Post: #1
Title: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-01-2009, 09:15 PM
| Quote: Youth is happy because it has the ability to see beauty. Anyone who keeps the ability to see beauty never grows old |
>Franz Kafka<
تخطيت سن النبوة بعام,
النصف الاخير عمري قضيته بعيدا عن امي واخوتي, فقدت خلالها مربيني ومعلمي وابي عباس احمد الحاج(الخديوي)
خلالها تزوج اخوتي وابناء اختي,, استقبلت خلالها عائلتي الصغيرة 19 حفيد.
غيب الموت كثيرا من الاهل والاصدقاء والاحباب.
التقيت نصفي الاخر واخترنا ان نخطو نحو مستقبل جميل مهما ما جابهنا من عسرات
فرحنا غنينا رقصنا تخاصمنا تعاركنا مازالات الحياة حلوة.
ناضلت,ناصرت, تحالفت, وبكيت لما يدور حولي وضحكت كثيرا لطرائف الاصحاب.
تمنيت لو تدور عجلة الحياة للوراء لكي التقي اناسا افتقدهم كثيرا منهم الاحياء والاموات.
الان اجلس وحيدا اتنطط مابين sudaneseonline وfacebook وقناة الجزيرة واحيانا القنوات الهولندية بحثا عن فيلم او مباراة لكرة القدم.
رفعت سماعت التلفون واتصلت بي ناس بيتنا كان الرد كل سنه وانت طيب(زوجت اخي)
لم اكن ناسيا تاريخ ميلادي لانه مرتبط بعيد الطبقة العاملة,,
قررت ان ادعوكم واذا كان لديكم الوقت مشاركتي.
------------
Whatever with the past has gone, The best is always yet to come
|
Post: #2
Title: Re: لو ما مرتبطين تعالوا احتفلوا معاي بي بعيد ميلادي
Author: خدر
Date: 05-01-2009, 09:26 PM
Parent: #1
تكلمني في سودانيزاولاين يا معفن ؟
اصبر , بختها ليكـ
|
Post: #3
Title: Re: لو ما مرتبطين تعالوا احتفلوا معاي بي بعيد ميلادي
Author: suliman ibrahim
Date: 05-02-2009, 00:58 AM
Parent: #2
الاخ /الفاتح (شلف)
ليس بعيد عن هذا التاريخ نشرت انت صورة لك انت ومعك الاخ العزيز مساعد
يعود تاريخها للعهد الزهبي لتلك البلاد البعيده حيث كانت نهرو هول تضج بعمالقة المسرح والفن حيث كان الفنان صلاح (فالولة) يغني روائع الفن(الخدود
الشاربة من لون الشفق عند المغارب) وكانت الاسر والروابط الطلابية تقيم
دوراتها الرياضية واحتفالات التخريج وكان اتحاد الطلاب السودانيين يقيم السمنارات والندوات وكان خطباء التنظيمات في احس حالاتهم والتنظيمات متسامحة
والعدو واحد ....وكانت عامرة جلسات الاصدقاء بالقفشات والضحكات وكان(خليل)
يبيع الابيض والملون (الموسمبي) لحكيات وونسات اخر الليل وكان سوق الخضار يعج
بالباعة والسبابة وآكلة اللحوم وكان شارع المهاتما يعج بصنوف الجمال(الصغار
غالبات الكبار).....وكانت فكتوري والوست اند والنكر ومنقلا تعرض افلام الساحرة مادوري وسرديفي ورافينا تندن
كانت سيمبويسز تقيم احتفالها السنوي ويوم الجمهورية ومسابقة الرقصات الشعبية وكما كان يقول الدكتور مجيم دار (السودان الاول كالعادة) ...
كان صندوق البريد 162وا165وا 208 يعج بخطابات الاهل والاصدقاء والحبيبة مثل
نهر لاينضب او يشيخ...
وصديقنا الوليد محمد سعد يرحمه الله يضحك مثل اي شاب يحلم بدنيا وعوالم بعيده
وعادل حسب الرسول (تطش) يرحمة الله اذا ارادت المعارضة اسقاط النظام يجب
ان تعود الي الخرطوم ....عالم مسامح ومتسامح
اما الصوره الثانيه التي نشرتها بعد ذلك كانت عام ونيف عندما زرت انت لندن
وقابلت مساعد ......فتحت هذه الصور اضابير بنت عليها الاحزان واوجاع السفر
سدود وحواجز لكن بالنظر اليها اي الصور يسافر القلب المتشرد ما بين الحاضر
والماضي تغيرت احجام واشكال لكن الحميمية هي هي اذا هل هذا حاضر ام مستقبل
كل سنة وانت طيب عزيزي الفاتح
اخوك سليمان ابراهيم سليمان.......
|
Post: #4
Title: Re: لو ما مرتبطين تعالوا احتفلوا معاي بي بعيد ميلادي
Author: خدر
Date: 05-02-2009, 10:10 AM
Parent: #3
| Quote: تخطيت سن النبوة بعام, |
دي مكنتكـ !؟
يعني كعبول يكون 47 !؟
|
Post: #5
Title: Re: لو ما مرتبطين تعالوا احتفلوا معاي بي بعيد ميلادي
Author: BitAlhana
Date: 05-02-2009, 10:21 AM
Parent: #4
!!!What a nice post
Happy Birth day
Be psitive ... and enjoy your life
|
Post: #6
Title: Re: لو ما مرتبطين تعالوا احتفلوا معاي بي بعيد ميلادي
Author: ودالعباسية
Date: 05-02-2009, 12:37 PM
Parent: #5
الفاتح ،،،
كل سنة وانت بالف خير وربنا يديم عليك نعمة الصحة والعافية ،،
ايام وليالى كانت اجمل ما يكون قضيناها بعيد عن الاهل والاحباب
ولكن كنتم انتم هناك الاهل والاحباب ،،
تحياتى واشواقى ،،
|
Post: #8
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-02-2009, 01:18 PM
Parent: #3
سليمان
اجمل هدايا الحياة ليست متوفرة في المحال التجارية او عند باعة الهداية والزهور وانما في قلوب الاصدقاء الحقيقين,امثلاكم جميعا دون ذكر لأسماء حتى لا اقع في المحظور.
كعادتك تغلبت علي في الحديث, ولكني اشجك صورا
|
Post: #7
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-02-2009, 12:56 PM
Parent: #2
ابو خالد ازيك
| Quote: تكلمني في سودانيزاولاين يا معفن ؟ |
انا كلمت نفسي في السر
خاتينك للتقيلة يا ابو لقاء
دي مكنة الحلاقة
| Quote: يعني كعبول يكون 47 !؟ |
مين كعبولك ده؟؟؟!!!!
------------
بت الهناء والسرور
والعجب انتي
بالمناسبة كان عندنا جارتنا اسمها الهناء,, واختي بتدلع ولدها تقول ليهو ايمن ود الهنا يقول ليها انا ما ود الهنا انا ود (صأيا) ثريا
---------
ود العباسية الانسان الشفيف
Quote: الفاتح ،،،
كل سنة وانت بالف خير وربنا يديم عليك نعمة الصحة والعافية ،
ايام وليالى كانت اجمل ما يكون قضيناها بعيد عن الاهل والاحباب
ولكن كنتم انتم هناك الاهل والاحباب ،،
تحياتى واشواقى ،، |
تسلم يا راقي وكنتم خير اهل واخوة في تلك الغربة, وزي ما شايف سليمان غلبنا بالحديث كعادته
|
Post: #9
Title: Re: لو ما مرتبطين تعالوا احتفلوا معاي بي بعيد ميلادي
Author: أحمد الشايقي
Date: 05-02-2009, 03:09 PM
Parent: #7
مبروك يا بو مهنـد
أحمد الشايقي
|
Post: #10
Title: Re: لو ما مرتبطين تعالوا احتفلوا معاي بي بعيد ميلادي
Author: المر
Date: 05-02-2009, 03:51 PM
Parent: #9
مبروك وعقبال الشمعةال100
اصلك مابعيد منهاال(100)
|
Post: #11
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-02-2009, 04:22 PM
Parent: #10
أحمد الشايقي
يباركو ليك جديدك يا الشايقيوشكرا لتكبدك المشاق والحضور
المر ابو البنية
اها نحن قلنا عمرنا على الاسفير
انت ما اظن الالة الحاسبة تقدر عليك
المناسبة الفيس بووك فاقدك تعال شوف البرطعه الجد جد
تسلم يا حبيب على الطله ومردوده ليك
|
Post: #12
Title: Re: لو ما مرتبطين تعالوا احتفلوا معاي بي بعيد ميلادي
Author: Muna Khugali
Date: 05-02-2009, 04:41 PM
Parent: #11
كل سنة وانت طيب..
والباقي من عمرك طويل وجميل..
لو ما كنت انسان وسألوك عايز تكون شنو..
تقول شنو؟؟
أنا غايتو عايزه أكون جرادة تاكل المحاصيل وتحير الناس!
|
Post: #13
Title: Re: لو ما مرتبطين تعالوا احتفلوا معاي بي بعيد ميلادي
Author: سلمى الشيخ سلامة
Date: 05-02-2009, 07:53 PM
Parent: #12
كل لحظة وانت طيب
واتمنى لك عمرا طويلا وحياة رغدة باذن الله
لو سمحت لى
دايرة منى دى فى كلمة
| Quote: أنا غايتو عايزه أكون جرادة تاكل المحاصيل وتحير الناس! |
يامنى تعرفى عاوزة اكون
غصن اخضر
كيف معاك؟
تانى كل سنه وانت طيب
|
Post: #14
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-03-2009, 12:11 PM
Parent: #13
الشفيفه منى خوجلي
Quote: كل سنة وانت طيب..
والباقي من عمرك طويل وجميل.. |
وانتي طيبة يا جميلة الروح
Quote: لو ما كنت انسان وسألوك عايز تكون شنو..
تقول شنو؟؟ |
داير اكون فراشة تحلق فوق الزهور
او كما قال(داير اكون تاجر عطور اسرح وادور بين الحسان)
لكني خايف انا ودايس على الابر المسممه باكلام
| Quote: أنا غايتو عايزه أكون جرادة تاكل المحاصيل وتحير الناس! |
للدرجه دي!!!
سلمى الشيخ سلامة
Quote: كل لحظة وانت طيب
واتمنى لك عمرا طويلا وحياة رغدة باذن الله |
وانتي كل ايامك سكينة وود
Quote: لو سمحت لى
دايرة منى دى فى كلمة |
سماحك معاك يا اختي البيت بيتك
|
Post: #15
Title: Re: لو ما مرتبطين تعالوا احتفلوا معاي بي بعيد ميلادي
Author: دبس
Date: 05-04-2009, 07:26 AM
Parent: #14
الاخ /الفاتح (شلف)
كل سنةوانت طيب
وربنا يديم عليك نعمة
الصحة والعافية
ايام وليالى كانت اجمل ما يكون قضيناها
بعيد عن الاهل والاحباب
ولكن كنتم انتم هناك الاهل والاحباب ،،
هاشم دبذ
|
Post: #16
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-04-2009, 11:44 AM
Parent: #15
دبذ
وانت طيب يا حلو
ومشتاقين كتير وللطريق الشاقيهو الترام
وسلام للضريح
--------
حاول خليك جنب التلفون
|
Post: #17
Title: Re: لو ما مرتبطين تعالوا احتفلوا معاي بي بعيد ميلادي
Author: ابو مهند
Date: 05-04-2009, 06:17 PM
Parent: #16
|
|