Post: #1
Title: مساء الخير يا امير...../ه
Author: Tumadir
Date: 05-10-2005, 06:28 PM
Parent: #0
مساكم الله بالخير
ارسل اليكم تحية من عند الله مباركة، تحية اذا مرت بالجبال هدتها واذا مرت بالزهور نثرتها واذا مرت بالعطور استنشقتها"كلها" ...
لقد اشتقت اليكم شوقا كثيرا، شوق الحمائم الى امها الحمامة وشوق الجدائد الى امها الجدادة..
اما بعد
كيف حالكم واحوالكم فى هذه المدة الطويلة التى لم اركم فيها..
فلقد ابعدتنى عنكم وعن متابعة كتاباتكم ووجوهكم المضيئة كثير من المشاغل..
اتمنى ان تكونوا على اتم صحة وعافية..
كما اتمنى ان تكون المسافات التى كانت تباعد بينكم قد انحسرت وتقاربت وجهات النظر والقلم والحوار الى ما هو نافع للانسانية والسلام...
اما انا فالحمدلله لا افقد شىء سوى ممثاقفتكم الغالية... وكثيرا ما تزورون خاطرى فتضحكنى اشياء وتحزننى اشياء اخر كنت قد قرأتها هنا او تداخلت بها مع بعضكم؟؟
اصدقائى وصديقاتى الاعزاء والعزيزات..
اذكرونا مثل ذكرانا لكم..
اذكرونا كلما الشادى تغنى
وكل ما الناقوس رن..
اذكرونا فان الذكرى ناقوس يدق فى عالم النسيان..
صديقتكم ابدا
تماضر شيخ الدين
حكمة اليوم: اتق شر من احسنت اليه!!!
وده كلو تجربة لكمبيوترنا الجديد...والعربى الجديد...والاجازة الشوية الصادفتنى وانا هنا..
ويا حليلكم...جدجد
|
Post: #2
Title: Re: مساء الخير يا امير...../ه
Author: Tumadir
Date: 05-10-2005, 06:32 PM
Parent: #1
نسيت جزء هام من الرسائل "الزى دى"
ارجو ان تبلغوا خالص تحياتى الى الجندريات بلا فرز والى الجندريون بلا فرز بقسميهما
الظلامي والمستنير
وكل عام وانتم بخير..
"الخطاب نصف المشاهدة"
|
Post: #3
Title: Re: مساء الخير يا امير...../ه
Author: هاشم نوريت
Date: 05-10-2005, 06:32 PM
Parent: #1
Tumadir
دبايتو
اهلا بيك وايتنينا
Quote: حكمة اليوم: اتق شر من احسنت اليه!!!
|
لى زمن افتش عن المعنى الحقيقى المقصود من هذا المثل .
|
Post: #4
Title: Re: مساء الخير يا امير...../ه
Author: Maha Bashir
Date: 05-10-2005, 06:35 PM
Parent: #1
مساء الخير تماضر
الحمد لله أنك بخير و الله ليك انت كمان وحشه كبيره
أتمني أن تتواجدي ياستمرار هنا....
ميروك يا ستي الكمبيوتر الجديد ....
مهــــا بشير
|
Post: #5
Title: Re: مساء الخير يا امير...../ه
Author: Tumadir
Date: 05-10-2005, 06:40 PM
Parent: #4
هاشم نوريت
تحياتى ودى بالسودانى اسمها الحسنة فى المنعول زى الشرا فى القندول..
ومافى ليها مناسبة الا شكل الجواب عشان يكون كلاسيكى تماما.. "مش بقت لافقة كده؟"
مها الله يبارك فيك...كمبيوتر مفخرة هدية من سارية ...لامه فى عيدها..الله يبارك فيه..
وكونى اتواجد طوالى دى فيها "غولان" لانه هدى لى كمبيوتر بس ما ادانى معاه اجازة..
هههههه وتحياتى الحارة
|
Post: #6
Title: Re: مساء الخير يا امير...../ه
Author: Marouf Sanad
Date: 05-10-2005, 06:44 PM
Parent: #5
اهلا تماضر
وشكرا لساعي البريد .
يجده بخير .
|
Post: #7
Title: Re: مساء الخير يا امير...../ه
Author: Tumadir
Date: 05-10-2005, 06:50 PM
Parent: #6
| Quote: وشكرا لساعي البريد |
كتلتها تب!!!
اضف الى ذلك: الرد عاجل مع الحمام الزاجل
اهلا معروف وشكرا على رسالتك الصوتية لم ارد عليها لاسباب تتعلق بالخدمة..
وكلك فهم..
|
Post: #8
Title: Re: مساء الخير يا امير...../ه
Author: نادية عثمان
Date: 05-10-2005, 07:02 PM
Parent: #7
ونرجو ان لاتنسونا من المصاريف وانتم تعلمون ظروف البلد الصعبة
ووالدتكم تطلب منكم ان لاتقطعوا الرسائل
وياسنين الغربة عدى ..الزمن باكر بيهدئ
ووالله الشوق بحر والحنان ترعة يامترعة ياسنديانة حياتنا يابت الشيخ
تماااااااااااااااااااااااااااضر
بحبك موت والله
اختك المشتاقة نادية
الرجاء الرد مع اول بوسطة قادمة من دياركم ..
|
Post: #9
Title: Re: مساء الخير يا امير...../ه
Author: Ehab Eltayeb
Date: 05-10-2005, 07:06 PM
Parent: #8
تماضر:
تحية اذا مرت بالزلط وفيه باقي كسرته..
واكان مرت بالزرع خدرته..
واذا مرت مرت بالضرع درته..
وبالمناسبة عندنا واحد رسل جواب لي بت زمان... قامت رجعتوا ليه ومعاه
احترم نفسك واشتكته للاساتذة
قام رد ليها قال ليها: من المؤسف حقا ان تكون اولي رسائلنا
رسائل شكوي وعتاب...بالبريد الجوي...
لكن نحنا بنقول ليك:
من المفرح حقا ان تكون اولي رسائل كمبيرترك ..رسائل ود وسلام...
بالبريد البكري,,,
حلوه الرد العاجل مع الحمام الزاجل.. نسرقها منك..
اها بعد دا كلو تحياتي وسلام..
وازيك يا ناديه.........
|
Post: #13
Title: Re: مساء الخير يا امير...../ه
Author: Tumadir
Date: 05-10-2005, 07:21 PM
Parent: #9
اماانت يا نادية فالامانة قد ارسلتها لك مع الحاجة وهى فى كيس داخل الكرتونة..اقسميهاالنص مع سلوى بت المحس...واوعك تظلميها..
وهههههه....كيف حالك وكيف عاملة والف تحية وشوق ومحبة
ايهاب ...الشوق بحر..
ويؤسفنى ان تكون هذه اول رسائلنا....شكوى لى بكرى..
ياريت لو بقدر ارسم قلب وشاقيهو سهم والدم طج طج طج ينقط منه...عشان اتفش فى الرسائل دى للابد..
|
Post: #10
Title: Re: مساء الخير يا امير...../ه
Author: صديق الموج
Date: 05-10-2005, 07:08 PM
Parent: #1
تماضر...نسيتى واعرفكم اذا سالتو بخصوص الكمبيوتر القديم
اديناهو لى سعيدة...وبعدين سارية ماكان يهدى ليك ضهر لى
مصاقرة الكى بورد...مش قالوا فى المثل العندو ضهر مابغلبوا مصاقرة
الكى بورد ...وضهر روحك القريب ولا ضهر ود امك البعيد...وقالو
ماحك كى بوردك مثل ضهرك....وقالوا عمرو الضهر مايطلع من اللحم
والفنان قال ضاهر قوامك لان..وقال اخر ضهرى السبب لى اذاى
والتانى قال انا مابكسر ضهورك بعاين بى عيونى... وهلم ضهور
دحين بعد الكمبيوتر الجديد (اضهرى )وبانى لك الامان،،،،
|
Post: #11
Title: Re: مساء الخير يا امير...../ه
Author: munswor almophtah
Date: 05-10-2005, 07:18 PM
Parent: #10
كتر خيرك وبارك الله فيك الناس كلهم وفطيتنى ليه سلامك الحاف ما بناباهو لكن الفيك عرفناها ...مالك الحالهما عارفاها وعارفه الصناديق وعرف الزول بدور إدخل وإمرق أكان ساكت حالو إنستر القروش الختيتيهن فى لبن البدره وصلن لكن طولتى........
كمبيوترك مبروك تكسرى بى عكوز الخرف
منصور
|
Post: #15
Title: Re: مساء الخير يا امير...../ه
Author: Tumadir
Date: 05-10-2005, 07:30 PM
Parent: #11
منصور الا كان الجماعة ديل اتلوموا وما وصلوا ليك سلامى..لكن اظنك خاتف لونين لا ظلامى ولا مستنير عشان كده السلام ما وصلك..ههههه..كرتونة لبن البدرة بنات عمك لهفنها والفيها ما عرفناه...
تحياتى الصادقة واشواقى العامرة..
|
Post: #14
Title: Re: مساء الخير يا امير...../ه
Author: Tumadir
Date: 05-10-2005, 07:27 PM
Parent: #10
ويا صديق الموج اسأل بنات خالد من الجواب الفيه: انت لازم تجى تعرس، اردب العيش بقى بى سبعين جنيه...
اما عن الضهر فحدث ولا حرج..اصبع سردوبا...ودى ذكرتنى قصة البت البايرة وجاها راجل عندو سردوب رضت بيه ..ابوها قال ليها دايرة تاخدى الراجل المحنى ده؟؟"بفتح الحا طبعا" قات ليهو: بدور اسطر بو؟؟
ههههه...
|
Post: #12
Title: Re: مساء الخير يا امير...../ه
Author: kamalabas
Date: 05-10-2005, 07:19 PM
Parent: #1
الأستاذة .. الغائبة الحاضرة ( سابقا) تماضر
عودا مشرقا وهنئيا: للمنبر بقلمك السلس< الجاد المنحاز
دوما للجماهير ..ومدادك المتوشح بالابداع والعطاء الفني
وليت بقية الغائبات لظروف أجبارية وأختيارية يعدن للكتابة ..
كمال
|
Post: #16
Title: Re: مساء الخير يا امير...../ه
Author: elsharief
Date: 05-10-2005, 07:30 PM
Parent: #12
الف حمدلله على سلامة المبدعة تماضر
|
Post: #17
Title: Re: مساء الخير يا امير...../ه
Author: Tumadir
Date: 05-10-2005, 07:48 PM
Parent: #12
وانت يا كمال عباس لا اشك فى انك كعهدى بك مرابضا فى ذلك المعسكر الشاق..الذى يأمل ان يعود لكل الانسانية بالديمقراطية والخير والسلام..
ويا ليت الغائب كله يحضر ويشهد على مسيرة التحول.. شكرا لك...ولن اكون "سابقا" تانى...
|
Post: #18
Title: Re: مساء الخير يا امير...../ه
Author: Tumadir
Date: 05-10-2005, 07:57 PM
Parent: #17
اهلا بالشريف..
اسم على مسمى...
|
Post: #19
Title: Re: مساء الخير يا امير...../ه
Author: عبد المنعم سيد احمد
Date: 05-10-2005, 09:37 PM
Parent: #18
مرحبيتين حبابك
واليوم السعيد الليلة جابك
|
Post: #45
Title: Re: مساء الخير يا امير...../ه
Author: Tumadir
Date: 05-11-2005, 04:19 PM
Parent: #20
كوستاوى
الله يطراك بالخير وبجيك بهناك
|
Post: #44
Title: Re: مساء الخير يا امير...../ه
Author: Tumadir
Date: 05-11-2005, 04:17 PM
Parent: #19
عبد المنعم العزيز:
الله يسعدايامك يا وفى...
وترحب بيك عروسك
|
Post: #21
Title: Re: مساء الخير يا امير...../ه
Author: abas
Date: 05-10-2005, 10:20 PM
Parent: #1
مساء النور علي البلور
وحشانا ياخ
فرحنا بعودتك
مبروك الكومبيوتر الجديد تخربيه بي بوستات العافية
منورة يا شيخه
|
Post: #46
Title: Re: مساء الخير يا امير...../ه
Author: Tumadir
Date: 05-11-2005, 04:22 PM
Parent: #21
| Quote: تخربيه بي بوستات العافية |
هههههههه
لكن يا عباس البوستات البخربوا الكمبيوتر ديل ما بكونو بوستات عافية ديل بكونو فيهم موضوع حاااااار لما الكمبيوتر ده يقوليك تشششششششش وبعدين يسكت..
غايتو الله يجازيك...
وشكرا على الشوق والترحاب...بالاكتررررررر
|
Post: #22
Title: Re: مساء الخير يا امير...../ه
Author: Elnasri Amin
Date: 05-10-2005, 10:52 PM
Parent: #1
مساء الخير يا تماضر
والف دشليون مبروك الكمبيوتر الجديد
النصرى
|
Post: #47
Title: Re: مساء الخير يا امير...../ه
Author: Tumadir
Date: 05-11-2005, 04:24 PM
Parent: #22
النصرى امين ممكن تغير لى الدشليون مبروك دى دولارات؟؟
هههههه الله يبارك فيك..يا خونا
|
Post: #23
Title: Re: مساء الخير يا امير...../ه
Author: خالد العبيد
Date: 05-11-2005, 00:20 AM
Parent: #1
العزيزة تماضر
لك تحيات الورد
جوابك وصل وعافين منك عفويا لي الليلة وباكر
تغبلي سلام اياس ووارف وام الاولاد ( طبعا ما بنجيب الاسم )
وبلغي سلامي لي مريم بت الطيب
وقولي ليها قالوا ليك رسلي المصاريف بالدورار
في الختام شهر اتنين حنطهر راشد وراشد حالف ما يطهر
الا ابوهو وعمتو تماضر تحضر
وحتى نلتقي ابحري في بحور السعادة
اخوك المشتاق خالد
ملحوظة
ما تنسي تكلمي مريم بت الطيب ترسل المصاريف بسراع
|
Post: #48
Title: Re: مساء الخير يا امير...../ه
Author: Tumadir
Date: 05-11-2005, 04:30 PM
Parent: #23
تغبلتو...
لمن جاتنى غدمبلية فى الدم..
اها تستفيد شنو؟؟ الغدمبلية دى قبل كده كاتلة ليها راجل من القلقالة اهلو فى الكلالكلة صنقعت قالوك لى حسة اهلو مصنقعين...
ليه كده يا خالد العبيد الدغالة دى؟؟ وكمان تطهر راشد؟؟ تطهرو بى جاى افتح بوست توقيعات بى جاى ارسلو لى ناس حقوق الانسان..يجندروك على اهلك...
تحياتى للاولاد وامهم..وقوليهم بجى استراليا بى لوارى الدويم استنونى بالنعيمية...
|
Post: #24
Title: Re: مساء الخير يا امير...../ه
Author: Tabaldina
Date: 05-11-2005, 03:13 AM
Parent: #1
..
.
حبابك عشرة
مقامك زين
جيتا جيتو
قنبو طولا
..
.
|
Post: #50
Title: Re: مساء الخير يا امير...../ه
Author: Tumadir
Date: 05-11-2005, 04:33 PM
تبلدينا بقيت تتكلم هيروغلوفى؟؟ وكمان شعر هيروغلوفى؟؟ ههههههه
الله يبارك فيك غايتو... ده الفهمتو
|
Post: #25
Title: Re: مساء الخير يا امير...../ه
Author: محمد السر
Date: 05-11-2005, 03:33 AM
Parent: #1
،،ولا ينقصنا شي سوى عدم مشاهدتكم الغالية،،
|
Post: #26
Title: Re: مساء الخير يا امير...../ه
Author: خدر
Date: 05-11-2005, 03:40 AM
Parent: #25
Quote: ارسل اليكم تحية من عند الله مباركة، تحية اذا
مرت بالجبال هدتها واذا مرت بالزهور نثرتها واذا مرت
بالعطور استنشقتها"كلها" ... |
نسيتي
اذا مر بفلسطين حررها
البكا بحررو اهلو
|
Post: #56
Title: Re: مساء الخير يا امير...../ه
Author: Tumadir
Date: 05-11-2005, 04:58 PM
Parent: #26
خدورى واذا مرت بالعراق بررتها...واذا مرت بافغانستان فجرتها واذا مرت بالمالية كبرتها
التحية دى انا مشبهاها على حاجة مامتذكراها شنو...
ههههههه
شايفة عندك بوست ملهلب كده ناوية افضى ليهو واديك غشوة قبل الارشفة...
|
Post: #51
Title: Re: مساء الخير يا امير...../ه
Author: Tumadir
Date: 05-11-2005, 04:35 PM
Parent: #25
محمد السر..بلاش مطاعنة..
هههههه
دى انا نسيتها كلوكلو بتاعة الا عدم دى تجى تطاعنى بيها؟؟ هههه
تسلم
|
Post: #27
Title: Re: مساء الخير يا امير...../ه
Author: nada ali
Date: 05-11-2005, 03:46 AM
Parent: #1
ملحوظة:
welcome back Tamadur
|
Post: #28
Title: Re: مساء الخير يا امير...../ه
Author: يازولyazoalيازول
Date: 05-11-2005, 04:23 AM
Parent: #27
ذكرتينى عمر ود ام الكرام زمان كان بيرسل جوابات لى نجلاء فتحى ويقوم همرور يشيل الجواب بحجة يرميه ليه فى البوستة وبعد اسبوعين كده يكتب ليه الرد ويجيبو ليه وصاحبنا يصدق ويقعد يبكى من شدة التأثر من خطاب البت اللهلوبة ، ونحن نقعد نحنس فيه عشان يسكت
والله جد جد
|
Post: #52
Title: Re: مساء الخير يا امير...../ه
Author: Tumadir
Date: 05-11-2005, 04:37 PM
Parent: #27
ندى بتنا..
"الغريبة الكسرت الزريبة"
الله يبارك فيك... ونحن شايلين معاك الضر بى جاى شلتى ولدنا وبى عيننا ما شفناك عندنا..القصة شنو؟؟ نأمل فى ان نراك "غريبا بازنى الله"
|
Post: #29
Title: Re: مساء الخير يا امير...../ه
Author: صديق الموج
Date: 05-11-2005, 04:31 AM
Parent: #1
| Quote: ذكرتينى عبدالله ود ام الكرام |
هشام اجى عمتى ام الكرام ولدت بى قفاى..تماضر ما تقولى شىْ!!!!!
ما تقولى لى ماعندك خبر زى حلاتى وجاى،،،،،،
|
Post: #30
Title: Re: مساء الخير يا امير...../ه
Author: hala alahmadi
Date: 05-11-2005, 04:49 AM
Parent: #29
بركه فى الشوفه يا تمــاضر،
و ان كـانت "اسفيريه"
محبتى
|
Post: #31
Title: Re: مساء الخير يا امير...../ه
Author: يازولyazoalيازول
Date: 05-11-2005, 05:05 AM
Parent: #30
| Quote: زى حلاتى وجاى،،،،،، |
يا صدّيق ، زى حلاتك دى أصلها ماحصلت
ياخ ينعن صليبك
|
Post: #32
Title: Re: مساء الخير يا امير...../ه
Author: Alia awadelkareem
Date: 05-11-2005, 05:50 AM
Parent: #31
طم طم
الشوق لعويناتك
من امبارح اقول ادخل ومترددة قايلاها غنية
قلت والله ما بسمعة بتكون سمحة وتبكي
طلع سلام وشوق
اخبارك ووليداتك
وبوسي لي سروية حلاتو
انا فافا جابت لي جرجير زارعاهو في اصيص لحدي حسي ما قام
وكل يوم يقوموني الفجر عشان اسقيهوا شفتليك جنس ادب
وجنس هدايا
محبتي.
|
Post: #33
Title: Re: مساء الخير يا امير...../ه
Author: الملك
Date: 05-11-2005, 06:14 AM
Parent: #32
تماضر
...
...
صباحك زين بتوقيت الخرتوم
وسلام بالكوم
....
....
ومساءك ذى نغم طنبور
وصوت قمرية فى طلحة
ورشة غيمة مروية
هواها بغازل القمحة
ولوحة جميلة فى دوحة
....
....
مودتى
|
Post: #58
Title: Re: مساء الخير يا امير...../ه
Author: Tumadir
Date: 05-11-2005, 05:06 PM
Parent: #33
ملك الزمان اذا وهب..
ادى ربك العجب...
شكرا ياخ على الكلمات الحلوة وكيف الوالدة وقراصتها..وكمونيتها؟؟ تحياتى لها ولك...
|
Post: #57
Title: Re: مساء الخير يا امير...../ه
Author: Tumadir
Date: 05-11-2005, 05:04 PM
Parent: #32
والله صدقا لى كلامك ده انا كنت بدندن فى الاغنية دى لما كتبت البوست..
بالله شفتيها حلوة كيف؟؟
عالية الغالية حلاتا فافا وحلاة هدياتا..
جرجير عديييل كده؟؟ والله اغلى هدية نحن هنا الجرجير بنحلم بيهو بس.. "قالو فى نيويورك فى"..لكن الله ينعل الارهابيين ..
تحياتى الصادقة وشوقى الشديد الى حين داون لود المسينجر...هههههه
|
Post: #54
Title: Re: مساء الخير يا امير...../ه
Author: Tumadir
Date: 05-11-2005, 04:45 PM
Parent: #31
هشام شيخ الدين وصديق الموج؟
الحقارة شنى؟
لقيتونا انا وعمر ودام الكرام مافيشين وقعدتو تتفسحوا؟؟
هههههههه يا هشام قصة من زهب... قصة من زهب عدييييل كده..
نجلاء فتحى والرد من همرور ودموع؟؟ تنقصّ وشوف لو ما وصلت ليهو الموضوع وانك نشرتو فى المنبر العام ....والعام الذى يليه
تحياتى واشواقى الزائداتى
|
Post: #53
Title: Re: مساء الخير يا امير...../ه
Author: Tumadir
Date: 05-11-2005, 04:40 PM
Parent: #30
هلولة ..جات الاولى والبنات صفقولا..
قريييييب ده نعمل داون لود للمسينجر ونطق الحنك....الاسفيرى..
ههههههههه
|
Post: #34
Title: Re: مساء الخير يا امير...../ه
Author: مريم بنت الحسين
Date: 05-11-2005, 06:28 AM
Parent: #1
طمطم.. الحلو في الرسائل دي انها كلها نسخة واحده.. بس كل واحده فيها بتحمل عرق ايدين الكان ماسك الورقة.. ونفسه في الحبر (نفسها كمان عشان ما تشيلو حالنا)..  ...
مرحب بيك.. ومبروك الكومبيوتر... تكسريهو بي بوستات الهنا ... ومسجات العافية.. واشتقناليك
|
Post: #55
Title: Re: مساء الخير يا امير...../ه
Author: Tumadir
Date: 05-11-2005, 04:55 PM
Parent: #34
مريم بت الحسين ما تنسى مرات فيها ريحة ملاح قرع او زيت طعمية...ههههههه
ما اكسرو..
الحسادة لزومها شنو الزول كمبيوترو جديد لنجى تجيبوا ليهو سيرة الكاسورى؟؟
بمناسبة الكاسورى.. احكى ليك قصة عملها سارية وهو فى اولى ابتدائى..قالوا خطاط ورسام بقى مسئول من المجلة الحائطية..جه البيت شغال فى المجلة وجيت اشوف..لقيت رسمة فى الركن كده..فيها الناس الزى العصايات ديك ايدينهم مشتحات ومجدعين فى الارض ومكتوب عليها كاثورى وتحت مكتوب ناس يتكاثرون...ولمن سالتو لقيتو قاصد "كاسورى" دى يعنى صفحة ضحك كده زى استراحة فى المجلة...والباقى اتركه لخيال القارىء...
الشوق مطر...وشكرا الف شكر
|
Post: #35
Title: Re: مساء الخير يا امير...../ه
Author: عبدالماجد فرح يوسف
Date: 05-11-2005, 06:28 AM
Parent: #1
اها نسيتي تورينا القروش دي نوزعها كيف؟
قريبتك ديك من ماسمعت بي جوابك دا قالت ديرالا 100, باقي ليك نديها؟
تحياتنا يا تماضر
|
Post: #59
Title: Re: مساء الخير يا امير...../ه
Author: Tumadir
Date: 05-11-2005, 05:13 PM
Parent: #35
عبد الماجد...شفت الصورة وقلبى قال فححححححححح..
تصدق؟؟
اخ انا من موت الخاتم ده..كسر قلبى عدييييل كده...الله يرحمو ويغفر ليه..
قريبتى تقربا العقرب...متل المنشار داخلة مية دولار ومارقة مية دولار قول ليها اللقى بينا والبوب علينا؟؟ قول ليها ما بتخجلى تاكلى وتقشى خشمك ياناكرة يا ما فاكرة قول ليهاماااااافى ليك "نف" والدين فى الكتوف والاصل معروف:"دى الكريدت كارد طبعا" وقول ليها..
بسم الله انا مالى معاها استغفر الله من حقها..اديها يديها الشقى وعدم اللقى........الخ
|
Post: #36
Title: Re: مساء الخير يا امير...../ه
Author: عثمان فضل الله
Date: 05-11-2005, 06:35 AM
Parent: #1
والله مشتاقيت كتير كتير كتير وانا مابعيد انا منكم ازيكم تماضر ساريه وسرين وانشاءالله الكمبطوطر الجديد كرت كرتونه يشهد فيام الديمقراطيه وتكتبيبو بوست تهنئة الشعب السودانى بيهاوكمان قوليك انا الاسبوع الجاى بكون فى الخرتوم يابورداب الخرتوم والله سعيدين بى هالعوده
|
Post: #37
Title: Re: مساء الخير يا امير...../ه
Author: Hussein Mallasi
Date: 05-11-2005, 07:23 AM
Parent: #36
سلامات يا تماضر؛
Quote: اذكرونا مثل ذكرانا لكم..
اذكرونا كلما الشادى تغنى |
و هل كنا نسينا حتى نتذكر؛
فانتم في ذاكرتنا - دائماً - حتى و ان غدت خربة.
مشتاقين جداً.
|
Post: #61
Title: Re: مساء الخير يا امير...../ه
Author: Tumadir
Date: 05-11-2005, 05:26 PM
Parent: #37
| Quote: فانتم في ذاكرتنا - دائماً - حتى و ان غدت خربة |
شكرا والله يا ملاسى بس الضمير ده ان شا الله يكون راجع لذاكرتكم وما لينا نحن...هههههه
تحياتى والله
|
Post: #60
Title: Re: مساء الخير يا امير...../ه
Author: Tumadir
Date: 05-11-2005, 05:17 PM
Parent: #36
| Quote: يشهد فيام الديمقراطيه وتكتبيبو بوست تهنئة الشعب السودانى |
من خشمك ولى باب السما ولى السيرفا طوالى...
وبختك عليك الله لما تمشى الخرتوم تلاقى لى طلال عفيفى وقرمبوز وملكة سبأ والمهندس والملك وصديق الموج ودريمز وتسلم عليهم وعلى ضفة النيل من حلفا لى نمولى ..وخط العرض من دارفور الحرة نبيلة لكل قبيلة على التاكا..وقوليهم قالت ليكم تماضر ابشروا بالخير
ضروووووووووورى من الضرورى
|
Post: #38
Title: Re: مساء الخير يا امير...../ه
Author: عمر ادريس محمد
Date: 05-11-2005, 08:27 AM
Parent: #1
مساء النور
يا تماضر
|
Post: #39
Title: Re: مساء الخير يا امير...../ه
Author: nazar hussien
Date: 05-11-2005, 09:24 AM
Parent: #38
ان كتر الرصيد الزول بخابر زولو
وان قل الرصيد البركه في مس كولو
مقطع دوبيت من عمر ود ام الكرام الي نجلاء فتحي باعتبار ما سيكون
والله مشتاقين بالجد يا تماضر....تغوووووسي وتجيبي ليك كلام سااااااهل وسمح تقول
مكتوب في باب طاحونة....مبروك الكمبيوتر ويعيشو ويجيبو كونكورد ...
|
Post: #63
Title: Re: مساء الخير يا امير...../ه
Author: Tumadir
Date: 05-11-2005, 05:33 PM
Parent: #39
| Quote: مقطع دوبيت من عمر ود ام الكرام الي نجلاء فتحي باعتبار ما سيكون |
لا انتو انتهيتو خلاص.. كان انت كان هشام كان صديق الموج..
وعمر نجلاء فتحى ما تبقاش مية..
المهم ...عمر ود ام الكرام بضرب ليك فى الموبايض قرييييب ده...زى ما بتقول المرة ديك..
"ضرب ليه فى الموبايض" وحيديك فى التنك...ههههههههه يا نزار ..الله يضوقك هدية الجنا....حلللللللللوة... عشان كده انا بكتب فى كلام الطواحين ده لانو الهموم هدت حيلى...داير اتحلل من المحيط للخليج
|
Post: #62
Title: Re: مساء الخير يا امير...../ه
Author: Tumadir
Date: 05-11-2005, 05:27 PM
Parent: #38
عمر محمد ادريس
فجراوى سابقا...
مساك الله بى خيرو
|
Post: #40
Title: Re: مساء الخير يا امير...../ه
Author: صديق الموج
Date: 05-11-2005, 09:26 AM
Parent: #1
Quote: Quote: زى حلاتى وجاى،،،،،،
يا صدّيق ، زى حلاتك دى أصلها ماحصلت
ياخ ينعن صليبك |
طبعا بى (سقالتك) وتعديلك بوظت النكتة على تماضر..والله ياهشام
وظبعا ده بعد كيف حالك...والاولاد،لم اكره EDIT مثل اليوم
لانو دى كان فيها جنس صادوه على قول الكويتيين..رحم الله عبد
الله عبد الوهاب ودالاسطى وعاشت ام الكرام وتحيا تماضر نكتة حاضرة
وتسقط انت وتعديلاتك الوزارية والبوردية وغيرها،،،،
|
Post: #41
Title: Re: مساء الخير يا امير...../ه
Author: عبد المنعم ابراهيم الحاج
Date: 05-11-2005, 10:38 AM
Parent: #40
لك التحايا ياتماضر
وكل الود
وانشاء الله الكريم ورب العرش العظيم
ان يصلك مكتوبي هذا ويجدك علي
مايرام
اما اذا دار محور سؤالك عنا فنحن
بخير لا نفقد"سوى""عدم"مشاهدتك الغاليه
والكمبيوتر مبروك .. يمكن نجيكم في
"الكرامه" حاتعملوها متين
______________
طبعا "الخت" مكعوج ..نعتزر علي رداءة الخط
(اخوكم المشتاق )
|
Post: #67
Title: Re: مساء الخير يا امير...../ه
Author: Tumadir
Date: 05-11-2005, 05:49 PM
Parent: #41
Quote: لك التحايا ياتماضر
وكل الود
وانشاء الله الكريم ورب العرش العظيم
ان يصلك مكتوبي هذا ويجدك علي
مايرام
اما اذا دار محور سؤالك عنا فنحن
بخير لا نفقد"سوى""عدم"مشاهدتك الغاليه
والكمبيوتر مبروك .. يمكن نجيكم في
"الكرامه" حاتعملوها متين
______________
طبعا "الخت" مكعوج ..نعتزر علي رداءة الخط
(اخوكم المشتاق ) |
الجواب ده لازم تكون كتبتو قبل كده..ده ما حال زول بتذكر ساى ههههههه
ياهو زاتو الله يعلم بى ضبانتو...
الله لا ترحمهم كتلونا بالضحك ياخ..
اهلا والكرامة هى كرامة الانسانية جمعاء حيعملوها فى الامم المتحده.. بتجوا؟؟
|
Post: #64
Title: Re: مساء الخير يا امير...../ه
Author: Tumadir
Date: 05-11-2005, 05:38 PM
Parent: #40
Quote: رحم الله عبد
الله عبد الوهاب ودالاسطى وعاشت ام الكرام وتحيا تماضر نكتة حاضرة
وتسقط انت وتعديلاتك الوزارية والبوردية وغيرها،،،، |
ولن يحكمنا البنك الدولى...
بسسسسسسسسسس....
|
Post: #42
Title: Re: مساء الخير يا امير...../ه
Author: zola123
Date: 05-11-2005, 11:51 AM
Parent: #1
I love you Tumadir 
|
Post: #43
Title: Re: مساء الخير يا امير...../ه
Author: ودالعباسية
Date: 05-11-2005, 04:11 PM
Parent: #42
حمدالله 1000 1000 على السلامة ...
|
Post: #69
Title: Re: مساء الخير يا امير...../ه
Author: Tumadir
Date: 05-11-2005, 06:04 PM
Parent: #43
ود العباسية شدة ما كتبتها كويس لما سمعت صوت البنقز بورا مع الف الف..
الله يسلماااااااااك
|
Post: #65
Title: Re: مساء الخير يا امير...../ه
Author: Tumadir
Date: 05-11-2005, 05:41 PM
Parent: #42
البتولا حلاتا يا زولا....
I love you tooooooooooooooooooooo
والله العظيم...
والف شكر على الكرت الجميل لكن السؤال: الكرت ده مصمم لى المنابر ولا شنو؟؟ شامة فيه ريحة منبر عام منبر عام
|
Post: #49
Title: Re: مساء الخير يا امير...../ه
Author: suhair elsheikh
Date: 05-11-2005, 04:30 PM
Parent: #1
الغاليةتماضر:
من الحنايا لك التحايا وعميق الشكر للبوست الحديقة وارفة الظلال
وسط صحراء هذه المرحلة حقيقة استمتعت به وبكل مداخلة حنينة وخفيفة الظل له وياتماضر اناعندي طلب من زمان ليكي اذ ما ذلت اذكر سهرتك ال
ممتعه عن اغاني النوم للاطفال اكاد اتخيلك يااااااه يالها من ايام وياله
من زمن وطلبي هو هلا تكرمتي بانزال بوست هنا بتلك الاغاني والنوم النوم باكريك بالدوم ياتيريزينا يا حبيبتي انا
|
Post: #66
Title: Re: مساء الخير يا امير...../ه
Author: jini
Date: 05-11-2005, 05:41 PM
Parent: #49
صباحك يشيلو من الفال
جني
|
Post: #70
Title: Re: مساء الخير يا امير...../ه
Author: Tumadir
Date: 05-11-2005, 06:08 PM
Parent: #66
جنى ى ى ى ى
والله العظيم؟؟
كلامك ده ما بتنط منو؟؟
هههههههه
ياخى الف شكر ....
you made my day.
مدد الله ايامك بالفرح
|
Post: #68
Title: Re: مساء الخير يا امير...../ه
Author: Tumadir
Date: 05-11-2005, 06:03 PM
Parent: #49
| Quote: هلا تكرمتي بانزال بوست هنا بتلك الاغاني والنوم النوم باكريك بالدوم ياتيريزينا يا حبيبتي انا |
والله فعلا يا سهير ديك ايام ما بتتعوض ..
وياريت كنت اقدر البى ليك طلبك...غالية يا حبيبتى والطلب رخيص..لكن انا السهرة دى شفتها مع الجمهور..تانى يطرشنى...لما مشيت السودان قبل تلاته سنين عرفت ان هذا التاريخ قد ابيد..
والاغنية بتقول يللا تنام ريما يللا يجيلها النوم
يللا تحب الصلاة يللا تحب الصوم
يللا تنام يللا تنام ل ادبح لك جوز الحمام...وغنتها رشا وكانت يتقول يللا تنام سيرين يللا يجيها النوم وكانت بتنوم بيها سيرين...شفتى الدنيا دى كيف؟
البرنامج من اعداد عفاف الصادق حمد النيل واخراج سهام عثمان وانا قدمت فيه فقرات اعديتهافى سياق البرنامج بناءا على طلب عفاف وغنيت فيه كل اغنيات الهدهدة المتداولة فى السودان وضيفته رشا وكانت طفلة غنت اغنية فيروز دى... شكرا على استدعاء الذكرى يا سهير وخليتينى استرجع حلم جميل و عبر..
|
Post: #71
Title: Re: مساء الخير يا امير...../ه
Author: محمد بهنس
Date: 05-12-2005, 01:48 AM
Parent: #68
الغاليه تماضر..
مبروك الكمبيوتر ويتفرمت بي سوفت وير العافيه.
|
Post: #72
Title: Re: مساء الخير يا امير...../ه
Author: الجندرية
Date: 05-12-2005, 02:05 AM
Parent: #71
بركة الجيت عسل انت وبسكويت
كان مشيتي تاني بحرش عليك ناس واشنطون ما يجوك في العيد التاني
وتقعدي تتبالي بخدمة الخروف سنتين على التوالي.
|
Post: #76
Title: Re: مساء الخير يا امير...../ه
Author: Tumadir
Date: 05-12-2005, 03:28 AM
Parent: #72
الجندرية هههههههه
وبعدين معاك؟؟ الزول ما يكلمكم باحراجاته كلو كلو؟؟
العسل بينقط منك انتى دى..
لك محبتى ولاسرتك ولروحك الصديقة الجميلة
|
Post: #75
Title: Re: مساء الخير يا امير...../ه
Author: Tumadir
Date: 05-12-2005, 03:25 AM
Parent: #71
العزيز بهنس:
بارك الله فيك وفى والديك..."انت فى؟؟"
ضابحين سى دى رم عديل كده للكمبيوتر ده نحن..اتفضل معانا اكل ليك صحن داتا بيز
|
Post: #73
Title: Re: مساء الخير يا امير...../ه
Author: Yasir Elsharif
Date: 05-12-2005, 02:21 AM
Parent: #1
تماضر علوية شيخ الدين
دي على وزن خوزيه ماريا أثنار
الإسم ، إسم الأم، إسم الأب
وعن أبي هريرة رضي الله عنه قال: جاء رجل إلى رسول الله صلى الله عليه وسلم فقال: من أحقّ الناس بحسن صحابتي؟ قال أمك، قال ثم من؟ قال أمك، قال ثم من؟ قال أمك، قال ثم من؟ قال "ثم أبوك" (رواه البخاري 5626 ومسلم 254 ،
عشان ما يجي واحد يقول لينا جيب "السند"
شوفتي الاستنارة دي كيف، مع أن المادة منقولة من موقع "ظلامي"، حسب تقديري الشخصي..
أهنئكم على كمبوتركم الجديد ونتمنى أن تبلوهو بالعافية، وأن يجنبه الله شرور المدمراتية الشبكيين أمراء الظلام والقرصنة والتدمير.. أنا هسة عيني قوية بكتب من كمبيوتر الجامعة، يعني ما ملك "حر" وإنما "حكر"..
وأدعوكم إلى زيارة موقع منبر الفكر في ثوبه الجديد بعد أن قام من ضربة "شيطانية" أفقدته مواد تعبت فيها لمدة سنة وشهرين..
http://www.minbaralfikr.org/viewtopic.php?p=28#28
غايتو احتسبناها في سبيل الله.. زراعتنا خسرت علا فلاحتنا زادت.. والله يقدرنا على البقدرو عليها الجماعة الشباب الشواطين، الله يديهم البركة، ويعرس للما معرسين، كان يريحونا شوية من المحاحاة دي..
لقد تذكرت للتو كاريكاتير لعز الدين في حوالي عام 1967، [قبل أن يولد الكثيرون ممن يكتبون معنا].. واحد واقف جنب الموتر بتاعو الذي وقع به في حفرة من حفر شوارع ظلط العاصمة.. وهو يقول:
يا موترييييييييي!!!
دحين أنا هسة أقول يا منبرييييييييي، وللا أقول شنو يا ربي.. الله يفتح علي الشباب..
فاتك احتفالنا بعقد الأستاذ في زواجنا، وللا سمعتيهو؟؟
ونحن لا نفقد شيئا سوى عدم رؤياكم..
ياسر من الجامعة
وإلهام تكون هسة طلعت من البيت، لكن من الصباح قاعدة تقرا، وتسمع.. وبنتنا إمتثال انتهت من امتحان الدخول للجامعة وفضّل ليها الامتحان الشفوي بعد شهر.. ما تنسوها من الدعوات، الله يجيب ليها أسئلة ساهلة تكون مظبطاها كلها..
والسلام ختام..
|
Post: #77
Title: Re: مساء الخير يا امير...../ه
Author: Tumadir
Date: 05-12-2005, 03:45 AM
Parent: #73
"الاخى" العزيز ياسر الشريف..
السلام عليكم ورحمة الله وبركاته
لقد وصلنى خطابك وعليه اشكركم جزيل الشكر..
ولقد سرنى ان الاولاد بخير وصحة جيدة ومواصلين فى دروسهم..
وزى ما قال المسل يكبروا الصغار ويزيلوا الغبار
اما اذا سالت عن الكمبيوتر فهو ما من الورقة هو كمبيوتر سارية فى الجامعه وهو الان على اهبة التخرج ويحتاج الى لاب توب فى سنين الدكتوراة..فقد اعطانا له وهو باية حال احسن كثير من كمبيوترنا السابق، اسرع واقوى وبه "ذاكرة" عالية.
اما بخصوص زواجكم الميمون فاننى لم اشاهده بعد ولكن هذا وعد منى ان اذهب الى الرابط واشاهده فسيكون وقتا ممتعا نقضيه سويا مع الاولاد.
اخيرا اتوجه الى المولى جل وعلا، ان يقر اعينكم بابنائكم ويبعد عنكم اولاد الحرام...
بلغ تحياتى الى الجميع بدون فرز
والسلام ختام
|
Post: #74
Title: Re: مساء الخير يا امير...../ه
Author: Sana Khalid
Date: 05-12-2005, 03:20 AM
Parent: #1
تماضر السمحة...
كيف حالك, و مبروك الكومبيوتر الجديد, ربنا يخلي ليك سارية و سيرين و يعيشوا و يجيبوا ليك يا رب..
على فكرة أنا من زمن كتبت عنهم (صادفت عندي أيام صعبة الله لا يوريك زيها) و أنا عايزة أرفع البوست داك و أهنيك عليهم, لكن ربنا ما هون , و حتى البوست ليهو رافع...
لكن برضو أسماءهم و توزيعها لفت نظري....هل للجندرة علاقة بالموضوع؟؟!! و سامحيني على الفضول!
بمناسبة الجوابات...واحد قريبنا مغترب كتب لأبوه جواب قال فيهو...
الوالد العزيز الأمين (طيب الله ثراه)
ولك كل الأمنيات الطيبة في عيدك...
|
Post: #79
Title: Re: مساء الخير يا امير...../ه
Author: Tumadir
Date: 05-12-2005, 03:55 AM
Parent: #74
Quote: و أنا عايزة أرفع البوست داك و أهنيك عليهم, لكن ربنا ما هون , و حتى البوست ليهو رافع...
|
وصلتى يا امى...
اما نكتتك فقد فقعت منى ضحكة لا تتناسب مع الصمت الحواليها...الله يجازيهو
ذكرتنى قصة حكتها لى مريم محمد الطيب قالت فى واحده بتتكلم عن راجل عيان جابوه من روسيا بعد العملية...اها صاحبتها تسأل فيها: عملو ليه عملية شنو؟؟ قالت ليها: عملية غسيل مخ...
الثقافة دى حااااااارة على الناس البسطا ديل اريتهم كان عفوهم منها
|
Post: #78
Title: Re: مساء الخير يا امير...../ه
Author: nada ali
Date: 05-12-2005, 03:49 AM
Parent: #1
العزيزة تماضر
و الله مامابياكم/ن لكن القدم ليهو رافع
و ان انسى لا انس الايام الجميلة التى قضيتها فى رحابكم
ten years ago:-)
|
Post: #80
Title: Re: مساء الخير يا امير...../ه
Author: Tumadir
Date: 05-12-2005, 03:58 AM
Parent: #78
ندى مصطفى ولا نحن نسينا الايام الحلوة الجمعتنا بيك..
تعرفى تركتى فينى اجمل الاثر..بعلمك الزاخر وروحك المتقدمة على جيلها وطاقتك العقلية المتفجرة وجمالك الملفت...
لك منى كل الحب والمودة..
|
Post: #81
Title: Re: مساء الخير يا امير...../ه
Author: almulaomar
Date: 05-12-2005, 04:18 AM
Parent: #1
أختنا المستنيرة تماضر
وسبب الإستنارة هنا ليست لأننا أصبحنا دولة بترولية الكهرباء مجاناً والتعليم مجاناً لا وإلزامي كمان لكن بسبب تحية المساء في إفتتاحية مقالك الضافي هذا.
نحمد الله حمداً كثيراً طيباً مباركاً على عودتك المظفرة الميمونة ونتمنى أن لا تشغلك أموالك ولا تجارة ولا أى عرض من أعراض الدنيا الزائلة الفانية الغرارة العبوس دار الكمال ونقاص من الإبتعاد عن المنبر أكثرمن تلك الفترة الماضية ومستعدون نحن أبناء رابطة كجبي والحويته والعواطفه وأم دهب وكلها جزر على بعد فركة كعب إلى الشمال من أمدرمان كانت في زمان غير زماننا هذا وبسواعد غير سواعدنا تمد العاصمة بالخضروات وفاكهة الموز إلا أننا آثارنا المدنية فقمنا بإستئجار أراضينا فأمتلت جيوبنا دنانيراً متسخة ذهبت أدراج الرياح في مطاعم سوق الناقة غرب ولاية أمبده.
حالنا في المنبر لا يسر كثيراً على أقل تقدير من وجة نظري – أنطس في نظري إن شاء الله – أها ده ما بدور ده وده يحمر لي داك في الضلمه وإتهامات بالعمالة والمحسوبية وفوضى ضاربه بأطنابها لمن قبل يومين أتفك طنب من تلك الأطناب وقرب يسل لي عيني لكين ربنا سلم وجات الضربة في الحيطه ، الناس بالرغم من إنهم في سوداهم الأعظم لا يعرفون بعضهم البعض إلا من خلال تلك الأسماء الحركية المتمترسين خلفها إلا أنهم يكرهون بعضاً البعض كراهية ليس لها ما يبررها وغبينه دون سبب بين أو خفي حتى ، الليلة يشكروك ويقولو زيك ما في في الدنيا وإنت أروع وأجدع وأحلى شخص في الدنيا وكلها بوست أو ثلاثة يديروا ليك ضهر المجن ويكشحو ليك الورق في وشك ، لكين الحمدلله في ناس كتيرين حولين في امنبر الحر هذا بيخلوك تتمسك بإشتراكك وكمبيوترك والكيبيورد والماوس لآخر كليكايه ممكنه.
ولا يفوتني في هذا المقام أن أشكر إتحاد أصحاب الصناعات الحرة وقناة الحرة وكل المواطنين الثوار الأحرار وجمعية أبناء جزيرة بدين وجزيرة سلنارتي وإتحاد أصحاب الركشات بحي الموردة
|
Post: #82
Title: Re: مساء الخير يا امير...../ه
Author: Tumadir
Date: 05-12-2005, 05:09 AM
Parent: #81
اخى الكريم الملا عمر
اختى الكريمة ..عجوة كريمة
الكلام ده كلو صاح
Quote: حالنا في المنبر لا يسر كثيراً على أقل تقدير من وجة نظري – أنطس في نظري إن شاء الله – أها ده ما بدور ده وده يحمر لي داك في الضلمه وإتهامات بالعمالة والمحسوبية وفوضى ضاربه بأطنابها لمن قبل يومين أتفك طنب من تلك الأطناب وقرب يسل لي عيني لكين ربنا سلم وجات الضربة في الحيطه ، الناس بالرغم من إنهم في سوداهم الأعظم لا يعرفون بعضهم البعض إلا من خلال تلك الأسماء الحركية المتمترسين خلفها إلا أنهم يكرهون بعضاً البعض كراهية ليس لها ما يبررها وغبينه دون سبب بين أو خفي حتى ، الليلة يشكروك ويقولو زيك ما في في الدنيا وإنت أروع وأجدع وأحلى شخص في الدنيا وكلها بوست أو ثلاثة يديروا ليك ضهر المجن ويكشحو ليك الورق في وشك ، لكين الحمدلله في ناس كتيرين حولين في امنبر الحر هذا بيخلوك تتمسك بإشتراكك وكمبيوترك والكيبيورد والماوس لآخر كليكايه ممكنه.
|
اما بعد:
فلقد سرنى وكشف غمتى "العربية" ان شخصكم الجميل قد زار ونثر دره وقر اعيننا به.
لا اريد ان اتحسر على الماضى، ماضى البورد، فالحسرة ستتدبل بل ستتكعب علينا، ومازال الواحد/ة فينا يتحسر على ماضيه حتى انحسر نصف عمره، خلوها مستورة ولكن حال البورد لا يسر..
الواحد/ة بقى يخش البورد بالليل وبدون بطارية خوفا بس ما يعتر ليهو فى "ضلمى" او "نورى" يشجبو يكسرو فيه مخروقة ولا كده..
صاح السودان بلدنا ونحن بنحبو وكده لكن الحب زاتو ما لقى ليه مقعد يصنقر فيهو جنبنا من النيران البنولع فيها صباح مساء دى..
وما بكضب عليك، اخى الكريم الملا عمر، انا زاتى بستعجب لما اشوف زول عنصرى ولا بخترى يتبختر بين الناس شايل نسبو سيف يقطع بيه الانساب التانية ولا استعلائى ولا قنزحائى يفشل فى ارادة الناس فى معترك الحرية...لكن برضو مابمسح بيه الارض..لانو الفرق بيناتنا حيكون شنو؟؟ وما بحتقرو..وما بتفه رايو..
يازول القصة دى معنقدة..نخليها
نرجع لجوابنا:
لقد افرحنى زى ما قلت ليك..وسر بالى وجودك هنا..
وارجو ان تعمل ونعمل سويا فى استرداد الروح الجميلة التى ربطت وتربط كل يوم..بين الانسان السودانى وعشيرته التى لم تلدها امه فى هذا المكان..لمن سميناه وطن بديل...
يمكن نقدر نسترد الوطن الاصل..ونكون افرح الناس به..
شكرا يا بديع.." والكلام ده انا مسئولة منو ..." مافى طنبا واحد بشتّرك بيه..بكسر وتشديد ال تى
|
Post: #83
Title: Re: مساء الخير يا امير...../ه
Author: Hatim Elhassan
Date: 05-12-2005, 05:41 AM
Parent: #1
الاخت تماضر
بعد جبالكم الانهدت و الزهور الاينعت دى تقبلوا سلامنا مشترك من الورقه و بتاوق لى زمن وحلفت اول رد ما اضيعوا ساكت واهو وقع من نصيبك
على وزن القصه الفوق، عندنا جيران فى الحله مات ليهم واحد وعاوزين يرسلوا خبر الوفاة لناس البلد، واحد متشوبر مسك الموضوع وبدأ يكتب وهو "نحو" اميه بداية الجواب ( الاهل ...الخ , يسرنا ان نخبركم...)
يسرنا (انا) اننا سلمنا عليكم
الى لقاء فى ملف اخر
|
Post: #84
Title: Re: مساء الخير يا امير...../ه
Author: Tumadir
Date: 05-12-2005, 05:54 AM
Parent: #83
Quote: وحلفت اول رد ما اضيعوا ساكت واهو وقع من نصيبك
|
الحمدلله الوقع من نصيبى..والف مرحب بيك كما "يسرنا" ان نزف لك خبر قرفتنا من البورد والتى حسة بنحاول نعصر ليها ليمونة لتروح
وعلى وزن وقع من نصيبك ده بتى سالتنى مرة قالت لى الزول بتقع ليه قطعة ارض كيف؟؟
صحى بتقع ليه "ارض" كيف؟؟ هو كان قاعد فى نجمة؟؟
غايتو حاجات غريبة خلاص.. زى زمان كنت بتحير لما يقولو المرة دى شالو ليها الرحم..الراجل ده شالو ليه المرارة...ختوهم وين؟؟ يعنى جملة معلقة كده على مر السنين: شالو ليه المرارة...ختوها ويييييييييين؟؟ سنين مافى زول جاوبو لى لغاية ماقربوا يشيلوا لى "الكمونية" زاتو..."ابرا ابرا ابرا ابرا واستبرا"
|
Post: #85
Title: Re: مساء الخير يا امير...../ه
Author: ALGARADABI
Date: 05-12-2005, 06:09 AM
Parent: #1
الأخت تماضر
عودا حميدا مستطاب
و بزيارتك البورد نور
ياما نور و كلو زينة
ملحوظة:
الكومبيوتر القديم رميتى فى ياتو كوشة؟
عشان باقى طلع لى اللوترى...و جاى غادى
|
Post: #87
Title: Re: مساء الخير يا امير...../ه
Author: Tumadir
Date: 05-12-2005, 06:31 AM
Parent: #85
ياهلا بالقرض...
والله الكمبيوتر القديم هدا ليه ختيناه بالجنبة للشفع.."ده تانى واحد بالمناسبة" وقلت افتح كافيه فى البرندة لكن لو اصلا انت جايى على بالطلاق تورينى وصلت وين اظرفو وارسلو ليك محل قاعد ...ماتقول كمبيوترنا داك الانترنيت منه فيه... ارسلو ليك بقائمة المفضلات.. تانى شنو؟؟
|
Post: #86
Title: Re: مساء الخير يا امير...../ه
Author: ALGARADABI
Date: 05-12-2005, 06:14 AM
Parent: #1
|
Post: #88
Title: Re: مساء الخير يا امير...../ه
Author: سفيان بشير نابرى
Date: 05-12-2005, 08:22 AM
Parent: #86
العزيــزه جداًً على (( العين ، الروح ، والقلب))...
تماضر...
كيفنك يازوله وحياتك الليله انبساطتى زادت كمان وكمان ، تعرفى ياتماضر اصلاً نحنا السودانيين فى حزء كبير انطباعى وكمان (( سماعيين شديد)) وعشان كده انا فى ناس بحبهم ساى من صورتم ومن الكلام البكتبوهو ومن الحاجات السمعتها عنه (( كان كضب كان صاح ماعرف)) بس الحاجات الذى دى بتقرب ناس وبتزح ناس ، وتماضر واحده من الناس ديل (( على الاقل عندى انا ده )) .
يا تماضر اصلى من امس فرحان بشكل شخصى جداً والليله فرحى زاد بيك كتير ياغاليه.
مع خالص محبتى واحترامى.
|
Post: #89
Title: Re: مساء الخير يا امير...../ه
Author: طلال عفيفي
Date: 05-12-2005, 08:29 PM
Parent: #88
الغاليه تماضر ..
لقد سرنا أشد السرور مكتوبك الذي وصلنا بعد طول
غياب .
وصلنا , ونحن هنا عاكفون على أحزاننا.. نربيها ,
ونشد من أزرها ..
وصلنا مكتوبك يا تماضر , ونحن في أعالي الحنين
والشوق ..
وصلنا مكتوبك , والبلاد هي البلاد ..
شديدة الحزن وفي صوتها غصه .
أما نحن .. فنقف خلف الشبابيك , ونراقب طوابير الراحلين
بعيون بللها الدمع ..
حالنا كما هو : يُغني عن السؤال .
شوارع ذاهلة , وعاصمه محزونه تسأل عن السبب في هذة البلايا .
يبرطع في سمائنا عساكر ورجال دين وساسه في أرذل العمر ( والعياذ بالله )
الطقس : متقلب ..
والأنباء في الصحف لا تبشر بالخير .
البلاد , يا بنت الناس , على مفترق لطرق .
والأمر , لو تعلمين , عجيب !
البشريه السودانيه منهوكه ومنهمكه في أوجاعها .
نزحف بسرعه قياسية نحو الفقر الجامع : سيبك إنتي من كلام الطبقه الوسطى .
وصلنا مكتوبك , والبلاد هي البلاد ..
ولا رهان على أحد .
القضايا والمسائل أصبحت تباع بالرطل .
أما المدينه , فلا اعرف ما أحكيه , عنها :
تم قطع رحطها , وها هي ترقص في إنهاكها الأخير .
الأصدقاء يا تماضر , تفرقوا بين يدي سبأ : ولا جامع إلا الله .
النيل ضامر , يسأل الله الله السلامه ..
على طرفيه تتواثب عمائر شركات البترول , والشركات الكبيره خالص ..
لم يعد فيه للعاشقين محل .
" الطابيه " ؟
في أم درمان ؟
على الشاطيء ؟
أغرقها الرمل .. وتتنفس بصعوبه .
لو عدت , يا تماضر بعد عام , لن تجديها .. فأنشط ما في البلاد الزحف الصحراوي .
كذا مات " حسين شريف " .. أخي الكبير , وحبيبي وصديقي وأستاذي الذي تمنيت له أطول
العمر يا تماضر .
وفي التاسع من أبريل , أصبح في حوزة عمري 29 عاماً من الحياه .. ٍسألت الله طوالها أن
يمنحني قلبا طيبا وعمرا محفوفا بالبنات والصدق .
فغادرتني " ليلى " ...
غادرت بشكل عادي : وكما أن شيئالم يكن ..
وصلني مكتوبك يا تماضر ..
والدنيا هي الدنيا , والبلاد هي البلاد ..
في قلبي رهف خفيف وأمل .
أما بعد :
فأنابخير ..
ولا ينقصني سوى رؤياكم الغاليه ( بحق .. ) .
وقد سئمت مباراة هذه البلاد , التي هي , والعهدة على الراوي :
لا أمل فيها .
يقول العم " مكرم " , حين سأله " علاء خالد " عن الإيمان , ولماذا أصبح قليلاً :
(الإيمان اصبح قليل , عشان إحنا مش متبعينه , زي مثلاً لمن يكون عندك صديق ,
وإنقطعت عنك أخباره , ما إنت مش سائل عنه , وما دام ما بتسألش عنه هو برضو
مش عايز يفرض نفسه , ومش عايز يبعت كل شويه جواب ويفرض نفسه , لأ , هو ساكت ..
ومادام سكت , يبقى خلاص تعب ..).
ويرد عمنا " مكرم " على سؤال علاء عندما يسأله :
" مين الصديق ده يا عم مكرم ؟؟ " :
( ربنا طبعاً ... ) !
والسلام ختام .
...
طلال
__________________________________________
* الحوار بين عم "مكرم " و " خالد " ,
مأخوذ عن مجلة " أمكنه " الصادره في :
العام 2000 بالأسكندريه ..
|
Post: #93
Title: Re: مساء الخير يا امير...../ه
Author: Tumadir
Date: 05-14-2005, 02:32 AM
Parent: #89
طلال عفيفى
وصلنى مكتوبك وانا فى حالة ارهف من خيط العنكبوت.. انازع الحياة وتنازعنى..
ابكانى مكتوبك الغالى كثيرا..واسال منى دمعا غزيرا..
فحال السودان وحال المشتقين منه"نحن بالداخل والخارج" هو مناحة طويلة..يتخللها الفرح القليل ذلك الذى يتخلل المآتم..والجلود التى نسكن بداخلها..تريد ان تتملص من مسئولية احتواء اعضاءنا التى تشعر والتى تفكر...وتذهب بعيدا تبحث عن سلام..
ياعفيفى:
راسل صديقك حتى لا يهجرك..والرسالة نصف المشاكسة..
اهديك تحية خاصة..لشخصك الكريم...علها تجدك فى مأمن من ضباع البلد وعنفهم..وفى مأمن من شمسها الحارقة..واقتصادها المرتاب..تجدك قى احسن حال كما أوده لك "بحق"...عاشق ومنشغل عن احزان صلاح حسن وليلى ...وكل الاحزان التى تليها...اتمنى لك ضحكة رائقة وكوب شاى منعنع ..كتابة تنشر وابوابا عندما تطرقها ....تفتح...كل الابواب حتى الابواب المسحورة..
يا مسحور..
لك حبى المؤبد واعجابى الكثير..
|
Post: #92
Title: Re: مساء الخير يا امير...../ه
Author: Tumadir
Date: 05-14-2005, 02:18 AM
Parent: #88
سفيان بشير نابرى:
ما اغلى منك الا انت..
ووالله بركة بالفرحة..ان شا الله تدوم مع العالم المتقلب ده..ما تجيك كبة مالية ولا عاطفية تخليك تنكرها..
هههههه لك محبتى وااكد ليك "السمعتو كلو صاح" انت سمعت شنو؟؟
|
Post: #90
Title: Re: مساء الخير يا امير...../ه
Author: omar ali
Date: 05-12-2005, 08:52 PM
Parent: #1
Quote: ارسل اليكم تحية من عند الله مباركة، تحية اذا مرت بالجبال هدتها واذا مرت بالزهور نثرتها واذا مرت بالعطور استنشقتها"كلها" ...
لقد اشتقت اليكم شوقا كثيرا، شوق الحمائم الى امها الحمامة وشوق الجدائد الى امها الجدادة.. |
تماضر اتاريها بتبص من "الرسائل العصرية"
حمدلله علي السلامة
والف مبروك الكومبيوتر الجديد..شنو الجديد
فيه..انشاء الله بيرد علي المتداخلين اتوماتيكيا.
تسلمي
|
Post: #94
Title: Re: مساء الخير يا امير...../ه
Author: Tumadir
Date: 05-14-2005, 02:37 AM
Parent: #90
عمر على تحياتى
انا لا اقرأ الرسائل العصرية..
انا "العصرية" زاتها الكتبو فيها الرسائل ههههه
وفكرتك مجنونة حا حاول ابرمج سوفت وير يخلى الرسائل تترد اتوماتيكيا..واديك براءة الاختراع..
بالمناسبة اقرأ كل ما تكتب او احاول ...وكلك فايدة..شكرا على وجودك الثر بهذا المنتدى..
|
Post: #91
Title: Re: مساء الخير يا امير...../ه
Author: ودالعباسية
Date: 05-13-2005, 05:13 AM
Parent: #1
ابو التاء ،،،
دايرنك هنا ... drmoiz.com
عليك الله ....
|
Post: #95
Title: Re: مساء الخير يا امير...../ه
Author: Tumadir
Date: 05-14-2005, 02:40 AM
Parent: #91
ود العباسية:
الله بعزو والكافر فى النار بلزو.. "اذا كنت حنكوشا فهى من الكلامات التى كنا نرددها فى الطفولة معناها ما حاستجيب للحليفة"
لكن مشيت..
بس ده موقع خاص بشخص واحد..الدكتور معز
دايرنى اعمل شنو؟؟
قول وانا استجيب
|
Post: #99
Title: Re: مساء الخير يا امير...../ه
Author: ودالعباسية
Date: 05-14-2005, 04:24 AM
Parent: #95
ابو التاء ...
هنا
|
Post: #102
Title: Re: مساء الخير يا امير...../ه
Author: Tumadir
Date: 05-14-2005, 06:19 AM
Parent: #99
شكرا ياود العباسية على مناداتك على اسمى هناك..وكل المتحمسين لشخصى "المجابد" بالحضور...سجلت ومستنية الرد..."مع الحمام الاسفيرى"
|
Post: #96
Title: Re: مساء الخير يا امير...../ه
Author: سفيان بشير نابرى
Date: 05-14-2005, 02:49 AM
Parent: #91
Quote:
ووالله بركة بالفرحة..ان شا الله تدوم مع العالم المتقلب ده..ما تجيك كبة مالية ولا عاطفية تخليك تنكرها.. |
الغاليه تماضر انشاءلله يارب تدوم علينا وعلي الجميع... بس يا غاليه (( كبة مالية )) تب قلبنى اعرفه لكن (( بينى وبينك كده)) حاسى بيها انها (( حمة مالية )) زى الضربت ناس شرق اسياء ديـــــــــــــكا ...اما اذا كان الحديث عن (( العاطفه)) فذلك حيث ذو (( سجون)) ... لايخرج من القلب ابداً ليلمس اذن الاخر ... والسبب واضح (( الحمة المالية طبعاً))...
تماضر كل السمعتوا بخلينى اقوليك ياغاليه- ياعزيزه وياحبيبه...
لك كل الحب والاحترام
|
Post: #97
Title: Re: مساء الخير يا امير...../ه
Author: Tumadir
Date: 05-14-2005, 02:55 AM
Parent: #96
توضيح:
الكبة بضم الكو هى "النصيبة"...وجمعها كبب..بضم الكو برضو..وقد استخدمها المستعربة للمصائب اللاتى بطبع الحال لا تأتى فرادى "جمع فردة" والفردة هو اللخو...
وقعت ليك؟؟
عجبتنى حكاية حديث ذو "سجون" دى..يخسى عليك كان تورينى ليها من زمان..مع انى شايفة السجون وشايفة الحديث البودى ليها لكن..عمرك اطول من عمرى... يا غالى!!!
|
Post: #98
Title: Re: مساء الخير يا امير...../ه
Author: nazar hussien
Date: 05-14-2005, 03:46 AM
Parent: #97
والله البوست بستاهل غنية من مهلة العبادية....كدي امشي افتش ليكم شريطها
وارجع طالما اصلا الحديث ذو سجون بالطريقة دي.... الحديث لملم الناس دي كلها
الجندرية وطلال عفيفي وبهنس والاتنين قاعد اتلخبت فيهم...وناس دكتور ياسر الشريف
وعلياء وصديق الموج ما باقي ليك الا البحيري....علا تكون الكهرباء عندهم قاطعة
|
Post: #103
Title: Re: مساء الخير يا امير...../ه
Author: Tumadir
Date: 05-14-2005, 06:24 AM
Parent: #98
Quote: الحديث لملم الناس دي كلها
الجندرية وطلال عفيفي وبهنس والاتنين قاعد اتلخبت فيهم...وناس دكتور ياسر الشريف
وعلياء وصديق الموج ما باقي ليك الا البحيري |
وكلهم اصدقائى ويا عين ياعنية من الحسد والضغينة وكان ما عجبك نزار برضو صاحبى وابو امنه زاتو...انت قايلنا هاملين.."من مشتقات هاملت هاملين دى"
قالوا فى جماعه كانوا هاملين قاموا ولدوا..
ما علينا المهم جيب مهلة العبادية دى قوام فكلنا الى ارشفة...
وشكرا "وقيل قهقهت طويلا بعدها"
|
Post: #100
Title: Re: مساء الخير يا امير...../ه
Author: صديق الموج
Date: 05-14-2005, 04:47 AM
Parent: #1
Quote: والله البوست بستاهل غنية من مهلة العبادية....كدي امشي افتش ليكم شريطها
وارجع طالما اصلا الحديث ذو سجون بالطريقة دي.... الحديث لملم الناس دي كلها
الجندرية وطلال عفيفي وبهنس والاتنين قاعد اتلخبت فيهم...وناس دكتور ياسر الشريف
وعلياء وصديق الموج ما باقي ليك الا البحيري..
..علا تكون الكهرباء عندهم قاطعة |
نزار قريفتنا الله يطلع د.........عليك كان ما لقيت مهلة كان ما نزلت
فاطمة الحاج..تسلم انت وتسلم اختى الممسوخة تمضورة،،،،
|
Post: #104
Title: Re: مساء الخير يا امير...../ه
Author: Tumadir
Date: 05-14-2005, 06:25 AM
Parent: #100
| Quote: وتسلم اختى الممسوخة تمضورة،،،، |
جمعا...ياصديق الموج
|
Post: #101
Title: Re: مساء الخير يا امير...../ه
Author: اسامة الخاتم
Date: 05-14-2005, 04:52 AM
Parent: #1
الجو بس مسختن هنا شوية
و انتى جيتى سخنتى بينا زيادة
هى يا تماضر ما مشتاقين
|
Post: #105
Title: Re: مساء الخير يا امير...../ه
Author: Tumadir
Date: 05-14-2005, 06:28 AM
Parent: #101
هيااااااا اسامة الخاتم
مبتدع الياسمين والرماد..
ما بالاكتر..
وين روعه وخالد....وما حكيت لينا بمشية السودان..
والله ليك حوسة...والله وبركة بالشوفة..
|
Post: #106
Title: Re: مساء الخير يا امير...../ه
Author: Tumadir
Date: 05-14-2005, 06:34 AM
Parent: #105
وهذه رسالة خاصة لقارئة المنبر الاريترية الجنسية سودانية المنبت: أمال على..
اميمة قالت قديتى اضانها باعجابك بى..
اها النكلمك: اميمة قادة اضانى باعجابها بيك...
دى يحلوها كيف؟؟
هههههه
عزيزتى امال: لك اجمل التحايا وارقها..وقالوا الفى ايدو القلم ما بكتب روحو شقى والتريدو والتاباه تكوس لى ليمو ما تلقاه..وكل الامثال دى ما عندها اى مناسبة غير انو اميمة كلمتنى قالت انى ابديتى رسوب واضح .. فى الامثال السودانية..لكن الباقى نجاح باهر..
والله السودان اليومين دى تعبان لو ما كده كنا نقول ليك بتشرفيه..لكن لحدى ما يبقى طيب..شرفينا نحن ديل..والقومة ليك يا حسناء اريتريا الناجحة..
|
Post: #107
Title: Re: مساء الخير يا امير...../ه
Author: صديق الموج
Date: 05-14-2005, 06:43 AM
Parent: #1
Quote: Quote: وتسلم اختى الممسوخة تمضورة،،،،
جمعا...ياصديق الموج |
قولو ماشاء الله!!
|
Post: #108
Title: Re: مساء الخير يا امير...../ه
Author: محمد السر
Date: 05-15-2005, 01:52 AM
Parent: #1
مساء الخير يا أمير......./ة
يا الحبك شغل الضمير.../ة
غيرك ما لي سمير......../ة
باهي طلعة...../ع
اتخيلت أب داؤود بيغنيها كدا.. جندرياً
|
Post: #109
Title: Re: مساء الخير يا امير...../ه
Author: اسامة الخاتم
Date: 05-15-2005, 07:02 AM
Parent: #1
مساء الانوار يا طم طم
احكى شنو و اخلى شنو
عموما حاصل الحاصل انو احنا كويسين و رؤى كمان كويسة
و خالد بقى سودانى مية المية
و اهو بنكافح مع الكيزان ديل... ما يقومو يزعلو
و الله الشوق حاصل
ما عندك جية قريب ...
البلد بتستوعبنا اظن..
متذكرة الحلم بتاعك
انابحاول ايسمن فيه و الرماد يختانا بعيد بعيد
يا تماضر.. الرد عاجل
لكى الياسمين طبعا
|
Post: #110
Title: Re: مساء الخير يا امير...../ه
Author: nada ali
Date: 05-19-2005, 10:01 AM
Parent: #1
| Quote: ندى مصطفى ولا نحن نسينا الايام الحلوة الجمعتنا بيك.. |
العزيزة تماضر
يااااه
فعلا ايام لا تنسى
رغم ان زيارة 1994 كانت لشهور قليلة، الا اننى لم انسها ابدا طوال هذه السنوات..
مؤتمر الSSA فى بوسطن
ثم واشنطون و كل الاصدقاء هناك
اتذكر يوم زرتكم مع المقداد و زوجته العزيزة
وكرمك و حسن استقبالك و طعامك الجميل..
سؤال زميلاتى حول زيارتى لل
Sudanese celebrity
و رّدى
she cooked for us
how cool is that
اشكرك كثيرا لكلماتك الطيبة
و كما يكتب اسامة الخاتم دائما
لك الياسمين ...
ندى
|
|