والله وما طالبني حليفة ، أطفال الكرمك أولى مليون مرة من اطفال المايقوما مايقوما مايقومايقوما

انا ما ضد اطفال المايقوما
ولا ضد الاهتمام بيهم واعتبرهم من ثمار المجتمع
ولا ضد نشطاء الاحزاب الما عنها شغلة غير المايقوما دي
لكن عايز اقول لو تسمحوا لي بكلمة
اولاد المايقوما يجدون ما يأكلونه وما يلبسونه ويستشفون به وما يحفظهم في امان
ولكن هذا كله لا يحصل عليه اولاد الناس العاديين في الكرمك
عراة
جائعون
حفاة
مرضى
ينامون على البرش
وسخانين لا ماء يشربونه ولا ماء يغتسلون به الا في الخور البعيد
الواحد اليوم كله قد يحصل على لعقات محدودة من عصيدة بموية وملح ، وقد لا يجدها
هذه ليست مبالغة
الله سائلني عنها
وقد حاولت جهدي لأفعل ما استطيع
حاولت دون معين
ولكني ما اعجب له
هو نضال البعض المقصور على اطفال المايقوما
هل وضعهم ملح الى هذه الدرجة؟
أليسوا هم الذين ترعاهم الدولة والمربيات ومؤسسات المجتمع المدني والمنظمات الدولية احيانا ولهم دار في وسط الخرطوم وسرير ومرتبة
لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف
وتنهال عليه التبرعات العينية والنقدية والزهور والحاضنات والقبل
كم من مناضلي اطفال المايقوما زار الكرمك وقيسان والدمازين ياترى ؟
انا هنا اطلب شهادة من زاروا تلك البقاع ورأوا كيف يعيش اهلها واطفالها
فاذا قال احدهم انهم ينالون من العناية والرفاهية ما يعادل معشار ما يناله اطفال المايقوما فسأكون مستهدفا لآطفال المايقوما المساكين المحرومين من الحنان والرعاية ومستقبلهم غير معروف
والله من وراء القصد
_________________
رب اشرح لي صدري

سبيل.

ما تبقى زول مخك متحجر ساكت.

كل ناس بعملوا البقدرو عليهو. لو أنت شايف أطفال الكرمك أو أي منطقة أخرى في السودان محتاجين، أعمل منظمة أو أدعوا لحملة لدعمهم ولمساعدتهم علشان يكون الحير خيرين.

دينق.

شيخ سبيل ..
السلام عليكم ..
و الله كلام دينق ده ( بعد تمرق منو الكلام الحاد ) انا بتفق معاو مية مية و بشوف انو سليم.
العمل الخيري لا يتوقف.
و كلو ابواب لخدمة المجتمع.
البيشتغلوا في المايقوما ما هم براهم البيخدمو و لو قلنا كده نكون شتمنا البلد دي.
في حتة غير المايقوما عاوزه خدمة ابدا ضربة البداية.
لكن تقول ليهم خلوا المايقوما و امشوا شوفو غيرا دي ما منطقية شوية.
بتذكرني شعار " شريعة شريعة وله نموت الاسلام قبل القوت "
كأنوا لازم الاسلام على حساب القوت او القوت على حساب الاسلام.
لا يوجد تضاد يا اخي.
كلو بيمشي.
في ناس شغالين في المايقوما.
في ناس شغالين في السرطان.
في ناس شغالين في المسنين.
ابدا انت كمان نداء الكرمك و انا اول زول معاك.


ما فهمت حتة الاحزاب دي ؟
يا شيخ سبيل الشباب البيشتغلوا هنا في المايقوما ناس ما عندهم انتماء سياسي و معاهم ناس من شتى الالوان السياسية.
بعرف شخصيا اسلاميين ( كيزان ) و شيوعيين و انصار ( جناح الامام الصادق ) بيشتغلوا الشغل ده.
فاشارة الاحزاب دي ما اظنها حلوة .. ذكرتني بوست بريمة الاعتبر انو البيشتغلوا في المايقوما شيوعيين و عاوزين يدينو النظام و التجربة الاسلامية.

Quote: كل ناس بعملوا البقدرو عليهو. لو أنت شايف أطفال الكرمك أو أي منطقة أخرى في السودان محتاجين، أعمل منظمة أو أدعوا لحملة لدعمهم ولمساعدتهم علشان يكون الحير خيرين.

اصلا مافي زيادة على كلامك دا يا دينق ...


ياخ طفل الكرمك على الاقل عندو اسرة

Quote: الله من وراء القصد

انها لكبيرة لو تعلمون
سبيل ,,
كلهم اطفال ضعفاء يستحقون كل خير
فلإن انصب اهتمام بعض الناس بفئة منهم
فلم يمنع احد الباقين من الاهتمام بالفئات الاخرى والاهتمام بكل محتاج اينما كان
لا يستدعي الامر (حنقك) من الاهتمام البعض باطفال المايقوما
فقط افتح نفاجا للخير واعرض قضية اطفال الكرمك او غيرها واهل الخير كثر.

Quote: و الله كلام دينق ده ( بعد تمرق منو الكلام الحاد ) انا بتفق معاو مية مية و بشوف انو سليم.

كلام دينق واضح وصريح والماعجباهو لهجتي خليهو يمشي الارشيف وشوف كتابات عبد القادر سبيل.
مشكلة البورد ده. في ناس أصحاب عضوية جديدة وما عارفين أي خلفية أو تاريح للبورد ده ولكتابه.

يا سبيل.

أنت الظاهر أنطبقت عليك قصة كلب السرة.


دينق.

Quote: لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف

الله يشفيك

من النادر جدا ان اتفق مع دينق
اوزون الإ اننى هذة المرة اتفق معه جدا

Quote: اولاد الناس العاديين طفل الكرمك ود الحلال ان يكون ود حرام

يا سبيل
مشكلتك موش انو اولاد الكرمك محرومين
مشكلتك الكلام الفوق ده ....

بعدين شوية اولاد المايقوما الما عندهم و لا أبو لقو شوية ناس اهتمو بامرهم لتعويضهم "الفقد البسيط" جدا جدا ده ( انعدام ابو و ام) انت و غيرك البهمهم امر اطفال الكرمك للدرجة دى ما تعملو ليهم حاجة , بدلا عن تجي تكسر مقاديف ناس قايمين في شان انسانى زى ده, انت لا هامينك ديل لا ديلك , المغلغلك قصة اولاد حرام دى. زيك و زى غيرك الجو يشككو في دوافع و خلفيات الناشطين فى الامر ده قبل كده ....

بعدين وضع اطفال الكرمك ده هو حال معظم اطفال السودان خليك من اطفال دارفور الوضعهم اسوأ الاف المرات , كلهم ديل عاوز تحل مشاكلهم بالعمل الطوعى و التبرعات و لا في حاجة اسمها حكومة هى المسئولة , ايوه الحكومة الفرحان بيها انت و بي سدودها و كباريها و طاقتها النووية وجيت داقي ليها الطار هنا.

شكرا لكل نبيل و نبيلة يدعم اطفال المايقوما او اى مجموعة ضعفاء و محرومين و مستضعفين

Quote: كلام دينق واضح وصريح والماعجباهو لهجتي خليهو يمشي الارشيف وشوف كتابات عبد القادر سبيل. مشكلة البورد ده. في ناس أصحاب عضوية جديدة وما عارفين أي خلفية أو تاريح للبورد ده ولكتابه.

يعني البورد نخليو للقدام ؟
طيب كلم بكري يوقف العضوية او يعمل ليكم فصل براكم و ما يخليكم تكتبو معانا نحن الجداد ديل.

يا دينق ما قلت كلامك ما واضح و لا ما صريح عشان تجي تقول واضح و صريح ..
قلت حاد ..
فما ترد ليك على كلام ما اتقال.
كلامك حاد جدا و شتيمة مافي ليها اي داعي هنا.

... كتب الأستاذ سبيل

Quote: أليسوا هم الذين ترعاهم الدولة والمربيات ومؤسسات المجتمع المدني والمنظمات الدولية احيانا ولهم دار في وسط الخرطوم وسرير ومرتبة لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف

......كلامك كان ماشي كويس ولكنك طبزتو شديد بالكلام الفوق دا
...أسحب التعابير الجارحة دي وأعتذر عنها وواصل موضوعك فهو موضوع
يستحق النقاش...
...يستحق أطفال المايقوما الرعايا والإهتمام لأسباب تعلمها ويستحق
أطفال الكرمك الإهتمام أيضا ويستحق الطفل الذي يواجه الجوع و التشريد
والرصاص والحرق في دارفور أهتماما أكبر...
.......وعشان كدة ياسبيل قلنا يدك معانا لنقف من أجل مجانية العلاج
والتعليم لأطفالنا وللمحتاجيين...
كمال

اطفال الكرمك جعانين ..جوع بطن ودي هينة بتتملي بي اي حاجة ..
لكن اطفال المايقوما جعانين للعاطفة والحنان المهما المربيات عملوا ما حيقدرو يشبعوهم...
وبعد داك قارن..



وربنا يعينهم الاتنين..اطفال الكرمك..والمايقوما...واي اطفال محرومين من ابسط مقومات الحياة

كمان يا سبيل المشاكل كلها ما بتتحلا في نفس الوقت..

جيت تكحلها عميتا
ده عيب انك بترمي الكلام بردلوب
وبعدين تقول رب اشرح لي صدري..

Quote: ما تبقى زول مخك متحجر ساكت. كل ناس بعملوا البقدرو عليهو. لو أنت شايف أطفال الكرمك أو أي منطقة أخرى في السودان محتاجين، أعمل منظمة أو أدعوا لحملة لدعمهم ولمساعدتهم علشان يكون الحير خيرين.

يعني عشان توصل رؤيتك الجميلة دي كان في داعي
تدي الزول في راسو.....؟
دينق
قوم لف....

Quote: ولكن هذا كله لا يحصل عليه اولاد الناس العاديين في الكرمك عراة جائعون حفاة مرضى ينامون على البرش وسخانين لا ماء يشربونه ولا ماء يغتسلون به الا في الخور البعيد الواحد اليوم كله قد يحصل على لعقات محدودة من عصيدة بموية وملح ، وقد لا يجدها

سبحان الله ولا حول و لا قوة الا بالله.
ايحدث هذا كله في دولة المشروع الحضاري..دولة المواجهة و الصمود..دولة العز و الشريعة؟؟

غايتو ما عندنا كلام نقولو غير :الرد..الرد السد ..السد.

مقارنة غير موفقة ... ندعو لمساعدة أبناء الكرمك من خلال بوست جديد ... إن كنت تقصد جهد الأفراد والمجتمع المدني فلنشد على أيديهم وكل ميسر لما خلق له ، ولا تكليف إلا بمستطاع ...وإن كان الكلام موجه لخليفة المسلمين فهو مسؤول أمام رب العالمين في يوم لا ينفع فيه سلطة ولا جاه إلا من أتى إلى الله بقلب سليم ،، قلب يستشعر عظم الأمانة لو أن بقلة عثرت في الكرمك لسئل عن تقصيره في تعبيد الطريق لها ...ما بالك بالبشر ..خلق الله وخلفائه في الأرض ؟!!!!!!!!!!
______________________________________________
http://www.arroufaiyeen.com/fourm

ده القدرو عليهو الناس الطيبة دي

بدل تشكرهم تجي تعملا ولاد حرام وولاد حلال

الناس ديل اقرب للمايقوما من الكرمك

ياخي عنوانك صادم وتكرار مايقوما ده هتافي ومضاد جدا

واحترام الرأي دائما مرهون بمصداقتو

السلام لكل الاخوة وكاتب الموضوع

لقد لفت النظر يا اخى لمشكلة اطفال الكرمك ولكن بصورة

اذت اطفال المايقوما ولتعلم ان هناك كبار تخرجو من هذة المايقوما

وهم يدخلون هذا الموقع فانظر كيف انك استعملت اسلوب جارح فالنتفق على ان

نتخلص من مخاطبتهم بالحرام هذة فلا دخل لهم فى كيفية وجودهم

اطفال الكرمك قيسان زالنجى نهر عطبرة قرى الشرق الشمال النيل الابيض

تعال شوف اطفال المعسكرات حول الخرطوم الفيها الحكومة البتستغل حالتم وحوجتم وتوقف

البصات عشان تنقل اهلهم بى شوية ملاليم للخرطوم وسط عشان يهتفوا هتاف كل ما لهم فيه

ان ينالوا ما يسدوا به رمق اطفالهم

هذا النداء للعاملين فى الحقل الانسانى مهم ولكن

هذة مسؤولية دولة ياكل سادتها وينامون ويسافرون باموال هؤلاء الاطفال

كل مليم سرقوها هى من مال هؤلاء دافع الضرائب يدفع ليتعلم اطفال الكرمك

البترول يستخرج ليشرب وينظف اطفال الكرمك (وغيرهم طبعا)ولكن حقهم يذهب

لجيوب السادة اطفال المايقوما والكرمك ذنبهم معلق فى رقبة البشير وسدنتة وكل من والاه

ذنب كل من نام ليلة وهو جيعان فى رقبة البشير

ذنب من ترك المدرسة ليبيع اكياس ولا موية وكمان مطارداه البلدية فى رقبة البشير

ذنب من باتت تبكى جوع اطفالها فى رقبة البشير ذنب من حملت سفاحا وجدعت

طفلها للمايقوما كى تاكل من باب الرزيلة فى رقبة البشير ومن عاونة ومن والاهو ومن دعمة ومن سرق معة

ومن سكت عن سرقتة وسرقة من معة ديل كلهم شايلين الذنب

اخيرا اخى اعمل نداء لدعم اطفال الكرمك نحنا معاك

قد يكون الموضوع مهم وجاد
لكن طريقة الطرح غير موفقة

حمور زيادة.

بطل النفاق البتعمل فيهوا ده. سبيل كاتب كلام سخيف زي ده لمن أنا أنتقده تجي داخل أنت وتوصف سبيل ب "شيخ سبيل ." وتقول كلامي حاد!! ده مش أنت ذاتك الواقف بتساند في الامنجي وهبة وبتدافع عنوا وفي نفس الوقت فتحت لك أكثر من بوست بتنتقد هشام هباني؟ عالم منافقة بشكل.


دينق.

Quote: جيت تكحلها عميتا ده عيب انك بترمي الكلام بردلوب وبعدين تقول رب اشرح لي صدري..

اوجزت

أخي عبدالقادر سبيل ..
اعمل نداء لاطفال الكرمك وقيسان واصبر عليه ما تنتظر غيرك أخي ..ربنا يكتبه في ميزان حسناتك ..
وفي نفس الوقت ادعو لمن شعرو باطفال المايقوما بالقبول والتسهيل أخوي ..
الابواب واسعة للخير أخي الحبيب ..

كلام سبيل (المشاتر)
نجيب قصاده (مداخلة) حمور الوافية الكافية
وباقى المداخلات مجرد (إجترار) ... خلونا
نقفل البوست (المجوبك) ده على كده وخلاص...

Quote: يعني عشان توصل رؤيتك الجميلة دي كان في داعي تدي الزول في راسو.....؟ دينق قوم لف....

هارون دياب.
يلفك فطر. قول امين.

انتو لمتينح تفضلوا تقوموا بدور المجاملاتية ده ؟
عبد القادر سبيل هو نفس الشخصية التي كتبت كل تلك البوستات العنصرية والقبيحة في السابق. وهاهو الان مازال مارس نفس أسلوبه القديم.

دينق

مازلت تخطف الكلام وتجي جاري
حسع الجامل الزول ده منو.....؟

Quote: يعني عشان توصل رؤيتك الجميلة دي كان في داعي تدي الزول في راسو.....؟ دينق قوم لف....

قلنا رؤيتك جميلة وكلامك صاح لكن ماتدي الزول في راسو
تجي تقول مجاملاتية.....!!!!

Quote: انتو لمتينح تفضلوا تقوموا بدور المجاملاتية ده ؟

برضو....
قوم لف

معليش اخونا قوي قبل قفل البوست .. اشوف كلام زميلنا دينق ده ..

Quote: حمور زيادة. بطل النفاق البتعمل فيهوا ده. سبيل كاتب كلام سخيف زي ده لمن أنا أنتقده تجي داخل أنت وتوصف سبيل ب "شيخ سبيل ." وتقول كلامي حاد!! ده مش أنت ذاتك الواقف بتساند في الامنجي وهبة وبتدافع عنوا وفي نفس الوقت فتحت لك أكثر من بوست بتنتقد هشام هباني؟ عالم منافقة بشكل.

هسه الجاب وهبة و هباني شنو هنا ؟

انت ليه دايما بترد على كلام ما اتقال ؟
كلام سبيل غلط .. و انت رديت رد حاد و شتمته.
و من الطبيعي اني لمن اوافق على كلام انت قلتو طبيعي استثني منو الكلام الحاد الما ليهو معنى.


الشي الاخير ..
موضوع شتيتمك لي دي بنجيها برواقة.

Quote: والله وما طالبني حليفة ، أطفال الكرمك أولى مليون مرة من اطفال المايقوما مايقوما مايقومايقوم

من أنت لتعطي الأولويه لهذا على ذاك ؟
ومن أين أتتك المعلومات بأن الدولة والمنظمات ترعى المايقوما ؟
تتحدث عن أطفال الكرمك بعيونك
فهل رأيت أطفال المايقوما بعيوننا ؟
لك أن تعلم أن أطفال المايقوما حرموا يوماً من وجبة الغداء لعدم وجود ملح
المايقوما يدخلها 700 طفل ينجو منهم 400
ومن يخرج من المايقوما ليختلط يجد من يتعامل معه على إنه لقيط كما فعلت أنت تماماً في حيثيات مناشدتك

مالك وهم ؟


سبيل
يا ريت لو فتحت بوست عن أطفال الكرمك وإتكلمت عنهم بدون ما تتعرض لي أطفال المايقوما
يا ريت لو جبت صور أو صورت بي كتابتك الوضع ودعيتنا للمشاركة وكنا حنكون واقفين معاك
وداعمين لقضيتك

هسي دي دعوة مني ليك عشان تفتح بوست تاني معني بأطفال الكرمك ومن غير رتوش
وأنا أول زول يقيف معاك
ووعد مني لو إجتهدت في تسجيل منظمة أو أقنعت أي منظمة موثوقة بتبني أطفال الكرمك
فأنا حا أكون ليك أكبر داعم بي إتصالاتي هنا في قطر وحا أوصلكم بي أكتر من منظمة عون إنساني قطرية

فقط تخير ألفاظك وتخير الشكل الذي تطرح به قضاياك خصوصاً الإنسانية وإجعلها بعيدة عن أي خصومة
حتى لا تنشغل بالخصومة عن العمل الذي يجب أن يكون.

من الجميل أن تتبنى قضية سامية ولكن ..
ليس على حساب قضية سامية أخرى

المكي

Quote: والله من وراء القصد _________________ رب اشرح لي صدري

الأخ سبيل ..
صباح الخير ..

حديثك الذي تدثرت بالدين لتبريره حديث مشين ..
وهو خلط غير مبرر بين قضيتين ..

الدولة مسئؤلة عن الإثنين (أطفال السودان في الكرمك وفي زالنجي وفي المايقوما وفي نمولي)
ده على المستوى النظري ..

أما كون البعض ينشطون لحماية ودعم أطفال المايقوما ..
فهذا شأنهم وخيارهم ..

تحرك يا أخي لفعل مثلما يفعلون لأطفال المايقوما وأفعله مع أطفال الكرمك ..

بالمناسبة :
وصفك لأبناء المايقوما بأولاد الحرام يجعلك غير مؤهل أخلاقياً للحديث عنهم
أو عن أطفال الكرمك ..
أو حتى أطفال (مالطا) ..

فيا سيدي الفاضل ..
كل الذين ينشطون طوعاً في أمر (أطفال المايقوما)
لا يحتاجون وصاية من أحد ..
وكلمات مثل الله من وراء القصد ..
لن تجعله فعلاً من وراءه ..
فالله الحي الذي لا يموت , خلق الناس سواسية
من (نطفة) لم يجعل لهم خيارأً ..

(أولاد الحرام) الذين أتيت لتزج بهم في قضية (التنمية) المنقوصة ..
سيقتصون منك يوم القيامة لأنك تعمل على حرمانهم من إهتمام أخوتهم في الله والوطن ..

ودفاعك عن المشروع الحضاري المزعوم الذي إستخدمت فيه هنا هؤلاء الأطفال
كدروع بشرية , لتبيان أن (الدولة ) تعتني بهم لا يخفى على حصيف ..

(أولاد الكرمك) هز طولك زي ما الناس هزت طولا ومشت حاولت تمد يدها لشريحة من أبناءنا
(وهم أبناءنا ) نحنا وراضين بإنهم أبناءنا , وحاولت أن تقف حائلاً بينهم وبين
(ظلم الناس لبعضهموتقصرير الدولة بحقهم) , هذا يجعل حديثك (كلمة حق أريد بها باطل) ..

وهو أمر ليس بمفاجئ ..
فقد تنبئنا و(أخي نعيم) منذ بدأنا هذا الدأب , أن تتحرك أيادي كثيرة لصرف الناس
عن هذه القضية وتحويلها إلى حملة جمع تبرعات (موسمية) حتى تموت سريرياً ..


______________________________
لذلك خلوا لينا أولاد الحرام وأعتبروهم أولادنا ..
وركزوا على أولاد الكرمك وأعملوا عشانهم حاجة ونحن كمان معاكم
أما الحديث الممجوج عن إختزال القضية في (مجموعة من منتسبي الأحزاب)
وأن الدولة لا تقصر في حقهم ..
وأنهم يأكلون (الطورطة) ويعيشون في (جنة البشير والجميعابي )
فهو إستغلال سياسي لا يخفى على أحد ..

فهذا حرث في بحر عريض ..
لن يثنينا عن (أبناءنا) في المايقوما ..
وصدورنا مشرعة لخوص صراعات طويلة من أجلهم ..

سأواصل ..

Quote: انا ما ضد اطفال المايقوما ولا ضد الاهتمام بيهم واعتبرهم من ثمار المجتمع ولا ضد نشطاء الاحزاب الما عنها شغلة غير المايقوما دي لكن عايز اقول لو تسمحوا لي بكلمة اولاد المايقوما يجدون ما يأكلونه وما يلبسونه ويستشفون به وما يحفظهم في امان ولكن هذا كله لا يحصل عليه اولاد الناس العاديين في الكرمك عراة جائعون حفاة مرضى ينامون على البرش وسخانين لا ماء يشربونه ولا ماء يغتسلون به الا في الخور البعيد الواحد اليوم كله قد يحصل على لعقات محدودة من عصيدة بموية وملح ، وقد لا يجدها هذه ليست مبالغة الله سائلني عنها وقد حاولت جهدي لأفعل ما استطيع حاولت دون معين ولكني ما اعجب له هو نضال البعض المقصور على اطفال المايقوما هل وضعهم ملح الى هذه الدرجة؟ أليسوا هم الذين ترعاهم الدولة والمربيات ومؤسسات المجتمع المدني والمنظمات الدولية احيانا ولهم دار في وسط الخرطوم وسرير ومرتبة لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف وتنهال عليه التبرعات العينية والنقدية والزهور والحاضنات والقبل كم من مناضلي اطفال المايقوما زار الكرمك وقيسان والدمازين ياترى ؟ انا هنا اطلب شهادة من زاروا تلك البقاع ورأوا كيف يعيش اهلها واطفالها فاذا قال احدهم انهم ينالون من العناية والرفاهية ما يعادل معشار ما يناله اطفال المايقوما فسأكون مستهدفا لآطفال المايقوما المساكين المحرومين من الحنان والرعاية ومستقبلهم غير معروف والله من وراء القصد _________________ رب اشرح لي صدري

بتناقشوا فى انتوا ؟؟؟؟؟؟؟؟؟؟؟؟؟؟؟؟

طيب يا خوانا
حقكم علينا
ندمان وسافي التراب
اطفال المايقوما على العين والراس
وآسف على ما يؤذيهم
لكن في الحقيقة اردت ان الفت نظر نشطاء العمل الطوعي الى مكان مهمل
لا ان يعتنوا باقرب مكان وخلاص
طالما فيكم اهل خير فانا احب اهل الخير واسعى لأن أكون منهم
اريد منهم ان يتعبوا شوية ويقطعوا مشوار مدته يوم واحد عشان ينشئوا دار ايتام في الكرمك
فكثير منهم فقد الاب وبعضهم الاب والأم بسبب الحرب
ما ازال مصرا على ان معاناتهم وفقدانهم حتى الى الجو الاسري الذي يتذرع به البعض اكثر بكثير مما يعانيه اطفال المايقوما
ومن لا يصدقني فليذهب الى محلية الكرمك وليبدأ من دندرو وحتى يابوس ( سمعتوا بالاسماء دي قبل كدا يامناضلين؟)
سوف تجدون هناك بجانب الفاقة والعوز ( الاقتصادي والعاطفي ) تجدون الاعاقات النفسية والجسدية الناجمة عن الحرب
لماذا لا تذهبون
انا ذهبت وعملت الواجب ومقصر
وبالمناسبة منذ طرحي الأول اعلاه انا لم اقل قط ان تتركوا المايقوما وتذهبوا الى الكرمك
وانما اثنيت على صنيعكم
ولكنني قلت معلومة انا مسؤول عنها
اطفال محلية الكرمك الآن أولى واشد حاجة الى عونكم وحنانكم اكثر من اطفال المايقوما
واكرر ادعوكم الى دعم المايقوما
ولكن اكتفاءكم بها لا يدل على صدق النوايا التي هي مساعدة المحتاجين وتقديم الاشد حاجة على المحتاج
لا تتركوا اطفال المايقوما الكرام الاعزاء
ولكن لن اقبل قولكم : هذا فقط ما نقدر عليه واذهب انت للعمل في الكرمك
اريد مصداقية
ايشمعنى التركيز فقط على هذا المركز ويوميا رغم ان الدولة تنفق عليه؟
واكرر لكم بكل احترام
لو وجد اطفال الكرمك عشر اهتمامكم بالمايقوما لكانت حالهم افضل
العفو يا جماعة
سامحوني
فقد كنت مضطرا لعنوان فاقع كهذا ولطرح جرئ حتى الفت نظركم الكريم الى من يحتاجون اليكم بشدة
اريد فقط مركز رعاية في الكرمك مساو لمركز المايقوما
ورسالة اخيرة الى دينق
ياخي
الحركة الشعبية مقصرة مع هؤلاء الاطفال فافعل شيئا خاصة وانها تسببت في زيادة طين حالهم بلة (بحرب التحرير) من اجل تحسين اوضاعهم
وهاهي اوضاعهم اكواخ وبروش ممزقة وعراريق دمورية متسخة وممزقة وووووو عندنا بترول
لكم احترامي
_________________
رب اشرح لي صدري

Quote: لكن هذا كله لا يحصل عليه اولاد الناس العاديين في الكرمك

Quote: لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف

Quote: رب اشرح لي صدري

ربي اشرح له صدره

اخ سبيل
المزعلك الاهتمام (باولادالحرام) في حين ان (اولاد الحلال) لايجدون من يهتم بهم...؟؟؟
مما تسبب في جعل اوضاع (اولاد الحرام) احسن حالا (في وجهة نظرك) من اوضاع اولاد الحلال
مما يتعارض مع الكون (حسب طريقة تفكيرك) كما يبدو..؟؟؟
لماذا قطعت كل هذه المسافه من المايقوما الي الكرمك..؟؟
الم تمر بالاطفال النائمين في مجاري (العمارات) ونمرة اتنين..؟؟
حسنا يبدوا ان هنالك (شبه) بانهم (ما اولاد حلال).. دعك منهم..
الاطفال (الكماسره) وماسحي الاحزيه (ملابسهم وطعامهم) ايضا مثل (اطفال الكرمك)..
لكن (من سحناتهم) اظنك لا تعتقد انهم اولاد حلال..
هل ظني سليم..؟؟
جيوش المتسولين من اصحاب الحالات الخاصه (معهم اطفال) يستعينون بهم في قضاء حوائج (التسول)
تجدهم في (الاستوبات) والمرافق العامه والمساجد والجامعات والمعاهد العليا...
هم ايضا ليسوا اولاد حلال..؟؟؟

ثم من اخبرك ان (الدوله) تصرف علي اطفال المايقوما او السجانه او حتي دور العجزه والمسنين..؟؟
هل تعلم ان (الملح) ملح الله والرسول العااااااادي ده ينقطع من الدور (احيانا كثيره)..؟؟
زكرنا لاخ قبلك ان يبعد (قازورات) السياسه عن العمل التطوعي
رجاء...


ربي اشرح له صدره






صدقت نبؤتك (الزين)..
انت منذ اليوم (شيخي)..

Quote: صدقت نبؤتك (الزين).. انت منذ اليوم (شيخي)..

وماخفي كان أعظم ياصديقي ..

لا شيخ ولا حاجة ..
والقصة ماكانت عاوزة (فكي) ..

أتمنى أن لا تتحقق النبوءة بالكامل ..

أتمنى أن يقف الأمر عند هذا الحد ..

ربنا يخيب ظننا ..

رب أشرح لهم صدورهم ..

تضاير,,,

تتدسى,,,

تتلولو,,

تتمكيج,,

تتضارى,,

تتلون,,,

يوما ما الفيك بتجى مارقة السهلة,,

طلعن شينات شنا مُرّة,,,أمر من علقم,,,

بنات أفكارك ديل,,,

نضح إناءك يا سبلبل!!!

معقولة بس!!!!

هسه الشُفّع ديل سألوك!!

جاياهم من الله تستكترا عليهم!!!

أوتستأسدون على أحباب الله يا هؤلاء!!!

وأين دولتنا الفتية من مسؤولياتها وإلتزامها !!!

كل أطفال السودان مهملون يا سبيل كلهم !!

أمنهم, صحتهم,,تعليمهم,,تربيتهم,,طفولتهم,,بطونهم,,عقولهم و براءتهم,,

فلا تكن حربكم على من سخر الله له من يوفر له بعض مما يحتاجه,,,

وأسأل الله الا يكون بيننا محتاجا ولا محروما خاصة أن دولتنا تشترى لعيبة

كرة قدم مثل وارقو وإيداهو بملايين الدولارات وناس تعيش فى قلب عاصمة

المشروع الحضارى تموت لأنها لا تملك حق الحقنة الفاضية دعك من الدواء نفسه...

وعلى ذلك قس وأوزن باقى أفكارك,

..
.
مجرد سوء فهم فى توصيل الفكرة ليس الإ ..


_________

المحيرنى الهجوم العنيف من دينق على حمور
ووصفه بالمنافق وجديد وشنو ما عارف ..

دينق امبارح كترت البتاع
كلمتك قلت ليك البلو ليبل دا بطشش بيك ..

أخ سبيل
تحيه طيبه
أثق تماماً في حسن نيتك
فقط ربنا كان قالب الطرح غريباً قليلاً
قبل أيام أذكر أنني سلطت قليلاً من الضوء على مركز جوبا لإيواء الاطفال
أيضاً لم يهتم أحد
للأسف هناك من يريد التكسب سياسياً من مركز المايقوما
وهناك أيضاً آلاف القلوب الرحيمه التي ترعى هذا المركز إبتغاءً فقط لمرضاة الله تعالى
وهؤلاء هم الاغلب والحمد لله
أطفال المايقوما كما ذكر البعض يفتقدون للحنان والعاطفه وهذين فقدهما أمر أوكبر من فقد الطعام او الكساء
لهذا يحتاجون جهداً أكبر ويحتاجون لوجودنا جوارهم دوماً
أما عن دينق فلا تهتم به
والحديث أيضاً لأديبنا حمور
فالرجل أحياناً بتقل العيار حبتين
يعني بالعربي كده الراجل مامؤاخذ

مؤونة عام من الود

محمد عبدالقادِر سبيل ...

صباحك زي الزفت ...

بِما إنني أحد المُهتمين بِـ< أطفال المايقوما > بِقطر فإن الكلام يعنيني ... وقد
رد دينق وحمور والأخَوة المُتداخلين خَير رد ... وزي ما قال ليك < طارق ود المكي >
أبدأ أنت بِإعلان < أطفال الكُرمك > وسيأتيك الخَيِرين زرافات بِإذن الله ... وإذا لم
يأتي أحد حيكون بِسبب طرحك الفج (حتى بعد إعتِذارك) لِقضِية أطفال الكُرمك ...

Quote: من دندرو وحتى يابوس ( سمعتوا بالاسماء دي قبل كدا يامناضلين؟)

وإنت سِمعت بِديل :
شرفت
شرايا
شرقندي
شارد
طقوك
طاهر
تمبور
طنيديبه
ام حوش
ودعمر
الضية
دارودا

بس أوعك تقول لي أنا كُنت بتكلم مع < المُناضلين > بس


لو صدق دينق بِأنك مُطبِلاتي لِحكومة البشير تبقى حِكاية ... لأن أطفال الكُرمك سبب
شقائِهِم حكومة البشير اللاهِية الساهِية ... وتبقى إنت طبال طبال طبال عاوِز يعمل فيها
الود داخِل ياخُد شبال ... العمل الإنساني ما بِتقدر عليهو لأنو الله بِسلِط عليهو الأفضل
مِن خلقِهِ ... لأنو ما فوقو قروش ... ما فوقو منفعة ... ما فوقو وجاهه ... كُل المطلوب
أن تُجيد الشحده ... تصبُر على البهدله ... على الظلم ... تكون بِتعرِف تبكي ... تنوح

ولو كذب دينق في المعلومة يبقى الوصف < طبال > لأي طبال عاوِز يِعمل حركة في شكل وردة

طـــق خاااااص ..

Quote: انا ما ضد اطفال المايقوما

- اما قبل ..هب انك ضدهم هذا لن يزيد من معاناتهم سوي تاكيد ان المجتمع كله ضدهم

صدقني الدخول الي هكذا حوارات من باب ( ان ما يليني هو الاهم ) يذهب بما يليني ويليك

والنفي اللفظي لتهمة انك ضد اطفال المايقوما يستوجب عليك الحاقة بمواقف مبدئية وعملية

ووعيك الذي قادك للقول بانك لست ضدهم ..كان يستوجب عليك الوعي الكلي بان المسائل لا تؤخذ

هكذا ..لكنة الوعي نفسة يفضح نفسة بلاحق الحديث الذي اوردته ..

Quote: ولا ضد نشطاء الاحزاب الما عنها شغلة غير المايقوما

- ووعيك يبدو واضحا هنا باختزال كل النشاط علي انه ( جندسياسي ) لمنتمين سياسيين

والابعد فيه هو تعمد الاشاره لان النشطاء وتنظيماتهم ( ما عندهم شغلة ) ..وانت لا تدرك


بانه لو افترضنا جدلا ان التنظيمات السياسية (فعلا ) ما عندها شغلة غير ده فاي (قدح)

يمكن ان يطالها بسبب ذلك ..

Quote: - اولاد المايقوما يجدون ما يأكلونه وما يلبسونه ويستشفون به وما يحفظهم في امان ولكن هذا كله لا يحصل عليه اولاد الناس العاديين في الكرمك عراة جائعون حفاة مرضى ينامون على البرش وسخانين لا ماء يشربونه ولا ماء يغتسلون به الا في الخور البعيد الواحد اليوم كله قد يحصل على لعقات محدودة من عصيدة بموية

- وخطأ كبير ان يفهم هذا الحوار با التداخل فية يستوجب وقوف موقف


انت مع ( اطفال المايقوما) واحقيتهم بالاهتمام وضد ( اطفال الكرمك) وعدم احقيتهم

بالاهتمام ..وهذا ناتج من اختلال في الوعي بمعاني العمل الطوعي .. وافتراض ان ان هناك


معيار عام يحدد الاولويات وعلي اساسها يتجة العمل ..

Quote: هو نضال البعض المقصور على اطفال المايقوما هل وضعهم ملح الى هذه الدرجة؟

- يعاود الوعي القاصر .. والحديث يفرض الرد علي السؤال بسؤال( وماذا تعرف عنهم وعن اوضاعهم؟؟)

وهو سؤال قدمته انت ايضا ..( وماذا يعلم الاخرين عن اطفال الكرمك ؟؟؟ وبالتاكيد الرد علية

لا يستوجب السفر الي السفر للكرمك (فرض عين ) ..فقط اقول بان العين تراهم ب(عينك انت) ..الذي

ذهبت الي هناك ورايت مأساتهم ..وتراهم مثلك في امس الحاجة لوقوف المجتمع وتضامنة..ولا ننكر

عليك قولك بجريمة تركهم هكذا ..وهنا ياتي الفرق في الوعي والبصيرة ..


- في الوعي ..لانك لا تعي بان العمل الطوعي فية قيمة تخص (المتطوع) نفسة ..وهي احساسة بالاخرين

ودافعيتة للعمل لاجلهم ..وهذه قيم تنقية في ذاته ..والعمل الطوعي يعالج القيم قبل المشاكل..


- في البصيرة ..لانها تري مايراه البصر فتدفعك لقول ما تقول ..

Quote: أليسوا هم الذين ترعاهم الدولة والمربيات ومؤسسات المجتمع المدني والمنظمات الدولية احيانا ولهم دار في وسط الخرطوم وسرير ومرتبة

-
صدقني اذا الدولة عندها اقل اهتمام بهم او بغيرهم لما تعاركنا هنا حول ايهم احق بالاهتمام ..


والسؤال هنا بمن تهتم الدولة حتي تهتم باطفال المايقوما او اطفال الكرمك ؟؟؟

Quote: والله من وراء القصد _________________

اتمني ...


-

طــــق خااااص

Quote: لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف

- خصصت اعلاة بالرد لانه يختلف تماما عن سابقة ..ولانه يخص تصوراتك الكلية لاطفال المايقوما فقط بتعريفهم


بانهم ( اولاد حرام ) قصاد اولاد حلال ..


- طيب وبنفس طريقة وعيك وبنفس هذا التصنيف الركيك .. اعيد اليك البصر كرتين .. وبمعرفتك الكبيرة


بالمجتمع السوداني والازمات فية .. ولان تملك معيار تصنيف الاولويات وتقديرك للاوضاع ..


( طالبك حليفة علي ما تقول اجابة علي سؤالي ) .. ايهما اسواء وضعا وفقا لمعايير المجتمع السوداني


الجعان .. المعدم .. الفقير ..الخ .. ولا الموصوم بصفة ( ود الحرام ) ..؟؟؟


ومن من المجتمع السودان مستعد للتنازل عن ميزة ( ود حلال) مقابل (بطانية ..لبن ...وسرير للنوم)؟؟


صدقني تحتاج لسعة افق اكبر من التي عندك الان لتناول هكذا امور ..حتي لا تذهب بالدسم الموجود


في فكرتك ( هناك ماساة في الكرمك ) وتذهب بكل ما هو دسم في هذا المجتمع ..

السلام عليكم

كاتب البوست من الاشخاص الذين قررت من زمن طويل عدم الرد او الكتابة او النقاش او حتي السلام معهم

لكن هذا البوست يستفزني بشكل فظيع أفقد معه القدرة علي العمل بقراري السابق اعلاه مع ذاتي فقط

واريد أن أقول كلمة واحدة فقط : إتقي الله يا رجل !!

اذا كنت تؤمن بالذي أمرنا ان نقول خير أو نضرب جدار الصمت حولنا

إذا كنت تعرف معني العمل الطوعي

إذا كنت تفهم معني الطفولة

إذا كنت تعي ماذا يحدث في تلك الدور

إذا كان لديك طفل وتنظر الي عينيه وتعي معني البراءة

إذا كنت رجل له عقل وبصيرة ويفكر فيما يكتب

لان كل ماتكتب يعرض عليك يوم العرض

____

سؤال : هل العمل الطوعي له حزب ؟ وطني معارضة ولا شيطان أحمر؟

___

هذا الكلام سمعته كثيرا حولي من ناس اسميهم جهله وأعرض عنهم كما أمرنا الله ,اقول سلاما

وقد وصل الجهل ان احدي القريبات قالت : تلقي عندها واحد فيهم عايزة تكون قريبة منو !!!!!!!!!!!

هذا هو الجهل في المجتمع الذي نحاول بمعاول المعرفة والعمل نغير فيه

هل تصدق انه قبل سنوات قليلة يمنع منع باتا في الاعلام ذكر هذه الشريحة

هذا هو التغيير

اليوم رأس الدول يزورهم

والاعلام يصورهم

واليك صورة منهم :

ربنا يهديك

الاخ المحترم / محمد عبدالقادر

ليس عندي اكثر مما ذكره الاخوه , فقط احببت ان اورد مشاركة احد اهم الناشطين في جمع المساهمات لأطفال المايقوما بالإمارات .

الاخت رانيا

مرفق ردى , ارجو نشره ووضحى انه واحد من الخدم الذين يتشرفون برعاية اطفال المايقوما لله فقط

كم باقى لينا من العمر من ابتسامه ومن شباب
كم من ربيع بكره بيمر ويمر علينا اسى وعذاب


هكذا وجدنا النهر منسابا , لا غرو انه قد تشكل او اكتملت ملامحه بعد صراع طويل نابه من الصبر والجلد الكثير حتى يوطد المجرى ويرسم خريطة بقائه لحين من الدهر. وجدنا الطريق سالكا والتيار يحملنا وقد خبر الطريق وهو يمد عصاه ليؤكد انه مازال على العهد مترنما( ياطير ياماشى لى اهلنا بسراع وصل رسائلنا والشوق ماتنسى ياطائر لكل البسالك عنا) نحمل معنا تلك الرائحة والعبق مزيج من الخرافة والواقع . نكهة القهوة او البن المحروق شهامة ونبلا عربيا ولونا ابنوسيا من اما افريقيه حيث ترك اجدادنا نحن اهل الشمال نساؤهم ربات الخدور فى مرابع الجزيرة العربيه حيث لاضرر ان يستانسوا بالسرارى ريثما يعودون الى ديارهم دون ان يرف لهم جفن او تلين لهم قناة خوفا من طفل يولد او ولى امر يشهر سياطه ورجاله انى حل بهم المقام وقيم توطدت تعارف عليها البشر واقرتها الاديان.كنا نعرف باننا سودانيون حيثما حللنا فملكنا شغاف القلوب بطبعنا واخلاقنا واتفق الكثيرون على حبنا واجمعوا على تميزنا حب يتبعه تندر وفكاهة ولكنه صادق حينما يلامس وترا حساسا فى قيمها وميراثها ايا كان وهابيا متطرفا يكفر كل من خالفه الراى ولا يجد حرجا فى ان ياتمننا على عرضه وماله او ليبراليا يؤمن بالديمقراطية والعلمانية ودولة المؤسسات وسيادة القانون.
هكذا يمضى هذا النهر خطه اناس خليط من التصوف والوثنية وتمازج بين البداوة والافريقيه بزواج قسرى لاندرى من كان الاقوى فيه لم يضطرنا للتاصيل تشبها بفرد اوجهة ولكن كانوا قهوه مزيج من بن حبشى وهال يعشقه البدو القاطنين تلك الصحارى.
ولكن شاءت الاقدار ان لاينجو النهر من ذلك التلوث الذى طال كل شىء فى هذه الحياة وهاجم فى ضراوة تلك السودانية الفريده فى تعددها ووحدتها تضادها المتوافق بل انصهارها وتعايشها مطالبا لها بالانتماء والتاصل ان تحدد هويتها دستورها دينها وربها عقدا كاثلويكيا . هاهو ذاك الابن العاق يحاول املاء ذلك الفرز وتاصيله باشكال شتى مارس ومازال يستخدم من الوسائل مايندى له الجبين هو نفسه الذى تقلب من اقصى اليسارلاقصى اليمين لاعبا مع كل نظام ولابسا مختلف الثياب.
اى اقدار تلك التى تحاسبنا على ذنب لم نقترفه وتحكم علينا بالعار والذل ؟اى دين يصنف وهو وحده العادل ان يغلب الظنون ويضيق الاحكام ؟اى عدل واى قيم تجرم مولودا فى قارعة الطريق او مع بقايا القمامة او بين انياب الكلاب؟اى اله وهو الذى شرع حد القذف رحمة يلجم به كل لسان جعل الاثبات اشبه بالمستحيل؟ اى----- واى ----------------------؟
انها المايقوما لاتحقد على المنشيه او مدينة النيل ولكنها قطعا جمعت بين قلوبنا وهى تحاكم خزينا وتفضح وجهنا الرسالى وتمد لسانها من خلفنا ونحن نتمثل ذياك الطهر. نعم جمعتنا كسودانيين اولا لا لون سياسى يفرقنا ولا دين يمارس وصايته علينا. سودانيين نحن من ذاك النهر الصافى من الكرمك والانقسنا من الفاشر ودارفور من الجنوب والشمال الوسط والشرق الحبيب.
ام آن لهؤلاء الصبية ان يصمتوا علهم ينالوا اجر كف اذائهم عنا؟ اما آن لهم ان يكتفوا بما تركناه لهم من حقوق كل هذه السنين؟ ضاق عليهم كل الوطن وابوا الا ان يدخلوا قلوبنا ليزرعوا بقايا غلهم ؟اما آن لهم ان يتاملوا فى سنن الكون وعدل الله وانتقامه؟
ما ابشع تلك النفوس تحاربنا بقبحها وترمينا بدائها وديدنها تجزئة المجزا .
اى حزن وهم ذاك الذى يملانا اى عار اى خزى ياصاح

Quote: مجرد سوء فهم فى توصيل الفكرة ليس الإ ..

تبلدينا.

ده مش ياهو مش نفس السبيل الذي كتب من قبل عن إغتصاب الدارفوريات بتلك الاوصاف العنصرية القبيحة ولا ده سبيل تاني؟



_________

Quote: المحيرنى الهجوم العنيف من دينق على حمور ووصفه بالمنافق وجديد وشنو ما عارف .. دينق امبارح كترت البتاع كلمتك قلت ليك البلو ليبل دا بطشش بيك ..

لأني بكل صراحة عارف تفكير سبيل والطريقة التي يكتب بها في هذا البورد ويجب ردعه.
بعدين أنت شايفك دائما بتتكلم عن الخمر والسكر، ما لاقي في الخرطوم ولا غالي؟
أوع بس تجي تقول لي ما بشرب وما بسوي. بعدين زيادة حمور ده قبال ما يريد على الناس لازم يعرف هو بكتب في شنو، ووصفي له بالمنافق لأنه يوجه قلمه الى إنتقاد شخص مثل هشام هباني وفي نفس الوقت لم يفتح الله له بكلمة في ما يكتبه وهبة في البورد. ده قمة النفاق.

..
.

Quote: بعدين أنت شايفك دائما بتتكلم عن الخمر والسكر، ما لاقي في الخرطوم ولا غالي؟ أوع بس تجي تقول لي ما بشرب وما بسوي.

تصقد ما بشرب بس بسوى ..
بعد دا انت فسر بسوى دا على فهمكـ ..
غايتو غالى وما لاقى دى نسال ناس الشئ زاتوو

________

عارف يا دينق مرات بحس بيك كدا بتتكيف لى
وعايز تبقي صحبي ..
ما مشكلة يا مان اصحابي فى يو ان كتار ..
اعتبرك واحد امريكانى منهم ..

اها بطل سهر .. الصباح اصبح عندكم
ولا انت شغال وردية الليل ..؟؟

طـــق خااااص

Quote: للأسف هناك من يريد التكسب سياسياً من مركز المايقوما

الوريف محمد فرح / تحية وود


- وحتي لا تستمر ( حملة قتل المرؤة في الناس) ..حديثك اعلاة يذهب بمجهودات قد لاتعلمها


او تعلمها وتقصد تجاوزها لاعتقاد يخصك بانها مهما عظمت لا تتجاوز سقف انها ( للكسب السياسي)


طيب .. بافتراض صحة حديثك او اعتقادك ..فهذا يستلزم علي الاقل ( وحدة فكرية .او تنظيمية

او وحدة اهداف بين المشتغلين بهذه القضية ) ..يعني ببساطة يكونو كلهم شيوعيين او بعثيين

او حزب امة ..او ملحدين ..او معارضين للنظام ..) لكن الشاهد في الموضوع بان المشتغلين

بهذا الامر لا تجمع بينهم الا اهداف مشتركة ينتمون اليها وهي الاحساس باهمية القضية وضرورة

التطوع لاجل العطاء الانساني ..واي متابع للانشطة والفاعلين فيها يمكن ان يعرف بانهم

اتو بمختلف الوانهم وميلوهم السياسية ...بما فيهم المنتمين ( للمؤتمر الوطني ) ولن اكون مثلك


لاقول بانهم اتو لاجل التكسب السياسي ..ليصبح هذا الحديث من هذا الجانب مردود اليك ..


- ساحات الصراع السياسي كثيرة ومتوفرة .. لنعترك فيها في اي وقت واي مكان ولن نعدم حيلة

في هذا الوطن لنجد ما نختلف علية .. فقط رجاء الا يكون هؤلاء الاطفال هم خيارنا لارض

الخلاف ..سواء كانو في ( المايقوما ..الكرمك ..جوبا ) ..وان اردت رايي فالنجعل في هذا

الوطن منطقة انسانية محررة من بذرة صراعنا اللامنتهي ..

..
.

Quote: كاتب البوست من الاشخاص الذين قررت من زمن طويل عدم الرد او الكتابة او النقاش او حتي السلام معهم لكن هذا البوست يستفزني بشكل فظيع أفقد معه القدرة علي العمل بقراري السابق اعلاه مع ذاتي فقط واريد أن أقول كلمة واحدة فقط : إتقي الله يا رجل !!

يعنى حسي يا دكتورة انت جاية لتصفية حسابات شخصية ؟؟
قلبك ما يكون اسود ..
انت زوله متدينة ومسلمة الا لو دا بصب فى العلمانية وهجومك على شخوص الاسلام الاخير
بعدين التقوى دا غير مرئية ولا ما كدا ..
الراجل عايز يقوم يا ناس .. اهتموا ايضاً باطفال الاطراف وناس الكرمك
كان بعتقد الدولة بتصرف على المايقوما
حاول ان يفصل بين اللقطاء وابناء المحتاجين ولم يوفق ..

ثم اعتذر للجميع ..
وقال انا اخطأت
فجزاه الله الف خير وجعله في ميزان حسناتـه وكلنا نخطي ولكن خير الخطاؤؤون التوابوون ....
اعتقد بعد الاعتذار دا مفترض يقبل منه
والكلام ليس لك فقط ولكن يشمل صديقى ماسا ..

والله دى ام كبك عديل


__________

نعيم فى سطر كدا ما عارف جا عابر
ولا حاجة بس وصل

Quote: الاخ المحترم / محمد عبدالقادر ليس عندي اكثر مما ذكره الاخوه , فقط احببت ان اورد مشاركة احد اهم الناشطين في جمع المساهمات لأطفال المايقوما بالإمارات

الاخت المحترمة رانيا
اشكر اسلوبك
واكراما لذلك فانني اخصك بالرد رغم انك في صف من ناصبوني العداء نتيجة سوء فهم واضح ومقصود احيانا
وارجو ان تخطري الاخت كاتبة الرسالة بأنني ان شاء الله من المتبرعين لدار المايقوما ولغيرها ممن يستحقون فهذا ديني من زمان
والآن دعيها ترسل لي رقم حساب الدار لاتبرع تحت اسم فاعل خير
لأنني لست مدفوعا باجندة حزبية سياسية وانما احب عمل الخير لوجه الله تعالى
قولي لها
ان ما يقال بحقي هنا غالبه فشة غلب وتنفيس عن مكبوتات اخرى بعضها لا علاقة لي به وبعضها لي وقد اقر بعضهم بذلك حينما احال نفسياتها الى ما قبل هذا البوست
لذلك فانا زعلان على ظروفهم ومكنوناتهم الملتهبة من زمان واتمنى لهم السعادة وحسن الخلق
وحسبي الله ونعم الوكيل
وهمسة موده وتسامح في اذن كل واحد منهم اقول فيها:
( تبرع ما شئت لأطفال المايقوما ولكن كن شجاعا وقل معي ايضا : اطفال الكرمك اكثر حرمانا من اطفال المايقوما ولنتساهم لانشاء دار لهم بجانب المايقوما ولنتبرع لهما معا ودائما) لعل الله تعالى يكتبنا من الصادقين
لكم احترامي
________________
رب اشرح لي صدري

كأنو مِن الضروري لِلفت الإنتِباه إلى مأساة < أطفال الكُرمُك > أن تُبخس مجهودات
بُذِلت وتُبذل < لأطفال المايقوما > ... طِيب ... بُكرة يجي واحِد يقول [ والله ما
طالبِني حليفه ، أطفال بيلة أولى مليون مره مِن أطفال الكُرمُك الكُرمُك الكُرمُك ]
ويِكون بِكِده بخس مجهودك يا محمد عبدالقادِر سبيل تِجاه < أطفال الكُرمُك >
بِإفتِراض إنك حتقدر تعمل ليهُم حاجة زي البنعمِلا < لأطفال المايقوما > ومُحرِقاك
والواحِد ما بِقدر حتى يِضاري حسدو معقول يِقدر يِعمل عمل إنساني ... معقول الله
يِوَفِقو لِعمل سامي زي ده ... ده إختِيار رباني ... إصْطِفاء ... نعيم وأميرة وطارِق
ود المكي ومحمد خليل ساني وكمال علي الزين وبِهِناك ناس الإمارات وعلى رأسِهِم
رانيا ... ديل مُختارين إخْتِيار ... مارقين لِلشحده والبهدله وراضيين بِهوانِهِم
على الناس ... كأنو مِن الضروري لِلفت الإنتِباه إلى مأساة < أطفال الكُرمُك > أن
تُبخس مجهودات بُذِلت وتُبذل < لأطفال المايقوما > والله إنت زول سئ جِداً

يا (سبيل)..
اعتزارك الاسفيري (مابفيدك)
العملته كان (بايدك)..
لو انك (صادق) في اعتزارك..
ادعوك للحضور (لدار المايقوما) يوم غد (او اي يوم)
والمرور علي (178) طفل الفي الغرف..
واحد ... واحد..
واعتزر ليهم..
(معليش يا وليداتي انا نبزتكم وقلت اولاد حرام وانتوا ماعندكم زنب ولا دخل اعفوا لي)
وما تجي شايل معاك اي حاجه (غير الاعتزار)
قدر الداير تقدمه ابدا بيه مساهمه (لاطفال الكرمك)..



___________________
تبلدينا ماعرفتك قاصد ياتو سطر
لكن كله قاصده انا







تخريمه : المشكله في الوعي المشوه اساسا
عدم تعاملك مع اطفال المايقوما (بنديه) اطفالك الفي البيت
تجعل منك مشوها حتي ان نويت الخير
كما فعل (سبيل)


الاهي اشرح له صدره




والله (برضه) من وراء القصد

Quote: والآن دعيها ترسل لي رقم حساب الدار لاتبرع تحت اسم فاعل خير

؟؟؟؟؟؟؟؟؟؟؟؟؟؟؟؟؟

**

الــقــلـــم مــا بـزيــل بلــــم

اكتب النص هنا

Quote: الملف الشخصي ل محمد عبدالقادر سبيل اللقب: محمد عبدالقادر سبيل عدد البوستات: 2768 تاريخ التسجيل: 30-09-2003 محل الاقامة: ABU DHABI UAE عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=179 اكلات مفضلة: نعيمية بالكسرة الاسم الحقيقى: التلفون: 00971504415363 الجامعة/المعهد: جامعي الحالة الاجتماعية: Married العنوان الدائم: ابوظبي ص ب 4526 فاكس 0097125823289 الفنان المفضل: اللون السياسى: النوع: Male الهوايات المفضلة: ذكر الله وعمل الخير الوظيفة:

قلت لي الهوايات المُفضلة : ذِكر الله وعمل الخير والله صحي التعليم في بِلادي بقى
بِخرِج أُمِيين ... هسِع دي هِواية ... ذِكر الله بِقى هِواية ... عمل الخير بِقى هِواية
سمِح النقول في قفانا بِقى ... إحباطك لِِلمجهودات الإنسانِية البِقومو بيها ناس رانيا
وأميرة بِت الشيخ دي نسميها شنو ... والله قدُر ما حاولت أخارجك ما لقيت غير إنو
< الحساده > أبت إلا أن تطِل بِرأسِها ...


قلت لي ذِكر الله هِوايتك ... والله إنت كارِثة ... شايفك قلت لِرانيا تكتِب ليك عِنوان
الحِساب البنكي علشان تِتبرع لأطفال المايقوما بِإسم فاعِل خير ... يا كارِثة كيف
تبقى فاعِل خير وآلاف البشر هسِع عِرفو إنك المُتبرِع ... ما قلت ليك التعليم حالتو
بِقت مُتأخِرة ...

اكتب النص هنا
كتب محمد عبدالقادِر سبيل الجامِعي الهِوايتو ذِكر الله وعمل الخير والشغال في
أبوظبي صندوق بريدو 4526 المُتزَوِج والبِحب النِعيمِية بِالكِسره التلفونو 00971504415363
وفاكسيهو 0097125823289

Quote: بأنني ان شاء الله من المتبرعين لدار المايقوما ولغيرها ممن يستحقون فهذا ديني من زمان والآن دعيها ترسل لي رقم حساب الدار لاتبرع تحت اسم فاعل خير

لِتَوثيق البلم

..
.
سلام يا ابو العزائم

والله يا زول انا كتاباتك مرات بتعجبنى لكن شايفكـ الايام دى
لواتلحت زولا بتكرهو ..
ياخى مالك على الراجل .. بتذكرنى حرب كيكى على محمد سليمان

Quote: ذِكر الله وعمل الخير والله صحي التعليم في بِلادي بقى بِخرِج أُمِيين ... هسِع دي هِواية ... ذِكر الله بِقى هِواية ... عمل الخير بِقى هِواية

بعدين عمل الخير والله هواية
انا شخصيا ً بمارسها..
وملك هذه الهواية نعيم على دا
يعنى البعمل فيهو دا نعيم مع باقى الشباب فى موضوع المايقوما
فى نظرك ما هواية .. الزمن .. اللقاءات
والمال .. والخ هى الهواية دى كيف ما نشاط بتمارسو بتلقى فيهو نفسك
بياخد من وقتك ومالك وجهد تفيد به نفسك وايضا الاخرين ..

____________

ما تفلسفو الامور لمن تقعو فى المحظور

تبلدينا يا حبيب
اولا جزيل شكري علي حسن ظنك في اخوك
ثانيا

Quote: بعدين عمل الخير والله هواية انا شخصيا ً بمارسها.. وملك هذه الهواية نعيم على دا يعنى البعمل فيهو دا نعيم مع باقى الشباب فى موضوع المايقوما فى نظرك ما هواية .. الزمن .. اللقاءات

اولا اخوك متحفظ علي كلمة (عمل خير) دي
لانها كالماء (تسير من المكان العالي الي المكان الادني)
وبتخش فيها (الخاصيه الشعريه) وما الي ذلك من (خواص السوائل)...
مافي عمل خير يا اخوانا والله
في (محاولات) للاقتراب من (انسانيتنا)..
كل يحاول بطريقته الخاصه..
محاولاتي الشخصيه (نسبة لذكر اسمي) اعتقد انها فاشله حتي الان
لم اشعر (بالرضاء) والتصالح مع ذلك (الانسان) بداخلي
واتمني ان اشعر بذلك (الرضا) ولو لمدة خمسه دقائق من حياتي
حتي وان كانت قبل وفاتي بقليل..
المايقوما هي تعاطف مع (الأنا) وليس (الأخر)..
حتي تتم (خلخلة) الوعي الجمعي..
وتنتفي تعبيرات (اولاد الحرام) و(عمل الخير)..
نحن في المربع الاول حتي ذلك الحين




تخريمه لئيمه :

انا هوايتي (التدخين)
والبرنجي تحديدا
(وجمع الطوابع)
وش مطلع سنونه من الضحك


_________________
تبلدينا (سبيل) ده ليس لديه من (سبيل) للمخارج
اعتقد من واجبه الاعتزار لمن اخطاء في حقهم
ولي (نحن)
(نحن) نطير..

Tabaldina

الهِواية تفسيرها المِعْجمي زي ما إنت قُلت لكِن الهِواية الفي البروفايِل بِتاع أي مُنتدى بِكون
قاصدين المعنى القريب ... وبفهم عمل الخير البِقوم بيهو النعيم وأمثالو بِقَول الله تعالى
< وَافْعَلُوا الْخَيْرَ لَعَلَّكُمْ تُفْلِحُونَ > [الحج: 77] (أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ)
[المؤمنون: 61] ده ما بِكون هِواية ده بِكون عِبادة ...

لامِن يجي واحِد زي محمد عبدالقادِر سبيل يِشنِف لينا عمل نِحنا قايمين فوقو وقاعدين بننصدا
ليهو ...

Quote: والآن دعيها ترسل لي رقم حساب الدار لاتبرع تحت اسم فاعل خير

عليك النبي سبع مرات تخت اسمك كامل

Quote: بعدين زيادة حمور ده قبال ما يريد على الناس لازم يعرف هو بكتب في شنو، ووصفي له بالمنافق لأنه يوجه قلمه الى إنتقاد شخص مثل هشام هباني وفي نفس الوقت لم يفتح الله له بكلمة في ما يكتبه وهبة في البورد. ده قمة النفاق.

ايوااا .. يعني الموضوع ما اني قلت ردك على سبيل صاح لكن فيو كلام حاد ..
الموضوع موضوع هباني
طيب ياخ انت ما كان تكون واضح و تقول انو انت الزول الما بيحب هباني ده انت ما بتحبو.
لكن و الله ليك حق انك ما تقولا دوغري .. لانها حاجه غريبة انو زول يكره ليو زول عشان بيرد على زول تاني.

ثم يا استاذ دينق ( لأنو شايفك زعلت عشان قلت شيخ سبيل فنديك برضو حقك من الاحترام يا زميل ) انا ما وجهت قلمي لانتقاد هشام هباني.
انا انتقدت هباني و في فرق كبير. لمن تقول موجه قلمي معناها بنوم و اقوم و اكتب عن هباني .. زي كتابتك انت كده عن عبد الوهاب و دخيل اسمو في اي حتة زي البوست ده مثلا.


ثم نصيحة اخيرة لوجه الله لأنك اخ سوداني و زميل بورد ليك الاحترام على هذا الاساس .. كون اني انتقد هباني ( لاحظ انو نقد ما شتيمة زي ما انت بتعمل مع مخالفك ) و ما انتقد وهبة ده ما اسمو نفاق ياخ.
النفاق انو الزول يظهر خلاف ما يبطن و يعمل على غير قناعتو.
فياخ حرام عليك حتى لما تجي تشتم تقوم تشتم غلط.
وكت انت يا استاذ دينق ما بتعرف تشتم الجابرك شنو ؟ ما تكتب كلام مهذب ياخ.




ـــــــــــــــــ
لو عندك مشكلة في الردود الهادئة زي ردي على سبيل او ردي عليك و ما بتقبل الا الردود العنيفة و الفيها شتيمة ارجو انك تقول لي بالواضح عشان اشوف هل بقدر ارد عليك تاني بغير تهذيب وله لأ.
رغم انها حتكون صعبة .. ياخ الواحد اهلو تعبو فيهو يربوهو عشان يطلع مهذب يقوم في الاخر يجي يشتم زملاء ليو في النت ؟
صعبة شديد و ما اظن اقدر عليها معاك .. فلو طنشتك ما تزعل. حاكون طنشتك عشان ما بقدر اشتمك زي ما بتشتمني.

Quote: لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف وتنهال عليه التبرعات العينية والنقدية والزهور والحاضنات والقبل كم من مناضلي اطفال المايقوما زار الكرمك وقيسان والدمازين ياترى ؟

وانت عملت شنوا لاطفال الكرمك أولاد الحلال؟
الزول دا شرد من البوست بتاعوا ولا شنوا؟؟؟؟؟؟

Quote: لو رآها طفل الكرمك ود الحلال لتمنى ألف مرة ان يكون ود حرام حتى يعطف عليه الناس كل هذا العطف



الله يعينك على نفسك يا صاحب البوست, الله يسألك ده كلام تقوله؟ يعني عشان ديل اولاد حرام (حسب كلامك) مفروض نهملهم و نجوعهم, كلام ينم عن جهل.

الاخ سبيل

بقيت تجلى كتير

يا اخى فى اقتراح اسمه التعديل

امسح الكتبتو دا وعدل الطرح

شكرا

اشكر الجميع على المداخلات
حتى من اساؤوا الى شخصي انتهازا لفرصة الخطأ وتصفية لحسابات قديمة
العفو لله تعالى
فما كان ينبغي ان اشير الى اولاد الحلال والحرام
كان ذلك خطأ من جانبي
وقد اعتذرت عنه واكرر اسفي

بس يا جماعة
اطفال الكرمك
اشد حاجة الى حنانكم وغيرتكم من الاكتفاء باطفال المايقوما
اضيفوا الى القائمة مركزا جديدا هناك
لا تتبرعوا له ولكن طالبوا المنظمات والحكومة بانشائه
لكم جميعا احترامي
_________________
رب اشرح لي صدري