Post: #1
Title: تحية الى الجنس "اللطيف" ....رجالا ونساء
Author: Tumadir
Date: 08-26-2004, 03:46 AM
Parent: #0
هاهى الشمس تجلس فوق سرير السماء كأم
وضعت شعاعا فى جيوب اطفالها
فانطلقوا منتشرين فى المدى ..افسح ما يكون المدى
وفوق سقوف الجبال .وعرض المحيط..وفى اليابسة
التحية لكم ....
التحية لكم...
التحية
لكم
|
Post: #2
Title: Re: تحية الى الجنس "اللطيف" ....رجالا ونساء
Author: Abdel Aati
Date: 08-26-2004, 03:52 AM
Parent: #1
اشرقت علينا شمس تماضر
الف مرحب ..
عادل
|
Post: #3
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 03:53 AM
Parent: #2
فى حافة الشمس تعلو حواف زجاج الشعاع
وتعلو. فى انتصاف .. الطريق
شموس السفر
يطول الطريق
ولا تنمحى من عيون النساء..دموع الرحيل
يطيب التغنى بلحن الحياة زمان الحروب
يطيب التغنى بلحن الجمال زمان الحياة
تطيب الحياة
على كل حال
|
Post: #4
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 03:55 AM
نفد المداد ..فاعتلت القصيدة سقف المنازل
انحبس صوت المغنى ..فامتدت الاغنيات ..صارت شوارع خلف المنازل
ومهما تسرب حزن .بقلب محب..
يصير البكاء ..وشيكا.. منازل
|
Post: #5
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 03:59 AM
Parent: #4
اعجب ماذا يفعل الحكيم بالافكار الحمقاء ..
اليس من "الحكمة" ان ..يرتادها..احيانا؟؟
|
Post: #6
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:00 AM
Parent: #5
ما حكم الزواج من امرأة ...مهكـــــــــــــــــــــــــــــــــــــــــــــــــــــــــــورة؟؟؟؟؟
|
Post: #7
Title: Re: تحية الى الجنس "اللطيف" ....رجالا ونساء
Author: dreams
Date: 08-26-2004, 04:01 AM
Parent: #4
صباحك ورد بتوقيت الخرطوم
|
Post: #8
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:03 AM
Parent: #7
دريمز
عادل عبد العاطى ...مرحب
تحياتى الممطرة
|
Post: #9
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:13 AM
Parent: #8
لو كنت ساحكم هذا العالم
لجعلت الايام
كل الايام
اليوم الاول من اجمل موسم
ووضعت على عتبة كل امراة ...قمرا
قلبا حنوا ..فى تفاحة ادم
وترا..قلما لونا... للطفل..حتى يتعلم فن الحلم
البست الحرية ثوب زفاف
له اجنحة من ورق الصفصاف
وفرشت لها عشب العالم..
مدارا ..مدارا
قطرا قطرا..مدنا وقرى
قطبا قطبا
خطا ..جغرافيا تاريخيا ايدلوجيا
شوقا شوقا
حلما حلما
حزنا حزنا
لامتعها بالتطواف
وذبحت لها ...قربان "الخوف"
وزرعت على جنبى موكبها ..
سنان رماح البغض الانسانى عبر التاريخ
واسمد طينتها من عطر الانجازات الكبرى
وارش عليها..مطر سلام
حنى تتفتق احجية نبتا اخضر
يرتاح الشهداء على ظله
وازوجـــــــــــــها ...للحب
لو كنت ساحكمه ..لوضعت نقود العالم فى "صرة"
اربط معها عنقاء البغض وغول الشر
واضعها فى مركبة
واتوهها فى عرض فضاء مبهم
هذا لوكنت ساحكم
لكن اعلم انى اتنحى فى صبح اليوم التالى
من اجل عيون ...اهواهـــــــــــا
|
Post: #12
Title: Re: تحية الى الجنس "اللطيف" ....رجالا ونساء
Author: omer almahi
Date: 08-26-2004, 04:17 AM
Parent: #8
ودي طوبة
شوية
وبرجع.... بإحتفالية تليق بهطولك......يا ماطرة
قيلي
|
Post: #10
Title: Re: تحية الى الجنس "اللطيف" ....رجالا ونساء
Author: عاصم الحزين
Date: 08-26-2004, 04:13 AM
Parent: #7
يا سلااااااااااااااااااااااااااااااااااااااااااااااااااام
اهلااااااااااااااااااااااااااااااااااااااااااااااااااااان
و اعضّك في انف كل الشوق الكبير ليك
ياخ
مشتهي انضم معاك
و
جاي ليك .... بالجد جاي ليك
و
سلام حتي مطلع الامر
|
Post: #11
Title: Re: تحية الى الجنس "اللطيف" ....رجالا ونساء
Author: عبد الباقي الجيلي
Date: 08-26-2004, 04:15 AM
Parent: #1
ومهما تطاول الليل البليد
ستشرق شمس تماضر من جديد
مرحباً بحجم ابتسامة ترسمينها على شفاه طال انتظارها
ها قد أشرقت شمس البورد من خلف عتمة أراد لها المرابون أن تكون طويلة ... فكانت نخلة بلادي أطول
مرحباً أميرة البورد
|
Post: #13
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:21 AM
Parent: #11
عاصم الحزين
كم كانت قراءتكم الشعرية انت ومحمد الفاضلابى "ذات غرفة فى البالتوك" مصدر امتاع للجميع ..ومصدر دهشة لى انا شخصيا
فنحن لم نتعرف على كنوزكم كلها بعد ...وتبا للمهاجر والشتات ...اعضك على انف الشوق ...وسلام حتى مطلع .....الامر..وما اجمللك!!!
عبد الباقى الجيلى
دعنى اشيد بالمرابضين والذين احرقتهم شمس الحرية فلم يلوذوا بظل ..طليل
من خلالك
وسياتى كل فى مقامه
لك الود المبتل
|
Post: #15
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:23 AM
Parent: #13
عمر الماحى
اسعددنى وجودك هنا...
كنت خايفه عليك من غسيل المخ
تحياتى
كيف يمكن الاتصال بك؟؟
الامر هام..وغير عاجل
|
Post: #14
Title: Re: تحية الى الجنس "اللطيف" ....رجالا ونساء
Author: مراويد
Date: 08-26-2004, 04:22 AM
Parent: #1
المهكوره
الجوه قلبى محفوره
و يا ناس
you and Rawia did not let us down
I don't need to say more
|
Post: #16
Title: Re: تحية الى الجنس "اللطيف" ....رجالا ونساء
Author: abuguta
Date: 08-26-2004, 04:26 AM
Parent: #14
وانا اقووووووول
الشعاع دا جائى من وين
عودا حميدا
مستطاب
|
Post: #22
Title: Re: تحية الى الجنس "اللطيف" ....رجالا ونساء
Author: omer almahi
Date: 08-26-2004, 04:53 AM
Parent: #16
غسلوا مخي ........لكن... بديت أشوفك وأحسك بصورة أفضل
شفت فيك حاجات أكثر جميلة أكثر .....كنت بعد كل جلسة غسيل بنهض في مكان ... أقرب مني ليك
وابعد ...مني ليهم .........
لك ملايييين التحايا والود
...........................
يمكنك الإتصال بالأخ عمر عبد الله أو الأخ أبو الريش أو الأخت رجاء
|
Post: #18
Title: Re: تحية الى الجنس "اللطيف" ....رجالا ونساء
Author: محمد عبدالرحمن
Date: 08-26-2004, 04:28 AM
Parent: #14
مرحب بالجمال في الحرم الذي غاب عنه الجمال ، مليون مرحب تماضر
|
Post: #19
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:28 AM
Parent: #14
انت و"الجنس اللطيف" من كل الدنيا ...يا مراويد
ما خليتو لينا فرضا ناقص...
وانا ما بفسر
وانت ما بتقصر
كل الحب يا مراويد
وشكرا على البيتين " المهكورات" ديل
صلح ليهم السباليق ..ديل الخريف برميهم
|
Post: #17
Title: Re: تحية الى الجنس "اللطيف" ....رجالا ونساء
Author: عبد الباقي الجيلي
Date: 08-26-2004, 04:28 AM
Parent: #1
عذراً تماضر استخدم نافذتك لمناشدة المدعو عمر الماحي ... أين أنت يا قريبي بوست المطارحة يفتقدك ... يعني لازم نشرك ليك هنا ..
|
Post: #20
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 04:33 AM
Parent: #17
ابوقوته
القنبلة الموقوته
قاليك البوست البجيب الشعاع
سدو و "استريع"
يا هلا
محمد عبد الرحمن...مشرف والله مشرف
بكسر ما قبل الاخر
عبد الباقى الجيلى
استخدم ياخى استخدم
البوست بوستك ...والمنبر حر
|
Post: #21
Title: Re: تحية الى الجنس "اللطيف" ....رجالا ونساء
Author: Bakhaf
Date: 08-26-2004, 04:51 AM
Parent: #20
تماضر جات راجعه
لا لا لا ما بصدق
يازووول ياهو ده البورد البنعرفوا
الدنيا خميس
الظاهر الليله حاتكون فيها ربة كااربة
ماتفوتينا ياتماضر البورد براك مسيخ
اديك العافيه ياستاذة
|
Post: #23
Title: Re: تحية الى الجنس "اللطيف" ....رجالا ونساء
Author: أبنوسة
Date: 08-26-2004, 04:59 AM
Parent: #21
هلا بأحلا تماضر
إفتقدنا هذه الطلة وأنتي أحد أسباب طلتنا هنا.
يقيني بعودتك، لا يفوقه سوى يقيني بنادوس الوطن والحبيب.
ننتظر إبداعاتك
|
Post: #25
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 05:09 AM
Parent: #21
بخاف
شكرا..البورد والله حيحلى اكتر لما يرجعوا كل الناس الجميلين المشوا
وساكرس نفسى لدعوتهم وعودتهم
عمر الماحى ...لك التحية والانحناء
على كلامك
انا لسه معركة غسيل المخ دى ما انتهيت منها...
لكن حدها قرب...الدنيا فيها حراس..زى ما فيها حرامية
|
Post: #24
Title: Re: تحية الى الجنس "اللطيف" ....رجالا ونساء
Author: ودقاسم
Date: 08-26-2004, 05:01 AM
Parent: #1
تماضر
الليلة حنيتي فينا ؟؟
مش حرام تهجري صغارك قدر ده ؟؟
عليك الرحمة أيتها المهكورة ،، واللعنة على هاكريك ،،
|
Post: #26
Title: Re: تحية الى الجنس "اللطيف" ....رجالا ونساء
Author: مراويد
Date: 08-26-2004, 05:25 AM
Parent: #1
الغمامه عاصم الحزين كتب
الهكرز والحـــــــــــب
Quote: تعرف يا تراث
بعد اهلاً
و عضّي لك في انف حضورك الناصع هذا
بالجد بكييييييت حد الدمعة ارهقت عيناي بالضوء
انا معاك
و
تعرف
هنا في الوطن كلّما نجدع نشيد مليان حنين ينبت الشدر الحلال مليان وطن .
و يدي حين تكتب الحب ، لا تسمّي هذا ترفاً في زمان الحرقه و الموت و الذبول .
هنا لي اصدقاء يتجوّلون معي في انحاء اقاليم اليومي المليئة بالقيامة و الحسرة و الاسف و الندامه .
لا تهمّنا كل المعارك التي هنا لأنها لا تعبّر عنا .. او بالاصح اكثرها.. و لكن تهمّنا جداّ كلمة حب نطفئ بها ظمأنا للتسكّع في اراضي الحلم بغدٍ مناسب يسعنا جميعاً .
و اصدقائي يفرحون بيدي حين تكتب ، لأنها رغم القتامة و العويل قادره علي منحهم الابتسامه ... او الحزن بشكل مناسب حين الحبيبه .
للخيبة هناداخل الوطن طعم مختلف .
و لايام الفرح ايضاً .
قبل فتره كنت علي وشك ان اغادرهم ... و حين عدت معافي ليتك كنت هنا لتري شكل الفرحه بهذيمة الموت .
ايضاً نعرف كيف نتعارك ..و لكن بهدوء و بشكل معافي .
ما يحدث هنا يصيبنا بالغثيان ... و لكن نبرّر قعادنا بأن نفعل ما نراه مناسب ..و نعبّر عن الورده لا شوكاتها .
و ربما يصينا العطر ذات نسيم من جهة الحب .
تعرف
احترم ماركيز حين سألته ( مجلة الكرمل ) لماذا تكتب و قال :
( ليحبّني اصدقائي )
و ايضاً
ليحبّنا الاصدقاء نفعل كل هذا الضوء و نتنفّس احساسنا بروعة الحلم فينا و شموخه .
لك العافية يا وريف
و
سلام حتي مطلع الامر
و
( الوردة لم ينطفئ عطرها انما خيّل اليهم ) |
|
Post: #27
Title: Re: تحية الى الجنس "اللطيف" ....رجالا ونساء
Author: سجيمان
Date: 08-26-2004, 05:59 AM
Parent: #26
اهلا بتماضر
|
Post: #28
Title: Re: تحية الى الجنس "اللطيف" ....رجالا ونساء
Author: Ibrahim Algrefwi
Date: 08-26-2004, 06:03 AM
Parent: #1
....
....
" , السلاةُُ والسلامو عليك يا مُهماااااد!!!
تماضر حته واحده , بعدين الكتابة قطعه منك !.
يامرة انتي تاني بيهكروك علينا , موش قالو ليك بطلي, وسوي واتركي خلاص "اتحجبي" باجمل الاشعار والاغاني والاقتراحات المضيئةوالمواقف ال كالعصافير الجارحه,والعمل من اجل وطن حُر ديمقراطي ومتعدد , هذا بالاضافة للمحْبه .وسلامالعالم
فوالله ثلاتُ ..!
ما يحُفك من نُبل مع المعرفة والجمال يعادل ما بجيش تحرير حزافيره
....
....
أنا كُنت عارفك انكي جايه جايه وما هتمشي "الا حُمار الوادي يهنق" ..!
والله لكم "لطيف" ما فعلت ,
التحية دخلت الروح يا ستي ,,يلا ابسطي
.......
.......
سلامي لدواخلك , وما يحيط بك و من ناس وشجر ونوافذ , كتب وكراسي وحتي المكنسة الكهربائية وكوب الماء , وسلامي للشباب الذين هُم اولادك ايضاً , واخص البنات بسلام ذايد شويه كده, وأتمني لكي العنبر,الموسيقي , والهدؤ , والف خمسمية تلاته وعشرين ضحكه في الساعة..!
|
Post: #29
Title: Re: تحية الى الجنس "اللطيف" ....رجالا ونساء
Author: omar ali
Date: 08-26-2004, 06:16 AM
Parent: #1
هلا...أشرقت الانوار
عودة مبـــاركة غير مهكــــورة
ومن هكـــر يهكر ولو بعد حين
|
Post: #30
Title: Re: تحية الى الجنس "اللطيف" ....رجالا ونساء
Author: zola123
Date: 08-26-2004, 06:25 AM
Parent: #1
اخيييييييييييرا حنيتي علينا ورجعتي يا تماضر...
دي وردة وجاياكي....
تحياتي
زولة123
|
Post: #31
Title: Re: تحية الى الجنس "اللطيف" ....رجالا ونساء
Author: degna
Date: 08-26-2004, 06:47 AM
Parent: #30
مرحبا بالشمس ونورها
اهلا وسهلا وحبابك مليون بعد الغيبه الطويلة
علي احمد
|
Post: #32
Title: Re: تحية الى الجنس "اللطيف" ....رجالا ونساء
Author: نصار
Date: 08-26-2004, 06:50 AM
Parent: #1
كدا الدنيا عاد ليها المطر...و الزهر و العطر
كدا الانسان انتصر و الجن _اتهكر_
كدا تمام التحايا تجد من كانت تبحث عنه
تماضـــــــــــــر
_الرجاء_ في جيت الماجا،،لكن بجوا
|
Post: #33
Title: Re: تحية الى الجنس "اللطيف" ....رجالا ونساء
Author: ناجى الزبير الملك
Date: 08-26-2004, 07:07 AM
Parent: #32
عــــــــــــــــودا
حمــــــــــــــيدا
لكى
|
Post: #34
Title: Re: تحية الى الجنس "اللطيف" ....رجالا ونساء
Author: نيازي مصطفى
Date: 08-26-2004, 08:21 AM
Parent: #1
الف مرحب بالمبدعة العائدة تماضر
نتمنى عودا لكل النجوم الغائبة
|
Post: #35
Title: Re: تحية الى الجنس "اللطيف" ....رجالا ونساء
Author: alfatih
Date: 08-26-2004, 08:41 AM
Parent: #1
جرانى احساس الجمال
جابنى للوردة الشذية
ختا جوايا الاحتمال
وشان لقيتك ببقى فرحان
ياالسمحة ست الخصال
تعالى يا تماضر زيدينا عطرا
كتبت فيك قصيدة زمان وكت كنت متواصل
سميتا تماضر بت عمى شيخ الدين ما عارفا مشت وين هسع
ليك جرادل جرادل من عطر الصندل بمقدمك
جيت الليلة بعد غيبة صيفية
|
Post: #36
Title: Re: تحية الى الجنس "اللطيف" ....رجالا ونساء
Author: إيمان أحمد
Date: 08-26-2004, 08:46 AM
Parent: #1
غايتو ما بعرف أقول شنو
لكن محتاجينننننننننننننك
وطلة وشك بتزيل الغمة
فتعالي
تعالي
تعالي
وانتشري في قلوبنا أكثر
وأملي عيوننا بالضو
إيمان
|
Post: #37
Title: Re: تحية الى الجنس "اللطيف" ....رجالا ونساء
Author: Kostawi
Date: 08-26-2004, 08:50 AM
Parent: #36
Alkaramba
|
Post: #38
Title: عودة
Author: mohmmed said ahmed
Date: 08-26-2004, 09:04 AM
Parent: #1
ندخل فى المحرقا
ونطلع متل اللقا
ليك رقصة حلفاوية
وزفة مصرية
وكمبلا غرباوية
|
Post: #39
Title: Re: عودة
Author: عبد المنعم سيد احمد
Date: 08-26-2004, 09:11 AM
Parent: #38
استمتعنا بالامس
بهذا النص الانيق
على الهواء مباشرة..
لك التحية
|
Post: #40
Title: Re: عودة
Author: فتحي البحيري
Date: 08-26-2004, 09:24 AM
Parent: #39
مرحبا
ايها المحرك اللغوي النفاث تماضر
هنيئا لنا بك
ولمنبرنا بك
ولعالمنا أيضا
... كدت أمر ، يا لكثافتي ، على العنوان مرور اللئام
ولكن الله (لطف)
متعينا بهذا الضياء الابداعي مليا
|
Post: #41
Title: Re: عودة
Author: Tumadir
Date: 08-26-2004, 10:52 AM
Parent: #40
ابنوسة
ومن لى بهذا اليقين
لك المجد ولنادوس الشرفات الجميلة
ود قاسم
ومنو القال انا ما حانة " اليكم" ؟؟ كلى حنين
والهاكر والمهكور كلاهما ...فى النت
مراويد
لك ولتراث الاصيل وللحزين الحنين ...عشقى المؤبد
سجيمان.... وسهلا...
يعنى بعد فصاحة لسانك دى كلها...غالبك التقولو ؟؟ ههههها
الجريفاوى
وصلنى نبضك ..وعلية اشكرك عبير الشكر...والسلام عليك يوم ..تجىء ويوم تغيب ويوم تكتب ...ليا
عمر على
مع جزيل التحيات ...خبرنى كيف يمكن ارسال ايميل لك..بعثت لك برسالة واطنها شابكة فى عمود تلفون جنب جبل فى الشرق الادنى
حقيقى عندى موضوع هام يتطلب اهتمامك ..ولك الشكر
زولا..ورده اجمل منك؟؟؟ اسعدتنى مواقيتكم الطيبة فى البالتوك ..ولولا تلك الامسية الدافئة ..لما كنت ساقدم على خطر العودة الى هنا..لك
ولجميع الاصدقاء ..كل انسام البحار...
دقنا ..يا اخا الهدندوة..لك التراتيل الشجية واجمل الاحلام
ايمان احمد ..يا مهجة البورد المتوقدة
جاء بى اليكم الدفء..وكل الحنين...فلكم انفاسى واشجان الحروف
كوستاوى
كرمبة ولا ككل الكراميب
محمد سيد احمد ..يا شيخ جيلو..لك الوقار والسكينة ...وهمس النهر وجهر البوادى
عبد المنعم سيد احمد
مش عيب ما تورينى انت منو؟؟؟ كنا فرشنا السكة ورود
فتحى البحيرى
يا مرابض
لك احلام الصبايا ...والثناء الوفير
|
Post: #42
Title: Re: عودة
Author: osly2
Date: 08-26-2004, 10:55 AM
Parent: #41
الهكر هكرى براي
منو البقبضو معاى
........
يا الهكروك عليا
......
يا ساتر من الهكاكير
....
الهكر داخل الميل على مسؤلية هاكره
.....
هكرونى ليه ليه
سابونى اعمل ايه هنا
....
اذهب للبورد كاتبا
وساذهب للياهو مهكورا
.....
بينى وبينك والهكرات
قصة ميل طويله
.....
مرحب بالنسمه الخريفية تماضر
|
Post: #43
Title: Re: عودة
Author: سجيمان
Date: 08-26-2004, 10:56 AM
Parent: #41
تماضر
| Quote: يعنى بعد فصاحة لسانك دى كلها...غالبك التقولو ؟؟ |
مندهش
من شجاعتك..ورباطة جأشك
|
Post: #45
Title: Re: عودة
Author: Tumadir
Date: 08-26-2004, 11:05 AM
Parent: #43
نصار
مودتى
احييك وانت تحول ونسات البالتوك الى فعل ايجابى ومنابر
وتعطر الصمت بنسيم الهتاف...
ولك الشكر مدرارا
وانهارا
ناجى الزبير الملك
وشكرا مديدا لك
نيازى مصطفى
لن نتمنى عودتهم فقط ..ولكنا سنعمل على ان يعودوا بالنداءات الجميلة
فالنجوم لها موهبة الاضاءة..
الفاتح
وا خجلتى الما شفتها ..حافتشها وازركشها واتغتى بيها وافرشها...
واجيها ليك..عند حضرتك..
رايك شنو؟؟
اوسلى 2 ..... يا منضبط
مرحب بمجهوداتك المثابرة...(وان شا الله خير)
سجيمان...
برضو فيك الخير... ويا مراحب
|
Post: #44
Title: Re: عودة
Author: تولوس
Date: 08-26-2004, 11:03 AM
Parent: #41
تحياتي لك اختي الاستاذة تماضر
|
Post: #46
Title: Re: تحية الى الجنس "اللطيف" ....رجالا ونساء
Author: Anwar Ahmed
Date: 08-26-2004, 11:17 AM
Parent: #1
اهلا وسهلا وحبابك الف ياتماضر بعد الغيبه ..
|
Post: #47
Title: Re: تحية الى الجنس "اللطيف" ....رجالا ونساء
Author: Tumadir
Date: 08-26-2004, 11:19 AM
Parent: #46
تولوس وانور احمد
كل التقدير والتحية ...بالمساهمة فى الترحيب بى
من لى باشراقة؟؟
|
Post: #48
Title: Re: تحية الى الجنس "اللطيف" ....رجالا ونساء
Author: Nagat Mohamed Ali
Date: 08-26-2004, 11:53 AM
Parent: #1
تماضر
مرحباً بعودتك المضيئة
نجاة
|
Post: #49
Title: Re: تحية الى الجنس "اللطيف" ....رجالا ونساء
Author: Adil Ali
Date: 08-26-2004, 12:20 PM
Parent: #48
تماضر... بركة الشُفناك طيبة وعافية.
حباب الألق والإبداع مرة اخرى...
ودمت،
ع ع
|
Post: #50
Title: Re: تحية الى الجنس "اللطيف" ....رجالا ونساء
Author: saif massad ali
Date: 08-26-2004, 12:30 PM
Parent: #49
يا تماضر سلام
انا بحب النسوان المهكورات
عشان كدي احبك حقيقة واحبك مجاز
ياست الاعجاز شافوكي لابسة كل ثوب لي السودان سمح ماعجبهم , شافوكي شماليه شافوكي شراقية وغربية وجنوبية,شافوكي رمز لوحدتنا,شافوكي اصاله ارض غاليه عشان كده حاربوكي . لكن لقوكي دهب كلما يضربوه يزيد لامعان,
المعجب
ود عوج الدرب
|
Post: #51
Title: Re: تحية الى الجنس "اللطيف" ....رجالا ونساء
Author: عزيز
Date: 08-26-2004, 01:10 PM
Parent: #50
عاد الصدى وعاد الحبيب المنتظر عاد
عودا حميدا مستطاب
ياللهوى
ويا للشباب
أستاذتنا القديره وأختنا الكريمة
أستاذة تماضر أم سارية
كم كنا نشتاق هذه الاطلالة وكم هى أسعدتنا..
لك التحية
عبدالعزيز خطاب
|
Post: #64
Title: Re: تحية الى الجنس "اللطيف" ....رجالا ونساء
Author: Tumadir
Date: 08-27-2004, 04:07 AM
Parent: #48
نجاة محمد على .... اضئت ...
|
Post: #52
Title: Re: تحية الى الجنس "اللطيف" ....رجالا ونساء
Author: Ehab Eltayeb
Date: 08-26-2004, 01:45 PM
Parent: #1
Quote: نفد المداد ..فاعتلت القصيدة سقف المنازل
انحبس صوت المغنى ..فامتدت الاغنيات ..صارت شوارع خلف المنازل
ومهما تسرب حزن .بقلب محب..
يصير البكاء ..وشيكا.. منازل |
تماضر يا أيتها المهكورة..
حبا ..وشوقا.. وأبداعا يعجز عن الوصف..
لقينا الصف طويل ..قلنا نخت لينا طوبة نحجز بيها..
لك الشوق مدرارا ..والأمنيات بقراءتك من جديد بعد الهكر..
والله يكفيك شر هكرو,,,
|
Post: #53
Title: Re: تحية الى الجنس "اللطيف" ....رجالا ونساء
Author: Adil Osman
Date: 08-26-2004, 01:53 PM
Parent: #1
اهلا بالاخت تماضر
هل انتى عضوة جديدة هنا؟ مرحب بيك على كل حال.
|
Post: #54
Title: Re: تحية الى الجنس "اللطيف" ....رجالا ونساء
Author: salwa elsaeed
Date: 08-26-2004, 02:08 PM
Parent: #53
افتقدناكي كثيرا...كثيرا.
صار المنبر كوم تراب...
لك التحية والود كله.
|
Post: #55
Title: Re: تحية الى الجنس "اللطيف" ....رجالا ونساء
Author: ودرملية
Date: 08-26-2004, 02:51 PM
Parent: #54
سلامات
وعوافي
واخيرا احرقت استار الغياب .. ومددتي نشوة الحرف كفوف للتصافح والاباء ورونقتي التعابير النبيلة باقات زهر واقحوان ..وعلي شفاه الغيوم رسمتي لوحة الحضور النضر وطرزتي جيدك والجبين يالعزة والشموخ وعلي وقع خطواتك صوت خلخال من عتاد الصبر واليقين...
مرحي مرحي ياسلافة الوعي وياقربانة الحالمين..
والمحبة نيلين وشواطي ..وهموم..
عزة تضحك بي اباها وبي صباها
عزة شايلة ريد الدنيا منية ومبتغاها
....
والحنين كيمان كيمان
|
Post: #65
Title: Re: تحية الى الجنس "اللطيف" ....رجالا ونساء
Author: Tumadir
Date: 08-27-2004, 04:24 AM
Parent: #54
عادل على
حباب حبابك
والله ما يطفى لى حبيبا جذوة الق
سيف مساعد على
توعدنا وتخلف بالصورة
نسوانك عندنا مهكورة
مهكوووووووره
هاهاها
انا جيت مدرعه المرة دى ..كنت بتحاشى المحكات الخطيرة ..وبحتمى باللطف لكن يبدو انه ده لابد منه
والله كبير
شكرا ليك
عبد العزيز خطاب اخوى الجميل
بتقوى بيك وبى نداءك الجميل لى "ام سارية" انا جيت ..ابقو رقاق يا عملات واحد من الاعضاء هنا ضحكنى تعبيره دة ..معليش ما متذكرة الاسم
هههههها
ايهاب الطيب
تعبتكم بالحرد والرجوع؟؟
اها دى قعدة ...اقرب من حبل الوريد...فى الذمة..والف موكب من جمال ليك يا اصيل
والبهكرك بحدر ليك فى الضلمة
عادل عثمان وسلوى سعيد
يااااامراحب ..وتشكراتى العامرة ...
|
Post: #56
Title: Re: تحية الى الجنس "اللطيف" ....رجالا ونساء
Author: بدرالدين شنا
Date: 08-26-2004, 09:14 PM
Parent: #1
يعني عشان نحن بنريدك وبنسعل عليك تغيبي عننا
والله دي هكارة عديل كدا
النبي فوقك كان تغيبي تاني
|
Post: #57
Title: Re: تحية الى الجنس "اللطيف" ....رجالا ونساء
Author: الجندرية
Date: 08-26-2004, 10:13 PM
Parent: #1
عارفة
دي من المرات البحسد في الاخطبوط
عايزة اقول بالاحضان
لكن لو ما بقيت بخمسة اذرع احضان شنو الحتقول شوقنا
بركة الجيتي بس
|
Post: #58
Title: Re: تحية الى الجنس "اللطيف" ....رجالا ونساء
Author: سماح سيد ادريس
Date: 08-26-2004, 10:31 PM
Parent: #57
أنا غايتو كراعي باااااااااااااااردة...
كنت زعلانة لاني حأخش في غيابك لاكنك ما خذلتيني...
ألف مرحب..
|
Post: #59
Title: Re: تحية الى الجنس "اللطيف" ....رجالا ونساء
Author: فيصل النعيمه
Date: 08-26-2004, 10:35 PM
Parent: #1
مرحباً تماضر
|
Post: #60
Title: Re: تحية الى الجنس "اللطيف" ....رجالا ونساء
Author: Yasir Elsharif
Date: 08-26-2004, 11:11 PM
Parent: #1
ياااااااا
أول حاجة نبدأ بالمواجبة. مبروك زواج الصادق وهالة.
ثانيا أعجبتني حكاية الجنس اللطيف رجالا ونساء، وأرجو أن نكون منهم
Quote: هاهى الشمس تجلس فوق سرير السماء كأم
وضعت شعاعا فى جيوب اطفالها
فانطلقوا منتشرين فى المدى ..افسح ما يكون المدى
وفوق سقوف الجبال .وعرض المحيط..وفى اليابسة |
وهاهي تماضر تجلس في قلب البورد وفلوب محبيها مثل الاهة من آلهة الأساطير القديمة.
يابومرووة. بالله واحد يخت لينا أغنية كوني الكلمة لصمت الليل وكوني النجمة تحية لتماضر
وتحية لكل الجميلات والجميلين هنا.
وننتظر الغائبات والغائبين، رجاء وراوية وهالة ويمنى قوتة ممن أذكر
|
Post: #61
Title: Re: تحية الى الجنس "اللطيف" ....رجالا ونساء
Author: Alia awadelkareem
Date: 08-26-2004, 11:26 PM
Parent: #60
العزيزة تماضر
صباحك ود
سعيدة بطلة قمرك
بيننا
مع حبي
|
Post: #67
Title: بدر الدين..الجندرية..سماح .. فيصل النعيمة وعالية
Author: Tumadir
Date: 08-27-2004, 04:59 AM
Parent: #61
بدر الدين حلاة
ياخوى الهاكر عزو مستريح
ساو جككك!
ياحليلك ...
الجندرية
الاخطبوط انا البجيبو ...مترقباك..ومشتهية فيكى "مداخلة"
سماح اهلا بالسمحين الجايين من جيهة السمحين ...الما ببرد كراعك شنو؟؟
فيصل كل النعم.. ويا الف مراحب
دز ياسر الشريف
وهاهو الدر يتناثر منك كما المطر
الجنس اللطيف فى..فى الانس فى وفى الجن فى ... ما بقالو على ذوات ثدى
تحياتى العامرة ..لك ولاهلك الصادق وهالة
عالية العالية
انا كايسة ليك من امس ..داير الاقيك فى دارك العمرتيها بى..وهى عامرة بيك
ما لاقياها
|
Post: #62
Title: Re: تحية الى الجنس "اللطيف" ....رجالا ونساء
Author: almohndis
Date: 08-27-2004, 01:52 AM
Parent: #1
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
محمد عبيد الفاضلابي
من الليلة ديك
وسلام كثير بعد الغياب
|
Post: #63
Title: Re: تحية الى الجنس "اللطيف" ....رجالا ونساء
Author: Adil Isaac
Date: 08-27-2004, 03:58 AM
Parent: #62
Welcome back Tumadir you are desperately needed here.
Adil
|
Post: #66
Title: Re: تحية الى الجنس "اللطيف" ....رجالا ونساء
Author: omer ibrahim
Date: 08-27-2004, 04:28 AM
Parent: #62
تماضر
سمدلا علحلامة
ياخ مشتاقين زاتو .. شنو ليك؟
|
Post: #68
Title: المهندس ..عادل اسحق ... وعمر ابراهيم
Author: Tumadir
Date: 08-27-2004, 05:05 AM
Parent: #66
المهندس
تعرف انا بفتش للمكان البسجلو فيه الاعجابات ...عشان اسجل فى سجل الفاضلابى...حبيت شعرو ولنبهرت بذخيرتو المعرفية واللغوية ...لما قرا شعرو فى البالتوك ...فى الليلة ديك ... فساعتبرها دى منك معزة خاصة لما تحتفل بى بكلمات فاضلابى ...لك دفىء الشعور
عادل اسحق
عادل وجودك بكملنى... وكلماتك بتطيب خاطرى ...الشكر مجدول... اليك
عمر ابراهيم
وانا الاشوق... صدق؟
|
Post: #69
Title: Re: تحية الى الجنس "اللطيف" ....رجالا ونساء
Author: Osman M Salih
Date: 08-27-2004, 06:04 AM
Parent: #66
عودا حمـيدا
|
Post: #70
Title: Re: تحية الى الجنس "اللطيف" ....رجالا ونساء
Author: MUNA OBIED
Date: 08-27-2004, 07:59 AM
Parent: #69
تماضر
شوفتى طلتك رقصت الفرح كيف ......
ياااا مراحب.
تماضر انا مقروضة فيك لحاجة مهمة.. اتصل بيك كيف ??
|
Post: #77
Title: Re: تحية الى الجنس "اللطيف" ....رجالا ونساء
Author: ابو جهينة
Date: 08-28-2004, 05:38 AM
Parent: #70
و تحية خاصة مني للجنس ( التماضري ) .. زرافاتا و وحدانا
بركة الجيتي طيبة
|
Post: #87
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:03 PM
Parent: #77
ابو جهينة
وانا اراقب اداءكم الحضارى فى سودانيات بحب واعجاب
وبالمناسبة سجلت ليكم لكن لقيت اسمى مافى ..دى صدفة ولا غلطة ؟؟
يا هلا فيك
|
Post: #103
Title: Re: تحية الى الجنس "اللطيف" ....رجالا ونساء
Author: ابو جهينة
Date: 08-28-2004, 10:40 PM
Parent: #87
تماضر ( دي صدفة ولا غلطة ؟ ) : دي المستحيل
 و الإتنين من أغاني وردي ..
أكيد هفوة .. سنراجع ذلك عاجلا
أرقدي عافية
|
Post: #86
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:01 PM
Parent: #70
منى عبيد
انا موجوده ...وايميلى فى البروفايل ...سليما ..غير مهكور
ويا مرااااحب باغراضك
|
Post: #105
Title: Re: تحية الى الجنس "اللطيف" ....رجالا ونساء
Author: الجيلي التجاني جمعه
Date: 08-29-2004, 00:11 AM
Parent: #70
تماضر ...
سائلين عنك يوماتي رحيل ...
تعرفي يا تماضر انتي زوله رائعه جدا ..
وما بعرف تاني اقول ليك شنو .. عموما مرحبا بعودتك .. واطل على البوست اشراق الصباح ..
لك الود ...
|
Post: #110
Title: Re: تحية الى الجنس "اللطيف" ....رجالا ونساء
Author: Osman M Salih
Date: 08-30-2004, 03:46 AM
Parent: #70
العزيزة تماضر شيخ الدين
كنت أكتب بطريقة " إلتقاط الحروف"
ولهذا جاء ترحيبي ـ أعلاه ـ مقلاً في
عدد كلماته.
مرحباً بك ِ مجدداً . في إنتظار أعمالك ِ
الجديدة. هل طالعت ِ ما تركته لك ِ في
بوست الخواض الذي خصصه لك ِ
في فـترة غـيابك ِ الأخير؟
خالص الود والإحترام
|
Post: #115
Title: Re: تحية الى الجنس "اللطيف" ....رجالا ونساء
Author: nour tawir
Date: 08-31-2004, 03:08 PM
Parent: #70
Hi Tumadir
It feels good to be home.Isn't it
You don't know me,but I strongly feel the moonlights
I know you
|
Post: #117
Title: Re: تحية الى الجنس "اللطيف" ....رجالا ونساء
Author: nour tawir
Date: 08-31-2004, 04:00 PM
Parent: #70
Hi Tumadir
I've sent you a welcome message ,but for one reason or another it didn't go through
Anyway I'm glad you are back
You don't know me,but I usually recognize the moonlight
That's how I knew you
|
Post: #124
Title: Re: تحية الى الجنس "اللطيف" ....رجالا ونساء
Author: omer almahi
Date: 09-15-2004, 06:18 AM
Parent: #70
آخر محاولة للتثبيت
|
Post: #128
Title: Re: تحية الى الجنس "اللطيف" ....رجالا ونساء
Author: خضر عطا المنان
Date: 09-18-2004, 02:10 AM
Parent: #70
الحاضرة فينا ألقا : تماضر
تخريمة : ( قسمينا زي ما عايزة يا ستي !!! ونحن قبلانين ).
واذا كانت ( الشمس تجلس فوق سرير المساء كأم وضعت شعاعا
في جيوب أطفالها ) كما تقولين ..فأنا نراك في خيوط مساءاتنا
الحالمة تتمخطرين .. لدروبنا تعطرين .. وفوق هاماتنا تسرحين
وتمرحين.. تغنين وترقصين .
عطر الله دروبك سيدتي الجميلة.
خضر عطا المنان
|
Post: #85
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 01:59 PM
Parent: #69
شكرا عثمان محمد صالح على ترحيبك
|
Post: #71
Title: Re: تحية الى الجنس "اللطيف" ....رجالا ونساء
Author: بلدى يا حبوب
Date: 08-27-2004, 08:30 AM
Parent: #1
مرحب بت الشيخ
طاتل بعادك والله مشتاقين
تحياتى
|
Post: #72
Title: Re: تحية الى الجنس "اللطيف" ....رجالا ونساء
Author: omer almahi
Date: 08-27-2004, 11:16 AM
Parent: #71
|
Post: #73
Title: Re: تحية الى الجنس "اللطيف" ....رجالا ونساء
Author: أبكر آدم إسماعيل
Date: 08-27-2004, 01:27 PM
Parent: #72
يا جميلة واستوقفي الرائحين
إلى البلد النيل نام – ونامت مراكب أهلي
فمن يبلغ الشوق - فاطمة القروية
إن الهوادج عطّلها نغمٌ ضاع في الرمل
من غفلات الحداة
فمن يحمل النبأ الهامشي لفاطمة الوثنية
هذا أوان التمزق
والخوف والسأم المعدني الذي
فجّر القلب والصوت والذاكرة
يا طقوس الغناء المبارك
فلنرقص الآن مرتحلين على نبض
إيقاع لحن المغنية الساحرة
والمغنية الساحرة
نام في صفو أوتارها المتعبون
السكارى – المغنون – نامت مع الحلم
فاطمة القروية
تحلم بالفارس المتسربل
بالبرق والرعد والمطر الروحي
والمغنية الساحرة
قذفت صوتها في الصحارى
وفي الصمت في الشارع المتقنّع
بالسكتة المطمئنة والخطوة
الحائرة
فقفي يا جميلة واستوقفي الرائحين
إلى دار فاطمة البدوية
حفل الزفاف تأخر
نام الحداة على الرمل – نامت
خطى الراحلين
الهوادج عطّلها الرعب
وانفرط العقد
وانكسرت صهوات الخيول
ارجعي بالزغاريد
فاطمة الاستوائية الآن عارية
رقصت للوحوش
وغنت مصفدة
فلفاطمة القروية أن ترقص
الآن
فالساحة إنفتحت لجميع النساء
ولأني عشقت الغناء
عشقتك يا فاطمة
تتبدل أنغام صوتك أو يتغير
لون إندهاشك – أو تخنق
العبرة الحزن
دندنة العشق
أو يتخاذل إيقاعك المتفجر
ينساب صوت المغنية الفاجرة
والمغنية الفاجرة
راودتني على صوتها
واشتهتني – وقالت
لك الآن
أغلقت الأسطوانة
لكن ذاكرتي
من جميع المسافات
والإتجاهات تثقب –
يا أيها الرائحون
الى البلد النيل نام
ونامت مراكب أهلي
قفوا وانشروا
على الرمل طرحة فاطمة البدوية
أو علقوا
على الشمس طالعةً: ثوب فاطمة
الإستوائية
الشمس مقبلةٌ
فقفوا
أيها المتعبون قفوا
أيها الرائحون قفوا
واحملوني على صوتها.
المرجع: الرحيل على صوت فاطمة - محمد محي الدين
ومشتاقين
أبكر آدم إسماعيل
|
Post: #91
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:09 PM
Parent: #73
ابكر ادم اسماعيل
رعى الله زمانك
كلما اراك بين الجمع استبشر بهم خيرا
ياراكب الصعب يا طفل القلب يا مجيد
لك محبتى واطمئنانى
|
Post: #89
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:06 PM
Parent: #72
عمر الماحى ...كنت داير تقول شنو؟؟؟ الصورة ما واضحة ...على العموم بحسن الظن لك المودة ...وحاول تانى
|
Post: #88
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:05 PM
Parent: #71
بلدى يا حبوب
وقدر ما ننسى العلينا برضو مشتاقين
(اغنية جميلة خالص مش؟) وبالمناسبة ليه وقفت مقالاتك التسجيلية ..كنت بتابعك باستمرار عمل جيد ومفيد للتاريخ
الف تحية وشكر "يالطيف"
|
Post: #74
Title: Re: تحية الى الجنس "اللطيف" ....رجالا ونساء
Author: Amjad ibrahim
Date: 08-27-2004, 02:32 PM
Parent: #1
الف مرحب تماضر
البورد يتوهج من جديد.
|
Post: #92
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:10 PM
Parent: #74
امجد ابراهيم البورد متوهج بى ناسو
اعزازى الوافر لشخصك
|
Post: #75
Title: Re: تحية الى الجنس "اللطيف" ....رجالا ونساء
Author: Abdalla Gaafar
Date: 08-28-2004, 02:29 AM
Parent: #1
العزيزة تماضر
هي بشارة القدوم لزمن جميل ..ولعلها بدء عودة لاخرين..مفاجأة المنبر بك وبالجميل أبكر اسماعيل
لك الشكر علي العود وايضا علي حرف الدخول الرائع جدا جداٍ
السلام والتقدير
عبد الله جعفر
|
Post: #93
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:13 PM
Parent: #75
عبد الله جعفر يا صاحب الحروف الخريفية
وما ادل على افتخارى بهذا المكان الا لانه يضمنى تحت سطح سايبيرى واحد مع من مثلك ومثل ابكر ادم اسماعيل ...ولنحلم بعودة كل الفراشات المسافرة..
اين ميرفت وسمندل ونجلاء وشيرى وبت قضيم ...واين النحيل...ليتهم هنا
لك تبجيلى على الاشادة بحروفى المتواضعة
|
Post: #76
Title: Re: تحية الى الجنس "اللطيف" ....رجالا ونساء
Author: Elmamoun khider
Date: 08-28-2004, 05:33 AM
Parent: #1
انتظرناك بالحب طويلاً ولم نتعب
ننتظر جديد كلماتك الصادقة التي تضمد جراحات الوطن الغائرة وكنا في غيابك نقتات من الأرشيف ما تيسر من إبداعك فلم تغيبي عنا قط ولكن غاب الجديد من إبداعك...
فمرحي... ومرحب بالعودة الاستاذه تماضر فليكتمل العقد و أخواتك المبدعات في وطن الإنسانية الافتراضي لكي تزلنا غبار السنين من علي جباه أمهاتنا و أخواتنا و حبيباتنا...
يتها المبدعة
قدر المبدع ان يحتمل..كما الرسل من اجل إيصال رسالته إلي البشرية... وأنت لها ولا يدري الذين هكروا إنهم قد حكروك عميقا في قلوبنا... لك الود
|
Post: #94
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:16 PM
Parent: #76
المامون خدر
| Quote: . وأنت لها ولا يدري الذين هكروا إنهم قد حكروك عميقا في قلوبنا.. |
لم يحمل قلبى غير صدقكم رغم " الهكر" ...
فلنبدأ من جديد ...ففى كل يوم جديد ...امل جديد
احتمالات الشروق كلها لك
|
Post: #78
Title: Re: تحية الى الجنس "اللطيف" ....رجالا ونساء
Author: gessan
Date: 08-28-2004, 08:33 AM
Parent: #1
مامون خدر ازيك ..
رغم انو البوست دا تبع تماضر ..لاكين ..
تعرف يا مامون قالو النعام آدم(الله يرحمو) كان بغني في اغنية "مشتاقين انتا متين تجينا" ..
اها سمعو فراج الطيب (الله يرحمو) قال يا جماعة الكلام دا لغوياً كدة غلط ..الصحيح
أن يقول مشتاقون وليس مشتاقين..اها صاحبنا النعام آدم من الوكت داك بقى يغني:
مشتاقون.. انتا متين تجينا ..
سهرانون.. والليل طال علينا ..
دحين ياخوي مشتاقوون ..
اقعدوا عافية
قيسان
|
Post: #79
Title: Re: تحية الى الجنس "اللطيف" ....رجالا ونساء
Author: tmbis
Date: 08-28-2004, 09:21 AM
Parent: #78
تماضـــــر
أول حاجه أنا كنت قايل البوست ده ( بايت )
لانو الايمات الفاتت كلما اللاقي ل يبوست معلق في الصفحة الاولي اللقاهو بايت احردو واطلع طوالي
اها الليلة فتحت ده .. وطوالي قلت كان لقيتو بايت .. والله تاني ما ادخل الا تجي تكتب بوست اعتذار .. اها الحمد لله لقيت البوست طازه .. لكن كمان قبلما الواحد يقوم يرحب بيك ساكت .. وترحيبو ده يروح شمار في بوست .. ورينا قاعده .. والا زايغة تاني ..
اااااي شان الواحد كمان ما يرحب ساكت
|
Post: #97
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:22 PM
Parent: #80
اشراقة ...لمن بقيت اهاتى بيك من بوست لى بوست حتى تجى؟؟
تانى ما تزعزعى قلوبنا المطمئنى ليك انت مش قلتى الما بكتلنا بقوينا ....اهو دة قوينا .....والسما قريب
يا الف اهلا بطلتك المعطرة
|
Post: #96
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:20 PM
Parent: #79
تمبس دى ما كانت زوغة
دى كانت "ادبة" وتانى عينك ما تشوف الا ....انا
ياخى فى زى نظام شوق عدييييييل كده ...الزول يعمل ليه شنو؟؟؟ يا اول المستفيدين انت
|
Post: #95
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:18 PM
Parent: #78
قيسون
ههاهاهاهاهاها..دى نكتتى المفضلة...مالك على؟؟
ونحن بالاكترون
|
Post: #81
Title: Re: تحية الى الجنس "اللطيف" ....رجالا ونساء
Author: ملكة سبأ
Date: 08-28-2004, 09:51 AM
Parent: #1
ونتعـلم من قمارينـا
برغـم النبلـة ..
وصـوت الطلقـة ..
والحاحـاي ..
ماليـات عصارينـا
يـوم ماخلـن القوقـاي
|
Post: #82
Title: Re: تحية الى الجنس "اللطيف" ....رجالا ونساء
Author: Ishraga Mustafa
Date: 08-28-2004, 10:00 AM
Parent: #81
ونتعـلم من قمارينـا
برغـم النبلـة ..
وصـوت الطلقـة ..
والحاحـاي ..
ماليـات عصارينـا
يـوم ماخلـن القوقـاي
الله ياملكة سبأ من قوقاك يا اجمل قمارينا
|
Post: #83
Title: Re: تحية الى الجنس "اللطيف" ....رجالا ونساء
Author: Amani Alsunni
Date: 08-28-2004, 11:42 AM
Parent: #82
الاخت تماضر
حقيقة لك كل التعاطف والحب من اختك اماني
|
Post: #84
Title: Re: تحية الى الجنس "اللطيف" ....رجالا ونساء
Author: HOPEFUL
Date: 08-28-2004, 12:39 PM
Parent: #83
في القلوب
قبل البورد
مرحب بيك
واهلا بيك
وبليتي شوقنا
اتحكري
بالطيب
وابقى قاااعده
|
Post: #100
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:29 PM
Parent: #84
هوب فل....
كدى قول كلامك ده تانى؟؟؟
هوبفل وقول كل الكلام القلتو قدام الناس فى البالتوك تانى
ويا هوبفل ...اصدقك ؟؟؟ ولا بتخذلنى ؟؟؟
هوبفل ...صفى ذمتك قدام الناس ...انا دايرة اصدقك ...
فاهمنى؟؟
|
Post: #99
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:26 PM
Parent: #83
امانى السنى
والف مرحب بالخوة
والف شكرا للتعاطف ...ولنبقى على ما تمليه علينا نواميس التحضر....سويا
|
Post: #98
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:25 PM
Parent: #81
الملكة الكامل جمالك
يافرحة اطفال الحلة
وكحل العافية تختو الجارة الحلوة ...للمة ناسا زينين...
الشرف غتانى وفضل ....بى حضرتك
|
Post: #90
Title: Re: تحية الى الجنس "اللطيف" ....رجالا ونساء
Author: hala guta
Date: 08-28-2004, 02:07 PM
Parent: #1
تماضر
بركة الشفناك طيبة
وهاهى عصافيرنا المهاجرة تعود
تضئ عتمات استطالت
فمرحبا"
وعقبال كل الجميلات/ين
|
Post: #101
Title: Re: تحية الى الجنس "اللطيف" ....رجالا ونساء
Author: Tumadir
Date: 08-28-2004, 02:31 PM
Parent: #90
هالة قوته؟؟
يا سلام
المهجة الموقوته؟؟
ياااااا مراحب والف اهلا بعودتك انتى برضو... الف مرحب...يا جميلة
|
Post: #102
Title: Re: تحية الى الجنس "اللطيف" ....رجالا ونساء
Author: mohammed alfadla
Date: 08-28-2004, 04:01 PM
Parent: #1
عن قاسم بن حداد عن سعيد الغانمي قال
قال خورخي لويس بورخيس
أن ننظر إلى النهر المصنوع من الزمن و المياه
ونتذكر أن الزمن مهر آخر،
أن نعرف أننا نكف عن الوجود، تماماً كالنهر
وأن وجوهنا تتلاشى، تماماً كالمياه.
أن تشعر أن اليقظة هي نوم آخر
يحلم بأنه ليس نائم، و أن الموت
الذي ترهبه أجسادنا، هو نفسه الموت
الذي يعتادنا كل ليلة ونسميه نوماً.
أن نرى في اليوم أو في السنة رمزاً
لأيام النوع الإنساني وسنواته
أن نترجم حنق السنين
إلى موسيقى و إشاعة و رمز.
أن نرى في الموت نوماَ، وفي الغروب
ذهباً حزيناَ، فذلك هو الشعر
خالداً معوزاً. لأن الشعر
يرجع كالفجر والغروب.
في أوقات الظهيرة، يطل علينا
وجه ما من أعماق مرآة،
لابد أن الفن مثل تلك المرآة
التي تنجلي لنا عن وجهنا نحن.
يروون كيف أن عوليس، وقد طوحت به الأعاجيب
كان يبكي حباً، ليلمح الطريق إلى ايثاكا
متواضعة خضراء
الفن هو ايثاكا
الأبد الأخضر تلك، وليس الأعاجيب.
وكنهر لا نهاية له أيضاً
يتقضى ويبقى، مرآة لشخص هيرقليطس القُلّب
الذي هو نفسه وشخص آخر سواه
مثل نهر لا نهاية له.
تماضر شيخ الدين
أما بعد
......
تحية طيبة
محمد الفاضلابي
بالمناسبة..في واحد تاني اسمو محمد عبيد الفاضلابي الفي البالتوك ده ..ما أنا..
وشكرا
|
Post: #104
Title: Re: تحية الى الجنس "اللطيف" ....رجالا ونساء
Author: يازولyazoalيازول
Date: 08-28-2004, 11:26 PM
Parent: #102
بكرة يا قلبى الحزين تلقى السعادة
لما ترجع لى تماضر من بعاده
بقرأ كل حرف تخطيه ، وبقى لى عاده
والرياحين تملأ دربى ، حتى لو كلمات معاده
welcome 
|
Post: #106
Title: Re: تحية الى الجنس "اللطيف" ....رجالا ونساء
Author: Tumadir
Date: 08-29-2004, 02:31 AM
Parent: #104
الجيلى التجانى جمعه
"عطشتنى" اسمك كلو جيمات
والله كتر خيرك على طيب كلامك وحكمك الكبير على بالروعه " المؤبده" ...وانا يالاكتر
|
Post: #107
Title: Re: تحية الى الجنس "اللطيف" ....رجالا ونساء
Author: Tumadir
Date: 08-29-2004, 02:35 AM
Parent: #106
هشوم
مشتاااااااقين
وليه طولت مننا
سيرين ويسرى رجعوا امبارح من اسبانيا ومعاهم صور جميلة من علوية ونور وكل الشباب دايره انزلها فى "ويب سايد الاسره " وما قادرة..
سلامتو ابوى
عارفو عيان؟؟
نحن بنتصل طوالى ...ان شا الله هو قرب يطلع ويتماثل للشفاء التام
تحياتى للجميع
وشكرا على الاعنية الحنينة...
اضرب ...عندى ليك كلام
|
Post: #108
Title: Re: تحية الى الجنس "اللطيف" ....رجالا ونساء
Author: معتصم دفع الله
Date: 08-29-2004, 01:55 PM
Parent: #107
تماضر قريبتي
كنا منتظرنك ..
أصلك أنتي ما غبتي عنا ..
بس مشيتي قريب وجيتي ..
ألف حمداً لله على السلامة ..
|
Post: #113
Title: Re: تحية الى الجنس "اللطيف" ....رجالا ونساء
Author: تاج السر حسن
Date: 08-31-2004, 02:36 AM
Parent: #107
الأستاذه/ تماضر
واحد من الجنس الخشن ، لكن بندخل عشان العربية ماتنقلب ونغنى لرقبتنا(تغلطوا أنتويابورداب نجيكم نحنا بالأعذار).
|
Post: #109
Title: Re: تحية الى الجنس "اللطيف" ....رجالا ونساء
Author: Tarig Sidahmed
Date: 08-30-2004, 00:48 AM
Parent: #1
الزيك يصبقنا ليه الشوق صبق
وذي مابيقول عمر الدوش الله برحمه
كبرت كراعي من الفرح
نص في الأرض ونص في النعال
أنا زول جديد من المعجبين والمتابعين جدا
لم الناس يقشاها الفرح
تفرح عيوني
تزداد بالناس فرحته
فرحا جميلا
خالص حبي ومحبتي
طارق ع الأحمدي
|
Post: #111
Title: Re: تحية الى الجنس "اللطيف" ....رجالا ونساء
Author: فيصل محمد الطيب
Date: 08-30-2004, 06:00 AM
Parent: #1
هلا بالخريف ...
|
Post: #112
Title: Re: تحية الى الجنس "اللطيف" ....رجالا ونساء
Author: Nada Amin
Date: 08-30-2004, 06:07 AM
Parent: #1
بعودتك أضاءت مصابيح السماء الثامنة
أرجوكي لا ترتكبي جرم الابتعاد مرة أخرى
و عاجباني جسارة العودة
|
Post: #114
Title: Re: تحية الى الجنس "اللطيف" ....رجالا ونساء
Author: Tumadir
Date: 08-31-2004, 02:15 PM
Parent: #112
قريبى معتصم "ضفع الله" مرات فى الغياب بطون الحضور اقوى...من جمالا عليكم ما خليتونى اغيب
لك مودة "ذوى القربى"
تاج السر الخشن
يعنى دى طوبة البوست دة؟؟ "لكل بوست طوبة وطوبة هذا البوست الخشن" هاهاها لك المودة ...والغلط ليكم منو؟؟؟ نعل سلامة
طارق سيد احمد
ياها بى زول جديد وكراعو كبيرة من الفرح " تتذ`كر نكتة قاليك سيد المركوب ده اسكت؟؟" ههها لك اجمل الترحاب باشتراكك معضو فى البورد...وكدى النصن لمن نعرفك......هههها الفيك اتعرفت يازول ابقى لى جوة
فيصل محمد الطيب
عامل اسمك الزى اولاد خالتى امنه دة...
بالله انت رايك شنو فى الخريف...مش اجمل فصول السنة.؟؟؟ ذكرتنى البوست داك حامشى انكتو ارفعو..
ندى امين
وخجلااااااااااانه منك
فى تلاته مساهمات ليك كلها جميلة فى حقى ..المتواضع...والقى انه ما رديت عليك
والله ابهجك بهجة ...بس اصبرى لى اخلص من الفى يدى ده واتفرغ ليك انتى وعالية السمحة والفاتح الصديق العزيز
ما انصفتكم ..لكن ...والله ما منى ..كل الحصل ..ما ما ما منى
|
Post: #116
Title: Re: تحية الى الجنس "اللطيف" ....رجالا ونساء
Author: Tumadir
Date: 08-31-2004, 03:16 PM
Parent: #114
Quote: محمد الفاضلابي
بالمناسبة..في واحد تاني اسمو محمد عبيد الفاضلابي الفي البالتوك ده ..ما أنا..
وشكرا |
ولو؟؟؟
برضك شخصية جديرة بالحب
طيب سؤال هو قريبك؟؟؟
الولد مدرار
عثمان محمد صالح
ولا يهمك
لك جزيل المودة على كل مساهماتك المعطرة فى حقى ...قديما وحديثا...ونحن حافظين لودادك
|
Post: #118
Title: Re: تحية الى الجنس "اللطيف" ....رجالا ونساء
Author: Tumadir
Date: 08-31-2004, 04:14 PM
Parent: #116
نور تاور
معليش ..
اما انا طبعاا بعرفك ..وهل يخفى القمر
سمعت عنك كتير وعن انجازاتك ونشاطك الايجابى من اجل انسان السودان الحائر
شكرا على كلمات ترحيبك المشجعة
واتمنى ان نشترك قريبا فى عمل ..مفيد.
لك المودة.
|
Post: #119
Title: Re: تحية الى الجنس "اللطيف" ....رجالا ونساء
Author: Dia eldin khalil
Date: 09-01-2004, 04:55 AM
Parent: #1
شخصية مثيرة بكل تفاصيلها....
رووح جذابة جدا جدا.....
ذات كلمات انيقة......
يخرج الفن من يديك...
مثل ما تخرج المونليزا...
من يد دافنشى..خجولة....
و..فاتنة..
تماضر....
انى افف لكى تحية ...
انتى تملئين الحياة عبيير...
فهل لى بقليل من شزاك؟؟؟
|
Post: #120
Title: Re: تحية الى الجنس "اللطيف" ....رجالا ونساء
Author: Tumadir
Date: 09-03-2004, 01:07 AM
Parent: #119
ضياء الدين خليل
انا ما عندى شزى
اخر "شذى" عندنا جه شالو بتاع اللبن الصباح
هاهاهاهاها
معبيش بس حبيت انبه الكيبورد بتاعك البعرف النقط لكن ما بعرف الحروف ده
نرجع لكلامك الطيب ..ده كلو لى انا؟؟
ده كرم منك بس..لكن بدفى القلب وينعش الروح ..فعليه لك منى شكرا حميما يا عملات يحى فضل الله
وتعال نواصل "وجود" يمكن نطلع منه بكوكب جديد ....معافى وما فيه جلاد
ادفر معاى
لك التحية
|
Post: #121
Title: Re: تحية الى الجنس "اللطيف" ....رجالا ونساء
Author: omer almahi
Date: 09-03-2004, 12:21 PM
Parent: #120
الأول أروع ولكن .......هذا ماأردت قوله على ما يبدو
|
Post: #122
Title: Re: تحية الى الجنس "اللطيف" ....رجالا ونساء
Author: Raja
Date: 09-14-2004, 05:13 AM
Parent: #1
الحبيبة تماضر..
مليون سلام..
|
Post: #123
Title: Re: تحية الى الجنس "اللطيف" ....رجالا ونساء
Author: Tumadir
Date: 09-14-2004, 01:07 PM
Parent: #122
ترليون يا رجاء...مش قلت ليك انا قااااااءعده
تحياتى عمر الماحى ...شفتها لمحة واهى دى مسحوها ....ما علينا
المهم الاخلاق
|
Post: #125
Title: Re: تحية الى الجنس "اللطيف" ....رجالا ونساء
Author: omer almahi
Date: 09-15-2004, 06:34 AM
Parent: #123
تاني وتالت و...
|
Post: #126
Title: Re: تحية الى الجنس "اللطيف" ....رجالا ونساء
Author: Hussein Mallasi
Date: 09-17-2004, 07:06 AM
Parent: #125
| Quote: ما حكم الزواج من امرأة ...مهكــــــــــــــــــــورة؟؟؟؟؟ |
بل ما أحكم الزواج من امرأة مهكورة .
احترامي و تقديري ....
|
Post: #127
Title: Re: تحية الى الجنس "اللطيف" ....رجالا ونساء
Author: Tumadir
Date: 09-17-2004, 07:09 AM
Parent: #126
حسين "احمد شوقى" ملاسى
والله جنس احراجات؟؟؟
حسه دى ما بقت اغنية "نحييك ما بتحيينا" زاااااتها
ياخى الف حمدالله على السلامة ...وامسحها لى فى كيبوردى ...
شكرا على الاعتراف بانك جنس لطيف...خليك على كده
|
|