تم اعتمادنا رسميا...

بحمد الله تم اعتماد فرقة عرائس النيل رسميا ..فرقة للفنون الشعبية بمنطقة ماشتتوستس..

وذلك بالمجلس الثقافى للولاية ..

هذا وقد قامت الباحثة والمؤرخة "كيت" بالتفضل بالحضور الى منزلى "الكائن" ..وقد دامت عملية التوثيق ساعتين من الزمان.


وقد اجرى الراديو مع "شخصى الضعيف وبقى سمين اليومين ديل" ساعه على الهواء للتعريف به وبالفرقة ..على محطة 103.3 أف أم..استمع لهذا اللقاء المستمعين بنيوانجلند ..

واليوم وبعد 3 ساعات ..ستتوجه محطة WGBY بكاميراتها وطاقهما الى منزلنا "الكائن" ده زاتو ..لاجراء لقاء مع شخصى "الكان ضعيف وبقى سمين اليومين ديل" وسيدوم اللقاء لمدة تتراوح بين 4 الى 6 ساعات.. "طبعا اللقاء فى التلفزيون ما حيكون اكتر من عشره دقايق" ياجماعة انتو كمان ما تبالغوا.

المهم ازف اليكم هذه الاخبار ..وارسل معاها قبلاتى الحارة الى وطنى الجميل والذى باسم حبه سترنقى درجة واحده الى اعلى ..والعين ما بتعلى على الحاجب.

على الاهل والاصدقاء عدم الاتصال فى هذا الزمن المذكور "فلن نشتغل بكم" مهما عملتو وسنضرب منكم طناشا شديدا ..ولو مصرين اعملوا مس كول.

اما الحاسدين فما عليهم الا دوس الابنص والكسح ...الى اتجاه الشتات.. مع اننا نحب لهم الخير "برضو"

...


اعزائى الكرام ولا انسى ان اشيد بكم جميعا للانتباه الى النداء الخاص بالفاضلة نازك محجوب وهى تمر بمحنة المرض ..والاحتياج المادى من اجل العلاج.، وحاشاكم الفسالة.

عموما بعد ان نخلص من هذا الحدث العجيب..الملخبطللكيان ..سأعود لا تفق معكم على موضوع نازك ..وحالتها الصحية واحتياجاتها المادية العاجلة ..فأرجو ان تضعوها فى البال..

واحبكم جميعا ..

"لكننى ما فاضية ليكم" كما ذكرت آنفا .." ودى جاية طبعا من انف"

ولكم حبى الكبير.. فأنتم دائما فى المخيلة........

نازك محجوب عثمان ... نتائج مطمئنة بعد أول مقابلة مع الطبيب ..

نازك محجوب عثمان نجمة شاهقه فى سماواتنا

مـبروك ياطـمطـم وتستاهـلوا اعـتراف في اي حـتة تانية كمـان..

الفـرقـة رائعة ومحـترفـة في أدائها وجميلة للغاية في كـل أدائها.... ربنـا يخليكـي يافنانة يا 'فـرحـانة' ويخلي شـباب الفرقـة ومعاهم ماجـدة ومحمـد القاضـي والموسيقيين..

ولا يفـوتني مـن باب 'الغتاتة' الا ان اعلمـك بوصـول طـائرتي الي منطـقتكم في نفس مـواعيـد التسجـيل...طـيب هاتقـدري تجـي تاخـديني مـن المطـار كيف?

وحـتي لـو فـرضـنا انك رسـلتي زول..لمـا أصـل بيتكم بشـنطـي الكـتيرة دي ماهاضـايقـك سـاعة التسـجيل?

قـلتي ماهاضـايقك?

شـكرا حـبيبتي ده برضـو كـان عشـمي...

في مشـروع ليه سـنين شـغال هنا في لنـدن عـن الموسيقي والفـن في دول الشـتات..وهـو مهرجـان سـنوي ينظـم دائما في الصـيف ولعــدة ايـام..
سـأحـاول ان ارسـل لكي عنـوانهم فقـد رأيت فرقـاتقريبا مـن كـل العالم الا السـودان,,

مـع حـبي..

مـني

تماضر ..

ازيك ومشتاقين والله

مبروك الاعتماد..



وتمنياتى للاخت نازك بعاجل الشفاء




تخريمه

القناه المزكورة بنلقاها فى الديجتال ولا مشفرة

الف الف مبروك الأستاذة تماضر وربنا يوفقك في تمثيل الوطن خير تمثيل

ما دام حتضربي طناش من المكالمات خلاص اكتبي أسمي في ورقة وخليها معاكي طيلة فترة اللقاء حتى أشعر بأني معك

الف تحية وتحية

نجود ...

شكرا ليك

مع انه الطناش مفروض يبدا بعد 10 دقايق

لكن المحطة " مصنفرة"

هادى ليها

http://www.wgby.org/

ما تمشى تكوسينى الليلة ..الليلة التسجيل ..صاح؟؟

على عثمان البروف

الله يبارك فيك "الف مرة"

انت بس قول ليهم "تماضر" ..وهم بيعرفوا ....


تحياتى المنهمرة.......

الأخت العزيزة تماضر شيخ الدين

تحياتي

حقيقة أسعد كثيرا لنجاح أي سوداني أو سودانية في دول الإغتراب .. فالنجاح هناك يمر بين شعاب كثيرة .. أقلها طعم الغربة الذي يحيل كل شيء إلى نوع من التقهقر النفسي ..

أبعث إليك بالتهاني القلبية الحارة لهذا الإنجاز السوداني الكبير .. و نعرف تماماً أنه نقطة في محيط القادم بحول الله.

Quote: على الاهل والاصدقاء عدم الاتصال فى هذا الزمن المذكور "فلن نشتغل بكم" مهما عملتو وسنضرب منكم طناشا شديدا ..ولو مصرين اعملوا مس كول.

إعتبري مداخلتي دي ( كول ) كبير لأنو تلفونك ما عندي .. و الغريبة كنت بتكلم مع الأخ هشام قبل شوية قبل قراءة هذا البوست ..

أرقدي عافية

تماضر
تحياتي والأماني
طنشينا زي ما عايزة ، وننتظر النتائج الحلوة ، والارتقاء المتواصل ...

مبروك .. خبر منعش..

وكلو من أجل الوطن .

Quote: ماشتتوستس

ليه كده بس ؟


بت بلدي

النخلة

تماضر


تستاهلي كل خير...ونشوفك دايما ناجحة

مبروك ليك وللاسرة.

الاستاذة /تماضر

لك التحية والتقدير

نثمن عاليا مجهوداتك ووقوفك خلف هذه الفرقة حتى رأت النور وهذا ديدنك منذ ان

عرفناك ونحن في سنيننا الاولى داخل تلك (الحيشان) التلاتة , الاذاعة والتلفزيون والمسرح

نتمنى لك مزيدا من التقدم ... والى الامام سر

مبروك لينا و ليك

الطناش سلاح سنقاومه بالكتابة بالفحم علي باب منزلكم ( الكائن) حضرنا و لم نجدكم ووجدنا كرنفالات الابداع ترعا و انهارا

مزيدا من الرفعة

مبروك....مبروك...ومبروك


الاولي للوطن..السودان

والثانية للفن والابداع...واعضاء الفرقة

والثالثة ليكي اتي..ياتماضر...

ألف مبروك. والتحية لكل من معك.

العوض الطيب

التهنئة لشخصِك السمين بالإبداع
ولفرقة عرائيس النيل
ونتمنى أن نشاهد إبداعاتها على ضفاف
النيل.

كم انا تواق لمشاهدة هذا اللقاء فهل يتكرم لنا احد ويحدد لنا زمن البث وتردد القناة ..
بتكيف شديد لمن ممثل سوداني يعملوا معاهو لقاء في التلفزيون لييييييي ما عارف ..
والعجب لمن يكون بي التنجليزي ...
مباااااااااااااااااااااااااااااالغة ..
اهاهاهاهاهاها Yes .. اهاهاهاهاها No ... أهاهاهاهاهاها Yes ...
مرحباً بالسودان في الشاشات العالمية ولمدة عشر دقائق بكل تأكيد ستكون كافية حتى يتعرف علينا القاصي والداني ستعرفون في هذه العشر دقائق على فاطنة السمحة الأكلا الغول وشليل وين راح اكلو التمساح والفات وفات وفي إيدينو سبعة لفات وسيلعب الأطفال في امريكيا أم بعيرة والحجلة وحبوبتك وينا ويا حرامي مين نطاك ..
سيشاهد العالم ولمدة عشر دقائق اخيراً السكج بكج والحلو مانجلو وواحد لي أضرب لي...
وليت العالم يشاهد في هذه العشر دقائق الكرعين الممسحة بي زيت السمسم والغبشة فيهم من دافوري الصباح وليت التلفزيون الأمريكي في هذه العشر دقائق يشاهد فرحة طفلة بي عروسة المولد وفنجطة شافع إشترى ليهو حصان وحلاوة جوز هند ..
وليت العالم يشاهد في هذه العشر دقائق دسوسية وسكسك والكمبلت ...
وخوفي كل خوفي أن يتمثل الفن الشعبي لدينا فقط في رقيص العروس ورقصة الكمبلا والرقصة الحلفاوية ورقصة الطمبور..

كل التمنيات بالتوفيق والصعود درجة ..

يا عمر (نصيحة من زول أكبر منك سنا):

خلى ردودك عادية زى باقى الخلق

وياتماضر ، لى قدام

Tumadir


Congrats
I'll be back later today

تماضر العزيزة

الاعتماد مبرووووووووووووك

يا زول يا زول :

Quote: يا عمر (نصيحة من زول أكبر منك سنا): خلى ردودك عادية زى باقى الخلق وياتماضر ، لى قدام

نصيحتك مقبولة وعلي العين والراس وصدقني ردودي عادية جداً وما قصدت منها أي شي ويا زول حقك علينا لو فهمتنا غلط بس شكلك مشحون شوية ...
بالجد بنتمنى ليها التوفيق والكلام الكتبتو فوق ده انا جادي فيهو وعايزين الزولة دي تنقل لينا الكلام الفوق ده لأنو دي ثقافتنا ولو فهمتو أي شي غير كده فده موضوع بيخصكم ..

يا ناس لو عايزننا نخلي ليكم البورد ده كلمونا عشان ما تحرقو دمكم ساي وكان كمان عايزننا نقول الدايرنو إنتو برضو كلمونا ...

لا يا عمر ما قصدى أنك تخلى البورد أو خلافه ، بالطبع ده قرار بيرجع ليك ،

عمر ، الناس دى كلها متابعة ، والناس هنا فاهمة شديد ، ما فى زول منهم عندو قمبور ، صدقنى الذى يحترم الآخرين يجد الإحترام (غصبن عنو) والذى يبغض الناس هم كذلك يبغضوه والذى يحاور الناس بأدب يحاوروه والذى يتعالى على الناس يستصغروه

يا عمر فى الأول والأخير نحن بشر ، ونتعامل ببشريتنا ، أنا شخصيا بحترمك وما عندى معاك مثقال ذرة من بغض أو حزازات ، لكن نصحتك كأخ كبير لما رأيت فى ردك شىء من (التريقة) خصوصا وقد تابعت حملتك الشرسة مع خدر ومحسن وتماضر وكل (التقدميين)

عمر تحياتى ، وما تفهمنى غلط

أخوك هشام ، وبرضو أخو تماضر ، والبوست بتاعها هى ، وهى كفيلة بالرد

شكرا

رغم راي في رقص العروس.. الا احيك على المثابرة

ومبروك ...
ونتمني تنقلي المقابلة هنا....

مرحباً بالسودان في الشاشات العالمية

الأخ هشام يا زول مشكور ...
وصدقني الموضوع ما تريقة وده كل البقولو ليك ...
ولك الخيار..

بت الشيخ ...

دخلنا عشان نسلم .. ونبصم...


لك الود


عبد الرحمن قوى

تسلم يا عمر ، وما عندى خيار غير نحترم بعضنا البعض ولو (إختلفنا)

(راجع بوست إزيك يازول) ، وأهديه ليك

الأستاذة تماضر ..

ألف .. ألف مبروك .. والى الأمام ..

تماضر .. ما أحنا ناس أمريكا برضه .. ما تقولوا عوك .. عوووووك ..

لكن بالمناسبة الولاية اللى انت فيها دى .. مشكلة ..
.. شوفى كم سنة وأنا بأمريكا ولغاية
الآن لا أستطيع نطق اسم الولاية .. يعنى هم ما لقوا غير الاسم الصعب هذا ..
قال ماسيتشوسس ..
أصدقينى القول لا أستطيع نطقها أو حتى كتابتها .. الله يكون فى عونك ..

المهم ألف مبروك ..

عمك العجوز ..
ارنست ..
[email protected]

الأخت تماضــر بت شيـخ الدين،

الف مبروك ومن نجاح لنجاح..
لقـد انتصـرت على أعدائك أعـداء الوطن بإسـلوب الفن.. فلم تغلفيـه فى سلـوفـان التصفيق والأطعمـة المرصـوصـة والضحكات المجلجلـة الكاذبـة.. بل استعملتى ارقى الفنون كسـلاح لمحاربـة الهوس وقوى الظلام دون خـوف أو وجل.. ولم تلتفتى للأقـزام من زبانيـة إبليس، لأنك فى قلب كل سـودانى نظيف مخلص لوطنـه، وهـم دائمـا بالمرصـاد لكل من تسـول له نفسـه خنق فنان أو إغتيال كلمـة.

الشـئ المؤسف أن المؤسسـات الرسميـة تسعـى اليك فى منزلك، حين طردتك من منزلك المؤسسـات الوطنيـة فى بلدك، بل أنهـم يحاولون الكيـد لك هنا أيضـا، فى بلد لم يقيمـوا فيهـا إلا بالكذب والتلفيق.. ولكن لا ضيـر، فإن نجم نحسهـم إلى أفـول.. وهـذا هـو نجـم سعـدك الطالـع يعشـى نوره عيونهـم.

بت الشيخ
مبروك لفرقة عرائس النيل بتماضر والاعتماد من قبل المجلس الثقافى بالولابة
مع الامنيات بمواصلة النجاحات
تحياتى

أيتها الفنانة الوطن
نتابعك بتقديس




وحين لا نصرح لك بذلك فمعناه اننا نحبك اكثر
سيري أيتها الشامخة
فقد رأينا فيك الوطن مجسدا


شمس الدين السنوسي

العزيزة الفنانة تماضر

الف مبروك الاعتماد وان شاء الله دايما في تقدم متضطرد ونجاح دائم

مباريك بالاعجاب وتسلم عرايس النيل..ويسلم النيل الجاري في عروق تماضر.مبروك ودايرين ابعد من كده كمان.محبتي

الغالية تماضر

الف الف مبروك

نجاحك نجاح للوطن وللفن السودانى


فخورين بك حد التباهى ايتها النخلة الشامخة ..

الخضراء تماضر...لك ودي

ألف مبروك ومزيدا من النجاحات إن شاء الله...

مع معزتي

da kalam sha7man ya tumadir
keep it up ya 3arays alniel

يا تماضر
نحن اصلوا اعتمدناك شعبيا ومن زمان خالص والاعتماد الشعبي كما تعلمين لا يفنى


عفيفى

هنئيا تماضر والي مزيد من النجاح والابداع....
كمال

لك التحايا الغاليات
ومزيدا من النجاحات





وكل بنات بلدي

إلى الأمام يا تماضر وعرائس النيل

قديما كانت عروس النيل تفدي شعبها بروحها.. وتلقى في النيل الذي يبتلعها(أو يحتضنها).. ويفيض..

وفي يوم ما.. تفدي عروس النيل شعبها بفن وصبر واحتمال أذى.. ويتلقى النيل منها الأخبار.. ويفيض..

ويا لهذا النيل الذي بذلت عروسه الروح والفن والصبر واحتمال الأذى.. متى يفيض؟

وطيف الحب في واد.. يطالع موعد الإنسان
ويحزم.. عازما سفرا.. ويدخل دونما استئذان

يفيض.. ويعتلي الساحل
يقبّل هذه الشطأن..


(والبذرة مهما يكون.. حا تبقى يوم شجرة..)

ومبروك!

قصي همرور

تماضر

أحلى شيء انو يمثل السودان السودانيون ..

البحبو السودان

وعندهم حب فى قلوبم

والناس بتحبهم ..!!!

تماضر مبروك

ولازم تتكلمي بانجليزي احسن

من بتاع جوليا روبرت

عشان ما يقولو ديل عندهم حروب ومجاعات وارهابين

وحرف(R)

ما اظهر في كلامك لازم تاكليهو

يعني قولي MY NAME IS TAMDU

والراء الاخيرة دي اكليها

تماضر لك التحية

لك التحية من قبل أن يتم
"اعتماد فرقة عرائس النيل رسميا ..فرقة للفنون الشعبية بمنطقة ماشتتوستس"
ومن بعد ودوما..
"فأرفعي راسي وراسك ينتهي عهد المناحات الحزينة"

لك ماتريدي..
ولنا أن نسعد بما تهدينا من نصر

دمتي...فخرا
للمرأة
للمسرح
والوطن


إنعام علي عبدالله

تقول ربنا عايز يكتب لينا ملاقاة مبدعتنا تماضر.. مرحب بيك. ونأمل أن نكون في المستوي

الفنانه تماضر

الوطن الذى تحبينه يبادلك الشعور ،
فهو يحس ... و يدرك ... و يفهم ...
و يتمنى لك التوفيق دوما ،
و نحن كذلك ،

و ننتظر النتائج الباهره إن شاءالله .

Quote: تم اعتمادنا رسمياً

http://www.asmilies.com/smiliespic/msn/054.gif

تماااااااااضر

جابنى الاعتماد على النفس ( شفتى كيف ) .. ياااااااه... جارى جرى الوحوش

ليكم مليون باقة انيقة زى روعتكم ..فى نص الحرف دا .. مشتاقييين شديد وشوق
فيهو كوفارة عديييل كدا ...
اجمل شئ انك وعرائس النيل جبتو تاج كبير ( اكبر من الهم ) وختيتوه فى جبين الناس
الناس الهمها ليكم وللنيل الشرد جواكم ..

ليكم وقفة بحجم الابداع الفيكم ..

مبروك ..

وتانى برضو مشتاقيين

العزيز تماضر
تحايا الورد
تستاهلي يا تماضر ةتستحقي اكثر
شكرا ياالشايلة همها وهم الناس
تمنياتي لنازك بدوام العافية

تحياتي
بعدين تلفونك ما برد ايه ؟

بأى غصن تكتب يا عماد عبد الله ?

بأى غصن تكتب يا عماد عبد الله

وانا كمان بسال باى غصن تكتبين يا بت شيخ الدين وياالمعتمدة من يوم الدين.........???????????????

مبرروك ليكم ومبرووك للسودان

وجه راقي يمثل السودان في بلاد الغربة

تحياتي للأعضاء كلهم

الاخت تماضر
لكى التحية اختنا


اولا الف الف مبروك واتمنى لكى التوفيق والنجاح ...

وانشاء الله الفرقة تاخذ مكانها فى امريكا وتكون احسن فرقة فى امريكا للسودانيين

تسلمى اختنا

السفيرة

أخت الوافر

بت الشيخ


الف مبروك

الفنانه / تماضر
الف الف مبروك الاعتماد..
وتمنياتى للاخت نازك بعاجل الشفاء
ولي قدام قرقة عرايس النيل

نبارك كل خطوة من شأنها ان تغسل لنا احزاننا السرمدية المعشعشة لينا في رؤوسنا التي نخرها فاعل منا .

مبروك مبروك


مبروك كتيييييييييييييييييييييير
وكل الورود مبعوته ليك والفراشات
الفرح

قريبتي العركية تماضر

الف مبروك

ومزيدا من التقدم والاذدهار

وربنا يوفقك

مبرووووووووووووك ايتها الفنانة المبدعة وربنا يقدمكم كمان وكمان

والوصية في الذمة

أرفعي قامة السودان للأعالى وأبرزي الوجه المشرق لمبدعينا وروائعهم.

وإلى الأمام دائما

وشعبيا وأهليا كذلك




الف مبروك والصبر جبر



منصور

تمادير يا بنت النيل
القمر بوبا عليك تقيل
نغني ليك نقول عديل
والله حكم
ياناس النيل
رقيص ونغم
في جوف الليل
ضحك وبسم
لوجه جميل
في ماساتاشوتوش

احبك يا تماضر

واحب فرقة عرائس النيل

واحب رقيص العروس زاتو


وليمت الحاقدون بغيظهم

الف مبروك الأستاذة تماضر وربنا يوفقك في تمثيل الوطن خير تمثيل

..

عمر الفاروق،..
كتب:

Quote: بس شكلك مشحون شوية

أما أنت يا عمر فمشحون كتير، وفَوَّتها التسعة شهور وتسعة يوم، وإنت قاااادل،..
شكلك إنو حقدك وحسدك دا، ناوي تلديهو ديناصور جاهز من مرقتو،...
حباب الحَمَّلك،..

وبرررضك، مواصل في نظريتك، اللهي:
"ناس السعودية تجر منهم واطئ"
عالم تخاف ما بتختشي،..


...

ألف مبروك أستاذة تماضر
ألف مبروك لفرقة عرائس النيل
للأمام و مذيد من النجاحات و الإبداع
و أنتم تحملون إسم بلادنا
نيشاناً فى الصدور....
وربنا يكلل كل مساعى المبدعات/ين بالنجاح
الزاهى؛؛؛؛

المعتمدة تماضر
سلام "كائن" وفخر

نجاحك يخصني شخصياً

Quote: وسيدوم اللقاء لمدة تتراوح بين 4 الى 6 ساعات.. "طبعا اللقاء فى التلفزيون ما حيكون اكتر من عشره دقايق"

وباللنقليزي؟؟؟

لك الود ولعروساتك أجمل تحية

Quote: "ناس السعودية تجر منهم واطئ" عالم تخاف ما بتختشي،..

شديـــــــــــــــــــــــــــــــــــــــــــــــــــــــــــــد..

حارقك وين ؟؟؟؟

مبروك تماضر لهذا الانجاز
الى الأمام..

Dear Tumadir
Congratulation and more success in your life

عارفة يا تماضر

انا عينتك سفيرة للنوايا الحسنة
غصبا عن كوفى عنان

هو انتى أقل من أنجلينا جولى فى حاجة
بل فايتاها بهناك
فايتاها بالعلم والمعرفة
وبالإلتزام بقضايا وطنك المجروح
و كمان بالتهذيب والاخلاق

أيه رايكم فى القرار ده يا جماعة

يعني شنو؟؟
عادي زي الدكوة بالزبادي

داير أنزل عليك أغنية بت بلدي لكن ما قدرت

نزليها بي طريقتك

ألف مبروك وأنت وعروساتك أهل لذلك

تتعلي ما تتدلي يا تماضر الحبيبة... وليس غريباً عليك ان تقدمي النموذج الناجح للمرأة المربية...

كل يوم تهدينا حاجة تفرح...مازلت فرحاً بهذا الاهداء :-

أيها العالم: اهديك ...سارية وسيرين

Quote: وقد اجرى الراديو مع "شخصى الضعيف وبقى سمين اليومين ديل"

...

أريتو حال البنيّات الايام دي ... كلهّن دايت ولا كوامر !

فرحنا باعتمادكم
الف مبروك النجاح.

مبروووووووووووووووووك
يادوب الواحد عرف سبب الطناش

الصاوي

طمطم فنانة الفنانين اذيك

تباريك شديدة للاعتماد

واوصلي سلامي الحار لعرائس النيل ، جملة دون تمييز

منزلنا "الكائن" ده زاتو ...

الاخت اعتماد
ماعندهم خيار .. وإلا كُنا حانطعن طوالي
هذا و
تقبلي تباريكـ ناس سعاد و ام فرحين والبلوله
قالو ليكـ رفعتي راسنا بعد ما المريخ ختا لينا في الوطــة
وقالوا ليكي ..
العاقل ما بوصوهو
لكن
الوصية بالمهلة

لبسي البنيات ديل حجبات
قالوا العين شقت الحجر .. وربنا يحفظكـ و يحفظهم




والسلام ختام
اخوكـ المحطرم صِديق العواليق

الغالية تماضر

الف مبرووك

وتستاهلى كل خير والى الامام

وربنا يوفقك ويديم عليك العافية

نورتى وجه السودان

تحياتى

Congratulation dearest

we are proud of you

be well and safe


with love

تماضر ...

وأنا متأخررررررر ..
و فرحان ليك و عرايسك ..وفرحان لينا كلنا ..
وزي ما قال ( صلاح ) أخوي .. حسي يفرحوا الأمريكان ديل ولا تفرح تماضر ؟؟؟.. منو البيشرف منو ؟ ..

يا زولة يا مدهشة .. في كل شي تهبشيهو ..

تماضر .. نحبك
و ديشليووووووون تهنئة للنيل .. بعرايسو .

مبروك يا عرائس النيل
ومنتظرين زيارتكم لينا

..

عمر الفاروق،..
شنو هو الحرقني؟
ح أعمل فيها برئ، وأفهم ليك إنك قاصد "نجاح تماضر"،..
(تماضر المخرجة/ الممثلة / الكاتبة/ والمسرحية الشاملة)
أها، الحرقو منو؟
شوف ديل قدّامك كم سوداني وسودانية نضيفين، كلهم قالوا "مبروك" "مبروك" وعجبنا ليك، ما عدا أنت يا "زمبار" زمانك،..
غيرك هنا وسط الأمة دي كلها، كدي شوف، الحرقو منو؟

وكان قاصد حرقان تاني، وحارق آخر،
برضو نمشيهو الدرب دا معاك، الما واثق من تكّة سرالو بثق في شنو تاني؟
أنا ما عندي حَرقَان، بل مجرّد آكولة، في طرف بسطونتي المضبّبة دي،..
من مغايصك وشدايدك علي النسوان،
زمنك يا الرخم علي الصقور تتخبَّت
ضكارة القدَّم الماسيات وبقفاهن كَرْبَت
كل ما الآكولة دي تقوم علي بسطونتي، ما عارف لي معاها صيبة غير أحكّها وأقول هـchـا هـchـا، و هـchـا هـchـا، أعضي إيدي، وأرجع تاني أحكّها،..

أنا كتّرت كلام الفروسية معاك، دا صحيح، وبعتذر للسودانيين المعاي في المكان ديل كلّهم، من قلّة أدبي،..
بس شغلتك دي يا عمر، شغلة بتاعة فتونة وبتاعة حنكوش مو عارف يصعلق علي غير النسوان،
وألا قول لي بس البدخلك البوست دا شنو، عشان تكتب كلامك دا،..
تماضر دي بهناك، ما قالت ليك أنا ما داير أتعامل مع زول شايل ضدي كل الحقد دا؟
ما تكون إنت راجل عندك نخوة وكرامة، وتسيب الولية "العجوز" دي في حالها،..

شنو بتكتب "أم بعيرة" وما "أم بعيرة"، وعليك الرسول قدّميها للأمريكان،
لو دايره تقدّمها للأمريكان، الكلام دا ما بيطلّب حضورك –شخصياً- في واشنطن دي سي،... يا أعظم أم بعيرة تعلّقت في دُبُر هذا البورد،..

..

العزيزة تماضر
معليش ما أخرتنا المواصلات لكتن والله أخرنا يوم تمانية مارس وقلنا نحيك فيهو هنا ممثلة لكل نساء السودان والبلد، فالتحية ليك وأن شاء يتواصل الإبداع ويتواصل النضال من أجل وضع افضل للمرأة في السودان وفي العالم.
الصادق

مرحبا

ادخلوها

هذه دارى


وانفضوا وعثاء هذا الحب عند الباب


اغسلوا اقدامكم من مائه الجارى


خذوا قسطا من الاشواق


..قد علقتها فى مشجب الترحاب..

قرب وريدى العارى

عشقا

ملأت لكم شرابا زنجبيلا فى اباريق من الفضة

وخبزت قلبى ..

كعكة للاوفياء

روحى فرشت على الاسرة كى تنام عيونكم

ويقر مقدمكم ..

بدار

..سهوا خلتها دارى

اجلسوا


ستجىء مائدة من الاشجار بعد هنيهة

فاسترخوا على بهو المودة


.مددوا احلامكم فوق الاريكة، اتكئوا..

ودعوا زوراقكم تسرى بأنهارى


اهلا حللتم اصدقائى ...


سهوا خلتها دارى


(محبتى لا تندمل)

ام سارى و سارية

انتى " لها "
و لنا منك الرحيق


بلحيل عجبنا و سرّ بالنا لهذا النجاح المستحق
و اقول المسؤلية الىن بقت كبيرة يا تماضر فانتى تمثلين " و تمتثلين " لوطن تطول له الهامات ... فالمزيد
و المزيد
المزيد ...من النجاحات
و " التألقات "
التى تسر الخاطر
فى زمن اصبح فيه " سر الخاطر " من : المخاطر

10000000 تبريكات

الآتية اسماؤهم الافاضل


... Muna Khugali
نجود حسن عبد الرحمن
aosman
ابو جهينة
ودقاسم
... AMNA MUKHTAR
.. عصام عبد الحفيظ
... garjah
خضر الطيب
... Ibrahim Adlan
عبدالكريم الامين احمد
Elawad Eltayeb
عبد الله عقيد
عمر الفاروق
يازولyazoalيازول
ابوعسل السيد احمد
انعام عبد الحفيظ
...
... bayan
... Dr.Saeed Zakarya Saeed
...
... Giwey
... Sudany Agouz
Abureesh
بلدى يا حبوب
... Shams eldin Alsanosi
... Yassir7anna
محمد بهنس
نادية عثمان
... Sahar Abdelrahman
منعمشوف
... Afifi Mahamed
... kamalabas
... hatim
... Osman M Salih
... Yaho_Zato
معتصم الطاهر
... khaleel
... Inaam Saad
منصوري
مصدق مصطفى حسين
محمد السر
... alfatih
خالد العبيد
... bakri abdalla
القلب النابض
عاصم ابوبكر حامد
... Yassir Tayfour
عمار بيلي
برير اسماعيل يوسف
احمد العربي
... abas
... Ahmed El-Neel
... munswor almophtah
المسافر
... ahmed haneen
عبدالرحمن الحلاوي
محسن خالد
عبدالرحمن عزّاز
بدرالدين شنا
...
... walid taha
... msd
هشام المجمر
... shammashi
ديامي
... AnwarKing
... Hadia Mohamed
... elsawi
... Ibrahim Algrefwi
... Gafar Bashir
خدر
مهيرة
... hala alahmadi
.. Emad Abdulla
ابو مهند

الصادق اسماعيل





وكوستا

كان لوقوفكم بجانبنا ..اجمل الاثر على اللقاء التلفزيونى ..
فقد كنت اختلس النظر اليكم وتفرحنى تعليقاتكم وقد اخبرت المخرجة واسمها ميقان ميرفى ..بالقصة ..وصارت تتابع متابعتى لكم وفرحتى بكم

مما زاد الحلقة بهجا وفرحا وحيوية ...يعنى باختصار كنتو معاى ...

وحياتى يا محسن خالد تخلى عمر الفاروق ..فى حالو..انا لمست من حضورو الى هنا ..نوعا من التقرب والتودد ..او الاعتذار الضمنى ..وأنا عافية ليه لله والرسول..والمسامح كريم ..خلاص انت خليهو .. و"يقع في لسانك العدور الماصليح"

اهو ده هشام شيخ الدين ..برضو اتفاهم معاه..واتسامحوا ..يللا دورك انت يا محسن ....وحياة البيناتنا السمحة دى...

ومنى خوجلى اول زول خلانى اقرقر بالضحك ..وزالت عنى النرفزة بعد قريت مداخلتها...

وكنت دايره اكتب ليها "ماقادرة اضحك عاملة بن بالبيض فى وشى" ههههههههه....عندى قريبتى كده جنها "بن بالبيض" وتقول ليك بسوى الوش ده زى المراية ..يوم جربتو ..ماقادرة اضحك ولا ارمش ..ساعة لغاية ما مشيت غسلتو ..وطرت منه طيرة الريش من الدريش..حاجة تحميك الضحك دى تسوى بيها شنو.."وفى سماحة بعد الضحك" ...المهم دى اسرار مافى داعى الرجال يعرفوها فى يوم المرأة وكدا ..خلوها فى سركم ...

وبعدين كلكم عملتو لى شنو فى موضوع نازك ...
نازك عمليتها مكلفة ولو عملتها حسة والمرض فى بداياتو..نجاحها 100 فى المية ولو اتأخرت ..النتايج محزنة ..ليه ما نلحقها ..؟؟
بجيب ليكم معلومات نازك من بوست فرح...

أعزائى رحبو معى ترحيب فريد لست البنات نازك محجوب عثمان ...ا يدعم صحتها ويقويها

هاهو المرض اللعين يصطاد نازك أخرى دعمكم لعلاج نازك عثمان محجوب نصيره المرأه


وفى يوم المرأة العالمى ايضا .........

ستكون لمسة جميلة منكم جميعا ..

الاستاذة والفنانة المبدعة تماضر شيخ الدين وحوريات النيل

لكم حبنا واعجابنا بانجازاتكم العظيمة لرفعة اسم السودان الواقع تحت احذية "الإنغاز".. انت معتمدة رسميا لدى بلاط المنفيين سفيرة لأحزانهم .. مقرك فى ماساشوستس ولكنك معتمدة رسميا لدى المنفيين فى مهاجرهم ممثلة لآحلامهم بالعودة لوطن فيه بقية منهم.. وطن جميل برغم جراحاته والخدوش التى اصابته من براثن وحوش الظلام.. رغم ابتعادك الجغرافى عن واشنطن فمازلنا نذكر " إندراوة" المنفى الما بتتداوى إلا بالعودة الى الوطن احياء او فى توابيت.. نتمنى لك وللرهط الجميل طول السلامة والابداع المستمر والعودة الى الوطن لإعطاء المنفيين بالداخل جرعات من التماسك الى حين بزوغ شمس السودان الجديد.. انهم يرونها بعيدة .. ونراها قريبة.. انها تختبىء فى دواخل المنفيين لتشرق عما قريب فى الداخل الكبير.. الوطن الواحد.. وطن عرائس النيل.. التهنئة مجددا وانت ترفعين هاماتنا عالية .. كالجبال طولا فى زمن الانكسار.. والإنكشار..
.......
وتحيات اسماء والشباب..

ٍٍٍٍٍِِِِِِِِنورى جليلة (نورالدين منان)

جهودك و مثابرتك و إصرارك علي مواصلــة رســالتك الفنيــة برغـــم ظروف الغربــة و المســئولية الأســرية و العوائق المتعددة و الإحباطات من حين لآخر
هي مكان تقديــر كل من يعرف قيمة و معني الفن
و هي - بجانب مواهبك الكبيرة جداً و المتعددة - الســبب الرئيسي في حب الناس لك و وتشـجيعهم لك

فإلي الأمــام

التهنئه للشعب السوداني فتراجي منه واليه ..

دمتى أيتها الاخت الفاضله المناضله دائما وأبدآ تاجآ على رؤسنا نفتخر بك ونعتز ولك تقديري واحترامي

http://www.kefayh.com

يا بت النيل مبروك وربنا يزيد ويبارك...
وفرحانه بيك كل النجوم ((بس مشكلتك ما مصدقه))

العزيزه تماضر

ده نجاح عظيم وكمان بالانجليزى يا مرسى.

والله فرحنا ليك ويا ريت لو كنت عارف إنو يوم زى ده حايجى......كنت بقيت من أصحابك من زمان.

ولك كل التقدير، اخوك اسامه

تماااااضر



لا ادري لماذا تذكرت هذه الاهزوجة


انحنا تاني ماعندنااا شغل بالليل
انحنا تاني ماعندناااااااا شغل باللييل
انحنا تاني ماعندنااا شغل بالليييييييل


لك التحية

الف مبروك يا تماضر ومزيدا من الابداع

النخلة التي لم تهتز
إلا حينما تريد أن تساقط رطباً جنياً !!!
تعرفي ياتماضر أجمل شيء يعجبني في بوستاتك
إنك بتكتبيها وبتقومي جارية !!!!
وبعد دا كلو الناس تجيك جارية وتكتب ليك
وتتحاور معاك
وتفيض مشاعرهم
وبعضهم يتشاكلوا
وبعضهم يتصالحوا
وبعضهم يتواعدوا
وبعضهم يبدعوا بحرارة
والزينا نحن البسيطين ديل بنتعلم العزف من خلال حروفك
وبعضهم يحنسوك عشان تردي ليهم
لكن كلهم بحبوك
المتفقين معاك بحبوك
والمختلفين معاك بحبوك أكثر من المتفقين معاك !!!
لأنو انتي مشكلتك ما أخت هشام شيخ الدين
إنت أخت لكل السودانيين
وإنت أم في كل بيت
وإنتي المنتظرنك كل أطفال السودان عشان تربتي على أكتافهم
وإنتي المنتظرنك كل أمهات السودان الثكلى عشان تمسحي دموعهم
وإنتي قنبلتنا المسرحية الموقوته
البنفاخر بيها كل العالم
وبنقول ليهم نحن عاوزين ننسف القنبلة المليئة بالانسانية دي
وإنت نخلة لكل ارضنا وأنهارنا وسهولنا وضفافنا وأهدابنا
هسي أخوك أب عمة دا يجي يقول لي بطل غزل
النخل دا فيهو غزل يا جماعة !!!!
قبل يومين عندنا واحد وقع من فوق النخلة وكسر كرعينه الأتنين !!!

******************
أمامك تحويلة :
لكن البيعجبني أكثر مش بوستاتك
بل إنك بتحملي الوطن دائماً بين أجنحتك
وبتحلقي بينا في كل العالم
ومن خلالك بيعرف العالم إننا ناس موهوبين
وما ارهابيين
ولامتشددين
ولا متزمتين
بل 00 مليئين بالسماحة والتسامح
والفن والموسيقى والعلم والابداع
ومليئين بالعواطف والكرم رغم إننا مفلسين !!!!
ودي ياها الدبلوماسية البنفتقدها وبنبحث عنها
الدبلوماسية ما انك تقنع بوركينا فاسو عشان تصدر لينا 10 شوالات شطة
الدبلوماسية بأنك تقنع العالم بأننا شعب مميز وبشر ولدينا هوية
نحن معاك في كل خطواتك
عشان الأجنحة دي تحمل سودانا دائماً
وماتتصوري اللحظة البيرتفع فيها علم بلدنا واسم بلدنا في المنابر الدولية
30 مليون سوداني دقات قلوبهم بتزيد
وفصائل دمهم بتتغير
لك كل التوفيق
ولو عاوزين ممثلين في الفرقة والله أنا جاهز موية ونور !!

******************
خارج النص :
مرة أحرجت معلمي كثيرا في المرحلة الابتدائية
فقد أعطاني دور الخليفة عبد الله التعايشي لأقوم بتمثيله في مسرحية شهيرة
وعندما وقف أمامي زميلي الامام المهدي وكان يحمل سيفاً حقيقياً
طار كل الكلام من رأسي
وقلت له كلام الامام المهدي نفسه والذي من المفترض أن يوجهه لي حامل السيف
المشكلة صاحبنا الذي مثل دور الامام المهدي
اتبكم مرة واحدة ومالقى أي حاجة يقولها !!!
وعشان الجمهور ما يحس بالخلل العوير دا
قمنا عملنا ثنائي وقرينا ليهم طلع البدرو علينا من ثنيات الوداع 00
طبعاً غير موجودة في النص رغم إنها طلعت أحسن فقرة في المسرحية !!!!
قال ام دبيكرات قال !!!!
المشكلة الأستاذ صاحب المسرحية قام قال لي :
إنت ياعثمان الليلة ماكل ليك { ربيت } وللا شنو ؟؟؟
ولحد الآن انا متمني اقابل الأستاذ دا عشان أسأله عن العلاقة بين أكل الربيت والخروج عن النص ؟؟؟ { الربيت هذا لمن لايعرفه هو جاتوه أهل العوض } !!!

ألف ميروووووووك يا تماضر بت شيخ الدين وإن شاء الله تتعلي ما تدلي ، ومزيد من الرفعة والتقدم . وعين الحسود فيها عود ، مع تحياتي وتهاني لأعضاء الفرقة .

Tumadir

Congratulations

Adil

المشارك رقم 100

و 100 مليون مباريك "جمع مبروك سالم"

ما يقوم يشوفنا محسن كمان هسه يقول لينا الجمع ده غلط

وكل الملايين دى ليك يا عروسة كل عرائيس النيل

وكتير من الرفعة والفن الجميل

صبرت واستنيت كتير اتمنى ..

تعرف يا سيد بكرى الاغنية دى لما سمعتها طفرت منى دمعة حب..لهذه المرأة الودودة الجميلة الراحلة "علوية" زوجة الفنان الخالد محمد وردى..

كان ذلك عام 2000 او 2001 وكنا فى سان فراسسكو فى مهرجان ثقافى نظمته ام الخير كمبال
كان وردى هو مغنى الحفل الاضخم ..وكان هناك تشيكيلين وانا للمسرح ..ومجموعة "مثقفين" وحتى اذكر ان الاستاذة سعاد ابراهيم احمد كانت هناك متحدثة وكان ده اول مرة نلتقى "وبعدها لم تفترق القلوب" المهم جاءت علوية السيدة الجميلة الراحلة ..والتقيتها لاول مرة كانت تلبشس ثوبا من العشب..اخضر وزاد من هيبتها وجعل نور روحها ساطعا..

عرفتنا مريم محمد الطيب ببعض..وبدأ وردى فى غناء "ما تخجلى..وقلنا لها "ارح نرقص" وفعلا استجابت لنا وكانت تضحك وتقول عندما يقول 19 سنه تقول اضربيها فى خمسة ..وترقص وكان هو يضاحكنا من بعيد كأنه كان يفهم ما نقول ..وهى تقول دى غنيتى ..دى غنوها لى..

تمددت هذه اللحظة كشعاع فى خاطرى ولم تنطفىء

الاغرب اننى امتلك هذه الصورة التى تجمعنا ..انا ووردى وسعاد وعلوية ..وافتكر الباقر موسى

وهى فى البيت ضمن صور كثيرة وفى يوم عثرت عليها وانا ابحث عن صورة اخرى ..ولمحت الثوب الاخضر وحدقت فيها طويلا..وقلت كم كانت هذه المرأة طروبة وودودة معى ذلك اليوم..وبعد ساعات قليلة من هذه الحادثة رأيت خبر رحيلها هنا فى المنبر..

"رحمها الله رحمة واسعه والهم اهلها والفنان الكبير وردى الصبر والسلوان..

ياريت يا بكرى تجيب الاغنية فى الناحية دى برضو ..لانه البوست هنا بيكون شكلو حزين وصانى........

اما هذا التصميم الجميل فقد قام بتقديمه هدية لشخصى المتواضع عضو المنبر محمد الامين محمد .....زاد به ديونى فى حساب الافضال ..وامتلأت به كفة الامتنان امتنانا... لا أدرى كيف اشكرك يا محمد الامين على هذا العطاء ..فأنا لا املك الا هذه المودة ..وعصا الترحال...

لك منها ما تود. وما يكفى

ّّ

منان

خالد الايوبى

عماد الخير

محمد محى الدين

اسامة خلف الله



عمر عبد الخالق

"انت بتعرفنا؟"

الواثق تاج السر عبد الله


والمشارك نمرة 100 العزيز

لكم محبتى اطنانا ...وتحياتى "زرافات" ووحدانا ....وكل التمنيات الطيبة والوفاء هذا موقع تقديرى العميق ..والحقيقة هو "موقع قدومى" فقد تعثرت خطاى وانا اشق طريقى وسط مشاعركم الطيبة ...

فاعذرونى ان خاننى التعبير وغلبنى الكلام...

يعنى اشوف ديامى بعد طولة ..واشوف انور كنج وهو متخرج بماستر وانا ما باركت ليه ..واشوف كل الاسماء البتلمع فى الضلام دى هنا بتبارك لينا بالشجن ده والمحبة دى كلها ....اسوى شنو انا.......؟؟

انحناءة...........كبيرة للكل

تماضر وعرائس نيلها الجميلات

سيؤرخ مارس لكن ولنا

مبروك لتعددنا
ومبروك للنيل

والدرب مازال طويلا ياصديقة وانتى له
فلن تموت فيك روح التحدى

لانك معحونة من عجينة أمى حليمة

وكل مارس وانتى أجمل

اشراقه

شرفتى الدار يا اشراقة ...

وكل مارس وانت اشرق....

تمادر
صباحكـ ورد
اطمنكـ علي نازكـ .. كنت معاهم السبت الفات .. قعدنا و غنينا للصباح
نازكـ رقصت و غنت و راقصت زوجها الجميل عثمان الشنابي حتي امتلاءت عيوننا
بالدموع
قالت لي غني لينا ( مهما فيكـ طولت صابر يا سنين عمري الشقيه )
غنت معاي و لم نذرف دمعة .. لازمها و لازمنا الفرح طوال الكوبليه الاول
ورقصت نازكـ و رقصنا معها في الكوبليه التاني ونسينا الكوبليه التالت
من شده الفرح ..
هذا و قد اغرورقت عينا (عثمان حِميده) بالدموع من فرط التأثر

بكره بصبح ذكريات .. حالي داكـ الكنت فيهو
تملي آمالي العراض .. كل دربا سرت فيهو
بكره تجمعني الصلات .. بي عزيزا اصطفيه
وترجع ايامي النضيره ..لي لياليها الوفيه
وسعدي يرجع لي تاني .. بالاماني السندسية




نازكـ سيده جميلة و قوية
She is a real LADY
اطمئني و طمني اخوانكـ المعاكـ .. و ماتنسوها من صالح الدعاء
اها كيف معاكـ جهينه ده

الاخت الدبلوماسية الوديعة تماضر

بالجد حاجة تفرح

ومزيدا من النجاح يا ظريفة


واحدة معجبة جدا جدا

معزتي

كل مارس والعرائس كما الأقمار منزلة
تهانينا يا غالية.. وخالص مودتي..
(وردة زي حقت عصام عبد الحفيظ البيهناك دييييييييك)

ــــــــــــــــــــــــــــــــــــ
دي رشوة تصرف تحت بند: (بدل التأخير)

Well done Tumadir

Congarooooooo

! Let me shake your hand

يا تماضر شيخ الدين
اليوم عيد
أحببت ان أرسل فخري واعتزازي بك انت "بالذات" يأ أجمل
ناشطات الحركة النسوية وحقوقها في الدنيا والعمل.
وكل حقوق الانسان.
يا (أنتي)

: ياتماضر شيخ الدين جبريل

ياعدوة الحرب
محبتي لك سيدتي
فأنت وجه المحبة وشطرها.

...
...

ياعرائس النيل
نستحق أن نراكم في مقرن النيل ، في الخرطوم نفسها ،
وليس علي أسطوانات مدمجة كقلوبهم. وكذا تستحقون ...

أخوكم في الأمـــر ابراهيم
ودسامية بت امي فاطنة بت عشة بت احمد

اسمعي انت كوستاوي والموصلي ديل الوداهم مكتبتك شنو ....

طاشين ...

محمد الامين كيف يا طمطم

الشامخة تماضر
وقفة تستحقينها وأنت تسيرين في خطاك الحثيثة لرسم لوحة مشرقة
لوطن يسكنك بكل تفاصيله ..
لك الود والتهاني العطرة
ولعرائسك ألامنيات الطيبة

المعتمدة رسمياً
ست الناس ..

إنتِ انسانة مجتهدة
وفنانة مجوِّدة ..
وتسـتـاهلي
طبعاً قصدي المعنى الجميل منها
وإنتِ عارفة ..

ألف ألف مبروك ليك ولعرائس النيل ..

تماضر الرائعة

مبروك عليهم هم عرايس النّيل وإنتي وروعتك ..



مودّتي

ـــــ
انا في البعيد مشتاق لهمسة من الوطن يانسمة
[email protected]

http://www.wgby.org/localprograms/makingithere/pages/episodes_4.html


شوفونا هنا يوم عشرين شهر تلاتة الساعة سبعه ونص مساءا .....

اذا عجبناكم كلمونا واذا ما عجبناكم كلموا الادارة

لما ارجع ليكم يا اشراقة وخدر وتنسيم وابو آمنة جعفر بشير وبكرى ابو بكر "المرة دى من ودمدنى ووداللمين" ولؤى الهارب العائد ..وابو حراز ..وكل الاحبة "انت عارفنى بجرى ليه يا حرزرز؟؟ انا شغالة ام فل تايم وعندى وظيفة فل تايم ..وبقرا البورد فل تايم؟؟ انا تقطع؟؟

محبتى

وجريفاوى والفاتح وديدى وعادل اسحق لكم كل الحب والمودة ...واتفرجوا فى عرضنا لغاية ما اجيب ليكم باقى المواد..........

الفنانة العالمية تماضر شيخ الدين في مداخلة اون لاين لمعجب مغمور:[ /B]

وابو قصى ...

لك تحياتى والمرحبـــــــــــــا

اما انت ايها ابهنس

فان يوم شكرك ..ما يجى .....

ولك اجنحة من حرير ...الخيال

العزيزة تماضر

الف مبروك .........
انت
بتستاهلى يجوك الناس ويعمروا بالفرح بيتك

يغنوا ليك غناوى الريد

ويزرعوا ليك شتيلة فال

عشان تسقيهاحنيتك

وانشاء الله تعلى اكتر واكتر كمان ......قادر ياكريم

عايشة حميدة ...

تعيشى يا ست الكل..

تشكرى على هذه الكلمات الحميمة

العزيزة تماضر ..

تستاهلوا كل خير ..و ألف مبروك ليك وللزملاء /و الزميلات
في الفرقة ..

اها دي دفعة للبوست جنوبأ ..
نحو مسارح

هوليوود ..

قصرنا ..

و معك نقول أمين ..

يا سلافة الفن
ولهفة البتمني ..

و الله بدي الجنـــة ..

العزيزه تماضــر

...ألف مبروك

...مع الامنيات الطيبه والدعوات الصادقه بمزيد

من النجاح .

سعادة المعتمدة تماضر بنت الشيخ وبقية عرائس بلادي المعتمدات
يكفينا فخراً بأننا قد سبقنا المعتمدين بعاليه في أعتمادكن وتتوجيكن علي رأس الأبداع الأنساني
وهذا يؤكد صدق ما ذهبنا اليه سابقاً
في أنكن حاملات لواء جمال بلادي وثقافاته وتراثه
والناطقات بأسمه علي مسارح الغربة
رغم شلالات الاعاقة التي تحاول سد الطريق أمام ابحاركن الراسي وزين

كونن فوق العمه يا بنات العمه

وألف مبروك تصحبها الدعوات بمزيد من النجاحات
ولي قدام

يا أطول نخلات بلادي ..
تهانيّ لن تكون إلا ذرة في بحر كتابات الآخرين ..
المهم أنا عندي بضعة تساؤلات ليك يا طماطم .. وهي تساؤلات بطعم الحسرة التي لسان حالها يقول .. أحرام على بلابله الدوح؟
أية لغة تستخدمها الفرقة في أعمالها .. يعني أقصد إن لم تكن الأعمال كلها إستعراضية .. وأين تعرض هذه الأعمال .. وهل من سبيل لأن تسجل هذه الأعمال في أشرطة لتوزع على بعض الجهات ذات الاهتمام والصلة مثل بعض المراكز الثقافية كمركز عبدالكريم ميرغني مثلاً؟ وذلك لتتاح مشاهدتها لقطاعات كبيرة من المهتمين داخل البلاد .. وذلك مع افتراض صعوبة أو استحالة عرضها على التليفزيون الرسمي ..
ليحفظك الله ويوفقك

(و بلادنا في ليلها الدموي
جوهرة تشع علي البعيد علي البعيد
تضئ خارجها.......
و اما نحن داخلها ,
فنذداد اختناقا)
( درويش)
الجميلة تماضر
يا عرائس نيلنا ....كم كم نحبك ... وانت تحاولين تجميلنا و فك اختناقنا ......
شكرا على تدويلنا ...... زي دارفور و كدا
تحية و حب للاستاذة نازك ..... دعونا نهب للمساهمة في علاجها بجدية

up




up

علي الاقل حتي نتفق علي ماذا عن نازك ????
دع الجمال علي الحصير والعرائس والعروسات في كتف الجميلات خالات نخل السماء او اللائي يشربن فى كوم ماء .....كما يقول درويش
لا اعرف ناؤك ولكني اراها في نداءات تماضر.......
لمست الموت ...كان عاديا كمهنة .... و فاجعة ....لما زارني يسال عن صلحي .....
لا اريد ان يموت احدا قبلي ....... لانازك و لا سواها ....... نريد ان نقول لنازك : كفانا مرض وتابعيه ,......
فلنفعل شيئا من ا جل نازك
يا تماضر ..... ىا تفاخر ارشدينا .... لانريد ان نري الموت يدنو الي القوسين واعلي .... نريده محاصرا خلف القوسين العريين وابعد ... كيف ??
نحبك انا وانا

طماطم ...
أنتو معتمدين في قلوب ملايين الحالمين ...
ومعتمدين في عيون كل الأطفال الغلابة في هذا البلد الرائع ...

مبرووووووووووووووووووك

محمدين
شتات
ارباب
عبد الباقى الجيلى
هوبفل
عبد الله الطاهر

تشكراتى الغالية

صار الزمن ضيقا يا سادتى

انا على اهبة السفر
اعذرونى

ساعود

شكرى يسبق خطوى

ومحبتى على أهبة الفيضان...

واوصيكم جميعا بنازك
فهى فى الخاطر تفج الزحوم وتتربع على منصة الانتباه... فوق كومة المشغوليات ..آمنة صابره ومنتظرة ..للايدى الرحيمة ..

ما ابخلنا ..على انسان بالحياة....