لاتصدقوا هذا الخبر: السفر عبر الزمن

جون تيتور

او John Titor
tit: stands for travel in time

ظهرت مؤخرا فى الاوساط السيبيرية حكاية جون تيتور او جون المسافر فى الزمن ..

له موقع سيبيرى فى الانترنيت باسمه..مثل موقعنا هذا..يتحدث فيه من العام 2036..اى بعد 32 عاما من اليوم.

وقد بدات القصة منذ ان وضع كمبيوتر "قديم" جدا يرجع لعام ما فى "التسعينات" من القرن السابق، للبيع فى المزاد العلنى للموقع الشهير ebay

وبدا يدعو الاصدقاء للحوار معه..ويحكى لهم عن رحلته من "المستقبل" الى حاضرهم..وذكر فيما ذكر انه مولود عام 1998 اى انه يبلغ من العمر "الان" ست او سبع سنوات..

وقال انه عاش مع والديه فى اطلنطا جورجيا..وان والديه رحلا الى ولاية اخرى اظنها كلورادو...وقد قام بزيارتهما ولم يتعرف عليه الطفل جون "هو" ولكنه والداه عرفاه..

وقد حكى عن الالة ..الة الزمن ..التى استخدمها للعبور من المستقبل الى الماضى " الحاضر"..

وقد زاد سعر كمبيوتر جون حتى بلغ مئات الالاف على حد قول مقدم البرنامج..الذى استضاف اوليفر وليامز المهتم بشأن جون تيتر..وقد قام باعداد موقع خصيصا لهذا الامر

Oliver Williams is the website editor for the time travel story of John Titor. He first saw John Titor's internet postings in the fall of 2002. After reading many of the sites where John was discussed, it amazed Oliver as to how much polarization and confrontation John’s posts caused. Oliver soon realized that part of the problem was that there was no one place where all the posts could be easily seen. In early 2003, Oliver gathered the posts that John had left online and edited them into a single web site. The website also contains email and news events that point to subjects John spoke about. Oliver doesn't know if John Titor was a real time traveler or not, but, he says, what still amazes him about the posts is their ability to draw you in, question your sanity for thinking it might be real, and then scare you to death after seeing events unfold as John had said.


http://www.timetravelinstitute.com/ttiforum/postlist.ph...t=&Board=time_travel


ولكم ان تبحثوا فى الموضوع..

لكن ليس لكم ان تصدقوه..

كدى كل واحد يحاول يسافر 20 سنه كده لى ورا ...ويشوفو او يشوفها..كانـ ..ت كيف ووين؟؟


ولما ارجع من الشغل ..اشوفكم

Tumadir

Happy new keyboard, it seems you got a "futuristic" one

regards

Adil

20 سنه بس

لسسسسسسسه

مابتكفففى


؟
؟
؟

علوبه

العشرين سنه دى بتسقط حجر ناس هنا عديل كدة، وممكن ..يلقوا روحهم ببشروا فى قطع رحط امهم..او فى "جينة" واقعة .. مابين الصلب والترائب

القصة دى..بس خليناها بيناتنا


وخليك اعتيادي

Quote: لكن ليس لكم ان تصدقوه..

ليه كده الدكتاتوريه دى
من حقنا نحلم و نصدق

شوف يا كوستاوى اهو جبتنى من خشم الباب..

صدقوه لكن ما على مسئوليتى ..

انا شخصيا (........)..ما بكلمكم

مع انه ياعادل الاشتغل ده "القديم" والجديد هو الما اشتغل لكن الله يبارك فيك...


اظن القديم سافر فى الزمن سنتين كده لى ورا...واتقلب جديد

وداك سافر اربعه سنين لى قدام وانقلب قديم..


كيبوردات منها خوف...

تماضر ..
مفيش حد يدلني على طريقه أرجع بيها كم سنه كده للوراء.
عشان أحتل في الزمالك تحت بيتا واتفرج عليها وهي طالعه
ونازله .. وأكتب ليها جوابات غراميه عن القلب الذي ..؟


...
طلال

يا استاذة تماضر

الزول ده لو مشى السودان حيبقى اكبر شيخ طريقة
و حيعتبروه زول مبروك و مرفوع عنو الحجاب


و الله
he is funny

جنس فن

Quote: و مرفوع عنو الحجاب

اريتو حالى..

الا موضوع "الحجاب" ده مش اتقفل ...تانى الجابو شنو هنا؟؟


"مابقدر اكتب لوووول...عندنا بكا"


مرحب محمد اشرف

انـــــــــــــــا يا تماضر لو


فى طريقة داير امشى قدام ......


أشوف الحاصل بس ...أنا متاكد إنى حاجى راجع

Quote: أنا متاكد إنى حاجى راجع

محمد الفاض....

Quote: Quote: أنا متاكد إنى حاجى راجع

....صدق او لاتصدق بجى راجع ...برااااااااااى

ناجى الملك


ليه التشاؤم؟؟

امكن يوم باكر يبقى اخير زى ما بتقول حنان النيل


المهم لو رجعت...جيب لى معاك كومبيوتر لانه ده كل يوم مهدد بى اعدام و حديدة فندك فى الراس.."حتى لو اخد فيه تابيدة" ما مساعداه الا حكاية "الكاظمين الغيط" وكدة

طلال عفيفى

كل ما اشوفك بتتكلم عن سعاد حسنى كده ..اشعر زى كأنك بتطاعن فينى..

انا بحبها كده..واكتر

ونهايتها..التراجيدية .."تشة" جمرة فى كبدة التاريخ المعاصر للفنانة ..


الله يقوى العزيمة..بس

الغالية جداً أختي تماضر
سلام وشوووووووووووووووق
عايزاني أرجع لي ورا بعد سمحت وقامن لي جضيمات
عشان برجع
لك الود

تماضر حسي الموضوع دا خلي شوية ، لبعد المويات نبل ريقنا ونشوفا موديانة وين لورى ولا لقدام ..

اها يا بدر الدين شناة انت بالذات حاستعمل معاك "ستانسلافسكى" وبالذات باب "لو السحرية"


خليك راجع...ثلاثة سنين .."لاحظ الجضوم بتهضلم" سبعة سنين ..الجضوم..ماشة كاشة...عشرة...الجضوم والكدارين..والعراقيب..بدوا يسيطرو على المشهد..خمسطاشر سنة ..الجضوم نفسو..تسسسسسسس....عشرين سنة...بدرالدين شناة "مرة"...




اااخ يا بدر الدين...حليل الزمن الفات ...انا بعد ابوى ده مشى بقيت احس ..ب "التماهى" ولا "الاندياح" مابعرفو...بس بحس بى حالة من انعدام الوزن مبالغ فيها كنت قايلة امى هى اخر حزن..."غور" فى الجوف...


اضحك براك انا ماشة..

تماضر
اظن ان الرجل متأثر جدا بالرواية الشهيرة
"آلة الزمن" للكاتب الانجليزي المعروف
هـ .ج. ويلز..وهي من روايات الخيال العلمي
الفها سنة 1895 ..وهي عن مخترع تمكن من
اختراع آلة تستطيع ان تسافر بك الي الزمن
الماضي او الآتي حسب رغبتك وتعود..في الماضي
لمعرفة اخبار القرون البائدة وفي المستقيل
لمعرفة ما ينتظرنا من احداث...اها لو ليقيتي
الآلة دي حتسافري لوين للماضي ام للمستقبل
وعشان تعرفي شنو

"خيال علمى " وين مع انسان امريكا الما عندو حد ده...بيأكدوا انه الخيال العلمى ده تغطية للتعبير..من صدمة الانسان محدود الذكاء..البسيط...وانها حقيقة علمية..."بختهم" نحن احلامنا وخيالنا ما بتحققوا الا فى الشعر..


سالتنى؟

برجع خمسطاشر سنة..واشوف امى تانى محننة ولابسة توب سمح..وابوى كاجمل ما يكون...وضحكة عامرة بالمحبة ..فى نص بيت السابعة...


وعشة مبارك جات تزورنا

سلام يا تماضر

كل يوم و انا سايق العربيه بسمع برنامج اذاعى اسمه Coast to Coast Am و هو يذاع على كل المحطات فى امريكا و كندا,و هو برنامج متخصص فى الظواهر الغير طبيعيه,, قد ذكرت ماكينة الذمن عده مرات و تم وصفها

و بالمناسبه ..هل سمعت بلعنه البامبينو التى تطارد فريق ال Red sox لاكثر من 86 عاما...كثير من سكان نيوانغلاند يومنون بهذه اللعنه خاصة و ان فريقهم لم يتحصل على الكاس منذ 1918 ,,هذه السنه يقال ان بعضهم ذهب لفكى كارب لفك الكتابه ,,و فعلا استطاع الفريق و بطريقه اشبه للخيال من التغلب على اليانكييز فى ملحمه كرويه لم و لن اشهد مثلها ابدا.ولكن عليهم التغلب على الكاردينال لاذاله اللعنه الى الابد...قلوبنا مع الكاردينال.

تحياتى و رمضان كريم
النصرى امين
مشجع يانكى

تَماضــــــــــر

انا ايضا لم اصدق اننى سوف استمع .... الى صوتك ...فى مذياع فى طريق عودتى ....للمنزل ....فجاة ...انتبهت ...على كلمة عرائس النيل ....وجواب للبلد ..ومرثية للوالد ...

من تماضر شيخ الدين ....امريكا

الخرطوم الساعة 4 وربع مساء ...راديو ام در

.....
أقر واعترف ..اننى تزكرت هذا البوست ...ومداخلتى فيهو البارحة ...

وابتسمت ...

النصرى امين
ايوة انا برضو مرات كتيرة بسمع البرنامج ده ..شفتهم ما بخافو من ارتياد الخطر كيف؟؟ لكن مرات كتيرة مشعوذين ..بس المهم الجرأة فى تناول الاشياء المسكوت عنها يا عملات البورداب قبل شهرين..

مع انى ما بحب الكورة ام كتافين دى لكن شايفة الهلولة..

السؤال الفكى ده ما بفك "عمل" السودان ..

انادى مستعدة البس "كوتى" وامشى ليه

الملك تانى: بالله سمعت اللقاء

كتر خيرها نهى كرار..اتصلت بى من اذاعة ام درمان تعزينى ...وطلبت منى كلمتين..


للوطن!


اهو ده العرفت اقولو فى تلك العجالة..كدى ورينى كان كيف..الصوت واضح؟ الفكرة واضحة؟؟ وطبعا بكيت بدون ما اشعر لما اتكلمت عن ابوى


ياحليلو الظريف..الحنين اللذيذ العالم الفاهم الجميل الوناس القيافة..

انا حامشى السودان قريب

انا سمعتو ....


لكن ما براى ....قمت على حيلى ورافع الموبايل ....

فوووووووووووووق ....اتصلت على هشام ...قلت ليهو ....سمعتا الصوت ده وين ....

غايتو الحافلة الراكبها كلها عرفت انى ود عمك

............

Quote: انا حامشى السودان قريب

حتجى ......؟؟؟؟

العفيفة تماضر
سلامي وإحترامي

Quote: اضحك براك انا ماشة..

أضحك كيف وإنتي حاسة ليك بي شئ لا عارفاهو "تماهي" ولا عارفاهو "إندياح"

تماضر والله أنا متألم زيك وحاسي بي الإنتي فيهو تماماً بس أوصيك بالدعاء لهما ولجميع المسلمين

قبل يومين تحازنَّا أنا وعشة مبارك بالتلفون وحدثتني كثيراً عن والدك وعن خصوصية علاقته بك
له الرحمة والمغفرة ولوالدينا جميعاً

تماضر
الهنود عندهم عقيدة بتقول اى انسان بكون عاش قبل كدا لو كويس رحو بتجى فى انسان كويس ولو رحوه خبيثة حتجى فى كلب وخنزير...
احد مشايختهم بقول لو دخلت فى غرفة مظلمة واستلقيت على سرير وحاولت ترجع بالزمن للوراء..حتصل لاخر مراحل الادراك عندك...وبعد محاولة ومحاولة تلقى نفسك انحدرت الى عالم اخر عشته فيه..لك بنات اولاد واملاك....هم يؤمنون بهذه المقولة ..ويعملون لهاالف حساب فى معاملاتهم الخاصة من امانة وصدق واخلاص..ودا كله مش خوفا من عذاب او عقاب فى الاخرة ولكن خوفا من ارواحهم ما تجى كلاب او خنازير....
اسى حسن مكى سافر عبر الزمن 50 سنة وقال سوف يجى جيل ينعدم فيه العنصر العربى لان ارض الجنوب البتروليه سوف تهاجر ليها بنات الشمال ويتزوجن جنوبين ...اها يادنق شفت الكوز حسن مكى دا عنده رؤية مسابقة الزمن كيف
شكرا تماضر
وانا ماشى