احسن الكمونيه ولا البتزا؟

...ولماذا؟؟


سؤال فلسفى عميق اقلق نومى..

قودونى الى النور...

احسن ملاح الروب

لا جد يا ذا نايل..

شفت بورداب الخرطوم قاعدين فى "الخميلة" وياكلوا بيتزا..الكلام ده صاح منهم؟؟

Neither

والله كنت عايز اعلق عليها
طبعا الكمونيه احسن ولكن الناس ديل يمكن كان عندهم سبب او حتمال المويه كانت قاطعه عشان كده جابو بيزا لانو البيزا مامحتاجه غسيل يد بعد الاكل بس تقش يدك في منديل او في الفوطه

سوال حلو وجيه
ياستاذة تماضر

بس الناس ديل فى السودان لازم ياكلو بتزا لانهم صفوة

لكن نحن فى الرياض ممكن نجيب كمونية

ودى دايرة كلام
الكمونية طبعا (مع اني ماباكلها)
لكن فيها حلاة تسبيكها
وبعدين ياتماضر بورداب الخرطوم بقولو ليك البيتزا لزوم الكاميرا وكدا
وانت قايلة الصحون الكتيرة دى لشنو ؟

ودى دايرة كلام
الكمونية طبعا (مع اني ماباكلها)
لكن فيها حلاة تسبيكها
وبعدين ياتماضر بورداب الخرطوم بقولو ليك البيتزا لزوم الكاميرا وكدا
وانت قايلة الصحون الكتيرة دى لشنو ؟

سلام للجميع
والله لاخير في هذا ولاذاك لكن برضو أحسن البيتزا .
وحقو نترك الحكم لبورداب الخرطوم لأنه نحن بحكم بعادنا عن السودان نحن لأي شئ حتى الماكنا بنأكله هناك ، عشان كده شهادتنا مجروحة

بعدين ياتماضر مفروض سؤالك يكون

احسن القراصه ولا البتزا؟ لانو اليتزاء هي قراصة بس الفرق قراصه بالجبنة مش قراصة بالويكة

كل واحدة في جوها حلوة
يعني لو في بيت سماية ولا فطور عرس جابو لينا بيتزا ما بتجي خالص
لكن في الحدائق معقولة

والله انتو ديل لذيذين لذاذه؟؟

ههههههههههههههههههههه منكم

الآبرى الأبيض

دا بتوقف علي منو عمل الكمونية؟؟؟
لووووووووووووووووووول

بالجد يا جماعة ، والله جد جد
أنا الليلة اتغديت بعصيدة بملاح تقلية ، وجمبها كوكتيل محشي ( كوسة + فلفل = صماهم + باذنجان ) وده ما كان ليهو أي لزوم لولا أن فوزية أرادت أن يكون على المائدة طبقين ، حتى ولو كانا متنافرين ،
تعرفو أنا أصريت أنو العصيدة لازم يقعدوا ليها فيها الواطة ، قعدنا وضربنا صرب مش ممكن تتخيلوه ، طبعا جو الرياض الليلة غيوم ومطر وبرد ، والله العصيدة دي مع شوية المحشي وهو حار ، كانت حكاية ما تخلص ، وتبقى منها شيء ، سألتني فوزية ألم ملاح التقلية وباقي المحشي ده ؟ قلت ليها يا أخي انت مجنونة ، أنا أتعشى بي شنو ، يعني ناوي ... ناوي ،
أنا بجيب بيتزا من المحلات لأولادي ، ومرات فوزية بتعملها في البيت ، وهم لسة بيتغالطوا ، أحسن بيتزة المحلات وللا بيتزة ماما ، وما وصلوا لنتيجة ، بس أنا ما دخلت معاهم ، لأني مكجنها ،، أنا بحب الأطل الطري ، وبفضل الطبيخ على النواشف والبلاوي طوالي بتوجع بطني أو تعمل لي إمساك ..
الكمونية حلوة شديد ، أنا مرات بمشي أشتريها من السوق ، ويو أكون ناوي ليها أصحى بدري وأمشي الجزارة وما بشاور زول ، وأشتري معاها كبدة ، أقطع الكبدة وأجهزها ولما تقرب تجهز أصحي العيال عشان يجهزوا ويأكلوا ، وطبعا غالبا يوم الجمعة ، ومرات بجيب أم فتفت ، وطبعا لما أصحي فوزية وتشم ريحة الكبدة على طول تقول لي : أوعى تكون جبت كمونية ، أقول ليها : جبتها ، تقول لي : والله ما أسويها ليك ، أقول ما مشكلة أنا بجيب المرة اللي بتسويها ، والساعة حداشر أشوف ليك الحنينة قامت تغسل وتقطع وتجهز الكمونية ، بس مشكلتها بتغسلها كثير جدا ،
وعندي ود عمي جانا يوم متأخر قريب المغرب ، يعني ما حضر الغداء ، ونحن عارفنو بيحب الأكل وهو عزابي ، فوزية قالت ليهم أديك غدا ، قال ليها اتغديت ، قالت ليهو : عندنا كمونية ، قال والله الكمونية ما باباها ، سخنت الكمونية وختت ليهو الصينية ، ضرب ، ولما شبع ، ضحك ، وقال : فوزية والله كمونيتك تقول مغسلاها بالصابون ، ما خليتي فيها ريحة بعرة واحدة ، ونحن بناكلها عشان ريحة البعر ،،
تماضر أنا كنت عايز أعمل بوست عن غدا العصيدة بالتقلية ، لقيت موضوعك دا وكبيت فيهو العلم كلو ،، بس ما خسارة في بت الخالة .

الاخت تماضر يبدو انك تشاهدين برنامج الاسره وفقرة طبق اليوم احسن الكمونيه ويسيل لعابي عندما اتذكر كمونية بكري بتاع بوفيه المعهد ايام زمان

ودكسلا..خليها مستوره..

حبيب الكل..فعلا..ولووووول برضو

ودقاسم..السؤال عملتو فلسفى فعلا...وجوعتنا زاتو...

الفاتح يس..ولحمة ساطور..

وللجميع حبى الجم

تماضر
المونية خشم بيوت
فى كمونية ارانب
وكمونية جداد
وكمونية ضأن بقر
وكمونية تصدير
بس جريتى لعابنا
تحياتى

Tumadir..
Ahssan Al-Kummonia, if you are outside Sudan .
Ahssan Al-Pizza, if you are in Sudan.

Personally, I love the PIZZA (yum), but dangerous on your waist line.
(Darn Bakri's Arabic keyboard, you cut my head)

الاخت/ تماضر.

يعتمد على المكان. لو كنته في السودان لمن المستحيل أن أكل كمونية في جلسة مسائية زي دي.
بعدين يا تماضر الكمونية في السودان أكل الغلابة وفي أمريكا أكلة ترفيهية بتاعت ناس مرتاحين. أما البيتزا, فهي في أمريكا أكل العزابة المستعجليين وفي السودان أكل أولاد الراحات.
يا حليل أيام المريديان والItalian Snacks, والنادي الامريكي.

Deng.

بلدى يا حبوب

اوت كاست

دينج..

ردودكم بتكلمنى عن منهجكم فى التحليل..والقياس...

والله اللقتها الكمونيه والبيتزا..


لوووووووول..

وكله صاح..

اتفق مع outcast , Deng
و بما اني قاعد في السودان مؤكد البيتزا هي الالذ
( بالمناسبة زوجتي كل ما تصرف الماهية تغشي pizzahot )
المسالة زي واحد ساكن في بيت فخم جدا
ينظر الي بيت فيه شجرة نيم كبيرة
تحتها عنقريب هبابي كانه الجنة اما الراقد علي عنقريب هبابي
اكيد بيحلم بي مكيف فريون و سيراميك و .......

العزيزة تماضر لك الود

الفرق بين الكمونية والبيتزا فرق بين ثقافتين

الكمونية لذذذذذذذذذيذة لانها بتاعة المجتمعات ذات الايقاع

البطيء 00 اي المرتاح والبيتزا كما تعلمين 000 سرعة 00سرعة

والبون شاسع

ويعطيك العافية

عصام وداعه

وسوركتى

نحن لما نعمل الطعميه وسلطة الاسود واللحمه المحمره..على الطريقه السودانيه..والفول وسلطة الروب..وطبيخ الملوخيه..معناها معانا ضيفان ولا صارفين ولا مزاجنا رايق.

وفى السودان لما مشيت..بدوا يجرجرونى على حتات البيتزا دى..والبيبسى..والحاجات الما عندها طعم دى..ابيت ليهم كلو كلو..واكلتهم سخينه تلاته مرات فى رمضان مرورا بكل المفروكات..لكن ما ضقت الكمونيه.

منتظرين المطرة تخاطر

الـكـمـونـيـة

الـكـمـونـيـة

ثـم الكـمـونـيـة



(( ود جـزارين))

الكمـونيــة..

ولمـاذا؟

عشــان أحبهـا من زمن التعـريفـة المقـدودة والفرينـى! (طلايع مايـو طبعـا ما حيفهمـوا حاجــة)
بالمناسبـة يا خالد أبا، فى واحـد قال لى طلايع مايو يعنى شنـو يا عمـو؟!!!

نقطة نظام..
أنا إفتكر الناس تحصر نفسا في سؤال الأستاذة تماضر......
شايف جابت ليها جقاجق..وآبري ابيض.. وعصيدة بي ملاح تقلية.. وكوارع..وملاح كوال..وأم دقوقة.. وقراصة بالجبنة...
................
والله ما شاء الله...طلعتو قصص من إجتماع بورداب العاصمة.هم يا جماعة يا حليلهم هم فرحانيين كدة وعايزين يقدموا ليكم حاجة كويسة.. وعايزين يظهروا بالمظهر الحسن..موضوعهم دا ذكرني قصة..
واحد بلدياتنا زمان.عرس..ومفروض كان يعطي الشاعر حقو.. بس العريس زاغ من الشاعر..فقام الشاعر بعد يوم السبوع حضر قصيدة هجاء عويصة.. وجاء للعريس..وزير العريس جري جاء كلم العريس.قاليهو قبل القصيدة تسير بيها الركبان..امسك الشاعر دا بي حاجة.. ووزير العريس زاغ عشان ما يهجوه الشاعر ويلحقوا شواميط مع العريس..العريس أول ما سمع صوت الشاعر..جري سلم عليهو. وقاليهو اتفضل اتفضل.جاييك هسه..العريس قال انا أعمل حاجة للشاعر دا مخالفة للعادة عشان يشكرني ويعرف انو انا عملتا ليهو الما عملوهو ليهو الناس...المطبخ..كان من القش كلو..من جريد النخيل..قام العريس بنفسو.قال راح اعمل للشاعر دا شاي من السمن..السمن البلدي بتاع الغنم..أخليهو يغلي واخت عليهو حب الشاي..يعني الحكاية دي ممكن تنفعني وخاصة عندما يشوفني الشاعر بنفسي انفخ في النار.. فلما حمي الوطيس واشتدت حرارة السمن.. وبلغت الحمية الزبي.. وتوهجت الكفتيرة..وضع عليها العريس حب الشاي الفلت..فاشتعل المطبخ بكامله في لمح البصر.. وجاء الشاعر يجري شنو مالك؟ فحكي له العريس القصة..فعمل الشاعر قصيدتين هجاء وسارت بشاي السمن الركبان الي يومنا هذا..نحنا...............
دحين الجماعة عايزين يا استاذة تماضر يظهروا ليكم بالمظهر الحسن...إنتو مالكم كدة؟
......................
بعدين سؤال الأستاذة تماضر نفسو..
أحسن البيتزا والله الكمونية...يعني زي الزول البي يقول ليك...أطول النيل والله اجري الحصان....
...................
أنا أتفق مع الأستاذة الجندرية في إجابتها ( كل واحدة بي حلاوتها...يعني إذا كان في بيت عرس احلي الكمونية.. وبالليل وفي حدائق القصر أحلي البيتزا)..لكن انا افضل الفول المصلح بالليل..

عند شيري الخبر اليقين

تماضر الأولي
لك تحياتي

لو صارت من مكونات البيتزا ( المصارين و الكرشة و ما جاورها ) فعندئذ أحب البيتزا.
و لو صارت الكمونية نطلبها فتأتينا بسرعة وصول قطعة بيتزا من ( بيتزا هت ) ، فإن الكمونية هي الأحسن.

تسلمي

احسن الفسيخ يوم الجمعةفي بيتنا معاهو بصل اخضر طواااااااااااااال وشطةخضراء

من يوم الخميس انا غاطس في أم فتفت مدنكلة ، بالأتي (دي بكتبوها كيف ، قبل ما ود قاسم يسميها عديل ، ويقول البول ) والدكوة والشطة والليمون وتوم شويه ، مليت الحلة الهانقدر و الوجبات الثلاث وما بينهم من مزز وداخل هبرة وطالع هبرة ، والصلوات كلها في البيت عشان الريحة ولصلاة الجمعة مضغت الشاي والتسالي وصباع معجون كامل وبرضو لم يخلو الأمر من لكن وحتى ، وأم فت فت بت عم الكمونية وهي من المحبوبات لكن بشرط معمولة في البيت وبمراقبة حاجة أسماء وإشرافها ، وبجيبوها نضيفة لكن بشترط عليهم بعض الرائحة لزوم النكهة ، زي ما قال ود عم ود عمي ود قاسم ، ويا جماعة الخير ودقاسم ده ياهو انا ، يا أنا هو ، أو في إستنساخ تم في وقت ما ، وكمان زي ماقال المنصوري ، سعال تماضر ده زي سعال أسرع السيارة ولا أطول الزرافة

لا سلام علي طعام !!

اها طبعا كل زول براهو,,,

والمساله مرتبطه جدليا بالزمان والمكان وبعداك يعني

ناس الخرطوم ديل لو اكلو كمونيه الساع 6مساء كانو شرطو

عينا وحلقهم بالعطش ,, ومافي مويه وصابون طبعا ,,

اما مسأله البيزا دي فاصلا مساله سريع سريع بتاعه الامريكان دي

والكمونيه دي جقجقه ونار وسهر ,,, والضحيه علي الاسواق

الاخت تماضر
تحياتي

طالما السؤال جاد , وان تعتريني نوبة جدية في نهار اليوم السبت , اود
ان اساهم بما يلي :
البيتزا ايطالية المنشأ - رغما عن شهرة البيتزا الامريكيه
اصلها ان الفقراء لا يملكون اواني طعام , وهو فقر - لا شك - مدقع
فكان ان ابتكروا هذه الرغيفة ( وملاحها ) لياخذ كل فرد من افراد الاسرة
قطعة يقوم بقضمها سريعا ليذهب للفراش مع طوبتين من مدفأة الحطب ( لزوم
تدفئة القدمين والرأس )
والوان البيتزا الاصلية هي الوان العلم الايطالي : احمر ابيض اخضر ( دون
ترتيب ) فهي اذن طماطم موزريلا و خضار مجفف ( لا ادري نوعه )
وهي مكونات يتم الحصول عليها بسهولة في مجتمع زراعي رعوي .
اما الكمونية في علامة فاصلة بين المدنية ومرحلة الصيد التي تشوي فيها اللحوم
دون اية اضافة , لا ادري ان كانت الامعاء تنظف في ذلك الوقت .. ولا كيف
كانت رائحتها .
وضعتها كعلامة فاصلة للمدنية لان قوامها وسرها البهارات التي تجلب من
اماكن بعيدة : حب الهال والقرفة من زنزبار الفلفل الاسود من الهند
عرق احمر وابيض من الهضبة الاثيوبية - التي يصب صعودها بوسائل التنقل
التقليديه , وبهارات اخري حسب الذوق كسبرة وشمار تتوفر علي طول مجري النيل
للوصول الي هذه الاراضي البعيدة لا بد من وسائل نقل , في الغلب سفن شراعية
لا بد لها من انطمة ومعرفة بالملاحه .. وان استخدام هذه البهارات نابع من
معرفة بها واقبال عليها حتي ( تغطي مع ) المتجرين فيها .. فمنذ متي كان لنا
هذا الذوق الجميل في تذوق الطعام وتجهيزه .. لا احد يعرف متي بدأ ذلك .
ثم ان الكمونية طعام يحتوي علي مكونات حيوانية
والبيتزا نباتية خالصه ..
تقول رواية التوراة : ان ابناء نوح سام ( الراعي ) وحام ( المزارع )
قدم كل منهما قربانا للرب , سام قدم خروفا مشويا وسام قدم وجبة قوامها
الفول والعدس والبصل.
تقبل الرب قربان سام ( الخروف المشوي ) والي قربان حام لم ينظر
وهو جذر الصراع بين السامية والاثنيات الاخري , صراع حضارات رعوية وزراعيه
وصراع سياسي بين معاداة السامية ومناصرتها ..
ارأيت كم هي عميقة فكرة الكمونية هذه .. وللعلم ان لا اكلها ولكني حتما
سافعل - علي الاقل حتي لا اتهم بمعاداة السامية

أحلى حاجة التركينج
والتحلية شطة وعجور

ودي دايرة سؤال؟

تماضر

دي والله الا تبقى بتزونية ( خليط كمونية مع بيتزا)
غايتو رغم اني ما اكلت الكمونية في حياتي
لكن من حزب الذين يجيدون تنضيف الكمونية بكل توابعها بجدارة عشان كده بقول ليك بتزونية
وطلعي لي البيتزا خارج القوس واضربي الباقي في المعدة

الاستاذة جدا تماضر
..بالنسبة للسؤال انا بفضل البيتزا اولا باعتباري عزابي في امريكا وثانيا لاني ما بحب الكمونية اطلاقا..
بعدين طبعا الاكلتين موضوع السؤال غير سودانيات .قلتي لي كيف ? انا اقول ليك انو اغلب الملحات ذات الصلصة ودا طبعا ممكن يكون تعريف جديد لهذه الملحات.. المهم انها جاتنا من الاتراك و انتشرت كثقافة غذائية في العالم العربي و شمال افريقيا و شرق اوربا ابان فترات الدولة العثمانية هذه الملحات ذات الصلصة تشمل كل انواع الدمعة ابتداء بالكباب مرورا بملاح البطاطس الفي الدمعة غاطس وانتهاء بالرشوشة الخام والاخيرة تعود فيها الصلصة الي اصلها كعصير طماطم ..الملوخية المطبوخة تعود الى الاخوة المصريين و قد برعوا فيها بالارانب والفراخ مع وجود الارز كمساعد ياي..
اما بالنسبة لملحات السودانية الاصيلة فهي متنوعة بتنوع هذا الوطن القارة و ربما تتداخل مع بعض دول الجوار..عندك مثلا التركين سوداني وله نسخ مصرية كالفسيخ و الملوحة..العصائد بانواعها نشترك فيها مع اغلب شعوب اقليم السودان في افريقيا واعني المنطقةمن السودان شرقا و حتي مالي و موريتانيا غربا و الاحظ هنا تزاوجا فريدا بين العصيدة و الثوب السوداني في هذه المناطق..في السودان الاوسط والنيلي تنتشر الكسرة ونجد نسختها الاثىوبية ممثلة في الانجيرا..غير اني لا اجد شبيها للملحات المفروكة المصاحبة عادة للكسرة او العصيدة او القراصة واخص هنا النعيمية و الروب و السبروق و ام دقوقة..مما قد يشير الي ان المفروك فقط هو الملاح السوداني الخالص.. في الجنوب نجد انواع كثيرة من السمك مجففا و مخمرا ودا طبعا ناتج من طبيعة المنطقة كما ان قبائلنا الجنوبية و خصوصا بعض الاستوائيين يطبخون بعض الفواكه الشئ الذي يمكن ربطه بثقافات قبائل الزولو و التوتسي في وسط افريقيا..
اما بالنسبة لشواء اللحم فيبدو كقاسم مشترك بين كل الشعوب و ربما عاد اصله الي عصر اكتشاف النار..و يبدو ان الاختلاف في نوع الشية يكمن فقط في اختلاف خلطات البهارات بين الشعوب لكن اظن في النهاية انو الفكرة واحدة .
عودا على بدء انا غايتو مستغرب من نفسي لانو انا باكره الكمونية لكن باموت في ام فتفت و المرارة النية موش غريبة
ارجو ان اشير الي ان ما ورد اعلاه مستقى فقط من ملاحظات شخصية وعلاقات خاصة مع بعض الجنسيات الاخري وحبة حوامة في السودان بحكم المهنة..
لك كل الود من زمان

الأخت تماضر وبقية المتداخلين
بالطبع تصعب الاجابة على هذا السؤال لكن الأمر يعتمد على مجموعة أشياء منها الحالة الصحية للفرد ودسامة كل منهما كما أن الحالة النفسية تلعب دور مهما في تحديد الأحسن.
بفطرتي السودانية أبصم بالعشرة على الكمونية وانى أحبها لدرجة لا يمكن تصورها ولكن كما قيل من الحب ما قتل فهي تهيج المصران وبحاجة الى مقبلات أيضا تهيج المصران والأحسن من الاثنين البامية المفروكة بالشبت على شرط أن تكون الكسرة فطيرة فهي سودانية أيضا ولا تسبب مشاكل .

والله يا تماضر:
سوالك دا سؤال تمام وعايز ارد عليك لكنى طولت من الكمونيه,
ولا يجوز الحكم علي غائب او مفقود ..
البيتزا ساهله فعليك عمل حلة كمونيه (كاربه) وتعزمينا وسنوافيك بالرد في الحال.
ودمتى,,

..
.
أطيب ريحه الدعاش
ولكن هل تبقي من وطنيتنا شئ فى هذه الارض الشتات ..

وسيظل الوطن بطعم الكمونية وتفاصيل البيتزا ..


تحياتى

غايتو يا ود قاسم احرجت قريبتك و طلعت الموضوع بعر ساكت لووول

!I love this cultural interaction

هجراااااااااااات يا زمن!

إيمان

لكم التحايا
طبعا انا كنت مفتكر انو للسؤال ابعاد اخرى
ومعاني ودلالات اعمق بس لقيت الناس جاده وبترد
والمشكله انو صاحبة الموضوع بتعلق والشغله ماشه
حقيقي انا محتار هل ده عدم موضوع
هل الناس زهجانه
هل تماضر عاوزه تغطي اخر موضوع كتبته لانها
قوبلت بى هجوم من الجميع
؟؟؟؟؟؟؟؟؟؟؟؟ وكمية من الاسئله
اتمنى الرد سريع عشان انا عندي استفسار لا في السماء لا في الواطه
احسن الورل ولا البلبوط؟؟؟


......ــــــ......ــــــ.......
اجيك من وين وانا اللا حاسي لا شايف

you tell me

سؤال غريب
عامل يا تماضر زي سؤال اطول الزلط ولا اجري الحصان احسن في شنو يعني
في الطعم ولا في الفايده ولا شنو تحديدا ؟!!!!!!!!!!!!!
ولا لينا نحن السودانيين خصوصا من ناحيه الاصاله الناس لقت البيتزا ونست الكمونيه الاكله الاصيله في السودان اذا كان ده الاصل من السؤال
مع الاعتزار لاخت تماضر لكن سؤالك غريب
لكن بقول ليك كان كمونيه كان بيتزا كان باسطه كلها نعمه من الله المفروض نحمد الله عليها
لك التحايا الطيبه
اختك نوف

اعلم تماما اذا وقفت وقلت ان هذا البوست فيه اهدار لمايسمي بالباندوث , سوف تقوم الدنيا ولن تهداء !
ماترون! هل القيامه سوف تقوم؟

ولما تشعبت الآراء وتشبعت بقول كل خطيب، ظل يقطف روائع الكلام من كل وادي خصيب، في بحور اللغة والكلام حتي إمتلأت الساحة وعجت دواخلها ببنات افكار كل باحث ومفكر، في شأن ما يسمي بالبتزا والكمونية.ذلك السؤال الذي كان منشأه من أستاذتنا تماضر..مضر( نضر) الله وجه ذاك الساقي..
اما بعد..
لقد كانت هذه الفتنة نائمة..فبعثها بورداب الخرطوم واخرجوها بعد كمونها بتزة سائغة في حدائق القصر.. ولا أعني بالفتنة النائمة كما يتبادر من اول الكلام. ولكنها فتنة من الجمال.البتزا الجميلة..فلغتنا لغة الأضداد.. وما اعظم العربية( وأما القاسطون فكانوا لجهنم حطبا).....هذا معني.. ثم عكسه(قل امر ربي بالقسط واقيموا وجوهكم عند كل مسجد...) صدق الله العظيم...
................
ثم لما اردنا بجد وصدق فض هذه الإشكالية العجيبة، والبتزا الغربية الغريبة..فإننا نتقدم بحل خارطة الطريق الي حل نهائي.ساطع البرهان.. واضح البيان... وهو ان نرضي جميع الأطراف.. فتكون العجينة من تحت هي عجينة البتزا.. وإدامها من اعلى عليها اي على العجينة.كمونية .وليذهب إدام البتزا الأعلى المعروف غير ماسوف عليه، فهو كله من لحمة مستوردة مفرومة لا ندري أمجنونة بقرتها. أم ضاحكة...ومسحة جبنتها الخاصة( عكاوي)( شيتورا) لا ندري أمن شحم الخنزير أم من مزارع الباقير...ما لنا ومال هذا.. العجينة من مطاحن الغلال. والكمونية من ملحمة الخال..بلال... فتصبح عندنا( كموبتزا)أو ( بتزكمو).. ونكون قد اضفنا الي الموسوعة العربية في فن الطبخ إسماً جديداً من صنع رواد سودانيزأون لاين...ثم نسجل الإختراع أو الإكتشاف باسم ممثلتنا القديرة الأخت تماضر. اليست هي كاشفة كل هذه العجايب.اليست هي صاحبة هذا السؤال الذي تفرع الي إجابات وفنون لم تخطر على بال تماضر لحظة وساعة فتحها لهذا البوست الرائع..؟ نسجله باسمها في موسوعة جينس للأرقام القياسية.. ورقمنا القياسي هنا.. هو ( الحلاوة) اي حلاوة( البتزاكمو)أ ( كموبتز)( بتزكمو)

لالالالا هنا يا تماضر صراحة انا ما معاكم
اكيد احسن البيتزا
بعدين دي بكون شوق ساكت منك لاكل السودان بس كنتي تقولي ملاح ام نعيمية معليش لكن كمونية؟؟؟؟ بالغتي عديل بس كدي اسالي روحك هي اصلها شنو ؟ ياتو جزي من جسم الخروف داخل في مكوناتها بااااااالغتي

والله أفتكر نيفا 0( بدون ال شاالبقت علينا لا إيدنا لا كراعنا)
وكان بقت معاها كوارع بالجزر و الطماطم المفجخه و الشطه الخضرا المشبعه بأتّى كارب.
أصحاب القاوت يمتنعون!

Muhib
خلي القيامه تقوم كان قامت لانو كلامك صح ميه في الميه الموضوع ده جد فيهو اهدار للباندوث ليس الا
سؤال غريب وردود اغرب ولسه الشغله ماشه لي متين الله ربي اعلم
الله يهدي
نوف

لمن لا يعرف تماضر، اقول...
حاذقة فى الأكلات السودانية...
لن أنس ما أنسى وليمة أولمتها لنا الفنانة القديرة ذات ليلة بواشنطون، واكلنا صوابعنا العشرة وراءها....
الكسرة،الطعمية،ام شويفع والتى نسميها فى المحس بام شيفة..
لذلك كان من البديهى ان تثور تماضر على من يتجاهلون اكلة الكمونية، فى بلاد الكمونية.... ويستعيضون بالبيتزا التى أفر منها عند كل لقاء....

لقد تنازلت يا تماضر عن احلامي الكبيرة...
وصار حلم حياتي..
ان اشبع احلامي بجرجير سودانى مخلوط برائحة التراب...
انها والله لاجسام البغال..
وأحلام العصافير..

طابت اوقاتك بكل خير

الأخت العزيزة تماضر ..
لك الود العميق..

والله احسن في رأئي الأكل علي اصوله ..أي يطبخ كما هو لا دق ولا كسير ولا تشكيل ولا لخبطة وما احلي الكمونية بس ..من " يد معروفة" وحاذقة ..

تااااااااانى؟!!

جيبى أى واحـدة فيهــم ياخى وما تحرقى روحنا.. والله دى كدا بقت مكاواة عـديييل.

عادل فقاد
ود امى
محب

بالله الموضوع كان ماشى كويييييس ..جيتو عقدتو المصارين..


السؤال فعلا فلسفى عميق..
لانو ...فى حاجه اسمها ادب الفكاهه.. سمعتو بيها؟؟؟
راجعوا معظم المداخلات الفوق دى..ماحسيتو بى ادب ..وادب راقى للضحك..

ولا الضحك حرام
؟؟

..

وبالمناسبه انتو الاهدرتو باندوثى..لكن عفيت ليكم..

وياعادل..عشان نتفق على حاجات مبدئيه: الموضوع الاثرته ما قوبل بالهجوم من الجميع انا بفتكر انه اسىء فهمه..من البعض.. فلجاوا للتجريح بدلا من رحابة الصدر..اللازمه للتحاور.

وستبدى لك الايام ما كنت جاهلا...وده طبعا صدر بيت شعر وهو هنا..مقتبس. (الواحد لازم يكون واضح)

وللمفاجاه..البوست ده كان قبل داك يا عادل..

محب.ولا فى دنيا بتقوم ولا فى دنيا بتقعد...ياهو ده كلامك قلتو..واهو ده انا رديت عليك..بكل اريحيه.

واوع الثوره القايمه بره دى مقصود بيها بوست كمونيتى دى؟؟

لا ياخ؟؟

دى كمونيه بريئه..يا بيه!!!

بررررراحه كده وبكل لطف وادب..انصحكم :تانى لو ما عجبكم بوست..طنشوهو

بس..عشان تنومو مطمئنين.. على امن البورد.

واخيرا اطرح عليكم هذا السؤال الفلسفى العميق: احسن الكمونيه ولا البتزا..لكن على شرط لما تجاوبواالاجابه تكون طريفه .. ومفيده زى ما عملوا المساهمين الاعزاء القبلكم

..يعنى اجابه تعمل تغيير واثر..طريف على قارئها..
.وباندوثكم على..طيب؟؟
دة الهومويرك..ولو ما ضحكتونا..حنعرف سبب الزعل..

وانتم فى امان..فى النقد..دايما انتقدوا بدون ما تخافوا...بس النقد ما يكون فيه تجريح او شتيمه او تغول على حق انسان تانى..عشان كده بتقوم الدنيا وما بتقعد..لانو مافى زول "سيد" زول.

سلموا الهومويرك وحكمنا القارىء الكريم..رايكم شنو.؟؟

وطبعا عندكم حرية عدم الاستجابة..

لكم ودى واحترامى وشرفتو بوست الكمونيه والبتزا...


الى بقية المساهمين..اللذاذ

قطعتو مصاريننا بالضحك.

.لكم الحب..والعافيه واللقمه الدافيه...

تماضــر،
تقـولى ما بنعـرف أدب الفكاهـة، دى حكوهـا لينـا زماااااان.
نحن ناس مصـقفين ماتشــوفينا كدأ..
زمان فى واحـد عامل فيهـا الود خلاص..
سـأل قال لى بتعـرف بتهــوفن؟
قت ليـه الماخـدا منـو؟
أبى يجــاوب... سكت مرة واحـدة..
ومن اليـوم داك ما سـأل من أى حاجـة، وبقى يضحـك كل ما يلاقينى..

تماضر ..
ده ضرب تحت الحزام للبيتزا.. لنزاهة الإستفتاء تعتبر الأصوات أسفل ردك الأخير لاغية .. ونعاود فتح البوست بعد خامس يوم في العيد تكون الكمونية والمرارة اتهضمت بشربوت الجندرية وأم رجاء .. وجو الديانة يطالبو بحق الخروف .......

الفنانة الرائعة تماضر

دي ما دايره علم فلسفة طبعا الكمونية احسن كما هي والكوارع والله كان الشعب السوداني انقرض كل عام والجميع بخير

على عثمان..بايد فكرة انه كل المساهمين يجوا راجعين بعد العيد وكل زول يساهم بى كمشه..كمونيه
عشان نتاكد..

نقابى عجوز.. هاهاها..وشكرا لحضورك..المشرف..والله.

هو فى الحقيقة السؤال كان يكون
ياخوانا الذ الكمونية ولا البيتزا
وانا طبعا وممالاشك فيه الكمونية الذ واطعم وافيد
العجب كمان المصارين دى كانت اتعملت ملاح ورق
يعنى ورق بى مصارين وتقومى كدا تضوقيها لى ناس
ايطاليا رومانتيكا عشان ياامنو , اها شنو ليك
وعليك امان الله هسى يوم العيد ضابحين فى نرويجنا دا
وانا ح اكون الطباخ المتخصص فى عمل الاكلة الشهية دى
بس انتى رسلى لينا الشطة الخدرا عشان ح اظبطها بالدكوة
ولو فى طريقة ناس البورد ديل كلهم معزومييييييييين شنو؟
ملاح ورق بى مصاريييييين
والماعاجو ياكل بيتزا مسيييييييخة

ارفع هذا البوست نكاية بالصديقه الفنانه شيرى...


وتوقيعها..المتامر على الكمونيه..

وقعوا هنا ..لتدوم الكمونيه..ولتندثر الشعارات الزائفه..

معـاً نحو عيد ضحية خالي من الخرفان


لا لتوقيع شيرى الجديد

فلتسقط شيري وتعيش الكمونية عايزه تغرضينا انتي

معك قلبا وقالبامن اجل عالم ملئ بالكمونيه
سنطرب بيد من حديد كل من يحارب الكمونيه

شيرى ..
اسحبى هذا التوقيع سريعا

ومعا جميعا من اجل الكمونيه

انا أحب الحداثة شعراً ..
لكني في مأكلي تقليدي ..

تماضر

الشحتفه شنو؟

خروف اليمن ( المقوِتْ ) دا كبدته نيه مابتتاكل!

+++

إبراهيم حمودة : إنت جادي بس؟؟ كما لو أن الكمونية قدامي !!!!

+++

أنا راجع البيت لي صحن رِجلَه؟؟

فال بيتزا قال!!

نقابى ما عجوز
محمد الشيخ
حميده
جورج بنيوتى

يا شعب الكمونيه البطل..

انى ارى رؤوسا اينعت..وحان قطافها..

رؤوس نيفة نجيضة..مبهره وشديدة..بل ولضيضه..

فلا تتركوا الفرصة لاعدائنا..حملة البتزا على العربات الاجنبية..

والمحلات الاميريكية..

الامبريالية..

وانه لمن الواجب..علينا نحن ابناااااااء الوطن الواحد..ان نمجد كل "ادوات الكمونية" التى تشبع ليس من جوع.فقط بل ومن ...وسعار

تبا للعولمه..وتبا للشيوعيه..وللامبرياليه


و..لا للفجيتيريان ..ولا لعدو الشعب الاكبر: البيتزا

تسقط البيتزا....

وهاهاهاها

العزيزة تماضر كل الود


عشان انا عارفك انك حنكوشة ساكت عشان كدا ح اقول ليكي احسن *ابون غازي*وخاصة لو عملو واحد متخصيص وبعد داك تاتي الكمونية بل ان الكمونية تزداد توهجا وحلا بخلطها مع ابون غازي اما البيتزا فتمنع من الحضور انا اول مرة اشوفه كان عام 92 حينما شاهدت مسلسل فتاة من الغد والظريف انو بعد مدة في الافطار الجماعي لي كلية العلوم جابوا لينا بيتزا لكن لم استطيب طعمها ودا قد يكون بسبيب تعودي علي الكمونية وام تكشو وابو غازي وام جنقر والعصايد بكل انواعا والمرس والكجيك والفسيخ ولله في خلق شئون لكن بيني وبينك اكتشفت حديشا انو البيتزا الايرانية جيدة جدا لكن ايضا لا تضاهي الكمونية او الجيفة او الكوارع وخاصة لو كانت كوارع ضان

انشاءالله ياشيري تصحي من النوم وتلقي قدامك في التربيزه صحن ام فتفت بالبصل والشطة الخضراء وصحن مراره بالاتى وصحن كمونية مسبكه طابخها تماضر اكله هنيئة ودمتي زخرا للكمونية

الأستاذة تماضر

بالرغم من تميز الكمونية على البيتزا لأن كل لقمة كمونية فيها لحمة
الا ان بيني وبين الكمونية ود مفقود ولا أستطعمها لانها تصنع من أكثر أجزاء الخروف عرضة للأمراض واذا لا سمح الله مرضت فسوف تموت قبل أن تجد دكتور بشري حاوي ليفوم بتحويلك للطبيب البيطري ذو الآختصاص
جني

انتو يا جماعة مسعولين من الخير ..تماضر وين اوع تكونوا وقفتوها

الخير ود فاطمة؟؟؟؟؟؟؟؟؟

الخيراب نخرين ولا زول تانى