت مولانا Doma

Quote: هيييييييييييييييع شيوخ العرب ظهروا نحن غايتوا ربايه مدن عنقريب القد ما شفناه الا اظنوا من الجلد لكين ابوي مرات بيدعي الزول يقول لو تسو ى في قده. يا ود شيقوق ورنا ليهو ان بقي عندك منه صوره

عنقريب القد يا استاذة دوما هو فعلا من جلد البقر وتتراوح احجامه بين الكبير والمتوسط و الصغير اى الهباب والاول عادة يستعمل للعرسان ( يعني سرير دبل) وفي ارجله لمسات تشكيلية جميلة وهذا يصمد لاكثر من 80 سنة .

اها نواصل ما انقطع من حديث

و خليني النحدثكم عن نوع من اكبر انواع العناقريب اسمه الهل (بضم الهاء)

الهل ده اكان بستعملوا اهلنا النوبة في الشمالية , وهو عبارة عن عنقريب كبييييييييير

يتسع لجميع ناس الحلة , كلمتني عنو الحجة ربنا يطول في عمرها قالت لي كنا صغار و كبار

رجال و حريم , بنات و صبيان بنوم فوق الهل ده و ما كان في زول بنوم في بيتو و الصباح

نصحى و كلو زول يمش على بيتو و يقضي باقي مشاغلو على ان نعود في الليل و نتندل فوق الهل

اها يا ما ما دومة هل كان عندكم نفس الشي في ديار الشايقية؟ اكان في زول سمع بيهو اليحدثنا عشان نوثق لي اكبر العناقريب حجماً .

Quote: انا بموووووووت من الضحك والله انا بشوف انكـ انصفت العنقريب ايما انصاف

شمايل الظريفة , اضحك الله سنك


ميزة مرعبة دي ضحكتني , الذ ما في الموضوع انه عنقريب الجنازة ده زاتو

ياهو عنقريب الجرتق , بالليل بعد الحفلة يسوا فوقو الجرتق و في الصباح

الحبوبة تتلحس يمرقوا منو القرمصيص و يشيعوها بيهو

خالص الود

Quote: سلامات ياسناء زاوية مشاكسة: اول سرير (إترفع) في المنبر ده كتبوا زول في بلدا مافيها عناقريب (معذور) وسيرة السرير تختلف عن سيرة العنقريب نشوف حكاية اب حبال نهايتو شنو(ابيات شعر) وتعيش عناقريب الحبال

حيدوري
ما في شي بعفيهو من الغلط الفزييع الارتكبو في حق العنقريب

كان قاعد في بلد ما فيها عناقريب , ما سمع بيها طيب؟؟

Quote: او ان صبت فوقه المطره يبقي في انكماش وتمدد ويتقطع سريعا والمصيبه كان دخلن غنم الحله واكلن الكراب

ما ما دومة الميزة الانا كتبتها دي ميزة صيفية ما خريفية

و الغنم الكانوا بياكلوا الكراب ديل غنم زمان , اما غنم اليومين ديل

ما برضو بي اقل من التفاح الأخضر

Quote: ياسنسن .. إنتوا صباحكم بجي الساعة كم ؟؟

تسومي

نحن لمن انتوا تصحوا بنكون عايزين ننوم
و لمن نصحى بتكونوا انتوا في الشغل
و لمن ترجعوا من الشغل بنكون نحن مشينا الشغل
ولمن نرجع بتكونوا نمتوا

Quote: الله ياسناء جبتي التايهه .. وما ننسى العنقريب الهباب لمان نجدعه تحت التمر ونرمي فيه مخدة على الحبل ساكت ونرقد والهواء يجيك من هني ومن هني نسيم عليل طبيعي والتمر البيوقع فوقك تتكيء تغسلو في الجدول الماري بي تحت العنقريب تأكل وتجدع في النواة تعمل ليك دوائر جميلة في الموية اللت الجدول لمان تقضي إجازتك وإنت راجع تكون عملت ليك جضيماتاً نايرات .. وتقولي شنو وتقولي منو العنقريب في زيو يا ناس ..

تسومي
و الله شهيتني رقاد العناقريب تحت الشجر و شهيتني التمر , و قيالات الضهر و نسيم البحر وصياح الديوك عند الفجر

اييييييه الله يرجعنا ليك يا بلدنا

بالغتي يا سناء
تطلعي عنقريبك وتفرشيه وما تطلعي عنقريبي معاك ؟؟؟
عمرنا كلو ومما فتحنا لقينا النسوان هم البطلعو العناقريب ويفرشوها ..
كان عنقريبي تقيل قولي لي ...


نسوان آخر زمن ....

Quote: بالغتي يا سناء تطلعي عنقريبك وتفرشيه وما تطلعي عنقريبي معاك ؟؟؟ عمرنا كلو ومما فتحنا لقينا النسوان هم البطلعو العناقريب ويفرشوها .. كان عنقريبي تقيل قولي لي ... نسوان آخر زمن ....

بري و حياة الله , و انا بقدر ما اطلع عنقريبك

بس قلت استنى الشمش تغيب و الجو يبرد حبة عشان ارش الحوش و اكنسو و بعد داك اطلع العنقريب


بعدين انت المصحيك لي اسة شنو( وش متشمشر)

Quote: بري و حياة الله , و انا بقدر ما اطلع عنقريبك

وحاتك عنقريبي هسي يكون في الاوضة الرابعة ..
باقي الايام دي لاقي لي بنبر مصنقر فيه ....

Quote: بعدين انت المصحيك لي اسة شنو

معاي ضيوف ثقيلين النوع البكسر ركبة داك ..
ما يقومو يكسرو لينا العنقريب كمان ...


النوم جفا عيونا ..

Quote: معاي ضيوف ثقيلين النوع البكسر ركبة داك .. ما يقومو يكسرو لينا العنقريب كمان ... النوم جفا عيونا

..

و الله فعلاً ضيوف ثقيلين , اكسروا ركبة و لا رقبة ما مشكلة بس يبعدوا لينا من العنقريب ده



و الحاميك النوم و شاغل قلبك يتهنابو

كدي نقدم السبت ونطلع عنقريبك للسهلة ..





عملا لي الله