محمد فرح الله يبشرك بالخير ...........

الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية

صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد

انتظم منذالامس وما قطعت ولا دقيقة واحدة ................

غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني.

سلام يا عمر ..
انا غايتو خشيت البوست و ختيت خبر القطع الحصل لينا كنوع من المشاغبة لاخونا محمد فرح لأنو جاب خبر البشرى بطريقة كده متلببه شديد
كأنو هو مسئول من الموضوع و واثق فيو.
لهجتو كانت واثقة اكتر من اللازم.
اها لمن لقيت الجماعة ما قصروا معاهو بلاغات تاني ما كتبت ليو.
لكن ..

كلامك انت ذاتك ده ما صاح يا عمر اخوي.
انتظمت من الامس دي متين بالضبط ؟
لأنو الحلفايا مربع سبعة كانت قاطعة من المغرب لحدي الساعة عشرة.
نفس مواعيد القطع اول امبارح.
و امبارح كانت قاطعة بالنهار.
يعني شكلها قطوعات مبرمجة.
غايتو لو اتكررت بكرة النهار يبقى فعلا برمجة يوم نهار و يوم ليل.
بديك الخبر بكره النهار باذن الله.
لكن ما تقول لينا من امس ما قطعت.
امس قطعت و الليلة قطعت.

أول حاجة هو ما بشرنا كدي اقرا البوست كويس يمكن تفهم:
من بكره ... تاني مافي كهرباء بتقطع في الخرطوم إن شاءالله

تاني حاجة انت كضاب كضاب كضاب

Quote: انتظم منذالامس وما قطعت ولا دقيقة واحدة

العرضة كانت قاطعة وجات قريب المغرب

أنتظمت؟ إنت قصدك انتظمت في القطوعات؟ مش؟

بعدين يا اخ عمر, أنا لا (غلاة معارضين) لا (لافي لفهم)
أنا كل العملتو وقلتو انو الكهربا بتقطع
الليلة قطعت
وامبارح قطعت
وقبلو قطعت
والله يستر من بكرة

أما الصعوبات التقنية الإتكلم عنها محمد فرح دي
فهي لا تحترم عقولنا بل وتسيئ للهيئة القومية للكهرباء ومهندسيها


!

Quote: وما قطعت ولا دقيقة واحدة ................

انت احسن منك محمد فرح.. قال من بكرة وخلاها مفتوحة..

Quote: غلاة المعارضين

وإنت مبروك عليك غلاتك دي .. إنشاء الله وصلتك..
بس ما كانت محتاجة كضبة كبيرة قدر ده ياخي..

الاخوان حمور وصلاح الدين تحياتي

ما شهدت إلا بما عايشته في المنطقة التى اسكن بها (الخرطوم 2) أو بما سمعته من الاصدقاء في مناطق متفرقة

على كل حال بلاشك توجد كهرباء منتجة من سد مروي ستصلنا عاجلاً ام اجلاً.

صلاح ليون

كضبي خليهو ..... سد مروي في والا برضو كضب.

عمر ياصاحب

لا محمد فرح ولا انت غلطانين

الغلط الكبير من الناس البدقو الوتد قبل يجيبو الثور (الحيكومة)

الخبر في حد ذاتو مفرح لو ختينا الرحمن في قلبنا وقلنا ان شاء الله وبس

لكن المسؤولين المتسرعين كعادتهم لفحوا الكلام وملو بيهو الهوا في الفاضي واحرجوا الناس

يا جماعة الخير ..
محمد فرح جاب تفسير لزيادة القطوعات بعد بشراه، وقال إنو الكهرباء المنتجة أكتر من إستيعاب الخطوط والا شنو كدا ما عارف. يعني إنتو أصبروا شوية لحدي ما يجددوا الشبكة ..... وبس. طول عمركم صابرين جات على دي يعني؟ عالم جاحدة, بعدين الناس من زمان ما عايشة بدون كهرباء .. نقصا شنو يعني؟

للاسف لم تخيب الكهربا ظن السوء يا عمر ..
قطعت من الساعة تمنية صباحا ..
اظن البرمجة ثبتت علينا.

Quote: على كل حال بلاشك توجد كهرباء منتجة من سد مروي ستصلنا عاجلاً ام اجلاً.

الله يسهّل ليها المواصلات ...... يعني ما (بكرة) بتاعة الإسبوع الفات زي ما قال محمد فرح؟

الإدلاء بمعلومات كاذبة جريمة ولا يدخل تحت باب حسن النوايا والتبشير بالخير .. لا يحق له ولغيره الإدلاء بأي خبر أو معلومة كاذبة وخاصة تلك التي تتعلق بالشأن العام ومصالح المواطنين ..
الشفيع

Quote: كضبي خليهو ..... سد مروي في والا برضو كضب

السد ياابني موجودٌ موجودٌ موجود
لكن انتو بكضبكم ده حتخلوهو مفقودٌ مفقودٌ مفقود

وبعدين تعال هنا انت بوستك ده عن وجود السد
ولّ عن الكهرباء الطالعة منو وتاني ما حتقطع

بالكضب بتاعك انت ومحمد فرح ده انا خايفكم تقطعو الخير ذاتو..

Quote: وبعدين تعال هنا انت بوستك ده عن وجود السد ولّ عن الكهرباء الطالعة منو وتاني ما حتقطع بالكضب بتاعك انت ومحمد فرح ده انا خايفكم تقطعو الخير ذاتو..

يا استاذ صلاح ديل غطسوا حجر رئسهم بكضبهم الكتير وخوجاجهم

تمسكم من هنا يزوغوا بي هنا زي موية السد ذاتها ..

هسع يقول ليك الكهرباء ووقت كضبه ينفضح يزوغ بالسد

وهسع تثبت ليه انه سد مافي يقول البترول


* والله يا جنابوا حد خاتي نفسك في خانة اليك

أخ عمر
حقيقه في بعض الشخصيات الـ(لياقه) عندهم طبع من الصعب التخلص منه
البوست من البدايه كان خبر وتعليق علقه لي أحد مهندسي الهيئه وأردت ن أبشر به إخوتي هنا
للأسف فعلاً لم يكن الإمداد كما ينبغي لكنه بكل تأكيد كان أفضل عشرات المرات من الاعوام السابقه وبكثير جداً
الهيئه الان توفق اوضاعها وأثق أنه قريباً جداً سنستمتع بتيار متواصل إن شاءالله .

مؤونة عام من الود

Quote: الهيئه الان توفق اوضاعها

الله يوفقا

Quote: الهيئه الان توفق اوضاعها وأثق أنه قريباً جداً سنستمتع بتيار متواصل إن شاءالله .

يعني ما غداً .. !!

Quote: يعني ما غداً .. !!

طبعا ما غدا

عمر الكوز الانتهازي

روق المنقه شويه

عشان ناس ليون ديل ما يطلعوك كضاب

جنس شفقه هي

Quote: البوست من البدايه كان خبر وتعليق علقه لي أحد مهندسي الهيئه وأردت ن أبشر به إخوتي هنا للأسف فعلاً لم يكن الإمداد كما ينبغي لكنه بكل تأكيد كان أفضل عشرات المرات من الاعوام السابقه وبكثير جداً الهيئه الان توفق اوضاعها وأثق أنه قريباً جداً سنستمتع بتيار متواصل إن شاءالله .

من زماااااااااااان لو قلت كدة ما كان ريحت نفسك وريحت الناس اللى اتكهربوا بكهربتك ديل

الاخ عمر عثمان

تحياتي لك ولكل المتداخلين




حقيقة هنالك امر محير وقد كتبت اليوم عمودي بعنوان لغز الكهرباء



وكل انجازات الكهرباء من تطوير افقيا وراسيا لاينكرها الا مكابر



ولكن لغز الكهرياء يستعصي علي فهمه


لماذا تبدأ القطوعات يوم الاحتفال بدخول كهرباء سد مروي الي محطات التوزيع بالخرطوم؟؟

علما بان كمية الكهرباء قبل هذا اليوم كانت توفر امداد كهربائي مستقر !!!!!!!!!!!!!!!!!!!!!!

ابكدوك وينك ياخي من المولد ده
ياخي صاحبنا ده بالرغم من كل البوستات
الفاتحة عن القطوعات ودائماً بيكونو في اول
المنبر ،، وفيها كل البلاغات عن القطوعات
وهو طبعا بيكون قراها .. صحبك جا ناطي
طوالي وقال .. ما قطعت ولا دقيقة....

Quote: الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد انتظم منذالامس وما قطعت ولا دقيقة واحدة ................ غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني

اخونا عمر ..

اتخيل لى .. لو كان واحد نزل بوست وقال فيهو : من بكره ... تاني مافي كهرباء في الخرطوم

كان ح يكون ردك او رد محمد فرح شنو ؟؟؟؟

للامانة .. بوست محمد فرح كان مستفز خصوصاً في تلك الاثناء كان الوضع على عكس مايبشرنا به.. واردنا ان نوضح له ماعليه

الوضع الآن . ليس كما فهمت انت بأنها فرصة سانحة لمعارضة النظام وهو مايفسر ب ( الحرامى فى راسو ريشة) .

Quote: للامانة .. بوست محمد فرح كان مستفز خصوصاً في تلك الاثناء كان الوضع على عكس مايبشرنا به.. واردنا ان نوضح له ماعليه الوضع الآن . ليس كما فهمت انت بأنها فرصة سانحة لمعارضة النظام وهو مايفسر ب ( الحرامى فى راسو ريشة) .

حكمة والله يا كتو ..

Quote: ما قطعت ولا دقيقة....

ليون

الكيزان ديل بكضبوا ليهم عشرين سنه

لحدي ما صدقوا كضبم

فرح و عمر ديل مجرد ابواق

لا عليك يا صديقي الجميل

Quote: الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد انتظم منذالامس وما قطعت ولا دقيقة واحدة ................ غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني الاخوان حمور وصلاح الدين تحياتي ما شهدت إلا بما عايشته في المنطقة التى اسكن بها (الخرطوم 2) أو بما سمعته من الاصدقاء في مناطق متفرقة على كل حال بلاشك توجد كهرباء منتجة من سد مروي ستصلنا عاجلاً ام اجلاً

سعادة الكمندان عمر .. ..

يسألك الله فى نضميك ده ولا دقيقة ماشفناها.. ..

التلاجات بقت مخزن واللمبات اصابها البيات الشتوى .. .. والمكيفات بيوت حمام .. ..

ماشهدت الابماعايشت !!!!!