كان اتصافت النيه...تلفون راويه..بشيل..ميه

راويه: تماضر ازيك..

انتى عارفه معاى منو؟؟ كلهم دايرين يتكلموا معاك
انا: انتى فى ايوا صاح؟؟ معاك منو؟؟
اسمعى اسمعى الغنيه دى..سامعه

ده الانشاد توزيع الموصلى..
معاى :


الموصلى

ما معقول؟؟

هالة قوته

السمح مقوتا؟؟

يمنى قوته
البت الفالحه الناجحه؟؟

حيدر بدوى صادق
الاستاذ الكبير؟

ابومهيار
دة نديدى..؟

وقصى.ود اخوك ...(ياهو زاتو)

هاك اتكلمى..
معاهم

وانا بين "oh my god"..

وشوف بالله

وكيف عاملين..

وبا بغر..

_ البورد فيه شنو الليله، قالتها اكثرهن حبا للشمار..ولا داعى بشيب الحال..

الليله ..؟؟

خليه ده موضوع طويل..

(


عرفت انهم ماشين على المعرض..

يحتوى على ملصقات..
لوحات الفنان خلف الله عبود من عمان..
بوسترات .. لمحات من حياة الاستاذ محمود محمد طه..مقولاته كتبه..
صور..

اصدارات وترجمات..
وما كتبه عنه..المفكرون خارج السودان..

من بينهم جون فوول

وعبد اله ايزيس اول جمهورى امريكى

بعدها ندوه يتحدث فيها النور حمد..
اسماء محمود

وانشاد..توزيع الموصلى..

تحدثت مع كل منهم..

كل .. اسعدتنى محادثته..

واختتم..حلو الحديث..قصى ود اخوى..

اسمعى..سافرا عليك ما قاله هنا عن المراه:

هذا باب المراه

وهو باب تحب ان يدخله الداخلون سجدا،
ذلك لانه يعالج شانا هو اخطر شئون الارض على الاطلاق، وهو المراه.

المراه فى الارض كالقلب فى الجسد..)

خلاص..حنقطع المحادثة ..بنضرب ليك تانى..مع السلامه.. يا نديدنى..الخيانه شنو ؟ ..

ما تنسى الشمار..

وانتهت المكالمه..

وجئتكم بالشمار..الصحفى..

اعرف ناس ايوا .. انهم يجيدون الاحتفال.

سعيد ومبسوط بسعادتك دى وفرحك ده نتيجة مكالمة لناس بحبوك.
ربنا يدوِّم عليك الفرح يا تماضر ويخلى لأيامك كلها أعياد.
تحياتى للوليدات ولأصدقائى الذين بطرفكم من آل شيخ الدين.

اصلو يا منعمشوف..انا فى حكاية الاصدقاء دى..ما بتلاعب..

لم تستطيع ظلامات حقد العالم كلها اطفاء شمعلة الحب فى قلبى.

لان اصدقائى..يهرعون الى بصحائف الجمال والفرح و"يتلافونى"..بالصفاء..

فلكم يا من تمسكون بحبل وريدى..

هذى،
عيونى.....

وشهد النقاء

تسلم عيونك يا تماضر لأطفال ونساء السودان
وكونى كما عرفناك وعهدناك، ولن تزيدك محن البورد
إلا إصرار للمضى قدماً فى تحقيق رؤاك الواضحة للعالم
مجددا يا تماضر، سعيد أنا بإنتقالك لهذا المزاج الخلاق
وباكر بعد باكر نتلاقا هناك فى حوش أبو الريش، إستبينا

تماضر ايوا دى بلد و لا ايوه بتاعتنا "yes"
يا جماعه ما داير لى ملايات امريكيه!!!! رغم انى ما عندى سراير!!!!
يحكى انو محمد الامين لما كان فى امريكا شايف الناس طالعه نازله الملايات الامريكيه...الملايات الامريكيه
قال ليهم بصوتو العجيب داك "دى حقو يسموها الملايات المتحده الامريكيه "

راويه دى كمان قصه تانيه...

و...ايوه يا ناس ايوا

فى راجل لطيف من ايوا ..كان بحاول يقنعنى يا عصام..ارحل ايوا..لانه هو وزوجته واولاده رحلوا ولقوا الحياه "رخيه"
فبقول لى: تقول ليهم عندكم بيت مجانى؟ يقولوا ليك "ايوا"..

تقول ليهم عندكم عربات رخيصه ؟..يقولوا ليك "ايوا"

ياخ خلاص تعالوا ارحلوا ايوا..

تسلم انت ده..يامنعمشوف يا اصيل..لك ولماجده..حزم..الضوء..وعطر البيادر

وحوش ابو الريش..راجيك..

ليه الغيبه دى..كانت اصلو؟؟

خناس

Quote: هذى، عيونى.....

قبلي جاي و قبلي جاي

تستاهل يا جميلة
ويستاهلوا ناس ايوا يسمعوا صوتك البفرح بلد

(أيوا) كده

عندكم الموصلى؟ (أيوا)
عندكم قرين كارد؟ (أيوا)
عندكم ضيوف من القاهرة؟؟ (أيوا)
عندكم مكالمة تفرح تماضر؟؟؟ (أيوا)

أبوكم مين؟؟؟ (أيوا)

مرة يا تماضر النميرى كان فى بيت المرحوم خالد جبريل ، أيام أبوكم مين طالعة جديد ، فسأل انتصار (كانت شافعة ساى) ، وختاها فى ركبتو وقال ليها بى صوتو التخين داك ، أبوكم مين؟؟؟ انتصار ردت عليه بسرعة قالت ليه : بوكاسا

بالله خليك فرحانة طوالى ، و (أيوا) كده

ضحكت من (الملايات المتحدة الأمريكية)

تماضر العزيزه وضيوفها الكرام منعمشوف, عصام جبرالله ,الجندريه ( بالمناسبه يالجندريه نحنا كنا في ديم لطفي بايوا) وهشام

وود قاسم المحترم
تحيه وود

دي دخلتي
من المطار وحارجع ليكم بالتفصيل لي بكره
حاجه كانت رائعه




الا بذكر الله تطمئن القلوب

حمدالله على السلامه..

اهو ده الغربال فى يدى...للشمار..

نوم العافيه

العزيزة تماضر.....التحيات الطيبات
كل الود لك و انتى تتابعين رحلتنا التى كانت ممتعة بحق , و ما امتاعها الا من تشرفنا بمقابلة عدد من اخواننا و اخواتنا بالبورد مثل الاخت راوية و الاخ الموصلى و الاخ ابومهيار و الاخ عمر عبدالله والاخ قصى والاخ حيدر بدوى .....الخ و كذلك التشرف بالوقوف و التأمل فى تجربة ثرة و مليئة بالدروس و العبر و هى تجربة الاستاذ الشهيد محمود محمد طه ومن بعده ابنائه الجمهوريين و بناته الجمهوريات , اتمنى ان يسعفنا الزمن لنقل بعض الخواطر عن هذه الزيارة الرائعة

سلام سلام سلام

يا وطن الأحرار والصراع
الشمس في السماء كالشراع
تعانق الحقول والمراعي
وأوجه العمال والزراع


لو لحظة من وسن تغسل عني حزني
تحملني ترجعني إلى عيون وطني
يا وطني

أصبح الصبح وكأن الزمن الماضي
على الماء نقوش
فارفعي راية اكتوبر فالثورة ما زالت تعيش
وأنا ما زلت في البعد أنادي
يا بلادي
ياااا بلادي

اضغطوا لتسمعوا
http://www.sudaneseonline.com/SudaneseMusic/music/Moham...ardi/ya%20watney.wma


وشكرا لبت الشيخ وراوية وتلفونها
وسلام في الختام للجميع

لا لا لا أنا زعلانه و بغرانه و حسدانه، ده كله علي اتخيلوا بس...
و يا راوية ما كان العشم بدل تجينا هنا في واشنطن تمشي ايوا
أو علي الأقل كنتي تدينا خبر كان مشينا معاكي
و يا ناس ايوا ازيكم
و يا تما ضر تستاهلي المفاجأة السمحة يا السمحة... ما تزعلي دي ما السمحة بتاعة سبيل ها ها ها

-----------التوقيع قيسان ..

مع التحيايا للجميع

قيسان

Quote: .فى راجل لطيف من ايوا ..كان بحاول يقنعنى يا عصام..ارحل ايوا..لانه هو وزوجته واولاده رحلوا ولقوا الحياه "رخيه" فبقول لى: تقول ليهم عندكم بيت مجانى؟ يقولوا ليك "ايوا".. تقول ليهم عندكم عربات رخيصه ؟..يقولوا ليك "ايوا" ياخ خلاص تعالوا ارحلوا ايوا..

يا تماضر
ويقولو ليك الطف ناس فى ايوا
وارقى ناس فى ايوا

ادونى فرصة ارتاح من تعب السواقة والسفر واجى احكى ليكم عن لطف ناس ايوا وذوق ناس ايوا المافضل ليهم الا يشيلونا من على الارض
واحكى ليكم عن مفاجاءة ان تلتقى لاول مرة باناس تبادلت معهم الماسنجرات والتلفونات والبوستات لما يقارب السنة
ان تلتقى وجها لوجه راوية العباسى و عمر عبد الله وياهو زاتو وابو مهيار ود/النور حمد واستاذنا الموصلى
خلونى ارتاح واجى احكى ليكم عن الاحتفال وعن الانشاد العرفانى الذى نقلنى الى السماء
وعن امرأة لا تشابه اى امرأة..عن اسماء محمود محمد طه
وعن مكالمة تماضر
وعن تلفون حنينة
وعن...وعن....
باجيكم راجعة

يا جماعة برجع ليكم لازم .. بس ادوني فرصة بسيطة أكمل إلتزاماتي مع الأستاذ عجب الفيا .. و التحية للجميع

قصي همرور

قيسان..كالعاده..خلاق..ومفاجىء..كتر خيرك وخيرك ما يقل

ندى امين....سمحتك دى مضمونه طبعا..مش يبغروا صاح..المهم التلفون عوضنا ..انت السماح..زاتو

العائدين..هاله وياهو زاتو..

اتمسحوا بى زيت سمسم ونوموا..لمن ترتاحوا وتفضوا تعالوا..اهو البورد قدامكم..محفوف بالانتظار والترقب.

عدنا لكم

كانا يومين .. أو أقل من يومين هما كل ما قضيته هناك

عندما وصلت .. كان في ذهني أناس معينون كنت متهيئأ لمقابلتهم و قد علمت مسبقا أنهم حاضرون .. و لكن حساباتي كانت خاطئة جدا .. فلقد إلتقيت بأعداد أكبر بكثير مما كنت أتوقع .. و شخصيات كانت بعيدة جدا عن تصوري

القائمة طويلة جدا .. و كل شخص في القائمة كنت أود لو جلست معه عدة أيام .. في حين لم يكن عندي لهم جميعا سوى يومين .. فرحلت فرحا و حزينا

الشيء المشهود هو أن المناخ في تلك الأيام كان مناخا مشبعا بمحبة غريبة جدا .. تشعر أن الحب أصبح يكاد أن يتكثف بشكل كبير في الهواء حتى يصبح كتلة تمشي بيننا على قدمين في تلك الأجواء .. و في تلك الصالة عندما تواصل الإنشاد العرفاني بدأ قلبي يدق بشكل أسرع .. و ألتقط أنفاسي و كأني أركض .. و العرق على وشك أن يتصبب مني .. و الجو مشحون بالعواطف بشكل هائل .. يفجر نفسه في بكاء أحدنا .. و تساقط دموع الآخر .. و الذكر المفرد (الله) يتعالى أكثر و أكثر .. و تأتي التعليقات على مناسبات إحدى القصائد التي كان يطلبها الأستاذ محمود كثيرا في أيامه الأخيره .. فيطرب الجمع و يتطرب .. و تتهاوى معاني المادة و حواجزها من زمان و مكان .. و أحس بالأستاذ موجودا بيننا .. و معه وفود من رواد التاريخ الإنساني الذين وظفوا حياتهم لإستخلاص التجربة الإنسانية السامية لنا .. و أحس أن تلك الصالة لا تستحمل ذلك الكم الهائل من الأعداد .. رغم أن المحسوس أنها كانت كافية .. و رجوت حينها لو يتوقف الإنشاد .. إذ لا طاقة لي بكل هذه العاطفة في لحظة واحدة

مظاهر العناق و الترحيب و الإبتسامة الصافية طغت على كل تلك الساعات ... و كانت الأحلام و كأنها مواصلة للإحتفال بين العقول حيث لم تقوى الأجساد على مواصلة الإحتفال دون توقف

لم تكن عندي أي أداة فعالة أستطيع أن أميز بها بين من هو جمهوري و من هو غير جمهوري .. و من هو من سكان أيوا و من هو زائر .. فالكل لطيف طيب صبوح الوجه .. و جميع سكان أيوا إستضافونا إستضافة الأهل القريبين جدا.. و لم تعد عندي حاجة لتلك الآلة الفعالة أساسا ... ألم يقل الأستاذ (الشعب السوداني ده كلو جمهوريين ) ؟ .. بلى قد قال

لا أريد أن أذكر الأسماء خشية أن تخونني الذاكرة الخوانة .. و لكن يكفي أن نقول أن كل من كان متواجدا في تلك الأيام كان حقيقا بها

و للجميع السلام و التحية

يا تماضر ناس ايوه احطرمونا احطرمونا احطرمونا