Post: #1
Title: يا إشراقة مصطفى العرس بتين؟ بوح أونلاين
Author: lana mahdi
Date: 04-12-2009, 09:42 AM
|
Post: #2
Title: Re: يا إشراقة مصطفى العرس بتين؟ بوح أونلاين
Author: عاطف عمر
Date: 04-12-2009, 10:37 AM
Parent: #1
يا ربي وليد مشى مع يعقوب الشغل ولا شنو ؟؟
____________________
هدي قعدة
نحجز قبال أبو ساندرا وخدر
__________________
سلام يا أميرة
الوصية في الذمة
بلغي عم مهدي تهاني الحارة للإختراع العلمي الهام
" جايين نشيل كوتتنا بالباب"
|
Post: #7
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 11:15 AM
Parent: #2
Quote: هدي قعدة
نحجز قبال أبو ساندرا وخدر |
تقعد دى شنو ياعاطف,
لازم تقيف تحجز ابوساندرا مايفرتق الحلفة...
بالله ياخدر عزل لينا الاغانى الحلوة واياك من نوع {حان الزفاف}
-
|
Post: #44
Title: شروق
Author: lana mahdi
Date: 04-13-2009, 11:42 AM
Parent: #7
Quote: Quote:
تقعد دى شنو ياعاطف,
لازم تقيف تحجز ابوساندرا مايفرتق الحلفة...
بالله ياخدر عزل لينا الاغانى الحلوة واياك من نوع {حان الزفاف} |
أبو ساندرا مظلوم ظلم الحسن و الحسين رسلناهو يحجز البيبسي..
شروق السي ديهات جابوها ليكي و حان الزفاف دي غنية لذيذة آي نعم لاكين المستشارة الإطرابية بتاعة الموضوع قالت الأفضل و الأجمل غنية
عقبال بيك نفرح يا زينة
ونشرب شرباتك يا زينة
ونوقد شمعاتك يا زينة
يا الله حقيقي إتأسرتا(:(:
|
Post: #43
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 11:36 AM
Parent: #2
| Quote: يا ربي وليد مشى مع يعقوب الشغل ولا شنو ؟؟ |
الوليد التطعيم عامل عمايلو فيهو يا عاطف
وأنا منتهزة الفرصة كأفضل ما يكون الانتهاز
بس الحاجة المفرحة البوست لم الناس الطيبين و لطاف يا حبيب و لو جات سعدية كمان يكون المرام
Quote: هدي قعدة
نحجز قبال أبو ساندرا وخدر |
غايتو كدي إتخيل لي لمحت أحدهما
Quote: سلام يا أميرة
الوصية في الذمة
بلغي عم مهدي تهاني الحارة للإختراع العلمي الهام
" جايين نشيل كوتتنا بالباب" |
وصلت تحيتك و عمك قال ليك إنتا تامر
محبتي و بالله الصيوان دة ما عاجبنا غيروهو لونو ما لذيذ و ما موضة و لو حجزتو لينا في صالة يكون أحسن..
يا عيال جيبو لي موية
|
Post: #3
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 10:50 AM
Parent: #1
عاد يالنا عليك جنس فرحة!!!
مش لمن ترسلى التوب التركوزاى الساده؟!!
|
Post: #4
Title: Re: يا إشراقة مصطفى العرس بتين؟ بوح أونلاين
Author: Giwey
Date: 04-12-2009, 11:02 AM
Parent: #3
أممممممممممممممم
كلام والله
عموما"
سلامات إشراقة
وسلامات لنا.....
عبد الرحمن قوى
|
Post: #8
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 11:17 AM
Parent: #4
ترسل لنا التوب اللى وعدت بيهو..
بعدين العريس هين..
---------
سلامات ياقوى
|
Post: #47
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 11:51 AM
Parent: #8
Quote: ترسل لنا التوب اللى وعدت بيهو..
بعدين العريس هين.. |
يا شروق
حريفة يا بت في تشتيت الكورة(:(:
|
Post: #46
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 11:46 AM
Parent: #4
Quote: أممممممممممممممم
كلام والله
عموما"
سلامات إشراقة
وسلامات لنا.....
عبد الرحمن قوى |
قوي يا خوي أصلو الزمن دة بيفتحو الخشم الصباح بيقولو خير نص النهار بيسدو المال و (نفس العريس بالدفع(:(:) العصرية و المسا يا داااااااب يرسلو المراسيل للعزومات
المهم العقد 5 عصر
|
Post: #5
Title: Re: يا إشراقة مصطفى العرس بتين؟ بوح أونلاين
Author: خضر حسين خليل
Date: 04-12-2009, 11:03 AM
Parent: #3
بيت مال وعيال تاني وتالت ومتلت يا اشراقة 
وشكراً لنا علي الاخبار الجميلة دي
ــــــــــ
أها بعد التهاني دي حرم تعرسي يا اشراقة
|
Post: #6
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 11:13 AM
Parent: #5
Quote:
أها بعد التهاني دي حرم تعرسي يا اشراقة |
متين ياخدر عرست لمن بقيت تحرم كمان
مافى شىء بيكره فى العرس غير حرم دى والعجب {طلق}!!
---------
كدى نشوف آخرك
|
Post: #9
Title: Re: يا إشراقة مصطفى العرس بتين؟ بوح أونلاين
Author: د.نجاة محمود
Date: 04-12-2009, 11:25 AM
Parent: #6
لنا وشروق
ما بصدق دا شنو دا؟
لنا هوي ما تضحكو علينا انت وشروق دي..
يا بنات ليكن محبة وشوق
|
Post: #10
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 11:28 AM
Parent: #9
| Quote: يا بنات ليكن محبة وشوق |
بركة فى محبتك وشوقك ده يا نجاة ياختى...
--------
بطلى النقة, الكمونية دى مستنين بيها تيسير؟
|
Post: #48
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 12:44 PM
Parent: #9
Quote: لنا وشروق
ما بصدق دا شنو دا؟
لنا هوي ما تضحكو علينا انت وشروق دي..
يا بنات ليكن محبة وشوق |
الحبيبة الغالية نجاة
ليكي محبة و شوق كبير
خليكي قريبة بعد ما تنجزي المهام الإلتزمتي بيها في الفرح دة(:(:(:(:
مممممم
أيوة
وبعدين تعالي حلي لينا مشكلة العروس الزعلانة..قالت للعريس البيت يكون فيهو هول قام عمل ليها الأوضتين الخلف خلاف الكل أوضة فاتحة في برندا):):):):
|
Post: #11
Title: Re: يا إشراقة مصطفى العرس بتين؟ بوح أونلاين
Author: خضر حسين خليل
Date: 04-12-2009, 11:36 AM
Parent: #6
اشراقة حرم دي ما حتمرق من لساني نهائي بس خلي اليوم داك الليجي
|
Post: #19
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:12 PM
Parent: #11
| Quote: اشراقة حرم دي ما حتمرق من لساني نهائي بس خلي اليوم داك الليجي |
طيلة شجون الزواج ماسمعت الكلمة دى ياخدر اطلاقا - كلمة حرم....او علىّ الطلاق
لكنى عشت - تجربة طلاق- تجربة مرة, خاصة لمن تشوف عمرك بينهار قدامك..
تحس انو الدنيا وقفت تماما..
وكل شىء آيل للعدم... وعلى بال ما تقوم تلقى قطرك عدى محطات من {غيم وجبال وعشب}
تمشى وماتتلفت وراك وان تبعتك تلك الروائح, بكل حزنها, فجيعتها, والكتاب المفتوح اللى بتقرأ فيهو اسطورة من صنع خيالك وبس...
وبما انو البوح بوح قلت ابوح ليك....
واقول ليك ماتحرم وماتطلق..
ومد قلبك اجنحة للحبيبة...
----------
استعجل والاّ حا اعملها قبالك {ياخ بكرى حيرنا فى الوشوش}
|
Post: #22
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:21 PM
Parent: #5
| Quote: بيت مال وعيال تاني وتالت ومتلت يا اشراقة |
تانى ومتلت دى شنو يا خدر ياخى؟
نحن ناس فى الحتة دى كاثوليك { او هكذا كانت تتمنى عروس يومداك}
بعدين قصة بيت مال وعيال دى خلى الزمن يقيف فيها شوية,
المال الاّ تقع لينا توتو كورة
عيال؟!! بوين عاد؟؟!!!
----------
عرس واحد والله واحد...
تفتح عينك تلقاهو غيمة حنان, تحضن سماك
وتنهمر معاهو الروح بكل صدقها وتناقضاتها
زول واحد لىّ براااااااااااااااااااااااااااى والاّ يفتح الله
|
Post: #12
Title: Re: يا إشراقة مصطفى العرس بتين؟ بوح أونلاين
Author: عاطف عمر
Date: 04-12-2009, 11:36 AM
Parent: #1
Quote: تقعد دى شنو ياعاطف,
لازم تقيف تحجز ابوساندرا مايفرتق الحلفة... |
قلبك أبيض يا شوق
يا حليل زمن أبو ساندرا بفرتق الحفلات| Quote: بالله ياخدر عزل لينا الاغانى الحلوة واياك من نوع {حان الزفاف} |
| Quote: مش لمن ترسلى التوب التركوزاى الساده؟!! |
تقوم طوااالي يا خدر بظبط لينا
السادة السادة يا أم حباً
هلكني زيادة وييين يا أهل الله
|
Post: #13
Title: Re: يا إشراقة مصطفى العرس بتين؟ بوح أونلاين
Author: BitAlhana
Date: 04-12-2009, 11:48 AM
Parent: #12
لنا شكرا جبتي اشراقه
اشراقه دي كتابتن جنس كتابه .... تسلم يمينها
اشراقه مشتاقين والله
خلونا نرجع الزمن الجميل
ايام الصفاء
ايام ناس الفاضل و ود شداد و انا (ما انا) ام الاولاد تغريد و ناس كتار حلوين فاقدنهم بي شده
تبقى دي دعوه يا لنا للموده و الوئام
|
Post: #14
Title: Re: يا إشراقة مصطفى العرس بتين؟ بوح أونلاين
Author: أيزابيلا
Date: 04-12-2009, 12:59 PM
Parent: #13
لنا مهدى سلامات ياخ
وسلامات لى شوش ونجاة بى جاى
اها انا حاجزة بوست التهنئة الجايي ...كيف معاكن؟؟
موش كدة!!
:)
|
Post: #15
Title: Re: يا إشراقة مصطفى العرس بتين؟ بوح أونلاين
Author: Rawia
Date: 04-12-2009, 01:15 PM
Parent: #14
الف الف الف مبروك
_________________
وأنا سمعت لي خبر تاني حلو برضو
ومبروك لستو الخطوبة
|
Post: #16
Title: Re: يا إشراقة مصطفى العرس بتين؟ بوح أونلاين
Author: Yassir Bainwi
Date: 04-12-2009, 01:23 PM
Parent: #15
وانا ما فاهم حاجة
لكن اها هادي تكيله الشمار مابناباهو
خالص الود
|
Post: #29
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 03:11 PM
Parent: #16
ولا انا ياياسر
------
فى عرس بيفهموا كمان؟ تحسوا بس وتسكت وتحمد ربك {هههههههه}
|
Post: #72
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-16-2009, 06:04 PM
Parent: #16
Quote: وانا ما فاهم حاجة
لكن اها هادي تكيله الشمار مابناباهو
خالص الود |
كان ما جيت هنا يا ياسر ما بنديك الحاصل بالضبط(:(:..أنا قلتا تكون حارس البوست ألاقيك جيت و مرقتا الليمون ما شربتو؟؟
|
Post: #28
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:54 PM
Parent: #15
منو اللى يبارك لمنو يا السمحة؟
يارواية ياختى تحت تحت انتى المقصودة
اها يارواية, شوفى ود اختك ماشاءالله, بيكبر وبيملأ عينايا سماحة...
اجمل راجل فى الدنيا- حبيبى وغرة فرحى......
--------
اها جهزى الاكسسوارات
--------
Quote: وأنا سمعت لي خبر تاني حلو برضو
ومبروك لستو الخطوبة |
النبى كلمينى, خلينى افرح معاك؟
دى خطوبة غير اللى سمعتها يا راوية؟ مبروووووووووووووك
|
Post: #71
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-16-2009, 05:32 PM
Parent: #15
Quote: الف الف الف مبروك
_________________
وأنا سمعت لي خبر تاني حلو برضو
ومبروك لستو الخطوبة |
روو الحبيبة
مبروك للإتنين(وين الوشوش الضااااااااااااااحكة) أسمعي بنحتاج ليكي خليكي قريبة
|
Post: #26
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:35 PM
Parent: #14
| Quote: اها انا حاجزة بوست التهنئة الجايي ...كيف معاكن؟؟ |
وووب علىّ ياشذى, تهنئية شنو تانى؟!! ياختى فال الله ولا فالك..
هى مرة واحدة وخلاص- غميتى - ومافيها بغم...
Quote:
Quote: بعدين العريس هين
موش كدة!! |
لا, مامش كدى ولا حاجة..
اصعب امتحان فى الدنيا الاختيار
تلقى ود لذينا تمشى معاهو مشوار الشوك المابينتهى ده {اها حسع خلاص طفش ههههههْ}..
-------
مرة واحدة ياشذى ومافيها اعد { افضل مايحل شعر الليل للغناء}
|
Post: #63
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 04:52 PM
Parent: #14
Quote: لنا مهدى سلامات ياخ
وسلامات لى شوش ونجاة بى جاى
اها انا حاجزة بوست التهنئة الجايي ...كيف معاكن؟؟
| Quote: Quote: بعدين العريس هين |
موش كدة!!
:) |
الحبيبة ايزابيللا
طوالي يا حبيبة
أها من أسة أبري قلمك(:(:(:
|
Post: #24
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:30 PM
Parent: #13
| Quote: تبقى دي دعوه يا لنا للموده و الوئام |
فهمتيها يابت الهنا.. وحسيتيها..
المودة والوئام .....
--------
بالله شاورينى فى الهدية اللى حاتجيبيها {جنس قوة عين هى}
|
Post: #61
Title: Re: يا إشراقة مصطفى العرس بتين؟ بوح أونلاين
Author: lana mahdi
Date: 04-13-2009, 04:41 PM
Parent: #13
Quote: لنا شكرا جبتي اشراقه
اشراقه دي كتابتن جنس كتابه .... تسلم يمينها
اشراقه مشتاقين والله
خلونا نرجع الزمن الجميل
ايام الصفاء
ايام ناس الفاضل و ود شداد و انا (ما انا) ام الاولاد تغريد و ناس كتار حلوين فاقدنهم بي شده
تبقى دي دعوه يا لنا للموده و الوئام |
بت الهنا إسمك زاتو فال و راحة بال و مقدرة
محبتي و بالله طلي كتير
|
Post: #21
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:17 PM
Parent: #12
Quote: تقوم طوااالي يا خدر بظبط لينا
السادة السادة يا أم حباً
هلكني زيادة وييين يا أهل الله |
آى عليك الله ياعاطف كلمو,
وحرص عليهو يبعد لينا من الغنا ابو شاكلة دموع وخجان ومخاتيت داك
يازول انا دمعتى قاعدة فى حدقة البنقز بتاع الفنان
يقوم يغنى الغنا المايل على كتف الحزن تقوم الحفلة تبوظ.....
----------
لنا حصلى العروس فاتحة نفسها وعاوزة حفلها
|
Post: #17
Title: Re: يا إشراقة مصطفى العرس بتين؟ بوح أونلاين
Author: عزاز شامي
Date: 04-12-2009, 01:24 PM
Parent: #1
مبروك التوب يا شروق
وكدي عيدي النظر فيما تلاه،
نبارك ليك التوب التركواز قريب :)
|
Post: #18
Title: Re: يا إشراقة مصطفى العرس بتين؟ بوح أونلاين
Author: Raja
Date: 04-12-2009, 02:03 PM
Parent: #17
كدي في الأول نبارك..
بعدين نعرف العروس منو ومتين..؟
أرشح القاهرة يا شابات.. أنا بهناك اليومين الجايين
مـــبـــروك
|
Post: #20
Title: Re: يا إشراقة مصطفى العرس بتين؟ بوح أونلاين
Author: انعام عبد الحفيظ
Date: 04-12-2009, 02:16 PM
Parent: #18
يا قول رجاء كدي النبارك أول
ألف ألف مبروك يا إشراقة
وليك مني برضو توب يلا حددي اللون (وش باسم)
|
Post: #23
Title: Re: يا إشراقة مصطفى العرس بتين؟ بوح أونلاين
Author: منوت
Date: 04-12-2009, 02:23 PM
Parent: #20
بنت كوستينا
الحبيبة .
مبروك مقدماً ،
بس شوفو لينا مقعد في القطر دا !
و يا له من بوحٍ عظيم !!
|
Post: #36
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 07:39 PM
Parent: #23
Quote: بنت كوستينا
الحبيبة .
مبروك مقدماً ،
بس شوفو لينا مقعد في القطر دا !
|
يامنوتنا الاخدرانى,
تتبارك ايامك بعرس ولا من غيرو
القطر اتملا,
انا ذاتى مالاقية لى مكان فيهو,,
اصلو الزول بيلقى مقعد واحد فى العمر ولو قام لاى جن من الجنون اتحرك منو, خلاص تانى بيكون واقف عمرو كلو
اها حصل القطر الجاى ممكن تلقى ليك فيهو كرسى ولو مباصرة
------
ماتنسى الحفلة برجاء دنقور
|
Post: #25
Title: Re: يا إشراقة مصطفى العرس بتين؟ بوح أونلاين
Author: شمس الدين ساتى
Date: 04-12-2009, 02:33 PM
Parent: #20
السمحه بت مصطفي والله من شده اعجابي وحبي ليك شحدت لي باص من باصت وير الاخوان
عشان اتاوق ليك
ولو الخبر ياهو توب مني علي اجنحه غيوم ربيع الدوحة منقوش بحرير وفستان ترفيره موديل رقصتك السمحة وديك وصوت يشبه امسية كوستاوية زاخرة بالفرح مافي كوافير غوايش المشاط ملح والحنه رجاء دنقور.
اشراقة انتي امرأة عصارة جمال السيدات
لك مني محبي راسخة رسوخة حنة عروس سودانية موديل الزمن السمح
انا معجبتك طوالي بت النيل
شكر الخال ساتي لمنحي متاوقة مجانية عبر يورباص وير
|
Post: #38
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-13-2009, 09:09 AM
Parent: #25
يابت يانيل....
| Quote: ولو الخبر ياهو توب مني علي اجنحه غيوم ربيع الدوحة منقوش بحرير وفستان ترفيره موديل رقصتك السمحة وديك وصوت يشبه امسية كوستاوية زاخرة بالفرح مافي كوافير غوايش المشاط ملح والحنه رجاء دنقور. |
من زمن الدهباية ديك يا بنت النيل مافكيت شعرى من مشاطو..
كلما امشطو تعطرنى رائحة خالتى آمنة, آمنة الجميلة زى هبهبان روح امى
كان فى يوم عرس فى حى العراقاب, اختك لطشت ليك ودعتين من حبوبتها وعملتهم فيونكة بيت الشعرتين بتاعة الدهباية ديك
كانت الحنة برجاء دنقور, تزاملنا على فكرة سوى فى المدرسة, خلت لينا شقا الحروف ومسكت فرح الغنا..
كنت لابسه فستان كرمبلين - فوق للركبة- وكان عادى, سعاد حسنى واجرك على الله
يومها رقصت رقيص الجن والجنبو... اها ده اليوم اللى ذكرتينى بيهو
بيتكونى ياربى متزكرة دهن الكركار اللى بيكون سال بجنبة الوش وبكم الفستان بكون قشيتو
الحفلات ديك وفى الزمن داك وقبل ماتسختنى القراية وهمومها وتعسمنى
برجع ليهو كتير, كلما يزيد العسم كلما فتشت عن دفاتر فرحى القديمة
اما الحنة, ياختى ما فى عيد ما لخيت الحنة قبل امى وقعدت ليها تحننى عشان بكرة العيد؟
بحب الحنا ورائحتها {بحبها اكتر لمن تشهق صفقاتها بلحن الوصول}
المرأة السودانية ابتكرت حاجات كتيرة وحميمة تحسسها بانوثتها,
ياحليل الزمن داك يابت النيل..
وبعدين ياختى القلوب شواهد, انا ذاتى بريدك لله والرسول
وقلبى ده رغم الردوم الفيهو بيسع العالم بسلامه وحروبة ومآسى ارضه..
فادخلى فى مكان آمن - شوفى الغار ووين واتوهطى-
غايتو كلامك ده ياهو العرس ذاتو..
العرس هو شنو؟ مشوار اتين بيسندوا بعض فى الحلوة والمرة..
خطوتين وقعهما متناغم فى شترة الفرح وصدح الحزن
العرس ده مسئولية, مسئولية تجاه روحك وقلبك والرفيق ده
ودرب طووووووووووووويل, بيبدأ بعد شهر العسل طوالى,,,
بروتينه, وملله, وفرحه, القرفة اللى بتجى نص الليل ديك...
عاد عرسة السرور, تياب السودان جهزت, شىء فرد وشىء حرير وفضل بس
التركوازى, لنا دى قالت رسلتو من مارس وماوصل لمن بانت كذبة ابريل
اهمّ شىء فضل العريس فى عضمة روحو
--------
عريسى اوصافه جبريل!!
|
Post: #35
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 07:32 PM
Parent: #20
| Quote: وليك مني برضو توب يلا حددي اللون (وش باسم) |
يعنى يا انعام وبدون وشوش باسمة
انا قريب دى حا اكون نجمة تلفزيونية وكدى
عليه بحتاج لفرد كتيرة
ياختى انتى عليك فردة لون زينب ويكون زيقها اصفر فاتح { امووووووووووووووت فى الصفار باستثناء صفار البيض}
بعدين العرسة دى واقفة على فردتك دى {هههههه} حتى أسالى العروس
----------
خليك جنب العروس وكان قامت تتشوبر تغنى امسكيها فى مكانها اصلها لا تقاوم الرقيص والغناء
{مجنونة} يسوا ليها شنو عاد؟
|
Post: #30
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 03:16 PM
Parent: #18
| Quote: بعدين نعرف العروس منو ومتين..؟ |
وووب على يارجاء, ياختى مافى عروس غيرك...
قولى والآمان آمان الله
وتعالى نخوض خواضتنا سوى ونتلاقى فى الرملة الدقاقة على شرط فى الاسكندرية { محل شهر البصل}...
-------
شكرا ياختى قالوا اتبرعتى لينا بحق الهوتيل , نجاملك فى السمح يارجوية
|
Post: #67
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-14-2009, 05:20 PM
Parent: #18
ومازال الليل طفل يحبو...
|
Post: #27
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 02:47 PM
Parent: #17
| Quote: نبارك ليك التوب التركواز قريب |
لنا كبت الزوغة يا عزاز..
توبها التركوزاى ده ماشى على ظهر سلحفاة من ديسمبر..
قالت لى برسلو ليك
وتيسير مفروض تجيب الفوشى
اها ربك ربك الخير قامت عزوز صاحبتى اشترت لىّ التوب الماخمج ده... على اساس انو توب جرتق قالو
فصاحة ساى منى, قلت ليكم جيبن التياب والعرس هين..
لقيتو مستحيييييييييييييييييييل عديل كدى...
-----------
{اتلبب ذاكرة ايامى القديمة و اعيش بيها باقى العمر}
-
|
Post: #31
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-12-2009, 03:20 PM
Parent: #27
يالنا ياختى العروس فترت من الرقيص { ليت الشباب يعود يوما}
تعالى قومى البنات ديل, خليهن يربنها...
---------
خدر بالله اغنية حااااارة وسيبك من غنا السيرة والضربرة واللذى منو؟
ياخ تعال غنى وحاتك العشاء ختوه بالجنبة كما العروس تجوع وتقوم تقضى على الاخدر واليابس {عروس شرفانة}
|
Post: #32
Title: Re: يا إشراقة مصطفى العرس بتين؟ بوح أونلاين
Author: طارق جبريل
Date: 04-12-2009, 03:45 PM
Parent: #31
النقدة النقدة
انا غايتو جاييكم زول بشير ونقزي ساااااااااكت
|
Post: #33
Title: Re: يا إشراقة مصطفى العرس بتين؟ بوح أونلاين
Author: د.نجاة محمود
Date: 04-12-2009, 04:03 PM
Parent: #32
شوشو نعمل كتاب الهلال في نوعية اولاد الحلال
نكلم عرايسنا ديل
برسبي لاختيار العريس المن النوع ابو كديس
شذوبة اعرفي ياابنتي اي راجل سوداني اهم حاجة يلقى ليه قمرية عشان يجنحها
لما القمرية تطلع صقر لحمها مر وريشا قوي بيفك البيرق...
فلا يخدعك المنظراتي وبتاع حقوق المرأة اثبتت الايام انهم افشل الازواج
بالله يا شوشو ارجع بالمن شوفي الزمن داك زمن الامل والاحلام
وقشة قشة ابني عشك يا قماري.شوفي وين الاعشاش البنتها القماري...قبل فترة في احد المطارات
لاقيت صديقة من الزمن السمح بيكناوضحكناو حكينا
وتذكرنا .... وقالت لي هي طارت وقبضت الريح...
واسع تمثل دور امها لا بتقرأ لا بتكتب ...
الكتبن وقرن فكوهن عكس الهوا
لازم المرأة تعمل ليها حذاء صيني في راسها
عشان الرجال ما يزعلو..
ليه الراجل بيخشى من المرأة المتفردة رغم انه يقع في حبها ويسد عليهاالدروب
الى ان تتزوجه؟ثم تمسخ بعداك.!!!
|
Post: #34
Title: آليات العروس الممتازة
Author: lana mahdi
Date: 04-12-2009, 05:24 PM
Parent: #33
(1)
كوني رقيقة
(2)
قدمي العديد من التنازلات
(3)
تحلي بروح التعاون و الوداعة
نواصل(:(:(:
|
Post: #37
Title: Re: آليات العروس الممتازة
Author: محمد حيدر المشرف
Date: 04-12-2009, 07:43 PM
Parent: #34
انا اكتر حاجه مزعلانى منع الاولاد الصغار من حضور رقيص العروس
|
Post: #39
Title: Re: آليات العروس الممتازة
Author: أميرة فاروق عبد العال
Date: 04-13-2009, 09:39 AM
Parent: #37
كل واحدة تخش تغني غنوتها..
وترقص رقصتها..
وتفرح فرحتها..
وترمي شبالها في العاجبها..
هي الدنيا فيها شنو..
-----------
بوست مهيّج للشجون..
----------------------
د. إشراقة الغالية- تسلمي..
|
Post: #40
Title: Re: آليات العروس الممتازة
Author: أميرة فاروق عبد العال
Date: 04-13-2009, 09:41 AM
Parent: #39
وست (الدار)، لنا مهدي
سلام مربّع،
------------------
وزغـــــــــــرودة..
|
Post: #41
Title: Re: آليات العروس الممتازة
Author: الجندرية
Date: 04-13-2009, 10:30 AM
Parent: #40
يا حبيبات قساي
داخلة بعد غيبة والشوف طشاش
ومعسمة من الرحول والتاني والتالت
اها نبارك احترازياً على قول ناس القانون
ونرجع بعد اليد ما تفضى حبة نشوف الحاصل
محبة لكن جميعاً
|
Post: #42
Title: Re: آليات العروس الممتازة
Author: أبو ساندرا
Date: 04-13-2009, 11:21 AM
Parent: #41
اللمة الجابت الحلوين ديل كلهم
وعلى رأسهم ست البوست وتابعتها
ومنوت واميرة فاروق وعاطف عمر و ودجبريل
و الاصيلة ندى الشروق المخاصمانا أماني عبدالجليل
لازم تكون لمة فرح
وعرس
Quote: قلبك أبيض يا شوق
يا حليل زمن أبو ساندرا بفرتق الحفلات |
صحي كلامك يا الحبيب
هسع ابو ساندرا بيفرتق ضفائر البنات بس
و أوعك تسألني : ياتو بنات ؟
علمآ بأن بنات رشيدة ديل شعرهن قرقد مفلفل
وماممكن ينجدل ضفيرة لو لمو شعور الخمس في رأس بت واحدة
عملآ ب في قلب رجل واحد ديك
نفرتق ؟
|
Post: #45
Title: Re: آليات العروس الممتازة
Author: أبو ساندرا
Date: 04-13-2009, 11:44 AM
Parent: #42
كتبت أميرة فاروق
| Quote: وترمي شبالها في العاجبها.. |
يعني الليلةراسي وجبهتي ح تورم من الشبالات
ودلدوم الراس
حكم الجكس الفوق ده كلو مكسر فيني
هيييييع
العاجب البنوت
|
Post: #49
Title: Re: آليات العروس الممتازة
Author: Yassir Bainwi
Date: 04-13-2009, 01:13 PM
Parent: #45
اها شفت البنية ام توبامشدر القاعد وراء ام العروس طوالي
ايي ديك البتصلح في التوب
ايي يها ذاتا ( احييييييييييي انا دما المدشدشة اخوك ياخ )
اها شايفا قامت داير ترقص اها النقوم ناخد لينا شبال ينفعنا واي انا
|
Post: #50
Title: Re: آليات العروس الممتازة
Author: Ishraga Mustafa
Date: 04-13-2009, 01:26 PM
Parent: #49
Quote: شروق السي ديهات جابوها ليكي و حان الزفاف دي غنية لذيذة آي نعم لاكين المستشارة الإطرابية بتاعة الموضوع قالت الأفضل و الأجمل غنية
عقبال بيك نفرح يا زينة
ونشرب شرباتك يا زينة
ونوقد شمعاتك يا زينة
يا الله حقيقي إتأسرتا(:(: |
سى ديهات بتاعة {حنانك} يالنا ياختى..
حسع امانة فى ظمتك دى فى علاقة مابين العروس والسى ايه ماعارفة...
شوفى يالنا ماتجيبوا لينا فنان يقعد ينوح لينا ب حان الزفاف ولا الليلة ديك..
ياختى شربات زينة دى مالها, ما احلى اغنية
تقوم العروس كدى تنفدع وترقص..
جنى وجن العروس المعسمة..
العرس الجد جد مرة واحدة وبس.. والحمد لله قمت فيهو بالواجب ونص..
---------
الدلوكة دى من علومية امس انقدت... بالله ساعدونا يا الجيل القديم واشرحوا للجيل الجديد ده مصطلحات زى العلومية وقطع الرحط
وسد الخشم وفتح الماسورة وياخ جنس مصطلحات هى,,, الجندرية حبوبة وبتعرف كل الحاجات دى
|
Post: #66
Title: Re: آليات العروس الممتازة
Author: Ishraga Mustafa
Date: 04-13-2009, 09:05 PM
Parent: #42
النبى فوقك لاّ يا ابوساندرا
يا خ الحفلة شغالة زى الترتيب
خلينا نتم الرقصة دى وبعد داك اعملوا الدايرنو فى الكراسى
---------
من يحبنى يحب شعرى قرقديا..
|
Post: #64
Title: Re: آليات العروس الممتازة
Author: Ishraga Mustafa
Date: 04-13-2009, 07:08 PM
Parent: #41
حبيبة القسا امانى جات
وجابت معاها الشربات...
يباركوا ليك السمح ياختى..
ابقى داخلة العروس {يجهزوا} فيها...
------
اعداد مع وقف التنفيذ
|
Post: #62
Title: Re: آليات العروس الممتازة
Author: Ishraga Mustafa
Date: 04-13-2009, 04:46 PM
Parent: #39
Quote: كل واحدة تخش تغني غنوتها..
وترقص رقصتها..
وتفرح فرحتها..
وترمي شبالها في العاجبها..
هي الدنيا فيها شنو..
|
عاد يا اميرة مما قريت كلامك ده
وترترة الروح شغاله وراء وقدام
فى دلالو ما اعظم دلالو..
وقبلت على جانى طيفو طائف
ياجميل ياكحيل
والعجب اغنية {شىء عجيب فى غرامك}
بالله الدلوكة ماوقفت دقيقة...
النبى كان توقفى رقيص... ابوساندرا كفاية شبال واحد, هو شغلة ياخ!!
|
Post: #57
Title: رقيص العروس
Author: Ishraga Mustafa
Date: 04-13-2009, 02:18 PM
Parent: #37
| Quote: انا اكتر حاجه مزعلانى منع الاولاد الصغار من حضور رقيص العروس |
آى والله, مش رقيص العروس بس,
محرومين من كل شىء, الاكل يدوهم الكراويش
ويقطعوا قلبهم بالمراسيل
غايتو زماااان مافوت لىّ رقصة عروس
اكتر حاجة بتعجبنى فى العرس
وماخليت لىّ بيت ظار ما شفتو - دقة تفوت ولا حد يموت, كان شعار تلك المرحلة.
-------
كان برنامج للبنات, يتلمن ويحكن
عن اساطير العرس
ماعارفين انو الاساطير دى ممكن يكون فى ساطور, ساطور اسمو الحقيقة والواقع
ساطور ممكن يشق الواقع الى نهرين, كان النفوس تطايبت...
وكمان كان ماتطايبت مابتقلب عريس الهنا حيلة, ولا بفتش للسبب
يعنى ممكن يكون السبب انو نخرتها ساقطة, بس!!
--------
كدى عليك الله يامحمد, زح لينا خلينا نشوف قطع الرحط ده,
|
Post: #53
Title: Re: آليات العروس الممتازة
Author: Ishraga Mustafa
Date: 04-13-2009, 01:54 PM
Parent: #34
كونى رقيقة واعملى ملاح ام رقيقة...
-------
عاينى يالنا, من الله خلق الدنيا الوصابا العشرة عملوها للنسوان
نقوم نقلب الآية, تقوم الحبوبة توصى العريس..
وصايا من شاكلة: خلى بالك ليها ياعشايا..
مايعتر ليها حجر,
وكان قنتت تنط وتجيها صووووووووووووف
وكان البصل دمع عيونها, ماتدخل بينها وبين قشرتها
ابقى ليها راجل ياعشايا,
راجل جنو صعود ونقة فى السياسة
ويكون هلالابى- تضامنا مع ود البشرى-
وصايا قال...
--------
كونى رقيقة, زى ماهو بيسبل ليك عيونو ايام الخطوبة..
كونى رقيقة يالعروس لمن تكونى فى الايام الاولى, الكحة تصحيهو وتحميهو النوم من خوفو عليك..
احزر ثم احزرى تجيبى ليك بيبى جنو يصحى بالليل ويحميهو النوم
جيبى اخوة ولا اختو بسرعة
والتالت كمان
والرابعة بنية
اها بعد ده مابفوتك - دى مش الوصايا المهببة يالنا؟
وحاة سيدى الحسن لو جابت عشرة كان داير يفوت بيفوت...
فكونى رقيقة سيدتى العروسة...
|
Post: #58
Title: Re: آليات العروس الممتازة
Author: Ishraga Mustafa
Date: 04-13-2009, 02:37 PM
Parent: #34
| Quote: تحلي بروح التعاون و الوداعة |
واياك اياكى ان تصرى وشك, هو اصلو مكرضم ودشن بطول التعب....
قطعى الالم فى حشاك..
و...
...
.
شنو يالنا, انتى معانا ولا مع {الخيانة}
ياختى امسكى ابن شنبات ديل ووصيهم على عروساتهم خير الوصايا..
وصايا شنو ذاتو. ماهو براهم يعرفوا يدندنوا على روحها,
--------
شوفى يالنا, المتحيل تبكيهو الريشة,
وديعة يقول عليها طرة
تحجاج يقول عليها نقناقة
المحلبية بتعمل ليها حساسية يقول عليها خرقاء
تحب الحنة يقول ليها ياخ انتى فارغة بشكل, ياخى حننى عقلك
تحنن عقلها يقول ليها ياخ عاملة زى الراجل كدى, حسع يفرزوكى منى كيف..
تموت, يكون بيفكر فى باقى العمر, يقضيهو مع منو وكيف؟ { آمنت بالله}
--------
{ لكن تحت تحت بنحب النقة, بس النقة دى مابتنزل من السماء, فى اسباب ليها ولا شنو عليك النبى}
|
Post: #52
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-13-2009, 01:44 PM
Parent: #33
| Quote: وقشة قشة ابني عشك يا قماري.شوفي وين الاعشاش البنتها القماري. |
انا من نوع ناس قشة قشة ديل يانجاة..
لمن تتبنى العشة تقوم السماء تصب غضب مطرها كلو فيها وتتشلع, احىّ انا ياخ, مالك علىّ
-----
لو رجع الزمن برضو بغنيها و نبنيها فى الريف البعيد
اوضة طين وقدامها راكوبة, يمشى يزرع والمرة تقعد تنطف الخدرة
تناولو حقة الصعود والابريق وتملأ الدنيا بنين وبنوت
لا تقول ليهو اقنعنى ولا ادينى معاك فرصة, تنطم سااااى
المهم تكون مرتاحة بال!!
------
بحب الرواكيب ومكجنة البرندات, ده شعار المرحلة
|
Post: #51
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-13-2009, 01:32 PM
Parent: #32
| Quote: انا غايتو جاييكم زول بشير ونقزي ساااااااااكت |
شوف ياطارق,
بطل تمنيات..
تنفز فيك حمائم البنات الحلوات انشاء الله
الصيوان ده مكعوج قوم صلحوا,,
والله ماتقوم عليهو الاّ تقوم العروس وصدقنى بتعملها - امانة ما مجنونة
--------
الجنون فنون
|
Post: #54
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-13-2009, 01:56 PM
Parent: #51
| Quote: قدمي العديد من التنازلات |
زى شنو يالنا؟
حددى لو سمحتى يالسمحة؟!!
|
Post: #55
Title: Re: يا إشراقة مصطفى العرس بتين؟ بوح أونلاين
Author: الجيلى أحمد
Date: 04-13-2009, 02:02 PM
Parent: #54
معقولة لكن
دا سماحة بتتفوت!!!
سماحة ناس وسماحة قول
إشراقة دى ضو القمرة البلمنا على
أحلامنا والحاجات السمحة الماشيفنها فى حياتنا
|
Post: #65
Title: Re: يا إشراقة مصطفى العرس بتين؟ بوح أونلاين
Author: انعام عبد الحفيظ
Date: 04-13-2009, 08:09 PM
Parent: #54
Quote: خليك جنب العروس وكان قامت تتشوبر تغنى امسكيها فى مكانها اصلها لا تقاوم الرقيص والغناء
{مجنونة} يسوا ليها شنو عاد؟ |
أمسكها!!! هو في يوم زي دا مفروض تغني وترقص وتعمل أي حاجة
الفرحة لا تلتقي والتصنَع في مثل هذا اليوم (التعِسم على قولك)
|
Post: #56
Title: Re: يا إشراقة مصطفى العرس بتين؟ بوح أونلاين
Author: Habib_bldo
Date: 04-13-2009, 02:09 PM
Parent: #51
الحبيبة لنا المهدي
شكرا على الإستراحة الجميلة دي
وفعلا إستراحة لمت كل الناس الحلوين
بس حكاية (العرس بين) ما وقعت لي تمام
المهم في عرس وخلاص ما مهم نعرف حق منو
حاجزين كرسي في ضل الضحى من هسع
يا أبوسنادرا ما ح أقوم ليك أبداً حتى لو كنت أنت متعهد الحفلة.
|
Post: #59
Title: Re: يا إشراقة مصطفى العرس بتين؟ بوح أونلاين
Author: filan
Date: 04-13-2009, 03:34 PM
Parent: #56
فوووق , لمزيد من التياب .... قصدي لمزيد من البوح
|
Post: #60
Title: Re: يا إشراقة مصطفى العرس بتين؟ بوح أونلاين
Author: محمد حيدر المشرف
Date: 04-13-2009, 03:38 PM
Parent: #56
| Quote: كدى عليك الله يامحمد, زح لينا خلينا نشوف قطع الرحط ده |
عاوزه ترسلينى مش كده .. كويس
..
والله ما كنت بحضر ( التعليمه ) فى حوشنا الا عشان مى ..
ابدا ما انتبه الكبار ( من بنات العالى فما فوق )
لحالى الذى هو كحال على ود سكينه مع سعاد ..
وما انتبهوا ابدا الى انها
( تحت تحت .. بتحبنى )
..
قطعوا الرحط ؟
|
Post: #68
Title: Re: يا إشراقة مصطفى العرس بتين؟ بوح أونلاين
Author: نادية عثمان
Date: 04-14-2009, 11:03 PM
Parent: #60
غايتو إحتياطيا كده
الف الف مبروووووووووووووك ( وش فرحان للعروس )
|
Post: #69
Title: Re: يا إشراقة مصطفى العرس بتين؟ بوح أونلاين
Author: خالد العبيد
Date: 04-15-2009, 06:16 AM
Parent: #68
شروق
العسل عندنا
بلدنا حلوه ولحم الكنغر لذيذ
تعالوا والباقي علينا
|
Post: #70
Title: Re: يا إشراقة مصطفى العرس بتين؟ بوح أونلاين
Author: تبارك شيخ الدين جبريل
Date: 04-15-2009, 06:37 AM
Parent: #69
التوب القبل العرس دا ......
.. مافى زول عزمنا ليهو (:
.. اللهم اجعلو خير ...
|
Post: #73
Title: Re: يا إشراقة مصطفى العرس بتين؟ بوح أونلاين
Author: doma
Date: 04-17-2009, 05:16 AM
Parent: #70
عاد يا اشراقه لو بقيتي قاصده السعوط ابدا ما بسالك جني وجن الراجل البسعط
|
Post: #74
Title: Re: يا إشراقة مصطفى العرس بتين؟ بوح أونلاين
Author: Ishraga Mustafa
Date: 04-17-2009, 07:13 AM
Parent: #73
| Quote: عاد يا اشراقه لو بقيتي قاصده السعوط ابدا ما بسالك جني وجن الراجل البسعط |
عجبتنى البسعط دى والله يادومة من صباحات الرحمن...
السعوط ياهو زاتو اللى قلبت سينو صاد
مش الواحد لمن يكون سافى, نوع السفة اللى بترحمن القلب ديك ههههههههههه
ويكون داير يناقش فى السياسة والعجب لو فى الكورة
ويقوم كدى رزاز السعوط يتطاير,,,,,
خلينى اجيك بروقة لحكايات السعوط دى
جدى- اللى كان ببيع السعوط فى سوق كوستى الصغير بعد العسكرية, كنت بمطرو ليهو
بينى وبينك ريحتو بتكيييييييييييييييف, {سعوط جدى تحديدا} عشان كدى ساعدنى احتمل سفة من احببت {الباقى بتمو ليك بالايميل - شمارات وكدى}
-----------
بجيكيم بروقة ياناس الونسة فى الويكند
|
Post: #75
Title: Re: يا إشراقة مصطفى العرس بتين؟ بوح أونلاين
Author: طه كروم
Date: 04-17-2009, 07:45 AM
Parent: #74
ونســـة وطق حنك .. هـــزار
المهــــم عشـــم خير وفأل حسن
لا يشبـــه الا ذات الضـــــفائر ..
نبـــارك بمهلة ..
|
Post: #76
Title: Re: يا إشراقة مصطفى العرس بتين؟ بوح أونلاين
Author: doma
Date: 04-17-2009, 11:39 AM
Parent: #74
Quote: مش الواحد لمن يكون سافى, نوع السفة اللى بترحمن القلب ديك ههههههههههه
ويكون داير يناقش فى السياسة والعجب لو فى الكورة
ويقوم كدى رزاز السعوط يتطاير,,,,,
|
ووووووووب والله قربت اقول عوووووووالا اخشي انه المسعطين يتحسسوا لوووووووول
انا غايتوا واحده من الناس اي زول بسف تلاليشو ما بتقرب فاهي ولا المسجراتي كمان .
غايتوا الزول الاخترع السعوط دا الله لا طرح فيه بركه .
عارفه يا شروق انا كل المسكنات وا لشغلات التي يتعاطونها الرجال دي ابدا ما بتلفق معاي وبتعكر دمي بالحيل
|
Post: #77
Title: Re: يا إشراقة مصطفى العرس بتين؟ بوح أونلاين
Author: Sana Khalid
Date: 04-17-2009, 12:06 PM
Parent: #76
| Quote: والله ما كنت بحضر ( التعليمه ) فى حوشنا الا عشان مى .. |
غايتو ياحكصة لي زمن ما ضحكت زي دا
تعيش و تفتكر
|
|
يا الله من كل هذا الإشراق