نجمة زي الاتعودت علي اتحافك لي كل كم صباح كده باغاني النسوان العجيبات ديل صباحك سكر يا زولة وكتر خيرك طولت ما سمعت الغنية دي ورجعتني لي زمن جميل وتأثيره عظيم في حياتي حين بدت افكاري تنحرف عن مجراها وتاخد طابع البحث عن اشياء خارج المالوف كانت قصائد نزار تنبهني لأشياء ما كانت ابدا في الحسبان كنت التهم قصائده التهاما واعتنق سخريته من الحكام العرب وانتشي لتقديسه للحب واحتفاله بالمرأة والانوثة . احببت ماجدة الرومي وصوتها البيدخل جوووووة اضاني وبيهبش حتة كده متصلة مع مركز الانتشاءفيني (ما عارفاه تابع للقلب ولا المخ ) ويعمل العجب جواي ، عارفة ماجدة دي وهي بتغني لي نزار خلقت جواي احساس لازمني ولسة وملازمني انو هي فتاة نزار البيكتب عنها اقرا قصيدته واتخيل ماجدة الرومي وهي قارئة فنجانه ومتمردته والحافية والفديسة وكل نساءه ما عارفة سر التخيل ده شنو ... وهي بتغني كلمات بتدخلني في العالم الجديد الفيهو الرقص الاسلو الخارج عن المعتاد وحالة الاقتراب الممنوعة في قاموسنا وامسيات الشرفات البنشوفها في المسلسلات وحكاوي الروايات يعني حاجات كلها كانت خارج مدي رؤيتي وابعد من تخيلاتي المتواضعة والمكبوتة بعض الشي.....عموما..
يبقي السؤال المدور في راسي يا ربي قال ليها شنو وهو بيراقصها ؟؟؟
Quote: نجمة زي الاتعودت علي اتحافك لي كل كم صباح كده باغاني النسوان العجيبات ديل صباحك سكر يا زولة وكتر خيرك طولت ما سمعت الغنية
تسلمى استمتعى بجميل الطرب
توارد خواطر ياحبيبة الاعمال الكاملة لنزار قبانى وكاظم الساهر وكلمااات والمسلسل المكسيكى على زمنا كاسندرا ديل مطبوعين فى الزاكره
زكرتينى الجامعة منتصف التسعينيات كنا انا وصحباتى عند تجمعنا للدراسة فى بيت اى واحده لابد وان يكون المسجل جنبنا زيو زيو سيرمس الشاى ولمن ندس شريط ماجده فيهو وتدق نغمات كلمااات يصمت الجميع وتسرح البنيااات كل فى عالم زى ماقلتى حالة متصلة مع مركز الانتشاء فينا ومانفوق الا لمن تنتهى ونودع كلمات بالزفرات ونفسنا لو نرجع الاغنية تانية
مازالت لكلمات اثرها على صحوت ن نومى اليوم صباحا احن لماجده ولكلمات وجدتنى ادسها فى رسايل الصباح غصبا عنى وكانى امنى نفسى بكلمات ليست كالكلمات
لمن غالبتنى نزلتها هنا وسمعتها
يابت رايك شنو لو قلتة ليك شريط البنااات الحالمات من نصيبى لطشتو اخر لمة لينا واحنا بنودع الجامعة والدراسة ومعاى لليوم ولطشو منى شريط سلين ديوون دى قصة تانية بحكيها ليك مره تانى
Quote: يبقي السؤال المدور في راسي يا ربي قال ليها شنو وهو بيراقصها ؟؟؟
قاعدين يازواغه
