Post: #1
Title: الحركة دي بتعملوها كيف ؟
Author: خدر
Date: 04-29-2009, 01:49 PM
كتابة كذا بوست و متابعة ردودهم مع بعض ؟
ويُخيل لي بتعملوها في زمن وجيز خالص
__
عيني بارده
|
Post: #2
Title: Re: الحركة دي بتعملوها كيف ؟
Author: علاء الدين حيموره
Date: 04-29-2009, 01:51 PM
Parent: #1
وكلني على بوستيك دا مع البوستات بتاعتي
|
Post: #3
Title: Re: الحركة دي بتعملوها كيف ؟
Author: خدر
Date: 04-29-2009, 01:53 PM
Parent: #2
| Quote: وكلني على بوستيك دا مع البوستات بتاعتي |
يجازي مِحنكـ يا علاء 
|
Post: #4
Title: Re: الحركة دي بتعملوها كيف ؟
Author: علاء الدين حيموره
Date: 04-29-2009, 01:58 PM
Parent: #3
بس يا خدر اخوي العين باردة دي ما تكون اشاعة ...
تحوطا حضرنا البخور
|
Post: #5
Title: Re: الحركة دي بتعملوها كيف ؟
Author: Rihab Khalifa
Date: 04-29-2009, 02:30 PM
Parent: #4
| Quote: وكلني على بوستيك دا مع البوستات بتاعتي |
lol
اقووول؟ اقوووووووووووول؟
-----------------------------
يا خدر، والله انا من شده مرات بيكون عندي مواضيع في راسي ده دايره اكتب عنها،
لكن ما لاقيه وكت, بهضرب بيها وكت النوم، اكون بين صاحيه و نايمه و بفكر، لمن اكتب
كده و يردو لي كده، حا رد بي كده، و اقفل علي كده
عندي بوست فاتحاهو لي سنه اظني، و ما قادره اتمه، و ممسخ علي باقي البوستات،
بعتلو من ربع لي ربع
اها لمن تتعلم الحركه دي، قول لي بعملوها كيف عليك الله :)
|
Post: #6
Title: Re: الحركة دي بتعملوها كيف ؟
Author: Dalal Ezzaldin
Date: 04-29-2009, 02:39 PM
Parent: #5
والبكتب بوست ومابهببو ليه يعمل شنو ؟؟ ( وش زعلان وغيران من بتاعين الحركات ديل )
|
Post: #7
Title: Re: الحركة دي بتعملوها كيف ؟
Author: محمد المرتضى حامد
Date: 04-29-2009, 04:27 PM
Parent: #6
إنت ذاتك الحركات دي بتعملا كيف؟
أبريل إنتهى وما جيت،
وكان إنت نسيت أنا ما نسيت،
حقو الزول - كما ورد في النكته - يشكيك لبوليس الحركه.
|
Post: #10
Title: Re: الحركة دي بتعملوها كيف ؟
Author: خدر
Date: 04-29-2009, 06:12 PM
Parent: #7
غايتو يا دلال البوست البكتبو و مافي زول بهببو لي
بخليهو يمشي طوالي (جني و جن up ديكـ )
بعدين كلامك ده ياخي يقولو زول غيرك يا دلال
انت بوستاتك جميلة و مشاركاتها كويسه
ولا بتقولي كده عشان تكفي العين ؟
في ذمتكـ يا مرتضي
انا اصلك كيف مع المِحن الشايفها دي
اخوك لا ايدو لا كراعو طلع بلطجي
فالموضوع (مجبر اخاك لا بطل) حا يتأجل شوية
|
Post: #8
Title: Re: الحركة دي بتعملوها كيف ؟
Author: خدر
Date: 04-29-2009, 06:06 PM
Parent: #5
عارفه يا رحاب
عمل البوستات دي يمكن اصعب حاجة في حياتي من ما هي فكرة
كيف اكتبها, كيف اوصلها كامله, الاوكزيلريز لتأكيد او دعم الفكرة
الخ .. الخ
القصة دي بتاخد معاي وكت طويل
ده غير المود الببقي بايظ بعد ما الفكرة تمرق في المنبر
يتخيل لي فتح بوست مسئولية كبيرة و سواقتو لتحقيق غرضو مسئولية اكبر
اها .. الشباب و الشابات الحُرفاء دي بعملوها كيف ؟؟
___
ضحكتني هضربتكـ بالبوست وانت نايمه
|
Post: #9
Title: Re: الحركة دي بتعملوها كيف ؟
Author: طارق جبريل
Date: 04-29-2009, 06:10 PM
Parent: #8
نحن غايتو بتاعين غناء ونخجي وسكلي بس
يعني ريداااااااااااااااااااات ساكت
هههههه
|
Post: #11
Title: Re: الحركة دي بتعملوها كيف ؟
Author: خدر
Date: 04-29-2009, 06:17 PM
Parent: #9
والله يا طارق يشهد الله انت فاكهة المنبر ده
انت ما حَنين ياخي
ابكي ساي و ذكرنا إنسانيتنا يا فنان
|
Post: #14
Title: Re: الحركة دي بتعملوها كيف ؟
Author: محمد الطيب حسن
Date: 04-29-2009, 06:37 PM
Parent: #11
خدر
Quote: والله يا طارق يشهد الله انت فاكهة المنبر ده
انت ما حَنين ياخي
ابكي ساي و ذكرنا إنسانيتنا يا فنان |
اسي كلامك ده عليك الله مازي الUP القلت بتكرها
سبحان الله طارق جبريل من شيخ لفنان
( وش مدردق من الضحك )
|
Post: #15
Title: Re: الحركة دي بتعملوها كيف ؟
Author: طارق جبريل
Date: 04-29-2009, 06:48 PM
Parent: #14
| Quote: سبحان الله طارق جبريل من شيخ لفنان |
دة حقد طبقي
ههههههههههههههه
|
Post: #21
Title: Re: الحركة دي بتعملوها كيف ؟
Author: محمد الطيب حسن
Date: 04-29-2009, 09:09 PM
Parent: #15
Quote:
دة حقد طبقي
ههههههههههههههه |
والله بس خايف يجي واحد بكره يقول كمان طارق جبريل ده مفكر واديب
هههههه
قال حقد طبقي
يازول ده حقد فني
|
Post: #22
Title: Re: الحركة دي بتعملوها كيف ؟
Author: طارق جبريل
Date: 04-29-2009, 09:32 PM
Parent: #21
Quote: والله بس خايف يجي واحد بكره يقول كمان طارق جبريل ده مفكر واديب
هههههه
قال حقد طبقي
يازول ده حقد فني |
ود الطيب كيفنك
انت آآآآيابا مالك شايلها معاي حارة كدي
انا يا الحبيب لاني فنان لاني اديب
وحاتك انا بس طُلبة سابق
ههههههههههههه
|
Post: #16
Title: Re: الحركة دي بتعملوها كيف ؟
Author: خدر
Date: 04-29-2009, 07:40 PM
Parent: #14
ود الطيب خليت فامهة المنبر و مسكت في فنان ؟
الحسادة عندكـ
طارق شوف ليك بخور سريع 
|
Post: #23
Title: Re: الحركة دي بتعملوها كيف ؟
Author: طارق جبريل
Date: 04-29-2009, 09:34 PM
Parent: #16
| Quote: طارق شوف ليك بخور سريع |
عاد يا الحبيب باقيلك المتلي دة بيتبخر
هههههههههههههههههههه
|
Post: #12
Title: Re: الحركة دي بتعملوها كيف ؟
Author: عبدالعزيز الفاضلابى
Date: 04-29-2009, 06:19 PM
Parent: #9
اكتب كلام عن الجنس او اى شئ من قبيل الهكس بوكوس ,, تلقى البوست مشى دون تدخل منك ماعليك الا تتاوق عشان تشوف عدد المداخلات.
|
Post: #13
Title: Re: الحركة دي بتعملوها كيف ؟
Author: خدر
Date: 04-29-2009, 06:28 PM
Parent: #12
يا فاضلابي
البكتب عن الجنس ده يجب انو يكون شجاع و عندو داتا جيدة
لانو المنبر ده فيهو ناس قاريه و عارفه
ما اي كلام عن الجنس بمشي ساي , الجنس ده ما لعب ساي ؟
الجنس ده ممارسة او كتابة داير ليهو عِرفه
__
البوست ده بتكلم عن سرعة البوستات موش عن نوعيتها
|
Post: #17
Title: Re: الحركة دي بتعملوها كيف ؟
Author: ASHRAF TAHA
Date: 04-29-2009, 08:23 PM
Parent: #13
| Quote: كتابة كذا بوست و متابعة ردودهم مع بعض ؟ |
نمرة واحد وفيما يري النايم تخلي اخر كلامك زي اولو
نمرة اتنين تعتمد على تكتل ما .. يعني ناساتك مش ناسك
نمرة تلاتة تمسك بوصطيك من النص وتحزمو
نمرة اربعة تنقسم لي مدخلين اساسين
جندري وثقافي
ولا يعتد بالسياسي لانو اصلا بيكون محروق وواضح زي الطلح وقردو
نمرة خمسة دي
تخت قزازتك
تخت سجارتك
تشد حلة
لابودن من انك تصاقر بوستك
وتدعمو بي مسنجر ولا تلفون
او حتى ميستي كول
والاستبس دي بتساعد على سرعة مرور الوقت
في البيت والشارع والمكتب
بحيث
بوصطيك فوق
مداخلاتك طن
زي الورد
محمدة
|
Post: #18
Title: Re: الحركة دي بتعملوها كيف ؟
Author: محمد أبوالعزائم أبوالريش
Date: 04-29-2009, 08:32 PM
Parent: #13
Quote: عمل البوستات دي يمكن اصعب حاجة في حياتي من ما هي فكرة
كيف اكتبها, كيف اوصلها كامله, الاوكزيلريز لتأكيد او دعم الفكرة
الخ .. الخ
القصة دي بتاخد معاي وكت طويل
ده غير المود الببقي بايظ بعد ما الفكرة تمرق في المنبر
يتخيل لي فتح بوست مسئولية كبيرة و سواقتو لتحقيق غرضو مسئولية اكبر
اها .. الشباب و الشابات الحُرفاء دي بعملوها كيف ؟؟ |
Quote: البكتب عن الجنس ده يجب انو يكون شجاع و عندو داتا جيدة
لانو المنبر ده فيهو ناس قاريه و عارفه |
لو أعلاه هي قناعتك، ما تحلم تكون مع (الشباب الحرفا ديل)
الكلام كلو صاح: (فتح بوست مسئولية) .. (سواقتو لتحقيق غرضو) .. (لازم يكون عندك داتا) .. بس في مشكلة ... وهي إنو بيتعارض مع الحرفنة الكايس ليها.
أكتب ياخ .. أكتب .... الداتا بتجي بعدين.
|
Post: #19
Title: Re: الحركة دي بتعملوها كيف ؟
Author: الوليد محمد الامين
Date: 04-29-2009, 08:47 PM
Parent: #13
Quote: الحركة دي بتعملوها كيف ؟
|
والله يا خدر انا ذاتي محتار في الموضوع دا ...
لكن يخيل لي انك رديت علي السؤال هنا :
| Quote: عن سرعة البوستات موش عن نوعيتها |
ياخي واحد تعضي حشرة يجي يكتب ليك عضتني حشرة .. تعضي واحدة تانية يجي يعمل ليك بوست جديد عنوانه : العضة التانية ، أو ياخبراء
المنبر نعمل شنو في حالة العضة التانية !
بالنسبة لي ما مشكلة الكتابة عن عضة الحشرة : المشكلة في كتابة الناس دي ذاتا !
|
Post: #20
Title: Re: الحركة دي بتعملوها كيف ؟
Author: نوفل عبد الرحيم حسن
Date: 04-29-2009, 08:53 PM
Parent: #19
تقرأ .. وترد .. تلقي كثافتك جات وعيونك طششت .. وتشتت
في المنبر دا يا تبقي كاتب يا تبقي قارئ
واكيد ليس كل كاتب .. كاتب .. وليس كل قارئ .. قارئ
|
Post: #24
Title: Re: الحركة دي بتعملوها كيف ؟
Author: ibrahim kojan
Date: 04-29-2009, 10:34 PM
Parent: #20
up
up
up
aha
did you like it??????
|
Post: #25
Title: Re: الحركة دي بتعملوها كيف ؟
Author: حبيب نورة
Date: 04-30-2009, 01:50 AM
Parent: #24
والله تتبع الطريقة الهبانية الهاشمية
يا زول بي كدة
ممكن تعمل حفلة وحولية وتدق ظار في نفس الوقت
أسعلني انا يا خدر
!!!
|
Post: #26
Title: Re: الحركة دي بتعملوها كيف ؟
Author: علاء الدين حيموره
Date: 04-30-2009, 02:01 AM
Parent: #25
كدي نحلي ليك البوست دا باغنية حفلة خدر
عشان تعرف ترد بمزاج ...
|
Post: #27
Title: Re: الحركة دي بتعملوها كيف ؟
Author: خدر
Date: 04-30-2009, 02:43 PM
Parent: #26
ارد كيفن انا مع الروشتات الصعبة دي يا حيمورة
انا الغبيان كنت فاكر انو زمني في المنبر بتقسم
لي قراية و مشاركة (كل بوستات المنبر)
اتاريها القصة غير
|
Post: #28
Title: Re: الحركة دي بتعملوها كيف ؟
Author: عزام حسن فرح
Date: 04-30-2009, 03:14 PM
Parent: #27
خِدِر ... الزول البريدو
الحركة والحركات والتِحِرِك ... أوريك بِسووها كيفِن :
أساس الحركة إنك تكون مِتلي < في إجازة > إجبارِية إختِيارِية ما مُهِم المُهِم تكون
في إجازة والسلام ... الإجازة دي بتخليك تعمل الآتي :
- كُل < رُبُع > تفتح ليك مَوضوع واحِد < جديد > (مَوضوع مُواكِب الكواكِب)
- كُل < رُبُع > تفتح ليك مَوضوع واحِد < قديم > (يعني يكون حقك مُخزن عِندك وتنسخ وتلصِق)
- الإجازة الطوييييييلة بِتخليك تقرأ البنكتِب في المِنبر كلو ... يِقوم تجيك لوايا
عِلاجا إنك تِتلح صاحِب أسوأ كِتابة وهو في الأغلب بِكون مُتنطِع ومُتشدِق ومُتفلهِم ... جِنس
الجانا أمِس القريب ده وأول ما دخل الصف مسك الطبشيرة وكتب في السبورة :
- أنا جِني وجِن المُجاملات.
- أنا زول كتّاب ... بكتِب الجُواي.
- أنا ما بحِب المُهاترات.
- البيحصل في المنبر ده أصلو ما معقول كلو كلو يعني ... بِالطريقة دي أنا ما حأقدر أبدِع.
مِتِل ده أنا بتَولى أمرو ... ما قاعِد فاضي ... عادي ... سادي ... ماضي ...
بس كِده ... عِرفتْ
الما قادِر أفهمو ... (أ) يفتح بوست .. يقوم (ب) يِفتح بوست جديد علشان يِرُد فيهو على (أ) ...
طَيِب يا سيدي ما ترُد في بوست (أ) ...
|
Post: #29
Title: Re: الحركة دي بتعملوها كيف ؟
Author: Balla Musa
Date: 04-30-2009, 04:57 PM
Parent: #28
| Quote: كتابة كذا بوست و متابعة ردودهم مع بعض ؟ |
دى غايتو ماعندها مبرر إلا تكون مرشح لمنصب رئيس جمهورية السودان الديمقراطية.
|
Post: #30
Title: Re: الحركة دي بتعملوها كيف ؟
Author: نادية عثمان
Date: 05-02-2009, 02:57 AM
Parent: #29
خدر
موش قلت ليك غني ياخ ؟!!
|
Post: #31
Title: Re: الحركة دي بتعملوها كيف ؟
Author: علاء الدين حيموره
Date: 05-02-2009, 01:59 PM
Parent: #30
تعبتنا معاك في تعتيل البوست ..
عامل اضانك الكبيرة دي
|
Post: #32
Title: Re: الحركة دي بتعملوها كيف ؟
Author: Maawya Hussein
Date: 05-02-2009, 02:06 PM
Parent: #31
يا خدر الاكواد تاني وقفت !! اعمل ليك ملحق لي بوست توقيعات تاني ياخ
|
Post: #33
Title: Re: الحركة دي بتعملوها كيف ؟
Author: محمد البشرى الخضر
Date: 05-02-2009, 02:23 PM
Parent: #32
يا عزام Quote: جِنس الجانا أمِس القريب ده وأول ما دخل الصف مسك الطبشيرة وكتب في السبورة :
- أنا جِني وجِن المُجاملات.
- أنا زول كتّاب ... بكتِب الجُواي.
- أنا ما بحِب المُهاترات.
- البيحصل في المنبر ده أصلو ما معقول كلو كلو يعني ... بِالطريقة دي أنا ما حأقدر أبدِع. |
دا اوعى يكون زولي
|
Post: #34
Title: Re: الحركة دي بتعملوها كيف ؟
Author: معتصم مكاوي
Date: 05-02-2009, 03:07 PM
Parent: #1
بيني وبينك يا خدر
مرات بكتب بوست بلقى نفسى
مشالق وعيييييك مداخلات
بتمنى لو عندي سكرتيرة ترد
|
Post: #35
Title: Re: الحركة دي بتعملوها كيف ؟
Author: خدر
Date: 05-02-2009, 07:40 PM
Parent: #34
معتصم سلامات
كويس انكـ نبهتني ياخي
البوست ده بالمناسبة فيهو سؤال اساسي
و انتو كلكم و معاكم زملاء تانيين ما قصرتو و حاولتو تفهموني
البوست طبيعتو كده ما بحتاج لي ردود مني
ولا شنو يا اخونا !!
انا بصراحة خايف ارد كلام مجاملات ساي
لانو في الردود في توصيف لي ناس انا ما عرفتهم
اها اقوم ارد ساي يلموا فيني الناس الجات سيرتهم في الردود شكل و حِمير و صرصرة
مالي و مال القراية ام دق
البوست بوستكم يا شباب بس إنشاء الله انا اقدر افهم كيف الناس دي بتعمل الحركة دي ؟
|
Post: #36
Title: Re: الحركة دي بتعملوها كيف ؟
Author: Salah Abdulla
Date: 05-02-2009, 08:19 PM
Parent: #35
Quote: بيني وبينك يا خدر
مرات بكتب بوست بلقى نفسى
مشالق وعيييييك مداخلات
بتمنى لو عندي سكرتيرة ترد |
هاهاهاهاهاهاهااااااااااااااااااااااي
وقهقهقهقهقهقهقهقهقهقهقهقهقهاااااااي
وكهكهكهكهكاااااااااااااااااااااااي
-----------------------
كتّاب والله ..
|
|