Post: #1
Title: عزام حسن فرح شيل صورتك الخاتيها دي
Author: هويدا شرف الدين
Date: 04-20-2009, 12:02 PM
Parent: #0
يا أخ عزام طبعا لا يخفي عليك الأيام دي أن البوست مليان كسير شديد - طبعا المنبر دا فيهو ناس مشاكل والنصف التاني ناس كسير وليل - فمراعاة لشعور الناس المكسرين نرجو منك سحب صورتك الخاتيها جديده دي لأن هذه الصوره تزيد معاناة المكسرين (لأنو بيني وبينك كدا) صوره بتكسر
|
Post: #2
Title: Re: عزام حسن فرح شيل صورتك الخاتيها دي
Author: عزام حسن فرح
Date: 04-20-2009, 12:11 PM
Parent: #1
هِويدا شرف الدين ...
إنتِ ما تنبِهيها ... ما تقولي ليها ... يعني هي ما شايفاني قاعِد أنزِل في
صُوري الصباح الصباح ... يعني أسَوِق روحي كيف أكتر مِن كِده ... لِبست البلدي
الموغِل في التقليدِية ... لِبست البلدي العادي ... هي قاصدة شنو يعني حتى
لو خِلقتي ما عاجباها لأنو وشي فوقو شوية طول وكِده ... ما تعايِن إني بريدا
ريده الجِن ...
|
Post: #3
Title: Re: عزام حسن فرح شيل صورتك الخاتيها دي
Author: Zomrawi Alweli
Date: 04-20-2009, 12:16 PM
Parent: #2
اما ما وقع عزام ابو شنب
يا ربي دا تهديد
ولا رجاء
المهم قول عووووك لو زنقوك
|
Post: #4
Title: Re: عزام حسن فرح شيل صورتك الخاتيها دي
Author: محمد فرح
Date: 04-20-2009, 12:32 PM
Parent: #3
أيامك باسطه والله ياعزام :):)
الصوره جابت حقها وبزياده كمان
غايتو الزول الصورك ده أقل مكافأه ممكن تديها ليو 500 دولار
|
Post: #5
Title: Re: عزام حسن فرح شيل صورتك الخاتيها دي
Author: ALZOLZATOO
Date: 04-20-2009, 12:36 PM
Parent: #4
ياعزام
ياحبيبنا ماتفرح يمكن هويدا مهكرة وكده
بعدين نصيحة اخوية شيل صورتك الى اجل غير مسمى مايلم فيها الهاكر وينزلك بدون قميص لوووول يكه
تحياتي
زاتووووو
|
Post: #6
Title: Re: عزام حسن فرح شيل صورتك الخاتيها دي
Author: محمد فرح
Date: 04-20-2009, 12:40 PM
Parent: #5
| Quote: ياحبيبنا ماتفرح يمكن هويدا مهكرة وكده |
الزول زاتو
حرم شغلك ده شغل حساده
الراجل مبسووووووط ومتكيف تجي تقول لي البت مهكره
عالم أصلو مابتخلي الناس تفرح
|
Post: #8
Title: Re: عزام حسن فرح شيل صورتك الخاتيها دي
Author: عماد محمود علي
Date: 04-20-2009, 12:44 PM
Parent: #6
الاخ الفاضل محمد فرح
سلام مربع ياخي ...
الاخت هويدا فعلاً مهكرة ... الهكر هو من قام بإنزال هذا البوست ...
هذا ما لزم التنويه عنه .... ووجاهة عزام لا تحتاج للمبة تضاء بها ...
|
Post: #7
Title: Re: عزام حسن فرح شيل صورتك الخاتيها دي
Author: هويدا شرف الدين
Date: 04-20-2009, 12:41 PM
Parent: #5
والله أنا ما الهكر - هويدا بس - لكن شايفه عزام دا من بوستيه بتاع بريد لي واحده في المنبر دا وكل يوم يخت صوره ويشيل صوره - لكن بالجد الصوره الأخيره دي خطيره
|
Post: #10
Title: Re: عزام حسن فرح شيل صورتك الخاتيها دي
Author: ALZOLZATOO
Date: 04-20-2009, 12:46 PM
Parent: #7
يامحمد فرح
انت عم الراجل ده ولا شنو شايفكم كلكم فرح في فرح يا العذابة
ياخي انا خايف على ود اخوك ده افرض مثلا يعني انو الهاكر ده شال الاصبع بتاعو من خدو وختاهو في نخرتو لووول يكه بعدين ح يجي يحلف لينا زي هويدا دي كده ويقول انا ادبلجته
مش عليك ا لله خايف عليهو
خلاص انا مالي ومال كده خليهو يفرح بس بعدين بيفرح كتيرا من يفرح اخيرا لوووول يكه
زاتوووو الاصلي
|
Post: #9
Title: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: أيمن الطيب
Date: 04-20-2009, 12:46 PM
Parent: #5
يا عزام,,,
مشتاقين يا صاحب,,,
أولا أبشرك ,,,الهكر ختاك فى راسو وزى ما قال ليك الزول نتوقع نشوفك مقشر قريب!!!
ثانيا بت أبراهيم يادوبا حا تكسر ليك كمبيوترك فى راسك ودا سبب وجيه لفعل ذلك,,
واااااااضح وى نوضحو! !
|
Post: #11
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: محمد فرح
Date: 04-20-2009, 12:56 PM
Parent: #9
عماد
الزول زاتو
البوست لايخلو من الطرافه
خصوصاً إنو الهكر عمل مداخله عشان يأكد إنو هو هويدا
غايتو كان كده بنصح أخونا عزام يلحق يحذف صورتو دي سريع
باقي الهكر خاشي المره دي بي خطة (ملصوهم وخلوهم في السهله)
غايتو الله يستر على المنبر
المخيف إنو بكري قاطع وش تماماً ويبدو إنو حالياً الباشمهندس فقد السيطره
|
Post: #12
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 12:59 PM
Parent: #9
كتبت هِوَيدا ...
| Quote: لكن شايفه عزام دا من بوستيه بتاع بريد لي واحده في المنبر دا |
ياها زاتا هِوَيدا ... الهكر الظهر قُبال كمين شهر شِن دراهو بِالإنكتب قبُل حول
غايتو جِنِس حُسُد ... أكان خلاكُم ما بِتْخلوهو ... شكيتكُم على الله ...
والله يا هِوَيدا ما بِتبقى فوقي إتنين < وجع > و< كِضِب > لا والله وجعي ياني بسيلو
كُل رُبُع بوست ... علو وعسى ... كاتلاني كتله ... في قلبي قايما شتله ... تقول
وقولو أتله ... تكنو شُعاع عينو مارقه فتله ... باقيلي مِن الفوت واحده نتله
|
Post: #13
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: محمد فرح
Date: 04-20-2009, 01:02 PM
Parent: #12
| Quote: ياها زاتا هِوَيدا ... الهكر الظهر قُبال كمين شهر شِن دراهو بِالإنكتب قبُل حول |
كلامك منطقي جداً ياعزام
كان كدي نرجع تاني ونقول
بختك 
|
Post: #14
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-20-2009, 01:09 PM
Parent: #13
يا جماعه الزول كان عبر عن الكسير والحقيقة من مكسر تبقو مهكر شنو يا عماد في كم بوست كاتبني مهكره مهكره آيانييييييييييييي هويدا يا صاحب طارق البتسال عن السامبول بتاعك البكسر داك - تاني الا ارسل ليك في ا لماسنجر تلفوني عشان تكلمني - أنا ما مهكره
|
Post: #15
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: علاء الدين حيموره
Date: 04-20-2009, 01:12 PM
Parent: #14
اعملي رنة
00966509285299
|
Post: #16
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: شمس الدين ساتى
Date: 04-20-2009, 01:12 PM
Parent: #13
عزام الفاطي
والله لو ختيت صورة هالي بيري ما بتعاين ليك
أقول ليك إيه رأيك أنزل صورتي أنا يمكن ترضي
بيك وكده.. أو أقول ليك .. أمشي عمرة يمكن تحن عليك
لا..لالا جاتني فكرة .. بعد العمرةأعمل مؤتمر صحفي قسما عظما
تكون ضربت عصفورين قول أي كلام حتي لو قلت الشعب جيعان
وأنحنا جبنا ليه الأكل وبعدين أحكي قصة بيت المزاد بعد داك
بتشوفا وبتكلما وتحنن قلبا وكدا الموضوع يكون تما
|
Post: #17
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 01:16 PM
Parent: #16
شمس الدين ...
إتْ جيت ... لا حَول ولا قُوة إلا بِالله ... عليك الله أكان في بيناتنا مَودة وكِده
ما تحدِث ناس الشعبِية بِإني مُقَيِل بِجاي ... يا ناس ما ترحموني بس أكان
الرحمة جات مِن السما ما تِتصدو ليها ... الله ########## إنشاءالله قول آمين
|
Post: #20
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: علاء الدين حيموره
Date: 04-20-2009, 01:29 PM
Parent: #17
وقطعت هويدا قول كل خطيب
فقد تحدثت مع الاستاة هويدا الان
يقلب جامد نقول ليك يا عزام اخو الكسير في محلو وبنستعدل للبوست دا
|
Post: #18
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: الفاتح شلبي
Date: 04-20-2009, 01:19 PM
Parent: #13
عزام اسمع كلام اختك هويدا ورجع الصورة الاولى, حسع لو جات الحكومة غاشية بي هنا ح تقعد تقول أصل الحكاية والهكر وهلم جرا.
سؤال:
سيد الاسم ... الفاتح شرف الدين, تحول الى هكر ول شنو ؟
|
Post: #19
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-20-2009, 01:27 PM
Parent: #18
اها اتكلمت ليكم مع علاء الدين
|
Post: #23
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: البشير دفع الله
Date: 04-20-2009, 02:07 PM
Parent: #19
| Quote: اها اتكلمت ليكم مع علاء الدين |
ويمكن علاء الدين زاتو مهكر
وما قالوا ليكم الهكر ده بسوي أي حاجة
وتحياتي لهويدا شرف الدين الحقيقية
|
Post: #24
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: علاء الدين حيموره
Date: 04-20-2009, 03:18 PM
Parent: #23
الاخ البشير
Quote: ويمكن علاء الدين زاتو مهكر
|
انت زاتك اعمل لي رنة بتصل عليك ..
|
Post: #21
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 01:32 PM
Parent: #18
الفاتِح شلبي ...
Quote: سؤال:
سيد الاسم ... الفاتح شرف الدين, تحول الى هكر ول شنو ؟ |
قرأت إنو:
شرنوبي = الدكتور صلاح شرف الدين
أو
شرنوبي = ولد الدكتور صلاح شرف الدين
وصلاح شرف الدين أظِنو شقيق (الشاعِر) الفاتِح شرف الدين
وعلى كِده بِكونو أهلي ولحمي ...
يا الفاتِح شلبي ياخ البوست ده فوق < صورتي > هسِع الداعي شنو تدخِلنا في < مَوسوعة
القبائِل والأنساب في السودان > ركِز يا خوي في مَوضوع صورتي ركِز ... ثقيل عاملي بدلتك
السمحه دي
|
Post: #22
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: الفاتح شلبي
Date: 04-20-2009, 02:01 PM
Parent: #21
| Quote: ركِز يا خوي في مَوضوع صورتي ركِز |
عزام اخوي أحسن ليك انا ما أركز فى الصورة ... لو ركزت ياها الحكومة جاتك قبلك
وبعدين دام انك بديت فى موضوع الشاعر الفاتح شرف الدين, ما كان تتم جميلك وتوريني اخبارهـ
|
Post: #25
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: أحمد الشايقي
Date: 04-20-2009, 03:23 PM
Parent: #22
عزام ما شاء الله,
زينة شباب سودانيز أون لاين,
والمكسر فيها دي لو ما اتلحلحت حقها بروح,
تحياتي
أحمد الشايقي
|
Post: #26
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: الحاج حمد الحاج
Date: 04-20-2009, 06:01 PM
Parent: #25
| Quote: باقيلي مِن الفوت واحده نتله |
يا زول قول الكلام الصاح انت فوت زمااان
يا زول ناس الشعبية عندهم خبر البنات المكسرات..و بيقولوا ما شاء الله أولادنا آخر وجاهة خلو بنات المنبر يتكسرو و يعلنوها في الساحة
تخريمة:
لقيت المكسرات ديل حتى التلفون بقيت ما بترد عليهو
|
Post: #27
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: نوفل عبد الرحيم حسن
Date: 04-20-2009, 06:12 PM
Parent: #26
| Quote: هذه الصوره تزيد معاناة المكسرين |
قصدك المكسرات
والمحدقات
والفطائر ذاتا
ندين ونشجب ونستنكر وضع صورة عزام في المنبر العام
( اتحاد الشينين )
كيفك يا هويدا ؟
|
Post: #28
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: علاء الدين حيموره
Date: 04-20-2009, 07:57 PM
Parent: #27
عزام اجتهد فيه بتاع الاستديو يا هويدا ...
وبعدين الصورة دي لما كان شاب .. كان شفتيه هسي بتغيري رايك ..
عزام امسك في الصورة دي قوي
|
Post: #30
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: احمد محمد بشير
Date: 04-20-2009, 08:09 PM
Parent: #28
ولد ..... دا
وجاهات شديدة
ممكن تديني الصورة في برفايلي لمدة اسبوع يا عزام..
لكين ما قولتا لي .... الشنب دا بتاع شايقية ولا حلفاويين
شكلك رطاني قاااطع يا وجية
شكرا يا هويدا .. خليتينا نتضامن مع الرااجل..
|
Post: #29
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: بدر الدين اسحاق احمد
Date: 04-20-2009, 08:08 PM
Parent: #27
حليلك يا بت ابراهيم النايمة على حيلك ..
خال شبابك بيتو جمب بيتنا يا ( عمـــــــــــــــــــــــك )
Quote: إتْ جيت ... لا حَول ولا قُوة إلا بِالله ... عليك الله أكان في بيناتنا مَودة وكِده
ما تحدِث ناس الشعبِية بِإني مُقَيِل بِجاي ... |
قفلــة شعبياوى :
عليك امان الله ارسل عنوان البوســت فى قبل الله ( البوست ) الاربعة
|
Post: #31
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:26 PM
Parent: #29
أحمد محمد بشير ...
| Quote: شايقية ولا حلفاويين |
والله يا خوي أنا بس لو عِرِفت إنتو كيف بِتعْرِفو تقولو
الشمِش < دي > ولا الشمِش < ده > يعني لو عِرِفت القاعِدة
شنو ... بِكون ما عِندي عَوجه تب في لُغة < الضاد >
|
Post: #32
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:32 PM
Parent: #31
الحاج حمد الحاج ...
| Quote: لقيت المكسرات ديل حتى التلفون بقيت ما بترد عليهو |
معليش مشْغول شِوَية ... بحاول أشوف ليك وكِت ... إتصل بعد شهر ونشوف ما تقلِق ... ما تنقطِع
وهبه أمرُق تمرُق روحك قول آمين
|
Post: #33
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:38 PM
Parent: #32
بدرالدين إسحاق أحمد ...
| Quote: عليك امان الله ارسل عنوان البوســت فى قبل الله ( البوست ) الاربعة |
ياخ مُش كِفاية كُنت بِتدُقني (6) سنوات في الإبتِدائِية وتشيل فطوري
إنت لِبتين حتكون كِده ... ليه ما عاوِز تتجاوز فِترة الشعبِية
يعني بقيت أهون عليك لِلحد ده ... ما مُهِم طالما إنو < وهبه >
في الخور ووليد (ولي) بِتاوِق مِن بره ... يِبقى أنا بِخير ...
|
Post: #34
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:44 PM
Parent: #33
نوفل عبدالرحيم حسن ...
| Quote: ندين ونشجب ونستنكر وضع صورة عزام في المنبر العام |
أسمع يا السَيِد < هكر > نوفل ما بِقول كِده ... إنت رايِحه ليك < مُظاهرة >
ولا شنو مارِق تهتِف ... يا إنبريالي يا شيوعي يا جمهوري يِخس عليك ... وكِده
يُرجى مِن < هَيئة المُحلفين > ما ياخدو بِكلام < الهكر > ده ...
|
Post: #36
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:48 PM
Parent: #34
أحمد الشايقي ...
اللحمه شايِل المَكَسَر
|
Post: #35
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-20-2009, 08:47 PM
Parent: #29
Quote: عزام اجتهد فيه بتاع الاستديو يا هويدا ...
وبعدين الصورة دي لما كان شاب .. كان شفتيه هسي بتغيري رايك ..
عزام امسك في الصورة دي قوي |
يا جماعة الصورة دي لافي استديو ولاقديمه
دى احدث صورة لعزام وانا المصورا ليهو في بيتو ..
بطلو الحسادة بقي ..
|
Post: #37
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 08:52 PM
Parent: #35
كتب الفنان / عِماد الشبلي ...
| Quote: دى احدث صورة لعزام وانا المصورا ليهو في بيتو .. |
وشَهِد شاهِدٍ مِن سودانيز
يُرجى عدم إصطِحاب < الرُجال > أمْرُقو تمْرُق ##### قولو آمين
|
Post: #38
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: احمد محمد بشير
Date: 04-20-2009, 09:03 PM
Parent: #37
وطلعتا قريبي كمان يا عزام يا وجيه...
وساقط عربي زيي كمان...
طيب هاك الشفره دي...
ار هدونا ... ار اسااكا هدوا اقي
سلمجي.. نوق نتوا
|
Post: #39
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-20-2009, 09:08 PM
Parent: #37
| Quote: وشَهِد شاهِدٍ مِن سودانيز |
عزام مساك خير
ولو الجماعة ما صدقو عندي الدليل الدامغ
|
Post: #40
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-20-2009, 09:34 PM
Parent: #39
أحمد محمد بشير ...
مسكاقمي ... هِكِر في ... ويا فينا
| Quote: وساقط عربي زيي كمان... |
ودينك هو كان في عربي ... أول مره أسمع بِالحِكاية دي ... أتاريهو كان في
أُستاذ كِده كُل ما يدخُل الصف يِقول لي < عزام > خليك بره ... أمش ألعب ...
إبن الذين آمنوا كان بِيديهُم عربي أتاريهو ...
|
Post: #41
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: معتصم ود الجمام
Date: 04-20-2009, 10:37 PM
Parent: #40
هسه الصورة دي البكسر فيها شنو ؟ (وش حاسد)
|
Post: #42
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-21-2009, 06:06 AM
Parent: #41
الإخوه الكرام كلكم مشكورين علي المرور الجميل والكسير الشديد الأخ بشير ونوفل تحيه خاصة ، يا عزام الناس القالوا ليك بكلموا ليك ام ابراهيم قول ليهم أم ابراهيم ما مشكلة ، المشكلة في راجلي الشايل سكينو وبفتش عليك غايتو أنا مالي
|
Post: #43
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: حيدر حسن ميرغني
Date: 04-21-2009, 06:21 AM
Parent: #42
أنا عارف عنوان بيتو ياهويدا
بس كلمي راجلك المحترم ده يتصل علي هسسسع وسريع
|
Post: #44
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: المسافر
Date: 04-21-2009, 06:56 AM
Parent: #43
عزام أبو الفرح...
سنة يا ولد
كدى أعمل رنة
رنننة علينا جاي
|
Post: #45
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: كمال علي الزين
Date: 04-21-2009, 08:08 AM
Parent: #44
(*)
صابر محمد صابر (شاعر مجهول) إلى حد ما , كتب لوردي أغنيته (الريلة) ..
وقال رحمه الله أو أطال عمره (حسب حالته) :
الزول الولوف لي قلبي خراب
أمشي وأتلفت لما النهار غاب
إنتي حديثك لي أكيد ولا كضاب
حد مالملوهن خاطري ماطاب
ياحليل (أمونة) في غرب الضياباب
عزام قال ليكم حد مالملموهن خاطروا ماطاب ..
_________________________
وبعضهم صاريها في حشاهو باقي السترة والفضيحة متباريات
غير صورتك إغير جلدك ..
(بركة جدي أب شرا) ..
|
Post: #46
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-21-2009, 10:37 AM
Parent: #45
أحسن الزول يكون شجاع خاصة في حتة الكسير دي - ما شايفين عزام للآن ما قادر يقول إسم الزوله المكسراهو علي ما أظن ما في داعي احسن يتشجع موت موت حياة حياة
|
Post: #47
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: أيمن الطيب
Date: 04-21-2009, 11:08 AM
Parent: #46
| Quote: أحسن الزول يكون شجاع خاصة في حتة الكسير دي - ما شايفين عزام للآن ما قادر يقول إسم الزوله المكسراهو علي ما أظن ما في داعي احسن يتشجع موت موت حياة حياة |
 
عزام,,,إنت إتلعبت يا الحليو,,
الجاعة البنططو فوق ديل ,,نطط
معاهم شوييييييييييييييييييية
أنا يا دااااااااااااب وقع لى,,
والله إنكم لتحبون المؤامرات حبا جما أيها السودانيون
لو واصلت القصص دى تانى لا جبنة لا تركين,,,
|
Post: #48
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: الحاج حمد الحاج
Date: 04-21-2009, 01:10 PM
Parent: #47
| Quote: أحسن الزول يكون شجاع خاصة في حتة الكسير دي - ما شايفين عزام للآن ما قادر يقول إسم الزوله المكسراهو علي ما أظن ما في داعي احسن يتشجع موت موت حياة حياة |
عزام أخوي أسمع كلامي الشجاعة تطير..أصبر و بس و أجبر كسر المكسر فيها بي كسر المكسر فيك..نصيحة أخوية
|
Post: #49
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-21-2009, 03:40 PM
Parent: #48
الحاج حمد الحاج ...
| Quote: أجبر كسر المكسر فيها بي كسر المكسر فيك |
| Quote: المشكلة في راجلي الشايل سكينو وبفتش عليك |
إتْ يا زول ما نصيح ولا شنو
|
Post: #50
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: haroon diyab
Date: 04-21-2009, 04:27 PM
Parent: #49
يامطوفش
مساء الخير
والله حارقاني ....اسويها.....؟
|
Post: #51
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-21-2009, 07:05 PM
Parent: #50
haroon diyab
لا
|
Post: #52
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: طارق جبريل
Date: 04-26-2009, 01:09 PM
Parent: #51
غايتو الكسير العلني والواضح دة
اماني ما قاعد يعجبني ويريحني شديد في كِلَوي
ههههه
|
Post: #53
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: الحاج حمد الحاج
Date: 04-26-2009, 02:11 PM
Parent: #52
Quote: غايتو الكسير العلني والواضح دة
اماني ما قاعد يعجبني ويريحني شديد في كِلَوي
ههههه |
زي ما قال واحد صاحبنا البكا البدقو ليهو صيوان مريح..
المشكلة الباكين فيهو هو داقي ليهو صيوان في زول تاني..أها يا طارق دي يحلوها كيف؟
طارق جبريل البوست دا ما غطس خلاص مالك ناكتو...
|
Post: #54
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: حنين للبلد
Date: 04-26-2009, 04:53 PM
Parent: #53
ده ملاح شنو هو ده؟؟؟؟؟
|
Post: #55
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: سناء عبد السيد
Date: 04-26-2009, 05:18 PM
Parent: #54
ود خالي خلاص شيل صورتك دي من هنا, ما تعمل لينا مشاكل مع البورداب
هويدا يختي من الآخر كده عزام ده مكسر في بت عمتو
|
Post: #56
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: محمد عبد الماجد الصايم
Date: 04-26-2009, 05:24 PM
Parent: #55
يا حنو
أي مداخلة في البوست دا لازم معاها رنّة!
|
Post: #57
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Mamoun Ahmed
Date: 04-26-2009, 05:26 PM
Parent: #54
عزام
مبروك التكسر
والله انا زاتي صورتك دي ريحتني
كنت بفتش لي صورة عمدة صعيدي مودرن
ارسم منها غلاف
اها لقيت المرجع..
الشنب تمام .. الخاتم .. النضارة ختت اليد
علا الحيرني.. دبلةم البلاستيك الفي الصباع دي شنو؟
0(تشكيلي مكلف بمهمة صعبه.. مع التحية للمصور شبلي الابدع فيك)
|
Post: #58
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Salah Abdulla
Date: 04-26-2009, 05:59 PM
Parent: #57
عزام ، بالله أعمل لي صورة ( حقتي ) زي حقتك دي
وبالميت كده كلّم لينا الشبلي ده
خليه يعمل لينا حاجة زيها كده
كان يتكسروا فينا ..
الله يكسّر ريسينا الما فيها شعر دي.
|
Post: #66
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-26-2009, 07:59 PM
Parent: #58
Quote: عزام ، بالله أعمل لي صورة ( حقتي ) زي حقتك دي
وبالميت كده كلّم لينا الشبلي ده
خليه يعمل لينا حاجة زيها كده
كان يتكسروا فينا .. |
صلاح .. سلام
لو تعرف انا صورت عزام ( كيف ) ؟؟
بعد ما شربت جبنة بت ابراهيم ( واتكيفت )
قمت صورتو ( اتكيفت ) تاني ..
والكيفة ) اليها ...
|
Post: #67
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-26-2009, 08:11 PM
Parent: #57
Quote: علا الحيرني.. دبلةم البلاستيك الفي الصباع دي شنو؟
0(تشكيلي مكلف بمهمة صعبه.. مع التحية للمصور شبلي الابدع فيك) |
محمود ..
دي ما دبلة ..
دي حاجة كدي عشان ما يسحرو ...
|
Post: #59
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: طارق جبريل
Date: 04-26-2009, 06:21 PM
Parent: #53
Quote: زي ما قال واحد صاحبنا البكا البدقو ليهو صيوان مريح..
المشكلة الباكين فيهو هو داقي ليهو صيوان في زول تاني..أها يا طارق دي يحلوها كيف؟
طارق جبريل البوست دا ما غطس خلاص مالك ناكتو...
|
الحاج كيفنك
ياخي الكسير العلني دة قاعد يريحين شديد
ما تخليني افتو هني ياخي
بقوم اجوعرلكم هني واتنخج
هههههههه
|
Post: #60
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 07:00 PM
Parent: #59
Salah Abdulla
| Quote: عزام ، بالله أعمل لي صورة ( حقتي ) زي حقتك دي |
طالله إنهُ لشَطَطٌ ما تطلِبون ...
|
Post: #61
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 07:11 PM
Parent: #60
Mamoun Ahmed
| Quote: علا الحيرني.. دبلةم البلاستيك الفي الصباع دي شنو؟ |
شكيتك على الله عِرفت كيفِن إنو الفي يدي لِستِك ... صحي تشكيلي وأنا بشكيلك
|
Post: #62
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Salah Abdulla
Date: 04-26-2009, 07:11 PM
Parent: #60
عزام حسن فرح
| Quote: طالله إنهُ لشَطَطٌ ما تطلِبون ... |
لمن بقت علينا علمتوها تالله ، وشطة وملح ..
أصبر لي ، بلم فيك مُطّرِف يا ود عمي حسن ..
صدق المصاروة : اللي يأكلو لوحدو يَزوّر ..
|
Post: #63
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 07:15 PM
Parent: #62
Salah Abdulla
| Quote: بلم فيك مُطّرِف يا ود عمي حسن |
أكان لِقيتني جيت المولِد إنشاءالله تسَوِد خَتَوتي ... ماني جاي ... وماك لامي فوقي
وصورتي سمحه سمحه سمحه ... يا أبْ صلعه يا شين
|
Post: #64
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 07:30 PM
Parent: #63
سناء عبدالسيد ...
سري وضراي
| Quote: عزام ده مكسر في بت عمتو |
خلاص إتْلَم الأهل فوق راسي وعمو ...
صِبِح مكتول الوليد فوق بِت عمو ...
يِـمْـهَ فوق ضريحي الحبايِب إتلمو ...
|
Post: #65
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 07:36 PM
Parent: #64
حنين للبلد ...
| Quote: ده ملاح شنو هو ده؟؟؟؟؟ |
ده الـمَـكَـشْـنَ بلا بصل ...
|
Post: #68
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-26-2009, 08:34 PM
Parent: #65
عزام ..
امبارح في واحدة ..
اتصلت بي ..
وقالت لي :
مصور عزام صورة ذي دي ل شنو ؟؟؟
|
Post: #69
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: حنين للبلد
Date: 04-26-2009, 09:30 PM
Parent: #65
| Quote: ده الـمَـكَـشْـنَ بلا بصل ... |
عزام....شكرا على الرد...رغم انه السؤال كان موجه لي الأخت هويدا...او الاخ الهكر..او من ينوب عنهما...
اسمع....الحصة دي ما ادونا ليها.......
وشكرا...
"عاد يا بنوت المنبر الله يدينا خيركم"
|
Post: #70
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-26-2009, 10:10 PM
Parent: #69
حنين لِلبلد ...
| Quote: اسمع....الحصة دي ما ادونا ليها....... |
ما جِنِك غِياب ... يِسوو ليك شنو ...
|
Post: #71
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: أبو ساندرا
Date: 04-27-2009, 08:29 AM
كتب علاء حيمورة :
Quote: عزام اجتهد فيه بتاع الاستديو يا هويدا ...
وبعدين الصورة دي لما كان شاب .. كان شفتيه هسي بتغيري رايك ..
|
لا والله
الصورة أقل من الحقيقة
عجزت عن تصوير الجمال المالي الزول ده
خلقة و اخلاق
عزام أجمل مما يبدو في الصورة بكثير
وابسم
وفوق ده كلو صاحب رأي
و زول موانسة وإمتاع
وكريم للدين
واخو اخوان[/B
حتى خشينا ان يتلقف ملفه واحد من حي الصقور في الريان
|
Post: #72
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-27-2009, 08:41 AM
Parent: #71
| Quote: حتى خشينا ان يتلقف ملفه واحد من حي الصقور في الريان |
هذا وقد كان الزحام كبيرا امام شباك بيع الصورة ..
وقد حضر الناس ( العميان شايل المكسر .. )
|
Post: #73
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-27-2009, 10:43 AM
Parent: #72
عزام خليك من الحاقدين والحاقدات الفي المنبر دا
|
Post: #74
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Hassan Makkawi
Date: 04-27-2009, 11:45 AM
Parent: #73
عزام الوسيم إتلموا فيو خلق الله
الزول السمح كسار بنات الحلة
حاسد قال صعيدى وطعمو زى الجِلة
وناس بت شرف عارفين الطعم كرمِلة
_____________
قصرنا معاك؟؟
|
Post: #75
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: صلاح أبودية
Date: 04-27-2009, 12:23 PM
Parent: #74
والله الدفعة ده فوق وجاهتو دى ..
ضكران وأخو أخوان وفارس عديل كده !
ـــ
قلنا نقدم السبت !!
|
Post: #76
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 03:21 PM
Parent: #75
هويدا شرف الدين ...
| Quote: عزام خليك من الحاقدين والحاقدات الفي المنبر دا |
يِخسي عليكِ يا هويدا إنتِ ما عارفه إنو في ماسنجر في المنبر ... وبعدين
أنا عِنواني ما كاتبو فوق البروفايِل هيلي ... الناس ديل ما حيرَيِحونا
صدِقيني صدِقيني ... إنتِ مُش في أُغنِية بِالشكل ده ( صدِقيني صدِقيني ) ...
أسمعي يوم الخميس الجاي معزوم عِرِس وإشتريت لي قميص كروهات برضو تحِبي
أخُد بيهو صورة وأنزِلا في البروفايِل بِتاعي ...
قُلتي شنو؟
طَيِب
شُكراً
إنتو ... إنتو إنشاءالله الحُسُد يِطلِع ####
|
Post: #77
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 03:30 PM
Parent: #76
أبو ساندرا ...
Quote: لا والله
الصورة أقل من الحقيقة
عجزت عن تصوير الجمال المالي الزول ده
خلقة و اخلاق
عزام أجمل مما يبدو في الصورة بكثير
وابسم
وفوق ده كلو صاحب رأي
و زول موانسة وإمتاع
وكريم للدين
واخو اخوان |
ياخ خلاص تعال يوم الجُمعة الجاي إتغدا معاي ... بِت إبراهيم عاملة قُراصة بِمُلاح أحمر
(ده شنو ده ياخ)
(إنت عارِف يا عزام بِالطريقة دي سقِف البيت السجم ده لا بِتِمو ولا شِتين ... أبو الغُربة
ظاتوو ... عاد نقضيها كُلها قراريص وجبنه ... تعال ياخ يِحرِق أبو البيت والدايِر يبني)
|
Post: #78
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 03:50 PM
Parent: #77
حسن مكاوي ...
Quote: عزام الوسيم إتلموا فيو خلق الله
الزول السمح كسار بنات الحلة
حاسد قال صعيدى وطعمو زى الجِلة
وناس بت شرف عارفين الطعم كرمِلة |
بريدا ومِن جفاها جِسمي إتْعلا ...
تسلم لي < فُلانة > وفوق تِِتْعلا ...
يِـمْـه أصبح فطوري وعشاي وعَلا ...
بِريدا ... عِلا مالو الحبيب بِجفاهو ...
لازَم البِيوت وعشمان يِقوم يِلْفاهو ...
يِـمْـه القِليب عَيان غيرو مين بِشْفاهو ...
باصر مرادتو قامتْ العِيون فضحنو ...
قالت العِيون سببي نُواحو وأنو ...
يِـمْـه إسِمو حرمان علي حتو وكنو ...
|
Post: #79
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 03:55 PM
Parent: #78
عِماد الشبلي ...
| Quote: مصور عزام صورة ذي دي ل شنو ؟؟؟ |
عليك الله قُلت ليها شنو؟
|
Post: #80
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 04:06 PM
Parent: #79
صلاح أبودية ...
| Quote: قلنا نقدم السبت !! |
والله سعادتك كُل يوم أحد مَخَسَس لممدوح نعيم في ماري جِرجِس
وكُل إتنين بصوم فوقُو مِن تبيت (كُل إتنين يِجِبُ ما قبلِهِ مِن خميس)
والتلات بمِش فوقو المُستَوطنات (الشجرة/العُزوزاب/الكلاكلات) أزور أهلي وأتشحِن رُطانا
ويوم الأربعْ بجيب تموين الإسبوع مِن السوق المركزي وبِنضِف البيت كلو ونكوي الهِديمات
ويوم الخميس ده حرم بِت إبراهيم زاتا ما بِتعشم فوقو (شكيتك على الله يا كيكي ومَن لف لفِهِ)
أها باقي السبِت وتراك قدمتو ...
|
Post: #81
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Hadeer Alzain
Date: 04-27-2009, 07:29 PM
Parent: #80
والله أحلى بوست من وإلى أنقى ناس (الكاتبة والمكتوب عنه)..
ويا هويدا ليت الشباب يعود يومآ! (شفتي جنس الحسادة دي !؟) لوووول
وغايتو يا هويدا حا أدخل ليك عزام واسطة لمن نجي نبني .. ولا نشتري المزرعة الجااااهزة
من مجاميعو العاجبانا ديك .. لوووول
ويا عزام بعد الإندياح والكسير دا بت أبراهيم إستحقت كرسي جابر
ولا حا تكسر ليك الكمبيوتر دا في راسك (دا في حالة قرت البوست دا) ..
تحيات طيبات
|
Post: #82
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-27-2009, 07:49 PM
Parent: #81
Hadeer Alzain
| Quote: ويا عزام بعد الإندياح والكسير دا بت أبراهيم إستحقت كرسي جابر |
كرسي جابِر
شِبشِب وردي
توب أوكامبو
ده بيت ولا نادي ...
ماني جايبو ... حرم لو جابِر ده عِندو بِنيبِر خليهو كُرسي عديل ... هي الريدا دي
عِلا بِدهب شنقول ... وين نبني < عَشنا قشه قشه > ولا كلام ساي ...
|
Post: #83
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-28-2009, 06:05 AM
Parent: #82
الأخ حيدر
مشكور علي المرور الجميل
أنت جيب عزام معاك بدون أم ابراهيم واعتبر البيت مبني هديه مننا
|
Post: #84
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: Hassan Makkawi
Date: 04-28-2009, 06:18 AM
Parent: #83
| Quote: أنت جيب عزام معاك بدون أم ابراهيم واعتبر البيت مبني هديه مننا |
(وى حفتى...)
صباح الخير
هويدا...عزام...والجميع
|
Post: #85
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: ALazhary2
Date: 04-28-2009, 06:22 AM
Parent: #84
.
.
أريتو حال السرور ياعزام بنوت البورد كلهن إتكسرن * :)
.
.
* كسير أخوي طبعاً .
|
Post: #86
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: محمد فضل الله المكى
Date: 04-28-2009, 07:25 AM
Parent: #85
انا أشكر الحبيب عزام على تسويقه لشخصي
بوضعه صورتي في البروفايل حقو.
وأشكر كل المعجبين والمعجبات
والمُكَسِّرين والمُكسَّر لهن.
أطنان من التلج مع المودة
|
Post: #87
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عزام حسن فرح
Date: 04-28-2009, 07:41 AM
Parent: #86
Quote: انا أشكر الحبيب عزام على تسويقه لشخصي
بوضعه صورتي في البروفايل حقو.
وأشكر كل المعجبين والمعجبات
والمُكَسِّرين والمُكسَّر لهن.
أطنان من التلج مع المودة |
إنتو عِماد الشِبلي ده مشا وين ... يا عِماد يا خوي ما تحافِظ على
حقوقك ... لا حَول ولا قُوة ...
|
Post: #88
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-28-2009, 09:32 AM
Parent: #87
| Quote: عليك الله قُلت ليها شنو؟ |
عزام
ما قلت ليها حاجة ...
بيني وبينك ما عارف اقول ليها شنو ...
لكن شكلها كدى منتظرة الرد ..
امبارح عملت لي مسكووووووول ..
|
Post: #90
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-28-2009, 09:40 AM
Parent: #88
يا عماد انا برضو عاوزه صوره حلوه ذي دي بالظبط
|
Post: #91
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-28-2009, 09:44 AM
Parent: #88
Quote: انا أشكر الحبيب عزام على تسويقه لشخصي
بوضعه صورتي في البروفايل حقو.
وأشكر كل المعجبين والمعجبات
والمُكَسِّرين والمُكسَّر لهن.
أطنان من التلج مع المودة |
الاستاز محمد تحياتي
الصورة خلاص تم تسجيلها في الموسوعة العالمية باسمي ..
احتمال نشتكيك لطارق المكي ..
|
Post: #89
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: محمد فضل الله المكى
Date: 04-28-2009, 09:35 AM
Parent: #87
أُخ.............. بت ابراهيم جاتكُم!
|
Post: #92
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-28-2009, 09:51 AM
Parent: #89
| Quote: يا عماد انا برضو عاوزه صوره حلوه ذي دي بالظبط |
هويدا ..
بالظبط ..بالظبط ؟؟
احتمال يطلع فيها شنب ..
|
Post: #93
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: معاوية الطيب
Date: 04-28-2009, 01:57 PM
Parent: #87
صديق العمر عزام
والله فرحانين ليك وحاسدينك كمان
| Quote: المشكلة في راجلي الشايل سكينو وبفتش عليك غايتو أنا مالي |
لكن مادام جابت ليها سكاكين
حرم نحرسك بالسيوف ونفديك بالروح
------------------------
يلا نرجع كل زول صورتو الاصلية فى بروفايلو
|
Post: #94
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: ميسرة سيد أحمد
Date: 04-28-2009, 02:39 PM
Parent: #93
الأخ العزيز عزام ،، لقد تابعت مداخلاتك الكثيرة
وبوستاتك الجميلة وكتاباتك المميزة والمختلفة عن الآخرين
والتي تحمل روح المنطق والعقل ،،، وبما أني من الذين تعجبهم
الكاميرا والتي قضيت سنين من عمري ألتقط كل ما هو جميل ولو كنت
بتزور العمارات شارع 15 إستديو كاميرا أرتست لوجدتني قابع هناك في
جميع إجازاتي المدرسية في الثمانينيات أعلم بالتصوير بس كبرت وتركت القصة
بس صورتك في البروفايل أعجبتني جداً وهي صورة جميلة ومعبره وأتمنى أن تكبر الصورة
دي وتضعها في واجه محل تجاري ،، تكون يعني دعاية للمحل وكده ،،
لك ودي وأحترامي،،،،
|
Post: #95
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: عماد الشبلي
Date: 04-28-2009, 03:26 PM
Parent: #94
Quote: بس صورتك في البروفايل أعجبتني جداً وهي صورة جميلة ومعبره وأتمنى أن تكبر الصورة
دي وتضعها في واجه محل تجاري ،، تكون يعني دعاية للمحل وكده ،، |
ميسرة .. سلام
وانت كدى بتيسر علية ولا تعسر ,,
بعدين عزام ماعندو حق يبيع صورتو الا بعد الرجوع الي المصور ,,
|
Post: #96
Title: Re: صورتك الخايف عليها ونحن ما خايف علينا فيها إيه إنسان بعزّك لما يحفظ ليك صورة
Author: هويدا شرف الدين
Date: 04-29-2009, 07:41 AM
Parent: #95
فعلا كل الحقوق محفوظه للسيد / عماد شلبي هو صاحب التمييز الحاصل دا نشكر له لمسته وأنامله الرائعه
|
Post: #97
Title: Re: عزام حسن فرح شيل صورتك الخاتيها دي
Author: معتصم مكاوي
Date: 04-29-2009, 08:29 AM
Parent: #1
صحي يا هويدا ..
عزااااام
حلات الدنيا عليهو !!!
يخزي العين !!!
البنات لمان يشوفن واحد شين
وشناتو مررررره بيقولن شنو ؟؟
بقولن : يا سماحة الشنا في هناي داك ..
|
Post: #98
Title: Re: عزام حسن فرح شيل صورتك الخاتيها دي
Author: عزام حسن فرح
Date: 04-29-2009, 11:19 AM
Parent: #97
هويدا شرف الدين ...
| Quote: فعلا كل الحقوق محفوظه للسيد / عماد شلبي هو صاحب التمييز الحاصل دا نشكر له لمسته وأنامله الرائعه |
بِالله ركِزي معاي شوية ... عِماد الشِبلي مُصَوِر وفنان و ... و خلاص إنتهينا مِن
الحِكاية دي ... خليك معاي شوية ...
الأخ عِماد الشِبلي أرجو أن تتمكن مِن تخطي مرحلة < صورة عزام > وتعيش حياتك
|
|