Post: #1
Title: ممثلة سودانية راحلة....لى بيت تانى
Author: Tumadir
Date: 07-15-2005, 08:30 AM
Parent: #0
والرحيل عز ...الهجين...
التعبير من وحى نكت كان بعملها الوافر شيخ الدين لما الدنيا كانت حلوة..وكنا فى بيتنا
كنا مهووسين بالكلمات المتقاطعة..
كان بيعمل كلمات متقاطعه براهو:
1- خروف استرالى راحل
2- دجاجة كويتية مشهورة
3- سائق بص تشادى معاصر
5-ناظر مدرسة اريترى "صعب"..
الوافر كان لذيذ ياخ..بكتب لى فى الباب " وين ياوافر انتظرناك اليوم داك وماجيت ويمضى "شرحبيل احمد" الوافر حضرنا ولم نجدكم "ابو عركى البخيت"..وده كان بعد بدا يعزف مع فنانين كبار وفى من اولاد الحلة واحدين مبهورين بيهو .هههههه...
لما ولد يجى للصادق فى الباب يجى يقول ليه: الصادق ..مبروك جالك ولد!!!!
اها انا لما جيت ارحل لى "بيت العدل" وكنت ممثلة مشهورة ...بقيت اقول لى اصحابى .."ممثلة سودانية راحلة..
حسة تانى ده حيحصل وحاغيب واتقطع الى حين اشعار آخر
طبعا لاحظتو مؤخرا عدم مواكبتى لما يحدث فى الموقع وحتى فى الموقع التانى الوحيد الانا عضو فيه..
"السودان للجميع" فى ناس بسموهو بوست الصفوة..."بتذكرنى برنامج الصحوة ليه ما عارفة؟" برضو ما قادرة اكون متواجدة بانتظام
لكن ده ما حمانى
1- افرح بالسودان الجديد وخروج سته مليون انسان سودانى حر فى تفاؤل طال غيابو وفرح غامر زى الشفتو... وجون قرنق فى المتمة..
و2- البؤس فى قرار حجب رواية محسن خالد...
وذكرنى بنفس الخطاب السادة ايام ابعاد موسم الهجرة الى الشمال ونفس ال " قدام بناتك واولادك" و"خدش الحياء" و"تقاليدنا السمحة" ... سماحة جمل الطين يايمة..تقاليدنا دى وكت سمحة كده البخلى 3 مليون يموتو فى حرب جايرة ويشهد عليهم ايتام الجنوب الالاف البدوا يتنفسوا الحرية هنا فى امريكا وال وآالاف يتعذبو ويتم انتهاك كرامتهم جنسيا شنو؟؟
السودان..يا ايها الوطن العجيب...!! احبك كثيرا الى حد الغيظ..
المهم الغياب ...يا ايها الاحباب لم يكن بعيدا من هموم هذا الوطن المذكور ..الذى رضرض عضام عمرنا ومروتنا واحلامنا ولم يتغير الا قليلا بعد ان زهدنا فى خيرا فيه ..ونحمد الله كثيرا انه تغير..ولو مثقال ذرة...
نجى لى دارفور: لم يترك تحالف نجدة دارفور بنيو انجلند، ما دايرة اقول انقاذ، جهدا لتنوير وتعريف الناس بمشكلة دارفور الا وسلك دربها ولجمع المال من اجل القضية ..وذلك بقيادة الصديقة دكتورة ماجدة محمد على وفانى وكلوديا من منظمة حقوقو الانسان وفرقة عرائس النيل..ومجموعة كبيرة من الناشطين فى مجالات انسانية دينية ولجان من الطلاب والاطباء والبروفسورات وجمهور جميل بدون القاب ...
والاجتماعات هنا " فى البيت الراحلين منه ده زاتو"...
والجميل انه منظمات الاغاثة بدت تجيب سودانيين من الجنوب ودارفور وجبال النوبة لبلدنا، وديل بقوا جزء لا يتجزأ من جسم التحالف الممتد.."حسة عندى اسرة من جبال النوبة فى ضيافتى من امبارح...منتهى الرقى والجمال"
توصلنا مؤخرا لفكرة نضرة بمناسبة ال"رحول" يا عملات بكرى ابو بكر..."وين هو الزول دة؟؟ ولا ما فى داعى زول غايب يجى يادوب ويقول سيد البيت وين؟؟ " المهم الفكرة الاتوصلنا ليها انو نبيع حاجات مستعملة وجيدة ...اسمو هنا tag sale يعنى بالسعر المكتوب على المبيعات..ودايما دى بتكون حاجات رخيصة جدا جدا ..كل
المتحالفين كعنا حيجوا يوم السبت ومعاهم اشياء متبرعين بيها للبيع وحنلم القروش ندفعها لورشة فى نيويورك اسمها
performing the world
فرقة عرائس النيل حتشارك بورشة عن دارفور ...ومن الاسم واضح ان فرق من كل انحاء العالم تجى وتقدم نفسها وفكرها وفنها...
اتمنو لينا حظ سعيد
بعد يوم 24 يوليو حيطول غيابى
فاذكرونا كلما الشادى تغنى..
ولا تخافو على الحرية فهى اكثر انطلاقا من ان يتم كبتها..
وتحياتى لجون قرنق ومحسن خالد ...رسلنا الى الزمن الجديد..
والى كل راجل وصاحب عربة...هههههه...والى كل النساء الابيات...بتشديد الياء ...من بلادى..
ويا احبة الحى بلاقى.
|
Post: #2
Title: Re: ممثلة سودانية راحلة....لى بيت تانى
Author: Yasir Elsharif
Date: 07-15-2005, 08:36 AM
Parent: #1
النقلوك من جمبنا [جنبنا] السادة وحشتنا
دخلت البيت داير أزور لقيت منقة وزهور
شفتي كيف؟؟!!
|
Post: #3
Title: Re: ممثلة سودانية راحلة....لى بيت تانى
Author: الملك
Date: 07-15-2005, 08:43 AM
Parent: #2
وداعا
 ....
....
وبالتوفيق إنشاء الله
ــــــــــــ
الوصية أرسلت بالأيميل
|
Post: #4
Title: Re: ممثلة سودانية راحلة....لى بيت تانى
Author: Tumadir
Date: 07-15-2005, 08:45 AM
Parent: #2
هههههه ياياسر الشريف
دى غنية بابكر ود "السافل" صاح؟؟
تحياتى:
بيان بالعمل..بوستر البيع:
اها يا ناجى الملك ابت..
شكرا على المساعدة لكن انا ماشة
|
Post: #5
Title: Re: ممثلة سودانية راحلة....لى بيت تانى
Author: Maha Bashir
Date: 07-15-2005, 08:50 AM
Parent: #4
الحبيبه تماضر..
ياستي عاش من شافك ..
و أن شاء الله سعيد حظ لكم
وأنشاء الله جيرانك الجداد يكونوا سعدا!!!!
المثل قال "من جاور السعيد يسعد"
وأنا ايضا ارسل معك تحياتي لجون قرنق و محسن خالد
مع الود..
مهــا
|
Post: #11
Title: Re: ممثلة سودانية راحلة....لى بيت تانى
Author: Yasir Elsharif
Date: 07-15-2005, 12:38 PM
Parent: #4
والنكتة دائما تجيء من المصريين.. يُقال أنه قال لهم في مصر أن إسمه بابكر ود السافل فقالوا له : تئبل يأولوا لك يا ابن السافل؟ [تقبل يقولوا لك يا ابن السافل]؟
|
Post: #6
Title: Re: ممثلة سودانية راحلة....لى بيت تانى
Author: ALGARADABI
Date: 07-15-2005, 08:56 AM
Parent: #1
البيت الجديد انشاء يكون فالا حسنا
وبمناسبة الTAG SALE أوى تنسى وتدخلى الكمبيوتر القديم
الهديتيهو لى داك فى الSALE
حا أزعل منك
و بى ال FAVORITES كمان زى ما وعدتى
|
Post: #7
Title: Re: ممثلة سودانية راحلة....لى بيت تانى
Author: nada ali
Date: 07-15-2005, 09:08 AM
Parent: #1
العزيزة تماضر
انشاء الله البيت الجديد يرحب بيكم
اوعى تكونى راحلى بعيد
|
Post: #8
Title: Re: ممثلة سودانية راحلة....لى بيت تانى
Author: بلدى يا حبوب
Date: 07-15-2005, 09:49 AM
Parent: #1
بت الشيخ
تمنياتى ليك بالحظ السعيد
\ | Quote: بعد يوم 24 يوليو حيطول غيابى |
لكن بنفول ان طال البعاد
بعادل طال شغلته
البال باحلى سؤال
كفاى تعال(تعالى).........زز
تحياتى
|
Post: #9
Title: Re: ممثلة سودانية راحلة....لى بيت تانى
Author: jini
Date: 07-15-2005, 11:38 AM
Parent: #8
Quote: اها انا لما جيت ارحل لى "بيت العدل" وكنت ممثلة مشهورة ...بقيت اقول لى اصحابى .."ممثلة سودانية راحلة..
حسة تانى ده حيحصل وحاغيب واتقطع الى حين اشعار آخر |
مبروووووووووووووووووووك
جنى
|
Post: #10
Title: Re: ممثلة سودانية راحلة....لى بيت تانى
Author: Hussein Mallasi
Date: 07-15-2005, 11:48 AM
Parent: #9
ترحلي لي بيت تاني؛ بورد تاني؛
بلد تاني .. برضو حتلقينا منتظرينك.
|
Post: #12
Title: Re: ممثلة سودانية راحلة....لى بيت تانى
Author: الملك
Date: 07-15-2005, 01:05 PM
Parent: #10
....
....
....
....
تُمـــــــــــاضر
بعد ما تجى راجعة بالسلامة
|
Post: #13
Title: Re: ممثلة سودانية راحلة....لى بيت تانى
Author: zola123
Date: 07-15-2005, 02:56 PM
Parent: #1
بالسلامة انشا الله يا طماطم
حتوحشينا
وركبي الكمبيوتر في البيت الجديد سريع
|
Post: #14
Title: Re: ممثلة سودانية راحلة....لى بيت تانى
Author: Kostawi
Date: 07-15-2005, 03:57 PM
Parent: #13
طيب لو إنتي راحلة أستراليا ما كان تقولي لينا عشان نديك الوصية دي.
بالمناسبه دي, خروف الضحية .....مرحل
|
Post: #15
Title: Re: ممثلة سودانية راحلة....لى بيت تانى
Author: بدرالدين شنا
Date: 07-15-2005, 09:45 PM
Parent: #1
إلى الراحلة تماضر شيخ الدين
تحياتي وأشواقي وتمنياتي لك بحظ (وافر) على خالو
يعني تاني لمن تجي سيرتك نقول دا كان زمن الراحلة
| Quote: لما ولد يجى للصادق فى الباب يجى يقول ليه: الصادق ..مبروك جالك ولد!!!! |
دي فطستني عديل كدا
|
Post: #16
Title: Re: ممثلة سودانية راحلة....لى بيت تانى
Author: sumah
Date: 07-15-2005, 11:48 PM
Parent: #1
إلى الراحلة تماضر شيخ الدين..
والرحيل عزالعرب..
وصالح الامين..
جيت ارحل لى "بيت العدل"..ويعنى المحكمة..
معروف ان البيوت كثيرة.. منها بيت الشعر وبيت الكبريت واشهرها بيت الادب..
بيان بالعمل..بيان عسكرى.. بيان..وعيان وبيان..
انى راحلة.. والرحيل معانى وافلام... اشهرها انى راحلة...
وعند الاعراب الراحلة هى الزاملة واناخ الراحله اى زملها..
بمناسبة ال"رحول"
ال رحول اسرة سودانية من اصول ليبية..
وهم كانوا جيراننا فى نيالا..
وعندما رحلنا.. عرفت انهم رحلوا... خلونا حليلم..
والكلام تمه ولا ما تمة.. جون قرنق فى المتمة....ونحمد الله كثيرا..
|
Post: #17
Title: Re: ممثلة سودانية راحلة....لى بيت تانى
Author: ودقاسم
Date: 07-15-2005, 11:50 PM
Parent: #1
تماضر
يا أخ إنتي واحد من أجمل الناس ، كيف كان رحيلك مناسبة لاستدعاء الذكريات الجميلة ، وكيف خليتينا نكتشف الجمال الذي كان يضجّ به منزلكم العامر ،، ثم تدلفين إلى الهمّ الوطني ، وتتابعين قرنق ( أبو ستة مليون ) ، ومحسن خالد الذي ببركاته طوى صفحة الراجل المعتدي على سودانيزأون لاين وعلى الحرية وعلى الوحدة ،،، ومن هناك قمت للجفيل ، حيث تقام العروض والأسواق من أجل الوطن .... غيبي وخدي راحتك ، بس ما تطولي الغياب ،، لو لقيتي ترمي لينا كلمتين تلاتة ، تطمنينا عليك وعلى نجاح مساعيك ،،، نكون مبسوطين ..
|
Post: #18
Title: Re: ممثلة سودانية راحلة....لى بيت تانى
Author: garjah
Date: 07-16-2005, 01:06 AM
Parent: #17
يا نخلة سامقة
وتلقانا نحن يانا نحن
لا بدلتنا الظروف ولا هدتنا نحن
|
Post: #19
Title: Re: ممثلة سودانية راحلة....لى بيت تانى
Author: Tumadir
Date: 07-17-2005, 03:01 AM
Parent: #18
ودقاسم
القرضابى
جنى
حسين ملاسى
زولة
بدر الدين شناة
الملك
سمعه
قرجة
البورد ده لا زم يكون بقى راكب الاكسبرس..
غبت يوم وجيت لقيت بوستى"راحل" فى الصفحة التانية
حسى الراحل منو ؟؟ انا ولا انتو
ههههههه
لكم محبتى العميقة ونحن فى العد التنازلى
فضل لى المطبخ والكنبة....
بجيكم بعد شهر..
لو رحلت فى حته فيها عمود تلفون...
ابقو عشرة..
|
Post: #20
Title: Re: ممثلة سودانية راحلة....لى بيت تانى
Author: Adil Osman
Date: 07-17-2005, 05:08 AM
Parent: #1
http://www.ifilm.com/ifilmdetail/2478579?htv=12
When the day is long and the night, the night is yours alone,
When you’re sure you’ve had enough of this life, well hang on
Don’t let yourself go, everybody cries and everybody hurts sometimes
Sometimes everything is wrong. now it’s time to sing along
When your day is night alone, (hold on, hold on)
If you feel like letting go, (hold on)
When you think you’ve had too much of this life, well hang on
’cause everybody hurts. take comfort in your friends
Everybody hurts. don’t throw your hand. oh, no. don’t throw your hand
If you feel like you’re alone, no, no, no, you are not alone
If you’re on your own in this life, the days and nights are long,
When you think you’ve had too much of this life to hang on
Well, everybody hurts sometimes,
Everybody cries. and everybody hurts sometimes
And everybody hurts sometimes. so, hold on, hold on
Hold on, hold on, hold on, hold on, hold on, hold on
Everybody hurts. you are not alone
|
Post: #21
Title: رد
Author: mohmmed said ahmed
Date: 07-17-2005, 07:19 AM
Parent: #1
السمحة قالو مرحلة
0اتركوها انها مأمورة)
عبارة علي ظهر كومر قديم في الابيض
من ارشيف صديقي د علي السفوري
نحنا هنا ضاربين الهمبريب
بلغي التحيات لماجدة محمد علي من علي السفوري
تلفون سفوري يا ماجدة 11173206 علي يعمل في هوب اند هومز فور شلدرن
|
Post: #22
Title: Re: رد
Author: Ali Alhalawi
Date: 07-17-2005, 07:32 AM
Parent: #21
شكرا يا تماضر على الحكمة ..
Quote:
لا تخافوا على الحرية فهى اكثر انطلاقا من ان يتم كبتها
|
من أقوال الراحلة تماضر شيخ الدين
|
Post: #23
Title: Re: ممثلة سودانية راحلة....لى بيت تانى
Author: Khalid Kodi
Date: 07-17-2005, 08:03 AM
Parent: #1
الحمد لله انا مافى فى البلد ،
هسه كان عتلونى الهتش والكرور.
|
Post: #24
Title: Re: ممثلة سودانية راحلة....لى بيت تانى
Author: Tumadir
Date: 07-17-2005, 08:40 AM
Parent: #23
قع قع قع يا خالد كودى ...فعلا الله مرقك
الغريبة انا "فكيت" بدون قصد ندى مصطفى ... هى زاتها ما كانت سلمت من "الكرور"
عادل عثمان
i am fine thank you.
بس الغنية دى عندى معاها حكاية غريبة ....عملتها برولوق لمسرحية اسمها homelessقدمتها فى مسرح ديوك النفنقتونج فى واشنطن سنه خمسة وتسعين لما كانت الاغنية نسبيا جديدة لانى كنت بحبها جدا .... لك التحية
على الحلاوى ....هههههههههها الى ماشاء الله .....
"يموت حيلك" .......قال استغفرالله....يا عملات النسوان...
محمد سيد احمد ...ماجدة منو.؟؟؟ تحياتى لعلى السفورى ...وشكرا كثيرا على "مأمورة" دى لانها بحس بيها فى عضامى....
|
Post: #25
Title: Re: ممثلة سودانية راحلة....لى بيت تانى
Author: Shao Dorsheed
Date: 07-17-2005, 09:09 AM
Parent: #1
Quote: السودان..يا ايها الوطن العجيب...!! احبك كثيرا الى حد الغيظ..
. |
|
Post: #26
Title: Re: ممثلة سودانية راحلة....لى بيت تانى
Author: Tragie Mustafa
Date: 07-17-2005, 10:32 AM
Parent: #1
تماضر
والله فاقدنك
لكن اتاريك مشغوله باحبتك السودانيين دائما
من استقبال اسر جديده لجمع تبرعات للذين فى المخيمات
تسلمي من كل شر انت ويسلموا بنياتك
ويسلم لينا السودان من الاقصاءيين والمتخلفين
وياربى ندوة واشنطوم يوم 21/7/2005
انتوا ما جاينها
وهي عن العنف ضد المرأه فى دارفور و الاغتصابات
وكيفية معالجة اثارها النفسيه والجسديه.
انوي الحضور اتمنى رؤيتكم هناك.
تراجي.
|
Post: #27
Title: Re: ممثلة سودانية راحلة....لى بيت تانى
Author: الملك
Date: 11-12-2005, 03:28 AM
Parent: #26
تسجيل غياب طويل
|
Post: #28
Title: Re: ممثلة سودانية راحلة....لى بيت تانى
Author: Muna Khugali
Date: 11-12-2005, 03:47 AM
Parent: #27
أمـا أنـا علي المستوي الشـخصي أقـول..
مشتاقـة ليك خـالص..ومـازالت ذكـري ونسـتنا الخـاصة علي الدانوب تلح علي في كـل لحظـة وتسـأل..
'متين نتلاقي ثـانـي'
مـني
|
Post: #29
Title: Re: ممثلة سودانية راحلة....لى بيت تانى
Author: DKEEN
Date: 11-12-2005, 06:15 AM
Parent: #1
تماضر والله ليكي وحشة وشوق ..
ومن العائدين يا منقة..
الوافر اخوكي اسمو جميل .. وتبارك اسم جميل ..
انو البنجر ليكم الاسامي دي منو؟؟
|
Post: #30
Title: Re: ممثلة سودانية راحلة....لى بيت تانى
Author: محمد الامين احمد
Date: 11-12-2005, 01:54 PM
Parent: #1
تحية طيبة للجميع
يا دكين الوافر ده كلو جميل غايتو ،،، ان شفتو و سمعتو شخصيا 
غايتو كان داير تسمعو ممكن تمشى البال توك فتش على nilo_azul
و كان داير تشوفو ما ليك الا اسبانيا، بس حاسب ما تقع فى طريق تور
شخصية ظريفة جدا، و زول فنان بالميلاد، كم امتنعا هو و عوده و كم (كجنا)
جارتهم لانها دائما تمنعا من الاستمتاع بصوته!
|
Post: #31
Title: Re: ممثلة سودانية راحلة....لى بيت تانى
Author: وفاء تاج الدين
Date: 11-12-2005, 04:36 PM
Parent: #1
يا تماضر إزيك وسودانيزأون لاين نورت بعودتك
أنا أول مرة أشوف البوست دا الليلة والغريبة الليلة بعد ماجيت من برا قلت أفتح بوست وأقول لى ناسك الحلوين ديل إنك كنتى بترحلى وجاياهم قريب بس جيتك كانت أسرع من البوست.ويارب دايما حاضرة ومنورة كدا
وفاء تاج الدين
|
Post: #32
Title: Re: ممثلة سودانية راحلة....لى بيت تانى
Author: خضر حسين خليل
Date: 11-12-2005, 05:16 PM
Parent: #1
لو رحت من نفسك بعيد
أو سقت في جواك بلد
برضك حتأخد في الطريق
سجنك معاك وللابد
هذا كل ما أملكه يابت شيخ الدين
أنا أيضاً راحل نحو ثغر النيل هناك حيث يكون الوحل أحلي من العسل
علي قولو ..
أمنيات وعيد سعيد وبيت السرور
خضر
|
Post: #33
Title: Re: ممثلة سودانية راحلة....لى بيت تانى
Author: ابوحراز
Date: 11-13-2005, 01:21 AM
Parent: #32
شوفي ياتماضر يالذيذة
ترحلي كوكب المريخ ما يهمنا
ترحلي جزر الواق واق مايهمنا برضو
ترحلي كاب الجداد برضو مايهمنا
ومايهمنا اكثر أنكي لن ترحلي عن قلوبنا
ولن ترحلي عن فصيلة دمنا
أنتي في أعماقنا
وفي أحاسيسنا
في كل أنهارنا التي تتلوى العشق
في كل سحبنا التي تمطر من كلماتك أدباً وذوقاً وانسانية
في كل أدبنا وموروثاتنا وتقاليدنا الجميلة
أنتي في كل نخلة باسقة
وفي كل جبل شامخ
وفي كل أنثى حبلى بالعطاء والأمل والرحيق والعطر
أنتي في كل فراشة
وفي كل وردة يكفيها فقط عندما تبثي أنفاسك فيها
فتتحول الى مليون وردة
قال راحلة قال
سترحلي من قلوبنا الى قلوبنا
|
Post: #34
Title: Re: ممثلة سودانية راحلة....لى بيت تانى
Author: Tumadir
Date: 12-09-2005, 10:38 PM
Parent: #33
خلاص الممثلة القلتها ليكم ...رحلت....
|
Post: #35
Title: Re: ممثلة سودانية راحلة....لى بيت تانى
Author: أبكر آدم إسماعيل
Date: 12-09-2005, 11:00 PM
Parent: #34
وإحنا جينا نبكي على الأطلال
---------
قفا نبك من ذكر حبيب ومنزل
أبكر آدم إسماعيل
|
Post: #36
Title: Re: ممثلة سودانية راحلة....لى بيت تانى
Author: Tumadir
Date: 12-09-2005, 11:04 PM
Parent: #35
لا "المنزلى" الفات ....شدة ما حبيتو لمن كنت قايلاهو منزلى ....
لكن على بال ما اصل لى ده ...وكترة التلتلة
ما "قفا" ولا دقيقة نبكى ...نمشى بس....
|
Post: #37
Title: Re: ممثلة سودانية راحلة....لى بيت تانى
Author: أبكر آدم إسماعيل
Date: 12-09-2005, 11:09 PM
Parent: #36
أوكي
مشينا بطريقة الجنينة
وعشان جناين الشاطئ حيينا زهرة روما
وكمان بكينا
مش قال "أبكي يا محروم"؟
أبكر آدم إسماعيل
|
Post: #38
Title: Re: ممثلة سودانية راحلة....لى بيت تانى
Author: Tumadir
Date: 12-09-2005, 11:26 PM
Parent: #37
وانت بدل تبكى مش كان احسن تضرب لى؟؟
مش فى تكتة دنقلاوية كده ..؟؟
انه الراجل الدنقلاوى جرى ..والنسوان ضحكو عليه ..ومرتو زعلت عليه ..قالت ليه خليت النسوان ضحكوا عليك ؟؟ قال ليها
"اهسن تضهك ولا اهسن تبكى"
فانت كمان ..احسن تضرب ولا احسن تبكى؟
هههههههه
مشتاقين يا دكتور ...
|
Post: #39
Title: Re: ممثلة سودانية راحلة....لى بيت تانى
Author: أبكر آدم إسماعيل
Date: 12-09-2005, 11:39 PM
Parent: #38
يضربني الضريب
أها هاك دي
السوداني إتلم ليهو في واحد مصري ومشوا يفتشوا شغل في السعودية
قدموا لواحد بتاع بقالة، قال ليهم مفيش مشكلة خلو لي ارقام تلفوناتكم
خلوها ليهو ومشوا
تاني نفس السوداني إتلم مع المصري ومشوا يفتشوا شغل
قام المصري جاب ليهو سيرة الراجل بتاع البقالة
السوداني قال ليهو والله الراجل دة خلي لي "مسيج" وقال أضرب ليهو
"طب حصل إيه"
والله أنا قلت أقوم أمشي ليهو اليوم التاني مرة واحد
"تبأ حمار!!"
أبكر آدم إسماعيل
|
Post: #40
Title: Re: ممثلة سودانية راحلة....لى بيت تانى
Author: Mannan
Date: 12-09-2005, 11:41 PM
Parent: #1
إن شاء الله بعد عمر طويل .. ترحلى لفيللا..
....
قالوا لنا رحلت تماضر**** للبيت ليس الى المقابر
قولى لنا حلو الكلام***** بمسرح الكلم النواضر
كونى لمسرحنا حماما***** للبوادى والحواضر
(انت السماء بدت لنا)**** إن ترحلى عنا .. تماضر
واذا انتظرت فاننا***** رهن الإشارة.. الف حاضر
وإذا أردت عتالة***** جئناك جيشا يا تماضر
بس ارسلى عنوان بيتك**** للآصاغر والاكابر
يأتوك من كل النواحى***** زاحفين كما العساكر
كى ينقلوا عفش التماضر***** بالبكاسى والكوامر...
غير حلمنتيش.. مافيش..
نورى جليلة (نورالدين منان)
|
Post: #41
Title: Re: ممثلة سودانية راحلة....لى بيت تانى
Author: Tumadir
Date: 12-09-2005, 11:46 PM
Parent: #40
| Quote: وإذا أردت عتالة***** جئناك جيشا يا تماضر |
البيت ده بالذات اكتر واحد عجبنى ولو انه توقيتو ما عجبنى خالص
لانو قامت لى قطايع انا ...من "العتالتن" دى
نورالدين مناااااان ازيك وازى اسرتك الجميلة ياخى؟؟
محبتى والتحية لهم جميعا
|
Post: #42
Title: Re: ممثلة سودانية راحلة....لى بيت تانى
Author: Tumadir
Date: 12-09-2005, 11:51 PM
Parent: #41
برية من الضريب....
Quote: قال ليهو والله الراجل دة خلي لي "مسيج" وقال أضرب ليهو
"طب حصل إيه"
والله أنا قلت أقوم أمشي ليهو اليوم التاني مرة واحد
"تبأ حمار!!"
|
ابكر آ دم ...مالك على الدنيا نص ليل والناس نايمة تخلينى اقرقر بطول حسى؟؟
بمناسبة المسيج دى ....الكلمة دى الناس البجوا جداد هنا ده كل زول مسميها اسم براهو
فى واحده بتقول للمسيج "المسجد" والتانية بتقول "المسح"
والاتنين ممكن يقولوها لى بعض....
رايك شنو؟؟
|
Post: #43
Title: Re: ممثلة سودانية راحلة....لى بيت تانى
Author: أبكر آدم إسماعيل
Date: 12-10-2005, 00:00 AM
Parent: #42
طب عشان نص الليل
يوم بكرة جميل
"برضو تبأ حمار"
أبكر آدم إسماعيل
|
Post: #44
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 00:10 AM
Parent: #43
خلاص اتفقنا
حماران فى عقبة من ثلج
بالمناسبة دى جاتكم العاصفة الثلجية الجاتنا؟؟
كل ما اشوف التلج بالالواح فى الشوارع والناس يطنطنوا منو..
اتذكر نهار رمضان فى السودان وغلاوة لوح التلج قبل المويات بخمس دقايق..
مرات اقول "الكرة الارضية دى جادة فى البتسوى فيه ده؟؟"
لكن صبحان الله ....!!!!
خلاص صباحاتو بيض
|
Post: #45
Title: Re: ممثلة سودانية راحلة....لى بيت تانى
Author: Mannan
Date: 12-10-2005, 00:25 AM
Parent: #1
رايت فى سوق السجانة بائع تلج عامل يافطة فى الكشك تقول: " هنا يباع الثلج البارد" قر قر قر .. وواحد صايم فى حر رمضان لاقاه مذيع وعمل معاهو ايبورتاج: سأله: ماهو اهم اختراع فى نظرك فاجاب الصائم بسرعة: التلج.... قرقرين .. تلاتة قرقرات وممنوع الضحك نص الليل لكى لا تتهمى بالفصل.. امشى نومى لإزالة آثار العتالة ولكيى لا تصابى بوجع وش.. وتصبحى على خير..
نورى جليلة (نورالدين منان)
|
Post: #46
Title: Re: ممثلة سودانية راحلة....لى بيت تانى
Author: Emad Abdulla
Date: 12-10-2005, 00:39 AM
Parent: #45
أستاذة تماضر
يعني لو في أسباب إنو الزول إتشحتف عشان يخش البورد ده كعضو بيكون واحده منها : تماضر
مش ريده دي عليك الله ؟
ريدة لزولة رايعة شديد .. والواحد كان متخيلك ممثلة فنانة .. كتر خيرو عامر الجوهري ما كان نتلاقى إلا وتكوني إنتي طرف و عددمن الجميلين الجميلين من ( زمن المرايات كانن مرايات ) ..
ياخي إنتي زولة ساطعة ..
تحياتي ليك وأسرتك .. و( اشاللاهو ) البيت الجديد ... بعرق العافية .
ملحوظة :
وبعدين الراجل كان ( هلفاوي ) من ( أندوهم ) مش دنقلاوي من ( أندنا )
بطلوا صلبطة
ودي .. والإحترام
|
Post: #47
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 00:48 AM
Parent: #46
عماد عبد الله..
كلم عامر الجوهرى ده بالذات ...
قوليهو تماضر شيخ الدين فى قمة الاشتياق لك ولصوتك الجميل الشجى ..ولدمك الخفيف كأنه ريشة تعبث بها الريح..
ووالله والله ما طالبنى حليفه ...لما لقيت اغنية قبيل فى الانترنيت بغنيها عامر الجوهرى ...قربت ابكى من "الوجل" والخوف على روحى المشتته ..من الطرب الحيفاحئها........
شكرا ..عماد عبدالله ..على الريدة..."المجانية دى" هههههههههه
والراجل دنقلاوى ..من اندنا....
وغلاط لى بكرة الصباح
|
Post: #48
Title: Re: ممثلة سودانية راحلة....لى بيت تانى
Author: ملكة سبأ
Date: 12-10-2005, 01:06 AM
Parent: #1
لا حولااااااا !!!
تماضر ؟
مشتاقين وحاة كتاب الدين
صباح في منتهى الجمال والأناقة َ
|
Post: #49
Title: Re: ممثلة سودانية راحلة....لى بيت تانى
Author: tmbis
Date: 12-10-2005, 01:43 AM
Parent: #48
ازيك
|
Post: #50
Title: Re: ممثلة سودانية راحلة....لى بيت تانى
Author: MUNA OBIED
Date: 12-10-2005, 05:49 AM
Parent: #49
يا...تماضر!
وعادت الى المكان بعض الحميمية
|
Post: #51
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 06:34 AM
Parent: #50
ملكة سبأ
انا سبأ وأولتيللك انى بحبك أوى ....انتى فاهمة على يختى؟؟
هههههه....
جمل الله صباحاتك يا حبيبة القلب
|
Post: #53
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 06:37 AM
Parent: #50
منى عبيد.............
شكرا ليك .شديد ومشتاقين
..وفى حميم اكتر من كلامك ده.......؟
|
Post: #52
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 06:35 AM
Parent: #49
اهلا
|
Post: #54
Title: Re: ممثلة سودانية راحلة....لى بيت تانى
Author: jini
Date: 12-10-2005, 07:41 AM
Parent: #52
Quote: يا...تماضر!
وعادت الى المكان بعض الحميمية |
ومن غيرها يعطى للبورد معنى ان يزدهر!
جنى
|
Post: #55
Title: Re: ممثلة سودانية راحلة....لى بيت تانى
Author: Tumadir
Date: 12-10-2005, 07:45 AM
Parent: #54
جنى ....
اخبرتك من قبل ان احد القراء فاتحنى بمحبته الشديدة لك ولتعليقاتك...
وقلت لك انكرب ...ولا تخزل هذا القارىء ...
هل تذكر؟؟
لقد زاد عدد معجبيك من ذلك الوقت ...اضعافا ...
شكرا لانك تعمل بلا ضجيج على احترام قرائك بذكائك وتفردك ...
وشكرا لانك دائما تحفظ لى ودا "اسفيريا" ...ابادلك بأحسن منه
|
Post: #56
Title: Re: ممثلة سودانية راحلة....لى بيت تانى
Author: ABUKHALID
Date: 12-10-2005, 09:43 AM
Parent: #55
الراحلة المقيمة تماضر
نرسل ليك عتالين(اقصد شيالين) بجلاليب وطواقي حمرا
يشيلوا معاك
ويساعدوك بالصفقة
بس اهم حاجة العداد والعشا
|
Post: #57
Title: Re: ممثلة سودانية راحلة....لى بيت تانى
Author: Adil Osman
Date: 12-10-2005, 11:21 AM
Parent: #56
الرحيل من بيت لى بيت زى الانتقال من الدنيا الى الاخرة! الفرق فقط انك عدتى لتحكى لنا عن المكان الجديد، وروحه واحداثياته، وافاق التعامل معه بسلام وابداع. اما المنزل القديم فهو ايضآ يظل فى الذاكرة وفى الروح. الجدران والجيران، والعادية الحميمة التى يخلقها التعود. والقدرة على التنبؤ__ predictability __
سعيد انك استقريتى. ومع الاستقرار نتوقع اشتعال الروح والقلب بما يجعلنا نفكر فيك دائمآ: تماضر الكتابة، خفيفة الظل، المشاغبة، والانسانة مكتملة الانسانية..
للبيت الجديد سلام
ولقاطنى البيت الجديد سلامان..
جنبكم بيت للايجار؟؟
|
Post: #58
Title: Re: ممثلة سودانية راحلة....لى بيت تانى
Author: Masaoud Ali
Date: 12-10-2005, 12:12 PM
Parent: #57
تحية عبقة ويامراحب ، والعود تماضر
أنا برضو رجعت قبلك بمدة بسيطة ..
كنت حردان وناشدنى الأخ بكرى وأعزاء آخرين فى " بوست آخر" من أجل قضايا محددة ، فرجعت .. أها عرفتينى !؟
مودتى
|
Post: #59
Title: Re: ممثلة سودانية راحلة....لى بيت تانى
Author: saif massad ali
Date: 12-10-2005, 01:51 PM
Parent: #58
الحبيبة تماضر
طبعا بكون اخر زول اداك تلفون في البيت القديم,العربية خبرها شنو
|
Post: #60
Title: Re: ممثلة سودانية راحلة....لى بيت تانى
Author: الملك
Date: 12-11-2005, 03:13 AM
Parent: #59
صباح الخير
...
...
|
Post: #72
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 08:33 PM
Parent: #59
سيف مساعد ...العربية دى؟؟ اول زول يخش النار فى يوم القيامة حتكون العربية دى....ياخى دى عذبتنى عذاب؟؟؟
حسة الميكانيكى آخر كلامو قال رجعوها للديلرdealer ....يعنى زى نظام مرجعنها بيت ابوها وكده.......
بس شكرا على الوصفة ......طلعت 225$ بدل الالوف المؤلفة الكنت متوقعاها..........
|
Post: #68
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 06:21 AM
Parent: #58
اهلا اهلا مسعود على...
قلت لى حردت وناشدوك؟؟
دى انا كنت بعمل فيها سنه كاملة ..احرد يناشدونى ...احرد يناشدونى..
فى الآخر هم زهجوا ...وانا رحلت..
ما تحرد تانى ...انا قلت كده برضو ..الزول ما يحرد يكتب لما يحس بأنه فى زول مترصدو...يخلى ليه الدرب لغاية ما داك يرضى غرورو بعدين الزول يجى.... هنا فى ناس كتار عندهم مشاكل ..ما مرئية وجايين للمنابر دى لاسباب ..."هلامية" ...ارض الله الاسفيرية واااااسعه...
ياهلا بيك مسعود
|
Post: #67
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 06:16 AM
Parent: #57
| Quote: سعيد انك استقريتى. ومع الاستقرار نتوقع اشتعال الروح والقلب بما يجعلنا نفكر فيك دائمآ: تماضر الكتابة، خفيفة الظل، المشاغبة، والانسانة مكتملة الانسانية.. |
الغريبة دى بس الما رحلناها معانا...
نسيناها فى صندوق الظاهر هناك ...وبعد داك جينا لقينا ناس البلدية شالوا الصندوق..
حسع عندنا تماضر غريبة جدا قاعدة معانا ...بليدة ....دمها تقيل...ما بتستحمل الهظار ....وانسانيتها ....نصنصن
منتظرين غايتو يجينا رد من ناس البلدية ...لو جه بنوافيكم بتماضر الجدجد
وبيت للايجار حسه مافى لكن لمن يرحلوا جيراننا بتكلمكم ..انت ومنى ترحلوا جنبنا ....كده كويس
|
Post: #66
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 06:10 AM
Parent: #56
Quote: نرسل ليك عتالين(اقصد شيالين) بجلاليب وطواقي حمرا
يشيلوا معاك
ويساعدوك بالصفقة
بس اهم حاجة العداد والعشا |
احسن عشا ليهم ديل بيكون كوارع...
جدا انت جيبهم والكوارع اهى دى بنقلع فى شراباتها....
هههه......كيفك يا ربيع السمانى ليك شوقة...وللاسره..
طبعا انا اتكلمت مع عبد الجبار لما جه كندا...واظن التلفون من كندا ...اقرب من تلفونات الخليج...
|
Post: #61
Title: Re: ممثلة سودانية راحلة....لى بيت تانى
Author: Emad Abdulla
Date: 12-11-2005, 03:43 AM
Parent: #1
يا .. تماطم ..
للصباح ما دنقلاوي .. أها
ــــــــــــــــــــــــــــــــــــــــــــ
لما اتخرجنا من كلية الفنون زمااااااااااااااااان .. الواحد فرحان بقى فنان كبير ( أبوي قال لي : يا إماد .. يأني دلوكتي إنتي زي كابلي ؟ ) .. الله يرحمو .. المهم علقت واحده من لوحاتي المشاترات ديل في برندتنا الجوانية .. قامت فاطنة أختي تصلي الفجر .. علي التوكحا الرسمه مواجهاها في اتجاه القبلة ..بس مع قولة : الاهو اكبر ترفع راسا تلقي النصيبة قداما .. طبعا كان portrait بتاع واحده أنا معفص ليك وشها عفيص صاح ( مش علي كيفي .. الحكاية abstract وكده ) .. والله يا تماطم صرخت بأعلى صوتها : أهن شووب .. أوذو بالله .. إنت المصيبة ده ما بيجيب الإبليس في البيت .. إلاهي ما يكسبك .
loooooooool ..
تماطم .. الـ painting دي هدية ليك رسمتها بمزاج دنقلاوي .. علقيها في بيتكم الجديد ..
و .. أوعك من الإبليس .
للأسف عامر الجوهري في السودان .. ولي زي سنه ما شفتو .. لكن أخبارو عندي .. ولسه ياهو عامر اللذيذ اللذيذ ( عندو بوكس خدار .. هههههه )
وكمان زيك أنا .. مشتاق ليهو شديد شديد
تحياتي للبنوت والجنون كلهم
|
Post: #62
Title: Re: ممثلة سودانية راحلة....لى بيت تانى
Author: bushra suleiman
Date: 12-11-2005, 05:00 AM
Parent: #61
تماضر..العسل
قلبى راحل..للسواحل
ومشرق النور الفسيح
(الحقوق محفوظة لى : حسن السر)
كدى زحى لى ياطماطم: دنقلاوية ياامـــاد..مشتاقة ليكى والله
قلت لى عامر عامل ليهو بوكسى خضار..دا الخبر الجد
|
Post: #71
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 08:17 PM
Parent: #61
| Quote: ( أبوي قال لي : يا إماد .. يأني دلوكتي إنتي زي كابلي ؟ ) |
هههههههههههه....
وبرضو دنقلاوى من أندنا......
والله يا عماد لكن رسام رسام رسام قاطع....
عندى ولدى محمد 13 سنه ده فنان ....ناديتو قلت ليه تعال شوف رسم السودانيين ...جه عاين .....جرى طوالى....
اما عامر الجوهرى فجيظل الذ زول فى التاريخ ...حتى لو عندو بوكسى خدار. ومالو بس يغنى ليهو " خدارى البى حالى ماهو دارى"
بمزاج
|
Post: #63
Title: Re: ممثلة سودانية راحلة....لى بيت تانى
Author: samo
Date: 12-11-2005, 10:16 AM
Parent: #1
لا حولااااااااااااااااااااااع.
تماضر ...؟؟!!
يازولة الحكاية شنو ...؟؟
لينا كمين سنة ماسمعنا صوتك .؟؟
والللههههههههههههههي موشتاقييين اديييييييييييل كدة ..
والله يا طمطم ... مقصرين معاك ... بس ... ظروف عصرتنا لمن امنت ..
و..(المدام).. سالت عنك بكثرة ..
انتى زولة حربية شديد .. وتستاهلى اشخاص بيعرفو( فنون التواصل) افضل مننا ..
لكي كل التحايا (النواضر)..
ولكي كل تمنياتنا بالاستقرار العائلي الدافئ ..
وكثير السلام للبنوتة ..
معتصم عمر
|
Post: #64
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 00:50 AM
Parent: #63
الله يا شباب
انا لاحظت انى مفطفطة الردود ...وكده
الدنيا بقت ليل وبكرة الشغل..
لى عودة والله .....
لجميع الاصدقاء ...والمدام بتاعة بعض الاصدقاء
ههههههه
|
Post: #65
Title: Re: ممثلة سودانية راحلة....لى بيت تانى
Author: abuguta
Date: 12-12-2005, 02:24 AM
Parent: #64
تماضر
.. ياراحلة
يابنية مش
....ساهلة
اهطلى ديمة
وارضنا مجدبه
وقاحلة..
فى بيتك الثانى
قبل ما تكونى
داخلة..
تلقينا قاعدين
هناك..
ما تتعوزى مننا
دى قلوبنا
معاك راحلة..
|
Post: #74
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 08:56 PM
Parent: #65
اب قوته...
عندى ليك زره....ده طبعا عصر الزرة....
السماك
" اب قوته ...قنبلة الود الموقوته
منو؟؟
انا ممكن اقاضى فى الاسم ده...
بعد تحل لى المشكلة دى تعال....ههههههههه
ازيك ...كيفنك ...وشايفة لقت عندك رابطة معجبين وكده ...لكن سيد البوست جاتهم بت اسمها "لقاء"..........ما اظن تواصلو قريب..
اها لما تواصلو انا بجى ....ونشوف "الجيل" صحى صحى منو؟؟
تجيب لى الزول الانا ما متذكرة اسمو ده وتقول ليهو تحلف ...وانا بحلف.....
|
Post: #69
Title: Re: ممثلة سودانية راحلة....لى بيت تانى
Author: Osman M Salih
Date: 12-12-2005, 06:33 AM
Parent: #64
مرحباً بالعزيزة تماضر بيننا
سنحفها بمحبتنا ـ دون أن
نغرقها في موج المحبة ـ
من الجهات الأربع
|
Post: #75
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 09:02 PM
Parent: #69
Quote: مرحباً بالعزيزة تماضر بيننا
سنحفها بمحبتنا ـ دون أن
نغرقها في موج المحبة ـ
من الجهات الأربع |
وسأل العاشق الحكيم قائلا:
واذا جاءتك المحبة من الجهات الاربع ...فاين تدس قلبك؟؟
فقال الحكيم: أدسه فى الجهات الاربع...وأعرضه للمحبة حتى يغمى عليه...
هههههههه....
ياه يا عثمان يا قريبى ......كم افرحنى حديثك...
|
Post: #73
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 08:39 PM
Parent: #63
Quote: والله يا طمطم ... مقصرين معاك ... بس ... ظروف عصرتنا لمن امنت ..
و..(المدام).. سالت عنك بكثرة ..
انتى زولة حربية شديد .. وتستاهلى اشخاص بيعرفو( فنون التواصل) افضل مننا ..
|
اهلا معتصم عمر ....
والله ولا تقصير ولا حاجة ...الظروف دى اصلها كده ..... ان شا الله تكون الامور مشت كويس والست المدام جمعت ....انجمع شملكم ...
لها ولك انضر التحايا واطيب المنى...
|
Post: #70
Title: Re: ممثلة سودانية راحلة....لى بيت تانى
Author: Faisal Salih
Date: 12-12-2005, 04:27 PM
Parent: #1
بمناسبة بوكسي خدار عامر الجوهري
والله بعد تلاتين يونيو ما جات والجرايد قفلت قاموا ابراهيم علي ابراهيم وخلف الله حسن فضا قالوا يفتحوا محل خدار في الرياض
نحنا عملنا الموضوع ضحك وهم كل يوم جارين يقولوا سالنا من اسعار الجرجير والطماطم وعرفنا البطاطس بيجيبوه من وين وليه بصل شندي ما عارف أحسن من بصل وين
المهم الموضوع وفر لينا فرصة جيدة للونسة نكسر بيه موضوع "من أين أتى هؤلاء"
بعد شهر الموضوع دخل الجد وابراهيم وخلف الله اتفقوا ياجروا دكان في الرياض في شارع المشتل
طوالي نحن اعتبرنا المسألة تعدت الهظار والظرافة للجنون ، وتشنطنا ولبسنا أحسن ما عندنا وعملنا ليهم اجتماع نزلنا فيهم وعظ وارشاد عن أن هذا لا يجوز وانتوا صحفيين ومثقفين كبار تقعدوا تبيعوا الخدار...وعيب كدة
لسوء الحظ انهم سمعوا كلامنا
والنتيجة انه ابراهيم في ايوا الآن وخلف الله في مانشيستر وأنا منشكح في الخرطوم وما في واحد فينا لاقي الخدار أو حق الخدار
يا تماضر ازيك ...وكنت عايزاقول ليك الرحول عز العرب اذكرت حكاية الجلابة والعنصرية وليه يعني الرحول بتاع العرب براهم ..وهل الناس التانية ما بترحل ..وحتى الرحول احنتكرتوه للعرب ، كمان اذكرت انك دنقلاوية فسحبت الكلام
هل سمعت عامر الجوهري يغني للنعام " لا شوفتن تبل الشوق ولا ردا يطمن" ..والله شوقك يسيل بحر وما يقيف
وفي نكتة جميلة عن عامر الجوهري تحكيها ليك سلمى الشيخ سلامة لمن ترجع أمريكا
بالمناسبة قابلتها ليك قبل شوية في الليلة الشعرية لفضيلي جماع في مركز عبد الكريم ميرغني ...وكان هناك أيضا بشرى الفاضل وكمال الجزولي وعلي الأمين وعصام عبد الحفيظ والأسباط ومحمد نجيب محمد علي ومحمد عثمان الحلاج ومحمد عبد المنعم فوكس ..وأهم حاجةاسماعيل التاج في نيو لوك
عملت ليك لوز ...موش
سلامات ومشتاقين
|
Post: #76
Title: Re: ممثلة سودانية راحلة....لى بيت تانى
Author: Tumadir
Date: 12-12-2005, 09:38 PM
Parent: #70
Quote: والنتيجة انه ابراهيم في ايوا الآن وخلف الله في مانشيستر وأنا منشكح في الخرطوم وما في واحد فينا لاقي الخدار أو حق الخدار
|
بقيتو صحن سلطة ما يلمكم ..خلى كشك خدار .... احذروا التثاقف فهو لكم بالمرصاد ...شفت الثقافة دى بتخرب على الزول كيف؟؟
وشر البليلة ما يضحك...
| Quote: كمان اذكرت انك دنقلاوية فسحبت الكلام |
هاهاهاهاها............
.
| Quote: هل سمعت عامر الجوهري يغني للنعام " لا شوفتن تبل الشوق ولا ردا يطمن" |
لا لم اسمع عامر الجوهرى يغنى "لاشوفتن تبل الشوق"....
يا جماعه رسلوا لى غنا عامر الجوهرى فقد اصبت بجاهلية فنية من بعده....
وهل انت سمعت طارق ابوعبيدة يغنى " مادام طار جنا الوزين" .......وبالمناسبه يجب ان اعيد للصديق طارق ابوعبيدة التهنئة بالمولودة ....لقاء .....والمولودة ..الاغنية
http://sudaniyat.net/vb/showthread.php?t=707
تسمعوها فى اللنك دى من منتدى سودانيات مع الاستئذان والاعتذار لاصحابو... المهم الاغنية دى هدية ليك يافيصل ...امتنانا وعرفانا منى لك على الزياره ....وقصصك الحلوات...الاتحكوا والجايات ، لقولك:
| Quote: وفي نكتة جميلة عن عامر الجوهري تحكيها ليك سلمى الشيخ سلامة لمن ترجع أمريكا |
وايضا من بركة الوجوه المفرحة التى قابلتها
Quote: وكان هناك أيضا بشرى الفاضل وكمال الجزولي وعلي الأمين وعصام عبد الحفيظ والأسباط ومحمد نجيب محمد علي ومحمد عثمان الحلاج ومحمد عبد المنعم فوكس ..وأهم حاجةاسماعيل التاج في نيو لوك
|
ما عملت لى لوز........نورت لى البوست وبس..
بالاكتر
|
Post: #77
Title: Re: ممثلة سودانية راحلة....لى بيت تانى
Author: aosman
Date: 12-12-2005, 10:17 PM
Parent: #1
الاخت تماضر
الاخ وافر شخصية وافرة بالطيبة, التقيته مرتين, مرة بمدريد ومعه الاخ سناري واخذوني الي مطعم سوداني جميل وراقي حيث تناولنا اكلات سودانية كنا نشتهيها لفترة طويلة, ومرة ثانية التقيته في ابوظبي وكنا نازلين في فندق واحد وقضينا ايام جميلة وفي هذا الفندق التقينا بالمبدع حمزة سليمان زميل الوافر الذي لم يلاقيه منذ سنين عددا وكان لحظات جميلة جدا ممتعة مع ابداعات الاستاذ حمزة سليمان والمبدع الوافر
الاخت تماضر ارحلي لكن ارجو ان لا يطول الرحيل فنحن في انتظارك
قطار هلا يا ناس قطار هلا الزول ده سافر يا ناس ودعت الله
|
Post: #78
Title: Re: ممثلة سودانية راحلة....لى بيت تانى
Author: Tumadir
Date: 12-13-2005, 05:14 AM
Parent: #77
يا دكتور اهلا بيك ...والله اتشرفنا بى معرفتك لى الوافر ..وبركة الشفتو من قريب عشان تعرف انا بتكلم عن منو.....
ومرورك على البوست زادنا .....دفء ورحابة.....
|
Post: #79
Title: Re: ممثلة سودانية راحلة....لى بيت تانى
Author: abuguta
Date: 12-13-2005, 06:20 AM
Parent: #78
| Quote: عندى ليك زره....ده طبعا عصر الزرة |
صاحب العبارة هو صلاح شتات..رد الله غربته
حاليا فى اجازة..هو وابن اخته معتصم دفع الله
والمناسبة.. بعد رجوعى من مشكلة الهكرر الهندى
الذى اخذ باسوردى وكان ذلك يوم 22/10/2003
وحينها كتبت هذه الخاطرة..فاطلق هذه العبارة..
التى لازمتنى ..كملازمة اسم المنطقة لاب حراز
شكرا لك يامحركة االبرك الساكنة
حتى المشاعر تريد من يرحركها..ياسبحان الله
تحبنى هندٌ........
ويحبنى شعبها
فهامت بحبى
وهمت بحبها
عاشرتها ردحا
وفارقت دربها
غارت علىَ.
فارتكبت ... ذنبها......
....... سافرت اليها
وصرت من سربها
درست فيها
ودخلت حزبها
اكلت اكلها
وشربت شربها
حمَست فولها
وقشرت لبها
تعرفنى سماءها
وايضا ارضها
اعيادٌ كثيرة
لا يحصى عدها
رقصت فيها
ولعبت لعبها......
ناغبور مدينتى
انى احبها
اذكر اول مرة
يوم جئتها
ضحكت بروقها
وزمجر رعدها
ثلاثة ايام
الغيث ضيفها
مبانى عالية
السحب قربها
شباب فيها
موحدٌ قلبها
مختلف سياسيا
... يعشق بعضها
نتخا صم ليلا
نتصالح صبحها
سافر بعضهم
وترك ذكرها
اليوم اخالهم
.... والدارجمعها
بونا الحنونة.....
كم مرة زرتها
شباب فيها
يعبق طيبها
كالعقد تما سكا
والدر بسمها
عشت معهم
فى حى وسطها
دار تجمعنا
عملاق اتحادها
وحين ودعتهم
جرى دمعها......
رجعت بلدى
طلبت قربها
هى تحبنى
ويكرهنى حكمها
قلت اهاجر
غربا او شرقها
كم طيور قبلى
فارقت عشها
جئت رياضيا
فسكنت جنوبها
صرت ابحث
عن ضالة ٍ غيرها
فوجدت شباب
لا وطن لها
دخلت علهيم
فرحب جلها
فى البورد مسكنهم
قرى ومدنها
اشعارٌ وافكارٌ
اجهلها كلها
صرت اجارهيم
واتعلم منها
فان غبت صباحًا
احضر ليلها
اقاسمهم فرحًا
واشاطرهم حزنها
حتى رميت بسهم
ولست اولها
فان كنت فديتكم
فانا لها
البورد موطن اناس
لا وطن لها
هذه حياتى
وذاك ديدنها
ما الفت ارضًا
الا شغفنى حبها.........
ابقوتة _رياض
22/10/2003
|
Post: #80
Title: Re: ممثلة سودانية راحلة....لى بيت تانى
Author: محسن خالد
Date: 04-02-2006, 08:03 AM
Parent: #79
..
يا سلالالام يا نونا، هو إنت كاتبة فيني كلام سمح بهنا وأنا مش عارف!؟
..
|
|