سفارة السودان جالية الرياض ضرورات البقاء والاستمرارية !!

معلوم أن الجالية ضرورة حتمية ولا بد من وجودها
الكل سعى جاهدا لأن تقوم تلك الجالية السودانية
سليمة معافاة ومبرا من العيوب لكافة أهل السودان
ولا حجر على أحد طال ما هو سودانى وحقوق المواطنة
تكفل له حقوقه المشروعة بأن يكون جزء منها وحيث أنه
هو جزء لا يتجزأ من جملة السودانين المقيمين نظاما
لا جهوية ولا عنصرية ولا شللية ولا هيمنة ولا إنتماء
من ناحية موضوعية ومنطق مقنع مقبول ......

حسب ما هو معلوم أن الكيانات التى كانت ولا زالت
تسعى جاهدة لقيام تلك الجالية المنشودة على أساس
الانصاف وبالتالى القيام بخدماتها تجاه كل السودانين
المقيمين نظاما وبإنصاف هذه الكيانات هى :
الجالية القديمة اللجنة الأربعينية .....
الملتقى الثقافى الاجتماعى الرياضى ....
مجمع الكيانات ....

وحيث أن هذه الكيانات كانت على خلاف فى كيفية
قيام تلك الجالية المنشودة المبرأة من العيوب
وبعد حوار طويل وإجتماعات عديدة وصلت هذه الكيانات
إلى وفاق على حد أدنى لكى تقوم تلك الجالية المنشودة
حيث كان ذلك بمباركة من الأمين العام لجهاز العاملين بالخارج
السابق المهندس / تاج الدين المهدى وعلى ضوء مذكرة منه
تفسيرية ببنود محددة تضبط كيفية قيام تلك الجالية المنشودة
أهمها *إستيعاب الكيانات التى إحتجت , كان ذلك بمباركة من السفارة
بقيادتها العليا سعادة / السفير السابق الكارب وسعادة القتصل وقتها
الأستاذ / أحمد يوسف .....

على ضوء الاتفاق الذى تم وابرم بين هذه الكيانات الثلاث
على أن يقدم كل منها عشرة ممثلين لتكوين لجنة لجنة جالية
ثلاثينية لتسيير العمل إلى حين أنعقاد مؤتمر عام لقيام جالية
مبرأة من العيوم بعيدا عن الاقصاء والتهميش والهيمنة بالتراضى
على ان يراعى التمثيل النسبى ........

على حسب ما ورد أعلاه :

Quote: أهمها *إستيعاب الكيانات التى إحتجت

هذه الكيانات والتى ترى بأن لها قاعدة عريضة وثقل إجتماعى فى الرياض
ولا يمكن تجاوزها لفاعليتها وممساهماتها الكبيرة سواء كانت فى السفارة
أو فى العمل العام يجب أن يمثلوا فكان ذلك الاحتجاج الذى وجد له مكانا
وتبيانا من ضمن تلك الأجندة المهمة فى تلك المذكرة التفسيرية التى صدرت
من الأمين العام لجهاز العاملين بالخرج وقتها ووافق عليها الجميع وتفاعل
معها الكل لتكوين الجالية المنشودة المبراة من العيوب لكل السودانيين فى
الرياض من دون جهوية ولا شللية ولا هيمنة ولا تهميش هذه الكيانات نذكر منها:
*جمعية ابناء دنقلاء
*كيان أبناء دارفور
*كيان أبناء كردفان
*كيانات أخرى ..........

بدأت اللجنة التسيرية لأعمال الجالية المنشودة بإجتماعاتها
وبدأت المسيرة بان تبدا فى تكوين لجان حسب ما تتطلب المرحلة
بتمثيل ثلاث لكل كيان على اساس يراس واحد من الثلاثة أحد الجان
ليراس الثانى اللجنة الثانية والثالث للثالثة بعحيث يتبادل الاثنان
الاخران كمقرر وحاجة كده نسيتها لتسير الأمور بحيث تكون هنالك جمعية
عمومية لاحقاتضم كل اعضاء الكيانات المذكورة وهذه تعتبر لجنة تنفيذية
وبقية الثلاثين مجلس شورى على الا تتصرف اللجنة التنفيذية إلا بعد الرجوع
إليه وبعد ثلاثة شهور تقوم جمعية عمومية تضم كافة أعضاء هذه الكيانات ومن
ثم الشروع فى تكوين الجالية المبراة من العيوب لا إقصاء ولا جهوية ولا تهميش
وفى هذه الأثناء كانت جمعية دنقلا وبدعم من الملتقى إستطاعت أن تجد لها عشرة
مقاعد بالتمام والكمل ليكون المجلس اربعينى بدلا عن ثلاثينى ومن ثم التحرك وبدأ
العمل إلى حين وتوقف بعد كل هذه الجهود وكل هذه المساعى وهذا الوفاق لماذا ؟
فاصل ونواصل بعدين ..........





النهاية المحزنة:
بعدين دى بقت قصة
ونهايتها لسع !!



...........

ذكرت بأن اللجنة الاربعينية بدأت فى التسير ولكن وقفت
لماذا ؟ بمجرد ما نالت دنقلا موقعها بعشرة كامل لاتقل
عن الكيانات الثلاث الاخرى تحركت الكيانات الاخرى مطالبة
بنسبتها أسوة بمن سبقوها الا وهى كيانى دارفور وكردفان
يطالبان بنسبتيهما وهنا بدأت المعافرة المضنية مرة مع
القنصل ومرة مع السفير وعود وعود وعود وكانت النهاية
المحزنة وبدلا من أن تمثل هذه الكيانات شانها شان الآخرين
توقفت الجالية على مدى سنة ونيف ولم يقل أحد بغم ولم يحرك
ساكنا تعلمون لماذا ؟
تابع وإنت تعرف فاصل وحنواصل كونوا معنا......



الخلاصة:
تطالب بحقك وتبدى وجهة نظرك
تصنف بانك عنصرى وجهوى ومعوق
تسكت وتنتظر يتاكل حقك و( تهمش )
لكن ده كان زمان !!


..............

الكيانان كيان دارفور وكيان كردفان وسعيا منهما للمحافظة
على عقوق قواعدهما جلسا وتفاكرا وباسلوب حضارى قدما طلبهم
إلى سعادة قنصل جهورية السودان وقتها والذى مشكورا تفهم طلبهما
وأكد لهما أن حقهم لا تقول عليه ومن حقهما ومن ثم حولهما إلى
سعادة سفير السودان وقتها حيث طلب منهما ان ياتينه بجميع قيادات
كياناتهما ال 32 وقد كان ذلك وفى جلسة فى قاعة السفارة وبحضور
القيادات ذات الشان أكد لهم أن حقهم محفوظ ومن ديك وعيييييك !!
الجماعة الكانوا فايرين وصوتهم كان عالى بقيام الجالية كانما
فص ملح وداب ويا دار ما دخلك شر وعينك تشوف النور لا هم ولاهم جاب
طارى المسالة دى تانى والخطاب القوى داك فى دوسى الجالية مسكر عليه
فى أحد أدراج السفارة مع ملف الجالية القامت تبعث اليومين ديل ....





العشم وشم:
والكيانين لازالا
يعشمان فى ال 20
مقعدبمعدل 10 لكل
منهماكما بقت حجوة
أم ضبيبينة !!


...........

Quote: بقت حجوة أم ضبيبينة !!

الشغلانة شنو..؟
أن من يتصدرون أمر الجالية السودانية بالرياض, ومن خلف كواليس السفارة اليوم..
هم أحد أهم أسباب ضياعها بالأمس ..

لا للمكاوشة والهيمنة..



والتنجيك..

احسن ليكم ياجواز الوز تكونو مشغولين بامر الجاليه
لانو حزب الامة دا مابتعرفو ليهو شئ وماعندكم فيهو ناقه ومابتقدرو عليه لانو جداد فيهو لوسالكوم قالو ليكم حزب الامة دا اتاسس بتين بتجابو ذى الجاهل عبدالرحمن الغالى تقولو سنة 56
فاحسن ليكم تهتمو بامر الجاليه فعسى ولعلى واحد فيكم اجى رئيسها اصلو انتو لازم تتعاملو مع الكيزان فى اى شئ جماهيرى

وحيث ان هنالك وفى هذه الأيام نشاطات مكثفة مكتومة وغير معلنة
بصدد تكوين الجالية على ضوء المفاهمات والتنسيقات المتبادلة هنا وهناك

ونحن هنا إذ نناشد سعادة سفير السودان ونائبه الأستاذ / أحمد يوسف
الذى هو ملم بكل حيثيات تلك المسالة وعلى دراية تامة بهذا
الموضوع ( الانصاف الانصاف ) اسوة بغيرنا من الكيانات حيث تعلمون أنهما
كيانان لا يستهان بهما من حيث الكم والكيف ،أماهناك نرجو من سعادة أمين عام
جهاز السودانيين العاملين بالخارج بالداخل التدخل الفورى والنظر فى هذا الموضوع
والاهتمام به وارشاداته فى ذلك حيث لا يخفى عليه الحال فى الرياض بحكم تجربته
حيث نعتقد أن ذلك من أوجب واجباته تجاه الجالية ولكم فائق الاحترام .






ردود:
ود الطالب ( تنجيق شنو ) يا حبيب
ده ( ملوص ) عديل كده !!



.....

الأستاذ / محمد عادل تحياتى
يا هلا وغلا ومرحبا أنست وشرفت
يا غالى ويا الف مرحب بك فى
البوست نتمنى تكون إيجابى
من عادتى أحترم من يحاورنى
بالموضوعية والمنطق تعيش يا بطل
ولا عدمناك

آدم الحلفاوي الهلباوي

سلام مربع

أستغرب جدا هذا الكم الهائل من الأعضاء المنبثق من الجهوية ( دنقلا دارفور كردفان إلخ ... ) و كأننا في برلمان أو مجلس شيوخ و شورى.
هذا يعني بأن الثقة أصبحتْ مفقودة بين أبناء الشعب لذا فإنهم يرون أن كل منطقة يمثلها هذا الزخم العددي حتى يضمنوا الخدمة في إجتماع.

هلباوي : دعني أسألك سؤالا واحدا : ما هو الهدف من قيام كيان للجالية ؟
أليس هو خدمة المغترب عن طريق عكْس قضاياه و مطالبه و همومه للمسئولين و تكون حلقة وصل بين المهاجر و أي طرف آخر؟

هل تدري أن رجلين فقط في الرياض كانا يقومان بأمور الجالية من مواقع عملهما و بالتلفون ؟ ( رحم الله العم عثمان إدريس و العم سعد عمر ( سعد جني ) .. فقد كانا يخدمان الجالية و هما في أمكان عملهما و إنهاء أي قضية مهما كانت ... سبحان مغير الأحوال.

هل تدري أنه كان هنا في الرياض رجل سوداني إسمه ( قِرافي ) رحمه الله ، خدم السودانيين هنا بالمملكة كلها و هو يعمل في وظيفة تشغل جل يومه ؟

ما حاجتنا لكل هذه الأعداد من الأعضاء في الجالية ؟ لماذا لا يترشح عدد من المشهود لهم بحسن السيرة و السلوك ثم تتم عملية إنتخابية و السلام ؟
فقدان الثقة في بعضنا البعض أفرز هذه الحالة.

أقول لك حاجة : سلموا الجالية للبورداب ... فهم يمثلون كافة أبناء الشعب السوداني ، و فيهم ناس ( يؤثرون على أنفسهم و لو كانت بهم خصاصة ) ...

و الله يا آدم في الرياض هنا في شخصيات بعيدة عن الأضواء تعمل في صمت و تخدم في الناس ( بلا من أو أذى ) .. دكاترة و مهندسين و أساتذة جامعات و هلم وظائف ... ديل همهم المغترب و الوطن ، لا بيهمهم دة دنقلاوي ولا شرقاوي ولا غرابي و لا دينكاوي ...

المتضرر الوحيد هو المغترب من هذا المعترك.

دمتم

الحبيب الريس / أبو جهينة تحياتى واحترامى
عندنا مصطلح آفة ما بتتلافا إسمها ( التهميش ) !!

Quote: أقول لك حاجة : سلموا الجالية للبورداب ... فهم يمثلون كافة أبناء الشعب السوداني ، و فيهم ناس ( يؤثرون على أنفسهم و لو كانت بهم خصاصة ) ...

وجهة نظر برضك بالنسبة لى إنت ده ( مضمون ) لا طق ولا شق
لكن بقية البورداب ديل إلا يزكيهم ( ود الطالب ) هههههه




قلقلة :
قال بورداب الرياض ..


............

ضدان إذا إجتمعا حسنا والضد يظهر حسنه الضد !!

اسئلة فى الميزان :

ماذا تعنى عبارة توحيد الجبهة الداخلية وكيف ؟
كيف يبلغ البنيان تمامه إذا إنت تبنى وغيرك يهدم ؟







مقولة ماثورة :
السارح بك ما بودرك !!


...............

السؤال موجه للحبيب الريس ابو جهينة ؟

طبعا الكايانان المذكوران بعض خطابهم المطلبى المهذب
لا زالا منتظرين الرد على حسب وعد قيادتى السفارة بانهما
يوكنان من ضمن منظومة الجالية بينما هنالك بعض المتمترسين والذين يروا انهم
هم الاحق والأولى بالجالية من دون غيرهم حسب نظرتهم الضيقة ولا أدرى اهى جهوية
كانت أم هيمنة كانت الله ورسوله اعلم وكما وضحت سابقافهدات تلك الاصوات العالية
التى كانت تنادى بقيام جالية بمجرد مطالبه هذن الكيانان بحقهم المشروع مثلهم
مثل بقية كيانات الجالية السودانية بالرياض لعام وشوية وفى هذه الأثناء هنالك
كيان نشط وماأن سمع بجمعية قامت نسوية كانت او ذكورية إلا بامكانياته ومغرياته
ضمها إليه لتكبير الكوم وإبراز الذات بس الحمدلله الواحد الاحد الكيانان أكوامهم
كبيرة ولا فى حاجة إلى إستقطاب ولهما شخصيتيهما الاعتبارية وبصفة شرعية وموضوعية
ومسجلة بصفة رسمية من قديم الزمان فى السفارة وكاحد روافدها وإذا كل تلك الكيانات
مسجلة رسميافى السفارة فالفرق بينها وبين الكيانات الجديدة المصطنعة تاريخ التسجيل !!
ولا يهمنا ذلك كثيرا بقدر ما يهمنا الانصاف إسوة بغيرنا من الكيانات من ناحية موضوعية
وإلا تكون المسالة برمتها حسب ما نرى عنصرية بغيضة وجهوبة وهيمنة ممنهجة !!


........

العزيز هلباوي
أدفع في هذا الاتجاه بكامل الحقائق ليتك تسرد مسيرة الخلاف ومن أسسوا له
الاخوة الذين تبوأوا اليوم قيادة جهاز المغتربين لهم دور مهم ووافر فيما
سارت اليه الامور في الرياض , لكن تبقى الحقائق غير عصية على التوثيق ان
نحن آمنا بها ارجو ان توضح ما يدور في الرياض للربط بينه وبين ما يدور في
جالية منطقة مكة وينسحب الضرورة على كافة الذي يدور في جاليتنا في المعمورة
الحقائق يجب ان تبرز الى السطح ويجب ان يكون للقيادة الحالية لجهاز المغتربين
دور ايجابي في رسم خارطة الطريق للخروج من نفق الاستقطاب الحاد بجالياتنا في
الشتات اتمنى ان يكون الاخ الدكتور كرار التهامي ايجابي ويمثل نبض الغربة التي
خرج من بين ظهرانيها متبوأاً هذا المكان الوزاري على رؤوسنا وهو سيد العارفين.


التحية لك هلباوي والتحية لجاليتنا الخدمية القومية غير المسيسة .

.......................................................................حجر.

الأخ الكريم / الرفاعى حجر تحياتى وإحترامى
إطمئن يا غالى كل ما نذكره هنا حقائق مثبتة

إن ما نذكره هنا حقائق دامغة بالدليل والبرهان
تعرف لماذا لأننى كنت جزء اصيل فى هذه المسيرة
وكل الذى ورد وكل تلك الاجتماعات كنت حاضرا لأننى
كنت من ضمن اؤلئك العشرة مع احد تلك الكيانات أمثل جهة ما
واملك من الادلة والاسانيد وحتى تلك المسودة التفسيرية لتكوين
كيان لجالية معافاة ومبراة من العيوم من الأمين السابق لجهاز
العاملين بالخارج إطمئن لا نفترى على أحد بل هى حقائق 100%

Quote: اتمنى ان يكون الاخ الدكتور كرار التهامي ايجابي ويمثل نبض الغربة التي خرج من بين ظهرانيها متبوأاً هذا المكان الوزاري على رؤوسنا وهو سيد العارفين. التحية لك هلباوي والتحية لجاليتنا الخدمية القومية غير المسيسة . .......................................................................حجر.

هذا مبتغانا وكما ذكرت نعم سعادة الدكتور / كرار التهامى نعرفه وعن قرب ونعرف كيف يفكر
وعشمنا فيه كبير , بس مع دنيا المتغيرات كل يوم كل شئ جايز نشهد تغير أفكار وتلاقح افكار
لكن كمسلمين علينا بالظاهر إلى أن يبين الخيط الأبيض من الأسود وقتها لكل حادثة حديث .
لازلنا نسعى لتوحيد الفكر وتمكين ثقافة الوحدة والانتماء والمساواة بين ابناء الوطن الواحد
وحيث ان الحق يعلو ولا يعلى عليه لا نيأس أبدا وحتما يوما ما تسود الحقيقة ويذهب الزبد جفاءا
أشكرك يا غالى ولا عدمناك ....
.........

Quote: لكن بقية البورداب ديل إلا يزكيهم ( ود الطالب ) هههههه

ههها..!!
صلاح غريبة معاهم ولا مفصول..؟؟
ساعتها حيعرفو إنو سٍم الخياط هو قد الإبرة..
والمعيار (حملة وليد دار فور الصهيونية) التي لا زالت كونترات المستعمل وافقة شاهد في المواني السودانية..




غربلة جد..

Quote: الأستاذ / محمد عادل تحياتى يا هلا وغلا ومرحبا أنست وشرفت

أديتو الفنجيقة..
وين كوباية شاهيهو علشان يقطع وش..


ولا ننشو ليك بالسرحة..؟

Quote: اصلو انتو لازم تتعاملو مع الكيزان فى اى شئ جماهيرى

ههههاآآآآآآآآآآآآآآآآآآآآآآآآآآآآي..
البركة في خالك مبارك شقدوم..


مبارك الفاضل داخل مستشفى ساهرون الحكومي («الشرق الاوسط»)

أنتم السابقون..
صنفرة:

الهلباوي

سلام تاني

Quote: اسئلة فى الميزان : ماذا تعنى عبارة توحيد الجبهة الداخلية وكيف ؟

بالنسبة لتوحيد جبهة الجالية الداخلية بالذي يحدث الآن .. مستحيل .. لأنو كل طرف شايف إنو لازم يكبر كومو ...
و إذا نظرنا لآليات الجالية و أهدافها نرى أن الذي يحدث الآن عبارة عن تفتيت و ليس توحيد.
أما كيف : إنتخاب حر مباشر و نزيه يرضى به الجميع

Quote: كيف يبلغ البنيان تمامه إذا إنت تبنى وغيرك يهدم ؟

واحد من إتنين :
إما تجعل الأساس قوي حتى لا لا يتمكن ( غيرك ) من هدمه ...
إما تتفق إنت و الغير على جعْل البنيان يتطاول بطريقة إنت طوبة و هو طوبة ... إنت طابق و هو طابق ...

واصل

ود الطالب

وينك ؟

تحياتي

خطر على بالي أمر بعد مداخلتك أعلاه :

لو جاك واحد من الخارجية السعودية و قال ليك : الخارجية السعودية هي التي أعطتْ السفارة السودانية الضوء الأخضر لهذه الحملة .. فهل خدعتنا السفارة السودانية و جعلتْنا شركاء في حملة صهيونية ؟

و إذا سألتك السفارة السودانية والت ليك : أثبتْ لينا إنو الحملة كانت صهيونية Documented و أن البورداب يعلمون أنها صهيونية فهل يمكنك ذلك ؟

و إذا سألك البورداب الذين هم ضد الصهيونية لأسباب دينية و سياسية : إن كنت تعرف أن الحملة صهيونية فلم لم تقم بتحذيرهم و بكل ما أوتيت حتى لا يستلم أهلنا بدارفور من حملة صهيونية ؟

و إذا سألك ناس دارفور الذين إستلموا المرسل إليهم : ليه ما حذرتنا يا أبو رزقة فما هو ردك ؟؟

بالله جاوبني بدون الإجابات التلميحية القصيرة و خاصة التي باللون الأحمر ال تحت ديك ..

مع تحياتي للٍأسرة

Quote: إن كنت تعرف أن الحملة صهيونية فلم لم تقم بتحذيرهم

هههها..
في ذمتك يا ريس ما حذرتكم من حكاية DARFUR COMPIAGN ومن خلفها منظمة SAVE DARFUR.ORG savedarfur.org الصهيونية والدعاية الإعلامية السالبة في تأجيج نيران الفتنة العرقية..
خصوصاً مسائل إستنكاح العالم وأكل أموال الناس بالباطل..

ياخي حليل ود الطالب وأنتم مكابرين باسامى صهيونية مستعارة..



يا ترى كانت ماخداكم العزة بالاثم ولا كنتم تخدعون أنفسكم يا ريس..
حرام عليك..
أم كان مطابقة لمعاني:
قف دون رأيك في الحياة مجاهداً فإن الحياة عقيدة وجهاد..


نفتو تاني من أول وجديد ولا كيفن..؟

أبورزقة : ما جاوبت على السؤال الأول

Quote: و إذا سألتك السفارة السودانية وقالت ليك : أثبتْ لينا إنو الحملة كانت صهيونية Documented و أن البورداب يعلمون أنها صهيونية فهل يمكنك ذلك ؟

هههها..
طيب هاك ده واحد عارف وأولهم أنت يا ريس..
Re: الكـلام دخـل الحـوش... وشـكرا ســودانير!!

Quote: إذن سنطرق كل الاماكن المغلقة والمفتوحــة .. من أجل هذه النفرة .. فقط من أجـــل وليد دارفــور .. بعيدا عن كل المزايدات ـ بعيدا عن ساس يسوس ـ بعيدا عن كل مشكك لا مكان بيننا لكل من يريد لهذا العمل أن لا يكتمل .. فهذه العقبات كلها في طريقها إلى الزوال .. فكل عمل انساني خالص دون رياء لابد له ان يستمر ولابد ان تزول كل العقبات التي في الطريق

عارف المشكك في الحملة دي منو..؟

المشكك ده كان أخوك ود الطالب..
لا بل كان معترض على قيام مثل هذه الحملة التي تدعم المخطط الصهيوني تماماً ومن الأساس..


دعني أسألك سؤال..
على وزن جحا أولى بلحم تورو..
متى تم تنويركم بالحملة..؟
أين تم عقد أول إجتماع لهذه الحملة..

ولماذا تم بمنأى عن أبناء دار فور بالرياض..؟



يا ريس إذا كان المتحدث مجنون فالمستمع عاقل..


حول..

طيب .. إختصارا كدة
أديتنا خبر يعني وحن دسينا الخبر على السفارة؟
يعني السفارة نايمة في العسل و نحن غشيناها عشان خاطر بني صهيون ...

طيب .. نعدي الحتة دي

Quote: أبورزقة : ما جاوبت على السؤال الأول

أها ما رديت على دي .. علما أنهم لو سألوك عاوزين توثيق بعيدا عن أخبار صحف أو مذكرات أو قوقل
فردك حيكون شنو ؟ إعتبر نفسك شاهد إثبات لديهم ...

أعرفك رجل بتحب التوثيق .. كدة رد حتقول ليهم شنو ؟

Quote: أبورزقة : ما جاوبت على السؤال الأول

مستعجل مالك..




تعرف يا ريس قوقلتا ليك المنبر لقيت معظم البوستات التي هاجمت حملة وليد دار فور محذوفة وغير موجودة وبالأخص بوست ..
حملة وليد دار فور حملة صهيونية تم تمرير أجندتها على السفارة..!!
عموماً المعادلة لا تحتاج إلى إجتهاد..
طالما تم تمرير تلك الأجندة على البورداب باسم الإنسانية..
فبكل تأكيد بورداب الرياض مرروها على السفارة..
والسفارة فكت الباص..
والنتيجة..

الإجابة أعلاه..؟
منظمات يسارية تنفذ أجندة المنظمات اليهودية في السودان

Quote: ومن يملك التمويل يضمن تنفيذ الخطط والاجندات

كتب له هذا الموقف فى ميزان حناته وميزان نضاله
وليس ميزان حسابو فى بنك امدرمان الوطنى وليس فى حسابه فى امن نميرى ومعاملاته مع صلاح غوش وارسال الطلبات الى البشير بان يصدق له بالاموال

Quote: كتب له هذا الموقف فى ميزان حناته وميزان نضاله وليس ميزان حسابو فى بنك امدرمان الوطنى وليس فى حسابه فى امن نميرى ومعاملاته مع صلاح غوش وارسال الطلبات الى البشير بان يصدق له بالاموال

لووووووووووووول...

الزول ده راكب غلط يا ناس..
كده أدوهو تذكرتو..

يا محمد عادل أنزل المحطة الجاية..
ما تنسى تسلم لي على أحبابكم هناك..
هنا السكة طويلة لا يعرف المسافر في أي المحطات تنتهي الرحلة..


آهه ودعناك الله ..
الكيزان ديل حلال على خالك وحرام على بقية خلق الله..
أمرك عجيب..

أبو جهينة..
بعد ما جاوبنا ليك على السؤال أعلاه..
كده حاول أن تجاوب على السؤال أدناه..

Quote: Quote: إن كنت تعرف أن الحملة صهيونية فلم لم تقم بتحذيرهم هههها.. في ذمتك يا ريس ما حذرتكم من حكاية DARFUR COMPIAGN

وأنت حر..
نشوفكم يوم باكر..

أبو رزقة

Quote: في ذمتك يا ريس ما حذرتكم من حكاية DARFUR COMPIAGN

أولا : لم نصدق كل ما جئت به من أدلة منقولة
ثانيا : نحن هنا مسلمين قمنا بما يمليه علينا ضميرنا كما فعلنا من قبل كأفراد و جماعات قبل قيام كيان البورداب ( مثال الفيضانات في الشمال و الشرق و الجزيرة و عدة أعمال فزعة ) .. فلماذا توصم حملة دارفور بهذا الوصف ؟؟؟

* تخريمة : في إجابتك على السؤال الأول فهمنا : أنه تم تحذيرنا من طرفكم و نحن لم نحذر السفارة و بالتالي السفارة مخدوعةً قامت بطلب للخارجية السعودية التي بادرت بمنحنا التصريح بناءا على إفادة السفارة المبنية على طلبناغير ملتفتين لتحذيرك؟
كدة تمام الترتيب دة؟
يعني لو سألتك الخارجية حتقول ليهم التسلسل أعلاه دة لغاية ما الخارجية تجي تقبقبنا نحن .
ما عندنا مانع لو دة حصل ...
لكن هل يمكن الإعتماد على أدلتك الخبرية بكل أنواعها ؟؟؟؟

تصبح على ألف خير

Quote: ذكرت بأن اللجنة الاربعينية بدأت فى التسير ولكن وقفت لماذا ؟ بمجرد ما نالت دنقلا موقعها بعشرة كامل لاتقل عن الكيانات الثلاث الاخرى تحركت الكيانات الاخرى مطالبة بنسبتها أسوة بمن سبقوها الا وهى كيانى دارفور وكردفان يطالبان بنسبتيهما وهنا بدأت المعافرة المضنية مرة مع القنصل ومرة مع السفير وعود وعود وعود وكانت النهاية المحزنة وبدلا من أن تمثل هذه الكيانات شانها شان الآخرين توقفت الجالية على مدى سنة ونيف ولم يقل أحد بغم ولم يحرك ساكنا تعلمون لماذا

الحبيب هلباوي صبحك الله بالخير

قول لي يا أخوي دنقلا أخذت حصة ودارفور وكردفان
يطالبان بحصة والكيانات الوهمية أخذت نصيبها
من الحصص أين نصيب ولاية الجزيرة عرفنا نصيب
إنسان الولاية من الدخل القومي أقل من دولار في العام

بالعربي لن تقوم جالية مفروضة على الناس ومعظم الوجوه
الموجودة فيها وصوليين وإنتهازيين وليس لديهم أي قبول
بين أبناء الجالية السودانية وهدفهم من الجالية
بزنيس فقط كل واحد عاوز أروج بضاعته من كاميرا
عنقاريب للإيجار تعقيب سندوتشات بلح حرجل طواقي عصايات
مراكيب شالات الخ هذه هي الاهداف التي يسعى إليها قيادات الجالية
بعد التكوين وخدمة الموطن (Gone with the Wind) ذهب مع الريح

adyouse فتك بعافية

الاخوة الكرام / الريس ابو جهينة والحبيب ود الطالب تحياتى
والله حيرتونى حيرة كده ولخبطو راسى بعد ما كشحتو لي السمسم
ده فى الرملة هسع نلقطوا كيف ما عارف وغربال كمان ما عندى


يا احباب نحن أولاد النهار ده وبصدد مطلب مشروع حتى تقوم الجالية
مبراة من العيوب لتعمل بأريحية بمشاركة كل أهل السودان العظيم وذلك
مبتغانا ومن باب لا ضاع حق وراءه مطالب وبحكم اننى امثل أحد الكيانان
لذلك ننوه وما تتلعوا لينا القطار من مساره مع احترامى لوجهتى نظركما وعليه
ننوه ويبقى الود فى محله بس الطلوب ساهموا معنا لتثبيت قيم العدل والمساواة بين
أبناء الوطن الواحد وكافة أهل السودان لا جهوية ولا شللية ولا هيمنة ولا إقصاء والكل سودانى



ود الطالب :
بشيشك على الحبيب محمد عادل
نسعى لتكوين صداقة ومحبة والفة
الحوار الجاد لا يفسد للود قضية
بعدين ما تنسى أنو أبو جهينة هو
الريس بتاعنا ويجب احترامه لا داعي
ولازم ندافع عنه ويدافع عنا كمان



.........

الريس الحبيب / ابوجهينة تحياتى واحترامى

Quote: كيف يبلغ البنيان تمامه إذا إنت تبنى وغيرك يهدم ؟ واحد من إتنين : إما تجعل الأساس قوي حتى لا لا يتمكن ( غيرك ) من هدمه ... إما تتفق إنت و الغير على جعْل البنيان يتطاول بطريقة إنت طوبة و هو طوبة ... إنت طابق و هو طابق ... واصل

تصدق يا حبيب نحن كنا مع الفقرة (التانية) ونفذنا كل الشروط لازم يكون لك كيان ولازم يسجل فى السفارة وبرسوم كمان
ولازم تقنع كيانك بمقدرتك فى القيادة عشان يفوضوك ولازم تساهر الليالى إلى البكور مع بقية الكيانات الاخرى
لبلورة فكرة معينة ومن ثم الاجماع عليها فى كيفية أن تكون تلك الجالية معافاة ومبرأة من العيوب إلا من أبى وقد حصل وبعد
ده كلو سعينا لبنائها بطريقتك دى طوبة طوبة على صيغة يا قمارى أبنى عشك قشة قشة لكن هنالك طيور الوغواغ
التى تريد إلا أن تعيش على أعشاش الغير ، وبرغم كل تلك الجهود المضية وبرغم كل التحصينات ذاع الخبر وعم القرى
والحضر وبرغم إلتزامنا بكل الشروط الرسمية والتوافق الشعبي تفشى الخبر وذاع وعم القرى والحضر وكنت أظنه محصن
لكن يبدو انه فجور فى الهيمنة والعزة بالاثم فى الفركشة وتفشى الخبر وذاع وعم القرى والحضر .
قول لي كيف قولى !! يازمان بالله أشهد يازمان آآآآآآآى بالله تشهد !! عاجباتنى الأغنيتين ولحنهما !!


.............

الحبيب نجيب الخير / محمد نجيب عبدالرحيم تحياتى ياغالى

Quote: الحبيب هلباوي صبحك الله بالخير قول لي يا أخوي دنقلا أخذت حصة ودارفور وكردفان يطالبان بحصة والكيانات الوهمية أخذت نصيبها من الحصص أين نصيب ولاية الجزيرة عرفنا نصيب إنسان الولاية من الدخل القومي أقل من دولار في العام

الجزيرة دى ياتا الكانت كل السودان العظيم بياكل من فضلة خيرها
المشروع الخير التنموى الكبير الأخضر المات ( ضمة ) وله حاجة تانية
يا حبيب بعد ما توافقنا وتراجعنا وهونا وساهرنا شرعنا وقررنا لكن
للأسف وزى ما إنت قلت :
ناس الرياض ( كلو بيلعب على كلو )
لكن ما تقول لي خلاص صدقنا والله إنت حكمة
واطمئنك نحن ساعيين للوحدة والتجانس لتحقيق قيم العدل والمساواة
والجزيرة جزء لا يتجزا من السودان العظيم والله يحى مشروعها الضخم اللكان
بدى وبفضل .......

نحن أولاد النهار ده
ولا يصح إلا الصحيح
ولتبقى الحقيقة

نحن أولاد النهار ده
ولا يصح إلا الصحيح
ولتبقى الحقيقة

الهلباوي والله درشك تمام ...

Quote: Quote: في ذمتك يا ريس ما حذرتكم من حكاية DARFUR COMPIAGN أولا : لم نصدق كل ما جئت به من أدلة منقولة

ههها..

وقد تبينو نصحنا ضحى الغد..
صدقني..



مساء الغد ستنبت جذوع التبلدي في قيعان المدن ..؟

Quote: ود الطالب : بشيشك على الحبيب محمد عادل

يا ود أبا هو نحن عملنا هسعي حاجة..
دي سرحة بالسخلان قايلة في طرف الفريق..
وكمان معلقين ليهو سعن مويتو في كتفو اليمين..

Quote: نسعى لتكوين صداقة ومحبة والفة الحوار الجاد لا يفسد للود قضية

بالضبط..

Quote: بعدين ما تنسى أنو أبو جهينة هو الريس بتاعنا ويجب احترامه لا داعي ولازم ندافع عنه ويدافع عنا كمان

مافي شك..


خلاف الرأي لا يفسد للود قضية..
المستشف من موقف الريس أبو جهينة الحالي إنو هو خايف من تحقيقات السفارة والخارجية..
وما هو خايف من إفرازات الحملات الصهيونية التي أدت إلى إستمرار الأزمة في إقليم دار فور..

Quote: الجزيرة دى ياتا الكانت كل السودان العظيم بياكل من فضلة خيرها المشروع الخير التنموى الكبير الأخضر المات ( ضمة ) وله حاجة تانية يا حبيب بعد ما توافقنا وتراجعنا وهونا وساهرنا شرعنا وقررنا لكن للأسف وزى ما إنت قلت : ناس الرياض ( كلو بيلعب على كلو ) لكن ما تقول لي خلاص صدقنا والله إنت حكمة واطمئنك نحن ساعيين للوحدة والتجانس لتحقيق قيم العدل والمساواة والجزيرة جزء لا يتجزا من السودان العظيم والله يحى مشروعها الضخم اللكان بدى وبفضل .......

الحبيب المناضل هلباوي وابن الغرب البار لا فض فوك

الجزيرة واليها جالس بتفرج على الخراب والدمار

الذي حل بالولاية التي أصبحت مثل حوش الكاوبويات

أما موضوع الجالية دي على قول أخوانا المصريين

وكلو بلعب كلو

فاصل ونواصل

الأخ الكريم / ود الباوقة اللذيذ تفاحا تحياتى ياظريف
الله حيو .. يحيك ويبقيك يا رجال

Quote: نحن أولاد النهار ده ولا يصح إلا الصحيح ولتبقى الحقيقة الهلباوي والله درشك تمام ...

طال عمرك لا درش ولا هرش بس ( وعود مسؤولين )
حبينا نذكرهم بها ونتمنى أن تنفذ للمصلحة العامة
ومصلحة السودان العظيم ( المتنوع ) الجامع
بعدين يااخوى الدرش ده ما محلو محلو هناك !!

..............

بعدين يااخوى الدرش ده ما محلو محلو هناك !!

الهلباوي ...


هناك وين كمان ؟؟؟

أبو رزقة

Quote: المستشف من موقف الريس أبو جهينة الحالي إنو هو خايف من تحقيقات السفارة والخارجية..

من تحقيقات الخارجية فقط .. و الخواف رب عيالو .. و الرزق على الله .. بس نخاف تبعات أخرى.
إنت مادام ما خايف .. إذن مالي إيدك .. إذن فنتمترس خلفك

Quote: وما هو خايف من إفرازات الحملات الصهيونية التي أدت إلى إستمرار الأزمة في إقليم دار فور..

مساعدة أهل دارفور من فاعلي خير سودانيين و مسلمين دخلها شنو بإستمرار الصراع في دارفور؟
نعلم أن لإسرائيل يد في تأجيج الصراع ، فهل ذلك يدعوك أن لا تمد يدك بالمساعدة؟
هناك أكثر من 100 منظمة أجنبية تعمل بدارفور ضمن الإغاثة و العلاج .. هل تدري كم منهم موالي للإسرائيل.

حاجة غريبة

الهلباوي العزيز

تحياتي

عذرا لتغيير مسارالبوست بموضوع آخر

الخ الكريم الحبيب / ود الباوقة تحياتى

Quote: الهلباوي ... هناك وين كمان ؟؟؟

فى المؤتمر لتكوين الجالية المنشودة .

الريس الحبيب / أبو جهينة تحياتى

Quote: الهلباوي العزيز تحياتي عذرا لتغيير مسارالبوست بموضوع آخر

عذرك معاك يا غالى اعتقد ما تتحدثون عنه موضوع وإنتهى
نحن أولاد النهار ده والحمدلله البوست خدم غرضه والرسالة
وصلت وأشكرك لاثراء البوست ببعض الأفكار الموضوعية ..

....

الاخ الفاضل / ادم الهلباوي

Quote: لا جهوية ولا عنصرية ولا شللية ولا هيمنة ولا إنتماء من ناحية موضوعية ومنطق مقنع مقبول ......

ودا المطلوب

أخى الكريم الفنان التشكيلى / علاء الدين حيمورة تحياتى

من أكبر مشاكل السودان هذا الشعور المتفشى العام نتيجة لسلوك
وممارسة الغير راشدين وذلك كلف السودان كثيرا شرخ الود اللكان
وتفشى الغبن نتيجة لتلك الممارسات الخاطئة فقامت الحواجز واستشرت
حساسية الشعور بالتفريز والمحاباة والفهم المغلوط لذلك ننادى وبأعلى
صوتنا لتفادى مثل هذه المثالب بين ابناء الوطن الواحد حتى يزول هذا الحاجس
النفسى بذلك الشعور البغيض لتوطيد العلائق الحميدة بين كافة أهل السودان
حيث لا فرق لغرباوى على شرقاوى ولا شمالى على جنوبى كلنا سودان وكلنا إخوان
تربط بيننا الالفة المحبة والود السودانى سودانى لو كان مولده حلفا وموطنه
نيالا حتى لا نوصف بالعاقين وجدودنا زمان وصونا على الوطن الوطن العزيز الغالى
الماليهو تمن حتى نستطيع أن نزيل ولو مجرد الشعور بالفوارق حتى يكون الانتماء
راس مال الجميع وبمجرد الشعور بذلك تدب الطمانينة فتتلاشا معوقات الوطن ليتقدم
ويزدهر فنبهر به يله مد إيدك والله يقويك ويزيدك عشان نزيل هذا الفكر المريض
والوهم الماثل اشكرك يا غالى وخليك كده طواآآآآآآآآآآلى.
...........