الطيب بشير بتاع التوجيه المعنوى مقدم لفقرات وبرامج مؤتمر حزب الامة بعد دا حزب الامة مامخترق

لكثير من التساؤلات مازالت تسار فى اروقة حزب الامة والاختراق المنظم من قبل حكومة الانقاذ واجهزتها الامنية، ففى المؤتمر الاخير كان مقدم برامج المؤتمر الرئيسية وفقراته الاستاذ الطيب بشير والذى كان يعمل كمزيع ربط فى تلفزيون السودان ، ثم من بعد التحق بقوات الشرطة وعمل فى التوجيه المعنوى وكان من يقومون بتقديم البرامج مثل ساحات الفداء وبرنامج ساهرون والتى تمجد نظام الانقاذ الدموي مثل صنوه يونس محمود مقدم التعليق السياسي، فى حين كان مجاهدي الانصار وحزب الامةالحقيقين يتهمون من الانغاذ بالعمالة والارتزاق وكان المناضلين الحقيقين
امثال الاستاذ خالد عويس وشرفاء حزب الامة يقبعون فى سجون الانغاذ، ففى ذلك الحين كان الطيب بشير من المطبلين لنظام الانغاذ وكل هذا موثق وبقدرة قادر اصبح الطيب بشير الان من قياداة حزب الامة فالسؤال الذى يطرح نفسه، أين كان الطيب بشير منذ قيام الانقاذ وماهو تاريخه الحزبي ومتى انضم لحزب الامة، والاستاذ الطيب بشير هو عضو فى هذا المنبر ولم نعرف له اي صوت او عراك سياسي فى هذا المنتدى ككادر من كوادر حزب الامة ومن البوستات الشهيرة التى شارك بها هنا ، فأذا لم تكن هنالك حماية من قبل الامن له لما كان حر
طليق فى شوارع الخرطوم، وهل حزب الامة نضب معينه من القيادات التى توكل لها مثل هذه المهام، أن الحزب وللاسف الشديد يتعرض لاختراق خطير من جهاذ آمن الانغاذ

الحبيب عادل

اول شئ صورتك الخاتيها دي شاترة البوست تماما


صغر الصورة بعدين نتناقش في موضوع الحبيب الطيب بشير

الحبيب عبداللطيف صورتى هينا
لكن لو الكلام انا قلتو تعن الطيب بشير دا صاح
حزب اللمه القومى منو العوض واليه العوض

كدا سغر لينا صورتك دي وبعدين نشوف الموضوع دا ..

طبعا اصلو ما في موضوع يعني نظام ( متاوتة ) وكدا ..

ودالباوقه فى الساعه دا ماعاوز اشوفك جنبى زح لى غادى خلينى فى الناس البجيبو الامنجيه عشان يزيعو ليهم فقرات مؤتمرهم
جنس دا بعجبك انت

الاخ محمد عادل
تحية واحتراما
الاحزاب الكبيرة دائما عرضة
للاختراق وليست هذه المرة الاولي ولن تكون الاخيرة
في انقلاب نميري كان مامون عوض ابوزيد المكلف بحماية الازهري
لانه ابن عوض ابوزيد الاتحادي العريق
وفي انقلاب البشير كان الصادق يضع ثقته في ابراهيم نايل ايدام

وهلم جر والصادق بالذات عاني كثيرا من الاختراق من اقرب المقربين اليه

الحبيب الشامى
لكن ماللدرجه بتاعت ناس القومى ديل
سيد صادق دا مابتعظ جاب امين عام امنجى وملء الحزب امنجيه

آ يا جنا..
كويس الجيت تونسنا بعد ما عردت المرة الفاتت يا محمد عادل..
شوف يا اللخو..
لما قامت الإنقاذ وجدت هؤلاء القوم في وظائفهم الحكومية ولم تعينهم الحكومة مكافأة لهم مثل تعيين خالك مبارك شقدوم..

فحزب مثل حزب الأمة يمتلك من العضوية رقم يفوق الثمانية مليون بحسب تعداد آخر إنتخابات ديمقراطية..
وبه رجال يديرون مؤسساته على نزاهة..
وهو الحزب الوحيد الذي يتحدى أي تنظيم سياسي أن يحقق أو يقارب هذا الرقم..
"ورجالهم دناقر ما كبر عناقر.."
وعلى قول خوالك المصريين موش رجالة بوء..
وعلى مقدرة على تجميع ورصد رقم يفوق هذا الرقم وإن كره الكارهون..


المحير بعد ما الحزب رميتو طوبتو..
حارقين جازكم في شان شنو..
خصوصاً وحزب الأمة كاسر قلة وراكم..


أمركم عجيب بشكل..

هــــرجله

هرجله شديده ياعمو تنقو

انتو فى ضبانه بتزن

---------------------------------------

كلام الاخ محمد عادل صحيح ازكر جيدآ أن الاخ الطيب بشير كان مقدم لبرنامج يتبع للتوجيه المعنوى فى تلفزيون السودان وكان كله تطبيل للانغاذ، يجب تثبيت هذه الحقائق..........

Quote: للانغاذ،

ياأخوانا والله ضرستونا عديييل كده
محمد عادل قلنا معذور ومافي امل إنو يتعلم
لكن كمان جانا سيف الدين برضو كاتبها زي محمد عادل
أرحموووونا

اتعلمت انت يامحمد فرح يابتاع الامن

محمد عادل
الكلام بتاع صدر البوست دة كلام موزون ومرتب
وقليل الاخطاء ولانى متاكد انه الفترة الزمنية
غير كافية ان تكون قد تعلمت فيها القواعد والاملاء
بشكل سليم اقدر اقول ويدى مليانة دى كتابة ماقدر
قدرتك ياابنى ونقدر نقول عليك بقيت مخلب لكل من
يود ان ينال من حزب الامة والامام الصادق واسرته

لكن اقول ليك حاجة الطيب بشير دة زول
ماساهل ومكسب لحزب الامة بغض النظر عن مشاركته
كمذيع او فى التوجيه المعنوى

احمد التجانى
نكتب ليكم صاح تقول لينا دا ماكتابتك اقول ليك كلمه معليش سبويه جاكم انتو براكم
من الان حنكتب غلط
ياخى دا زول ماساهل مره كتب ليهو بوست تافه جدا ماعارف شنو وسط الاسلاميين

Quote: الكلام بتاع صدر البوست دة كلام موزون ومرتب وقليل الاخطاء ولانى متاكد انه الفترة الزمنية غير كافية ان تكون قد تعلمت فيها القواعد والاملاء بشكل سليم اقدر اقول ويدى مليانة دى كتابة ماقدر قدرتك ياابنى ونقدر نقول عليك بقيت مخلب لكل من يود ان ينال من حزب الامة والامام الصادق واسرته لكن اقول ليك حاجة الطيب بشير دة زول ماساهل ومكسب لحزب الامة بغض النظر عن مشاركته كمذيع او فى التوجيه المعنوى

شكرآ الأخ أحمد التجاني
شكرآ لأنك فضحت الفيل و الظل بمقارنة مستوى الكتابة كقرينة أولى أسـّـســنا عليها قراءتنا للمقصد من الهجوم.
و شكرآ لرأيك أنني أضيف للحزب، و أرجو أن أكون قدر التحـدّي فهو ليس بالحزب السهل.
أما مشاركاتي المزعومة فهي محض افتراء لا تشغل به بالك..

.

ياسيف كل امنجى اصبح ملجاه حزب الامه

محمد عادل عليك الله صغر الصورة
عشان نقدر نقرأ مرتاحين..
عليك الله..

السيد/ محمد عادل

السلام عليكم

ارجو أن لا يدفعك عداءك لحزب الأمة القومي لايراد ما لا تعرفه عن الطيب خاصة هذه الايحاءات ..

الحبيب معتصم
انا ماعندى عداو مع زول
ياخوى معلوماتى انا عن الزول دا متاكد منها

Quote: الكلام بتاع صدر البوست دة كلام موزون ومرتب وقليل الاخطاء ولانى متاكد انه الفترة الزمنية غير كافية ان تكون قد تعلمت فيها القواعد والاملاء بشكل سليم اقدر اقول ويدى مليانة دى كتابة ماقدر قدرتك ياابنى ونقدر نقول عليك بقيت مخلب لكل من يود ان ينال من حزب الامة والامام الصادق واسرته

حقيقة كنت متخيل الكلام الفوق خبر منشور في جريدة و قام الأخ / محمد عادل بـ ( لفحه ) دون إشارة للمصدر ..

لا أعتقد بأي حال أن محمد عادل هو من كتب مقدمة هذا البوست ، لأنه ببساطة لا توجد أخطاء كثيرة في تلك المقدمة ، بينما عودنا الأخ / محمد عادل بأن يكون عدد أخطائه الإملائية بمعدل سطرين أخطاء لكل سطر كتابة ..

ـ

Quote: حقيقة كنت متخيل الكلام الفوق خبر منشور في جريدة و قام الأخ / محمد عادل بـ ( لفحه ) دون إشارة للمصدر .. لا أعتقد بأي حال أن محمد عادل هو من كتب مقدمة هذا البوست ، لأنه ببساطة لا توجد أخطاء كثيرة في تلك المقدمة ، بينما عودنا الأخ / محمد عادل بأن يكون عدد أخطائه الإملائية بمعدل سطرين أخطاء لكل سطر كتابة ..

صدقت أخي عصام دهـب..

و لذلك كفانا مؤونة الردّ "عـلـيـه"

.

صحى المابعرفك بجهلك

صحى يابوحميد
مابنجهل نضال الامنجيه والمخترقين

محمد عادل
المقاس دة كيف معاك

الاخ محمد عادل
تحياتي



ياخ حزب الامة القومي دا فك سكتو لانهم رافضين رجوعكمالا بعد التوبة والرجوع كأفراد

وخلي الامام الصادق وجماعته في حالهم


اتكلم لينا عن حزب الامة الاصلاح والتجديد ونشاطه وبرامجه والانتخبات علي الابواب

سيدي الفاضل الطيب بشير رجل بقامة وطن ...

اما وجوده في هكذا محفل فيشكل اضافة للحزب اكثر منها للطيب ...

حزب الامة مخترق الليلة و لا من امس ؟

و الاختراق في الحزب لا يفسد للود قضية !!
و لا نراجع التاريخ !

هامش:
نحنا بتوع الاتوبيس !!

ـــ
محمد عادل سلامات يا خي



عليك الله نزل الصورة دي عشان نعرف نقرآ ليك كويس

محمد عادل ...

احس بأن احدهم يريد أن يصفى حساباته مع ا لاستاذ الطيب بشير
عبرك ..أعرض عن هذا انى لك من الناصحين ..الطيب شردته الانقاذ
وطالته باالفصل من التلفزيون ومن الشرطة ..و سيدى الطيب بشير فى
كل حالاته و(تجلياته) لايشبه الكيزان فى شيء ..وان يشارك الطيب بشير فى
مؤتمر اى حزب من الاحزاب الوطنية يكون ذلك من باب الاسهام الوطنى لاغير ..ويتشرف
المؤتمر ويتشرف حزب الامة بأن وافق الاستاذ الطيب بشير لتقديم فقراته ..
اقول قولى هذا وأسال الله لك ولنا الهداية ..ونساله ان ينعمنا بمحبة نبيه الكريم
وبمحبة ا مثال( سيدى ) الاعلامى البارع والناجح الطيب ابن البشير ..
ونسال الله ان يحميه ويغطيه من الحسد والحقد انه القادر على ذلك ..سبحانه
لايعجزه شيء ...

Quote: سيدى الطيب بشير فى كل حالاته و(تجلياته) لايشبه الكيزان فى شيء ..وان يشارك الطيب بشير فى مؤتمر اى حزب من الاحزاب الوطنية يكون ذلك من باب الاسهام الوطنى لاغير ..ويتشرف المؤتمر ويتشرف حزب الامة بأن وافق الاستاذ الطيب بشير لتقديم فقراته .. اقول قولى هذا وأسال الله لك ولنا الهداية ..ونساله ان ينعمنا بمحبة نبيه الكريم وبمحبة ا مثال( سيدى ) الاعلامى البارع والناجح الطيب ابن البشير

الحبيب الغالي محمد عبدالرحمن

هـوّن على أخيك، يرحمك الله، فو الله لا أطيق محبتك
و لئن خرجتُ من حزب الأمة بلطفك البائن هذا إني و الله من الكاسبين
و مثلما تفضـّـلت كانت مساهمتي المتواضعة في تقديم فقرات البرنامج يوم المؤتمر، و قبله مؤتمر سودان المهجر و ندوة تحرير الخرطوم، مساهمة أعجبت الكثيرين، و قيل إن فيها بعض التجديد..تمثـّـل في كسر الجمود و الشكل الرسمي و إشراك ضيوفنا الخواجات عبر وسيط لغوي أكثر تمثيلآ لهم من اللغة العربية..و أنا راض عن التجربة و أتوق لتطويرها و متابعة النقد الجاد بشأنها..أما الزبد فقد ذهب، بالفعل، جفاء..بفضل ردودكم الشافية و إعراض الكثيرين عن أمر بدا، بلا كثير عناء، غير معقول..

Quote: ونسال الله ان يحميه ويغطيه من الحسد والحقد انه القادر على ذلك ..سبحانه لايعجزه شيء ...

أمـّـا هذه فليس لي حيالها غير دعائكم، لي و للحاسدين، فهم أحوج للدعاء..

و الله نسأل الهداية لنا و لهم...

.

Quote: الطيب بشير رجل بقامة وطن ... اما وجوده في هكذا محفل فيشكل اضافة للحزب اكثر منها للطيب ... حزب الامة مخترق الليلة و لا من امس ؟ و الاختراق في الحزب لا يفسد للود قضية !! و لا نراجع التاريخ ! هامش: نحنا بتوع الاتوبيس !!

دكتور هيثم..
ألف أهلآ بيك و مرحب
الله يجبر بخاطرك
في يوم المؤتمر فات علي الترحيب بالأستاذ محمد إبراهيم نقد، و هو خطأ إعتذرت عنه on the spot و قلت في اعتذاري مداعبآ الأستاذ الكبير و المناضل الأشهر:
إنت كنت متخفي تحت الأرض و لا شـنو يا أستاذ؟ ما شايفك في الصف الأول..
ضحك الحضور و صـفـّـقوا ..و استعار الرئيس البشير كلامي ذاك حين خاطب الأستاذ نقد قائلآ:
بعد الليلة تاني ما بتحتاج تمشي تحت الأرض يا نقد..عمل علني و بس..
كانت تجربة ذاك المحفل يا هيثم جميلة و راااااائعة
تستحق أن نحتمل هكذا بوســت ضريبة لها..و سيبقى ما ينفع الناس..

.

Quote: ياأخوانا والله ضرستونا عديييل كده محمد عادل قلنا معذور ومافي امل إنو يتعلم لكن كمان جانا سيف الدين برضو كاتبها زي محمد عادل أرحموووونا

اخونا محمد فرح...مع خالص احترامى للاستاذ الطيب بشير ولكن المعلومة التى اتى بها الاخ محمد عادل بأن الطيب بشير كان يعمل بالتوجيه المعنوي فى تلفزيون الانقاذ فهى حقيقة..يجب التوثيق لتاريخنا السياسي بشئ من الوعى فمسألة انضمام الطيب بشير لحزب الامة او تقلده منصب فى قيادة الحزب هذا شأن يخص حزب الامة.. وللاخ الطيب بشير بوست مشهور عن اللواط وسط الاخوان المسلمين فى هذا المنبر.

http://كـيف و لماذا أصـبح الـلـواط ظـاهرة عنـد {الكيزان} دون سواهم...؟؟!!

اسف للخطأ فى نقل الرابط من ارشيف المنبر لبوسط الاخ الطيب بشير عن اللواط وسط الحركة الاسلامية..


كـيف و لماذا أصـبح الـلـواط ظـاهرة عنـد {الكيزان} دون سواهم...؟؟!!

للمرة التانية في يوم واحد في البورد دا
كر علي

يا محمد عادل الله يهدينا ويهديك يا اخي
عرفت ليك كليمتين عن الطيب بشير
لامن لحقتو ناس الأمن بي هناك...؟؟؟

يا راجل امن شنو؟ القال ليك كده عايز يهبلك اكتر..
وربما يحملك مسعولية لا انت ولا عمتك دي قدرها...
دحين انفض ايدك دي من البوست دا سريع ...
واستغفر ربك 3000 مرة فما الصقته في الطيب ود بشير من فرية
شغلانة كبيرة...اعتذر عنها...ولا تواصل في هكذا بهتان

ولو جبت قائمة جهاز الامن وتوقيع الطيب بصرف معاشه فلن يصدقك
من يعرفون الطيب ود بشير...فاستهدي بالله ...وما تخرمج

Quote: ولو جبت قائمة جهاز الامن وتوقيع الطيب بصرف معاشه فلن يصدقك من يعرفون الطيب ود بشير...فاستهدي بالله ...وما تخرمج

شفت يا نزار الناس التحتهم خط ديل هم الأهم..

يعرفوننا و نعرفهم..خبرت علاقاتنا بهم الأيام بمرّها و مرّها!!

و العاوزين نضيفو للقائمة الناصعة دي لازم يمر بنفس الغربلة..

و للمخرمجين الريح..

محبتي..

.

Quote: وهل حزب الامة نضب معينه من القيادات التى توكل لها مثل هذه المهام، أن الحزب وللاسف الشديد يتعرض لاختراق خطير من جهاذ آمن الانغاذ

The answer is YES..if you wanna know why? then my answer is simply because you are - very unfortunately - NOW counted as one of those who fight for the Ummah Party

As far as Tayeb is concerned, I believe he can (grant) you a series of free lessons in writing, addressing people, reading, and communication techniques through all kinds of media specially mass media


فهمت حاجة يا وليدي؟؟

كله إلا الطيب الطيب

محمد عادل,

الطيب بشير مناضل
وصوفى نقى السريرة جميل الروح,..

هذا الذى كتبته عبارة عن تهريج فى حق رجل ناكف النظام
وعارضه بالصوت المسموع وبالفكرة الحرة..


للطيب الذى نعرفه ويعرفه الجميع هنا,

كثير سلام أينما حل

ابني محمد عادل



انا ، شخصيا ، من المتعاطفين معك

لاسباب لا علاقة لها بالسياسة



وأنا ، شخصيا ، أوافقك في أن "أوضاع" حزب الأمة الحالية غير مبشرة


كان الله في عون الشرفاء الصامدين داخل هذا الحزب العريق



ولكن


أرفض بعمق هذه الاتهامات "الجوفاء" في حق صديقي الطيب بشير


الامريكي السوداني الجميل

الشاعر الإعلامي الأصيل المهذب

وأنا ، شخصيا ، أجريت حوارا مطولا مع الطيب بشير نشر جزء منه في صوت الأمة قبيل الانغلاق


ليتك أو ليت أحدا ، وربما يكون بحوزة الطيب نفسه ، نسخة منه


ذلك الحوار المنشور جله على الملأ
والذي أشهد أن الطيب بشير أجاب فيه على أسئلتي بكل تلقائية وعفوية ووضوح

والذي تعرضنا انا وهو فيه لمراحل عمله في الشرطة السودانية وفي تلفزيون السودان وكيف كان يجد المضايقات الجمة نتيجة لحقيقة بسيطة هو أنه ليس من "الجماعة"

للدرجة التي اضطر فيه للهجرة إلى الولايات المتحدة

والمرور هناك بظروف بالغة الصعوبة ما كان ليضطر لها لو كان كما تقول يا صغيري

وهناك معارف وأصدقاء الرجل الكثيرين يمكن الرجوع إليهم أيضا

لا يمكن أن يخدع الطيب بشير كل هؤلاء

وهناك سجله في هذا المنبر والمنابر المجاورة

ليس في أطروحاته ما يدعم ما ذهبت إليه هنا



ابني الحبيب محمد عادل

اثمن الحالة "الوطنية" التي أنت فيها تجاه حزب الامة القومي

لكن تحر الدقة والصدق ما أمكن قبل أن تنقل مخرجات تفكيرك الرغائبي هاهنا


لك الحب أجزله

Quote: احس بأن احدهم يريد أن يصفى حساباته مع ا لاستاذ الطيب بشير عبرك ..أعرض عن هذا انى لك من الناصحين ..الطيب شردته الانقاذ وطالته باالفصل من التلفزيون ومن الشرطة ..و سيدى الطيب بشير فى كل حالاته و(تجلياته) لايشبه الكيزان فى شيء ..وان يشارك الطيب بشير فى مؤتمر اى حزب من الاحزاب الوطنية يكون ذلك من باب الاسهام الوطنى لاغير ..ويتشرف المؤتمر ويتشرف حزب الامة بأن وافق الاستاذ الطيب بشير لتقديم فقراته .. اقول قولى هذا وأسال الله لك ولنا الهداية ..ونساله ان ينعمنا بمحبة نبيه الكريم وبمحبة ا مثال( سيدى ) الاعلامى البارع والناجح الطيب ابن البشير .. ونسال الله ان يحميه ويغطيه من الحسد والحقد انه القادر على ذلك ..سبحانه لايعجزه شيء ...

امين امين

شكرا اخي محمد عبد الرحمن

تحياتي لدفعتي الانسان الجميل الاستاذ الاعلامي القدير الطيب بشير

محمد علي المشرف

Quote: تحياتي لدفعتي الانسان الجميل الاستاذ الاعلامي القدير الطيب بشير محمد علي المشرف

دكتورنا يا أعزّ عزيز

ألف كتـّـر خيرك

وصلت تحاياك

و الله ليك وحشة

.

Quote: أرفض بعمق هذه الاتهامات "الجوفاء" في حق صديقي الطيب بشير الامريكي السوداني الجميل الشاعر الإعلامي الأصيل المهذب وأنا ، شخصيا ، أجريت حوارا مطولا مع الطيب بشير نشر جزء منه في صوت الأمة قبيل الانغلاق ليتك أو ليت أحدا ، وربما يكون بحوزة الطيب نفسه ، نسخة منه

مرحبتين عزيزي البحيري

مع تقديري الأكـيد للتضامن القوي و الكلام اليشبه نقاءك، أذكـّــرك بأن مسؤولية محمد عادل عن هذا البوست لا تعدو (أجر المناولة) و هو ظل الفيل، أما الفيل/ة فقد عفونا عنه/ا، تمامآ، تقديرآ للحالة الخفاشية التي يتعامل بها، و لأن مشاغل حياتنا الجميلة لا تكاد تسمح بهكذا فراغ .. فلا تبتئس و دعهم في خوضهم..

بالنسبة للحوار السمح فالعدد بحوزتي، لكني لا أملك نسخة (soft) منه لأرفعها هنا..

.

Quote: الطيب بشير مناضل وصوفى نقى السريرة جميل الروح,.. هذا الذى كتبته عبارة عن تهريج فى حق رجل ناكف النظام وعارضه بالصوت المسموع وبالفكرة الحرة.. للطيب الذى نعرفه ويعرفه الجميع هنا, كثير سلام أينما حل

حبيبنا الجيل أحمد

مرحبتين ياخ

و أشكر لك ، بالحـيـل، هبـّـتــك في وش الوليد دا، و أنت الذي قاتلت إخوته الكبار في العبث هنا لأجلي قبلآ، و أحييك مرة تانية مع رجاء إبلاغ سلامي لسميرة و أهلها..لعلي أراكم أو أرى من رآكمو..

سوف لن نسلم من التهريج يا صديقي


.

.

محمود أخوي

و أنت تمسك بالعود ..تمنح العالم لحنآ جميلآ و دندنات..تزهو حولك فراشات المحبة و الأمل ..هل يمكن أن تتخيل في الدنيا ناس بتصحى من النوم ع شان تأذي البشر؟؟..و يخبرنا القرآن أن أول ذنب في الأرض هو المقارنة بين ابني آدم ..إذ قرّبا قربانآ فتـُـقــُـبــّل من أحدهما و لم يـُـتـقـبــّل من الآخر..
أها..الآخر دة ما صبر:
قال لأقتلنّـّـك!!
فنحن نحتمل القتل المعنوي هذا بصبر جميل و الله المستعان..
و أنا أقول، للفيل لا الظل، ماااااااا أنا بباسـط يدي إليك لأقتلـك..و عاوزك تبوء بذنبي و ذنبك..

دحين شيل شيلتك مع المنتقم الجبـّـار..

محمود الجميل..

هل لي في لحن؟؟

ممكن ننتظر شهرين تلاتة ع شان نسمعك

كــن بألف خير

.

Quote: ارجو أن لا يدفعك عداءك لحزب الأمة القومي لايراد ما لا تعرفه عن الطيب خاصة هذه الايحاءات ..

لا تكترث يا معتصم

ليست المرة الأولى، و لن تكون الأخيرة، التي تتطاول علينا فيها الأشباح و الأشباه!

تقديري

.

.

المثل الشعبي المطروح بصيغة إستفهام إستنكاري بيقول (عينك في الفيل تطعن في ضـلـّـو؟)

طبعآ واضح أن محمد عادل هو مجرد ظل لثـمـّة فيل، بحسب تحليل بعض المشاركين لمستوى الكتابة

و..

لأنو محمد عادل ما عندو معاي غبينة، و بالتالي دواس بلا أساس ما بيبقى

بالنسبة للظل، برغم إساءاته للباشا، فلن ينعم بإهتمام من حضرتنا..

أما الفيل فله/ا أقول:

* يكفيك رُعـبـآ أن تـُـنيب غيرك في معركة وددت إبتدارها!

* الأمر لا يستحق أن نبحث وسط إحتمالات الضائقين من نجاحاتنا المتوالية، بتوفيق الله و دعوات الوالدين، و مجهوداتنا، و قديمآ كان في الناس الحسـد، و قد قال المرشح الأمريكي الديمقراطي الطبيب "نسيت إسمو" إنو لمن يضربوك في خطراتك معناها إنت سابق الناس البيضربوا فيك ديل..بالذات لمن يكون التعليق بالطريقة الواردة في البوست دة..و على وضوح صلة بعض من تولـّـى الردود و الهجوم بمهاترين و حانقين و إمكانية ربط النقاط بأيسر مجهود، لكنا ستوفـّـر مجهوداتنا لمزيد من النجاحات و الإهتمامات التي تستحق و حقيقي مافي زمن.

* التعمية المقصودة في العنوان لا تفوت على فطنة القاريء، إيراد التوجيه المعنوي بدون الإشارة لإنو توجيه الشرطة. و ليس الجيش، و التضليل ببرنامج ساحات الفداء و ليس برنامج الشرطة ..زي ما قال تنقو تهريج مقصود .. و أنا سأترك للقاريء (الجـااااااد) مهمة الإستقصاء حول سـِـدانة الطيب بشير للإنقاذ، و ليعذرني القاريء (المرتاح) أنني لا وقت لدي لتكرار معلومات وردت كثيرآ هنا، و ليسعد من يريد تصنيفي أمنجيآ أو (إنغاذيآ)، و لعمري إن غلطة الإملاء هنا أبشع من غلطة الإنضمام للتنظيم السياسي الخطأ، أقول ليسعدوا بأنهم لن يجدوني متابعآ لردودهم بالنفي و لا حتى المتابعة، بل سنستمر في مهام حياتنا بلا أدنى اكتراث.

* أما حزب الأمة القومي، له التحية، فأنا أتعاطى التطوع فيه بالطريقة الأمريكية، لا السودانية، و الفرق واضح..فالنشاط الحزبي للكثيرين في السودان هو التفرغ التام و الإنتشار و الإنضمام لمركز قوة داخل الحزب ليسهل لاحقآ التقاتل في المناصب و التصاديق و الغنائم..أما في أمريكا فينشط الناس في الأحزاب أيام الإنتخابات لـ(محاكمة) برنامج المرشـّـح.. و العـضـو العندو "حاجة" ممكن يفيد بيها الحزب بيقدمها في صمت شديد..و دة الحصل، بالضبط، في الحالة بتاعة الطيب بشير، أنا بعد تقديمي لفقرات البرنامج في مؤتمر حزب الأمة خرجت لموقع عملي، و لم أعـُـد حتى الآن، لم أدخل دار الأمة، لم أعـُـد لمقر المؤتمر، لترسيخ شهرتي، كزول جديد في الحزب عاوز يظهر، لم أبادر بالإتصال بأي مسؤول بالحزب، باعتبار أن مهمتي الأساسية قد إنتهت، بنجاح أرهق هاتفي بالرنين، و لم أعـُـد لأنني لستُ (قياديـّـآ) بالحزب كما ورد في التهريج أعلاه..سبق المؤتمر لقاء إذاعي أجريتـُـه مع الحبيب الإمام الصادق المهدي باللغة الإنكليزية للمستمعين في جنوب السودان و الأجانب هناك لمدة خمسين دقيقة، و قد أعادته الإذاعة ثلاث مرات، و بعد المؤتمر أجريت لقاء بالعربي مع الفريق صديق، الأمين العام المنتخب، تناولنا فيه "كل" ما دار في المؤتمر، حتى الخلافات و زيادة الأعضاء و غيرها من القضايا الحرجة.. و تفضـّـل هو بالتعليق بأن اللقاء كان (قـلاّية) ..و أيضآ تمت إعادته..

* أظنني مدين لك، و للظل، ببعض الشكر أن أريتني تضامن أصدقاء هنا كتبوا كلامآ طيبآ قصم ظهري، لكنه أراحنى..

* أسأل الله لي، لك و للظل الهداية.. و التوفيق.

.

التحية للرجل الخلوق صاحب الحرف الجميل والكلمة الموزونة الطيب بشير.
..
..
الحبيب محمد عادل.،
أفرض مثلاً.. ان الطيب كان مقدم فقرات في تلفزيون السودان ايام الإنقاذ.. طيب ما رأيك في أناس كانوا مساعدي الرئيس ووزراء بحكومة الإنقاذ لهم كامل الإمتياز من رواتب وعربات .. الخ .. أظن الفرق واضح وكمان كبير جداً.

هسه يقولو ليهو شنو ده ؟

محمد عادل يا ولدي ..
رووق ، الله يرضى عليك .



....
الطيب الجميل ..
سلام سلاح لسعادتك ..

ولدنا .. محمد عادل

تروَ قليلاً ..

ولن أدفع عن الصديق الطيب شيئاً

لأنه أبلغ من أن ينافح عنه آخرون

لكن مقارنة بكثيرين ..الطيب .....

إبن طابت معروف بأدبه وذكائه ولطافة خلقه

وأظن ( وانا من موطن البيئة الأنصارية أبا عن جد )

سيكون هذا شرفاً كبيراً لا تستحقه كل أحزاب الأمة بشتاتها

أن يمر عبر بواباتها رجل مثل الطيب

ودعنى أبعث له برجاء أخوى .. ألا تفقد ( سودانيتك ) باعتبارك

من نجوم الاعلام الذين دخلوا البيوت بأدب فلا تلون وجودك بحزب


وإن كنت أعتقد أو أتمنى أن تكون تلك المشاركة تقديراً للسيد الصادق

لدوره الوطنى ( رغم الملاحظات التى لا تمس صورته الوطنية والفكرية )



ودعنى خروجاً عن هذا الحوار الثقيل ..


أهديك وأهدى الطيب وكل أهل طابت

شىء من طابت

من أحلى من يقول الشعر من أهلها

من محى الدين الفاتح :


و الشرقُ كانت له أنفاســـه نُــزُلا

بالوحي بالريح فتق أرضـنا رُسُلا

و الشرق كل جميل قد جرى مثلا

و الشرق بابلُ بل بغدادُ بل كسلا

و الشرق أنتِ فأنتِ السِحرُ في كسلا

.
رفيق المايك المـنــّــا أبو السارة

حبابك ألف

و كيف الحال

و مشتاقين..و ماسخة بلاك

Quote: الطيب .....إبن طابت معروف بأدبه وذكائه ولطافة خلقه وأظن ( وانا من موطن البيئة الأنصارية أبا عن جد ) سيكون هذا شرفاً كبيراً لا تستحقه كل أحزاب الأمة بشتاتها أن يمر عبر بواباتها رجل مثل الطيب

الله يجبر بخاطرك..

و شهادتك في صاحبك مجروحة..

أنا و الله تشرّفـت كثيرآ بتقديم شيء يسير لحزب عشـّـاق الموت الأنصار..

أنا ضعيف جدآ أمام من يموت لأجل الغير، لذا تجد شهداء رمضان غصة بحلقي و دمعة لا تجف، لحداثة العهد بموتهم لأجل غيرهم، برغم أنهم كانوا (مرتاحين) و لا ينقصهم غير هـمّ البلد..و كذا يا صديقي الأنصار (في وش المـكـن رقدوا التقول نايمين)..لاحظ الفرق بينهم و بين ساسة يقتلون الناس ليضمنوا (هـم) عيشآ و راحة بال..

أشكر مجاملتك لي و المحبة الضاجـّـة في حرفك..لكن الحق و الحـقّ أقول حزب الأمـة هو القلادة بعنقي...

Quote: دعنى أبعث له برجاء أخوى .. ألا تفقد ( سودانيتك ) باعتبارك من نجوم الاعلام الذين دخلوا البيوت بأدب فلا تلون وجودك بحزب وإن كنت أعتقد أو أتمنى أن تكون تلك المشاركة تقديراً للسيد الصادق لدوره الوطنى ( رغم الملاحظات التى لا تمس صورته الوطنية والفكرية )

أنا لا أفقد سودانيتي بانتمائي لحزب الأمة!!
و قوى الوسـط تجد مني تقديرآ هائلآ..
كنت قبل أيام في صالون السيد محمد عثمان الميرغني بانتظار إجتماع معه و تأجل اللقاء به..
برأيي أن قوى الوسـط تملك مفاتيح خروج البلد من الأزمة الحالية
و الصادق المهدي، على بهاء صورته الوطنية، لكنه ليس السبب الوحيد في انتمائي لهذا الحزب العظيم
هو و أنا معجبين بالمثال الأنصاري..

لك تقديري و التحيات

.

Quote: الطيب الجميل .. سلام سلاح لسعادتك ..

أهلين حبيبنا العمدة..

و الله كان الأسبوع الفات لـمـّـة حلوة..فقدناك و اتذكـّـرناك

إحتفلنا مع شباب الدفعة 50 بالقديم!!

و هم يقضون نهايات فترة التدريب بالفرقة التاسعة لزمالة أكاديمية الشرطة العليا..

أقدم عـقداء على أبواب رتبة العميد بعد شهور..

سعدنا بعبدالقادر الكتيابي و أبي بكر سيد احمد و بشرى البطانة

المرة الجاية معانا؟؟

.

Quote: التحية للرجل الخلوق صاحب الحرف الجميل والكلمة الموزونة الطيب بشير.

صديقي (الشاب) إسماعيل ورّاق..و الله مؤتمر المهجر دا أخد منك حقك في التبجيل

يعني ممكن نعاملك كفردة بلا أدنى حرج..

و .. حدّثتنا عن الذين إذا اكتالوا على الناس يستوفون!

و يتساءل جـلّ و علا، و هو أعلم، ألا يظـنّ أولئك أنهم مبعوثون ليوم عظيم؟

يوم يقوم الناس لربّ العالمين!!

هل سيأتي الفيل يومها بظل؟؟..يوم لا ظل إلا ظل العادل..و ليس محمد عادل؟؟..أم بطاقية الإخفاء؟؟


تقديري و المعزّة البيننا..


.

Quote: * أظنني مدين لك، و للظل، ببعض الشكر أن أريتني تضامن أصدقاء هنا كتبوا كلامآ طيبآ قصم ظهري، لكنه أراحنى.. * أسأل الله لي، لك و للظل الهداية.. و التوفيق

الاستاذ الطيب لا فض فوك

تخريمة :

ما مكن نسئل الله شمس تنير المكان و تكون كل الظلال الي زوال !!!

Quote: * أظنني مدين لك، و للظل، ببعض الشكر أن أريتني تضامن أصدقاء هنا كتبوا كلامآ طيبآ قصم ظهري، لكنه أراحنى.. * أسأل الله لي، لك و للظل الهداية.. و التوفيق

نحن كمان مدينين لمحمد عادل بالشكر
لأنه فتح لنا كوة راينا من خلالها الإنسان الطيب بشير الإعلامي الناجح والوطني الغيور

نضر الله وجوه الطيب بشير وأصحابه
وأعان الله أخونا محمد عادل على نفسه، وهمزات الشياطين.

Quote: نحن كمان مدينين لمحمد عادل بالشكر لأنه فتح لنا كوة راينا من خلالها الإنسان الطيب بشير الإعلامي الناجح والوطني الغيور نضر الله وجوه الطيب بشير وأصحابه

ألف أهلآ بالأخ الكريم جعفر دفع الله محي الدين..

أشكرك عزيزي كل الشكر

و نتمنى أن نكون قدر هذه المسؤولية و حسن الظـن..

بارك الله فيك و نضـّـر وجهك

و لا تنسانا من صالح الدعاء


.

Quote: خصوصاً وحزب الأمة كاسر قلة وراكم..

ابورزقة سلامات
هي قلة واحدة دا حوش قلل

ود أخوي محمد عادل
لك مني أطيب تحية وأصفى مودة

تعرف مرة كنا في حلقة درس في المسجد، إمامنا الله يرحمو كان رجل متصوف ونقي السريرة،
أشد ما كان يكرهه هو استغلال الترابي وأتباعه للدين .. الدرس كان عن الاختلاف في المذاهب
الأربعة.. قام واحد كوز سألو قال ليهو: يا مولانا باعتباري مالكي، هل يحق لي إتباع الأئمة
الباقين في بعض الأمور؟..
تبسم مولانا لهذا السؤال ورد على الكوز بسخرية جميلة: عليك الله يا عبد الوهاب يا ولدي إنت
اتبعت ليْ الترابي فيها شنو لو اتبعت واحد من الأئمة الباقيين..

أخونا الطيب بشير أنصاري ابن أنصار وهو ليس بدخيل على حزب الأمة وانتظامه في العمل بحزب
الأمة فيها منفعة للحزب وليس مضرة.. ولو انضم الطيب لأي حزب فسيزداد به ذلك الحزب شرفاً..
ما في زول بعرف الطيب بشير ممكن يكتب زي كلامك ده يا محمد..
أنا ما أنصاري ولا بعترف بأي حزب في الكون، لكنني زعلان وبستغرب من هجومك على حزب الأمة
وفجورك في الخصومة معهم..
أتمنى أن تفهم بأن الأحزاب تبقى والأفراد يغادرون وأرجو ألا تبني مواقفك السياسية من أجل
زيد أو عبيد، وتانياً مافي داعي تعمل بمقولة جحا (بعد ما طلعت من بطن أمي إن شاء الله تنسد)..
وعبرك أحيي الأخ النبيل الطيب بشير..

الاخ/محمد عادل

عدت للارشيف وغصت كثيرا ى بوستاتك
ابحث عن سبب
انقلاب محمد عادل على حزب الامة


رغم انى اؤيدك فيما تقول


والان شنو نقطة الخلاف الاساسية

بكري ابوبكر.........متين حترحمنا؟؟؟

اخى الطيب...
طبتم وطابت بكم طابت

أبشر ياأخوى ... المابعرفك يجهلك

Quote: اخى الطيب... طبتم وطابت بكم طابت أبشر ياأخوى ... المابعرفك يجهلك

مرحبتين عزيزي محمد معتصم

أبشر معاك من هنا لي كسلا الجميلة

مرورآ بدال الجميلة هي الأخرى

لا تشغل بالك بمن يجهلوك..و كيف يجهلوك؟؟

تقديري

.

Quote: لو انضم الطيب لأي حزب فسيزداد به ذلك الحزب شرفاً.. ما في زول بعرف الطيب بشير ممكن يكتب زي كلامك ده يا محمد..

تعرف يا نصر الدين بشير..أنا أخوي الكبير (د/ نصرالدين بشير) معروف بالحكمة

و يبدو إنو كل ناصرِ للدين حكيم

أشكرك و أحيي مناصرتك لي و للدين

و بتفكير براغماتي يا نصر الدين حتى لو ما (إزداد الحزب شرفآ) فعلى الأقل سيجد من يقوم له بعمله..

بشكل حرفي متقن..

و بمحبة تساعد في تجميل صورة الحزب في يوم إحتفالي..

من يكره؟؟

شكرآ لك..

.

Quote: الاستاذ الطيب لا فض فوك تخريمة : ما مكن نسئل الله شمس تنير المكان و تكون كل الظلال الي زوال !!!

دكتور هيثم يا راقِ

ربنا أدّانا الظلال دي ع شان نقدّر قيمة الظهور في العلن

و هو متاح لمن إستطاع إليه سبيلا..


سلمت يا ألق

.

Quote: هرجله شديده ياعمو تنقو

طيب يا محمد عادل كان مقتنع انها هرجله تعال نديك الوصفة اخدها من عمك دا وحتطلعك من المحله دي

اول حاجة تنقطع من الكتابه في المنتدي لمدة شهر
ترجع للارشيف من سنه الفين واتنين
وتقرأ بي مهله كدا وتفلتر كل البوستات القديمة

وبعدين ترجع حتلقي نفسك من ناس الكنبة القدام وامكن تكون الالفه كمان.



_______

بطل هرجله

يا بن مايكي الأثيري ،
ايها
الطيب
بن
الطيبين !


* سعيد أنا - دوماً - بك !!

Quote: يا بن مايكي الأثيري ، ايها الطيب بن الطيبين ! * سعيد أنا - دوماً - بك !!

مرور للتحيه والسلا م

.

.

Quote: مرور للتحيه والسلا م

ألف مرحــب بالرائع خطـّــاب حســن أحـمــد

شكرآ لمرورك ..و حبابك بالحـيـل

.

Quote: يا بن مايكي الأثيري ، ايها الطيب بن الطيبين ! * سعيد أنا - دوماً - بك !!

أهلين منوت الغالي..

أخي في رضاع الأثير و.. الحرف العالي

كيف حالك يا دكتور؟؟..أسعد الله بالك على الدوام

تقديري الأكيد للمرور و التعليق

.

Quote: ربنا أدّانا الظلال دي ع شان نقدّر قيمة الظهور في العلن و هو متاح لمن إستطاع إليه سبيلا.. سلمت يا ألق

العزيز الطيب بشير

هكذا بوست لن يزيدك الا شموخاً

و "تباً لارض تكلم بومها و اضحي بلبلها حبيس السكات"

و ما دام خفافيش باليل بقت تمشي بالنهار نشوف لينا كشافات


تخريمة:
مش التظليل ممنوع ... و لا المنبر دا مافيهو ناس مرور !

محمد عادل
كدى أمشى أسأل ناس طابت وقول ليهم كنت حزب أمة زمان والطيب ولدكم دا كوز وأمنجى ......
بالله ماتنسى تزور معاك نادى الهلال بطابت .....وقول ليهم أنا هلالابى يمكن تغفر ليك ......
أخوى الطيب
سلام
شهادتى فيك مجروحة ......
ودى العميق
ودكسلا وود طابت

Quote: أخوى الطيب سلام شهادتى فيك مجروحة ...... ودى العميق ودكسلا وود طابت

يسرى معتصم يا حبيبنا..كيف حالك؟؟

تقديري العميق لك و لكلامك اللطيف القوي

و بالطبع شهادتك مجروحة..ترشـح مودّة

أليس هذا أفضل لي من كل الأحزاب؟؟..

.

Quote: العزيز الطيب بشير هكذا بوست لن يزيدك الا شموخاً و "تباً لارض تكلم بومها و اضحي بلبلها حبيس السكات" و ما دام خفافيش باليل بقت تمشي بالنهار نشوف لينا كشافات

تعرف يا دكتور هيثم حال البلد مجوبك..

الديبلوماسي الخبير بيقول على الشعب السوداني (شحاتين) ..

البلد يكتشفوا فيها بترول..سعر البنزين يرتفع..

يبنوا فيها ســد.. قطوعات الكهربا تزيد!!

و وطنية الناس بيحدّدها (واد) زي محمد عادل الظـل، و الفيل الراجف فزعآ، و تنتاش سهامهم الناس بلا تمييز!


دة السودان..ياهو دا السودان..ترررار رارررم .. ياهو دا السودان..

حياك الله..


.

آي نعم الحزب مخترق لكن في ذمتنا الطيب الشيخ دي خلقة تخترق ليها حزب؟؟!!(:(:
يا حبيب محمد الطيب دة ود بيت
إزيك يا الحبيب و القريب الطيب، مؤكد في سوء تفاهم في الموضوع

Quote: يا حبيب محمد الطيب دة ود بيت إزيك يا الحبيب و القريب الطيب، مؤكد في سوء تفاهم في الموضوع

مرحبتين بالمهرة الكنانية الرابحة

الله يجبر بخاطرك يا لنا..

و مرحبتين حبابك يا أميرة..

ليس فس الأمر سوء فهم، بل هو سوء قصد، تم استخدام محمد عادل فيه

تسأل الله الهداية للفيل و ظـلـّــه!

تقديري لك..



.