Post: #1
Title: السمحين متخرجين
Author: Tumadir
Date: 05-20-2006, 11:35 AM
Parent: #0
غدا....
تستلم البنت النجيبة سيرين تماضر شيخ الدين اقصد سيرين صلاح عوض الله
شهادة البكالوريوس للفيزياء:
نالت ثلاثة جوائز شرف فى
سيجما زاى "المجمع العلمى"
لاتن اونر كوملادى "للغات الاجنبية"
وجائزة شرف من شعبة الفيزياء
من جامعة سميث نورث هامتون
وفى نفس الوقت وفى مدينة بولاية منسوتا يتسلم الطالب الرفيع قصى همرور شيخ الدين اقصد قصى صفية ساتى "ياهو زاتو"
شهادة البكالوريوس هندسة الصناع’
ونحن حسة بنخبز
سيرين عندها منحة لدراسة الماجستير..فى العام القادم
والاتنين قرة اعين ..لنا...
ودامت افراحكم
سيرين ممثلة ايضا وموهوبة ومعروفة فى المسرح الجامعى
فى الصورة سيرين وقد انتهت من تأدية دور محاكاة لاستاذتها الهندية ..
ضمن افراح الكلية بتخريج الدفعة والاستاذة لم تصدق موهبة سيرين فى محاكاة التحدث بالانجليزية باللهجات الاجنبية ..ويسرى ماشة فى نفس الدرب الشطارة والموهبة
وقصى براكم بتعرفوه
|
Post: #2
Title: Re: السمحين متخرجين
Author: Tumadir
Date: 05-20-2006, 11:37 AM
Parent: #1
|
Post: #3
Title: Re: السمحين متخرجين
Author: عصام أحمد
Date: 05-20-2006, 11:44 AM
Parent: #1
10000000000000000 مبروك لهماوعقبال الماجستير والدكتوراة
ونسمع بها في مكانة العباقرة ..إينشتاين.. أو إستيفن هوكنج.
وللمهندس قصى التهنئة الحارة والوطن ينتظر منكم الكثير
|
Post: #4
Title: Re: السمحين متخرجين
Author: Tumadir
Date: 05-20-2006, 11:48 AM
Parent: #3
الغريبة كنت بكبت ليك يا عصام فى بوست الخيال والطيارة ..
جيت لقيتك خاتى لى اجمل وردة
اها يا شباب ماشين نجيبها من الجامعة
ونتم الخبيز..ونستقبل الضيوف..
كان اتأخرنا عليكم المودة محفوظة
|
Post: #5
Title: Re: السمحين متخرجين
Author: Soumeta
Date: 05-20-2006, 12:05 PM
Parent: #1
الف مبروك ليهم التخرج و النجاح،،
دايماً فارشين طريقكم فرحة،،
مبرووك سيرين،،
مبرووك قُصي،،
|
Post: #6
Title: Re: السمحين متخرجين
Author: اساسي
Date: 05-20-2006, 12:12 PM
Parent: #5
والله قصي دا انا بتكيف ليهو عديل كدا ومبسوط منه وفرحان ليهو عديل كدا عشان اتخرج ... ياهو زاتو دا من ايام الثانوي ودخوله الجامعة والان تخرجه كله قدامنا لو ما اخاف الكضب من زمن بيكتب من سلطنة عمان ياخي والله عجزنا عديل في البورد دا
مليون مبروك ليهم وان شاء الله عقبال الاستاذية
بعد دا يا قصي ما عندك زوغة من العرس ان شاء الله لما نفرح ليك هنا برضو
|
Post: #8
Title: Re: السمحين متخرجين
Author: jini
Date: 05-20-2006, 12:18 PM
Parent: #6
Hats off Gusai &Sereen
keep it up
congrats Tamadur
Jini
|
Post: #26
Title: Re: السمحين متخرجين
Author: Tumadir
Date: 05-20-2006, 01:17 PM
جنى
كنقر الله العظيم ....
ههههه
شكرا يا عزيز....
|
Post: #14
Title: Re: السمحين متخرجين
Author: Muna Khugali
Date: 05-20-2006, 12:26 PM
Parent: #5
مـن حـقـك تخبزي
مـن حـقك تفـرحـي...
مـن حـقـك ترقصي...
تعبتي وسـهرتي...
ربيتي ونلتي...
مبروك حـبيبتي الفرحـة.. ويارب تمتـد الفرحـة لكـل أيـامـك وأيامهم..
|
Post: #27
Title: Re: السمحين متخرجين
Author: Tumadir
Date: 05-20-2006, 01:18 PM
Parent: #14
| Quote: مبروك حـبيبتي الفرحـة.. ويارب تمتـد الفرحـة لكـل أيـامـك وأيامهم |
آمييييييين يارب العالمين
وعقبال آية يا منى خوجلى ..
كلها سنتين ونسمع بى خبيزكم ...
ربنايفرحك بيها..
|
Post: #9
Title: Re: السمحين متخرجين
Author: Tumadir
Date: 05-20-2006, 12:19 PM
Parent: #7
سوميتا
اساسى ؟؟
وعادل عثمان
يباركو ليكم السمح
وياعادل الغريبة الصورة دى فى كلورادو
كان مشوا من الكلية تلاتة بنات عشان يقدموا برزنتيشن فى جامعه فى كلورادو وهى كانت واحده منهم
فتش smith college
|
Post: #10
Title: Re: السمحين متخرجين
Author: Tragie Mustafa
Date: 05-20-2006, 12:23 PM
Parent: #9
حلاتها سيرين يا تماضر
تشبهك شبه مبالغ فيه.
مبروك ليها ولقصي وان شاء الله مزيد من التوفيق والنجاح,وربنا يحفظهم ويغطي عليهم.
تراجي.
|
Post: #29
Title: Re: السمحين متخرجين
Author: Tumadir
Date: 05-20-2006, 01:26 PM
Parent: #12
thank you Adil Osman
here is the picture
|
Post: #13
Title: Re: السمحين متخرجين
Author: Alia awadelkareem
Date: 05-20-2006, 12:26 PM
Parent: #10
تماضر
الف مبروك للحلوين
وبوسي لي البت سرويه العسل
وبلغيها فرحي
وعقبال عندنا
محبتي
|
Post: #30
Title: Re: السمحين متخرجين
Author: Tumadir
Date: 05-20-2006, 01:28 PM
Parent: #13
عالية الغالية
تهنئتك وصلت لى سيرين ..وبتسلم عليك ..وبتقول ليك شكراااااا....
عقبالك يا عالية تفرحى بالتنة ..
|
Post: #21
Title: Re: السمحين متخرجين
Author: بارعة
Date: 05-20-2006, 12:47 PM
Parent: #10
الف مليون تحية ومبروك
|
Post: #31
Title: Re: السمحين متخرجين
Author: Tumadir
Date: 05-20-2006, 01:30 PM
Parent: #21
وردتك حلوة يا بارعة زى بتك ....
كيف هى عاملة بالله ؟؟ البت الجميلة
ظاهر عليها بقت رايقة ..شايفاك رجعتى البورد ..الف اهلا..وعقبال نفرح بيك ..انتى مش بتقرى برضو؟؟
ولا نقول نفرح بى لقاء؟؟
بالمناسبة شكرا على الرسالة ...
|
Post: #25
Title: Re: السمحين متخرجين
Author: Tumadir
Date: 05-20-2006, 01:15 PM
Parent: #10
Quote: حلاتها سيرين يا تماضر
تشبهك شبه مبالغ فيه |
تراجى
من شابه امه فما ظلم..ههههه
شكرا ليك وعقبالك يا غالية ...
|
Post: #15
Title: Re: السمحين متخرجين
Author: Abureesh
Date: 05-20-2006, 12:27 PM
Parent: #7
الف مبروك لسيــرين،
وألف مبروك لقصى زاتـو
وألفين مبروك لتماضـر التى تحدثت فأسمعت ومشت فأسـرعت وضـربت فأوجعت.
|
Post: #34
Title: Re: السمحين متخرجين
Author: Tumadir
Date: 05-20-2006, 01:36 PM
Parent: #15
| Quote: وألفين مبروك لتماضـر التى تحدثت فأسمعت ومشت فأسـرعت وضـربت فأوجعت. |
ههههههه
نحن بس جدول الضرب ده ما معانا ..
لكن وصلت رسالتك..شكرا ليك شديد يا ابو الريش..
وفى محاولات جادة اننا نجى بلدكم ونرحل هناك ..كل يوم اغير رايى فى القرار ده مرة ايوا مرة نيوجيرسى ومرة ..الخليج ومرات كتيرة اقعد قبلى
لكن فى البال والله...
شكرا شديدا
|
Post: #11
Title: Re: السمحين متخرجين
Author: نهال كرار
Date: 05-20-2006, 12:25 PM
Parent: #1
ألف مبروووك يا تماضر لسيرين وقصي
وربنا يوفقهما ان شاءالله وعقبال الدكتوراه 
|
Post: #16
Title: Re: السمحين متخرجين
Author: اساسي
Date: 05-20-2006, 12:33 PM
Parent: #11
غريبة يعني ؟؟ ما بنفع ابارك يعني؟
|
Post: #17
Title: Re: السمحين متخرجين
Author: tmbis
Date: 05-20-2006, 12:35 PM
Parent: #11
سمحين بيك يا تماضر ..
سيرين + قصي
الف مبروك ..
( مبروكك ) بنكهة تانية يا تماضر ..
ورسلي لينا ( خبيزنــا ) نحتفظ ليكم بي( حلاوتــــكم )
وبالعديلة الليلة .. لي أخواني ..
|
Post: #19
Title: Re: السمحين متخرجين
Author: Adil Isaac
Date: 05-20-2006, 12:42 PM
Parent: #17
Dear Tumadri
CONGRATULATIONS and best wishes
Adil
|
Post: #36
Title: Re: السمحين متخرجين
Author: Tumadir
Date: 05-20-2006, 01:38 PM
Parent: #19
الدكتووووور الصديق عادل اسحق
والف شكر ليك على الوردة الجميلة
وسارية قال ليك ازيك..
كلنا قاعدين جنب سودانيز اولاين ونرقص على الاغنية ونبشر وناكل ..ونتفرج على التهانى
يعنى عملتو لينا جو حلو...شكرا ليكم ...
|
Post: #33
Title: Re: السمحين متخرجين
Author: Tumadir
Date: 05-20-2006, 01:33 PM
Parent: #17
تمبس
عملنا بى البوست حفلة عديييل كده
الاغنية وصلت مع وصول سيرين ..وبداية الافراح
نفرح بى جديدك يا تمبس..يا مفرح كل الناس...
وخبيز بالدى اتش ال...لو داير نرسلو ليك...
|
Post: #18
Title: Re: السمحين متخرجين
Author: ابو جهينة
Date: 05-20-2006, 12:36 PM
Parent: #11
أختي تماضر
تحياتي
و ألف مبروك
| Quote: تستلم البنت النجيبة سيرين تماضر شيخ الدين |
و ما نالته إبنتك سيرين تاج على جبينك و حصيلة سنوات من الإصرار و الجهد و السهر و المتابعة فلك أن تفرحي ..
و لنفرح معك و إلى مزيد من النجاح يا سيرين.
مع مودتي
|
Post: #20
Title: Re: السمحين متخرجين
Author: غادة عبدالعزيز خالد
Date: 05-20-2006, 12:44 PM
Parent: #18
الحبيبة تماضر
الف الف مبروك
لكى كل الحق ان تفرحى بها
و لنا الحق بان نفخر بها معك
خالص الود
و
عقبال اللى فى بالى
غادة
|
Post: #22
Title: Re: السمحين متخرجين
Author: WAD ELGAALI#4
Date: 05-20-2006, 12:59 PM
Parent: #20
الف مبروك والله يا تماضر بنيتك حلوه وشاطره ربنا يخليها ويغطيها ويحفظا
أها عملتى لى شنو فى موضوعى
|
Post: #23
Title: Re: السمحين متخرجين
Author: Tumadir
Date: 05-20-2006, 01:04 PM
Parent: #22
| Quote: غريبة يعني ؟؟ ما بنفع ابارك يعني؟ |
ابدا يا اساسى والله ..
حبيت اشاغلك وبس..
يعنى تبع المناكفة العامة وكدة
لك الف شكر على التهنئة
|
Post: #24
Title: Re: السمحين متخرجين
Author: Tumadir
Date: 05-20-2006, 01:12 PM
Parent: #23
Sirein Said:
Thank you for your kindness
and your generous words
The life you have awakened in my mother is inspiration to me
|
Post: #39
Title: Re: السمحين متخرجين
Author: Tumadir
Date: 05-20-2006, 01:47 PM
Parent: #22
| Quote: أها عملتى لى شنو فى موضوعى |
انت عارف بى سبب موضوعك ده انا خليت البوست..
يعنى الحاجات الزى دى مناقشتها قدام الناس كده ..محرج شوية صاح؟؟
شكلك جادى ...
كدى انا عندى ناس متخرجين حسة نتلكم لى قدام...
ههههههههههه
شكرا على التهنئة وعلى شكيرتك لى بتى ....
|
Post: #38
Title: Re: السمحين متخرجين
Author: Tumadir
Date: 05-20-2006, 01:43 PM
Parent: #20
| Quote: عقبال اللى فى بالى |
ان شا الله ...
عقبال الفى بال كل زول ..جميل زيك يا غادة
انتى دحين خلصتى امتحانات؟؟
الجابك بى جايى شنو؟؟
هههههه
مش قلنا اقرو؟
|
Post: #37
Title: Re: السمحين متخرجين
Author: Tumadir
Date: 05-20-2006, 01:40 PM
Parent: #18
ابو جهينة
شكرا على كلماتك الرقيقة الراقية وسيرين وامها بقولو ليك شكرا كثيرا...
|
Post: #32
Title: Re: السمحين متخرجين
Author: Tumadir
Date: 05-20-2006, 01:32 PM
Parent: #11
نهــــــــــــــــــــــــــــــــــــــــــــــال الحلوة
عقبالك انت برضو..
نفرح بيك انا واسرتك الجميلة
تحياتى لهم
ووردتك جميلة جدا وذوقك رفيع..
شكرا كتير
|
Post: #28
Title: Re: السمحين متخرجين
Author: عمر ادريس محمد
Date: 05-20-2006, 01:22 PM
Parent: #1
حاجة تفرح والله
الف مبروك
ياتماضر
للشباب
ربنا يوفقهم
|
Post: #35
Title: Re: السمحين متخرجين
Author: الخير محمد عوض
Date: 05-20-2006, 01:38 PM
Parent: #28
الف الف مبروك لهمـا النجاح والتفوق
غـرّ الله بهما عينك يا تمـاضـر
بس ما تنسـينا من الخبيز والذي منـه
اصـلنا جيران.
الخير
|
Post: #41
Title: Re: السمحين متخرجين
Author: Tumadir
Date: 05-20-2006, 01:50 PM
Parent: #35
البوسته اليومين الجايات دى حتكون مشغولة بنقل الخبيز الميكانيكى من هوليوك والى .......
ههههههههه
تحياتى يا الخير محمد عوض..
ولك تحياتى من الجيرة ...
|
Post: #40
Title: Re: السمحين متخرجين
Author: Tumadir
Date: 05-20-2006, 01:48 PM
Parent: #28
عمر ادريس
يا اخونا فى المنافى ...
لك كل المودة وتفرح بالعندك ان شا الله...
محبتى
|
Post: #42
Title: Re: السمحين متخرجين
Author: خالد عبد الله محمود
Date: 05-20-2006, 01:59 PM
Parent: #40
لا أستغرب نجاح أبناءك يا تماضر
اذا لم ينجح أبناء تماضر شيخ الدين ( ست الأسم) فمن سينجح أذن؟؟
الف الف مبروك
خالد عبدالله
|
Post: #45
Title: Re: السمحين متخرجين
Author: Tumadir
Date: 05-20-2006, 02:09 PM
Parent: #42
خالد عبد الله نشكرك ياخى على حسن الظن ده..
وعقبال افراحكم .....
|
Post: #43
Title: Re: السمحين متخرجين
Author: mutwakil toum
Date: 05-20-2006, 02:05 PM
Parent: #40
مبروك استاذة تماضر ،
مبروك سيرين ، (بالمناسبة السين دي اصلا بدون نقط و لا الكي بورد ألجن) ،،
وعقبال الماستر والـ PhD .
|
Post: #46
Title: Re: السمحين متخرجين
Author: Tumadir
Date: 05-20-2006, 02:12 PM
Parent: #43
متوكل توم
البت اسمها سيرين بالسين يعنى مافى نقط رايحة ..
سيرين دى اخت ماريا القبطية
واتزوجها حسان بن ثابت
وولد منها محمد الشهير بمحمد بن سيرين "بتاع تفسير الاحلام الشهير"
سماها ابوى الله يرحمو وسمى الولد ولدى الاكبر منها اسمو سارية ..سارية بتاع "ياسارية الجبل"
المهم ابوى كان مولع بالاسماء ومعانيها مصادرها ..وبقى يلدى وعليهم يسمى ..او كما تقول الاغنية
شكرا لعبورك والتهنئة ...
|
Post: #44
Title: Re: السمحين متخرجين
Author: elsawi
Date: 05-20-2006, 02:07 PM
Parent: #40
سيرين و قصي كم أنا فخور بكما، و ليعلم أبناء و بنات الفرنجة بأن أبناء و بنات دول العالم الثالث (لوما الرابع) قادرين على التفوق عليكم و هزيمتكم في عقر دارهكم ستة/صفر.
مبروك ليك يا تماضر و لينا كلنا.
الصاوي
|
Post: #47
Title: Re: السمحين متخرجين
Author: Tumadir
Date: 05-20-2006, 02:13 PM
Parent: #44
Quote: سيرين و قصي كم أنا فخور بكما، و ليعلم أبناء و بنات الفرنجة بأن أبناء و بنات دول العالم الثالث (لوما الرابع) قادرين على التفوق عليكم و هزيمتكم في عقر دارهكم ستة/صفر.
مبروك ليك يا تماضر و لينا كلنا.
الصاوي |
وانا فخورة يالصاوى بوجودك معاى هنا مهنىء ..واخ وصديق...تغزر كومى ..وتطيب خاطرى شكرا كتير ...وجزيل
|
Post: #48
Title: Re: السمحين متخرجين
Author: معتصم دفع الله
Date: 05-20-2006, 02:19 PM
Parent: #1
   تماضر قريبتي ..
مبروك لسيرين وهمرور ..
وإن شاء الله دائماً ناجحين ..
|
Post: #49
Title: Re: السمحين متخرجينsincere congratulations
Author: Mustafa Mahmoud
Date: 05-20-2006, 02:24 PM
Parent: #48
الف الف مبروك لهمـا النجاح والتفوق
well done both
iam really delighted for them and for their family too
congratulations and well done
dr Mustafa mahmoud
|
Post: #52
Title: Re: السمحين متخرجينsincere congratulations
Author: hatim
Date: 05-20-2006, 02:43 PM
Parent: #49
الاخت تماضر
مبروك...ونتمنى للعائلة دوام التفوق والنجاح.
|
Post: #58
Title: Re: السمحين متخرجينsincere congratulations
Author: Tumadir
Date: 05-20-2006, 02:55 PM
Parent: #52
اللهم آمين يا حاتم
والنجاح فألك وفأل عائلتك برضو..ان شا الله
|
Post: #56
Title: Re: السمحين متخرجينsincere congratulations
Author: Tumadir
Date: 05-20-2006, 02:52 PM
Parent: #49
مصطفى محمود
والله الشباب ديل ما قصروا
مع الحياة الصعبة دى ..هم ناضلوا وما خلوا شى ..
وبعد ده كله الاتنين كانوا متميزين فى العمل العام..والكتابة فى حالة قصى والمسرح فى حالة سيرين..
المهم سروا بالنا ونفضو غبارنا..
شكرا ليك.
|
Post: #55
Title: Re: السمحين متخرجين
Author: Tumadir
Date: 05-20-2006, 02:50 PM
Parent: #48
معتصم دفع الله..
شكرا على باقة الورود الجميلة
وشكرا على (رصة) الصور .
والتهانى واصلة ..عقبالك.
|
Post: #50
Title: Re: السمحين متخرجين
Author: Osman Malik
Date: 05-20-2006, 02:34 PM
Parent: #1
تماضر مبروك للشباب.
بتاع بكالوريوس للهندسة الصناعية ده زولي تب خلى يتصل بي عشان اوري يعمل شنو.
|
Post: #51
Title: Re: السمحين متخرجين
Author: Adil Osman
Date: 05-20-2006, 02:42 PM
Parent: #50
that's true, very true
|
Post: #59
Title: Re: السمحين متخرجين
Author: Tumadir
Date: 05-20-2006, 02:57 PM
Parent: #51
عادل هى فعلا بدت فى هوليوك كميونتى كوليج
وواصلت فى سميث كوليج
كان عندها تلاتة ميجرات ..رياضيات وفيزيكس وهندسة
واخدت جوايز شرف كتيرة فى الرياضيات والفيزيكس وفى النهاية رست على الفيزيكس..
شكرا للمتابعة والاهتمام
|
Post: #54
Title: Re: السمحين متخرجين
Author: saif massad ali
Date: 05-20-2006, 02:48 PM
Parent: #50
نممممممممممممممممممممممممممممممماضر
الف الف ملروك ليك وليهم
ربي يسعدك بيهم زرعتي وده حصادك
زرعن طبيعي من غير سماد راعيهو رب العباد
|
Post: #60
Title: Re: السمحين متخرجين
Author: Tumadir
Date: 05-20-2006, 02:58 PM
Parent: #54
شكرا سيف مساعد وعروسته الحلوة نسرين
ربنا يديكم وتفرحوا...
الف شكر..على كلماتك الرقيقة ..
|
Post: #57
Title: Re: السمحين متخرجين
Author: Tumadir
Date: 05-20-2006, 02:54 PM
Parent: #50
عثمان مالك:
الوصية فى الذمة
قصى حيجينا الويك اند الجاييى ..
نوصلك بيه ..ده لو ما اتصل بيك براه.
شكرا ليك وعلى اهتمامك..
|
Post: #154
Title: Re: السمحين متخرجين
Author: doma
Date: 05-22-2006, 05:46 AM
Parent: #57
سيرين قصي وتماضر مبروك الف مبروك أل شيخ الدين
ان شاء الله ما تكون كملتو الخبيز الا انا جاياكم بي حلاوتي وكل المحبه
. وعقبال الدرجات العليا .
قصي همرور وعيه اكبر من سنوات عمره ربنا يحفظه
. وسيرين اكيد طالعه لامها طبعا ذكاءتماضر لا تخطئه العين.
مبروك ليكم ولي كل الحبان البريدوكم وانا منهم.
|
Post: #172
Title: Re: السمحين متخرجين
Author: Tumadir
Date: 05-22-2006, 06:13 PM
Parent: #154
Quote: قصي همرور وعيه اكبر من سنوات عمره ربنا يحفظه
. وسيرين اكيد طالعه لامها طبعا ذكاءتماضر لا تخطئه العين.
مبروك ليكم ولي كل الحبان البريدوكم وانا منهم. |
لك اعطر الثناء على تقدير موهبة وعلم اولادنا..وان شا الله عقبال اولادك تفرحى بيهم ونفرح معاك
والريدة متبادلة ..القلوب شواهد يا دومة
"مالها مشاركتك دى غتستيها كده..بقيت اشوف الاسم وما اشوف الكلام لمن استعملت خبرات تقنية عالية حتى لقيتها ..هههههههه
|
Post: #53
Title: Re: السمحين متخرجين
Author: عاطف عمر
Date: 05-20-2006, 02:45 PM
Parent: #1
نعم الإله على العباد كثيرة
أجلهن نجابة الأبناء
الأخت تماضر
كل التبريكات
والتهاني
والمنى بمواصلة التفوق في الدراسات العليا ودروب الحياة .
| Quote: تستلم البنت النجيبة سيرين تماضر شيخ الدين اقصد سيرين صلاح عوض الله شهادة البكالوريوس للفيزياء |
| Quote: يتسلم الطالب الرفيع قصى همرور شيخ الدين اقصد قصى صفية ساتى "ياهو زاتو"شهادة البكالوريوس للهندسة الصناعية |
| Quote: والاتنين قرة اعين ..لنا... |
هسع عليك الرسول غير( المأذون ) الناقص شنو ؟ ( وجه بيهظر )
|
Post: #61
Title: Re: السمحين متخرجين
Author: Tumadir
Date: 05-20-2006, 03:00 PM
Parent: #53
المداخلة بتاعتك دى حندسها منهم
الاتنين جادين وبيتناقشوا فى الفلسفة ..
سيرة العرس دى مافى زول بيجيبها فى البيت ده..
هههههههه
المهم لك الشكر والمودة ...وشكرا على لطفك.
|
Post: #63
Title: Re: السمحين متخرجين
Author: محمد خالد ابونورة
Date: 05-20-2006, 03:04 PM
Parent: #53
تماضر
افرح لكل نجاح
مبروك بل الف مبروك
|
Post: #67
Title: Re: السمحين متخرجين
Author: Tumadir
Date: 05-20-2006, 03:22 PM
Parent: #63
ابونورة
شكرا لانك فرحت لنجاحنا..وان شا الله دايما الافراح ..
وكتر خيرك على التواصل.
|
Post: #64
Title: Re: السمحين متخرجين
Author: munswor almophtah
Date: 05-20-2006, 03:05 PM
Parent: #53
تماضر ألف مبروك لسيرين بنت أبويها والف مبروك لقصى ذلك العميق المتفلسف بهدى وهدايه...فقد قال نفسه بما ينبغى أن تقال فى بوست البراجماتيه فى فجر الدوله الأمويه والعباسيه مما أثار الأهتمام والإعجاب لبعض ذوى التخصص والإهتمام...له ولسيرين بنت (الوزه) خالص وصادق الأمانى والتوفيق...ولتماضر أن يتحقق حلمها الأكبر.......................
منصور
|
Post: #68
Title: Re: السمحين متخرجين
Author: Tumadir
Date: 05-20-2006, 03:25 PM
Parent: #64
ياسلام عليك يا منصور..
وقصى طبعا مدهش الجميع..
كلنا بنتفرج فى نبوغه المبكر ده..ونتحسبن..ربنا يديه العافية . وسيرين وكل اولادنا السودانيين اتمنى ليهم الرفعة والنجاح والخير.
ويديك انت العافية ويديك منى أجزل الثناء..وأعطر التحايا.
|
Post: #66
Title: Re: السمحين متخرجين
Author: abdalla elshaikh
Date: 05-20-2006, 03:16 PM
Parent: #53
تـمـاضر ويـا تـمـاضر[بلكنة ألشايقية]
مبروك وألف ألف مبروك
طبعا لامن شفت سيرين قلت ياجـماعه أول أمبارح دي أنا ومحمد خضر كـمير
ويعقوب عبدالرحـمن والناظر وقاسـم أبوزيد ركبنا[تاكسي]من داخلية نـمرة2]لحدي ألثورة ألحارة ألسابعة عشان نحضر عرس[تـماضر]بالفنان[محـمد ألأمين]
[ لاتعليق ]
|
Post: #70
Title: Re: السمحين متخرجين
Author: Tumadir
Date: 05-20-2006, 03:30 PM
Parent: #66
عبد الله الشيخ
شايف حفلتكم جابت شنو؟؟
هههههههه
يا حليلكم ...
وياحليل ايام الناظر وقاسم ابو زيد وكل الدفعة الحنينة ..
تتصور انه فى واحد معانا هنا شاب ظريف جدا اسمه القرضابى لاقيته فى الشارقة
واتصاحبنا وعزمنا وزول جميل جدا جدا..فجأة قالى انا ود اخت عبد الرحمن قسم الله
والله قربت اطير من الفرح..يعنى حسيت بأنى خالتو كده ولا حاجة ..يعنى ما زمالة وقريب زول زميلك دى كانت قرابة ودم عدييييل كده
شكرا عبد الله ويفرحك باولادك الظريفين..
انا طبعا فهمت خالد ولدك انى عمتو رسمى وشعبى...
|
Post: #62
Title: Re: السمحين متخرجين
Author: حمد فتح الرحمن
Date: 05-20-2006, 03:04 PM
Parent: #1
الف الف مبروك لسيرين و قصي
و عقبال ما تفرحو بي شهادة الماجستير و الدكتوراه و شهادة العرس و ....
و تفرحوا بيهم ان شاء الله الي ما لا نهاية
|
Post: #71
Title: Re: السمحين متخرجين
Author: Tumadir
Date: 05-20-2006, 03:31 PM
Parent: #62
حمد فتح الرحمن
والله ان شا الله من خشمك ولى باب السما..
ما نشوف منهم الا الخير والفرح..
وتفرح انت كمان بالعندك والمعاك...
|
Post: #65
Title: Re: السمحين متخرجين
Author: nada ali
Date: 05-20-2006, 03:13 PM
Parent: #1
الغالية تماضر
الف الف مبروك نجاح سيرين، و هذا التفوق الباهر، و هو ما غريب عليهااو عليكم
لها الف وردة (و هدية معتبرة من عمو خالد لما يعرف ).
و الف مبروك نجاح قصىّ همرور.
و حتى نتحدث، لك التحية
ندى
|
Post: #72
Title: Re: السمحين متخرجين
Author: Tumadir
Date: 05-20-2006, 03:33 PM
Parent: #65
ندوية الحلوة
ان شا الله تكونوا كويسين شفقتونا ما سمعنا منكم تانى ..
لا انتى لا عمو خالد بعد اليوم داك ..ولا نحن ضربنا ليكم..
بنتلاقى
وقول لى "عمو خالد" قالت ليك سيرين الهدية ما تكون "رمزية" هههههههه
شكرا حبيبتنا..
ولمن نتلاقى ...على الف خير
|
Post: #69
Title: Re: السمحين متخرجين
Author: Osman M Salih
Date: 05-20-2006, 03:26 PM
Parent: #1
مبروك للمتفوقين وآلهما والأقربين
فيض من التحايا لك ِياأختنا تماضر
|
Post: #73
Title: Re: السمحين متخرجين
Author: Tumadir
Date: 05-20-2006, 03:35 PM
Parent: #69
شكرا صديقى العزيز
عثمان محمد صالح
سعيدة ان اراك هنا
بعد "العكات" الكثيرة الاتعكت ..هنا وورا الكواليس 
اليومين ديل فى عطب تقنى..والله..
اشكرك كثيرا وفيرا.
|
Post: #74
Title: Re: السمحين متخرجين
Author: بدر الدين الأمير
Date: 05-20-2006, 03:47 PM
Parent: #73
تماضر المنضرة
لك وصلاح الود مجزولا بفرحكم
المهم ياسيدتى دايرن نرسل عقد عمل لنسرين بس الوسطاء يمتنعون
|
Post: #75
Title: Re: السمحين متخرجين
Author: Tumadir
Date: 05-20-2006, 04:19 PM
Parent: #74
| Quote: عقد عمل لنسرين بس الوسطاء يمتنعون |
اول حاجة الاسم سيرين..
تانية ده لطف منك كتير
تالتا..ما رديت على ..نفهم من كده انك كنت "بايت" لينا بنية مخضرة زى دى؟؟
المهم ما مشيت بعيد..
ولك احترامى والشكر الجزيل.
|
Post: #77
Title: Re: السمحين متخرجين
Author: بدر الدين الأمير
Date: 05-20-2006, 04:39 PM
Parent: #75
المنضرة تماضر
العتب على سماحة السمحين ولابد ان اتهوه بين السينات
وعشان نرضيك ماعندنا مانع من عقد عمل لام الجمال والنجاح
بس بشرط محمد السنى يمتنع
|
Post: #76
Title: Re: السمحين متخرجين
Author: منى أحمد
Date: 05-20-2006, 04:36 PM
Parent: #1
ألف ألف مبروك يا تماضر
ده يوم فخرك و حصادك
و كلنا فرحانين ليك و معاك
ربنا يحفظهم و يخليهم ليك
|
Post: #78
Title: Re: السمحين متخرجين
Author: Tumadir
Date: 05-20-2006, 04:39 PM
Parent: #76
Quote: ألف ألف مبروك يا تماضر
ده يوم فخرك و حصادك
و كلنا فرحانين ليك و معاك
ربنا يحفظهم و يخليهم ليك |
فعلا يوم فرحى وحصادى يا منن..
وعقبال بيك نفرح يا زينة ..
وزى ما قلت ليك..فى الدعاء وفى القلب.
|
Post: #79
Title: Re: السمحين متخرجين
Author: نيازي مصطفى
Date: 05-20-2006, 04:51 PM
Parent: #76
يا سلام على طعم النجاح
الف الف مبروك ليك اولا فالنجاح زراعة الاباء وحصاد الابناء
ثم مليون مبروك للخريجة ومزيد من النجاح
ومبروك ثالثة لخالها هشام ولكل الاسرة الكريمة
ربنا يحفظهم لك
|
Post: #80
Title: Re: السمحين متخرجين
Author: Tumadir
Date: 05-20-2006, 05:04 PM
Parent: #79
الغريبة خالها هشام ده لى حسة ما ظهر ولا ضرب ولا قال مبروك..ذكرتنى الومو
هههههه
شكرا يا نيازى وانا زى ما بقولو اهلنا الخواجات
I'm a proud mother
تفرحوا كلكم بنجاح اولادكم ..ونبارك ليكم
|
Post: #81
Title: Re: السمحين متخرجين
Author: Tumadir
Date: 05-20-2006, 05:13 PM
Parent: #80
| Quote: بس بشرط محمد السنى يمتنع |
محمد السنى سامع؟؟
|
Post: #83
Title: Re: السمحين متخرجين
Author: بدر الدين الأمير
Date: 05-20-2006, 05:18 PM
Parent: #81
تماضر ياصديقتى
محمد السنى اليوم مابسع لقد وصلت الى الدوحة قبل ساعات
سوسن دفع الله وانتى عارفة شمارات السنى وسوسن
|
Post: #85
Title: Re: السمحين متخرجين
Author: محمد سنى دفع الله
Date: 05-20-2006, 05:29 PM
Parent: #81
هذا يوم سعدي وسعدك
نظرت سوسن ضفع الله لصورة بتك الأمورة
وقالت : هي دي ما تماضر الخالق الناطق قلت ليها ايه رايك ده بوست كاتباهو تماضر
لي بتها وهي متخرجة وفرحنا وضحكنا وبكينا اصبحنا في الشتات نعاين لي صور بعض في الصحيفة الاسفيرية .. لك الف أمنية والف تحية وصبرت ونلتي كل خير مااسعد اللحظة التي نقف امامها الان الف مبروك .. وتقبلي تحيات سوسن وسامية وهن معي الان في الدوحة في زيارة قصيرة
وبالمناسبة سلفينا البت الموهوبة الممثلة الماسحة ناس الجامعة لي فرقة شتات ولا نشتت ؟؟؟؟
|
Post: #82
Title: Re: السمحين متخرجين
Author: Ehab Eltayeb
Date: 05-20-2006, 05:18 PM
Parent: #1
1000 مبروك للشباب هذا الانجاز الرائع...
والتحية لك علي التعب والسهر
الف مبروك سيرين,,,
و1000 مبروك صديقي قصي ياهو ّذاتو...
قاطعة خبر مالك ياتماضر..
|
Post: #84
Title: Re: السمحين متخرجين
Author: Tumadir
Date: 05-20-2006, 05:21 PM
Parent: #82
| Quote: قاطعة خبر مالك ياتماضر.. |
العزيز النبيل ايهاب الطيب
شكرا على هذه التهنئة الزرقاء..
ووالله ما قاطعة خبر بس
قاطعة موي ونور
جا زمن كنت "عضتى تسعر" من الزهج ياقول امى لكن سيرين وقصى جابو لينا الفرح معبأ فى قسطير..
شكرا ليهم
وانا حاكون موجودة وسط حشد من الاصدقاء والاهل نحتفل.
|
Post: #86
Title: Re: السمحين متخرجين
Author: بارعة
Date: 05-20-2006, 05:35 PM
Parent: #84
اها يا تماضر
جيتكم تانى
جب جب جب جب
|
Post: #87
Title: Re: السمحين متخرجين
Author: Tumadir
Date: 05-20-2006, 05:40 PM
Parent: #86
Quote: هذا يوم سعدي وسعدك
نظرت سوسن ضفع الله لصورة بتك الأمورة
وقالت : هي دي ما تماضر الخالق الناطق قلت ليها ايه رايك ده بوست كاتباهو تماضر
لي بتها وهي متخرجة وفرحنا وضحكنا وبكينا اصبحنا في الشتات نعاين لي صور بعض في الصحيفة الاسفيرية .. لك الف أمنية والف تحية وصبرت ونلتي كل خير مااسعد اللحظة التي نقف امامها الان الف مبروك .. وتقبلي تحيات سوسن وسامية وهن معي الان في الدوحة في زيارة قصيرة
وبالمناسبة سلفينا البت الموهوبة الممثلة الماسحة ناس الجامعة لي فرقة شتات ولا نشتت ؟؟؟؟ |
هى يا سوسن ازيك
ياحليلكم
ونحن فى الافراح بكينا..
يالدنيا الكعبة
انتو وين ونحن وين
مشتاقين يا سوسن
وشايفة سعد يوسف ماشاء الله ..يفاقق مع "الرجال" الكباااار ديل وعامل روحو كبير
مشتاقين شديد يالسنى وسوسن ..ووالله دنيا
انا ماعارفة بكتب فى شنو..من وسط الدموع..
بس ياحليكم
اما عن البت فهاكم ليها "اللحم والعضم الاتنين" انتو ياكم اهلها..مابنطمن عليها اكتر منكم..
حب شدييييييييييييد وشوق اشد..
|
Post: #88
Title: Re: السمحين متخرجين
Author: Tumadir
Date: 05-20-2006, 05:42 PM
Parent: #87
Quote: تماضر ياصديقتى
محمد السنى اليوم مابسع لقد وصلت الى الدوحة قبل ساعات
سوسن دفع الله وانتى عارفة شمارات السنى وسوسن |
شايف يا امير قطعوا ليك لسانك كيف؟؟
جونى قبل ما سوسن تشرب الموية وتبل شوقها..
يا حليلهم.
|
Post: #89
Title: Re: السمحين متخرجين
Author: Tumadir
Date: 05-20-2006, 05:43 PM
Parent: #88
الليلة يا بارعة لازم تورينى وديتى خدر ولقاء وين؟؟
هههههههههههه
اهلا بيك...يا حبيبة
|
Post: #90
Title: Re: السمحين متخرجين
Author: نادية عثمان
Date: 05-20-2006, 05:53 PM
Parent: #84
اخبزى ياتماضر وغنى لى سيرين
الفرح المدفق خمّريهو عجين
زغردى ياصفية عشان قصى الزين
مبروك النجاح بركة دعا الوالدين !!
|
Post: #91
Title: Re: السمحين متخرجين
Author: smart_ana2001
Date: 05-20-2006, 06:13 PM
Parent: #90
الف مبروك تماضر للسمحين
وربنا يفرحك بيهم كمان و كمان و يخليهم ليك ويوفقهم دنيا و اخره
و ان شاء الله تشوفى اولاد اولادهم. قولى اامين
|
Post: #93
Title: Re: السمحين متخرجين
Author: Tumadir
Date: 05-20-2006, 06:18 PM
Parent: #91
آآآآآآآآآآآآآآآآآآآآمين يا سمارت انا..
شكرا شكرا شكرا
وربنا يديك فرحة كدى لامن تنطى وتطولى لى فوق..بركة الصالحين والفالحين
|
Post: #92
Title: Re: السمحين متخرجين
Author: Tumadir
Date: 05-20-2006, 06:16 PM
Parent: #90
Quote: اخبزى ياتماضر وغنى لى سيرين
الفرح المدفق خمّريهو عجين
زغردى ياصفية عشان قصى الزين
مبروك النجاح بركة دعا الوالدين !! |
واجمال لفظك يا نادية
هذا رقيق هذا جميل
شكرا ليك
|
Post: #94
Title: Re: السمحين متخرجين
Author: Abdelfatah Saeed Arman
Date: 05-20-2006, 06:19 PM
Parent: #1
الف مبروك لهؤلاء الشباب
شكرا تماضر
فتاح
|
Post: #98
Title: Re: السمحين متخرجين
Author: Tumadir
Date: 05-20-2006, 07:01 PM
Parent: #94
يا فتاح ..ياعليم..
كيفك يا اللخو..
الف مرحب بيك فى افراحنا..
وعقبال الفرح الكبير لكل السودان..
شكرا لحضورك
|
Post: #95
Title: Re: السمحين متخرجين
Author: تيسير عووضة
Date: 05-20-2006, 06:31 PM
Parent: #1
تمدورة
تمت دورا
خرجت سارية وسيرين
وفضل محمد ويسورة
تماتم ست الناس ..
ألف مبروك تخرج سيرين صلاح و قصي همرور
و عقبال الدكتوراة
ودايماً فرحانين وخابزين
|
Post: #96
Title: Re: السمحين متخرجين
Author: bayan
Date: 05-20-2006, 06:49 PM
Parent: #95
ميروووووووووووووووووووووووووووووووووووووووووووووك
الف ميرك يا تماضر للبت النسمة
سيرين ربنا يحفظها وينجحها كمان وكمان,,
عارفة العيال كبرت والله..
الزول ما قادر يصدق البنية الضفائرها بتسافر في كل البلد
بقت خريجة..
بعدين يا زولة
عندكم النص وعندنا النص
النجابة حارساها بالجهتين...
ربنا يفرحك بيهم كلهم
ويحفظم ليك ويحفظك ليهم
وهم دائما من نجاح لنجاح,,وأنت كمان
وقولي لسيرين ام ملاذ بتقول الف مبروك..
|
Post: #100
Title: Re: السمحين متخرجين
Author: Tumadir
Date: 05-20-2006, 07:09 PM
Parent: #96
Quote: عندكم النص وعندنا النص
|
اهاااااااااا قمنا على الصلبطة؟؟
انتو عندكم ربع بس ونحن تلاتة ارباع...
ده لو سخينا ليكم ...
هههههههه
لا يا بيان
دى "فى اللغة" بسموها ابنة الطرفين ..
الغريبة صلاح بقول "جابداها امها" لكن لما جيتى تبقى نسابة ..خلاص ما بتختلف "وجه خشمو من الاضان للاضان"
شكرا يا بيان وعقبال ملاذ وهى فعلا قرت الكلام ده وقالت ليك سلمى على ملاذ..كانت ظريفة معاها لما مشت ماليزيا..بس ما اتلاقوا الا بالتلفون.
شكرا ليك كتير...
|
Post: #230
Title: Re: السمحين متخرجين
Author: سجيمان
Date: 05-23-2006, 06:34 AM
Parent: #100
الف مبروك يا تماضر..وربنا يحفظهم ويغطيهم ..ويكفيهم شر العين
من اب ويقدر فرحة الوالد بنجاح ابنه
|
Post: #99
Title: Re: السمحين متخرجين
Author: Tumadir
Date: 05-20-2006, 07:04 PM
Parent: #95
لما كتبتى الكلام ده كنا فى الغدا..
والكمبيوتر قريييييب للتربيزة بتاعة الاكل..
اها قريت كلماتك الدافيات
واولادى كلهن -بى سلامتهم - قالوا
ooooooh that is nice
اها يا تيسير تانى اقول ليك شنو..
كلامك حلو..وصادف لحظة حلوة
شكرا ليك يا حلوة
وعقبال افراحكم ...يا تيسيرعووضة
|
Post: #97
Title: Re: السمحين متخرجين
Author: kamalabas
Date: 05-20-2006, 06:57 PM
Parent: #1
ألف مبروك النجاح والتفوق لسيرين ولقصي همرور والي مزيد
من النجاحات.....ألف مبروك ة للمبدعة تماضر....أبداع ثقافي
أنحياز خلاق ومبدع لجماهير شعبنا ولقضايا المرأة والمهمشيين ....
.....وفوق هذا بناء أسرة عظيمة ناجحة ومتفوقة.....نعرفها من ثمارها
التي نثرت بعضا منها تماضر:
Quote: نالت ثلاثة جوائز شرف فى
سيجما زاى "المجمع العلمى"
لاتن اونر كوملادى "للغات الاجنبية"
وجائزة شرف من شعبة الفيزياء
من جامعة سميث نورث هامتون .... |
........
..... شكرا تماضر مع أعمق ايات التقدير الاخوي....
كمال
|
Post: #101
Title: Re: السمحين متخرجين
Author: Tumadir
Date: 05-20-2006, 07:13 PM
Parent: #97
Quote: ....أبداع ثقافي
أنحياز خلاق ومبدع لجماهير شعبنا ولقضايا المرأة والمهمشيين ....
.....وفوق هذا بناء أسرة عظيمة ناجحة ومتفوقة.....نعرفها من ثمارها
التي نثرت بعضا منها تماضر:
|
كمال عباس
شكرتنى والله..اقول شنو؟؟
الله يكرمك ويعزك ياخى
والف شكر وجميل عرفان للتهنئة والكلام الطيب وعقبالكم..
اما الوطن والانحياز ...فهذا اقل ما يمكن ان نحب به ناس الوطن.
|
Post: #102
Title: Re: السمحين متخرجين
Author: Hussein Mallasi
Date: 05-20-2006, 07:17 PM
Parent: #97
الف مبروك.
|
Post: #104
Title: Re: السمحين متخرجين
Author: Elkhawad
Date: 05-20-2006, 07:41 PM
Parent: #103
تماضر مبروك ليهم وليك بيهم
|
Post: #138
Title: Re: السمحين متخرجين
Author: Tumadir
Date: 05-21-2006, 07:34 PM
Parent: #104
الخواااااض
شكرا يا ظريف..
بالمناسبة البنات الكانوا هنا الليلة معانا قالوا بتشبه سارية ..وفعلا فيك ملامح منه ..
تكون ودخالتو ونحن ما جايبن خبر؟؟
عموما الفيديو مطرب..والرقيص رهييييب ..حبيناه وفرحنا معاه شكرا ليك
|
Post: #115
Title: Re: السمحين متخرجين
Author: نجوان
Date: 05-21-2006, 00:24 AM
Parent: #103
يا ســــــلام!
الف الف مبروك!
ما في اجمل من كده... هو نجاحك ايضا يا تماضر.. يا ام تدري تماما ما تفعل...
كم انا فخوره لكم...ولدة السرور و رباية الهنا..
ومزيد من النجاحات ورفع اسم السودان عاليـــــــــا...
(شكرا تماضر..كده يومي ابتدأ بابتسامه بحجم الوطن)
|
Post: #139
Title: Re: السمحين متخرجين
Author: Tumadir
Date: 05-21-2006, 07:37 PM
Parent: #115
| Quote: كم انا فخوره لكم...ولدة السرور و رباية الهنا.. |
السرور حالك وفالك..يا رقيقة ..
والحمدلله البديتى يومك ..مشرق..وان شا الله كل ايامك مشرقة ...يا مشرقة ..
|
Post: #105
Title: Re: السمحين متخرجين
Author: ديامي
Date: 05-20-2006, 07:44 PM
Parent: #97
ألف ألف مبروك لك ولصلاح ولقصي ولسيرين
ومن نجاح إلى آخر بإذن الله
لنا أن نتسلبط أيضا في سيرين
لأننا كنا شاهدين على بدايات تفوقها
هناك في كوالا لمبور
|
Post: #140
Title: Re: السمحين متخرجين
Author: Tumadir
Date: 05-21-2006, 07:40 PM
Parent: #105
Quote: لأننا كنا شاهدين على بدايات تفوقها
هناك في كوالا لمبور |
بالله انتو اهلها الزمان ...سعيدة بمعرفة المعلومة ..
اما نبوغها فبدا من المهد..ومازال اصدقائى فى المعهد يحفظون لها كلامها الحلو..وقفشات الطفولة ..
ما اختلفنا....
|
Post: #117
Title: Re: السمحين متخرجين
Author: ابوحراز
Date: 05-21-2006, 00:56 AM
Parent: #97
زمان الناس أول شيء بتهني الخال
وياكافي البلاء الخال لسه ماشفناهو حايم مع الناس
صدقيني خبر مفرح وسعيد جداً
وهذا النجاح ليس لسيرين وقصي وتماضر وصلاح وصفية وهمرور
بل لأكثر من 30 مليون سوداني
الآن جعلتمونا أكثر قامة
وشعرنا اليوم بان السودان بخير
وابناء السودان بخير
وأمهات السودان مازلن مليئات بالخصوبة !!!
اهنيك واهني كل من وقف خلف هذا النجاح
أهنيك أنتي لأنك خبزتي قلبك كعكة ليس لهؤلاء الناجحين
بل لكل أهلك
جميل هذا النجاح
والأجمل منه ان تشركينا معك افراحك
وخبزك
وكعك
وعدسك وفومك وتفاحك
طبعاً عندما كنت صغيراً كنت أكره الفيزياء وملاح القرع
أحببت الفيزياء مؤخراً بعد أن بدأت اقرأ علوم الفضاء
ويسيل لعابي لكولومبيا وديسكفري
أما ملاح القرع فما زلت أكرهه حتى الآن
فهو دائماً يذكرني بصفحة الوفيات في الجرايد
نريد من سيرين وقصي ان يرفعوا السودان
وقامة السودان بعلمهم هذا
وأن لايمشوا في درب التمثيل
لأن التمثيل في السودان صراحة مافيهو قروش
كل الممثلين مفلسين
ويموتون موتة ضان
رغم ذلك الفن المليء بالبريق الذي يضيئون به دنيانا
مبروك
وتقبلي التهنئة من الصغيرة { مآرب أخرى }
|
Post: #141
Title: Re: السمحين متخرجين
Author: Tumadir
Date: 05-21-2006, 07:50 PM
Parent: #117
Quote: أهنيك أنتي لأنك خبزتي قلبك كعكة ليس لهؤلاء الناجحين
بل لكل أهل |
حلو التعبير يا ابو حراز
وحلوة كل القطعة الفنية الصادقة دى لينا ..
فى العين والراس كل الوصايا الا حقة المسرح دى ..
نحن المسرح ده ما بنلعب فيه
وحسة البت دى لا انا القلت ليها مثلى ولا شغلتى ..برااااها لقت روحها كده..
هى الليلة قالت مشاريعها بتاعة المستقبل انها ما تقوم من الكرسى ده...
شكرا جزيلا..وعقبال مآرب "اخرى"
|
Post: #129
Title: Re: السمحين متخرجين
Author: يازولyazoalيازول
Date: 05-21-2006, 06:12 AM
Parent: #97
Quote: اخبزى ياتماضر وغنى لى سيرين
الفرح المدفق خمّريهو عجين
زغردى ياصفية عشان قصى الزين
مبروك النجاح بركة دعا الوالدين !! |
لم تسعنى الفرحة أن أضيف حرفاً على ما كتبته البنية الفنجرية فهى فعلا تعبير صادق عن ما يجيش فى صدرى
وأجمل ما فى الموضوع:
أن قصى ولدى
وسيرين بنتى
فهنئيا لى بأولادى وبناتى ، وعقبال الباقين
تسلمى يا تماضر ، ونسيت أن اقول أن صلاح عوض الله قضى بيننا أحلى الأوقات ما بين دارى ودار ابوعبيدة أبان عودته للسودان فى الأيام الفائتة وأعدنا سوياً أحلى الذكريات وقد أهديته العديد من السيديهات وعلى رأس الهدايا وصية والدى ووالده (شيخ الدين جبريل) التى أصبحت ضمن مقرر الأولاد فى المنزل ، فلا تنسى أن يحفظها العيال عن ظهر قلب فهى لهم حجاب من الشيطان
الله يديكم العافية ويفرحكم كمان وكمان
تهانينا
|
Post: #142
Title: Re: السمحين متخرجين
Author: Tumadir
Date: 05-21-2006, 07:52 PM
Parent: #129
الخال
شريك الوالد..
تفرح بى نبراس وصهيب
فى القريب المابعيد..
وتسلموا من كل الشرور..
ويغتيكم الله من عين الحسود ..
افرحتنىكلماتك جدا..
وسيرين قريبا بى طرفكم
|
Post: #137
Title: Re: السمحين متخرجين
Author: هاجر سيد احمد
Date: 05-21-2006, 03:56 PM
Parent: #97
العزيزه تماضر
هذا الشبل من ذاك الاسد.. ..فما غريب عليهما النجاح..ولا مشحودين عليه..فالحضن اللماهم ..ليس فيه غير التفوق ..لك كل الفرح ولهم مزيدا من النجاح والتقدم..
|
Post: #159
Title: Re: السمحين متخرجين
Author: Tumadir
Date: 05-22-2006, 03:32 PM
Parent: #137
هاجر سيد احمد وأكرر لك التهنئة على نجاحك..
وما غريبة عليك..
والف شكر لتهنئتك الحلوة ..
|
Post: #144
Title: Re: السمحين متخرجين
Author: محمد بهنس
Date: 05-21-2006, 08:12 PM
Parent: #97
نشارككم الفرحة..تبريكاتي لسيرين وقصي
..
..
تحيه قلبيه
|
Post: #160
Title: Re: السمحين متخرجين
Author: Tumadir
Date: 05-22-2006, 03:33 PM
Parent: #144
بهنس
فعلا التحية قلبية ..لان القلب تلقفها فورا..من جانبنا
ولك محبتى
|
Post: #106
Title: Re: السمحين متخرجين
Author: Salwa Seyam
Date: 05-20-2006, 07:48 PM
Parent: #1
الف مبروك ياتماضر
التهنئة لك ولهم ولكل الأسرة
ومزيدا من النجاحات والتفوق ......
|
Post: #161
Title: Re: السمحين متخرجين
Author: Tumadir
Date: 05-22-2006, 03:34 PM
Parent: #106
سلوى صيام
يا عروسة كل المواسم
اشكر لك عطفك..
وطيب خلقك وروحك..
|
Post: #107
Title: Re: السمحين متخرجين
Author: Elmuez
Date: 05-20-2006, 07:56 PM
Parent: #1
سيرين و عين الله ترعاكي
تهاني الحارة و لقصي كمان,
! what a day
enjoy it all
|
Post: #108
Title: Re: السمحين متخرجين
Author: عاصم الطيب قرشى
Date: 05-20-2006, 08:43 PM
Parent: #107
سلام تماضر,سيرين,قصى وكل أصدقاء الفرحة
والسعادة بنجاحنا.
مبروك كتير يا تماضر وبالتوفيق الدائم
لسيرين وقصى وكل أبناءنا وبناتنا.
وقولى لى سيرين:
العلم والفن كان تاه فى الدنيا كلها
ما ظنيته يضل طريقه لحوش شيخ الدين.
إن شاءالله طعم النجاح ما يبرح إحساسنا,عسى ولعل
أن يطغى على كل مر تجرعناه.
أبشرى بالخير دربك مرق
أخوكم عاصم الطيب
|
Post: #109
Title: Re: السمحين متخرجين
Author: ابوعسل السيد احمد
Date: 05-20-2006, 09:11 PM
Parent: #108
مبارك
مليون لسيرين الجميلة بت تماضر الأجمل..
مبارك
ألف ألف لقصي همرور آل شيخ الدين و شيخ النجباء..
و عقبى لهما الماجستير و الدكتوراة
و صلاة النبي.
تحياتي
و إن شاء الله نلحق الخبيز
عشتم
|
Post: #169
Title: Re: السمحين متخرجين
Author: Tumadir
Date: 05-22-2006, 05:05 PM
Parent: #109
عاد ده كلام ده يا ابو عسل؟؟
الاجمل ياتو فينا؟؟
فى أم بتكون اجمل من بتها ولا دى مناورات منك ساى؟؟ ههههه
تحياتى واشواقى ..
|
Post: #173
Title: Re: السمحين متخرجين
Author: ابوعسل السيد احمد
Date: 05-22-2006, 06:15 PM
Parent: #109
في بلاد العم السام
هناك واحدة فقط يقال لها الجميلة..
و هي سيرين ما غيرها.
في بقية بلاد العالمين
تماضر هي الأجمل
من غير شك
و القدم ليه رافع
بحول واحد أحد
وُد خالد للجميلتين
أشواق و إحترامات
|
Post: #163
Title: Re: السمحين متخرجين
Author: Tumadir
Date: 05-22-2006, 03:50 PM
Parent: #108
Quote: العلم والفن كان تاه فى الدنيا كلها
ما ظنيته يضل طريقه لحوش شيخ الدين. |
كتر خيرك مع انه حوا والدة يا عاصم الطيب..
واتمنى اسمع عنك وعن فرحتك ونجاحاتك..
|
Post: #162
Title: Re: السمحين متخرجين
Author: Tumadir
Date: 05-22-2006, 03:38 PM
Parent: #107
المعز
we have
والله العظيم زى ما اقول ليك..
وشكرا لك كثيرا كثيرا
|
Post: #110
Title: مبروك
Author: mohmmed said ahmed
Date: 05-20-2006, 10:39 PM
Parent: #1
الف مبروك
هذه الغزالة
من تلك الظبية
|
Post: #165
Title: Re: مبروك
Author: Tumadir
Date: 05-22-2006, 04:21 PM
Parent: #110
محمد سيد احمد
انت كنت شغال صياد قبل كده؟؟
عقبال الظبا الفى بيتك
|
Post: #111
Title: Re: السمحين متخرجين
Author: بدرالدين شنا
Date: 05-20-2006, 10:57 PM
Parent: #1
من زمااااااااان متمني أشوف صورة عالية بت فاطنة أخت عشة بت فاطنة أها وكت لقيتا هنا وفرحت بي شوفتها قلت أنزلها ضمن افراحي وتهانيني بمناسبة تخريج السمحين
ويا ربي تحفظهم جميعاً
|
Post: #166
Title: Re: السمحين متخرجين
Author: Tumadir
Date: 05-22-2006, 04:44 PM
Parent: #111
والله صورة عالية براها تهنئة
لكن ضحكتنى الفكرة
شوووووووووكرن يابدر
|
Post: #272
Title: Re: السمحين متخرجين
Author: Alia awadelkareem
Date: 05-29-2006, 06:58 AM
Parent: #111
Quote: من زمااااااااان متمني أشوف صورة عالية بت فاطنة أخت عشة بت فاطنة أها وكت لقيتا هنا وفرحت بي شوفتها قلت أنزلها ضمن افراحي وتهانيني بمناسبة تخريج السمحين
ويا ربي تحفظهم جميعاً |
بدرالدين
نهارك ود
شكرا علي الدعوه الصالحه
لكن الضحك كتلني الزمن دا كلوا مقطعوا في مصارينك ما كنت تقول
كنا وريناك الخلقه من زمان...
اها ولد ولا بت...؟؟؟
محبت
|
Post: #112
Title: Re: السمحين متخرجين
Author: هشام المجمر
Date: 05-20-2006, 11:55 PM
Parent: #1
تماضر السكر
معليش أتأخرت عليك شوية اول مرة اشوق البوست
نجاح السمحين هو إمتداد لنجاحاتكم
سيرين والله سرتناوكمان همرور
نان كده نخنق؟
|
Post: #116
Title: Re: السمحين متخرجين
Author: احمد العربي
Date: 05-21-2006, 00:41 AM
Parent: #112
ماذا نتوقع من خلية النحل
الجميله ام الجمال
فرح لا تحمله الكلمات
تلك الزهره لها الاماني بالنجاحات المتواصله
وجمال العبير لتتخطى حواجز المستحيل تربعا
على عرش التمدد اليانع
تهنئه من القلب
اسمعيني ياتماضر
كلام سر
عرسي لي الفيزيا دي امكن الخلايا بتاعتي دي تترتب
من البعثره الهي فيها دي
|
Post: #171
Title: Re: السمحين متخرجين
Author: Tumadir
Date: 05-22-2006, 06:07 PM
Parent: #116
Quote: فرح لا تحمله الكلمات
تلك الزهره لها الاماني بالنجاحات المتواصله
وجمال العبير لتتخطى حواجز المستحيل تربعا
على عرش التمدد اليانع
تهنئه من القلب
|
احمد العربى يالكلماتك الجميلة ويا لتهنئتك الرفيعة..
ده عن الجزء الاول
عن الجزء التانى ..البت عصمتها فى يدها .."قلت لى انت دفعة خالها تبارك ولا منو؟؟"
|
Post: #168
Title: Re: السمحين متخرجين
Author: Tumadir
Date: 05-22-2006, 05:03 PM
Parent: #112
يا دهب السبايك
يالصافى ومجمر
ولا يهمك مافى تأخير
يا أصيل
ونجاح ناس سارة وسهى ..المن حسة بدا رشاشو شايل..
"نكون وين يارب لى الزمن داك؟"
وبعدين هى ما كدى
هى:
هى نان نخناااااق؟؟
هى نان نعووووم؟
هههههههههههه
|
Post: #113
Title: Re: السمحين متخرجين
Author: Omar Bob
Date: 05-21-2006, 00:08 AM
Parent: #1
الفاضله تماضر:
لسيرين وقصي التبريكات بالنجاح
وعقبال الدكنوره
ولك التجله والاحترام
وانتي تحملين هم الوطن لاجل مستقبل افضل
وتساندين اسرتك الصغيره لنجاحات اكبر واكبر
|
Post: #174
Title: Re: السمحين متخرجين
Author: Tumadir
Date: 05-22-2006, 06:16 PM
Parent: #113
Quote: وانتي تحملين هم الوطن لاجل مستقبل افضل
وتساندين اسرتك الصغيره لنجاحات اكبر واكبر |
الله يباركك يا عمر بوب
اول مرة زول يخت لى اسباب واضحة لى وجع الضهر الماسكنى ده...هههههه
ياااه شكرا ليك ولحضورك هنا..تمنياتى لك وللصغيرة الوليدة ..وأمها بكمال الصحة والنجاح والتفوق ..
|
Post: #114
Title: Re: السمحين متخرجين
Author: DKEEN
Date: 05-21-2006, 00:17 AM
Parent: #1
تم دور واتدور بيت تمادر نور
بي بدر التمام ..
الف مبروك هذه الانجازات يا تماضر
عقبال الصغيرونة ام صوت لذيذ بتاعةالانصر ماشين ديك ..
والدكترة ووكالة الطاقة الذرية..
|
Post: #118
Title: Re: السمحين متخرجين
Author: manubia
Date: 05-21-2006, 01:05 AM
Parent: #114
العزيزة تماضر الف مبروك النجاح لابنتك و لياهو زاتو , جميل جدا ان يستفتح الواحد يومه بهذه الاخبار المفرحة , ربنا يخليهم ليك و عقبال الدكتوراة .
-------------------
www.alsudanitravel.com
|
Post: #175
Title: Re: السمحين متخرجين
Author: Tumadir
Date: 05-22-2006, 07:05 PM
Parent: #118
شكرا يا منوبيا
وكويس انه ادينا يومك ..نفحة عطرة من الصباح
لو باريتنا بتكون كل ايامك افراح,..
لانه العيال فى الصف واقفين ومبشريننا بالنجاح ربنا يخليهم ويخلى ليكم العندكم ويفرحكم بيهم
|
Post: #212
Title: Re: السمحين متخرجين
Author: Tumadir
Date: 05-22-2006, 09:13 PM
Parent: #114
| Quote: عقبال الصغيرونة ام صوت لذيذ بتاعةالانصر ماشين ديك . |
الصغيرونة بتاعة الفويس ميل
مش اتفلهمت علينا يا دكين
سجلتها وهى عمرها سته سبعة سنين
اول ما كبرت وبقت 12 سنة ..اول حاجة شنفتها الرسالة دى وقالت "بليدة" ..بالانجليزى طبعا
وطااااش مسحتها.. وخلت اضانا واضان البضربو لينا ملح ملح
ههههه
شكرا على عبورك "ياوحش الشاشة"
وعليك الله وكت جيت لحدى هنا خلى المساخة والدغالة البتعمل فيها مع "المرأة" دى ..انت تبدو احسن من كده كتير
وخاصة وكتابتك جميلة ومدهشة ..بس ما ناقصاك الا "الاخلاق" ...مش بقولو الكلام الاخلاق؟؟ بس دى المحتاج ليها انت
هههههههه
وتحياتى العامرة
|
Post: #119
Title: Re: السمحين متخرجين
Author: ودقاسم
Date: 05-21-2006, 01:29 AM
Parent: #1
أمنياتي لهم بمستقبل باهر ، وحصاد كبير ...
|
Post: #176
Title: Re: السمحين متخرجين
Author: Tumadir
Date: 05-22-2006, 07:07 PM
Parent: #119
شكرا يا ود قاسم ونفس الامنيات واخضر منها لك ولاسرتك
"مالها تهنئتك دى مسييييخة كده ..فى حاجة مزعلاك مننا لا سمح الله ؟؟"
|
Post: #120
Title: Re: السمحين متخرجين
Author: عمر الفاروق
Date: 05-21-2006, 01:47 AM
Parent: #1
النجاح ده حاجة سمحة خلاص ...
كل الأمنيات لهم بالتوفيق ..
الف مبروك ..
|
Post: #121
Title: Re: السمحين متخرجين
Author: Bakry Eljack
Date: 05-21-2006, 02:07 AM
Parent: #120
الشامخة بت شيخ الدين
بما انني غائب منذ دهور ولا علم لي لا بافراحك و لا باتراحك السابقة
تقبلي عزاائي فى كل فقدلديك حل طوال غيابي
اما الان فانت علي سارية الجبل تفتحين صدرك للريح
و تبتسمين ملء الشدق و لا تفكرين بما سيفعله بك الفرح الجميل
فما اجمل ان تكون فخورا ببعض منك
وها انت و الاسرة
تفخرون بهم
الي المجد
ولسيرين و قصي كل الدرب اخضر وكل الحلم
بكري
|
Post: #122
Title: Re: السمحين متخرجين
Author: nazar hussien
Date: 05-21-2006, 02:17 AM
Parent: #121
مليون تبريكاتنا لقصي وسيرين...يا تماضر ربنا يحفظهم
ويجعلهم( ذخر) والله ذخر دي كان سمعتي اهل الخليج بنطقوها
كيف...يقربوا يقحوا...وان شاء الله دائما فرحانين
ومبسوطين
وما نجيك في احباط......يعني الاحباط الزمان داك كان ساكت
اريتو احباطي بعد ها الحال كان بتعقبو عالمة فيزياء...بهذه
العبقرية...
|
Post: #123
Title: Re: السمحين متخرجين
Author: Munir
Date: 05-21-2006, 02:27 AM
Parent: #122
 ألف مبروك للسمحين يا تماضر شيح الدين .. ودومآ الي العلا .. الي العلا ..
|
Post: #179
Title: Re: السمحين متخرجين
Author: Tumadir
Date: 05-22-2006, 07:15 PM
Parent: #122
Quote: ويجعلهم( ذخر) والله ذخر دي كان سمعتي اهل الخليج بنطقوها
كيف...يقربوا يقحوا. |
هههههههههههههههههه
لا حظت انهم بقولو "ماقصرت...الراجل ما قصر" لكن بلكنة كده لذيذة جدا..يعنى الحروف واااااضحة لمن الزول فعلا يفهم انه ما قصر...
والله يا نزار "غايتو؟" الله يجازيك
اما عن الاحباط فكان له اسباب عدة..اولها "غسيل العدة" ...وثانيها غياب سيرين ..كانت بتجينا فى الويك اند وفجأة بقت مشغولة وبقيت برااااااى مع المفلهمين ديل ..محمد ويسرى ..كمال ترباس ما بيعرفوه..لا ونسة لا ضحك..بس شغل وخدمة
اما ثالثها ورابعها وخامسها وانت ماشى ..فليس للنشر ..وبعضها rated R
ههههههههه
|
Post: #178
Title: Re: السمحين متخرجين
Author: Tumadir
Date: 05-22-2006, 07:10 PM
Parent: #121
بكرى الجاك
ولماذا انت غائب يا فتى؟؟؟
وانت تدرى تماما ان وجودك هو صمام أمان لكثير لمن هنا..ولكثير من القضايا الحساسة والمواضيع الساخنة..
عموما حضورك اليوم هنا مصدر آخر من مصادر سعادتى ولك جزيل الشكر على كلماتك المبشرة المتفائلة ..
وأرجو الايطول الغياب مرة اخرى ..
محبتى الوافرة
|
Post: #177
Title: Re: السمحين متخرجين
Author: Tumadir
Date: 05-22-2006, 07:08 PM
Parent: #120
وامنياتى لك بالتوفيق ...فى حياتك وفى البورد ... يا عمر الفاروق
|
Post: #124
Title: Re: السمحين متخرجين
Author: أحمد الشايقي
Date: 05-21-2006, 02:36 AM
Parent: #1
تماضر
مبروك تخريج الوليدات
وتحضري (جديدهم) ان شاء الله
ربنا يهنيكم بيهم ويهنيهم بيكم
صادق التهانئ وفرح غامر
المخلص
أحمـد الشايقي
|
Post: #126
Title: Re: السمحين متخرجين
Author: عشة بت فاطنة
Date: 05-21-2006, 05:36 AM
Parent: #124
معليش اخر من يعلم كالمتاد
الف مبروك لست الناس السمحة الفنانة
بت تماضر شيخ الدين -سيرين صلاح
والمفكر الصغير قصي همرور شيخ الدين
الف مبروك
وزغرودة
فرح
لسيرين
وسيرين
سيرة
جامعة
لكل الخصال
أدب
وفن
علم
رسم اكتمال
معجونة
بعطر
المنى
مخلوقة
من
طين
الجمال
سيرين
رقة
صورة
وكمال
وأفق واسع
فاق الخيال
سمحة
اسم
سمحة رسم
والحب وسم
لقلبها
الشايل
العباد
سيرين
سماحة
الدنيا
من فالة
مواكب
الفرحة
شبالة
سبحان
الابدع
الخلاق
وربنا يحفك سيرين ومزيد من النجاحات
|
Post: #181
Title: Re: السمحين متخرجين
Author: Tumadir
Date: 05-22-2006, 07:23 PM
Parent: #126
واااااااااااااااااجمالك يا عشة
واااااااااحلاتك..
وياحليل الخوة
عجبتنا كلماتك الجميلة ..وتصويرك الراقى ..وزهورك البديعة ..وشعورك الطيب..وومودتك العميقة ..وكله ...الله عالم....ياهو العندنا ليك ولى سارية وعمرو ورانية وهيبو..وبيرق لو ما اكتر
ياكى حبيبة قسانا وشريكة بلانا وما عدمناك..
والقلوب شواهد
شكرا لتجميل افراحنا بحبك
|
Post: #180
Title: Re: السمحين متخرجين
Author: Tumadir
Date: 05-22-2006, 07:19 PM
Parent: #124
| Quote: وتحضري (جديدهم) ان شاء الل |
زمان يا احمد الشايقى لما اسمع ناس امى يقولو تحضر جديدهم دى كنت بستغرب استغراب..مفتكراها "هدوم" واقول يعنى ما اصلو حيحضروها مش هم الحيشتروها..
المهم حسه كبرنا وبقينا نشترى الهدوم ونتكلم عن جديد تانى ...غيرها ....ههههههه
توووووووشكر يا عظيم..
وتحضر "جديد" وليداتك ..غير الهدوم..
|
Post: #125
Title: Re: السمحين متخرجين
Author: الفاتح وديدي
Date: 05-21-2006, 04:58 AM
Parent: #1
.......
......
|
Post: #127
Title: Re: السمحين متخرجين
Author: احمد العربي
Date: 05-21-2006, 05:46 AM
Parent: #125
والله الواحد ما باقي ليهو الا اطير يجيكم
حتى شويه يروق من فرحتو دي
|
Post: #183
Title: Re: السمحين متخرجين
Author: Tumadir
Date: 05-22-2006, 07:27 PM
Parent: #127
احمد العربى
الزول لما اصلو فرحان..يقوم يجيب صورة شينه زى دى ؟؟؟
الناس حسة محطرمانى وانه انا بتى متخرجة ..تجى تجيبنى فى لحظة عوارة زى دى ؟؟
عافية ليك ..
الريدة ليها تمن..
وياريت نشوفك "طاير" علينا حتى لو بطيارة عصام احمد ديك ....هههههه
تحياتى وشوقى الحار
|
Post: #182
Title: Re: السمحين متخرجين
Author: Tumadir
Date: 05-22-2006, 07:24 PM
Parent: #125
وشكرا كمان يالفاتح وديدى انك زدت على الكرت الحلو..بكرت التلفون .."الماااااحلو" واتصلت
اشكرك كتير على مودتك الخالصة ..ولك مثلها ..وزد عليها كثيرااااااا
|
Post: #128
Title: تقرُّب
Author: محمد حسبو
Date: 05-21-2006, 06:02 AM
Parent: #1
تماضر
نبارك ليك تفوّق سيرين، و من ثم نتمنّى ليها هي بيت مال و عيال، بنات و بنين يفسّروا ليها الاحلام بي نظام البيان بالعمل – الاحلام باعتبارها تحقيقا لرغبة
انا كنت ما في، ما في كلو كلو، يعني عشان ما تحمّري لي
اما قصي، و الله قايلو متخرِّج شيء اجتماع، تاريخ، فلسفة، معاك لغاية فصاحة، لكن هندسة! يعني الثقافة دي كلها اوقات فراغ، عاد يالعُمر اعفِ لينا
مُبارك قصي، و أجمِل بثرائك
|
Post: #130
Title: Re: تقرُّب
Author: بدر الدين الأمير
Date: 05-21-2006, 06:38 AM
Parent: #128
تماضر
ارجو الاتصال عبر الهاتف 009745839017
|
Post: #131
Title: Re: تقرُّب
Author: عاصم محمد شريف
Date: 05-21-2006, 07:48 AM
Parent: #130
مليون مبروك التخرج -سيرين وقصى
ومزيدا من النجاحات
والف مبروك ليك يا تماضر
عاصم / هاجر
|
Post: #132
Title: Re: تقرُّب
Author: Rasha Hatim
Date: 05-21-2006, 08:16 AM
Parent: #131
الرائعة والمبدعة والجميلة تماضر
هذا الشبل من ذاك الاسد, واكفي القدر على فمها تطلع البنت لامها
لم يكن لابنائك الا ان يكونوا متفوقين وناجحين وفوق هذا وذاك, لا بد انهم محبوبين من الجميع.
فانت شمعة وضاءة بهية, فلا اقل من ان تكافئي بنجاح من تضيئين لهم.
الف مبروووووك وعقبال العرس.
|
Post: #187
Title: Re: تقرُّب
Author: Tumadir
Date: 05-22-2006, 07:50 PM
Parent: #132
| Quote: هذا الشبل من ذاك الاسد, واكفي القدر على فمها تطلع البنت لامها |
عرفنا الشبل من ذاك الاسد
الدمييييييييل ده ..حق منو؟؟
والله بتك حلوة حلاة ..
اقصد البت الفى الصورة ..يمكن بت اختك او بت خالتك ..
ماشاء الله يا ارض احفظى ما عليك..
وتفرحى بنجاح المعاك
والله من كم يوم بفكر امشى اقرا حاجاتك واشوف الناس "هاجمين عليك كدى ليه؟"
اصلو المنبر ده فيه تيرمومترات خاصة بتوري البنات الحربيات ..من غيرهم وخصوصا لما تكون هجمة "اسد"
الليلة الاسود دى مالها كترت كده؟؟
المهم عليك السلام..وكل الجمال
|
Post: #186
Title: Re: تقرُّب
Author: Tumadir
Date: 05-22-2006, 07:44 PM
Parent: #131
عاصم وهاجر
وكل المحبة
اشكركما شكرا كثيرا على هذه التهنئة واتمنى لكما دوام السعادة والهناء ..وان اشارك فى افراحكما القريبة
|
Post: #185
Title: Re: تقرُّب
Author: Tumadir
Date: 05-22-2006, 07:31 PM
Parent: #130
يا بدر الدين يا امير
كان جميلا ان احادثك.
|
Post: #184
Title: Re: تقرُّب
Author: Tumadir
Date: 05-22-2006, 07:30 PM
Parent: #128
Quote:
انا كنت ما في، ما في كلو كلو، يعني عشان ما تحمّري ل |
مااااابحلك مابحلك ..يا محمد جسبو ..
يارجل ياراقى ..
ما لايماك ابدا ..واهو انت جيت..اللوم فى شنو؟؟
الا المحنة...
وفعلا قصى راجل جدير ..وعميق وواااااسع الافق..ربنا يخليه
سيرين بتى ..كان قلت اكتر من القتو بقولو "شكارتا ....الخ المثل البايخ داك"
كتتتتتتتتتتتر خيرك وبارك الله فيك .."باللهجة العجوزة ديك" عشان معناها يصل...
|
Post: #133
Title: Re: السمحين متخرجين
Author: الجندرية
Date: 05-21-2006, 11:06 AM
Parent: #1
السمحين
الف مبروك
النجاح برايكم في كل خطاويكم يارب
|
Post: #134
Title: Re: السمحين متخرجين
Author: Khalid Kodi
Date: 05-21-2006, 02:28 PM
Parent: #133
نحن فخورين بسيرين،
بنجاحها وبالتزامها تجاه أهلنا فى السودان.
فهى شمس.
ولن نقبل منها غير التفوق.
مبروك للأستاذ همرور
|
Post: #190
Title: Re: السمحين متخرجين
Author: Tumadir
Date: 05-22-2006, 07:57 PM
Parent: #134
خالد كودى اخونا
والله ما قلت الا الحق
فى سيرين
وقصى
وانت واحد من الناس البنعتبرهم قدوة لا ولادنا فى هذا الزمن الصعب
سعيدين بى جوارك
وأسعد منها شعورك النبيل
شكرا وتحياتى للمعاك
|
Post: #135
Title: Re: السمحين متخرجين
Author: عبدالرحمن عزّاز
Date: 05-21-2006, 02:28 PM
Parent: #133
ألف مبروك لسيرين و قصى همرور
وعقبال الدكتوراه...
التهانى موصولة للأسرة والأصدقاء
|
Post: #136
Title: Re: السمحين متخرجين
Author: Emad Abdulla
Date: 05-21-2006, 02:40 PM
Parent: #135
الرائعة تماضر ..
مليون وردة .. و دعوة حلوة
ودايما فايزين و غانمين يارب ..
طول ما وراهم إنتي .. فالناس المدهشين ديل ما ح تجيهم عوجه .
تاني و تالت و .. ألف مبروووووك .
عقبال الشهادات الكبيره ..
وعقبال أولاد كل الناس .
|
Post: #143
Title: Re: السمحين متخرجين
Author: Tumadir
Date: 05-21-2006, 08:04 PM
Parent: #136
يا احباب
والله فى منتهى الارهاق انا
اليوم كان جميل
وكل الصحاب اتلموا ..وفرحنا بسيرين وهى وسط الطالبات مثل الودرة السمراء
احببناها وحضناها وبكينا من كثرة ما فرحنا لها..
واتلمينا واتغدينا وتقبلنا باقات الورود والتهانى والهدايا..وضحكنا كثيرا
وكنتم معنافى الخاطر وفى البال ...راجعنا كلماتكم وفرحنا بها فشكرا على هذا الفرح المعطر المرسل..
ادونى خاتركم ارد عليكم مرة تانية
ودامت افراحكم والاغانى
|
Post: #157
Title: Re: السمحين متخرجين
Author: عثمان سيد أحمد
Date: 05-22-2006, 03:25 PM
Parent: #143
الرائعة دوما تماضر
الف مليار مبروك لسيرين وقصي
وأتمنى دوام الأفراح في داركم العامرة
زمن طويل لم نلتق وتفرقت بنا الايام
وفي هذه اللحظات السعيدة تذكرت ايام مضت
بكل ألقها وبهجتها ايام المسرح القومي بامدرمان واتحاد الممثلين
ومريم محمد الطيب .. وبهذه المناسبة أين تلك الرائعة؟
تلك أيام لن تنسى .. أيام رائعة من الزمن الجميل
لك مودتي ..
لانعاش الذاكرة : عثمان سيد أحمد - فرقة الفاضل سعيد وأضواء المسرح ( سابقا )
|
Post: #194
Title: Re: السمحين متخرجين
Author: Tumadir
Date: 05-22-2006, 08:10 PM
Parent: #157
عثمان سيد احمد
يااااهلا
اولا البركة فينا وفيكم فى ممثل السودان الاجدر استاذ الاجيال الفاضل سعيد
الرائعة مريم محمد الطيب ..دى فى كليفورنيا "مع وليداتها وزوجها" ..
شحيحة المشاركات نعم ولكنها عضو بالبورد ..اعتقد لانشغالها وظروف عملها
تحياتك حتما تصلها..
وتحياتى لك ..لا تحد
افتكر الليلة شفتك بتتكلم عن فرقة فى الرياض
من صميم فؤادى اتمنى لكم النجاح وحسن الانتشار..
وتكونوا خير خلف لخير سلف...
شكرى لك ايضا ممتد بامتداد "ناصر" اقصد "الافق. ههههه
|
Post: #192
Title: Re: السمحين متخرجين
Author: Tumadir
Date: 05-22-2006, 08:04 PM
Parent: #136
| Quote: طول ما وراهم إنتي .. فالناس المدهشين ديل ما ح تجيهم عوجه |
ياعماد انتو تراكم بتقولو "طول" لى "طالما" ؟؟ هههههههه
والله السودان ده لذيذ خلاص
قبل يومين برضو شفت زول بيستعمل كلمة غريبة كده ..كدى النتذكر
يتخيل لى نادية عثمان
والله الا امشى واجيبها ليك واجى ..
المهم ما شغلتنا بى سؤال "الهوية" ده حسة
نحن كنا بنتكلم عن التخريج
ههههههه
مودة والله عامرة ..وشكر مطبق ليك يا عماد عبدالله
ومافى داعى اقول الفى بطنى تانى من ناحية "تشكيل الكتابة" ....
الناس دى كلها عارفة
|
Post: #191
Title: Re: السمحين متخرجين
Author: Tumadir
Date: 05-22-2006, 08:00 PM
Parent: #135
التهانى مش موصولة ساى
التهانى وصلت عديييل كده يا عزاز
لك الف شكر عليها وكل التحايا
|
Post: #188
Title: Re: السمحين متخرجين
Author: Tumadir
Date: 05-22-2006, 07:52 PM
Parent: #133
الجندرية
الفنجرية
طبعا دعوة المحبوب واصلة
آآآآآآآآآمين يارب العالمين..
ونفرح ليك بى هبوية واخوانها ....
|
Post: #145
Title: Re: السمحين متخرجين
Author: yasiko
Date: 05-21-2006, 09:41 PM
Parent: #1
Congratulations
to you and all in USA, Malaysia and Sudan
|
Post: #195
Title: Re: السمحين متخرجين
Author: Tumadir
Date: 05-22-2006, 08:11 PM
Parent: #145
تشكر يا سيد ياسين
البت بتكم..
ونحن نبارك ليك فيها برضو ...
ولا كلامى ما صاح؟؟
الف تحية لك وللأسرة الكريمة
والكواكب احتفلوا بالقمر
|
Post: #146
Title: Re: السمحين متخرجين
Author: Mamoun Ahmed
Date: 05-22-2006, 00:57 AM
Parent: #1
فنانتنا تماضر
بس اهديهم
غنية عشة الفلاتية
مبروك النجاخ
زاد قلبي انشراح
راجينك من زمن
اهلك والوطن
عليك الله ما سمعتيها لمن قبلوكي من المتوسط لي الثانوي
ولا لمن نجحتي في الشهادة؟
اها مبروك ليكم
|
Post: #196
Title: Re: السمحين متخرجين
Author: Tumadir
Date: 05-22-2006, 08:14 PM
Parent: #146
Quote: مبروك النجاخ
زاد قلبي انشراح
راجينك من زمن
اهلك والوطن |
طوااااالى بعد "لم ينجح احد" ديك
تخش امانى
انت قلت عشة الفلاتية لكن اسمها أمانى
شفتنى متذكراها كيف..
ياجماعة ما تغالتونا فى الاذاعة دى ....
هههههههه
وشكرا ليك يا احمد مامون ..مع المودة والاحترام
|
Post: #147
Title: نفرح بيهم
Author: ملكة سبأ
Date: 05-22-2006, 02:28 AM
Parent: #1
|
Post: #148
Title: Re: نفرح بيهم
Author: يازولyazoalيازول
Date: 05-22-2006, 02:44 AM
Parent: #147
فوق لحين عودة الفنانة المرهفة وفى رواية (المرهقة)
والشكر الجزيل لكل من خطّ حرفاً فى هذا البوست نيابة عن (آل شيخ الدين)
وربنا ما يحرمنا منكم يا اجمل الحلوين
|
Post: #149
Title: Re: نفرح بيهم
Author: طلال عفيفي
Date: 05-22-2006, 04:03 AM
Parent: #148
يا سلام !
ألف مبروك يا سيرين ، والله يعمر قلبك بالفرح يا تماضر
سيرين بنت في غاية الإشراق والبهاء ، ربنا يخليها ويفتح
في وشها زهور السكك ..
وكمان قصي ده انا معجب بيهو شديد ، يبدو إنو عندكم حاجه
في الجينات يا آل شيخ الدين تحببكم إلى خلق الله ..
غايتو ، الأداكم بالكوريك يدينا بالمعلقه ، ويجعلو عامر يا ناس ..
...
طلال
|
Post: #199
Title: Re: نفرح بيهم
Author: Tumadir
Date: 05-22-2006, 08:18 PM
Parent: #149
| Quote: غايتو ، الأداكم بالكوريك يدينا بالمعلقه ، ويجعلو عامر يا ناس |
guess who is talking?
طلال عفيفى
ونحن البغرانين..
انت البتقول كده؟؟
يا جميل الحرف يا جميل الروح ياشفاف؟؟
الله قادر...
هههههه
شكرا يا طلال على "التغطية" البصرية الفورية ...وعلى الدوام
وشكرا للافراح والاحزان البتشركنا فيها بالوجدان معاك ومع كل جنس الانسان..يااااامبدع
شكرا كثيرا
|
Post: #150
Title: Re: نفرح بيهم
Author: عشة بت فاطنة
Date: 05-22-2006, 04:05 AM
Parent: #148
هذه الصورة يا سيرين من حفلة العنف في
فينا التي تغنينا بها- ليالي العنف في فينا -
يوما ما سانزل كل احداث هذه الليلة
|
Post: #151
Title: Re: نفرح بيهم
Author: يازولyazoalيازول
Date: 05-22-2006, 04:17 AM
Parent: #150
عشة بت فاطمة
الله ينصر دينك
دى سيرين مع خالها الفنان الوافر شيخ الدين شقيقى المرهف
تحياتى وأنتى تطلين علينا بالوافر ضراعو
بالمنسبة الوافر شيخ الدين يشبه (صلاح عوض الله) والد سيرين وفردة الوافر ، بشكل كبير
الله يديك العافية
|
Post: #152
Title: Re: نفرح بيهم
Author: ودرملية
Date: 05-22-2006, 04:37 AM
Parent: #151
سلامات
وعوافي
تمادور ..
الف مبروك للشباب ..
وبعدين قصي همرور دا زول كبير خلاس ياتماضر التخرج دا من باب الظاهر ..
الف مليون مبروك لكم جميعا ..
|
Post: #201
Title: Re: نفرح بيهم
Author: Tumadir
Date: 05-22-2006, 08:24 PM
Parent: #152
| Quote: وبعدين قصي همرور دا زول كبير خلاس ياتماضر التخرج دا من باب الظاهر . |
فعلا ما قلت الا الحقيقة..
كبير فى عيوننا نحن اكتر..
وغير شخصيته بتاعة الاديب الفيلسوف الفى البورد دى..فى شخصية بتاعة البيت ..الولد زى النسمة والله..أدب ورقة مبالغ فيهم
الله يخليه غايتو ..
وشكرا يا نجم المسرح المقبل
شايفة عدادك رااامى رغم جور العوازل
"الله يحضرنا زمانكم ياولدى"
|
Post: #153
Title: Re: نفرح بيهم
Author: عشة بت فاطنة
Date: 05-22-2006, 04:54 AM
Parent: #150
ليالي
العنف في فينا
يلا غني يا وافر
|
Post: #155
Title: Re: نفرح بيهم
Author: 3bdo
Date: 05-22-2006, 12:15 PM
Parent: #153
تماضر + هشام
سلامااات والف الف مبروك ليهم الاتنين ... لكن باسالك ... يا هو زاتو ده بتاعنا القديم ( ابو لسان ) ؟
|
Post: #156
Title: Re: نفرح بيهم
Author: خدر
Date: 05-22-2006, 02:02 PM
Parent: #155
ده الكلام
وانا راكب القطر راجع من مشوار بعييد
سمعت سودانيين جنبي بتونسو .. طنشت كما العاده
بعد شوية الكلام جاب ليهو تمادر و بتها عرسوها
جيت اشوف في شنو
لقيتها ليكـ فعلا ..عرست الجامعات الامريكيه كلها
ده الكلام .. مبسوط منكـ يا سيرين
تمادر موش خلاص مفروض نتزوج بعد ده
اييييييييييييييييييه
العيال كبرت
مبروكـ سيرين و مبروكـ ام سيرين (2)
|
Post: #158
Title: Re: نفرح بيهم
Author: Tumadir
Date: 05-22-2006, 03:27 PM
Parent: #156
| Quote: بعد شوية الكلام جاب ليهو تمادر و بتها عرسوها |
أجى؟؟
|
Post: #164
Title: Re: نفرح بيهم
Author: القلب النابض
Date: 05-22-2006, 03:58 PM
Parent: #158
مبروك شديد
ومافي شئ يبسط غير النجاح ,,, ونجاح الضنى
تسلمي ليهم وتفرحي بيهم
ومبروك تاني
|
Post: #203
Title: Re: نفرح بيهم
Author: Tumadir
Date: 05-22-2006, 08:29 PM
Parent: #164
شكرا يا القلب النابض
"الامل الرابض"...
ماقلتى الا الصواب..نجاح الجنا ما "متلو شى" هو الجنا ساااى بيفرح خليهو ينجح كمان
يديك ..ويفرحك..
|
Post: #202
Title: Re: نفرح بيهم
Author: Tumadir
Date: 05-22-2006, 08:27 PM
Parent: #153
المرة التخيييينة الواقفة فى يمين الصورة دى منو؟؟
دى بتعرفوها؟؟
انا اصلو مالاحظت ليها فى المؤتمر
وأميمة ..والبت الظريفة ديك.."معليش اسمها راح"
والوافر ميت بالضحك فى نص الاغنية
وعلوية بت رشا بت علوية الفنانة المولودة بسنونا..
أغرب طفلة اشوفها فى حياتى
امها تغنى هى ترقص بدل ما تبكى وتتددلع ..
شكرا يا عشة على انعاش الذاكرة
|
Post: #200
Title: Re: نفرح بيهم
Author: Tumadir
Date: 05-22-2006, 08:21 PM
Parent: #150
| Quote: يوما ما سانزل كل احداث هذه الليلة |
دى صورة نادرة يا عشة
وشكرا للمؤتمر برغم العنف
وانا فى انتظار "يوما ما" دى على أحر من الجمر
|
Post: #197
Title: Re: نفرح بيهم
Author: Tumadir
Date: 05-22-2006, 08:15 PM
Parent: #147
دايما معانا يا ملكة سبأ فى الافراح والاتراح
نجازيك كيف؟؟
غير بالحب المقابل ..والقلب النضيف
شكرا كثيرا..
|
Post: #167
Title: Re: السمحين متخرجين
Author: Nasr
Date: 05-22-2006, 04:55 PM
Parent: #1
Congratulations
|
Post: #205
Title: Re: السمحين متخرجين
Author: Tumadir
Date: 05-22-2006, 08:31 PM
Parent: #167
Thank You
Nasr
شايفاك بقيت خواجة شديييييييد ..الكلام بالقطارة "قايلنى ما عارفاك منو؟؟"
ما شغلتنا
نحن فاتحين بوست عدييييل للتخرج ده
هههههههههه
مع تحياتى
|
Post: #170
Title: Re: السمحين متخرجين
Author: إسماعيل التاج
Date: 05-22-2006, 05:11 PM
Parent: #1
يا سلاااااام
خبر جميل
الآباء والأمهات يحسبوا نبضات العمر في انتظار اللحظات دي.
لا أعرف كيف أستعديتي لتحمل هذا الفرح الطاغي
تهنيئة لك ولـ : قصى/سيرين.
يبدو أنَّ أجمل الشيخاب قادمون.
تحياتي
|
Post: #189
Title: Re: السمحين متخرجين
Author: Yassir Tayfour
Date: 05-22-2006, 07:57 PM
Parent: #170
تماااااااضر
انا جــد سعيد بى
نجاحكم،
فرحكم،
وسعادتكم
الفرح دائما يلتف حول من يبعثه للآخرين
كونو دوما هكذا...
وبخير
|
Post: #207
Title: Re: السمحين متخرجين
Author: Tumadir
Date: 05-22-2006, 08:35 PM
Parent: #189
ياس طيفور
وانا حقا سعيدة بحضورك
ولا أدس عليك
لقد تطلعت لأراك بين احبتى ولتكتمل لى السعادة
شكرا لحضورك الباهى
وتحيتك الرقيقة..
وعقبالك
|
Post: #206
Title: Re: السمحين متخرجين
Author: Tumadir
Date: 05-22-2006, 08:33 PM
Parent: #170
اسماعيل التاج
ومن قال اننى كنت سأطيق هذا الفرح لولا كم
شكرا لكم جميعا
شكرا على تعابيرك العالية
وعلى تهنئتك الرقيقة
ولك المودة
|
Post: #193
Title: Re: السمحين متخرجين
Author: خالد العبيد
Date: 05-22-2006, 08:05 PM
Parent: #1
العزيزة تماضر
تحياتي
فرحنا والله لي سيرين وقصي
رفعوا راسنا
ولك الود
|
Post: #208
Title: Re: السمحين متخرجين
Author: Tumadir
Date: 05-22-2006, 08:37 PM
Parent: #193
خالد العبيد
ومن ذا الذى يكون صديقا لك ولا يمشى مرفوع الرأس؟؟
شكرا يا عزيزى على انك انت انت...
ومحبتى للأسرة واولادك الحلوين عقبال ما نسمع بأخباكم السعيدة ونفرح معاكم ..ونمشى قدام ..براس مرفوع وقلب له اجنحة
|
Post: #198
Title: Re: السمحين متخرجين
Author: Sabri Elshareef
Date: 05-22-2006, 08:16 PM
Parent: #1
ام السمحين وسمحات
فنانتنا الرائعة لقد وجدت ثمرة من ثمار تعبك وشقائك
امتعتي الجميع بوقفة الخشبة بالفن الجاد و كنا نفرح بوجود
اسمك واسم عشه مبارك ونادية بابكر واخواتك المسرحيات الاخريات
مع شقائق النعمان
لقد قدمت نموزج للمراة في شخص سيرين فهي فنانة وعالمة ليس
كعوالم قاردن سيتي فهي افرحتني بهذا النجاح المشرف
فستدخل بوابة علماء وعالمات العالم باذن الله
ادهشني ولا يزال قصي همرور بكتاباته والان بشهادته له مستقبل
زاهر وغد افضل
يستاهلوا ويستاهلن الضبائح ونحن جنوبكم الحبيب نعد لكم
الارض بالزهور والياسمين وحالفين حرام تجونا ونحتفل راي الجميع
شنو
رابطين خرفانا من اليوم ول بكرة
|
Post: #204
Title: Re: السمحين متخرجين
Author: doma
Date: 05-22-2006, 08:29 PM
Parent: #198
سيرين قصي وتماضر مبروك الف مبروك أل شيخ الدين
ان شاء الله ما تكون كملتو الخبيز الا انا جاياكم بي حلاوتي وكل المحبه
. وعقبال الدرجات العليا .
قصي همرور وعيه اكبر من سنوات عمره ربنا يحفظه
. وسيرين اكيد طالعه لامها التفاح لا يتساقط بعيد عن الشجره وتماضر دي وحاه ربي مكمله وما شاء الله عيني بارده عليها هي وبنياتها .
مبروك ليكم ولي كل الحبان البريدوكم وانا منهم.
|
Post: #210
Title: Re: السمحين متخرجين
Author: Tumadir
Date: 05-22-2006, 08:44 PM
Parent: #204
مكملة انتى يا ست الذوق
الخبيز كان كمل
لو جيتى ..نخبزو نانى
ونضبح ليك ..يا جميلة ..
وشكرك لى قصى ..وسيرين ..أنعش روحى ..
لك محبتى الفائضة ..ومودتى الذاخرة
وعقبال العندك يا جميلة الخلقة والاخلاق
|
Post: #209
Title: Re: السمحين متخرجين
Author: Tumadir
Date: 05-22-2006, 08:41 PM
Parent: #198
صبرى الشريف
يا ايها الرجل اللطيف
والله اخجلت تواضعنا بكلامكم الحلو المرتب
ارجو ان تهبنى الزمان مزيدا من السعد بلقائكم ..وجمهور نيوجيرزى ..فاللقاء بكم كان دافئا ..ولا ينسى
كلامك عن قصى .وسيرين .يسعد الروح..
فلك منى بالنيابة عنهما كل الشكر ..والاحترام
هم ابناءكم ويتعلما منكم ..هذا الخلق النيبل.
شكرا كثيرا وفيرا ..
|
Post: #211
Title: Re: السمحين متخرجين
Author: Tumadir
Date: 05-22-2006, 08:46 PM
Parent: #209
وياناس البورد
قطعتوا يدى بالكتابة
التخريج الجايى
كتامى
لا والله بهظر
الكلام معاكم كان جزء هام من احتفاليتنا
والتواصل بيكم كان تواصل مع الاهل.
وفى افراحكم
|
Post: #213
Title: Re: السمحين متخرجين
Author: waleed500
Date: 05-22-2006, 09:18 PM
Parent: #211
Quote: وياناس البورد
قطعتوا يدى بالكتابة
التخريج الجايى
كتامى |
فى زول قال ليك ابقى رائعه
الف الف الف الف مبروك لسيرين
والامر طبيعى مش هى بنت تماضر
الحمد لله القدرتا اكتب
|
Post: #214
Title: Re: السمحين متخرجين
Author: Tumadir
Date: 05-22-2006, 09:23 PM
Parent: #213
شكرا يا وليد 500 الكوز الرقيق
والله الله مرق ليك مداخلتك دى من انها تبيت القوا ..
لانه كنت على وشك قفيل "المحل" ..والانشتات نحو قبلة اخرى ..
المهم لحقت سيد الدكان فى آخر لحظة ودة من حظك
انت لو ما حظك كارب كان "جماعتك" فرحانين بالسودان قدر ده ونحن زعلانين؟؟
المهم ..
"جزاك الله خير" على حضورك ..والتعب التعبتو
وبالمناسبة ياخواض فى ناس كتيرين اشتكوا انه البوست بيقفل قبل ما الزول يقراهو ..ويتخيل لى ده من الفيديو
وليد ده اشتكى لى ..فى المسينجر ...
ممكن تعمل حاجة..الله يبارك فيك؟؟
شكرا وليد
|
Post: #215
Title: Re: السمحين متخرجين
Author: تولوس
Date: 05-22-2006, 09:28 PM
Parent: #214
الف الف مبروووك يا تماضر .. وده هو النجاح الحقيقي .... لك ولاسرتك وابنائكم كل الحب
|
Post: #216
Title: Re: السمحين متخرجين
Author: عشة بت فاطنة
Date: 05-23-2006, 02:41 AM
Parent: #215
الوافر ضراعو يا هشام
ليك يا زول خصوصي
انتي يا تماضر تشوفي
بس .
انت عارف الوافر بشبه منو
ابوكم بس ،نفس التقاطيع
والايقاع
والروح الحلوة ...
ربنا يخليكم يا اولاد
شيخ الدين، انا فرحانة
بعشرتكم القاعد تكبر كلو
يوم..
لازم اعمل البوم من صوركم يعني
حسي باقي لي اصور هشام
وهمرور والمقداد ..والصادق
لازم بلم فيكم يوما ما ستكون
عدستي فرحانة جدا، باكتمال
الالبوم ...
|
Post: #217
Title: Re: السمحين متخرجين
Author: hero
Date: 05-23-2006, 05:39 AM
Parent: #216
...
..
.
تماضر
الأنثى البهيّة والحاضرة
دوما ..
لك كل الفرح .. ولقرة عينك
سيرين وكمان لقصىّ الجميل
عارفه ياتماضر
مفروض سيرين تزيد سنين عمرك
لكنها أنقصتها تماما
لازلت نضرة بكل بهاءك
هذا ..
لك .. ولهم صادق
الأمنيات ...
|
Post: #219
Title: Re: السمحين متخرجين
Author: Tumadir
Date: 05-23-2006, 05:46 AM
Parent: #217
Quote: لازلت نضرة بكل بهاءك
|
اهاااااااااااا
لازلت دى لزومها شنوووووووو؟؟
وشكرا لبهاء كلماتك وحضورك السخى يا هيرو
والعاقبة عندكم فى نجاحات اولادكم ..
|
Post: #218
Title: Re: السمحين متخرجين
Author: Tumadir
Date: 05-23-2006, 05:43 AM
Parent: #216
عشوش الجميلة
والما فرحان بيكم منو يا ولاد فاطنة؟؟
ده العجب متبادل ..واصيل
انا كلمتك قبل كده وقلت ليك:
بحبك؟؟
|
Post: #220
Title: Re: السمحين متخرجين
Author: طارق جبريل
Date: 05-23-2006, 05:51 AM
Parent: #1
حلاتهم وعيني باردة
|
Post: #221
Title: Re: السمحين متخرجين
Author: Tumadir
Date: 05-23-2006, 05:56 AM
Parent: #220
وحلاة بنيتك ام نونات دى يا طارق
عينك ملانة ..
"انت جبريل دى شنو؟؟ بتبقى لينا عمنا ونحن وما جايبين خبر ولا شنو؟؟"
|
Post: #224
Title: Re: السمحين متخرجين
Author: محسن خالد
Date: 05-23-2006, 06:08 AM
Parent: #221
..
طمطم،..
الزولة اللابسة خشبة المسرح كَعَب عالي،
وخايجة عُمُرها نصوص في نصوص،...
أما مشتاقين بصحيح
مبروك لسيرين العسل وللشباب الحلوين ديل كلهم،..
بلغيهم تحياتنا، وفرحة قلبنا ليهم
وبتّك ما شاء الله "تماضر" بالكتشاب
...
|
Post: #225
Title: Re: السمحين متخرجين
Author: Tumadir
Date: 05-23-2006, 06:13 AM
Parent: #224
Quote: طمطم،..
الزولة اللابسة خشبة المسرح كَعَب عالي،
وخايجة عُمُرها نصوص في نصوص،...
أما مشتاقين بصحيح
مبروك لسيرين العسل وللشباب الحلوين ديل كلهم،..
بلغيهم تحياتنا، وفرحة قلبنا ليهم
وبتّك ما شاء الله "تماضر" بالكتشاب |
طيب يا محسن خالد انت لمن بتقول كلام لذيذ "زى ده" بلهجة كردفان دى طبعا
لما بتقول كلام سمح زى ده
محاربنى ليه؟؟
اما زول ما مقهوم..
اضرب التلفون ده كلمتك قلت ليك تلفونك ما بجينى ..
وشكر معفر بالمسك..وود مضمخ بالعطر..وشوق شديد
|
Post: #222
Title: Re: السمحين متخرجين
Author: aosman
Date: 05-23-2006, 06:01 AM
Parent: #1
الأستاذة تماضر
مليون مبروووووووووك وعقبال جائزة نوبل
|
Post: #223
Title: Re: السمحين متخرجين
Author: Tumadir
Date: 05-23-2006, 06:04 AM
Parent: #222
ومليووووووووووووون شكرا لك يا استاذ...
وآمين يارب العالمين جائزة نوبل ما بناباها.
عقبال اولادك.
|
Post: #226
Title: Re: السمحين متخرجين
Author: صديق الموج
Date: 05-23-2006, 06:16 AM
Parent: #1
مبروك يا بت يا جدعة وعقبال نفرح بى جديدنا...هاهاهاهاههاهاهاهاه
|
Post: #227
Title: Re: السمحين متخرجين
Author: Tumadir
Date: 05-23-2006, 06:19 AM
Parent: #226
صديق الموج هوووووووووووووووى!!!
ههههههه
شكرا ياخى وتسلم
وزى ماقت ليك!!
|
Post: #229
Title: Re: السمحين متخرجين
Author: يازولyazoalيازول
Date: 05-23-2006, 06:28 AM
Parent: #227
عشة بنت فاطمة
ياخ إنتى عشة بت شيخ الدين عديل كده
الله يديك كل ما تتمنيه وكفى
|
Post: #228
Title: Re: السمحين متخرجين
Author: طارق جبريل
Date: 05-23-2006, 06:26 AM
Parent: #1
Quote: وحلاة بنيتك ام نونات دى يا طارق
عينك ملانة ..
"انت جبريل دى شنو؟؟ بتبقى لينا عمنا ونحن وما جايبين خبر ولا شنو؟؟" |
تسلمي يا بت القبايل
يا ريت لو كنت عمك كان على الاقل اقول لي ناس المنبر هوووووووووووووي انا عم تماضر
يا ستي دا اسمي الحقيقي لا تزوير لا حاجة وانا شايقي من البركل
على فكرة اخوي الكبير معاكم في امريكا وهو مدير مكتب الشرق الاوسط في واشنطن
واسمه طلحة جبريل
طارق جبريل
الرباط - المغرب
|
Post: #231
Title: Re: السمحين متخرجين
Author: إدريس محمد إبراهيم
Date: 05-23-2006, 06:47 AM
Parent: #228
مبروك تماضر لسيرين وقصي ... وعقبال الدكتوراه ... قلت لي سيرين قلدت الهنديه لامن عرفت حاجه ... ما أصلوا إبن الوز عوام ....
وعليك الله لمه ترسلي الخبيز لتامبا بالـ DHL ما تنسينا ... سمح ...
ألف ألف مبروك ...
|
Post: #247
Title: Re: السمحين متخرجين
Author: Tumadir
Date: 05-25-2006, 08:26 PM
Parent: #231
Quote: وعليك الله لمه ترسلي الخبيز لتامبا بالـ DHL ما تنسينا ... سمح ...
|
ادريس محمد ابراهيم
هاك الكونفيرميشن نمبر بتاع الدى اتش ال:
a564564032156405646546khabeez5013216245640
41
.3249687+8974
651
645
DHL
لما تستلمو ادينا( خبز)...
هههههههه
تشكراتى ياسيد..والهنود شن طعمهم؟؟
|
Post: #232
Title: Re: السمحين متخرجين
Author: يازولyazoalيازول
Date: 05-23-2006, 06:48 AM
Parent: #228
سجيمان الغتيت
إن شاء الله يباركوا ليك السمح
سجيمان الغتيت:
طبعا البوست ده محروس بالدبابات ، عشان نوع (غتاتك) دى ، ترد قبل شوية فى الصفحة التانية ، عشان تدقس تماضر ، وتعمل نفسك زعلان رديت ليك كم يوم وتماضر طنشتك
سجيمان الغتيت:
ألعب غيرها ، قلت مبروك قلنا مبروكين
سجيمان الغتيت:
بنحبك والله عشان نوع (غتاتك) دى
سجيمان الغتيت:
ودعتك الله
(عجبتنى ليك الغتيت دى)
|
Post: #233
Title: Re: السمحين متخرجين
Author: سجيمان
Date: 05-23-2006, 07:06 AM
Parent: #232
هشام التفتيحة
ما يكشف الغتيت...علا.. الغتيت....
لكن والله ما كانت مقصودة
|
Post: #234
Title: Re: السمحين متخرجين
Author: يازولyazoalيازول
Date: 05-23-2006, 07:09 AM
Parent: #233
سجيمان الغتيت
والله العظيم بريدك فى الله
حبيت أشاغلك شوية ، وعارفك (زول الله) ساى
|
Post: #249
Title: Re: السمحين متخرجين
Author: Tumadir
Date: 05-25-2006, 08:46 PM
Parent: #233
سجيمان الغتيت وهشام التفتيحة هشام الغتيت وسجيمان التفتيحة ..شنو يا جماعة مالكم؟
تخريجنا دايرين تقلبوه لينا مغارز؟؟
ههههه
شكرا يا سجيمان ..والحمدلله العرفت نوع فرحة الامهات بى بناتهم واولادهم فى النجاح..
ربنا ينجح ليكم الاتنين ..ويفرحكم ..ونفرح معاكم..
|
Post: #235
Title: Re: السمحين متخرجين
Author: محسن خالد
Date: 05-23-2006, 07:14 AM
Parent: #232
..
Tumadir،..
إزيك يا نونا،
والله مشتاق ليك، غاية الشوق، بالصح صح،
عارفة؟ لو ما جيتينا هنا، وشفتيني براك زي التور المتجكّن بين الكردة، وبين جزيرة
حَرّم لو ضراعي مطلوق، أناضمك وأتونّس معاك لامن بنوّت الآخرة ذاتها يلمّن عدة الجبنة من وشينا
وحَرّم أنا مفهوم بالعربي والتنكليزي، قللي مواد الحساسية شوية وقلّبي صفحاتي من تاني
وبعد دا، هاك دا عُذر نجييض، أنا آسف، وبيناتنا التلفون دا ذاتو،
الواحد لو ما خايف حردتك تطول، كان يقول ليك أوّل مرة أشوف تلفون بشتغل بالعكس،
من عندي بودي ومن عندكم ما بجيب،..
أها نتم الشكلة دي بعدين في التلفون
هسّع عليك الله مساختي دي بتسويبها شنو؟
بالله قبل خمسة دقائق بس، كانت مداخلتي ليك دي، وشوفي كترة حبّانك ديل،
الجوا بعدي في لمح البصر
غايتو عندك مغنطيس قلوب،
مبروك على هذه النعمة،..
ونعمة سيرين
...
|
Post: #236
Title: Re: السمحين متخرجين
Author: مهيرة
Date: 05-24-2006, 04:48 AM
Parent: #235
Quote: نعم الإله على العباد كثيرة
أجلهن نجابة الأبناء |
ألف مبروك وأعذب زغرودة لنجاح سيرين ونجاح قصى
وعقبال النجاحات القادمة والشهادات المميزة
وان شاء الله تفرحى بيهم كمان وكمان ياأم سيرين
وربنا يغتيهم ويحفظهم..ودقر يا عين
والتهنئة موصولة للأخت صفية ساتى أم قصى
ولعموم آل شيخ الدين
تحياتى
|
Post: #237
Title: Re: السمحين متخرجين
Author: wedzayneb
Date: 05-24-2006, 03:18 PM
Parent: #236
سماحة و شطارة
قيل: ذاك الشبل من ذاك الأسد
صاذق التهاني لقصي، سيرين، تماضر، هشام، رشا، و كل من ينتسب لبيت شيخ الدين
الأيّّام حبلي، ان شاء الله، بفتوحات كبري
|
Post: #255
Title: Re: السمحين متخرجين
Author: Tumadir
Date: 05-25-2006, 09:19 PM
Parent: #237
ده المحننا زااااتو يا طارق الفزارى ..
وعينك ملانة ...
شكرا ليك كتير
|
Post: #256
Title: Re: السمحين متخرجين
Author: Tumadir
Date: 05-25-2006, 09:22 PM
Parent: #235
Quote: غايتو عندك مغنطيس قلوب،
مبروك على هذه النعمة،..
ونعمة سيرين
|
طبعا انا وانت متنافسين فى المغناطيس ده زااااتو
ديب ليك بت اسمها سيرين ..ووديها الجامعة تقرا فيزيا..وخليها تتخرج وشوف بعد داك البحصل شنو
هههههه
كان جميلا ان اسمع منك..
وامسحها لى فى فويس ميلى ..
شكرا محسن ..اخونا ...الدايم
والدوام لله وحده.
|
Post: #244
Title: Re: السمحين متخرجين
Author: Tumadir
Date: 05-25-2006, 06:47 PM
Parent: #228
Quote: على فكرة اخوي الكبير معاكم في امريكا وهو مدير مكتب الشرق الاوسط في واشنطن
واسمه طلحة جبريل
|
يا خى اخوك ده ما معانا ..نحن المعاه
وهل يخفى القمر فى سماهو..
فرصة سعيدة العرفناك يا طارق..
وحسة زاد الشرف..
تحياتى للبت الجميلة دى ولاسرتك كلها ولى الاستاذ طلحة جبريل.
|
Post: #238
Title: Re: السمحين متخرجين
Author: Rabab Elkarib
Date: 05-24-2006, 03:28 PM
Parent: #1
مبروووووووك يا تماضر
بالجد فرحانة ليك يا بت بالجد بالجد
رباب
|
Post: #245
Title: Re: السمحين متخرجين
Author: Tumadir
Date: 05-25-2006, 06:54 PM
Parent: #238
| Quote: بالجد فرحانة ليك يا بت بالجد بالجد |
مصدقة يا اصيلة ..
وعقبالكم الافراح يارباب، بعد الاحزان وياها حالة الدنيا.
|
Post: #239
Title: Re: السمحين متخرجين
Author: Hassan M Saeed
Date: 05-24-2006, 04:44 PM
Parent: #1
مبروك قصي همرور ودوام التقدم
و مبروك لسيرين
لقد أدخلتي الفرح في قلب والدتك
أتمنى لكي دوام النجاح ومستقبل مشرق
|
Post: #248
Title: Re: السمحين متخرجين
Author: Tumadir
Date: 05-25-2006, 08:42 PM
Parent: #239
| Quote: لقد أدخلتي الفرح في قلب والدتك |
exactly, my point
هههه
شكرا والله "يدخل الفرح فى قلبك..وقلب البحبوك" عشان تشوف براك
|
Post: #240
Title: Re: السمحين متخرجين
Author: Ibrahim Adlan
Date: 05-25-2006, 01:25 AM
Parent: #1
الف مبروك تماضر لسيرين و همرور و عقبال الدكتوراه و مزيدا من الرقي
|
Post: #251
Title: Re: السمحين متخرجين
Author: Tumadir
Date: 05-25-2006, 08:54 PM
Parent: #240
وتسلم ياراقى
خصوصا وانت خاتى صورة الرجل الجميل ده الله يرحمه..
|
Post: #241
Title: Re: السمحين متخرجين
Author: Ibrahim Algrefwi
Date: 05-25-2006, 03:56 AM
Parent: #1
عشة ياخ انا وافر ده بحبو حب يمكن اشربو عديل...
...
...
مبروك يا طمطم ، مبروكة فرحتك بالشباب الحلوين ،
الشاطرين الفنانين أولاد الفنانين لا خوف عليهم ولا يحزنون
..
أمبارح مشينا أنا وديدي لعمك همرور ابو قصي "أخوي" ما لقيناهو لقينا شاب وسيم عمرو ذي 10سنين كده بلعب (قيم) في اللابتوب ، سالتو قال اسمو محمد همرورـ ابوك وين ؟، قال بمشي وبجي ، انتظرناهو مشينا...
..
الصيف ده كمل ؟!
طمطم ، ابوي انا مشتاقين و مُفلس ومضغوط كنت في المنظمة وحالتي بالبلا وما بجي الانترنيت
ومشتاق ليك ارجوك ارسلي سلام ومحبتي الشديدة لسيرين اما فيما يخص قصي فغايتو...
..
..
يالحِبيَبه ، من محبتي
أنا نفيسة بت الشيخ عبدالرحيم العركي
|
Post: #250
Title: Re: السمحين متخرجين
Author: Tumadir
Date: 05-25-2006, 08:52 PM
Parent: #241
| Quote: بلعب (قيم) في اللابتوب |
كلمنى الفاتح وديدى قال بوظت ليهو القيم ..
زول "جريفاوى" الخبرو بالقيمات شنو..امشى شوف ليك "لقيمات" ولا زيت سمسم ولا حاجة ..
ههههههه
شكرا شكرا شكرا ..وعلى زيارة اخونا وكده..
وشكرا شديد على الكلام اللطيف الحنين يا قرمبوز..
وان شا الله الاقيك فى الدنيا دى واعرفك..جد جد ..لانى حاسة بيك ..قريب جدا..وخاصة طلال الشاب المرهف ده صاحبك..طلال ده حقنا تب وبالجنبة التانية الفاتح وديدى ...
ياهلا..
|
Post: #242
Title: Re: السمحين متخرجين
Author: عزاز شامي
Date: 05-25-2006, 04:06 AM
Parent: #1
بزغرودة عالية وفرحانة
جايين نهنيك
ونهني سيرين
وقصي وأهل قصي
تفرحوا بيهم وبجديدهم
وتدوم أيام فرحكم وفخركم بيهم
والله لا يحرمكم من بعض
|
Post: #243
Title: Re: السمحين متخرجين
Author: Ahmed El Gasim
Date: 05-25-2006, 12:19 PM
Parent: #242
تماضر
الف الف مليون مبروك
وعقبال الفرحة الكبري
وتسعدي باحفادهم انشاء الله
وتدوم ايامك فرحة
احمد والاسرة
|
Post: #246
Title: Re: السمحين متخرجين
Author: Aymen Tabir
Date: 05-25-2006, 07:22 PM
Parent: #243
تماضر الغالية "طمطم"
1000 مبروك ليك
1000 مبروك لسيرين
1000مبروك لقصي
ومبروك لينا كلنا بشباب يتفتحون كما الورد ...ويرسمون خطوط زاهية الالوان للوحة جميلة من بكره وبعد
بالمناسبه احنا برضو قاعدين نخبز سفانه حموده فتح الرحمن اقصد سفانه ماوى السر تابر حتتخرج من الهاي سكول وقبلت بجامعه ميتشجان وقاسم حموده اتخرج بتفوق من medical technology وبجهز لاجتياز امتحانات كلية الطب
ربنا يكثر الفرح والخبيز ويديكم ويديهم كلهم الصحة والعافية
ودالسر!
|
Post: #254
Title: Re: السمحين متخرجين
Author: Tumadir
Date: 05-25-2006, 09:07 PM
Parent: #246
ا| Quote: سفانه حموده فتح الرحمن اقصد سفانه ماوى السر تابر |
Quote: وقاسم حموده اتخرج بتفوق من medical technology وبجهز لاجتياز امتحانات كلية الطب
|
لا انتو تخبزو طوالى..
ههههه
الف مبروك اسفانه وقاسم..ومزيدا من التقدم والتوفيق..
وشكرا عشان خليت خبيزكم وجيت لى خبيزنا..دى عملية ما بعملوها كل الناس الا زول مخبوز من طينة..ودى بى عجينة
هههههه
مبروووووووووك
|
Post: #253
Title: Re: السمحين متخرجين
Author: Tumadir
Date: 05-25-2006, 09:03 PM
Parent: #243
يا احمد والاسرة ..
اسعد الاوقات هى اللمتنى بيك ..وشفت صور عروساتك ..الجميلات ..
ومازال طعم الونسة الراقية فى حلق الذاكرة ..عالقا..
شكرا ليك والف تحية ليهم وتمنياتى بالسداد والتوفيق فى كل خطوه
|
Post: #252
Title: Re: السمحين متخرجين
Author: Tumadir
Date: 05-25-2006, 08:56 PM
Parent: #242
الناس العزاز....
شكرا يا حبيبة
وعقبال افراحك يا جميلة ..
|
Post: #257
Title: Re: السمحين متخرجين
Author: Tumadir
Date: 05-25-2006, 09:24 PM
Parent: #252
أها يا جماعة ..
الخبيز هدا لسه فى..
والبت لسه متخرجة ..
كان جيتو
اهلا وسهلا
وكان كملتو نشوفكم فى افراح جاية ..
وما تخلونا نقول ليكم اجمل الاطفال الذين لم يولودا بعد..
اجمل الاطفال ..البتلدهم من بطنك
ومحبة شديدة ...
|
Post: #258
Title: Re: السمحين متخرجين
Author: Marouf Sanad
Date: 05-25-2006, 10:46 PM
Parent: #257
الف مبروك يا تماضر
لسيرين وقصي او سري وقيصين
انتي أخبزي وانحنا بنشيل الخبيز نوديهو الطابونة
|
Post: #259
Title: Re: السمحين متخرجين
Author: Tumadir
Date: 05-26-2006, 06:26 AM
Parent: #258
| Quote: انتي أخبزي وانحنا بنشيل الخبيز نوديهو الطابونة |
ياخى مداخلتك دى عجبتنى عجب..
الطابونة؟؟
انت عارف انا لى كم سنة ماشفت "طابونة" ولا حتى سمعت اسمها ده ؟؟
والله حقو اكلم ناس سيرين وقصى ديل يرجعوا يتخرجوا تانى ..
عشان الطابونة دى ..
هههههههههههه
"والله غايتو"
|
Post: #260
Title: Re: السمحين متخرجين
Author: ودالعباسية
Date: 05-26-2006, 06:35 AM
Parent: #1
الف مبروووووووووووووك لى سيرين ،،
وعقبال الفرح الكبير ،،،
|
Post: #261
Title: Re: السمحين متخرجين
Author: Tumadir
Date: 05-26-2006, 06:42 AM
Parent: #260
الله يبارك فيك يا ود العباسية ..
تانى فى فرح اكبر من ده؟؟
ماتقول لى العرس؟؟
دربناه ما افرح من النجاح..
هههههههههههه
الله يسمع منك
|
Post: #262
Title: Re: السمحين متخرجين
Author: Yaho_Zato
Date: 05-26-2006, 07:05 AM
Parent: #1
شكري لكم جميعا
واعتذاري عن هذه الرسالة المقتضبة التي لا آملك آفضل منها الان لآسباب عدة.. هي نفس الاسباب التي منعتني من المشاركة الكتابية في الاسبوعين الماضيين .. هنا وفي منابر اخري
يهمني في هذه العجالة الان آن آصحح معلومة مهمة، وهي انني لم احصل علي اي منحة لدراسة الماجستير
تماضر علمت آني حصلت علي منحة عندما كنت ادرس البكالوريوس (وهي منحة في تخفيض الرسوم لا اكثر) واشتبه عليها الامر - من فرحتها - لتظن ان المنحة تتضمن الماجستير ايضا..
.كما ان تخصصي في تكنولوجيا هندسة الصناعة، وهو يختلف بعض الشي عن الهندسة الصناعية رغم الشبه الكبير معها.. في الاصطلاح الاكاديمي الامريكي
اما الجامعة فهي جامعة ولاية مينيسوتا في مدينة مانكاتو
روشستر هي المدينة السابقة التي كنت ادرس بها.. واسامي المدن الصغيرة هنا سهلة الخلط والنسيان بالنسبة لنا لتعددها وتشابهها وتكرارها
تماضر - من فرط حبها وفرحتها لي - ظنت ان ما حدث لسيرين من تفوق مشهود قد كان لي ايضا فيه نصيب متساو.. ولا تثريب، فالقرد في عين (عمتو) غزال
وكمان لانو تماضر اظنها فاكرة المنح الدراسية دي حاجة ساهلة لانها متعودة عليها (بي سبب سارية وسيرين).. لكنها ما عارفة انو الما ساهلين ياهم جماعتها ديل ندعو لهم بالحفظ جميعا
ولكم جميعا كثير شكري وامتناني.. الي ان تسمح الظروف برد افضل من هذا
(قمت بعمل تعديلات مهمة لهـذه المشاركة بعد ان بدت لي كانها قد توحي بغير المعني المقصود منها.. لذا لزم المزيد من التوضيح لبعض النقاط لا اكثر)
|
Post: #263
Title: Re: السمحين متخرجين
Author: Tumadir
Date: 05-26-2006, 07:51 AM
Parent: #262
معليش ياقصى
انا صلحت الاخطاء فوق.
|
Post: #264
Title: Re: السمحين متخرجين
Author: Salwa
Date: 05-26-2006, 07:51 PM
Parent: #1
الف مبروك تماضر نجاح النابغة سيرين فهى تماضر "الاخرى". ومبروك نجاح ذاك الشبل جاءت تهنئتى متآخرة لظروف ابعدتنى عنكم.
|
Post: #266
Title: Re: السمحين متخرجين
Author: Tumadir
Date: 05-27-2006, 07:05 AM
Parent: #264
سلوى ...
تحياتى يا عزيزتى ..
شكرا على مرورك من هنا..ورش التهانى عطرا على المكان.
|
Post: #265
Title: Re: السمحين متخرجين
Author: بدرالدين شنا
Date: 05-27-2006, 06:48 AM
Parent: #1
صاحبتي تماضر
تتذكري زماااااااااان لمن كنا في الصفحة التانية من البوست وإنتي قلتي لي
Quote: والله صورة عالية براها تهنئة
لكن ضحكتنى الفكرة
شوووووووووكرن يابدر |
الظاهر الأخت عالية ما ضحكتها الفكرة لأنها ما قالت شوووووووووكرن يابدر
وعليه فأنا الآن أتأبط إستيكتي لإجراء بعض التخريبات في المداخلة السابقة
وأنا لمن أدور أتأبط أبيط جنس أباطة
|
Post: #267
Title: Re: السمحين متخرجين
Author: Tumadir
Date: 05-27-2006, 07:07 AM
Parent: #265
| Quote: وأنا لمن أدور أتأبط أبيط جنس أباطة |
رشدى اباطة
الزعلك منو؟؟
لا ياخ..عالية دى اختنا وطيبة ..
احسن ليك ما تشيل الاستيكة
ولا انا حسة "بشيل المفراكة"
|
Post: #268
Title: Re: السمحين متخرجين
Author: Zongiya
Date: 05-27-2006, 07:40 AM
Parent: #1
masha alah
al wa7id enbasa6 leek ..
1ooo mabrook Tumadir ..tafra7y behom aktr o aktr ..
|
Post: #269
Title: Re: السمحين متخرجين
Author: Tumadir
Date: 05-27-2006, 08:34 AM
Parent: #268
ثانكيو زنجية
آى ريللى ابريشييت يور نايس كونتربوشن..
أى وش يو ذ بيست.
|
Post: #270
Title: Re: السمحين متخرجين
Author: شتات
Date: 05-28-2006, 08:15 AM
Parent: #1
تماضر ..
قصي ..
سيرين ..
ألف ألف مبروك ..
عقبال الدكتوراة ..
وكل الحاجات الجميلة ..
إلى الأمام ومزيداً من النجاح يا رب ..
|
Post: #271
Title: Re: السمحين متخرجين
Author: Tumadir
Date: 05-28-2006, 09:55 AM
Parent: #270
shatat
Amen
and thank you much
for coming
3ugbalkum
|
Post: #273
Title: Re: السمحين متخرجين
Author: omer almahi
Date: 05-29-2006, 01:03 PM
Parent: #271
العيال كبرت
مليون مبروك
تماضر
سيرين
قصي
|
Post: #274
Title: Re: السمحين متخرجين
Author: Abomihyar
Date: 05-29-2006, 03:52 PM
Parent: #1
ألف مبروك يانديدتي
ليك ولي سيرين وعقبال الدكتوراه..
ان شاء الله البنية مشروع عالم..
وألف مبروك لصديقي الشاب النابه قصي همرور..
مزيدا من النجاح.
|
Post: #275
Title: Re: السمحين متخرجين
Author: Tumadir
Date: 05-29-2006, 07:39 PM
Parent: #274
عمر الماحى
وابو مهيار
كده افراحنا بتكتمل بوجودكم..
والف شكر وعقبال افراحكم ..
يانديدى ..بركة الشفناك..
|
Post: #276
Title: Re: السمحين متخرجين
Author: Dafi
Date: 05-30-2006, 01:00 AM
Parent: #275
الواحد ما يغيب يومين..يلقي الناس اتخرجت
..
الف مبروك..للابنه..والابن..وابن الاخ....وعقبالنا كلنا..انا بقرا لي ميه وخمسين سنه ..تقول زايغ من عرس!!!
|
Post: #277
Title: Re: السمحين متخرجين
Author: Alia awadelkareem
Date: 05-30-2006, 01:40 AM
Parent: #276
Quote: الظاهر الأخت عالية ما ضحكتها الفكرة لأنها ما قالت شوووووووووكرن يابدر
وعليه فأنا الآن أتأبط إستيكتي لإجراء بعض التخريبات في المداخلة السابقة
وأنا لمن أدور أتأبط أبيط جنس أباطة |
بدر الدين
سلامات
والله انا مداخلتك ما شفتها
لحدي ما نبهتني عشه بت فاطنه
ودخلت علقت ليك راجع الصفحه التانيه
والعفو يا ود القبايل
وشكرا ليك يا طمطم
علي جميل الحكي
محبتي
|
Post: #278
Title: Re: السمحين متخرجين
Author: Yaho_Zato
Date: 05-30-2006, 06:20 AM
Parent: #277
أعزائي..
شكرا لكل كلمة طيبة، ولكل شعور دافئ..
أكتب لكم اليوم من كمبيوتر تماضر، بعد أسبوعين من السفر والترحال (وما زلت على سفر).. لم تتوفر لي فسحة من الزمن والإمكانية التقنية للكتابة بصورة كافية قبل اليوم.. منذ قبل التخرج، وبعده، كنت مشغولا بأمور "تشطيب" مشروع التخرج واجراءات الرحيل والمرحلة القادمة..
أتمنى أن أكون دوما جديرا بحسن ظنكم، ولا أريد أن أوجه شكري لأسماء بعينها، غير أني أشكر كل من ذكرني بحديث طيب هنا، وعندي لكم من المحبة والامتنان وفيرهما.. وأتمنى لكل الطلبة في هذا المنبر يوما سعيدا كهذا الذي أسعتدمونا به..
ومعا جميعا من أجل حاضر متجدد، ومستقبل أكثر اشراقا..
|
|