عاجل لوزيرة الصحة الاتحادية / الكدروك المتكاثر في محمية الدندر وغيرها من المحميات ، هو الخنزير

الاخ بكري ارجو رفع البوست لاهميته

تفاصيل اوفي ستردكم بعد قليل

محمية الدندر من أكبر محميات التنوع الاحيائي في أفريقيا شمال خط الاستواء والأقرب الى الخريطة العربية، وهي أهم مناطق الجذب السياحي بما تتمتع به من مقومات سياحية وطبيعية متمثلة في الحيوانات البرية والطيور والنباتات والغابات والمراعي والبيئة الطبيعية المتوازنة التي يتخللها نهرا الدندر والرهد الموسميان.
أقيمت محمية الدندر عام 1935 وتبعد حوالي 680 كلم من الخرطوم ومساحتها 10 آلاف كلم مربع ويعتبرها خبراء الحفاظ على البيئة إحدى أجمل محميات السودان البالغ عددها ثماني عشرة محمية وهي المناطق التي أنشئت من أجل حماية الحيوانات حماية كاملة ولا يسمح فيها بأي أنشطة إنسانية سوى للأغراض السياحية والترفيهية والتعليمية، ففي مساحة الدندر الكبيرة وموقعها الذي يصل حتى الهضبة الإثيوبية تتعدد البيئات مما أكسبها تنوعا بيولوجيا خصبا ويجري نهرا الرهد والدندر ـ الذي سميت به المحمية ـ وهما موسميان في الفترة من شهر يوليو (تموز) وحتى نوفمبر (تشرين الثاني) وخلال عبورهما للحظيرة يصبان في بعض البرك مما يشكل مشهدا رائعا.

ومع ذلك لم تستغل محمية الدندر طيلة فترات طويلة كوجهة سياحية مميزة أو كمصدر اقتصادي مهم إلا في السنوات الأخيرة حيث بدأت تنشأ نهضة سياحية كما تأسس عدد من الشركات السياحية الخاصة التي توفر السيارات للترحل والإقامة هناك مع توفير الأمن والسلام.

وتعتبر الفترة من يناير (كانون الثاني) حتى أبريل (نيسان) من أفضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال والبحيرات ويمكن للسائح الوصول اليها براً بالسيارات التي توفرها الشركة والتي تنطلق من الخرطوم وتستغرق الرحلة ثماني ساعات حتى محطة القويسي، ومن ثم مواصلة الرحلة للمحمية لفترة لا تزيد على الاربع ساعات.

أما الحيوانات التي تستطيع أن تشاهدها هناك فتحيا على طبيعتها دون أسوار حديدية «إلا ما يحيط بالسائح نفسه!» والذي بالطبع يكون على ظهر سيارات كبيرة Land Cruiser توفر له التجول بطول المحمية وعرضها. فمن الثدييات الكبيرة تجد الأسود والجاموس البري والضباع والذئاب والغزلان والزراف وغزال الآيل والغزال الملون ووحيد القرن والقرود الصغيرة «النسانيس» والقنافذ والخنازير البرية، كما بها أكثر من 90 نوعاً من الطيور التي تنتشر على تجمعات المياه وهي الحبار والبجبار والرهو وهي الأسماء المحلية لطيور تأتي في موسم الشتاء هاربة من صقيع السويد وأوروبا لتتدفأ بالشمس الأفريقية، كما هناك دجاج الوادي ـ بلونه الأسود المنقط بنقاط بيضاء، ونقار الخشب والبجع الابيض، وأبو سعن، والغرنوق والنعام وغيرها كما بالدندر يوجد 32 نوعا من الأسماك.

أما مكان الإقامة بالنسبة الى السيّاح أو ما يعرف بمعسكر الدندر فهو عبارة عن ثلاث وحدات مشيدة على الطريقة التقليدية في البناء بالمنطقة التي تعرف محليا بـالقطية، أو هو الكوخ، وهو بناء دائري من الطين والطوب وسقفه بشكل مخروطي يغطيه القش، وبكل وحدة عدد من الغرف ملحق بها حمام وتتسع الغرفة لعدد 3 أشخاص بالإضافة إلى صالة طعام كما يضم المعسكر مخيمات من خيام حديثة ومؤثثة بأثاث مريح وتتسع الخيمة لعدد 2 شخص. أما الخدمات التي تقدمها الشركة فتشمل خدمة فندقية متميزة وتقديم الوجبات الثلاث الرئيسية بجانب خدمات الترحل والجولات وتوفير الآلات المناسبة للرؤية كـ «المنظار» وغيره. وهناك متحف يضم مجسمات ومحنطات لكل الحيوانات الموجودة بالحظيرة لمن توجس من الاقتراب منها ومشاهدتها وهي تنبض بالحياة.

نواصل

الاستاذ شيقوق
متابعين

شكرا اخي النصري على هذه الصورة المعبرة ويا ريت تعلق لينا تحتها

في انتظار الاخ قلقو لمزيد من التوضيح حول تكاثر الكدروك في حظيرة الدندر

ود الجمام وينك ؟


الاخ الشفيع القاصع وكاسر قيدو

خليك معاى في هذا النداء لابادة الكدروك قبال يعدمنا ضافي النار

ود عمي لزم سلام
يازول لا تهبش لينا ناس الحيكومة يقوموا يغطسوا حجر الحلوف المسكين ده شفتو يوم أكل ليهو بلاد ولا جرف مزارع ما قاعد مقنطر وسط السروب والطلح وللعوت والكتر والسنط والسدر ... تعرف من فترة طويلة رحل عن دنيانا الحلوف وهرب الصعيد ... آمنة الله عند الرسول .. منو لله ابن آدم ابكرعين ده .. أبقوا عليهو خمستاشر ..
فتك بعافية وود وحب
الشفيع ابراهيم

يا عدو الكدارييك .. في الاول قطعت شجر الطلح كلو لحدما الكدارييك ما لقت ليها ضلا تنوم تحتو ودحين عايز منظمة الصحة العالمية تقطع الكدارييك ذاتا ....

_________

حتي الان القارة الوحيدة التي لم تسجل فيها حالة اصابة بانفلونزا الخنازيير هي افريقيا ولكن ربما يكون ذلك لبؤس الرعاية الصحية في قارتنا العظيمة وانشغال وزارات الصحة فيها بامور اخري غير الصحة ...

Quote: يا عدو الكدارييك .. في الاول قطعت شجر الطلح كلو لحدما الكدارييك ما لقت ليها ضلا تنوم تحتو ودحين عايز منظمة الصحة العالمية تقطع الكدارييك ذاتا ....

قطعوهو ناس الضهاري الغلابة (راجع بوست اشراقةمصطفى) عشان يتفكهوا بيهو ناس البندر يا مسنوح

الاخ الشفيع القاصع وكاسر قيدو

خليك معاى في هذا النداء لابادة الكدروك قبال يعدمنا ضافي النار

Quote: : عاجل لوزيرة الصحة الاتحادية / الكدروك المتكاثر في محمية الدندر وغيرها من المحميات ، هو الخنزير

معاً من أجل بيئة خالية من (نزلة الحلاليف)


شيقا خلاص قبلت عليهن ؟

فوق

Quote: قطعوهو ناس الضهاري الغلابة (راجع بوست اشراقةمصطفى) عشان يتفكهوا بيهو ناس البندر يا مسنوح

بطلو سلبطة ناس البندر دايرم يكسرو الرخام والبورسليين والسيراميك بشان حفرة الدخان وهم عندهم ساونا .. شوفو وين وديتو الطلح وشتتو الكدارييك كان ما اشتيكتم لل WWF

ود شيقوق ..

أول حاجة مشكور على المعلومات الجميلة عن حظيرة الدندر .

بس يا أخوي زي كدروكنا دا :



صدقني هو البيجي للانفلونزا . الأنفلونزا ما بتجيهو ...!!

دا (حليليف) مسيكين ليهو الله وعيشة المحمية !!

الحاجة التانية :

يا ريت لو ذكرت لينا أسامي المحميات الفي السودان غير حظيرة الدندر ..

لمجرد العلم وكدة ..


تسلم .

Quote: بطلو سلبطة ناس البندر دايرم يكسرو الرخام والبورسليين والسيراميك بشان حفرة الدخان وهم عندهم ساونا .. شوفو وين وديتو الطلح وشتتو الكدارييك كان ما اشتيكتم لل WWF

يا حليك انت الما عارف حاجة

دحين يا اللخو امشى مطارات الخليج شوف السودانيين لما يرجعوا من الاجازات وشاحنيين . ات قائل شاحنين طماطم؟

هيييييييييييييع

يا ود شيقوق ,,, مالك علي كدروكنا المسكين


ما غلط علي زول,,,, حايم في المحمية ياكل


من خشاش الارض,,, والله الانفلونزا كان شافته


تجري منه,, لكن طلحكم والله وصلنا

الاخ الاستاذ ناذر خليفة

شكرا على مرورك ودعم البوست بهذا الكدروك المدوعل

اما فيما يتعلق بالمحميات في السودان فتوجد بالسودان عدد من الحظائر القومية تصنف محمياتها ضمن المرتبة الثانية لتصنيف الاتحاد العالمي لصون الطبيعة ، ويقصد بها المناطق التي أنشئت من أجل حماية الحيوانات حماية كاملة ولا يسمح فيها بأي أنشطة إنسانية سوى للأغراض السياحية والترفيهية والتعليمية . وهي حظيرة الدندر القومية التي تعتبر من أهم مناطق الحياة البرية في شمال السودان والمنطقة العربية لأنها أقرب حظيرة عامة إفريقية لدول الشرق الأوسط وأوروبا وتحتوي على الحيوانات الممثلة للقارة الإفريقية ، وتقع الحظيرة في مساحة (10291) كيلومتراً مربعاً في جنوب شرق ولاية سنار ، وعلى حدود السودان مع إثيوبيا وتقع بعض أجزاء الحظيرة في ولايتي النيل الأزرق والقضارف إلا أن معظم أجزائها تقع في ولاية سنار . كما توجد حظيرة الردوم القومية وهي ضمن معازل المحيط الحيوي وتبلغ مساحتها 1.250.000 هكتار وتقع الحظيرة في جنوب ولاية جنوب دارفور ، كذلك نجد الحظيرة الوطنية الجنوبية التي تعتبر من أكبر المحميات مساحة في السودان إذ تبلغ مساحتها 2.300.000 ، وتضم في مساحتها أجزاء من ولايات بحر الغزال والبحيرات وبحر الجبل ، وذلك حسب معلومات توفرت في الثمانينيات إذ لم يتم إجراء دراسات جديدة حول المحميات الطبيعية بالجنوب نظراً للظروف الأمنية ، ويضم السودان كذلك حظيرة شامبي وتبلغ مساحتها 62.000 هكتار على الضفة الغربية للنيل الأبيض وعلى بعد 120 كم شرق مدينة رومبيك . إضافة لحظيرة بوما القومية ومساحتها 2.280.000 هكتار وتقع في ولاية شرق الاستوائية تحت هضبة بوما من الناحية الغربية في محاذاة الحدود الإثيوبية بين مستنقعات قيوم . ونجد حظيرة باندينقبلو ومساحتها 1650.000 هكتار وتقع مناصفة بين ولايتي بحر الجبل ومنطقة جونقلي بولاية البحيرات ، كما توجد حظيرة نمولي القومية وتبلغ مساحتها 410.000 هكتار على بعد 210 كم عن مدينة جوبا يحدها من الشمال نهر كابو من حدود يوغندا وحتى بحر الجبل ومن ناحية الشرق بحر الجبل ومن الجنوب والغرب حدود يوغندا من بحر الجبل وحتى نهر كابو . أما محمية وادي هور فتعتبر أول محمية ممثلة للبيئات الصحراوية في السودان وتشغل مساحة 1.455.300 هكتار وتقع في المنطقة الواقعة بين ولاية شمال دارفور وولاية شمال كردفان والولاية الشمالية . ومن المحميات القومية الحديثة محمية جبال الحسانية التي أعلنت كمحمية طبيعية في العام 2003 وتبلغ مساحتها 85.000 كيلومتراً مربعاً . وعلى البحر الأحمر نجد محمية سنقنيب البحري وتعتبر المحمية البحرية الأولى بالسودان وتقع في المياه الإقليمية السودانية داخل البحر الأحمر ، وعلى البحر الأحمر ايضاً نجد محمية دنقناب البحرية وتبلغ مساحتها 300 كلم مربع .
البيئة والتنمية المستدامة.

لك ودي

الكداريك لو بتقطع الشجر
كانوا اشتغلوا بتاعين طلح وشاف
عليك الله ديل كداركيك بتجيها انفلونزا خنازير
ياخي دبل عندهم جفاف عديل
ومحتاجين لينا
الخف عليهم من الزوار ينقلوليهم انفلونزا الأنسان
يا ابوالطيب بتنكت جنس حاجات
يديك العافية

محمية علبة الطبيعية أو جبل علبة (بالإنجليزية: Gebel Elba) هي منطقة توجد في مثلث حلايب المتنازع عليه بين مصر و السودان ، هى من أهم واكبر المحميات الطبيعية ، تقع في الركن الجنوبى الشرقى في مثلث حلايب وتبلغ مساحتها 35600 كم مربع ، تقع بين خطىعرض 22 و 23.30 و خطى طول 34.5 و37. و تحوى المحمية العديد من الموارد الطبيعية والبشرية والثقافية ما بين حياةبرية و نباتات طبية واقتصادية و قبائل محلية وثقافات واثار ورسومات قديمة بالاضافة إلى الثروات الجيولوجية والمعدنية و الموارد المائية من ابار وعيون للمياه العذبة كما يثريها البحر الاحمر بثروات بحرية كبيرة من شعاب مرجانية و حشائش بحرية وكائنات بحرية نادرة بالاضافة إلى إلى العديد من جزر البحر الاحمر في نطاق حدود المحمية والتى تحوى السلاحف البحرية وانواع عديدة من الطيور النادرة المقيمة والمهاجرة و انواع من اشجار المانجروف ذات القيمة البيئية و الاقتصادية الكبيرة .

الانفلونزا لو شافت كداريكك دي

تقول دا مستوى دا

كدروكنا كدر كدروكم كدروكم يقدر يكدور كدوركنا

شلولخ

جزاك الله خيرا يالطيب شيقوق ...

والله أفدتني إفادة كبيرة ما تقدر تتصورا ..!!

شكرا ليك ..

واعمل حسابك من ناس فيسل وأبو بكر و أب شنب خالد المحرب ..!!


وين الراجل دا ؟؟!!!

بعض الصور من زيارتي لمحميه الدندر ٢٠٠٥



مدخل المحميه من مدينه الدندر






الطريق الي قلقو






نهر الدندر الموسمي






اول المستقبلين في الحظيره ...قرد البابون (التيقل بالعاميه)






استراحه قلقو






احدي الميعات الجافه






المتهم.... الخنزير البري






بعض الحيوانات والطيور






تجمعات مختلفه في احدي الميعات






مخرج السنيط






انا والمجموعه المرافقه - التعب ظاهر بعد عشر يوم شغل في الحظيره


مشعل علام

الأن (الأحد 03/05/2009م الساعة 5:50 بِتَوقيت غرينتش) بِقناة النيل الأزرق يتحدث د/ يحيى الشيخ
مُدير الثرَوة الحيوانِية بِولاية النيل الأزرق ... وقال :
< الخنازير في سوق الكُرمُك حايمة بِجِنياتا ساي ولو في زول ضرب خنزير بِعربِتو الغرامة (الدِية)
كبيرة جِداً ... وقال إنو ما بِيستبعد إنتِشار المرض أبداً ... >

لا توجد ادنى علاقة بمرض الانفلونزا الذي يصيب الخنازير في المكسيك وخنازير السودان . يا سادة يا كرام. الخنازير لا تسافر ولا تقوم بنقل المرض بمثل ما يفعله الأنسان . الأسان هو الذي يسافر ويقوم بنقل هذا المرض . هل ممكن أن نطلب من وزارة الصحة السودانية أن تراقب المسافرين القادمين للسودان ، عوضا عن إتهام الخنازير في كل العالم ؟


دينق

مِن عمي قوقِل :

Quote: في ما يلي بعض الحقائق عنه: - تصيب فيروسات إنفلونزا الخنازير في العادة الخنازير وليس البشر. وتحدث معظم الحالات حين يقع اتصال بين الناس وخنازير مصابة أو حين تنتقل أشياء ملوثة من الناس إلى الخنازير. - يمكن أن تصاب الخنازير بإنفلونزا البشر أو إنفلونزا الطيور. وعندما تصيب فيروسات إنفلونزا من أنواع مختلفة الخنازير يمكن أن تختلط داخل الخنزير وتظهر فيروسات خليطة جديدة. - يمكن أن تنقل الخنازير الفيروسات المحورة مرة أخرى إلى البشر ويمكن أن تنقل من شخص لآخر. ويعتقد أن الانتقال بين البشر يحدث بنفس طريقة الإنفلونزا الموسمية عن طريق ملامسة شيء ما به فيروسات إنفلونزا ثم لمس الفم أو الأنف ومن خلال السعال والعطس.

أها يا Deng نِحنا مِن الصباح في الجُزئِية دي:

Quote: وعندما تصيب فيروسات إنفلونزا من أنواع مختلفة الخنازير يمكن أن تختلط داخل الخنزير وتظهر فيروسات خليطة جديدة.

علشان < الفيروسات الخليطة > دي الدُول بِتعدِم خنازيرها وأمِس مِصر أعدمت كُل الخنازير
العِندها بِالرغم مِن إنو خنازيرها تَبَين لنا إنها ما عِندها < جوازات سفر > وقالوا
لأن المرض وصل خنازير إسرائيل الما عِندها برضو < جوازات سفر >

وجنون البقر والدِجاج والوادي المُتصدِع كُلُها أمراض تُصيب الحيوانات الما عِندها جوازات
سفر ...

الاخ ناذر ود الخليفة

شكرا ليك يا زعيم




الاستاذ مشعل علام

الله يخليك على هذه اللقطات الجميلة والداعمة للبوست واتمنى ان تكونوا قد استمتعتم برحلتكم لبلدنا

الاخ دينق
الاخ عزام

شكرا على المرور والمعلومات المفيدة عن مرض انفلونزا الخنازير واضم صوتي للاخ عزام في امكانية انتقال المرض من الخنازير للبشر حسب المعلومات ادناه :

Quote: تصيب فيروسات إنفلونزا الخنازير في العادة الخنازير وليس البشر. وتحدث معظم الحالات حين يقع اتصال بين الناس وخنازير مصابة أو حين تنتقل أشياء ملوثة من الناس إلى الخنازير. - يمكن أن تصاب الخنازير بإنفلونزا البشر أو إنفلونزا الطيور. وعندما تصيب فيروسات إنفلونزا من أنواع مختلفة الخنازير يمكن أن تختلط داخل الخنزير وتظهر فيروسات خليطة جديدة. - يمكن أن تنقل الخنازير الفيروسات المحورة مرة أخرى إلى البشر ويمكن أن تنقل من شخص لآخر. ويعتقد أن الانتقال بين البشر يحدث بنفس طريقة الإنفلونزا الموسمية عن طريق ملامسة شيء ما به فيروسات إنفلونزا ثم لمس الفم أو الأنف ومن خلال السعال والعطس.

up

الاخ مشعل

شكرا ليك يا زعيم وياريت لو عندك مزيد من الصور لانك بالجد قدمت الكثير والمفيد عن حظيرة الدندر ويا ريت لو سجلت انطباعك عنها في هذا البوست .

Quote: شكرا اخي النصري على هذه الصورة المعبرة ويا ريت تعلق لينا تحتها

والله الا تكون قاصد بمعبرة دي انهم ضاربين عبار

عليك الله دي اشكال يقابلوا بيها ربونا


تلقى المسانيح بيتأمروا علي الانفلونزا

من وقفتهم المهببة دي


قال معبرة قال

الا يكون عبار دينق داك

Quote: والله الا تكون قاصد بمعبرة دي انهم ضاربين عبار عليك الله دي اشكال يقابلوا بيها ربونا تلقى المسانيح بيتأمروا علي الانفلونزا من وقفتهم المهببة دي

المسنوح جابك بهنا شنو عايز ليك عبار بقنية؟

الوليد جاني جاري قبل شوية كنت في البقالة قال عمو في حد اسمو كمال دخل عليك في المسنغر - قلت ليهو قطع شك بيكون المسنوح كمال عطا

الاخ الطيب لك التحيه والاجلال،
قمت بزياره محميه الدندر مرتين، المره الاولي كانت في العام ٢٠٠٣ وكان زياره خاطفه لمده يوم واحد حيث كنت وقتها طالب ماجستير اجمع بعض عينات الملاريا واللشمانيا من منطقه الدندر تحديدا من قريه ام كراع ( ام الخير حاليا) بالقرب من الحظيره ، وتاثرت حقيقه لانو لفينا جوه الحظيره لمده خمس ساعات وما شفنا الا عدد قليل من الحيوانات ( جاموس -تيتل - بابون واسود)، ولكن في زيارتي الثانيه عام ٢٠٠٥ وكانت مع طلاب قسم الدراسات البيئيه -جامعه النيلين تفاجات بالتغير المذهل الذي حدث بها وذلك بفضل برنامج الأمم المتحدة الإنمائي حيث قام المشروع بحفر ابار مياه وذلك لتغذيه الميعات بالماء وبذلك تبقى الحيوانات في المحميه ولا تهاجر الا الحبشه خلال فتره الجفاف ، ووفر المشروع ايضا اجهزه اتصال لاسلكي لتتبع الصيادين المتسللين للمحميه، ولكن للاسف الشديد لم يستمر المشروع طويلا بسبب توجه جميع مشاريع الامم المتحده نحو دارفور. كانت زياره ممتعه شاهدنا فيها مجموعه كبيره من الحيوانات منها ابو شوك، الفهد الاسود ، النعام ، حبيب بلاع الدبيب، الاصله، اسود، الجاموس، تيتل ،الخنزير البري ، البابون وجداد الوادي والكثير الفريد... والصور تعبر
اعتذار: كتابتي ركيكه شويه
اخوك مشعل علام

اخي العزيز الدكتور مشعل

لك منى خالص شكري وعميق امتناني على الاستجابة للطلب .

المداخلة الرائعةالتي تفضلتم بها وردتني في الساعات الاولى من صبيحة اليوم التالي ونسبة لتاخر الوقت فسوف اقوم بالتعليق عليها غدا ان شاء الله .

انا من الدندر وتربطنى الكثير من العلائق مع حظيرة الدندر لا سيما عندما كنت محاميا متصديا لقانون الحياةالبرية بسبب التعسف الذي استصحب تطبيقه .

لك منى اطيب الاماني

الطيب شيقوق
الدندر / قرية البردانة

الان مستشارا قانونيا بسلطنة عمان
[email protected]

كتب شيقا

Quote: ونسبة لتاخر الوقت فسوف فسو

ياخي دي كتا تكتبها بالحبر السري ,

والله ربونا دا ليهو حاجات

يا شيقاااا..... سلامات
نعم اتصلت بالمسنجر لانو كنت دايرك تشوف فى التلفزيون ناس المكسيك
المساكين ديل وهم مدمدمين بالكمامات....يحننو

حاشية:ـ قريت ردك فى البوست داك يا مسنوح انا ماقلت ليك حكاية
الشجر الكبار......

عمك كيمـــو

والله ربونا دا ليهو حاجات

مسنوووووووووح الخمشة ناقصة ومزورة

نعم اتصلت بالمسنجر لانو كنت دايرك تشوف فى التلفزيون ناس المكسيك
المساكين ديل وهم مدمدمين بالكمامات....يحننو

حاشية:ـ قريت ردك فى البوست داك يا مسنوح انا ماقلت ليك حكاية
الشجر الكبار......

جاييك بددت افكاري

..
.
ولعلمكـ
ان السيدة الوزيرة تعود جذورها
الى مناطق الكدروكـ فى جبال النوبة
فى منطقة ( كجه ) .. فهى تعلم وتدعى انها لا تعلم

______

هل تعلم ان بمنطقة الجريف شرق
هناك عدد من الكداريكـ ..؟؟

Quote: ان السيدة الوزيرة تعود جذورها الى مناطق الكدروكـ فى جبال النوبة فى منطقة ( كجه ) .. فهى تعلم وتدعى انها لا تعلم

تبلدينا هوى ابعد بعيد كلو حاجة ولا بت بطرس دي- وحاة ديني احسن وزير صحة يمر على السودان على الاطلاق - انسانة مخلصة وشاطرة ونقية وعفيفة ومرهفة تترنح مع انغام وردي .

هناك مسألة غاية في الأهمية ... وهي:

شعب الله الفي العالم ده لما قال (إنفلونزا الخنازير) .. كل الشفناهو كلام عن الخنازير التي تُربّى في المزارع، والموجود لدينا في الحياة البرية هي خنازير وحشية، أو زي ما بنقول (كداريك) أو (حلاليف).

السؤال هنا: هل هذه الإنفلونزا تصيب - أو تنتقل عبر - كل سلالات هذه الحيوانات؟ أم هي خاصة بخنزير المزارع (والذي يعرفه الفرنجة)؟

عندما انتشر مرض جنون البقر، لم تشير أصابع الإتهام إلى أي من الأبقار الوحشية. وكدروكنا هذا (كما يتضح من خلقته) صلته البيولوجية بخنزير المزارع ضعيفة وتكاد تكون معدومة في بعض أنواعه.

هل نطمع في إفادة من مختصين؟ ...... يعني ممكن نسمع مجتهدين، لكن يا ريت نسمع المختصين.

الاخ ابو العزائم

الاخ دكتور مشعل

شكرا اخي ابو العزائم على المداخلة

Quote: شعب الله الفي العالم ده لما قال (إنفلونزا الخنازير) .. كل الشفناهو كلام عن الخنازير التي تُربّى في المزارع، والموجود لدينا في الحياة البرية هي خنازير وحشية، أو زي ما بنقول (كداريك) أو (حلاليف). السؤال هنا: هل هذه الإنفلونزا تصيب - أو تنتقل عبر - كل سلالات هذه الحيوانات؟ أم هي خاصة بخنزير المزارع (والذي يعرفه الفرنجة)؟ عندما انتشر مرض جنون البقر، لم تشير أصابع الإتهام إلى أي من الأبقار الوحشية. وكدروكنا هذا (كما يتضح من خلقته) صلته البيولوجية بخنزير المزارع ضعيفة وتكاد تكون معدومة في بعض أنواعه. هل نطمع في إفادة من مختصين؟ ...... يعني ممكن نسمع مجتهدين، لكن يا ريت نسمع المختصين.

لحسن الحظ يوجد بين ظهرانينا الاخ الدكتور مشعل

الاخ مشعل هلا تفضلت بالاجابة ؟

لكما اطيب الاماني

الاخ الطيب شيقوق

تحية واحترام

الله يكون فى عون اهلنا بالدندر لو حصلت كوراث,لكن لا نثق فى أي مساعدات من الحكومة فى عهد هذا المدعوا الوالى احمد عباس وحقده على المنطقة

اخي الشريف

كيفك يا زعيم

يا اخي يعجبني فيك تفاعلك مع بوستات اهلك ناس الدندر واتمنى ان تجود علينا بمساهمات جادة لاسيما وانني قصدت من هذا البوست ابراز الدندر في مخيلة القاري السوداني ليدرك موقعها الجغرافي وسهولها ووديانها وطبيعتها وانسانها وثقافته فضلا عن دورها في الاقتصاد الوطنى .

Quote: الله يكون فى عون اهلنا بالدندر لو حصلت كوراث,لكن لا نثق فى أي مساعدات من الحكومة فى عهد هذا المدعوا الوالى احمد عباس وحقده على المنطقة

دعنا نكون اكثر تفاؤلا فلو بتدوم لما اتتهم من غيرهم

كامل ودي

الاخ الطيب شيقوق

Quote: يا اخي يعجبني فيك تفاعلك مع بوستات اهلك ناس الدندر واتمنى ان تجود علينا بمساهمات جادة لاسيما وانني قصدت من هذا البوست ابراز الدندر في مخيلة القاري السوداني ليدرك موقعها الجغرافي وسهولها ووديانها وطبيعتها وانسانها وثقافته فضلا عن دورها في الاقتصاد الوطنى .

لن ننسى اهلنا ومنطقتنا وهذا ما تربينا عليه ولنا دين كبير على المنطقة,فى مايو السابق كنت فى اجازة فى الدندر شاهده الدمار الحصل وحزنت جدا,اخى اعرف نشاطك واخلاصك للمنطقة واعرف ان هنالك كم هائل من ابناء المنطقة بالخارج لماذا لم نساهم فى بعض المشاريع للمنطقة وهذه فكرة بحكم افكارك الجيدة لدعم المنطقة وعلاقتك الاجتماعية الواسعة نعشم ان يتم نقاش وسط ابناء المنطقة حول عمل مشاريع لدعم المنطقة,بالمناسبة فى الاجازة قابلت كمية من الاهل من البردانة ظروف الحياة لم تغيرهم من الطيبة والحنية.

اخي الشريف

Quote: لن ننسى اهلنا ومنطقتنا وهذا ما تربينا عليه ولنا دين كبير على المنطقة,فى مايو السابق كنت فى اجازة فى الدندر شاهده الدمار الحصل وحزنت جدا,اخى اعرف نشاطك واخلاصك للمنطقة واعرف ان هنالك كم هائل من ابناء المنطقة بالخارج لماذا لم نساهم فى بعض المشاريع للمنطقة وهذه فكرة بحكم افكارك الجيدة لدعم المنطقة وعلاقتك الاجتماعية الواسعة نعشم ان يتم نقاش وسط ابناء المنطقة حول عمل مشاريع لدعم المنطقة,بالمناسبة فى الاجازة قابلت كمية من الاهل من البردانة ظروف الحياة لم تغيرهم من الطيبة والحنية.

الله يخليك ووالله الف مبروك وانت تتنسم عبير ترابنا بعد غياب يا الشريف .

فكرة المشاريع الانمائية جيدة ولكن دعنا نرى ما سيحدثه النفط الذى اتمنى الا يكون مجرد وهم واحلام .

ناس البردانة يا الشريف صاروا منكم واليكم لا سيما بعد زواج الاخ ابراهيم الشاب الطيب .

تحياتي

تصيب فيروسات أنفلونزا الخنازير H1N1 في العادة الخنازير وليس البشر. وتحدث معظم الحالات حين يقع اتصال بين الناس وخنازير مصابة، وقد دلت الدراسات البيطرية أن الخنازير يمكن أن تصاب ، بأنفلونزا البشر أو أنفلونزا الطيور، وعندها يمكن أن تختلط تلك الفيروسات داخل الخنزير المصاب، مما يؤدي إلى ظهور أنواع جديدة من الفيروسات المحورة إلى قد تنتقل إلى البشر وتفتك بهم. واكد المتخصصون في علم الفيروسات ان الفيروس هو خليط من مورثات فيروس أنفلونزا الخنازير والأنفلونزا التي تصيب الإنسان وفيروس أنفلونزا الطيور. ويمكن أن تنقل الخنازير الفيروسات المحورة مرة أخرى إلى البشر ويمكن أن تنقل من شخص لآخر. ويعتقد أن الانتقال بين البشر يحدث بنفس طريقة الإنفلونزا الموسمية عن طريق ملامسة شيء ما به فيروسات إنفلونزا ثم لمس الفم أو الأنف ومن خلال السعال والعطس.
وبذلك لا استبعد انتقال المرض للخنازير البريه في السودان من انسان مصاب او حتي من الطيور المهاجره.
وربنا يحمي الجميع ويغطيهم

الاخ د. مشعل

Quote: وبذلك لا استبعد انتقال المرض للخنازير البريه في السودان من انسان مصاب او حتي من الطيور المهاجره.

الله يخليك ورنا يستر علينا فثمة تداخل بين حيواناتنا الاليفة والحيوانات البرية في الحدود المتاخمة لمحمية الدندر . بل ان الحيوانات البرية نفسها تهرب من الضبان في موسم الخريف لتأوي نفسها في المحلات التي تجد فيها التهوية ( الغفر) داخل مشاريع اهلنا المطرية .

السؤال الذي يتبادر الى الذهن هل يمكن ان ينتقل الفايروس مع لدغة الباعوض او الحشرات التي تتكاثر في موسم الخريف؟

في انتظار تفضلك الاجابة علي هذا السؤال .

الاخوة الاعزاء

وردتني للتو الرسالة البريدية الاتية من الاخت آمال سليمان نورين حول تناول صحف الخرطوم لذات الموضوع :-

Quote: نشرت جريدة الخرطوم الصادرة صباح اليوم وفى اعلى مانشيت باللون الاسود : 170 ألف رأس من الخنازير بالنيل الأزرق مقتطفات من الخبر ( قالت مصادر مطلعة بوزارة الثروة الحيوانية بولاية النيل الازرق ان آخر مسوحات تم اجراؤها خلال العام 1995م لمعرفة عدد الخنازير بالولاية توصلت الى ان عدد الخنازير وقتها كان (168) الف راس فى مناطق ود ابوك ويابوس والكرمك , واكدت مصادر اخرى ان امر تربية الاهالى للخنازير امر لا يخلو من الخطورة ومن الصعوبة بمكان اعدامها فضلا عن صعوبة التعرض لها لتقديسها من بعض الاهالى . ونوهت المصادر الى ان تعرض اى خنزير لمكروه من شأنه تغريم المعتدى عليه غرامة مالية مرتفعة . وتورد (الخرطوم) ان اعداد الخنازير بولاية النيل الازرق زادت بعد توقيع اتفاق السلام وان عددها غير معروف ........ )

لك منى خالص شكري وعميق امتناني

ياخي ده بوست مهم جدا ياشيقا

لكن حلاليفنا دي طبايعا سودانية تب

ماعندها غتاتة حلاليف الخواجات

متربيات وهاديات

بالله رسل ايميل للوزيرة

وصيها عليهن

Quote: لكن حلاليفنا دي طبايعا سودانية تب ماعندها غتاتة حلاليف الخواجات

ياخ داك إسمو خنزييير .... شوف الياء دي ممكن تساعدها بي فدعة إيد.

وحقنا إسمو حلّوف ... يعني تمد شلاضيمك ... والفاء الجاية وراء الواو دي تديها نفخة زي الماسك كُراع كبِش بتجيِّه فوقو قبال تسلخو.

Quote: وحقنا إسمو حلّوف

هسع عملت شنو طيب?

شيقا

خنزير ........ كدروك ...... حلوف ....الخ الخ الخ الخ الخ

والله منظر ما يتقابل بانفلونزا وغير انفلونزا


شوف ليك طريقة تعدمن بيها من الدندر الجميلة


يا دوب رحلتي للدندر بقي فيها شك!!

ردا علي سؤالك الاخ الطيب هل الباعوض ينقل الايدز?

http://www.cdc.gov/hiv/resources/qa/qa32.htm

سبحان الله ياأاخي اذا كان الباعوض بينقل الايدز كان نص البشرية انقرضت خاصه في قارتنا السمراء افريقيا!!!!

ولله في خلقه شؤون...

الاخ حيدر

ياخي ده بوست مهم جدا ياشيقا

لكن حلاليفنا دي طبايعا سودانية تب

ماعندها غتاتة حلاليف الخواجات

متربيات وهاديات

بالله رسل ايميل للوزيرة

وصيها عليهن

بس قالوا ما عندها اتوكيت بتعطس في محلات التجمهرات والعطسة دى يا اها ذاتها ال ..... العالي والواطي

شيخ حسن طه

Quote: شوف ليك طريقة تعدمن بيها من الدندر الجميلة

لا لا دى بتكف العين من جمال طبيعتنا


يا دوب رحلتي للدندر بقي فيها شك!!

ليك على بس ادي اخاك خبر برتب ليك الامور كلها

الاخ د. علام



http://www.cdc.gov/hiv/resources/qa/qa32.htm[/U]

شكرا على الرابط المفيدا جدا



سبحان الله ياأاخي اذا كان الباعوض بينقل الايدز كان نص البشرية انقرضت خاصه في قارتنا السمراء افريقيا!!!!

نعم ولله في خلقه شؤون...

دام الود بيننا

Quote: شوف الياء دي ممكن تساعدها بي فدعة إيد.

عسل ابو العزائم

انت فنان تشكيلي ؟

الحلوف او الخنزير البري منتشر بكثره في منطقة غرب النوير وولاية غرب كردفان
شاهدته هناك كثيرا .. وحدث ان اكلته عن طريق الخطأ
لقيت ليك الجماعه عاملين حله زي الليل .. ولما طلعت برا القطيه لقيت كرعين عجيبه خلاص
قلت ليهم انتوا اكلتونا شنو ؟ قالوا لي دا حلوف .. افرغت ما في جوفي
سألت احد العلماء الاجلاء .. قال لي لا عليك .. لم تكن تعلم

اود ان اشير الي ان الذين يأكلونه هناك مسلمين .. ولا يدرون انه الخنزير المحرم عليهم

لك التحايا اخي شيقوق ولضيوفك الكرام

الاخ نوفل

Quote: الحلوف او الخنزير البري منتشر بكثره في منطقة غرب النوير وولاية غرب كردفان شاهدته هناك كثيرا .. وحدث ان اكلته عن طريق الخطأ لقيت ليك الجماعه عاملين حله زي الليل .. ولما طلعت برا القطيه لقيت كرعين عجيبه خلاص قلت ليهم انتوا اكلتونا شنو ؟ قالوا لي دا حلوف .. افرغت ما في جوفي سألت احد العلماء الاجلاء .. قال لي لا عليك .. لم تكن تعلم

بس اكلو ما بنقل لكن عطستو بتجيب خبرك - يعني كان ساعة ضبحو قالوا ليك تعال اعصر لينا عنقرتو وقام اتنفس فيك او شخر كان عيييييك

خالص ودي

وجزاك نعيمية حااااااااارة

كتب استاذي نوفل

Quote: لقيت ليك الجماعه عاملين حله زي الليل .. ولما طلعت برا القطيه لقيت كرعين عجيبه خلاص قلت ليهم انتوا اكلتونا شنو ؟ قالوا لي دا حلوف .. افرغت ما في جوفي سألت احد العلماء الاجلاء .. قال لي لا عليك .. لم تكن تعلم

تاني لما تجي طالع من القطية امشي عديل ما تتلفت



ما تخسر على نفسك دا شنو دا اخي

الاخ الدكتور مشعل

سلامـــــــــــي


اعود حسب وعدي السابق معكم .

ارجو تصفح هذا اللنك لبوست سابق بعنوان ( اسد يهاجم فريق التلفزيون بحظيرة الدندر) به معلومات مهمة للغاية

أسد يهاجم فريق عمل تلفزيون السودان في حظيرة الدندر يوجد (فيديو)


خالص ودي

فاصل ونواصل

Quote: بس اكلو ما بنقل لكن عطستو بتجيب خبرك

لا . الكلام دا بدري شويه قبل ما تمسكوا النزله



بعدين ياخ خليتني ابلع في ريقي بسيرة النعيميه دي





فيصل العزيز

Quote: تاني لما تجي طالع من القطية امشي عديل ما تتلفت

البلد ديك كان فيها حروب ومشاكل
لو ما اتلفت حتي في النوم . بتصحي بتلقي نفسك مقتول :D




والله ياخي بلد حلوه وطبيعه خلابه . اتمني اكرر ليها الزياره تاني
لكن تاني الاكل فول بس . مع انه الفول اغلي شي ممكن تاكلوا هناك . تتخيل ؟

نوفل

Quote: بعدين ياخ خليتني ابلع في ريقي بسيرة النعيميه دي

كمان كان بقت نامن لونها بني شوية عييييييك منها

Quote: كمان كان بقت نامن لونها بني شوية عييييييك منها

بس أوع من شرموط الخنزير يا مولانا

______________________________________

مشتاقين وكدة

اووووووو دكتور قناوي

شوق يحور يا زعيم

الليلة نزلوا ليك التابلت عشان تمر على الانفلونزات ؟

بس أوع من شرموط الخنزير يا مولانا


ات قايل نان بنفرز كان الجماعة لخبطوا ليك في طشت او شوال مع شرموط الغزال الناشف؟ والله تبلع نامن حنكك يوجعك خاصة لما تختلط اللحمتان لتكونان تجانس تتمنى ما تراوح الفم لا جوة .

اووووووو دكتور قناوي

شوق يحور يا زعيم

والعجب نحنا
شوقنا موية مكسورة
من حنفية محلوجة
في بيت عزابة
مافيشين


الليلة نزلوا ليك التابلت عشان تمر على الانفلونزات ؟

والله جينا ليك واشوق دفرنا




بس أوع من شرموط الخنزير يا مولانا

ات قايل نان بنفرز كان الجماعة لخبطوا ليك في طشت او شوال
مع شرموط الغزال الناشف؟ والله تبلع نامن حنكك يوجعك خاصة
د لما تختلط اللحمتان لتكونان تجانس تتمنى ما تراوح الفم لا جوة .

دي الخايفين منها
عشان كدة أبو الأفوال
ده أكيد مضمون

_____________________________

تحياتي ليك
يا زعيم

Quote: اووووووو دكتور قناوي شوق يحور يا زعيم والعجب نحنا شوقنا موية مكسورة من حنفية محلوجة في بيت عزابة مافيشين الليلة نزلوا ليك التابلت عشان تمر على الانفلونزات ؟ والله جينا ليك واشوق دفرنا بس أوع من شرموط الخنزير يا مولانا ات قايل نان بنفرز كان الجماعة لخبطوا ليك في طشت او شوال مع شرموط الغزال الناشف؟ والله تبلع نامن حنكك يوجعك خاصة د لما تختلط اللحمتان لتكونان تجانس تتمنى ما تراوح الفم لا جوة . دي الخايفين منها عشان كدة أبو الأفوال ده أكيد مضمون _____________________________

الزعيم قناوي كييييييفك

جيتك متاخر وغذا نلتقي ان شاء الله