Post: #1
Title: ناس الهلال والمريخ قديتونا وبتحلموا كمان بنهائي افريقيا بينهم ...دفقتوا مويتكم على الرهاب
Author: حمزه بابكر الكوبي
Date: 05-04-2009, 08:34 PM
هنالك بعض المتفائلين في هذا المنبر وبره المنبر من غير المتعصبين بحلموا ان تكون المباراه النهائيه
في العرضه شمال والعرضه جنوب ذهابا وايابا .....الاحلام جميله وكلنا بنتمناها ولكن بعد ثلاث مرات
تم تنظيم كاس سيكافا للانديه في السودان وشارك فيه الهلال والمريخ لم يصلا للنهائي والمعروف انه
سيكافا هي الاضعف ومنظمه في السودان فكيف يتثني لهم في بطوله قويه مثل بطولة الانديه الافريقيه
ان يصلا للنهائي !!!!!!!!!!!!!!!!!!!!!!!!!!!
|
Post: #2
Title: Re: ناس الهلال والمريخ قديتونا وبتحلموا كمان بنهائي افريقيا بينهم ...دفقتوا مويتكم على الرهاب
Author: waleed dawash
Date: 05-04-2009, 11:17 PM
Parent: #1
لكن يا صاحبي السنة دي لو ما لعبو النهائي ضد
بعض ... تاني يشموه قدحه.
|
Post: #3
Title: Re: ناس الهلال والمريخ قديتونا وبتحلموا كمان بنهائي افريقيا بينهم ...دفقتوا مويتكم على الرهاب
Author: حمزه بابكر الكوبي
Date: 05-05-2009, 04:20 PM
Parent: #2
Quote: لكن يا صاحبي السنة دي لو ما لعبو النهائي ضد
بعض ... تاني يشموه قدحه. |
ما اصله يشموه قدحه
تعرف يادواش اول مره اتنظم كاس سيكافا للانديه في السودان كان سنة 85 ولعب الهلال في مجموعة الخرطوم
والمريخ في مجموعة مدني والمريخ في الوقت داك كان احسن حالا من الهلال ولعيبته اغلبهم شباب (عيسي صباح الخير
وبدرالدين بخيت وابراهومه المسعوديه وباقي الجيل ) والهلال سجم ورماد واغلب لعيبته عجائز وفي اخر سنواتهم ( مصطفي
النقر ومصطفي سيماوي واحمد ادم وصديق الرميله ) واغلب الصحفيين والكتاب والمدربين رشحوا الهلال والمريخ للنهائي
ماعدى المنظراتي شداد رشح الهلال وفيلا اليوغندي للنهائي وحكمة الله الهلال وفيلا طاروا من الادوار الاوليه ولا
وصلوا دوري الاربعه ...... المريخ وصل دوري الاربعه واتهزم من فريق الفهود الكيني والمباراه النهائيه كانت بين فريق
قورماهيا الكيني والفهود الكيني وبدل ما النهائي يكون سوداني بقي كيني !!!!!!!!!!!
|
|