بلة ودعشة ؟؟؟

من هو ؟؟

ومن هي تلك العشة التي أنجبت سائق الركشة الفريد في عصره ؟؟..

بلة ودعشة !!

هذه الشخصية الأسطورية ..

هل هي حقيقية أم وهمية ؟

وهل الأسماء التي ترد في أغاني البنات أمثال (حسن وحمادة) وغيرهم, هي أسماء لشخصيات حقيقية تعيش بيننا

أم من صنع خيال البنات؟

وهل هناك مجتمع آخر غير مجتمعنا لديه ثقافة ذكر اسم الحبيب على العلن بلا خوف أو خجل ؟

لا أخفيكم سرا إن قلت أنني معجبة بهذا البلة حتى النخاع , و لا تسألوني عن السبب حتى لا يبطل العجب ..

كم تمنيت أن ياخذني هذا الساحر بلةودعشة سائق الركشة في نزهة عصرية بعيدا عن عيون الناس .. لأسأله عن

سره سحره وجاذبيته التي دفعت الفتيات إلى اعتباره شخصا استثنائيا؟

وكيف أنه أصبح فارسا في نظر الولهانات اللواتي يستغثن به ليل نهار(نادوا لي بلة الدقة الرقم جلا )...

ما أود التطرق إليه هنا من خلال هذا الموضوع هو البحث في هذه الثقافة الفريدة في نوعها .. ألا وهي

غنا البنات وذكر اسم الحبيب على الملأ وتداول هذه الأغاني بين الفتيات بمنتهى الحماس .. هل يدل

هذا الحماس على النجاح في خلق حبيب أسطوري قادر على فعل كل شيء؟ أم أنه مؤشر للخواء العاطفي والروحي ؟

أرجو الإفادة مع ذكر الأغاني التي تتضمن أسماء لشخصيات غير عادية في نظر الفتيات وفتكم بعافية ..

عواطف سلامات

لو افترضنا صحة الرواية في الاغنية ,
معطيات
بلة ده شاب اروش (بدق الرقم و يجليهو)
بلة سواق رقشة (مُعطي في متن القصيدة)
امو اسمها عشة ( مُعطي في متن القصيدة)
بتحبو بت مطرطشة زيو (لم تذكر اسمها في القصيدة)

فرضية 1
بت بتحب ولد اسمو بله, وسطهم الاجتماعي واحد , وصل عشق البت لي المواطن بله حدا اصبح معه كِتمان هواها امر عسير
ضجت به نفسها فأغرقت به آذان خليلاتها و شنفت به آذان المواطن المحبوب بلة و من ثم سارت به الركبان و ده حقها.



فرضية 2
اغنية مصنوعة بواسطة صُناع الابتذال الحالي في بلادي , نُسجت علي إيقاع حي و راقص و تم رص كلماتها رصاَ (مع مراعاة
إنضباط القافية كيفما إتفق) و استعان صاحبها علينا بصاحب اورغن سنين يحمل من المؤهلات صفر كبير + قريبو الفي
الخليج رسل ليهو الاورغن و حفلة حفلتين و رحنا نحن في حق الله و برضو من حقهم.

___
إيراد اسم الحبيب او الحبيبة في الفرضيتين تاريخيا او إثنيا مسموح به علي إستحياء او علنا و التصنيف هنا اخلاقي.

بلة يا فنان !!

ياالساكن أمدرمان ...

خدر ..

سلامات ..

الفرضية الأولى:

إذا افترضنا إنها مطرطشة زأنها بتحب واحد بتدق الرقم وبيجلي .. فهل كل البنات البرددن أغنية بلة

ركبن قطار الطرطشة ؟

وهل كل الأسماء التي ترد في الأغاني مؤلفاتهن مطرطشات ؟

الفرضية الثانية:

بت بتحب واحد من نفس الوسط .. طيب الناس التانية مالهاشايلة الشيلة وقايمة ...

شكرا على المداخلة الطيبة ..

عواطف
تحياتي وودي
شايفك دخلتي بينا زقاقات اغاني البنات والتي اعجبني في الاونة الاخيرة محاولة الفصل بينها وبين الاغنية الهابطة .. لان الفرق بينهما هو الفرق بين الجد واللعب
بالنسبة لي عشة ود بلة دة انا اول مرة اسمع بيهو لكن عرفت موضوعو .. ماهو دة الفارس احلام البنات الذي ينشدنه في غنائهن لتحديد ملامح الفارس وحصانه الابيض .. ابتداء من اغاني الحماسة والمراثي وناس الخنساء .. الفرق انو الخنساء بتعدد في اوصاف رجل ارم .. لكن دي اوصاف لناس حية .. والاسم من نسج الخيال الغرض منه القافية فقط .. يعني ممكن يكون بلة ود حوا لولا الركشة بتاعتو ..
سؤال واحد ماهي مواصفات هذا البلة كما وردت في الاغنية .. عشان نعرف سر عظمتو .. وللا الموضوع رقشة وخلاص??

أخي الحبيب الفضل ..

ودي ..

بالفعل هناك خيط رفيع بين الغنا الهابط وغنا البنات أما بلة الذي لم تسمع عنه فهو كما يقال شخصية

فنانة والدليل على ذلك هذا البيت ..

بلة يا فنان الساكن أمدرمان

والعجيب في الأمر إني ما حصل حضرت لي حفلة إلا وأغنية بلة في المقدمة والبنات منتهى الحماس .. لهذا

السبب فكرت في كتابة الموضوع مع أن بلة ليس المقصود في حد ذاته ولكن الأسماء التي ترد في الأغاني

شكرا على المرور الطييب ..

سلام استاذة عواطف .. ومشتاقين :

ماتنسي اشهر اغنية عملت ضجة في وقت مت (سنتر الخرطوم)
وهي ارتبطت بدكتور عوض دكام رخمه الله

صديقي بهاء ...

تحياتي ..

عارف آخر أغنية بتقول شنو ؟

مالها الناس بقت قوالة ؟

أما الأسماء فهي أمثال حسن يا حسنا يالحارس وطنا وين أنا ودامي !!

شكرا بهاء ..

(عابدين) ذكر على الملأ

(عابدين ..عابدين يا أبشرا ..عابدين جيبو بياسين (يس) يا ايشرا)
وقتها كان (عابدين) قد استعصى على المعجبات فلجأن طائعات مختارات لأبشرا وكراماته وإخترن (يس) دون سائر السور فالمهم ان يأتى.

عابدين فى غمضة عين أصبح أمير وفارس صعب المنال لمجرد ان هنالك من هى بايرة ليها سنتين
أعتقد ان عابدين قد اختير فقط لأنه كان آخر الفرسان.

مضى وقت ليس بالقصير قبل ان تظهر من هى تطالب بعريس من باريس (يا الماشى لباريس جيب لى معاك عريس)
بل تشترط ان يكون (دسيِّس). الغريبة وقتها كنا نحن مغتربين السعودية ودول الخليج (سوقنا حار) قبل ان تغمرنا موجة مغتربي أمريكا.
واعتقد انه لو كان هناك من يذكر اسمه لكان (إدريس)
ولا ننسى (معاوية) فى قولهن (القطر الشال معاوية يتكسر زاوية زاوية)
وفى الشطر الثانى (يسلم لى معاوية) وكانه سوبرمان!

ويظل التمنى هو القاسم المشترك فى كل الاحوال

مساء الخير يا استاذة،،

ولو ..

يسعد مساك ..

والله ضحكتني بالجد ..

خصوصا بالأغنية بتاعة يا اب شرا

أيه رايك لما تقول بالضرا بالضرا إن شاء الله راجل مرة

أورررووووك يا أب شرا جيبو بالعروق يا أب شرا ..

شكرا على المداخلة الظريفة مع تحياتي ليسن !!

خدر وعواطف سلامات
بالله افرزوا لينا الكيمان
أغاني البنات براها وبلة ود عشة براهو
أغنية بلة ود عشة عندها قصة تراجيدية وبلة زي شمشون دليلته خانته
القصة حكاها لي سفيان نابري
وسمح القول في خشم سيدو خليهو يجي هنا يحكيها ليكم



___________
أحي من بلة ود عشة
الراح ضحية ثقته في حبيبته

رواية عندنا ؟؟

يا مرحبا ..

نورت البوست ..

عاد الرسول فيك كان ما حكيتي لي ودعشة الأدتو شاكوش منو ؟؟

في انتظارك على أحر من الجمر ...

مساء الخير


اعتقد الاسامى فى اغانى البنات رمزية اكثر من واقعية


ايضا بالنسبة للرجال فهم ايضا يتغنون باسماء وهمية للرمز وتوصيل الموقف


مثلا الاستاذ كابلى عندما يغنى باغنية تقول كلماتها...

يازاهية....يازاهية

قلبى اشلتى جيبى

يا لاهية.....يالاهيه

خطواتك وقعت الحان

يززززاهية

او حمد الريح عندما يقول...

حليل ناس امنة ساعة الليل يجن

نحمل رسائلنا واشواقنا ليحبايبنا للاهل

بصورة عامة هنالك رمزية فى استخدام الاسامى فى الاغانى بالنسبة للبنات والرجال.

سلام

ياخي انت رهييييييييييييبة بجد


تسلمي لي انتي
وعلي فكرة راجع أهترش معاك

كالعاده منوره بمواضيعك الإجتماعية يا أستاذة..
سمعت الغنية دي اول مرة شايلنها بنيات صغار..
حقيقه عجبني اللحن اما الكلمات فلم اعرها انتباهي ..
فهي مثلها مثل جل او كل أغاني البنات
تحمل لغة بسيطة واوصاف مباشرة دون الرمزية المتبعة في الاغاني..
اعتقد الإعجاب بالاغنية مصدره لحنها الراقص المتسق مع الأذن السودانية وموجة العصر..
تحياتي.

الاخت عواطف

ارجو ان تسمحي لي ان اهدي هذه الاغنية الجرارية الكردفانية وهي في ذات السياق للاخ Ex- judge محمد على طه الملك ( ود الناظر)

يتغنى بهذه الاغنية المبدع ابو بكر سيد احمد ( الشايقي)

<object width="425" height="344"><param name="movie" value="http://www.youtube.com/v/6GW_SrZCKPE&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/6GW_SrZCKPE&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

لكم جميعا عميق حبي

التحايا الطيبة يا اخت عواطف

اول مرة اسمع هذه الاغنية من سنة تقريبا

في عرس راجل اخونا في نيويورك وحقيقة

عجبتني الاغنية لانه لحنها هجج بالناس.

في زمنا كان في اغنية مشابهة


ريحته كارينا وعربيته كورتينا

طبعا الواحد نسي الباقي لكن علي

نفس موال بله

سيف الدولة ..

لك التحية والود ..

ولك كل الشكر على هذا المرور الزاهي ..

فعلا أغنية مثيرة للإنتباه ..

بس ما يحير أن كل الأرقام التي يحاول بلة الإتصال بها لا تستجيب لأن الرقم إما أن يجلي أو يزيد..

بلة ود عايد دق الرقم زايد ..

نادوا لي بلة الدق الرقم جلا ..

شكرا سيف كلك ذوق ..

شيقا ..

سلام من صبا بردى أرق ..

وأنا بدوري أهديها للجميع ..

ودي

الملك ..

أنت الملك ..

كم أكون سعيدة بمداخلاتك الأنيقة التي تحمل المفيد المختصر ..

فشكرا لهذه الأناقة ..

حبيبببببببببببببببببب نورة !!!

كيفك يا مان ؟؟

إنت الأرهب ..

في انتظارك على أحر من الجمر ومعي باقة ورد ..

أرجو أن لا تتخلف عن موعد ليلة السبت حتى لا ألقي باقات الزهور هنا ..

سلام ..

الزاهي أبو السيوف ..

سلام ..

مشكور يا بعد عمري على الطلة الحلوة ..

هي قد تكون أسماء رمزية ولكن في بعض الأحيان تكون حقيقة كقول الشاعر الكبير حسين بازرعة

في الوكر المهجور يا سلمى ..

ضمتك يمناي يا سعد دنياي ..

thanks once again

عطوفة ازيك ومشتاقين
الاسماء هى فى الغالب رمزية واحيانا" لزوم القافية

انا ببكى واترمد عشان خاطر محمد .... محمد اجازتو تمت
انا ببكى واهاتى عشان خاطر الهادى ...... الهادى شريك حياتى
وفى نفس الاغنية غنت البنت لكثير من المهن ليس الركشة فقط
يا خالة يا ريا تعال شوفى العليا
قلم للافندية ....
ابرة للترزية ....
ومكنة للعربية ...
حديد للكبانية ....
وصف لي بيتو جوار الثانوية ..... وادانى عنوانو جـده السعودية

ودكتور لؤى ... كشف علي
ودكتور رافت ... اشر لي


وصعب صعب يا على الحب صعب يا على
سواء كان بالمارسيدس او اللفت باك

جاييييك برواقة

اما عن سؤالك واعجابك بقولك :

لا أخفيكم سرا إن قلت أنني معجبة بهذا البلة حتى النخاع , و لا تسألوني عن السبب حتى لا يبطل العجب ..

كم تمنيت أن ياخذني هذا الساحر بلةودعشة سائق الركشة في نزهة عصرية بعيدا عن عيون الناس

هاك القصة كان بتقدرى على النهاية

ما مشيت لى حاجة (سعدية)؟
- مالا عندها شنو؟
- مش وقعت من (الركشة) وإتظلطت و(خيطو) ليها راسا تلاته (غرز)؟
حوار
عادى يمكن أن يحدث بين أى زوجين..
زوجة تخبر زوجها بأن جارتهم ترقد
مريضة
إثر حادث تعرضت له، طيب أيه
الغريب فى الموضوع؟ أقول ليكم..
الغريب فى الموضوع أن زوجتى العزيزة كانت
تخبرنى بهذا الحادث الذى تعرضت له حاجة
سعدية وهى غارقة في الضحك!!
- بتضحكى مالك؟ ده هسه موضوع يضحك؟
- خلينى كدى أحكى ليكا وبعدين إنتا براك ح تعرف..

- وبعد أن أخبرتنى (حرمنا المصون) بالقصة
لم أتمالك نفسى وإنفجرت فى نوبة من
الضحك المتواصل كما أتوقع أن يحدث لك ذلك عزيزى القارئ
وإليك القصة:
بعد
أن اكتمل عدد المشتركات فى
الصندوق (الماسكاهو حاجة سعدية قررت أن تذهب
لتسليمه إلى صاحبة (الصرفة الأولى)
فقامت بوضع (القريشات) فى كيس نايلون أسود
ولفها بعناية حتى لا يستبين ما بداخلها ثم أوقفت (ركشة ...
- ماشة وين يا حاجة؟
- ماشة ليا يا ولدى لى ناس زيارة قدام محطة جامسكا فى الثورة!
وإنطلق
سائق الركشة وهو مندمج مع الأغنية
التى يبثها (المسجل) بصوت عال وأخذ
شارعاً جانبياً ثم آخر حتى صار
بعيداً عن شارع الظلط الذى من المفترض أن
يسلكه مما حدا بحاجة سعدية أن تقول له:
- يا ولدى إنت ماشى بى وين؟ أنا بى هنا ما بعرف السكة!
- يا حاجة إنتى مش ماشة (جامسكا)؟
أنا خلاص بوصلك!
استمر
سائق الركشة فترة من الوقت (يدخل
بى زقاق ويطلع بى زقاق تانى) حتى
توقف
أمام أحد المنازل وقام بالضغط على
البورى ففتح باب المنزل (3 ضل لتدخل
الركشة وبداخلها الحاجة سعدية!
التى تفاجأت بوجود عدد من (الشباب
يلتفون حولها تفوح منهم رائحة
الخمر) والدخان
: - يا وليداتى أنا مرا كبيرة عاوزين منى شنو؟
- مشيراً إلى طشت كبير): ما عاوزين
منك شئ يا حاجة بس نضفى لينا
الكمونية دى!
كان
الطشت (مليان لى عينو) بالمصارين
و(الكرشة) و(العفشة)، وضعت (حاجة
سعدية الطشت أمام (الماسورة) وهاك يا
نضافة، على الرغم من أن كمية الكمونية
التى فى الطشت من الواضح انها
لأكثر من (بهيمة) إلا أن مهارة
حاجة سعدية
قد ساعدتها فى إنجاز المهمة فى
وقت قياسى مقداره ساعتان بالتمام
والكمال!
- وهى تستعدل ثوبها) أها يا
وليداتى رجعونى حتتى!
- أحدهم يناولها كيس أسود ): يا
حاجة معقولة تفكينا (عكس الهوا كده وتمشى؟يعنى (الكمونية) دى
ناكلا (نيه)؟
قامت
حاجة سعدية بفتح الكيس الذى يحتوى
على (الفحم والبصل والصلصة
والبهارات،
جلست على (البنبر) المتآكل من
جديد، (ولعت نارا) وبدأت فى (حش البصل) ثم
دق التوم والفلفل..
- أها يا وليداتى.. لى الصلصة
كبيتا ليكم فيها.. خلاس ودونى لى
اهلى الواطه (فللت!
- خلاس يا حاجة تعالى أركبى نوصلك..

على مشارف الحى قام سائق الركشة
بإنزال (حاجة سعدية) التى إتجهت
صوب منزلها بينما انطلق
السائق عائداً إلى شلته..
- مالك يا حاجة إتأخرتى وجاية فترانة كده؟
- كيفن ما اجى فترانة وتعبانة؟
ومنضفه (كمونيت) الدنيا والعالمين!!
- أجى (كمونيت) شنو ياحاجة ما قلتى
ماشة تودى قروش (الصندوق) الوداك
للكمونيات شنو؟
وبعد أن قامت حاجة سعدية بسرد
الحكاية وسط دهشة الحاضرين
خاطبتها حفيدتها (الطالبة
قائلة:
- والله يا حبوبة بركة البقت على
الكمونية مع الحاجات البنقراها
فى الجرائد دى!
لما
كان من الضرورى تسليم مبلغ (الختة
لصاحبتها فقد قامت (حاجة سعدية
بإرتداء ملابسها فى عصر اليوم
التالى ثم قا مت بوضع (القريشات) فى كيس
نايلون أسود) لفته بعناية حتى لا
يستبين ما بداخله ثم أوقفت (ركشة..

- ماشة وين يا حاجة؟
- ماشة ليا يا ولدى لى ناس
زيارة قدام محطة (جامسكا) فى الثورة!
وإنطلق
سائق الركشة بالشارع الرئيسى
الذى بعد أن تحرك قليلاً وجده
مغلقاً فى منتصفه بسبب بعض الإصلاحات فاضطر
إلى أن ياخذ شارعاً جانبيا ثم آخر
وعندما
إنتبهت (حاجة سعدية) إنو (الشوارع
ما ياها) قذفت بنفسها من الركشة
وهى تصيح:
- وحات الله ما بقدر على الكمونية
تااانى

عبودي ..

فعلا قصة تموت من الضحك ..

وأكان بقت على الكمونية هينة ...

غايتو خلاص أنا غيرت رأي من النزهة بالركشة حأشوف أمجاد عسى ولعل ..

شكرا عبودي كلك ذوق تئبر ألبي ..

[B

سلام عواطف
عودا حميدا


موضوع غنا البنات عالم تاني


غايتو شركات العربيات لو سمعوا بأغني البنات عندنا .. كانوا أدوا المؤلفين و المؤلفات بتاعة الأغاني دي جائزة عربية موديل السنة
..
إبتداءا من سائق البوباي
و إلى :

التايوتا جات ماشة بي هنا الله ينصر دين السايقه

ثم

التي لا تفرق بين تشتشة سيجارة و وخز القلوب :

طارت لى شرارة حرقتني بي ناره
قال لي متأسف النار نار السيجارة

***

غايتو دي معقولة شديد ، و تنتقد وأد البنات الجديد :


كان حقو تسألني يا يابا في أمري

تعرف كمان فكري في شريك عمري

مش حية تدفني في بيت يكون قبري

والله يابا حرام يبقى الزواج جبري..

**

أما هذه فمحيرة للغاية

]سايق العظمة سافر خلاني وين
يا لماشي لي باريس جيب لي معاك عريس
شرطاً يكون لبيس من هيئة التدريس

لبيس ممكن ، من هيئة التدريس أيام زمان ممكن برضو ، بس من باريس كيف ؟ في مدرسين باريس دي يمكن يشوفوها في الأطلس و يمكن لا.

في المحصلة النهائية ، فإن أغاني البنات هي تيرموميتر نابض لشريحة كبيرة من المجتمع ، مآسيه و مشاكله و أحاسيسه و إعجابه و نفوره

دمتم

أبو جهينة ..

كل الود والتقدير ..

بصراحة مداخلاتك له وقع خاص لأنها تنم عن إحساس عميق بالهم الإجتماعي لذلك أكون سعيدة أكثر من ما ينبغي

بقراءتها والتمعن في مفرداتها ..

ايضا سعدت باستشهادك ببعض الأغاني وقد تذكرت في الوقت نفسه كلمات أغنية قديمة جدا ولكن لا زالت تجد

طريقها إلا الآذان ..

أبويا يايابا ما تقول ليه لا ..

عليك الله يابا ما تقول ليه لا ..

هي وافق عليه وأنا راضية بيه..

عموما لك مني ألف شكر ..

عبووووووووووووودي !!!

والله مشتاقين ..

غايتو موتني من الضحك في أغنية أنا ببكي واترمد دي لا حول لله لي حكاية مية سنة كدة ما سمعت بترمد

والله الرماد كال حما ذاتو ..غايتو لو الترمد بحل مشكلة كلنا بنبكي ونترمد ..

أيه رايك في دي ..

رسل لي رسايل ..

قال أنا في الجزائر ..

في أول يناير

يجينا حمادة زاير ..

المهم في ذلك كله

سجل لي عرباتك

سجل لي شركاتك ..

ما إنت العسل ذاتك (وش ضاحك )

العزيزة عواطف

سلام

كثير من أغاني البنات يتضمن صدقية وواقعية للأسماء التي تورد فيها..
وبعضها يحرف قليلا لضرورة القافية اللحنية.. فإسم حمادة مثلا.. هو من
تدليع اسم محمد ومتلازماته من أحمد, محمود, حماد, حامد...
المدهش في المجلس العسكري الإنتقالي كان هنالك اسم حماد عبدالعزيز حمادة,
لأننا لم نسمع سوداني بهذه التسمية ناهيك أن يكون عسكريا.. والمدهش أن جده
ايضا حمادة الشئ الذي جعلني لا أصدق هذا الإسم لليوم..
بعد فوز الصادق بالوزارة سمعت حنان بلو بلو تتغنى: يا الصادق أب عمة.. يا قائد الأمة..
طبعا لو قالت الصادق المهدي لإنفلت اللحن والإيقاع..
السيسبانة.. خضراء ورويانة...
كنت أتخيلها تلك شجرة السيسبانة الطويلة التي أمام منزلكم عندما يتغنن بنات الحي بها..

تحياتي

عبدالعزيز

سؤال يطرح نفسو..

هل ل بلٌة ود عشة...السايق الركشة..
علاقة او قرابة مع..
بلٌة ود سعاد....السايق الأمجاد...؟؟؟!!!

ها..ها .. ها.. ها

ممكونة !!

الله يجازي محنك ..

يمكن يكون ياهو زاتو والعافية بقت درجات وبقت عنده أمجاد ..


أما سعاد وعشة يمكن يكونوا إسمين لشخصية واحدة ..

شكرا ست الحبايب ..

عزو ..

سلامات ..

مداخلة برائحة البنفسج ..

أما حماد عبدالعزيز حمادة فحكاية تانية خالص ..

وما رأيك في من تقول ..

سجل لي الريدة ووب أنا سجل ..

سجل لي بيت أمك ..

سجل لي دهب أمك ..

إلخ ..

شكرا عزو على السيسبانة ..

يا توفي
انتي بتعرفي عمك حسبو
يعاين لي شتت قصبوا!!
طبعاً الغنية دي عندي معاها قصة لذيذة
أيام ما كانت طالعة موضة
كنت معاي صحبتي طالعين مشوار بي عربيتها
ومشغلين المسجل بأعلي صوت
طبعاً شباب وكدة
لسة ما جلسنا
أها وقفنا في شارع كدة داخل حارة
عشان نكب موية للعربية من سبيل في الشارع دة
والغنية أشتغلت رش
أها فجأة يقوم علينا راجل بي عصاية
أمشوا يا أولادالحرام
يا قليلين الأدب
ويا الفعلتوا و يا التركتوا
طبعاً انا أنخلعت
والبت كضمت
المهم ربنا فكفكنا منو بالجلالة
انتي عارفة الراجل دة طلع في النهاية أسموا حسبو
ومن ديك وعيك
الغنية دي قاعدة تبوظ أعصابي

عمك حسبو يعاين لي شتت قصبوا يعاين لي
اررررررررررررررررررح

تحياتى استاذة عواطف

بلة ده شكلو مجموعه بتاعة بلات

على حسب السرد فى الاغنية


بله يابلة دق الرقم جلى
بله ود عشة السايق الركشة دق الرقم طشه
بله ود عايد دق الرقم زايد
بله الجموعي بكاني بي دموعي
بل ده الهندي دقه الرقم عندي
بله ده الحنان الساكن أمدرمان
بلة ودعشه دق الرقم خشه

وخفت بالجد يكون بلة هو نفس بلة بتاع المثل المعروف (يحلنا الحل بلة)

لانو وحسب اعتقادى صاحب مشاكل وان كان مكسر الجكس ....


وهنالك نزار...نزار بوبار بريدو السايق الدفار بريدو
نزار انا ماسألتو براهو وقف عجلتو بي نظرة واحدة بهدلتو
نزار جاب لي دبلة والدبلة ماقدري صنقر قعد جمبي ده الكسر سلوك قلبي.....

وهنالك حسن حسون....حسن حسون الريده ماجبرية احيَّ سبب لي ازى سبب لي ازيه انا حبك ده
الركبوا العربية الولد ده جا ماري بالعصرية الولد ده لو ماكلام شعبية مقتنعة بالشخصية
اللبسوه البوقي الولد ده والركبوه سزوكي قالي كمان بلسانه الولد ده بجي وبشاور ابوكي
ولائحة الشباب المكسرين البنات كتيره .......كدى يا استاذة شوفى لينا اغنية
تتماشى مع اسمى ده وليد خلينا ندخل مع الجماعه ديل فى تنافس.........

وليد 500 سابقا

ولو ؟؟؟

سلامات ..

بالله إنت وليد 500 سابقا ؟؟

وين راحت ال 500 ؟ ياربي الأزمة المالية كان ليها دور ؟؟

لكن أمانة ياول ما ضحكتني .. ما شاء الله عندك حصيلة من الأغاني اللي هي !! عشان كدة بهديك الأغنية دي..

أحي أنا الجنيت

وقفلت باب الريد ..

زولي البريدو شديد..

بوردابي إسمه وليد !!!

أها بتقدر تنافس ولا لا ؟؟

ودي ..

حبيب نورة !!

سلامات يا سيد الكل ..

ياخي ورينا إسمك الحقيقي عشان نقدر ندلعك ..

غايتو أنا حسدتكم إنت وصاحبتك على اللفة بالعربية .. وكمان بتسمعوا إنية حسبو والله حسدتكم أكتر ..

عربيتها إن شاء الله تكون أوبيل بتغير وضع الليل ..

بعدين الراجل السكاكم بالعصاية دة غيران ساكت منكم لا أكثر ..

شكرا عزيزي أبق معنا ..

هيييييييع طوفي السمحة جات تتقدل الليلة وصلت المكتب جابوا ليها القهوة وشربت - فتحت الجهاز ومشت توووووووش سودانيز عدلت توبها سمّح ورمت الجير وراحت مدورة فينا توزيعات لصكوك المحنة والريدة لكل حسب مقدار مداخلتو .


لقيتيني كيف؟

Quote: وما رأيك في من تقول .. سجل لي الريدة ووب أنا سجل .. سجل لي بيت أمك .. سجل لي دهب أمك .. إلخ ..

عواطف

هممممممم

الا دي..

دي خطوط حمراء..
أسجل ليها 3 طلقات بائنات..


تحياتي

ها..ها..ها


عزو !!!

سلام ..

والله إنت كارثة عديل كدة (وش ضاحك )

شيييييييييقا !!

سلام ..

كالعادة مدخلات لطيفة وظريفة ..

عشان كدة حنسجل ليك الريدة ببلاش بدون ما تسجل لينا شركات ولا عرباتك لقيتني كيف ؟؟

غايتو أنا لقيتك ختتتتتتتتتتتتتتتتير شديد ..

علي ود سكينة المات أسف

رائعة الدوش " سعاد"

عواطف، غنا البنات ، مفروض حسب إعتقادي ما يطبقوا عليه قوالب الفن الضيقة دي
ويخلوه كدة يولع ويطفي ، ويحل بدل الجديد حسب الماكن والزمان والإنسان

وبصراحة غنا لذبذ وليه حوجته

دمت بألف خير

العزيزة عطوفة

طبعا غناء البنات اظنو من قديم الزمان في الحروب والسلم وكل حاجة

لكن غنانا ليهو طعم خاص وادخال اسم بلة او اي واحد اخر انا بعتبرو للقافية كما ذكر المتداخلون

وماعندو علاقة بي شخص معين زي ماقالت جارتنا الفاتها القطر قالت يا اخوي يامحجوب بسكن معاك مرزوق

ومرزوق هذي كانت منطقة غير مخططة ولا توجد بها خدمات حكومية بالثورة فادخلت بت جيرانا اسم محجوب لتوافقه مع المنطقة وطموحاتها في آن واحد

انا طبعا المكسرات فيني كتار وطبعا خايفين يذكرو اسمي قاموا اتفقوا على اغنية

زرعوك وين وشتلوك وين يا العنب في توتي شتلوك ابدا لا وطبعا لا

حلفاية الملوك ابدا لا وطبعا لا

اها انتي بدك تاكلي عنب ولا تكتلي الناطور المثل ده ممكن تساعدك فيهو صاحبتك الشامية لووول

تحياتي

زاتوووو

زااااااااااااااااتو ؟؟

مش معقول ...

كلامك منطقي ومعقول أما العايزة تسكن مرزوق سابقا عشان خاطر حبيبها والله دي أكبر فدائية ..

ولا شنو رأي العنب ؟؟ أنا غايتو شخصيا لأني عارفة المثل دة كويس فأخير لي أقتل الناطور ولا مو هيك ..

شكرا على طلتك البهية ..

أبق معنا عشان نتكسر زينا وزي غيرنا (وش ضاحك ) وشوش بكري ما بعرف مالها ما بتشتغل يمكن مدة صلاحيتها

إنتهت ...

أبو السيوف ..

كل الود ..

في الحقيقة نحنا ماعندنا قوالب ذاتو عشان نطبقها يا ريت تدونا شوية قوالب من عندكم وعينك ما تشوف

إلا النور ..

المهم يا بعد عمري قصدنا كان خلق جو من الفرح من هذا الغنا اللذيذ ليس إلا ..

شكرا على الطلة الحلوة ..

Quote: عشان كدة حنسجل ليك الريدة ببلاش بدون ما تسجل لينا شركات ولا عرباتك لقيتني كيف ؟؟

بدوني العين كدا . ما عرفت كان ترميها لي بالمسنغر طوفي اختي

البريدو عسل.. ليه ما اتصل: فوضى وقلة أدب، فناني النهيــق


عادل سيدأحمد ...



نتشرت الأغاني المنحطة.. حتى في أروقة المثقفين.. وقد رماني حظي الأغبر - قبل أيام - في حفلتي تخريج، لأخواتي بجامعة الخرطوم.
«المتفننان» - ولا أقول الفنانان.. ويا لخيبتي، في هاتين الليلتين البائستين.. فقد تفننا، في عذاب وتعذيب الحاضرين..!.
وكادا أنْ يقتلا داخلنا، فرح نجاح وفلاح بناتنا..!.
&#1645;&#1645;&#1645;
صعد إلى المسرح.. أحدهم.. وردد:
قنبلة..
سماحة الزول في الطول والعُلا..!.
قنبلة.. قالوا احتمال تنفجر..!.
قنبلة.. بقيف.. واللّهِ، ما بجر..
العيون كلاشنكوف..
والقوام يشهي الشوف..!.
&#1645;&#1645;&#1645;
أما الكارثة الثانية.. فقد ابتلاني الله بحضور حفلة تخريج أُخرى..
وقد شوَّه الفرحة، ببغاء آخر.. «طمم» بطونا، بأنكر الأصوات.. وأردأ الألحان.. وأفظع الكلمات:
البريدو عسل
ليه ما اتصل..
لاقاني هناك.. تحت الشجر داك
حكيت ليه الحصل..
ما إنت السبب..
ورا.. ورا.. ورا..
ده زولي الوحيد.. بريدو شديد..
يوم أشوفك يبقى العيد..
أنا.. أنا.. أنا..
ورا.. ورا.. ورا..!.
&#1645;&#1645;&#1645;
والذي هوَّن علينا بلاوي هذا الهبوط الشديد.. ما حدث في حفل آخر..مع الذي كان ينبغي أنْ يحيي الحفلة.. وقد قتلها:
- الطلاب والطالبات، بدأوا مراسم التخريج..
- مقدم البرنامج كان يعلن عن حفل ساهر، يحييه «واحد كدا»..!.
- الواحد دا.. جاء الساعة 01 ونص، ليلاً..!.
والحفلة بتنتهي11..!.
- رفض يطلع المسرح، بحجة «الحر والزحمة»..!.
- الطلبة قالوا له: نحن دافعين ليك 3 ملايين جنيه..!.
- غنى، بالقوة.. وتحت تهديد الضرب والعلقة الخفيفة..!.
- بعد أنْ غنى أغنية، في غاية التفاهة والإسفاف..
توقف.. بحجة أن الساعة 11، جات..!.
علماً بأن الساعة كانت 11 إلا ربع..!.
&#1645;&#1645;&#1645;
الطلبة، قرروا يعملوا «الفرق».. فقد شفوا صدور قوم مؤمنين:
- جلدوا المُتفنِّن، جلدة محترمة..!.
- وجلدوا الأوركسترا «أربعة أشخاص»..!.
- وحتى بتاع «الساوند»، نال نصيبه..!.
&#1645;&#1645;&#1645;
لقد لعبت، بنجاح باهر، دور «المديدة حرقتني»... فحرضت «الطالبات» والطلبة:
- دقوه... بس، ما تأذوه..!.
- ولو عندكم عشرة عنقالة... أَبطحوه.. وأدوني فُرصة، أكون أنا الجلاد..!.
&#1645;&#1645;&#1645;
نعم.. لقد سيَّروه، حتى عربته..!.
وقد ضرب «الثكلي»..!.
ولدهشتي، فإنَّ صوته في «الكواريك».. أجمل من صوته في الغناء..!.
&#1645;&#1645;&#1645;
رغم أن السلوك الطلابي، كان مخالفاً للقانون.. إلاَّ أنني أحسست براحة عجيبة.. فاعتبرت هذا السلوك، هو دفاع عن كرامة الفن السوداني..!.
&#1645;&#1645;&#1645;
إنَّ بغاث الطير، قد انتشر..!.
وفنانو الهبوط والنهيق، أزعجوا الكاشف وكرومة وإبراهيم عوض.. في قبورهم..!.
&#1645;&#1645;&#1645;
لعنة الله تغشاكم..!.
لعنة الله تغشاكم..!. وتغشاكم وتغشاكم وتغشاكم


ديل اتخرجو من وين البجيبو زى دا لى حفلة تخريج والله الجامعات مستواها منحط اكتر من الفنانين

ورا ورا ورا

لاتحت

وصلت إلى بريدي هذه الرسالة فأحببت أن أعرضها عليكم ....

مع كل التقدير لكاتب المقال ..

شيقا ..

سلام ..

شكرا على المرور ..

بنتنا عواطف أزيك

إسم بلة هو نفسه أبر ، والبدري

وبلة وبلال والبلال والبلولة هي من أسامي البادية

ويسمى بها من يؤمل فيه أن يجلب الخير ويبكر به...

حيث أن أهل البادية في صباحتها الحارة يعتقدون في أهمية فك الريق ..

وذلك المقصود من البلة.. وهو من ينجد أهله بفكة الريق وتوفير الترياق
فهو بله لأنه يبكر لهم ببلة الريق.. فهو أبكر .. يبكر بصلة أهله وإطعامهم .. وهو البدري

وإن كان " راكب التاتي وجالب العنافي أب سيفاً بقسم الزول محل ما يوافي"

فهو البلال..

والبلال عند كبار النساء في البادية هو برش مضفور من السعف يحفظ فيه السعف الذي يراد ضفره بعد ترطيبه بالماء ( الترطيب للبرش وليس السعف) فهو يحتفظ بالسعف في رطوبة لا تتلفه.. ويدعى الشخص بالبلال لحفظه لأهله في رطوبة لا تتلفهم .. ولكثرة دفق الماء حول بيته من كثرة الإطعام والضيوف.. فهو بلال
والبلولة

ياطوفة

والله ضحكتيني انتي اخوانك ديل اتخرجو من سلاح الذخيرة ولا شنو الغناء قنابل وكلاشنكوف

لكن يعني ح يغنو شنو ماياهو الحاجه الشايفنها قدامهم يعني اسع واحد من الجيل الجديد بيعرف زهرة السوسن شكلها كيف ما الغناء مابنفصل من الواقع رقشات وماشابه ذلك يعني مازمان الناس غنت من الاسكلا وحلا قام من البلد ولاء ودمعي للوساد بله اها الباخرة اسع مافي موجودة الرقشات نعمل شنو ناكل ممانزرع .

بعدين قصة المتفنن بتاعك الجاء الساعة واحده ذكرني قبل يومين كنت بقرا في كتاب وفيهو صفات بعض الحيوانات اها زولك ده ذكرني بالبومة وكنيتها ام الخراب يهابها الطير وتدخل اوكار كل الطيور واكل فراخها ولا تخرج بالنهار خوفا من العين لحسنها طبعا هي مفتكرة نفسها جميلة لووول يكه

بعدين بتنوم عين مفتحه وعين مغمضة واذا اخذ الانسان احدي العينين ووضعت تحت فص خاتم لا ينام ذلك الانسان اذا وضع العين المفتحه واذا وضعت العين المغمضة ينام ذلك الانسان ولمعرفة العين المغمضة من المفتحه توضع في ماء فان طفت فانها العين المفتحه وانا غطست فانها العين او العكس صحيح

اسع ماعارف الخلاني اربط فنانكم ده بالبومة دي شنو

تحياتي

زاتوووو

تحدثنا عن بلة وقلنا هو نفس أسم أبكر وأسم البدري
وأنه مأخوذ من بلة الريق والتبكير بتوفير ما يقوم أود أهله وحفظهم من التلف
وأن البلال عند نساء البادية هو حافظ وقريب ورفيق وأنيس ...
والبلة في بعض المناطق هي الإدام الذي يغمس فيه الخبز الجاف والزيت الذي يصنع منه الطعام..
وجمع في البلال من فعال والبليلة طعام مكتمل تقوم به الحياة
والبلال .. الليان واللين.
وتغنت به النساء حنية وعاطفة وحنان

البلال بلالي أناالليلة يابلالي

والكنينة بت بلة ..

والبلال تزورني مرة

المسافر ..

أيه رايك بالله في الكنينة بت بلة

البريدك أدي الشعر تلة

نحنا ابتلينا ..

الكنينة الكنينة بت مالك

الكنينة .. الكنينة يا بت مالك

البريدك والدنيا دايمالك ..

الله لييييييييييينا...

تشكر على الطلة الأنيقة ..

بلاش تسافر خليك هنا !!

زاتو ..

سلامات ياخي ..

ليك وحشة ..

إنت الضحكتني بصراحة يعني اكتشفنا إنك زول دمك خفيف جدا ..

أها أيه رايك في دي ..

اتلمن الخالات الوالدة والعمات ..

يكبكن دمعات و أنا زولي ما بنفات ..

Quote: وليست قبل خمسين سنة كما تقول

هووووووي يا عواطف سيييبي الختا واللخبتة ..:)
انا قلت طفشطاشر سنة ما خمسين سنة ..
وطفشطاشر سنة يعني حقبة من الزمن من قبل كممم سنة ..
شخصيا سمعت الاغنية قبل سنتين ونيف..

ولدنا المسافر ..

حمد لله على السلامة ..

لو تسافر دون رضانا

بنشقى نحنا الدهر كله

وما بنضوق للدنيا متعة..

شكرا على هذه المعلومات القيمة جدا

بصراحة كنت مستغربة جدا من أين جاءت كلمة بلة وبلال ..

شكرا إبق معنا ..

اجمل ما في البوست هو عودة عواطف ادريس دون الحوجة لتدليع كبار السن من شاكلة فرفوري وبشبوشي وتمبوشي ..
احلم بمداخلات عن غنا البنات غير مكررة ..
اتمنى انو اقرا لي موضوع عن غنا البنات دون ان يتم ذكر عبارة واغاني البنات تمر بمراحل وزمان كانوا بيغنو للمدرس ولازم يكون لبيس من هيئة التدريس ثم المغترب ثم ثم ..
ابحث عن الادهاش في الكتابة عن غنا البنات غير الكلام الاتكتب هنا في المنبر اككككتر من جغلومية مرة نفس الموضوع نفس المداخلات نفففففس الاغاني..
بالمناسبة اكتر حاجة استغربت ليها إنو اغنية بلة دي ليها زي طفشطاشر سنة بتتغنى وانا متاكد إنو عواطف سمعتا من زمااان لكن بيجيني احساس انو عواطف قدرت وفكرت ثم قدرت وفكرت ثم نظرت ثم نجرت ثم قالت بسسسسسس ارجع للناس ديل بي بلة ود عشة وبعد داك اشوف الحاصل..
بوست غير موفق :)

تخريمة :
غنا البنات ده اسمعو نضميهو من سلمى الشيخ سلامة

الفاروق ..

سلام .. وشكرا على كل ما ورد في مداخلتك الطيبة ..

أحترم رأيك مهما كان ولكن أؤكد لك أني لم أسمع هذه الأغنية سوى هذه الأيام وما يؤكد أنها جديدة وليست

قبل خمسين سنة كما تقول ( دق الرقم جلى ) أو (دق الرقم زايد) هل هناك موبايلات قبل خمسين سنة أو أكثر؟

ثالثا تدليع الكبار كما تقول من باب المحبة لجميع الإخوة والأخوات ليس إلا وليس ذنبي إن لم يكن هذا النوع

من التعبير بعيد كل البعد عن الثقافة السودانية الممهورة بالجفاف والتصحر .. أفهمونا مرة ..

مؤونة خمسين سنة من الود ..

عواطف

إزيك

بالله لو سمحتى الواحد لما يكتب بوست باسمنا يشاورنا..

يعنى الواحد ذنبو يكون قيافة وعصير جوافة?

بلة القيافة ..

عصير الجوافة ..

سيد الذوق واللطافة ..

السكن الصحافة ..

سامحنا ياخي غلطة الشاطر بألف والحقوق محفوظة ...

Quote: ها..ها..ها عزو !!! سلام .. والله إنت كارثة عديل كدة (وش ضاحك )

أستاذة عواطف

حلوة...
دي كف ومعاها تشيو..

أجمل شئ للجيل الجديد(يعني النصف الذكوري) أن الرجل صار عملة صعبة..

تحياتي
عبدالعزيز

أجمل شئ للجيل الجديد(يعني النصف الذكوري) أن الرجل صار عملة صعبة..


ها...ها..ها

حلوة منك ...