ماشة معاك باسطة...!!! دي نقرشة ولا حلواني ولا طبليةجنب سينما يا ولدي هههه يااخوي دي نقرشة شنو دي الما فيها (عود)ولا كمنجة ولا صوت بنقس يجضمو لمن المزازيك تقتنع زاااتو... حسع الماشة معاهو دي طبليةولاعربية باسطةولا جسكوية ولا سنو الفيها باسطة وبسبوسة وبعد شوية لو الاغنية مشت لقدام ممكن يكون الطبلية الماشة دي يكون فيها برنجي.. ويقول لينا زولكم ده ماشة معاك برنجية ههههه ... يا ود الطيب الشبيبة الاي واحد فيهم اغتني ليهو اورغن وشابكننا كرو كرو حمونا النوم زااتو.. وانتو يا كافي البلا مساعدنهم بالرقصات علي استايل النبق...والقرد.. والاتو..وقالو في واحدة جديدة اسمها البشير...وكررررررررر (كرر ده اسم الرقصة) .... تعال لينا بهناك حيث النقرشة علي اصولها ونضف اضانك وخلينا بالله من هيك لعوسة ههههه
Post: #3 Title: Re: ((( *** ماشــه معـاك عسـل *** ))) ياكيكي تعال اسمع النقرشه دي Author: محمد الطيب حسن Date: 04-13-2009, 01:09 AM Parent: #2
عمنا كيكي العصر بقي عصر السرعه والايقاع السريع زمن الاورغن والصولات ناس العود والكمنجات والحاجات دي بقت مابتنفع الزمن ده الاوركسترا كتره مصاريف ساي ولا تشوفم في تلفزيون السودان القومي الشغل النضيف ده تسمعو برااااااااااااك في بيتكم ولا انت ماشي علي الشغل في عربيتك وتعيش الحنك علي ايقاع محمد الامين لكن هل تفتكر تقدر تجيبو في حفله زواج ؟؟؟؟؟
