عادي جدا يا تماضر لكنه بديع ..

تماضر ساظل اطاردك بشواطئ عمان
بالامس ذهبت الى نفس الشاطئ الذي كنا قد قد قطعناه معا أنا وانت ، كان الشاطئ ممتلئ بالحياة العادية الجميلة التي تجعل قلبك يقفز من الفرح ، كانت معي سارية ابنتي لكنها لم تتحمل جنوني وتقافزي مثل الاطفال فغادرت مع ابيها لتتركني اطارد اللقطات والصوروأقتحم الوجود ، صورت الاطفال الذين توحدوا على اختلاف اجناسهم وعلى طول الشاطئ على بناء قصور الرمال كانوا يشيدون القصور والقلاع ، ويشقون الانهار كانوا عاديين جدا لكنهم في منتهى الجمال والروعة ، هناك صبية كانوا يطاردون الامواج التي كانت تحملهم عاليا ثم تهبط بهم ‘ وهم في غيبوبة من الفرح ،بعض الاباء يدربون ابنائهم على السباحة وحب الماء ، لحظات عادية جدا مملؤة بالحب والجمال ، بعض الامهات ولكن قليلات كن يقمن بنفس الدور مما يزيد اللوحة جمالا ، أوربيون يمسكون أكف حبيباتهم وزوجاتهم متجردين من المخيط والمحيط الا القليل ، وأطفالهم يتقاسمون نفس الهوايات مع باقي الاطفال من هنود وعرب وأفارقة ، ماعدا أن تلك الحميمية وتشابك الايدي قد أختفت وسط السودانيين والعرب ، يتشابه البشر ويختلفون الا قليلا ولكن هذا القليل أحيانا كثير وفادح ، كانت الزوجات يجلسن يلتهمن الطعام والاحاديث ، بعضهن غائيات او مغيبات وسط الاثمال السوداء ما عدا الاعين ، في حين كان الازواج يلاعبون أطفالهم مع الخادمات الاسيويات بمايوهاتهم الاوربية ، وأتت الصور مقلوبة ، كذلك السودانيين ايضا الزوجات يأكلن مقرفصات في ثيابهن المزركشة والمزهرة ، حين أنطلق الازوج بطول الشاطئ يتمشون أو يسبحون مع أبنائهم الذكور ، أيضا الصور مقلوبة وينقصها الجمال ، ركضت من أو ل الشاطئ والى آخره تلاحقني الصور فاخذت أصور واصور ، رجلان يركبان جوادين وكلبين يقودهما رجلان , كلهم من الامن وهناك كانت سيارة شرطة لابد أن هناك حدثا ما أو رجل من الاسرة المالكة ، حتى ينتشر هذا الكم من رجال الامن ، كانوا عاديين ولا ينقصهم الجمال فقط لم أرى أمرأة تمتطي حصانا ابيض لكانت الصورة أجمل بكثير ، فعلا كان هناك زحمة وقوارب أنه سباق القوارب بين دول الخليج، وكانت فرصة لاشباع حبي لتصوير القوارب تمنيت لو أنك كنت هناك في تلك اللحظات العادية الجميلة ، الحضور كله كان رجال ما عدا نفسي وأخرى أوربية ، كنت عفوية ولم أرى رجالا ، لم يجذب كاميرتي غير الزوارق كانت جميلة وهي تمخر عباب البحر ، وبعض السباحيين الذين يسبحون في مهارة وجمال ، ولكن أيضا لم تكن هناك فتاة سباحة وجاءت الصور مقلوبة ايضا ينقصها الحب والجمال ، تكررت المشاهد والغياب, تعددت الالوان الضاحكة ما عدا الاسود المنفي مما كان له الاثر في جماليات الصورة وخدش اللوحة . نظرت الى نفسي والشمس مالت الى المغيب في لوحة من البحر والشمس والجبل ولون الشفق الرهيب ، ثم ركضت خلف هذا الجمال تبللني المياه وكأني قد خلقت من جديد .

هذه قطعة ادبية بصرية ..يا عشة

اعجبتنى بصيرتك الثاقبة عندما زرتك فى مسقط..

تنظرين الى العالم بعدسة كاميرا

و"تكودرين" اللحظات.."ودى من كادرطبعا"

كل شىء تبوتقينه فى لوحة ..وتفكرين فى الآخر..ومتعة المشاركة فى لحظات العالم المثيرة للدهشة

انت مدهشة يا بت فاطنة

وبيرق مدهش..وهو يعتنى بموهبتك وشخصك الحساس المتناثر على شطآن التعب..

مدهشة رانية وضحكتها الطفولية ورقتها وعبثها اللذان ذكراننى بك فى ذلك الوقت المرح..الجميل.

ومدهش مدثر بملامحه الوسيمة "الهدندوية" اللامة عشة وبيرق..فى أحلى ملامح..

احببتكم ثانية يا عشة..واحببت اصدقاءكم ولمتكم الممتعة..وشاعرة بضبلنة شديدة بعدكم

واصلى....

عشوشة انتى بتمشى وين؟؟

تماضر الحبيبة
ما بتصدقي مشينا عرس سودانيين وسهرنا الليل و صورناوالعروس
رقصوها وجرتقوها وكذلك العريس وصينية الجرتق أبداع في الصورة
هذا البوست من وحيك يا ست الكل ورد على جمالك في
(نتزوج ) وتلك العادية ، التي لمستيها وهي تطاردني
من سنين

shokran ya 3asha
still oman of the arabic capitals
still the fear and the ignorance catch us from our necks
.....
still we have to dream about the girl that ride
the white hourse
.....



Dia

Quote: still we have to dream about the girl that ride the white hourse ...

عزيزنا ضياء شكرا على التعليق والقراية
العميقة ..
وما زلنا في انتظار أن تكتمل اللوحة
ونرى الفتيات يقتحمن الوجود .

http://www.edwebproject.org/oman-dubai/pics/muscat.beach.jpg
عشة بت فاطنة. ترسم بقلمها.. وتكتب بكاميرتها.. مسقط ذات بحر وغروب ورمل على شاطئ للنسيان

الاخت عشة. سلام..
سحبت الصورة وخليت الوصلة ليها.. فمعذرة. فى جهازى الصورة ما كبيرة لهذا لم انتبه الى ذلك لحين نبهتينى انت. شكرآ ليك ولنشرك الجمال فى هذا المكان..

بديعة الصور
ولقطات فنانة
مزبد من الابداع

تعرف يا استاذ السني
لمن افتح البوست واشوف
صورتك حقيقي بتفائل بيك
شكرا لهذه الروح التي
ترسلها الينا ..

عادل عثمان شكرا ليك ولصورك الجميلة
بس ملاحظة صغيرة يا ريت لو تصغر الصورة شوية عشان البوست
ما ابقى متلش لان الصورة لمن تبقى كبيرة البوست بترهل
وشكرا على هذا الجمال البحري ..

بت فاطنة

اسرة سعيدة الام والاب يجلسان في كان واحد مع اطفالهم

Quote: أوربيون يمسكون أكف حبيباتهم وزوجاتهم متجردين من المخيط والمحيط الا القليل

عادي

بالقطارة..بالقطارة

نزلى صورك يا عشة ..انا روحى اتعلقت...

Quote: بالقطارة..بالقطارة نزلى صورك يا عشة ..انا روحى اتعلقت...

أنـا أكـتر...

وبعـدين ياعشة الرحـلة يـوم الاتنين جـيبي كـمرتـك...احنا علينـا الأفـلام

Quote: وبعـدين ياعشة الرحـلة يـوم الاتنين جـيبي كـمرتـك...احنا علينـا الأفـلام

منى يا ريت تجمعنا الرحلات واليالي المالح من جديد ، ما زالت لمتنا في فينا تعطر خاطري وبالامس كنت انظر لصوركم في الفندق وفي الساقية وأكاد اقفز من فرحتي بيكم .

تماضر
اعاني هذه الايام ولا اصلا انا كدي ما عرافة من الكسل ، الصورة موجودة بس مما اذكر اني ، عشان انزل لا زم انزل صورة لازم اصغرها واكشكشة واخصرها واركب الزرار في الفوتوشوب ، شعرت جلدي تكش ، فيا ريت يتطور البور وتوجد طرق غير قاتلة لانزال الصور في نفس الموقع طرق سريعة يعني لاتفقد الصورة جمالها , مشتاقين كتير والله ..

بدر الدين هم متجردين وعادي عندهم ، فالنترك
التجرد ونهتم بالتفاهم وتفاصيل العلاقات الانسانية
نحناعايزين نتجرد من الافكار السوداء والخوف،
ونكون اكثر حميمية والفة في علاقاتنا
لاحظ الاسرة السودانية دائما تجدهم في الشوارع
بعيدين من بعض ، يملؤهم الخوف لا يقتربون من زوجاتهم
ابدا ، الرجل قدام والمرة ورى ، هذه هي الرجولة والسيادة
جمبنا حضانة هندية ، ومن النافذة اراقب حركة الشارع
لاحظت أن زوجين
ن في هذه الحضانة اعتادا ان يصعدا ( منطقتنا في اعلى)
وهم مستندين الى بعضها
البعض كان يتبادلان الحديث مثل العصافير في غدوها ورواحها ،
لوحة مغردة ورقي وحضارة
اتمنى الاسر السودانية تصل الى هذه لانسانية حتى تكتمل لوحتنا
وتاتي الصورة سوية فهؤلاء الهنود تجدهم في الحدائق وعلى الشواطئ
مع أطفالهم يمثلون مجتمع راقي متقارب ومتفاهم .

عشه تحلمى بلبن الطير ودا الأكتر من عادى





نحن معشر الرجال كما لنا لسان نتكلم به وآخر نكتب به...لنا قلوب نمشى عليها وكذلك العقول فقلب بين الحيطان وقلب خلف القضبان عندما نمشى معكم فى الشوارع وقلوب لم تريها وكل ذلك أكثر من عادى


منصور

Quote: عشه تحلمى بلبن الطير ودا الأكتر من عادى

منصور مرحب بحضورك الباهي
واقول ليك ليتنا نعدل الصورة
وان لم يكن قريبا دعنا نحلم
، والانكسرت انساالله تجبر
في عيالنا ..

ممكن ياعشة

داير اشترك

Quote: بعيدين من بعض ، يملؤهم الخوف لا يقتربون من زوجاتهم

لا انا يقتربون ونص يا عشة...وما علينا الفات كلو فارق

قبل فترة ليست بالقصيرة حضرنا انا وزوجتي حفل في حلتنا
بعد غياب اكثر من خمستاشر سنة...فمن الطبيعي ان يكون
اقرب انسان اتحدث معه هو زوجتي....طبعا هي ممنوع تجر كرسيها
وتجي مكان العصي والصديريات...جريت كرسيني واتحكرت في نص الحريم
والخلق تعاين...واحدات اتبلمن عدييييييل عشان يتاوقن...وواحدات
بعاين ليهن يزحزحن في كراسيهن زي البلعبن في ام حفيرة...قمت سألت
الجنبي وهي ضيفة كانت كثيرة استراق النظر والسمع وهي شهيدة....قلت ليها
في مشكلة...قالت لي ابدا...بس الناس هنا ما متعودة...قلت ليها علي شنو
هي الناس دي بتتعود متين؟ ما تراكن بترقصن في الدارة دي رقبة وتدن
الشبال ...وتزحفن في الدارة دي هنااااك وهنااااااك...العودكم علي ديك
ما بعودكم علي كرسيني دا...قالت والله انت صاح اهي هي هي.....اها ومن
الاهي هي هي وديك وانا يقتربون

تماضر وعشة بت فاطنة

تسجيل حضور ومحبة خالصة لوجه الحب !

حبايبي الحلوين راجعة
والصورة ماليها حد
بس ماشة الاشبتالية صاحبتي بكرة عندها عملية ادعو ليها بالسلامة

واحد قطرة لتماضر من شواطئ عمان التي عشقتها

تماضر ممتنة

وياريتنى لو كنت ماهرة زيك فى التنزيلات دى..

كنت وريتك العجب..

واصلى يا جميلة الجميلات...صاحبتى النقية

تماضر ..
الوهج ..
حسي نديك صورة
عشان سويتو العديلة لحليمة


دي واحدة كانت بتتكلم معاك
قبل شوية ، صورتها بالقلبة
عشان ما تعرف روحها ، وتشاكلني !!
صورة سلويت

طفل عماني منهمك يبني قصرا في الرمال

وهذه طفلةعمانية بعد أن بنت قلعتها اخذت تزينها بالاصداف
هذه أنامل حواء دائما تطرز الجمال منذ نعومتها ، عجبتني هذه
الطفلة في انطلاقها للبحث عن الاصداف لتزين بها ما شيدته - معمارية
ناجحة لا ..امنياتي لها بالنجاح .. والهدية ايضا ليك يا تماضر واهو
قطرة تانية

أطفال من السودان يستمتعون بالبحر والشواطيء

فرقة شعبية عمانية على الشاطئ لعيون ندوية

Quote: تسجيل حضور ومحبة خالصة لوجه الحب

شكرا ندوية على حضورك المترع بالفرح

Quote: ...قالت والله انت صاح اهي هي هي.....اها ومن الاهي هي هي وديك وانا يقتربون

نزار حسين سلام
ضحكتني بلحيل ، وفعلا الاشياء دي ما بتتكسر الا بالطريقة دي واحييك ، على الجرأة والمحبة ،
وعقبال ناس جعفر ، جعفر دي ما بتاعة سيرين يا تماضر بس قريبة منها ، لكن عليك الله مسألة فصل الاعراس دي ما غريبة بالضبط العرس فصل مدرسي قسم نسوان وقسم رجال الف وبا ، وكلو قسم يبحلق ، يعني انا بفتكر ان الناس تجلس على اساس الاسر ، كل اسرة وتوابعها توابعها دي معاها الجيران والاصحاب لو حبوا اجلسوا مع بعض ، فالمسألة بتكون طبيعية ، والناس حتستمتع ، وما حيكون في مشاكل وضرب انت شاغلتة اختي ولا انت غمزتة لبت خالتي ، يعني بيدناحنكسر الحاجز ونكون طبيعيين ، ولما الناس تكون جماعة بتكون هناك حماية نفسية من التحرشات والمشاكل البتحصل بسبب الفصل والكبوت ولا شنو يا نزار ؟؟

محمد عبدالمنعم عادي
جدا اتفضل ..
ونقدم ليك صورة كمان



طفولة- وبس مع حبي

العزيزة عشة بنية فاطنة

وهل الابداع الا حفنة من تراب العاديه ، خمشه الغير عاديون / ات ، وسكبوا/ ن فيه من ماء سحب بصيرتهم / ن ، ثم نفخوا / ن في صلصاله روح نفسهم الذكية ؟

دمت يا جميلة

Quote: وهل الابداع الا حفنة من تراب العاديه ، خمشه الغير عاديون / ات ، وسكبوا/ ن فيه من ماء سحب بصيرتهم / ن ، ثم نفخوا / ن في صلصاله روح نفسهم الذكية ؟

الجندرية شكرا لقرايتك واستنتاجاتك الذكية ، وحمد الله السلامةحقيقي ما عارفة منو فينا الكان غايب انا ولا انتي ، المهم الشوق بحر .

غير عادي البتة يا عشه.
آخذة هذه القدرة البديعة على التصوير بالكلمات والكاميرا.

العزيز تراث
تحية وشوق
شكرا على الكلام الطيب
والتشجيع ، واهديك هذه
هذه الزوارق من كاميرتي
واحد ليك والتاني لاماني
بس اوع واحد يسبق التاني
عشان تكملوا الحلا

ديل الزولين السايقين الكلبين

الماشين ورا الراجلين الراكبين
الجوادين ..
يا نافلة

عشة بت فاطنة
العزيزة ..
اثرتي في لواعج
ذكريات جميلة
ايام كانت
للحياة نداوة
الروض العليل..

عادي جدا ..
ان يتسلل الضوء
داخل المهج
كانسياب الماء
خلال رمل الشاطئ
خلسة...


عادي جدا يا عشة..
لكنه بديع ..

صفاء فقير
اهديك هذه الصورة
حكاية البحر في تلك اللحظات بعد الاصيل
تمعني خط التقاء السماء بالبحر الم
يكن هذا بديعا

سيرة البحر بين ريشة
الامواج وزاكرة الضؤ

عشة ...

Quote: تمعني خط التقاء السماء بالبحر

خاصرة الشفق.!

the focus of
!! your camcorder..
..
reading you is not "
enough for me"

عادي لكنه بديع ..

أستأذنك بأخذها
الى هناك..


تحياتي
لتماضر...

دمتم....

لحظات وداعك يا ست الكل

اولادنا يستمتعون برمال الشاطئ

رسمك يا تماضر

مشاوي على الشاطئ

تماضر اعرفي اجدادنا القدماء ديل منو ؟

كانت تركض تارة صوب الشمس
واخرى عكسها ...
كلما صادفت أثرها
على شاطئ الرمل تزداد دهشة
فالموج لم يمسح اثر اقدامها
بعد !!
كانت ندية كأنها رسمت للتو
ازدادت دهشة حين تضاعفت
ظلالها ..
فادركت أن الشمس
قد رحلت وتعددت الاضواء
اقتربت من البحر
واغتسلت من العرق
جففت شعرها من قطرات الماء
ثم جلست تجدله دروبا
وكلما اكملت دربا
عبرته الى دروب أُخر
أدركت تشابه الدروب
رغم التعاريج
ثم زفرت
وهمست الى نفسها
عادي
وهمست مرة أخرى ( الجن التعرفو ولا الجن الما تعرفو)

فعلاً عادي وبديع في نفس الوقت يا عشه ..
أجعلي الكاميرا صديقتك دوماً ..
لا تتركيها تعيش الوحده أحمليها معك في حلك وترحالك ..
أستمتعت بالمشهد والكتابة الرائعة ..
وبالخلفية الجميلة والصور التي رسمها ذوقك الفنان ..


والتحية أيضاً لي قريبتي تماضر بنت شيخ الدين ..

محبتي ..

اهلا بيك معتصم
شكرا على كلماتك الطيبات
وتشجيعي مع اول الصباح

ومعاك صورة قريبتك تماضر
مع بنية سودانية من شباب
النادي اصرت الا اصورها مع
تماضر ..

Quote: كانت تركض تارة صوب الشمس واخرى عكسها ... كلما صادفت أثرها على شاطئ الرمل تزداد دهشة فالموج لم يمسح اثر اقدامها بعد !! كانت ندية كأنها رسمت للتو ازدادت دهشة حين تضاعفت ظلالها .. فادركت أن الشمس قد رحلت وتعددت الاضواء اقتربت من البحر واغتسلت من العرق جففت شعرها من قطرات الماء ثم جلست تجدله دروبا وكلما اكملت دربا عبرته الى دروب أُخر أدركت تشابه الدروب رغم التعاريج ثم زفرت وهمست الى نفسها عادي وهمست مرة أخرى ( الجن التعرفو ولا الجن الما تعرفو)

حسة يا عشة مبارك انتى فرقك من ت.س. اليوت شنو؟؟

انتى كنز يا عشة يا حبيبتى ..شوفى كتابتك وتصويرك ديل حسة بقلو شنو عن كنوز الادب والفن البشيلو جوائز عالمية ديل ..بس عدم البيخلد يا عشوش.. احبك كثيرا

وتحياتى العامرة لضيوفك

صفاء فقيرى وقريبى معتصم فضل ولهما محبتى الممتدة ..

كانت تركض تارة صوب الشمس
واخرى عكسها ...
كلما صادفت أثرها
على شاطئ الرمل تزداد دهشة
فالموج لم يمسح اثر اقدامها
بعد !!
كانت ندية كأنها رسمت للتو
ازدادت دهشة حين تضاعفت
ظلالها ..
فادركت أن الشمس
قد رحلت وتعددت الاضواء
اقتربت من البحر
واغتسلت من العرق
جففت شعرها من قطرات الماء
ثم جلست تجدله دروبا
وكلما اكملت دربا
عبرته الى دروب أُخر
أدركت تشابه الدروب
رغم التعاريج
ثم زفرت
وهمست الى نفسها
عادي
وهمست مرة أخرى ( الجن التعرفو ولا الجن الما تعرفو)
(عدل بواسطة عشة بت فاطنة on 23-04-2006, 00:19 ص)
(عدل بواسطة عشة بت فاطنة on 23-04-2006, 00:21 ص)

it is all just amazing .. pls carry on

شكرا أرباب على القراية
والتشجيع ..شكرا
اخي وصديقي

بت فاطنة

تماضر دي ما عين محبة ساكت
لكن تحت تحت فرحانة
عشان سويتو العديلة
لحليمة ..

تماضر افتقدتك الله يشهد الليلة ومامس
وفتحت المسنجر
وقجيت شركي

مشتاقة اسمع ضحكتك وبعد
داك خليها التصبح ا##########

عشة الجميلة
منتظرين المذيد"المزيد" ... محاصرين يا بت فاطمة امي بناس محسن خالد لالالازم نكتب بالعربي الصاح و نحوي ... و اخوكي نوبي بيلخبط راسو الفرق بين الذ والز ... شفتي كيف تعبنا في ارضنا!!
انااعشق ابداعاتك .... واصلي جمالك يا بديعة .
تماضر ما تنتطريها .... اظنها ذبحا زول اسمه عبد الرازق الطالب في بوست هناااك .... و ماذالت المعارك مستمرة ...
نرجو المزيد من التجلي


بهاء ارباب

Quote: اخوكي نوبي بيلخبط راسو الفرق بين الذ والز ... شفتي كيف تعبنا في ارضنا

شكرا ليك اخي على هذه الروح الطيبة
وعلى مشاركتي ما كتبت ، ويخصوص الكتابة
ولخبتت الحروف أكتب ولا يهمك
المهم أن تخرج ما بداخلك وتعبر عن
احاسيسك وليتنا نرى النوبية يوما مكتوبة
ومعظم لغات السودان المهمشة

حوار
اهدي الصورة لتماضر وارباب
مع حبي

اها لو فى حاجة ما عادية غير جمالك الاشار ليه ارباب

هو حلاة "مدثر" ده..

بالله قبليه بالنيابة عنى ..

قبليه قبلة أم لم تلده..

واخرى اعطته الحياة ..

وواصلى كل هداياك محفوظة فى القلب مختومة بالدمع والاشتياق..

يا حبيبة

Quote: هو حلاة "مدثر" ده.. بالله قبليه بالنيابة عنى .. قبليه قبلة أم لم تلده.. واخرى اعطته الحياة ..

شكرا تماضر لهذا الاحساس
والمحبة الصادقة، والليلة
عاد بطلعوا
لينا في راسنا

تسلمى يا عشة بت فاطنة

إنت إنسانة فنانة بمعنى الكلمتين



ومن جده برسل ليك سلام

Quote: ومن جده برسل ليك سلام

هشام السمح شكرا ليك وعلى سلامك
وامس نحن اليوم كلو نفتفت من الضحك
في بوستك بتاع الجكس ( كدا صاح )
والعجب حكاية ناس جدة واحرام
العرق !!

والله يا عشة قصة الإحرام دى حصلت جد جد

الزول لا يعرف يبكى لا يعرف يضحك

ياخ السودانيين ديل بسوو المحن (شعب فقرى شديد)

واصلو ما بحتارو



تسلمى

الجميلة عشة ...
لك مااردت ..." ولك الايائل ان اردت.. لك الايائل و السهول .... ولك الاغاني ان اردت .. لك الاغاني والذهول "
شكرا علي الامتاع ... ايتها الفنانة الجميييلة .... وشكرا علي الاهداء ...
ساحتفظ بهذه الصورة .. اللوحة حتى نلتقي يوما ما ... ربما في ساحة لعرض الجمال .... ساسالك عن هذه الصورة ...
شايف تماضر رمت الشوكة وهجمت بيدينا"زيما قال الاستاذ اموم عن الكيزان في هجومهم علي وزارتي المالية والطاقة " ... " معليش يا تماضر علي التشبيه المخل " .... بس كنا عاوزين نبوس الوليد ....

واصلي الجمال يا عشة ... احمينا من القبح البيراقب غياب امثالك لكي ينتشر .... واصلي جمالك .


فاتني التنبيه ان الشعر في بداية مداخلتي لمحمود دروىش

يا ارباب ...


ياغيمة يفيق من وضوحها السراب..

يا غابة من الحنين والصحاب..


"انت ارباب دى جمع شنو؟؟"

منور يا سيدى منور

ولهشام التحية "شايفاك هاااايج اليومين ديل فى البورد..الحاصل شنو عندكم هناك؟؟"

سلام يا ناسي
بالامس صعدنا الجبل الاخضر , وقضينا امتع اللحظات هناك صور جميلة
راجعة

انتي عارفة يا تماضر وهشام
ابوكن دا بشبه تبارك شبه
ما عادي !!

الجبل الاخضر
واشياء اخر

صور وشئ من الروح ...

راجعة ..

Quote: الزول لا يعرف يبكى لا يعرف يضحك[/QUOTE اضحكوا ببكية زي حقة الشفع كدا - ان الله يحب الانبساط على قول ابن عربي ، من صفاته الباسط

---

Post: #68 Title: Re: عادي جدا يا تماضر لكنه بديع .. Author: Tumadir Date: 05-07-2006, 05:50 AM Parent: #63 عشوشة الجميلة ما زلت فى انتظار صور الجبل "طلعنا فوق فى الجبل وجلسنا جلسة غزل"

---

Post: #69 Title: Re: عادي جدا يا تماضر لكنه بديع .. Author: عشة بت فاطنة Date: 05-07-2006, 03:36 PM Parent: #68 لكن يا تماضر انشاالله تطلعي معاي الجبل الاخضر ، سبحان الله جبال في جبال ، صعدنا لاكثر من 2000 متر فوق الارض ، وهناك حياة وبلدان وآثار وبقول اهلنا المحس آثارات ، وخضرة وامطار وسيول وضباب وسحاب ، ولا البرد وتنز ل تحت الحر شئ فوق الوصف . اوعدك بهذه الصور بس انتي عارفة الكمبيوتر دا مختوت وين الناس بقت تتقلب عشان امشي اندمس . وبعد دا الشوق اردام أردام زي الملح في الطعام

---

Post: #70 Title: Re: عادي جدا يا تماضر لكنه بديع .. Author: حامد بدوي بشير Date: 05-07-2006, 04:27 PM Parent: #1 عاشة بت فاطنة، مش تاقين خالص. تاقين ونص. يعني عملتو خيانة وانسرقتو براحة مع باقار أنوم (إسم الدلع للباقر موسى). أنشا الله الجبل الأخدر ما ينفعكم. وصلي اشواقنا للعزبا الوحشت الفريق.