Post: #1
Title: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Tumadir
Date: 12-25-2006, 03:47 PM
هذه اللوحة كانت من ابتداع اجتماع عضوية الجالية السودانية ..
وهى بعد اقتراح جه من السكرتير العام "خالدة الجنيد" ..برسم كرت يرسل لجميع الاعضاء للتهنئة بالمناسبات التلاتة
الكريسماس عيد الضحية وعيد الاستقلال ...
وانا اذ أهنىء الشعب السودانى متمثلا فى عضوية وقراء سودانيز اونلاين
اطرح هذه الاشكالية ..اشكالية تصميم الكرت ..لمساعدة هذه الجالية العزيزة ..ومساندتها فى تخطى هذه المعضلة الجسيمة
فأرجو تقبل التهانى بالاعياد المذكورة
والمشاركة فى طرح افكار جديدة ..لتصميم الكرت
وهنالك بعض المساهمات التى أتتنى من بعض الاصدقاء وافراد الاسرة
سانتا كلوز راكب خروف الضحية ومعمم بالعلم
سانتا جالس وعلى حجره خروف ..أمنيته للعيد "I don't want to die"
العناصر الاولية هى
خروف
علم سودانى
شجرة كريسماس
سانتا
وكل ما تتفجر عنه ذخيرتكم الابداعية
وكل عام وانتم بخير
|
Post: #2
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: nazar hussien
Date: 12-25-2006, 03:58 PM
Parent: #1
Quote: العناصر الاولية هى
خروف
علم سودانى
شجرة كريسماس
سانتا
|
انتي مش عاوزاهم كلهم يحتفلو بالاعياد دي...
اول حاجة
ركبي الخروف في المركب وقطعيه الضفة التانية....حا يفضل ليك العم سانتا وشجرتو..في الضفة الاولي.
وارجعي بالمركب فاضية شيلي العم سانتا نزليه بالضفة التانية ورجعي الخروف معاك ...الضفة الاولي...
وقبال الخروف ما ياكل الشجرة,,,نزلي الخروف وارفعي الشجرة لحقيها العم سانتا...وأرجعي تاني جيبي
الخروف لحقيه عيد الكريسماس....وقولي ليهم مافي ضحية السنة دي...
وكل سنة وانت اجمل....واولادك وأهلك والسودان بخير...
|
Post: #3
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Tumadir
Date: 12-25-2006, 04:05 PM
Parent: #2
Quote: ركبي الخروف في المركب وقطعيه الضفة التانية....حا يفضل ليك العم سانتا وشجرتو..في الضفة الاولي.
وارجعي بالمركب فاضية شيلي العم سانتا نزليه بالضفة التانية ورجعي الخروف معاك ...الضفة الاولي...
وقبال الخروف ما ياكل الشجرة,,,نزلي الخروف وارفعي الشجرة لحقيها العم سانتا...وأرجعي تاني جيبي
الخروف لحقيه عيد الكريسماس....وقولي ليهم مافي ضحية السنة دي...
|
ذكرتنى أحمد باص لما كنا فى المعهد
كان فتران وزهجان...
قامت سمية خالد قالت ليهم غلوتية بتاعة 3 أزواج ومركب وضفتين
والمركب ما بتشيل اكتر من اتنين ..
وما بتمشى فاضية
ولو فى راجل ركب مع مرة راجل تانى بدقها
قام احمد باص يحل والناس الباقيين يحلوا ابت كلو كلو ..
قام بى حماس فجائى كده بدا يحل
تمشى المركب الدور الاول شايلة راجل ومرتو
تجى راجعة بالراجل تشيل مرة الراجل التانى
قالت ليه: بدقها
قال ليها: يدقها ....
وواصل فى الحل.
ههههههه
شكرا يانزار على لذاذتك...وكل عام وانتم بخير
|
Post: #4
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: nazar hussien
Date: 12-25-2006, 04:30 PM
Parent: #3
Quote: تمشى المركب الدور الاول شايلة راجل ومرتو
تجى راجعة بالراجل تشيل مرة الراجل التانى
قالت ليه: بدقها
قال ليها: يدقها ....
وواصل فى الحل.
ههههههه
|
طبعا هو بيكون اكتشف غلطتو....ومركبو في البحر...عشان كدا قال اخير تندق مما يغلطوه
هههههههههههههههههههههههههههههههه.....من زمن ما ضحكت بصوت عااااااالي......
والله انت الالذ يا تماضر....
طبعا انا فوق نسيت العلم....وافترضت براي كده بعد ما عملت كليك علي اضف رد...
انو العلم ما ...مشكلة لما يصلو بلاقوه مدروع في الشجرة...وبعدين هم دايرين بيه شنو؟
|
Post: #5
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: garjah
Date: 12-25-2006, 05:21 PM
Parent: #4
تماضر
سلامات
اول حاجة نضبح الخروف ونضرب الشيات
بعدين بوريك
الرسمة تتعمل كيف
كل سنة وانتي طيبة يا طيبة
طمطم
جاتني فكرة
ايه رايك نعمل الخروف معلق
ويكون الجلد بدا ينسلخ ...يعني مرق من الكرعين ومدلدل على وسطالخروف
وتكون الفكرة الاساسية انو الجلد بالوان علم السودان .
وعمك سانتا شايل حزمة قش وبحاول يأكل راس الخروف المقطوع
مأساه
موووش
|
Post: #6
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Abureesh
Date: 12-25-2006, 05:43 PM
Parent: #4
والله يا تمـاضـر..
لقـد ضحكت كثيـرا، فى وقت أحوج ما أكون للتسليـة.
الله يديك العافيـة.. ما أشوف بوستك الا أستبشــر وأدخل طوالى.. مثلك مثل بائع المسك، ولو تتصـورى الحتة الأنا فيهـا الأن.. موش مافيهـا ســودانى.. دى مافيهـا حتى أجنبى غيـرى، بعـد زمن لما أشـوف واحـد خواجـة أسأله، الأخ من فرانكفورت؟ وهـو زاتو يفـرح.. لما أخش مطعـم، العمال كلهـم والمديـر، وبعض الزبائن المتطوعين يجو عشـان يسـألوك عايز تطلب شنـو.. بعدين يبقوا واقفين حواليك لحـد ما تنتهى، تخيلى يدوك كروشتين عشـان تأكلى بيهـم.. يعنى حتنتهـى متين من أكل الجن دا..
المهـم مع الزهجـة دى قدرت أحل ليكى اللغز..
1- يركب رجل وزوجتـه
2- يترك الزوجـة ويعود بالمركب
3- زوجتان تركبان المركب
(الأن الرجال بجاى والنســوان بيغادى والمركب معاهن)
4- ترجـع زوجـة بالمركب
5- تبقى مع زوجهـا وتعطى المركب للرجلين للحاق بزوجتيهمـا
(الأن عندنـا رجل وزوجتـه هنا، ورجلان وزوجتيهمـا هناك والمركب معهم)
6- يعود رجل وزوجتـه بالمركب.
7- يركب الرجلان المركب ويتركان زوجتيهما
(الأن عندنـا زوجتان بجاى، وثلاث رجال وزوجـة أحدهم بغادى والمركب معهـم)
8- تعود الزوجـة بالمركب وتخرج المرأتـان (واحدة واحـدة)
|
Post: #7
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Emad Abdulla
Date: 12-25-2006, 05:54 PM
Parent: #6
سانتا يمسك العلم من رجلينو الورا ..
( الخروف ) يمسك القدام ..
الشجرة تشتغل مفراكة ..
تنفخ العلم .. و بالمرة تسلخو .
( علماً إنه الميتة لا يجوز الفداء بها )
كوميديا سوداء يا تماضر ..
كل سنة و إنتي و عائلتك و العلم طيبين .
|
Post: #8
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: محمد سنى دفع الله
Date: 12-25-2006, 06:14 PM
Parent: #7
[urple] ليه خروفين
راس السنة وناس سانتا كلوز
مابتاعين جداد وديوك رومية
لانو الخروف مابتعلق في شجرة الميلاد
بدشدشه
وانت من زمن الخروف ياكل العلم
هسي في عدم مواكبة
ظهر الخروف البياكل الاكياس بعد بتاع الدلاقين
ونحن في زمن الخروف الحايكلنا نحن زاتنا
الخروف الضبح مسعود تزكريه
اها نحن في زمنو
سلام مربع لي خالده الجنيد
وللجالية كلها
وعيد ميلاد مجيد وعمر مديد
وسنةخير وبركة
وربنا اغطيكم واحفظكم في غربتكم
وعام جديد للسودان الذي نريد p
|
Post: #9
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: لؤى
Date: 12-25-2006, 06:30 PM
Parent: #3
Quote:
قالت ليه: بدقها
قال ليها: يدقها ....
وواصل فى الحل.
|
إتلوّمممممممممممممتَ يا أحمد
تماضر
والله والله والله مُشتاق ليك ...
|
Post: #10
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: AlRa7mabi
Date: 12-25-2006, 06:33 PM
Parent: #1
خلاس ، لفوا ((( الخروف ))) بالعلم ، وادوا كل زول سكين
ما قالوا البلد كان ( وقع ) سكاكينوا بكترن
كل وطن والعلم بخير
|
Post: #12
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: فاروق حامد محمد
Date: 12-25-2006, 07:22 PM
Parent: #10
تماضر كل عام وأنت وأولادك بألف ألف خير
والسودان مليون بمليون خير ...
عجبتني الغلوتية وحلها ساهل جدا
يركبو راجلين ويرجع راجل بالمركب
يرجع يشيل الرجل الثالث ويعملو قعدة بهناك
وبس !!!!!!!!!!!!!! بلاش وجع دماغ !!!!!!!!!
ملحوظة : typical Sudanese
|
Post: #11
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Elmuez
Date: 12-25-2006, 07:17 PM
Parent: #1
أرض جليدية و "سنو" نازل "فلوريز" !
الخروف مؤدي دور الغزلان و جاري"بتشديد الراء" عربية الجليد الصغيرة ديك و جالس عليها سانتا كلوز مبسوط و رافع علم السودان فوق ..
في السماء الملبد بالغيوم "قمر" كبير مرسوم بما يتناسب و حالة السماء و داخل إطار القمر مكتوب 2007
مشهد يعبر عن الأفراح .. التفاؤل .. و "التسامح" في آن !
"أكل العلم " خلوه هسة بنجيه لي قدام
بس عايزين ليكم زول أو زولة رسـآآآآآآمة تمرق الفي راسي ده !
الشجرة في الخلفية !..
هابي كلو !
|
Post: #13
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: خدر
Date: 12-25-2006, 07:30 PM
Parent: #11
(1) يركب راجل و مرتو و يعدو الضفه التانيه
(2) يرجع الراجل براهو و يخلي مرتو هناكـ
(3) يركبو المرتين التانيات ويعدو للضفه التانيه الفيها مرة واحده قاعده براها
(بقي عندنا تلات نسوان في ضفه وتلاته رجال في ضفه )
و بي كده نكون حلينا مشكله العلم و الخروف و سانتا
كل سنه وانتو طيبين تمادر و خالده
|
Post: #14
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: عصام عبد الحفيظ
Date: 12-25-2006, 07:32 PM
Parent: #11
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
سانتا خروف علم سكبن شربوت سودان ضحية كريسماس 2007 الحج كلو الوقفة سنة العيد
|
Post: #15
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Marouf Sanad
Date: 12-25-2006, 07:57 PM
Parent: #14
Quote: العناصر الاولية هى
خروف
علم سودانى
شجرة كريسماس
سانتا |
سانتا يضبح الخروف ويعلقو في الشجرة
علم سوداني على رأسه نارٌ ينجضوا بيها الخروف
|
Post: #16
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: محمد عادل
Date: 12-25-2006, 08:09 PM
Parent: #15
كل سنة وانتى طيبة ياستاذة تماضر
|
Post: #17
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Emad Abdulla
Date: 12-25-2006, 08:11 PM
Parent: #15
Quote: (بقي عندنا تلات نسوان في ضفه وتلاته رجال في ضفه )
و بي كده نكون حلينا مشكله العلم و الخروف و سانتا... |
و أنا
عافي منك يا أصلي .. ده الكلام .
|
Post: #18
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Adil Al Badawi
Date: 12-26-2006, 07:04 AM
Parent: #17
Quote: العناصر الاولية هى
خروف
علم سودانى
شجرة كريسماس
سانتا |
سانتا بتاء هديد والاّ سانتا بتاء إرِس!
كل عام وأنتم بخيرين...تلاتة.
|
Post: #19
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: المسافر
Date: 12-26-2006, 07:12 AM
Parent: #18
تميدور
كل سنة وانتم بخير
بس مسألة مسعود ذبح الخروف دي مين زرعها في افكارنا
أمال وين الورود والزهور
ويسلم عرض الشارع من سيل الدم
|
Post: #20
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Zoal Wahid
Date: 12-26-2006, 07:29 AM
Parent: #1
Quote: العناصر الاولية هى
خروف
علم سودانى
شجرة كريسماس
سانتا |
الحل بسيط للناس الزي حلاتي عايزين ياكلو شية
سانتاكلوز يضبح الخروف
ويعلقوا في الشدرة عشان نسلخو
والعلم نفرشوا في وطات الله عشان نقعد فيهو ونضرب الشية.
|
Post: #21
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Abureesh
Date: 12-26-2006, 07:52 AM
Parent: #20
Quote: العناصر الاولية هى
خروف
علم سودانى
شجرة كريسماس
سانتا |
من شـروط الشعار البسـاطـة.. لذلك أقترح الأتى:
الخورف يكون صوفـه باللون الأخضـر (شجـرة الكرسماس) وعليـه لمبات صغيـرة.. ووجـه الخروف يكون عالى مثل أبوالهول ويأخـذ وجـه وذقن سـانتـا، ويحمل بين يديـه صندوق الهدايـا ملفوف فى علم الســودان.
رأيك شنـو؟
|
Post: #22
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: معاذ حسن
Date: 12-26-2006, 08:05 AM
Parent: #21
كل عام وانت بالف خير وعافية
كالعادة بوست لذيذ بس يلخبط الواحد شوية.
أقترح
سانتا كلوز راكب خروف الضحية بالقلبة ورافع العلم الامريكي
وجاري وراهو حمار شايل الهدايا ومعلق عليهو العلم السوداني.
|
Post: #23
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: nazar hussien
Date: 12-26-2006, 08:09 AM
Parent: #21
Quote: الخورف يكون صوفـه باللون الأخضـر (شجـرة الكرسماس) وعليـه لمبات صغيـرة.. ووجـه الخروف يكون عالى مثل أبوالهول ويأخـذ وجـه وذقن سـانتـا، ويحمل بين يديـه صندوق الهدايـا ملفوف فى علم الســودان.
رأيك شنـو؟ |
لكن اللمبات ما من ضمن الادوات يا ابو الريش
وثم ثانيا ...الخروف عايز توقفو شايل صندوق الهدايا من ليلة الكريسماس حتي الضحية...
ولا أكل لا شراب...ولافيه بالعلم كمان....؟؟؟ يا راجل....يا قول حمدي بدرالدين
|
Post: #24
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: mohmmed said ahmed
Date: 12-26-2006, 11:36 AM
Parent: #23
الخروف
قاعد ياكل من شجرة الميلاد
سانتا
قاعد يكورك تك تك
وطاقية سانت ملونة بعلم السودان
كل سنة وانت طيبة
|
Post: #25
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: mamkouna
Date: 12-26-2006, 12:00 PM
Parent: #1
Quote: العناصر الاولية هى
خروف
علم سودانى
شجرة كريسماس
سانتا |
أقترح الآتي..
عربية سانتا كلوز يكون سايقينها بدل الوعول..خُرفان..
العربية يرفرف فوقها علم السودان..
نمرة العربية 2007 ..
العربية مُحمٌلة بالهدايا و ماخدة لفة حول العالم..
و فيها سانتا كلوز و..الضبٌاح..!!!
|
Post: #26
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Tumadir
Date: 12-26-2006, 03:41 PM
Parent: #25
لا انتو اتبحرتو فى العلم يا شباب
قرأت مداخلاتكم وأعجبتنى القفشات والخيال واللذاذات
كل عام وانتم بخير يا ...فطاحلة السخرية
قرجة
ابو الريش
عماد عبدالله
محمد السنى دفع الله
لؤى
الرحمابى
فاروق حامد محمد
المعز
خدورى
عصام عبد الحفيظ
معروف سند
محمد عادل
عادل البدوى
المسافر
زول واحد
ابو الريش "تانى"
معاذ حسن
نزار "لسه"
محمد سيداحمد
ممكونة اللذيذة
اهو كلكم طلعتو وجوديين وسيرياليين
انا حسة كان على اجيب حلة كبيرة واكب الكريسماس والخروف والاستقلال
واعمل ليهم بيكنج بودر وافركهم ..واعمل ليهم كسرة رهيفة وشطة ليمون ونضربهم ونغسل ايدينا ويجى "بابا" يغسل العدة ونكون خلصنا من الموضوع
ومالدنيا سوى حلة مفروكة ..وهذه الاعياد نصنعها لينشط السوق...ويزدهر البيزنيس
زمان شفت لى كاريكاتير مصرى بخصوص عيد الام
لانه الاولاد بيشيلوا القروش من أماتهم عشان يشتروا ليهم هدية "عيد الأم"
الكاريكاتير بيصور الام وهى بتتكلم مع ولدها وبتقول ليه: عندى سر ظليت محتفظة بيه كل السنين دى ..ودلوقت حأكشفوا ليك لاول مرة،
أنا مش أمك..أنا أبوك ..
لكم ولاسركم جميعا ..اصدق التهانى بالاعياد السعيدة،
جعل الله أيامكم أعيادا
ومحافظكم مخادا "جمع مخدة"...
|
Post: #27
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Elawad Eltayeb
Date: 12-26-2006, 05:06 PM
Parent: #25
Quote: العناصر الاولية هى
خروف
علم سودانى
شجرة كريسماس
سانتا
|
الخروف مزبوح ومعلق من كرعينو مربوط بالعلم في شجرة الكريسماس وعمك سانتا شايل السكين وبيسلخ، والدم راسم شكل العام الجديد 2007 وكرشة الخروف راسمة خارطة السودان.
في الخلفية عجاجة قوات الأمم المتحدة داخلة من الغرب وعمر البشير فريييرة
وعلى عثمان بيقنع في الملاك يسلفوا جناحينو.
|
Post: #28
Title: Re: خروفين ..واحد مضبوح معلق فى شجرة كريسماس والتانى بياكل فى العلم السودانى
Author: Tumadir
Date: 12-26-2006, 05:37 PM
Parent: #27
العوض الطيب
كل سنة وانت طيب وأهديك هذا الفيديو الجديد لابن لادن لتكتمل "اللوحة" ...
فأنا حقيقة معجبة بالجزء الاول منه قبل ما تظهر الشخصية التانية
وأتمنى أن يعمل أحد الفالحين على انزاله
http://youtube.com/watch?v=P-WU_5hRHLM
|
|