Post: #1
Title: .. حصلت على حقوقك كاملة .. !!
Author: دينا خالد
Date: 04-11-2009, 08:47 AM
فى الصفحة الاولى وفى مساحة نصف الصفحة لبعض صحف اليوم
طالعنا اعلان كبيييير ملون مكتوب بثقة كبيرة
من ديوان الضرائب
يقول الاعلان ::
عزيزى دافع الضريبة ..
حصلت على حقوقك كامله ...... فاحرص على واجباتك .
تبقى من الزمن 4 ايام
لتقديم الاقرار الضريبى
ثم مرفقة فقرات هى ( شروط صحة الاقرار) !!
وفى نهاية الاعلان مكتوب
خـــــــــلى الديــــوان ديــــــوانك !!!!
فيكم اىىى زول عارف شى عن الحقوق التى حصل عليها كامله
كدافع ضريبة ؟؟؟؟؟
كدى ذكرونا فان الذكرى تنفع المؤمنين ..
ـــــــــــــ
الله يجازى الزول الخلانا نقرا الكلام الجووه الاعلانات ..
زمان بنعاين ليها سااااى ذيها وذى الرسومات ..
|
Post: #2
Title: Re: .. حصلت على حقوقك كاملة .. !!
Author: ibrahim kojan
Date: 04-11-2009, 09:14 AM
Parent: #1
دينا صباحتك كلها خير
اولا من صبح الرحمن قلت اخش النت عشان اقرا حاجه .. وطبعا لامن فتحي النت لقيت اسمك بعمل فلاش قلت يا ربي الزوله دي اتزوجت وحصلت علي حقوقا كامله ولا الحاصل شنو؟؟
انتي عارفه يا دينا في بلاد الخواجات دي الواحد ممكن يحسب بالمللين وين مشت الضارئب وكمان ممكن يقاضي ناس البلديه
ممثلا السنه الفاتت ما لمو القمامه في الساعه السابعه كما اشاروا.. المهم رسلو طوالي رسائل توضح انو السائق بتاع القمامه مرض فجأه
واعتذروا قبل ما تقوم قيامتم
والغريب قالوا في زيل الخطاب انها حقوقكم ولازم تحافظوا عليها كامله وانتم دافعور الضرائب علي راسنا
_________
يمكن التوجه الحضاري في السودان ماشي كوييس
يالله قومو علي ضرائبكم يحفظكم الله...
|
Post: #3
Title: Re: .. حصلت على حقوقك كاملة .. !!
Author: ريهان الريح الشاذلي
Date: 04-11-2009, 09:25 AM
Parent: #2
| Quote: فيكم اىىى زول عارف شى عن الحقوق التى حصل عليها كامله |
انا زاتي حقوقي الناقصة ما عارفاها وين .. ومعاي ناس كتار برضو
|
Post: #4
Title: Re: .. حصلت على حقوقك كاملة .. !!
Author: محمد البشرى الخضر
Date: 04-11-2009, 09:53 AM
Parent: #3
| Quote: الله يجازى الزول الخلانا نقرا الكلام الجووه الاعلانات .. |
على الأصح
الله يجازي الزول الرسم وبهدل الزول الخلاك تقري الكلام الجوّة الإعلانات 
|
Post: #5
Title: Re: .. حصلت على حقوقك كاملة .. !!
Author: عبدالكريم الامين احمد
Date: 04-11-2009, 10:03 AM
Parent: #4
ناس الضرائب يضربهم الضريب ورقاد العناقريب
|
Post: #6
Title: Re: .. حصلت على حقوقك كاملة .. !!
Author: Raja
Date: 04-11-2009, 10:20 AM
Parent: #5
دينا صباحو أبيض..
إعلانك ده وين؟
أنا شخصيا مقابلني إعلان عن "الكرش" من شهر كده..
والله "الفلات إستمك" ما بناباها.. لكن الصور الجايبينها شينة شنا مرة..
..
عن الضرائب.. كل ثقافتي عن القانون المصري.. لوووووووول
|
Post: #7
Title: Re: .. حصلت على حقوقك كاملة .. !!
Author: Raja
Date: 04-11-2009, 10:24 AM
Parent: #5
مكركر
|
Post: #8
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 12:11 PM
Parent: #7
كوجان !!
يتكلمو ناس الضرايب فى انجلترا فى امريكا فى كل
دول البغى والعدوان فىىىى عدييلهم لكن لما ناس الضرايب
فى السودان يقولو ليك حصلت على كل حقوقك !! بشككوك فى روحك دى ..
وتلقى الشعار taxation chamber !! تفتكر روحك فى لندن فعلا
الحقوق تقلع من اصحابها ..
مشتاقين كتير .... انا جيت راجعه شيلوا شيلتكم وجبت معاى لابتوب
جديد .... ما تقول لى المستشفى والشغل وكلامك داك ..
ريهان ؟؟
انتى شاربه حاجة ؟
|
Post: #9
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 12:18 PM
Parent: #7
ود البشرى ياخ مرة واااااحده فى حياتك بادلنى الشعور ياخ
طوااااااالى مشاكلنا كدا ؟ هسه انا الدخلنى شنو مع الرسموهو دا !!
جنك تتشبك معاى .. عشان لاقينى مسكينه ..
كريمو ...
ما اسمها رقاد العناقريب يا بتاع النيل الازرق انت !!
ما تبشتن لينا ثقافة ما بين النيلين دى .. غايتو ياناس
الهامش حسسسسسسادة تولدكم البنات !
|
Post: #10
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 12:29 PM
Parent: #7
رجويه العسل
ونهارك قشطة وحليب .. منوره يا بيه او يا (بيهايا)
عارفه اعلان الكروش دا اصصصصصصصلو ما ليك اكلى اكلك ...
ما تتوترى مع الضعفه دى كدا كفاك ..
والله يا رجوية القانون مصرى والجمع سودانى ..
لا بس انا مستغربة لانو انا بكون اخدت حقى كاملا لما الضرايب
البشيلوهوها تنعكس فى شكل خدمات جيدة للمواطنين ،، لكن عندنا هنا
بتدفع للضرايب وتانى بتجى تدفع للخدمات ...
|
Post: #12
Title: Re: .. حصلت على حقوقك كاملة .. !!
Author: GamarBoBa
Date: 04-11-2009, 12:56 PM
Parent: #10
بتشربوا من النيل ده؟؟؟ايوا
ممكن تجيكم وسخانة الموية ومعاها شوية حاجة لكن برضو بتشربوا من النيل!
بتشموا هوا الله ده ولا بتشموه؟ بنشموا
في شوية ريحة من المصانع ولا حاجات تانية لكن برضو ممشي حالكم
مش كويس انكم عايشين؟؟؟
مش تحمدوا ربكم ما جاتكم طلقه في راسكم نهت حياتكم
طيب حقوق اكتر من كدة في شنو يعني...
طيب ما تدفعوا العليكم
|
Post: #11
Title: Re: .. حصلت على حقوقك كاملة .. !!
Author: Adil Osman
Date: 04-11-2009, 12:50 PM
Parent: #1
الاستاذة دينا خالد
سلامات
نو تاكسيشن ويزاوت ريبريسينتيشن
no taxation without representation
ما فى ديمقراطية يعنى مافيش ضرائب
الشئ بالشئ
ديوان الضرائب ده ملاياتو لونها شنو؟
|
Post: #13
Title: Re: .. حصلت على حقوقك كاملة .. !!
Author: عمر الفاروق
Date: 04-11-2009, 01:14 PM
Parent: #11
| Quote: حصلت على حقوقك كامله ...... فاحرص على واجباتك . |
| Quote: حصلت على حقوقك كامله ...... فاحرص على واجباتك . |
| Quote: حصلت على حقوقك كامله ...... فاحرص على واجباتك . |
ياخ الاعلان ده حبااااااااااااااااااابو والله يا دينا الرسول فوقك كان ما وريتيني نزل في ياتو جريدة ..
وقع لي فلي جرح مع زول عامل لي ارتكاريا في الضمير..
اووول مرة الزول يستفيد منك في حاجة ..
تخريمة :
ياخ عايني للجزء المليان من الكباية واحرصي على واجباتك في الاول صدقيني حقوقك بتجي ..:)
|
Post: #14
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 01:38 PM
Parent: #13
قمر بوبا ! رئيس قسم القيمة المضافة ياخ
لقيتك مسلط والله ...... ضحكتنننننى ..
سلامات ياخ هسه انت دافع ضريبة الاسم التانى دا ؟
فى زول عندو اسمييين ببلاش كدا ؟
ــــــــــ
| Quote: طيب ما تدفعوا العليكم |
بندفع .... بندفع (وش)
|
Post: #15
Title: Re: .. حصلت على حقوقك كاملة .. !!
Author: Rihab Khalifa
Date: 04-11-2009, 01:41 PM
Parent: #13
Quote: بتشربوا من النيل ده؟؟؟ايوا
ممكن تجيكم وسخانة الموية ومعاها شوية حاجة لكن برضو بتشربوا من النيل!
بتشموا هوا الله ده ولا بتشموه؟ بنشموا
في شوية ريحة من المصانع ولا حاجات تانية لكن برضو ممشي حالكم
مش كويس انكم عايشين؟؟؟
مش تحمدوا ربكم ما جاتكم طلقه في راسكم نهت حياتكم
طيب حقوق اكتر من كدة في شنو يعني...
طيب ما تدفعوا العليكم |
عالم طماعه يا قمر، تقول شنو
ريحتني لكن
------
انتي يا دينا، المقعدك هنا شنو و حميده ده موقوف؟
وينك ما ظاهره
|
Post: #16
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 01:47 PM
Parent: #13
عادل عثمان ..
سعدت كثيرا بالحديث معاك .. ومعرفتك
انت راجل راقى ..
زكرتنى كتب الجامعه يا عادل
والله دا الديوان الوحيييد الماعندو ملايات ..
ـــــــــــــــ
عشان تانى ناس انجلترا ديل ما يكسروا راسنا بالضرايب
الضرايب ،، ياقول كيكى يضربهم الضريب ...( بس ماااا بوريهو باقيها
خلى يمشى يفتشها بى قروشو) ...
|
Post: #17
Title: Re: .. حصلت على حقوقك كاملة .. !!
Author: ابو جهينة
Date: 04-11-2009, 01:50 PM
Parent: #16
| Quote: ياخ عايني للجزء المليان من الكباية واحرصي على واجباتك في الاول صدقيني حقوقك بتجي |
بتجي متين يا عمر ياخي ؟
تحياتي دينا
|
Post: #18
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 01:53 PM
Parent: #13
عمر شيخوو ؟؟
ياخ مش حاجاتك دى والله حردتها .. تعال راجع شيلها
مااااااااا دايراها ...
يعرفوك احوص كيف ؟؟
الواجبات دى النص الفارغ من الكووب .. يعنى انت قول لى انظرى
الى الفاروغ من الكوب .. ما تخجل ..
ـــــــــــــ
تانى ح تجى دبى متين ؟؟؟؟
|
Post: #19
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 02:17 PM
Parent: #18
ابو جهينه؟ ... انتو عمر دا مفكوك كدا لييه ؟؟
انت مش عمدة بورداب الرياض ؟؟
ما تشوف لينا القصة دى !!
رحاب خليفة
والله مشتاقين ،، ومشتاقين لعيونك ذى ما بتقول فيروز
حميده دا خلاااااااص فترنا منو .. كل نص ربع من العام
نحن نحنس ليهو فى بكرى .. بعدين بينى وبينك احسن لينا
من بره كدا ... اصلو متحيييييييل على العرس دا ...
|
Post: #20
Title: Re: .. حصلت على حقوقك كاملة .. !!
Author: Emad Abdulla
Date: 04-11-2009, 02:38 PM
Parent: #19
أمشي أقري تاني ..
بركة إلهي المره الجاية يمرق ليك أسد ..
( أو نحو ذلك ) .
....
عشان تآمني .
|
Post: #22
Title: Re: .. حصلت على حقوقك كاملة .. !!
Author: Elawad
Date: 04-11-2009, 06:34 PM
Parent: #21
دينا... تحياتي
على تنوع و اختلاف أشكال القهر التي عاناها شعبنا على يد الإنقاذ لكن لا أظن أيا منها يفوق هذا الإعلان في ساديته و احتقاره و استهزائه بالسودانيين.
حصلت على حقوقك كاملة؟!!!!! تقال لشعب أكثر من ربعه في معسكرات اللجوء و النزوح؟ أطفاله محرومون من حق التعليم و العلاج؟ شبابه لا يجد عملا و تفتك به العطالة؟ دعك من الحقوق الأخرى في التعبير و الانتخاب و الإحساس بأننا بشر فهذه رفاهيات في بلد ينتحر أطفاله لأن أباءهم لا يملكون مصاريف المدرسة...
|
Post: #23
Title: Re: .. حصلت على حقوقك كاملة .. !!
Author: ريهان الريح الشاذلي
Date: 04-11-2009, 06:36 PM
Parent: #21
والله الواحد في سودانيز دي كان قال ماعارف حقوقو يقولو ليهو شارب حاجة ..
|
Post: #24
Title: Re: .. حصلت على حقوقك كاملة .. !!
Author: عبدالكريم الامين احمد
Date: 04-11-2009, 10:30 PM
Parent: #23
Quote: كريمو ...
ما اسمها رقاد العناقريب يا بتاع النيل الازرق انت !!
ما تبشتن لينا ثقافة ما بين النيلين دى .. غايتو ياناس
الهامش حسسسسسسادة تولدكم البنات !
|
وبارك الله في الفيس بوك..وفي الخبيرة الاستراتيجية لنا مهدي
والحكاية تراها شقاق العناقريب
ووتخيلي لو ما مقص الرقيب الاسفيري بتاعك ده كنت مفتكرها رقاد عناقريب..
غايتو يا ناس المركز
العناقريب احنا نرقد فيها وانتو تشقوقها
|
Post: #25
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 11:22 PM
Parent: #24
عماد ( الدين ) .. والله قالوا الحى بلاقى
ماااا مشتاقين الشوق الواحد دا !
اهاااااا وانا اقول عماد دا مدسى وييين ؟
اتاريك ناقش؟
ـــــــــــــ
هم ذاااااتهم عشان تعرفهم ناس ضرايب ساى ..
هسه ذى لوحاتك وكلامك ديل بشيلوا منهن ؟
تبت لله !!
|
Post: #31
Title: Re: .. حصلت على حقوقك كاملة .. !!
Author: Emad Abdulla
Date: 04-12-2009, 11:17 PM
Parent: #25
إنا لله .
.....
طيب .. كويس .
|
Post: #26
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 11:35 PM
Parent: #24
عادل بدوى ..
شكرا للمعلومات الثرة .. والله انا قايلاهم لافحنها
من دعاية سودانى وخلييييييك سودانى !!
شكلك موظف ضرايب طلع على الصالح العام !
ياخ شغلك نضييف ...
العوض ..
لكن بالله مش كلام مستفز اووووول حاجه هم جهاز بجمع بس
يعنى تتصرف وين دا ما شغلهم هم جباة فقط ،، ديوان الضرائب
بوديها للمالية يعنى الناس اخدت حقوقها ما اخدتها هم مفروض خاليين
ذهن ...
هسه ورطوا نفسهم فى حاجه ما مسئوليتهم !
|
Post: #27
Title: Re: .. حصلت على حقوقك كاملة .. !!
Author: دينا خالد
Date: 04-11-2009, 11:46 PM
Parent: #24
كريمو ؟ هسه قلت لى المركز دا دايرين
تفكفكوهو كيف ؟؟ ما لازم تعرفو محل الصواميل
وتجيبو المفكات ... انتو قايلنو ما مرببط ولا شنو؟؟
الحبيبه لنا كمان شن عرفها ؟
اما انكم حقارين .. دايرنها بالبااارد مش؟
ريهـــــــــــــــان !
ياخ انت الذ زول .......
طيب وحقوقك الما ناقصة عارفاها ؟؟ ضحكتينى شديد ..
بتخيل فيك وانتى بتقولى فى الكلام ! لووووووول
|
Post: #28
Title: Re: .. حصلت على حقوقك كاملة .. !!
Author: كمال سالم
Date: 04-12-2009, 00:10 AM
Parent: #27
هسه أنا فتحت البوست ده قلت عنوان البوست ده كلام من
الماذون لعريسك البوردابى ,, أجى ألقاك عاملاها لينا
ضرائب و فارغه ومقدوده !!
يأخى والله عايزين نفرح بيك ,, خلينا فى المهم ,,,
العقد لو فى لاهاى بنحضروا يادينا ,, بس كلمينا ,
تتصورى قراية الإعلانات فى الجرائد السودانيه أفيد
من قراية الاخبار والمواضيع المكرره . سلام ,,
|
Post: #29
Title: Re: .. حصلت على حقوقك كاملة .. !!
Author: عمر الفاروق
Date: 04-12-2009, 06:50 AM
Parent: #28
دينا خالد :
ياخ نحن اكتتتتتتتر ناس بنتنازل عن حقوقنا براااانا وبي رقبتنا ..
الكمساري يقول ليك ما عندي فكة تقول ليهو خلااااص يا زول ما مشكلة ..
الحرامي يسرق منك تمشي الشرطة يرجعوا ليك حاجاتك كلللها وما تلقى القروش تقول ليهم ياخ مااا بيناتنا..
بتاع البقالة تشتري منو يطلع الحساب الف ومية تقول ليهو ما عندي مية يقول ليك يا زول خلاص خليها..
طالما اتنازلنا نحن عن حقوقنا الصغيروووونة دي تحت غطاء ةومسميات مابيناتنا فياخ الحكومة كمان حاجاتا ما بيناتنا..
ما لقيتو صحة ما بيناتنا..
ماف تعليم ..ما بيناتنا..
الكهرباء قطعت ..ما بيناتنا..
ما لقيتي عريس..كمااااان ما بيناتنا:)
تخريمة :
في دبي دي انا تاني ما بجي الشماااار كتيير انا تاني ما بجي..
لكن عيييبي لي خرطوم1
|
Post: #30
Title: Re: .. حصلت على حقوقك كاملة .. !!
Author: دينا خالد
Date: 04-12-2009, 11:09 PM
Parent: #29
كمال سالم !!
Quote: يأخى والله عايزين نفرح بيك ,, خلينا فى المهم ,,,
العقد لو فى لاهاى بنحضروا يادينا ,, بس كلمينا , |
وووووووووووووووووو حضور سااااااااى يا كمال ؟
احبطتنى والله ...... ما كان العشم ..
ـــــــــــــــ
حضورك على عينى لكن الفيك عرفتها ...
سمح يا كمال
|
Post: #32
Title: Re: .. حصلت على حقوقك كاملة .. !!
Author: كمال سالم
Date: 04-12-2009, 11:20 PM
Parent: #30
Quote: وووووووووووووووووو حضور سااااااااى يا كمال ؟
احبطتنى والله ...... ما كان العشم .. |
خلاص ماتزعلى , وكيل وكيل , شاهد لا ,,
|
Post: #33
Title: Re: .. حصلت على حقوقك كاملة .. !!
Author: دينا خالد
Date: 04-12-2009, 11:27 PM
Parent: #29
والله حقو الزول يقول ليك عمورى !!
الفاروق ؟ شيخو؟
ياخ نتنازل نحن من حقوقنا مخيرييين .. لكن يتنازلوا
لينا بالقوة الجبرية ما صاح
Quote: ما لقيتي عريس..كمااااان ما بيناتنا:)
|
لقيت .. لقيت ،،ياخ انت قديم قدم
ناس الهلال معليش يكونوا اخدو حقوقهم كاملة !!
اقول ليك باختصار ؟ بيناتنا والله بيناتنا شدييييييد
ـــــــــــــــــــ
الخرطوم حبابا والله ... لكن لوم لى (هناك دى ) ؟؟
|
|