عرض عرائس النيل القادم...

يوم اربعة سبعة فى فيلادلفيا ضمن احتفالات الجالية السودانية..وسيقدم معه عرض مسرحى ايضا..


والبعدو يو ستاشر سبعة نيوهامشر ما تشستر ..لجمهور امريكى ..ضمن اسبوع الاحتفالات بالفن الافريقى فى امريكا ..تنظيم امراة سودانية رائعة..ساذكر اسمها فقط اذا سمحت بذلك


وكان بالامس عرضنا فى هوليوك ماستشوشتس ...لمدارس المنطقة وقد خرج الطلبة من العرض وهم يرقصون على انغام زينوبة...


ساوافيكم باخبارنا الفنية فى هذا البوست...



شكرا لتفاعلكم مع عرائس النيل ..

يا زولة لقدام ..
خمسمية تلاتة وتلاتين عرض ذي دا ..
بجيب رأسنا انشاء الله ..
يعني تعملي لينا بلنس ..
مع ناس ..
طلقة .. طلقة ..
ودانة .. دانة ..
واحدة .. واحدة ..
وبي رزانة ..

انتو قدموا ..
واعملوا بس ..

ونحن الرايحين في النص ..

الاستاذةتماضر
مزيدا من الابداع
تسلمى ويسلمواعرائس النيل

متين بس نشوفا قدامنا كدة

Tumadir

. I dont know why you always forget about us here in NY

do you need an invittion? Many people are waiting to see a live performnce
Please think a little bout us
regards

حميد ولا يهمك ..شكرا ليك وقالو الموية بتكضب الغطاس ( انا عارفاك صغيرونى وما بتعرف المثل ده..اسال والدتك العزيزة واديها منى تحية)


الفاتح شجعتنا وبتشجع فينا طول الوقت..ونحن فخورين بتشجيعك وكلماتك الطيبة كل الوقت..لك التحية


احمد البشير ..نحن دايما بنعرض للبيدعونا... (ادعونى) استجب لكم...ودى طبعا من دعوة ..انفتيشن....

سلام مربع

نكهة الفواكه الاستوائية
تماضرتنا

على الدوام انت (عطية الرب) التي نفاخر بها امام كل الخلوق
روحي ياشيخي ربنا يغطيك من العين
ويتمم مقاصدك يارب
ويعليك فوق المابيك

الرسول ياشباب اكان ماقلتو
اميييييين يارب العالمين

تماضر الليلة الجمعة والجماعة كلهم متلمين فى البيت يتفرجوا على عرضك الرائع ، تماضر نحن راضون بكل ما تقدميه ، ولا يهمك من من يحاول التعطيل ، ولى قدام

يازول...ويا...شيرى


سالت منى دمعة عرفان..


حزن وفرح..


كم احبكما...

الأخت الفاضلـة والسفيــرة فوق العـادة تمـاضــر،
أهنئك على هـذا النجـاح الباهـر، وأهنئ كل الفنانات اللائى يعملن معك.
ويحـز فى النفس أنك لم تجـدى عشــر هـذا التقـديـر فى وطنك الذى أعطيتيـه أكثـر مما أخـذت منـه.

ابو الريش

شكرا على كلماتك الجميلة المشجعة....


اما التقدير .. فكفاية تقديركم...وتقدير كل المعجبين والاصدقاء والمعارف داخل وخارج السودان وهم ما شوية والله.

العزيزة تماضر

حقا مجهود جبار
ويا ريت نقدر نشوف كل العروض دي مصورة

وعندي رد ليك تبقيهو في بوست (تماضر وأخواتها)

اريتو يعجبك


زي ما بتعجبينا كلنا



جمال

تماضر

لقد شاهدنا العرض الرائع لتونا.. وأنحنا برضو الكلام طار مننا..



زينوبة مسرحية غنائية بحق وحقيقة.. أقترح أن تكون هناك كتابة مترجمة للقصة وكلمات الأغنية توزع للمشاهدين..

الله يشدكم ويكفيكم شر خلقو..

وغدا تشرق الشمس..

إلهام وياسر

وعندي رد ليك تبقيهو في بوست (تماضر وأخواتها)


والله يا جمال شكرا جزيلا على التشجيع..انا البوست الاتكلمت عنه فلم افلح فى العثور عليه يا ريتك تساعدنى..وشكرا مقدما لانى بعرف نواياك الجميلة تجاهى والقلوب شواهد..


ياسر الشريف: فعلا العمل الراقص لما تدخلوا عبارات درامية بتقويه ..وكان مشهدظرقصة الدينكا بنفس المواصفات..او الدراما فيه مكثفة اكتر..كنت بتمنى انه جمهور الانترنيت يشاهدو برضو لكن الجايات اكتر من الرايحات... شكرا كثيرا على كلاحظتك وهى تتفق مع وجهة نظر مريم بت الحسين..وكثيرا من الذين وصلوا نقدهم للعمل بالمشافهة... احاول اكون على حسن ظن من يحسنون بى الظن..دوما.

الاستاذه تماضر

تحياتي

اول مرة تتاح لي الفرصة ان اشارك في واحدة من بوستاتك ، والحقيقة استفزتني جدا الهجمة التي لااري مبرر لها اطلاقا ضد هذا العمل الرائع الذين تقومين به ورايت ان اشارك في دعمه ، فهذه ثقافتنا التي تربينا عليه ، ولم تأتي بجديد ، فقد شاهدنا رقيص العروس في بيوتنا في الزمن القريب وليس البعيد ، رايناها ترقص والاهل والاقارب والاصدقاء حضور ، بل يتمايلون ويترنمون ويصفقون في سعادة والق في مشهد يعكس ان هذا العمل جزء من صميم ثقافتهم وعاداتهم ، هذه هي ثقافتنا وهذه هي تقاليدنا ولانستحي منها اطلاقا ، وياريت لو كنا معاكم .....

واصلي عملك في التعريف بنا وبثقافتنا ولاتعيري المتزمتين ادني اهتمام ، اظنهم يتحدثون عن مجمتع اخر وشعب اخر وثقافة اخري غير الثقافة السودانية الثرة الغنية بشتي انواع الفنون والرقصات ، كمبلا ومردوم وعرضة وكسلا وغيرها .......

slam ukhty albint alhadeegah
great job
rabna yahfzik
never give up
my advice to you
be strong and know that they are ppl talking and you are doing
and try 2 be better
cos we learn from our mistakes
love u sista tamador
akhoki
amoooooooooooooooooooooooooooooooooooooooory eheheh
www.omerragab.com

اول مرة تتاح لي الفرصة ان اشارك في واحدة من بوستاتك ، والحقيقة استفزتني جدا الهجمة التي لااري مبرر لها اطلاقا ضد هذا العمل الرائع الذين تقومين به ورايت ان اشارك في دعمه

وانا اقدر دعمك لعملنا...والهجمة التى تراها ... هى صدمة متوقعة .. لمن لا يحتملون رؤية الواقع الذى ظل محجوبا عنهم..بزيف سينقشع قريبا حتما بعد ان تعددت امامهم المتاهات وهم يتهربون من حقيقتهم البسيطة الجميلة...


عمر رجب ... ساكون وسيكون كل من اعد نفسه لان يكون ..ان رضى او ابى المتسكعون على هامش التاريخ..والبقاء للاجدر... شكرا.

المبدعه تماضر

اعتبرى ان الدعوة قد قدمت. طلباتكم؟
بالمناسبه، ممكن الاخ حسن مبارك يكون حلقة الوصل. اللهم الا اذا عنده راى تانى و تنكر لينا نهائى
ها قد دعونا فهل من محيب؟

احمد البشير

اكتب لينا هنا نوريك طلباتنا


[email protected]


وحسن مبارك زولنا تب ...وصلت يا احمدالبشير

ايوووووووووووووووووووووووووووووووووووووووووووه يا بت شيخ الدين دااا الكلام
لقدام .............................
وما تننسى ناس ابو فاطمه لازم يشوفوا العرض وكل العروض القاده علهم يتعلمون شى
مزيد من الابداع

Dear Tumadir,
Keep the good work going. I watched the brides of the nile all night last night and it is GREAT. All sensible people are with you, cheering you up and wishing you all the best in all that you would like to do in the future. Remember, any
one can criticise but few know the right answers, and you are one of them . I am sure deep in your heart you know that you are sending the right message both to your American audience and your own community.As an artist , you are, in away, an opinion leader and sometimes you have to make people search hard into their souls and face their demons
and some will not like it but never mind the noises
.
Best regards

Adil

Remember, any
one can criticise but few know the right answers, and you are one of them . I am sure deep in your heart you know that you are sending the right message both to your American audience and your own community.As an artist , you are, in away, an opinion leader and sometimes you have to make people search hard into their souls and face their demons
and some will not like it but never mind the noises
.


well said, Adil thank you much.

ابشر .. ياكوكى...

الاخت المبدعه تماضر

ربنا يوفقك كمان وكمان

بس عندي طلب عاوز اشوف العمل بي صورة كبيره لو في امكانيه

الاستاذه تماضر _

بعد التحيه _
اقتراحات _ ماذا عن تقديم بعض العروض ويعود العائد المادي لمسانده الغلابه في دارفور _

_ اظن انها فكره جميله
و

انشاء الله العرض القادم في السودان _ بعد زوال اسباب التشرد والشتات _ والسلام ..

لي قدام
عشم ممدود قدح كسرة
حلم بنوتة بالسترة
كلام ناساً حنان بالحيل
ولي قدام
أشوفك حلمك

عباس ..


شكرا ياخ


لكن ما عارفة.. بصورة اكبر دى يعملوها كيف الا الفيديو...

تماضر

ارفعو الرتينة

سجيمان


الرتينة...بت سالم؟

من مريم بنت الحسين إلى تماضر بنت شيخ الدين...

الله يديك العافية .. وعقبال ما نشوفكم عندنا بي جاي في الخليج.. ولا نجيكم بي هناك زيارة..


واصلي الابداع يا ستهم...


بنت الحسين

سلام اخوتنا تماضر يعلم الله لست من حارقي البخور لكن
امانة نقولة مجهود جبار ومقدر اديك العافية
بالمناسبة قشرت بالعمل داء مع جمعية النساءالسودانية في اثينا لانهم قدمو عمل شبيه لهو في احدي المهرجانت باثينا في يوم السبت 26 مجهودك مقدر وكل الاخوات هنا فقط قالو الله اديك العافية ومذيد من الابداع

الكلاكلة صنقعت


شكرا ليك وللجمعية وكل زول عجبو العمل قوليه تعجبك حياتك...

اما مزيد من الابداع دى ..فبنحاول.. الله كريم.

مريم بت الحسين ... انتى ست ستهم

الخليج؟ اعزمونا ... بنجيكم.

Good luck Tumadir
The DC performance was enormous. I have share watching it with some nonsudanese friends
They were amazed. I paid a lot of attention to their response.

This was some of their comments,

“Is this great art come out from that turmoil”.

“We all get distracted by the media”

I would love just to leap into it.

When I told them about the word of shout against that, the answer was
“they simply don’t understand they have done any harm”

Thank you, very much for such a beautiful performance reflecting our great life and culture.
Let us know how to support the pride of the Nile.

Auditor:



How nice!!!

I apprciate all what have done and said

لقد انهالت علينا العروض من كل حدب وصوب..

فعلا يا محب انا كنت دايرة انشر اقتراحك دة قبل يومين واقول نظموا لينا عروض نتبرع بجزء من عائدها على المتشردين من حرب دارفور

ياريت نبدا من هنا....

وهذا مفتاح الكلام...

لم اسمع بالاستاذة تماضر الا من خلال هذا الموقع
ليس تقصيرا منها في نقل رسالتها التي امنت بها
و ليس تقصيرا مني في نفس الوقت فقد هاجرت قبل اكثر من ربع قرن
عرفت تماضر معرفة جيدة من خلال كتاباتها هنا
ولي نصيحةارجو ان تتقبلها و تفهمها جيدا
ارجو ان تستعيد ذاكرتك مسرحية حل الحزب الشيوعي
و مسرحية اسكات صوت الاستاذ محمود محمد طه
و تشريد الدكتور عبد الله بولا (تصوري انسنا علم امثال دكتور النور حمد و الفنان حسن موسى يجبر على البحث عن مأوى في بلد لا تعادل مساحته الجغرافية 10 في المائة من وطنه)
الذين يهاجمون -- وليس ينتقدون -- عملك اسماء معروفة لديك و لدى الجميع
اذا رتلتى القران ترتيلا داخل مسكنك فيجب ان لا تفعلي لان صوتك عورة
اما اخوات نسيبة اللاتى يجبن الارض من نيفاشا الى بلاد بشاشا --دون محرم--فان موعدهن الجنة
جنة الانقاذ
و لك التحية

عثمان عووضة ..شكرا وفيرا ...وساكون عند حسن ظنك ..ما استطعت اليه سبيلا.

ربنا يوفقك ويحفظك... المسرح والاستعراض ... رسالة سامية وهي حديث العين للقلب ... بدون ترجمان...
يكفي اننا احببناك وانت تنشري العلم بواسطة وسيلة لها من الاثر العظيم في تعليم الناس


تماضر
دائما ما اتذكر.... بيت بت المنا بت مساعد....

علي فكرة حضرت كل العروووض التي قدمت علي مسرح تاجوج...

عثمان عووضة
شايفك نسيت ما حدث في قاعة الامتحانات بالجامعة عند تقديم رقصة العجكو

تماضر
إلى الأمام

ما نسيت يا شماشي اخوي --او ولدي ما عارف
الله يكسرني حتة حتة كان نسيت
بس منو البقدر يورد كل المساوئ
ضربنا لهم مثلا و بس
لك التحية و الود

الغالية بت الشيخ
حقيقة عرض راااااااائع
لم اشاهده الا الأن .. لقيت العنوان يا دوب
وللناس الما شاهدو العرض بتلقوهو هنا .. استلفت الموقع من كوستاوي من احد البوستات

http://www.kennedy-center.org/calendar/kc_video_dyn.cfm...header_mil_video.gif

شكرا ليك يا تماضر
واحلى سلام لـ
محمد ادروب
محمد عوض
حسن مبارك
محمد
سيرين عوض الله
ناهد القاضي
وساره القاضي

ده لو ما لخبطت الاسامي بس
شكلي زدت العدد كدا

حقيقة وبدون مجاملة
منذ أن عرفت درب هذا العرض الفيديوي
وأنا أرتاده كل يوم وأحيانا مرتين في اليوم
أكبر تحية للأبنة سيرين وصويحباتها ولأمهم تماضر
ولجميع أعضاء الفرقة

الأخت العزيزة تماضر

تحياتي الأخوية

إلى الأمام مع تمنياتي للعروض بكل النجاح ..
كنت قد كتبت لك إقتراحات في بوست أبو فاطمة .. أرجو أن تكوني قد قرأتيها ..
حفظك الله

ابو جهينة...

نعم لقد قراتها وساضعها فى اعتبارى..لك منى كل التقدير ...

لم اجب على كل النقاد الموضوعيين فى ذلك البوست لانو فى عكاكيز وسيخ متطايرات .لما الواطة تروق.

ديامى...

استمتع...ولك مننا كلنا اجمل التحايا...

معتز

انحنى لك انا ,, ولاعجابك

وتحيات ستبلغ..لكل الاعضاء.

شماسى

بمشى للامام خطوة خطوه مع جمهور واعى ...زيك..

لك مودنى الزاخرة.

تولوس


ولك انحناءات الممثل ..اخر العرض...


الامتنان..والشكر الحميم...

بالتوفيق يا تماضر ..
كان عرضكم الذي شاهدته مدهشا .. رفع رأسنا بجد .

الأستاذة القامة السامقة تماضر تحياتي وغزير احترامي
نتابع بشغف ما تعرضينه من عروض مميزة ورقصات تعبر عن شخصية المرأة السودانية الأصيلة
لقدام ولقدام
ومزيد من الإبداع ومزيد من التطور ومزيد من النجاحات على كافة الصعد

ابراهيم على

الله ما ضراك

امير تاج السر

وراسنا مرفوع...

بيك

العزيزة تماضر،
شكرا للمعلومات و لتستمرى فى ابداعك الراقى دون الاكتراث لمحاولات خنق الابداع و تكميم الافواه و تقييد حرية التعبير. ولك بدل التحية عشرين، و ياريت نشوف فرقة عرائس النيل فى اوروبا ايضا

اواصل لما ارجع

تماضر

أسمعى عندى ليك (تحصين) كويس ، تعالى لى بى هناك فى البوست بتاع (قرى سودانية) وأقرى اسماء القرى ديك كلهم ، واتذكرى انو فى القرى ديك كلهم كان فى يوم من الأيام فيها رقصة العروس زاتها بتاعتكم السويتوها دى ، وكل ما تقرى اسم قرية قولى بعدها (فى عروس رقصت فيها) ، تنجى باذن الله

بعدين يا تماضر خلاص انا زهجت من الغربة دى ، داير اشترى لى باص سيكند هاند ، واكتب عليه:

فكرتي
سنكات
شيما
كوج
كودي
فدروس
كمجانة
حوي
ساب
شولين
كروكي
ام كيعان
صاقرير
الفدقوبة

وبالعكس

وارجى البقسمو لى الله ، تجى تشاركينى ونخلص من الهم ده

هشام


اشارك (ابوك) زاتو؟

بالمناسبة اخبارك..مقطوعة منى ليه؟

ندى على

العروس....

عارفة...انك انتى حتكونى جارتى ومرة صاحبى؟


شفتى الهنا اانا فيه؟


العرائس حيرقصوا ليك فى حفلتك الهنا....

بس ما دام العروض انهالت عليكم
حاستغل موجة التفاؤل الضاربني الليلة دي
واغمض واحلم بعرضكم في صنعاء

ارقصوا ما طاب لكم...

رقصة العروس...رقصة الزاندا...رقصة الدينكا...رقصة الشلك...رقصة المحس...رقصة الرقبه...رقصة الهدندوه...وابلغوا عنا يا تماضر وجها اجمل وانضر من الوجه الذي البسونا له...فكي كل قناعاتنا masks...وزعزعي قناعاتهم,,,,, يحرسكم ربي من فوق سبع سموات...

شاهدت العمل كاملا في البيت...وهو بحق فخر لا يضاهي...ان تكوني بين كل هذا الحضور ... عننا...وعن طيبتنا الزمان... اصالتنا الآن...

ابلغيهم برقصه اننا ما كنا هكذا الآن...ابلغيهم اننا كنا نحمل الرتينه...لرقصة بنيه سالم ولد عثمان...نركز وتسيل دمانا...ودموعنا فرح في آن واحد...بنخلط الوجع بالفرح علي كيفنا...ويغلب الفرح فينا.

نزار حسين....




ما اجملك

Quote: واغمض واحلم بعرضكم في صنعاء

وأنا يا أماني وتماضر أغمًض وأحلم بالعرض في مسرح الهناجر في الأوبرا المصرية..


تماضر..

التحية لك ولكل الزهرات التي تتفتح فنا وجمال..

لابد من مصرا وان طال السفر بتاع صنعاء يارجاء

رتبوا لينا بنجيكم...

جندرية...


لابد من صنعاء وان طال السفر...


بنجيكم

تماضر و عرايس النيل
نشد من ازركم

.. الفرحو الامريكان و الربحو السودانيين( مع الاعتذار لحميد)

عرض اكثر من رائع يااستاذه تماضر

غني جميل شيق تراثي المهم كان في غاية الروعة واعجب الكثيرين هنا

وانا منهم

لك التحايا والاحترام

ملحوظه هناك بوست لي حول هذا الموضوع ايضا

علي احمد

شكرا كتير يادقنة..


وادروب قريبك ما قصر

هو معجب بينا ونحن معجبين بيه

حاوصل ليه سلامك...

وحاقرا بوستك

وارد ليك...

اسامة الخاتم.. دائما ازرنا دة مشدود بى سببك...

الله يديك العافية...

طمطم طررمطم
والله نفسي اجى واحضر واسكسك كمان، خلى يطلعونى ديوث كمان، لكن الحاله سعبه، يعنى محتاج لشوية مساعده، ما كتيره على الاخوان و لا شنو، عاوز:
- حق التذكره،ممكن one way، حفله و زوغه
- تدخلونى ملح
- تشوفو لى زول اكسر عندو، دى فيها حق الاكل والمواصلات وال shopping
- اهم حاجه الفيزا، قالوا بقيتى واصله والناس قالوا سمعوكى شابكه الراجل "ياعمى باول خسمتك وندهتك، وكان ما سويت لينا داك وداك، اجى ياعمى باول، القطاعه يا عمى باول"، وبعدين انا وصيتك تقولى موضوع الكرت اللخدر الليلى لكن نسيتيهو ومسكتى فى اللمور الميته حقوق اللنسان و سنو وسنو،نان انا ما انسان؟؟
يا اخت فكى البوز والصره ديل، زمان قلت ليك انهم يستهدفون الروح، ان تمكنوا منها فعليك وعلينا السلام

مراويد ....


كلو على....


تانى فى كلام


البوز بنزل...بس اديهاصنة...

العزيزة تماضر كل التحايا الطيبات لك وتهانينا باالعرض المميز رغم عن اني ماشفتو لي اهسي حااحاول مع اللينك الهنا دة .
هناك كلام كثير انا اعتقد في اغلبه عن ان الطريق للعالمية يبداء بالمحلية اي عرض ماهو محلي وشعبي صرف والعالمية هنا طبعا ليست كما قد يتبادر لاذهان عقول مريضة ومختلة ليست (هوليوود) انما الوصول لاكبر قطاع من الناس عن طريق اجهزة اعلام متاحة وفي متناول الجميع اتمني ان يكون هذا المجهود ومجهوداتك السابقة رسل لهذه الشعوب للتعرف علي التراث السوداني والفن السوداني واعتقد ان تجربة رشا في عرض الغناء السوداني الشعبي الصرف خير دليل علي ذلك .

نسيت-ياخ اعزموني اغني معاكم
keep it up up up
الهام عبد الخالق

يا طماطم ...












اها رايك شنو ..