الباشمهندس بكرى .. العزيزة زهرة حيدر فى انتظارك لتعود بيننا .. فهلا استجبت .؟

الباشمهندس بكرى ابوبكــر

تحياتى

الشابة الرقيقة زهرة حيدر خارج المنبر من فترة طويلة لانها فقدت الباسويرد بسبب الهكرز

رجاءًًُ اعـد لها مفتاحها .. لتكون بيننا ..

وشكرا مقدما ياريس ..

الرجاء ارسال الباسوورد للاستاذة زهرة حيدر ..

الباشمهندس بكرى
تحياتى
دعو الازهار تتنفس
و مثل هذه ال ( زهرة ) نحتاج استنشاق عبير كتاباتها

فى انتظار الباسويرد

زهرة حيدر دي منو؟؟

وانتا ذاتك متين سجلتا لامن عرفتا زهرة ؟؟

دكين

سلامات

الاستاذة زهرة حيدر اخت عزيزة و عضـوة قديمة بالمنبر منذ سنوات طويلة

انا سجلت لى 3 ايام يادكين يا اخوى المشكلة شنو ؟

مالك خاشى فينا شمال من البداية ؟؟

احترامى ،،،

سبحان الله !!!
اليوم والله جات في بالي ..
معك أناشد الباشمهندس بكري لعودة الأخت زهرة ..

دايرين زهرة

Quote: زهرة حيدر دي منو؟؟ وانتا ذاتك متين سجلتا لامن عرفتا زهرة ؟؟

يا دكين يا أخوى
كمان جاتنا همبتة منابر ؟

الزول بخاطب بكرى و ليس دكين .... انت الحشرك شنو ؟
تانى انت الموجعك شنو ان شاء الله سجل امس ...

هو مشاركات المنبر بقت بالاقدمية ؟؟؟؟
و انت العملت 5 ألف مشاركة ما قادر تتعلم مخاطبة الناس
و حسن القول ؟؟
يا أخى قل خيرا او فأصمت ... يرحمك الله

++

فووق لعناية الباشمهندس بكري ..

...طبعا وليد يدور معظم حديثة هنا على فرضية
مزعومة وهى أننى سألته أسئلة مبطنة وحتى نقطع
الشكل باليقين سأقوم بإيراد كلامه وسؤالى ولنرى
هل أسالتى كانت مبطنة ...
طيب أولا نشوف وليد قال شنو:

Quote: تبقى الشريعة الاسلامية هي القانون الوحيد الذي يكرم الانسان

وثانيا نشوف ردى عليهو:

Quote: أنت قاصد ياتو شريعة...؟ شريعة الملالى فى أفغانستان التى تحرم حتى التلفزيون...؟ ولا شريعة السعودية التى تقيم القصاص والحدود على المساكين وتتغاضى عن عمد عن عربدة وصياعة الامراء...؟ ولا شريعة المشير البشير التى إختزلت الدين فى دس أنفها فى فساتيين النساء لتححد الطول الشرعى ....؟ بس عليك الله ورينا ياتو شريعة عشان بعد داك نتناقش فى إنو الشريعة هى جزمك الإطلاقى فى إنو الشريعة هى القانون الوحيد الذى يكرم الانسان

وتانى نشوف وليد قال شنو بعد داك:

Quote: انا قاصد الشريعة الواحدة دي بدون تحديد اتجاه جغرافي او اثنينة شريعة الاسلام بدون افغانستان او سودان شريعة كما هي تقيم الحد في القوي قبل الضعيف وتحدد فساتين النساء وما يلي الرجال كذلك دي الشريعة القاصدها انا بدون ما تسقط عليها انت تجاوزات بشر لغرض ما كده فهمتني

ولانو كلامو فضفاف كان لازم أسألو..وهذا سؤالى:

Quote: هل ترى ان الشريعة الاسلامية كرمة المرأة وهى تقول عنها أنها ناقصة عقل ودين...؟ وهل كرمتها حين دعت إلى ضربها...؟

ثم كان رد وليد كالاتى:

Quote: نعم كرمتها وما علاقة الشريعة بقول ناقصات عقل ودين ؟ اما ضرب المرأة فهو محدد بالنشوذ فقط بتعرف النشوذ شنو يعني ؟ من تنشذ تهدر كرامتها لوحدها في رائي الشخصي من تنشنذ تطلق وتشوف ربها وين او يتم الزواج باخري وهي على الحبال كدخه كيف معاك

ولان وليد قال كلام يشئ بجهله مثل ماعلاقة الشريعة بقول ناقصات عقل ودين
كان لابد أن أسأله...وكان سؤالى هو الاتى...وأرجو أن يلاحظ الجميع إن كانت
أسئلتى مبطنة أم هى واضحة وموضوعية وتنقب فى ذات كلام وليد...قلنا ان سؤالى كان:

Quote: وليد Quote: وما علاقة الشريعة بقول ناقصات عقل ودين ؟ سؤال غريب يا وليد...الشريعة تقوم وتعتمد على النصوص القرانية والاحاديث(هذا على حسب علمى) وناقصات عقل ودين ورد فى حديث شريف,,وعندما تفترض الشريعة أن المرأة ناقصة عقل ودين هذا فى وجهة نظرى ليس تكريم لها وإنما إجحاف فى حقها Quote: اما ضرب المرأة فهو محدد بالنشوذ فقط بتعرف النشوذ شنو يعني ؟ يعنى المرأة التى تأتى بالنشوذ تضرب ..وهذا يعنى أن الضرب الية لتربية المراة

وكان رده هو الاتى:

Quote: Quote: سؤال غريب يا وليد...الشريعة تقوم وتعتمد على النصوص القرانية والاحاديث(هذا على حسب علمى) وناقصات عقل ودين ورد فى حديث شريف,,وعندما تفترض الشريعة أن المرأة ناقصة عقل ودين هذا فى وجهة نظرى ليس تكريم لها وإنما إجحاف فى حقها بالله طيب القوانين العلمانية ختو اساسها ناس نعتبر اي حديث صدر من الناس ديك قانون القران بحكي حكايا عن اهل الكهف وسيدنا ابراهيم والخ بتفتكر انه ده شريعة ؟ ركز يا حبه ركز Quote: يعنى المرأة التى تأتى بالنشوذ تضرب ..وهذا يعنى أن الضرب الية لتربية المراة نعم تضرب ان نشذت النشوذ تعدي واي معتدي يجب ان يجد الرد المناسب ذكرا كان او انثى ان كانت لا تريد الضرب لا تنشذ او تطلب الطلاق او الخلع او خلافه انا بجاوبك بصراحة وانت من قبيل بتسأل اتمنى انك تجاوب على تساولاتي بصراحة هل تعتقد سيدنا محمد من قال ( النساء ناقصات دين وعقل ) نبي مرسل من الله وهل تعتقد ان القرآن كلام الله وهو الذي اتى فيه ( فاضربوهن ضربا غير مبرح ) وقبل ده كله هل تعتقد بوجود الله ؟ انا جاوبك بصراحة اتمنى ان تفعل انت ذلك _______________

أرجو ملاحظة أن وليد فى هذا الرد إفترض أنه رد على كل أسئلتى
لكم أن تتخيلو ذلك,,,ولانه أحس بحجم ورطته حاول طرح سؤال أفترض
انه سيحرجنى به,...
..طيب ولأن كلامه غير مضبوط كان بالضرورة ان أساله:

Quote: وليد طبعا سأقوم بالرد على سؤالك ولكن دعنى قبل ذلك أقف عن كلام كتبته لم افهمه Quote: طيب القوانين العلمانية ختو اساسها ناس نعتبر اي حديث صدر من الناس ديك قانون القران بحكي حكايا عن اهل الكهف وسيدنا ابراهيم والخ بتفتكر انه ده شريعة ؟ ياصديق أنت ركز شوية..أما أنك لاتعرف ان ما أوردته بخصوص ناقصة عقل ودين هو عبارة وردة فى حديث ورد فى صحيح مسلم وأما أنك تعرف هذه الحقيقة وتغالط الواقع..وثانيا هذا الحديث ورد على نقل عن الرسول وكلام الرسول واحاديثه من الاساسيات التى تقوم عليها الشريعة الاسلامية إلا إذا كنت ترى غير ذلك..يعنى الكلام ده ما صدر من اى زول سااااكت

وهذا هو رده

Quote: والله يا خالد انت الامرك محير خليني اشرح ليك ببساطة وكت غلبك تفهمني انت يا خالد رايح ليك يا عزيز ليس كل ما ذكر في احاديث المصطفى او ورد في القرآن شريعة هي الشريعة معناها شنو ذاتها ؟ لغة تعني منبع الماء اصطلاحا هي ما شرعه الله للناس من صلاة وحج وصوم ومعاملات ... الخ مؤخرا بقت تعرف بالمعنى ده : القوانين الاسلامية طيب يا خالد هل تفتكر انه قصة اهل الكهف وقصة اصحاب الفيل وبقرة بني اسرائيل قوانين او شريعة !؟ ما واردات في القران هل تفتكر حديث الذبابة قانون ؟! يا خالد ركز معاي كلامي واضح وانت الما قادر تفهم ليس كل ما ورد على لسان النبي من احاديث مثبته او غير مثبته يرقى لدرجة شريعة وليس كل ما ورد في القران ايضا شريعة كده واضح ولا ما واضح __________________________________ هسع بعد ما جاوبتك ارجحو انك تجاوبني على اسئلتي الفوق ديك بدون مماطلة انا من قبيل بجاوب فيك

...ملاحظة هنا وفى رده إفترض أننى اماطل ,,,ولا أعرف على ماذا
إستند .....عموا كان ردى هو الاتى:

Quote: وليد Quote: ليس كل ما ورد على لسان النبي من احاديث مثبته او غير مثبته يرقى لدرجة شريعة وليس كل ما ورد في القران ايضا شريعة طيب يا وليد فى تصنيف واضح للأيات التى تدخل فى نطاق الشريعة أو تعتبر مرجعية للشريعة..وهل هنالك تصنيف واضح للاحاديث التى تعتبر مرجعية للشريعة,,وعلى ماذا يقوم ذلك التصنيف...عشان الواحد يعرف الايات والاحاديث التى تستند عليها الشريعة الاسلامية Quote: ارجحو انك تجاوبني على اسئلتي الفوق ديك بدون مماطلة انا من قبيل بجاوب فيك اصلا مافى حاجة بتخلينى أماطل يامان ومن حقك على إنك تجاوب لانك قلت كلام وأنا مافهمتو,,والطبيعى إنك تشرح كلامك وتجاوب على الاسئلة على الحاجات غير الواضحة للاخرين.... عموما لا أدرى علاقة ذكرتنى أركان الكيزان لم يجى يداخلهم شيوعى...بخلو اى شئ وطوالى بقولوا ليهو هل انت مؤمن بانو الله فى ولا مافى....عموما لو عرفت أهمية هذا السؤال وعلاقتو شنو بنقاشى معاك حجاوب عليهو...مع إنو سؤال الدين والقبلية ده ماقاعد أجاوب عليهو....

تخيل ماذا قال وليد:

Quote: يا خالد انت متحري تسأل ببس بدون ما تجاوب كده النقاش لا يستقيم انا منتظر اجاباتك على الاسئلة الفوق ديك

طبعا هو هنا تملكه إحساس بعدم مقدرته على الإجابة على الاسئلة
أو أنها ستكون محرجة له وكان رده:

Quote: Quote: عموما لو عرفت أهمية هذا السؤال وعلاقتو شنو بنقاشى معاك حجاوب عليهو هاهاهاهاهاهاهاهاهاهاهاهاهاهاهاهاهاها هاهاهاهاهاهاهاهاهاهاهاهاهاهاها تجري يا راجل انا وكت جاوبت على اسئلتك المبطنة كان سالتك عن جدواها مع انها اسئلة لا في السماء لا في الارض وما عندها علاقة مع بعض بخصوص سوالك على التصنيف اكيد ما حا تتوقع اني اجاوبك بعد مماطلتك وتهربك ده

ومن هنا بدا يردد ان أسالتى مبطنة,,مع انهاواضحة وفى صميم الموضوع
وليته إكتفى بذلك طوالى وفى ذات الرد حاول إيهام نفسه بنصر ذائف وقال:

Quote: قول الروووووووووووووووووب

....طيب تانى يوم طوالى جا فتح بوست وقال إنو خالد بحر ماطل فى الأجابة
على أسئلتى فى محاولة لإيهام الراى العام هنا وكأنى رفضت الإجابة على أسئلته
وقال كذبا أنه سألى تلك الاسئلة قبل ثلاثة أيام مع حوارى معه كان فى إطار يوم واحد

هههههههههههههه

Quote: طبعا وليد يدور معظم حديثة هنا على فرضية

خالد بحر مالك يا زول ما فطرت الليلة ..

يازول انده معانا للاستاذة زهرة حيدر بس واتخارج لوليد دا بهناك ،،


لوووول

الأخـوة الأفاضل

عبد العاطى ..

التكينة والله عافى منك ..

قريبى زهير حيدر ..

ياسـر ..

حيدر الزين ..

وليد ( مع انك جيت طاشى ) برضو كتر خيرك

شكرا لمروركم الجميل .. ومعا حتى تعود زهرة الى المنبر

يا جماعة زهرة جات ولا لسه ؟؟

لسع والله منتظرين الريس بس

منتظرين

ياريس تأخرت كثيرا علي زهرتنا حيدر



ارجوك ثم ارجوك ان لا تتاخر اكتر من كدي


نرجو ارجاع الباسويرد للاخت زهرة حيدر ولك جزيل الشكر

في انتظار زهرة
شكرا خيري

كمبورة

ثروت

شكرا على المــرور ..

فى انتظار الريس ..

لسع !!!!