Post: #1
Title: مانشستر سيسحق الارسنال..الشياطين هل يصطادون القانرز؟؟
Author: عمر الفاروق
Date: 04-29-2009, 09:39 AM
Parent: #0
اتوقع ان يسحمها مانشستر اليوم حتى لا يكرر شريط البرتغال..
لقاء العجايز كما يحلو لي بين السير اليس فريغسون والفرنسي ارسين فينغر..
مانشستر بخبرة السنين والارسنال بشبابه ..
ان لم تخني الذاكرة مانشستر لم يخسر في دوري الابطال لا ذهاباً ولا إيابا من البطولة السابقة وهاهو يواصل المشوار دون خسارة في هذه البطولة ..
اتوقع ان يحسمها المانيو اليوم وبثلاثة اهداف على اقل تقدير وان كان الارسنال فريق يلعب الكرة السريعة والتمريرات القصيرة لكن الغلبة والكلمة الاخيرة ستكون لكرستيانو رونالدو ..
استمتعوا بي المانيو والارسنال ياخ وسيبونا من شيلسي وبرشلونة ..
|
Post: #2
Title: Re: مانشستر سيسحق الارسنال..الشياطين هل يصطادون القانرز؟؟
Author: abuguta
Date: 04-29-2009, 09:43 AM
Parent: #1
جيت اخيرا من بدرى منتظرنك
انت خليت تشجيع اولاد الروضة
ولا شنو
انا عاوز الارسنال يتاهل,,عشان تجلسى يشيل الكاس
|
Post: #3
Title: Re: مانشستر سيسحق الارسنال..الشياطين هل يصطادون القانرز؟؟
Author: محمد يوسف الزين
Date: 04-29-2009, 10:12 AM
Parent: #2
سلام يا عمر
حقيقة تشيلسي طمم بطنا امس ، ما ممكن خطة 10 صفر صفر بتاع اليونايين في كاس اوروبا دي ، لكن بالجد ما كان في حل تاني للمدرب الشفت هيدنك دا ، يعني ميسي وانييستا وهنري وايتو ديل تعمل معاهم شنو!!
اهاااااااا كورة الليلة..
ياخي والله متمني ارسنال يفوز فوز يضمن ليهو التأهل كمان
ارسن فينجر يستاهل ليهو تشامبيونز واحد على الاقل ، 2005 قرربو وخطفوها برشلونة رونالدينو ، بعدين ياخي فريجسون دا راجل شبعان بطولات وعندو تخمة.
ومع امنيتي دي حكتون (نوت فير) ، مانشستر أقوى فريق في العالم مافي اتنين تلاتة
ومع انو مانشستر السنة الفاتت كان مبدع لكن برضو لسة أحسن (حتقولي برشلونة حأقول ليك لأ).
أمسك ابرز العناصر ..فاندرسار (عجوز ومبدع) ، فديتش وفريدناند (احسن قلبي دفاع في الكرة الارضية وشوف فيدتش في كورة ليفربول لمن كان كعب اتهزمو 4) ، ايفرا (مستواهو نزل لكن لسة مهم) ، سكولز (أهم لاعب في مباريات مانشستر الكبيرة) برباتوف (ممكن لو كان في مزاجو يعمل عمايل) ، روني (الزول دا مجنون ياخي حريف) وكريستيانو (مع انو السنة الفاتت كريستيانو كان مانشستر يعني عمل اي حاجة ممكن تتعمل والسنة دي وبمستوى أقل انقذ فريقو اكتر من مرة وحير البرتغاليين وبورتو زاتو) ، تيفيز وقيقز (احسن كنبة).
ليه الناس بتتعاطف مع ارسنال؟ اقرب سبب انو فينجر دا بمبلغ زي المبلغ الدفعوهو في بيرباتوف العمرو 28 سنة (60 مليون دولار) ممكن يعمل فريق تاني زي ارسنال. والحاجة التانية ناس مبدعين ياخ بس حظهم مع الاصابات السنة دي كان كعب..يعني بعد ما يبيعو فلاميني وهليب وجلبرتو سيلفا يقوم يتعوق فابريقاس واديبايور وروزيسكي ، ولمن يرجعو فابريقاس واديبايور يقومو يتعوقو اتنين من اهم عناصر الفريق (كليشي وسانيا) الاطراف الشفوت ديل ومعاهم وليام جالاس (مدافع قلبو حار وانقذ الفريق باهداف كتيرة).
على العموم مع تألق ارشافين وفابريقاس حتكون المباراة حلوة..
للتذكرة فقط نقول انو ارسنال هزم مانشستر في الدوري في عز أزمة الاصابات بهدفين سمير نصري.
|
Post: #4
Title: Re: مانشستر سيسحق الارسنال..الشياطين هل يصطادون القانرز؟؟
Author: طلحة عبدالله
Date: 04-29-2009, 10:36 AM
Parent: #1
Quote: مانشستر سيسحق الارسنال..الشياطين هل يصطادون القانرز؟؟
|
هسع أمانة عليك تقطع أضنيك الكلام الفوق دا يفهموا ليك كيف يا قليص ديمة ..؟؟؟؟؟؟؟؟؟؟؟
بعد ما جزمت لزوم الشكك واللإستفهام شنو يعني ..؟؟؟؟؟؟؟؟؟؟؟؟؟؟؟؟؟؟؟
|
|