Post: #1
Title: ظاهرة عند السودانيين فى (ابوظبى)
Author: المر
Date: 04-04-2009, 07:12 AM
Parent: #0
صاحب المقولة (زائر)من السودان لاول مرة
قال السودانيين فى (ابوظبى)
لابردو ...السلام
ولابردو على ....التلفون(الموبايل)
ولا بردو....الديون
|
Post: #2
Title: Re: ظاهرة عند السودانيين فى (ابوظبى)
Author: المر
Date: 04-04-2009, 07:25 AM
Parent: #1
الرجل دة ليس له اى لون سياسى او اجتماعى!!!
زول الله فى بلد الله
|
Post: #3
Title: Re: ظاهرة عند السودانيين فى (ابوظبى)
Author: محمد الواثق
Date: 04-04-2009, 09:18 AM
Parent: #2
ده يكون لاقى الناس الما بجو النادي السوداني .
|
Post: #4
Title: Re: ظاهرة عند السودانيين فى (ابوظبى)
Author: ALZOLZATOO
Date: 04-04-2009, 09:23 AM
Parent: #3
بالله دي ياها الللات الثلاثة البيقولوها
لا اله الا الله
يازول صاحبك ده يكون وقع في الحمام الميت بس
في ابوظبي ناس تختها في الجرح يبرا طوالي
عشان كده قول لي صحبك ده افرزها يادجانقو لووول يكه
تحياتي لي ناس ابوظبي
زاتووووو
|
Post: #19
Title: Re: ظاهرة عند السودانيين فى (ابوظبى)
Author: المر
Date: 04-05-2009, 07:11 AM
Parent: #4
Quote: يازول صاحبك ده يكون وقع في الحمام الميت بس |
والحمام الحًى ما رجع ليهو دينو مالو؟؟
ودة اكتر شى مزعلو،مع زنقة الامور المالية العالمية دى؟؟؟
|
Post: #5
Title: Re: ظاهرة عند السودانيين فى (ابوظبى)
Author: المر
Date: 04-04-2009, 03:15 PM
Parent: #3
Quote: ده يكون لاقى الناس الما بجو النادي السوداني . |
وفى زول ردة ليهو سلام ولا تلفون؟
اشان يعرف النادى ذاتو جهة وين؟؟
دة كلامو غايتو؟؟
وكلام كتير تانى نديكم ليهو واحدة واحدة!!!!
|
Post: #6
Title: Re: ظاهرة عند السودانيين فى (ابوظبى)
Author: المر
Date: 04-04-2009, 03:48 PM
Parent: #1
والرجل اياها
شِكر ناس الامارات الشمالية
شكر شديد
|
Post: #7
Title: Re: ظاهرة عند السودانيين فى (ابوظبى)
Author: mahdy alamin
Date: 04-04-2009, 05:16 PM
Parent: #6
المر
ازيك
مرات الكلام ده صاح
مرات يعني كده
|
Post: #8
Title: Re: ظاهرة عند السودانيين فى (ابوظبى)
Author: BitAlhana
Date: 04-04-2009, 07:19 PM
Parent: #7
السلام عليكم
المر اخوي
مره ماشين في المول انا و اختي المقيمه ... قابلنا سودانيات قمت انا سلمت عليهم و هم احرجوني و ما ردوا السلام اتحرقت حرقه .... قلت لي اختي ليه كده؟؟ قالت لي اصلوا هنا كده النظام المشكله انه ما بس رد سلام ... معاها نظره كده من فوق لي تحت و دي الجابها هنا شنو ؟؟؟
قصه تانيه
بت عمي قابلت حجه كبيره في المول و سلمت عليها... الحجه من الفرحه نادت الناس المعاها كلهم عشان يسلموا عليها و قالت ليهم والله اول مره الاقي لي سودانيه بتسلم
و على العكس تماما تلافي ناس سودانين والله يحيروك بي الموده و الالفه
لكن نرجع نقول القصه ما بس في ابوظبي لانه هنا في نورث امريكا دي و المفروض انه السودانين فيها حافظين بعض.... قابنا سودانيه قبل اسبوعين و برضو نططت عويناتهاو ما سلمت .... عجيبه
دي ظاهره بقت ما عند السودانين في منطقه معينه دي في العالم كله
لكن اكيد بيكون في اسباب كتيره .. مافي شي من فراغ
معليش يا المر يا خوي تراني كنت ممكونه من القصه و ما صدقت عشان كده خشيت شمال طوالي
بس
|
Post: #9
Title: Re: ظاهرة عند السودانيين فى (ابوظبى)
Author: willeim andrea
Date: 04-04-2009, 07:31 PM
Parent: #8
Quote: و دي الجابها هنا شنو |
معقوله بس .... انتي صحي الجابك شنو ...... وش محتار من المستجدات في مشوار الغربه
|
Post: #10
Title: Re: ظاهرة عند السودانيين فى (ابوظبى)
Author: BitAlhana
Date: 04-04-2009, 09:24 PM
Parent: #9
هههههههه و الله صحي يا اندريا الجابني شنو؟
و بعدين انت الجابك هنا شنو؟؟؟
خليت حفلت شايك و جيت تتاوق بي جاي؟
الما عزمتني ليها ديييييييييييك
|
Post: #11
Title: Re: ظاهرة عند السودانيين فى (ابوظبى)
Author: mutwakil toum
Date: 04-05-2009, 01:32 AM
Parent: #10
يا بت الهنا سلام BIT ALHANA
كلامك 100% عن ابوظبي، مع اضافة انو كل السودانيين بشتكوا من انو الناس ما بتسلم علي بعض: لكن وين الناس ما بتسلم علي بعض في نورث كارولاينا؟ يكون قصدك Greensboro? الناس عندكم بتفرح بي شوفة بعض! الكلام ده لحدي قبل 5 شهور من اسي
|
Post: #12
Title: Re: ظاهرة عند السودانيين فى (ابوظبى)
Author: ibrahim alnimma
Date: 04-05-2009, 03:41 AM
Parent: #11
كنا طلبة بمصر وبالمنصورة كانت مدينة ريفيه وصغيرة والسودانين كلها تقريباً يتعارفو فكان لزاماً علي كل سوداني انو يسلم علي الاخر ابسطها السلام عليكم بدون تلاقي الايادي اما الطلاب بالقاهرة والاسكندرية فكنا نحسهم جفاة وغلاظ ....ولكن البعض كان يسخر من كثرة سلامنا وصفونا كثيراً بالريفين والتقليدين لانا نحمل صفات قروية ...الطريف اني اول مرة اسافر القاهرة كنت اسلم علي كل اسمر ...وكثيراً مايدقق في النظر ...ويستغرب كاني مجنون..او محتال ...وكانت رده للسؤال ياتي علي شاكلة نعم؟؟وهنا ادركت بان السلام في هذه الاحوال معطل للانسان ....وعلي الفور صرت امسك نفسي عن ممارسة هذه العادة في الاسكندرية والقاهرة واقتصرت علي ممارستها بالمدن الريفية فقط طنطا المنصورة والزقازيق ...... واحد من اصدقاءنا ذهب الي الاسكندرية وهناك قابل واحد اسمر وطلع مصري فبعد ان سلم عليه رفع المصري يده اليه مشيراً الي مكان المخ قائلا انت مقنون؟؟؟ باللهجة المصرية ....ولكن صحابنا وصف كل ناس الاسكندرية بالمجانين...
|
Post: #39
Title: Re: ظاهرة عند السودانيين فى (ابوظبى)
Author: المر
Date: 04-06-2009, 07:56 AM
Parent: #12
Quote: كنا طلبة بمصر وبالمنصورة كانت مدينة ريفيه وصغيرة والسودانين كلها تقريباً يتعارفو فكان لزاماً علي كل سوداني انو يسلم علي الاخر ابسطها السلام عليكم بدون تلاقي الايادي اما الطلاب بالقاهرة والاسكندرية فكنا نحسهم جفاة وغلاظ ....ولكن البعض كان يسخر من كثرة سلامنا وصفونا كثيراً بالريفين والتقليدين لانا نحمل صفات قروية ...الطريف اني اول مرة اسافر القاهرة كنت اسلم علي كل اسمر ...وكثيراً مايدقق في النظر ...ويستغرب كاني مجنون..او محتال ...وكانت رده للسؤال ياتي علي شاكلة نعم؟؟وهنا ادركت بان السلام في هذه الاحوال معطل للانسان ....وعلي الفور صرت امسك نفسي عن ممارسة هذه العادة في الاسكندرية والقاهرة واقتصرت علي ممارستها بالمدن الريفية فقط طنطا المنصورة والزقازيق ...... واحد من اصدقاءنا ذهب الي الاسكندرية وهناك قابل واحد اسمر وطلع مصري فبعد ان سلم عليه رفع المصري يده اليه مشيراً الي مكان المخ قائلا انت مقنون؟؟؟ باللهجة المصرية ....ولكن صحابنا وصف كل ناس الاسكندرية بالمجانين... |
المهم ياابراهيم
تلقى التحًية وبس... لاتنسلخ عن عاداتك
ودى
|
Post: #13
Title: Re: ظاهرة عند السودانيين فى (ابوظبى)
Author: Gaafar Ismail
Date: 04-05-2009, 03:55 AM
Parent: #11
أخي المر وضيوفه في دول المهجر التي بها وجود كبير للسودانيين ، لاحظت أنه عادي جدا تمر دون أن لا يسلم عليك أحد وحتى لو سلمت على زول قد لا يرد عليك السلام. والعكس في الدول التي بها وجود قليل للسودانيين تلقى السودانيين حنينين جدا والواحد لما يشوفك يجي جاري عليك ويسلم عليك .. اليابان مثالا. إنصافا لناس أبو ظبي عندي أصدقاء هناك لم أقابلهم حتى الآن ولكن تربطني بهم علاقات حميمة جدا عبر هذا المنبر .
تحياتي وتقديري ومودتي
|
Post: #14
Title: Re: ظاهرة عند السودانيين فى (ابوظبى)
Author: المسافر
Date: 04-05-2009, 05:09 AM
Parent: #13
ليه بتحكي الذكريات... ويوم ألاقيك ما بتسلم..
في ميدان الغزالة في طرابلس كان هناك ميدان يعسكر فيه الصوماليون..وممكن يكونوا من قبيلة واحدة قابلت سوداني سلم علي ولما رديت عليه السلام قال لي الحمد لله لقيت سوداني بيتكلم عربي.. شنو صار للسودانيين كل ما اتكلم مع واحد يرطن؟ قلت ليه قابلتهم وين.. قال لي ياهون ديل في الحديقة دي.. قلت ليه يا أخي ديل أولاد عمنا من الصومال ..
ومرة قابلت واحد وناس وناس وجلسنا نتحدث زي حديث الروح.. وقد أسعدني أننا جلسنا أكثر من ساعتين نتحادث وافترقنا على أمل اللقاء مرة ثانية.. جاءني ثاني يوم وكانت رؤيتي له كأني ألتقيت صديق الطفولة.. قال لي في الحقيقة أنا جيتك لأني بعد ما فارقتك أحسيت بالذنب قلت ليه ليه.. لأنك أفتكرتني سوداني.. قلت ليه لم يراودني شك؟ قال لي في الحقيقة أنا ما سوداني .. أنا كيني وذهبت للسودان عدة مرات وعاشرت سودانيين وفي حديثي معك شعرت بنيت على الود نفسه الذي يمكن أن تتبادله مع أي سوداني وكان لازم من الأول أقول ليك..
في أبوظبي مجموعة من الهنود لو لبسو الجلابية السودانية والعمة ربما تشبههم بأقربائك الذين تعرفهم دعك من الشبه الأربعين.. وأفريقيا كلها هنا.. أفريقيا الخطرة ديك.. نحن السودانيين الود البينا أصبح أكبر من أن يمتطي قولة سلام والجميل تكفينا منه النظرة.. وما تقول لي مبادلة إلكترونية.. المهم هذا الموضوع عرض بكثرة بالرغم من أنه ليس حكرا على أبوظبي كما ذكر أحد المتداخلين ومسائل الغربة فيها بعض التحسس وعدم رد السلام ربما يفسره البعض أنه مضاراة ..أي أن الانسان يتضارى منك..وهو عيب عدة أشخاص ذكروا لي رايناك في الطريق ونادينا عليك ولم ترد علينا عدة أسباب.. أحيانا في تقاطع طريق وترغب في محاولة العبور وكل هموم قطع الشارع ومخاوفه تأخذ اهتمامك وتسمع صوت ينادي.. أي التفات ربما تختل خطواتك.. الحل الوحيد تجاهل مصدر الصوت.. ناس كثيرم لظروف الرطوبة تعاني من اعتلال في السمع وطنين الأذن .. وفي نفس اللحظة التي يهاجمك الوزيز أصوات تأتي من جهة وأخرى من جهة وتعبر بدون ما تؤدي إلى تنبيهك بضرورة رد السلام.. واحد يصيح هوي هوي ... قلت ليه عمرك ما تعاملت مع أطرش.. الأطرش لو قبل منك ما تحاول تتعب نفسك بالصياح ولو جاء مقبل ربما يكون محصور في ظروف طرشه فاقد كافة مزايا التخاطب والأولى أن تتعامل معه بالإشارة.. ولو لوحت له بيدك فهو أسعد حال من رؤية التمتمة في فمك دون أن يسمع فحواها.. وما ننكر العطل من بواقي الفشل.. كل الفشل.. وأي منه.. يشعل الغيظ حتى التميز من كل ما يذكرك بي جتتك.. جتتك الكنت داير تطلع منها.. جات من هناك ثم من هناك ثم هاهي تغريك السلام.. صحي الموت سلام
والفينا مكفينا
|
Post: #15
Title: Re: ظاهرة عند السودانيين فى (ابوظبى)
Author: Nasruddin Al Basheer
Date: 04-05-2009, 05:54 AM
Parent: #14
Quote: صاحب المقولة (زائر)من السودان لاول مرة
قال السودانيين فى (ابوظبى)
لابردو ...السلام
ولابردو على ....التلفون(الموبايل)
ولا بردو....الديون |
أغلب الذين زاروا أبو ظبي رجعوا بهذا الانطباع عن ناس أبو ظبي.. وكلامك صحيح إلى حد كبير، لكن لا يمكن أن نعمم هذه الظاهرة على كل السودانيين .. واحدة سودانية من الشارقة زارت أبو ظبي وأغراها الشيطان بأن سلّمت على سودانية قابلتها في مول.. فنظرت إليها بازدراء وقال ليها: (أففففف..عالم بيئة)..
|
Post: #16
Title: Re: ظاهرة عند السودانيين فى (ابوظبى)
Author: ابوحراز
Date: 04-05-2009, 06:22 AM
Parent: #15
انتو ياجماعة ماشين ابوظبي ونورث كارولينا وام ضريوة دي مالكم الخرطوم دي ماشايفنها عليك أمان الله الواحد الا { تكلكلو } عديل عشان يسلم عليك والعجب كان لقيت واحد راكب عربية خلاص قيامتك وقامت تلقاه ماسك في الدركسون تقول بالع ليهو سيخة اما كثير من الطبيبات كان سلمت عليهن والله ولايقولن ليك بتقول في شنو والحالة جماعة { الأهلية } وكلية مامون حميدة اقسم بالله ديل يغلبوا ليكم ناس ابوظبي 10 / صفر واحد من ناس الخرطوم مرة قال الواحد مما تشوفو يسلم كتير ويفتح ليك خشمو زي العاوز يطرش طراش الملاريا دا تعرفو انو من أهل العوض مرة اتقابلنا مع واحدة جوار كلية القانون بجامعة النيلين وكان معاي صديقي سلمنا عليها سلام الله ورسوله والله تقول خشمها ملصق بي غراء بتاع النجارين تاني قابلناها وراء الاشلاق برضو لاحياة لمن تنادي والمشكلة فتحت الخشم وقالت ديل بيقولوا في شنو قلنا ليها قاعدين نقرا ليك طلع البدرو علينا من ثنيات الوداع !!! لكن برضو كثير من السودانيين لو الله أداهم قروش والله تاني السلام الا بي قرار من جماعة المسيار !!! غايتو عندنا واحد معانا هنا في السعودية مرات شهرين مايسلم عليك لكن يوم يجي يحضنك تأكد تماماً عاوز ليهو { دين } بتاع قروش والله العظيم مرة قلت ليهو لو قطعت نفسي ماعندك ولا ريال !!! قال أحضان قال !!!
|
Post: #17
Title: Re: ظاهرة عند السودانيين فى (ابوظبى)
Author: عثمان دغيس
Date: 04-05-2009, 06:46 AM
Parent: #16
Quote: انتو ياجماعة ماشين ابوظبي ونورث كارولينا وام ضريوة دي مالكم الخرطوم دي ماشايفنها عليك أمان الله الواحد الا { تكلكلو } عديل عشان يسلم عليك والعجب كان لقيت واحد راكب عربية خلاص قيامتك وقامت تلقاه ماسك في الدركسون تقول بالع ليهو سيخة اما كثير من الطبيبات كان سلمت عليهن والله ولايقولن ليك بتقول في شنو والحالة جماعة { الأهلية } وكلية مامون حميدة اقسم بالله ديل يغلبوا ليكم ناس ابوظبي 10 / صفر واحد من ناس الخرطوم مرة قال الواحد مما تشوفو يسلم كتير ويفتح ليك خشمو زي العاوز يطرش طراش الملاريا دا تعرفو انو من أهل العوض مرة اتقابلنا مع واحدة جوار كلية القانون بجامعة النيلين وكان معاي صديقي سلمنا عليها سلام الله ورسوله والله تقول خشمها ملصق بي غراء بتاع النجارين تاني قابلناها وراء الاشلاق برضو لاحياة لمن تنادي والمشكلة فتحت الخشم وقالت ديل بيقولوا في شنو قلنا ليها قاعدين نقرا ليك طلع البدرو علينا من ثنيات الوداع !!! لكن برضو كثير من السودانيين لو الله أداهم قروش والله تاني السلام الا بي قرار من جماعة المسيار !!! غايتو عندنا واحد معانا هنا في السعودية مرات شهرين مايسلم عليك لكن يوم يجي يحضنك تأكد تماماً عاوز ليهو { دين } بتاع قروش والله العظيم مرة قلت ليهو لو قطعت نفسي ماعندك ولا ريال !!! قال أحضان قال !!! |
أبو حراز أخوي ... أول شيئ البنية مالكم مزازينها وباقين ليها في رقبتها ؟؟؟؟! وما دمتوا مصرين قدر ده تسلموا عليها ..معناها كانت شديييييدة وبتستاهل تبقى تقيلة وطغيانة ...
أما زويلك بتاع السعودية ده هو البيحير ... هو بالله زولاً بيحتاج يدينوه .. الطغى ليهو شنو ....؟! شيئ عجيب !!!!!!!
|
Post: #18
Title: Re: ظاهرة عند السودانيين فى (ابوظبى)
Author: Jassim Osman
Date: 04-05-2009, 07:09 AM
Parent: #17
مداخله .. ظاهرة السودانيين عموما في دول المهجر سواء الاوربيه او العربيه .. وبالاخص في الخليج حقيقه امرنا عجيب جدا ... تجد الواحد فيهم يتعامل معك بكل احتقار كانك عاوز تشحد منو قروش ولا ولا ولا لا سلام ولا تحيه ولا ابتسامه .. واول ما يشوف ليهو مواطن يزيد من احتقار نفسه .. طبعا الكلام ده لا ينطبق علي الكل ولكن السواد الاعظم .. من ناحيه اخري تلقي السودني في الغربه في مجال عمله قمه في اي حاجه طيبه تخطر علي بالك . وفي بلده يساوي صفر .. والاعجب تلقي الواحد من بلد الواق الواق وفي دبي يعمل ليك انو هو الاستايل ذاتو .. وايش لونك وايش وايش . وفي المطار تلقي العجب وفي المول تحتار .. غايتو الله يكون في العون .. نواصل ...
|
Post: #20
Title: Re: ظاهرة عند السودانيين فى (ابوظبى)
Author: ASHRAF MUSTAFA
Date: 04-05-2009, 07:12 AM
Parent: #18
Quote: قال السودانيين فى (ابوظبى)
لابردو ...السلام
ولابردو على ....التلفون(الموبايل)
ولا بردو....الديون |
تاني يا ناس ابوظبي...توبة!!!
ده طرفي منكم!!
|
Post: #24
Title: Re: ظاهرة عند السودانيين فى (ابوظبى)
Author: معتصم الطاهر
Date: 04-05-2009, 08:38 AM
Parent: #20
زرت أبو ظبى أكثر من مرّة
و استقبلني أهلها .. بطيبة .. و زرت النادى السودانيى أكثر من مرّة
هم لايردون السلام فقط .. بل يردون إليك الروح .. و يمطرون سلاما و يظللون عليك غماما من الحفاوة بك كأنك الغيث أياديهم مرحبة عند الاستقبال .. ندية عند العطاء ..
و التقيت أناسا لا أعرفهم فى ( المولات) ..و الأسواق ..
وفقا للحالة التى تكون فيها انت و متلقى التحية يرد السلام أو يتجاهل ، فلا يمكن أن تحيي وأنت بمفردك أمرأة فى السوق ، أو شابتين فى كافتريا .. أو أسرة فى مطعم .أو على شاطئ . هي أشياء تُحَس حسب الموقف .
|
Post: #25
Title: Re: ظاهرة عند السودانيين فى (ابوظبى)
Author: المر
Date: 04-05-2009, 08:58 AM
Parent: #24
Quote: زرت أبو ظبى أكثر من مرّة
و استقبلني أهلها .. بطيبة .. و زرت النادى السودانيى أكثر من مرّة
هم لايردون السلام فقط .. بل يردون إليك الروح .. و يمطرون سلاما و يظللون عليك غماما من الحفاوة بك كأنك الغيث أياديهم مرحبة عند الاستقبال .. ندية عند العطاء ..
و التقيت أناسا لا أعرفهم فى ( المولات) ..و الأسواق ..
وفقا للحالة التى تكون فيها انت و متلقى التحية يرد السلام أو يتجاهل ، فلا يمكن أن تحيي وأنت بمفردك أمرأة فى السوق ، أو شابتين فى كافتريا .. أو أسرة فى مطعم .أو على شاطئ . هي أشياء تُحَس حسب الموقف . |
معتصم الطاهر
الكلام دة زمان الزول دة جا اسى قبل اسبوع
|
Post: #65
Title: Re: ظاهرة عند السودانيين فى (ابوظبى)
Author: المر
Date: 04-13-2009, 07:46 AM
Parent: #20
Quote: تاني يا ناس ابوظبي...توبة!!!
ده طرفي منكم!! |
كنت مواظب فى الجية ليهم ولا شنو؟؟؟
|
Post: #46
Title: Re: ظاهرة عند السودانيين فى (ابوظبى)
Author: المر
Date: 04-07-2009, 06:52 AM
Parent: #18
[Quote: B]والاعجب تلقي الواحد من بلد الواق الواق وفي دبي يعمل ليك انو هو الاستايل ذاتو .. وايش لونك وايش وايش . وفي المطار تلقي العجب وفي المول تحتار .. غايتو الله يكون في العون .. نواصل ... |
هةهةهةهة هاهاهاه هىهىهىهى هوهوهوهوهو
صواب جدا
|
Post: #50
Title: Re: ظاهرة عند السودانيين فى (ابوظبى)
Author: المر
Date: 04-08-2009, 07:51 AM
Parent: #18
Quote: مداخله .. ظاهرة السودانيين عموما في دول المهجر سواء الاوربيه او العربيه .. وبالاخص في الخليج حقيقه امرنا عجيب جدا ... تجد الواحد فيهم يتعامل معك بكل احتقار كانك عاوز تشحد منو قروش ولا ولا ولا لا سلام ولا تحيه ولا ابتسامه .. واول ما يشوف ليهو مواطن يزيد من احتقار نفسه .. طبعا الكلام ده لا ينطبق علي الكل ولكن السواد الاعظم .. من ناحيه اخري تلقي السودني في الغربه في مجال عمله قمه في اي حاجه طيبه تخطر علي بالك . وفي بلده يساوي صفر .. والاعجب تلقي الواحد من بلد الواق الواق وفي دبي يعمل ليك انو هو الاستايل ذاتو .. وايش لونك وايش وايش . وفي المطار تلقي العجب وفي المول تحتار .. غايتو الله يكون في العون .. نواصل ... |
الهٍدايا يالله
|
Post: #34
Title: Re: ظاهرة عند السودانيين فى (ابوظبى)
Author: المر
Date: 04-06-2009, 06:19 AM
Parent: #17
Quote: أما زويلك بتاع السعودية ده هو البيحير ... هو بالله زولاً بيحتاج يدينوه .. الطغى ليهو شنو ....؟! شيئ عجيب !!!!!!! |
موش كدا يادغيس؟؟؟
|
Post: #44
Title: Re: ظاهرة عند السودانيين فى (ابوظبى)
Author: المر
Date: 04-07-2009, 06:22 AM
Parent: #16
Quote: غايتو عندنا واحد معانا هنا في السعودية مرات شهرين مايسلم عليك لكن يوم يجي يحضنك تأكد تماماً عاوز ليهو { دين } بتاع قروش والله العظيم مرة قلت ليهو لو قطعت نفسي ماعندك ولا ريال !!! قال أحضان قال !!! |
ابوحراز المعايش جبارة
|
Post: #47
Title: Re: ظاهرة عند السودانيين فى (ابوظبى)
Author: المر
Date: 04-07-2009, 03:30 PM
Parent: #15
Quote: فنظرت إليها بازدراء وقال ليها: (أففففف..عالم بيئة).. |
الزائر غايتو ما كان بيئة!!!![/B]font>
|
Post: #41
Title: Re: ظاهرة عند السودانيين فى (ابوظبى)
Author: المر
Date: 04-06-2009, 08:29 AM
Parent: #13
Quote: أخي المر وضيوفه في دول المهجر التي بها وجود كبير للسودانيين ، لاحظت أنه عادي جدا تمر دون أن لا يسلم عليك أحد وحتى لو سلمت على زول قد لا يرد عليك السلام. والعكس في الدول التي بها وجود قليل للسودانيين تلقى السودانيين حنينين جدا والواحد لما يشوفك يجي جاري عليك ويسلم عليك .. اليابان مثالا. إنصافا لناس أبو ظبي عندي أصدقاء هناك لم أقابلهم حتى الآن ولكن تربطني بهم علاقات حميمة جدا عبر هذا المنبر .
تحياتي وتقديري ومودتي |
ولية بس المرور بدون سلام.؟؟؟؟
|
Post: #42
Title: Re: ظاهرة عند السودانيين فى (ابوظبى)
Author: المر
Date: 04-06-2009, 08:29 AM
Parent: #13
Quote: أخي المر وضيوفه في دول المهجر التي بها وجود كبير للسودانيين ، لاحظت أنه عادي جدا تمر دون أن لا يسلم عليك أحد وحتى لو سلمت على زول قد لا يرد عليك السلام. والعكس في الدول التي بها وجود قليل للسودانيين تلقى السودانيين حنينين جدا والواحد لما يشوفك يجي جاري عليك ويسلم عليك .. اليابان مثالا. إنصافا لناس أبو ظبي عندي أصدقاء هناك لم أقابلهم حتى الآن ولكن تربطني بهم علاقات حميمة جدا عبر هذا المنبر .
تحياتي وتقديري ومودتي |
ولية بس المرور بدون سلام.؟؟؟؟
|
Post: #35
Title: Re: ظاهرة عند السودانيين فى (ابوظبى)
Author: المر
Date: 04-06-2009, 06:33 AM
Parent: #11
Quote: وين الناس ما بتسلم علي بعض في نورث كارولاينا؟ يكون قصدك Greensboro? الناس عندكم بتفرح بي شوفة بعض! الكلام ده لحدي قبل 5 شهور من اسي |
ديل احًلى ناس
انا زرتهم قبل شهرين
|
Post: #26
Title: Re: ظاهرة عند السودانيين فى (ابوظبى)
Author: المر
Date: 04-05-2009, 09:30 AM
Parent: #9
Quote: معقوله بس .... انتي صحي الجابك شنو ...... وش محتار من المستجدات في مشوار الغربه |
والحيرو شنو؟[/B]font>
|
Post: #23
Title: Re: ظاهرة عند السودانيين فى (ابوظبى)
Author: المر
Date: 04-05-2009, 07:52 AM
Parent: #8
Quote: المشكله انه ما بس رد سلام ... معاها نظره كده من فوق لي تحت و دي الجابها هنا شنو ؟؟؟ |
النظرة ماتزعلى منها
تكون دايرة تشوفك راسمة حنة ولا لا؟
|
Post: #21
Title: Re: ظاهرة عند السودانيين فى (ابوظبى)
Author: المر
Date: 04-05-2009, 07:27 AM
Parent: #7
Quote: المر
ازيك
مرات الكلام ده صاح
مرات يعني كده |
مهدى الامين وعليكم السلام
كلامك دة ناخد منو شنو اسى؟
اشان نكلم الزائر دة!!!
كلامو صاح ولا فاهم غلط؟؟
|
Post: #22
Title: Re: ظاهرة عند السودانيين فى (ابوظبى)
Author: عمر الفاروق عبد الله الشيخ
Date: 04-05-2009, 07:46 AM
Parent: #21
خليكم من ده كله ونحكي ليكم الواقعة دي جاري في العمارة وهي مكونة من 4 شقق اتنين فوق واتنين تحت خليك من انه يسلم ولا يرد السلام ده طوالي شكاوي لمسئول العمارة ياخي شفع الزول الفوق ده طوالي عاملين لي ازعاج ومش عارف ايه والمسئول مستغرب مالكم يا ازوال غريبة يشتكي منكم كده اما جيرانا العمانيين اخر مودة وتواصل
حكاية تبكي الغنماية
|
Post: #27
Title: Re: ظاهرة عند السودانيين فى (ابوظبى)
Author: محمد أحمد الخضر
Date: 04-05-2009, 09:31 AM
Parent: #22
الحمد لله نحن في مسقط غير كدا خالص. خلي زولك دا يجينايتأكد بنفسه.
|
Post: #28
Title: Re: ظاهرة عند السودانيين فى (ابوظبى)
Author: المر
Date: 04-05-2009, 09:35 AM
Parent: #27
Quote: الحمد لله نحن في مسقط غير كدا خالص. خلي زولك دا يجينايتأكد بنفسه. |
يتأكد من شنو؟
انك فى مسقط؟ ولاانتو تمام!!!
والله زولى دة (شناف)
|
Post: #29
Title: Re: ظاهرة عند السودانيين فى (ابوظبى)
Author: Yahia Abd El Kareem
Date: 04-05-2009, 11:34 AM
Parent: #28
الأخ المر
والله زولك دا ما شناف لكنه قال الحقيقة المرة..ناس ابوظبى قال عنهم صديق حضر من الدوحة بانهم واهمون ويعتبرون نفسهم " اصحاب الياقات
البيضاء " white collar men" والواقع غير ذلك فأكثر من يحمل هذا الوهم فانه أضعه فى خانة " ما سودانى اصيل"....
اتمنى الا اكون قد ظلمت بعض الاخوة الكرام الذين ما زالوا يمسكون بعصا الاصالة والمروة والبشاشة السودانية..
|
Post: #30
Title: Re: ظاهرة عند السودانيين فى (ابوظبى)
Author: 3mk-Tango
Date: 04-05-2009, 04:43 PM
Parent: #29
تجي ولا نجي ؟
مطار ابوظبي
:)
|
Post: #31
Title: Re: ظاهرة عند السودانيين فى (ابوظبى)
Author: هشام حسن
Date: 04-05-2009, 04:53 PM
Parent: #30
ولو سلمت عليهم بيقولو دا برلوم..
|
Post: #32
Title: Re: ظاهرة عند السودانيين فى (ابوظبى)
Author: Mohammed Ahmed Saeed
Date: 04-05-2009, 05:06 PM
Parent: #31
زولك دا لو جلس اسبوع واحد العرفو شنو عدم رد الدين معقول من اول اسبوع بدا يدين فى الناس!!!!!!!!!!!!!!!
|
Post: #45
Title: Re: ظاهرة عند السودانيين فى (ابوظبى)
Author: المر
Date: 04-07-2009, 06:36 AM
Parent: #32
Quote: زولك دا لو جلس اسبوع واحد العرفو شنو عدم رد الدين معقول من اول اسبوع بدا يدين فى الناس!!!!!!!!!!!!!!! |
جاى ساكى ديونو؟؟
|
Post: #33
Title: Re: ظاهرة عند السودانيين فى (ابوظبى)
Author: سيف الدولة كامل
Date: 04-05-2009, 05:21 PM
Parent: #31
اولا الشكر لاستاذنا ود الخضر ناس عمان ماليهم مثيل عشت 21سنة في عمان ما شفنا فيها كلام متل ما حكي الاخوة عن ابوظبي اليكم تجربتي بحكم الجوار دائما ما نذهب في الويك اند الامارات.مرة كنت في ابو ظبي في زيارة لاحد الاخوان, ركب معاي الاسانسير سوداني والله حدر لي لامن دنقرت في الواطة لكن مشيت النادي السوداني لقيت اهلي المابقباهم,مرات الغربة بتفصم خصوصا....
سيف الدولة كامل نيويورك(ناسا حلوين شديد)
|
Post: #36
Title: Re: ظاهرة عند السودانيين فى (ابوظبى)
Author: محمد أحمد الخضر
Date: 04-06-2009, 06:43 AM
Parent: #33
كتب سيف الدولة كامل:
Quote: ناس عمان ماليهم مثيل عشت 21سنة في عمان ما شفنا فيها كلام متل ما حكي الاخوة عن ابوظبي |
المر أهو دي شهادة مجرب من ناس عمان عن أبو ظبي جاتك من نيويورك. تاني عندك كلام؟!!
|
Post: #37
Title: Re: ظاهرة عند السودانيين فى (ابوظبى)
Author: المر
Date: 04-06-2009, 06:57 AM
Parent: #36
Quote: المر أهو دي شهادة مجرب من ناس عمان عن أبو ظبي جاتك من نيويورك. تاني عندك كلام؟!! |
ابدا تب
مافيهم كلام...
ولا سمعنا
|
Post: #38
Title: Re: ظاهرة عند السودانيين فى (ابوظبى)
Author: المر
Date: 04-06-2009, 07:03 AM
Parent: #37
![](http://img169.imageshack.us/img169/3126/0rf0.jpg)
الزول دة لو فسحوة،وشًدهُوة فى البنايات دى ما كان انتبة لا لى سلام ولا كلام ولا قروش
|
Post: #40
Title: Re: ظاهرة عند السودانيين فى (ابوظبى)
Author: mahdy alamin
Date: 04-06-2009, 08:04 AM
Parent: #38
الاعزاء
يحصل هذا في بعض الاحيان ولكن نلاحظ ان معظم الانتقادات في موضوع السلام ياتي ضد السودانيين في ابوظبي
ولكن لا نستطيع ان نعمم الموضوع بس من تجربتي هنالك العديد ممن لا يردون السلام في ابوظبي
وهذا معلوم للجميع منذ زمن طويل
|
Post: #55
Title: Re: ظاهرة عند السودانيين فى (ابوظبى)
Author: المر
Date: 04-11-2009, 07:24 AM
Parent: #31
Quote: ولو سلمت عليهم بيقولو دا برلوم.. |
وسمعنا كذلك!!!![/B]font>
|
Post: #54
Title: Re: ظاهرة عند السودانيين فى (ابوظبى)
Author: المر
Date: 04-11-2009, 06:57 AM
Parent: #30
Quote: تجي ولا نجي ؟
مطار ابوظبي |
فوق الحٍلة...ديكانا ....تانى مابجى
|
Post: #52
Title: Re: ظاهرة عند السودانيين فى (ابوظبى)
Author: المر
Date: 04-08-2009, 02:55 PM
Parent: #29
Quote: الأخ المر
والله زولك دا ما شناف لكنه قال الحقيقة المرة..ناس ابوظبى قال عنهم صديق حضر من الدوحة بانهم واهمون ويعتبرون نفسهم " اصحاب الياقات
البيضاء " white collar men" والواقع غير ذلك فأكثر من يحمل هذا الوهم فانه أضعه فى خانة " ما سودانى اصيل"....
اتمنى الا اكون قد ظلمت بعض الاخوة الكرام الذين ما زالوا يمسكون بعصا الاصالة والمروة والبشاشة السودانية.. |
بنعزمو مرة تانية ونوديهو حتة الناس بتسلم فيها
|
Post: #43
Title: Re: ظاهرة عند السودانيين فى (ابوظبى)
Author: المر
Date: 04-06-2009, 03:09 PM
Parent: #1
Quote: ليه بتحكي الذكريات... ويوم ألاقيك ما بتسلم..
في ميدان الغزالة في طرابلس كان هناك ميدان يعسكر فيه الصوماليون..وممكن يكونوا من قبيلة واحدة قابلت سوداني سلم علي ولما رديت عليه السلام قال لي الحمد لله لقيت سوداني بيتكلم عربي.. شنو صار للسودانيين كل ما اتكلم مع واحد يرطن؟ قلت ليه قابلتهم وين.. قال لي ياهون ديل في الحديقة دي.. قلت ليه يا أخي ديل أولاد عمنا من الصومال ..
ومرة قابلت واحد وناس وناس وجلسنا نتحدث زي حديث الروح.. وقد أسعدني أننا جلسنا أكثر من ساعتين نتحادث وافترقنا على أمل اللقاء مرة ثانية.. جاءني ثاني يوم وكانت رؤيتي له كأني ألتقيت صديق الطفولة.. قال لي في الحقيقة أنا جيتك لأني بعد ما فارقتك أحسيت بالذنب قلت ليه ليه.. لأنك أفتكرتني سوداني.. قلت ليه لم يراودني شك؟ قال لي في الحقيقة أنا ما سوداني .. أنا كيني وذهبت للسودان عدة مرات وعاشرت سودانيين وفي حديثي معك شعرت بنيت على الود نفسه الذي يمكن أن تتبادله مع أي سوداني وكان لازم من الأول أقول ليك..
في أبوظبي مجموعة من الهنود لو لبسو الجلابية السودانية والعمة ربما تشبههم بأقربائك الذين تعرفهم دعك من الشبه الأربعين.. وأفريقيا كلها هنا.. أفريقيا الخطرة ديك.. نحن السودانيين الود البينا أصبح أكبر من أن يمتطي قولة سلام والجميل تكفينا منه النظرة.. وما تقول لي مبادلة إلكترونية.. المهم هذا الموضوع عرض بكثرة بالرغم من أنه ليس حكرا على أبوظبي كما ذكر أحد المتداخلين ومسائل الغربة فيها بعض التحسس وعدم رد السلام ربما يفسره البعض أنه مضاراة ..أي أن الانسان يتضارى منك..وهو عيب عدة أشخاص ذكروا لي رايناك في الطريق ونادينا عليك ولم ترد علينا عدة أسباب.. أحيانا في تقاطع طريق وترغب في محاولة العبور وكل هموم قطع الشارع ومخاوفه تأخذ اهتمامك وتسمع صوت ينادي.. أي التفات ربما تختل خطواتك.. الحل الوحيد تجاهل مصدر الصوت.. ناس كثيرم لظروف الرطوبة تعاني من اعتلال في السمع وطنين الأذن .. وفي نفس اللحظة التي يهاجمك الوزيز أصوات تأتي من جهة وأخرى من جهة وتعبر بدون ما تؤدي إلى تنبيهك بضرورة رد السلام.. واحد يصيح هوي هوي ... قلت ليه عمرك ما تعاملت مع أطرش.. الأطرش لو قبل منك ما تحاول تتعب نفسك بالصياح ولو جاء مقبل ربما يكون محصور في ظروف طرشه فاقد كافة مزايا التخاطب والأولى أن تتعامل معه بالإشارة.. ولو لوحت له بيدك فهو أسعد حال من رؤية التمتمة في فمك دون أن يسمع فحواها.. وما ننكر العطل من بواقي الفشل.. كل الفشل.. وأي منه.. يشعل الغيظ حتى التميز من كل ما يذكرك بي جتتك.. جتتك الكنت داير تطلع منها.. جات من هناك ثم من هناك ثم هاهي تغريك السلام.. صحي الموت سلام
والفينا مكفينا |
المسافر بالله عليك بسفرك الكتير دة امش شوف لينا ناس ابوظبى ديل!!![/B]font>
|
Post: #48
Title: Re: ظاهرة عند السودانيين فى (ابوظبى)
Author: أيمن دياب
Date: 04-07-2009, 05:00 PM
Parent: #43
Quote: السلام سنة والرد فرض: كثيرا ما أحمد الله لأني ورثت عن أبي خصلة إفشاء السلام التي حض عليها الإسلام، فقد كنت استعجب عندما أخرج في صحبته من أنه لا يسأم ولا يمل من رفع يده وإلقاء تحية الإسلام مبتسما على كل من نلقى .. الراكبين والراجلين وحتى الجالسين على جانبي الطريق، لا يحول بينه وبين ذلك الاستعجال أو زحمة السير ساعة الذروة، لذلك كثيرا ما أضبط نفسي وأنا في حالة مقابضة شديدة للسلام كلما غادرت البيت مشيا على القدمين .. طبعا بسالم النسوان وبس لكن برد السلام ولو سرا على كل البسالمني .. ما علينا فلم أحكي عن ذلك إلا من أجل أن أتطرق لظاهرة حيرت شاويشي، فكلما التقيت بسودانيات أثناء حركتنا في أبو ظبي، أصابتني حالة (عارمة) من الفرح زي ما أكون غايبة عن بلدي سنين، فأسرع لمطايبتهم ومسالمتهم في حبور إلى أن زجرتني شقيقتي قائلة: هوي انتي ها .. شابكانا مقابضة وسلامات من طرف .. يختي ناس أبو ظبي بعاينوا لبعض بي قعر عينهم ومافي سودانية بتسلم ليها على واحدة ما بتعرفا !! تحير شاويشي تاااني وسألتها في استنكار: لشنو؟ أنا غايتو بسلم عليهن بالقوة. ومازلت مقيمة على عهدي، وأصر إلحاحا على المقابضة يمين وشمال كلما غادرنا الشقة، حتى أعيد نساوين أبوظبي إلى صوابهن ويطرن محنة أهلن. http://www.sudaneseonline.com/articles.php?action=show&id=1428[/QUOTE]
قرأت اليوم في زاوية الاستاذة منى سليمان (الكاتبة بجريدة حكايات) في جزء من مقالها كلاما عن هذه الظاهرة المنتشرة في أبوظبي.. ولا أعلم هل اطلعت ـ هي ـ على هذا البوست أم نشر هذا الكلام بالتزامن، وتأكيداً على هذه الظاهرة.. عموماناس أبوظبي ربنا يزيدهم ويبارك ليهم في العندهم..
|
Post: #49
Title: Re: ظاهرة عند السودانيين فى (ابوظبى)
Author: المر
Date: 04-08-2009, 07:23 AM
Parent: #48
ايمن دياب الظاهر القلوب شواهد الكلام دة جا بالصدفة...
بس تكون عِلة عندهم فى ابوظبى لدرجة تناول الحديث فيها كثيرا
ودى
|
Post: #51
Title: Re: ظاهرة عند السودانيين فى (ابوظبى)
Author: Omeyma Mahmoud
Date: 04-08-2009, 11:08 AM
Parent: #49
السلام عليكم ورحمة الله تعالي وبركاته
قول لزولك ما مشكلة عدم الرد المهم انك ما تبطل تسلم واكيد بنرد السلام واصابع اليد ما بتتشابه :) وله مني مليار تحية وسلام
|
Post: #53
Title: Re: ظاهرة عند السودانيين فى (ابوظبى)
Author: عبدالكريم أحمد الامين
Date: 04-08-2009, 05:36 PM
Parent: #51
الاستاذ المُر ** ليست ظاهره جديده ,, بل هى عاده وليس من اليوم بل مُنذ أكثر من 25 عاماً.. ** مررت بها شخصياً فى أوائل الثمانينات :- سلمت علي جماعه يرتدون جلبايه سودانيه من دون فنيله داخليه وطاقيه من دون عمه ,, وسافيين بطريقه لاأستطيع وصفها,, ولابسين سفنجات ,, تخيل سلمت عليهم وأنا داخل لإجتماع بأحد بنايات شارع حمدان ,, نظروا الى شذراً من تحت لفوق ,, ولم يردوا بل سمعت أحدهم يقول أنعل ابو الترانزيت والزيارات - ** وأخرى الخرطوم حضرت اليها ترانزيت أتت الى ابوظبى وأقامت بها - وهى خارجه من بقاله صديق لى مسك ليها الباب وقال ليها:- إتفضلى يامدام.. * فكان ردها هو الزيارات فتحت ولى شنو... ## فى أبوظبى الموضوع ليس ظاهره بل هو إعتياد..
** ويستغرب كذلك قاطنى الامارات الشماليه من هذا الاعتياد لدى ناس ابو ظبي..
|
Post: #57
Title: Re: ظاهرة عند السودانيين فى (ابوظبى)
Author: المر
Date: 04-11-2009, 03:18 PM
Parent: #53
Quote: سلمت علي جماعه يرتدون جلبايه سودانيه من دون فنيله داخليه وطاقيه من دون عمه ,, وسافيين بطريقه لاأستطيع وصفها,, ولابسين سفنجات ,, تخيل سلمت عليهم وأنا داخل لإجتماع بأحد بنايات شارع حمدان ,, نظروا الى شذراً من تحت لفوق ,, ولم يردوا بل سمعت أحدهم يقول أنعل ابو الترانزيت والزيارات - ** وأخرى الخرطوم حضرت اليها ترانزيت أتت الى ابوظبى وأقامت بها - وهى خارجه من بقاله صديق لى مسك ليها الباب وقال ليها:- إتفضلى يامدام.. |
بعد وصفك الجميل دةليهم ولم يردوا؟معناة ديل مخضرمين جدا ومعتزين بانفسهم ذيادة عن اللذوم ولا المكيفات المافيهاصوت دى (صنت) اضنينهم
|
Post: #58
Title: Re: ظاهرة عند السودانيين فى (ابوظبى)
Author: باسط المكي
Date: 04-11-2009, 03:24 PM
Parent: #57
المر تحياتي الراجل كلامو صاح مابردو السلام عديل غايتو الله قطعك هناك ..ديل بعملو ماشايفنك عديل . الدين مابعرفو لكن ابزطبي تحديدا الكلام دة حاصل .
|
Post: #59
Title: Re: ظاهرة عند السودانيين فى (ابوظبى)
Author: المر
Date: 04-11-2009, 03:45 PM
Parent: #58
Quote: الراجل كلامو صاح مابردو السلام عديل غايتو الله قطعك هناك ..ديل بعملو ماشايفنك عديل . الدين مابعرفو لكن ابزطبي تحديدا الكلام دة حاصل . |
باسط انتا مامبسوط منهم مالك؟؟؟؟
|
Post: #56
Title: Re: ظاهرة عند السودانيين فى (ابوظبى)
Author: المر
Date: 04-11-2009, 02:59 PM
Parent: #51
Quote: السلام عليكم ورحمة الله تعالي وبركاته
قول لزولك ما مشكلة عدم الرد المهم انك ما تبطل تسلم واكيد بنرد السلام واصابع اليد ما بتتشابه :) وله مني مليار تحية وسلام |
حاضر؟؟؟ بس دة لو جاكم تانى!!!!!!!
قال البلد دى حرمانة على
|
Post: #60
Title: Re: ظاهرة عند السودانيين فى (ابوظبى)
Author: باسط المكي
Date: 04-11-2009, 04:30 PM
Parent: #56
Quote: باسط انتا مامبسوط منهم مالك؟؟؟؟ |
المر تحياتي ياخي انا ماعني معاهم منظر لكن لاحظت الحاجة دي هنااك وكتيرة ..
|
Post: #61
Title: Re: ظاهرة عند السودانيين فى (ابوظبى)
Author: راشد جبريل
Date: 04-11-2009, 04:51 PM
Parent: #60
الاخ المر تحياتى
ناس ابوظى ما كلهم كدا بسى مرات بتحصل نسبة لظروف البلد
وطبيعة الحياة هناك لان فى سودانين صراحة هم السبب
لان بتحصل مواقف كتيرة خلت السودانين ما يسلمو
والسودانين بطبعهم حنينين مع بعض بسى تصرف البعض ادى الى
عدم السلام وانا دايما بمشى ابوظبى وهى ظاهرة بسيطة
الاخ باسطة رايك مافى محلو لانك شوفتة ابوظبى مرة واحدى
ولا يمكن تحكم على مرة واحدى
|
Post: #62
Title: Re: ظاهرة عند السودانيين فى (ابوظبى)
Author: باسط المكي
Date: 04-11-2009, 06:10 PM
Parent: #61
Quote: الاخ باسطة رايك مافى محلو لانك شوفتة ابوظبى مرة واحدى
ولا يمكن تحكم على مرة واحدى |
رشود تحياتي بعد غياب السلام طبيعة السوداني ردو من السنة.. وطبيعىة السودانين البشاشة .. حتي ولو من باب سلام عليك . دي ليها اعتبارها .عشان كده ..مابالضرورة اكون سكنت فيها عشان اعرفها
|
Post: #64
Title: Re: ظاهرة عند السودانيين فى (ابوظبى)
Author: المر
Date: 04-12-2009, 03:46 PM
Parent: #61
Quote: الاخ المر تحياتى
ناس ابوظى ما كلهم كدا بسى مرات بتحصل نسبة لظروف البلد
وطبيعة الحياة هناك لان فى سودانين صراحة هم السبب
لان بتحصل مواقف كتيرة خلت السودانين ما يسلمو
والسودانين بطبعهم حنينين مع بعض بسى تصرف البعض ادى الى
عدم السلام وانا دايما بمشى ابوظبى وهى ظاهرة بسيطة
الاخ باسطة رايك مافى محلو لانك شوفتة ابوظبى مرة واحدى
ولا يمكن تحكم على مرة واحدى |
الاخ راشد بس الزوار كيف يستوعبو متل هذة الظروف
|
Post: #63
Title: Re: ظاهرة عند السودانيين فى (ابوظبى)
Author: المر
Date: 04-12-2009, 06:49 AM
Parent: #60
Quote: ياخي انا ماعني معاهم منظر |
الله يكفيك شر المناظر باسط
|
Post: #66
Title: Re: ظاهرة عند السودانيين فى (ابوظبى)
Author: المر
Date: 05-09-2009, 06:51 AM
Parent: #63
ناس مسقط الظريفين
بسال عن صاحبى جمال عمر وينو؟
|
|
|