تمنطاشر ياناير..غنية عشان العشاق

قلت لاصدقائى فى بوست: احب تماضر
ما انشره هنا بتصرف
___________


الليلة يوم تمنطاشر يناير

عندنا ناس اهم منى

الاتنين عشاق
و
دايرين الحب

وذكراهم اعطر منى



عندنا فنان اخضر

عطر كل الفسحة ..بلحن شجى

وما بنقدر الا نحبو

و
مواقفو
وتكريسوالفايض لجمال الناس والدنيا ..والثورة
كان داير يشحن كل قلوب الناس بالحب

ويخليهم يقيفوا على رجلين الهمة .

.ويمشوا بدون توقف.

.لافق جميل.

.وبعيد ومضىء.
لكن ما قدر يواصل..
جدعناه. واهملناه .بين الاوراق الرسمية والاجراءات ..والغفلة ...

غفلنا ..ومات

قطع قلب الناس..وغناه داك ما وقف النبرة الحزينة ...ولا وقف

من يومو الغفلنا وفات..
.*********


والعاشق التانى مفكر ..ورسول لحرية الفكر

ادى رسالة ولسع كان مشغول بيوصل فى رسالته

وشم الطاغوت ريحة الحرية بتطلع من جيهاته

واتهيج ..وغار ..وارغى وازبد زى تور..فى حلبة

قرر يوقف ريحة الفكرة الهبت من جيهات الزول ده..

راح حشد الكذابين والجهلة ..والمغبونين ..من افقه الواسع ..ومن رؤياه النافذه

راح حاشد اعلام ..ومشاعر الناس ضدو..

وحشد المهووسين ..دينيا والمهووسيين ذهنييا ..نفسيا ..

حشد الجيش والناس..والمقصلة والجلاد..

وجا العاشق

وجهه العاشق ..ما فيه عضلة ارتجفت

جا العاشق قلبو العاشق ما كان برجف
وجا العاشق ..

طلع السلم .

.فى تؤده ..

وقار وسكينة
زى الماشى يصلى ..طلع واتوجه جيهة ضوء الرب ما بيشرق

وطمن ناسو الكانو يوحدو..ويبكو فى نفس الآن

واتزلزل عرش الجلاد فى لحظة

.وفى ناس كانوا بشوفوه شوف العين انه الجلاد هو المشنوق..والعاشق هو الشانقو وبيضحك..

العاشق صعدت روحو..
والجلاد بقى هو المتهاوى ..والتاريخ الكاتب اسمو هو الجثه المجدوعه ..فى صحراء التيه..

من اعلى علا..
اسم الجلاد راح متهاوى ..ومجدوع فى صحراء ما معروفة

واسم العاشق ..اصبح شجرة ..

مغروسة فى قلب التاريخ

وفى قلب الناس ..صفقة

فى كل قلب..اخضر صفقة..

لاحظوا الشجرة ..دى كبرت كيف..

جذع فى اخصب حته من التاريخ..وصفقه ..فى كل قلب..

عبر الاجيال الصفقه بتورث..للاجيال صفقة..

اخضر واخضر..


خلونا الليلة نغنى عشان العشاق..

احب تماضر

إزيك يا تماضر

تعرفى

الإتنين ديل بتشابهو فى حاجات كتيرة وكلها سمحه

كل واحد فيهم إسمه يبدا ب "الميم"
وإسم كل واحد "صفة سنية" جدا وعالية

والأشياء العملوها لينا، من يوم ميلادهم الأولانى لحدى يوم الميلاد التانى
أشياء ما بقدر زول عادى يسويها

لذا

فإننا نحبهم
مره واحد، بس ماكنه

أما عنكٍ إنت

فإنا نحبك "تلاته حُبات"
الجمع ده كده صاح

حبين "بتاعات رابعة العدوية"

والتالت بتاعك براك

ولا عدمناك

بالله كان لاقيتى المقداد سلمى عليهو وقولى ليهو مشتاقون

هشام هنا مره مره قاعد يساعدنا فى التقليل من حر الشوق

الاصدقاء الاوفياء كالؤلؤ والاحجار الكريمة...نحبهم حتي ولو كنا لا نمتلكهم

تحياتي للاخت تماضر ...وانسياب المعاني

هكـذا يكون نقـاء معدن بنات بلادى..

الصـورة عندك واضحـة يا تماضـر.. لم تطمسهـا اوراق بنكنوت ولا كراسى سلطـة.

شهقتي المعروفة يا تماضر بت علوية..

أشهد ألا إله إلا الله، وأشهد ان محمدا رسول الله.. كما تقول أمي دائما..

يا بت بلدي يا بت سوداني!
يا بت بلدي..

إلهام تدندن بالقرب مني بعد قراءة كلماتك وتهديك السلام..


ولك التحايا النواضر..

والسلام لروح كل شهيد.. نذكر اليوم جميع الشهداء!!

وإليك يا مصطفى يا من أهديتنا:
في الأسى ضاعت سنيني
فإذا متّ اذكريني

Quote: قلت لاصدقائى فى بوست: احب تماضر ما انشره هنا بتصرف ___________ الليلة يوم تمنطاشر يناير عندنا ناس اهم منى الاتنين عشاق و دايرين الحب وذكراهم اعطر منى عندنا فنان اخضر عطر كل الفسحة ..بلحن شجى وما بنقدر الا نحبو و مواقفو وتكريسوالفايض لجمال الناس والدنيا ..والثورة كان داير يشحن كل قلوب الناس بالحب ويخليهم يقيفوا على رجلين الهمة . .ويمشوا بدون توقف. .لافق جميل. .وبعيد ومضىء. لكن ما قدر يواصل.. جدعناه. واهملناه .بين الاوراق الرسمية والاجراءات ..والغفلة ... غفلنا ..ومات قطع قلب الناس..وغناه داك ما وقف النبرة الحزينة ...ولا وقف من يومو الغفلنا وفات.. .********* والعاشق التانى مفكر ..ورسول لحرية الفكر ادى رسالة ولسع كان مشغول بيوصل فى رسالته وشم الطاغوت ريحة الحرية بتطلع من جيهاته واتهيج ..وغار ..وارغى وازبد زى تور..فى حلبة قرر يوقف ريحة الفكرة الهبت من جيهات الزول ده.. راح حشد الكذابين والجهلة ..والمغبونين ..من افقه الواسع ..ومن رؤياه النافذه راح حاشد اعلام ..ومشاعر الناس ضدو.. وحشد المهووسين ..دينيا والمهووسيين ذهنييا ..نفسيا .. حشد الجيش والناس..والمقصلة والجلاد.. وجا العاشق وجهه العاشق ..ما فيه عضلة ارتجفت جا العاشق قلبو العاشق ما كان برجف وجا العاشق .. طلع السلم . .فى تؤده .. وقار وسكينة زى الماشى يصلى ..طلع واتوجه جيهة ضوء الرب ما بيشرق وطمن ناسو الكانو يوحدو..ويبكو فى نفس الآن واتزلزل عرش الجلاد فى لحظة .وفى ناس كانوا بشوفوه شوف العين انه الجلاد هو المشنوق..والعاشق هو الشانقو وبيضحك.. العاشق صعدت روحو.. والجلاد بقى هو المتهاوى ..والتاريخ الكاتب اسمو هو الجثه المجدوعه ..فى صحراء التيه.. من اعلى علا.. اسم الجلاد راح متهاوى ..ومجدوع فى صحراء ما معروفة واسم العاشق ..اصبح شجرة .. مغروسة فى قلب التاريخ وفى قلب الناس ..صفقة فى كل قلب..اخضر صفقة.. لاحظوا الشجرة ..دى كبرت كيف.. جذع فى اخصب حته من التاريخ..وصفقه ..فى كل قلب.. عبر الاجيال الصفقه بتورث..للاجيال صفقة.. اخضر واخضر.. خلونا الليلة نغنى عشان العشاق..

http://sohari.com/nawader_t/others/dubi5i-baqarah.ra

والعاشق التانى مفكر ..ورسول لحرية الفكر

ادى رسالة ولسع كان مشغول بيوصل فى رسالته

وشم الطاغوت ريحة الحرية بتطلع من جيهاته

واتهيج ..وغار ..وارغى وازبد زى تور..فى حلبة

قرر يوقف ريحة الفكرة الهبت من جيهات الزول ده..

راح حشد الكذابين والجهلة ..والمغبونين ..من افقه الواسع ..ومن رؤياه النافذه

راح حاشد اعلام ..ومشاعر الناس ضدو..

وحشد المهووسين ..دينيا والمهووسيين ذهنييا ..نفسيا ..

حشد الجيش والناس..والمقصلة والجلاد..

وجا العاشق

وجهه العاشق ..ما فيه عضلة ارتجفت

جا العاشق قلبو العاشق ما كان برجف
وجا العاشق ..

طلع السلم .

.فى تؤده ..

وقار وسكينة
زى الماشى يصلى ..طلع واتوجه جيهة ضوء الرب ما بيشرق

وطمن ناسو الكانو يوحدو..ويبكو فى نفس الآن

واتزلزل عرش الجلاد فى لحظة

.وفى ناس كانوا بشوفوه شوف العين انه الجلاد هو المشنوق..والعاشق هو الشانقو وبيضحك..

العاشق صعدت روحو..
والجلاد بقى هو المتهاوى ..والتاريخ الكاتب اسمو هو الجثه المجدوعه ..فى صحراء التيه..

من اعلى علا..
اسم الجلاد راح متهاوى ..ومجدوع فى صحراء ما معروفة

واسم العاشق ..اصبح شجرة ..

مغروسة فى قلب التاريخ

وفى قلب الناس ..صفقة

فى كل قلب..اخضر صفقة..

لاحظوا الشجرة ..دى كبرت كيف..

جذع فى اخصب حته من التاريخ..وصفقه ..فى كل قلب..

عبر الاجيال الصفقه بتورث..للاجيال صفقة..

اخضر واخضر..


خلونا الليلة نغنى عشان العشاق..

وشم الطاغوت ريحة الحرية بتطلع من جيهاته

واتهيج ..وغار ..وارغى وازبد زى تور..فى حلبة

قرر يوقف ريحة الفكرة الهبت من جيهات الزول ده..

راح حشد الكذابين والجهلة ..والمغبونين ..من افقه الواسع ..ومن رؤياه النافذه

راح حاشد اعلام ..ومشاعر الناس ضدو..

وحشد المهووسين ..دينيا والمهووسيين ذهنييا ..نفسيا ..

حشد الجيش والناس..والمقصلة والجلاد..

منهم المؤمنون حقا

راح حشد الكذابين والجهلة ..والمغبونين ..من افقه الواسع ..ومن رؤياه النافذه

راح حاشد اعلام ..ومشاعر الناس ضدو..

وحشد المهووسين ..دينيا والمهووسيين ذهنييا ..نفسيا ..

حشد الجيش والناس..والمقصلة والجلاد..

http://sohari.com/nawader_t/others/mu7isny-a3raf.ram

عادل
دبايوا
ماذا عن الكذابين الذين ايدوا النميرى؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حشد الجيش والناس..والمقصلة والجلاد..

وجا العاشق

وجهه العاشق ..ما فيه عضلة ارتجفت

جا العاشق قلبو العاشق ما كان برجف
وجا العاشق ..

طلع السلم .

.فى تؤده ..

وقار وسكينة
زى الماشى يصلى ..طلع واتوجه جيهة ضوء الرب ما بيشرق

وطمن ناسو الكانو يوحدو..ويبكو فى نفس الآن

واتزلزل عرش الجلاد فى لحظة

Quote: مرتد بأقواله وأفعاله في يومية التحري التي أقر بها أمام المحكمة وأقواله المدونة المعروفة لدى الناس عامة وأفعاله الكفرية الظاهرة فهو تارك للصلاة لا يركع ولا يسجد .. إلخ )) .. ثم إستشهدت المحكمة بحكم محكمة الإستئناف الشرعية بالخرطوم الذي صدر في عام 1968 بإعلان ردة محمود محمد طه

فهل كانت هذه المحكمة فى العام68 التى افتت بردة محمود كانت عسكرية ..............

تماضر النقاء

يا بعض ما اضعنا و مصطفي

فخر جيلي و مرواد مآقيه

دمت رمزا للوفاء















فتاح يا عليم رزاق يا كريم صلى على عجل همهم همهمة
حصن للعباد وهوزز سبحتو ودنقر للتراب هم فوق هم همـة
صنقع للسما
وكان فى الجو فى غيم وكم نجمات بعاد وكان الدنيا صيف
لا قالتو كيف ...كيف اصبحت كيف
لا لمسة حنان لا لمسة وداد لا رمشة طريف
من قلبا وفى زى ايام زمان
ايام الدفى
كانت ماهـا
فى كانت فى المراح شدتـلـو الحمار تحلب فى الغنم
لى شاى الصباح والطير ما نضم ما رسل نغم
عم عبد الرحيم
اتوكل نزل فى المشرع لقا زملان الشقا
الجا من الجريف الجا من الجبل عل الناس بخير
صبح هاظرم نقنق ناقرم غاظوه نعل
وعم عبد الرحيم ما بخبر زعل
كل الناس هنا ما بتخبر زعل
تزعل من منو وتزعل فى شنو
كل الناس حنان كل الناس صحاب كل الناس اهل
والماهم قراب قربم العمل
الطاق اليطق عشت ابو الزمل
بالحالة العليك بالفال بالامل

عم عبد الرحيم
كت فلاح فى يوم فى ايدك تنوم على كيفك تقوم
لا دفتر حضور لا حصة فطور تقرع بالقمر تزرع بالنجوم
لكن الزمن دوار آ بدوم
عم عبد الرحيم
ماشى على الشغل فى البال القديم اتعارض تكل
تنشايح جراح .. يا كيف الغسل ؟
الدنيا ام صلاح تبدأ من التكل
من حج الصباح فى حق الملاح
فى اللبس الجديد فى القسط القديم
وبيناتن عشم ......فى الفرج البعيد

امونة الصباح قالتلو النعال والطرقة انهرن
ما قالتلو جيب ما قالتلو جيب شيلن يا الحبيب
غشهن النقلتى والترزى القريب
بس يا ام الحسن
طقهن آبفيد !! طقهن آبزيد !! انطقن زمن
وان طق الزمن لازمك توب جديد وبى اية تمن
غصبًا للظروف والحال الحرن
شان يا ام الرحوم ما تنكسفى يوم لو جاراتنا جن
مارقات لى صفاح او بيريك نجاح ده الواجب اذن
وايه الدنيا غير لمة ناس فى خير او ساعة حزن

عم عبد الرحيم.. يا حر . . ماكا حر
ياريت التمر يا ريت لو يشيل كل تلات اشهر
والله ايام زمان كانت ما تمر
كان ما جاك هوان ما لاقاكى ضر
كان لا ضقت ضيق لا اتغرغر فقر
لا شابيت غريق لا طلوح صبر
وكان ما كان وكان كان اكسيكى در

حيكومات تجى وحيكومات تغور
تحكم بالحجى بالدجل الكجور
ومرة العسكرى كسار الجبور
يوم باسم النبى تحكمك القبور
تعرف يا صبى مرة تلف تدور
ولا تقول برى او تحرق بخور
هم يا الفنجرى يا الجرف الصبور
كل السقتو ما باقى على التمور
وارضك راقدة بور
لا تيراب وصل لا بابور يدور
والماهية اف ... عيشة هاك وكف
فى هذا الزمن تف يادنيا تف
فى هذ الزمن
تف يا دنيا تف
يا العبد الشقى ما اتعود شكى
لكن الكفاف فوقك منتكى
والسوق فيك ياسوق حالا ما تسر
الا كمان فى ناس فايتاك بالصبر
ساكنين بالايجار لا طين لا تمر
واحدين بالايجار ما لا قين جحر
سلعتم الضراع والعرق اليخر
عمال المدن كلات الموانى الغبش التعانى
بحارة السفن حشاشة القصوب لقاطة القطن
الجالب الحبال الفطن الفرن
الشغلانتو نار والجو كيف سخن
فرقاً شتى بين ناس عيشا دين مجرورة وتجر
تقدح بالاجر ومرة بلا اجر
عيشهم كمهو ديل شوف كمهم
وديل شوف هان قدر

وناسا حالا زين مصنع مصنعين طين فى طينو وين ؟
ما مرابو مر بارد همها
لا بعرق جبين لا وشا يصر
عين والله عين كلها كمها عزها هان قدر
دى الجنة ام نعيم الجنة ام قصر
يا عبد الرحيم الا ورا القبر

يلكد فى الحمار لا تسرح كتر
وان كان الفقر
يا عبد الرحيم اشبه بالكفر

حكومات تجى وحكومات تغور
تحكم بالحجى بالدجل الكجور
ومرة العسكرى كسار الجبور
يوم باسم النبى تحكمك القبور
تعرف يا صبى مرة تلف تدور
ولا تقول برى او تحرق بخور
هم يا الفنجرى يا الجرف الصبور
كل السقتو ما باقى على التمور
وارضك راقدة بور
لا تيراب وصل لا بابور يدور

نقرط للحمار نقريط الحمار لا تنسى النعال
الطرقة ، الخدار
اللبس الجديد تسريح السفر
للماشى الصعيد ماشى الديش نفر
والبــال اشتغل ...والبال اشتعل
ب الابا مايعيد الحول ما اشتغل
الغبن الشديد السابة ورحل
الضيق المحل الفرج القريب ... الجا وما وصل
زى الحال دة يوم لا كان لا حصل
والبال اشتغـل

السكة الحديد يا عم القطر
يا عبد الرحيم
قدامك قطر
وسال الدم مطر وطارت دمعتين
وانشايح وتر يا طاحن الخبر
ما بين القضا ومرحاكة القدر
الشهدو الدموم و الدمع الهدر
ايدهم فى التراب والعين فى القطر
عارفين الحصل عارفين فى حذر
الخبر اليقين بوخ وانتشر
اطفال القرى وعمال الحضر
ادوهو الطيور ودنو البحر
انصاع السحاب وادفق مطر
عم عبد الرحيم ... فى الشارع عصر
لى تالا اليسار متفادى الكجر
عربية الكجر دورية الكجر
جفلت الحمار وطوح زى حجر
وعم عبد الرحيم ,,,, اتلافا القطر
فتاح يا عليم سال الدم مطر
جرتق بالتراب منشور بكتاب
روشتة وجواب ماهية شهر
مفتاحا قراب اورنيقين سهر
جم لبدة حمار مقطوعين ضهر
عم عبد الرحيم يا كم من بشر
عم عبد الرحيم يا كم من بشر
صحى الموت سلام ما يغشاك شر
صح فى الموت سلام
ما يغشاك شر

ابو ذر ولك منى محبة الصوفى ..
اشكرك شكرا كثيرا على مودتك الجميلة ..وياريتنى ابقى قدرها..

عادل امين .."ما مشحوده" على التاريخ

ابو الريش: بنكنوت شنو يا خوى ؟

بمناسبة البنكنوت هاك المقطع ده: من كتاب المسرح فى "الوطن" العربى ..لمؤلفه دكتور على الراعى:

" يقول الاستاذ بدر الدين حسن على أن تاريخ المسرح السودلنى يبدأ فى عام 1902 حسث كتب عبد القادر مختار اول مسرحية سودانية هى نكتوت، ومعناها المال وتدور حوادثها بين صاحبة خمارة شعبيه وتلميذ وتاجر، وكاتب المقال يستند فى هذا التاريخ الى ما ورد فى كتاب "حياتى" _ الجزء الثانى للاستاذ بابكر بدرى، من اشارة الى المسرحية بوصفها او نتاج سودانى، وما حدث بعد ذلك من تأييد لهذه الحقيقة تقدم به الاستاذ ابراهيم العبادى حين ذكر المسرحية ووضفها بأنها تعكس بصدق صورة من من صور المجتمع السودانى فى ذلك التاريخ، ثم يضيف انه _مع هذا_ قد امتعض لظهور هذه المسرحية بقلم كاتب "اجنبى" ، هو الاستاذ عبد القادر مختار / مامور القطيبنة"، وذلك لان موضوع المسرحية لمس وترا حساسا يمس خصوصيات الشعب السودانى"

تصور الكاتب الاجنبى ، هو مامور القطينة

والشعب السودانى ...طواااااااالى ..متحسس ..ووترو الحساس ده ملموس..

والشعب السودانى بالحسابات دى ..هم ناس الخرطوم ..

شفت قصة فكر المركز والهامش .. والحساسية التى لا منبت لها الا العرقية ..دى اضرت بالشعب السودانى ده كيف..؟؟ من تاريخا ما الليلة..ولى بكرة؟؟

لكل المتداخلين

قولو كلامكم ..

الدنيا دى ماااااشة وما واقفالها لى زول

والتاريخ هو بس البيحكم ..علينا ويحاكمنا

ياسر الشريف

تحياتى لك ولالهام

وكل يناير وذكرى الاستاذ مخضرة ..

عادل عثمان ..شكرا لاستنطاق القطعة المكتوبة ..والصور ..شكرا كثيرا ..هذا "شغل نضيف" كما يقول اهلنا فى الفن...

هاشم نوريت..

اعجبتنى التلاو ة ...شكرا على انزال التسجيلات ..

ابراهيم عدلان

ولك مثل ما كان فى قلب مصطفى من غناء لهذا الوطن

تيمنا بمقولة عبد الحميد البرنس.."ولك مثل مافى قلب امى لى من دعاء"

وجدتها ترن فى خاطرى ..

على الرغم من انى زعلانه منهم كلهم وهم يفرجوا فينا الشامتين ..

"وجه باكى.."

عادل عثمان وإبراهيم عدلان

ويا عادل استنطقت الصور كما قالت تماضر..

ما يغشاكم شر، يا رب يا كريم..

ويا تماضر: الشامت صاحب مشكلة فلنتركه ، والنار تأكل بعضها إن لم تجد ما تأكله.. قطعا لن يستطيع الشامت أن يوقف هذه العجلة.. قصارى ما يفعله الثور الذي ينطح الصخرة أن يكسر قرنه.. ليت الثور الهائج يسمع أصوات المشفقين عليه..
كناطح صخرة يوما ليوهنها * فلم يضرها وأوهى قرنه الوعل

واسمحوا لي بالإضافة..

Quote: سلام للجميع الكاتب الصحفي مسعد حجازي من المعجبين بالأستاذ محمود، وهو كندي مصري يقيم في كندا.. ومن المطلعين على موقع الفكرة، وقد اشترك في منبر الفكرة الحر "القديم" قبل أن يتعرض للتدمير والإغلاق.... في يوم 17 يناير، أعاد نشر مقاله الذي سبق أن نشره في عديد الصحف الإلكترونية.. بالضغط هنا وأعاد نشرها في هذا الموقع بتاريخ 18 يناير 2006 بالضغط هنا مركز الاستاذ محمود الذي تم تدشينه يوم الأربعاء 18 يناير يمكن زيارته هنا: http://alustadhcenter.org/ والصورة أدناه هي تصدير منبر "السودان للجميع".. ياسر

تعرفى يا تماضر

الجميل فى البوست ده إنك حاولت تحويل تحوبل ما طوّق عنقك من محبة كل الناس عشان تلبسيه لناس إنتى يتعتبرى إنهم أحق منك بالمحبه ... و إنتى بعملك ده بتثبتى مرة تانية إنو الناس ديل ما كانوا غلطانين لما حبوك....

ديل ناس عارفين قدرك با بت شيخ الدين .... و لا تجتمع قلوب كل هؤلاء الناس على شئ غير صادق ...
جمال تفاصيل روحك تسلل إليهم و سكنهم....
ياويلك من حبهم.......

عمر

وشم الطاغوت ريحة الحرية بتطلع من جيهاته



وشوفى البسمه.... ياتماضر
الفيها
ملامحنا
بساطتنا
طيبتنا
وأشواقنا لى حبايبنا ...وللأهل

مايقتل زول زى ده إلا غريب حقا ومهوس..

ومنتهى من ناحية إنسان


وقد كان

مــصــطــفــى




عينيك حس أطفال بنادوا القمره للغايب يعود
جبينك ألضواى حجى ألحبوبه فى الزمن السعيد
ياقمرا
أقلبى ألسنسنه"..ألحمرا
شوفي ليه ماجا
وأنا فى قساوة ألموحش
ألزمن المكهرب بالحريق
أنا حيلتى أيه قوليلى ياقمر ألزمان
غير أتكى وأحلم معاك
وأحضن أماسى الصحو واالأمل البريق
أنا حيلتى أيه
قوليلى ياقمر ألزمان

إزيك يا تماضر

يلا نغني
ونهتف بالكلمات
التبني بلدنا
وتقتل نار الظلم
الفينا موقده






معاك بنغني تماضر الجميله
ودي واحترامي