Post: #1
Title: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 05:15 AM
Parent: #0
اخطأت خطأ فادح في حق صديقي و ابن دفعتي و زميلي في الصاوي
وابديت عدم حساسية تجاه صداقة و مودة ضمتنا منذ الثانوي
وتحدثت غليظا مع صديق ما كان ينبغي ان يحدث مني.
لابد ان الكثيرين قد صدمهم ردي على الصاوي
و الاكثر صدمة كان الصاوي نفسه الذي لم يكن يتوقع ردا على مداعبته
لي في بوست فتحته انا هنا في هذا المنبر و لا اريد ان ارفعه
انا اعلن اسفي البالغ لصديقي الصاوي
و اعلن تقديري للعزيز عصام جبرالله الذي لفت نظري و سعي لازالة اللبس
و للاصدقاء و القراء الذين لابد قد تفاجئوا بردي
الصاوي انا اسف و اعتذر
|
Post: #2
Title: Re: اعتذار لصديقي العزيز جدا الصاوي
Author: خالد العبيد
Date: 04-09-2009, 05:24 AM
Parent: #1
سلام يا بدر
وتحياتي
| Quote: الصاوي انا اسف و اعتذر |
جميل هو الاعتذار حين يكون صادقا مثل حروفك
التي سطرتها تنضح صدقا ووهجا وتمني!
وصلتني حرارة وصدق حروفك هنا في جزيرة الكابتن كوك
لكم مودتي
|
Post: #3
Title: Re: اعتذار لصديقي العزيز جدا الصاوي
Author: أبو ساندرا
Date: 04-09-2009, 05:54 AM
Parent: #2
| Quote: و اعلن تقديري للعزيز عصام جبرالله الذي لفت نظري |
وانا برضو عايز إعتذار منك
عشان برضو قمت بلفت نظرك ورقبتك
|
Post: #6
Title: Re: اعتذار لصديقي العزيز جدا الصاوي
Author: elsawi
Date: 04-09-2009, 06:00 AM
Parent: #3
بل انا الذي اعتذر عن فشلي في فرد مساحات ارحب داخلي لتسعك بكل جنونك و تفردك واختلافك الذي اعرف يا عزيزي
انا الذي بدأت بالدعابة الغليظة - رغم حسن النية - و اعتذر يا صديقي القديم لعدم مقدرتي على الوضوح بما يكفي لتربسة باب الظنون
ما بيننا اكبر من ان تهدمه الخواطر و الأوهام و الإختلافات العابرة ولن نستطيع ان نتبرأ من العمر و التاريخ يا صديقي ..
انا اكثر اسفاً واعتذاراً لك يا بدر ..
لك العتبى و لعصام و المرفعين اجر المناولة
|
Post: #16
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:14 PM
Parent: #6
الصاوي
سلام يا صاحب
ياخ شكرا على التفهم
احتراماتي
|
Post: #15
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:11 PM
Parent: #3
Quote: وانا برضو عايز إعتذار منك
عشان برضو قمت بلفت نظرك ورقبتك |
ابوساندرا
سلامات
انت عارف لو انا فهمت مداخلتك-النكتة كان دا كلو ما حصل
لكن نكتتك اللماحة just passed over my head
ربما لاني كنت مزعل نفسي خطأ من الصاوي و قايلو
مجافيني.
اها و انت كمان، معليش
بس لما تقول نكتة اعرف انه في ناس مخهم ما بجي الا الساعة ستة!
|
Post: #13
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:03 PM
Parent: #2
Quote: جميل هو الاعتذار حين يكون صادقا مثل حروفك
التي سطرتها تنضح صدقا ووهجا وتمني!
وصلتني حرارة وصدق حروفك هنا في جزيرة الكابتن كوك
لكم مودتي |
خالد العبيد
تحياتي
شكرا لك
|
Post: #4
Title: Re: اعتذار لصديقي العزيز جدا الصاوي
Author: Ibrahim_Elhag
Date: 04-09-2009, 05:54 AM
Parent: #1
عزيزي بدر
هكذا أنت كما عرفناك ناقي السريره ، ولعل أكثر مايميزك ويسبب كثير من المتاعب هو عقلك المتحرك. قد لايدري محتوي هذا البوست ، شخصياته وذكرياته العميقه، إلا من عايشوا تلك الفتره الدسمه من تاريخنا الشخصي والعام.
علي العموم، إنت طبعآ أخطأت في حق زول ماساهل فكما تدري الصاوي 1و2، ناس مابتشبه كثير ممن تعرفنا عليهم خلال تلك الفتره وذلك لبساطه وصدق وآدمية إحساسهم. لكن الإعتذار يجب ماقبله، أنا متأكد أنك لا الصاوي بقدر علي الجفاء.
تحياتي
إبراهيم
|
Post: #5
Title: Re: اعتذار لصديقي العزيز جدا الصاوي
Author: أبو ساندرا
Date: 04-09-2009, 05:58 AM
Parent: #4
| Quote: الصاوي انا اسف و اعتذر |
بدر : وبهذا تكبر وتنال مزيد من الاحترام وكثيرآ من التقدير
الصاوي : تمنع قليلآ وجرسه حتى نهاية نهار الخميس
ثم أقبل وسامحه
|
Post: #7
Title: Re: اعتذار لصديقي العزيز جدا الصاوي
Author: أبو ساندرا
Date: 04-09-2009, 06:14 AM
Parent: #5
الصاوي
قد خزلتنا يا زميل
ما قلنا ليك تمنع وجرسه حتى يآمن
ويوسع صدره ويطول باله
عمومآ
وانت برضك تكبر إذ تقبل الإعتذار بإعتذار أكرم أخر
|
Post: #8
Title: Re: اعتذار لصديقي العزيز جدا الصاوي
Author: عبدالكريم الامين احمد
Date: 04-09-2009, 06:39 AM
Parent: #7
يااااااااا
شكرا جزيلا يابدرالدين والصاوي...
ويابدر مش قلت ليك البدخلني انا بين البصلة وقشرتها شنو.؟؟؟؟
اها انا عارف امطار الحنية بتنزل كالامطار وتغسل السحابات العابرة وتعود حليمة الي دهشتها وروعتها القديمة
وتشكبونا يا زميل يا زميل هههه
ما بينكم بالتاكيد عميق وضارب في الجذور في مدارات بعيدة من ايام ذلك المكان الذي كان يصقل الوعي والتواضع
ونكران الذات وجلدها من الاستنارة والتقويم...فهو نبعا ونهرا من تذوق مائه هكذا تكون شجاعته واريحيته والقفز في زونات النفس البشرية في حالاتها السالبة...
تحية للصاوي وهو صديقا من الذين يجعلون للكلك في هذا المكان معني وطعم راقي ...
والتقدير ليك يا قريبي يابدر...
ودي فرصة بالله تشملني مع العفو والصفح الوزاري وتنسي حكاية (البلاغ الامريكاني ) هههههههه
.......
مديدة
بالله اعمل لي شكلة مع ابو ساندرا ده واعزمني ياخ هههههه
اصلو من زمان داير لي معاهو (كجة) علي الطاير كده.....
ولو علمتها مع عصام جبر الله برضو بتكون ما قصرت ياخي
|
Post: #9
Title: Re: اعتذار لصديقي العزيز جدا الصاوي
Author: حيدر حسن ميرغني
Date: 04-09-2009, 06:42 AM
Parent: #7
لا شكر على واجب يا بدر
هكذا ستكونون مابقي الود بينكما
الصاوي انسان نبيل
احترامك له يعلي من مقامك ومقامه
والخلاف بين الاحبة محبة برضو
بارك الله فيكما
|
Post: #10
Title: Re: اعتذار لصديقي العزيز جدا الصاوي
Author: عبدالكريم الامين احمد
Date: 04-09-2009, 09:29 AM
Parent: #9
Quote:
وبعدين يا زول هوووي في تعميم انو الشيوعيين ديل لو اتكاسروا مع بعض ما تخش بينهم
بعد شوية يخلو خشمك ملح ملح...يشبكو بعض تعال نعمل مراجعات وشنو شنو كده ماعارف
وانجلس لمن شاكل فلان داك حصل نمط اييه كده ماعارف وبعدين حصلت المصالحة التاريخية كما ورد في راس المال ههههه
...
تتكاسر مع شيوعي انا بررررره
ولكن مع اي زول من طرف فعكازي حاضر وتحت الخدمة والكبع حيكون من طرف
كفاية الشفتو من صحبك عصام جبرالله..
قال شنو قال مراجعات...
تلقوها عند الغافل دي هههه |
هلا يابدر والصاوي
ولكم ياخي كل الحب
والفوق دي شوية غلاغل وحركات لبدر الدين لزوم الشمشرة وكدا
|
Post: #11
Title: Re: اعتذار لصديقي العزيز جدا الصاوي
Author: أيزابيلا
Date: 04-09-2009, 10:13 AM
Parent: #10
بدر الدين والصاوي
You made my day
|
Post: #12
Title: Re: اعتذار لصديقي العزيز جدا الصاوي
Author: ibrahim alnimma
Date: 04-09-2009, 11:19 AM
Parent: #11
احيكم بدر والصاوي علي التصافي والصلح ...فهذا في حد ذاته مدرسة ...
لم المس في كتابات بدر الدين خشونه تستوجب الاعتذار ...وهذا مادفعني لفتح البوست بدهشة
وكذا الصاوي....
تعرفوا مرة واحد بتاع مشاكل شديدة ..وسريع الفوران ....ولكنه ايضاً سريع الاعتذار ولدرجة
البكاء ونقد النفس الي يصل لدرجة البكاء...وفي مرة من المرات داخل معي في مشادرات كلامية
ومخاشنة شديدة ....وكنت في كل مرة اقابله بالتجاهل ...واستمر في غيه ...وهنا غضبت شديد
فقلت له ياخي انا بعد دا بفكها معاك ولكن ثق انك بعدين بتعتذر وبتجيب الناس ..ولكن من الان
ما معليش ولا حاجة. يعني بعدين انا ما حقبل اعتذارك....فانفجر الحضور ضحكاً وابطلنا مفعول الغضب...
|
Post: #14
Title: Re: اعتذار لصديقي العزيز جدا الصاوي
Author: كمال عباس
Date: 04-09-2009, 07:10 PM
Parent: #12
شكرا بدر الدين لإحياء فضيلة الأعتذار الصادق,,, التحية ا للكاتب - الصاوي- االملتزم والمنحاز لشعبه
ولقضايا الحرية والإستنارة
|
Post: #20
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:42 PM
Parent: #11
ايزابيلا
سلامات
شكرا ليك
انت عارفة، الادب البخلي صديقين من الثانوي يتناقشوا، دا ادب ممتاز
انا بقرا كتير جدا و لما القى قصة و لا قطعة ادبية تبكيني و لا تغضبني
ابدا ما بنساها،وذلك ما يخلد الادباء و الكتاب. ما تخافي لما يزعل الناس
من كتابتك بل give yourself a pat on the back
|
Post: #17
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:20 PM
Parent: #4
الصديق العزيز
ابراهيم الحاج
تحايا و اشواق
| Quote: علي العموم، إنت طبعآ أخطأت في حق زول ماساهل فكما تدري الصاوي 1و2، ناس مابتشبه كثير ممن تعرفنا عليهم خلال تلك الفتره وذلك لبساطه وصدق وآدمية إحساسهم. لكن الإعتذار يجب ماقبله، أنا متأكد أنك لا الصاوي بقدر علي الجفاء. |
ايوة يا ابراهيم الصاوي زول ما ساهل و كم نشر الفرح بيننا و ذا مروءة و شجاعة نقدرها و نحفظها له.
تحياتي لاخيه حامد الصاوي ايضا.
شكرا
|
Post: #18
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:29 PM
Parent: #17
| Quote: ويابدر مش قلت ليك البدخلني انا بين البصلة وقشرتها شنو.؟؟؟؟ |
عبدالكريم
ازيك يا ود اهلي
والله يا عبد الكريم انت البصلة زاتها، عشان كدة انا سألتك تتوسط لي لاني
عارف الود البينك و الصاوي. لكنك فوت ليك شكرة جاتك في محلك.
يا زول ان شاء الله يوم شكرك ما يجي.
اما موضوع امر القبض داك نحلو لما نشوفك على الباب و معاك عماد خليفة!
|
Post: #19
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:32 PM
Parent: #18
| Quote: لا شكر على واجب يا بدر |
حيدر مرغني
سلامات
العترة بتصلح المشية.
شكرا جزيلا
|
Post: #21
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:51 PM
Parent: #19
ابراهيم النعمة
سلام و احترام
Quote: احيكم بدر والصاوي علي التصافي والصلح ...فهذا في حد ذاته مدرسة ...
لم المس في كتابات بدر الدين خشونه تستوجب الاعتذار ...وهذا مادفعني لفتح البوست بدهشة
وكذا الصاوي....
تعرفوا مرة واحد بتاع مشاكل شديدة ..وسريع الفوران ....ولكنه ايضاً سريع الاعتذار ولدرجة
البكاء ونقد النفس الي يصل لدرجة البكاء...وفي مرة من المرات داخل معي في مشادرات كلامية
ومخاشنة شديدة ....وكنت في كل مرة اقابله بالتجاهل ...واستمر في غيه ...وهنا غضبت شديد
فقلت له ياخي انا بعد دا بفكها معاك ولكن ثق انك بعدين بتعتذر وبتجيب الناس ..ولكن من الان
ما معليش ولا حاجة. يعني بعدين انا ما حقبل اعتذارك....فانفجر الحضور ضحكاً وابطلنا مفعول الغضب... |
هو في الحقيقة انا توهمت انه الصاوي تجاهلني في احد بوستاته و ترصدته و لما جاء يهاظرني انفجرت
فيه، و دا ما كان مفروض يكون، الصاوي زميلي من الثانوي العالي و زول معروف بالود و احترام
الناس فكان ينبغي على انه افتش ليه عذر او استفهمه قبل ما ازعل.
حا استفيد كتير من القصة التي اوردتها.
تحياتي
|
Post: #22
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-09-2009, 07:54 PM
Parent: #21
Quote: التحية ا للكاتب - الصاوي- االملتزم والمنحاز لشعبه
ولقضايا الحرية والإستنارة |
كمال عباس
سلام
معك احي الصاوي
شكرا
|
Post: #23
Title: Re: اعتذار لصديقي العزيز جدا الصاوي
Author: بدر الدين اسحاق احمد
Date: 04-09-2009, 11:27 PM
Parent: #22
وانا زاتـــى يا ابو البدور بعتذر ليـــك على ( تضــريــس اسنـــانـــك بمفرداتـــى )
|
Post: #24
Title: Re: اعتذار لصديقي العزيز جدا الصاوي
Author: قيقراوي
Date: 04-10-2009, 03:18 AM
Parent: #23
عالياً
تحياتي واحترامي يا بدر
ياخ لما قريت ليك بغادي اتذكرت كلامك عن صديقك غير المغرض احمد الزبير
و مليون تحية للصاوي
|
Post: #26
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-10-2009, 04:57 AM
Parent: #24
Quote: ياخ لما قريت ليك بغادي اتذكرت كلامك عن صديقك غير المغرض احمد الزبير
و مليون تحية للصاوي |
قيقراوي
سلامات يا زين
والله يا قيقراوي البطري احمد الزبير المغرض عندو عقيدة لن تتغير باني من اهل الكهف
وما عندي في نظرو اي علاقة بالمدنية و الثقافة، لكنه واحد من الذ الناس لو حكى.
ايوة يا قيقراوي: مليون تحية للصاوي.
|
Post: #25
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-10-2009, 04:50 AM
Parent: #23
| Quote: وانا زاتـــى يا ابو البدور بعتذر ليـــك على ( تضــريــس اسنـــانـــك بمفرداتـــى ) |
بدرالدين وداسحق
والله ياخ انت انسان كريم ومساهماتك مفيدة وانا اعتقد انك اضافة ايجابية للمنبر
|
Post: #27
Title: Re: اعتذار لصديقي العزيز جدا الصاوي
Author: هاشم الحسن
Date: 04-10-2009, 09:15 AM
Parent: #25
شكراً با بدر الدين و الصاوي.
هكذا تورد الإعتذارات و يتم القبول
حارة و مسببة و صادقة و قبل الضغن يرقد فوق الغضن.
إت يا بدر، أحمد الزبير بعرف فكي قيقراوي ده من وين، أو العكس؟
نلتقي في بوست جبر الله عن وراق و دوفال كان الله هوّن.
|
Post: #28
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-10-2009, 10:05 AM
Parent: #27
Quote: إت يا بدر، أحمد الزبير بعرف فكي قيقراوي ده من وين، أو العكس؟
نلتقي في بوست جبر الله عن وراق و دوفال كان الله هوّن. |
هاشم الحسن
شكرا على المرور
ما اظن قيقراوي بعرف احمد الزبير، انا كنت حكيت له عن اراء احمد المغرضة
فيني و علاقتي بالثقافة و الشعر.
ياخ هو وين البوست دا، انا كنت عايز اشوف الناس حاتطلع بشنو في فقرة وراق
عن الجنوبيين!
|
Post: #29
Title: Re: اعتذار لصديقي العزيز جدا الصاوي
Author: عبدالكريم الامين احمد
Date: 04-10-2009, 10:13 AM
Parent: #28
| Quote: اما موضوع امر القبض داك نحلو لما نشوفك على الباب و معاك عماد خليفة! |
هلا يابدر
هو عمدة صحبي ده وين ياخ اليومين ديل...
وضروري يحصل البوست ده لاني انا وهو برضو طالبين منك اعتذار شخصي في موضوعك بتاع كجنية
صديقنا وحبيبنا (لويس مورينو اوكمابو)
|
Post: #30
Title: Re: اعتذار لصديقي العزيز جدا الصاوي
Author: Badreldin Ahmed Musa
Date: 04-10-2009, 10:30 AM
Parent: #29
Quote: هو عمدة صحبي ده وين ياخ اليومين ديل...
وضروري يحصل البوست ده لاني انا وهو برضو طالبين منك اعتذار شخصي في موضوعك بتاع كجنية
صديقنا وحبيبنا (لويس مورينو اوكمابو) |
عبدالكريم
سلام
و الله عماد دا مختفي اليومين ديل، الظاهر عليه احبط من انعدام حيلة اوكامبو!
انت عارف؟ انا شايفكم حاتتساقطوا واحد بعد التاني و تنسو وهمة اوكامبو و يمكن
ترسلو ليه باتة قديمة جائزة الاخفاق و فشل سياسات البصيرة ام حمد بتاعتو دي!
انت عارف، كنت فبل شوية بقرأ في بوست و احد من ناسكم و ماني مصدق عيوني
لاني نعسان، لكن بكرة بشوف خبره شنو، لو حصل الشفتو انا و الله امش اعلن انسلاخه
منكم في النشاط زي ما كانوا بعملوي الكيزان. بوريك خبرو بكرة.
|
Post: #31
Title: Re: اعتذار لصديقي العزيز جدا الصاوي
Author: قيقراوي
Date: 04-10-2009, 01:47 PM
Parent: #27
| Quote: إت يا بدر، أحمد الزبير بعرف فكي قيقراوي ده من وين، أو العكس؟ |
و الله يا سيدي الحسن العرفا جابا هو براهو
بدر التمام دا رغم اننا بنتلاقى في حاجات كتيرة و خطوطنا ياها ذاتا
الا حصل لينا تقاطع واحد قبل الهنا دا
اهاغزل الخيوط جاب حكى عن صديقه (المغرض ) احمد الزبير . . . و الوصف بين القوسين لبدر الدين
و اعتقدت ببركة الصداقة القدما مع بركة السنهوري القوسين ديل بشيلن المعنى السالب منها . . .
و كلمني عن زعمه فيه و عن مسدسات و كابويات و " هتلر " و " قوبل " في حقل ثقافي . . .
( المهم ) و دي مهم بين قوسين ما حقت تبارك
قصدتا الجانب الطريف في القصة و فتح مسارات هزار ما اكتر
بدر الدين دا اعظم اكتشاف لي في الفترة الاخيرة و صديقك مغرض يا بدر دورين
|
Post: #32
Title: Re: اعتذار لصديقي العزيز جدا الصاوي
Author: Hamid Elsawi
Date: 04-10-2009, 02:27 PM
Parent: #31
بدر الدين و الصاوي
لكم التحية
عل نسيم ابريل يوصلها لكم معطرة
برائحة الثورة التي تنتظر فرحها بقدومنا
و ننتظر قدومها بفرحتنا
لكم و للمتداخلين الود و الشوق
|
Post: #33
Title: Re: اعتذار لصديقي العزيز جدا الصاوي
Author: هاشم الحسن
Date: 04-10-2009, 02:36 PM
Parent: #31
و الله يا قيقا أنا برضو عندي احساس انك شبه بدر الدين دا، جنكم استقلال.
أها و اتذكرت الحكاية، مرة قريتها في مداخلاتكم.
لكن ود الزبير زاتو يطراه الخير كان بشنع على بدر عشان يزعلو و يقعد يضحك عليهو
دون وجه حق مستوفي لشرط التشنيع، من باب أبو سن و كدا يعني،
ثم يألف نكتة عنو أو عن الترابي ما أنزل الشعب بها من سلطان.
و أحمد برضو كان بشنع على ذات نفسو في مواضع المثقفاتية ديك
و كان جنو و جن تعليب المفاهيم في القصائد و الغنا أو كما قال....
مرة بعد كباية شاي مدنكلة قام أعلن انو حيخلي ناسو بتاعين ج د لأنو ما قادرين يقنعوه
بانو مصطفى سيد احمد فنان يجب أن يحتفي به و تحفظ أغانيه كمنفستو نضالي معتمد
فبالتالي حيكون صعب عليهم يقنعوه أو يقنعوا أي زول تاني
بجدوى برنامج مرحلة الثورة الوطنية الديمقراطية. :)
تراهو يمكن كان بخاف من كلامات زي الفي فولكلوريات حاتم الياس العرفتها براك ديك...
شفت المشاكل دي كيفنها.!
|
Post: #34
Title: Re: اعتذار لصديقي العزيز جدا الصاوي
Author: Inaam Saad
Date: 04-10-2009, 05:53 PM
Parent: #33
بدر الدين والصاوي
سلامات يا زملاء " كيتاً علي كيكي"
رغم إنني لم اعرف ما هو سبب شكلة بدر والصاوي بسبب بعدي قليلاً عن حوش أخونا بكري
في الأيام دي ولكن
جميل أن نعرف أن السنوات التي فرقت بيننا لم تنجح في إبعادنا عن قيم جميلة عرفناها معاً
تحية للصاوي وبدر
و سلامي لحامد الصاوي، إبراهيم "السمين" هاشم الحسن وكل الجمع الجميل
يا بدر وين العنوان؟
ويا كيكي رسل لي تلفون صلاح الأمين
|
Post: #35
Title: Re: اعتذار لصديقي العزيز جدا الصاوي
Author: Imad Khalifa
Date: 04-10-2009, 06:58 PM
Quote: هلا يابدر
هو عمدة صحبي ده وين ياخ اليومين ديل...
وضروري يحصل البوست ده لاني انا وهو برضو طالبين منك اعتذار شخصي في موضوعك بتاع كجنية
صديقنا وحبيبنا (لويس مورينو اوكمابو) |
هلا وسلام للناس الجميلين
تعرف ياكيكي لو شفت البوست دا قبلك كان حاطالب بنفس ماطلبت.
لكن زولي دا عارف راسو قوي (ومعصلج) في حكاية اوكامبو دي واحسن
حاجة لمان تجينا نقوم (نخلعو) بالزيارة ومعانا خروف الكرامة ومستلزماتها.
يابدر لا اظن ان الصاوي (ورغما عن معرفتي الاسفيريه به) ممكن ازعل من زول
لكن اعتذارك يدل نبلك (وحساسيتك المفرطة) رغما عن تحفظاتي وتحفظات كيكي.
للصاوي ولك صادق الود
|
Post: #37
Title: Re: اعتذار لصديقي العزيز جدا الصاوي
Author: عبدالكريم الامين احمد
Date: 04-10-2009, 08:13 PM
Parent: #35
Quote: تعرف ياكيكي لو شفت البوست دا قبلك كان حاطالب بنفس ماطلبت.
لكن زولي دا عارف راسو قوي (ومعصلج) في حكاية اوكامبو دي واحسن
حاجة لمان تجينا نقوم (نخلعو) بالزيارة ومعانا خروف الكرامة ومستلزماتها. |
هلا ياعمدة وحبابك ياخي...
والبوست بجمال ما فيه من روح وتصافي الا اعتقد باني انا وانت ايضا يمكن ان يعدونا في جملة الرابحين
كون نلم في بدر الدين ده مطرف كده...
صحبك ياخي مجهجه لي سفري لبلدكم ديك وكل ما اقول خلاص اجي اتذكر كلام انو الزول ده قال حيفتح فيني بلاغ
تخيل بس عشان قلت ليهو (زولكم عمر البشير)....
تقفون ضد اوكمابو الجنائية ولمن نقول البشير زولكم تهددونا بالمحاكم وتلتلة الخواجات الماعندنا ليها شعر دي
غايتو يا عمدة اخوك ح يجي طابق ليهو محامي ابن لذينة من بلاد الخليج اصلهم عندهم خبرة من زمن غونتامو
وانا انت والمحامي والخروف سنكون في حضرة بدرالدين عشان نخلعو ههههه
تحياتي ياخي ومشتاقين
|
Post: #36
Title: Re: اعتذار لصديقي العزيز جدا الصاوي
Author: عبدالكريم الامين احمد
Date: 04-10-2009, 08:04 PM
| Quote: سلامات يا زملاء " كيتاً علي كيكي |
هلا يا انعام وحبابك ياخي
وتلفون صلاح رسلتو ليك في الماسنجر الداخلي...
وحسع هو كمان يسمع بيكم اتلميتو هنا وشبكتونا يا زميل يا زميل
يقوم يجي ويدينا الفيها النصيب من حكاية يا زميل ويا زملاء دي هههه
وكل الود
|
Post: #38
Title: Re: اعتذار لصديقي العزيز جدا الصاوي
Author: esam gabralla
Date: 04-10-2009, 09:53 PM
Parent: #36
سلاااا م شباب
كده منقة بس ... شكل الكبار شيييين خلاص
انتو لسه حساسين؟ انحنا الواحد لو عفصو بلدوزر كلام زى ده ياخد هرستو و يتنفض يواصل .... بي طريقتكم دى بتتعبو و تبهدلونا معاكم
ارجع لما افضي .... ايسترات تقيلة مدورة بي هنا .... كمان بعلتنا نصرانية عديييييل كده
PEACE
|
|