ما تجوا نهدر دمهم اول

الدم بهدروه من وين؟

فى زول اهدر دم زول قبل كدة منكم؟


ما تجوا نهدر دم الظلمة مبددى طاقات وثروات الشعب الانسانية

والمادية

زاهقى الارواح
القتلة


مروجى العنف والكبت والاذلال


البعرف يهدر الدم فيكم منو؟


وهو الدم بهدروهمن وين؟

من الشريان الاورطى

ولا خلايا الدم البيضاء

ولا البطين الايسر؟

انا غايتو ما بعرف

البعرف فيكم منو؟

يا تماضر

سيبك من الكلام بتاع الدموم دا..


مسرحية كاربة كدة كفاية..

أقترح يكون دا مشروعك المقبل..
وعندي مساهمة متواضعة كدا:
تدخل كورجة بالتهليل:
تلهيـــــل، تكبيـــــر
الله أكبر دخلنا جوبا!!!
وعملنا فيها عيدنا الرابع عشر..

الله أكبر دايرين ملكال عاصمة قومية..

بين الجبلين فقدنا رجال.. اليوم الحار ما بندار..


البشير يدخل المسرح ويرفع عصاته ويديها عرضة من ابو كديس ويهتف:
الله أكبر سجنا الشيخ الأكبر لأنو فرط في الثوابت وعمل اتفاقية تفاهم مع العميل قرنغ..

الله أكبر عملنا الهيئة العليا لحماية العقيدة برئاسة أحد أعمدة الانخفاضة الأولى..

الله أكبر وكان أبو الدهب رئيس المجلس

الكورجة تصيح تهليل

البشير يهتف
وكان الجزولي رئيس الحكومة

تهليل

ويلا تمي الباقي

الغريبة

عندى مسرحية فيها الكلمات دى بالنص

انت سمعتنى؟؟

برضو ما جابت

نهدر دمهم بس

البعرف يهدر الدم منو يا ناس؟؟؟

مشروع قطرة دم لمن لاقطرة له

لطيف يا دكتور ياسر. يبدو أنك خرقت الحواجز، وقرأت ما كتبت تماضر. وقديماً قيل الإستقامة خير من ألف كرامة. حاسب يا راجل!

أماأنت يا تماضر فإني أقول لك لا نحتاج لأن نهدر دمهم. دعونا نقدمهم لمحاكمهم ولقوانينهم. ودعونا نفضح تلك القوانين، وتلك المحاكم، وأولئك الحكام، وعلماء السوء الذي شرعوا للحكام الحكم بالباطل. إذا قدمناهم للمحاكم فسيحدث واحد من أمرين، إما أن تكون المحاكمات مهازل يبرأ فيها المجرمون، فنكسب بمزيد من الفضح لهم وبتسيسهم للقانون وللمحاكم. أو تكون إدانات، بعد محاكمات بها شئ من عدل، فنكسب حتى لو رأت المحاكم إزهاق أرواحهم!

أما فكرة المسرحية يا دكتور ياسر فقد أستطبتها للغاية، وأطلب من الأخت تماضر أن ترسل لي ولك نصها لنتفاكر حول إخراجها بصورة تليق بها كفنانة عظيمة!

طبعا يا تماضر أنا سمعت جزء من مسرحيتك في القطع التي بثها الخواض من حفلة عرس نصار، وقد أعجبت بالمسرحية المونولوجية أيما استمتاع.. وقد كتبت لك الكلمات التي سمعتها منك لتعرفي..

يومنا ما جا
يومنا ما جا

صبيان صبيان فزيتو
سونكي ركب فزيتو
...
وهي كلمات هرانا بها التلفزيون في أيام الحكم النيابي الثالث، ولا أسميه ديمقراطية لوجود ما سمي بقوانين سبتمبر وقتها..

والآن الذي يهرب يراه العالم كله، ولم تفده تورا بورا ولا غيرها، ولن يفيدهم إقامة إمارتهم في شمال السودان إذا قنعت الحركة الشعبية بالانفصال، من كترة اليأس من تحرك السودانيين، وخصوصا مثقفيهم، إلى الانتفاض ضد ما سمي بالدولة الدينية وقوانينها الكريهة البغيضة..


المسرحيات تنزل الفكر الثائر إلى أرض الواقع، وترفع الناس لإدراك واقعهم بمعنى أنها تجعلهم يدركون كم هم مظلومون، زي بتاع العرضحال داك الذي كتب عن مشكلة الزول لدرجة أبكت صاحب الحاجة نفسه، ولم يتصور أنه مظلوم للدرجة دي..

تماضر يا حنينه

رغم بعدي برسل سلامي


تنساب من قلقى خيول الريح وهم

فراستى فأعود محمولا بخاصرة المحال

و

انا غايتو بعرف لكن ما عايز اهدر

عايزين نخط اسلوب جديد للتعامل الحضاري البلا دموم

ومع انو السماح افضل فضيلة بس انا ما بسامحهم

وسلاااااااااااااااااااام كتيرررررررر

تماضر بت السودان
لك التحية
الشمكلة يا تماضر ديل أصلا ما عندهم دم عشان الناس يهدروه
بس الشعب سيكنسهم كنسا
وتعرفين يا تماضر ما هي الأشياء التي يتم كنسها

حلوة يا استاذة ومبدعة حتة (هوالدم بهدروا من وين)وانشالله ما نعرف وحقيقة الاجابة نصها اداك لي ياسر ونصها اداك لي دكتور حيدر
فـ(هدر دم هدر الدم)يكون بالاصرار على العدل والانتصاف والقصاص الرادع كقيمة ويكون أيضا بجلد الفكر القميء بسياط اللغة الرءووم المبدعة والفن الراقي
عرفتي الان؟؟
هذا هو (مانراه)من طريق النور
آ(طريق النور)فقرة في برامج أطفال زمان
وصدقيني انتي بعلمانيتك دي أقرب لي الله من (الحبر يوسف نور الدايم)بفتواه الدنيوية المظلمة حتى (يتبرا)منها

ومنو القال ليك هي علمانية يا فتحي؟ حاسب يا راجل!

عفوا سيدي دكتور حيدر ، مأزق اللغة الذي كثيرا ما نقع فيه
انا شخصيا افهم العلمانية من جذرها (العلمي)فقط ،ولا ارى أنها تخرجني من ملة (محمد صلى الله عليه وسلم)وربما أكون مخطئا نوعا ما
لكن
كنت أقصد معنى لا أظنه يخطيء
وتسلم يادكتور
وتسلمي يا استاذة

هم يهدروا
وانتو تهدروا
ونحن نضيع بيناتكم

ويا وطن كفاك الله شر البلايه والمحن

والدم بيلطخ يد القاتل
وبيظل وما بيتنسي

والدال علي الخير كفاعله
والدال علي الشر كفاعله
ولا أحسب انك شريره

قد يأتيك احدهم ويطرح بين يديك
خطه شيطانيه كخطتهم
للهدر
كما فعل القوم

ولكن يقيني ان هذا لا يشبهك
من أنتم ومن هم
ومن نحن ؟
وماذا فعلنا من معصية حتي نرى مثل هذه الايام
التي يتصارع فيها القوم
ويتسابقوا علي فعل وقول الأباطيل

لما الهدر
منكم ومنهم؟؟

لماذا هذه اللغه
ومفرداتها التي لا تشبهنا

ولمصلحة من؟؟
بالتأكيد ليس للوطن نصيب
غير غور الجراح


ايتها الفنانه الجميله
لغة الدم لا تشبهك

والخطأ لا يرد عليه بالخطأ

وكفوا ازاكم عنا انتم وهم
فما عدنا نحتمل
وقد نضب صبرنا

وزبح الوطن
والله المستعان

يا تماضر فاتت عليك إنو الناس ديل (ماعندهم دم) عشان نهدرو.. بقترح نفلعهم بالحجارة

الأستاذة الفنانة تماضر،
بعد التحية،

أن حق الأنسان فى الحياة لهو الحق الأساسى الأول.
و حق الأنسان فى الدفاع عن حياتة لهو حق مشروع .
فمن حق أى انسان ان يعتقد مايشاء ، دون أن يتعرض للقتل.
أن الذين يهدرون دماء الناس لأراءهم و مواقفهم لمرضى بالهوس و الخبل،أذا ماكنا (مهذبين) فى وصفهم
الا أنهم حقيقة لا يعدو وان يكونوا شبة بنى آدميين وضيعين.

ليست هنالك أى مبررات لأن يقتل الأنسان الآخر لمجرد ما يحملة الشخص الأخر من أختلاف
و أذا ما تعرض أى أنسان لمثل هذا الأعتداء أو كان يعرف أنة سيتعرض لمثل هذا الأعتدا علية أن يتحوط للدفاع عن نفسة باى طريقة يراها مناسبة.

أرى دعوات المقاومة (السلبية) و هذا خيار لة كل الاحترام،
الأ أننى لأ أرى أى مانع من أن يتسلح كل من يعتقد أن حياتة معرضة للخطر بسبب ما يتبناة من أفكار
و يكون هذا المعنى على أستعداد للدفاع عن نفسة اذا ما أقتضت الحاجة!

فلك كل الحق ان تتجولى فى شوارع الخرطوم ، او تصعدى لخشبة مسرح أمدرمان القومى و على وسطك ماتيسر
من حملة من الأسلحة الأوتوماتيكية و شبهها.

تدربوا ايها الفنانين و تسلحوا للدفاع عن حياتكم.

ومن حق كل من (أهدر دمة) أن يفعل نفس الشى.

فالحريات لا تقدم على أطباق الذهب ، أنما يجب القتال لها أحيانا كثيرة، هكذا فعل أهل الجنوب و جبال النوبة و غيرهم

ود شاموق وودقاسم وودعزة

انا نسيت حكاية انه ما عندهم دم دى

حلوة والله


حيدر وفتحى بحيرى

انا ما علمانية انا دنقلاوية

هوبليس

وانت ما معانا تراكا؟؟؟


روضة

الله لاقطع العشم فى الحرية

امكن امكن امكن

د.نصر

شكرا ليك ياخى على وصفك لى بى حنينة

عرفتنى كيف بحب الحنان والناس الحنان؟؟؟

كلامك كلو صاح

نعمل شنوطيب؟؟؟

تماضر بت امي وابوي بت روحي وامها، حبيبتي :
الدم لايهدر ، بل يهدى ، او هكذا يجب ان يكون ، وحتى اذا اهدر البعض دمنافيجب ان نحافظ على دمهم ، فربما يخرج الله من اصلابهم من يحبنا ونحبه .
ولسنا في حاجة أبداً لأن نعرف من اين يهدر الدم . علينافقط ان نتعلم كيف نحافظ عليه ، وننقيه مما يصيبه من شوائب .

نتبرع يا تماضر بي دمنا
قزازة دم نضيفة منك ممكن تزكي دم البهدر دم غيرو
أو خلي مداد يراعك يندي وينقط رزاز وحروف أي نيجاتف فصيلة نادرة
لو هدرتي دمهم وهدروا دمك معمل استاك ده نعملو شنو؟
الناس الدمها شربات نهدر دمهم كيف؟ نكشحو؟
ولو هدرنا الدم تاني نكورك في المسيرات كيف؟ بالروح بال..شنو؟ ما الدم هدرناهو
والدمو تقيل ده يهدروهو ليهو ولا نجيب ليهو تلاتة عتالين يشيلوهو هيلاهوب؟
مقرر العلوم كدة ما بنقص والطلبة حيدرسوا شنو بدل الدورة الدموية؟
خلينا السياسة وبقينا جزارين؟

الفصل الأول :مسرحية هدر الدم
المنظر:معمل
موسيقى تصويرية: أصوات متداخلة لي بعوض وهتاف وصراخ وانين
تلاتة متبرعين بي دمهم مربطين فوق الكنبات
واحد مفتي بديل لي بتاع المعمل
الراوي ينادي الحملة الأولى لإهدار دم من لا دم له

الحضور:غياب ما فضل زول , ما الناس كملت بالملاريا والحروب وهدر الدم

أبنوسي

تسلم يا تبلدي. هكذا السودان والسودانيين، طيبون متسامحون. يجب ألا نهدر دم أحد، وإلا سنصبح مثل أعداءنا. ولكن لابد أن نعرض هؤلاء لسلطة القانون اليوم أو في يوم قادم، وبخاصة في الجرائم التي لا تسقط بالتقادم مثل هدر الدم.

تماضر،
نعم أعرف بأنك لست علمانية، وإن كانت هذه ليست سبة كما أبان أخي فتحي البحيري. هذه الكلمة قد أسيئ أستخدامها بصورة مؤسفة، وقد أصبحت تحمل دلالات لابد من التعاطي معها في وقتنا الحاضر بدلالاتها الراهنة إلى أن تصحح المفاهيم المغلوطة عنها. وأعرف بأنك دنقلاوية، يعني نوبية، ولهذا فأنت سودانية اصيلة غير متعصبة. أماأنا فجمهوري وحلفاوي، يعني نوبي، وأرجو أن لا أكون متعصباً!

تراث

ايها الغائب فى الحب الصوفى

لك منى التحية

دمهم حلال عليهم

ويا تبلدى

القرار انهار بحنانكم ولطفكم وتعاملكم الحضارى
مش التوجه الحضارى


مع الماساه

لكم الحب كله من قلب عامر به

من السهل ان نهدر دمهم بالكلمات،، لكنهم وحدهم القادرين على سفك الدماء بلا رحمة، بلا وازع، وبلا تردد

الفاضل حيدر بدوي
أعلم تماماً أن تماضر لا تستطيع ذبح حمامة ناهيك عن هدر دم , وسأذهب يوماً أبحث عن العدل في ميدان أبوجنزير أمام نصب العدالة إن كانت له القدرة على الوقوف ومشاهدة هؤلاء المطحونين , لأنا سمعنا نية ذاك النصب الهجرة إلى بلاد القرين كارد واللوتري , قد همس جهراً ,سأقف يوماً عاليًاً كتمثال الحرية بجانب الحرية , متى؟ لا اعلم , لكن عندما يطبق هؤلاء الطاحنين قانون محاكمة الضمير , والقادمون قانون الوازع , والمطحونون قانون رفاهية الذات بعيداً عن هم الحاجة من أجل غاية وطنية ما

تماضر

كنتي تستصرخين حجراً سينطق ونطقتي نيابة عنه ,التوجه الحضاري أسلم موية الفول حلالاً وحرم مصيدة التسلل في كرة القدم , ومنع الإختلاط في الأماكن العامة وهامش الحرية إختلاط في الخاص

أبنوسي

ما عندى كلام مثقفين أقولوا...
أعملى بحث فى الشبكة بدلاً من ..... الزمن...
لك الحب...
كل يوم تقام آللاف المذابح بأسم الFreedom,
امّا الذبيحة... فهى ال Freedom...
اليس الصمت موت؟؟؟؟
أنور
AnwarKing

ناس الابداع والغناء والمسرح ليغنوا ويبدعوا
اما التكفير واهدار الدم والارهاب الفكرى لابد ان يكون هناك محورين محور ملاحقة الفاشست واعداد الملفات وممارساتهم متابعتهم فى الخارج
ومحور التصدى للذين لم يرتوا من دماء الشهداء الذين قتلوهم وباين وصلوا مرحلة الادمان ومثل هؤلاء لاجدوى لان يعيشون طالما يحملون جرثومة الارهاب الفكرى ويتوعدون الاخرين ونحنوا فى انتظار ناس الحبر والصادق عبد الماجد لاصدار حكم بالردة اذا ارتومها من يستعمل العنف لابد ان يتم التصدى له بادواته
الحالم بتسامح فهو مخبول

الانسانة الرقيقة مثل نسمة الصبح المشرق
الفنانة الاخت العزيزة تماضر
لا نحن ولا انت تستطيعين ذلك ,هذه ليست لغتنا بالطبع
انها لغة وعمل الدجالين الكذبة الاسلاموين
ولا في الخيال نستطيع ذلك ,اعتقد انها مسألة صعبة جدا جدا
اعلم انك تمزحين وانت فنانة قلبك يحمل براءة طفلا صغير
اقصي مايستطيع فعله الصراخ ,ولكنك فنانة لك رسالة
عملاقة اكبر بكثير من احلامهم المريضة المهوسة ....

هم لو عندهم دم ينهدر ??????????

degna

تماضر العسل بدون رتوش ولا هزار انا معاك لكن المشكلة تصنفى المنتفع من المتسلق من سيد الموضوع كيف بينى وبينك النشاكيهم لى الله خلينا من اهدار الدموم احى انحنا غير العاطفية دى مافى شى مضيعنا

الاستاذه تماضر

كسودانيين تربينا على التسامح والمحبه والاخاء وهذه هى عاداتنا وتقالدينا والتى نفخر بها بين الشعوب واختلاف الراى لايوثر علينا لان الاسره السودانيه تجدى فيها اكثر من فكر هدف هذه المؤامره سياسية لا نتعامل معهم برد فعل لاننا سودانيين ام هم نترك تقييمهم للمواطن السودانى البسيط

انور كنج
امبدويات
حنين لليلد
دقنا
الشريف

طلعتوا كلكم رقيقين

اها البخوف لينا الشباب ديل منو؟؟؟

بت قساى عمنك طيبه
بسوفك ميجوعه ؟
عاد يا اختى اتى سعلتينا منو البعرف الهدر ؟ اها النوصف ليك؟
اكان مشيتى ولقيتى الغسال قفل
وقالولك طردوهو لانه ما عندو رخسه؟
والله كشه كبيره لسودانيين من ذوى البشره السمراء؟
ومنعهم حتى من نعمة التجوال ؟
والله اكان زولا نضم وقالوا ليه بطل نضميك ده؟
والله اكان زولا غنى والله مثل وقالو ليهو كلامك ده ما بصب فى المشروع الحضارى؟
اها دحين ده ما هدر عدييييل؟
بسم الله اظنى خرمجته؟
اتى سعلتى من هجر الدم؟
والله ما بعرفو؟
علا اكان قلتى لى ضبح حلال
بعرفو طب؟؟
بكبر الله تلاته ومن قبل ومن بعد النيه
وبتكى بهيمتى واسقيها مويه قبل التكيه؟
هكذا ورد
واسل سكينى من ضراها ومن ثم اضبح؟؟
علا هدر ده ما ادونا ليهو؟؟
ليك الود
والمحبه
انور ود بتول

انور ود بتول شريك بلاى

وانت بعد الغنا السمح داكا

بتتكى البهيمة وتضبحها؟؟؟ وكمان تديها موية تشرب امعانا منك فى الرداوة؟؟؟


تانى انا ما بضمنك

طبعا يا تماضر أنا سمعت جزء من مسرحيتك في القطع التي بثها الخواض من حفلة عرس نصار، وقد أعجبت بالمسرحية المونولوجية أيما استمتاع.. وقد كتبت لك الكلمات التي سمعتها منك لتعرفي..

يومنا ما جا
يومنا ما جا

صبيان صبيان فزيتو
سونكي ركب فزيتو
...
وهي كلمات هرانا بها التلفزيون في أيام الحكم النيابي الثالث، ولا أسميه ديمقراطية لوجود ما سمي بقوانين سبتمبر وقتها..

والآن الذي يهرب يراه العالم كله، ولم تفده تورا بورا ولا غيرها، ولن يفيدهم إقامة إمارتهم في شمال السودان إذا قنعت الحركة الشعبية بالانفصال، من كترة اليأس من تحرك السودانيين، وخصوصا مثقفيهم، إلى الانتفاض ضد ما سمي بالدولة الدينية وقوانينها الكريهة البغيضة..


المسرحيات تنزل الفكر الثائر إلى أرض الواقع، وترفع الناس لإدراك واقعهم بمعنى أنها تجعلهم يدركون كم هم مظلومون، زي بتاع العرضحال داك الذي كتب عن مشكلة الزول لدرجة أبكت صاحب الحاجة نفسه، ولم يتصور أنه مظلوم للدرجة دي..

تعرفي، جزء من الثقافة التي تسمح للإنسان بتكي البهيمة وذبحها في هذا الزمن تغذي في تقديري ثقافة العنف.. يجب أن يجيء الوقت الذي نرفع فيه السكين عن الحيوان المسكين، على الأقل يترفع الأفراد عن القيام بهذا العمل، الذبح، في المنازل.. حتى يجيء الوقت الذي تنتهي هذه العادة..

خلاص يا ياسر الشريف

بمجرد ما ننتهى من مسالة حقوق الانسان نبدا فى حقوق الحيوان

خاصة فى يوم عيد الضحية

Ustaza Tumadir
Statistically, there is a significant percentage of people refuse to bleeding the blood of Nas Eljabha, this mean that, Sudanese people are still Sudanese and believe in love, forgiveness, and human rights, realy I happy that I am Sudanese.

Quote: جزء من الثقافة التي تسمح للإنسان بتكي البهيمة وذبحها في هذا الزمن تغذي في تقديري ثقافة العنف.. يجب أن يجيء الوقت الذي نرفع فيه السكين عن الحيوان المسكين، على الأقل يترفع الأفراد عن القيام بهذا العمل، الذبح، في المنازل

أفو أفو آ ود الشريف .. كيفن كلامك ده؟ يازول العنف ده جاء من مكان تانية .. ولو ما اخاف الكضب أقول جاء مع المدارس .. أهي برضو مدارس. لكن الناس الأشتهروا بذبح الأنعام في المنازل هم من تبقى لنا لاجترار الافتخار بخصالهم ونفائلهم. العنف وهدر دماء البشر ده يازول شغل افندية بس .. وكمان أنا مقتنع بأن اي زول كريم من الناس البينحروا في المنازل لإكرام ضيف .. ما ممكن يكون عنيف إطلاقاً. العنف والشح والبخل بنات أعم. براك لاحظ للناس العنيفين .. وعلاقتهم بالجود .. المرتبط عندنا بالنحر
خلينا في البداية مع حقوق الانسان القلبوه حيوان ده .. تتوفر ليه حقوقه أولاً حتى بعد داك نفكر في ترف حقوق الحيوان الحقيقي

أنا من قبيل بعاين في البوست ده .. وكنت عايز أقول لتماضر اقلبيهم لي غنم وبقر وإبل .. واسعليني بعد داك من الضبح. يا تماضر أنا ما فنان ولا حاجة .. يعني ما زي ابو غيداء. أنا همباتي يا بنيتي، يعني بعرف أضبح

فى زول عمل دراسة جميلة عن العنف اللفظى فى الادب الشفاهى السودانى ، واتنشر فى المنتدى هنا تتذكرويا شنتير؟؟؟


يعنى الدعا والردود الجافة والقطامة والتبخيس

دى كلها خشونة
والفظاظة وقسوة القلب

وهى جميعا من مقدمات العنف


لكن مع الضبايح دى بتلقى فى حنان مدفق

بعملوها كيف؟؟؟ برى ما بعرفو

فعلاً يا تماضر بتذكر الزول الكتب عن العنف اللفظي .. وهو الاستاذ الرحمابي .. نقلاً عن قريبه الدكتور الأديب (نسيت اسمو والله) الحلاوي

الحمد لله القلتي انو الضبايح والحنان يلتقيان .. أها كلامي صاح تب وبعد ده النمشي انوم .. الليل أمسى

@ فتحي بحيري

العزيز جدا
شنتير

ومن لا يعرف الشناتير؟؟ كل من يقرأ تاريخ السودان لا بد أن يمر بهم..

قولي السابق:
جزء من الثقافة التي تسمح للإنسان بتكي البهيمة وذبحها في هذا الزمن تغذي في تقديري ثقافة العنف.. يجب أن يجيء الوقت الذي نرفع فيه السكين عن الحيوان المسكين، على الأقل يترفع الأفراد عن القيام بهذا العمل، الذبح، في المنازل

أرجو أن تلاحظ معي ما تحته خط في هذا الزمن.. وفي المنازل وليس في البادية..
ولاحظ معي قولي أنها تغذي ثقافة العنف واستسهال القتل لدى الأطفال، وأنا أقول ذلك من منطلق تحليلي نفساني بسيط، ولا أقول أن ذلك هو السبب وراء العنف..

أما كل نقاطك الأخرى فهي عندي مظبوطة تمام، وأنا أعرف أن سيد الخلق عليه الصلاة والسلام قد ذبح ونحر، بل هناك آية في القرآن لتوجيهه بالنحر بعد الصلاة وليس قبلها، "فصل لربك وانحر"
وهو يقول: إن الله كتب الإحسان على كل شئ، فمن ذبح منكم فليحدد شفرته وليرح ذبيحته..

البارح رأيت في تلفزيون السودان استقبالات شعبية لعلي عثمان محمد طه في شرق السودان وهو في عربة مكشوفة ويصافح الناس، فقلت لمن حولي، إن السودانيين لم يبلغوا حتى الآن مستوى الغدر الذي يسوق إلى القتل غيلة، فهو عيب.. ولكن رأينا الإسلاميين الذين حاولوا اغتيال الرئيس مبارك هم نفسهم الذين يحكمون السودان اليوم، وهي ثقافة واردة.. وأخشى أن ينقلها لنا هؤلاء الإخوة إلى السودان على صورة ما تم في الجزائر.. والله يكضب الشينة

لك الود والشكر .. صرفت لي درجة قطب حتة واحدة كدة.. يا سيدي تسلم، وأنا على يقين أنك لو رأيت الأستاذ محمود أو سمعته يقرأ القرآن لكان لك معه مثل الذي هو لي..

الأخ ياسر .. أول مرة أسمع بوجود سودانيين (قربت أقول مثقفاتية) يعرفون هذا الفرع المدعو بالشناتير!!! حيرتني مرة واحدة

علاقتي بالأستاذ محمود أعرفها أنا ولا رابط بينها وبين ما يسمى بتنظيم الجمهوريين (مع الاعتذار) .. أحترم هذا الرجل لبداوة وتصوف في ّوفيه هو أيضاً .. هذا هو الجامع بيني وبينه. صفة البداوة هذه قابلة للتأويل السلبي عند البعض .. وهنا اختلافي مع هذا البعض. فالبداوة التي اعرفها هي هذا النقاء والجود بالنفس فداءً للمبدأ (يعني عوارة في نظر البهلوانيين الهاربين) .. في زمن أصبحت فيه الفهلوة والحربائية وتحميل الغير مسئولية الاخفاق الشخصي سمة لكل مثقفياتنا. ولا داعي لذكر أسماء هنا
أها .. محمود هو الفحل .. ومن يشيدون بفحولة الفكر الجمهوري هم أبعد عن الفحولة .. وكان عليهم على الأقل أن يتشبهوا بمحمود في موقفه. أليس التشبه بالكرام فلاح؟
فتشبّهوا إن لم تكونوا مثلهم ..... إن التشبه بالكرام فلاح
لا .. سوف لن يتشبه مثل هؤلاء بالكرام من أمثال محمود .. سوف يقتاتون على دم محمود

ياخي أنا انفعلت. في النهاية .. محمود محمد طه ما مفروض أي زول يتبعه .. لانو ما في زول بيقدر على الزلق الكان بيمشي فيه. والله الكلام البلدي ده بيعجبني بالحيل. محمود دربو زلق .. والباقيين ديل البيحاولوا يذكروه ببعض حروف قول ليهم انقرعوا .. وخليكم في طينكم البتخمجوا فيه ده

العزيز شنتير

بتكون نمت بعد دا، شايف الواطة عندكم فللت..

ياخ حيرتنا معاك.. إنت في جزيرة في المحيط الهادي؟؟ والله يا السودانيين قصتكو قصة آخرها لسة..

Quote: علاقتي بالأستاذ محمود أعرفها أنا ولا رابط بينها وبين ما يسمى بتنظيم الجمهوريين (مع الاعتذار)

لقد كنت وأنا طالب في السنة الثالثة في كلية الطب، حوالي عام 1973.. وفي الإجازة خرجت في وفد لتوزيع كتب الأستاذ محمود مع الأخ الأستاذ أحمد دالي.. فجئنا إلى سوق المناقل وكنا نبيع كتبنا على الناس في الدكاكين.. وفي أثناء تجوالي جئت إلى أحد الدكاكين وكان به رجل شيخ كبير في سنه، شعره أشيب، فقلت لنفسي: هذا الرجل قد لا يكون يعرف القراءة من أصله، فالأفضل أن أتجاوزه وأعرض كتبي على من أظن أنهم قراء.. فما كان منه إلا أن ناداني وسألني ماذا أبيع.. فقلت له لدي كتب الأستاذ محمود فقال لي أعطني لأرى.. فأمسك الكتب في يده وجعل يختار بعضها: ... هذا عندي ويضعه على فخذه الأيسر، ، واختار بعض الكتب.. ووضع بعض الكتب الأخرى على فخذه الأيمن وهي من الكتب الجديدة التي كتبت مؤخرا ومنها على ما أذكر كتاب الثورة الثقافية.. وأخرج جزلانه من جيبه ودفع ثمن الكتب، وقال لي: يا ولدي زمن الناس يعرفوا الكتب دي لسة ما جاء..
هذا والله ما قد حدث، ولك أن تتصور.. وقد حكيت القصة فيما بعد للأستاذ محمود، في جلسة جامعة عندما بدأنا في رفع تقريرنا عن الوفد.. الشاهد أن تلك القصة أعطتني درسا لن أنساه.. والدرس أن الفكرة الجمهورية تمثل عندي جوهر الدين، وأن صاحبها الأستاذ محمود قد تعطف على أمثالي بأن جعلني أحد الداعين لها، وأنا لذلك من الشاكرين.. الدرس الثاني هو أن الفكرة تساعد الأفراد على تحقيق شخصيتهم المتفردة، وما أمر الجماعة إلا وسيلة لتلك الغاية.. وكان ذلك الأمر هو أول ما تفطن له كبير الجمهوريين بعد الأستاذ، فقام بحل التنظيم الجماعي لينفتح الطريق إلى الأفراد، إذ أن السير الجماعي قد توقف، وبدأ السير الفردي.. وأنا الآن على علاقة كبيرة بجماعة الجمهوريين ولكن ليس هناك، حتى الآن، تنظيم سياسي يتحدث باسم الجمهوريين كجماعة..

قولك:

Quote: فالبداوة التي اعرفها هي هذا النقاء والجود بالنفس فداءً للمبدأ (يعني عوارة في نظر البهلوانيين الهاربين) .. في زمن أصبحت فيه الفهلوة والحربائية وتحميل الغير مسئولية الاخفاق الشخصي سمة لكل مثقفياتنا. ولا داعي لذكر أسماء هنا

نعم صفة البداوة هي التي ذكت العرب ليكون فيهم النبي محمد عليه السلام، وقد كانت نشأته في البادية.. وهي التي ذكت العرب على بني إسرائيل ليكونوا حملة الدين الخاتم.. ولكن لدى الأستاذ محمود أخذت بعدا جديدا، بفضل تجويد الطريق النبوي، والحديث سيطول..
أرجو أن أحيلك إلى منبر الفكرة الحر الملحق بموقع الفكرة الجمهورية لقراءة سؤال في هذا المحور..
http://www.alfikra.org/forum/viewtopic.php?t=32
http://www.alfikra.org/forum/viewtopic.php?t=51
وستجد فيه إجابة على قولك:

Quote: أها .. محمود هو الفحل .. ومن يشيدون بفحولة الفكر الجمهوري هم أبعد عن الفحولة .. وكان عليهم على الأقل أن يتشبهوا بمحمود في موقفه. أليس التشبه بالكرام فلاح؟ فتشبّهوا إن لم تكونوا مثلهم ..... إن التشبه بالكرام فلاح لا .. سوف لن يتشبه مثل هؤلاء بالكرام من أمثال محمود .. سوف يقتاتون على دم محمود

صدقني، فكر الأستاذ محمود غير قابل للتكسب عن طريقه، وهذه أحد جوانب عظمته..

قولك:

Quote: ياخي أنا انفعلت. في النهاية .. محمود محمد طه ما مفروض أي زول يتبعه .. لانو ما في زول بيقدر على الزلق الكان بيمشي فيه. والله الكلام البلدي ده بيعجبني بالحيل. محمود دربو زلق ..

إنت عارف.. هذا هو السر في دعوته.. إنه يدعو الناس إلى طريق النبي عليه السلام، ولم يطالب أحد بأن يعمل الشئ الذي يفترض في نفسه أنه عليه أن يعمله بنفسه.. المقاومة السلمية والعصيان المدني.. ولكن الناس سيكتشفوا كنزه هذا ويبدأوا بما انتهى به: المطالبة بإلغاء القوانين التي أسماها قوانين سبتمبر، قد زاد عليها الجبهجية ما زادوا خاصة مادة الردة.. إذا لم تبدأ المسيرة بهذه الجزئية فسيكرر التاريخ نفسه، وتذهب الحكومة وتبقى قوانينها تماما كما ذهب النميري وبقيت قوانينه..
وأنا أتفق معك في عبارتك:

Quote: والباقيين ديل البيحاولوا يذكروه ببعض حروف قول ليهم انقرعوا .. وخليكم في طينكم البتخمجوا فيه ده

أنا على يقين أن الجمهوريين قد وعوا الدرس جيدا، ومن لم يعه منهم اليوم سيعيه قريبا، فإن هذا النظام قد أشرف على زوال..

ولك ودي وسلامي فقد استطعت أن تعصر مني هذه المداخلة..

ياسر

التحية لتماضر ومساكم الله بالخير
(

Quote: دخل الكلية الحربية وأصبح ضابطآ في الجيش ولسبب ما خيل إليه ان العنايةالالهية أختارته لحكم السودان فقاد إنقلابا عسكريا وأمسك بنواصي الأمور أو هكذا خيل إليه000ومهم يكن فإن جعفر النميري واحد منا حسناته من جنس حسناتنا وسيئاته لم تكن إلا تجسيما لسيئاتنا لقد رمي سهمه وأصاب قومه ولم يكن بدعا في ذلك عمل عملا صالحا وآخر سيئا وحسابه عند الله

قال هذه الكلمات أديبنا الطيب صالح مد الله أيامه واصفا بها نميري (مجلة المجلة العالم المفتوح في تذكر أكرم صالح 00العدد 339 -1986)
وقلت حينها رغم حبي الكبير للطيب صالح مالها علي أستحياء نريدها ضخمة سيدي بقامتك بقامة الوطن ماأهوننا أهذه كلمات يوصف بها سفاح ومن من شخص علم هو أبعد ما يكون هوي في النفس أو حبا في وزارة وقد جائته منقادة فلفظها00 وبعد خمسة أعوام بالتمام عاد الطيب صالح ليقول(هل ما زالوا يتحدثون عن الرخاء والناس جوعا وعن الأمن والناس في ذعر وعن صلاح الأحوال والبلد خراب الخرطوم الجميلة مثل طفلة ينيمونها عنوة ويغلقون عليها الباب تنام منذ العاشرة تنمام باكية في ثيابهاالبالية لاحركة في الطرقات لا أضواء من نوافذ البيوت لافرح في القلوب لاضحك في الحناجر لا ماء لا خبز لا دواء الأمن مستتب كما يهدأ الموتي نهر النيل يسيرسيره الحكيم ويعزف لحنه القديم السادة الجدد لا يسمعون ولا يفهمون يظنون أنهم وجدوا مفاتيح المستقبل يعرفون الحلول موقنون من كل شيئ يزحمون شاشات التلفزيون ومكرفونات الإزاعة يقولون كلاما ميتا في بلد حي في حقيقته ولكنهم يريدون قتله ليستتب لهم الأمن00من أين جاء هؤلاء الناس أما أرضعتهم الأمهات والعمات والخالات00أما أصغوا للرياح تهب من الشمال والجنوب
أما رأوا بروق الصعيد تشيل وتحط أم شافوا القمح ينمو في الحقول وثبائط التمر مثقلة فوق هامات النخيل أما سمعوا مدائح حاج الماحي وود سعد وأغاني سرور وخليل فرح وحسن عطية والكابلي والمصطفي أما قرأوا شعر العباس والمجزوب أما سمعوا الأصوات القديمة والأشواق القديمة ألا يحبون الوطن كما نحبه؟ إذا لماذا يحبونه وكأنهم يكرهونه ويعملون علي إعماره وكأنهم مسخرون لخرابه؟ قلت هنا الله أكبر ليس كما يرددها الببغاوات وأقول اليوم تماضر العزيزة لا والله لا غفران ولا عفي الله عما سلف 00دماء بدماء وهونا بهوان وعلي البادئ تدور الدوائر
خالد الحاج

أنا صاحي يا ياسر .. بكرة بطالة (أها زي ما كانت حبوبتي بتقولها) .. والليلة لحد الصباح بصحى .. لو قدرت .. لكن الكبر دخل .. شنتير أصبح من أرباب المعاشات
يا سيدي ياسر .. رأيي في محمود ثابت فهو إنسان سوداني فارس لم يتزحزح ولم يهرب مثل الذين نعوه وذرفوا عليه دموع التماسيح .. ولا أود قراءة المزيد . فصفحة الفكرة عندي وتصفحتها من أولها الى آخرها .. ولم أخلص الى شيء غير الذي سبق تشكّله في ذهني: محمود الفارس الرجل المتفرد في حياته ومماته .. وأنا أكتفي بذلك لأني لا أميل الى القراءات الدينية الفلسفية كثيراً (في الإسلام فقط) .. تكفيني المواقف .. رغم كلفي بقراءة الأديان المقارنة. ولا أظن أن أصبح جمهورياً يوماً ما .. لا علاقة لي بذلك

تقوم تكتّر معاي كلامك أنا بقول أسماء الذين ذرفوا دموع التماسيح بعد ده. أها لو ما كتّرت كلامك معناها أنا هرشتك .. بلغة العصر

بدل هدر الدم
لماذا لا تقدموا دمائكم
من اجل الحرية
لتسقوا ورودها بدمائكم
وترصفوا طريقها بجماجمكم
مثلكم مثل من قدم روحه
من اجل الوطن
الشهداء الشرفاء
الذين ماتوا من اجل المبادئ
والقيم
بدلا من ان تذهبوا بعيدا وتحلوا مشاكلم فرديا
وتأتوا للتنظير عن كيف يتحرر الوطن
ما قالته رودا صحيح ان الحرية تأخذ
بالتضحيات
والدم

الأخ العزيز شنتير

تحية طيبة

طيب أنا جيتك بعد الواطة صبحت ..

Quote: محمود الفارس الرجل المتفرد في حياته ومماته ..

نعم يا سيدي، وهذا هو جوهر الآية القرآنية الكريمة: "قل إن صلاتي ونسكي ومحياي ومماتي لله رب العالمين * لا شريك له وبذلك أمرت وأنا أول المسلمين"

Quote: وأنا أكتفي بذلك لأني لا أميل الى القراءات الدينية الفلسفية كثيراً (في الإسلام فقط) .. تكفيني المواقف .. رغم كلفي بقراءة الأديان المقارنة. ولا أظن أن أصبح جمهورياً يوماً ما ..

لفظة جمهوري نفسها مرحلية.. وكل إنسان مطلوب إليه أن يسلم لله، وبذلك يحقق فرديته.. "ومن أحسن دينا ممن أسلم وجهه لله وهو محسن، واتبع ملة إبراهيم حنيفا، واتخذ الله إبراهيم خليلا"ـ
قلت تكفيك المواقف، وأنا أيضا تكفيني المواقف ولكن يهمني أمر نفسي، أين أنا من ذلك؟؟ ولا يهمني أمر الآخرين، أين هم من ذلك!!!؟؟
لذلك لا أهتم بمن ذرف دموع التماسيح كمن وصفتهم، وهادي في ذلك: "يا أيها الذين آمنوا عليكم أنفسكم، لا يضركم من ضل إذا اهتديتم".. ولأني أيضا أنظر إلى الخشبة التي في عيني قبل أن أنظر إلى القذى في عين غيري..

والحمد لله على هذا البورد الذي جمعني بك يا شنتير، تهرشني وأهرشك، وتحبني وأحبك، وتختلف معي وأختلف معك، وتتفق معي وأتفق معك..

أرجو أن تخبرني عن الشناتير، فقد وجدت ذكرهم في خطابات المهدي الموجودة في منشوراته ومنها ما جاء في كتاب نعوم شقير..
لا أعتقد أن المهدي استطاع أن يفهم الشيخ ابن عربي، رغم ذكره له في بعض منشوراته.. وبالرغم من ذلك فإن المهدي لم يسلم من تكفير علماء السلطة ومفتي الحكومة وقتها، شاكر الغزي، وكذلك الشيخ أحمد الأزهري وكل ذلك موجود في كتب التاريخ..

النقطة الأخيرة داخلة في موضوع البوست دا تمام التمام.. لماذا كفّر أولئك العلماء المهدي؟؟

وسلامي لك ولأسرتك وجميع أحبابك..

ياسر

هنا يا بيان جيتي في اللحم الحي .. عشان كده أنا قلت لصديقي ياسر الشريف ان الذين ذرفوا دموع التماسيح على محمود لا يساوون قلامة ظفر منه .. وهم هاربون ويتوسلون بالأجنبي لإنقاذهم من الشر الذي مهدوا هم له بأيديهم

روضة دي والله انا نفسي كشت منها .. مع اني بقرا كتاباتها .. وحسيت بان أسلوبها بقي مختلف .. لكن طريقة دخولها الأولى تركت في نفسي غصة لم أستطع التغلب عليها بعد

روضة .. انتي ليه دخلتي بالطريقة الغريبة ديك؟ مع انك قادرة تكتبي بطريقة عادية وأخوية كفيلة باقناع الكثيرين .. ومحفزة للأخذ والرد معك؟

ياشنتير

لو روضة ما كانت اتخذت المدخل المصادم دة كان كلامها اتسم بالعادية الما بتؤدى لنتيجة


وياجماعة النسألكم :صحى انا اعلنت الجهادبالبوست دة؟؟؟
سبحان الله
يضع سرو فى اضعف خلقو

الرائعه المرهفه الاخت تماضر تحيه خاصه عبرك للشعب السوداني.
من سجن وبيت اشباح
وعطاله ودم مباح
ومزله تودى الغربه
والغربه جراحا جراح
والحل في بلدك ذاتها
تتحدى سلاح بسلاح
تهزم انفاس العتمه
ويعم سودانا صباح.
حقيقه هى كلمات تحرك في الدواخل الكثير الذى كاد ان يصاب بالركود يحدث هنالك في ذلك الجزء العزيز علينا ارض الوطن لهو معذب ومهين ومزل فما يقوم به هؤلا الفاشست من سجن ومطارده وتشريد وتعزيب للشرفاء من ابناء هذا الوطن ومحاولتهم لتكميم الافواه بكل الوسائل وسعيهم المحمول لمحو وتشويه دواخل الانسان السوداني بفرضهم لايدلوجيتهم وسياستهم الردئيه مستعملين في ذلك كل الطرق المشروعه وغير مشروعه مستغلين كل وسائل الاعلام للترويج لافكارهم و ارائهم الردئيه المهووسه.فاصبح الانسان البسيط في بلادي محاط بهذا الكم الهائل من الخطب السياسيه والثقافي المترى الذى يعكس احاديث التردى المهووس المتعصب .فانعكس ذلك علي الناس الطيبين في بلادى الطيبين الذين لم تكن السياسه بدهاليزها ومتاهاتها و اشكاليها تاخذ حيزا كبير ضمن همومهم واحلامهم .كانت حياتهم مغلقه بالستر حياه لا تزحمها التعقيدات والمشاكل فكل المشاكل عندهم بسيطه ودائما محلوله ـ يازول ـ كما يقولون خلال الونسه عند العصارى او غيرها من الاشكال الاجتماعيه الرائعه والحميه التي كانت تسود مجتمعنا.
ولكن ماذا بعد هذا الطوفان؟؟؟؟؟؟الذي شرزم المجتمع وزرع الكثير من الاحقاد وكل ما هو ردى وسى وسط الناس والاسر فتفككت العلاقات الاجتماعيه و الاسريه التي كانت تجمع الناس في بلادى .علاقات الصداقه ,الجيره,المحبه بتكهناتهاوطعمهاالخاصه المميزه لاهل بلادي تهمشت في ظل هذا الواقع وافرازاته القذره المفروضه عليه.

Quote: وياجماعة النسألكم :صحى انا اعلنت الجهادبالبوست دة؟؟؟ سبحان الله

اها فتوتكم متين؟
عشان ندبسه مع فتوة الجماعه البهناك ديك

ونشيله فوق روؤسنا ونستنى منكم ومنهم خنجر الرحمة

ومستغربه مالك ماهو الكلام كلو بيكون ونسه وفي النهاية بيتوسق
ودي الخطوه الأولي

وشيلي شيلتك
الجابك في الزقاق المضلم دا شنو؟

الاخت تماضر
الناس كلها عارفه انك انسانه فنانه والفنان بعيد عن السفك والعنف
بس صدقيني
الهزار الزي دا ما بيشبهك
وانت زوله ليك مكانتك
وكلامك بيتوثق

وزي ماشفتي العنوان البره دا بكره تشوفي اكتر

وربنا يحفظ الجميع

احترامي

الأخت الفضلى تماضر
لك منى التحية والتجلة والتقدير
كان سؤالك هل انت اعلنت الجهاد؟ وكمان عنوان البوست ما تجوا نهدر دمهم اول
نعم ونعم الله عليك وطالبتى بذلك وهو طلب مشروع ويؤيدك فى ذلك قوم كثر, ويعارضك آخرون وهم البادئون, ولكل منكم وجهة نظره, والفرق بينكما كالفرق بين قوليكما, فهم حاقدون كارهون لغيرهم من الأفكار الأسلاميه النيره والسحن والديانات والمذهبيات الأخرى, وذلك لمرض فى نفوسهم, ويحسبونه هينا وهو عند الله عظيم, بل لايتورعون بالغدر على اخوتهم فى الطريق من اجل المصلحة الذاتيه, اما انت وغيرك وانا نقصد الآتى عند اهدار دمهم ودعوتنا للجهاد
شيئان لاينفى الضلآل سواهما نور مفاض ودم مسفوح, ولكن انتهى عهد الدم المسفوح ودخل عهد النور المفاض, نهدر دمهم بالعلم وفضحهم وفضح اعمالهم, لابد من عملية جراحيه نستعمل فيها مبضع الطبيب وليس مدية الجزار والسيخ والدفاع الشعبى فيقتلون ابناء هذا الوطن من الجانبين وبأسم الدين والدين منهم براء, لآبد من اجراء عملية فتح قلب تلك المضخة التى تضخ الدم, واهدار ذلك الدم المجرم المريض وغسله بالثلج والماء والبرد واخراج ذلك الوسواس الخناس من صدورهم, الا ان فى الجسد مضغة اذا فسدت فسد سائر الجسد واذا صلحت صلح سائره الا وهى القلب, فهذا هو بيت الله فلابد من اهدار ذلك الدم الفاسد, الحديث القدسى ما وسعنى ارضى ولا سمائى, وانما وسعنى قلب عبدى المؤمن, وعند اهدار ذلك الدم بغسل تلك القلوب نكون اعلنا الجهاد عليهم ونلنا الشهاده وذلك بالجهاد الأكبر وهو جهاد النفس, الم يقل النبى عليه افضل الصلاة اتم التسليم, رجعنا من الجهاد الأصغر الى الجهاد الأكبر الا وهو جهاد النفس, فى بيت الله القلب, فهذا هو ما قصدته تلك الفنانة البارعه وشخصى واخرون

الرائعه / تماضر
الحمد لله انك غيرتى رأيك
اولاً لانك فنانه .. والفنان انسان مرهف
وثانياً لانو كفانا هدر دم
كدى النسعلك : انتى بتقدرى تضبحى دجاجه
الله يحفظك

الراسخ

ابو الطيب

ارتيقا


ما اروعكم وانتم تهدرون دم الظلم وليس دم الظالم

تحيلون المعركة الى لون وظل ولحن فى اتجاه السلام والبناء

لكم اقول ولهوبليس

ما كنت لاحسن الزعم بهدر دم ناموسة ، وانت تعلم ان رسالتى فى الحياة تروج للحياة وليس للموت

تروج للتعمير وليس للهدم

تبشر بالحب وليس بالكراهية

ولكن... كيف لم نستطع حتى الآن ان نحرك السكون

وللطيبين ان ينتظروا حكمتنا القادمة ، الى متى؟؟

انا اقول الطيبين ولا اعنى السذج ، فليس من مواطن فى السودان يمكن ان نسميه ساذجا، كلهم يعون ولكنهم مكتوفى الايدى وحائرون

الى متى ينتظرون؟؟؟

الى متى؟؟؟


بيان الدكتورة

هل انت بالداخل ام بالخارج؟؟

انا بالخارج
لا لانى معهرضة سياسية او لانى حرمت الحرية انا فى الخارج لاسباب اقتصادية بحتة
متى زالت هذه الاسباب ارجع للعيش فى بلادى التى ازورها سنويا

فى السودان للغبش مثلى لا يتغير الحال منذ حكومة نميرى والحكومة الانتقالية والحكومة الديمقراطية وحكومة الانقاذ امارس نفس الاشياء دون شئ جديد يذكر
لم احس بطعم الحكم العسكرى الاشتراكى ولم اتنسم الحرية ولم ارى بلادى تنعم بالرفاهية وحق امواطنة هذا بعد انقلاب
مايو نفس الفلم اتكرر تانى المرة دى عساكر ومعاهم كيزان
نفس الفلم لا حرية ولا ديمقراطية اى وظيفة دخلت فيهامعاينة مع كوز اخذها الكوز

ولان وصلت بى المرحلة اننى لا استطيع ان ادفع ثمن دواء اطفالى خرجت من السودان
ولم امشى الى دول الغرب لاعيش فى الويلفير
ورفضت العيش فى امريكا بكامل قوانا العقلية رجعنا الى بلادنا
ثم ذهبنا للعمل فى دولة تتناسب مع افكارنا
لحين يتغير الوضع الاقتصادى ونرجع باذن الله
هذه تجربة خاصة جدا واسباب خاصة ولكن الناس الذين بدأوا نضالهم
من اجل الشعب السودانى بعد الخروج وبدأوا المتاجرة بقضايا الوطن
بعدها اصيبوا بجنون العظمةودخلوا فى نفق النرجسية المقيت هذا موضوع مختلف
فانا اتحداكم يا مناضلى البورد ان تذكروا الاسباب الحقيقة لخروجك من السودان
دون تغليفها بقصص خرافية
وبطولات وهمية
يا شنتير
رودا كلامها واضح
ويتفق معها الكثيرون
ولكن فقط الطريقة التى احدثت بها الصدمة هى التى ادت الى انحراف مسار الخطاب
ولكن اشد فى يدها لانها
تناضل من اجل اهل بلادها

د/بيان سلامات
انتي قاصده ردك دا هنا ولا الحاصل شنو

؟؟؟؟؟
؟؟؟
؟

ايوة يا ولدى يا هوبلس اصلو
تماضر سألت اذا انا جوة السودان ولا برة

الاخ هوبلس

بما انك محايد على حسب تصريحاتك وتريد استقرار حكم فى السودان دون سفك الدماء والحقد
سؤال
ما هو رايك فى الفتوى التى صدرت من علماء اسلاميين بتكفير برنامج واعضاء الجبهة الديمقراطية ودورك الاساسى من اجل الاستقرار وعدم هدر الدماء

الأخت الكريمة الدكتورة بيان

تحية وسلاما

لقد قرأت في مداخلتك ما أعتبره تناقضا وسأحاول أن أضع يدك عليه:

فأنت تقولين:

Quote: انا بالخارج لا لانى معهرضة سياسية او لانى حرمت الحرية انا فى الخارج لاسباب اقتصادية بحتة متى زالت هذه الاسباب ارجع للعيش فى بلادى التى ازورها سنويا

ثم تعترفين بأنك لم تجدي فرصة في بلدك بقولك:

Quote: نفس الفلم اتكرر تانى المرة دى عساكر ومعاهم كيزان نفس الفلم لا حرية ولا ديمقراطية اى وظيفة دخلت فيهامعاينة مع كوز اخذها الكوز

أليس الحرمان من الوظيفة التي أنت مؤهلة لها، ويأخذها غيرك بسبب انتمائه لا بسبب علمه ومؤهلاته، يعتبر حرمان من الحرية؟؟ وأنت قلت بنفسك لا حرية ولا ديمقراطية!!
فكيف توفقين بين القولين؟؟

قولك:

Quote: ولان وصلت بى المرحلة اننى لا استطيع ان ادفع ثمن دواء اطفالى خرجت من السودان ولم امشى الى دول الغرب لاعيش فى الويلفير ورفضت العيش فى امريكا بكامل قوانا العقلية رجعنا الى بلادنا ثم ذهبنا للعمل فى دولة تتناسب مع افكارنا لحين يتغير الوضع الاقتصادى ونرجع باذن الله

وسؤالي:
كيف يتغير الوضع الاقتصادي إذا لم تذهب الإدارة التي كانت السبب وراء تفاقم الأوضاع الاقتصادية؟؟
ولماذا لا تعارضين سياسة الحكومة من هذا المنطلق ومن منطلق الأمر الديني نفسه:
"وما لكم لا تقاتلون في سبيل الله والمستضعفين من الرجال والنساء والولدان الذين يقولون ربنا أخرجنا من هذه القرية الظالم أهلها، واجعل لنا من لدنك وليا واجعل لنا من لدنك نصيرا"
أرجو ألا يفهم من ذكري هذه الآية أنني أنادي السودانيين بالقتال الحربي ضد هذا النظام الظالم.. والحمد لله الذي اضطر النظام إلى الجلوس لمفاوضة الحركة الشعبية فإن حقن الدم واللجوء إلى الحل السلمي للأزمة يساعد في تفكيك دولة الظلم... ومن ثم إلى تغيير الوضع الاقتصادي إلى الأحسن..
وأنا أعرف لك يا بيان موقفك من ضرورة إلغاء قوانين دولة الجبهة التي طورتها من قوانين سبتمبر.. وهي قوانين لن يكون للسودان مستقبل في ظلها أبدا..

أما بقية مساهمتك فأنا أوافقك عليها..

شكرا اخى ياسر
الحقيقة يا ياسر
كلامى غير متناقض
انا انتمى الى حزب قريعتى راحت
فى سمة 1985 تخرجت بالدرجة الثانية العليا
قدمت فى المعهد عينوا واحدة تانية عمرها 47 سنة بتاعة مكياج فى وظيفة نقد
وقدمت للعمل فى مصلحة الثقافة
ولكن للاسف الشديد لم يتم تعينى ثم قدمت
للمجلس القومى للاداب والفنون ونفس الشى فى وظيفة نقد عين خريجة
جغرافية
وايضا لم اجد وظيفة وخرجت وعدت سنة 1990
نفس الموال
كل الوظائف الذى قدمت لها
لم اتمكن من الحصول عليها
ودائما هناك شخص عندو واسطة
ياخذها ولانى مبدئيا ارفض فكرة الواسطة
الحمدلله الى الان لم اقدم بواسطة والى الان اناطح الحجر
تختلف الحكومات وتختلف السنوات والشهادات ونفس الساقية
عشان كدا
اذا عشنا على امل ان تتغير الانقاذ حتى يتحقق العدل فهذا حلم لن يتحقق لان المسألة ما مسألة انقاذ ولا حكومة ديمقراطية او غير ديمقراطية ولكن ثقافة
بلد تؤمن بالواسطة قبل الكفاءة
انا فقط اتمنى ان نكون واقعين لو تغيرت هذه الحكومة
برضو حيجى زول من حزب قريعتى راحت ولا يجد وظيفة لانه ما عنده واسطة
مثلا اسع الناس بيتكلموا عن
الفصل للصالح العامة وكأنه بدعة انقاذية
لقد مارست الحكومة الاشتراكية سنة 1970 هذا الحق وفصلت عبدالله الطيب لانه رجعى
وعين فى الجامعة عدد من خريجى الاتحاذ السوفيتى
ولكن نحن ذاكرتنا قصيرة
وفى سنة 1984 فصلت سودانير عدد ضخم من الموظفين
و جابت اكثر منهم لاحقا
وكذلك السكة حديد

فقط عزيزى ياسر انا زولة واقعية جدا
وانت عشان ما تتصدم ما تتوقع كثير
لان الله سبحانه تعالى نفسه لا يغير قوم الا يغيروا ما بانفسهم
ودى مشكلة الاحلام الكثيرة

اخر الدماء المهدرة فى السودان

ومازال هذا الهوس صاعدا فى غيه..فبالامس اتصل احد هؤلاء بالدكتور حيدر ابراهيم مدير مركز الدراسات السودانية بالخرطوم واعدا اياه بالقتل بعد ان نشر د. حيدر مقالا انتقد فيه اسلوب الانقاذ السياسى ومشروعها الحضارى المزعوم..

باب الله

بالدم بالروح

اقول
ان على شباب الانتفاضة الحذر الدائم من فرفرة ذبيح الجبهة الاسلامية و اعنى هنا كل الوطنين الشرفاء
و اعلم تماما ان لا مشاكوس و لا غيرها بقادرة على ازالة هذا الشر المتمثل فى هذه الحكومة, واعلم آسفا ان انهار الدماء ستسيل و ثمن عودة الديمقراطية سيكون هذه المرة باهظا
الحذر يا شباب الوطن و لنجعل خسائرهم اكثر, هذه لحظة الحساب اوشكت و ليصمد المناضلين الحقيقين و يا رذاذ الدم حبابك
دافعوا عن انفسكم و ليكن اعصار فى وجه العاصغة
هذه ليست دعوة للعنف بقدر ماهى دعوة للدفاع عن النفس و عن الوطن انها لحظة الصدق
من كان يظن ان الجبهة الاسلامية ستزول بغير دم فهو واهم. و ليكن الله فى عون الصامدين

في ذاك اليوم الكالح ، والحزن يجتاح المدينة خاصة منطقة الخرطوم جنوب ،كنت وصديق آخر ننتقل من عزاء لآ خر ، من بيت الشهيد علي فضل إلى آل الشهيد الرائد بابكر نقداله في الديوم الشرقية غلى العمارات الشهيد العقيد عصمت ميرغني ، قشلاق جنوب والشهيد الرائد عصام ابو القاسم ، ومعاوية يسن في الشجرة ، ومصطفى عوض خوجلي في ألإمتداد ، كانت كل أحياء الخرطوم ثكلى ، فقدت شباب في عمر الورود كانو بيننا قبل ساعات يملأون الدنيا جمال وآمال
كنت وصديقي معبأين بالحزن والغضب ،وتحت وطأتهما بنينا خطط الدم وصغنا عشرات السيناريوهات البسيطة بما يصيبهم في مقتل ويحقق الردع المطلوب بما يجعلهم يفكرون مرتين قبل إرتكاب أي حماقة
ذهبنا بأفكارنا إلى آخرين ، أقنعونا أن هذا سيفتح دولاب دم لن ينتهي ، وعواقبه ليست مضمونة خاصة ان أدوات الدولة ووسائل القمع بين أياديهم الملخة بالدم
مازالت ألأفكار صالحة وممكنة ، جدي أنت الفدائي وانا علي الباقي

الحبيبة تماضر
سؤال بسيط
هم عندهم دم عشان نهدرو؟؟؟؟؟؟؟؟؟؟
محبتى

مكرر

اخخخخخخخخ اه
والله دي حاله تمرض عديل
تسامح شنو دا
تسامح ونحن شعب متسامح تسامح فى عين أي مثقفاتي ياخ
هو نحن غير التسامح دا فى شي جاب لينا الإهانة والمرض والتردي
والله أي واحد يقول كلمة تسامح دي بعد العملو الناس ديل ولو بالغلط ساااي هنا
يكون بعمل فى شغل كيزان برضو
قال تسامح قال

التسامح صفة انسانية نبيلة .. ويجب حصرها في دائرة العلاقات الشخصية والاجتماعية فقط .. أما في مسائل الادارة العامة والحكم والسياسة فالتسامح لا يجلب غير اللامبالاة والاستهتار بالمواطن وحقوقه .. والدمار والكوارث .. .....الخ

الصديقة
تماضر
بالطبع لايمكننى الولوج هنا دون تحيتك ، وإلاّ فسيعتبر ذلك مجرد تسلل غير قانونى مصحوبا بعدم ذوق ربما

الاخوة
السنجك
وشنتير
أؤيدكما بلا تحفظ فيماوردهنا عن التسامح ، وربما تحول التسامح لفعل أرعن إن لم يُستخدم فى مواضعه المحددة بالضبط

تميز عصرنا الحاضر بارتفاع أصوات المنافقين والمنافقات في أنحاء العالم الإسلامي، فأفردت لهم الصفحات، وتصدروا المنتديات، واحتفلت بهم التجمعات، وسيطروا على كثير من وسائل الإعلام كما يلاحظ القاصي والداني لفشو الأمر وظهوره .
وحالُ المنافقين ليس بجديد على أمة الإسلام ؛ فهم أعداء ألداء لهذا الدين منذ بعثة نبينا محمد عليه أفضل الصلاة وأزكى التسليم، يكيدون ويدبرون ويخططون وينفذون، وقد وصفهم الله عز وجل في سبعة وثلاثين موضعًا من القرآن، وسميت سورة كاملة باسم ( المنافقون ) ، وأفاضت السنة النبوية المطهرة في توضيح ذلك الأمر العظيم وإجلائه .
وفي خضم هذا السيل الجارف من أهل النفاق حري بأهل الإسلام ممن يحملون رايته ويحترقون شوقًا لرفعته أن يسارعوا إلى فضح المنافقين وهتك أستارهم وكشف مخططاتهم وتتبع آرائهم وأفكارهم والتصدي لها والرد عليها ، وابتداء ذلك بتحصين أنفسهم وأبنائهم ونسائهم من شبههم ودعواتهم .

وأعظم أمر يُدخل الغيظ على قلوب المنافقين ويؤرق مضاجعهم نشر العلم الشرعي الذي يبدد نوره ظلامًا يتسللون في دهمائه ! أما الالتصاق بالدعاة والعلماء فهو خنجر مسموم في نحورهم ، ولهذا يسعون إلى مقولة متكررة فحواها أن من حمل راية رسول الله صلى الله عليه وسلم ، وميراثه متخلف متحجر بعيد عن الانفتاح والتطور ومجاراة الواقع ، والنفاق أجيالُ متوارثة فقد قالوا تلك المقالة في عهد رسول الله صلى الله عليه وسلم .
ومن درء خطرهم منعهم من تسيد المجالس وتسويد الصحف والمجلات قدر المستطاع ، ومما يعين على ذلك متابعة خططهم وطروحاتهم والرد عليها، والرفع لأصحاب الاختصاص بمقالاتهم وكتاباتهم. ومن أعد نصائح منفردة ورسائل خاصة فيها التخويف بالله والأمر بالمعروف والنهي عن المنكر، فإن ذلك من دعوتهم إلى الرجوع إلى الدين ومفارقة أرض النفاق .

ولا يعجز مسلم من الدعاء عليهم ورفع يديه إلى الملك الجبار بأن يشغلهم في أنفسهم وأهليهم، ولا تزال بؤرة النفاق يرتفع شعارها المعروف: ( وَإِذَا قِيلَ لَهُمْ لا تُفْسِدُوا فِي الأَرْضِ قَالُوا إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَكِنْ لا يَشْعُرُونَ ) (البقرة:11 ، 12) .

وفي هذه الفترة بالذات يجب على كل مسلم القيام بواجبه نحو رد كيد الأعداء ومجاهدة أهل الزيغ والضلال، وليتفقد كل فرد منا ذكرًا أو أنثى أمجاهد هو أم قاعد، فليأتين زمان نبكي فيه على ترك الأمر بالمعروف والتصدي للمنافقين ، ولا تبرأ الذمة بأن نقف متفرجين على أعمالهم ومخططاتهم ولا يحرك ذلك ساكنًا في قلوبنا وأعمالنا !!
والابتلاء بالمنافقين ليس بجديد فقد قال بعض السلف في زمانه: " لو كان للمنافقين أذناب لما استطعنا السير في الشوارع والطرقات من كثرتها "، وفي أمة الإسلام اليوم أكثر من ذلك، والله غالب على أمره ولكن أكثر الناس لا يعلمون .

لا تكن متفرجًا

الاخت تماضر
السلام عليكم ورحمة الله وبركاته وبعد
بخصوص هدر الدم فهي سنة نبوية عليه الصلاة والسلام لا يجوز التهكم به
والتندر به ووصفه بما لايليق وله ضوابطه وقوانينه والجهة التي يحق لها اصدار الهدر مش كل من هب ودب يصدر والآخرين يتهكمون
والذي يحدث في السودان من هدر دم وتكفير هذا ليس من الاسلام في شئ هؤلاء مهوسيين ومرضانيين شفاهم الله
فأرجو عدم ربط شئ من ديننا الحنيف والتهكم به مع هؤلاء المرضانيين نسأل الله ان يشفيهم ويهديهم
ولكي شكري ونسأل الله الهداية للجميع

لبيك تماضر ، ونك يا زولة نحنا جاهزين ومعانا مدفع الدلاقين

دكتورة بيان

الهجرة التى فرضت على معظم السودانيين

رغم انك الاسباب قد تعددت بسببها

الا ان " الفقد" واحد

الحرية

ولو انك عشتى بالحرية التى تستحقينها فى بلدك لما رحلتى ، والسودان بلد غير فقير

فاحتباس الاقتصاد والموارد فى ايدى بعينها ، هو ناتج عن السياسة المخربة للاقتصاد والتى تاتى الحريةفى هذا السياق كأحد اهم مركباتها

وفقط لتفسير الاشياء بمسمياتها الحقيقية ، السياسة فى السودان اثرت على معدلات الهجرة

ما اين يهاجر الناس من السودان المخرب سياسيا هذا، فابدا معك على مدار خطوط اليابسة الطوليه والعرضية

والاسكا قريبة

انا شخصيا لا عيش على الويلفير
واعمل ليل نهار لانال رزقى من عرق جبينى ، رغم الثلوج

اقول قولى هذا ولا اعنى تمييز الذين يتعاطونه بالمنقصة، كما هو الحال عندبعض السودانيين فى امريكا كندا هولندا المانيا سويسرا استراليا بريطانيا

...الخ

فان كنت ترينه انت "فضيحة"، فأنا اراه خيار وحق تمنحه هذه الدول فى معرض احترامها للانسان وحقوق الانسان، وهو يخرج من جيب دافع الضرائب الذى وافق على استقبال هؤلاء المهاجرين فى وطنه ، لسبب او لآخر.


وما من فضيحة فيه غير ان المواطنين الذين يتقاضونه ، يضطرون لاقتسامه نبقة من التقشف ، مع افراد عائلاتهم المقيمين فى السودان ، المفترض ان يكون وطنهم الام ، والذى من المفترض ايضا ان يقوم بملء افواههم واحتياجاتهم كواجب اساسى لدافع الضرائب والزكاة السودانى الاغبش المشيول حاله دائما وابدا

هذه هى الفضيحة الاساسية فى فكرة الويلفير...اما تقاضيه فهو حق مشروع

السؤال هو اين ويلفير الشعب السودانى وما هى مصائر الاسر بلا عائل والضعفاء والعجزة وغير القادرين على العمل والايتام والفقراء والمساكين

مع العلم ان السودانى الموظف والمغترب يدفع بالعلمانى ضريبة وبالعقائدى زكاة

ولا يجد ما يسد رقه.

اذيع ان اقول لك سرايا دكتورة لاول مرة: السودان به مشكلة سياسية واولها الحرية


ما تكلمى زول

انا شخصيا ارى عكس ما تقولينه
السودان الفرد الوطنى
الذى يحب بلده
والذين يعيشون
فى الويل فير
هم يعيشةن على فتات موئاد الاخرين
الفرد الامريكى الصميم عندما يضطر لاخذ الويلفير
يقتل اسرته ونفسه
والكلب
لانه بالنسبة له هذه
مزلة
ولكن السودانى
بيفتكرها فهلوة
تلقى الواحد مسجل اسم
فى ستين كلنك
باسماء مختلفة
مرة مستر نور ومرة مستر محمدنور
وهكذا
ويذهب يوم الجمعة حوامة تقيلة من حتة لحتة يجمع شيكات
الويلفير
و يجيب اللبن بالجوالين والجبننة وخلافه
ويكون فرحان جدا انه خضع الحكومة الامريكية
فى السودان لقد رفعت الحكومة يدها من الشعب وسرقت حقوقه
ولكن هذا الشعب اختار المنافى وترك البقية
فى انشوطة الفقر
لماذا لا يرجع الناس ويفكروا حقا ماهى الازمة
الحقيقة هى هى ازمة حرية ام ازمة ضمير
وبعدين كيف تكون بتستمتع بالحرية فى امريكا الرأس مالية لما تكون
عايش تحت حزام الفقر
لقد عشت تحت حزام الفقر
حيث يسكن الغالبية من السودانين فى الردندنت هاوسيس
عندما ياتى احدهم ويدعى ان امريكا هى جنة الدنيا
ويتحدث عن الحرية
نعم فى امريكا تعمل ما تريد لك مطلق الحرية
ولكن هل
وانت فقير تسطيع ان تعمل كل ما تريد
هل تسطيع ان ترسل اولادك الى جامعات ممتازة اذا كنت فقيرا
هل الضمان الصحى
الذى تحمله يكفل لك
رعاية طبية كاملة
فالحرية خشوم بيوت
وامريكا هذه نفسها عمل فيها ذلك الطيار سواق تكسى
مالذى يجعل الامريكان ان يرفضو اعطاء هذا الشخص وظيفة
لائقة بتعليمه لماذا يتحول اطبائنا الى سيلمين
وموسيقينا يضخون البنزين فى محطات البنزين
مالذى يجعا هؤلاء يقبلون ان يعيشوا فى بلد تهضم حقهم الادبى

برفضهااعطائهم وظائف تتناسب مع تعليمهم
مالذى يجعل فتياتنا يشتغلنا كول قيرلس
وشوقيرلس
هل هذه هى الحرية

هذه هى امريكا اصحوا وشموا نسكافيه

بيان

اظن مشكلتنا انه نحن بنطلع من السودان ليه؟؟

مش امريكا بتعمل فينا شنو


المعلومات البتدلى بيها عن امريكا دى ما بتغير من مشكلتنا الاساسية

يا بيان وما عارفة انا مفروض ادافع عنها او اهاجمها ليه؟

كل البقدر اقولو انه تطلع من دارك يقل مقدارك

وياما فى المهجر ناس بناضلوا بشرف من اجل حياة كريمة

وبنفذوا فيها بكرامة عالية

دة ما موضوعنا

حمزاوى

لا املك الشجاعة بان اتجاسر على العقيدة

والدين

كل الامر اريد به مناورة سياسية دنيوية بحتة

والله غفور رحيم

بتقصد انهم هم بهدروا دم الابرياء حسب النص النبوى ياربى؟؟


اسامة الخاتم والسنجك

نعمدكم قادة العنف الثورى؟؟ بتقدروا عليه دة؟؟؟

ماداعي نسلم
وعايزين تهردوا دم اخوانكم

حاجة واحدة اديكم ليها

مثال
يساري من قام بحارب في الراسمالية والامبريالية
والان عايش علي فتات معوناتها
وبرمجتها له

مثال تاني

نحنا يا الشريف في الهند تعرضنا لسفك الدماء
حاربناهم حاولنا نعزلهم لكن روحنا السمحة جعلتهم في وسط قلبوبنا وكنا نقف معهم في كل حاجة ليه
لانوا الدم واحد والاصل سوداني

في يساري بقي يميني
وفي يميني بقي وسط
وكل يهديه الله
ولا نهدي من احببنا ولكن نسأل الله ان يهدي الجميع

انتوا حزب الترابي دا مش هو الاساس واعترف بالتعذيب وبيوت الاشباح
كيف بقي معاكم يا ناس ال

ولكم شكري
وفروا لبكري حاجة

وبالقدر بلسانوا بيدوا ما بقدر يا اسامة وانت ما من ناسا

الاخت سودانية

والله اسمحى لى ما اتدخل فى حكاية منافق ومخلص دى لاها تأتى فى سياق النوايا وانا اجهل بالنوايا

الموضوع دنيوى بحت والطرح سياسى فانا لااتدخل فى علم الله جل وعلى


ولا اعتقد انهم متدينون عندما يقتلون ويعذبون ويسحلون

ويا مهاجر دى ديناميكيا الوجود

عفواً، اخطأت في تخير موقع المساهمة، فمحوتها من هنا لتكون في موضع يتبع لواحدة من المساهمات أدناه!

Dear Dr Bayan
I completeyly agree with you, the problem is not Democarcy or Dictatory system, but the problem is our way of thinking, we are not actually looking to improve our countrty, but every one just looking to solve his problem, and then the situation is allways the same , and some people could get their benefit in all goverment types. Realy I ask the opposition parties to come back to Sudan and fight actually againt ''Hakoomat Nas Eljabha'' and not live outside as you said with the Wellfare.

Quote: مالذى يجعل فتياتنا يشتغلنا كول قيرلس وشوقيرلس هل هذه هى الحرية

الكلام أعلاه كتبته الابنة بيان .. وقد حكى لي بعض الأصدقاء في كندا وهولندا تحديداً عن أمور يشيب لها شعر الوليد. يا ابنتي بيان، انتي عشتي في أمريكا .. منارة الحرية والديييييمقراطية والشيوعية برضو (مش في شيوعيين من السودان قاعدين هناك؟) .. هل كلامك د صحيح يا دكتورة بيان أم هو كلام ساي؟

شكرا يا عمو شنتير
الحقيقة نحنا لما كنا فى امريكا كنا فى المدينة ما اكثر من عشرة ودا كان قبل الانقلاب
لكن فى زول كدا مرة كتب حاجات عجيبة شديد احزنتنى جدا
وكان فى بوست وصل
اكثر من 200 مشاركة
تحكى عن حال السودانين
فى الغربة والمخدرات والدعارة
المؤسف فى واحد حكى عن زول عاطل يأكل من ما تأتى به زوجته وبناته
بالله منو يصدق حاجة زى دى
بعدين يا اخت تماضر
الناس ليه ما تقعد فى بلدها بدل تمرق وتحلى دارها ويقل مقدارها
وتتخلى عن شرفها كرامتها
ما هو احسن تقعد عاطل فى السودان
يرسلوا ليك المغتربين
ولا تمشى تنحرف فى الغرب
المسألة مسألة خيارات وناس مرضانة
وطبعا فى ناس قدروا يحققوا الحلم الامريكى لكن كم؟
انا شخصيا ما بعرف اى زول عايش فى بيت فى السبيرب وعنده حديقة
وحلتهم نضيفة زى الشفناها فى الافلام
البتحكى عن الحلم الامريكى

الحبيبة بيان
فى كل زمان و مكان تجدين الصنفين من البشر
اصحاب القضايا الحقيقيين
و المتاجرين بها
و هم -اى المتاجرين - قلة جدا
لكن
اعتقد ان الوجه المظلم للموطنين الذى ورد هنا ليس حقيقيا
فهل يعقل ان يهدر الانسان شرفه الحقيقى بالغرب و هو هارب اصلا من اهدار الشرف السياسى و الفكرى بالسودان؟؟
لا اعتقد

الابنة لنا
هل تعيشين فى نفس العالم الذى اعيشه؟
يمكن ما رايتيه انت مختلف وكذلك ما سمعتيه انت مختلف
لو عندك نماذج مشرقة
اخبرينا بيها
حتى لا يكن نفيك من قبيل
الغلاط
المناضل السياسى يبقى فى وطنه يموت
على مشانق الظالمين
او يعيش فى السجن
ولا يهيم بالدول يستجدى فتاتها
اما مناضلين هذا الزمن
لا يريدون السلام حتى لا تسقط ورقة التوت
وينكشف المستور
يضطروا يجو يقعدوا فى الكهرباء القاطعة والغبار

يا تماضر معليش والله جيت جاكى؟
يا استاذه الموضوع ده قلب كدى مالو؟؟
مش كان سؤال وحق السؤال مكفول صاح؟؟
وانتىقلتى عاوزه اجابه ممن يعرفصاح ؟؟
اها شن جاب الكلام الكوتور؟؟؟
مره تغنو لينا تم تم وتقلبوها لينا سيره؟؟
ما تراعونا معاكم نحن ما قاعدين نرقص؟؟
اثق فى فهمك وقدرة استيعابك
قودينا لى غنيتنا الاولى
عشان الايقاع ده لو فيهو شتاره اتصلح؟؟
وتعالوا نهدر بعداك هدرى شديد
انور ود بتول

انور ابو غيداء

دى اسمها العكلتة



بيان

فتشت بوست الحلم ما لقيتو

كنت بس دايرة اقول ليك انو انتى قايلانى انا بايعة وطنيتى لامريكا؟؟؟

بوست اتنشر هنا ووصلت فيه كمية الاطلاع الى الالاف وبكينا كلنا على حلم العودة للوطن



اما حكاية البنات واشغالن
دى مواضيع ما جابتها امريكا

{وبالمناسبة ليه امريكا؟}

انا بعرف انه السوان الوطن الحلم الجميييييل دة، فيه داعرات ومخنثين وسرقة وشاربى خمر وزناه ولعبة ميسر وبائعى ذمم وكلو

بلد
زيه وزي اى بقعة فى العالم

ما معصوم من الخطأ او الصاح والناس عايشة اختياراتها، والناس اختيارات

لانوطبعا فكرةالمجتمع الفاضل دة كذبة من اكاذيب المثالية،

المهم

نحن هنا بنبكى على سياسة دولة نحن بننتمى ليها بالحب والبنوة

دايرين حقنا الاصلى فى المواطنة

نحن والعاهرات والتقاة والزناة
وطن ما يقرقنا بانتماءاتناواختياراتنا

دايرين نعيش بحرية مواطنة تكفلها لينا الدولة كحق اساسى


ولا شنو يا ناس؟؟

الانسان مفروض يكون قادر بختار" ينوم على الجنب البتريحو" صاح؟؟


الانسان من حقو يختار

ونحن ما قادرين نختار

كدا ببساطة

مالك يا بيان؟؟

مادام جابت
اتهام بالعكلتة
عند اختلاف الاراء وتباين الرؤى
فآسفة جدا للدخول معك فى حوارات يا البت الحديقة
واعدك هذا لن يتكرر

وشكرا يا انور

الحبيبة بيان
و لم الصيغة تلك لسؤالك عن عالمى رغم محاورتى اياك بود ووضوح؟
فليكن ، نعم اعيش فى نفس عالمك بل و اقرب منك بحكم عيشتى فى الخليج
كل من اعرف من المعاد توطينهم و اللاجئين نماذج مشرفة و خرجوا لاسباب سياسية امنية او اقتصادية و هم اعضاء فى حزب الامة قطعا لا تعرفينهم لان هناك كثيرين من الجنود المجهولين فى عالمنا فى شتى المناحى و كثير منهم حملوا السلاح فى وجه الانقاذ او عارضوا من الداخل واغلقت فى وجوههم السبل
تلك نماذج مشرفة بحق
كما اعرف غيرهم من الذين لا ينتمون لحزب الامة و اعرف آخرين متاجرين بالقضية لكنهم قلة و ذكرت ذلك فى معرض ردى عليك و يبدو انك لم تقراى ردى جيدا لان ردك كان بصيغة تعميمية لحديثى يفهم منه اننى قلت ان كل من بالغرب مناضلون

بيان

يا صديقتى

عكلتة دى كلام بينى وبين انور

انا اهو دى بناقش فيك

باريحية وطولة بال

وشكرا على اسم البت الحديقة يا استاذ الموصلى ، فيك العشم

الابنة لنا
آسفة اذا بدأت حادة لك العتبى حتى ترضى
انا سعيدة بانك تعرفين من استطاع تحقيق الحلم الامريكى
اما انا فلا اعرف احد حقق ذلكم الحلم الجميل

تماضر ايوة بنقدر
و انا ما براى
و ما اول مرة انال هذا التعميد للاسف, لكن للضرورة احكام
ولا شنو ؟

العزيزه تماضر
ليك الود
ما كنت اخال ان ردود البوست
بسخونة النفس هذه؟؟كل العملتو انو انا قلت نقطة نظام وده من حقى؟؟
وبعدين مشكوره على ردك يا لطيفه
اها الناس التانيين ديل مالم بشكرو فينى؟؟
والله لعمرى انها العكلته بعينها؟؟
ليك الود
انور ود بتول

الاخوة الاعزاء تحياتي
تحياتي

عشان ما يختلط الحابل بالنابل والقضية الاساسية تضيع فى المناظرات حول حال الاخوة السودانيين فى الشتات. يجب وضع النقاط فى الحروف بالواضح خاصة وان الموضوع متعلق بهؤلاء المجرمين. أي نعم فى سودانيين عايشين فى امريكا واوروبا باسم النضال و من اجل حرية السودان وبتاجروا بالقضية دي وهؤلا انا بحتقرهم وبري ان كل سوداني حريجب ان لا يحترمهم والا يكون مثلهم متاجر، واعتقد ديل كشفهم ساهل جدا مش كدا و بس بل كاد أي سوداني يعرفهم كويس وحتى البسطاء ايضايعرفونهم باسمائهم.لذا ليس من العدل فى شي ان نعمم حالة هؤلاء المتاجرين على منهم فعلا يناضلون بشرف من اجل هذا الوطن المحزون.
نظام الجبهة قتل وسرق وشرد وعاث فى الارض فسادا، وبعد هذا كله نتحدث عنهم بتسامح، التسامح هنا لا يعدو كونه ضعف وقلة حيلة وزي ما بقولو اهلنا البسوي راسو وطايه يتحمل الدوس بعد كدا. وبعدين ركاب سرجين ما وقاف يعني بصراحة كدا لمن يصبح الحديث عن هذا النظام فيا اهل البورد امتازوا أي يا مع النظام او ضد النظام، بعد هذا يمكن ان ندخل فى التفاصيل المتعلقه بماهو صحيح وما هو خطأ. ام أي محاورة تكون فى مصلحةهذا النظام فمن الافضل ان تكون واضحة حتى لا نأتي ونقول لماذا يتهمنا البعض بأننا كيزان مثلا. وهنا تكون لمشكله الحقيقة التى احسب لها الف حساب لان الكيزان يستفيدون منها كثيرا. انني على يقين تام بأن هنالك الكثيرين فعلا ليس كيزانا ولكن لهم بعض الاراء والمبادئ الحريصين عليها جدا، ويبدو عليهم الاستياء عند ما يقول عليهم البعض انتم كيزان، وهنا يكون الخطأ مشترك اذ يكون الاول خندق الثاني مع الكيزان وهو ليس منهم، ويظل يكررها له طالما ظل الاول متمسك بوجهة نظره. وهنا من المستفيد غير الكيزان وحدهم. الحكاية ببساطة يجب ان يكون الجميع فى ريزم واحد ضد هذا النظام، وذلك من اجل نظام ديمقراطي يكفل للجميع حقوقهم الفكرية والتعبيرية.
عشان كدا الناس تقول بسم الله وتقيف فى خط واحد ضد الظلم والفساد

والسلام

الأخت الكريمة بيان،
أوافقك على أن المسألة تتطلب إعادة تأهيل المتعلمين، وغير المتعلمين في بلادنا لنرسى دعائم ثقافة جديدة، تبعد بنا عن ثقافة إقصاء الآخر. وثقافة إقصاء الآخر تعبر عن نفسها بصور وتلوينات مختلفة، وساطة الأقرباء بالدم، أو بالطائفة، أو بالملة، لإقصاء "ناس قريعتي راحت" من الوظيفة هو واحد من هذه التلوينات. القبلية، الطائفية، والهوس الديني كل هذه نتجت عنها صور من الإقصاء لا حصر لها. ولا سبيل إلى السودان الذي تتوقين للمساهمة في صناعته بغير التخلث من أفات القبلية والطائفية والهوس الديني.

أرجو مخلصاً أن لا تنغلقي في العوامل الإجتماعية والاقتصادية حصرأ، وكأنها لا تلتقي مع العوامل الفكرية-التقافية-السياسية. هذه الأمور متداخلة ومعقدة، ولكن يمكن فهمها واستيعابها ممن تيسرت لهم فرص الدراسة والتجريب والسفر مثلك بأيسر مما هو متير لغيرك. أتمني أن يكون هذا المنبر مكاناً لفتح مغاليق الفهم والمعرفة لدينا جميعاً!

شكرا اخى الغالى على النصيحة

الاخت بيان..تحياتى
لقد تابعت بعض ردودك وبوستاتك....وفى كل مرة استغرب ....
وتذداد حيرتى...فى مستوى الوعى الذى تحملة صفة...الدكتوراة.
ارجوا ان تكون ارائك....تحوى..قليلا من العقلانية..وليست ونسة
وحكى....غير مؤسس..ومجرد إنفعالات إنطباعية....
تحياتى

ياود السافل
ايوة تصدق انا زولة ساذجة جدا
وبسيطة من حنانة لى حنانة
وما بعرف حاجة فىالدنيا وعالمى محدود شديد شديد ووعى اكثر محدودية
من عالمى
ولقبى العلمى اشتريتو
وفى حياتى ما قريت كتاب
وفريب دا بقيت اقرأ سيدتى
عشان كدا بنقل ليكم منها
متأسفة شديد عشان ارفع مستواى
اوعدك حاقرأ كتب
وما ببقى انطباعية
ولا بكتب عن تجاربى
بس بكتب عن تجارب
الآخرين العظماء
فما انا الا امرأة جاهلة
وانا متأسفة جدا لانى بحمل هذا اللقب العلمى
كان من المفترض
ما احملو واديه لزول عظيم تانى
او زولة عظيمة اخرى
عشان
يخرج السودان من الفقر
ويتكلم عن حاجات هامة
وخطيرة غير الكلام
الفارغ بتاعى الا بيودى ولا يجيب
وبالله ما تضيع زمنك الغالى فى متابعة تراهتى
حتى لا تتميه فى عالمى الخاوى
الفارغ
امشى للبوستات التانية المليانة كلام
موضوعى وما انطباعى
لانه لو ما آخد بالك القراية هنا على حرية القارئ

يا ناس دايرين الحق ولا اخوهو؟؟؟

البوست دا جنح بعييييييد

يا ريت الناس تراجع نفسه شويه
عشان ما تهدر حاجات تانيه كمان

السنجك

احترمت جدا فى مداخلتك انك ما كوز

وانك بتعتبر النظام دة فاسد ويجب الوقوف ضده

ودى نواة البوست

كيزان بهدروا دم "من طرف" ويبرطعوا فى البلد طولا وعرضا

نعمل ليهم شنو؟؟؟


شكرا ودالسافل على طلتك

وشكرا هوبليس على الاجاويد

خلى الناس تتونس

ودى مقولة مضحكة قالها زول بدافع عن زول بدا يكضب والناس بدوا يزرزروه فى كضبو ، فقمعهم الشاب دة وقال ليهم خلوا الناس تتونس

مافى مشكلة يا هوبليس

بنتفق فى آخر المسار ، او بتمنى