Post: #1
Title: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-18-2009, 08:44 PM
السودان - الخرطوم
ديوان النائب العام
سعادة النائب العام..
الموقرين,,
بعد السلام والتحيه,,
الموضوع :- تحريك الاجراءات الجنائيه بموجب المواد :- 7 , 64 , 69 , 159/1 و 160
من القانون الجنائى لسنة 1991
** بـــــلاغ رقــــم:- ......../2009
** الشاكى :- عبد الكريم أحمد الامين (مواطن سودانى شحات مُقيم بالخارج)- بصفتى الشخصيه ونيابة عن 40,000,000 سودانى شحات..
** المشكو ضده:- مُصطفى عُثمان إسماعيل (سودانى ما شحات) - مُستشار برئاسة الجمهوريه - القصر الجمهورى- الخرطوم-
** يسكن بقصر منيف في شكل فيلا علي شاطئ النيل الازرق ببحرى جوار فندق قصر الصداقه...
** مكان تواجده الدائم صالتى المُغادره والقدوم بمطار الخرطوم الدولي..
1/ بتاريخ سابق لهذا البلاغ وبمدينة الرياض بالمملكه العربيه السعوديه وفي لقاء بمكان عام فى 16/03/2009 اساء المشكو ضده لـ 40,000,000 (اربعون مليون مواطن سودانى) منهم مالايقل عن 10,000,000 (عشره مليون مواطن سودانى) يقيمون بالخارج بدول الشتات طلباً للرزق والسُتر بعد أن ضاق بهم الحال فى دولة الشحاتين (السودان سابقاً)..
2/ صرح وأعلن المشكو ضده بأنه قبل قيام دولة الإنقاذ كان الشعب السودانى عباره عن شحاتين...
3/ ماصرح به تناولته كل وسائل الاعلام المقرؤه بكافة دول العالم وأثار سخط كُتابها غير السودانيين قبل السودانيين ,, مما اثر فينا نحن السودانيين (الشحاتين) بوصفه لنا بتلك الصفه الذميمه علي وجه التعميم ...
4/ ما أعلنه وصرح به المسكو ضده يُشكل جريمه بموجب المواد الآتيه:-
أ- الماده رقم (7) من القانون الجنائي لسنة 1991 وتُقرأ:-
الجرائم التي يرتكبها السوداني خارج الدوله:-
[| Quote: B]م.7ـ يعاقب كل سوداني ارتكب ، وهو في الخارج ، فعلاً يجعله فاعلاً أصلياً أو شريكاً في جريمة بمقتضى أحكام هذا القانون إذا عاد إلي السودان وكان الفعل يشكل جريمة بمقتضى قانون الدولة التي وقع فيها، ما لم يثبت انه قد حوكم أمام محكمة مختصة خارج السودان، واستوفى عقوبته، أو برأته تلك المحكمة. |
ب- م.64 وتُقرأ:-إثارة الكراهية ضد الطوائف أو بينها.
[| Quote: B]م.64ـ من يعمل على إثارة الكراهية أو الاحتقار أو العداوة ضد أي طائفة أو بين الطوائف بسبب اختلاف العرق أو اللون أو اللسان وبكيفية تعرض السلام العام للخطر، يعاقب بالسجن مدة لا تجاوز سنتين أو بالغرامة أو بالعقوبتين معاً. |
ج- م.69 وتُقرأ:- الإخلال بالسلام العام.
| Quote: 69ـ من يخل بالسلام العام أو يقوم بفعل يقصد به أو يحتمل أن يؤدى إلي الإخلال بالسلام العام أو بالطمأنينة العامة وكان ذلك في مكان عام، يعاقب بالسجن مدة لا تجاوز شهراً أو بالغرامة أو بالجلد بما لا يجاوز عشرين جلدة. |
د- م.159/1 وتُقرأ:- اشانة السمعة.
| Quote: 159ـ (1) يعد مرتكباً جريمة اشانة السمعة من ينشر أو يروى أو ينقل لآخر بأي وسيلة وقائع مسندة إلي شخص معين أو تقويماً لسلوكه قاصداً بذلك الأضرار بسمعته. |
هـ- م.160 وتُقرأ:- الإساءة والسباب.
| Quote: 160ـ من يوجه إساءة أو سباباً لشخص بما لا يبلغ درجة القذف أو اشانة السمعة قاصداً بذلك إهانته، يعاقب بالسجن مدة لا تجاوز شهراً أو بالجلد بما لا يجاوز خمساً وعشرين جلدة أو بالغرامة |
5/ ما قام به المشكو ضده من أفعال يُشكل جريمة مُكتملة الاركان في حق جموع الشعب السودانى ,, وكان الأكثر تضرراً بقية الشعب الموصوف بالشحات فى منافى الغُربه..
6/ لكل ماذُكر من أسباب ألتمس :-
أ/ رفع الحصانه عن المشكو ضده (إذا كانت له حصانه) والقبض عليه..
ب/ تحريك الاجراءات الجنائيه فى مواجهته بموجب المواد الموصوفه في هذا البلاغ..
ج/ منعه من السفر للخارج وحجز جواز سفره الي حين الفصل في هذا البلاغ.. (تُعتبر عقوبه إضافيه لحبه للأسفار علي حسابنا)
د/ الاحتفاظ بحقنا للمُطالبه بالتعويض المُناسب للشعب الذى وصفه بالشحات نتيجةً لما أصابه من ضرر ,, علماً بأنه يُسافر ويُقيم ويتقاضى نثريات رحلاته من جيب هذا الشعب (الشحات)..
وأقبلوا فائق الاحترام,,
الشاكى :-
المواطن السودانى الشحات قبل 1989
عبدالكريم أحمد الامين
(ابو محمد فؤاد)
|
Post: #2
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-18-2009, 10:12 PM
Parent: #1
*** صوره من هذا البلاغ لرئاسة الجمهوريه...
|
Post: #3
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: Al-Shaygi
Date: 03-18-2009, 10:41 PM
Parent: #2
الزميل عبدالكريم أحمد الأمين
Quote:
*** صوره من هذا البلاغ لرئاسة الجمهوريه...
|
بله وأشرب مويته....
يعني بلاغك السجمان ده ح يكون أكبر من بلاغ OC.
بالمناسبة دي أحكي ليك آخر نكتة متداولة في السودان:
قالوا (والله ينجينا من قالوا وقلنا وسيرة عباد الله)....
البشير ونوابه مشوا يتبرعوا بالدم لجرحى غزة....
كويس...
في بنك الدم سألوهم من فصيلة الدم عشان يصنفوا دمائهم قبل إرسالها (طبعاً لو كانت زرقاء فلن ترسل إلا إلى العائلة المالكة في بريطانيا العظمى)....
طلعوا كلهم ما عارفين فصيلة دمهم (في رواية لفحيص ببنك الدم طلب حجب أسمه) أفادنا بأن جميعهم يحملون دم بقري في عروقهم.
الجميل أنه بنك الدم في مستشفى الخرطوم كان دابو مستورد جهاز كمبيوتري لفحص الفضائل وقاموا شغلوه عشان خاتر الرئيس ونوابه،،، يعني ماشين يشغلوه لي وليك يا المنطط عينيك؟؟؟
المهم نتيجة الفحص كانت:
سلفاكير: MY
علي عثمان: SM
البشير: OC
دهش الأطباء للنتيجة التي لا تتوافق مع ما درسوه عن فصائل دماء البشر؟؟؟؟؟
أحتاروا....
رجعوا للمانوال حق الجهاز....
لقوا الفسير في باب فصائل الدم النايمة وكانت كالتالي:
MY = متين يقبضوك...!!!!
SM = سافر مع السلامة...!!!!
OC = او..كامبو......!!!
...
أوعك تقول لي قررررررررررررررررررررررر
بزعل منك وما بفاوضك...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #4
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: Zoal Wahid
Date: 03-19-2009, 07:34 AM
Parent: #3
يا اخوي، كلامك دا وقع لي في جرح
عايزك تساعدني افتح بلاغ في (الما شحاد) دا
مشيت البنك اطلب بطاقة فيزا ... لزوم الشراء بالدين و كدا
ناس البنك قالوا لي: ما بنتعامل مع الشحادين.
|
Post: #5
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: محمد عمر الفكي
Date: 03-19-2009, 07:42 AM
Parent: #4
كيكي
صدق فيك المثل
شحاد وعينو قوية
|
Post: #6
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: جلال عثمان
Date: 03-19-2009, 08:46 AM
Parent: #5
يا أخوان ده ما كيكي ده أبو محمد فؤاد
كيكي بيشحد في ناس زردية جمب خور برنغا
|
Post: #10
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 10:09 AM
Parent: #6
Quote: يا أخوان ده ما كيكي ده أبو محمد فؤاد
كيكي بيشحد في ناس زردية جمب خور برنغا |
الاُستاذ جلال عُثمان
** اشكرك علي التوضيح ..
** وتحوطاً لهذا اللبس ,,, أُزيل كل مُداخله لى بإسم (ابو محمد فؤاد) خوفاً من أجيب لصديقى الباشمهندس (كيكي) الطراوه..
(ودام الود بيننا)
(ابو محمد فؤاد)
|
Post: #9
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 10:03 AM
Parent: #5
Quote: كيكي
صدق فيك المثل
شحاد وعينو قوية |
الاستاذ محمد عمر الفكى
** انا الماكيكى ..
** شحاد وعاوز يحافظ علي حقوقو القانونيه ,, إن وجدت في دولة التوجه الحضارى ..
(ودام الود بيننا)
(ابو محمد فؤاد) - الماكيكي..
|
Post: #8
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 09:58 AM
Parent: #4
Zoal Wahid
Quote: يا كيكي اخوي، كلامك دا وقع لي في جرح
عايزك تساعدني افتح بلاغ في (الما شحاد) دا
مشيت البنك اطلب بطاقة فيزا ... لزوم الشراء بالدين و كدا
ناس البنك قالوا لي: ما بنتعامل مع الشحادين. |
** بس انا ماكيكى ,, الباشمهندس كيكي صديقى والفرق بيننا هو توافيق وتباديل فيما تحته خط :-
*** كــيـكـــــي:- عبدالكريم الامين أحمد..
***ابو محمد فؤاد:- عبدالكريم أحمد الامين..
** علي كل حال وبما أنك مُتضرر يمكنك الإنضمام الي فى هذا البلاغ..
(ودام الودبيننا)
(ابو محمد فؤاد) - الماكيكي...
|
Post: #7
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 09:50 AM
Parent: #3
| Quote: بله وأشرب مويته.... |
| Quote: يعني بلاغك السجمان ده ح يكون أكبر من بلاغ OC. |
الاستاذ الشايقى
** أعتبر بكلامك دا ,, انو بلاغى مِحايه - مقبوله شورتك .
** ماعليك بلاغ اوكامبو ضد سيد الجنينه - بس بلاغى دا ضد حارس في الجنينه ,, والجماعه ديل مُمكن ابيعو حارس الجنينه فى أقرب ملف او زنقه فى زقاق..
** بلاغى دا لتثبيت موقف ,, عشان بعد اللعبه تفرتق وتجى تفتحوا حيقولو ليك مرت أكثر من ثلاثة أشهر من تاريخ وقوع الجريمه وبلاغك دا سقط بـــفـــقـــه الـــضــروره والتقادم...
(ودام الود بيننا حتى ينال كل سودانى حقوقه)
(ابو محمد فؤاد)
|
Post: #11
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: صديق الموج
Date: 03-19-2009, 10:16 AM
Parent: #7
عبدالكريم أحمد الامين.. تحياتى
بلاغك ده تحت جزمتى!!!!!!!!!!!!
من شابه رئيسه فما ظلم..
ممكن اشتكى معاك..
تخريمة:
عندى اختى ممكن تشارك...
شكرا،،،
|
Post: #12
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 10:33 AM
Parent: #11
Quote: بلاغك ده تحت جزمتى!!!!!!!!!!!!
من شابه رئيسه فما ظلم..
ممكن اشتكى معاك.. |
اخونا ود الموج
** بما أنك السبب فى كل هذه الطراوه - وتحمد الله أنو سؤالك دا كان خارج السودان ,, لو سألتو فى الخرطوم كان لى هسه ما حنعرف مكانك وين ,, لكن لو عندك كوز واصل وعرف مكانك حيقول ليهم أعملو ليهو بلاغ تلويث بئيه وتكدير السلام العام وإحتياطياً ودهو شالا او دبك ,, عشان مايجى واحد ويقول حقوق إنسان وحقو الدستورى والكلام الفارغ القائمين فيهو الناس الايام دى ,, وكلهم تحت جزمتى ..
** ود الموج إنت ماسيد البلاغ ذاتو ..
Quote: تخريمة:
عندى اختى ممكن تشارك... |
** مُمكن تشارك بس بدون إهداءات..
(ودام الود بيننا)
(ابو محمد فؤاد) - الماكيكي..
|
Post: #13
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 10:37 AM
Parent: #12
** يجوز لكل سودانى وُصف بأنه شحاد أن ينضم كشاكى في هذا البلاغ **
(ودام الود بين الجميع حتى ينالوا حقوقهم)
(ابو محمد فؤاد) - الماكيكي..
|
Post: #14
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: بدر الدين الأمير
Date: 03-19-2009, 11:49 AM
Parent: #13
اخى عبدالكريم أحمد الامين
لك التقدير
قالت سيدة للمحامى الشهير (كلارنس دارو) كيف اعبر لك
عن تقديرى بعد ان تمكنت من كسب الدعوة لي بفضل دفاعك
المجيد؟ فأجاب المحامى على الفور: منذ أن أتخذ الفينيقيون
المال وسيلة للتعامل، لم يعد هناك يا سيدتى سوى جواب واحد عن
هذا السؤال.
فايكيكى كيف يُعبر لك الشحاتين عن تقديرهم لهذا البلاغ ..
تنهدات: قديما قيل ( أن الدبلوماسى رجل يدير لسانه في فمه سبع
مرات قبل ان يتحدث)
التعديل انى خاطبيت صاحب البوست على اعتارانه عبدالكريم كيكى
يا اخونا شوفو لينا حل بقيتوا لينا زى (قل اياايها الكافرون)
عرفنا تشابه الاسماء كمان الاسلوب والاخراج والمفردات ياخى اكتبوا بحساب
واحد وريحونا من الجهجة . وعذرا لعبدالكريم الماكيكى
|
Post: #15
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-19-2009, 01:19 PM
Parent: #14
Quote: التعديل انى خاطبيت صاحب البوست على اعتارانه عبدالكريم كيكى
يا اخونا شوفو لينا حل بقيتوا لينا زى (قل اياايها الكافرون)
عرفنا تشابه الاسماء كمان الاسلوب والاخراج والمفردات ياخى اكتبوا بحساب
واحد وريحونا من الجهجة . وعذرا لعبدالكريم الماكيكى |
ود محمد الامير بلول
شكراً علي مرورك - والذى أعتبره تضامناً معى في هذا البلاغ..
** عذرك معاك - تربطنى بالسمِى (كيكي) صداقه قبل أن أكون عضواً فى هذا البورد ..
** كيكي أديب ضل طريقه الي كلية الهندسه - والعبد لله شحات ضل طريقه الى دراسة القانون وإدارة الاعمال..
** ليتنى أمتلك ربع مايمتلكه كيكي من أدوات السرد القصصى البسيط الذى يُبهج كل مُتلقى..
** شن جاب الثرى للثريا..(الماكيكي مع كيكي)
** قلت لي زى :- (قل اياايها الكافرون) أنا خائف جماعة الاسلام الدخل دولة الشحاتين فى 1989 يعلنوا علينا الجهاد..
(ودام الود بيننا حتى نسترد حقوقنا السليبه)
(ابو محمد فؤاد) - الماكيكى...
|
Post: #16
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-20-2009, 12:12 PM
Parent: #15
** لكل سودانى وُصف بأنه شحاد(شحات) أن ينضم كشاكى في هذا البلاغ **
|
Post: #17
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: حيدر حسن ميرغني
Date: 03-20-2009, 12:32 PM
Parent: #16
أنا لو كنت بنظر في شكوتك دي ماكنت بقيت نائب عام
ياعبد الكريم أنا أديت قسم من نوع خاص
والله البلاوي البعرفها تهون جمبها شتيمة دكتور الأسنان ده
مالك عايز تخرب بيتي
ربنا يغفر لي ويقبل لي أي حجة يوم القيامة
النائب العام
|
Post: #18
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: محمد البشرى الخضر
Date: 03-20-2009, 01:09 PM
Parent: #17
يا عبد الكريم كونك تذيل بلاغك بالتوقيع دا | Quote: المواطن السودانى الشحات قبل 1989 |
معناها نسفت البلاغ من اساسو
كدا المستشار ما كذب او اساء لأنك معترف بكلامه
غير التوقيع قبل ما ترفع العريضة وإلا حترفض شكلا و موضوعا
|
Post: #20
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-20-2009, 01:32 PM
Parent: #18
Quote: يا عبد الكريم كونك تذيل بلاغك بالتوقيع دا
| Quote: المواطن السودانى الشحات قبل 1989 |
معناها نسفت البلاغ من اساسو
كدا المستشار ما كذب او اساء لأنك معترف بكلامه
غير التوقيع قبل ما ترفع العريضة وإلا حترفض شكلا و موضوعا |
الاستاذ ود البشرى
** شكراً علي المرور..
** التذيل بهذا التوقيع لإثبات ماأفردته من وقائع بموجب نصوص المواد القانونيه ,, ولإثبات الضرر..
** في الامور الجنائيه يتم حفظ البلاغ لعدم كفاية الادله.. فى بعض الدول (يُحفظ إدارياً)
** الرفض الشكلي والموضوعى يكون فى الامور المدنيه..
(ودام الود بيننا)
(ابو محمد فؤاد)
|
Post: #19
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-20-2009, 01:20 PM
Parent: #17
| Quote: أنا لو كنت بنظر في شكوتك دي ماكنت بقيت نائب عام |
الاستاذ حيدر حسن
** لكم تمنيت لهذا الشخص الذى يتبوأ هذا المنصب الآن أن يكون له موقف يتفق مع صحيح القانون والمبادئ التى كان يتبعها ويؤمن بها ,, وباعها تباعاً من الإشتراكيه الي القوميه العربيه والناصريه وقوى تحالف الشعب العامله وأخيراً التوجه اللاحضارى الذى دخل دولة الشحاتين (السودان سابقاً) فى 1989 ..
Quote: ياعبد الكريم أنا أديت قسم من نوع خاص
والله البلاوي البعرفها تهون جمبها شتيمة دكتور الأسنان ده
مالك عايز تخرب بيتي
ربنا يغفر لي ويقبل لي أي حجة يوم القيامة
النائب العام |
** لقد أدي الكثيرون أكثر من قسم بإيهم إلتزموا ..
** إنك ميت وأننا ميتون وذاكرة التاريخ لاترحم ,, فهلا نتذكر ذلك عندما نكون فى أوج السلطه أم نكون تنابلة السلطان..
(ودام الود بين الجميع)
(ابو محمد فؤاد) - الماكيكي..
|
Post: #21
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: طارق ميرغني
Date: 03-21-2009, 09:47 AM
Parent: #19
يا ابن عمتي لكن الريس قال انو يسلمونا الاغاثه في بورتسودان وناس الاغاثه يفلزعوا بعد داك يعني اعتراف صريح بانو نحن شحاتين لانو
لو ما شحاتين كان رفضنا الاغاثه من اصلو وزي ما قالت اختنا ان الكوليرا اسم الدلع للاسهال المائي فالاغاثه هي اسم الدلع للشحاته .
فلو عملت المعادله ووزنتها نجد انو كلام المستشار صحيح .
|
Post: #22
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-23-2009, 10:56 AM
Parent: #21
Quote: يا ابن عمتي لكن الريس قال انو يسلمونا الاغاثه في بورتسودان وناس الاغاثه يفلزعوا بعد داك يعني اعتراف صريح بانو نحن شحاتين لانو لو ما شحاتين كان رفضنا الاغاثه من اصلو وزي ما قالت اختنا ان الكوليرا اسم الدلع للاسهال المائي فالاغاثه هي اسم الدلع للشحاته .
فلو عملت المعادله ووزنتها نجد انو كلام المستشار صحيح . |
** إبن خالى
** هل لنا أن نتساءل من أوصلنا لهذه المرحله؟؟
(ودام الود بيننا)
|
Post: #23
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: أحمد الشايقي
Date: 03-23-2009, 02:56 PM
Parent: #22
Quote: 6/ لكل ماذُكر من أسباب ألتمس :-
أ/ رفع الحصانه عن المشكو ضده (إذا كانت له حصانه) والقبض عليه..
ب/ تحريك الاجراءات الجنائيه فى مواجهته بموجب المواد الموصوفه في هذا البلاغ..
ج/ منعه من السفر للخارج وحجز جواز سفره الي حين الفصل في هذا البلاغ.. (تُعتبر عقوبه إضافيه لحبه للأسفار علي حسابنا)
د/ الاحتفاظ بحقنا للمُطالبه بالتعويض المُناسب للشعب الذى وصفه بالشحات نتيجةً لما أصابه من ضرر ,, علماً بأنه يُسافر ويُقيم ويتقاضى نثريات رحلاته من جيب هذا الشعب (الشحات)..
وأقبلوا فائق الاحترام,,
الشاكى :-
المواطن السودانى الشحات قبل 1989
عبدالكريم أحمد الامين
(ابو محمد فؤاد)
|
المشكلة يا بو محمد,
إنه كتابتك دي في سودانيز أون لاين, يتم تصنيفها على أنها نفس الفعل المشكو منه,
ونقعد في يا جماعة اطلقوا سراح اخونا بو محمـد واجمعوا توقيعات ولا جيبو مصطفى اسماعيل واسطة في الموضوع,
وما إلى ذلك من عجائب
أحمد الشايقي
|
Post: #24
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: حسن طه محمد
Date: 03-24-2009, 05:42 AM
Parent: #23
ابو محمد
والله غلبني النضم
أكاد لا أصدق
|
Post: #25
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-24-2009, 09:46 PM
Parent: #24
المُستشاران ود الشايقى و ود البوب
** شكراً علي المرور
Quote: المشكلة يا بو محمد,
إنه كتابتك دي في سودانيز أون لاين, يتم تصنيفها على أنها نفس الفعل المشكو منه, ونقعد في يا جماعة اطلقوا سراح اخونا بو محمـد واجمعوا توقيعات ولا جيبو مصطفى اسماعيل واسطة في الموضوع,وما إلى ذلك من عجائب
أحمد الشايقي |
Quote: ابو محمد
والله غلبني النضم
أكاد لا أصدق |
؟؟؟؟؟؟؟؟
|
Post: #26
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: حسن طه محمد
Date: 03-26-2009, 05:43 AM
Parent: #25
ابو محمد فؤاد الماكيكي
يا دوب فقت
ويا دوب صدقت بعدما سمعت التسجيل بنفسي
وبما اني سوداني ... يعني احد الشحادين كما تم وصفي دون حق
وبما ان هذا الوصف يمس كرامتي وغير صحيح البتة
وبما انني والحمد لله لم اشحد طيلة حياتي الا الرحمة والغفران من رب العالمين
فانني اضم صوتي اليكم .
|
Post: #27
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: Nader Abu Kadouk
Date: 03-26-2009, 06:02 AM
Parent: #26
| Quote: (ابو محمد فؤاد) - الماكيكي... |
لو كنت كيكي كان يكون عندك مشكله كبيره
بختك إنت ما كيكي
هناك روايه بتقول كيكي هو شيخ الشحادين
العهده على الراوي والله اعلم
|
Post: #29
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-26-2009, 01:50 PM
Parent: #27
Quote: لو كنت كيكي كان يكون عندك مشكله كبيره
بختك إنت ما كيكي
هناك روايه بتقول كيكي هو شيخ الشحادين
العهده على الراوي والله اعلم |
** ود ابو كدوك
** كيكي صديقى وعمرو ما مد إيدو لشحده..
** ماتصدق الشائعات المُغرِضه..
## ربنا يكتب سلامة أخونا وحيد وحرمه.
(ودام الود بين الجميع)
(ابو محمد فؤاد) - الماكيكي...
|
Post: #28
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-26-2009, 01:46 PM
Parent: #26
Quote: ابو محمد فؤاد الماكيكي
يا دوب فقت
ويا دوب صدقت بعدما سمعت التسجيل بنفسي
وبما اني سوداني ... يعني احد الشحادين كما تم وصفي دون حق
وبما ان هذا الوصف يمس كرامتي وغير صحيح البتة
وبما انني والحمد لله لم اشحد طيلة حياتي الا الرحمة والغفران من رب العالمين
فانني اضم صوتي اليكم |
** ود البوب
** تم ضمك الي قائمة الشاكيين فى هذا البلاغ ..
(ودام الود بيننا) (ابو محمد فؤاد) - الماكيكي..
|
Post: #30
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم الامين احمد
Date: 03-27-2009, 06:34 PM
Parent: #28
هلا يا سمي
وناسف للتاخير الي مدارات هذا البلاغ التاريخي...
واضم صوتي الي الشاكين مع مطالبتي بضم الاتية اسمائهم في بلاغ منفصل
المدعو عبدالني شاهين الذي دفر الي المستشار دفرة العيش المسوس.. والطيب شبشة الذي عرف نفسه كصحفي انغاذي
وهو خارج الوطن نزع عن نفسه عباة الصحفي والبسها ثوبا حزبيا ضيقا...
ايضا نطالب ببلاغ يا سمي منفرد
ضد
وزير الدفاع السوداني
مسئول الامن القوم والاستخبارات
1-لعدم مقدرتهم من حماية الاراضي السودانية
2- اخفاء معلومات انتهاك السيادة الوطنية الاراضي السودانية لمدة شهرين مع سبق الاصرار الترصد
كيكي الكيكي
|
Post: #31
Title: Re: بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
Author: عبدالكريم أحمد الامين
Date: 03-27-2009, 10:18 PM
Parent: #30
Quote: ايضا نطالب ببلاغ يا سمي منفرد
ضد
وزير الدفاع السوداني
مسئول الامن القوم والاستخبارات
1-لعدم مقدرتهم من حماية الاراضي السودانية
2- اخفاء معلومات انتهاك السيادة الوطنية الاراضي السودانية لمدة شهرين مع سبق الاصرار الترصد
كيكي الكيكي |
** الصديق العزيز كيكي
** ليس ذلك الإنتهاك الاول ففي شرق السودان حلايب مُقتطعه ,, وفى الجنوب جيش الرب يسرح ويمرح ,, وكينيا ماقصرت لقتا عايره ومدينها سوط وإقتطعت جزء من الكيكه التي لا سيد يحميها,, واولاد خالتنا الاحباش هبشوا جزء من الكيكه وبعد شويه ممكن القضارف تكون من ضمن مُحافظتهم ,, وأرتيريا حتكون حدودها كسلا ,, وافريقيا الوسطى أخدت نصيبا إشمعنا الناس كلها خمشت بضراعا المانعا شنو ,, تشاد عايزه دارفور ,, السعوديه تأخد بورسودان.
## يصبح السودان هو مثلث حمدى :- الخرطوم , الجزيره الى سنار , وكردفان..
## وبرضو يتكلموا عن السياده ,, سياده إسم جميل لفتاة جميله لم تجد من يقدرها فآثرت أن تمتهن أقدم مهنه عرفتها البشريه وظل ولى أمرها مُتفرجاً..
(ودام الود بيننا)
(ابو محمد فؤاد) - الماكيكي
|
|