عمر منصور وسعد الطيب وعبد العظيم أرباب يا بكرى ابو بكر، معقول بس؟؟

تحياتى يا بكرى ابوبكر سيد هذا الحوش والحيشان المجاورة ..

معقول يا بكرى يوسطونى ليك موسيقيين بحجم
عمر منصور وسعد الطيب

وصحفى ومسرحى بحجم عبد العظيم أرباب

وما تستجيب بالايجاب او تصهين وما تفتح الباب

معقولة دى يا أحباب؟

عمر منصور وسعد الطيب ..عرفناهم فى زمن السمندل اعضاء مؤسسين

وعزفوا مع محمد وردى ومحمد الامين وأبو عركى وكابلى ..وكل الفنانين المتقدمين على جيلهم ..ايام "تبة" الأغنية السودانية ورفعة راس النغمة ونصاعة صوتها ..ونهضة الأداء والالتزام الفنى .المسئول ..يعنى رفعو "كتف الغنا الميل"

ولما لحن عثمان النو أغنية جهدية ..للخالدى وعلى السقيد قبل عقد الجلاد ، كانوا أول من صاحبوه بالعزف ايام المعهد العامر.

عرفناهم اصدقاء جادين وطريفين ومبدعين وفنانين ..ما ذكر عمل موسيقى ممتاز والا كانوا هم وبقية أفراد الدفعة ، سبب اساسى فى امتياز العمل

وعبد العظيم أرباب عندما كان يافعا كان ممثل فى فرقة مسرح البرارى والآن يعمل صحفيا بالسعودية ..

حسة عمر منصور فى كندا ..عنده فرقة جامعة كل الالوان ..اسمها , colour quest وليهم ويب سايت بنفس الاسم

http://www.colourquest.com/



اتفرجوا فى الموقع وشوفوا حرارة دمهم براكم ..

عمر منصور بيقدس الحياة الزوجية لكن لى حسة ما اتزوج (ماعارفاه عرف روحو بيقدسها كيف) ..زى ما قالت النكتة (كان ضاكا ما كان ظكرا)

العارفها عارفها والماعارفها ..يقول pass

عمر منصور عيبو الوحيد انه اخو تمبس .. وده ايميلو
[email protected]

عشان تتأكدوا من الحكاية دى ..

أما عبد العظيم أرباب فقد أرسل بروفايلو كامل غير منقوص ا:


اللقب : عبد العظيم أرباب
أكلات مفضلة قراصة بالدمعة بالشطة الخضراء يوم الجمعة
الاسم الحقيقي عبد العظيم أرباب
الجامعة جامعة السودان للعلوم والتكنولوجيا - كلية الاعلام
الحالة الاجتماعية : متزوج
العنوان الدائم : arbab71@ hotmail.com
الفنان المفضل : أبو عركي البخيت – آمال النور
اللون السياسي : ناشط في مجال الديمقراطية وحقوق الطفل
الهواية المفضلة العمل الطوعي الإنساني
الوظيفة صحفي
شاعر مفضل : محجوب شريف
مكان العمل : الرياض – المملكة العربية السعودية
مكان الميلاد في السودان – الخرطوم بري المحس

اما سعد الطيب ..فهو فى السودان ..وسطنى ليكم بالواسطة ..يعنى (كلم سعد عمر ...وكلم عمر تماضر)

أها يا بكرى ابو بكر ...ويا أعضاء سودانيز أون لاين .(الباداخل والبالخارج) ياعملات انعام عبد الحفيظ

.الجماعة ديل لو ما بستحقوا الترحيب والعضوية ..امسحوا لى البوست ده فى كيبوردى ..ولومكم على!!


http://www.colourquest.com/photo's.htm

بستحقوا الله كيف مايستحقوا

شكرا تماضر

ومرحب بالشباب


وكل سنة وانت طيبة

على تمبس تزكية عمر؛
و على تماضر تزكية ارباب؛
أما أنا فاتركوا لي شرف تزكية الأستاذ الكبير سعد الطيب.

السلام عليكم
حتى عندما كان المنبر (الديمقراطي) محدود جداً من حيث السماح بالعضوية
لضيق ذات ( الباندوث)
كانت هناك فرصة دائمة للمبدعين
شخصياً أعرف سعد الطيب وعمر منصور من كبار المبدعين
وشخصياً جداً
كنت أحب تسجيل أغنية بتتعلم من الأيام في التلفزيون بس عشان المخرج بيركز على أنامل سعد الطيب وهي ترقص على كيبورد الأورغ
وزاد تقديري له بعد محاولاتي الفاشلة في (إتقان) العزف على الأورغ
أتمنى حضوره ..كاملاً غير منقوص
ويا ريت لو جاب معاه ماهر تاج السر
أما أرباب فيكفي سيرته الذاتية و تماضر ...تزكية له

........................
وما الناس إلا هالك وأبن هالك *** وذو نسب في الهالكين عريق

واحد

اتنين

تلاتة

لغاية الآن ماشين كويس

يللا علينا جايى

عمر منصور وسعد الطيب وعبد العظيم ارباب ..علينا جاى ...

بسم الله الرحمن الرحيم

الأستاذة / تماضر شيخ الدين

السلام عليكم ورحمة الله وبركاته ،،




ده اغتيال شخصية

أها يا تماضر..


5

أزكي عمر منصور: ( بالميلاد ) ( معرفة قديمة ) .. ومتبرع ليهو بي ( باص ) القون والنك نيم .. والله بالجد
سعد الدين الطيب: بذاكرة الأيام الجميلة

أمــا الأرباب:
بالتوالي

الغريبة كنت بتكلم مع ( رشــا شيخ الدين ) تاني أيام العيد انا وصديق الموج كان عندهـا ( زكبة) وصوته ولا أخطر صوت

الغريبة .. نسيت أقول ليها عيبك الوحيد أخت تماضر
لكن كان لقيت الوافر قريبات دي بكلمو

تماضر وتمبس..

اسحن ليكم تصاحبوني..

انا بكري ابوبكر ده فردتي

والله ما قصر مع جيمي اخوي..مع انه لا فنان ولا بيعرف دو من مي..

اها عاد يا بكري الناس القالتهم تماضر ديل ناس غلاد بالحيل..

دحين ادهن الباسويردات ..

تمضور: بخصوص النكتة انا غايتو pass .. وكان باصيتيها لي باي

طريقة بيكون حلو..

سلام يا تماضر
وطبعا نزكي عمر منصور بالذات عشان اخو تمبس

Quote: عمر منصور عيبو الوحيد انه اخو تمبس .. وده ايميلو

وعشان قاعد معنا في كندا (ومكنكش زينا)من البرد
واهم حاجه عشان يأدب لينا تمبس ده
ونشوف ثاني كان تمبس يتفسح فينا في وجود اخوه الاكبر
واسطتنا بقت كاربه يا تمبس وتلفوناتنا ابو الرخا مع عمر منصور
وبنزكي كل الباقين عشان تماضر
والبجي من طرفها كله زين.
تراجي.

تـــراجي...

قلبي ماكلني والله ..
ما عارف ليه حاسي أنو البوست ده ح يمشي الخـــور



ح ابذل قصاري جهدي أنو البوست ده ما يمشي الخــور ..


حتى لو جــاء ( استيف ، وبشاشا )


لأول مرة البني آدم يكون حاسي بي نفسو ضعيف

يا تمبس
انت ما سمعته بالقولةفي جاه الملوك نلوك)
يا اخوي تماضر ما بيودوا بوستاتها الخور ليه اصلا زي
ناس( قرعتي راحت) ناس نحنا....طبعا سجيمان زمان سمانا كده
اها تعال نتصالح اول في البوست ده عشان الملعم واصل
وحياتك ما تتصلح معاي اشبكه لك شكيه وبكيه وحركات
يا رحل من كندا يا طفشك من البورد يا طفش هو اها قولك شنو؟؟؟
نتفق ولا لسه عامل فيها (خوة فرتقت)!!!

Quote: حتى لو جــاء ( استيف ، وبشاشا )

بشاشا عرفناه
الا ما قلت لي استيف ده منو؟؟؟
بعدين انت المسهرك لحسه شنو؟؟؟؟
ولا اه انتو اليوم الخميس وبكره الجمعه .... نهاية اسبوع.
تحياتي.

أزكي وأثني الموسيقار والمربي سعدالدين الطيب الفنان صاحب الأنامل الذهبية لعضوية البورد
ولن أنسي أبدا تلك الفترة البسيطة الت قضاها معنا مدرسا للموسيقي بمدارس القبس الثانوية
يعلم التلاميذ والتلميذات أرقي وأجمل فنون العصر الحديث حتي تسلط عليه أحد مدرسي التربية الأسلامية الظلاميين وقال ليهو الموسيقي حرام وفات خلي المدرسه بدون حصص موسيقي وأفتقده جميع
طلابه بالمدرسة وافتقدناه نحن لانو كان بيثقفنا موسيقيا في فسحة الفطور.
لله درك يا سعد
أزكي وأثني بشده فهو فارس للنغم يستحق أن يجد مكانا بيننا

نرحب بي ضيوف تماضر ويشيلهم الراس ولو الباندودث ما بشيلهم اديهم مكاني طوالي لانهم مبدعيين ولانهم ضيوف البت الحديقه

Quote: عمر منصور عيبو الوحيد انه اخو تمبس

عمر منصور اخو تمبس؟

العيد امبارك ياتماضر، معقولة تمبس ده اخو عمر؟ مابصدقكم!

Quote: معقولة تمبس ده اخو عمر؟ مابصدقكم!

تخيل يا بشاشا ؟؟
والأتنين أولاد الأستاذ الموسيقي منصور يونس ..

كل سنة وأنت طيب ..


كيفك يا تماضر ..
كل سنة وأنت طيبة ..
عمر منصور زول جميل من الزمن الجميل ..
وكذلك سعدالدين الطيب ..
وذكريات أشهر فرقة موسيقية في السودان السمندل ..
ما أجمل أن يكونوا معنا ..
والصحفي عبدالعظيم أرباب ..
فهو سوف يكون إضافة لكوكبة بورداب الرياض أيضاً ..

يلا يا ريس الناس دي واقفة عند الباب ..

نزكيهم ياتماضر كمان عشان عارفين انو ما بجينا من طرفك زولا كعب ابدا ..
شكرا على رفد هذا المنبر بالمبدعين.

تحت شعار صاحب صحبك
ندعم ترشيحات تماضر للتلاتة

لكن سعد الدين دا بالذات انا متكيف منو
وانا مصاقر قناة النيل الازرق
طبعا عاجبنى عزفو
لكن بالزيادة
سعد الدين بيدينى مفاتيح للاستمتاع بالغناء والعزف من خلال تعابير وجهه
يعنى لمن المغنى يتوهج بتلقى بسمة خفيفة كدا من سعد الدين
كمان لمن عازف صوليست كدا يبدع تلقاهو اتكشم باستمتاع
امس فى السهرة عن ابراهيم عوض اتبسم لم قربت تبين شنو ديك لمن بتاع الساكس تجلا

لكن برضو لمن الفنان ينشز عندو حركة كدا بيعملا

الواحد بيفكر يكتب مقالة بعنوان


(فك شفرات النص الغنائى من خلال العنصر البنائى000000تعابير وجه سعد الدين نموذجا)

Quote: (فك شفرات النص الغنائى من خلال العنصر البنائى000000تعابير وجه سعد الدين نموذجا

)
الاخ محمد سيد احمد اوافقك تماما سعد الدين زول شفاف ممكن يكون تيرموميتر لأى فنان كان او عازف ممكن تتعرف عليهو من خلال تعابير سعد
ودمت
هشام كمال

عشان تماضر وتمبس (لانو معلوماتي قديمة من قبل ثلاثين سنة )
ازكي

كيف تلاتين سنة يا ابوبكر؛
خلاص لحقت تنسى الزول المبدع الكان بيعزف على الاورج في برنامج أبو الكلام!

يا حسين

انا ما بعرف الاسماء ويادوبك عرفت محمدية والسر قدور بحكم السن

حسع زدتني علما فعرفت واحد جديد

طمطم ازيك والعيد مبارك عليك
طبعا رابع يوم فى العيد كنت بتكلم
مع سعد وطلب منى ارسال ميل لى بكرى
رسلت الايميل لى بكرى وضحت فيهو رغبة سعد
فى الانضمام , ولكن لاحياة لمن تنادى
الان الكوم كبر وفيها عمر منصور والارباب!!!

يابكرى اتسركن معانا ياخى ياخ!!!

بكرى مصطفى!!

الاخت تماضر
كل سنة وأنتي بألف خير
سعد الدين الطيب وعمر منصور {أخو تمس }
ديل أوركسترا عديل
أكيد حيكون الطرب للركب
يا بكري
ود الارباب دا زول كتاب ما شك
محمد طرمبا

بسم الله الرحمن الرحيم
والله ما عارف الحاصل شنو؟؟
لمن رجعت للمنبر لقيت تلاته ردود
الظاهر عشان الجماعة ديل تلاته
{مشوها}
طرمبا

الاستاذة تماضر .......... سلام
الاستاذ عبدالعظيم ارباب لم التقيه ولكنني ادعم ترشيحة لحديثكم الطيب عنه.
اما استاذنا سعد الطيب فهو لايحتاج لتزكية , فالرجل مع اخرين استطاع تنظيف الاذن السودانية وجعلها قابلة للاستماع لجميل اللحن والموسيقي , وقد قابلت الاستاذ سعد لاول مرة قبل اكثر من ثلاثة عقود بمنزل عمنا العميد معاش ابراهيم محجوب في مناسبة كان فنانها الراحل المقيم الاستاذ مصطفي سيداحمد .... فسعد حضر للخرطوم من الحصاحيصا برفقة مصطفي وكان عازفا للاكورديون ومعه اخر كان يعزف علي الايقاع .... وكانا فرقة مصطفي سيداحمد .....
اما اخونا عمر منصور ( الفتك ) الرجل الكملان من لحم الدنيا فهو دفعتي من السنة الاولي الاولية بمدرسة الرشاد ... وحتي السنة الثالثة من الثانوي بمدرسة محمد حسين الثانوية, وعن طريق عمر ووليد محمود ( ابن خالتي ) تعرفت علي كثير من الموسيقين ومنهم الصادق شيخ الدين . المهم عمر منصور لم التقية منذ سبعة عشر عاما , وكنت اتلقي اخبارة من اخوانا وليد وعقيقي فتح الله واخيرا المدعو تمبس .
اتصور ان يقبل المهندس بكري ابوبكر بهم اعضاء بالمنبر . واتوقع مساهمات فنانة من فنانين ....... ودمتي

يا سلاااام عليكم ياجماعة

انتو ناس أوفياء جدا وخصوصا لهؤلاء الاصدقاء الذين رشحتهم هنا، وهم بيستحقوا هذه المحبة الوافرة وهذا الوفاء فهم ما قصروا فى حق الوطن والفن والجمال..

نقول ليكم الشكر لكم ..وقد أثمرت "تهديداتكم الناعمة" هذه عن رسالة من سيد الحوش الكريم بكرى أبو بكر

تتضمن قبول عبد العظيم أرباب كفاتحة خير ،

thanks ya Tumadir
I registered him long time ago
his username is
عبد العظيم أرباب

طبعا برضو معاها كلمة السر لكن هى "كلام سر" ما ممكن اكلمكم بيه


ويبدو أنه عبد العظيم قد تقدم الركب ..فمرحبا به فى سو\انيز اون لاين ...ونشوفك بيننا "فورا؟

شكرا يا استاذ بكرى لهذه الاستجابة الجميلة ...

يللا قولو واحد .....

فى انتظار الاتنين التانيين....

أوركسترا السمندل في رحلة الأمارات ..
من اليمين سلمى عبدالقادر .. حنان النيل .. ماهر تاج السر .. عمر منصور .. عثمان النو ..
حواء المنصوري .. ويظهر في الخلف سعد الدين الطيب

ملطوشة من ألبوم تمبس بتصرف ..

يا سلام يا تماضر دائما لا تأتينا منك إلا الرياحين
ليس لي علاقة شخصية بعبد العظيم أرباب ولكني أزكية على مسئوليتك، لثقتي العالية فيك وفي كل من تأتينا به ..
سعد الدين الطيب معرفتي به امتدت منذ بداية التسعينات وهو رجل خلوق هادئ الطبع موسيقي محترف تعامل مع كثير من عمالقة الفن وكبار الفنانين في السودان وقطعا سيكون إضافة مميزة للمنبر، وازكية دون تردد وآمل ان يكون المنبر قدر مقامة ..
عمر منصور ده زولي عدييييييل كدة، يعني قبال ناس المعهد وقبال ناس تماضر الجايبنهم واسطة ديل، وعمر منصور صديق منذ ثلاثين عاما درسنا المرحلة المتوسطة معا، وبدأنا تعلم العزف على الكمان معا على يد الأستاذ محجوب عواض، وهو من انبل الناس الذين إلتقيتهم في حياتي يتميز بحساسية عالية وانامل ماهرة و قادرة على إستنطاق الكمان وإستخراج وجعة وفرحة وضحكة ونحيبة، يحب كمانه جدا ويتعلق به مثل طفلة تحتضن دميتها يوم عيد، لايكف عن الإعتناء بكمانه وزحزحة كبريه وعموده للحصول على الصوت المتميز الرقيق القادر على دغدغة المشاعر وسكب الآهات .. ازكي المنبر لصديقي عمر منصور وليس العكس وآمل ان يقبل عمر منصور الإنضمام إلينا ..
شكرا يا تماضر مرة اخرى وكل مرة ..

الصاوي

Quote: اما استاذنا سعد الطيب فهو لايحتاج لتزكية , فالرجل مع اخرين استطاع تنظيف الاذن السودانية وجعلها قابلة للاستماع لجميل اللحن والموسيقي

أثني و أثلث و أربع لهؤلاء الجميلين


و مزيد من المبدعين في المنبر إن شاء الله



خالد

إستحقيتي لقب (ملك التسجيلات) زي ما بقولو في هلال مريخ يا تماضر,

دي واحدة من الولائم الإسفيرية الناااادره..

نرجو من سيد الحوش أن يسارع بضمهم قبل أن يختطفهم جن الأسافير ..

الكلام عن عمر و سعد عايز ليه قعدة و سرحة جنب البحر لكن نجيب ليهم البحر من وين في الشتاء الكندي ده..عموما كل منهما موجود في دواخل الناس عبر محمد(وردي+الأمين) و أعمال كتييييرة لخصتي علاقتهم بيها خير تلخيص فوووق هناك,أما الأرباب فشوقتينا نتعرف عليه هنا, كجزء من مثلث الصيد الثمين ده..

سنظل في الإنتظار و الترقب !

Quote: .وقد أثمرت "تهديداتكم الناعمة" هذه عن رسالة من سيد الحوش الكريم بكرى أبو بكر تتضمن قبول عبد العظيم أرباب كفاتحة خير ،

و كما قد أثمرت عن رسالة أخري وصلتني من سيد الحوش تتضمن إجراءات تسجيل الأستاذ سعد الطيب, لوووووووول !

فضل الأستاذ الكمنجيست عمر منصور ,

إذن واصلو مرازاة بكري!

Quote: فضل الأستاذ الكمنجيست عمر منصور ,

..

يعني بكري ما عايز يسجل الزول ده والا شنـــــو؟؟

..

الفيك انعرفت يا تماضر ..
قدر ده حاقدة علينا و كارهانا ؟؟؟

Quote: عمر منصور {أخو تمس }

تبقى علينا إتنين !! ميتة و خراب ديار ؟؟؟


الله يسامحك ..
لكن نحنا برضو حربيين ..
و ندعم طلبك بانضمام الجميلين ..

Quote: يا رحل من كندا يا طفشك من البورد يا طفش هو

تراجي
ده تهديد طبعا وشكوى جاهزة ..

طبعا كان اتصالحنــا .. البورد ح يبقى لي مسيخ جدا
بعدين الله يهديك الزول ده . ما تجوطيهو متغرب وبعيد من أمــو ليهو سبعطاشر سنة..

ومن ناحية أخرى ياتراجي ..
انا حاسي إني ح ابقى زول صالح جدا. ودي في حد زاته كارثة

سـلام يا تماضـر والجمـيع،، وزي ما تفضل الأخـوة، فسعـد وعمـر وعبد العـظيم أصلاً ما عايـزين تزكية من زول ولاّ واسطة،، إلا يكـون بكـري كان مصهين ليهو فوق راي!،، بعـدين أنا زمـاان قبل اكتر من سنتين من تسجيلي هنا، لامن سـوّلت لي نفسـي بالتسجيل، ونقرت على لنك التسـجيل، لقيت مكـتوب إنو التسجيل الآن فقط للفنانين والمبدعين والأدباء الخ،، قلت: بـري يا اخـتي!، أنا لا مـبدع ولا حاجتين،، وخرجت أجـرجر أذيال الهزيمة،، وعـجبي لأهل اللغة الذين جعـلوا للهـزيمة أذيال ولم ينعـموا على النصر ولا بضنب واحد..المهـم أما الآن وقد ضِِمنّا الأستاذ الأرباب والصديق سعـد، أدعـو معاكم الريس بالإسراع لمنح الباس ويرد للمبدع الكبير عمـر منصور،، وأنا أؤيد وجـوده ومشاركته لنفس العيب الوحيد فيهـو القلتيهو داك،، لكـن، لأجندة أخـرى (خفية)، غير بتاعت تراجـي..وتحية لهـؤلاء الأخـوة الفنانين، ولكي أيضا مع الشكـر...

يابكري هوي
عمر منصور ده أخوي ود حلتي ونحنا ناس المورده قراقير وبنعرف نلعب في المـطره وما بنخاف منها ولامنك عشان كده عندك 48 ساعه تسجل فيها ولدنا ده وأخوانه المعاهو وإلا ذي مابتقول حبوبتي القطاع والفصال وبالمناسبه أحسن ليك قبال ما أمشي أجيب ليك أخوي تمبس وندقك دقة أولاد المورده وبانت كان سمعت بيها
تمبس أشواقي حين تسعي إليك تشتاق أخبارك وأخبار عمر مقطوعه عني
كمال بشاشه وينك يا أستاذ أطلع من وسط أولاد المورده ديل أحسن وإلا والله إشلاك البوليس ما يحلك
يابكري والله عمر ده حنين بشكل وله قصه معي هنا بواشنطن حينما شارك في حفلة محمد وردي قصة جعلتني وأخوته الموسيقيين خاصة ماهر تاج السر نبكي عديل كده كلنا دون فرز فرجل كهذاالعمر يمتلك القدرة علي إبكاء مثل هولاء الرجال وهم عصي الدمع لعمري هو رجل صادق الشعور ولاينتمي لهذه الأرض الجافه ماقلت ليك ده ود المورده
تمبس حا أهدي ليك الفيديو ده ولا أحد عنده نسخه ولا وردي ذاته لأنك
1 إنت زول فنان
2 ولأنك أخو عمر الحنين
3 ولأنك ود المورده
تماضر أه عملنا علينا
بكري إنذار أخير ولا عذر لمن أنذر
أه خليتكم بعافيه
أخوكم
د. متوكل

أخي العزيز تمبس
أخبارك
عليك الله خت لي
عنوانك وتلفونك بالمسنجر عشان أرسل ليك الشريط ده
أخوك
د.متوكل

Quote: عمر منصور وسعد الطيب وعبد العظيم أرباب يا بكرى ابو بكر، معقول بس؟؟

معقولة بس؟
هشام

عمر .. وعثمـــان النــــو

وذكــريات .. أوركسترا السمندل مع الأستاذة حنان النيل
في الفـــرح المهاجر
وتظهر انـــامل سعد الدين الطيب السحرية على آلة الأورغ

والأعمال الخــالدة لمجموعة السمندل .. مع الأستاذ
يوسف الموصلى وآمال النور ..
سفر العيون..

تماضر..انشاء البنيات ورشا وعلوية كويسين...
انا ما بعرف الناس ديل وما سمعت بيهم الا منك ...وانا بزكيهم عشانك وعشان نفسي في قراصة بملاح دمعةحااارة يوم الجمعة في الزيفة الانا فيها دي ..سلمي لي على الوافر واميمة شديد
منال

منال المقاتلة الرقيقة الفنانة ازيك .والله ليك وحشة ...

عليك الله ما بتعرفيهم؟

حسة تعرفيهم...

كدى شوفى البكتبوا فيه الناس ده هين ولا لين..؟

تمبس ..وتراجى عجبنى ليكم ..تتشاكلوا الزمن ده كلو ما عارفين عمر منصور بيناتكم؟ ونحن كلنا ما كنا عمر منصور ...؟ فشـــــر.

بس عجبنى ليكم الصلح..

شكرا يا معز على مشاركتك وعماد عبد الله وصورك يا تمبس نورت البوست ، وسمندلاوى ..والكل الكل الكل ..لكم محبتى ..وانفعالى باصدقائى وهم يجتمعون فى ارحب الاسافير ...."ويغنوا كما تغنى الاسافير"

تماضر

سلامات

ازكي اصحابك ديل

اولاً لأنهم من طرفك واكيد ح يكونوا اضافة للبورد

وثانياً لانو سيرتهم جميلة ومليانة عطاء ومحبة للوطن

وثالثاً ازكي سعد الدين لأنو بلدياتنا ومن الحصاحيصا

ومعرفتي بأسرته تمتد لسنوات بحكم النشأة في الحصاحيصا

وهو رجل خلوق ومهذب وفنان مبدع


ويا بكري ما تتأخر علينا بطلتهم