Post: #1
Title: لعبة المحار... والليل والنسور
Author: Tumadir
Date: 05-04-2003, 01:01 PM
ها انت تستعين بمهجتك على المكاره
وتتدفق الامكنة من مخيلتك كالطحالب تتدلى من خصر جبل
تحدق حتى انحناء الشعاع فى النهايات السحيقة
وتصيخ السمع حتى يستحيل السكون الى ضوضاء جديدة
منذ ان فاتك ركب سفينة نوح
لم تكن كفؤا كما كان ركابها، فلم يكن لك مثيل يزاوج ...صنفك
تركوك فى اليم... الغاضب ...وحيدا كنسر
حاولت ان تمسك بحبل او لوحة حتى تنجو ....ولكن اسمك لم يكن مذكورا فى دفتر العبور المقدس ،
ها انت مجهول المنبت ما زلت تبحث لنفسك عن اقبيه مشروعة تختبىء فيها
تسلقت كثيرا من الجدران المتشققة التى نما العشب فى اقدامها
نمت فى حواف الابار المهجورة ، وسهرت مع المحار فى اصداف دافئة احيانا
طرقت ابوابا صلدة ، مفاتيحها الصدئة سرا مدفونا فى بهو النسيان مع البنائين المجهولين
كيف دخلت الى مدن مسحورة ، جدرانها من غيوم، وابنيتها من فقاقيع البلور؟؟
كيف تمشى هكذا بين حدائقها المعلقة ، وتحط فى اوراق ازاهرها كفراشة ملونة؟؟؟
اشد ما يحيرنى فيك الضوء، الضوء فى مدائنك
، كثيف كنهر من زئبق، مثقل بالرطوبة ،
هل رايت حملة احجار الاهرامات
وهم يعبرون نهر الضوء الزئبق هذا وانت ترقب من شرفة غيمتك تلك؟؟؟
هل اتاك حديث موسى؟؟
وانقسام البحر؟؟
قالوا انك خرجت من بطن حوت عند انقسام البحر ، هل جاءت الفرقة بين المائين
وقد صاحبها دوى صاخب ، ام سكون مخيف مطبق ، ؟؟؟
قالوا ان الانسان عندما امر ان يختار جحيمه ، قال ارنى طعامى
فجاءوا له بالخراف التى مضغها ، والاسماك وابقار شرب لبنها واشجار الفاكهة وبرك الماء التى شربها
وتلال القمح والذره ن وحقول البصل والطماطم ، وجبال بقول
فمضى يتوه فى البيداء وطلب ان يصوم للرب
ها انت ذا تستعين بمهجتك على المكاره
تنام فى عيون البحار ، وفى غابات الشجن اللولبى
وتبكى
تحط النسور فى عقر حدائقك
وينام بناة الاهرامات فى غرفك الداخليه
تحدق حتى نقطة انحناء الشعاع
وتصيخ السمع حتى يستحيل السكون الى ضوضاء
|
Post: #2
Title: Re: لعبة المحار... والليل والنسور
Author: almulaomar
Date: 05-04-2003, 01:10 PM
Parent: #1
بذلت جهداً كبيراً كي أعثر على شئ لا أحبه في السطور التي قرأت فلم أجد ، عذراً وأعدك أيها المبدعة أن أحاول مرة أخرى ..
|
Post: #3
Title: Re: لعبة المحار... والليل والنسور
Author: Tumadir
Date: 05-04-2003, 01:14 PM
Parent: #2
ابتسمت غبطة ... من هذا التعبير البليغ
ابحث اكثر
يا ملاعمر
فانا
انتظر حكمك ... باحتشام
|
Post: #60
Title: Re: لعبة المحار... والليل والنسور
Author: mustafa mudathir
Date: 12-08-2003, 08:13 PM
Parent: #3
وليه باحتشام يا تمادر؟
هل يفيد الاحتشام أمام باحث عن الخطيئة
وسيحاول تاني!
النص جميل نصبصتر عديل (على وزن blockbuster)!
مصطفى مدثر
|
Post: #4
Title: Re: لعبة المحار... والليل والنسور
Author: Abdalla Gaafar
Date: 05-04-2003, 05:34 PM
Parent: #1
تماضر
لك الشكر قراتها مرات واخيرا يخيل لي انني استطعت العبور بها مابين غموض سقراط والصعود الي الجمال المطلق ( ها انت تستعين بمهجتك على المكاره)ولا ازال احتاج لقراءتها مرة اخري لك السلام ياجميلة الحروف
عبدالله جعفر
|
Post: #5
Title: Re: لعبة المحار... والليل والنسور
Author: zumrawi
Date: 05-04-2003, 05:39 PM
Parent: #1
هذه كتابة رائعة يمكن ان تكون خطا للكتابة
|
Post: #6
Title: Re: لعبة المحار... والليل والنسور
Author: Tumadir
Date: 05-04-2003, 06:34 PM
Parent: #5
عبد الله جعفر
اهتمامك بالقطعة ، يشد من ازر قلمى ويحفزنى على التعلق فى خيط العنكبوت هذا المسمى بالكتابة
اكثر
شكرا لك
زمراوى
انه خط للمشى باحلام حافية القدمين ، فى دهليز مظلم...وعر ....وطويل
شكرا للقراءة
|
Post: #7
Title: Re: لعبة المحار... والليل والنسور
Author: الجندرية
Date: 05-05-2003, 11:45 AM
Parent: #1
تماضر يتها السيزيفية الجميلة
انقطعت انفاسي وانا اصعد خلفك إلى تلك المقامات
حيث تستعينين على المكاره بالكتابة
لك محبتي واعتذار ي علناً عن عجزي في مؤازتك في ذاك الموقف السخيف
احترامي العميق
|
Post: #8
Title: Re: لعبة المحار... والليل والنسور
Author: منعمشوف
Date: 05-05-2003, 05:13 PM
Parent: #7
ماأجملك ياتماضر
قالوا انك خرجت من بطن حوت عند انقسام البحر ، هل جاءت الفرقة بين المائين
وقد صاحبها دوى صاخب ، ام سكون مخيف مطبق ، ؟؟؟
|
Post: #9
Title: Re: لعبة المحار... والليل والنسور
Author: أبكر آدم إسماعيل
Date: 05-05-2003, 06:44 PM
Parent: #8
.
.
.
يآآآآه!!!؛
.
.
.
|
Post: #10
Title: Re: لعبة المحار... والليل والنسور
Author: Adil Osman
Date: 05-05-2003, 11:48 PM
Parent: #9
ما فى فائدة يا تماضر
لا أجد أبلغ من قصيدة الصادق الرضى " ضوء " فى وصف حالتنا
ــــــــــــــــــــــــــــــ
ضوء...... قصيدة من ديوان متاهة السلطان
فى وصف ما يحدث، يكمن الموت ـ موت الفكرة
فى المترادفات و أشباههاـ موت الجسد،
فى التهافت
و فى السكوت عنه، الخيانة
يبقى
خلق المهزلة
فى سياق لا يعيد الظلّ
فى خفوته، ظلآّ
و لا يحيل الى براءة المعنى
تبقى هواجس الحفر
فيما تشبه التربة، و ما يشبه السقف
و الفضاء
يبقى هاجس الحرق
و الكنس
....................
|
Post: #13
Title: Re: لعبة المحار... والليل والنسور
Author: Tumadir
Date: 05-06-2003, 02:44 AM
Parent: #10
عادل
شكرا على الاطلالة
وصدقت ، ما فى فايدة
انا انظر الآن الى صورة المرحوم طه ابوقرجة
وابتسامته الوديعة
وبهاءه السودانى الاصيل
وصداقته لنا بالقلم
ورحيله المفاجىء
ومغادرته الابدية
؟؟؟ ما فى فايدة ياعادل
شكرا على الصادق الرضى
|
Post: #12
Title: Re: لعبة المحار... والليل والنسور
Author: Tumadir
Date: 05-06-2003, 02:39 AM
Parent: #9
ابكر ادم
شكرا لآهتك الشهادة .... ومرسوم العبور
سالبسها وساما
|
Post: #11
Title: Re: لعبة المحار... والليل والنسور
Author: Tumadir
Date: 05-06-2003, 02:37 AM
Parent: #7
الجندرية
ولم الاعتذار
الموقف ما زال سخيفا
وانتى تلحقين بى فى وادى العتمة هذا ، بسخاء وجمال
وتركضين خلفى فى اودية التيه
كلك حضور
منعمشوف
هل حركتك فكرة الاخراج المسرحى للوحةانشقاق الماء ، والمؤثرات الصوتية المصاحبة لها؟؟
انت الاجمل
|
Post: #14
Title: Re: لعبة المحار... والليل والنسور
Author: omdurmani
Date: 05-06-2003, 03:14 AM
Parent: #1
..................
لازلت ابحث عن الجمال،وقرأت لهيوم الذي خاض البحث قبلي، وذكر ان الجمال معنى
يوجد في عقل الانسان يبدعه، هذا ماجادت به قريحته. استطيع ان اقول له الان لقد خاب تفسيرك، ودليلي القاطع لوحة جمالية ، استطيع حملها ونقلها وبروازها ، اسمها لعبة المحار ...الليل والنسور، بيد لا بقلب لا بعقل... بل بروح فتاة من بلدى
اسمها تماضر...فهل تعرفونها.
................
اري البيئة ماثلة في كتابتك والقرآن.
.....................
اشهد انك كاتبة رائعة مجيدة.
...................
بالمناسبة: سرقتى منى ساعة ثمينة.....وهموم الهوم ورك والاختبار والمشروع كلها في راسي.... اصبحت اقرأ قطريا....وافكر بالرد...فاعود واتذكر الهوم ورك....في النهاية...لابذاكر لا برد.....وحتما ساعود لهذا البوست.
..............
shereef shereef
|
Post: #15
Title: Re: لعبة المحار... والليل والنسور
Author: Tumadir
Date: 05-06-2003, 11:59 AM
Parent: #14
امدرمانى يا ام درمانى
امشى حل الواجب وتعال
تلقانى ، هنا واقفة فى امتنانى دة
وفى شكرى العميق
لانبهارك بلعبة المحار والليل والنسور
لك التوفيق
والانحناء
|
Post: #16
Title: Re: لعبة المحار... والليل والنسور
Author: zumrawi
Date: 05-07-2003, 01:50 AM
Parent: #1
تماضر هل سنرى عملا مشتركا يجمع المسرحيين
اقول ذلك لاننى لم انتمى لهذا الجسد فى تجاربه
اتوقع عملا يجمع مع منعمشوف ومعتصم وبدر الددين شنا
|
Post: #17
Title: Re: لعبة المحار... والليل والنسور
Author: HOPELESS
Date: 05-07-2003, 10:10 AM
Parent: #16
الرااااائعه تماضر
بهذا الابداع الباهر قد توجت صدق حدثي بانك تحملين الرقم ((1))بهذا المنبر...
احترم الباقون وتعجبني كتاباتهم ...ولكني احلق معك في سماء حروفك المنثوره كالبلور..
كثر الله من امثالك والمزيد المزيد فنحن عطشي لمثل ما تكتبين
جمال عبدالرحمن
--------------
وارموا لقداااام
|
Post: #19
Title: Re: لعبة المحار... والليل والنسور
Author: Tumadir
Date: 05-07-2003, 12:46 PM
Parent: #17
hopless:
ذا انا نمرة واحد ، معناها انت فعلا
hopless.
لوووووول
شكرا صديقى ، على هذا الاطراء الاكثر من ما استحق
دمت
|
Post: #20
Title: Re: لعبة المحار... والليل والنسور
Author: Tumadir
Date: 05-07-2003, 12:47 PM
Parent: #16
ياريت يا زمراوى
المشكلة انه نلم فيهم وين ديل؟؟؟
ياريت
|
Post: #18
Title: Re: لعبة المحار... والليل والنسور
Author: ود الياس
Date: 05-07-2003, 11:37 AM
Parent: #1
احتاج صوتا سماويا.........
وذرات من العشق العتيد.
لاخلطها واسقيها عصارة مامضي ..........
لتخرجي انت
فلتخرجين حقيقه وحقيقه
فلتخرجين امرأة اقبل عقلها
امرأة تقاتل نصفها
امرأة تفرق مابين ان تهوى
وان تلد الهوى
فلك التحيه ايتها الرائعه
|
Post: #21
Title: Re: لعبة المحار... والليل والنسور
Author: Tumadir
Date: 05-07-2003, 12:48 PM
Parent: #18
ود الياس
رائع انت دة
دة كلام منو؟؟؟ يا سلاااااام يا ود الياس
عجبنى لشكل؟؟؟
شكرا ليك
|
Post: #22
Title: Re: لعبة المحار... والليل والنسور
Author: ABUKHALID
Date: 05-07-2003, 08:48 PM
Parent: #21
انت تجيدين الكتابة
فلاتسرفي
اتركني لنا المقدرة علي التعليق
فقد لانقدر حين يلجمنا الكلام بدهشته المعقودة سلفا
او قولي المزيد نبحرمعك في صمت القراءة باستغراق التمتع
|
Post: #40
Title: Re: لعبة المحار... والليل والنسور
Author: Bakry Eljack
Date: 05-12-2003, 06:13 AM
Parent: #21
Dear Tumader,
Firstly let me warm you with my special regards as new face in the board, thanks to the technology who makes us closer to each other as we are, I have a very high opinion about you as an artist, I hope one day we sit down in free shadow and talk about Tumader's endless dreams for accomplishing something in the art fields and this will happen soon I bekieve.
My comment is; you make me enjoy lost inside your darks , but I found my self recalling Ibrahim Alkoni- who takes you deeply in his deserts to the extend you really feel thirsty- you also did it you make me feel wandering- and asking my self- when this road will lead?
Love
Bakry
|
Post: #23
Title: Re: لعبة المحار... والليل والنسور
Author: dabeep
Date: 05-08-2003, 10:50 AM
Parent: #1
كلام جميل
وروح مزرزرة بالصدف
تبحث عن شواطى لاتصيخ
يالافحة كل الأمكنة
ومعسمك عمق البحر
فقط الشجر مثواك
وأصوات المطر
وأخر شعاعك بنطفى
فىالحتة فيها النيل بنوم
وتصحى النجوم
وتنورك
تسلمى يا أستاذة
|
Post: #24
Title: Re: لعبة المحار... والليل والنسور
Author: Tumadir
Date: 05-08-2003, 11:29 AM
Parent: #23
امس كنت عايزة افتح بوست
اسميه
اين الدبييييييييييييييييييييب؟؟؟
اهو دة جيت زاحف براك على وعر كلماتنا تتلمس جحور الدفء والحلم العدم؟؟؟
شكرا
ازحف لى داخل
|
Post: #25
Title: Re: لعبة المحار... والليل والنسور
Author: السفير
Date: 05-08-2003, 04:49 PM
Parent: #1
بخاف من الدبيب عشان كده لو سميتي بوست اين الدبيييييب فساغادر المنبر بلا رجعه
|
Post: #26
Title: Re: لعبة المحار... والليل والنسور
Author: Tumadir
Date: 05-11-2003, 03:50 AM
Parent: #25
سفير يخاف من دبيب؟؟؟
سفير وين دة؟؟
الدولة دى انا مشبهاها على دولة ما غريبة على
|
Post: #27
Title: Re: لعبة المحار... والليل والنسور
Author: ودرملية
Date: 05-11-2003, 04:33 AM
Parent: #26
سلامات
الاخت الحبيبة والحبيبة جدا تماضر
اراك في هذا النص اكثر حزنا واكثر حيرة
مالذي يعتريك ياراقية
انتي جميلة ياتماضر
جميلة جد جد
بالمناسبة ماعوز اقول اي كلام لكن استفزتني قرآءتك
يامستحيلة
شكرا كثيفا ياتماضر
حتي كثيفا هذه استعرتها من اخي موديك
لااملك شيء اقوله لك
شكرا
|
Post: #35
Title: Re: لعبة المحار... والليل والنسور
Author: Tumadir
Date: 05-11-2003, 07:27 PM
Parent: #27
ود رملية
ما تشوفنى شديد كدة
انا مرات بلبس قناع الفرح عشان اغطى الشايفو انت دة
وكلو خير
اشكرك على شفافيتك
والاطراء
لك منى ود عميق
|
Post: #28
Title: Re: لعبة المحار... والليل والنسور
Author: mustafa mudathir
Date: 05-11-2003, 05:42 AM
Parent: #1
frankly frankly kida ya tamadur, I have not read anything as
cool as this in a loooooooong while.
mustafa mudathir
|
Post: #29
Title: Re: لعبة المحار... والليل والنسور
Author: dreams
Date: 05-11-2003, 06:07 AM
Parent: #28
تماضر
لك مقدرة تطويع الحروف وتشكيلها
كيفما اردتَ
تسلمى ...تسلمى
|
Post: #36
Title: Re: لعبة المحار... والليل والنسور
Author: Tumadir
Date: 05-11-2003, 07:29 PM
Parent: #29
احلام طولنا ما تصادفنا
علك بخير والسودان
اهديك الحب والثناء على كلامك الرقيق
|
Post: #34
Title: Re: لعبة المحار... والليل والنسور
Author: Tumadir
Date: 05-11-2003, 07:25 PM
Parent: #28
مصطفى هوووووى انت داير تبقينى مغرورة
ولا شنو؟؟؟
دى شهادة كبيرة من كاتب برهافتك
عامل صورتك البتوحى بالفياقة دى
|
Post: #30
Title: Re: لعبة المحار... والليل والنسور
Author: Zoal Wahid
Date: 05-11-2003, 06:10 AM
Parent: #1
نصوصك مدهشة حين اقرأها يدثرني الصمت
لو تكرمت
اجمعي لنا هذا الشتات الرائع بين دفتين
|
Post: #37
Title: Re: لعبة المحار... والليل والنسور
Author: Tumadir
Date: 05-11-2003, 07:31 PM
Parent: #30
يازول واحد
صدقنى لو اتعلمت الم كتابتى من وانا يافعة ، كنت عملت مجلدات
لكن بعيد عنك اهو دة الحال
غايتو لما اموت ختيتها ليك فى ذمتك ، لم البتقدر عليه
|
Post: #31
Title: Re: لعبة المحار... والليل والنسور
Author: بت قضيم
Date: 05-11-2003, 07:05 AM
Parent: #1
مشوطنة لا مجال
ولكي لا تفهميني غلط
فأنا اظن أن جمال رقيق كهذا لا يصدر من انسان عادي
ربما ملاك اظبط
خلينا نقول
ممولكة على وزن مشوطنة
تسلمي يا تماضر
يا قمة الدهشة
|
Post: #38
Title: Re: لعبة المحار... والليل والنسور
Author: Tumadir
Date: 05-11-2003, 07:34 PM
Parent: #31
بت قضيم
كلما نتلاقى فى الاثير الجميل دة ، ونسماتك بتطربنى
وكلامك عنى بزيد قامتى
وبحس بى حبك لى ، ياربى انتى قادرة تحسى بى حبى ليك وشوقى وكل احترامى؟؟؟
ياريت
وشكرا كل مرة
|
Post: #32
Title: Re: لعبة المحار... والليل والنسور
Author: heema
Date: 05-11-2003, 07:44 AM
Parent: #1
استاذتي تماضر اتها الرائعة
كل مرة ، أجد مع كلماتك حياة أخرى
في كل جملة ، أكتشف شيئاً قد غاب عني منذ زمن
مع كلماتكِ تنتبه الجروح
ويتبدلُ حنقي شوقاً يعصفُ بأعماقي
لك ودي وحبي وتقديري الى حد الاجلال
أدامك الله
|
Post: #33
Title: Re: لعبة المحار... والليل والنسور
Author: ودرملية
Date: 05-11-2003, 07:04 PM
Parent: #32
up
|
Post: #39
Title: Re: لعبة المحار... والليل والنسور
Author: Tumadir
Date: 05-11-2003, 07:42 PM
Parent: #32
هيما
لك التجلة والانحناء
على الوقت السرمدى الذى قضيته تقطعين اودية غربتى ،
ولك الحب كله
|
Post: #41
Title: Re: لعبة المحار... والليل والنسور
Author: AlRa7mabi
Date: 05-12-2003, 07:32 AM
Parent: #1
تماضر
الناس الجميليين ديل كلهم قالوا كلامك سمح زيهم
أنا ما بزيد على دا أى حاجة
لكــــــــــــــن ...
كلهم ما شافو انت قلتي لي دبيب شنو
أزحـف لي داخـل
هههههههههه
رحمابي
|
Post: #42
Title: Re: لعبة المحار... والليل والنسور
Author: Tumadir
Date: 05-12-2003, 07:37 AM
Parent: #41
الرحمابى
ما عشان بتك الجمييييييلة دى انت بتشوف مواطن الجمال
وعينى باردة
وعشان انت ممن لف لفهم بتشوف الفكاهة
لك الشكر يا استاذ
|
Post: #43
Title: Re: لعبة المحار... والليل والنسور
Author: Noon3
Date: 05-12-2003, 10:11 AM
Parent: #42
تماضر ،،
كلماتي تبدو قليلة الحيلة كالنمل امام جند سليمان لاحول لها ولا قوة ...هنيئاً لك وانت تعقدين هذا الحلف مع اللغة لا يعرف الخذلان.. يسلم خيالك..
|
Post: #44
Title: Re: لعبة المحار... والليل والنسور
Author: Tumadir
Date: 05-12-2003, 12:28 PM
Parent: #43
نون
والله كلماتك شامخة كالجبال الراسيات
انا التى ابدو بهذا الصغر امامها
اشكرك يا حبيبة
|
Post: #45
Title: Re: لعبة المحار... والليل والنسور
Author: جبران
Date: 05-21-2003, 01:40 PM
Parent: #1
ما له أيقظ الشجون فقاسا
وحشة الله واستثارا الخيالا
ماله في مواكب الليل يمشي
ويناجي أشباحه والظلالا
هين تستخفه بسمة الطفل
قوي يصارع الأجيالا
حاسر الرأس عند كل جمال
مستشفا من كل شئ جمالا
ماجن حطم القيوم وصوفي
قضى العمر نشوة وابتهالا
خلقت طينة الأسى وكستها
نار وجدٍ فأصبحت صلصالا
ثم صاح القضاء كوني فكانت
طينة البؤس شاعراً مثالا
جمـاع
|
Post: #46
Title: Re: لعبة المحار... والليل والنسور
Author: فى حافة الغياب
Date: 05-22-2003, 07:05 AM
Parent: #45
تماضر
اللغه عندك لها ايقاع حميم لدرجة عدم الاحساس
بالغربه عند قراءتك....يبقى التسآل ان هل نبكى
ام نفرح ازاء هذا النزف وهو يمرحلنا بوطئه الجميل
على تراب الأورده؟
لا منجى اذا سوى الغناء على أعتاب الجرف
حتّى يغسلنا المد.... مدّك
لك الصباح ولنا حلم البطاح بوعدالارتواء
ودمتى
|
Post: #47
Title: Re: لعبة المحار... والليل والنسور
Author: خالد عويس
Date: 05-22-2003, 08:40 AM
Parent: #46
تماضر ، يكفي أنني استغنيت عن قهوة الصباح ... هذا الصباح
|
Post: #48
Title: Re: لعبة المحار... والليل والنسور
Author: Tumadir
Date: 05-22-2003, 12:06 PM
Parent: #47
جبران "خليل جبران"، حافة الغياب وخالد عويس
الكتابة والخيبات ، هما قدر الكائنات الحزينة
التى تبحث عن حلمها فى تخوم العدم
لكم منى بعض روحى
|
Post: #49
Title: العزيزة تماضر
Author: خالد العبيد
Date: 05-24-2003, 08:59 AM
Parent: #1
العزيزة تماضر
لك تحيات الزهور
اداوم على القراءة لك منذ فترة
انت رائعة يا تماضر
اكتبي بالله عليك
وامنحي الكلمات هذا المزيج المحفوف بلون الورد وزخات المطر
لك التحايا
خالد العبيد
|
Post: #50
Title: Re: لعبة المحار... والليل والنسور
Author: Abdalla Gaafar
Date: 05-26-2003, 08:51 PM
Parent: #1
اعتدت الدخول اليها
وادعو الاخرين لقراءتها مرات ومرات
عبدالله جعفر
|
Post: #51
Title: Re: ل####ة المحار... والليل والنسور
Author: السمندل
Date: 05-27-2003, 03:24 PM
Parent: #50
تفتكر نقدر نغيب يا عبد الله جعفر ؟!!
تماضر دي زي موية من زير حاجة فاطنة ، وكت الهجير يلفح
والريق مشقق بالعطش
،،،
يديك العافية يا تماضر
ـــــــ
السمندل
ـــــــ
|
Post: #52
Title: Re: ل####ة المحار... والليل والنسور
Author: Tumadir
Date: 11-09-2003, 09:19 PM
Parent: #51
خالد العبيد
عبد الله جعفر والسمندل
بكتب
الله يعافييكم
|
Post: #53
Title: Re: لعبة المحار... والليل والنسور
Author: mohammed alfadla
Date: 11-09-2003, 09:26 PM
Parent: #1
اشد ما يحيرنى فيك الضوء، الضوء فى مدائنك
هوووووي يا زولة أحسن ليك
والله أقوم عليك أحبك هسي دي
انتو بتجيبوا الكلام ده من وين
|
Post: #54
Title: Re: لعبة المحار... والليل والنسور
Author: Tumadir
Date: 11-09-2003, 09:33 PM
Parent: #53
شايفاك يا فاضلابى
ناوى ترتكب جريمة الحب دى...فى بوست دينق...عن شعر السود...
وهنا برضو...
لك الود...واشكر شعورك الطيب...
انت برضو ما هين...ورسمك بحرض على الحب...
لك تشجيعى ودعمى الروحى المستمر
|
Post: #55
Title: Re: لعبة المحار... والليل والنسور
Author: nile1
Date: 11-10-2003, 08:02 AM
Parent: #54
تماضر
كل سنه وإنتي طيبه..ربنا يعيده عليك وعلى أسرتك بالخير ويديكم العافيه..و....جاتنا نيله ف حظنا الهباب
|
Post: #56
Title: Re: لعبة المحار... والليل والنسور
Author: Tumadir
Date: 11-10-2003, 11:57 AM
Parent: #55
nile 1
وانت طيب..واولادك وزوجتك..
ضحكت...من حرقتك منى ...لمن حنيت
تعرف انه دة سوء حظى انا...ما انت...لانو الله ما قسم لى انستر معاك...
ياربى بعد دة بقدر...ولا خلاص قفلتو ابواب السماح...
لك عذرى وانشغالى والتحية
|
Post: #57
Title: Re: لعبة المحار... والليل والنسور
Author: الجندرية
Date: 11-10-2003, 02:04 PM
Parent: #1
يا فاضلابي
قوم عليها وحبها
انا بحرضك بكل ما أملك من ما اورثني له نصوصها من ضياء ومحبة
انا اعلنت عليها الحب من زماااااااان
ورسلت ليها ماسنجر سميته ريدة ساااااااااااااااااي
وهل نملك سوى ان نحبها وان نبادلها محبة ما تحب من جمال الكون دا
شفتها كتابة كيف ؟
ما بتذكرها كممثلة كويس
لكن كتابة كتابة
واقرى دي
عشان تامن وما تهدد بالحب ساي .. اقرأ عشان تلقى نفسك غارق في بحره
كل شىء حى ...... زوجات بنصف عطر
|
Post: #58
Title: Re: لعبة المحار... والليل والنسور
Author: إيمان أحمد
Date: 11-10-2003, 11:19 PM
Parent: #57
تماضر!
اسمحي لي بالصمت!
إيمان
|
Post: #59
Title: Re: لعبة المحار... والليل والنسور
Author: Tumadir
Date: 12-08-2003, 05:36 PM
Parent: #58
Thanks Ieman
|
|