Post: #1
Title: منصوري..لا اسكت الله لك ...ربابة
Author: Tumadir
Date: 03-11-2006, 06:27 AM
قبل ان يطفأ نور العيون ..وقبل ان يفتح باب الحياة المؤدى للعدم..ونؤمر بالخروج..
......
قبل ان يسكت الكلام
يجب ان احيى منصورى ..
منصورى يغنى الدنيا...
يحكيها بالربابة ..
ويتنفسها من رئة اللحن ...ويمشى دروبها بأيقاع الدليب..
يطربنى هذا الكائن البسيط...
يعجبنى انه اختار الغناء ...معبرا للحياة ..
.......واخترت هذا اليوم لاسميه "يوم المنصورى" واعلن عليه اعجابى ..وتقديرى ومودتى العامرة...يامنصورى
لا اسكت الله لك.......................ربابة .
احييك
|
Post: #6
Title: Re: منصوري..لا اسكت الله لك ...ربابة
Author: Tumadir
Date: 03-11-2006, 06:30 AM
Parent: #5
عندما كانت الدنيا تمر بذلك الهياج ساعة الغضب المشحون بالعنف من اجل رسول الله (ص) كان المنصورى هو الاقرب اليه، لحن كلمات محبة هادئة وغناها .....ولمس شغاف القلوب بصوفيته الرقيقة ومحبته المؤمنة ...فأنا لو كنت ذلك الرسام الدنماركى ..وسمعت هذا الغناء ..لبكيت وتنحيت واعتذرت فى أدب ..وضربت البيداء ابغى راحة الروح.
.ولكن!!!!.
شكرا منصورى لمحبتك..الوديعة.
|
Post: #7
Title: Re: منصوري..لا اسكت الله لك ...ربابة
Author: نجود حسن عبد الرحمن
Date: 03-11-2006, 06:31 AM
Parent: #5
منصورى يستحق كل التقدير والإحترام
تسلمى ياتماضر
|
Post: #8
Title: Re: منصوري..لا اسكت الله لك ...ربابة
Author: Tumadir
Date: 03-11-2006, 06:39 AM
Parent: #7
شكرا نجود..على المرور....
وعندما نزل ذلك الخبر الفأس على رؤوس الاحباء وتمزقت على اثره نياط القلوب ..بعد أن مضى شريف بن ياسر والهام ..الجميل..
سكت منا الكلام ولم يسمع الا النحيب..
ما انقذنا من العجز هذا الا منصورى ...محبة وغناءا...كتب لنا النجاة المؤقتة من حرج اللحظة ...وسما بنا من تحرشات النفس وهى تتبع الهلع من انكارها للشرور.
فالتحية له.
|
Post: #9
Title: Re: منصوري..لا اسكت الله لك ...ربابة
Author: نادية عثمان
Date: 03-11-2006, 10:11 AM
Parent: #8
تماضر بت شيخ الدين
يا امرأة بطعم الوفاء .. ولون النقاء ..ورائحة الجمال الفواح !!
تتقاصر دونك مفردات وحروف لغة الضاد .. وكيف يمكن لحرف (غلبان) ان يصف هذه الدنيا المسماة تماضر ؟!!
والله انك يانخلة من بلادى امراة تستحق كل الحب من جميع خلق الله !
ولانك هذه التماضر الوفية فانت تعطين الناس حقهم وفاءا وعرفانا والمنصورى المرهف صاحب القلب النغم والروح المعنى يستحق منك هذه اللفتة البارعة والحانية ..
احب وطنى اكثر لانكما منه !
|
Post: #10
Title: Re: منصوري..لا اسكت الله لك ...ربابة
Author: منصوري
Date: 03-11-2006, 03:14 PM
Parent: #1
الله... الله... الله... أيه الحضور الرائع دا الليلة..رائدات المنبر.. في يومهن العالمي...تماضر.. نادية نجود.. ولسه البقية تأتي..وكمان حضور بي جاي في بيتنا أخت عزيزة من أمريكا جاءت تسأل عن دارنا الي أن وصلتنا.كنا مشغولين في المنزل بضيافتها.. إنتهيت من الحضور بي هناك جيت لقيت الحضور عامر بي جاي في المنبر.. وأتاري أنا ماجايب خبر؟.. عندي عادة لما تصل عندي السعادة هذا المستوى.. طوالي بتوضأ وأصلى ركعتين.. بقول أكيد دي لحظة سعيدة.. أكيد دي موش صدفة.. أكيد دي فنة من فنات الدهر.. عشان كدة بدعو.. بقول يمكن اللحظة دي صدفا ملك..
................
تماضر الغالية... أفرحتيني والله... واضفت الى حياتي الجديد.. ما أنت أصلك عملاقة فن.. (خلاص كفاية يا منصوري..نقعد نثني على بعض كدة على عينك ياتاجر وتقصم ظهر أختك).. خليك زي ما بيقولوا المصريين( اللفي الألب في الألب)..أو زي ما بيقولوا معظم السودانيين( حمدو في بطنو)..
.........
نادية عثمان.. الناس متفقين على إبداعا.. وطيبتا( العوارة)
ونجود.. شايف البوستات تقوم وتقعد.. وفنانا الرائع في فنه إيهاب نميري.. يتحدث ومولع.. وبي هناك بوست آخر يقول نجود رائدة المنبر بلا منازع.. وغيرو وغيرو..
...............
المهم خلونا في الموضوع الأساسي القالتو ممثلتنا تماضر.. العمل باللحن والعمل بالنغم والعمل بالفن.. تنغيم النشاز بالفن ومعالجة المشكل باللحن.. دا موضوع طويل.. وبيعرفوهو ناس تماضر أكتر مني وإتخصصوا فيهو..
............
يعني من هسه يا تماضر أقوم أسن قلمي وأجهز لى قصيدة فيك لمان تجي تمثلي السودان في مهرجان الشارقة والله شنو؟ إنت يا رائعة ما حا تقولي لكن أنا حا أحاول الكتابة علها توفي..
أما هاتان الشفيفتان نادية..ونجود.. فندعوا لهما بظهر الغيب.. ونرجو أن نكون ليس يحوينا بوست نادية عثمان.. ( الإنطباعية في المنبر).. الإنطباعية تعني أن زول يكون فيك أو عنك راي سريع.. وطوالي يخش بالعرض فيك لى آخر منطقة .. يا قال الزول دا كعب يا قال الزول دا كويس.. أول ما تجي سيرتو يقول ليك أيوه فلان؟ بعرفوا.. أيوه فلانة بعرفا؟.. هسه حتي الفنانين بقوا كدة؟ وهو يكون ما لاقاهو إلا من خلال سهرة حضرا ليهو في التلفزيون وهو متكئ على سريرو في أوضة النوم.. زمان الفنانين والممثلين والصحفيين وغيرهم.. يكون جمعهم بيت عرس.. يكون جمعهم عمل مشترك.. يكون جمعهم بيت بكا.. يكون جمعهم توقيع لحن لفنان والبقية تسمع وتدى إنطباعاتا بدون حسد.. تكون جمعتهم سفرة ورحلة فنية إستمرت شهرين.. وبعد كدة تلقى فنان يقول ليك والله لا أعرف فلان بما يكفي.. هسه الحكاية بقت إنطباعية سريعة خاطفة..
...........
التحايا لتماضرنا تذكرنا هذه الشامخة..أنا رجل فقير فقير دين وفقير دنيا.. أحاول أن أسعد الناس..لعلني أقدم شي.. فرضاء الأذواق العالية يتطلب الجهد الكبير.. ولا أقدر عليه أحيانا..
|
Post: #11
Title: Re: منصوري..لا اسكت الله لك ...ربابة
Author: نادية عثمان
Date: 03-11-2006, 04:49 PM
Parent: #10
منصوررررررررررررررررررى
انت تستاهل كل الخير يازول ياسمح من جواك
تماضر
مشيتى وين ؟!!
|
Post: #12
Title: Re: منصوري..لا اسكت الله لك ...ربابة
Author: منصوري
Date: 03-11-2006, 09:47 PM
Parent: #1
ياجماعة يومي العملتو لى تماضر شغال لسه... شاركوني الفرحة.. شاركوني الفرحة عشان افرحكم زيادة لو اقدر...
|
Post: #13
Title: Re: منصوري..لا اسكت الله لك ...ربابة
Author: Tumadir
Date: 03-11-2006, 10:23 PM
Parent: #12
انا هنا يا منصورى ونادية ..
كنت على وشك الذهاب للسرير ...الساعة عشرة مساءا "ونحن نسكن فى امبراطورية الجداد .." ساهرنا الليلة .... وفى طريقى للنوم غشيت ولقيت منصورى طربان من الكلام القلناه فيهو انا وندوية دى ..وشاركتنا نجود ....تطرب انت يا منصورى ولا نطرب نحن؟؟
أما عن العرض بتاع اغنية لما اجى الشارقة ..فوالله ده كتير والله كتير ..ما كنت عارفاك فى الشارقة يا منصورى ...لكن بركة الخطرت لى ..قبل ما اجى الشارقة ....
المهم قلت اعبر عن ..اعجابى بأسلوبك أسلوب معالجة المشاكل والوقوف فى المواقف بالغناء ..والشعر والموسيقى ..ده بيدل على رقى وتقدمية فى الذوق ..والتناول.....
يللا امشى اتبختر فى يومك ...يوم المنصورى ...وكل الايام الجاية حتكون حقتك ..طالما راسك مرفوع وقلبك مليان ايمان ...ومفتخر بنفسك وبى اصحابك..كل الايام ايامك يا منصورى ....
ولك التحية يا نادية على شيلة الشيلة معانا....
يا مفرحة.
|
Post: #14
Title: Re: منصوري..لا اسكت الله لك ...ربابة
Author: منصوري
Date: 03-13-2006, 02:28 PM
Parent: #1
|
Post: #15
Title: Re: منصوري..لا اسكت الله لك ...ربابة
Author: منصوري
Date: 03-13-2006, 02:50 PM
Parent: #1
الدعاء المستطاب
|
Post: #16
Title: Re: منصوري..لا اسكت الله لك ...ربابة
Author: altahir_2
Date: 03-13-2006, 03:28 PM
Parent: #1
والله ما قصرتو تب يا منصورى ونادية فى حق البنت الحديقة
تماضر . الله يزيدكم معرفة وابداع وجمال.
ضياء ميرغنى
|
Post: #17
Title: Re: منصوري..لا اسكت الله لك ...ربابة
Author: منصوري
Date: 03-13-2006, 04:12 PM
Parent: #1
|
Post: #18
Title: Re: منصوري..لا اسكت الله لك ...ربابة
Author: shazaly gafar
Date: 03-13-2006, 05:28 PM
Parent: #17
حين دخلتُ باحة الارتجال
سكرتُ حتى الصَّمت ..
الله حين يكون المحتفِى والمحتَفى به
شيئاً أكبر من الكلمة واللحن والوتر ..
أحبكم بلا عدد
شاذلى
|
Post: #19
Title: Re: منصوري..لا اسكت الله لك ...ربابة
Author: نادية عثمان
Date: 03-13-2006, 06:18 PM
Parent: #18
خلى البوست ده فوق يامنصورى لحدى ماارجع ليك انت وتماضر ومسلسل الحب الشديد
سمح؟!
|
Post: #20
Title: Re: منصوري..لا اسكت الله لك ...ربابة
Author: إسماعيل التاج
Date: 03-13-2006, 06:20 PM
Parent: #1
يا سلاااااام.
تماضر تهدينا يوماً لربابة المنصوري،
والمنصوري يـفي تماضر بما تـسـتـحق.
حـقـاً ما أعظم مبدعي بلادي الذين
يسطعون ويتوهجون رغم أيادي الظلام
الممتدة هنا وهناك.
أنام الآن مطمئنـاً.
|
Post: #21
Title: Re: منصوري..لا اسكت الله لك ...ربابة
Author: Haydar Badawi Sadig
Date: 03-13-2006, 09:20 PM
Parent: #20
شكراً يا تماضر، يا مفرحة
وشكراً يا صديق، يا مطرب
وشكراً يا التاج،يامبهج
وشكراً يا نادية،يامسعدة
والتحية الحارة لنجود والطاهر
هذا الخيط ينسج وطناً، ينسج وطني، ينسج السودان!
وتماضر اختارت، عن جدارة، أن تكون "الخياتة!"
ما أحلاك يا وطن، يوم يتدفق منك اللحن وتنساب الكلمات الرقاق.
الشكر لله أنكم أنتم! والشكر له عز من وهب أنني سوداني!
|
Post: #22
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:16 AM
Parent: #1
شكرا يا احباب على المرور
الأخ ضياء ميرغني.. تعيش..عايزين نشوف عودك المحضون في الصورة يساعدنا في محراب الجمال والقدس والخير للإنسانية..تسلم
|
Post: #23
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:26 AM
Parent: #1
| Quote: حين دخلتُ باحة الارتجال |
الأخ شاذلي جعفر..كلماتك النيرات صادرة من زول مرهف فنان من الداخل.. قال مادح القوم السوداني( من بحر القوم نسكرا... سكراً بلا شوشره).. فإنت سكرت سكر الصمت في محراب الأنس والجمال بدون شوشرة.. قال الشيخ فرح ود تكتوك( المليان ما بيجلبغ).. فأنت رجل مليان.. بإذن الله
|
Post: #24
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:37 AM
Parent: #1
Quote: خلى البوست ده فوق يامنصورى لحدى ماارجع ليك انت وتماضر ومسلسل الحب الشديد
سمح؟! |
نادية ماشة تجيبي ليك عصاية وتجي تدقينا والله شنو؟ لازم نعرف أنا وتماضر وضيوفنا هنا إنو منتظرين شنو ؟ يمكن علقة ننتظر ساكت بلا نفهم..
ما جاتكم النكتة في شريط النكات السودانية في القاهرة البي تقول..( الولد صغير يا دابو عرف الكلام.. وهم أسرة سودانية في الخليج عندهم خدامة فلبينية.. مشى لى أمو قال ليها.. ماما إنت الملاك معناها شنو؟ كلمة ملاك..؟ قالت ليهو يا ولدي الملاك دا حاجة ربانية جميلة عندها جنحين صغار كدة تطير بيهم... قال لها طيب ماما أنا شفت أبوي دخل على الخدامة في المطبخ وهي تغسل في العدة قال ليها.. ( وين يا ملاك) وبعدين ما طارت ياماما... فقالت ليهو أمو.. أصبر دقايق بس خليها تنتهي من غسيل عدتا دي.. وحا أجي أطيرا ليك؟ أوريك بي تطير كيف؟قليلة الحيا..
|
Post: #25
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:46 AM
Parent: #1
الأخ الكاتب إسماعيل التاج...
كدي دقيقة يا زول اقيف شوية.. ياخي قبل كل شى...دي سانحة ما كنت قاعد ألقى ليها زمن .. يا خي إنت زول كتاب خلاص.. أنت تستولد اللغة إستيلاداً... الحقيقة انا موش قاعد اقرا المواضيع البي تكتبا.. أنا قاعد اشربا...
تشكر على المرور بي جاي وإضافة هذه الكلمات النيرات منكم..الحقيقة معاني الجمال السامية لايمكن تنتهي والوجود كلو جميل بس عايز زول يتناولو بمغراف غير ملوث ويمخر في عبابه بمجذاف الفكر الصافي..
|
Post: #26
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:53 AM
Parent: #1
Quote: شكراً يا تماضر، يا مفرحة
وشكراً يا صديق، يا مطرب
وشكراً يا التاج،يامبهج
وشكراً يا نادية،يامسعدة |
الله... الله... الله... يا حيدر
وإنت كمان بحر آخر من الجمال وراجل فنان وواسع الطيف وتعرف تماماً كيف تسمو المعاني السامية أشكرك في هذه العجالة شكراً لايوصف
|
Post: #27
Title: Re: منصوري..لا اسكت الله لك ...ربابة
Author: منصوري
Date: 03-14-2006, 04:32 AM
Parent: #1
فيض من بحور العوافي...تداخل معه الناس هنا وأضافوا اليه وصبوا عليه مما عندهم من معاني سامية..
|
Post: #28
Title: Re: منصوري..لا اسكت الله لك ...ربابة
Author: Tumadir
Date: 03-14-2006, 07:43 AM
Parent: #27
يااااااااااااااااااااااااااااه
امبارح سمعتها..
اول حاجة جبت الاولاد جنب الكمبيوتر...
قلت ليهم اسمعوا الكلام ده..عشان تانى اقول ليكم اعملوا حاجة تعملوها......
اخدت لى نقزة شايقية كدى ..لى قدام وجيت راجعة
أديتك شبال فى الكمبيوتر
اختى ضربت تلفون ..ختيت السماعة جنب اسماعة الكمبيوتر وقلت ليها اسمعى غنيتى
التلفون ده رن زى خمس مرات والجماعة ديل كلهم سمعوا الغنية بالسماعة
يعنى باختصار كده ..ما عارفة اسوى شنو ..من الفرحة..
اها قال كدى ناس المهرجان رسلوا التذاكر بى جايى
حاسافر يوم الخميس واصل يوم الجمعة عن طريق امستردام....
التحيات..ما اظن القى زمن اكتب تانى ..
شكرا يا منصورى وشبالك جاييك فى الشارقة ..وبعدين نتفاهم فى الاغنية المفاجئة دى....... محبتى الفائقة
ضيوف البوست الافاضل
عندكم عودة منى ...يمكن من هناك...
بقيت ملخومة لغاية ما ما مركزه
|
Post: #29
Title: Re: منصوري..لا اسكت الله لك ...ربابة
Author: Yasir Elsharif
Date: 03-14-2006, 12:20 PM
Parent: #28
بوست تمام التمام..
شكرا يا تماضر.. نتمنى لك رحلة موفقة إلى الخليج..
وشكرا للأخ منصوري صاحب الربابة..
وسلامنا للجميع
|
Post: #30
Title: Re: منصوري..لا اسكت الله لك ...ربابة
Author: منصوري
Date: 03-14-2006, 03:35 PM
Parent: #1
تماضر... والله قبيل قلنا ما نكلمك بيها..نخليها مفاجأة لامن تجي بي جاي.. بعدين تراها جات كدة..كويس إنو الأولاد سمعوها..عشان يعرفوا إنو أمهم قدرها ما ساهل عند مشاهدينها..
لكن يا تماضر عايز أعرف نادية عثمان غطست وين..صاحبتك.
..............
دكتور ياسر..إنت من الناس الأنا بعتبرهم ذواقة لكل الفنون..كترت عليكم الأحزان في الآونة الأخيرة.. وإتفرررجت في نفس لحظات الحزن بعون الله... عل في جملة الألحان هذه سلوى.. قطعتا فيك.. قلتا أنا والعوض عملنا القصيدة دي في ولدنا الشريف.. ياسر ما شافا والله شنو؟ ومالو ما علق.. يا ترى يمكن ما عجبتو.. لكن الليلة لقيتك معلق بي هناك وضممتها للبوست الأم أتاريهو؟
..........
تماضر تصحبك السلامة حتى نشوفك.. وأنت أمانة عند ناس الشارقة كلهم وخاصة نحلة ناس الشارقة محمد سيد أحمد..
|
Post: #31
Title: Re: منصوري..لا اسكت الله لك ...ربابة
Author: منصوري
Date: 03-16-2006, 05:27 AM
Parent: #1
مساحة للفن والوفاء
|
Post: #32
Title: Re: منصوري..لا اسكت الله لك ...ربابة
Author: منصوري
Date: 03-27-2006, 03:10 AM
Parent: #1
وزيارة تماضر لنا في منزلنا أثلجت صدورنا...زادها الله هذه الإنسانة من فضله
|
|