Post: #1
Title: والله غايتو...؟؟
Author: Tumadir
Date: 07-26-2007, 02:16 PM
Parent: #0
مش مرات الزول بيمر بيه موقف محير كده وما يعرف يعلق أى تعليق غير: والله غايتو؟
أرجو أن يحكى البورداب الاعزاء عن الــــــــ "والله غايتو؟" بتاعاتهم ...
لأنى عندى موقفين ما بقدر أفتهم ....
الاول: .خلانى أفتفت وفى الآخر قلت: ........والله غايتو؟
والتانى: خلانى انفعل لمـــــــــــــــــــــــــن قلت:.......والله غايتو؟ ...
مع تحياتى لصناع المواقف والحادبين على الوجـــــــــــــــــــــــــــــــــــــــع ........
اها لمن ارجع من الشغل .....ألقاكم كتبتو
|
Post: #2
Title: Re: والله غايتو...؟؟
Author: Amira Elsheikh
Date: 07-26-2007, 02:41 PM
الواحد يطول من المنبر دا..
وعارف الناس بفتقدوه...
يقوم يغيب تانى...
الكلام ليك يا تماضر..
والله غايتو....؟
كيفك؟؟ بركة الشفناك
|
Post: #4
Title: Re: والله غايتو...؟؟
Author: سيف النصر محي الدين محمد أحمد
Date: 07-26-2007, 02:57 PM
Parent: #2
| Quote: مش مرات الزول بيمر بيه موقف محير كده وما يعرف يعلق أى تعليق غير: والله غايتو؟ |
هل يا تماضر "و الله غايتو" دي تعبر عن حالة مسكنة مؤقتة و قلة حيلة؟
يعني لو طالبة ليك زول قروش و ماطلك و جيتي زرزرتيه و سمعتيه محاضرة عن الألتزام و جاوبك في النهاية بـ "و الله غايتو" و هو يرسم ابتسامة خجولة على وجهه...مش ده أنديكيشن لي أنك تمشى و تخليهو؟
|
Post: #7
Title: Re: والله غايتو...؟؟
Author: Tumadir
Date: 07-26-2007, 09:08 PM
Parent: #4
سيف النصر محمد محى الدين "الاسم براهو داير ليه والله غايتو" ...المهم فى نكتة زمان كانوا بيحكوها ...
الراجل جه جيعان وعندو عضم ماكن كده بياكل فيه
أها الكلب قاعد تحت كرعينو ، منتظرو متين يكد العضم ويجدعو بعدين هو يجى يشيلو ...
قام الراجل كد العضم وكداه وكداه لغاية ما بقى "كتلة من الكالسيوم الابيض" ...والكلب يترقب ...منتظر الجدعة ..قام الراجل قرش العضم ..بقاه تفل ...
تعرف التفل؟ ...وبعداك تفاهو ولا مؤاخذه ...
الكلب جه عاين للعضم "المتفوف" ...وعاين للزول ولولح راسو كدى ...."ولسان حاله يقول: والله غايتو؟" ....
اها دى واحدة من المواقف البتتقال فيها "والله غايتو"....
فى مواقف تانية طبعا ...سأذكرها تباعا.....
|
Post: #6
Title: Re: والله غايتو...؟؟
Author: Tumadir
Date: 07-26-2007, 09:02 PM
Parent: #2
 ]
الواحد يا أميرة الشيخ غايب ليه سنة من البورد قايل روحو بيكتفى ذاتيا ويبعد نفسه من المشاكل ..لكن وكما قال الشاعر: بكل تداوينا فلم يشف ما بنا
على أن قرب الدار خير من البعد ..
ماعندى تشكيل لكن ممكن أكتبو ليك مشكل بالحروف
بكلن تداوينا فلم يشف ما بنا على أن قرب الدارى خيرون من البعدى ...
اها محل ما نطير تتواروا لينا ...أهو جينا ...
"والله غايتو؟"
|
Post: #3
Title: Re: والله غايتو...؟؟
Author: على عمر على
Date: 07-26-2007, 02:50 PM
تبارك
مسافر السودان
والله غايتو
|
Post: #5
Title: Re: والله غايتو...؟؟
Author: Nasruddin Al Basheer
Date: 07-26-2007, 03:09 PM
Parent: #3
هسه الموضوع ده جبتيهو من وين؟
والله غايتو...؟؟
|
Post: #10
Title: Re: والله غايتو...؟؟
Author: Tumadir
Date: 07-26-2007, 09:15 PM
Parent: #5
نصر الدين البشير ....
Quote: هسه الموضوع ده جبتيهو من وين؟
والله غايتو...؟؟ |
الزول يحسدوهو فى مواضيعو المزهجاهو ...
والله غايتو؟
حسة شوف السمكة دى ظروفها صعبة كيف؟
|
Post: #9
Title: Re: والله غايتو...؟؟
Author: Tumadir
Date: 07-26-2007, 09:11 PM
Parent: #3
على تروس ...
هو زول حنة ما حننوهو ..يمشى العرس؟
والله غايتو ؟؟؟؟
هاك ده وش بيقولها ...
|
Post: #8
Title: Re: والله غايتو...؟؟
Author: Ahmed musa
Date: 07-26-2007, 09:08 PM
Quote:
تبارك
مسافر السودان
والله غايتو |
تروس ؟!!!!! والله غايتو ...؟؟ المنبر ده كل يوم تلقي ليك زول (والله غايتو !!!)
|
Post: #11
Title: Re: والله غايتو...؟؟
Author: Tumadir
Date: 07-26-2007, 09:21 PM
Parent: #8
Quote: تروس ؟!!!!! والله غايتو ...؟؟ المنبر ده كل يوم تلقي ليك زول (والله غايتو !!!)
|
حسة تروس ده زول ؟؟ انت كمان ...
والله غايتو؟
معليش معليش يا تروس والله بهظر
|
Post: #12
Title: Re: والله غايتو...؟؟
Author: سيف النصر محي الدين محمد أحمد
Date: 07-26-2007, 09:28 PM
Parent: #11
| Quote: سيف النصر محمد محى الدين "الاسم براهو داير ليه والله غايتو" |
و الله يا شيختنا ما دام شقلبتي أسمي ده كده أنا ذاتي ما عندي طريقة غير أقول:
و الله غايتو..ناس تشقلب اسمك و تقول ليك أسمك ده براهو داير ليه "و الله غايتو".
|
Post: #13
Title: Re: والله غايتو...؟؟
Author: Tumadir
Date: 07-26-2007, 09:32 PM
Parent: #12
سيف النصر محى الدين محمد أحمد ..............
سورى والله
|
Post: #14
Title: Re: والله غايتو...؟؟
Author: ضحيه ابراهيم
Date: 07-26-2007, 09:57 PM
Parent: #13
| Quote: "الاسم براهو داير ليه والله غايتو" . |
هسى الجاب سيرة الاسماء شنو؟ والله غايـــــــــــــــــــــــــــــتو؟
|
Post: #15
Title: Re: والله غايتو...؟؟
Author: Salah Abdulla
Date: 07-26-2007, 11:02 PM
Parent: #14
تماضر ..
إزيّك وحمد الله على السلامة ..
ياخ نحن نرفع في البوستات ونكورك ، أرجعي ، أرجعي ، تعالي ، وإنت ما شغالة بينا الشغلة
نقوم نجي نلقاك بي هنا؟؟؟ وفاتحة ليك بوست كمان ؟؟ والله غايتو؟؟؟
عوداً حميداً مستطاب ..
|
Post: #16
Title: Re: والله غايتو...؟؟
Author: HAYDER GASIM
Date: 07-26-2007, 11:55 PM
Parent: #15
... نشوف
|
Post: #22
Title: Re: والله غايتو...؟؟
Author: Tumadir
Date: 07-27-2007, 01:03 PM
Parent: #16
حيدر قاسم
من قبيل بلكلك عشان أجيب ليك قصة الكديسة من سى بى اس...
طبعا ممكن اسميها "حكاية القط أوسكار" ...ويبقى شكلها راقى كده..او أسميها قصة الكديسة ..وشكلها يبقى بلدى وكروكى ..
انت اختار المدخل بتاعك براك بعد تعرف القصة ..
فى مصحة للعجزة ، فى مدينة بروفدنس بولاية رود آيلاند، كتب البروفسير الطبيب عن حكاية قط يسكن المستشفى ويعامله الجميع باحترام وعطف وكده
أها كل الاستاف فى المستشفى لاحظوا انه القط أوسكار ده ، يتعرف على الاشخاص الذين تدنو لحظة وفاتهم ...باربعة خمسة ساعات ..فيعاود الغرفة ويقفز الى السرير ويتودد للمريض ويعاطفه أو للمريضة فيعاطفها حتى يفارقون الحياة، قالت أحدى الممرضات فى لقاء سى بى اس بها ان القط قام بهذا الدور لمدة 25 مرة على مدى سنتين دون خطأ ، ففى كل مرة يزور هذا القط الشخص الذى يحتضر ولايزور شخص آخر،
أها القط أوسكار أدوهو شهادة تقديرية ...ودى اللحظة البتجى فيها ...((والله غايتو)) داخلة ...يعنى كديسة تعمل بى شهادة تقديرية شنو؟ ..أهى دى ليها
بتقوم بى واجبها:
بس القصة عجبتنى ..لأنه أمى الله يرحمها كانت بتحب الكدايس ..وكانوا هم بحبوها برضو ..والقصة خلتنى أفكر فيها ...
شكرا على (نشوف) والتى تتبعها دائما ...عرس النعجة للخروف
|
Post: #17
Title: Re: والله غايتو...؟؟
Author: Tumadir
Date: 07-27-2007, 12:21 PM
Parent: #15
Quote: ياخ نحن نرفع في البوستات ونكورك ، أرجعي ، أرجعي ، تعالي ، وإنت ما شغالة بينا الشغلة
نقوم نجي نلقاك بي هنا؟؟؟ وفاتحة ليك بوست كمان ؟؟ |
والله ماشفتك يا صلاح عبد الله ..كتر خيرك ياخى فى السؤال ورفع البوستات والمناداة ...
عليك الله كان عترت ليك فى واحد جيبو لى هنا وأكون شاكرة ومقدرة ..عشان أشوف الناس "بيقولو على شنو؟" لمن أغيب ..
طبعا فى ناس كتار قنعوا من خيرا فينى وبقوا ما بيسألو ..والنصيحة ليك يالله انا كترتو ومسختو ..
حسة انا المحيرنى الناس البيسألوا منى ديل لمن افتح بوست ما بيجونى فيه ليه؟ ...((((((والله غايتو؟)))))) ولا ما كدى ؟؟؟
شكرا صلاح عبد الله ....وامسح لى الغفلة فى وشى ده....
|
Post: #18
Title: Re: والله غايتو...؟؟
Author: Tumadir
Date: 07-27-2007, 12:27 PM
Parent: #14
هاهاهاهاها...ياضحية ...
انا متخيلة ظروفك لمن عيد الضحية يجى ...
انت بتروح ضحية للتسميات العجيبة .....والله فكرتنى براك لاسمك بتعليقك ده ...
ان شا الله شايل اسمك ....مش بيقولو كده يوم السماية؟
اها انت ان شا الله شايل اسمك فى صينية وبتقسم فيه للجيران ....
|
Post: #20
Title: Re: والله غايتو...؟؟
Author: عبدالكريم الامين احمد
Date: 07-27-2007, 12:40 PM
Parent: #18
هلا تماضر..
وبمناسبة والله غايتو دي...
احسن زول بيقولها كان شاب مرح اسمه (اميقو)وهو اعرج او (ابوكرنك كما يقولها اهل جوبا) اشتهر كممول للجداد يقوم بجلبه للباعة الكثيرين المتواجدين في اطراف سوق الزنك في حي ملكية الشهير بجوبا..وعندما يري الباعة اميقو قادما اليهم وهو يحمل ما (خف وغلي) ثمنه من الجداد الجوباي الشهير بيقوموا جارين جري شديد لاستقبال (اميقو) الذي يفاجي الجميع بالجري في الاتجاه المعاكس لتنشاء مطاردة ليها ضل ما بين( صديقنا اميقو والباعة) وعندما يتم القاء القبض علي اميقو
كان دوما يهز راسه وهوضاحكا ويردد (والله يااااكي)...!!
والله غاتيو تعادل والله ياااكي في (عربي جوبا)او والله يااخي..
|
Post: #23
Title: Re: والله غايتو...؟؟
Author: Tumadir
Date: 07-27-2007, 01:13 PM
Parent: #20
ياسلاااااام يا عبد الكرين ...ياعملات الصوماليين بيقولو لى عبد الكريم عبد الكرين ...
قصة طاعمة طعامة ..مبالغة
ياخى الجرية مع شيلة الجداد مع روح المكاواة اللذيذة دى عجبتنى والله ...دى قصة حلوة وبس ما أكتر فشكرا عليها وعلى أحلى مشاركة "والله ياكى"
أها مش لاحظت انو والله غايتو دى قاموس كامل ؟
يعنى مرات بتكون تعبير عن نهاية هجة لذيذة زى دى ..
بيقولوها الاطفال كمان ...
كان المرحوم عبد العزيز العميرى بيحكى قصته مع عزة بت مريم "الآن أخت العروس ...هههههه" كان بيضحكها شديد وهى قايلاهو اسمو نميرى
بعد تقرقر شديد تقول ليه: " والله غايتو (سكتة صغيرة) ...يا نميلى" ....
طيب كويس لقينا الباب التانى من والله غايتو
الباب الاول: باب الفسالة والدغالة
الباب التانى: باب اللذاذة والحلاة
الباب التالت: قالتو واحده تحت فى البوست ... حالاقيكم بهناك عندها ...وهو باب "اجى ياخوانى"؟؟
|
Post: #19
Title: Re: والله غايتو...؟؟
Author: خالد العبيد
Date: 07-27-2007, 12:32 PM
والله غايتو انا داير اقول حاجة
تماضر دي من ما تجي البورد ده ...
غايتو ما عارف اقول شنو
لكن الواحد بكون مرتاح
وبنسى تعب الشغل والقراية
بعدين هسه الدنيا عندنا ليل في سيدني
وانت ماشة الشغل الصباح في امريكا
والله غايتو
|
Post: #24
Title: Re: والله غايتو...؟؟
Author: Tumadir
Date: 07-27-2007, 01:17 PM
Parent: #19
| Quote: والله غايتو انا داير اقول حاجة |
أها ياخالد العبيد ..ده استعمال جديد لى والله غايتو...
ذكرتنى اللقاءات الجماهيرية ديك فى الاذاعة ..يوم العيد
" والله غايتو فى الحقيقة الواحد هنا يعنى مستمتع بالعيد السعيد وسط الاهل والاخوان ...وبلابلابلابلا..."
ولا لقاءات الرياضييين ..والسياسيين ..
ولا فى الاجتماعات ..والله غايتو الواحد داير يقول انه ...."
معاها شتارة كده ..واستعجال ...وعدم تمكن واضح
ههههههه
والله غايتو بركة الزول رجع عشان يشوفك ماشايل هم .....هههه
|
Post: #21
Title: Re: والله غايتو...؟؟
Author: sanaa gaffer
Date: 07-27-2007, 12:48 PM
تمادر ...
حمد الله على السلامة يا اختي ...
ما قدرت احدد ليك موقف واحد قلت فيهو ( والله غايتو ) ...
لاني مرات في اليوم الواحد باقولها مليون مرة ...
يعني المنبر دة كلو ما بكفي عشان احكي ليك ...
اصلو الواحد بقى عايش في زمن غريب .. وبتحصل ليهو فيهو حاجات عجيبة ...
وما بالقى غير كلمة ( والله غايتو ) عشان اعبر عن الجواي ...
ياخي ديل كلمتين حلوين ... بيختزلوا جواهم معاني كتيييييييييييرة ...
والله غايتو ؟؟؟ !!! ....
|
Post: #25
Title: Re: والله غايتو...؟؟
Author: Tumadir
Date: 07-27-2007, 01:22 PM
Parent: #21
Quote: ما قدرت احدد ليك موقف واحد قلت فيهو ( والله غايتو ) ...
|
والله يا سناء انتى حددتى ...
حددتى عدييييل كده ...
اهو فتحنا لى (والله غايتو) بتاعتك دى ..باب
واسميناه -بحمد الله- باب أجى ياخوانى؟
من ما قلتى Quote: صلو الواحد بقى عايش في زمن غريب .. وبتحصل ليهو فيهو حاجات عجيبة ...
عرفتك قاصدة: أجى يا خوانى؟
وفى روايتن هههه أجى يا بنات أمى؟
فهنيئا لك بهذا الاكتشاف المعظم ...وهنيئا لنا بمشاركتك الضافية ...ولا نامت أعين الجبناء ....(بمعنى جبنة)..
وما بالقى غير كلمة ( والله غايتو ) عشان اعبر عن الجواي ... |
|
Post: #26
Title: Re: والله غايتو...؟؟
Author: Amira Elsheikh
Date: 07-27-2007, 01:28 PM
Parent: #21
تانى جيتك يا توميتو
القصة حقيقية..
ابطالها ام سلمة ومحمد..
القصة على لسان ام سلمة...
محمد كا ن ماشى رحلة مع اصحابو ويقوم ويقع.. ويقوم يقع
لمن جا يوم الرحلة..اها الحافلة بتاعة الرحلة غشتو فى البيت
الاصحاب يكوركو يا محمد جيب الفرشة .. يا محمد جيب سيرمس قهوة تانى..
ومحمد يشيل ويرفع فى الحاجات.. لمن خلص كل حاجات الرحلة..
بس باقى ليهو يعمل الفينشينق لروحو..
محمداظبط كويس واخر حاجة كان بربط فى القاش( الحزام) ام سلمة جات مارقة
من الاوضة.. قالت لمحمد انت ماشى وين يا محمد؟؟ قال ليها : ماشى الرحلة مع اصحابى
قالت ليهو لااا مافى مشى ومافى رحلة..
محمد قعد فى اقرب سرير وختا ايدينو فى راسو وقال ..
والله غااااايتو ؟؟ ام سلمة دى..
قالت لينا ام سلمة دى انا ومحمد دا ولدى الوحيد ...
ضحكنا شدييييييد..
وقلنا بصوت واحد...
والله غايتو..؟؟
|
Post: #27
Title: Re: والله غايتو...؟؟
Author: Tumadir
Date: 07-27-2007, 01:36 PM
Parent: #26
| Quote: والله غااااايتو ؟؟ ام سلمة دى.. |
ههههههههههههههههههههههههههههههههههههههههههههه
انا ذاتى لو فى محل محمد ما حأقدر أقول غير " والله غايتو ام سلمة دى ...دى
حلوة حلوة حلوة ...مع تحياتى لأم سلمة ومحمد "كليهما" حلو
لكن قصتهم بتشبه قصة على ...
لمن مات جد كبير فى الاسرة ...الساعه 3 ص..وهو يادوب راجع من السهرة وسكران "للطيش" زى ما بيقولو ...
اها رقد كده الباب دق ..قالو ليه جدك محمد مات ....
وهو لسانو ألذغ شوية ..قعد فى نص العنقريب ...وخت ايدينو فى راسو وقال: لكن مات فى جنس مواعيد؟ ؟؟؟؟؟
وكلها تستبطن بداخلها ....والله غايتو؟
يللا تعالى تانى ...ولن نزيدكم الا حكاوى
|
Post: #28
Title: Re: والله غايتو...؟؟
Author: Amira Elsheikh
Date: 07-27-2007, 02:22 PM
Parent: #27
بكرة الويك اند بتاعى..
بجيك بعد بكرة..
واحكى ليك واسمع منك ..
ويك اند يوم السبت فى السودان..
والله غايتو...
|
Post: #29
Title: Re: والله غايتو...؟؟
Author: Ahmed musa
Date: 07-27-2007, 03:38 PM
محمد , عثمان أو جعفر واحد فيهم (غايتو)
كان بلعب كوتشينة بـ (؟؟؟؟) إتغلب زي كمين مرة
وخسر زي كمين قروش
أهاااااااااا
في آخر قيم والمسائل كلها ماشة لصالحوا
جاهو واحدقال لــ
Quote: محمد , عثمان أو جعفر واحد فيهم (غايتو)
|
جدك مات!!!!
ما إشتغل بيهو (كان مركز في القيم الفيصل)
صاحبنا غراب الشؤم قعد بحضر
شوية إتذكر تاني قال ليهو
جدك مات !!!!
قام محمد , عثمان أو جعفر(بدون تركيز) قال ليهوا :
تاني ؟!!!!
|
Post: #30
Title: Re: والله غايتو...؟؟
Author: Ishraga Mustafa
Date: 07-27-2007, 04:19 PM
Parent: #29
ياتماضر...
البورد نور بست الجمال والبهاء
غايتو... الحياة كلها غايتو...
* مستنية لسه ردك لغايتو رسلتها غايتو من شهر وكم غايتو
|
Post: #31
Title: Re: والله غايتو...؟؟
Author: ابراهيم عدلان
Date: 07-27-2007, 04:22 PM
يقولوا تماضر جايه نيويورك تشاركنا مهرجان السنترال بارك
تقوم تماضر ما تجي
و الله غايتو..؟؟
|
Post: #32
Title: Re: والله غايتو...؟؟
Author: omar altom
Date: 07-27-2007, 05:59 PM
طمطم ازيييييك
اها انا مرة شفت لي جنازة في مستشفي العيون!!!!!
اها رايك شنو مآآآ والله غايتو شديييد؟؟؟؟؟
عمر
|
Post: #33
Title: Re: والله غايتو...؟؟
Author: Ahmed musa
Date: 07-27-2007, 08:16 PM
زماااااااااان أيام الديمقراطية الكضب كضب
ما زي ديمقراطيتنا بتاعة اليومين ديل!!!!*
وفي إتحاد الكتاب السودانيين , ليلة ثقافية فاخرة
والمستضاف (الطيب صالح) بشحمه ولحمه وادبه ويتحدث عن حبه للسودان
وفي أسئلة بعد الندوة قفز واحد شاب من إياهم بتاعين الأيام ديك وقال ليه
ـ يا أستاذي (مع مطة لأستاذي لم نفهما بادئ الامر) أنت تقول أنك تحب السودان(ثم إلتفاتات لتذوق طعم حديثه بالعيون) فكيق تكون محب للسودان وأنت من لندن للمطار للهلتون للمطار للندن ؟!!! (ثم نظرة للجمهور)
فضج الجمهور تصفيقاً تعبيراً صادقاً عن قوة السؤال
سكت الطيب صالح ريثما تنتهي الصفقات (التي إتضح لاحقاً أنها متهورة ) ثم نظر للسائل نظرة أقوي من تفاصيل (مريود) ثم قال :
ـ يا إبني (سكتة) انا بحب السودان (سكتة ومشروع شهقة لم نعلم له سبباً) كفكرة مجردة ـ مع ضمة ليده إرتبطت لنا لاحقاً بفكرة (مجردة) ـ صمت عام لثواني ثم تصفيق حاد
حباً في الطيب , إحتراماً لكلماته وإعتذاراً عن التصفيق المتهور أعلاه
خروج من دارالكتاب ومشوار لبري جزء كبير منه (كداري) مع نشوة بالليلة وصوت لخطواتنا إكتشفت الآن أنها كانت تقول :
ـ والله غايتو ؟!!!!
|
Post: #34
Title: Re: والله غايتو...؟؟
Author: الجيلى أحمد
Date: 07-28-2007, 01:03 AM
بت الشيخ
والله غايتو
شوفتك تسعد
|
Post: #35
Title: Re: والله غايتو...؟؟
Author: خالد العبيد
Date: 07-28-2007, 10:21 AM
منو النزل البوست ده تحت ؟
والله غايتو
|
Post: #36
Title: Re: والله غايتو...؟؟
Author: فيصل محمد خليل
Date: 07-28-2007, 12:42 PM
Parent: #35
ناس يفتحوا بوست و يزوغوا
والله اغايتو
|
Post: #37
Title: Re: والله غايتو...؟؟
Author: Tumadir
Date: 07-28-2007, 02:14 PM
Parent: #36
دقيقة يا جماعة
والله ماتوا لينا نفرين فى تلاته يوم
جدنا خال ابونا اسمه سعد الشيخ مات قبل تلاته يوم
وقبل مانتصل أمس اتوفت عمتنا السارة بت عبد الوهاب بت خال ابوى ...
خلونى آخد صنة وأعزى الناس فى السودان وبرجع
الواحد كل ما يفرح ليه فرحة يموت ليه زولين ..
والله غايتو؟
تغمدهم الله بواسع رحمته وألهم الاهل والعشيرة الصبر والسلوان ....
|
Post: #38
Title: Re: والله غايتو...؟؟
Author: Ishraga Mustafa
Date: 07-28-2007, 02:22 PM
Parent: #37
البركة فيكم ياتماضر
|
Post: #39
Title: Re: والله غايتو...؟؟
Author: Ahmed musa
Date: 07-28-2007, 02:58 PM
Quote:
البركة فيكم ياتماضر |
|
Post: #40
Title: والله غايتو؟
Author: Mohamed Elgadi
Date: 07-28-2007, 08:28 PM
والله غايتو عيال شيخ الدين دول حيرونا تب ...!
mohamed elgadi
|
|