Post: #1
Title: اغنية للمريخ
Author: amar adam
Date: 04-11-2009, 10:18 AM
Parent: #0
نحنا نغنى للمريخ عشان وطنا عظيم ممتد
ونحن نغنى للروعة وكت الحاره ساعة الجد
وكت الناس تضيق بالحيل تشوف اولادنا تتمرد
تعيد البسمة للجمهور تحقق نصر توفى الوعد
××××××××××
جموع تتوالى كلامواج
وكلو ولاها للوهاج
حلاتها النجمة فى هاماتنا زى التاج
ندهت شيوخى فى كسلا وديوم ود حاج
××××××
نحنا نغنى للمريخ ومابنفتر
نحنا ولانا للنجمة زى انفسنا بل اكتر
كاسنا يجينا محمول جو ومرة يجينا محمول بر
ويا عاذلنا يامسكين نقولك ولى جدادك كر
×××××××××
نحنا نغنى لى افريقيا للمريخ
شوفو شبابو كيفن باقى ما بيشيخ
نحنا حلاوة زى منقة وحمار بطيخ
بنانا اسمنت والخرصانة واجود سيخ
|
Post: #2
Title: Re: اغنية للمريخ
Author: محمد البشرى الخضر
Date: 04-11-2009, 10:31 AM
Parent: #1
غنية شبه المريخ تمام
|
Post: #3
Title: Re: اغنية للمريخ
Author: amar adam
Date: 04-11-2009, 10:34 AM
Parent: #1
نحنا ولانا للمريخ حضارة ثقافة ذوق وفهم
نحنا نهوش فداء المريخ وخلو الكورة تتكلم
وكيف اولادنا فى التشجيع وكت لاعبنا يتقدم
ويلاَ نغنى للمريخ وخلو الدنيا تتعلم
×××××××××××××
شوفو ولادنا فى الميدان وكت تنشر
مخلوقات من المريخ وماها بشر
نحنا ولانا للمريخ وشوقنا بحر
يحبو النجمة فى كسلا ويحبو النجمة ناس بربر
×××××××××××××
وديل اولاد رياضة تمام
ذوق واخلاق كمال اجسام
مبانى ادارة لعب واعلام
نجيب النصر للسودان وبكرة نحقق الاحلام
××××××××××××××
|
Post: #4
Title: Re: اغنية للمريخ
Author: amar adam
Date: 04-11-2009, 09:08 PM
Parent: #1
بمناسبة تكريم الكابتن عمار خالد.
|
Post: #5
Title: Re: اغنية للمريخ
Author: ashraf mukhtar
Date: 04-11-2009, 09:15 PM
عمار قلت احسن ليك كدا ؟
بالمناسبة اخبار الصيدلة شنو؟
انا جاهز
الرد بالتلفون
ما بالسد
|
|