Post: #1
Title: أها ..عملتو شنو بى وراى؟
Author: Tumadir
Date: 01-27-2007, 07:56 PM
Parent: #0
مشتاقون والله..
غيبتنا عنكم مشاغل الدنيا وآفات التكنولوجيا ..
لكنكم كنتو فى البال ..طول الغياب
اتفرجت فى افلام كتيرة (وانا الذى ضيع فى الافلام عمره)
وحضرت مناسبات ثقافية ما بطالة..وما أثقف منكم
وقابلت ناس جميلين ..وما أجمل منكم
وبالله رايكم شنو فى التعابير الجاهزة بتاعة المجاملة دى؟
توبك حلو
انتى الاحلى
خالتك ظريفة
انتى الاظرف
بيتكم سمح
من ذوقك
اكلكم حلو
بالهنا
وقيل
ينفعك
زول يعصر لى امه قروش
أن شا الله ما تقل عليك
زول يزوك
شرفت
زول يودع
ان شا الله دريب محنتك ما ينقطع "ودى المفضلة عندى" بسمعها كنت من امى
هو الزول يالله ويامين يتحل من السلام
ازيك
الله يسلمك
الله يبارك فيك
الله يعافيك
وليداتك
بنياتك
الجيت منهم
مشتاقين
ساءلين منكم والله
بركة الشفناك طيب
ماشاء الله والله
نورت البلد
شرفت والله
اتفضل
كيف اللاحوال بالله
طيبين كده؟
الفى طرفكم
واحبار الجماعة شنو؟
والله ليك وحشة
شقة غريبة
ههههه
ولاحظوا الزول التانى مدور براه
الله يبارك فيك
الله يسلمك
تسلم
البلد منورة بى ناسا
والله نحمد الله
طيبين وبيسلموا عليكم
بالاكتر
يسأل منكم الخير
شرف الله قدرك
الحمدلله
بركة الشفناكم والله
بارك الله فيك
الحمدلله
وكل قاموس الطيبة والظرافة المتوفر فى السودان ..
ان شا الله يكون لسه فى ..
طبعا بعد مشينا من السودان جات جزاك الله كل خير
ومكسب
وفى امان الله
المهم مشتاقين ياشباب
والسؤال المهم
ورونى عملتو شنو بى وراى؟
حليتو مشكلة السودان؟
الغلب منو؟ المستنيرين ولا الظلاميين
الخور ملان ولا فاضى
العرس منو؟
الحصلت ليه وفاه منو
الثقافة اخبارها شنو؟
قريتو شعر سمح؟ سمعتو غنا سمح؟ قصة قصيرة رواية
مسرح غنا ؟
اى حاجة جديدة حصلت ؟
امضاءات ؟
بيانات؟
شكلات؟
شناف؟
المهم اسئلة تحتاج للاجابة ..واتوقع اجابات شافية
ولا تكون القصة دى قربة مقدودة ساى
والله مشتاقين ...
وده عربون محبة .....
|
Post: #2
Title: Re: أها ..عملتو شنو بى وراى؟
Author: abubakr
Date: 01-27-2007, 07:59 PM
Parent: #1
بس ات كنتي وين ؟
مشوار لدكان الزهور بياخد الوكت دة كلو ؟
عودا حميدا ...
|
Post: #3
Title: Re: أها ..عملتو شنو بى وراى؟
Author: Tumadir
Date: 01-27-2007, 08:13 PM
Parent: #2
لا تسألوا عن أشياء ان تبدى لكم تسؤكم
يا ابوبكر ...
الشكية لغير الله مذلة
لكن محمد ويسرا ديل اتنين يافعين فى بيتى ..قولو كده وأكبروا وأبقوا 14 و13
الولد الاكبر
حماك الله ...
اجرى بى وراهم زى السخلة ..من لعبة كورة لى فرقة موسيقى لى "جمعية الشباب" لى فصل الفنون لى اجتماع المدرسة ..
وبشتغل اجارك الله شغلتين واحدة بالصباح واحده طول الليل .. والوصية بالتلفونات
وبعد داك امسك يالموديم اسكت
طلبنا غيره من شدة ما جاريين ما ركبناه الا امس ...
الله يجيب العواقب سليمة غايتو..
شكرا على السؤال ولو الاجابة ما عجبتك ممكن ترجعها بالميل (دى شافاها من ناس الموديم)
|
Post: #5
Title: Re: أها ..عملتو شنو بى وراى؟
Author: حبيب نورة
Date: 01-27-2007, 08:38 PM
Parent: #3
أيييييييك
عملنا العمايل في زمن الهجايم
أسكتي ساهي
كدي أسمحي لي بالرقصة دي هسة
أمانة ما جاطت الخلق و انتي البعاد
حتي السما الليلة ناحت أنجمـا
وانتي البعاد
حتي الشجر جافاهو في ليل المطر
وانتي البعاد
أِييييييييييييك
غيابك كعب
بس أوعي تقولي لي انت الأكعب
كعب البعـاد
يا الغايبة في أقصي البلاد
والله تشتهيك المداين
والسفاين
والجناين
لكن الزمن يا غالية خاين
و يااااااااااااه يا زمن
بالمناسبة
جيداً جيتي
وعاد لاتشوفي شر
|
Post: #11
Title: Re: أها ..عملتو شنو بى وراى؟
Author: Tumadir
Date: 01-27-2007, 10:31 PM
Parent: #5
أها يا حبيب نورة
جنس نظمك ده هو الخلانا نحب البورد ده ..
والاشواق موصوولة يا حبيب نورة ..
وانتى البعاد دى عجبتنى ..لانها تعبير خاص بيك ..وواصل المعنى ..
فتحيات صادقة ومرحبتنين حبابك ...ما حأقول ليك انت الأكعب لكن بقول ليك انت الأجود 
|
Post: #4
Title: Re: أها ..عملتو شنو بى وراى؟
Author: عوض حمزة
Date: 01-27-2007, 08:24 PM
Parent: #1
Tumadir
والله منورة (بق).
وشكلك يااختى رايح ليك شمار ..
اها ابقى جاى .. وحبابك الف..
عوض حمزة
|
Post: #6
Title: Re: أها ..عملتو شنو بى وراى؟
Author: أسامة خلف الله مصطفى
Date: 01-27-2007, 08:48 PM
Parent: #4
أختى العزيزه تماضر
حمد الله ع السلامة....
محل ماكنتى ....
الزمن أصبح كعب....
والنفوس أكعب...
إذا سافرتى البلد مصيبة...
وإذا سافرتى سويسرا مصيبتين....
آخ يا زمن....
سعدت برأيتك بسنترال بارك بنيويورك فى ميوم التضامن مع ضحايا دارفور...
أخوك
أسامه خلف
|
Post: #14
Title: Re: أها ..عملتو شنو بى وراى؟
Author: Tumadir
Date: 01-27-2007, 10:37 PM
Parent: #6
| Quote: سعدت برأيتك بسنترال بارك بنيويورك فى ميوم التضامن مع ضحايا دارفور... |
نحن الأسعد والله برؤياك ..وقد كان يوما جديرا بالحضور ..
اما كعوبية الزمن ده فحدث ولا حرج ..
الزول بس بقى يتفرج ..ويقول انا فى حلم ولا فى علم ...
مع انه الفرجة ضارة بالكثيرين من المستضعفين ..لكن فقدنا خط الرؤية وفى غبار كتير فى الجو الواقع ..بين الحقيقة والخيال ...
أدعك عيونك زين
|
Post: #9
Title: Re: أها ..عملتو شنو بى وراى؟
Author: محمد البشرى الخضر
Date: 01-27-2007, 09:02 PM
Parent: #4
أولا :
مرحب بي عودتك كتير و البورد نَور
تانيا:
ما تغيبي كدا تاني
تالتا و الأهم:
بسرعة حا اديك رؤوس مواضيع لجزء من للشمار الفاتك
1/ بمناسبة العيد و السنة الجديدة عمك الريس أطلق دعوة رائعة للتسامح و فتح صفحة جديدة و عودة جميع الموقوفين لأسباب إدارية
كانت نتيجتها عودة ميمونة لأقلام رائعة, منها من عاد مباشرة و بعضها تقل علينا شوية و الباقين لسة
2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات يليه لؤي و معاذ بعدين عمل إنتخابات لطيش المنبر , قام وليد رشح عمك بكري, طوالي عمك ما كضب قاليهم ما دام قلتوا كدا , تموا التصويت في الخور. وحاليا التصويت مدور بي هناك و إن كان الإقبال مش ولا بد
3/ ناصر البطل أخد وورننغ ( لكن ما تسأليني ليه)
نواصل بعد شوية
|
Post: #18
Title: Re: أها ..عملتو شنو بى وراى؟
Author: Tumadir
Date: 01-27-2007, 10:54 PM
Parent: #9
| Quote: مرحب بي عودتك كتير و البورد نَور |
محمد البشرى خضر
نور الله عقلك ...
تصور حأغيب ...للأسف يعنى ..طالما البرنامج (المذكور أعلاه) ما تغير ..لكن بحاول ان شاء الله ..
| Quote: بسرعة حا اديك رؤوس مواضيع لجزء من للشمار الفاتك |
انت يايابا ..تلقى الفى مرادك ...أها ...
Quote: 1/ بمناسبة العيد و السنة الجديدة عمك الريس أطلق دعوة رائعة للتسامح و فتح صفحة جديدة و عودة جميع الموقوفين لأسباب إدارية
كانت نتيجتها عودة ميمونة لأقلام رائعة, منها من عاد مباشرة و بعضها تقل علينا شوية و الباقين لسة |
والله خطوة بالغة فى الرقى ..وكويس انه أعرف انه "أقلام رائعه " عادت تلك الميمونة ...(اذكر منها ثلاثة اقلام ...) لا لكن خبر مفيد وفريد ...
Quote: تالتا و الأهم:
2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات يليه لؤي و معاذ بعدين عمل إنتخابات لطيش المنبر , قام وليد رشح عمك بكري, طوالي عمك ما كضب قاليهم ما دام قلتوا كدا , تموا التصويت في الخور. وحاليا التصويت مدور بي هناك و إن كان الإقبال مش ولا بد |
ناذر يستاهل وألف مبروك ليه ..انا شفت البوست ده لمحة واندهشت لما لقيت زول مرشحنى ...لأنى ما كنت مواكبة فى المنبر وما كان من حقى انافس
على كل حال اللقب "حقى" ..لانه انا كنت أول نجمة للمنبر يرشحوها ويتفق عليها الاغلبية ..وكانت لفتة لا تنسى ..ما زلت احتفظ بحلاوتها ..فى الحلقوم ..مبروك لناذر ..وحسة من دربى ده امشى على الخور ..أغربل باقى الشمار هناك ...
.| Quote: 3/ ناصر البطل أخد وورننغ ( لكن ما تسأليني ليه) |
ههههههه الذ خبر ..بس المهم هو ما يكون اتلوم ليه فى زول .....(اللوم بجى بالغفلات) لكن عجبتنى وورنيغ دى خالص خالص
شوية دى عندكم كم بالدولار؟ ما كفاية ؟؟
|
Post: #12
Title: Re: أها ..عملتو شنو بى وراى؟
Author: Tumadir
Date: 01-27-2007, 10:33 PM
Parent: #4
انت الأبق يا عوض حمزة
انا رايح لى فندك ..عديل كده ..
زمان فى واحد بجى يقول فى جنو فى جنو ؟؟ قاصد فى شنو؟
لمن سموه فجنو ..
فحسة انا فى حالة فجنوة شديدة ..وطاشة طشة العدو من المنبر وناسو ..
مراحب
|
Post: #7
Title: Re: أها ..عملتو شنو بى وراى؟
Author: nourelhadi awad
Date: 01-27-2007, 08:51 PM
Parent: #1
وبالله رايكم شنو فى التعابير الجاهزة بتاعة المجاملة دى؟
يعني
|
Post: #19
Title: Re: أها ..عملتو شنو بى وراى؟
Author: Tumadir
Date: 01-27-2007, 10:58 PM
Parent: #7
طبعا أحلى حته استعمل فيها "السودان" كلمة يعنى هى فى أغنية محمد الامين ..شال النوار ..وطبعا بقععععععدها هو لمن تقوم ليها أجنحة:
يعنى ...........نسيتنا خلاص؟
مع انك انت الخليتنا ..
نغنى الحب فكرة واخلاص
يانور الهادى عوض .....فاهمنى انت؟
|
Post: #50
Title: Re: أها ..عملتو شنو بى وراى؟
Author: nourelhadi awad
Date: 01-28-2007, 11:47 AM
Parent: #19
*نغنى الحب فكرة واخلاص
يانور الهادى عوض .....فاهمنى انت؟
* معقولة بس!!
...................................
تماضر ياللا
قولي لينا
ناس أبيت
وفي شنو
حاجات الدغالة
وحاجات أهل العوض
والقرضمة
...............قولي سمح
|
Post: #8
Title: Re: أها ..عملتو شنو بى وراى؟
Author: fadlabi
Date: 01-27-2007, 09:00 PM
Parent: #1
أييييييك و الله يا تماضر عملنا كترة حاجات
ياخي النت ده حاجة غريبة خلاص
والله لمن شفت البوست حقك
إنبسطت بسطة شفتك عديل
مش حاجة غريبة إنو يكون في ناس عمرك ما لاقيتهم
تكون متأكد إنهم أصحابك و تشتاق ليهم
و تفرح لمن تلاقيهم
لا حولااااا
أنا أظني بحبك شديد خلاص يا تماضر
إزيك ياخ
مشتاقين
|
Post: #21
Title: Re: أها ..عملتو شنو بى وراى؟
Author: Tumadir
Date: 01-27-2007, 11:03 PM
Parent: #8
| Quote: أنا أظني بحبك شديد خلاص يا تماض |
لا انت ما أظنك ..
ات بتحبنى لأنى بحبك ..وبعرفك بدون ما ألاقيك ..معجبة برسمك وشعرك وجنك وصحبتك لى قرمبوز صاحبى "برضو ما لاقيتو تصدق"؟
ومتابعة حبك للبت الفرنسية وزواجكم والبت ..وهى فى الرحم ..ومرقت بره أجمل ..متابعاك يا فاضلابى وحاباك وبكون أسعد وكت فى حياتى انه أشوف الاصحاب السيبيريين زيك كده ..وأكتمل ..خيالا وواقعا ...وحتى لو ما تلاقينا ..ضامناك
ضامناك دى وقعت ليك؟
اخو وأخت ..وكل حاجة ..يا مرحبا بالمحبة ...
|
Post: #10
Title: Re: أها ..عملتو شنو بى وراى؟
Author: Ibrahim Algrefwi
Date: 01-27-2007, 09:37 PM
Parent: #1
Quote: لا حولااااا
أنا أظني بحبك شديد خلاص يا تماضر |
وأنا ذي فاضلابي ده -مع إنو خليت صحبتو- في الشديد .
بكره بجي اوريك الحصل شنو ؟
كدي نمشي حفلة ناس "ابوساندرا " دي ونجي !
علي العموم اتيتمنا بعدك .
|
Post: #13
Title: Re: أها ..عملتو شنو بى وراى؟
Author: محمد البشرى الخضر
Date: 01-27-2007, 10:35 PM
Parent: #10
يلا جيتك تاني..
4/ لا زال الحبشي مزازي محسن خالد
5/ بشاشا لسة شايل فرمالاتو و حايم بيها
6/ بورداب الخرطوم مواصلين في الإبداع و التألق
7/ دينق زار السودان بعد 17 سنة و رجع أمريكا مسخن , دور في الظلاميين من تاني يوم
8/ الجمهوريين أحيوا ذكرى رحيل الأستاذ بطريقة ملفتة - بس ما متأكد له و لا عليه
9/ د.بيان رجعت المين البورد بخجل, لكنها إعصار في الخور
اكمل باكر إنشاء الله
|
Post: #15
Title: Re: أها ..عملتو شنو بى وراى؟
Author: محمد البشرى الخضر
Date: 01-27-2007, 10:43 PM
Parent: #13
Ooooooops
كنت حا أنسى أهم خبر
10/ خالد كودي طلع مستلب زينا - حسب بشاشا
11/ حكاية كودي دي طلعت أساسي من عزلته و خلته يكسر قدسية ستاته الأربعة و جاهم شمتان
واحدة أخيرة
12/ الحبشي فاكر تبارك أخوك Female
يلا صباحاتكم بيض
|
Post: #33
Title: Re: أها ..عملتو شنو بى وراى؟
Author: Tumadir
Date: 01-27-2007, 11:54 PM
Parent: #15
| Quote: / الحبشي فاكر تبارك أخوك Female |
ما انصبق عليها
تعرف حسة يجى يقول لى "انصبق" دى ما صاح والصاح انسبق ..وما أدراكا
هو و تبارك ان شا الله ينفدغوا فى بعض ماااااااا شغلتنا ...
لكن رهيبة
|
Post: #23
Title: Re: أها ..عملتو شنو بى وراى؟
Author: Tumadir
Date: 01-27-2007, 11:08 PM
Parent: #13
Quote: يلا جيتك تاني..
4/ لا زال الحبشي مزازي محسن خالد
5/ بشاشا لسة شايل فرمالاتو و حايم بيها
6/ بورداب الخرطوم مواصلين في الإبداع و التألق
7/ دينق زار السودان بعد 17 سنة و رجع أمريكا مسخن , دور في الظلاميين من تاني يوم
8/ الجمهوريين أحيوا ذكرى رحيل الأستاذ بطريقة ملفتة - بس ما متأكد له و لا عليه
9/ د.بيان رجعت المين البورد بخجل, لكنها إعصار في الخور
اكمل باكر إنشاء الله |
ده بورد ولا سوبر بول ... وهو محسن خالد رجع البورد؟ ...بختنا كان كدى ..."لاحظ كدى وما كده" ..
اخبارك لذيذة ...واصل
|
Post: #16
Title: Re: أها ..عملتو شنو بى وراى؟
Author: عثمان سيد أحمد
Date: 01-27-2007, 10:45 PM
Parent: #10
وأقول ليك
يا الرائعة أنت الأروع
ألف حمد لله على السلامة
عشان كدا منبرنا نور
وبيتنا نور وحلتنا نورت
ويا ناس الحلة هوى 00 تماضر رجعت بالسلامة 0
وألف ألف مرحب 00
والله ليك وحشة 00 ايتها الفنانة الأصيلة 0
مع مودتي 000
|
Post: #25
Title: Re: أها ..عملتو شنو بى وراى؟
Author: Tumadir
Date: 01-27-2007, 11:12 PM
Parent: #16
عثمان سيد أحمد
المسرحى القدير المحترم
شكرا على كلامك الطيب ونور الله قلبك ...
ياريت اقدر اركز وأواصل الجسور فى ...نهر المحبة ده
ألف كتر خيرك!!!
|
Post: #17
Title: Re: أها ..عملتو شنو بى وراى؟
Author: fadlabi
Date: 01-27-2007, 10:46 PM
Parent: #10
قرمبوز
هو شنو هو
فوضى ساااااكت
على كيفك قايل
صحبك جوة عينك
صحباااااك بس
معفن
|
Post: #20
Title: Re: أها ..عملتو شنو بى وراى؟
Author: يحي ابن عوف
Date: 01-27-2007, 10:59 PM
Parent: #17
العزيزه تماضر حمد لله على السلامة
عملنا صينيت بطاطس
|
Post: #27
Title: Re: أها ..عملتو شنو بى وراى؟
Author: Tumadir
Date: 01-27-2007, 11:18 PM
Parent: #20
Quote: العزيزه تماضر حمد لله على السلامة
عملنا صينيت بطاطس |
قدمها ساخنة لضيوفك واكلوها بالهنا والشفا ....
ويا حولتن ... يا يحى بن عوف ...من ظرافتك
|
Post: #26
Title: Re: أها ..عملتو شنو بى وراى؟
Author: Tumadir
Date: 01-27-2007, 11:14 PM
Parent: #17
Quote: قرمبوز
هو شنو هو
فوضى ساااااكت
على كيفك قايل
صحبك جوة عينك
صحباااااك بس
معفن |
وطوا صوتكم يا أولاد
العوازل ما يسمعوكم ...
|
Post: #22
Title: Re: أها ..عملتو شنو بى وراى؟
Author: Tumadir
Date: 01-27-2007, 11:05 PM
Parent: #10
Quote: كدي نمشي حفلة ناس "ابوساندرا " دي ونجي !
|
كدى قبل ما اشاكلك فى عدم سؤالك عنى فى غيابى ..ابو ساندرا -ماشاء الله تبارك الله- عندو حفلة وين والمناسبة شنو؟
ياحليلك يا قرم ..مشتاقيييين ..
وكان خليت صحبة فاضلابى ..الترابة فى خشمك
المتل الفاضلابى بخلو صحبتو كان ما الغبا؟
|
Post: #29
Title: Re: أها ..عملتو شنو بى وراى؟
Author: Muna Khugali
Date: 01-27-2007, 11:20 PM
Parent: #10
وبالله رايكم شنو فى التعابير الجاهزة بتاعة المجاملة دى؟
توبك حلو
انتى الاحلى
خالتك ظريفة
انتى الاظرف
مشتاقين..
نحنا بالأكتر!
|
Post: #34
Title: Re: أها ..عملتو شنو بى وراى؟
Author: Tumadir
Date: 01-27-2007, 11:55 PM
منى خووووووجلى
نجمة البوردات كلها ...بركة الشفناك وشفنا ورودك ...
|
Post: #24
Title: Re: أها ..عملتو شنو بى وراى؟
Author: ناذر محمد الخليفة
Date: 01-27-2007, 11:10 PM
Parent: #1
محمد البشرى ,,
دا كلام شنو دا :!!!!
| Quote: 2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات |
شنو يعني إنتخابات مسرحية وكمان خاتيها بين قوسين ؟!!!
دا تشكيك في نجوميتي ولا شنو ؟!!
صنفرة :
حمدلا على سلامتك يا تماضر !
معليش بس قلت إتشنج مع محمد البشرى دا شوية
|
Post: #28
Title: ما عملنا حاجة غير علالتنا القايمة فوق دي
Author: ابوعسل السيد احمد
Date: 01-27-2007, 11:20 PM
Parent: #24
الجميلة
يعني السلك دا مالو؟
يعني كان دقيتي حيحصل شنو أكتر
من دقة كندا؟
و للاّ أقول ليك: محمد و الجبل
ساقيتهم لسة مدورة؟
.
.
.
.
كان الله هون بنشوفك قريب، و ما تنسي
تسلمي لي على الحلفاء الاربعة
في القبل الأربعة و الأيست كوست!
ود من سرمد و أشواق ملونة
|
Post: #32
Title: Re: ما عملنا حاجة غير علالتنا القايمة فوق دي
Author: محمد المرتضى حامد
Date: 01-27-2007, 11:37 PM
Parent: #28
مرحبا بالخنساء...
|
Post: #37
Title: Re: ما عملنا حاجة غير علالتنا القايمة فوق دي
Author: Tumadir
Date: 01-27-2007, 11:59 PM
Parent: #32
شنو يعنى يا مرتضى
بعد الصحوبية دى كلها تقول لى كلمتين ؟؟
والقريحة دى كلها موفرها لمنو يعنى ؟؟ نحن ما أد المآآآآآم ولا ايه؟
ترحب بيك الايام الهنية ان شا الله !!!!
|
Post: #35
Title: Re: ما عملنا حاجة غير علالتنا القايمة فوق دي
Author: Tumadir
Date: 01-27-2007, 11:57 PM
Parent: #28
| Quote: يعني السلك دا مالو؟ |
حسسسسسسسسسسسسسسسسسسسسسة نقوم على السلك ونديك منه ..ان شاء اللااااااهو
والحلفاء كلهم بخير ويبلغ السلام ...
وانت الاجمل!!!
|
Post: #30
Title: Re: أها ..عملتو شنو بى وراى؟
Author: Tumadir
Date: 01-27-2007, 11:24 PM
Parent: #24
Quote: شنو يعني إنتخابات مسرحية وكمان خاتيها بين قوسين ؟!!!
دا تشكيك في نجوميتي ولا شنو ؟!! |
والمسرح مالو؟
قايلنا ما بنعرف "نصنفر" ولا شنو؟
مبروك النجومية ..
طبعا بينى بينك كده مش فيها كسرة ضهر؟
انا لمن بقيت نجمة داك ..كنت مصاقرة الكمبيوتر ليل ونهار ..مدمنة عدييييل كده ..وبعرف الناس بالاسم ..وأكتب واهزر واضحك وابكى وأحزن بالكيبورد..
لكن نحنا ناس محمولين "على آلة حدباء" ...ما بنقدر
ان شا الله نجم البورد تلاته سنين ..يابركة الله ..
بعد داك بتكونوا بقيتو تلاته ..ما حتقدر عليها
|
Post: #31
Title: Re: أها ..عملتو شنو بى وراى؟
Author: Hussein Mallasi
Date: 01-27-2007, 11:27 PM
Parent: #30
يادآآآب كدا البورد بقى بورد.
____
أشرقت الأنوار.
|
Post: #36
Title: Re: أها ..عملتو شنو بى وراى؟
Author: نجوان
Date: 01-27-2007, 11:57 PM
Parent: #31
سلام يا تماضر..
وألف حمدالله على السلامة..
طلّّتك بالدنيا..
وما فاتك شي..
نفس الونسات..
الأغنيات..
الشكلات..
والإعتذارات..
ومزيد من....الإعتذارات..
مافي زول في البورد ده ما شاكلوه ...وإعتذروا ليهو..
ومافي زول ما شاكل وبعد ما إتفشّى ...إعتذر..
ولهذا إعتذر لك وبشدّة يا تماضر.. عن غيابك..
واتوقع منك ..إعتذار عن ذات الغياب..
وإلا... ده مايكون سودانيزاونلاين..
ًWelcome Home
|
Post: #41
Title: Re: أها ..عملتو شنو بى وراى؟
Author: Tumadir
Date: 01-28-2007, 00:07 AM
Parent: #36
Quote: نفس الونسات..
الأغنيات..
الشكلات..
والإعتذارات..
ومزيد من....الإعتذارات..
مافي زول في البورد ده ما شاكلوه ...وإعتذروا ليهو..
ومافي زول ما شاكل وبعد ما إتفشّى ...إعتذر..
ولهذا إعتذر لك وبشدّة يا تماضر.. عن غيابك..
واتوقع منك ..إعتذار عن ذات الغياب.. |
والله يا نجوان ..اعتذر عن غيابى ..واقبل اعتذارك ..واقبل اعتذار اى زول يعتذر لى ..وانتى كمان أقبلى ...
ودى لمحة لذيذة منك ..
نحن زماااااان كنا ما بنتشاكل ..
قامت المواضيع كبرت ..بدت الانياب تبرز ..
شوية شوية جات مواضيع رهيبة زى الحجاب ورقصة العروس والعنصرية والاستعلاء ...وأخيرا موضوع دارفور
الناس اتفركشوا حته حته ..
يعنى فى ناس منفوخين من الزعل ..من ما يشوفوا اسم معين ..يجوا شايلين كيبوردهم ويضربوا بيه الاسم ده فى وشو...
اها دى البحلها شنو تانى؟؟ الله يبارك فى الاعتذار ...
الناس مافاهمين انه الدنيا دى ما ملك زول ولا الفكر ملك زول ولا فى شى حيقيف ...الخير والشر ...الا الناس يجتمعوا عليه.......
شكرا حبيبة.....
|
Post: #54
Title: Re: أها ..عملتو شنو بى وراى؟
Author: خالدة البدوي
Date: 01-28-2007, 02:46 PM
Parent: #41
تماضر العسل
فقدننننننننننننناك كثييييييييييير
| Quote: أها ..عملتو شنو بى وراى؟ |
اصبري شوية وبتعرفي الحاصسل ما عاوزليهو
درس عصر ،،،
نورتي وكلنا فرحانيين بيك
اها كيف الجماعة
واخبارك
الله يسلمك
ويعافيك
والاحوال
ان شاء المحنة ما تتقطع
وان شاالله مافي زول ابقى غداه والله عشاة
وناس حاجة
وامهم
... الخ
عميق مودتي يا جميلة //
|
Post: #55
Title: Re: أها ..عملتو شنو بى وراى؟
Author: Tumadir
Date: 01-28-2007, 03:05 PM
Parent: #54
| Quote: فقدننننننننننننناك كثييييييييييير |
خالدة البدوى ....
طبعا اجابتك مقنطرة وجاااااهزة ......
مايفقدوك بى شينة ....يختى .......طبعا يختى دى ..جوها جو معين ...نسوان فى بعضهن ...هاك نماذج يالصور
بالافريقى
وبالهندى
وبالتشكيلى
وبالخواجى
مزيدا من الخواجى وحقوق النشر محفوظة لقوقل ((
The Boydell Galleries - Est'd 1851
وبالصومالى .......
ولك التحية
|
Post: #38
Title: Re: أها ..عملتو شنو بى وراى؟
Author: محمد البشرى الخضر
Date: 01-27-2007, 11:59 PM
Parent: #31
تصوري من كترة الخبارات ما جاني نوم
( الخبر الجاي بمناسبة طلة ملاسي)
13/ إتضح إنو ملاسي ما شغال في الأمن و نال إعتذار كارب
14/ أيضا إتضح أنو ملاسي أكثر أعضاء المنبر تهذيبا مع النساء و أيضا نال إعتذار أكرب
(نظرية المؤامرة بتقول إنو الجماعة ديل تعبوا من غلاسة ملاسي و عاوزين يجيبوا يوم شكره بسرعة)
15/ معتز القريش طلع لا ظلامي لا مستنير
16/ كيكي طلع تبع العدل و المساوة و بدش بيوت
(تاني نظرية المؤامرة بتقول إنو حكاية العدل و المساواة كانت كانت كاميرا خفية عاملينها كيكي و ناذر و أوسلي و آخرون لبقال)
17/لؤي عمل كورسات تقوية مجانية للبورد عن الألوان و الأصوات و الفنيات - و بان أثرها في بوستات الأعضاء
بتاعة لناذر....
حسي أنا جبت سيرة بورداب الخرطوم؟
|
Post: #53
Title: Re: أها ..عملتو شنو بى وراى؟
Author: Tumadir
Date: 01-28-2007, 02:46 PM
Parent: #38
Quote: تصوري من كترة الخبارات ما جاني نوم
( الخبر الجاي بمناسبة طلة ملاسي)
13/ إتضح إنو ملاسي ما شغال في الأمن و نال إعتذار كارب
14/ أيضا إتضح أنو ملاسي أكثر أعضاء المنبر تهذيبا مع النساء و أيضا نال إعتذار أكرب
(نظرية المؤامرة بتقول إنو الجماعة ديل تعبوا من غلاسة ملاسي و عاوزين يجيبوا يوم شكره بسرعة)
15/ معتز القريش طلع لا ظلامي لا مستنير
16/ كيكي طلع تبع العدل و المساوة و بدش بيوت
(تاني نظرية المؤامرة بتقول إنو حكاية العدل و المساواة كانت كانت كاميرا خفية عاملينها كيكي و ناذر و أوسلي و آخرون لبقال)
17/لؤي عمل كورسات تقوية مجانية للبورد عن الألوان و الأصوات و الفنيات - و بان أثرها في بوستات الأعضاء
بتاعة لناذر....
حسي أنا جبت سيرة بورداب الخرطوم؟ |
دى بقى اغلبها اخبار دايرة مذاكرة انا فاطة سميسترين ...الخبر نمرة 13 كان معلوم بالنسبة لى والخبر نمره 17 حضرت جزء منه ...
خلينى أذاكر الباقيات ...وبعدين اجيب دلوى وأجى أدلى ....
لكن الشمار عندك ........
كنت بتجيب كم فى الكومبوزيشن؟
|
Post: #39
Title: Re: أها ..عملتو شنو بى وراى؟
Author: Tumadir
Date: 01-28-2007, 00:02 AM
Parent: #31
Quote: يادآآآب كدا البورد بقى بورد.
____
أشرقت الأنوار. |
يعنى ده شكر ولا نبذ؟؟
تشرق انوار بناتك ان شا الله ..
وبالمناسبة انا ضيعت المقال عن ملاسى المسرحى الرسلتو لى وبعتذر ليك زى ما قالت نجوان البورد كلو اعتذارات
ضاع فى الارشيف ايام غيابى ..
ممكن ترسلو لى تانى؟؟ اكون شا كرة ..
|
Post: #40
Title: Re: أها ..عملتو شنو بى وراى؟
Author: sudania2000
Date: 01-28-2007, 00:07 AM
Parent: #31
الجميلة تماضر
| Quote: أها ..عملتو شنو بى وراى؟ |
بس اشتقنا ليك أكثر واكثر
ولا جديد هنا سوا المذيد من الاسفاف وبعض السكر
مرة جات جارتنا وانا براي في البيت وزولتك قدمت البارد وونستها وقدمتها للباب
قامت قالت لي ارتاحي
رديت ببساطة وفرح معرفة المجاملة جديدة لنج (((مافي راحة منك)))
فنظرت الي نظرة نارية لم افهمها
لمن جاءت الماما اخبرتها بالقصة
فردت بجمالها :: بقولوا يا بت لا راحة بلاك
فبهت الذي حاول المجاملة
Quote: الغلب منو؟ المستنيرين ولا الظلاميين
الخور ملان ولا فاضى
العرس منو؟
الحصلت ليه وفاه منو
|
صفر صفر والله
الخور هو وين يا توتة؟؟
بت الاحفاد حبيبتي
كتاااار
|
Post: #42
Title: Re: أها ..عملتو شنو بى وراى؟
Author: salma altijani
Date: 01-28-2007, 04:05 AM
Parent: #40
أستاذة تماضر
حمد الله سلامة العودة
|
Post: #58
Title: Re: أها ..عملتو شنو بى وراى؟
Author: Tumadir
Date: 01-28-2007, 04:11 PM
Parent: #42
| Quote: حمد الله سلامة العودة |
سلمى التيجانى ....
تسلمى يختى
مزيدا من صور من وحى "يخـــــــــــــــــــــــــــــــــــــتى"
تشكيلى خواجى
وصورة مشروحة المعنى .........
|
Post: #57
Title: Re: أها ..عملتو شنو بى وراى؟
Author: Tumadir
Date: 01-28-2007, 04:02 PM
Parent: #40
| Quote: (((مافي راحة منك))) |
أها يا سودانية النحكى ليك ...طبظات مجاملاتية زى حقتك دى ..
عمتى ام السعادة قالوا لمن بقت بنية ولبسوها التوب ..بقوا يسوقوها بيوت النفاس والبكيات وما شابه ...
مشت مع ناس امها واخواتها الكبار لى مرة والده اسمها بتول. الغريبة أمها حلوبتى ام ابوى اسمها بتول لكن ما علينا. الاوضة ملانه نسوان على داير ما يدور. وهى مسكت ليك من أول مرة لغاية بتول زاتها وشبكتكم ليك: (الله يكفينا شر بتول، الله يكفينا شر بتول، الله يكفينا شر بتول............) قاصدة يا عينى ....حمد الله على سلامة بتول .....
برضو دى حكتا لى مريم ..قالت المرة صرييييييحة والفى قلبها على لسانها ..عزمت جماعة غدا ..وبعد داك لقت روحها فترانه ..المهم عملت القدرت عليه لما جو للغدا ..قالت ليهم: والله بعد عزمتكم....... ندمت جنس ندم...........
فلا تحزنى ولا تنحرجى يا حبيبتى ....حصلت لى غيرك تحصل ليك...
فبالاكتر والله والشوق مطر ..وعرس بت الاحفاد ده لاقانى ..وكتبت ليها لكن الوكت داك كنت بدخل مسارقة ساى ....أما الحصلت ليه وفاه ديل حأقوم ابحبت وأعزى ...أصلو العزا لى حولو بجيب زولو ...والمجاملات الانسانية دى أنا ما بنسى لى ناس البورد وقفتهم معاى فى وفاة أبوى ..عشان كده بحب أقيف مع الناس أكتر قدر من اللازم .....عشان أرد الجميل ..والمهم .....شكرا على المعلومات المفيدة ...
|
Post: #43
Title: Re: أها ..عملتو شنو بى وراى؟
Author: بشير جبريل علي
Date: 01-28-2007, 09:19 AM
Parent: #1
الأخت: تماضر
حمد الله على السلامة
Quote:
Quote: أها ..عملتو شنو بى وراى؟
|
ولا حاجة
|
Post: #45
Title: Re: أها ..عملتو شنو بى وراى؟
Author: Ahmed Yousif Abu Harira
Date: 01-28-2007, 09:58 AM
Parent: #44
| Quote: أها ..عملتو شنو بى وراى؟ |
هشام اخوك جاء من الحج
وأبوبكر جاته (ورده) (لاكنو) بقي كويس
|
Post: #87
Title: Re: أها ..عملتو شنو بى وراى؟
Author: Tumadir
Date: 02-03-2007, 07:30 PM
Parent: #44
أجمل مافى المظاهرات دى انه الزول بيشوف وشوشكم السمحة ...
لكن الباقى حمدو فى بطنو...........
شكرا كوستاوى على التغطية ..
(وده بالضبط الكتبتو ليك هناك) .......
شكرا على التنبيه....
|
Post: #59
Title: Re: أها ..عملتو شنو بى وراى؟
Author: Tumadir
Date: 01-28-2007, 04:13 PM
Parent: #43
أحسن حاجة ......
|
Post: #46
Title: Re: أها ..عملتو شنو بى وراى؟
Author: Yasir Elsharif
Date: 01-28-2007, 10:06 AM
Parent: #1
ليك وحشة.. الله يسلمك الله يبارك فيك.. وليداتك بنياتك أخياتك أخيانك.. ماكن طيبين؟؟ الحمد لله..
حتى القمر حولو النجوم اتلموا فيك اتغزلوا
وقالوا الجمال يا غالي بيك كانت نهايتو أولو
نحن في هواك يا غالي لا بنطيق بعاد لا بنحملو
أصلو المحبين الحنان لا بنسوا لا بتحولوا
ننساك؟؟ إنت إنت بتتنسي.. ما إنت روحنا وحبنا
سافرنا في عينيك ولسة قلوبنا بيك متجننة
Quote: الثقافة اخبارها شنو؟
قريتو شعر سمح؟ سمعتو غنا سمح؟ قصة قصيرة رواية
|
"والقصيدة إسمها" "يا ذات العينين السوداوين ويا أم السعد" والشاعر ليبي..
والقصيدة هنا "محشورة بعد كم وصلة كدا"..
..
وأجيء بلادى مشتاقا فى يوم الوعد!!
الشريف تم سنة منذ أن رحل عنا ولكنه في القلوب قاعد وفي الأحلام والرؤى المفرحة..
وكان الجليد يتساقط!!!! فيديو وصور
بتنا إمتثال بدأت دراسة "هندسة معمار" وبتجينا كل نهاية أسبوع.. دعواتك يا بت الشيخ.. حتشوفيها في الفيديو والصور طويلة وظاهرة..
أما باقي المنبر كله بتلقيهو في الصفحة الأولى أو التانية ما بيغباك..
وتقبلي سلامي وسلام إلهام..
|
Post: #47
Title: Re: أها ..عملتو شنو بى وراى؟
Author: Hussein Mallasi
Date: 01-28-2007, 10:10 AM
Parent: #46
| Quote: وبالله رايكم شنو فى التعابير الجاهزة بتاعة المجاملة دى؟ |
تلاقي الواحد في بيت البكا؛ تضرب معاهو الونسة الكاربة
و لامن تجي تسلم عليهو و تقوم يقول ليك: فرصة سعيدة!
|
Post: #49
Title: Re: أها ..عملتو شنو بى وراى؟
Author: محمد المرتضى حامد
Date: 01-28-2007, 10:22 AM
Parent: #48
Quote: شنو يعنى يا مرتضى
بعد الصحوبية دى كلها تقول لى كلمتين ؟؟
والقريحة دى كلها موفرها لمنو يعنى ؟؟ نحن ما أد المآآآآآم ولا ايه؟
ترحب بيك الايام الهنية ان شا الله !!!! |
تماضر العزيزه، هسّه لو كنت غنّيت ليك ( بعدك الفريق أصبح خلا) كان أضفتيها لقاموس المجاملات الذي استهللت به هذا البوست شان كده قطّعتها في مصاريني ، وفي الحقيقة كنت عايز أجاوب على سؤالك:
| Quote: أها ..عملتو شنو بى وراى؟ |
ب:
قطعنا فيك.
|
Post: #60
Title: Re: أها ..عملتو شنو بى وراى؟
Author: Tumadir
Date: 01-28-2007, 04:23 PM
Parent: #46
ياسر الشريف.......................................
Quote: والقصيدة هنا "محشورة بعد كم وصلة كدا"..
..
وأجيء بلادى مشتاقا فى يوم الوعد!!
الشريف تم سنة منذ أن رحل عنا ولكنه في القلوب قاعد وفي الأحلام والرؤى المفرحة..
وكان الجليد يتساقط!!!! فيديو وصور
بتنا إمتثال بدأت دراسة "هندسة معمار" وبتجينا كل نهاية أسبوع.. دعواتك يا بت الشيخ.. حتشوفيها في الفيديو والصور طويلة وظاهرة..
أما باقي المنبر كله بتلقيهو في الصفحة الأولى أو التانية ما بيغباك..
وتقبلي سلامي وسلام إلهام..
· |
اطلعت على كل الوصلات...
بكيت طويلا....حزنت مريرا
أفرحتنى أخبار امتثال ...
هذه هى الدنيا يا ياسر الشريف ....(تشيل بى جاى وتدى بى جاى) ...رحم الله شريف ..وبارك الله فى اخوته ...
وصبرا كثيرا ...سيفرحكم الله ...وأنتم فى الدعاء ..انت والهام والابناء ..دائما فى الدعاء ....شكرا لهذا البوح الصافى.
|
Post: #51
Title: Re: أها ..عملتو شنو بى وراى؟
Author: عبد المنعم سليمان
Date: 01-28-2007, 12:04 PM
Parent: #1
تماضر
عملنا .. لما انتي تني مافي عملنا حادات تتيييره
ما بوليييك
بث هسام سيخ الدين سافر الحج وبيدا حاد تبير
وحدا مبرورا
مشتاااقين يااااااخ وما طولليي الغيبة
منعم
|
Post: #61
Title: Re: أها ..عملتو شنو بى وراى؟
Author: Tumadir
Date: 01-28-2007, 04:27 PM
Parent: #51
| Quote: بث هسام سيخ الدين سافر الحج وبيدا حاد تبير |
وده ( تلام ) ده يا عبد المنعم ...؟ تدينى اخبار هشام؟
عمر الدم ما يبقاش مية ......
ألف مبروك لهشام الحجة ....
.Quote: عملنا .. لما انتي تني مافي عملنا حادات تتيييره
ما بوليييك
|
عليك الله ولينى ....
ونحن الاشوق
|
Post: #52
Title: Re: أها ..عملتو شنو بى وراى؟
Author: غباشي
Date: 01-28-2007, 02:30 PM
Parent: #1
| Quote: اى حاجة جديدة حصلت ؟ |
أنا جيتكم جديد لما انتي كنتي مافيشة .. حتى اسألي حيدر قاسم
إمتداد الصحافة ... وكما نحبه
|
Post: #62
Title: Re: أها ..عملتو شنو بى وراى؟
Author: Tumadir
Date: 01-28-2007, 04:39 PM
Parent: #52
يا غباشى
البوست شحمان شديد ..
إمتداد الصحافة ... وكما نحبه
حأتفرغ ليه كم ساعه كده ...ومرحبا بك عضوا حديثا بالمنبر ....(رايك شنو فى الحداثة دى؟) لانك مخضرم ...
وحتى اسأل حيدر قاسم
|
Post: #56
Title: Re: أها ..عملتو شنو بى وراى؟
Author: تيسير عووضة
Date: 01-28-2007, 03:40 PM
Parent: #1
ها يا تماتم ..
إزيك
الله يسلمك
الله يبارك فيك
(وحاط) الله مشتاقين
ونحن بي وراك بنقدر نعمل حاجة ؟
ما كلو قدامك وتحت عينك
والموديم مبروك
تقطعو بي عرق العافية ..
بس والله يطرشني ما سمعت بيهو إلا هسي
أها ياختي
مابنستغنى ..
(ثم وضعت كباية الليمون ووقفت على حيلا عشان تمشي ..)
|
Post: #63
Title: Re: أها ..عملتو شنو بى وراى؟
Author: Tumadir
Date: 01-28-2007, 04:54 PM
Parent: #56
| Quote: (ثم وضعت كباية الليمون ووقفت على حيلا عشان تمشي ..) |
(تجرها من طرف توبها وتقف أمامها مندفعة وهى تردد):
الرسول كان ما تونستى ..هى ا ما بدرى ..يحتحتك ..يتعارض ليك جبل ..يمرقك من الصف ..يدشدشك حته حته ...
(حدجتها بنظرة غريبة وأجابت) الرسول عزيز ..والله ما بقدر ...ماشة أولادى مستنيينى للغدا ..
(فألحت)
هى يا يمة الاولاد الغدة التغدهم ..هو يعنى غالبهم يملحوا ليهم صحن كسرة وملاح وياكلوا براهم ..الونسة دى نحن بنلم فيها مره فى الدهر ..
(فزهجت منها المرة دى شديد وقالت) ...
لالا ما بقدر اقنب ..بمشى ..ادينى خاترك...
(فتنازلت المرأة الثقيلة التانية دى أخيرا وقالت)
ما استغنايا منك يختى ..كتر خيرك تجيك العافية ...سلمى عليهم ..
(وهرعت المرأة الالله فكاها من الزيارة دى ...الى الشارع وصوتها يتلاشى من بعيد وهى تردد)
الله يعافيك ..تسلمى ...ما بستغنى ...
وكادت ان تقول: تانى ما بجيكم ، ده شنو ده هو؟ ........
|
Post: #65
Title: Re: أها ..عملتو شنو بى وراى؟
Author: Tumadir
Date: 01-28-2007, 05:15 PM
Parent: #63
في الطريق إلى .... (المدرسة)!!..
ياسر الشريف عوده لك ...
الشجون الوارده فى هذه الحكاية ...جارفة ولا تقاوم ...شكرا للاتحاف ...
|
Post: #64
Title: Re: أها ..عملتو شنو بى وراى؟
Author: Asma Ali
Date: 01-28-2007, 05:05 PM
Parent: #56
انا والله افتقدتك مع انك مابتعرفيني وكل ما احاول اعرفك بي نفسي اتردد لحدي ما لقيت في ناس هنا اصحابك وماشوفتيهم قمت قويت قلبي وكتبت - اهم ما في البورد في فترة غيابك هو غيابك -
كلماتك هي رحيق البورد
|
Post: #92
Title: Re: أها ..عملتو شنو بى وراى؟
Author: Tumadir
Date: 02-03-2007, 08:12 PM
Parent: #64
Quote: انا والله افتقدتك مع انك مابتعرفيني وكل ما احاول اعرفك بي نفسي اتردد لحدي ما لقيت في ناس هنا اصحابك وماشوفتيهم قمت قويت قلبي وكتبت - اهم ما في البورد في فترة غيابك هو غيابك -
كلماتك هي رحيق البورد |
ياسلام عليك يا سمسمة ..
كده حسستينى انى لذيذة او مهمة ..او حاجة "من الشاكلة" وكت اصلو البورد كلو شكل وشاكلة ..
المهم انا أعرفك بى نفسى
تماضر شيخ الدين
فترانة
شقيانة
جارية
ومالاقية زمن للبورد...
يللا عرفينى بى نفسك ولو لقيتك على "شاكلتى" ..اصاحبك ...ولو ما على "شاكلتى" ...أشاكلك ...كيف الكلام ده معاك يا مراحب
|
Post: #66
Title: Re: أها ..عملتو شنو بى وراى؟
Author: mamkouna
Date: 01-28-2007, 08:11 PM
Parent: #1
طماطم...
ما يكذبوا عليك ناس مرتضى و ملاسي و من على شاكلتهم ديل..و يشبكوك..
أشرقت الأنوار...
بعدك الفريق أصبح خلا..
و كدا!!!
تعالي شوفيهم قابلونا كيف..!!
لجني و من هم على شاكلته!
------------------------------------------
يقابلنَهم يا بت أمي..شباشب المولد..!!!
|
Post: #86
Title: Re: أها ..عملتو شنو بى وراى؟
Author: Tumadir
Date: 02-03-2007, 07:19 PM
Parent: #66
ممكونة حبيبتى...
الشاكلة دى انا ما بتكلم معاهم ..
ديل ناس متزوجين ساى.....
نحن أرفع من ذلك ......هههههههه
|
Post: #67
Title: Re: أها ..عملتو شنو بى وراى؟
Author: الملك
Date: 01-28-2007, 09:12 PM
Parent: #1
توماضر
إزيك وحمد لله على السلامة,, الوليدات ,, الأخيان,,الاحوال الافاضل
الجيتي منهم ,, الماشه عليهم ،،بركة الشفنه حرفك ،،
...
...
غايتو الجديد دكين الوغد حجا!! وبقى فى حاج جديد اسموا معتصم
|
Post: #68
Title: Re: أها ..عملتو شنو بى وراى؟
Author: sudania2000
Date: 01-28-2007, 09:51 PM
Parent: #67
| Quote: يقابلنَهم يا بت أمي..شباشب المولد..!!! |
ممكونة
سلامات يا شوق
تعرفي من حبهم لينا قاموا عملوا بوست كامل لينا ((نصف الكوب الاخر)))
وكلهم مساكين الاميرات المعاهم في البيت حكومات قوية خليهم يفضفضوا شوية
مش سمعتي بقصة سيدي بسيدوا
ما تزعلي دا دليل حب بس 
|
Post: #69
Title: Re: أها ..عملتو شنو بى وراى؟
Author: بشير جبريل علي
Date: 01-28-2007, 09:56 PM
Parent: #1
حافية كدة .. ما جافة شديد..؟؟
|
Post: #70
Title: Re: أها ..عملتو شنو بى وراى؟
Author: Marouf Sanad
Date: 01-29-2007, 06:42 AM
Parent: #69
يا تماضر
انا زمان كان عندي واحد جدي كدا بيديني طراضة ويقول لي امشي اشتري بسكويت,جدي جنو بسكويت
بعدين عندي واحدي صاحبي حبوبتو بتدهيو ريال تعصرو ليهو في يدو قوووووووي وتقول ليهو: أمشي بيع ليك بيهو شُغُل , أو تقول ليهو: العيال ما يشيلوهو منك , أو سويهو ليك في طحينية.
اما الخواجات يدوا الطفل الدولار والدولارين ويقولوا ليهو : do not spend it
|
Post: #72
Title: Re: أها ..عملتو شنو بى وراى؟
Author: محمد نور أحمد
Date: 01-29-2007, 07:37 AM
Parent: #70
اللذيذة TUMADUR
ازيك وازي الوليدات
عودا حميدا مستطاب والله
محمدالبشرى والبعده شغالين ليك في الشمار التقيل بس
أخير أقول لبك شمار انضمامي للمنبر في غيابك برااااااااااي.
أنحكي ليك دي عربون محبه:
زميلا لي ظريف جدا ساكنين في ميس المدرسة، جا زميل تالت خش من غير ما يتكلم جهز شنطته وطلع الصالون. مالك يا فلان? قال ليه أبوي اتوفي ، قال ليه كيس والله.
بعد ما صاحبنا الأبو اتوفا وصل السوق الشعبي ده اتذكر انه الزول قال ليه ابوه اتوفى قام حصله حلتهم.
مرحى لهذا المتبر بك
يقيني أنه سيزداد ألقا وبهاء بك.
دومي بخبر
محمدنور
|
Post: #73
Title: Re: أها ..عملتو شنو بى وراى؟
Author: احمد العربي
Date: 01-29-2007, 08:08 AM
Parent: #72
صديقتي الجميله
هسع انا اقول ليك سنو؟؟؟
|
Post: #74
Title: أها ..عملتو شنو بى وراى؟
Author: الفاتح خليل الفكي
Date: 01-29-2007, 09:38 AM
Parent: #1
الأخت / تماضر
سلام واحترام ،،،،
الحمد لله على السلامة
ما عملنا أي حاجة وما زال الحال كما هو واحد ينزل موضوع ويشتم الأخر
وواحد يقول فلان عنصري وأخر يقول فلان كوز وأخر يقول فلان شيوعي
مواضيع غير جادة وغير مفيدة .
ولو ما بورداب الخرطوم المبدعين وما يقومون ويقدمون من إعمال تستحق الاحترام والتقدير
كنت بقول ليك مافي أي حاجة جديدة تستأهل .
أتمنى إن نستفيد جميعاً من هذه المساحة المتاحة لنا وطرح مواضيع جادة للنقاش حتى نستفيد منهاجميعاً
ونعمل على عمل كل ما هو مفيد لوطننا الغالي مع تمنياتي لجميع الإخوان بالتوفيق .
تقبلي تحياتي وتحياتي لأسرتك الكريمة
أبو كريم
|
Post: #89
Title: Re: أها ..عملتو شنو بى وراى؟
Author: Tumadir
Date: 02-03-2007, 08:02 PM
Parent: #74
Quote: ما عملنا أي حاجة وما زال الحال كما هو واحد ينزل موضوع ويشتم الأخر
وواحد يقول فلان عنصري وأخر يقول فلان كوز وأخر يقول فلان شيوعي
مواضيع غير جادة وغير مفيدة .
ولو ما بورداب الخرطوم المبدعين وما يقومون ويقدمون من إعمال تستحق الاحترام والتقدير
كنت بقول ليك مافي أي حاجة جديدة تستأهل |
تلخيص رفيع لحالة التمنبر العامة
وبالله ورينى بورداب الخرطوم عملو شنو؟
لو سمحت طبعا ..
|
Post: #75
Title: Re: أها ..عملتو شنو بى وراى؟
Author: othman mohmmadien
Date: 01-29-2007, 10:53 AM
Parent: #1
أولاً :
حمد الله علا السلامة
| Quote: (وانا الذى ضيع فى الافلام عمره) |
وده أظرف تعليق،،،
دي مافهمتها ، ممكن تشرحيها لي؟
Quote: طبعا بعد مشينا من السودان جات جزاك الله كل خير
|
وهنالك أكثر شيوعاً عبارة - يديك العافية- والتي حين تقال تكسبك شئ من الطمأنينة في ان الشخص جليسك أو الذي التقيت به فجاة أنه ما من الجماعة، فهي بمثابة تصريح مرور لك للإحساس بالاطمئنان وتقبل التعامل مع الطرف الآخر بمشاعر مرنة، ولو كنت من الجماعة اياهم فهي بمثابة أننا نكرهكم،،،
وهذا ما قمنا به: أولاً دي لسارية
للأذكياء فقط (حاول نقل الضفادع الخضراء لليمين والبنية ل...ة لتحقيق التوازن ا
ودي بإعتبار أن الموضوع يهمك، "المسرح" يشرفنا لو وجدناك هنالك وما تنسي حبوباتنا بقولن
"زاد الحبان ليه بكان " طبعا نسيتيها كأحد صور المجاملة الجميلة لدينا
أهل العوض بالبطانة يضربون بتشفي الكوميدي محمد موسى في م...تراعي مشاعر الآخرين.
وأخيراً - حمداً لله علي سلامتك وشرفت
|
Post: #76
Title: Re: أها ..عملتو شنو بى وراى؟
Author: Tumadir
Date: 01-29-2007, 02:15 PM
Parent: #75
الاصدقاء المارديت عليهم
الجماعة عملوها لى كلها مراسيل
وانا استاهل
امشى شوفى البوست ده ..وهاك اللنك دى ..
محقوا على الاجازة
الليلة الاتنين
تانى الانترنيت بالمسارقة
والله أوعدكم ...أسرق وقت فى اى لحظة تسمح بيها الظروف ...وكل ما أتاوق ...اجاوب
ومحبتكم فى محلتا ..
.مشكورين يا كرام
|
Post: #88
Title: Re: أها ..عملتو شنو بى وراى؟
Author: Tumadir
Date: 02-03-2007, 07:59 PM
Parent: #75
عثمان محى الدين ...
شرقت بى وغربت بى مشيت اتصرمح فى بوستاتك لامن ..يومى راح
حلوات والله ...وعجبنى بتاع اهل العوض جدا ...ختو الكلمة ..
والكلمة اطول من العمر
اما الجملة الما فهمتها فبسيطة جدا انه الناس فى السودان ما كانوا بيقولوا جزاك الله خير ...بيقولو كتر خيرك ..حسة دى جات بى ورانا
صعبة دى؟
|
Post: #77
Title: Re: أها ..عملتو شنو بى وراى؟
Author: عبد المنعم سليمان
Date: 01-29-2007, 02:29 PM
Parent: #1
اسمعي يا تماضر
خليك من قصص فلان مات وعبدة زعل والموضوع ودوه الخور وهشام حجة ( هي دي قلتها انا)
الاخبار معاي انا ولو بضضمن ما تختفي تاني زي كل مره بقولها ليك
سمح
منعم
|
Post: #78
Title: Re: أها ..عملتو شنو بى وراى؟
Author: Tumadir
Date: 01-31-2007, 04:38 AM
Parent: #77
عشان تتذكروا .....لمن الويك اند يجى ...
|
Post: #91
Title: Re: أها ..عملتو شنو بى وراى؟
Author: Tumadir
Date: 02-03-2007, 08:05 PM
Parent: #77
| Quote: لاخبار معاي انا ولو بضضمن ما تختفي تاني زي كل مره بقولها ليك |
هاك الضمان الاسفيرى ده..تلاته مليون دولار اسفيرى ...وهات ا الاخبار...
كعب معاك؟
|
Post: #79
Title: Re: أها ..عملتو شنو بى وراى؟
Author: انعام حيمورة
Date: 01-31-2007, 11:19 AM
Parent: #1
عشان عبد المنعم ما قال ليك انا حاقول ليك
عملنا العمل دا وكان عايزاك تحضري معانا البروفات لكن انتي شاطرة ممكن في الاخر تأدي الدور بامتياز
" اللمسات الاخيره " .. حفل علاج " غــــــاده نوري "
الف حمد لله على السلامة يارائعة
|
Post: #80
Title: Re: أها ..عملتو شنو بى وراى؟
Author: محجوب البيلي
Date: 01-31-2007, 01:31 PM
Parent: #1
الغالية (تـُقرأ: الحبيبة) تماضر
(رغم أنفهم. كلهم. من هشام ... إلى خدر، مروراً بنا. كلنا)
محمد الأمين موسى: عاد العريس المنتظر (توجد ... عروس)-
التعديل لتغيير الغريم: من جني (مع الاعتذار) إلى خدر (مع عدم الاعتذار)
3 تعديلات؟ معليش
|
Post: #82
Title: Re: أها ..عملتو شنو بى وراى؟
Author: نادية عثمان
Date: 01-31-2007, 04:12 PM
Parent: #81
لمن انتى تكونى مافى بتكون فى حاجة مهمة وكبيرة وسمممممممممممممممممممممحة مافى فى البورد!!
الرسول فيك ماتغيبى تانى يابت ابوك الغالى شيخ الدين ..سمح ؟!!
|
Post: #83
Title: Re: أها ..عملتو شنو بى وراى؟
Author: omer almahi
Date: 01-31-2007, 04:50 PM
Parent: #82
ان شا الله دريب محنتك ما ينقطع
|
Post: #84
Title: Re: أها ..عملتو شنو بى وراى؟
Author: هشام حامد العبيد
Date: 01-31-2007, 04:59 PM
Parent: #83
تحياتي
هيى البورد دة ما بتخلى
كان شادى الملاح فى الحلة
ولا مصيبة جات فى الحلة
كان واجب جناك ما اتحل
كان البرلمان اتحل
كان يوم فى الشغل تتزلى
وكان روح المعاك تتسل
ياكا الجارى ليه
بلهفة، داير تقرا، داير تبقى، داير بالبديع تتسلى
يابورد ... اصلو ماتنضر... بس يمسكنا منك ... الله
دة شنو دة؟
تنويه ...الرائعة اعلاه ليس من تأليفي ولكن من تأليف صاحبة الدم الخفيف تماضر
اضغط برفق
البورد دة ما بتخلى
هشام حامد العبيد
|
Post: #85
Title: Re: أها ..عملتو شنو بى وراى؟
Author: khaleel
Date: 01-31-2007, 06:27 PM
Parent: #84
تمادر
وين يا
مشتاقين
طبعا ناذر طلع احسن كاتب
بعدين وجع وجع تراجي رجع
متولي مالك مختفي عزاز شامي مختفية
وبقال عرس
واخيرا القيامة قامت
|
Post: #90
Title: Re: أها ..عملتو شنو بى وراى؟
Author: الجندرية
Date: 02-03-2007, 08:05 PM
Parent: #1
يا سمندلة
شخصيافي الأول عملت نايمة
وبما انه وصفة شراب النوني ما ما لميت فيها
اتوكلت على الله وعملت بوصفتك ديك
وبقيت اقدر اتاوق ومرات اكتب شدة الله ما اداني
سعيدة بشكل مضاعف لتزامن عودتنا
يعني نقشر بالرجعة معاك دي كم سنة كدا
|
Post: #93
Title: Re: أها ..عملتو شنو بى وراى؟
Author: Emad Abdulla
Date: 02-03-2007, 08:49 PM
Parent: #90
| Quote: أها ..عملتو شنو بى وراى؟ |
زهجنا ..
|
Post: #94
Title: Re: أها ..عملتو شنو بى وراى؟
Author: محمد البشرى الخضر
Date: 02-03-2007, 09:02 PM
Parent: #90
إزييييييييييييك
مشتاقييييين
جاهزة للأخبار؟
يلا جيبي و رقة و قلم
18/ بورداب الخرطوم (الله يديهم العافية جميعا) أوفوا بما وعدوا و أحيوا الأمل فينا و بالجد إتمنيت لو كنت هناك
19/ معتز القريش قال البيقول عليه ظلامي ما عافي منو
20/ كيكي طلع براءة و حاليا زهجان
21/ منعم بيسف سعوط و يركلس مع ست الشاي قدام جريدة الصحافة
22/ دينا طلع عندها فصام أو في واحد بيكتبليها بالليل (لسة ما اتأكدنا)
23/ سودانية بتحلل في شخصيات الأعضاء و بدت بدكين
24/ هباني زعلان و هايج كيف السودانيات يشغلن العراقيات خدامات
25/ saleeeeeeeeeeeeeeeee قالت هي صغيرة و شاطرة لكن كارهه عيشتها (الكبكبة هناك و الزحمة ما تديك الدرب)
26/ نصيحة أخوية , ما يفوتك دا
محل عصاية قال كع. لمحي الدين
كفاك ديل , كان إذكرت حاجة تانية بجيك راجع
|
Post: #96
Title: Re: أها ..عملتو شنو بى وراى؟
Author: عبد المنعم سليمان
Date: 02-03-2007, 10:50 PM
Parent: #1
شوفي يا تماضر
ما كل مرة نتحمل غيابك يا تماضر ( وش ما متحمل)
لا عاوز 3 مليون دولار اسفيري ولا حاجة .. وخليك من مكنات هشامدي بالله !!
بث عشان تعرفي قيمة الموقع ده وكيف الناس ممكن تستفيد منو بهديك 3 بوستات
بتوريك كل حاجة وكمان تخليك تكوني فخورة جدا بانك سودانية وان السودان بخيربناسو
ال 2 وهم مكملات لبعض واحد وضعته انعام حيمورة ليك وواحدمعاوية كرفس
والتالت ده بقا خطير جدا وحيسعدك جدا يا قريبتي :
حفل سودانيزاونلاين لتكريم البت الجريدة بالمركز الالماني - الخرطوم ( صوووور)
بديك يومين وبجي اطل عليك اشوف رايك
محبتي يا انسانة يا رائعة
منعم
|
Post: #97
Title: Re: أها ..عملتو شنو بى وراى؟
Author: بكري الصايغ
Date: 02-03-2007, 11:12 PM
Parent: #1
الاخــت الـحـبيــبـة الـحــبوبـة،
تـمـاضــر،
مـررت للتـحـيـةوالســـلام، وســررت لـطلتك البـهـيـة،
والف مــراحـــب بقــدومـك الـمـيـمــون_
لـك كـل الـمـودةـ
|
Post: #98
Title: أها ..عملتو شنو بى وراى؟
Author: الفاتح خليل الفكي
Date: 02-04-2007, 08:40 AM
Parent: #1
الأخت / تماضر
سلام واحترام ،،،
بورداب الخرطوم عملوا حفل لصالح علاج اختنا العزيزة غادة نوري
ومن وجهة نظري انا اعتبر هذا اهم موضوع جاد وكان الجميع مهتم بهذا الموضوع
والحمد لله الحفل نجح وكنا نتمنى لو كنا معهم في الخرطوم لنشاركم هذه اللحظات
التي عبروا عنها بصدق في كلماتهم في صورهم وصورة الأخ خالد ماسا خير دليل
أختي تماضر لو كل واحد فينا طرح موضوع وكان جاد فيه ومقتنع به وعمل من اجله
سوف يجبر الجميع بالاهتمام بموضوعه.
اتمنى لجميع الإخوة التوفيق
تقبلي تحياتي ،،،
أبو كريم
|
Post: #99
Title: Re: أها ..عملتو شنو بى وراى؟
Author: Ibrahim Algrefwi
Date: 02-04-2007, 02:40 PM
Parent: #1
تماضر انا لقيت حبوباتنا ديل ،
كانوا في زنجبار لكن الانترنيت جابهم تاني لو دايراهم
إستعمليهم لو ماعايزاهم خليهم لامن القي ليه
بوست اشغلهم فيه او نعرس ليهم ...
اضغط ...
اضغطي ....
|
Post: #100
Title: Re: أها ..عملتو شنو بى وراى؟
Author: محمد البشرى الخضر
Date: 02-04-2007, 03:08 PM
Parent: #99
تماضر عن إذنك
يا خوانا الزول المعلم النزل الغنية الزريفة دي
بالله لو يسمح يخلي ال PLAYER ظاهر
أو يعمل الأعادة FALSE
و شكرا
واصلي يا تماضر
|
Post: #101
Title: Re: أها ..عملتو شنو بى وراى؟
Author: الملك
Date: 02-06-2007, 00:23 AM
Parent: #100
Quote: يا خوانا الزول المعلم النزل الغنية الزريفة دي
بالله لو يسمح يخلي ال PLAYER ظاهر
أو يعمل الأعادة FALSE
و شكرا |
علم ونفذ
يا زريف
|
Post: #102
Title: Re: أها ..عملتو شنو بى وراى؟
Author: محمد البشرى الخضر
Date: 02-06-2007, 10:44 PM
Parent: #101
يا ملك هو دا إنت
أسمحلنا يا الحبيب
الغنية دي سمعتهاالمرة الأولى عجبتني و التانية و التالتة
لكن بعد كدا غلبني
و أنا بوس(ط) خالتي دا بجي أقيل فيه
وكست محل بيقفلوها ما لقيت
مشكور يا ظريف
إنت زعلت يا دكتور
|
Post: #103
Title: Re: أها ..عملتو شنو بى وراى؟
Author: الملك
Date: 02-07-2007, 01:03 AM
Parent: #102
داير النصيحة "ايوة"
بس ما شديد
...
...
حصل خير على العموم "انا اصلا طويل فكلمة زريف على وزن الزراف جاي على"
...
...
|
Post: #104
Title: Re: أها ..عملتو شنو بى وراى؟
Author: محمد البشرى الخضر
Date: 02-07-2007, 12:40 PM
Parent: #103
Quote: داير النصيحة "ايوة"
|
يا معلم زعلك دا ما بنرضاه و لا بنحملو
إنت و كل الرائعين باعثي الأمل بورداب الخرطوم أجدع ناس
وكان ما رضيت
البورد دا طرفي منو
الباسوورد شن فايدتها , كان بتزعل مننا الملوك
|
Post: #105
Title: Re: أها ..عملتو شنو بى وراى؟
Author: Tumadir
Date: 02-13-2007, 02:49 AM
Parent: #100
على سبيل ..التحية
"حقوق التعبير محفوظة للمؤلف"
|
Post: #106
Title: Re: أها ..عملتو شنو بى وراى؟
Author: Ibrahim Algrefwi
Date: 02-20-2007, 09:10 PM
Parent: #100
زواعة زواعة زواعة ...
المرة دي بتمشي وين ؟
|
Post: #107
Title: Re: أها ..عملتو شنو بى وراى؟
Author: الجيلى أحمد
Date: 02-21-2007, 02:25 AM
Parent: #1
يابت ياحدائق
بتمشى وين??
نحنا عرفنا إنو عندنا مسرح
وعندنا حدائق ماعارفينها..
وعندنا كاتبات متنكرات فى شكل حدائق
|
|