Post: #1
Title: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: omer osman
Date: 04-27-2009, 01:13 PM
بشارة اراد بها الاخ محمد فرح نقلها لناس الخرطوم بدخول كهرباء سد مروي شأت الظروف ان يتلخبت موضوع الكهرباء فوق تحت
وكل الناس دخلت وعبرت عن رأيها بمافيه الكفاية واصبح الموضوع ممل ومكرر بلغ عدد مشاهدات البوست 10588 وعدد المداخلات 698
ووصل عدد صفحات البوست 7 صفحات.
يا اخي معقول اصلوا دي بشارة والا قيامة رابطة ماخلاص قالوا ليكم الكهرباء شهر سبعة انتظروا لحدي شهر 7 لو ما اتصلحت افتحوا بوست
تاني ..........
|
Post: #2
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: محمد عبد الماجد الصايم
Date: 04-27-2009, 01:58 PM
Parent: #1
مالو ما تخليهو يصل 100 صفحة!
بستهلكـ كهربا زيادة ولا شنو؟
|
Post: #3
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: Hadeer Alzain
Date: 04-27-2009, 02:14 PM
Parent: #2
يا جنابو ياخ ما تخلو روحكم دي رياضية!
خلي الناس تمرق مغستا دي هنا .. من هنا لي يوليو!
طالما الموضوع أخد لي جرة لي شهر سبعة
___
العذاب كهرباء في السودان
|
Post: #4
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: Isa
Date: 04-27-2009, 02:33 PM
Parent: #3
Quote: انتظروا لحدي شهر 7 لو ما اتصلحت افتحوا بوست
تاني |
ولامـن البوست التاني يستنفد أغراضو.. الناس تعمـل شنو؟؟
|
Post: #5
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: أحمد الشايقي
Date: 04-27-2009, 02:46 PM
Parent: #4
Quote: ما تخليهو يصل 100 صفحة
بستهلك كهرباء ولا شنو ؟ |
الترشيد الترشيد,
وشد الاحزمة على الباندويث
أحمد الشايقي
|
Post: #6
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: HAIDER ALZAIN
Date: 04-27-2009, 02:51 PM
Parent: #5
قصدك يحفظوا قضية كضبة محمد فرح وعدم اعتذاروا
ويقيدوها ضد مجهول يا جنابو ؟؟
كدة القانون ما ظابط يا عمك !!
|
Post: #7
Title: Re: يابكري البوست ده استنفذ اغراضه (من بكره ... تاني مافي كهرباء بتقطع في الخرطوم إن شاءالله )
Author: nazar hussien
Date: 04-27-2009, 02:53 PM
Parent: #5
Quote: يا اخي معقول اصلوا دي بشارة والا قيامة رابطة ماخلاص قالوا ليكم
الكهرباء شهر سبعة انتظروا لحدي شهر 7 لو ما اتصلحت افتحوا بوست
|
نحن هسي خلينا الكهرباء يا صاحبي
وبنصيد في البلطي...والبحيرة ملانة
سمك...(يعني المعني يبفن علينا عدم
كهرباء وعدم بلطي)
هذا لا يجوز والنعمة
|
Post: #8
Title: نجي للبوست
Author: أحمد الشايقي
Date: 04-27-2009, 03:11 PM
Parent: #7
Quote:
يا بكري البوست دا استنفذ اغراضـه |
يا جنابو ,
إنت قايل بكري عنده (أغــراض) ؟؟؟ أي أغراض في كتابة الناس القاعدة تكتب دي هنا,
يا حبيب بكري ما عنده أي غرض أكتر من إتاحة المساحة والحرية للناس عشان تكتب كل ما يدور في خواطرها,
يعني مادام الناس مبسوطة وشغالة بترغي مافي مشكلة , أكيـد بكري بيكون مبسوط البوست يمشي لصفحة (99) وبعد الارشفـة نبدأ ســي جديـد, وهكذا دواليك,
بعدين ياخ الناس قاعدة تكتب وبس مافي صور مسئولين ولا صــور شــحــاتين يعني مافي مشكلة (حمولات) (ضغط عالي) أو الذي منـه,
يعني كدا دا بالنسبة لبكري العيد ذاتـو
بعدين ياخ ديمقراطيـة كـدا, خلينا نصـوت .... تصويت الله والرســول الجماعتك حارمننا ليهو من (20) سـنـة دا ......
أكتر العايزين يكتبوا ويواصلوا العيد والخريف الناشف دا ولا أكتر العايزين البوست دا يقطع وشـه مع خجلاتو كلها .... صــوتوا يا شباب,
............................................ >>>>>>>>>>>>>>>>>> ---- لجنة الفــرز, اضرب عدد المداخلات في عــدد الصفحات .... يعني بالحساب كــدا (في حضــور اللجنة ومناديب المرشحين .... ورقابة دولية (حقيقية يا عمك) .... فائــز صـــلاح ليــون
وبالتالي البوســت يقعـد في (قـلـب العــدو .... ) والماعاجبو ياكل ســــــمــــــك .....
أحمد الشايقي
|
Post: #9
Title: Re: نجي للبوست
Author: nazar hussien
Date: 04-27-2009, 03:18 PM
Parent: #8
مداخلتك الاولي يا احمد كانت عن الترشيد...وشكلك كنت قاجي سنارتك
في السد...وعلوت ما قبضت ليك بلطية وشويتها...اعتليت المنبر
وحمدت الله وشكرته...واتداخلت تاني بما يرضي الله ورسوله..
ونصحت الراجل نصيحة تخدرو وطبعا حا ينوبك ثواب...
فبالتالي:
يعيش البلطي العدل مزاجك
|
Post: #10
Title: Re: نجي للبوست
Author: أحمد الشايقي
Date: 04-27-2009, 03:25 PM
Parent: #9
خلي بالك يا نزار
| Quote: يعيش البلطي العدل مزاجك |
يعيش البلطي الحيدخـل السنارة,
باقي البلطي ما شغلتنا ............
إن شاء الله تضــربوا كهربـة محمـد فــرح (لـو في كهرباء)
أحمد الشايقي
|
Post: #11
Title: Re: نجي للبوست
Author: Rawia
Date: 04-27-2009, 03:37 PM
Parent: #10
غلتان ....غلتان ياولدي
بوست غير موفق
إخيانك ديل من مايشوفك كدي ..... بيزيدو الدوز
كان بس تسكت وتطنش
صراحة البوست داك طلع من إيديكم وطلع من عين الحكومة
ممكن نديهو بوست العام والاعوام المقبلة
______________
بعدين أنا الليلة صدمتي فيك شديدة
ماكنت قايلاك مع محمد فرح وود الباوقة
|
Post: #12
Title: Re: نجي للبوست
Author: HAIDER ALZAIN
Date: 04-27-2009, 03:44 PM
Parent: #11
Quote: بعدين أنا الليلة صدمتي فيك شديدة
ماكنت قايلاك مع محمد فرح وود الباوقة |
في داعي هسع يا جنابو ..
ديمة تعصر على نفسك عشان خاطر الما يتسمي ،،،
|
Post: #13
Title: Re: نجي للبوست
Author: Ahmed Abdallah
Date: 04-27-2009, 04:33 PM
Parent: #8
Quote: عدين ياخ ديمقراطيـة كـدا, خلينا نصـوت .... تصويت الله والرســول الجماعتك حارمننا ليهو من (20) سـنـة دا ......
|
يا احمد الشايقي انت ما فاهم الغرض
نفهمكـ ليهو ....
الشقيق السابق فتح الرحمن شيلا تم تعينه مؤخرا مسئولا عن اعلام سد مروي
وبالتالي تسويق انجازات الانغاذ ممثلة في سد مروي
وطبعا سعادتو من جماعة شيلا وضمن اللسته التي هاجرت معه للمؤتمر الوطني
دي كل الهيلمانة يا شقيق
|
Post: #14
Title: Re: نجي للبوست
Author: Salahaldeen Nadir
Date: 04-27-2009, 08:28 PM
Parent: #13
| Quote: اصبح الموضوع ممل ومكرر |
فعلا, قطوعات الكهرباء بجد حاجة مملة ومكرورة, ياريت يجددو لينا بشوية إمداد مستقر, على سبيل التغيير ما اكتر
نحن ك مدنيين بنتعامل بواسطة الحجة و المنطق اما الأوامر ال على شاكلة كمااااا كنت
ف دي بتحصل بس في حالة قيام النفر بالبيادة
ما ح اقول ليك صفا و استرح
لكن ح أقول ليك شوف بالله الحرية دي سمحة كيف
لما تجي تعبر عن رأيك برغم فطارتو وبرضو الناس تسمعك و تقول ليك صاح او غلط
وانت الليلة
غلط
أيوة عدلت مش هي حرية وللا إنتهازية؟
!
|
Post: #15
Title: Re: نجي للبوست
Author: أيمن الطيب
Date: 04-27-2009, 08:52 PM
Parent: #14
جنابو عمر سلامات يا شقيق,,,
من اليوم حق أن يطلق عليك لقب منبرجى متمرّس يا صاحب, ,,
بقيت تبرمج بى خلق الله وتفتح بوست مفترع من بوست منبثق
عن بوست سابق !!!!!!!!
أتخيل فقط أن فى لحظة قرف وزهج من الحرّاية الضاربة البلد
دى قلت أسخن بالعالم ديل زيادة شوية,,,
البوست ابو مية صفحة قاعد بسمع فى كلامك دا
ويا ريتو لو جاب إن شاء الله كيلو رطلين كهربا,,,
تزيدو بوست كامل عديل كده ولا حتى صفحة واحدة,,
على كل حال ما علينا سعادتك,,
Re: تكرار البوستات هل هو هواية أم عادة أم ضرورة ؟؟؟؟
تحياتى,,
|
Post: #16
Title: Re: نجي للبوست
Author: omer osman
Date: 04-27-2009, 09:13 PM
Parent: #15
انتو كان كهربتكم دي قاطعة بتلقو النت ده وين وتقعدو تنجضو في خلق الله تفكو محمد فرح تمسكو في عمر ، ماتقول لي شغالين بي لابتوب
والله ده الا يكونوا رابطين ليهو بطارية قندران ...... اما ناس بره ديل ما عندهم كلام عن الكهرباء قاطعة والا في والداير
الكهرباء يجي السودان ويشوف بي عينو .............
|
Post: #18
Title: Re: نجي للبوست
Author: عمر صديق
Date: 04-27-2009, 10:05 PM
Parent: #17
Quote: يا احمد الشايقي انت ما فاهم الغرض
نفهمكـ ليهو ....
الشقيق السابق فتح الرحمن شيلا تم تعينه مؤخرا مسئولا عن اعلام سد مروي
وبالتالي تسويق انجازات الانغاذ ممثلة في سد مروي
وطبعا سعادتو من جماعة شيلا وضمن اللسته التي هاجرت معه للمؤتمر الوطني |
الاخوة الاعزاء
تحياتي
عشان ما يلخبت الاختساس
الاخ فتحي شيلا هو نائب امين امانة الاعلام بالمؤتمر الوطني
والاخ عمر عثمان عضو بهذه الامانة
--------------------------------------------
ويا جنابو عمر خلي البوست داك يستمر لحدي الكهرباء ما تجي
وخوفي عليك بوستك دا يلحقو كمان
|
Post: #19
Title: Re: نجي للبوست
Author: Abomihyar
Date: 04-27-2009, 10:27 PM
Parent: #18
والله دي قوة عين وعدم حياء ياجماعة الحكومة!!!!
هو البيه برضو معاهم؟؟؟؟
|
Post: #20
Title: Re: نجي للبوست
Author: mutwakil toum
Date: 04-28-2009, 02:10 AM
Parent: #16
Quote:
يا اخي معقول اصلوا دي بشارة والا قيامة رابطة ماخلاص قالوا ليكم الكهرباء شهر سبعة انتظروا لحدي شهر 7 لو ما اتصلحت افتحوا بوست
تاني .......... |
قلة أدب
و
Quote: ماتقول لي شغالين بي لابتوب
والله ده الا يكونوا رابطين ليهو بطارية قندران |
تقالة دم
و
Quote: \اما ناس بره ديل ما عندهم كلام عن الكهرباء قاطعة والا في والداير
الكهرباء يجي السودان ويشوف بي عينو |
عوارة
موباالغاا
|
Post: #21
Title: Re: نجي للبوست
Author: omer osman
Date: 04-28-2009, 06:30 AM
Parent: #20
mutwakil toum
يمكنك التعبير عن وجهة نظر مخالفة من غير هذا السباب والسخف.
الله يهديك.
|
Post: #22
Title: Re: نجي للبوست
Author: omar alhag
Date: 04-28-2009, 01:48 PM
Parent: #21
يا اخي معقول اصلوا دي بشارة والا قيامة رابطة ماخلاص قالوا ليكم الكهرباء شهر سبعة انتظروا لحدي شهر 7 لو ما اتصلحت افتحوا بوست
1- دى ما بشارة (دى نجرة مدنكلة)
2- منو القال شهر7 (عشان ما تدخل نفسك في محل محمد فرح).........
حاجة اخيرة............
انت عايز تدافع لمحمد فرح.............
اكتب عديل وبطل لولوه................
حاليا الهكربا قطعت وشغال بالبطارية
حاجة بعد الاخيرة
شهر 7 سنة كم؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #23
Title: Re: نجي للبوست
Author: أحمد الشايقي
Date: 04-28-2009, 02:17 PM
Parent: #22
Quote: الاخ فتحي شيلا هو نائب امين امانة الاعلام بالمؤتمر الوطني
والاخ عمر عثمان عضو بهذه الامانة
--------------------------------------------
|
بـــس ؟؟؟؟
أحمد الشايقي
|
|