Post: #1
Title: يا ديامة موش لقيت سلمون نوبة
Author: د.نجاة محمود
Date: 05-06-2009, 05:00 PM
Parent: #0
قبل ايام اورق صندوق بريدي واينع
رسالة من سلمون نوبة
اخي وصديقي العزيز
الشاب اللطيف الذي زينت ايام الطلب بمعرفته هو ورهطه العجيب
حيث تم اعطائي جوازا دياميا 100% اباهي به عماد عبدالله
لقضاء جل زمن الطلب في الديم..
ماشين جاين طول الوقت..
يا عهد الصبا الجميل...
اين هؤلاء الان
بربر وزهير المرضي و عزيز وفتحي
عوض نوبة,, وسينما النيلين
ودبلومات المعهد واسبوع السديم وحفلات الوداع
والاستقبال والندوات الشعرية والادبية والسياسية واسابيع الاتحاد
... في معهد الموسيقى
في عهده الذهبي..
ايام العمارات
والله يا سلمون مشتاقين كتير..
ياريت بكري يديه باسورد فهو دائما على صمته لديه ما يقوله,,
يلا
يا عماد عبدالله...ثني ان يدخل سلمون..
باقي بكري دا نهائي ما بشتغل بي..
|
Post: #2
Title: Re: يا ديامة موش لقيت سلمون نوبة
Author: ابراهيم عدلان
Date: 05-06-2009, 06:10 PM
Parent: #1
Quote: بربر وزهير المرضي و عزيز وفتحي
عوض نوبة,, |
د. نجاة لقيتك خطيييرة و ديامية بالميلاد و ليس التجنس
ياخ الناس دي الفوق ديل ما يعرف قدرهم الا الراسخون
ادعم ترشيح نوبة اخوان و عبدالرحمن بربر وزهير و عزيز و مجدي فليتة و الرهيفة التنقد
|
Post: #5
Title: Re: يا ديامة موش لقيت سلمون نوبة
Author: د.نجاة محمود
Date: 05-07-2009, 06:50 AM
Parent: #2
Quote: د. نجاة لقيتك خطيييرة و ديامية بالميلاد و ليس التجنس
ياخ الناس دي الفوق ديل ما يعرف قدرهم الا الراسخون
ادعم ترشيح نوبة اخوان و عبدالرحمن بربر وزهير و عزيز و مجدي فليتة و الرهيفة التنقد |
يا سلام عليهم
الزول ما اكتشف ان هناك اشياء اجمل من القراءة الا لما عرفهم
فكانوا خير الاخوان والاصدقاء..
يا حليلهم كثير كثير... لما اذكرهم بحس بانحسار الفرح
بالجد ناس ما ساهلين..
ومعك ندعم دخول نوبة اخوان
|
Post: #3
Title: Re: يا ديامة موش لقيت سلمون نوبة
Author: ASHRAF TAHA
Date: 05-06-2009, 06:17 PM
Parent: #1
اثني
وفوق كمان
|
Post: #4
Title: Re: يا ديامة موش لقيت سلمون نوبة
Author: Salah Abdulla
Date: 05-06-2009, 07:31 PM
Parent: #3
يا دكتورة ، لو بتعرفي الناس ديل
فتستاهلي جواز ديامي ( دبلوماسي )
أثني وأثلث وأربع ..
بربر في العين وزهير في السودان
عوض وين ؟؟ لسه في المغرب ؟؟
|
Post: #11
Title: Re: يا ديامة موش لقيت سلمون نوبة
Author: د.نجاة محمود
Date: 05-07-2009, 02:43 PM
Parent: #4
| Quote: فتستاهلي جواز ديامي ( دبلوماسي ) |
موش بالله؟
اتخيل زول من عطبرة والديم
في عز اكتر من كدا
ياهم ديل الناس ابغني ليهم المغني
ما بين زمن بتمناه وزمن اداني اسية..
بالله اي زول بعرف طريقهم يدلنا..بربر لو عندك تلفون
ولا ايميل لزو لينا..
عوض بالله مشى المغرب الغريبة كنت مفتكراه في دولة اوربية..
كدي لمان سليمان يرد ...
يدينا اخبارهم..
شكرا للطلة
|
Post: #10
Title: Re: يا ديامة موش لقيت سلمون نوبة
Author: د.نجاة محمود
Date: 05-07-2009, 02:39 PM
Parent: #3
يديك العافية يا اشرف شكرا على التثنية
|
Post: #6
Title: Re: يا ديامة موش لقيت سلمون نوبة
Author: معتصم مكاوي
Date: 05-07-2009, 06:53 AM
Parent: #1
دحين ده
ماهو أخو
عوض نوبه ؟؟
ولا تشابه أسماء ساكت ساكت ؟؟
ساكت التانية موسيقى السؤال
|
Post: #7
Title: Re: يا ديامة موش لقيت سلمون نوبة
Author: مدثر محمد ادم
Date: 05-07-2009, 07:57 AM
Parent: #6
الرائعة نجاة ياعجيبة
شكلك ادردحتي في الديم شديد
مع الديامة الراوئع
والف مرحب بسلمون يابكرى
وشكرا جميلا نجاة
تيف تيف
|
Post: #8
Title: Re: يا ديامة موش لقيت سلمون نوبة
Author: ASHRAF TAHA
Date: 05-07-2009, 11:49 AM
Parent: #7
up
|
Post: #9
Title: Re: يا ديامة موش لقيت سلمون نوبة
Author: Salah Abdulla
Date: 05-07-2009, 12:07 PM
Parent: #8
يا معتصم ياخ ليه ما كلمتني وقلت لي إنك بتعرف عوض نوبة ؟؟؟؟
كان كده أخير اتخارج بالراحة..
|
Post: #13
Title: Re: يا ديامة موش لقيت سلمون نوبة
Author: د.نجاة محمود
Date: 05-07-2009, 02:55 PM
Parent: #7
يا سلام يا مدثر
بدات معرفتي بهم
بصداقة اختي سعاد بسمية نوبة
ثم تطورت
بمشروع بحث عن المشاهدة السينمائية في مدينة الخرطوم
واستمرت علاقة ممتازة جدا بهؤلاء الشباب
تعلمت منهم الكثير والله..
شباب انتفاضة الديم ديل ما هينين الزوبعة الكانت في الديم في الانتفاضة ديك كولها
سببها الشباب ديل..الله يديهم العافية..
|
Post: #12
Title: Re: يا ديامة موش لقيت سلمون نوبة
Author: د.نجاة محمود
Date: 05-07-2009, 02:48 PM
Parent: #6
ايوا اخو عوض الصغير
حيث لا يوجد الا نوبة واحد هو عوض..
والاسم جرا لما وصل عمي علي
مرة ربيع ولا سيف ما عارفة رسل واحد من لبيا للبيت
يلا الزول جا لقى عمك علي قاعد جنب الباب
قاليه ازيك يا عمي نوبة
عمك على انتفض انتفاضة كبيرة على سماحته
من اسمو الضاع اونطة بسبب عوض..
والله الزول بالجد مشتاق ليهم جميعا..
|
Post: #14
Title: Re: يا ديامة موش لقيت سلمون نوبة
Author: د.نجاة محمود
Date: 05-10-2009, 03:33 PM
Parent: #12
خبر محزن شديد فطر قلبي
وهو وفاة الوالدة العزيزة ربنا يرحمها ويغفر لها
امرأة طيبة من بلادي حنينة وقلبها كبير
ربنا يتقبلها قبولا حسنة...
يلزمكم الصبر يا اخواني واخواتي الاعزاء
فقد عظيم..يا ام سيف وعوض وربيع وسليمان والصادق وسمية وصديقة..
الى جنات الخلد يا عظيمة يا مليانة حنية..
يا امنا...
|
Post: #15
Title: Re: يا ديامة موش لقيت سلمون نوبة
Author: Emad Abdulla
Date: 05-10-2009, 08:41 PM
Parent: #14
بالله يا نجاة الكلام ده كان مندسي وين ؟
الغريبة الأسبوع الفات جاني إيميل من سليمان .. أوا إيميل من سليمان الماقابلتو سنين طويلة ..
ياخي فرحت فرح .
بعدها بربر اتصل بي و عرفت إنه أدى سليمان إيميلي . في الصيف الفات إتلمينا : بربر و عبدالعزيز الروسي و عمر جولط و مصطفى بحيري و أسامة أبشنب و زهير المرضي و حسين مرسيدس و مبارك طاشين . تقريبا كل يوم كنا بنتلم قدام بيت ناس بربر و نتعشى ..
و تعود النقة الجميلة و الإلفة و الذكريات و الهموم الكبيرة .
عوض نوبة أوسم شباب الديم و أعلاهم حنك سنين .. هو و عدد من شلتهم : المرحوم حسن عثمان " عجيب " على رأسهم , و المرحوم يحي شمت .
ربيع و سليمان و يحى نوبة ما كانوا بيختلفوا عن عوض , و يمكن علاقاتهم بالناس و بالديم و بالهموم الكبيرة كانت أوسع و أكتر التصاق .
شباب من أجمل خلق الله و اكثرهم عشق للحياة و الناس و السودان .
و كلامك صاح . تعرفي يا نجاة .. في فترة ما كان التنوير الجد و التثقيف و الثورة و المفاهيم الجديدة بتطلع من الديم ده ..
و أشهد إنه معظم قراءاتي و معارفي كانت بفضل التحريض البيحصل لما الليل يفلل و تتلاقى مع الديامة الجميلين و تبدا النقق و تبادل المعارف و الكتب و المجلات و الإصدارات و التجارب و البلاوي .
الناس بتتلاقى بشكل منتظم و عفوي يا قدام بيت ناس بحيري ( مصطفى و محمد و ضياء ) أو في الميدان أو واحدة من بيوت الشباب ديل و تبدا مشاوير الأنس السمح و الصحبة الجميلة .
أنا شخصياً لا أزال بقول إنه أصدق أصدقائي طوال العمر ما بيطلعوا من دايرة الناس ديل : بربر و مرسيدس و طاش و زهير .
أولاد نوبة ديل كوم من الجمال و الإبداع و الحس العالي ..
فيا بكري أبوبكر يا سيد الحوش ..
نثني ؟ نثني دي يعني راي تاني مؤيد ؟
يا بكري أولاد نوبة كل واحد فيهم يستاهل باسورد براهو .
ياريتك تستجيب ..
و نحنا الكسبانين .
شكرا يا دكتورة ..
تحياتي لابراهيم و البطان طرفكم فردا فردا .
|
Post: #16
Title: Re: يا ديامة موش لقيت سلمون نوبة
Author: أبو ساندرا
Date: 05-10-2009, 09:04 PM
Parent: #15
| Quote: عوض وين ؟؟ لسه في المغرب ؟؟ |
عوض نوبة بعد غيبة طويلة ناهزت ال 20 سنة
عاد ليشارك في المؤتمر الخامس لحزبنا الشيوعي
يتأبط مغربية حسناء هي زوجته
سألتها : كيف اقنعتي هذا الرجل الفالت المدهش
قالت: هو الذي أقنعني
وجدتها معه في ردهات الخامس
ثم زيارة لبيتهم برفقة محجوب شريف
ثم يوم مؤتمر النسائي
|
Post: #17
Title: Re: يا ديامة موش لقيت سلمون نوبة
Author: د.نجاة محمود
Date: 05-11-2009, 02:07 AM
Parent: #16
يا سلام يا عماد
من عرف هؤلاء ملك الدنيا كلها وجل ما ملك..
حسين مارسيدس اسمه في قسيمة زواجي...فهو صديق الطفولة لزوجي
الديامي بالاصحاب..
بالله زهير وبربر و الروسي عاملين كيف؟
ىخر مرة لاقيتهم بعد الانتفاضة..
لكن سمعتا الروسي بقى محامي كبير والبلد ضيقة..وتذكرت موقف طريف جدا
مرة جا كدا سليمان سالو انت الليلة عملتا شنو لقيت ابوك يشتكي منك لسيد الدكان..
سيد الدكان لا يحضرني اسمه لكن كان حائط المبكي لاباء الديم
ويعرف كل صغيرة وكبيرة في الحلة يكرهه كل الاولاد..
والقصة دي كانت مدهشاني شديد في الديم سيد الدكان لاعب دور امام الجامع..
اتمنى السنة الجاية الزول يمشي الديم ليتلقى بالجميع ان شاء الله
سليمان قال حين عاد وجد كمية من الفواتح قرب يمشي الساحة الخضراء
ويعزي بمايكرفون..
والله يرحم كل الاموات من الاباء والامهات والاخوان والاخوات
احزنني جدا موت حسن عثمان..
|
Post: #18
Title: Re: يا ديامة موش لقيت سلمون نوبة
Author: طه القرشي
Date: 05-11-2009, 09:31 AM
Parent: #17
جميل جدا يانجاة أن تلقي سليمان...وتفكي خاتمه/كود..هكذا في الفضاء،
فنقيف طابور...والشعرقنبور.
تعلمين أن لسيرة الديم،وانسان الديم...فعل التلبِش(أكثر فظاعة من السحر)،
أن تكون صاحي(في امان الله تلملم في الرزق)،موضوعي جدا وواقعي، ثم تنزلق
في حلم مرئي ...من غير فجأة.
تغرق في بحور لا ساحل لها، من اللذة
الدهشة،
الذهل،
انسجام خارج الزمن والمكان وفيهما.
للبوست وعنوانه مسلكان للروح ومعارج إعجاب وتعجب.
يحي نوبة ابن اخت عوض ،صديق تقرع انامله الرقيقة طبل الذاكرة بحنية وشوق.
اولاد نوبة،اولاد السر، التيمان...اسماء لبيوت يخرج كل فرد فيها من باب أو بسمة
تمييزه عن البقية ولا تخرجه عن ملة التعايش السلمي معهم.
اذن يمتد سحر الديم عبر تخوم البورد فيفرخ صداقات نفخر بها،ونتمنى دوامها.
شكرا..نجاة، وليت بكري يستجيب.
|
Post: #19
Title: Re: يا ديامة موش لقيت سلمون نوبة
Author: أبو ساندرا
Date: 05-11-2009, 09:47 AM
Parent: #18
| Quote: سيد الدكان لا يحضرني اسمه |
الزهايمر
دكان ودالبحر
|
Post: #20
Title: Re: يا ديامة موش لقيت سلمون نوبة
Author: ALZOLZATOO
Date: 05-11-2009, 09:54 AM
Parent: #19
يادكتورة نجاة
بربر ده عندو اخوه عضو غير نشط بالبورد اسمو بوكو حاتم
اها بربر ده اخو صديقي اللذيذ حاتم وقابلتوا مرة واحده في بيتهم في العين في اخر زيارة
لو عايزة تلفونوا ممكن نساعدك
تحياتي
زاتوووو
|
Post: #21
Title: Re: يا ديامة موش لقيت سلمون نوبة
Author: أبو ساندرا
Date: 05-11-2009, 11:05 AM
Parent: #20
كتب عماد عبدالله
| Quote: أوا إيميل من سليمان الماقابلتو سنين طويلة .. |
لو جيت قاعة الصداقة يوم إفتتاح الخامس مساءآ
كنت قابلت سليمان علي إسحق
سليمان نوبة ضيع طوله الفارع بإمتلاء خفيف
اكتسبه في منفاه الباريسي
|
Post: #22
Title: Re: يا ديامة موش لقيت سلمون نوبة
Author: Egbal Elmardi
Date: 05-11-2009, 01:10 PM
Parent: #21
نجاه يختى جهجهتينى يا بت امى....
قربت أقول للجماعه دى ما كويسه رامينها ليه...
لما سعتك بتتكلمى عن الناس ديل بكل الحنين ده...
بهزر معاك ما تاخديها جد...هاهاها
________
تخريمه..
ح أجاوب ليك على سؤالك للمره الكم ياربى...
أنا أخت زهير
كل الود
إقبال
|
Post: #23
Title: Re: يا ديامة موش لقيت سلمون نوبة
Author: د.نجاة محمود
Date: 05-11-2009, 03:54 PM
Parent: #22
يااااااااه يا اقبال
اخت الغالي...
كم ركبنا الجيب حقكم داك وكم قدمنا زهير لخشم بيتكم من الكلاب
هاهاهههااهها بهظر معاك
عايزة بس احقق نكتة بنات الديم يقدمو اولاد الزهور والعمارات
انت بتصدقي كلام ناس النت ديل بقولو ليك ناس القبور وقفو طابور
ياني انا الكويسة صاحبة الشباب ديل
في زمن جميل جدا...
واقوليك كلام احمد اخوك كان استاذنا في معهد الموسيقى
شوفتي كيف؟
|
Post: #24
Title: Re: يا ديامة موش لقيت سلمون نوبة
Author: د.نجاة محمود
Date: 05-11-2009, 04:08 PM
Parent: #18
طه القرشي
سلام يا صاحب الاسم العجيب..مليان حنية والفة
ربنا ما يوديك المستشفى..
| Quote: يحي نوبة ابن اخت عوض |
يحي دا آخر مرة شوفتو كان ببقى ليهم ود خالتهم
يحي دا انا شخصيا قطعت معاه مسافات طويلة جدا
هي السبب الاساسي فيما اعانيه الان من الركب ووجع الكرعين..
اصلو ما بعرف يجكس في حلتهم ذي خلايق الله الديامة ( ما تخافو لا يوجد فت)
.. ودائما في حالة تنقل من الديم لصحافات.
والان مرقها في فرنسا الشقي..
وهم كما قلت النوباب لا يوجد لديهم مثيل في كل الارض..
ولك التحية وانت تحتفي معنا بهم...
وياريت سلمون يلقى ليه فرقة هنا
|
Post: #25
Title: Re: يا ديامة موش لقيت سلمون نوبة
Author: د.نجاة محمود
Date: 05-11-2009, 04:12 PM
Parent: #24
علييييييييييييك نور
يارب الان اين هو وهل يارب عزيز وبربر بمشو يشتكو
من اولادهم ليه,,
والله ود البحر دا زول عايز ليه بوست براهو..
|
Post: #26
Title: Re: يا ديامة موش لقيت سلمون نوبة
Author: د.نجاة محمود
Date: 05-16-2009, 04:39 PM
Parent: #25
فووووووووووووووووق من اجل سلمون
|
Post: #27
Title: Re: يا ديامة موش لقيت سلمون نوبة
Author: حسن الجزولي
Date: 05-16-2009, 06:40 PM
Parent: #26
| Quote: يحي دا آخر مرة شوفتو كان ببقى ليهم ود خالتهم |
غايتو يا نجاة عندك جنس محن! .. دي ضحكت فيها شديد
وأشد منها لمن مرة رديتي في مداخلة قلتي ( نهي نهي)!
بطريقة الأفلام الهندية .. تضحك لك الدنيا.
الناس اللي ذكرتيهم ديل معظمهم أصحاباً لينا..
والديم كنا نقضي فيها أجمل أوقاتنا وأماسينا
وهي الأقرب إلينا من معظم نواحي العاصمة ..
مرة قال أستاذنا الراحل علي المك لأبو ساندرا
في ندوة عن أغاني الحقيبة بنادي الديوم أن أولاد
أمدرمان يحسون بأن الديامة أقرب إليهم من أولاد (الخرطوم
بلد الترك)!.. وطبعاً الكلام دا مش صاح لأنو كل شباب العاصمة
بما فيهم أولاد أمدرمان متشابهين في كل حاجة ولا فرق بين أولاد وأولاد..
وأظن أن علي المك كان يمزح فقط!
رحم الله زكريا عبد الرحمن ويحيي شمت وحسن عثمان(زين شباب الخرطوم
عموم) .. صديقنا العزيز عوض نوبة عاد بالفعل من المغرب واستقر نهائياً
بالسودان مع زوجته المغربية, حدثني بذلك قريبة عبد السلام
|
Post: #28
Title: Re: يا ديامة موش لقيت سلمون نوبة
Author: د.نجاة محمود
Date: 05-18-2009, 12:15 PM
Parent: #27
سلامات اخي العزيز حسن
تعرف اولاد الديم ديل جنسهم كتر..قالب خلق خصيصا للديم..
تعرف الزمن القابلت فيه الديامة ديل كانت بداية العشرينات من عمري
وعرفتهم ولسان حالي يقول البخش الديم يا اما مفقود او مولود
طبعا هنا ما اتكلمنا عن جكسهم العجيب خشية ان نفتن الجماعة
لانهم بيكونو بقولو لامهات اولادهم والله انت اول حب واخر حب
قرقرقررقر
المهم اولاد الديم ديل لازم بالضرورة والا حيموت لو ما عنده جكس
مرة مشيت معاهم رحلة اي لفة فيها خالة او عمة او حبوبة
العربية دي شغالة زقزاق مقربة تلبس طاقية اختفي..
بعدين الجكس كان كلو من مدرسة دار النعيم..احم احم
Quote: رحم الله زكريا عبد الرحمن ويحيي شمت وحسن عثمان(زين شباب الخرطوم
عموم) .. صديقنا العزيز عوض نوبة عاد بالفعل من المغرب واستقر نهائياً
بالسودان مع زوجته المغربية, حدثني بذلك قريبة عبد السلام |
الله يرحمهم جميعا كل ما اذكر حسن احزن بشدة
كم كان يوما حزينا يوم حدث له ذلك الحادث المروع ثم سجن في كرسيه المتحرك ذلك
والله سعدت بعودة عوض ان شاء الله ساقوم بزيارتهم حين اعود الى الخرطوم
الولد طلع اممي جاب ليه مغربية..
والله سعدت يا حسن كون لدينا معارف مشتركين..لقد كنت اخي بالتواتر
والان صديق بالتواتر.
محبتي لاكيدة..
نتحدث عنهم حديث المحبة
|
Post: #29
Title: Re: يا ديامة موش لقيت سلمون نوبة
Author: احمد معتصم الطيب
Date: 05-19-2009, 00:13 AM
Parent: #28
د.نجاة محمود
تحية وأحترام
لقد أتيتي بخيرة شباب الديم
فمرحب بسليمان ( سلمون ) نوبة
الشاب البشوش الهادى المبتسم دايماً.
نبصم بكل أصابع الديم لسلمون نوبة
شكراً .
د.نجاة محمود
|
Post: #30
Title: Re: يا ديامة موش لقيت سلمون نوبة
Author: معتز جعفر الحسن
Date: 05-19-2009, 06:21 PM
Parent: #29
د.نجاة الله يديك العافية
تعرفى نحنا عشان الديم نجيب الغيم
اولاد نوبة ديل من اجمل الناس فى الديم
تعرفى الديم ما حدود جغرافية بقدر ما هو قيم جميلة يشترك فيها معظم السودانيين
لكى التحية يادكتورة
وفى انتظار كل الديامة الحلوين
واحد ديامى ساكن جنب الساحة الشعبية
|
Post: #31
Title: Re: يا ديامة موش لقيت سلمون نوبة
Author: د.نجاة محمود
Date: 05-20-2009, 03:08 AM
Parent: #30
واحد ديامى ساكن جنب الساحة الشعبية
يا سلام ياخي ديامي..جنب الساحة دي بيت ناس جد اولاد نوبة
لامه بيت مليان محبة وتقوى وصلاح.. كنت اذهب اليهم كثيرا
حيث من كل فرع يوجد حفيد يجلس مع الجدات
كنا يصمن 3 اشهر وقد بلغن من العمر عتيا
وهم انصار على السكين..وخالة فاطمة الله يرحمها ويحسن اليها
لقد كانت تعتني بي حين اصاب بالازمة
عناية شديدة وتمارس مهنة التمريض بمحبة
لزولة من مدينة تانية وغريبة.
كل من يمت لعيال نوبة ديل اكسبشنال
بعدين عندك ناس اهل صاحبتي اخلاص باقرين..
اسرة برضو مميزة..نعرف عدد كبير منهم
غالبيتهم جنهم كورة.. دكتور خلف الله باقرين كان لاعب كبير
قبل فترة في الدوحة تحدثنا عن الديم وكرة القدم
تعرف الديم والسجانة والمايقومة دي حتة فريدة
كنت بتجول فيها كثيرا . اتمنى يجي يوم كاتب
مجيد يكتب عن هذه المنطقة الغربية..
عن منطقة تجمع فيها كل السودان بمختلف اعراقه ودياناته
عاشوا معا في محبة ووئام,, كنت اذهب مع صديقتي ماجوري الى اقاربها هناك
ولدينا صديقة ارتربة لديها اهل هناك
وكذلك صديقات اخريات من مختلف مناطق السودان
تعايشوا في سلام ووئام والغربية ايضا مختلفين الاتجاهات الفكرية
لكن جمعهم الديم.فالديم حكومة مصغرة..
فلا غرو في ان يقدم الديم شهيد مثل دكتور على فضل
الذي كان يعالج الناس ويساعدهم..وقدم دمه لاجل هذا الشعب الابي
ليموت ذلك الموت الماساوي الفاجع. اتمنى يوم ان يجد العدل
الذي قدم دمه لاجله..وان يحاكم من قتله...
|
Post: #32
Title: Re: يا ديامة موش لقيت سلمون نوبة
Author: مبارك محمد عثمان
Date: 05-20-2009, 05:03 AM
يادكتوره .. صباح الخير
انا ما ديامى لكن كانت عندى كافتيريافى الديم
وانا طالب فى الجامعة ... اسمها بلقيس فى الشارع
الرئيسى ( شارع الصحافة زلط) وطيلة فترة الجامعة
يعنى لمدة 4 سنوات ...
عشت احلى 4 سنيين من عمرى فى الديم ... ممكن تقبلونى
كديامى ( وعاشت الاسامى)
|
|