Post: #1
Title: الجنا شغال حمبوكجي
Author: سيف الدولة كامل
Date: 04-07-2009, 03:31 PM
في الثلا ثينات كانت الخرطوم مدينة هادئةوحالمة
تمتد من النيل الازرق شمالا حتي الديوم القديمة
( نمرة 2 والزهور حاليا)جنوبا ومن المقرن غربا
حتي بري والجريف شرقا.القادم من الديوم يسمع
صوت الراديو في قهوة الزيبق بمجرد وصوله االسكة
الحديد.معظم الناس بيقضوا مشاويرهم بالعجلات
والباقين كداري والحياة حلوة وجميلة ومافي حاجة
بتعكر المزاج.
........... يتبع
|
Post: #2
Title: Re: الجنا شغال حمبوكجي
Author: سيف الدولة كامل
Date: 04-07-2009, 03:52 PM
Parent: #1
في تلك الايام الجميلة كانت السلوي الوحيدة للناس
القهاوي واشهرها قهوة الزيبق وسط الخرطوم بالقرب من
الجامع الكبير ,يتجمع الناس هناك من يلعب الطاولة واخرون
كتشينة ومن البعد تسمع صياح ناس الضمنة ما في زول
عنده هم فاتورة كهربا ولا ايجار البيت ..مصاريف المدرسة
للاولاد لا ضرايب لا عوايد تذكر, وكان لي قفة الملاح الخير باسط
والحمدلله والواحد مكان قاعد كان في البيت ولا عند الجيران ولا
في السوق وقتين تجي مواعيد الوجبة بلقي البياكله الدنيا
بخيرها يا ناس.
مواصلين
|
Post: #3
Title: Re: الجنا شغال حمبوكجي
Author: الكباشى البكرى
Date: 04-07-2009, 04:02 PM
Parent: #2
ايام زمان يا سيف الدوله
وقول لي الزمان ارجع يا زمان علي قول اهلنا المصريين .
|
Post: #5
Title: Re: الجنا شغال حمبوكجي
Author: سيف الدولة كامل
Date: 04-07-2009, 04:18 PM
Parent: #3
صدقت يا الكباشي اخوي حليل زمان ولي متين
نقعد نتباكي يا اخوانا علي ايام زمان
ليييييييييييييي ما نعيدها
شكرا الكباشي علي المرور
ونواصل
|
Post: #4
Title: Re: الجنا شغال حمبوكجي
Author: سيف الدولة كامل
Date: 04-07-2009, 04:11 PM
Parent: #2
حتي يا اخوانا الكورة كان ليها طعم.. مافي
لاعب بشتروهو بي قروش الواحد يجي التمرين
ومعاه الاشتراك. مافي معسكرات لا باسطة
ولا بسبوسة لا دش ولا كوندشن.الواحد يجي من
الشغل الساعة 2 يضرب ليه كسرة بي ويكة
ولا مفروكة وجري علي الميدان و يلعلب
شوطين واللياقة لسه حديد.حليل ناس
عمنا القطر ومحمد عبالقادر باك الاهلي
ومحمد خلف الله السنجك باك بري ويييين
تاني يجي زول زي كسرة يا ابو علي ولا
برعي المعلم , حليلك يا يما.
لسه معانا
|
Post: #6
Title: Re: الجنا شغال حمبوكجي
Author: سيف الدولة كامل
Date: 04-07-2009, 08:09 PM
Parent: #4
في تلك الايام الجميلة وبعدها بسنين
كان المريخ في القمة وماجد شغال
ملطشة في ناس الهلال 8 هزائم متتالية
لذلك قرر بعض اداري ومشجعي الهلال انه
يشوفوا ليهم فكي كارب يحلهم من الملطشة
واحد من رابطة المشجعين قال ليهم انا عندي
ليكم فكي كارب بيحلنا من المهزلة دي.
ماشين
|
Post: #7
Title: Re: الجنا شغال حمبوكجي
Author: سيف الدولة كامل
Date: 04-07-2009, 08:55 PM
Parent: #6
اها المشجع وداهم لفكي في الديم وقال
ليهم والله الفكي ده كارب وليه شواهد
الجماعة اتوكلوا ومشوا للفكي, واحد
من الاداريين بحكي للفكي .. يا شيخنا
والله في لاعب في المريخ مجننا كل مباراة
ملطشينا, رد الفكي نقوتلو ليكم.......
لا يا شيخنا نغلبهم بس, مره جاي ده
تقلبوهم, قالوا طلع ليهم قرعة
فيها موية وفي الموية شافوا
ماتش الهلال والمريخ حي والهلال
غلب 6\1 والهدف الاول في
المباراة جابو ماجد.. نسيت
اسال الحكي لي القصة انه
الماتش شافوهو ملون ولا اسودوابيض
لي قدام
|
Post: #8
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-07-2009, 09:15 PM
Parent: #7
حتي الناس كانت غير قلوبهم كلها محنة
مافي فرق بين ده شلكاوي ولا رباطابي
ولا كان جعلي ولا فلاتي كلهم اخوان تلقاهم
يد واحده في الفرح والكره, كان جارك مات
ليهو زول تاخد يوم ولا يومين اجازة..الناس
كلهم اهل. لو في زول جي من البلد..توزع
الخيرات علي كل الجيران.. وين هسع الواحد
كان بياكل والباب دقة يلز الصحن تحت السرير.
حليل ناس ابوي الاكل في
في البرش تحت ضل النيمة
يالا
|
Post: #9
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-07-2009, 10:14 PM
Parent: #8
في احدي العصريات .. الناس كالعادة قاعدة في قهوة الزيبق
البيلعب طاولة والبشرب قي شيشة والبتونس ..فجاة دخل عليهم
زول... يا ناس سمعتو بالحصل ده؟ رد معظم القاعدين في القهوة
في شنو يا خينا؟ والله فلان وفلان وفلان اعتقلهم البوليس السري
مالهم ياكافي البلا؟ والله اتهموهم بادارة بيت للدعارة(قوادين)
الله يكرمكم.اها وبعدين! والله ساقوهم السجن وقالوا باكر بيودوهم
المحكمة لجناب المفتش. والله عوجة المفتش المطرطتش ده باكر
يسجنهم, يا زول لي باكر يحلها الله.
نشوف المحكمة باكر
|
Post: #10
Title: Re: الجنا شغال حمبوكجي وفكي الهلال كارب
Author: Seif Elyazal Burae
Date: 04-07-2009, 10:38 PM
Parent: #9
so interesting , please continue dear Kamil
|
Post: #11
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-08-2009, 00:09 AM
Parent: #10
منتظرين جناب المفتش الانجليزي يجي المحكمة
العمدة وصل من دغشا بدري وحالف ما يفرط
في اولاد بلدو ويخليهم للخواجة يمرمط
بيهم الواطة, اصيل العمدة كرم الله عمدة
الخرطوم في ذلك الزمان.
وقع ليك يا ابو لينا؟
محكمة
|
Post: #12
Title: Re: الجنا شغال حمبوكجي وفكي الهلال كارب
Author: Seif Elyazal Burae
Date: 04-08-2009, 02:00 AM
Parent: #11
وقع لي ساي
واصل......
|
Post: #13
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-08-2009, 01:34 PM
Parent: #12
اصطبحنا واصطبح الملك لله الواحد القهار
اها ساحة المديرية اتملت بالناس
جناب المفتش جاي يتبختر لابس
برنيطه وقلم الكوبيا في الشراب
ربنا يجيب الفيها خير, دخل جناب
المفتش قاعة المحكمة وتبعه العمدة
|
Post: #14
Title: Re: الجنا شغال حمبوكجي وفكي الهلال كارب
Author: Seif Elyazal Burae
Date: 04-08-2009, 04:29 PM
Parent: #13
Good morning
|
Post: #15
Title: Re: الجنا شغال حمبوكجي وفكي الهلال كارب
Author: Saifeldin Gibreel
Date: 04-08-2009, 04:44 PM
Parent: #14
ابوالسيوف..أنه الخرطوم مرتع الصبآ والشباب بلهى ماتنسى تعرج لمعالم الخرطوم قهوة اتني... وفندق فيكتوريا فى شارع القصر ورويال ريست فى شارع المستشفى...الخرطوم...الخرطوم حيث كانت مثلها مثل اي عاصمة اروربية، كل شئ كان مرتب ومنظم حتى الدعارة كانت مظمة لها قوانينها، فلكل من تمتهن هذه المهنة بطاقة وكرت صحى ولكن الان الدعارة موجودة فى الخرطوم والناس مقفلة اضنيها ومنهم من ينكرون هذه المهنة، وهى اول مهنة امتهنها الانسان على وجه الارض.
واصل الحكى جميل... وبنجر راجعين....
|
Post: #16
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-08-2009, 06:48 PM
Parent: #15
العزيز سيف الدين جبريل
كلامك عين العقل لكن منو
البقول البغلة في الابريق
وحليل اتني من المغرب
الكراسي في الفسحة
تحت عربات وفوق عربدات
حليل الاسكلوب باني
جايييييييييكم
|
Post: #17
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-08-2009, 11:14 PM
Parent: #16
امر جناب المفتش العسكري باحضار المتهمين لقاعة المحكمة
تم احضار المتهمين لقاعة المحكمة وتم السماح للناس بالدخول
جناب المفتش سال العمدة وهو المرجع للمفتش ومساعده......
جناب المفتش : يا عمدة بتعرف الناس ديل؟
العمدة : بالحيل جناب المفتش
جناب المفتش: احلف يا عمدة
العمدة : والله اقول الصح والما صح
هلا هلا العمدة خم جناب المفتش
عفارم يا عمدة
|
Post: #18
Title: Re: الجنا شغال حمبوكجي وفكي الهلال كارب
Author: معاوية المدير
Date: 04-09-2009, 00:43 AM
Parent: #17
نديدي, نعلك زين...
بتقولي لي أيام زمان ما بيرجعن
باكر يرجعني الشجـن
واصـل...متابعين...
|
Post: #19
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-09-2009, 02:01 AM
Parent: #18
حلاة الباوقة وحلاة ناسا
ود المدير الشاعر الفحل
نديدي ..الحلو وظريف
وحات الشجن واللوعة
راجعييييييييين
شكرا علي طلتك اللطيفة وما تحرمنا من ابداعاتك
مودتييييييييييييييي
|
Post: #20
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-09-2009, 11:40 PM
Parent: #19
اها بعد حليفة العمدة انه يقول الصح والماصح
اتلفت المفتش صوب المتهمين:
جناب المفتش:المتهم الاول ا سمك منو؟
المتهم : فلان بن فلان بن فلان
جناب المفتش: يا عمدة المتهم ده بيشتغل شنو؟
العمدة :الجنا ده يا جناب المفتش شغال حمبوكجي
جناب المفتش: شنو حمبوكجي يا عمدة؟
العمدة : بيبيع الحمبك عنده طبق اليل حمبك
حايم بيهو في السوق
جناب المفتش: براءه
|
Post: #21
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-10-2009, 00:07 AM
Parent: #20
جناب المفتش: المتهم الثاني اسمك منو؟
المتهم : فلان بن فلان بن فلان
جناب المفتش: المتهم ده يا عمدة شغال شنو؟
العمدة : الولد ده شغال تمبوكجي جناب المفتش
جناب المفتش: شنو تمبوكجي يا عمدة؟
العمدة :بيبيع التمباك يا جناب المفتش, عنده حقه
اليلة تمباك عدال قهوة الزيبق
جناب المفتش: براءة
|
Post: #22
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-10-2009, 00:29 AM
Parent: #21
العمدة يا اخوانا ما حلف انه يقول الصح والماصح
ولي الحين ما قال الصح لكن طلع الجنون الاتنين براءة
الجماعة في المحكمة كلهم منططين عيونهم العمدة ما حالف
يقول الصح والماصح دحين العمدة قال الماصح يعني ما شي
يورط الجنا التالت بيقولو للصح؟
نده المفتش المتهم الثالث وساله من اسمه, واتلفت للعمدة
المفتش : يا عمده المتهم ده شغال شنو؟
العمدة : الجنا ده يا جناب المفتش شغلتوووووووووووووو
بيتافق الجنون مع البنات( دي ما ياهو قواد عديييييييييييييل)
المفتش :براءة
هلا هلا يا عمدة , ذكاء ودهاء وحكمة قلت الصح ووفيت
بيحليفتك , لكن خليت المفتش متل الاطرش في الزفة ما فاهيم
كوعه من بوعه, وطلعت الجنون من التهمة زي الشعرة من العجين
حليلكم يا ابوي العمدة ما كم ناس اصيلين تحافظوا علي اهل
البلد من سطوة الغريب بالرغم غلطهم الواضح للكل
|
Post: #23
Title: Re: الجنا شغال حمبوكجي وفكي الهلال كارب
Author: Seif Elyazal Burae
Date: 04-10-2009, 03:18 AM
Parent: #22
الاخ سيف
يبدو انك خبير بالخرطوم ودروبها الوعرة والسالكة
اتمني من ان تدخل بنا في باب المسكوت عنه
وهو عالم الزقاق
والذي وقف الكثيرون بصفه العجيب
أيام كان للدعارة قوانينها المنظمة
وانا متاكد من ان التوثيق لهذا الزقاق
مهم وسيظهر من يضيف اكيد مافي ذلك شك
ونحن في الانتظار
|
Post: #24
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-10-2009, 09:16 PM
Parent: #23
ابو لينا غالي والطلب رخيص
مواصلين اجترار الذكريات
جمعة مباركة
|
Post: #25
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-12-2009, 11:02 PM
Parent: #24
استراحه
|
Post: #26
Title: Re: الجنا شغال حمبوكجي وفكي الهلال كارب
Author: سيف الدولة كامل
Date: 04-13-2009, 06:48 PM
Parent: #25
عدنا والعودة احمد
|
|