الله يخرب بيت أم الجنوبى البيضحك مع الجلابه

اننا لا نلجأ الى شمال,لان نعلم مصير هذا اللجوء .فقد ارتمينا فى احضانهاايام اتفاقية اديس ابابا فكانت النتيجة نقض اتفاقية 73 ولا ازيدكم.

هؤلاء العملاء من ابناء الجنوب والذين اصبحوا , وهم ليسوا بجنوبين , فقد اطبقت الحرية على انفاسهم فما عودوا ان يعيشوا فى جو منها انما يريدون الخنق والقتل ودمار الانسان وتحطيم القيم.

ان جو الهزيمة لجنوب هو الجو الصالح لهم. لانه الجو الذى يجعل الجنوب تركع للجلابه فيمرحون هم ويعبثون فى جنوبنا فسادآ .
ليس عجيبآ اذن من العملاء الجنوبين ان يقدموا ولاءهم لجلابه
ولكن ربك لاينصر القوم الظالمين. وقد انتهى فى الجنوب الظلم ولن تقوم له بعد اليوم قائمة. وقد جربوا بانفسهم فى ابيى وملكال ولكن كل اسلحتهم ردت الى نحورهم, ولن يكون لهم الا الخزى والهزيمة ولن يكون لنا الا النصر والفخار.

الله يولع فى أم الوحدة ذاتو
الله يولع فى بيت أم اى جنوبى عضو مع الكيزان

الله يخرب بيت أم الجنوبى البيمشى قندهار مع الجلابه
الله يخرب بيت أم الجنوبى البيضحك مع الجلابه

اعصابك يا اكوي يا اخوي
انت تخلط بين ما هو شخصي كالصداقة و الزمالة و غيرها من العلاقات الانسانية مع العام كعضوية حزب ما
و نقض اتفاقات سياسية و مظالم تاريخية ..و هو أمر في نظري بعيد عن الصواب.
ارجو أن يكون هذا البوست مناسبة للتحدث عن هل توجد علاقات عادية و طبيعية بين ابناء الوطن الواحد
من الجنوبيين و الشماليين؟
و هل هخناك أمل في الاستمرار في العيش المشترك؟؟

Come on man!!
Are u out of your mind?!!
At least be respectfull
I understand there's a lot of heat issues between people
But this kind of disrespect won't help or solve the problem
You can't just post this kind of words like that!!
Take it back man.
You think that you love south by insulting your people, you
Wrong . This people hadn't option to have moved to north but if some
Of them chose to live there and they are few then let them face
The consequences of their choice.
Make up your mind and think before you say anything

انت يازول مالك من حقى ان ادلى برائى
شنو كلامك الصفراء , لا انت ولا غيرك يحدد الى ما افكر وما اكتب.

اعصابى 100 ال 100 ياسيف النصر
لكن اهى الحالة تقول .. ان نقول هكذا

Akoy Deng

منبر سودانيز أون لاين صاحبه جلابي
وانت عضو في منبر الجلابي ..

انت ماعندك موضوع ...

سلام يا اكوي
وتحياتي
كلام سيف النصر دفعني للمشاركة في هذا البوست
قبل عامين ذهبت للسودان بعد غياب طويل
وكنت مسجل نقاط في ورقة لا تفارقني لاشياء لابد ان انجزها
اولها زيارة منزل عمي في جبل اولياء
عمي اخو ابوي يا اكوي زوجته وابناءه من جنوبنا الحبيب
ابناء عمي جنوبيين خمسة ابناء وبنتين كلهم زي الورد
لاول مرة التقيهم فقد تفرقت بنا السبل والايام طويلا
حين دخلت منزلهم انهرت حقيقة ودخلت في نوبة بكاء غريب
احتضنني ابن عمي حين اخبروه من اكون
كلنا بكينا
بنات عمي نحن " من مناحة " كالحمائم
فلماذا يا حبيبنا تريد ان تخرب هذا العش الجميل
ودمت اخا وحبيبا

يا Ridhaa بس باقى لى 20 شهر وكلامك ده أن شاءالله ما اسمه تانى.
الله يخارجنا ويجيب الانفصال النهار دا قبل بكرة.

سلام الله عليك ياخالد العبيد
ياخالد لدى سؤال سؤالين كده
اولآ .. زواج عمك هكذا من الجنوبية دى تمت كيف ?
تانيآ.. هل عمك دا كان عسكرى اما تاجر فى جنوب?

ارجو الاجابة

Quote: الله يخارجنا ويجيب الانفصال النهار دا قبل بكرة

برضو دا رأيك وخيارك
واذا بتنفصل براك , عليك يسهل وعلينا يمهل

سلام يا اكوي
عمي رحمه الله كان تاجر عندو دكان بسيط في قوقريال
توفيت زوجته الجنوبية الاولى رحمها الله
وتزوج من اخرى من نفس القبيلة
وله من الزوجتين ابناء وبنات
كل الاسرة الآن تسكن في جبل اولياء
لديهم منزل ورثوه من ابيهم
اكبر ابناء عمي " محجوب " يشغل منصب في الحركة الشعبية
وكان مقاتلا في صفوف الحركة الشعبية

شكر ياخالد على التوضيح والاجابة
ومن هنا دعنى احى ابنى اختى البار وجندى الجنوب الباسل الكمندور محجوب.
برضو احيك انت ذات ياخالد والله يخليك لشمال

يازول انت الله ماعليك ولا شنو
انا معى كل الذين دخول الخلا من اجل ظلم الجلابه

كل شكري ومحبتي لك
وربنا يخليك لجنوبنا الحبيب
واهتف معي :
لا عاش من يفصلنا!

تمام يا خالد ..
اهو انت شاركت بايجابية و اديتنا مثال ساطع..يا ريت تزيد كمية المشاركات البتحمل الروح دي.

akuie
Dhouk weid dei nhom chaen!!
Yen a teiid a nang ki weij ba leik yen

ياخالد كلام لا عاش من يفصلنا هذا حديث قديم جدآ ومابنفع
الافضل لنا نجرب الكلام ده ونقول يعيش من ينفصلنا للابد

Hey
Akuie
Plaese sent me an E- mail at: [email protected]
Thank you
Yein a ba yien ki ben ya choul

Quote: Yein a ba yien ki ben ya choul

ده كلام تمام يا البينو.

وطيب اها نحن بنحسن الظن ي اخواننا الشماليين في علاتهم بالجنوبيين ,,,

وحتي عضويتهم في الحركه الشعبيه لانستنكرها عليهم لاننا بنعتبر لافرق بين جنوبي وشمالي ’’

Quote: لله يولع فى أم الوحدة ذاتو

رائك بنحترمه بس يكون باسلوب محترم شوية كدة

Quote: لله يولع فى بيت أم اى جنوبى عضو مع الكيزان

لو سمعوك بيدافعوا عن انفسهم بس برضو بعترض على الاسلوب

Quote: الله يخرب بيت أم الجنوبى البيمشى قندهار مع الجلابه

اول شئ قندهار دة ما محل جلابة وكل الفاتو قندهار من اعضاء المنبر من مختلف الاتجاهات السياسية
هنا بس طرف السوط هبشنى
اعتقد انا الجنوبى الوحيد المشيت قندهار مرتين مع من تعتقدهم انهم جلابة
واعتقد لاختلافات سابقة ان الموضوع موجه الى بطريقةاوباخرى

لكن ربما لا يكون ردى مثلك لاختلافنا فى اشياء كثيرة بعض
منها احترام النفس قبل الاخرين
احترام الاخر
معرفة بما يدور هنا وكيف يكون المطالبة بالحقوق وفقا لاختلاف الاوضاع
وكيف افرق بين العام والخاص

Quote: لله يخرب بيت أم الجنوبى البيضحك مع الجلابه

غايتو مفهومك للجلابة فيها خلط
وانت هنا قاصد (الشماليين كلهم)
يعني نبذك دة
بيشمل ناس كتير
منهم صانع السلام والقائد الاكبر لكل الجوبيين دكتور جون قرنق
ثم سلفا نفسه
والقائمة طويلة

وتناسيت انهم هم من جعلو (صراخك ) هنا ممكنا
هم الذين وضعوك ووضعوا غيرك فى هذا الطريق
طريق خيارى الانفصال والوحدة
لو لا هم لم تطرقت لحديثك هذا
لكنهم يفسرونها بطريقة مختلفة


طريقة سياسية وان فى السياسة ليس هناك عدو دائم ولا صديق دائم


لو زعلان من النظام وجه نقدك مباشر
ولو زعلان من زول معين من الجنوبيين برضو وجه كلام مباشر

التعميم اسلوب الجبناء


حاجة من عندى :-

بتشرف بمعرفة وصداقة الكثير من الشماليين وهذا لا يعني خيانة للجنوب ولا اى شئ مما يدور فى مخيلتك

انه شئ اسمه

الانسانية


هل تعرفه ؟

دوت مجاك
احييك على تعقلك ووزنك للامور

الأخ دوت مجاك.
تحياتي،
في رايي أنك تثق في نفسك
وتحترم نفسك . فكان لزاماً على
الآخرين أن يحترمونك .

Quote: This people hadn't option to have moved to north but if some Of them chose to live there and they are few then let them face The consequences of their choice

.

نعم حقآ د.قرنق قائدآ لكل الجنوبيين .
لكن صراخى فى ميزان واحد مع القائد جون قرنق لانو النضال عامل مشترك بين القائد والشعب.
فالحركة الشعبية والجيش الشعبى ثورة شعبية صنعها الكل من مواطنين الجنوب وجبال النوبه وانقسنا .

يعنى بالواضح كدا لا قائد من دون شعب ولا شعب من دون قائد
اما انو احترام نفسى قبل الاخر فهذا حديث تقاليدى ساكت

Quote: Hey Akuie Plaese sent me an E- mail at: [email protected] Thank you Yein a ba yien ki ben ya choul

رسلت ليك رسالة (مافى نفس الموضوع)
بريدى
[email protected]

Quote: حاجة من عندى :- بتشرف بمعرفة وصداقة الكثير من الشماليين وهذا لا يعني خيانة للجنوب ولا اى شئ مما يدور فى مخيلتك انه شئ اسمه الانسانية هل تعرفه ؟

أحييك أخي دوت مجاك

وأرجو التواصل معك

فانت مكسب لكل من يعرفه

وحقيقة أمثالك

هم من يقدمون البلد

بكل خياراتها

_____________________

إحتراماتي

سلام وتحايا من أختك الجلابية السودانية

بالجد كلامك كلام زول ممغوص ساكت

لكن عرفت من الاخوة الجنوبين ناس أخوة اكثر من اولاد امي وابي

واديك مثال رائع لدكتور اروب ليك دينغ الذي يحتل الان موقعا مميزا في احدي الجامعات الافريقية

والله زول بضحك من قلبو مع الجميع دخلت بيتو وهو يجيب المصلاية بيدو ومرتو تعمل لي شاي نتونس

ويوصولني لبيتي في محبة دائمة وبالجد اخوة كرام ومرتو صديقة وقانونية ضليعة

لا عاش من يفصل الحب والوئام

ولا بارك في الفرقة يوم




خربشة: هسي يخرب بيت أم الجنوبي ليه ما تخرب بيتو بس ؟ حرام عليك ام مالها هسي ؟

اكوي ما ترمي اليه هنا ضار بك قبل غيرك ,,,

ونحن في المنبر هنا نحمد الله اننا عرفنا اخوه جنوبيون نعتز بهم وبمعرفتهم ,,

ويكفينا فخرا معرفتنا بالاخوان شول ودوت ,,,

ومن علي البعد تعرفنا وضحكنا مع دينق ,’’

وشخصيا فخور بهم جدا ,,,

اما انت الذي تدعو بان يخرب الله بيوت امهات الجنوبيون فاتمني ان تراجع نفسك ’’’’

Quote: غايتو مفهومك للجلابة فيها خلط وانت هنا قاصد (الشماليين كلهم) يعني نبذك دة بيشمل ناس كتير منهم صانع السلام والقائد الاكبر لكل الجوبيين دكتور جون قرنق ثم سلفا نفسه والقائمة طويلة وتناسيت انهم هم من جعلو (صراخك ) هنا ممكنا هم الذين وضعوك ووضعوا غيرك فى هذا الطريق طريق خيارى الانفصال والوحدة لو لا هم لم تطرقت لحديثك هذا لكنهم يفسرونها بطريقة مختلفة طريقة سياسية وان فى السياسة ليس هناك عدو دائم ولا صديق دائم

اخي دوت مجوك
احييك
اخي أوفيت وكفيت
فلينظر كاتب البوست
لصورة بروفايلك
ففيه
مايشفي غليله
لك
مني
خالص
التحايا
اسامة

Quote: الله يخرب بيت أم الجنوبى البيضحك مع الجلابه

وجني وجن الجنوبي بيتكلم باللهجة المصرية .






أكوي دينق ..ما تضغطشي علينا قامد أوي ..دحنا غلبانين

اكوى دينق سلام

Quote: الله يولع فى أم الوحدة ذاتو

انا مع أم الوحدة ... مع إحترامى لرايك يا اكوى

Quote: الله يخرب بيت أم الجنوبى البيمشى قندهار مع الجلابه

عشان كلامك ده يا اكوى انا ماشى قندهار يوم الجمعة ولّ اقول ليك حاجة هسى بضرب لاصحابى وبكرة بنمشى قندهار

Quote: الله يخرب بيت أم الجنوبى البيضحك مع الجلابه

حتى الضحك داير تلعن وتخرب بيوت الناس عشانو يا اكوى؟!

يا مونج اشن داعى بى كوج رود آ لااااد فض يا اكوى

Quote: يا مونج اشن داعى بى كوج رود آ لااااد فض يا اكوى

غايتو ما عارف شول دا قال شنو
لكن أسمع كلامو كويس .. الزول دا ما زول ساهل!


دوت مجاك

شيباك شول مونج
والله يا مونج كلامك منطقى وبدون أنفعال ولاشك ان يكون محل تقدير
وعشان كدا ذاتو دايرك تضحك مع دينق الجنوبى وكوكو النوباوى وجيمس الانقسناوى

شول اشوانق دينق يعش ويعش ويجيب الانفصال لشعبه فى جنوب وجبال النوبه وانقسنا.

أكوي دينج ؛
كل العنصريين من شماليين وجنوبيين ،
هم الذين آذوا هذا البلد .
العنصري أنت ، والعنصري الطيب مصطفى وغيركما ، من طينة واحدة ،
أنتم شوكة في خاصرة هذا الوطن .
هل استوعبت ما كتب خالد العبيد .
كلنا لنا أعمام وأبناء عمومة وخؤولة ، ليس في الحنوب فحسب ،
بل في كل مناطق السودان .
لذلك يغطي حبنا كل الأميال المليون .
أمثال عم خالد العبيد
هم الذين ضخوا دماء الوحدة التي لن تنفصم
والمحبة الحقيقية لهذا الوطن النبيل
في شرايين بلادنا .
إن وحدويي هذا البلد هم أكثر الناس معاناة
من عنصرية أمثالك من شماليين وجنوبيين .

دوت مجاك ،
لك التحية والإحترام ،
وليت الكثير من عنصريي الشمال يتعلم منك ؛
بس ، ولأني ما ناقش ،
نفسي أعرف قندهار دي شنو و وين !!
لكما ، أكوي وانت،
وللجميع ،

تحياتي

كل اصحابى وصحباتى وحسب مفهومى لكلمة جلابة مافى ولا واحد فيهم تبع الجلابة يا اكوى













ود الصايم شكراً ياخ و هههههههههههههههه
__________________________________
هسى بعد ضحكى معاك ده خلاص بيت امى حيخرب يا مان هههههههههههه

يا شول مافي مشكلة ياخ!
بيت أمي قااااعد .. الحاج يوسف طوالي!

يا ود الصايم ياخ إتذكرت القراريص والله ههههههههه














ود الصايم إنت زول 100%

Quote: انت يازول مالك من حقى ان ادلى برائى شنو كلامك الصفراء , لا انت ولا غيرك يحدد الى ما افكر وما اكتب.

لما تحته خط يا اكوى وبنفس المنطق ... لا إنت ولا غيرك يحدد علاقاتنا الإجتماعية مع اى بشر على وجه البسيطة
يعنى الليلة نضحك مع جلابى ... نمشى بكا نوباوى ... نحضر عرس فلاتى ... نمشى قندهار مع فوراوى
الزول بيعمل الحاجة الداير يعملها ... الحاجة البيرتاح ليه حسب قناعاتو الشخصية الما ممكن إنت بجرة قلم تنحرنا وتقول يخرب بيت امكم الإنت ما بتعرف عنها أى حاجة ولا عندك سابق معرفة بيها حتى بى ولدها البى سببو خربت بيتها لا تعرفه إلا خلال الأسافير.


سبحان الله

الاخ اكوي سلام
الانتهازيين والمنتفعين زاد عددهم في ظل ه>ه الحكومة لدرجة ان الكثيرين يصرحون بانهم عايزين يمشوا امورهم
وهؤلا شماليين وجنوبيين فاصبر عليهم ولا تستغرب ان يكونوا غدا مع اي تنظيم جديد لانهم باختصار مع التنظيم الحاكم البلد
المؤسف اننا لم نكن ك>لك والمؤسف اكثر ان ه>ا العمل لا يشبه الاخوة الجنوبيين تحديدا لانهم من اكثر الناس ال>ين عرفتهم صدقاوعزة بالنفس

فوق لمزيد من خراب بيوت امهات الجنوبيين البيضحكوا مع الجلابة

يا أكوي

استخدام لفظة (الجلابة) ممنوع في هذا المنبـر,

فاعلم والزم

توصية بسحب عضوية العضو الغير نشط صديق ود الموج من البورد.


أحمد الشايقي

Wrong اتفاقية 73

the right date is
03-03-1972

Akuie deng
I bet you have learn your lesson!!
That's why I advised you to think twice
Before you say anything because when it's out
It's hard to take it back, so man up and apologize 
Or explain yourself so we can get your messege and I
Doubt that you have one regarding this post
Peace brother.

Quote: يعنى الليلة نضحك مع جلابى ... نمشى بكا نوباوى ... نحضر عرس فلاتى ... نمشى قندهار مع فوراوى

السودان بخير... والله.


شول: الله يحفضك

إنت زول عنصري مريض فقط ليس إلا

محمد فرح يا عمكـ
خلي الزول دا وأمشي شوف الناس الكهربتهم ديلاكـ!

Quote: انت يازول مالك من حقى ان ادلى برائى شنو كلامك الصفراء , لا انت ولا غيرك يحدد الى ما افكر وما اكتب.!

اكوي دينق ،

تيب عايز تحدد للناس تضحك مع منو وتزعل مع منو منافي تماما لمداخلتك اعلاه

من حقك تدلي برائيك ولا احد يحدد لك ماتفكر وماتكتب بنفس المفهوم خلي الناس تضحك مع من تحب

بس كمان ماتفرض للناس هم يعملو شنو

اها انا كمان تحياتي زاتوو مابقولها ليك مش على كيفي


زاتوووو

Quote: محمد فرح يا عمكـ خلي الزول دا وأمشي شوف الناس الكهربتهم ديلاكـ!

http://www.youtube.com/watch?v=7jT04ATkCLk&feature=related








التحية لفرقة الهيلاهوب..

Quote: الله يولع فى بيت أم اى جنوبى عضو مع الكيزان

امو ذنبها شنو ?

شكراً لفرقة الهيلاهوب
شكراً لإيراد يا قرشى




بالكرباوى:
هسى الجماعة البيضحكوا وبيغنوا مع الهيلاهوب ديل بيوت امهاتهم تتخرب عشان دعاء من اكوى دينق ليييييييييييييه؟!

اكوي
ييييييييييين كراااااااااااااااج
ييييييييين افييييييت اليوووو

كتب بدر الدين:

Quote: الانتهازيين والمنتفعين زاد عددهم في ظل ه>ه الحكومة لدرجة ان الكثيرين يصرحون بانهم عايزين يمشوا امورهم وهؤلا شماليين وجنوبيين فاصبر عليهم ولا تستغرب ان يكونوا غدا مع اي تنظيم جديد لانهم باختصار مع التنظيم الحاكم البلد المؤسف اننا لم نكن ك>لك والمؤسف اكثر ان ه>ا العمل لا يشبه الاخوة الجنوبيين تحديدا لانهم من اكثر الناس ال>ين عرفتهم صدقاوعزة بالنفس

يا بدر الدين كلامك ده كلام مبهم ما عارف إنت متضامن مع اكوى البيدعو لخراب بيوت امهاتنا بس عشان ضحكنا مع زولاً هو زاااتو ما عارف عنو اى حاجة كلو كلو ولّ عشان مشينا قندهار مع ناس هو بيشوفهم جلابة!!!





____________________
أمى ذاتها ما سمعت بإسم قندهار دى قبل كده!

زى مابقول عادل امام
والله الراجل دا بقول كلام زى الفل هاهاهاهاها يكة
اخرب بيت ام البكتب مع الجلابة فى منبر الجلابى
ولله الراجل دا برضو بقول كلام زى الفل

Quote: محمد فرح يا عمكـ خلي الزول دا وأمشي شوف الناس الكهربتهم ديلاكـ!!

كااااااااااااااااااااااااااااااااااااااك


محمد عبدالماجد
والله بالغت مع اخونا محمد فرح دى
الزول طلع كهربتو اشاعة ساااااااى

ولا امكن يوم بكرة ما جاء

او احتمال الزول دى عندو نظرة مستقبلية
يعنى بيكون قاصد يوم بكرة سنة 2025م

ولا ما كدة يا محمد فرح

فوق من أجل المزيد من الخراب

فوق لأجل المزيد من الخراب

Quote: محمد فرح يا عمكـ خلي الزول دا وأمشي شوف الناس الكهربتهم ديلاكـ!

يعنى في داعي للاحراجات دي يا عمكــ

صبرا يبل الآبري مافي!!!!!!!!!!!!!!!!!!!!!

فوق

.
.

يا أكوي ياخي حرام عليك

لا حول ولا قوة إلا بالله
.
.

بالله ياشول أتارييك قاعد هنا وأنا أبحث عنك هناك؟ التلج دا ما ساح ياعمك!!

صاحب البوست شكرا لطرحك الذي أعطاني أمل كبير في أن السودان دا حيكون أحسن
بلد ، بس ناس شوية كدا كعبين وصوتهم عالي يتخارجو،،،

صبر شوية بس،،

محمد فرح : إنت عارف ناس برشلونة أمس بيعوني سيارة ألمانية وأنا
قررت أتخلص من كل الماكينات الألمانية : جنريتورات تشتري،،
ود الصايم دا هنا ما بترتاح،، ههههههه!!

دا أظرف بوست هذه السنة،،، رأفة بالأمهات،،
شول إتخارج من هنا!!

إخوانى الأعزاء دوت مجاك وشول
ربنا يحمى السودان بأمثالكم




__________________________

أخوى شول...أخونا أكوى دة بالراحة عليهو شوية
لسة ما شاف الصورة مكتملة...

بجيكم تانى...ودة

Quote: نفسي أعرف قندهار دي شنو و وين !!

مافي زول داير يجاوب
عشان كده اتوقع تكون
القماير


ولا انا غلطان

الأخ دوت ود الصايم
ياخ انتو الله يجازيكم

Quote: محمد عبدالماجد والله بالغت مع اخونا محمد فرح دى الزول طلع كهربتو اشاعة ساااااااى ولا امكن يوم بكرة ما جاء

انتو أصلو ما لاقاكم الباص المكتوب فيهو (بكره الركوب مجاني).. بس بقت علي كهربة محمد فرح دا..

Quote: مافي زول داير يجاوب عشان كده اتوقع تكون القماير ولا انا غلطان

قالوا مغترب ليهو 20 سنه برا البلد
لقي بت في الشارع . شاغلها . قال ليها سنه يا انا ؟
قالت ليهو : سجمي .. دا كان مسجون ليهو كم سنه ؟ :D

دحين آخوي انت مغترب ليك كم سنه ؟

القماير ذاتها هسي بقت مافي





لكن ليك علي اعزمك قندهار اول ما تصل البلد بالسلامه
دا طبعا اذا جيت في السنين الجايه دي ولقيت قندهار لسه قاعده


معزتي

إلا صحيح اكوى دينق ده قاصد شنو بالضبط بكلمة جلابة ده لانو كلمة قابلة للتاويل عشان بعدبن ما يجى يقول لينا ان ما قاصد كده ولّ كده
يجى يشرح لينا هو قاصد بالجلابة شنو؟
وهل رياك قاى مثلاً جلابى ولّ لا؟
وهل الوزراء الجنوبيين الكانوا فى الحكومة اثناء حرب الـ21 سنة فى الجنوب جلابة وعرب رحل؟

Quote: قالوا مغترب ليهو 20 سنه برا البلد لقي بت في الشارع . شاغلها . قال ليها سنه يا انا ؟ قالت ليهو : سجمي .. دا كان مسجون ليهو كم سنه ؟ :D دحين آخوي انت مغترب ليك كم سنه ؟ القماير ذاتها هسي بقت مافي لكن ليك علي اعزمك قندهار اول ما تصل البلد بالسلامه دا طبعا اذا جيت في السنين الجايه دي ولقيت قندهار لسه قاعده معزتي

الاخ نوفل
لووووول ماما دومه
انا دخلت البوست دا كم مره عشان اعرف شنو قندهار .. مافي زول جاوب مع انو
في واحد مسطح ذيً تجرأ و سأل .
وين قندهار دي البتعازموا فيها ناس اشول و الجلابه ؟!!
مودتي .


*

اكوي ..

الله يكويك فوق صنيقيرك ...

دا كلام شنو الكتبنو ..

شول ودوت لكما حبي الى ما لا نهاية ..

اكوي دعوه يغوغي كالقعوي ...

فوق من أجل المزيد من الخراب


يا شول إنت بترفع في البوست ده من قبيل

منتظر ليك قراصة ولا شنو؟؟؟

ياخ إنت والله عجيب عديل كدة

سيبك من ناس كبد وكلاوي

القراصة للمخ بتداوي

_________________________

تحياتي ليك يا وريف

الأخ أكوى دينق

بعد التحيات

هذا خطاب ناس (الطيب مصطفي) ...وعموم كتاب صحيفة الانتباهة (الغير منتبهة)

وماشابهها من صحف

فليكن لديك الرغبة في الانفصال (وهذا حقك في أن تدعو لها).... وفقا لاتفاقية نيفاشا

ولكن ليس من حقك الاساءة للآخرين لمجرد أنهم من الشمال ...أو للاخوة في الجنوب

لمجرد أن لهم علاقات وضحك مع اخوة لهم في الشمال (هذا هو التأريخ وهذه هي الجغرافيا)

فماذا أنت فاعل معهما ؟

وحتي لو تم الانفصال .... لابد من أن يكون هناك علاقات جوار حسنة ... والا سوف لن

تنتهي الحروب .....خاصة وأنه لا توجد فواصل طبيعية بين الدولتين اللتان تنشدهما

اذن في كل الأحوال نحن نحتاج (لعلاقات جيدة بيننا) !

وراء كل أكوي

إنتباهه.

يا باوقه : كن موضوعيا و دع سياسة الكيل بمكيالين

وأصرف للطيب مصطفى نصيبه من الكي .

Quote: وين قندهار دي البتعازموا فيها ناس اشول و الجلابه ؟!!

اسكت اسكت امريكا ما تسمعنا يا الصادق




غايتو بوريك قندهار ... بس ما تسبقنا عليها
قندهار دي يا حبيب سوق الناقه زمان
ولو لسه الوصف ما وقع ليك . تاني بعيدو ليك ..
هي محلات شواء وشيات اسكت ساي
موقعها غرب سوق ليبيا ... ما تقول لي سوق ليبيا دا وين ؟
لووووووول للصباح

ألاخ شول اشوانق دينق ..

أنا علي يقين أن ما كتبه Akoy Deng يملك درجة عالية من المصداقية تجاه ما يحسه هو ومئات الالاف من الجنوبيين .ان لم يكن الملايين.. تجاه الشمال والجنوبين المنتمين الي الشمال اكثر من الجنوب ... دع الرجل يعبر عن نفسه كيفما شاء ولا تحاول ان تكون وصياً عليه ولا تقمعه ولا تكرر مداخلات بلا معني .. دعه يتحدث الي الاخرين كيفما اتفق .. فما تريد له ان يكون ... لن يكون بغير ان يتاح له حرية ان يكتب ويناقش ... ويعرف الصورة الصغري من الكبري..

مسائل مثل انا كنت بعرف جنوبي ولا الجنوبيين اصدقائي .. كلام غبر موضوعي ولا يغير من التاريخ شيئاً ... وأنا علي يقين بأن الاخ Akoy Deng من خلال الكتابات المتواصلة والحوارات سيصل الي نتيجة .. لكن لا وصاية يجب ان تفرض عليه ..

دعه يكتب ما يريد
والمنبر لجميع السودانيين
أو هذا ما نقاتل من اجله ..

الاخ جعفر
لا احد يعترض علي حرية تعبير الاخ اكوي ولا حتي الوصاية كل ما نرجوه هو مراعاة اللغة وتجنب الالفاظ الغير لائقة
فليعبر دون الاساءة واطلاق البذاءت علي الملا
واظنك تتفق معي في ذلك
لك كل الود والشكر.

طيب شنو يحصل لي بيت ام واحد ضحك خلق الله

Quote: هسى بعد ضحكى معاك ده خلاص بيت امى حيخرب يا مان هههههههههههه

تاني يا شول ضحك دا ما تفكو كدا امك ذنبها شنو ياخي؟
دوت مجاك يا جنى يا عاق
ليه ما تتصل بي ياخي؟
اوعى تضحك بيتنا انا ودومة يحرق...
بنريدكم يا عيال سودان كولكم
ونحترمكم ونقدركم لانكم ناس طيبين ذي اهلنا الطبيبن
ديل ومنقو قل لا عاش من فرقنا..
يخرب بيت ام سياسة..

صاحب البوست جيباك

الاخوة والاخوات.

شايف في البوست ده العميان جا شايل المكسر.

رغم أني أختلف مع ما كتبه الاخ ِأكوي دينق ولكني أتفهم جيدا ما كتبه ولماذا كتبه. هل تعلمون بأن معظم أهل الجنوب لم يروا الشمال ولم يتعاملوا مع الشمالين؟ كل ما عرفه معظم أهل الجنوب عن الشمال هو قوات الجيش الحكومي التي كانت تحرق مدنهم وقراهم وتغتصب بناتهم وتقتل أبنائهم ولم يعرفوا أيضا من الشمالين إلا بعض التجار الجلابة (أثريا الحرب) الذين أستغلوا المواطن الجنوبي أسواء أستغلال. هولاء لم يتمنكوا من زيارة الشمال لكي تتاح لهم الفرصة ولكي يتعرفون على الانسان الشمالي العادي الذي لا دخل له في ما يجري. لذلك دعوني أقول لكم أن ما كتبه الاخ أكوي دينق ليس بجديد وأنا أستغرب جدا من أن بعض الاخوة الجنوبين بالبورد يتناسون هذه الحقائق.

حجم الفظائع التي تم أرتكابها في جنوب السودان منذ الخمسينيات فظيع جدا وليس بالسهولة يمكن نسيان أو تجاوز تلك الفظائع وبمثل هذه السهولة التي يعتقدها البعض.


دينق.

الأحباء ...

اوّلاً لا أتفق جملة وتفصيلاً مع ما قاله الأخ أكوي. وأوافق الأخ دينق في لفت النظر لنقطة تجاوزها المتداخلين عمداً أو سهواً. لم تسنح لي الفرصة لرؤية الجنوب، ولكن حكاوي كثير من الأصدقاء شماليين وجنوبيين، ثم قراءتي لرواية فرانسيس دينق (طائر الشؤم) أوضحت لي الكثير.

أقترح - بدلاً من الهجوم على أكوي - الإستفادة من هذا البوست، وطرح وجهات النظر المختلفة، وقد يفيد الحوار في النظر بعين مختلفة عند التعامل على أرض الواقع دون أحكام مسبقة.

شول يا مونج .... براحة شوية، وزي ما نحن كشماليين محتاجين ليكم إنت وأخوتك من الجنوبيين هنا لتوصيل وجهة النظر التي قد تكون غائبة عنا، فدوركم أيضاً توصيل وجهة نظر المواطن الشمالي العادي لأخيه الجنوبي الذي لا يملك التواصل مع الشمالي.

إني جد آسف لإضطراري قول (شمالي وجنوبي)، فما هكذا اعتدت التعامل، وفقط أفهم أن هذا سوداني وهذا أجنبي، لكن تقول شنو .. الله يعين.

Quote: الاخوة والاخوات. شايف في البوست ده العميان جا شايل المكسر. رغم أني أختلف مع ما كتبه الاخ ِأكوي دينق ولكني أتفهم جيدا ما كتبه ولماذا كتبه. هل تعلمون بأن معظم أهل الجنوب لم يروا الشمال ولم يتعاملوا مع الشمالين؟ كل ما عرفه معظم أهل الجنوب عن الشمال هو قوات الجيش الحكومي التي كانت تحرق مدنهم وقراهم وتغتصب بناتهم وتقتل أبنائهم ولم يعرفوا أيضا من الشمالين إلا بعض التجار الجلابة (أثريا الحرب) الذين أستغلوا المواطن الجنوبي أسواء أستغلال. هولاء لم يتمنكوا من زيارة الشمال لكي تتاح لهم الفرصة ولكي يتعرفون على الانسان الشمالي العادي الذي لا دخل له في ما يجري. لذلك دعوني أقول لكم أن ما كتبه الاخ أكوي دينق ليس بجديد وأنا أستغرب جدا من أن بعض الاخوة الجنوبين بالبورد يتناسون هذه الحقائق. حجم الفظائع التي تم أرتكابها في جنوب السودان منذ الخمسينيات فظيع جدا وليس بالسهولة يمكن نسيان أو تجاوز تلك الفظائع وبمثل هذه السهولة التي يعتقدها البعض. دينق.

دي مداخله مهمه جدا
الاخ دينق لك التحايا
انا شخصيا الحقيقه دي كانت غائبه عن ذهني تماما
لا ادري هل الاخ اكوي كذلك لم يتعامل مع شماليين او لم يعرفهم عن قرب
ام انه يعلم علم اليقين ان المواطن الشمالي العادي تهمه وحدة البلد ولا دخل له في سياسة الحكومه الانفصاليه
ومع ذلك اصبح طيب مصطفي آخر ؟
مهما يكن . هذا رأيه وخياره .. ولكن نتمني ان يكون طرحه موضوعيا بعيدا عن السب والشتائم

..
.
عبور من اجل التحية للاخوة
شول ودوت مجاكـ

يا شول يازول ربنا يديم الود

حسي يا اكوى :
موضوع ابيي الفى لاهاى السافرو ليهو امبارح دا رأيك فيهو شنو ؟؟
يديوها للدينكا ولا للمسيرية ..
أدينا وجهة نظر بس !؟
__________

واستعجب لكتابات جعفر بشير !!؟

Quote: ألاخ شول اشوانق دينق .. أنا علي يقين أن ما كتبه Akoy Deng يملك درجة عالية من المصداقية تجاه ما يحسه هو ومئات الالاف من الجنوبيين .ان لم يكن الملايين.. تجاه الشمال والجنوبين المنتمين الي الشمال اكثر من الجنوب ... دع الرجل يعبر عن نفسه كيفما شاء ولا تحاول ان تكون وصياً عليه ولا تقمعه ولا تكرر مداخلات بلا معني .. دعه يتحدث الي الاخرين كيفما اتفق .. فما تريد له ان يكون ... لن يكون بغير ان يتاح له حرية ان يكتب ويناقش ... ويعرف الصورة الصغري من الكبري.. مسائل مثل انا كنت بعرف جنوبي ولا الجنوبيين اصدقائي .. كلام غبر موضوعي ولا يغير من التاريخ شيئاً ... وأنا علي يقين بأن الاخ Akoy Deng من خلال الكتابات المتواصلة والحوارات سيصل الي نتيجة .. لكن لا وصاية يجب ان تفرض عليه .. دعه يكتب ما يريد والمنبر لجميع السودانيين أو هذا ما نقاتل من اجله ..

يا جعفر بشير
اكوى دينق مافى زول بحاول يكون وصى عليه ولا فى زول داير يحجر عليهو رايه يا مان
مداخلاتى الما عندها معنى وينا يا بطل؟
زول جاك يا بشير وبصورة مستفزة جداً يقول ليك جارك بالحيطة ده ما تضحك معاهو لانو جلابى ولو رفضت كلامو بيت أمك يتخرب عايزنى اصفق ليهو واديهو وردة تقديراً للوصية العظيمة القدمها لى؟؟!!
يعنى اكوى دينق حسب نظرك يملك درجة عالية من المصداقية ونحن لا نملك أى مصداقية ولّ كيف يا بشير؟


اما حكاية

Quote: أقول لكم أن ما كتبه الاخ أكوي دينق ليس بجديد وأنا أستغرب جدا من أن بعض الاخوة الجنوبين بالبورد يتناسون هذه الحقائق. حجم الفظائع التي تم أرتكابها في جنوب السودان منذ الخمسينيات فظيع جدا وليس بالسهولة يمكن نسيان أو تجاوز تلك الفظائع وبمثل هذه السهولة التي يعتقدها البعض.

يا دينق ياخ مافى زول إتناسى الحقائق دى ما تستغرب ساى
أكوى عندو كلام داير يقولو ما يدخل أمهاتنا فيهو ولّ الكلام ده عادى يعنى؟
علاقة أمى وأم أى جنوبى ضحك مع الجلابة شنو مع رغبة أكوى دينق الملح فى الإنفصال؟


العلاقة شنو؟

Quote: شول يا مونج .... براحة شوية، وزي ما نحن كشماليين محتاجين ليكم إنت وأخوتك من الجنوبيين هنا لتوصيل وجهة النظر التي قد تكون غائبة عنا، فدوركم أيضاً توصيل وجهة نظر المواطن الشمالي العادي لأخيه الجنوبي الذي لا يملك التواصل مع الشمالي.

يا محمد ابو العزائم ده كلام سليم وإن شاء الله كان عملنا كده ما يطلعونا جلابه برضو ههههههه

د. نجاة ود. قناوى وتبلدينا شكراً لكم
وليتواصل الضحك

للأسف ياأخوانا زي عقلية الزول ده كتيره جداً
وأسباب ظهور هذه العقليات مرده لإعلام الحركه الذي يعمل على بذر الكره للشمال تأهباً لفصل الجنوب .
لكن بالرغم من سوء مايخططون له إلا أنني أثق في قدرة هذا الشعب على تحقيق الوحده .

لمزيد من الخراب...

غايتو انا مشية لقندهار مافيها دوت مجاك وشول اشوانق دا طرفى منها

ولاعزاء للجلابة....

اكوى دا تدخل فى علاقات الناس الشخصية....

يعنى اسى حيتخرب بيت استيفن والوال وجاستن*?

الليلة وووب





_____________________________________
ديل اصحابى من سنةاسكت

بوست جميل
وموضوع يحتاج للمناقشة
تكسير للتابوهات

دينق يا رائع تحليل مرتب ومنطقي
الضغائن والمرارات لا تتنسي بسهولة
القدرة على التسامح تتطلب وقتا وصبرا
وتحتاج لإجراءات عملية على الأرض
لا يكفي مجرد التمني

ما عارف ليه لكن حاسي بارتياح
لكم المحبة المدفوق هنا
وهو إن شاء الله بشارة خير
لي وطن واحد
خير ديمقراطي

للأسف ياأخوانا زي عقلية الزول ده كتيره جداً
وأسباب ظهور هذه العقليات مرده لإعلام الحركه الذي يعمل على بذر الكره للشمال تأهباً لفصل الجنوب .
لكن بالرغم من سوء مايخططون له إلا أنني أثق في قدرة هذا الشعب على تحقيق الوحده .

محمد فرح خاف على عقولنا شوية ياخ من متين الحركة بقت عندها إعلام ما مكوشين على الإعلام براكم وما خليتو فرقة لى زول
المفروض الإعلام يكون قومى بس إنتو إحتكرتو... الله يخلى حوش بكرى ده بس




ود الصايم إنت وين ياخ ما تشوف لينا حل من الزول ده

كتب (عادل سيد احمد) فى صحيفة الوطن فلينفصل الجنوب.. غير مأسوف عليه..!.

دوت مجاك
خلي حركات الجلابة
وادينا حق صورتنا دى ، قبل مااقوم افتح ليك بوست

Quote: ود الصايم إنت وين ياخ ما تشوف لينا حل من الزول ده

تعرف يا شول
الزول دا شفتو جا ناطي بي جاي قلت خلاس جا يرشني
جيت لقيتو ليكـ كاتل حيلو زي كهربتو كــدا





جليهو ياخ
كهربتو زايدة!

مع التحيات لكم جميعا..

يا منى معقولة ما تجيبى الصورة إلا بعدما يفتحوا لينا بوست تحديد ووعيد بخراب الديار عشان ضحكنا ومشينا وصادقنا ناس!
يا زولة شكراً على الصورة وتم الحفظ تب











____________
ود الصايم قلت لى اجليهو هههههههههههههه سمح يا عمكـ

..
.
والله كينغ يا شوول ..


___________

حصل بيت امك يكون اتخرب خلااص ..

Quote:

الدواير الفوق راس تبلدينا دي شنو؟
وهو زاتو مخلوع كــدا مالو؟

ويا اميرة

يخرب بيت
مارجوري الينانا على ضحكها البدموعو داك
وايفا كلمنت
وانجلينا ماسيمو
والسماني لوال الذي فرا سنونو من ركب القطر الى ان وصل الى عطبرة
في زيارته التأريخية للشمال

وشول دينق الما عنده حاجة غير القرقرة مع المندكورو

والعجب ديرك يتخرب بيت امه مليون مرة مصاحب كل المندكورات
وستيفن ذكريا


ويا شول ات لازم تشوف لهركة تا هههههههههههه
شوية شوية....

Quote: الدواير الفوق راس تبلدينا دي شنو؟ وهو زاتو مخلوع كــدا مالو؟

والله إنتو ما بتريحو كااااااااااااكـ
يعنى يا عمك الزول ما يتدشى ولّ الكلام شنو؟ ههههههههههههه وتانى هههههههههههه

د. نجاة الجماعة ديلاك كلهم عوجة ما بتجيهو ولا لأمهاتهم

Quote: وجني وجن الجنوبي بيتكلم باللهجة المصرية .

Quote: ههههههههههههه وتانى هههههههههههه

ههههه
والله يا شول كتلتني بالضحك




بعدين يا ود الصيام دوائر تبلدينا دي حقت التفكير ديك
مش برسموها كده ؟
لكن قول لي جواها شنو الدوائر دي ؟ اقول ليك دا المحيرني انا برضو

الاخ العزيز/ دينق
سلام الله عليك
والله ياخوى ما قولت الا الحق
الله يكثر خيرك على شعبك الابى

الله يصلح بيت أم الجنوبى البيضحك مع الجلابه

Quote: لاخوة والاخوات. شايف في البوست ده العميان جا شايل المكسر. رغم أني أختلف مع ما كتبه الاخ ِأكوي دينق ولكني أتفهم جيدا ما كتبه ولماذا كتبه. هل تعلمون بأن معظم أهل الجنوب لم يروا الشمال ولم يتعاملوا مع الشمالين؟ كل ما عرفه معظم أهل الجنوب عن الشمال هو قوات الجيش الحكومي التي كانت تحرق مدنهم وقراهم وتغتصب بناتهم وتقتل أبنائهم ولم يعرفوا أيضا من الشمالين إلا بعض التجار الجلابة (أثريا الحرب) الذين أستغلوا المواطن الجنوبي أسواء أستغلال. هولاء لم يتمنكوا من زيارة الشمال لكي تتاح لهم الفرصة ولكي يتعرفون على الانسان الشمالي العادي الذي لا دخل له في ما يجري. لذلك دعوني أقول لكم أن ما كتبه الاخ أكوي دينق ليس بجديد وأنا أستغرب جدا من أن بعض الاخوة الجنوبين بالبورد يتناسون هذه الحقائق. حجم الفظائع التي تم أرتكابها في جنوب السودان منذ الخمسينيات فظيع جدا وليس بالسهولة يمكن نسيان أو تجاوز تلك الفظائع وبمثل هذه السهولة التي يعتقدها البعض.

دينق
ياربى انت تكون من العمى ولا المكسرين
يااخى بطل ان تتعامل بفوقية مع الناس من منطلقات الجنسية الامريكية الفرحان بيها دى ومسببة ليك وهم دور البطولة الانت عايشه
انت نسيت المعلمين الشماليين والضباط الاداريين والاطباء وموظفى الجمارك والقضاء الذين افنوا خيرة ايامهم بين مواطنى الجنوب يعانون غربة الاهل وتربص الاهالى
بهم وماحدث فى 2005 للتجار الشماليين لم يبارح الذاكرة بعد فيااخى لقد حان اوان ان تغادر محطة تمثيل دور الضحية والخيار متروك لك عبر صناديق الاستفتاء

Quote: لاخ شول اشوانق دينق .. أنا علي يقين أن ما كتبه Akoy Deng يملك درجة عالية من المصداقية تجاه ما يحسه هو ومئات الالاف من الجنوبيين .ان لم يكن الملايين.. تجاه الشمال والجنوبين المنتمين الي الشمال اكثر من الجنوب ... دع الرجل يعبر عن نفسه كيفما شاء ولا تحاول ان تكون وصياً عليه ولا تقمعه ولا تكرر مداخلات بلا معني .. دعه يتحدث الي الاخرين كيفما اتفق .. فما تريد له ان يكون ... لن يكون بغير ان يتاح له حرية ان يكتب ويناقش ... ويعرف الصورة الصغري من الكبري.. مسائل مثل انا كنت بعرف جنوبي ولا الجنوبيين اصدقائي .. كلام غبر موضوعي ولا يغير من التاريخ شيئاً ... وأنا علي يقين بأن الاخ Akoy Deng من خلال الكتابات المتواصلة والحوارات سيصل الي نتيجة .. لكن لا وصاية يجب ان تفرض عليه .. دعه يكتب ما يريد والمنبر لجميع السودانيين أو هذا ما نقاتل من اجله ..

سؤال ياجعفر بشير
تفتكر متى يمكن ان ننتقد اكوى وامثاله ان لم نشجب ماكتبه فى هذا البوست؟ ولا عين الرضا عن كل عيب كليلة
كلامك دة غير انه منحاز ومتناقض كمان بيضحك الناس عليك
يااخى اكوى وصايته بارزة فى كل سطر كتبه عايز يحدد للناس يضحكوا كيف ومع منو ويمشوا وين ومع منو
خليك منصف يااخى