Post: #1
Title: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-26-2009, 10:43 PM
Parent: #0
قرأت اليوم في صحيفة سودانية هذا الخبر وتذكرت اطفال واشخاص كثيرون يموتون في اطراف السودان موت سنبلة نتيجة لحوادث المرور وغيرها دون ان يجدوا كارو يوصلهم للمستشفيات.
Quote: حادث مروري لأسرة محافظ مروي السابق
الخرطوم: هادية صباح الخير
لقي نجل محافظ مروي السابق عبد العظيم الحبوب أمس مصرعه في حادث مروري بمروي اثر اصطدام عربة الاسرة ببص سياحي عند مدخل المدينة، فيما تعرض والده لكسور في يديه، وأُصيبت زوجته اصابات متفاوتة وتم إسعاف المصابين لمستشفى كريمة ومنها بطائرة خاصّة لمستشفى الفيصل لتلقي العلاج. وقالت مصادر لـ (الرأي العام) أمس إنّ معتمد مروي السابق تعرّض وأسرته لحادث مروري أدى لوفاة ابنه مجاهد في الحال الذي كان يقود السيارة.وأضاف المصدر أن الحادث وقع عند مدخل مدينة مروي عندما حاول سائق البص السياحي تخطي عربة المحافظ.
الراي العام-عدد اليوم |
نترحم علي نجل المحافظ.
والله يشفي المصابين.
نتمني ان يجد كل السودانين ماوجده اسرة المحافظ السابق.
تخريمة
حقيقة اول مرة اسمع نقل مصابين في حادث حركة بطائرة خاصة في السودان يمكن اكون غلطان في العنوان وفي زهني اناس فارقوا الحياة في طريق مدني قبل ايام.
|
Post: #3
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: حمزاوي
Date: 04-27-2009, 06:48 AM
Parent: #2
تعازينا الحارة لاهل مروي
وعلى رأسهم السادة
اسامه عبدالله
علي عثمان
عوض الجاز
ونسأل الله ان لا يريكم مكروهاً في عزيز لديكم
|
Post: #5
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: هيثم درار
Date: 04-27-2009, 07:24 AM
Parent: #3
الف رحمة على المتوفى وربنا يتقبله قبولا حسنآ
ولكن!!!!
هذا المحافظ ،هلا جلس فى بيت امه وابيه لكان سيحظى بالطائرة الخاصة؟؟؟ لا أظن
قبل اقل من اسبوعين زوجين سقطا فى بئر السايفون ولم يتم إنتشال جثتيها إلا بعد ثلاثة ايام( لهما الرحمة )
لك الله يامواطن
|
Post: #4
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: سمرية
Date: 04-27-2009, 07:01 AM
Parent: #2
الاخ مدحت ..
صباحك خير ...
بالنسبة لي ، الخبر لا غريب لا حاجة .. هناك الكثير من الجرحي اللذين يعملون في شركات البترول
يتم نقلهم عبر الطائرات الخاصة الى مستشفيات الخرطوم !
حاجة تانية من ايام حرب الجنوب ، يتم نقل الجرحي والمصابين الى الخرطوم بالطائرات ومنها الى مستشفى السلاح الطبي لتلقي العلاج ..
واذكر حادث لطفل من عائلة التماري بالابيض تعرض لحادث حركة ، تم نقل الطفل فورا الى الخرطوم وبطائرة خاصة مزودة باجهزة اسعافية،
ومنها الى مستشفى الشعب بالخرطوم .
وهناك الكثير من الحوادث التي يتم نقل المصاب فيها الى خارج السودان حتى ، بس نسبة لان المصاب شخصية عادية
لا يتم الاعلان عن الحادث !!
الحوادث التي تحدث في الطرق السريعة قد لا تحتاج لطائرات خاصة بقدر ما تحتاج لـــ طرق آمنة و مستشفيات قريبة مجهزة باحدث الوسائل العلاجية
وكادر طبي مؤهل !
تحتاج لعربات اسعاف مجهزة ومستعدة تلبي النداء عند الحاجة ..
انا اعمل في مجال الطيران واعرف ان طلب طائرة خاصة تسبقه عدد من الاجراءات والتصاريح لاقلاع الطائرة
كما ان هذه الطائرات ليست طائرات اسعافية والمريض لا يحتاج للسرعة فقط وانما للاسعاف السريع !
اعتقد من حق اي مواطن اسعاف اهل بيته بالطرق التي يراها مناسبة ، بغض النظر ان كان وزير او محافظ او مواطن عادي !
|
Post: #6
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-27-2009, 09:28 AM
Parent: #4
حمزاوي
هيثم
سمرية
شكرا علي المرور.
Quote: واذكر حادث لطفل من عائلة التماري بالابيض تعرض لحادث حركة ، تم نقل الطفل فورا الى الخرطوم وبطائرة خاصة مزودة باجهزة اسعافية،
ومنها الى مستشفى الشعب بالخرطوم . |
سمرية
شكرا للتوضيح.
وانا اذكر حادث طفل من منطقتنا وقع من النخلة وبعد المرور بأربعة مستشفيات من مستشفي الترعة وفريق والبرقيق ودنقلا ولم يجد اي علاج ونقل بعد ساعات طويلة من الحادث ببص سفري من دنقلا للخرطوم وفارق الحياة بعد يوم من وصوله مستشفي حوادث الخرطوم.
وعلي ذكر جرحي الحروب نقل ايضا 19 جريح من شباب منطقتنا بالبكاسي لمستشفي دنقلا وبالبصات لمستشفيات الخرطوم عندما اطلقت قوات الحكومة الرصاص علي جموع من شباب ورجال واطفال ونساء خرجوا لرفض اقامة سد كجبار في منطقتنا في مظاهرة سلمية.ومعظم المصابين كانت اصاباتهم خطيرة.
امثلة كثيرة ومأسي حصلت نتمني ان يعيش كل الناس بكرامة دون تمييز في بلادي.
|
Post: #7
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-27-2009, 12:20 PM
Parent: #6
| Quote: اعتقد من حق اي مواطن اسعاف اهل بيته بالطرق التي يراها مناسبة ، بغض النظر ان كان وزير او محافظ او مواطن عادي |
المواطن المغلوب علي امره
كيف يسعف اهل بيته؟؟؟؟
|
Post: #8
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-27-2009, 06:05 PM
Parent: #7
؟؟؟؟؟!!!!!
|
Post: #9
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-27-2009, 11:10 PM
Parent: #8
Quote: وبطائرة خاصة مزودة باجهزة اسعافية،
ومنها الى مستشفى الشعب بالخرطوم . |
الاخت سمرية
بالله واحد لقي ليه طيارة وكمان مجهزة اسعافيا ينزل منها مستشفي الشعب.؟؟؟؟!!!!!!
|
Post: #10
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: baha eassa
Date: 04-27-2009, 11:37 PM
Parent: #9
طفل يتوفي لعدم وجود اوكسجين بالمستشفيات في الخرطوم ؟
اخي مدحت ..
غريبة فعلا ان يحدث هذا في السودان .. وطفل يموت في قلب الخرطوم
لعدم اسعافه في اربعة مستشفيات بانبوبة اوكسجين؟ فعلا شيء غريب
|
Post: #11
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: هاشم نوريت
Date: 04-28-2009, 00:52 AM
Parent: #10
فعلا اخى امر غريب
غايتو نحن شهدائنا لم تنقلهم سلطات الانقاذ فتبرع الاهالى بنقل الجرحى والشهداء
ربما انهم لا يستحقون الاسعاف والاهتمام او ربما خشيت السلطات باصابتهم بانفلونزا الطيور لا ادرى
ثورة حتى اقتلاع هذا النظام المجرم
|
Post: #21
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-28-2009, 01:26 PM
Parent: #11
| Quote: غايتو نحن شهدائنا لم تنقلهم سلطات الانقاذ فتبرع الاهالى بنقل الجرحى والشهداء |
ده الحاصل في كل اتجاهات السودان.
تحياتي هاشم نوريت.
|
Post: #19
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-28-2009, 11:33 AM
Parent: #10
| Quote: غريبة فعلا ان يحدث هذا في السودان .. وطفل يموت في قلب الخرطوم |
السودان بلد التناقضات.
الله يصلح الحال يا بهاء.
تحياتي.
|
Post: #12
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: سمرية
Date: 04-28-2009, 06:55 AM
Parent: #9
Quote:
الاخت سمرية
بالله واحد لقي ليه طيارة وكمان مجهزة اسعافيا ينزل منها مستشفي الشعب.؟؟؟؟!!!!!!
. |
الاخ مدحت
الرحمة والمغفرة لكل الشهداء في بلادنا ولكل اللذين تعرضوا لتلك الحوداث الاليمة ولم يجدوا من يسعفهم ..
بالنسبة للطيارة الاسعافية الجات من الابيض وهي متنها الطفل المريض كانت طائرة مروحية ، تفتكر ممكن الطفل دا يتحمل السفر لابعد من مستشفى الشعب ؟
بعدين اهل الطفل هم من قاموا باستئجار الطائرة ، ودا حق من حقوقهم .. وانسانيا نحن مفروض نتعاطف مع جميع المرضي والمصابين بغض النظر كون المصاب موالي للنظام او ابوه محافظ او جده برلماني .. !
اما كون الحكومة ما قادرة توفر لينا الاسعافات المناسبة فدا موضوع طويل .. حقو نفرد ليهو صفحة تانية .. ونطالب فيها بحقوقنا لو في اصلا زول حيسمعنا !
وزي ما قلت ليك اسعاف المرضى محتاج للسرعة اكتر ما هو محتاج للطائرات ، لو مستشفى كريمة كان مؤهل وفيه كادر مؤهل كان قصر لينا المشوار !
ولو طريق الخرطوم / مدني كان مؤهل بشكل يجنب السائقين تلك الحوادث ، ومستوصف قريب .. كان افضل بكتير من اي طيارة !
المهم ..
ان شاء الله ربنا يكفينا شر الحوادث ويوفر لينا سبل الحياة الكريمة .
تقديري ...
|
Post: #13
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: abubakr salih
Date: 04-28-2009, 07:08 AM
Parent: #12
الاخت سمرية
الاخ متدحت كلامه واضحه على ما اظن، بتكلم عن الامتيازات التى يحصل عليها اصحاب السلطة
السيد المحافظ دا اكيد ما اٍستاجر طائرة من جيبو، فى شبهة اٍستفادة من الموقع العام
المغتصب بالقوة حاكم انو الناس ديل مافى زول زاتو اختارهم عشان يحكموا.
الاسلاميين جنونا جن بالكلام الكتير عن العدالة فى الاسلام و الدولة الاسلامية و عمر بن الخطاب
و غيره، لكن تجيهم المصائب تجدهم اول من يجزع و يبحث عن افضل الاوضاع لحل مشاكله حتى
لو عن طريق الاستفادة من المناصب بغير وجه حق
|
Post: #14
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: سمرية
Date: 04-28-2009, 07:44 AM
Parent: #13
الاخ ابوبكر .. سلامات
وانا فاهمة كلام مدحت كويس ، وما اظني محتاجة لاحد يشرح لي ما يقصده .. فاهمه انه قلبه على هؤلاء اللذين لا يجدون الاهتمام المناسب من ابناء شعبي الصابر،
ولكن حين قال اول مرة في السودان نقل جرحي في حادث حركة بطائرة خاصة الى اكبر المستشفيات .. انا قلت ليهو ما اول مرة وعددت ليه بعض الحالات
وكون اصحاب السلطة عندهم امتيازات كتيرة جدا ، دا شيء معروف وقديم جدا .. وياما في طائرات خاصة نقلت جرحي بدون حتى ما الاعلام يعرف بيها
.. وبعدين حاول تقرأ كلامي كويس وتفهم انا قاصدة شنو بالضبط !
|
Post: #15
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Zomrawi Alweli
Date: 04-28-2009, 08:31 AM
Parent: #14
Quote: وانا فاهمة كلام مدحت كويس ، وما اظني محتاجة لاحد يشرح لي ما يقصده .. فاهمه انه قلبه على هؤلاء اللذين لا يجدون الاهتمام المناسب من ابناء شعبي الصابر،
ولكن حين قال اول مرة في السودان نقل جرحي في حادث حركة بطائرة خاصة الى اكبر المستشفيات .. انا قلت ليهو ما اول مرة وعددت ليه بعض الحالات
وكون اصحاب السلطة عندهم امتيازات كتيرة جدا ، دا شيء معروف وقديم جدا .. وياما في طائرات خاصة نقلت جرحي بدون حتى ما الاعلام يعرف بيها
.. وبعدين حاول تقرأ كلامي كويس وتفهم انا قاصدة شنو بالضبط ! |
يا سمرية ما دام انتي فاهمة كلام مدحت كويس مالك بتلولوي الكلام
انا ايضا اول مرة اسمع انو في طائرة اخلاء طبي في السودان
كلامك عجيب انك تقولي ان اهل المريض من حقهم استئجار طائرة خاصة ونحن ما قلنا حاجة ولكن اي نوع من البشر هؤلاء الذين يستأجرون طائرة خاصة؟ هل يعيشون في كوكبنا السوداني المعروف ام من كوكب آخر؟
هل مثلنا هم يأكلون
ام مثلنا هم يشربون
او مثلنا هم يشعرون
ولمثل هذا اليوم كانوا يعملون؟
عجبي والناس تمون دون الآخرين في بلدي
ولانهم هم عاجزون وعن الملاريا يقاومون
اما الكبار فياكلون ويشربون وبالطائرات يتوصلون
|
Post: #16
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: سمرية
Date: 04-28-2009, 09:17 AM
Parent: #15
Quote: يا سمرية ما دام انتي فاهمة كلام مدحت كويس مالك بتلولوي الكلام
انا ايضا اول مرة اسمع انو في طائرة اخلاء طبي في السودان
كلامك عجيب انك تقولي ان اهل المريض من حقهم استئجار طائرة خاصة ونحن ما قلنا حاجة ولكن اي نوع من البشر هؤلاء الذين يستأجرون طائرة خاصة؟ هل يعيشون في كوكبنا السوداني المعروف ام من كوكب آخر؟
هل مثلنا هم يأكلون
ام مثلنا هم يشربون
او مثلنا هم يشعرون
ولمثل هذا اليوم كانوا يعملون؟
عجبي والناس تمون دون الآخرين في بلدي
ولانهم هم عاجزون وعن الملاريا يقاومون
اما الكبار فياكلون ويشربون وبالطائرات يتوصلون
|
يا سبحان الله ، يا اخ زمراوي هسي البلولو الكلام منو ، انا كلامي واضح جدا ، بس انتو الماسكين العكاز من النص ..
يعني انت مثلا لو تعرض اخوك او ابوك لحادث وكان عندك القدرة المادية انك تسعفه بكل الطرق المتاحة ليك حتتاخر ..
اكيد لا .. واكيد برضو ما حتخليهو يموت تضامنا مع شهداء كجبار او معسكر كلما ..
خلينا كدي من حكاية الحكام القاعدين يعالجوا اولادهم بقروش الشعب ، شوف مجتمعنا دا منو الما قاعد يسعف اهله بالسفر خارج البلاد !
طيب اقول ليك حاجة تانية في ناس بتأجر طيارة عشان تزور بيها مريض ليهم عيان في اقاليم السودان !
وفي ناس بتاجر طيارة عشان عندهم عرس في دنقلا ...
وفي ناس بتاجر طيارة عشان اتين رايحين في عربية في منطقة بشرق السودان !
انا عايشة جوة السودان وعارفة الحاصل فيهو كويس .. عارفة انو فيهو ناس عايشة عيشة الملوك ..
وكونك ما سمعت عن حاجة ما معناها عدم وجودها .. !
|
Post: #17
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-28-2009, 10:26 AM
Parent: #16
الاخت سمرية
انا اوضحت في بداية البوست انو يمكن اكون غلطان في العنوان.
لكن المعروف ان الكثيرين ما عندهم المقدرة لدفع ايجار طائرات خاصة ودي مسؤلية الدولة ان توفر مجانا للغالبية العظمي ابسط مقومات الحياة.
Quote: وتخيلي معي مثل هذه الاخبار من السودان.
الخرطوم: انعام محمد الطيب
لفظ الطفل محمد مصطفى البالغ من العمر (11) عاماً
ويعاني من ورم في المخ أنفاسه الأخيرة، في رحلة البحث عن أوكسجين
كان يحتاجه بشدة في أربع مستشفيات، بحجة عدم وجود سرير لاستقباله،
ولم تنته معاناة الطفل بالرحيل من الدنيا بل امتدت،
الى ما بعد الوفاة، حيث فشلت جمعية أطفال السرطان الطوعية (نحن)
في الحصول على مستشفى "تتبرّع" بنقل جثمانه إلى مسقط رأسه بربك
واستطاعت أخيراً بمساعدة الخيرين توفير مبلغ (600) جنيه عبارة عن أجرة الإسعاف
صحيفة السودانيالعدد
رقم: 1430 2009-04-28 |
|
Post: #20
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: الحاج حمد الحاج
Date: 04-28-2009, 12:37 PM
Parent: #18
يا مدحت أتمنى أن تعم الخدمات الصحية كل أرجاء السودان و يتمتع المواطن السوداني بخدمة صحية راقية..تعرف ايجار طيارة لنقل جرحى في السودان حصل مئات المرات..و ازيدك من الشعر بيت هناك حالات تم ايجار طائرة من الخرطوم الى لندن لتقديم خدمة طبية عاجلة و دي على حساب شخص رزقه الله رزق واسع و ليس له علاقة بالحكومة..ان شاء الله نصل درجة تكون هذه الخدمة متوفرة الى الكثيرين و لكن هذا لا يعني أن من له القدرة على اسعاف أحد افراد أسرته أن ينتظر حتى يتمكن الباقين من ذلك!!!
|
Post: #22
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Elkalakla_sanga3at
Date: 04-28-2009, 01:59 PM
Parent: #20
بسم الله الرحمن الرحيم
اخي مدحت ليك وحشة
سمعت بناس المصارين البيض
ها زول في ناس من الحكومة
من منطقة مروي ييوتم بنيت من حديد السد واسمنت السد ومهندسين وعمال السد
وبرضو عادي يا سمرية
|
Post: #25
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-29-2009, 09:14 AM
Parent: #22
elkalakla sang3at
اخبارك.
Quote: ها زول في ناس من الحكومة
من منطقة مروي ييوتم بنيت من حديد السد واسمنت السد ومهندسين وعمال السد
وبرضو عادي يا سمرية |
|
Post: #23
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-28-2009, 05:23 PM
Parent: #20
| Quote: يا مدحت أتمنى أن تعم الخدمات الصحية كل أرجاء السودان و يتمتع المواطن السوداني بخدمة صحية راقية..تعرف ايجار طيارة لنقل جرحى في السودان حصل مئات المرات. |
مئات المرات بس يا الحاج حمد؟؟!!!!!والله ما كنت عارف دي كمان.
لانو انا مرت بي مئات المرات حالات خطرة في مناطق ما فيها رقشة اسعاف.واول ما قريت الخبر ده قلته والله تطور بس نتمني انو يتمتعوا بيهو كل الناس وفي اي ركن في السودان بدون فرز.
شكرا علي المعلومة المئوية.
|
Post: #24
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: naeem ali
Date: 04-29-2009, 00:19 AM
Parent: #23
....
|
Post: #26
Title: Re: لاول مرة في السودان نقل جرحي في حادث حركة بطائرة خاصة لاكبر المستشفيات
Author: Medhat Osman
Date: 04-29-2009, 05:44 PM
Parent: #24
::::::::::::::
|
|