إتنطر قال بعرفو !! عايشته ؟ لأ !! إذن ما بتعرفو وبطل الشلاقة ؟؟

من خلال البوست بتاعي بتاع (كيمان كيمان)
اكتشفت حاجة مهمة جداً
إنه في ناس مسخنين ساكت
وناس فاردين عضلاتهم
وناس سالين لسانن
للفارغة والمليانه
وجارين شكل
وناس عزاز علينا
وناس تقول رافعين ليهم كورنر
وأخوات ما محتاجات يكسروا ليهم تلج
رزينات وواعيات
والردود نفسها فيها ما يضحك
وفيها ما يبكي
وفيها اليخليك تقرب تكتب قصيدة
عصماء في باب المعرفة
الجدعنا ورانا زمان وقلنا كعب
وأسع بقينا نفتش فيهو في المنابر
وبرضو بنقول قل العروض جفا
والعاضي الدبيب بيخاف من مجر الحبل
ويا يوم بكره ما تسرع
تبرد ليا نار وجدي
وأنا بره الفهم فهم
والفاهم يفهم الما فاهم
وأنا
وإنت
جوه البطيخة