Post: #6 Title: Re: فى دينكم... الحلفاوى ده ما فات الشوايقه بي قادى Author: Ashraf El Bagir Date: 04-21-2009, 05:53 AM Parent: #5
الشايقى تحياتى لو حركت الماوس على الريل بلير فى اعلى اليمين تحصل على download this video
Quote: يا عجو المحس التقيل فدع العراجين
والله دي يا الشايقى مفروض تنزلها مسابقة وانا متاكد 99% من المشاركين ما حيعرفو الأجابة الأ بالأستعانة بصديق
Post: #7 Title: Re: فى دينكم... الحلفاوى ده ما فات الشوايقه بي قادى Author: Rawia Date: 04-21-2009, 06:08 AM Parent: #6
Quote: بِإفتِراض إنو البغني ده < محمد وردي > يبقى < محسي > مُش < حلفاوي > إلا إذا كان الأمر < كلو عِند العرب نوبه >
زمني دا كله فاكرة محمد وردي حلفاوي حسب كلام الحلفاوي البتنير وبيفاخر بحلفاويته وقال: نبي *عموم السودان من عندنا وفنان عموم السودان برضو من عندنا
__________ * إشارة للشيخ طنون
Post: #8 Title: Re: فى دينكم... الحلفاوى ده ما فات الشوايقه بي قادى Author: Ashraf El Bagir Date: 04-21-2009, 06:45 AM Parent: #7
والله انا برضو يا راوية كنت فاكرو حلفاوى لولأ معلومة اخونا عزام بس ما فرقَت كتير .. المهم فى النهاية طلع عندو جواز شايقى
Post: #9 Title: Re: فى دينكم... الحلفاوى ده ما فات الشوايقه بي قادى Author: فيصل محمد خليل Date: 04-21-2009, 07:08 AM Parent: #8
حلفا سكوت محس
كلهم نوبة و يتكلمون لغة واحدة
و كذلك اهل دنقلا نوبيون و لغتهم تختلف قليلآ
عن لغة حلفا سكوت المحس
وفي النهاية كلنا نوبيون
و تحية لاهلي في السودان من نمولي لحلفا
Post: #10 Title: Re: فى دينكم... الحلفاوى ده ما فات الشوايقه بي قادى Author: Ashraf El Bagir Date: 04-21-2009, 07:11 AM Parent: #9
Quote: و تحية لاهلي في السودان من نمولي لحلفا
فيصل خليل.. ود حلتنا يديك العافية
Post: #11 Title: Re: فى دينكم... الحلفاوى ده ما فات الشوايقه بي قادى Author: عثمان دغيس Date: 04-21-2009, 07:45 AM Parent: #10
Quote: Re: فى دينكم... الحلفاوى ده ما فات الشوايقه بي قادى
ما فاتهم .. وليس له أن يفوتهم كان كسر رقبتو ...!!!! قل لي ليييييييييييه ؟؟ لأنو إيقاع الدليب ده زول ما شايقي ما بيقدر عليهو تب ... لو بقى الموصلي زاتو .....! مع حبي وإحترامي للدكتور موصلي .. بس حبينا نبالغ شوية ... مشكلة الدليب يا أخوانا عند الشوايقة مرتبط بوجدانهم وبي إحساسهم الفطري .. وتكمن صعوبته في (السنكبة ) اللي تصاحب تركيب الصفقة مع الإيقاع ( الأعرج ) ده .. وفي منتدى البركل عندنا بوست بعنوان (شوية كلام في الموسيقى والدليب ) - بس ماني حريف كفاية عشان أجيب رابط وكلام زي ده - تناولنا فيهو كل التفاصيل المتعلقة بهذا الإيقاع العجيب و و و و و الصعب ... مع كامل إحترامنا لوردي العملاق وللعمالقة الذين قاموا بتنفيذ هذا العمل .. وهم كلهم أساتذة مميزون .. بس كان من الفضل أن يستشيروا واحد شايقي بتاع دليب أصلي .. ويأخذوا برايه ...
حلاوة الدليب في (السانكوب ) الذي يتولد من إستخدام الصفقة بين فراغات الضربات الثلاثة الرئيسية في إيقاع الدليب .... منتظرين رأي علمائنا ... ياللا يا موصلي ...
Post: #12 Title: Re: فى دينكم... الحلفاوى ده ما فات الشوايقه بي قادى Author: فيصل محمد خليل Date: 04-21-2009, 08:00 AM Parent: #11
لأنو إيقاع الدليب ده زول ما شايقي ما بيقدر عليهو تب ...
قوم لف .
بعدين تعال الدوليب و الا الدليب دا موش
ثمرة بكودوها
كان ما مصدقني اسأل اشول.
اقابلك في زمن جاي وزمن ماشي و زمن لسع
عمبمزح
Post: #13 Title: Re: فى دينكم... الحلفاوى ده ما فات الشوايقه بي قادى Author: يحي ابن عوف Date: 04-21-2009, 08:10 AM Parent: #12
و كذلك يافيصل محمد خليل
اهل دنقلا والشوايقه نوبيون و لغتهم تختلف قليلآ
عن لغة حلفا سكوت المحس
وفي النهاية كلنا نوبيون
تحيه قلبيه معطرة بالورد أهديها لك
Post: #15 Title: Re: فى دينكم... الحلفاوى ده ما فات الشوايقه بي قادى Author: Ashraf El Bagir Date: 04-21-2009, 08:59 AM Parent: #13
اخونا العزيز ابنعوف
Quote: اهل دنقلا والشوايقه نوبيون و لغتهم تختلف قليلآ
الشوايقة نوبة!!! دي معلومة جديدة يا ابنعوف
رايك شنو يا فيصل هليل؟
Post: #14 Title: Re: فى دينكم... الحلفاوى ده ما فات الشوايقه بي قادى Author: Ashraf El Bagir Date: 04-21-2009, 08:52 AM Parent: #11
اخونا عثمان تحياتي
Quote: حلاوة الدليب في (السانكوب ) الذي يتولد من إستخدام الصفقة بين فراغات الضربات الثلاثة الرئيسية في إيقاع الدليب .... منتظرين رأي علمائنا ... ياللا يا موصلي ...
