Post: #1
Title: دي أمة يعملو ليها سد حسي !
Author: khalid fahmi
Date: 04-22-2009, 06:22 PM
نحن محتاجين 10 ألف سنة تاني عشان نفرق ما بين المصلحة العامة ومصالحنا الخاصة والمهاترات..
حسي ممكن واحد يتخيل إنو تم عقد إجتماع يضم كل الأحزاب والتنظيمات السودانية ما عدا الكيزان ..
الأمة والاتحادي والشيوعيين والبعثيين والشعبيين والحركة الشعبية والمستقلين و تحرير السودان و ..... الخ
والهدف من الإجتماع بحث موضوع خروج كهرباء سد مروي من الشبكة القومية ...
و من ثم خرجت مبادرة وطنية جادة للمساهمة في حل الإشكال ..
و فعلاً تبين إنو السد حاصل فيهو حاجة محتاجة نفرة ..
ياتو من الأحزاب حا يشارك في النفرة ؟؟ من أجل حل الإشكال ؟؟؟
و هل ستوافق المعارضة على حل إشكال تسببت فيه الحكومة ؟
و هل الحكومة سترضى أن تشاركها الأحزاب الأخرى في هذا الإنجاز وتستتمتع معها بحلاوة النجاح ؟
ولا ستتم مداهمة الإجتماع و محاكمتهم بتهمة التآمر أو الخيانة ؟
يا جماعة ما نشمت على روحنا .. القاعد في الكهرباء القاطعة منو ؟
والاستقطعو منو قروش السد منو ؟
و إذا فشل دخول السد في الشبكة .. ولا .. لا قدر الله السد لو طار عديل كده...الحا يدفع الثمن منو ؟
وإذا حكم السودان الجن الأحمر زاتو بعد الكيزان حا يحل الإشكال على حساب منو ؟
ما في واحد شاطر كده يبحث الموضوع ده بموضوعية وعلمية ويشوف حالات مشابهة ؟
ما في مبادرة جادة إيجابية تطلع من سودانيز أون لاين ؟؟؟
مافي كوز حريص يطلع للعلن ويورينا الحاصل شنو ؟؟
وبرد عليهو سوداني من حزب ( شف كده) أحرص منو يقترح ليهو حلول ؟؟؟
شابكننا .. بكرة .. وبعد بكرة ..
ما قال بيجي .. مالو ما جا .. بجي بجي بجي .. مالو ما جا ..
..
|
Post: #2
Title: Re: دي أمة يعملو ليها سد حسي !
Author: عزام حسن فرح
Date: 04-22-2009, 06:46 PM
Parent: #1
يعضيني جمل في رقبتي أكان فِهِمت نضميك
|
Post: #3
Title: Re: دي أمة يعملو ليها سد حسي !
Author: khalid fahmi
Date: 04-22-2009, 06:57 PM
Parent: #2
| Quote: يعضيني جمل في رقبتي أكان فِهِمت نضميك |
معليش يا عزام يا أخوي .. ده كلام مغسسسة سااكت ..
بإختصار كده :
كل ما أفتح المنبر ألقى موضوع جديد عن كهرباء سد مروي وخروجها من الشبكة القومية.
ناس شمتانين .. وناس فرحانين .. وناس حيرانين ..
و كل واحد يكيل للتاني ..
و ما لقيت ولا واحد حسيت إنو قلبو على المواطن ولا الوطن ..
واحد بيفخر ويهلل للإنجاز و يزين في العيب ..
وواحد يلعن أبو الإنجاز .. ويعيب في المشروع ..
و الكل لتعرية الآخر ..
داير زول ود رجال .. يقدم طرح موضوعي وجاد بعيد عن المكايدات ..
فائق تقديري
|
Post: #5
Title: Re: دي أمة يعملو ليها سد حسي !
Author: khalid fahmi
Date: 04-22-2009, 08:36 PM
Parent: #4
Quote: علينا تجهيز نفسنا نحنا كشباب لدفع فاتورة السد المتأخرة...
|
كشعارات : جاهزين .. جاهزين لسداد الدين ...
كأمر واقع : ندفع شنو ولا شنو ؟
أمل : إن شاء الله السد يخش الشبكة ويسدد فاتورتو .. و فاتورة كهرباء الأجيال الواعدة الواعية
|
Post: #6
Title: Re: دي أمة يعملو ليها سد حسي !
Author: willeim andrea
Date: 04-22-2009, 08:36 PM
Parent: #4
كلام في اللحم الحي ياريت الناس تحس
|
Post: #8
Title: Re: دي أمة يعملو ليها سد حسي !
Author: khalid fahmi
Date: 04-22-2009, 10:21 PM
Parent: #6
| Quote: كلام في اللحم الحي ياريت الناس تحس |
مشكور يا وليم
معقولة البورد ده كلو مافيهو مهندس متخصص يفيدنا بجد ..
تحياتي
|
Post: #7
Title: Re: دي أمة يعملو ليها سد حسي !
Author: عبد العظيم احمد
Date: 04-22-2009, 08:40 PM
Parent: #4
على ما اعتقد
!.. السد ممول من عدة جهات. هل تمويل السد منحة غير مستردة الثمن. هل هنالك جهات اخرى خارجية استثمارية
تنتظر عائد استثماراتها من السد
!.. هل هنالك نية من الحكومة للاستفادة من مياه النيل للانتاج الكهربائى فى المستقبل
وتسويقه محليا واقليميا ( كالدول المجاورة) ارتيريا واثيوبيا
!....احتمال ان الحكومة ترى فى مؤسسات الهيئة القومية للكهربة .. عبارة عن مؤسسة قديمة فى كل مجالاتها
ولا تتناسب مع التقنية الجديدة المعمولة بها فى السد( بالدراجى فرز الكيمان)
لكى يكون الانجاز انجاز حى
مقولة
.... عائدات السد.. كذا وكذا..
والسد .. احتمال هيئة مستقلة من موظفين وعمال وخدمات وميزانية.. والخ
الخصخصة
والله اعلم
...
عبد العظيم
|
Post: #9
Title: Re: دي أمة يعملو ليها سد حسي !
Author: khalid fahmi
Date: 04-22-2009, 11:07 PM
Parent: #7
عبد العظيم ..
| Quote: هل تمويل السد منحة غير مستردة الثمن |
مروي "شمال السودان" في 03 مارس /قنا/ نوه مصدر مسؤول في رئاسة الجمهورية السودانية بمساهمة قطر في تمويل مشروع سد مروي لانتاج الكهرباء بتقديم منحه بقيمة 15 مليون دولار.
واشار المصدر في تصريح لوكالة الانباء القطرية " قنا" إلى ان قائمة الممولين للمشروع الذي سيفتتحه فخامة الرئيس السوداني عمر البشير اليوم الثلاثاء تضمنت السودان ب 924 مليون دولار، والصين ب520 مليون دولار، والصندوق العربي للانماء الاقتصادي والاجتماعي ب520 مليون دولار، والصندوق السعودي للتنمية ب210 ملايين دولار وصندوق ابو ظبي للتنمية ب200 مليون دولار، والصندوق الكويتي للتنمية ب200 مليون دولار، وحكومة سلطنة عمان ب106 مليون دولار.
وكان الوزير أسامة عبدالله المدير التنفيذي لوحدة تنفيذ السدود قد صرح بان عملية تمويل المشروع جاءت في أغلبها من دول عربية وبينها قطر و الكويت والسعودية وسلطنة عمان على شكل قروض ميسرة ومنح، وأوضح أن التمويل اعتمد على قروض طويلة الاجل وشاركت في إنجازه شركات صينية وفرنسية وألمانية
|
Post: #10
Title: Re: دي أمة يعملو ليها سد حسي !
Author: khalid fahmi
Date: 04-22-2009, 11:11 PM
Parent: #7
النقطة دي مريحة ... ومطمئنة ..
وصمم المشروع"معهد هيدروجكت" الروسي الذي صمم السد العالي في مصر،كما ساهمت في انشائه شركات دولية من دول عدة.
|
Post: #11
Title: Re: دي أمة يعملو ليها سد حسي !
Author: عبد العظيم احمد
Date: 04-23-2009, 10:10 AM
Parent: #10
خالد فهمى
سلام
شكرا عل المعلومات المفيدة
اذن العرب اكثر مساعدة للسودان من غيرهم
|
Post: #12
Title: Re: دي أمة يعملو ليها سد حسي !
Author: ناذر محمد الخليفة
Date: 04-23-2009, 02:15 PM
Parent: #11
|
Post: #13
Title: Re: دي أمة يعملو ليها سد حسي !
Author: khalid fahmi
Date: 04-25-2009, 08:53 PM
Parent: #11
الحمد لله على نعمه ..
والشكر للعرب ولغيرهم على هذه المنح ..
و كل واحد يشد حيلو ..
الدين ساااااهل ... لكن .. صعب السداد
|
|