هل حسين ملاسى مبدع؟

:)

مرحبًا تماضر، وكل عام وأنتِ بخير

أنا أرى أنه مُبدع فعلًا




+

نعم مبدع

وخفيف الظل كمان .........

الأخت تماضر ,, تحياتى ,,

لكى تكون مبدعا ياتماضر لا بد أن يكون لك أعمالك
الإبداعيه التى تفوقت بها على الغير وأستطعت أن
تصل بها لكل أفراد مجتمعك المحلى والإقليمى وفى
بعض الأحيان العالمى .
فمثلا يمكننى أن أقول بكل صدق أن تماضر شيخ الدين
مبدعه, قالبرغم من غيابك لما يقارب العقدين عن
مجتمعك المحلى والإقليمى إلا الناس ما زالت تذكرك
وتذكر كل أعمالك الإبداعيه ودليلى على ذلك حينما
رجعتى للسودان بعد كل تلك الفتره الطويله فقد تسابقت
أجهزة الإعلام المسموعه والمرئيه والمقرؤه كلها فى
إستضافتك واللقاء بك , بل الأمر تعدى ذلك إلى المواطن
العادى والذى ظللت فى ذاكرته طوال كل تلك السنوات
وهو أيضا قد إحتفى بك ,, فلماذا كل ذلك ؟؟ والإجابه
ببساطه هى إنك واحده من مبدعى بلادنا .
أما فى حالة حسين ملاسى وعن هل هو مبدع أم لا فالإجابه
ببساطه لا ,, فحسين ملاسى لم يطرح نفسه فى يوم
من الأيام كمبدع ,, كل الذى فعله حسين ملاسى أنه
وبإسلوبه الساخر والرصين إستطاع أن يخلق لنفسه إسما
فى هذا الموقع حيث أتى الناس طائعين مختارين بأن
يقرأوا له ويتابعوا كتاباته ومن غير أن يخطط هو أو يفرض
نفسه كمبدع فى الكتابه الجاده والهازله والساخره إلا أن الناس وجدت فيه ذلك , وصار شخصا مثيرا للجدل , فقد فتحت له المئات
من البوستات , وكتبت فى شأنه الألاف من الكلمات سواءا أن كانت
ذما أو قدحا ,, لكنه لم يدعى فى يوم من الأيام إنه مبدع
ولا أعتقد إن ذلك يهمه كثيرا فى شئ .
أما بخصوص الإجابه عن سؤالك فإننى أقول وعلى رأيئ الشخصى
إن حسين ملاسى هنا وفى سودانيز أون لاين فهو مبدع مع قلائل
يعدوا على أصابع اليد الواحده .
تحياتى ياتماضر وعودا حميدا وكل سنه وإنتى طيبه .

التعديل لتصحيح بعض الأخطاء الإملائيه ,,

إذا كانت تماضر مبدعة
حسين مبدع أيضا

_
سلامات تماضر

Quote: إذا كانت تماضر مبدعة حسين مبدع أيضا _ سلامات تماضر

وعليكم السلام والرحمة.

شكرا هشام آدم، ود الباوقة.: شكرا على الاجابات لكن لو أمكن أشرحوا لى أكتر.

كمال سالم شكرا على التداخل: وان كان موضوع البوست ليس عنى أنا لكن دعنى أشكرك على اشاراتك ( نعمل شنو يا هو حال المبدعين) ههههههه
وبالمناسبة ان شا الله ناس النيل الازرق يكونوا نزلو السهرة ما سمعت منهم.

أما ناس الاعلام سوى كان راديو ولا تلفزيون ولا جرايد ...والمنابر مثل خيمة الصحفيين وبيت الفنون فلهم منى أجزل الشكر لأنهم أتاحوا لى اللقاء بالناس والتفاكر معهم فى مسائل ابداعية متفرقة. شكر لك يا كمال.

نرجع للموضوع الاصلى

السؤال ما زال مطروحا:






هل حسين ملاسى مبدع

( ؟؟)

مرحباً تماضر.
لكى أرد على سؤالك هذا يجب أن أسألك
نفس السؤال الذى سألته للأخ حسين فى
بوسته (تؤام بوستك) هذا, حول "هل
تماضر شيخ الدين مبدعة"؟؟
السؤال ببساطة:-
ما هو الإبداع, اين يبدأ, واين ينتهى حدوثه
من عدمه؟؟!!
طبعاً أستاذ حسين لم يدر علىّ بعد, عشمى
أن تردى انتى حتى نتفق على المقياس "Scale"
ومن ثم نخضع كل حالة له,
فما هو الإبداع يا تماضر, أعنى الإبداع الذى يتفق الجميع
على تمكن المرء منه, أو خلوه منه؟؟!!!

محبتى

لا ليس بمبدع


و لكنه معاااااااط

المبدع شخص مبادر و مبتدر لموضوعه

ملاسي يعمل من خانة رد الفعل

ولذلك هة معاااااط

عاوز نماذج من التحتهم خط ديل


صراحة ماشوفت ليك عمل درامي
خلينا نشوف الكتابة عشان نحكم كويس

_
تبارك خليك بعيد

Quote: تردى انتى حتى نتفق على المقياس "Scale"ومن ثم نخضع كل حالة له,

شكرا عبد الله أظنك تعني

: standard
.........

مرحباً أخى كمال وعامك سعيد.

Quote: أظنك تعني : standard

بل عنيت ما كتبت, scale حتى نعرف درجات الإبداع,
وبالمقياس المتدرج الذى يقيس بين نقطتين متقابلتين,
أ وب.
شكراً عزيزى كمال.
كن بخير

Quote: صراحة ماشوفت ليك عمل درامي خلينا نشوف الكتابة عشان نحكم كويس _

بنتكلم عن ملاسي هنا...

لك الشكر.

Quote: هل حسين ملاسى مبدع؟

فتأمل

Quote: فتأمل

كوستاوى ...ازيك ...

Quote: ما هو الإبداع, اين يبدأ, واين ينتهى حدوثه من عدمه؟؟!!

سؤال مهم ...

ولك المحبة أيضا ...

سلام يا تماضر,

بالتأكيد الإبداع المعني هنا هو الإنتاج الذي يلاقي قبول عريض و إستحسان
أي الإبداع الإيجابي,
في الجانب الآخر, الترابي,مثلا, رجل "مبدع" و صاحب مقدرة هائلة في إبتداع البلاوي
أي الإبداع السلبي,
ملاسي,في رأيي, لامي الإتنين: شيق أحيانا, و" لزج" زي ما قال محسن خالد, في
أحايين أخرى, مستقل برأيه, which is good , و ساخر من طراز " جيد" لكنه مستخف بشئون الآخرين بدرجة "ممتاز"..
خلاصة أعتقد أنه "مبد..إع ع "!

من ضروب الابداع حسب راي المتواضع

ايصال فكرة ما بطريقة ما تجد القبول

عمند المتلقي......

اذا كان كلامي صحيح ( واتمني ذلك )

فملاسي مبدع حقا

له اسلوبه المتفرد في الكتابه

اهمها .....

ايصال فكرته الي المتلقي بكل بساطة

من خلال سطر واحد يستطيع ملاسي افراغ

البوست وتحليله......

خاصة البوستات المعقدة .

مايميز ملاسي هنا.....

عفة اللسان.....

والسخرية المغلفة بالجدية

واهم شي

وااااااااثق من نفسو وكتاباتو.......!!!!!

اذا ......

ملاسي من وجهة نظري مبدع....مبدع

سلام استاذة تماضر

الفيلم دا دخلنا قبل كدا :)

الظشاش فى بلد العمى شوف

.

الفاضلة تماضر
تحيات زاكيات

الشكر لكِ ولشركاء الملف

هنا ملف قدم فيه الذي تتحدثون عنه مشاركة
ستحكم له أو عليه

رجاء التفضل بقراءة الملف كاملاً :


http://www.historyofsudan.com/cgi-bin/sdb/2bb.cgi?seq=m...287872&func=flatview


.

Quote: رجاء التفضل بقراءة الملف كاملاً :

قرأت الملف كاملا. مالو ملاسي عيبو لى!

لك الشكر يا شقلينى.

نعم

واسالي عبد الوهاب احمد الحاج ؟

Quote: هل حسين ملاسى مبدع؟

مناسب..

سلام يا تماضر، أنا أرى بأنه مبدع لأنه
أتى بمالم يأت به غيره، وهو المهاترة
في سطر واحد، وقول في هذا السطر
رأييه

تحياتي

تماضر يا معجبتنا

في زمتك لاقاك إصولي مبدع ؟ إلا إذا كان غاشيهم أو غاشي نفسه بعدين حسين تميز بالسخرية والمساخة والسخرية لو كان بسموها إبداع كان الرباطاب سموهم المبدعيناب أنا في راي المبدع دا زول بعمل حاجة الناس تقعد تتفرج بس وتقول يا سلام مافي زول بقرب ساكت ليها مش يعملها إلا قلة من المبدعين ذيوا أما إذا كان ملاسي مبدع والله في الثانويات ساي يكون عندنا 5 الف مبدع انتوا الالقاب دي مجاني كدا بتتوزع يا ناس.

سلامات يا أستاذة تماضر؟
هل المتفردون من الأطباء والمهندسين .. إلخ -من التخصصات الغير مصنّف من يعمل بها بأنه مبدع- مبدعون؟
___
وهل الإبداع حِكرٌ على من يعملون ويعملن بمجال الفنون -رسم، تمثيل.. إلخ، والأدب من رواية، شعر، قصة إلخ؟

Quote: سلامات يا أستاذة تماضر؟ هل المتفردون من الأطباء والمهندسين .. إلخ -من التخصصات الغير مصنّف من يعمل بها بأنه مبدع- مبدعون؟ ___ وهل الإبداع حِكرٌ على من يعملون ويعملن بمجال الفنون -رسم، تمثيل.. إلخ، والأدب من رواية، شعر، قصة إلخ؟

اسئلة فعلا هامة ...ياريت الناس تجاوب عليها

ومبروك يا عريس ...ألف مبروك

انصحه بتغير اسمه العائلي،ليصير حسين العظمة.

وهل أصلا قدم حسين نفسه علي أنه مبدع حتي نحكم عليه؟!!

حسين ظهر كنجم في سودانيزأونلاين أتميز بإسلوبه الخاص وإستقلاليته وأرائه الجرئية في ماهو مطروح وعفة لسانه دون أن ينجر وراء الإساءات الشخصية رغم تحرش الكثيرين به مما يسبب لهم الغيظ

فله التحية والإحترام

Quote: أنا في راي المبدع دا زول بعمل حاجة الناس تقعد تتفرج بس وتقول يا سلام مافي زول بقرب ساكت ليها مش يعملها

خووووود ..
اها أسة كده إنت مرقت تماضر من لستة المبدعين ..

تماضر سلامات

أن يتساءل حسين ملاسي عن: هل تماضر مبدعه؟؟؟؟

دا تساؤل مقبول من عضو في المنبر.. يطرح سؤال ويريد جوابا من زملاءه الاعضاء الاخرين عن شخصية صاحبة سيرة عريضة ومعروفة لدي شريحة واسعة في المجتمع بحكم نشاطها المهني المعروف.


أما أن تتساءل تماضر شيخ الدين عن إبداع عضو أو زميل في المنبر يكتب بوستات مثله مثل بقية الاعضاء الاخرين ..دي حاجة ما مفهومة...اللهم إلا يكون حسين ملاسي دا عندو نشاطات إبداعية خارج نطاق البورد معروفة للناس الاخرين...كدا ممكن يكون السؤال مفهوم


تحياتي

نعم مبدع .

مبدع .. ابداع لاتُخطئهُ العينُ من رمد













..

من ياتو ناحية ؟شكرا

آآآآي..

في فهمي:

المبدع: منحاز للقضايا الحقيقية لشعبه وللإنسانية

المبدع: يقتفي مبادئ الحق والخير والجمال

المبدع: له مشروع مكتمل ولو نظريا

حسين ملاسي -بما قرأت له حتى الآن- يفتقر لكل ذلك


ساخر، ربما

لماح، ربما

لكنه ليس مبدعا، ولو رأت تماضر غير ذلك.

تماضر سلامات

Quote: هل حسين ملاسى مبدع؟

لا وحاتك حسين ملاسى مهرج
صدقينى الزول ده مهرج وبس
زى ماقال فنان عن اخر
مداح دخل الاذاعة بالغلط
والقصد مفهوم مما تبقى من كلام لم يكتب






قاسم المهداوى

حسين ملاّسى لا يختلف عليه اثنين!

بل أكثر من اثنين بكثير ...









... المهم ....

Quote: وأرائه الجرئية

معقولا ياخى
الاقليات بقى ليها راى وكمان شنو جرىء
لا والله ؟؟؟؟؟




قاسم المهداوى
هامش
كما قال المحجوب
انا من بلد ياكل فيه الطير والناس لا ياكلون
انا من بلد يحكمة الغرباء وابناء البلد يتسولون

Quote: معقولا ياخى الاقليات بقى ليها راى وكمان شنو جرىء لا والله ؟؟؟؟؟ قاسم المهداوى هامش كما قال المحجوب انا من بلد ياكل فيه الطير والناس لا ياكلون انا من بلد يحكمة الغرباء وابناء البلد يتسولون

من أقبح الإشارات العنصرية التى قرأتها مؤخراً ...




... المهم ....

تبارك
سلامات وعيدية

Quote: من أقبح الإشارات العنصرية التى قرأتها مؤخراً ...

تعرف انا لست بعنصرى وهذا البيت الشعرى
لمحمد احمد المحجوب
ياخى فترنا من الدسدسة والغتغته
خلينا نسمى الاشياء بمسمياتها و....
بعض الناس لا يمكن ان تخاطبهم الا وبتلك اللغة التى يفهمونها
ويتفهمونها اى تلك اللغة التى تجعلهم يعرفون ويدركون موقعهم من الاعراب
ويا سيدى ما نمشى بعيد ( هنالك بوست بخصوص ازمة دار فور )
دع صاحبنا يقول مواقفه الجريئة تلك ؟؟؟



قاسم المهداوى
هامش
بعد اقتحام خليل لامدرمان
عدد القتلى خارج نطاق القضاء فاق ال 4 ألاف قتيل
وعدد المعتقلين من يوم 11 مايو وحتى نهايه الشهر كان اكثر من 2000 شخص
صدقنى انا اتحدث بكل صدق وامانة ؟؟؟ ترى اين هى جراءة ملاسى فى ذلك ؟؟؟؟

Quote: تعرف انا لست بعنصرى وهذا البيت الشعرى لمحمد احمد المحجوب ياخى فترنا من الدسدسة والغتغته خلينا نسمى الاشياء بمسمياتها و.... بعض الناس لا يمكن ان تخاطبهم الا وبتلك اللغة التى يفهمونها ويتفهمونها اى تلك اللغة التى تجعلهم يعرفون ويدركون موقعهم من الاعراب ويا سيدى ما نمشى بعيد ( هنالك بوست بخصوص ازمة دار فور ) دع صاحبنا يقول مواقفه الجريئة تلك ؟؟؟ قاسم المهداوى هامش بعد اقتحام خليل لامدرمان عدد القتلى خارج نطاق القضاء فاق ال 4 ألاف قتيل وعدد المعتقلين من يوم 11 مايو وحتى نهايه الشهر كان اكثر من 2000 شخص صدقنى انا اتحدث بكل صدق وامانة ؟؟؟ ترى اين هى جراءة ملاسى فى ذلك ؟؟؟؟

يعنى كنت محتاج تستخدم هذه اللغة العنصرية لتقول أن حسين ملاّسى ليس له آراء جريئة ...

هذا هو رأيك ... وهو ليس بالرأى الجريء ... ولكنك تماديت فى جرأة الخطاب العنصرى لتقول هذا الرأى ....

مجريات أحداث دارفور والهجوم على امدرمان والإعتقالات ... تحتاج لرجاحة الرأى والحكمة وإعمال صوت العقل فى الآراء أكثر مما تحتاج للجرأة ...

فكم من الآراء الجريئة الخاطئة فى قضية دارفور ... ولك فى "عبدالواحد" و "خليل" و "الطيب مصطفى" و "تراجى" و "سيف مساعد" و "أوكامبو" أطنان من الجرأة الخاطئة ...

(وأفرض آراؤو كانت جريئة فى قضية دارفور، هل كان حا ينجح فى اختبارك العنصرى؟)




... المهم ....

سلام جاك تانى يا تبارك
صدقنى وعن قناعة انا لست بعنصرى
ولكن فقط احاول ان آت بالدليل
بان ملاسى ليس له راى او وجهة نظر
بل هو مع الاقوى اى يكن ذلك الاقوى
نميرى . البشير , قيقم , فرناس
حواء الطقطاقة ,, غير مهم فهو مع
الاقوى كما ذكرت ؟




قاسم المهداوى

Quote: هل حسين ملاسى مبدع؟

لأنو من الأقليات!
والأقليات ليس لهم آراء جريئة
بدليل أن :

Quote: بعد اقتحام خليل لامدرمان عدد القتلى خارج نطاق القضاء فاق ال 4 ألاف قتيل وعدد المعتقلين من يوم 11 مايو وحتى نهايه الشهر كان اكثر من 2000 شخص صدقنى انا اتحدث بكل صدق وامانة ؟؟؟ ترى اين هى جراءة ملاسى فى ذلك ؟؟؟؟

هذا بالإضافة إلى إنو حسين ملاسي ساكن في
أم درمان

Quote: أنو من الأقليات! والأقليات ليس لهم آراء جريئة بدليل أن :

ما فهمت ...هل أنت تردد قول المهداوى كى تستهجنه؟؟ أم تعيده لتؤكده؟

Quote: هل حسين ملاسى مبدع؟

لا.....

مرحبًا مُجدد يا تماضر
من يستطيع أن يختزل أفكاره

الكبيرة في جُملة أو جُملتين؛ فبالتأكيد هو مُبدع
الاختزال مع الإيضاح والبيان مَلكة لا يمتلكها إلا مُبدع دون شك

قد نختلف أو نتفق معه حول هذه الأفكار

Quote: مرحبًا مُجدد يا تماضر من يستطيع أن يختزل أفكاره الكبيرة في جُملة أو جُملتين؛ فبالتأكيد هو مُبدع الاختزال مع الإيضاح والبيان مَلكة لا يمتلكها إلا مُبدع دون شك قد نختلف أو نتفق معه حول هذه الأفكار

خلاس عاوز تفتله يا عارض
يا مكشكش

تماضر


سلامات


قاسم المهدواي وتبارك .. اتخارجو من هنا .. شيلو شككلتكم معاكم..



هاكم النجيضة .. شكرا ود الزبير

في فهمي:

المبدع: منحاز للقضايا الحقيقية لشعبه وللإنسانية

المبدع: يقتفي مبادئ الحق والخير والجمال

المبدع: له مشروع مكتمل ولو نظريا

حسين ملاسي -بما قرأت له حتى الآن- يفتقر لكل ذلك


ساخر، ربما

لماح، ربما

لكنه ليس مبدعا، ولو رأت تماضر غير ذلك.

Quote: في فهمي: المبدع: منحاز للقضايا الحقيقية لشعبه وللإنسانية المبدع: يقتفي مبادئ الحق والخير والجمال المبدع: له مشروع مكتمل ولو نظريا

الأخ:  أحمد حنين
هذه بعض مواصفات "المثقف" وليس "المبدع"

طيب يا هشام سجّل:

1- حسين ملاسي ليس مثقفا

والله دي تؤذيه أكثر من التشكيك في إبداعه

شكرا للتضامن يا أحمد حنين

تحياتي هشام

Quote: من أقبح الإشارات العنصرية التى قرأتها مؤخراً

بالفعل
المشكلة ان المخطئ هنا دائما لا يقر بخطئه
بل يتمادى في إيجاد المبررات
قبل ايام نفس الشخص استخدم تعبير أمفكو في نقده لموقف احد الاخوات
وقعد يلف ويدور لحدي ماسحب العبارة
ياعالم ارحمونا
كده عيب والله

الأخ قاسم المهداوي
تحياتي
هناك إشارات عنصرية في ما أوردته بحق الأخ حسين ملاسي. كلنا نتساوى في الحقوق والواجبات وليس من حق أحد منّا أن يعتبر نفسه سودانيا أكثر من الآخرين.فليتخذ الأخ حسين ملاسي من المواقف ما شاء، لكن ذلك لابد ألا ينتقص منه شيئا أبدا وإلا كنّا مثل الإنقاذ تصادر الآراء وترى في نفسها الحق الديني والوطني الكامل.
رغبت في حوارك لأنني أؤمن بأن العنصرية والعنصرية المضادة وما نتج عن ذلك هي من ضمن العلل الرئيسة التي أدت للحال الذي نحن فيه.وأرجو أن تتقبل حواري معك بصدر رحب.

التعديل: إضافة كلمة (العلل)

قيل أن مقايس المبدع ثلاثة ..

ـ سبق
ـ تطور
ـ وإبداع ..

متما توفروا في أي أمة فهي مبدعة ..!

أختي تماضر دعني أسألك لماذا هذا البوست و لماذا الآن !!!!

بس لو واحد ختف رجلو للأفرويشن معهد الدراسات الأسيوية والأفريقية وفتش فى أوراق ثورة 1924 مطبوعة بماكينة طباعة (تايبست) وفيها شهادات ثوار 1924 سوف تجد اسم (ملاسى) جد أخونا حسين ملاسى وأحد أعضاء حركة اللواء الأبيض

كما ان شوقى ملاسى وهو رجل علم فى مهنة القانون والسياسة وعم أخونا حسين ملاسى كان أول من أعلن الأضراب السياسى فى ثورة أكتوبر وقيل أن الفكرة ايضا كانت من أسهامات الرجل أطال الله عمره...

بين البروقراف الأول والثانى هنالك ملحمة عظيمة لأل ملاسى فى تاريخ السودان...


-------

زمان قلنا لبكرى افرز لينا منبر نحن أولاد الخرطوم ديل برانا ماأشتغل بالموضوع ده وعايزين يقيموا ابداعنا ناس مابنلاقيهم اٍلا فى (النشرة الجوية)



سورى ياملاسى

Quote: زمان قلنا لبكرى افرز لينا منبر نحن أولاد الخرطوم ديل برانا ماأشتغل بالموضوع ده وعايزين يقيموا ابداعنا ناس مابنلاقيهم اٍلا فى (النشرة الجوية)

وجه اخر للعنصرية

Quote: بس لو واحد ختف رجلو للأفرويشن معهد الدراسات الأسيوية والأفريقية وفتش فى أوراق ثورة 1924 مطبوعة بماكينة طباعة (تايبست) وفيها شهادات ثوار 1924 سوف تجد اسم (ملاسى) جد أخونا حسين ملاسى وأحد أعضاء حركة اللواء الأبيض كما ان شوقى ملاسى وهو رجل علم فى مهنة القانون والسياسة وعم أخونا حسين ملاسى كان أول من أعلن الأضراب السياسى فى ثورة أكتوبر وقيل أن الفكرة ايضا كانت من أسهامات الرجل أطال الله عمره... بين البروقراف الأول والثانى هنالك ملحمة عظيمة لأل ملاسى فى تاريخ السودان...

اقليات السرور تلك التي جريئة في اقولها وافعالها

Quote: بس لو واحد ختف رجلو للأفرويشن معهد الدراسات الأسيوية والأفريقية وفتش فى أوراق ثورة 1924 مطبوعة بماكينة طباعة (تايبست) وفيها شهادات ثوار 1924 سوف تجد اسم (ملاسى) جد أخونا حسين ملاسى وأحد أعضاء حركة اللواء الأبيض كما ان شوقى ملاسى وهو رجل علم فى مهنة القانون والسياسة وعم أخونا حسين ملاسى كان أول من أعلن الأضراب السياسى فى ثورة أكتوبر وقيل أن الفكرة ايضا كانت من أسهامات الرجل أطال الله عمره... بين البروقراف الأول والثانى هنالك ملحمة عظيمة لأل ملاسى فى تاريخ السودان... ------- زمان قلنا لبكرى افرز لينا منبر نحن أولاد الخرطوم ديل برانا ماأشتغل بالموضوع ده وعايزين يقيموا ابداعنا ناس مابنلاقيهم اٍلا فى (النشرة الجوية) سورى ياملاسى

نادر ابكدوك..ونسة ياشاب ونسة ماعنصرية...أنت قايلنى جاى من حى باريس ولا أتولدت فى الأحفاد...

زمان عندنا صاحبنا درس فى المدارس المصرية ودخل بخمسين فى المية بس فلسفة الفرع وكان كضاب شوية وبحب النفخ..لاقنوا بنات حب يتجنصص قدامهن قالوا ليهو يتقرا وين قال ليهم طب الخرطوم..واحده ملحاحة سألتو عن البوكسنغ ولما كان ناس المدارس المصرية مابعرفوا حاجة عن البوكسنغ قام نجر ليها بوكسنغ (معهد القرش مابدخلوا) أندهشت البنت وقالت ليهو بس ده مابدخل طب فرد سريعاً..الفرع ..الفرع..الفرع..اها أنا بقول ليك..الباوقة ..الباوقة ..الباوقة ياخ

---
لاحظ قلت ..لاقنوا ما..لاقوهو ..برضك دى خرطوم

هل حسين ملاسي مبدع؟

تذكير بموضوع البوست إلى حين عودة صاحبته

قاسم المهداوى مااظنها المرة الاولى التى تفوح من كتاباته رائحة العنصرية ..
بضاعة كاسدة ياقاسم ..والله ياقاسم لو لسه (جوه) المنظومة التى
ترفع شعار الحدثة والاستنارة تبقى مصيبة ... ترا ماعندك سالفة

اعجبني هذا البوست
لان كاتبته مبدعة.
و هي الممثلة البارعة تماضر شيخ الدين
و اعجبني من ناحية اخري و هي أن حسين ملاسي زميل البورد القديم
و بيني و بينه ملح و ملاح البورد
سيعتبره من المناطق المحرمة، فهو لن يدخل هنا

طه جعفر

ملاسى دا شغلتو اسمها سواطة,..
حسن موسى مشى يستحما
نجاة ضربت منكير
محسن خالد حلق شنبو
ناس ماعارف شنو كدا ببيعوا جهاز بتاع انتصاب
....الخ

اذآ فهو سواط كبير ومبدع فى مجاله

________________________________________
قاسم مهداوى
اشاراتك قبيحة ومرفوضة,
نختلف مع أى كان أو نتفق
ولكن أى اشارة عنصرية مرفوضة تمامآ

أدين بشدة اشاراتك السالبة

Quote: من يستطيع أن يختزل أفكاره الكبيرة في جُملة أو جُملتين؛ فبالتأكيد هو مُبدع الاختزال مع الإيضاح والبيان مَلكة لا يمتلكها إلا مُبدع دون شك

مجامع الكلم


اجابتي على سؤال البوست :
بالحييييييييل مبدع

ادين وأشجب الاشارات العنصرية ...

ارجو أن تسحب مداخلتك يا أخ قاسم


______


متابعة ...

نعم..... حسين ملاسي مبدع

تبارك أنا محارباك.

Quote: معقولا ياخى الاقليات بقى ليها راى وكمان شنو جرىء لا والله ؟؟؟؟؟ قاسم المهداوى هامش كما قال المحجوب انا من بلد ياكل فيه الطير والناس لا ياكلون انا من بلد يحكمة الغرباء وابناء البلد يتسولون

والله ما كان العشم .

Quote: نعم مبدع .

بقيتو كم؟؟

هههه

Quote: اللهم إلا يكون حسين ملاسي دا عندو نشاطات إبداعية خارج نطاق البورد معروفة للناس الاخرين...كدا ممكن يكون السؤال مفهوم

كما أنفت ..نعم.

ازيك يا ياسر عبد القادر

Quote: خووووود .. اها أسة كده إنت مرقت تماضر من لستة المبدعين ..

.......يحدر ليك فى الضلمة

لووووول

Quote: وهل أصلا قدم حسين نفسه علي أنه مبدع حتي نحكم عليه؟!!

لأ... قدمه آخرون.

لك الشكر.

Quote: انصحه بتغير اسمه العائلي،ليصير حسين العظمة.

النصيحة وصلت

ههه

Quote: والسخرية لو كان بسموها إبداع كان الرباطاب سموهم المبدعيناب

.

خلى الرباطاب يجوا.....:)

يا قاسم المهداوي إنت مشكلتك شنو
مع ذوي البشرة الفاتحة في السودان؟!
دي ما أول مرة تفوح منك العنصرية
المرة الفاتت الناس مشتا ليك
ودقيت جرس ومشيت إعتذرت، هسا
تاني يزنقوك بدق جرس تاني
وتاني حليمة بترجع لي قديما

الأخت تماضر
بعد التحية
السؤال يحتاج تفصيلا أكثر
لكن الذي أراه أن حسين ملاسي هو من ابتدع السؤال عن إبداع تماضر
وتماضر هي من انفعلت بابتداعه فردت له مقلدة بسؤال عن إبداعه
ــ
بصراحة أرى في فتح هذا البوست بهذا العنوان في هذا الوقت انفعال كبير ببوست ملاسي السابق ** ليتك تعاطيت مع الأمر باسلوب اخر في وقت اخر

Quote: صراحة أرى في فتح هذا البوست بهذا العنوان في هذا الوقت انفعال كبير ببوست ملاسي السابق ** ليتك تعاطيت مع الأمر باسلوب اخر في وقت اخر

انا والله وتالله فى منتهى الهدوء والابتسام ..

.أولادى عندهم مناسبات كتيرة ...خلو لى الكمبيوتر قلت أتونس معاكم بعد نشرو قصصو القصيرة ...

هو فعلا السؤال ده لا يؤدى الى اجابات قاطعة ...أصلا ...

سؤال ليك انت يا نزار "بعد التحية"
هى قولة هل فلان مبدع؟دى ؟ حارة؟؟

(ابتسامة أعرض)

Quote: انا والله وتالله فى منتهى الهدوء والابتسام

مافي داعي للحلايف دي كلها .. مصدفنك بدون حليفة.

Quote: سؤال ليك انت يا نزار "بعد التحية" هى قولة هل فلان مبدع؟دى حارة؟؟

تختلف استجابات الناس ولأ أستطيع أن أجيب جوابا عاما.. بالنسبة لي السؤال عادي، لكن فتحك للبوست هذا يصعب علي ان اراه إلا ردة فعل لبوست ملاسي، وهذا ما عنيته بكلمة (انفعال) في مداخلتي السابقة.

Quote: الظشاش فى بلد العمى شوف

الظشاش يعنى شنو؟ هههه

Quote: الفيلم دا دخلنا قبل كدا :)

والله ما عندى فكرة ...

السؤال ده انطرح قبل كده؟؟ (بقصد عن حسين ملاسى؟؟) ولا بتقصد سؤال ملاسي عنى انا؟؟

المهم شكرا

Quote: ملاسي من وجهة نظري مبدع....مبدع

ولك السلام

هارون دياب

Quote: الترابي,مثلا,

المعز شكرا على مداخلتك "الشيقة"

العزيزة تماضر،

سوال بسيط وبري جدا، انتي ليه سالتي السوال دا؟ وليه دايرة تعرفي انو اخونا ملاسي ممبدع ولا لا؟

Quote: وبري جدا،

يا راجل!!

هههههه

هو عارف.

هو عارف شنو؟ طيب انحنا دايرين نعرف، عشان نجاوب علي حسب المقصد. يااخونا ملاسي ورينا انت عارف شنو وليه اختنا تماضر سالت؟

للذين يشككون في قدرات حسين ملاسي الأدبية !!


أخونا عبد الرحمن ...ياهو ده السبب ...

ما فى حاجة غميسة كده يعنى ...

لما الواحد ينشر "او ينتشر" الناس يسألو سؤالهم ...ولا شنو؟

تب سوالك في محله يااخت تماضر، منتظرين حاجة من قصص اخونا ملاسي عشان نحكم باجتهاد شخصي اذا كان كاتبا مبدعا ولاشغل اي كلام،
ياخونا ملاسي قول فا

ياتماضر معليش يااخى
نسيت اسلم عليك,

سلامات شديد

والاعياد جت يتباركن عليك
الفاتن والجايات

_________________________

ملاسى بالمناسبة يقتات على أسماء الآخرين
محسن
تماضر
كمال الجزولى ,,,,الخ

ياكافى البلاء
لاعندو انتاج معرفى,
لاخيال مبدع,
ماعندو شيتآ واحد حقو
غير السواطة
ويليق عليه أكثر لقب (ملاسى السواط)

تماضر ترد بوست ملاسي بمثله .. و المهداوي يتعنصر على ملاسي .. والجيلي يتقيأ
فتأمل!!

تحياتى ياهوبفل

وفرصة سعيدة
ان يكون هذا أول تقاطع بيننا..
هون عليك يارجل

ليس من احد يتقيأ..
يقول الناس مايرونه
ولك أن تختلف مع رؤيتهم وتقييمهم ,
وليس فى ذلك مسبة أو عيب..
بل أنا أحترم رأى كل من قال بابداع ملاسى
دون أن اكون مضطرآ لموافقتهم أو معاداتهم..

تيك ايزى يامان

Quote: ليس من احد يتقيأ.. يقول الناس مايرونه ولك أن تختلف مع رؤيتهم وتقييمهم , وليس فى ذلك مسبة أو عيب.. بل أنا أحترم رأى كل من قال بابداع ملاسى دون أن اكون مضطرآ لموافقتهم أو معاداتهم.. تيك ايزى يامان

أوافق

شكرا يا الجيلى أحمد ياخ

الأخ الجيلي ..

أسف يا أخي ان رأيت في ردي غلظة
احسب بأني تعمدتها لسبب يعلم الله

هل احسست مقدار الألم الذي تُسببه بسبك
لأحد حين تصفه بالســـــواط!؟؟

وتقبل احترامي

تحياتى ياهوبفل,

فى البدء
أنت لم تسبنى,
فلو فعلت لسببتك بمكيال مضاعف,
لست من الأنبياء فى شئ
وحقى آخذه فى الحياة كاش داون (ماعندى مغصة بنوم بيها)
(تمامآ كالرجل المجرى)

وانا وصفت ملاسى بالسواط..
تمامآ كما وصف (ع.ع.أ) منصور خالد بالقوَال..

والسواطة فى السودان هى نقل الأحاديث من مكان الى آخر
ومن لسان الى لسان وصب مزيد من الماء عليها والزيت ان اقتضى الوضع..

رددت علي مداخلتك الأولى لأنى لم أجد سب أو شتيمة فى حديثك
انما فهمت انه امتعاض ..
فاذا كنت تقصد بذلك شتيمة ومسبة ليتك تفصح ..

ولك التحايا فى البدء والمنتهى

هلا يا الجيلي

نعم أعلم أنك قادر أن تسبني وانا قادر والكل قادر
ولكن تتفاوت الضوابط (الشخصية) بين الناس ..

السواط في السودان هي اوطى منزلة ينزلق اليها الانسان
وهي بالتالي من السبات التي ربما لا تغتفر ..

ليس بيني وبينك عداوة حتى اشتمك أخي ولكنه امتعاض (شديد اللهجة)
لعل رسالتي تصل

ولك الاحترم ايضاً

ياهوبفول انت زول صعب فى نجر المقياس والمصطلح..
أى نعم السواطة شينة وماسمحة,
ولكنها قطعآ ليست بأوطى شئ فى السودان..
يمكنك ان تحدد لها مستويات , ولكن لايمكنك
أن تطلق حكمآ جادآ وبدم بارد كما فعلت باعلاه..
هنالك الشمارات ,
والأخبار الضاحكة,
والسواطة الطاعمة البتجى مع الجبنة
فتنزلق من لفحة الهجير فى الفنجان ..
يعنى السواطة خشم بيوت

وملاسى بظنى متخصص
بكل أنواع السواطة..

امامك تاريخه الأسفيرى هنا ياهوبفل,
عد اليه ومحصه جيدآ,
وستجد فيه سواطة مبتدعة ذات فن وابداع..


ثم أن رسالتك وصلت
وأقدر مشاعرك جيدآ
ولك أمثال مضاعفة من الأحترام

ثم ياهوبفل

هنالك قبائل من المتأسلمين
تنهب وتقتل وتغتصب وتعذب, وتستبيح كل الحرمات,
فتصبح السواطة (أوطى ) شئ فى السودان
وهذه الجرائم تثير فقط الامعتاض..!!!!

أليس هذه الجرائم (اوطى) مايمكن أن ينتجه العقل والفعل البشرى؟


ثم
اليس من يدافع عن جرائم الأنظمة المتأسلمة
يدخل فى ذات توصيفة الفعل المباشر؟


مجرد أسئلة ياهوبفل...

الأخ الجيلي ..

أفهم امتعاضك من الحكومة المتأسلمة واختلافك معها
ولك كل الحق في ما تقوله عنها..
ولكن أخي الا ترى أن وصفك للأخ حسين ملاسي بالسواطه
فيه الكثير من الغلظة والعنف غير المبررين
وذلك لمجرد أن اختلفت رؤيته السياسية حول الأحداث
عن رؤيتك ..
وذلك في خيط أساساً لا اساس له في ما ذهبت اليه

الا ترى في هذا ترصد أخي!!؟

انتم جميعا مبدعين حسب ميقاس رختر

والله يالجيلي التبرير ما عندك لكن

قلت لي السواطة درجات

طيب كان من الاول تحدد درجة السواطة القاصدها انت

ياخي عيب بالجد

ازيك ياحيدر

نقاشى ومحاولة شرحى لهوبفل شئ,
ودرجات السواطة شئ آخر..


كما أن سواطة ملاسى شئ مختلف..

ملاسى سواط فى كل شئ
الصغيرة والكبيرة..
الأدب وقلتو..
الصحافة والفصاحة..

ركَز معاى ياحيدر
ماتتعبنى يااخى

وبعدين العيب وين ؟
وفى شنو؟
تعال يااخى أشرح لينا..
ينولك ثواب

Quote: ركَز معاى ياحيدر ماتتعبنى يااخى

حاشاك تتعب معاي
وطالما قلت ملس ده سواط ومصر عليها
مبروك عليك الجائزة

العزيز ملاسىي: تحياتى

حقيقة اتصلوا بى ناس كتار ومفتكرنى قاصدة أغيظك

والله العظيم الكلام ده ما صحيح ..أنا فعلا دايرة أكاويك لكن ما من "حنق" او بغضاء ...

أنا افتكرتها حاجة مضحكة ..

لكن الناس يبدو من كترة الشكل فقدوا الاحساس بالفكاهة

ويبدو أنه مشاكل البورد بقت أكبر من متابعتى

على العموم ...ارجو أن يكون البوست مفهوم ليك

ولا هارد فيلنقز ...

البوست الانت فتحتو "هل تماضر شيخ الدين مبدعة" جاب ناس كتيرين وأدلوا بشهادات أنا بعتبرها فى مصلحة أدائى ، لو قسناها بالشهادات المضادة والأغلبها الناس بيشتكوا من عدم مشاهدتى ...أنا عندى تسجيلات أهى بتسمع فى حسى لكن ما بقدر أنزلها ليكم ..فى حاجات مكتوبة وأغلبهاموجود فى الانترنيت ، فى يوتيوب ...

مافى زول بيقول عن نفسو مبدع "العبد يسعى" والشهادة بتجى من الناس ... والحمدلله كفرد واحد وبيد واحدة كل هذه الشهادات؟؟ أعتبرها محمدة وأنا ممنونة .

والبوست ده جاب الناس وأدليت شهادات كتيرة لمصلحتك

ليه ما تعتبرها تجربة أيجابية ...لينا الاتنين والسلبيات نصلحها ونستمر كان الله أدى العمر؟؟

كلام عقل
وشهادتك تضاف لشهادة الاخرين

مساء الخيرات ياتماضر

كلامك جميل
لكنه لن يعفى كل من أدلى بدلوه هنا..
هذه الأماكن صنعت لمناجزة الناس الرأى
فيما يقولونه ويطرحونه
لاشئ شخصى .
ولا ممازحة فى الأسئيلة الضخمة.
(حسنآ ,
ربما تكون هنالك بعض مجالات الممازحة ,
لكن ماللدرجة دى يابت الشيخ)

يصدق لك بعدد تلاتة وجوه ضاحكة أو كما قال صديقى مبر..

دا سؤال ضخم يااخى..

يبدو ان الامر اكبر من ان يختزل في هشام يازول فالظاهر لنا انك تسيرين علي خطي العزيز يازول حينما بدأ مدهشا بكتابة راقية وبعد عمر منبري معدود بدأ في الهترشة غير محسوبة العواقب فمقابل كل كلمة ومفردة يكتبها يحتاج الي اربعة كلمات مقابلها توضيح وستة مفردات اعتذار عنها اي انك حاليا في مرحلة (الجليط المنبري العميق )
اخشي ما اخشاه ان تدرك تبارك تلك المرحلة ونحن ما نزال في هذا المنبر !!
واطـاتنا اصبحت يومئذ

زمان ياحيدر كنا بنلعبا بالفلة,
كلنا أنا وأنت وجزء عظيم من مطالعى حديثنا هذا..
ولعبناها بى بلى القزاز
برضو كلنا,
شفتنة مافى ياحيدر,
لأن معظمنا كان شفوت,
لهذا نعود لمنازلنا والدم يسيل من الركب,
والأذن والجبهة والظهر ,
ونصر على اخفاء مصابنا..


لاتحدثنى بسر الشفتنة
والعواميد التى تطرح مابجوفها من الأسمنت لأنك
لاتود حوارى
بل المرازاة
حتى آخر رمش فى المنطق..

يااخى أنا رديت عليك بكل تأدب
تقوم تقول لى مبروك عليك الجائزة؟

جائزة فوق كم
يامحدد العيب وواصفه؟,

الجيلي يامان
حبيت إستلمك من هوبفل شوية
ونقعد نسوط سوا
خصمتك بالنبي
حسين سواط بالجد?

_
عجبك كلام تماضر

ملاسى السواط الاول على مستوى الأسافير,
سواطة بى قعدنها,
وشايفو فى آخر أيامو سوى ليها عمة ,
زيو وزى السواطين الكبار المحترمين..

مركزين تمام ياحيدر..

ماتحاول تجهجهنا...

فعند قراءتي لهذا البوست لحظة انزالك له هممت بالرد علي نحو من انه يبدو ان بوست حسين ملاسي قد اتي علي ما تبقي من ثقتك في فنك ونفسك وان اثره عليك اكثر مما بدأ لنا من خلال رد فعلك
الا اني بعد قرائتي لللتوضيح اثرت رده للتجليط

مادامت تماضر نفضت يدها عن الخيط,
تعالو ياحيدر وهوبفل (صديقنا الممتلئ بالأمل
كأنه كيلوباترا تنطق على لسان شكسبير:


لن يبقى شئ عجيب ومدهش
تحت ضوء القمر..
)



حدثانا عن الأمل !!
الذى جعل يدكما
تهوى بقوة على الكيبورد..؟؟

حدثانا علنا نرعوى

Quote: مادامت تماضر نفضت يدها عن الخيط

كيف الكلام ده?

كيف الكلام ده?

______________
تسألنى أنا يامعجزة؟
ماقبيل كنت شفت وبتقع ليك
قبل جضوم السحاب ماتقع الواطا؟

اظن انه مبدع كصحفى

من مدرسة محمد توفيق الصحفيه

التى اضاف لها الكثير باختصاره

لافكاره فى كلمات قليله بدلآ عن جمل محمد توفيق

أساسى

الحاصل أنه الناس هنا تستيغ المشاكل أكتر من "الابداع"
بوست ملاسي اعتبرتو "مكسب"

واكتشفت أنه ملاسي فاهم بوستى ده كويس ....

...

أما كلامك غن أشقائى وأنا بهذه الطريقة ...فليس لى رد محدد يمكن أن أدلى به ...غير أننى فى اجازة وأريد أن أروح عن نفسى وعن القارىء الكريم ..(.اللذيذ )

المغارز تمتنع ...


الله كفيل

بالتأكيد الناس تستسغ المشاكل هنا اكثر فمكان الابداع هو منابره الخاصة من مسرح وتلفزيون واوراق الكتب ومنتديات ثقافية وغيره
هنا يتم الاختلاف حول الابداع لذا هو الاولى بالجاذبية

ولكن بالعودة الي تعليق ملاسي النادم علي افتراعه البوست لا اقرك في فهم مقاصد بوستك التي تبدو الان هلاميا جيدا

الا ان حديثي عن اشقائك من واقع ادركه جيدا ولا حاجة لي بردك عليه , فهشام هو صديقي الاكبر في جدة و جاري وانا طريده المنبري وتبارك كاتبي المفضل لنصف الربع السابق وبعض الحالي وانت زمان انتهيت من مغارزي معك

الا انه من الصعب الاستمتاع بالعطلات في سودانيز اون لاين بطريقة مُرضية

Quote: لا اقرك

ماذا؟؟

ود قاسم زمااااان
كان عندو جكاية سمحة باللحيل..

Quote: ود قاسم زمااااان كان عندو جكاية سمحة باللحيل..

أحكى لنا الحكاية يا هذا...

فكأنى بأساسي يطالبنى بأن أعبر عن نفسى بطريقة محددة

دعك عنه فهو لا يعجبه العجب ولا الصيام فى رجب... هاها ....يا فتى ...ناولنى كوبا من الشاى ..فقد طاب لى المجلس وأنا أتتلمذ على يد أستاذنا العظيم "اساسي"

فى كيفية تقضية الاجازة والأماكن المخصصة للابداع...هاهاها ...يا جارية أتنى با "الكركار" و"كورة الموص" بالمرة معاك ....اتحركى عمى يقلع عينك...راجية شنو؟


أعدرنى يا هذا ...فلقد شغلتنى هذه الجارية بمحركتها ...عن متابعة الحديث ...

ماذا قلت عن تلك الحكاية ....؟؟؟؟

Quote: المغارز تمتنع

ديل منو?

اذا ماذا ؟

Quote: لو كنت أعلم أن هذا البوست و هذا التساؤل سيثيران حنقها - لهذه الدرجة - لما كتبته!

يبدو جدا انك في حالة استرخاء تام ولا تقبلي بديلا عن الاستمتاع باجازتك

هنيئا لك بالاجازة

مستمتعة

(سحبت المداخلة
نزولآ عند رغبة الأصدقاء)

اساسي يا حامض

ذكي أكيد

مبدع إحتمال



ثقيل ....مافي شك :)

Quote: اساسي يا حامض

حامض الأساسيك؟؟

ياهو ده العنف الذى هو جزء لا يتجزأ من التكوين النفسى للانسان السودانى بتاع البوست داك

يعنى لازم الواحد يعمل (كاسورى سايبيرى) عشان أصحابه يجوا يضحكوا..ويمشى ينوم (وهو منفوخ الجضوم) ...

هههه

اضحك تضحك الدنيا معك ...

منذ ان قرأت مداخلتك في ذلك البوست الذي اشرت اليه وما فهمته من مدلولاتها وتوقعت مثل مداخلتك اعلاه , فصحبة هذا المنبر تجعل من السهل جدا توقعك والذهنية التي تحركك وتحكمك , بل قدرت ان اتجاسر قليلا واستبقها ولكن فضلت التريث وها انت لم تخيبي ظني , لو اردت حقا فعل ما اصطلحت عليه بهذا الاسم القديم ( كاسوري) * لكان من السهولة علي بمكان كتابة ما يؤرقك حقيقة فانت ومن خلال هذا المنبر وكتاباته وردات فعلك اصبحت امرا ميسورا تصفحه والكاتابة حوله وشخصيتك وما امر هذا البوست وفتحك له وردودك اعلاه وتبرمك وعدم احتمالك الا للثناء بغائب علي احد .


ــــــــــ
كاسوري كلمة اصبحت قديمة حسب معطيات المصطلحات في السودان بحاجة الي عمل ابديت لقاموسك ومصطلحاتك , مكون رئيسي من مكونات المبدع ان يكون خلاقا مبتكرا لا مجترا مكرورا

Quote: يصدق لك بعدد تلاتة وجوه ضاحكة أو كما قال صديقى مبر..

... المهم ....

المحترم أساسي:

الذى سأقوله فيما بعد يا أساسى كلام هام بالنسبة لى ..أرجو أن تقرأه بروية وتمعن وأرجو أن يعنى لك شيئا مثلما عنى لى:
يا أساسى
لقد تعهدت على نفسى فى السنوات الاخيرة على أن أطورانفعالى وأسمو على ردود أفعالى كل يوم .

أنا أدرس (بتشديد الراء) منهجا خاصا بادارة الغضب وأعلم الناس كيف يتحكمون فى ردود الافعال. برنامج كده خاص بالاسرة والتواصل الايجابى بين الأفراد ،

اسمه:

Active relations. Active communication: Skills Program

برنامج مهارات مكتسبة فى شأن العلاقات والتواصل ينفع للأسرة وللمجتمع الكبير على السواء. واحد من البرامج التى تجربها الحكومة الاميريكية على اللاجئين فى المنظمات حيث أعمل. ياخى ده منهج جميل لشكل!!

طبقت كثيرا من التمارين العملية على نفسى وقد أفادنى هذا البرنامج كثيرا. فأنا الآن قلما أغضب من شخص محاور هكذا، وباستمرار أحاول أن أحول التجربة السلبية مع المحاور الى تجربة ايجابية .. لا ألومك على افتراضك ولا افتراض (ملاسى) بأن البوست أثار حنقى أو أنه ردة فعل، لذا قمت بشرح هذا الأمر بصراحة ( فوجئت بأن ملاسي متفهم جدا لفكرة البوست) حتى لا نبنى حوارنا على سوء الفهم، ولا ألومك لأننى ربما عودتك فى الماضى على مثل ردود الأفعال تلك التى تفتقر الى النضج والتى اخذت من طاقاتى الكثير لا بل من طاقات ابداع المحاورين. لم اكن وحدى التى تقوم بردود أفعال بائسة ولكنها كانت ديدن المنبر كله.

صدقنى لم أعد أغضب من سجالات المنابر هذه. أو على الاقل لا أتناول موضوعاتى هنا تحت تأثير الغضب. هل تصدق ؟؟ وهو شىء يمكن أن يتعلمه أى intellectuals أو creative thinker. وهم يشملون على جمع كبير من كتاب المنابرومستخدمى الانترنيت.

(وعدت الى المنبر لأبشر بتواصل معافى) ههه كما تقول بوستات نشرت هنا.

اؤكد لك أننى الآن فى كامل الهدوء والابتسام، وظللت أردد هذا التعبير كما لاحظت لأننى أعنيه وأعيه فعلا.

وكذلك أربأ بنفسى عن اسداء النصح للآخرين تماما لأنه يسىء للأشخاص ، الا اذا طلبوه صراحة. ومن القوانين الصارمة فى ذلك المنهج هو أن ألا تتعمد الاساءة لشخص أو التقليل من قدراتهم أو الادعاء بأنك تعرف ردورد أفعالهم مسبقا أو تقرأ افكارهم. تعتبر هذه الاشياء من قائمة (السلوك المدمر) لا يسعدنى أن أسيء للآخر بتاتا فهذا يسيء لى بطريقة أو أخرى. المهم فى مسلكي الجديد أن أحول التجربة بينى وبين الآخر_ مهما كانت _الى تجربة أيجابية لي وللآخر.

اذا أردت فسأطلعك على هذا المنهج وهو مفيد جدا لكل الناس.



أما بخصوص كلمة كاسورى ...يطيب لى أن أفسر لك سر تعلقى بها:
أنا أحب كلمة (كاسورى) محبة خاصة لأنها ترتبط عندى بنكتة قالها ابنى الأكبر( الآن الدكتور "سارية صلاح عوض الله") وهو فى أولى ابتدائى ..بالنسبة لى أنا كأم فستظل هذه الكلمة طازجة وحلوة حتى ولو مرت عليها دهورا. ولن أجد فى كل القواميس أبدع منها.

لك الاحترام والمودة.

المرة الجاية يا تماضر لما تفتحي بوست مكاواة أو "افتكرتها حاجة مضحكة" كما كتبتي للأخ ملاسي

أدينا هينت أو إشارة أو أيقونة إنو الموضوع مكاواة

أنا شخصيا وأعتقد غيري كثيرون أخدوا الموضوع جاد

وأدليت برأيي الحقيقي -هدرا- في حق الرجل في انتظار الوصول إلى حقيقة

تثبت إبداع ملاسي من عدمه

مع كامل الاحترام لك وله

.
.
شكرا تماضر
لانك منحتينا صورة افضل لمشهد من مشاهد فش الغبينه
ولست بذلك اعنيك لكنك جعلتي لهم ذلك ممكناً

ونضحت الآنية حقاً

الاستاذ معاوية

وماله لو قلت رأيك بصراحة، فالكل قال رأيه بصراحة فى البوستين، أليس هذا هو منبر للحوار الحر؟؟

دعنى أطيب خاطرك هنا فحقك على

لم أحاول تضليل أى شخص من خلال هذا البوست

فأول كلمة يا استاذ معاوية كتبتها فى البوست هنا كانت علامة الابتسام.



لا شيء ذكرهنا سيقلل من شأن الآراء التى طرحت، فالناس فى كلا البوستين أدليا بآراء يعتبرونها حقيقية.

يا معاوية يا صديقى بمجرد اختياري لعنوان مطابق لعنوانه وبنفس التساؤل ...يكفىي.

ملاسي شخصية عامة ويجب أن تتحمل النقد الموجه لها.

فقط خشيت أن يفهم البعض أن ما يحركنى هو "البغضاء"

انا اختلف مع ملاسي كثيرا، وهو يختلف معى ولكنى أحترم وجوده هنا وأظنه يحترم وجودى أيضا.


فوجب التنويه.

لا ضرر ولا ضرار

انت يا معاوية الزبير أطلقت حكمك على ملاسى بدون أن تقول رأى (حقيقى أو غير حقيقى هدراً أو نذرا) تبنى عليهو أحكامك ...

فلو كنت تعتقد أن ملاسى غير مبدع وغير مثقف (وهذه - فى حكمك - ستوجعه أكثر) فما هو رأيك الذى بنيت عليه هذه الأحكام القاطعة؟

السؤال بصيغة أخرى:

هل حسين ملاسى مبدع يا معاوية الزبير؟ (ونعلم أنك حكمت بلا)

نتوقع رأى حقيقى ...





... المهم ....

نعم يا تماضر أنا قلت رأيي بي صراحة

لكن هناك فرق بين أن أقول رأيي هكذا وأذهب

وبين أن أقوله في انتظار تفاعل -ما- معه

معذرة لم أر علامة ضحك في بداية البوست أو لم أفهم تلك العلامة على أنها ضحك

كما أن مداخلاتك التالية كانت جادة وتريد إجابات جادة

المهم كما يقول تبارك حصل خير

والمرة الجاية سنتحسس مواطئ أقدامنا قبل المسير

أعجبتني مداخلة المنهج الخاص بإدارة الغضب أرجو فتح بوست خاص بها تعميما للفائدة

----------------

محمود محمد الطيب معنا بالدوحة ويغريكم السلام


تحياتي

Quote: م يا تماضر أنا قلت رأيي بي صراحة لكن هناك فرق بين أن أقول رأيي هكذا وأذهب وبين أن أقوله في انتظار تفاعل -ما- معه معذرة لم أر علامة ضحك في بداية البوست أو لم أفهم تلك العلامة على أنها ضحك كما أن مداخلاتك التالية كانت جادة وتريد إجابات جادة المهم كما يقول تبارك حصل خير والمرة الجاية سنتحسس مواطئ أقدامنا قبل المسير أعجبتني مداخلة المنهج الخاص بإدارة الغضب أرجو فتح بوست خاص بها تعميما للفائدة ---------------- محمود محمد الطيب معنا بالدوحة ويغريكم السلام تحياتي

شفت ده من عيوب البوستات البدخلوها ناس كتار الزول بدون ما يقصد بلقى أنه فط ليه زول هنا وزول هناك ...

برضو حقك على

حأرجع ليك ( النهار قيل هنا وأنا ما تميت واجباتى المنزلية ههه)

بالله بلغ خالص أشواقى وكثير تحياتى لمحمود محمد الطيب ولأيمن تابر أيضا ( ابو مايا)

وسأفرد بوست خاص بأدارة الغضب لمن أخلص من الترجمة وبعض الزحمة العلى

شكرا لاهتمامك

سلام يا تبارك

قلت أنا (معاوية) أطلقت حكم علي ملاسي دون أن أقول رأي

أنا عرّفت المبدع من وجهة نظري وقلت إنو كذا وكذا وعليه فملاسي غير مبدع

إنت عايزني أقدّم ورقة وبعدين أحكم !

قلت إنو ملاسي ممكن يكون زول لمّاح وذكي وساخر ولكنه ليس مبدعا حسب فهمنا للإبداع

رغم إنو هشام آدم قال الكتبتو أنا وأيده أحمد حنين ينطبق علي المثقف لا المبدع

(أول مرة اتداخل معاك) وش غامز

يا تماضر
\والله انا شايت معاك


نعم اساسي ده حبيب آلبي
لكن انت حالة خاصة .. ممكن ابيعوا عشانك عااااااااااادي .. عشان كده ما تشاتري


بالله رسلي لينا منهجك ده
انا محتاجو شديد

..

Active relations. Active communication: Skills Program

الليلة يا إس إس
طقطقة ولا على كيفك

_

Quote: أنا أدرس (بتشديد الراء) منهجا خاصا بادارة الغضب وأعلم الناس كيف يتحكمون فى ردود الافعال. برنامج كده خاص بالاسرة والتواصل الايجابى بين الأفراد

الأستاذة العزيزة تماضر، ياريت لو تفتحي بوست وتدينا
دروس في التحكم في الغضب، وتلقي فينا الأجر، بالمناسبة
أنا سريع الإنفعال والغضب، النوع اللي بمد يدو ويضارب
في أتفه الأشياء، ولو كظمت الغيظ، النوع اللي بتجيني
حمى عديل كدا لوول، إلا إتسد حقي ،والحمد لله السنة اللي الفاتت حجيت
وكنتا خايف أعمل شكلة في الحج لوول، لكن سبحان الله، بقى
بالي طويل، ولقيت الحياة دون غضب جميلة، وسلوكياتي
قد تغيرت، ولكن زي ما بقولوا أهلنا العرجاء لي مراحها
وخايف أرجع تاني.

تحياتي

Quote: ملاسي شخصية عامة ويجب أن تتحمل النقد الموجه لها.

يقيني أن الأستاذة تماضر تعي وبعمق طرق وأساليب التعاطي النقدي مع الإبداع والعطاءالإنساني بصورة عامة لذالا إعتقد أنها قصدت محاكمة قدرات شخص ما وأنما قصدت ومن خلال إسلوب مكاواة نقي ونظيف أن توصل ر-ؤيتها وردها علي بعض الإنماط الكتابية التي تتناول عطاء الناس !! فتقييم عطاء الناس لايتم عبر طرح إسئلة من شاكلة هل فلانة مبدعة? هذا إسلوب مدرسي سطحي ( إجب بلا أو نعم !!/ضع دائرة حول الإجابة الصحيحة !!) إسلوب لايحترم العقول ويجنح للإستفزاز والإثارة والإستعداء ويخلق حالةإستقطاب حادوفوق هذ لاينتج معرفة !! ماذا لو كان الطرح: تعالوا نقيم تجربة فلان ? أوتجربة فلان في الميزان ... الموضوعيةتتطلب أن يكون التقيم جادا يتناول - إنتاج الشخص المعني وبماذا تفرد /مسيرته وتاريخه وإسهامه/تفاعل المتلقي والجمهور معه /رأي النقاد والمتخصصين في عطائه /قدرته علي التواصل وحساسيته وإنفعاله الثقافي / الإسلوب المضمون/ رسالته و موقفه من الحياة و المجتمع والقضايا العامة/ الخ هذه بعضا من محاور التقييم العلمي والموضوعي أما الإسلوب الإثاري فلاينتج معرفة ولايضيف شئيا سوي التوتر والشد وشحذ عقلية هلال مريخ وحشد الناس عاطفيا وأنفعاليا: مع أو ضد !!
...........:

شكرا تماضر علي الرد القيم والشرح الوافي ومشاركتنا دواخلك ومنهجك الحياتي في التعاطي الجديد , واشكر لك اقتراحك برفدي ببرنامج التحكم في مشاعر الغضب وهو امر مفيد جدا واعتذر في الوقت الحالي عن قبوله ( وهذا امر حقيقي ) في اني لست بحاجة اليه في الوقت الحالي اللهم الا من باب الثقافة العامة فالله الحمد من قبل وبعد لا اعاني مشاكل مع السيطرة علي غضبي ولله الحمد وفي الحالات النادرية التي اعاني فيها من سيطرة الغضب علي للحظات الجأ الي علاج سيد البشر والذي ينجح معي دائما وهو التعوز من الشيطان واسباغ الوضؤ وذكر الله والله ما هي الا لحظات وينتهي الامر ويتحول التفكير السلبي
بالاضافة الي علاج ناجز اخر وهو منبر سودانيز اون لاين فلولاه لما تحملنا ضغوطات الغربة والعمل في ظروف منقوصة الانسانية في دول مهجرنا بالاضافة الي ضغوطات الحياة اليومية والالتزامات الكثيرة , فمنبر سودانيز اون لاين يوفر فرصة نادرة و مكانا جيدا وملائما لتفريغ كل الشحنات السالبة وافراغ ما في جوفنا من كدر واحباط وخلافه من المشاعر السالبة , فحن ندخل هذا المنبر في البداية للترويح عن ما في نفسنا ونتخذ من هذا المنبر مكانا للهو والمتعة لذا لا نعطيه الكثر من هذا ولا نعامله ابدا بجدية وذلك من خلال تجربة عريضة امتدت لسنوات وقاربت العقد من الزمان وهو امر ينجح لو جربتيه واظنك بداتي تصلي الي الامر .

ـــــــــــــــ

والله يا حيدر دا مولد للمتعة عديل يقولوا ليك سيطر علي الغضب وهم ما عارفين السعادة التي يمنحونها
انت ليك سنة غاطس في ياتو بطاطس؟

Quote: وهم ما عارفين السعادة التي يمنحونها

بالحيل يابطل

_
كنت غاطس في سعادة

تدوم السعادة يا ملك

غايتو الا كان حولت البيت الي منبر للحوار الديموقراطي

..
.
وتدافع الرهط فى السباحة عكس تيار البوست .. كعهدهم _ غالبا_

------------------

هذه عيوب الموضوعات التى لا تطرح موقفها بصورة
واضحة ومباشرة .. وتبدا لغة الخلاف والشرح والتبريرات ..
ولاجقا يعتذر البعض
وينحرج البعض الاخر ..

Quote: وهو امر ينجح لو جربتيه واظنك بداتي تصلي الي الامر .

تانى وكما شايف

طبعا أنا من بداية الحوارالبيننا قلت لك أننى أقضى وقت اجازى ، شغلى كثير وأولادى "مستلمين" الكمبيوتر مرات للواجب المدرسى ومرات "كده بس"


فمافى أصلو زمن للبورد وياريت لو كان فى، الواحد بيستمتع بالقراءة والاطلاع قبل ما يستمتع بفتح البوستات ، والردود ( طبعا دى أصعب واحدة فيهم كلهم)

يازول مافى مشكلة.

__________________

Quote: وتدافع الرهط فى السباحة عكس تيار البوست .. كعهدهم _ غالبا_ ------------------ هذه عيوب الموضوعات التى لا تطرح موقفها بصورة واضحة ومباشرة .. وتبدا لغة الخلاف والشرح والتبريرات .. ولاجقا يعتذر البعض وينحرج البعض الاخر ..

مين رهط دا ومين تيار ده؟؟ هههه

المهم أشكرك على المداخلة.

________________________

النذير الحجازى: والله ياريت ألقى الزمن المناسب وأساهم فى حل المشكلة دى

حسة كده بسرعة

اديك tip؟

( اوعك تضحك)

استعمل تكنيك التنفس العميق والبعد عن المشهد ، يعنى ما ترد الا بعد 30 ثانية وفى المدة دى شيل نفس طويل جدا ( أو تكنيك سيد الخلق القالو أساسي ده) بعد داك بدل ما تأذى انسان انسان عزيز دق المخدة بقبضة يدك لحدى ما تفرغ الشحنة السالبة أو أنفخ ليك بالون، أو أطلع من البيت شم هوا. بس فى البداية لازم تناقش الموضوع وانت ما زعلان مع الناس البتزعل معاهم عادة وتوضح ليهم أنك عندك مشكلة تحكم فى الغضب وأنك المرة الجاية حتعمل كده وكده وكده ...عشان يحترموا ليك تقنياتك دى وما يعتبروك جنيت ...هههههه رايك شنو فى الوصفة السريعة دى؟؟؟

Quote: استعمل تكنيك التنفس العميق والبعد عن المشهد

يالها من وصفة لا تصدر إلا من خبيرة
كلميهو الفردة ده بالله
لاتكتب يا ابوالجل إلا وانت سعيد


-
احترامي وتقديري ياتماضر

يا تماضر

أرجو أن تفتحي بوستا خاصا بإدارة الغضب

لمنفعة الجميع

المبدعة تماضر..


مبدع...
تشدني، ومضاته، في تهكم ذكي... وهو يعنى بتناقضات الكتابة، ولو كمنت، وإظهار تناقض النص المكتوب..
(وهو كشخص في ذاته أليف ويؤلف)...
وله أسلوبه الخاص (والاسلوب الخاص من الصعب الوصول له)... كما انه يحب الإيجاز، والاقتضاب غير المخل..

أما افكاره، قد اختلف معه، ولكنه ذو نكهة فريدة..



محبتي..

الحكمة المأثورة تقول (خير الكلام ما قل ودل)

لذلك أعتبر الشاب حسين ملاسي مبدع لا يشق له غبار ...

تحياتي لك يا ست الكل ....

أخوك ودهارون

في أثناء احدى العكات الدائرة هنا كان أحدهم يحاجج :
هو يحى فضل الله ده منو؟ ما سمعتا بيهو قبل كده


ما سمعنا بيه؟ موش ما قرينا ليهم و لا شفنا ليهم انتاج ,


يا تماضر ... مفهوم حراق الروح و الضيق من المحن البتجى بردلب واقعة فوق الراس, عشان تمشي دربك تضايريها بي هنا وهنا و بي كده و كده و انتى أخبر, لكن جد بتحير و ما تعرف تسوى فيها شنو, خاصة النوع الجليط و اللذج و المتذاكى و المتمسخر منها .... زماااااان في "السودان القديم الله يرحمو" الطيب و البي سجمو و رمادو داك كان حلها واضح و ساهل , لكن في سودان الآن ما غريب الا الغريب , كدى ادى ود الرضي قراية و ركزى معاهو شوية عشان تتذكرى تانى و تالت و عاشر انو الفلم ده قدييييم بيتجدد :

‏
عشاق الحديث إتنين تلاتة قلال
تعال قول قول فلان يجوك زي زمرة الدلال
مع إنو الحديث يحلو بغير ملال
إن الحق ضده لا محاله ضلال

الأهلية كملت يا حبيب راحت
حليل شمس المحنة الغربت طاحت
بسم الله شوف زي البرق لاحت
بالشين والفسل بقينا نتباحت
طال الكان قصير والعالي إتاحت
والهيبات حليلن ملكتن زاحت

مالك يا الزمن سويتنا في هوله
لبست الناس تيابآ حاشا مي هوله
من حسسك تبش دماعنا مبهوله
ال لله راحت بقت البواجهوله

في أحوال الزمن صار الفكر حاير
الياباك خلو عنده شن داير
فوق أهل الفكر كاس الوحيح داير
نفق سوق النفاق سوق السمح باير

عليك بالإختصار والله أخير ليك
بقت الحسنات سيئاتآ تبين ليك
بقت المروءه سفاهه الناس تقول ليك
وأحي بالكتير من وجعة الليك

عيوب الناس تذكري والفيك ما فاكراله
مهيئة بالجمال والشين هناك ناكراله
مجلس لا يلام متقصده و حاكراله
والفيه إرشادك بالجفا مباكراله

ولابد إنه يكره إن توالي الغيث
والغالي إن كتر لابد إنه يبقي رخيص
حاشا العارفين ما بجيبوا كلمه تخيس
عميانه النفس من عيبه أظني بخيس

عريان العرض إن لبس الحرير مش حاجه
وإن مشي في الطريق فيه الخلوق فراجه
مجروح اللسان لا بطيب و لا بتعاجه
والكبر علي المتكبر ألطف حاجه

و في الآخر هاكى يحي فضل الله (لو سمعتى بيهو):

دفئ حضنك بالأغاني

كلما يضهب طريقك

وامسك الجمرة البتبرق

بين رمادك

وبين حريقك

رافق الدمعة البتعرف

شاسع الحزن البعيقك

لو فضل في ال...عمر خطوة

وسع الأحلام

واهرب منو ضيقك

هي ضلمة وانت عارف
ضي بريقك

ياخي سيبك

Look ...!! who is talking

عصام جبر الله انت قاب قوسين وادني احسن تقوم تلف

Quote: النذير الحجازى: والله ياريت ألقى الزمن المناسب وأساهم فى حل المشكلة دى حسة كده بسرعة اديك tip؟ ( اوعك تضحك) استعمل تكنيك التنفس العميق والبعد عن المشهد ، يعنى ما ترد الا بعد 30 ثانية وفى المدة دى شيل نفس طويل جدا ( أو تكنيك سيد الخلق القالو أساسي ده) بعد داك بدل ما تأذى انسان انسان عزيز دق المخدة بقبضة يدك لحدى ما تفرغ الشحنة السالبة أو أنفخ ليك بالون، أو أطلع من البيت شم هوا. بس فى البداية لازم تناقش الموضوع وانت ما زعلان مع الناس البتزعل معاهم عادة وتوضح ليهم أنك عندك مشكلة تحكم فى الغضب وأنك المرة الجاية حتعمل كده وكده وكده ...عشان يحترموا ليك تقنياتك دى وما يعتبروك جنيت ...هههههه رايك شنو فى الوصفة السريعة دى؟؟؟

شكراً يا غالية على الوصفات الغالية
طبعاً لسا ما جربتها، شكلي ح أجربها
مع مداخلات المبدع محمد إي سليمان أو المبدع حسين
ملاسي ، وبعديها ح أقول ليك رأيي

تحياتي ليك يا ملكة، وبرضو في إنتظار
البوست ولو بعد سنة

ملحوظة: في سجالك مع أساسي الفوق دا
دقتي ليك كام مخدة، وجريتي كام كليو هواء؟!

وعلى ذكر يحي فضل الله يا عصام جبر الله

كنا بنتكلم عنه أنا وعليش قبل دقايق فى التلفون

ياسلام على هذا الصديق الجميل

ملأ حواسه كلها بالحياة وبالمسرح

وصار نحلة لا تتوقف عن الاداء والعطاء وما أكثر ما قاله فى هذا المقطع

(ياخى سيبك)

بالمناسبة مشتاقين

النذير ضحكتنى لمن شرقت

ههههه

بالمناسبة أنا ما خبيرة أنا FACILITATOR بس

أكوردنق لويكيبيديا:An individual who enables groups and organizations to work more effectively; to collaborate and achieve synergy. She or he is a 'content neutral' party who by not taking sides or expressing or advocating a point of view during the meeting, can advocate for fair, open, and inclusive procedures to accomplish the group's work" - Doyle[1]

ههههه

يعنى ممكن ألخص بعض الافكار هنا قبل ما أبدا التدريب (بناءا على رغبة المطالبين به)

فموضوع المخدة والتنفس ديل زى الاسبرين للصداع يعنى حتة صغيرة ومؤقته، لكن لو الصداع سببو ملاريا أو شق فى الراس لازم نعالجهم أول بعد داك الزول ما بحتاج للاسبرين (ولا شنو يا أطباء؟؟) كيلى سمسون مؤلفة السمنار ده وهى دكتورة سيكولوجى وأخصائية "علاقات أسرية"
بتفتكر انه الزول مفروض يعرف نفسه أول و"الزناد البقدح لحظة الغضب ده" دايما عندو سبب بتعلق بالذاكرة الانفعاليه للاشخاص بالاضافة لى نوع الشخصية "عاطفية؟ خلاقة؟ انطوائية؟ اكتئابية؟ انتحارية؟؟.....الخ) فلازم الواحد فينا يعرف هو سببو شنو (يعنى تماما كما قال أرسطو زمان "أعرف نفسك") وشخصيتو فى ياتو تصنيف؟

السمنارات دى فيها تمارين مختلفة بتخليك تعرف نفسك، نوع شخصيتك وتجتر ذكريات طفولتك وعلاقاتك الاسرية زمان والاترسب منها شنو وخلاك تنفعل بى مدركات حسية معينة دون الاخرى؟

فأنا ما أخدت أسبرين لأنو الملاريا مشت هههههههه


شايف انت ومعاوية الزبير باصراركم خليتونى أبدا كيف؟

مودتى

نرجع لموضوع البوست الاصلى

وشهادات الناس

Quote: مبدعة تماضر.. مبدع... تشدني، ومضاته، في تهكم ذكي... وهو يعنى بتناقضات الكتابة، ولو كمنت، وإظهار تناقض النص المكتوب.. (وهو كشخص في ذاته أليف ويؤلف)... وله أسلوبه الخاص (والاسلوب الخاص من الصعب الوصول له)... كما انه يحب الإيجاز، والاقتضاب غير المخل.. أما افكاره، قد اختلف معه، ولكنه ذو نكهة فريدة.. محبتي..

أوالمحبة متبادلة

Quote: الحكمة المأثورة تقول (خير الكلام ما قل ودل) لذلك أعتبر الشاب حسين ملاسي مبدع لا يشق له غبار ... تحياتي لك يا ست الكل .... أخوك ودهارون

ولك التحيات أيضا يا ود هارون