"المرأة" حبيبتى ..احذرى التلفزيون السودانى ..بدفنك حية

ذهبت فيما يفعل الزائر الى اصدقاء ..محمد وماجده وبنتيهما الجميلات وام ماجده صديقتى المبدعة..بغرض الترويح والسؤال عن الاحوال..والمبيت لبعد الدار وقلة المزار.

محمد وماجده يحملان درجة الدكتوراة ...اما فى اللذاذة فمحصلين درجة "العواراة" ..ويملكان دشا..يعرض كل ماهو عربى وافرنجى ...واهمه "القناة السودانية"

عندما وصلت كانت ماجده فى الشغل ومحمد فى "التكل" يطبخ لنا طعاما مؤدلج ..وبه كل مقاومات الصحة والمحافظة على البيئة..

وكنت انا اتنقل من المطبخ للونسة معه الى حيث تجلس تيتة ام ماجده وهى تغزل شالا من الصوف..وتقذف لى بنقدها الشديد اذ كيف لا ازور كل هذه المده...ومرة مرة "اكحل التلفزيون" طلبت القناة السودانية التى تتحاشاها تيتة لانها "تجيب لها الغم" وتحت اصرارى رضيت..

وفى عجالة رايت شابة محجبة تقدم برنامجا عن سلوك "المرأة" وزيها وكيف يجب ان يكون ....قلت ما مشكلة .."المرأة" لو ما كلموها كل يوم ماذا تفعل فسوف لن تفهم وهى معروفة بمخها التخين ...وشرها المستطير...

وبداـت يدى تعبث بالريموت وتتنقل من قناة الى اخرى وكل البنات حلوات ومبدعات ومتحركات فى اتجاه تعريفنا بالعالم والثقافة والانسان ...والابداع...مسلمات على كافرات...

وسمعت صيحات من محمد تامرنا انا وبنته الذاهبة الى العمل بالتحرك سريع للخروج حتى يحضر "ماجده" ...."المرأة" بتاعتو من العمل..

وذهبنا وقضينا المشاوير واتينا "بالمرأة" دى للبيت وذهبنا "بالمرأة" الشابة التانية الى العمل...وعدنا "لنجد المراة الحلوة ام ماجده فى انتظارنا ...وجلست انا "المرأة" الزائرة فى الكنبة وبدأت اعبث بالريموت قبل الغداء ...لارى مزيدا من "بنى وطنى" فى الشاشة الفضية تحت تحدذير ووعيد من تيتة ..ام ماجده..

ووفعلا فتحت السودانية ...ووجدت هذه المرة ..."مرأتين" ومعهما رجل "بعرف كل شى" والموضوع كان هذه المرأة اقصد هذه المرة عن "زينة المرأة"

انقروا ما طلع حرام ؟...العطر حرام التسريحة الحلوة حرام الهدوم السمحة حرام ...و"المرأتين" فرحانات جنس فرح...

انا قلت بكون الراجل ده عندو زول تاجر عطور فى السوق ما بريدو ولا شنو؟

العطر حرام على "المرأة"؟؟ اجى؟؟

طيب دق الريحة ده يعملوه للرجل ولا شنو؟ الصندلية المحلبية ريف دور وكل عطور باريس ...ديل للرجل؟؟ الغريبة فجأة حلل مزيل العرق...

ياربى عندو بوتيك فى السوق "الرجل ده؟"


المهم بعد التساؤلات الكتيرة الاثارتها البرامج دى رجعنا لبقية العالم ولقينا البنات صلاة النبى...


قلت بس اكلم "المرأة" ...التختا التلفزيون السودانى .....بدفنها حية


وكل عام وانتم بخير...


تحياتى للمرأة فى دارفور وفى كل بقاع السودان الحبيب...

واصدق الدعاء لكل ضحايا ماساة الموجة القاتلة...

الاستاذه تماضر

ضحكت لمن وقعت من كرسيني



بجيك صاده تاني



تحياتي

و

لى قدام

تعالى صادة..

لكن بركة الجيت تانى عشان اضيف..

كل ما افتح التلفزيون بلقى "مراة" تتكلم عن "المراة"او رجل بتكلم عن "المراة..."

ده بكون من شنو؟؟

تماضر سلامات.

أنا قلته تماضر دي جنت ولا شنو؟ أنا أفتكرتك ركبتي الفضائية الاخوانية في بيتك.
الفضائية الاخوانية دي زي الزول البشتري مرض الضغط بقروشو.

دينق.

هسّه ياتماضر كلامك ده ماحرام ؟؟؟؟؟

لووووووووول

والله انا سمعت انه الشات في النت مكروه قالو لازم يكون معاك محرم



الفضل

يجونا يقولوا صوت المراه في البوردات العامه عوره...

سبحانك

له في خلقه شوون



بجي صاده تاني..

و يا حليل المراه





لى قدام

لؤى

ودينق


ههههههه

سلامى لمرااتكم

لؤى

ودينق


ههههههه

سلامى لمرااتكم

Quote: هسّه ياتماضر كلامك ده ماحرام ؟؟؟؟؟

هوى ياحرمة انقرعى الا بنهكرك

ازيك يالهكرورك على
خلاص بقيت كويسة وجيت ناطة

اشراقة حمد الله على سلامة النطة....

وبركة الشفناك طيبة

ده اليوست العالمي ( للمرأة )


هههههههه
لذاذتك ..

ودقستك .. البوديك شنو تشوفيها.. ما عندهم النيل الازرق ؟؟
مفعمه وفرايحيه وحتى ( المرأأت ) البجن بيتكلمن بتكلمن بي وعي ومنطق سليم ..

انت قايله اسرار بابكر دي بنلقاها وين ؟؟
ما هناك ..

Quote: هسّه ياتماضر كلامك ده ماحرام ؟؟؟؟؟

بسم الله الرحمن الرحيم
الحمد لله والصلاة والسلام على سيدنا محمد وعلى ءاله وصحبه وسلم

الاستاذة تماضر شيخ الدين جبريل امشي أجهز الرد واجي راجع

المكاشفى خضر

استنى امشى البس توبى واجى

العزيزة تماضر

السؤال الذي يطرح نفسهو لماذا خلقت المرآة من اساسو وهى كلها حرام في حرام واللة شئ. يحير !!!!!!!!!!!!

يبدو انه لا يوجد علاج لهذا الضغط المتزايد!!!!!!!!!!

اللطف..............

مع حبى

عفاف

تمبس صحى اسرار دى لو مافى فضائية يلقوها وين؟؟

انا مسمياها ويتنى هيوستننا ...

وللادغام بغنه ...اسمها ويتنى هيوستنا مع تشديد النون


وبالله سلمى الشاعرة ديك مافى زول بعرفها لى؟؟؟ منتهى الاعجاب بيها


حبى لهن...

بغنه

شكرا تمبس على الحضرة

دقايق بس

عفاف رحيم ...اهلا بك اولا

وتانيا انا دايرة اسالك نفس السؤال:: لماذا خلقت عيش الريفة؟؟؟


هههههههه

لووووووووول

والله انا سمعت انه الشات في النت مكروه قالو لازم يكون معاك محرم



الفضل

يجونا يقولوا صوت المراه في البوردات العامه عوره...

سبحانك

له في خلقه شوون



بجي صاده تاني..

و يا حليل المراه





لى قدام

فوق

المكاشفى

الرد ابى ينظبط؟


هههههههه

بنية

الانترنيت حرام ...اوع تكونى بتخشى الانترنيت..


انا الحالة كلمت اهلى كلهم قلت ليهم السنه الجديدة ما حادخل البورد ...عندى قراية ...لكن بالطريقة دى الا شهرى تمااااانية حتى اخلص ..


حسة شوفى المكاشفى ده لى حسة ما جا....

بغنه البي اسمك كتبنا ورطنا؟؟


عندي سؤال مزنوق فيهو بي هناك ..
انت مش عوض صديق اتوفي وا انا ملخبط الدنيا كلها وقاعد انظر ..

براك بتكسري رقبت البوستات بتاعتك


المرأة الجاية ح احكي ليك نكته ..بس حليني من الورطه دي
انت مش ممثلة والا مالو الحاجات جايطه لي كده الليلة ؟؟

طيب أمسكي يا طماطم
المرة كان فاس ما بتقطع الراس
المرة مستراح تقضي فوقو حاجتك وتقوم
المرة تبروقة تصلي وتطويها
النساء ناقصات عقل ودين
أكثر أهل النار من النساء
المرأة فتنة
والمرأة باب النار

الضغط كده وصل كم???

يا تماضر الموضوع ده ما تتكلمي فيه
نحنا نسواننا صوتم ما بنسمع

Quote: المرة مستراح تقضي فوقو حاجتك وتقوم المرة تبروقة تصلي وتطويها

فاضلابى

ديل جبتهم من ويين

بالله ديل نحنا
حمكته بالغة

أنا يا إشراقة
خجلت أكتب التانيات ساكت
الله يعينكم

تمبس الغتسة دى كلها عشان القى النعى الكتبتو فى الراحل عوض صديق وما لقيتو..

نعم يا تمبس لقد رحل وخلف ثروة من الاعمال المسجلة ...وتلالا من الحب والاحترام فى قلوب معجبيه ....واشواقا لا تندثر فى عيون الذين ساروا معه مشوار الفن ...وعرفوا نبله والتزامه الكبير وانحيازه للخلق القويم... ومجدى عوض صديق...ينافس اسمه كل صبح بعمل جاد وفوز فى ساحة الابداع...له الرحمه


فادلا....

عارف قلت ليك فادلا ليه؟؟

عشان بتاعة الزعلت اشراقة دى ...

ولو جبت بتاعة كان معانا لا مؤاخذة واحده مرة ....حاسميك فا بسسسسسسس

فاضلابى

ماترسلهم لى بغمض قلبى وبقراهم

عندى بحث عاوزه اوسعه ليهو علاقة بصورة المرأة فى الامثال السودانية وتحليل للخلفية التى انتجت هذه الامثال

عنوانى وماتنسى تزكر لى تفاصيل المرجع

ومحبة

[email protected]

done

God help reading them

tumadir
ALLAH
don't tell me you even doubt i think this way cause i will commit a crime on one of us then

لا ياخ العفو

انا ما بعرفك قاصد شنو؟؟

قول بسم الله..

يا فااااااضلاااابى

اها يا شباب انا ماشة

لمن يجى المكاشفى ده عليكم الله دخلوهو البوست واحترموه..وادوهو شربات.....وجيهوه لى لمن اجى


كل سنه وانتو طيبين

مراة على ما مراة

سلام وتحية ليكم كلكم ،
يا أخواتى التليفزيون فى السودان ساوى المرأة قضية الساعات والسنين !
ومصورها أخطر من ابليس اللعين وملعونة !
وقايتو كان السلام دا اتحقق بى رقعاتو ديل ورجعنا العيشريف والقنقر بيتسلق عديل وبتحصل حرابة بين دول ما وراء البحار والنظام !
والطيارات بتتحاوم فى سماوات السودان لترحيل الرعايا السودانيات الأجانب منعا للقمع وممارسة التحقير .
وأصلو حيكون السودان البلد الوحيد الذى يسلق المرأة العيشريفة !!!!
وشكرا يا تماضر ،
لكن مزيل العرق دا اشمعنى فرزوهو من عائلتو ?
خلى بالك فى كوز كبير بتاجر فيهو ، ودا ضرب من ضروب الأعلانات النغتغتة !
ست البنات .

لا لأ بالغتي يا تماضر كلنا ضحكنا ، فعلا شر البلية ما يضحك ، حسي كان قنا تلفزيون السودان يتكلم باعضائه التقاشرية اسونا في سولة ، قبل يومين كنت بحضر في برنامج في -قناة المستقلة- كانت الحلقة عن هل المرأة تبقى خليفة ولا ماممكن ؟ وكان رد الشيخ المستضيفنو بانو الحال اتغير ولا توجد اصلا خلافة لان كل الحكومات رئاسية وملكية وبان المرأة في زمن عمر ابن الخطاب كانت ماسكة السوق وهو بمقام وزارة الاقتصاد ، وهو يقصد الشفاء وهي امرأة فقيهة ، تعرفي اتصلو كم واحد ما عاجيهم الحال ، واتصل واحد كذاب قال المرأة شيطان وانو نص سكان النار من النساء ، اتخيل الجهل بالله ، فتلفزيون السودان يا تماضر مرة كان متبني تعدد الزوجات وبحس في الرجال المتزوجين اعرسو البنات عشان ما انطلقن ، .اها بمشي وبجيكن ..؟؟

سيداتى و سادتى
حتى عوده الزميله تماضر نتمنى لكم
وقتا طيبا مع برامج



الاذاعيه السودانيه من امدرمان

وهنا مقتطفات لبعض البرامج

الساعه التاسعه : الجهاد و الدفاع الشعبى
الساعه العاشره : نشره الاخبار و تعقبها النشره الجويه
الساعه الحاديه عشر:الجهاد و الدفاع الشعبى
الساعه الثالثه:الدفاع الشعبى و الجهاد
الساعه الرابعه:اللجان الشعبيه و الجهاد
الساعه الخامسه:نشره الاخبار و الجهاد
الساعه الثامنه:مسلسل اليومى "جهاديات"
الساعه العاشره فلم السهره "عمرالمختار"

طيب دق الريحة ده يعملوه للرجل ولا شنو؟ الصندلية المحلبية ريف دور وكل عطور باريس ...ديل للرجل؟؟

للأسف الشديد تعرفى يا استاذة .حاجة اسمها ( الفعل الشرطى المنعكس) ..
كل الناس فاكراه عشان كدا مش عشان روحها .. السمحة ؟

تماضر

سلام

الليلة حيرتي المكاشفي عديل كدة ...وصيتك ما قدرنا ننفذا لانو ما جا صادي

حرام بقي اسع عشان جبت حفرة الدخان لي المرة من السودان , تحرم عليهو العيشة بركة النبي الراجل الخائب العائب ده, انتي متأكده الزول ده كان راجل

المرأة عندما تتزين لغير زوجها
حرااااااااام
ولا ما كده
؟؟؟؟
؟؟؟
؟؟
؟

الحمد لله جيت راجع بس دايركم تسمعوا كلامي دا يا أخوات نسيبة

التلفزيون السوداني

افضل شاشة ف التلفزيونات العربية اللهم الا المجد والمنار واليمنية لكن عندي يعتبر من انجح القنوات ويؤدي رسالته بالصورة المطلوبة وتجد كل ما تحتاج كل المشارب والثقافات فى تلفزيون السودان وليتك يا تماضر تكلمتى على الامكانات كنا نتفق معك لكن انت أخذت الموضوع من جانب آخر انا أختلف معك فيه إختلاف كبيرا فتلفزيون السودان وبحمد الله يؤدي رسالة عظيمة .

الاستاذة تماضر شيخ الدين جبريل /

هذا الحجاب الذي تتحدثين عنه هو أمر رباني من المولى عز وجل لا كلامي لى فيه وينبغى أيضا أن لا يكون لك كلام فيه

أما إن كان كلامك عن الامكانيات فنعترف أن يحتاج لإمكانيات وتقنية حديثة
الحمد لله تلفزيون السودان لا يدفن نساء السودان حيات ولكن يحي ميت الاحياء

لقد من الله على بزيارة ضريح الشيخ معروف الكرخي فى بغداد ووجد هذا البيت مكتوب على جدرانه :

موت التقي حياة لاإنقطاع لها قد مات قوم وهم فى الناس أحياء

Quote: انقروا ما طلع حرام ؟...العطر حرام التسريحة الحلوة حرام الهدوم السمحة حرام ...و"المرأتين" فرحانات جنس فرح

طبعا لازم يتحلل كل شي ليكن
التسريحة الحلوة ,,, قصدك عدم لبس الحجاب
الهدوم السمحه,,, قصدك الغير محتشمة, البتبرز مفاتن الجسم

طبعا الهدوم الحشمة دي اخييي شينه وغير حضارية ابدا حتى لو كانت جميلة وانيقة
والحجاب دا قرف سااي , يعبر عن التخلف والجهل
أما العطور ,,, فلازم الواحدة تطلع من بيتها وهي مش متعطرة وبس لازم تكون داهنا الريحة في هدومها
علشان أبعد واحد في الشارع يشمها ويقول ياسلااااااام شوفو البت دي متحضرة كيف

للأسف الناس المثقفة والواعية يطلع منها الكلام الجاهل دا عن الدين
الفايدة شنو كان اتثقفنا واتحضرنا في امور تانية وبقينا جاهلين في امور دينا

يا أستاذة يا عظيمة دا ما كلام المذيعة ولا الراجل
دا كلام الله وروسوله الكريم
الحجاب
اللبس المحتشم
وعدم الإكثار من التعطر

طبعا دا كلام ظلامي جدا, لأني زكرتا كلام الله ورسوله
وابقى انا انسانه جاهلة ساكت , جابت الكلام دا من وين ؟؟؟
معقولة القرآن فيو الكلام دا؟؟؟

Quote: الفايدة شنو كان اتثقفنا واتحضرنا في امور تانية وبقينا جاهلين في امور دينا

يا سلام عليك يا نهال احمد كرار

وأهلا ومرحب بيك

حقيقة لم تتركي لنا ما نقول

Quote: التسريحة الحلوة ,,, قصدك عدم لبس الحجاب الهدوم السمحه,,, قصدك الغير محتشمة, البتبرز مفاتن الجسم

الاخت نهال

هل هذا تفسيرك لكلام الاخت تماضر ام تماضر ذكرت هذا الكلام حرفيا؟

سؤال آخر اذا الفضيلة منتشره كدة فى السودان لية فى انحدار فى الاخلاق وليه نسبة الايدز وحسب تصريحات وزارة الصحة ماشى فى تزايد؟ الا تعتقدى ان هذا افراز طبيعى للمشروع الحضارى الذى انهار وترك ترسباته وستبقى لزمن بعيد حتى يستعيد مجتمعنا تماسكه الاجتماعى؟

Quote: يا أستاذة يا عظيمة دا ما كلام المذيعة ولا الراجل دا كلام الله وروسوله الكريم

ارجو ان تثبتى لنا بالادلة والبراهين ومن تفسيرات مختلفة حتى نؤكد {للاستاذه العظيمة} انو ده ماكلام المذيع


ولك تقديرى
ولى عودة كان الله هون

اشراقه

يا أخت إشراقة كلام تماضر واضح وضوح الشمس والتريقة الفي كلامها واضحه برضو
ممكن تفسري لي قصدا شنو بالتسريحة الحلوة حرام؟؟ يعني الراجل حرم انو المرة تتسرح بتسريحة حلوة في البيت مثلا ؟؟ وقدام زوجها ؟؟ ولا حرمها خارج المنزل , لأنو الحجاب فرض

الهدوم الحلوة , يعني قال المرة ما تلبس هدوم حلوة لأنها حرام؟؟
بالله عليك دا منطق دا , مالكلام واضح

Quote: سؤال آخر اذا الفضيلة منتشره كدة فى السودان لية فى انحدار فى الاخلاق وليه نسبة الايدز وحسب تصريحات وزارة الصحة ماشى فى تزايد؟ الا تعتقدى ان هذا افراز طبيعى للمشروع الحضارى الذى انهار وترك ترسباته وستبقى لزمن بعيد حتى يستعيد مجتمعنا تماسكه الاجتماعى؟

وهل الإيدز منتشر في السودان بس؟؟ هل أوروبا وأمريكا وغيرها خالية من الأمراض ومن اللإنحدار الأخلاقي وغيره ,
عندما يقال بأن الإيدز منتشر في السودان فهذا لأسباب كثيرة , ليست أسباب خلقية فقط يا أستاذة إشراقة , وإن كنت غير مدركة لذلك فعلمي بأن الأسباب الرئيسة لإنتشار الإيدز في السودان هي نقل دم , والأدوات الغير معقمة في المستشفيات والعيادات

Quote: ارجو ان تثبتى لنا بالادلة والبراهين ومن تفسيرات مختلفة حتى نؤكد {للاستاذه العظيمة} انو ده ماكلام المذيع

صراحة دا سؤال مخجل جدا , ليس لي بل لك
الأدلة والبراهين التي تبحثين عنها موجوده , أين ؟؟!!
في أحاديث الرسول ( عليه الصلاة والسلام) , وقبل الأحاديث في القرآن الكريم
كلام الله , يمكن قراءة سورة النساء فهي كافية لتعرفي مايخص المرأة من أحكام, وأيضا سورة النور
إما إن كنت بحاجه لنقل الأحاديث والأيات حتى لا يتعبك البحث
فلن أنقلها , ولتجهدي نفسك قليلا بالقراءة

Quote: يا أخت إشراقة كلام تماضر واضح وضوح الشمس والتريقة الفي كلامها واضحه برضو

الاخت نهال

شكرا على الرد المستفيض

لم افهم من كلام تماضر { تريقة} زى مافهمتى انتى، لكل انسان اسلوبه اللى بيوصل بيهو رسالته وكل متلقى بيأخد الرسالة وفقا لاطاره الدلالى ولمن يكون هذا الاطار مختلف بين المرسل والمتلقى بيحصل تشويش واللى ممكن يزول او يخف عندما نحاول ان نضع اساسا للحوار دون ان نقول المرسل مالم يقله ودون ان نفرغ الرسالة من محتواها

Quote: ممكن تفسري لي قصدا شنو بالتسريحة الحلوة حرام؟؟ يعني الراجل حرم انو المرة تتسرح بتسريحة حلوة في البيت مثلا ؟؟ وقدام زوجها ؟؟ ولا حرمها خارج المنزل , لأنو الحجاب فرض

فى ناس يانهال لسه بتفكر بعلقية ابعد البيضة من الحجر والانتاية من الضكر، ماناس طالبان اتكلموا باسم الدين وحرموا على المرأة تشم حتى هواء الله ده، وبعدين مسألة الحلا والحرام دى يا اختى مختلفيين فيها تماما، بالنسبة لى لايعنى على الاطلاق ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة مع احترامى لرؤيتك والتى لايعنى ابدا الاتفاق حولها

Quote: وهل الإيدز منتشر في السودان بس؟؟ هل أوروبا وأمريكا وغيرها خالية من الأمراض ومن اللإنحدار الأخلاقي وغيره , عندما يقال بأن الإيدز منتشر في السودان فهذا لأسباب كثيرة , ليست أسباب خلقية فقط يا أستاذة إشراقة , وإن كنت غير مدركة لذلك فعلمي بأن الأسباب الرئيسة لإنتشار الإيدز في السودان هي نقل دم , والأدوات الغير معقمة في المستشفيات والعيادات

أمريكا لم تتشدق بتطبيق شرع الله!!! صحيح هناك اسباب متعددة لانتشار الايدز ولكن لايكمن ابدا نفى الانحدار الاخلاقى الحاصل والتفكك الاجنماعى نتيجة الاوضاع الاقتصادية والسياسية وقد يكون نقل الدم احدى الاسباب وهذا نفسه سبب يندىء له جبين الانسانية ان نتخدث عن المشروع الحضارى وهتاك انهيار كامل لبنيات المجتمع ورضى الله عن عمر بن الخطاب

Quote: صراحة دا سؤال مخجل جدا , ليس لي بل لك الأدلة والبراهين التي تبحثين عنها موجوده , أين ؟؟!! في أحاديث الرسول ( عليه الصلاة والسلام) , وقبل الأحاديث في القرآن الكريم كلام الله , يمكن قراءة سورة النساء فهي كافية لتعرفي مايخص المرأة من أحكام, وأيضا سورة النور

بالنسبة لى لايعنى سؤالا مخجلا ابدا واعنى هذا السؤال تماما يا اخت نهال لان هناك عدة تفسيرات وهناك ائمة اربعة لكل منهم تفسيراه وهناك نساء يجتهدن لتفسير القرآن الحمال اوجه، هذا ابسط ماتعلمته منتصف الثمنينات فى الجامعة الاسلامية، يعنى بناقشك برؤية واضحة ومحددة ورجاء راعى مفرداتك قبل ان تقطرى حبرها على الورق لان اسلوب { اركان النقاش دى} عندى فيها باع طويل رغم انى تجاوزتها بحكم السن والخبرة الحيايتية التى لاتنضب

Quote: إما إن كنت بحاجه لنقل الأحاديث والأيات حتى لا يتعبك البحث فلن أنقلها , ولتجهدي نفسك قليلا بالقراءة

اخت نهال
الاجتهاد واجب ولكن الواجب ايضا ان تؤسسى للكلام اللى بتقوليهو وان تدافعى عنه بافق يتيح لنا الحوار ويتيح لنا ايضا ان نتعلم كيف نتعامل مع الرؤية الاخرى بصدر رحب دون تأويلات اقل مافيها انها تنضح بما فينا

كلمة اخيرة: تعلمت خلال سنواتى عمرى { الماصغير} ان اتعامل مع الآخر باحترام وان اؤسس لهذا بقناعة راسخة وهذا ما افعله ايضا خلال هذا الحوار معك وهو الاساس لاستمرار الحوار المؤسس

ولك الود

اشراقه

Quote: فى ناس يانهال لسه بتفكر بعلقية ابعد البيضة من الحجر والانتاية من الضكر، ماناس طالبان اتكلموا باسم الدين وحرموا على المرأة تشم حتى هواء الله ده،

أكرر طالبان لم تطبق الدين يا أخت اشراقة
ممكن تقري ردي

Quote: من الخطأ أن نقول بأن طالبان طبقت العقيدة الإسلامية , طالبان لم تفعل ذلك طالبان فسروا كل مافي القراآن بطريقة مباشرة وخاطئة تماما حرموا التعليم على المرأة والخروج للعمل,,, وغيرها الكثير لماذا عندما نتحدث عن ديننا , ياإما نأخذ الجانب السلبي السيئ جدا , او نأخذ الجانب الذي لا يمت بعلاقة بالإسلام وكأنه لا يوجدتطبيق سليم للدين من دون تشدد مفرط أو تحرر مبتذل الدين واضح , والحلال بين والحرام بين إنما يحتاج لعقول مستنيرة, وقلوب واعية تدرك ذلك

من الخطأ أنو نقول طالبان طبقت الدين , وبما انو طبقتا بالأسلوب الخاطئ نبقى نحنا ما نطبقوا من الأساس

Quote: وبعدين مسألة الحلا والحرام دى يا اختى مختلفيين فيها تماما، بالنسبة لى لايعنى على الاطلاق ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة مع احترامى لرؤيتك والتى لايعنى ابدا الاتفاق حولها

الرجاء ما تقوليني كلام ما قلتو , أنا ما اسأت لأي انسانة ما محجبة , لكن أنا في نفس الوقت برفض انو أي شخص يششك في فرضية الحجاب, أو يسخر منو

Quote: أمريكا لم تتشدق بتطبيق شرع الله!!! صحيح هناك اسباب متعددة لانتشار الايدز ولكن لايكمن ابدا نفى الانحدار الاخلاقى الحاصل والتفكك الاجنماعى نتيجة الاوضاع الاقتصادية والسياسية وقد يكون نقل الدم احدى الاسباب وهذا نفسه سبب يندىء له جبين الانسانية ان نتخدث عن المشروع الحضارى وهتاك انهيار كامل لبنيات المجتمع ورضى الله عن عمر بن الخطاب

الإنحدار الأخلاقي وغيره لم يكن سببه شرع الله يا أخت اشراقة , بل سببه الإبتعاد عن شرع الله
وياريت لو كانت الحكومة بطبق شرع الله فعلا لكن الحكومة ابعد ما يكون عن شرع الله

Quote: بالنسبة لى لايعنى سؤالا مخجلا ابدا واعنى هذا السؤال تماما يا اخت نهال لان هناك عدة تفسيرات وهناك ائمة اربعة لكل منهم تفسيراه وهناك نساء يجتهدن لتفسير القرآن الحمال اوجه، هذا ابسط ماتعلمته منتصف الثمنينات فى الجامعة الاسلامية، يعنى بناقشك برؤية واضحة ومحددة ورجاء راعى مفرداتك قبل ان تقطرى حبرها على الورق لان اسلوب { اركان النقاش دى} عندى فيها باع طويل رغم انى تجاوزتها بحكم السن والخبرة الحيايتية التى لاتنضب

أراعي مفرداتي ؟؟؟ للأسف يا أستاذه اشراقة سؤالك ما كان عندو اجابة غير دي, ومفرداتي مافيها اي شي يدعوني لمراعاتها
وثانيا أسلوبي ما أسلوب أركان نقاش ولا غيرها , دا اسلوب واضح ومحدد , ولحد الآن ما أديتيني أجابة واضحة ومحددة
يعني منو الفيناأسلوبو اسلوب اركان نقاش
دخلتي في موضوع الإنحدار الأخلاقي في السودان والإيدز رغم انو ردي ما كان في الموضوع دا
وقلتي ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة رغم اني برضو ما قلتا الكلام دا
وردك على الأدلة الموجودة في القرآن والسنه أنو في أئمة أربعه لكل منهم تفسير
رغم أنو الأئمة ما أختلفوا ابدا في الأمور الواضحه , وما اختلفوا في فرضية الحجاب وما أختلفوا في فرضية اللبس المحتشم, يعني لحد الآن ما رديتي رد مقنع يثبت انو كلامي من راسي , او أحتهاد شخصي , رغم اني ما مفتية علشان افتي
وخاصة في امور تعتبر أساسيات وثوابت ما عليها خلاف أو فتاوي

Quote: الاجتهاد واجب ولكن الواجب ايضا ان تؤسسى للكلام اللى بتقوليهو وان تدافعى عنه بافق يتيح لنا الحوار ويتيح لنا ايضا ان نتعلم كيف نتعامل مع الرؤية الاخرى بصدر رحب دون تأويلات اقل مافيها انها تنضح بما فينا

برضو أنا مصره اني ما أجيب أدلة, لأنو القرآن موجود على ماأظن في كل بيت , والأدلة واضحه فيو , والله ما محتاجه حتى لتفسير أئمة ولا لفتاوي

أنا ممكن أتقبل النقاش في كل الأمور , إلا في أمور راسخة في الدين
أحترم جدا أي انسان يقول مثلا أنا مابصلي والله لكن الله يهديني
لكن ما ممكن أحترم شخص لأنو مابصلي يجي ويقول الصلاة ما فرضت وما في أدلة تثبت انها فرض

Quote: أكرر طالبان لم تطبق الدين يا أخت اشراقة ممكن تقري ردي

الاخت نهال

لم اقل هذا الكلام وكلامى محدد وواضح

ماناس طالبان اتكلموا باسم الدين وحرموا على المرأة تشم حتى هواء الله ، ده الكلام القلتو وليس كما اتيتى به

Quote: الرجاء ما تقوليني كلام ما قلتو , أنا ما اسأت لأي انسانة ما محجبة , لكن أنا في نفس الوقت برفض انو أي شخص يششك في فرضية الحجاب, أو يسخر منو

لم اقولك هذا الكلام بل هذا يمثل وجهة نظرى واعيده تانى هناوارجو الانتياه لكفردة بالنسبة لى

بالنسبة لى لايعنى على الاطلاق ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة مع احترامى لرؤيتك والتى لايعنى ابدا الاتفاق حولها


اخت نهال اين قلت هذا؟؟؟؟؟

Quote: الإنحدار الأخلاقي وغيره لم يكن سببه شرع الله يا أخت اشراقة , بل سببه الإبتعاد عن شرع الله وياريت لو كانت الحكومة بطبق شرع الله فعلا لكن الحكومة ابعد ما يكون عن شرع الله

كتبتى ايضا

Quote: أراعي مفرداتي ؟؟؟ للأسف يا أستاذه اشراقة سؤالك ما كان عندو اجابة غير دي, ومفرداتي مافيها اي شي يدعوني لمراعاتها وثانيا أسلوبي ما أسلوب أركان نقاش ولا غيرها , دا اسلوب واضح ومحدد , ولحد الآن ما أديتيني أجابة واضحة ومحددة يعني منو الفيناأسلوبو اسلوب اركان نقاش

الطريقة لم تعجبنى مسألة النصح والارشاد بتنبيهك لى ان اجتهد بنفسى وكنت أأمل فى رد مختلف لانى وضحت وجهة نظرى بان سؤالى لم يأتى اعتباطا وانما كنت اريد ان اعرف منطلقاتك،

كتبتى ايضا

Quote: ولحد الآن ما أديتيني أجابة واضحة ومحددة

اجابة على شنو يا اخت نهال، لم تسألينى سؤالا لاجيب عليه بلا او نعم

كتبتى ايضا

Quote: دخلتي في موضوع الإنحدار الأخلاقي في السودان والإيدز رغم انو ردي ما كان في الموضوع دا

يعنى بالضرورة ان اتناول الاشياء من وجهة نظر المتداخليين/ت ام لى منطلقاتى ووجهة نظرى التى تمثلنى والكيفية التى اطرح بها ما اؤمن به؟

كتبتى ايضا

Quote: وقلتي ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة رغم اني برضو ما قلتا الكلام دا

دى وجهة نظرى يابت الناس ولم اقولك لها

Quote: برضو أنا مصره اني ما أجيب أدلة, لأنو القرآن موجود على ماأظن في كل بيت , والأدلة واضحه فيو , والله ما محتاجه حتى لتفسير أئمة ولا لفتاوي

القرآن حمال اوجه ولهذا تساءلت لكى اعرف ولم اجبرك على الاتيان بادلة بل رأيت ان ذلك يرسخ الحوار بيننا وربما كنت مخطئة فى ذلك

Quote: أنا ممكن أتقبل النقاش في كل الأمور , إلا في أمور راسخة في الدين أحترم جدا أي انسان يقول مثلا أنا مابصلي والله لكن الله يهديني لكن ما ممكن أحترم شخص لأنو مابصلي يجي ويقول الصلاة ما فرضت وما في أدلة تثبت انها فرض

اما انا فاقبل النقاش فى كل الامور واحترم كل انسان اذا اتفق معى ام اختلف ورؤيتى فليس هناك مايدعونى لرفض الآخر طالما حاورنى بهدوء وبطريقة تضمن لنا احترامنا لبعضنا


ولك احترامى

ام واصل

Quote: ماناس طالبان اتكلموا باسم الدين وحرموا على المرأة تشم حتى هواء الله ، ده الكلام القلتو وليس كما اتيتى به

أخت أشراقة , واضح جدا أنو كلامك عن طالبان ما كان زيادة معلومة مثلا, ليو علاقة بالموضوع البنتكلم فيو

وعلى كل حال دا رايك , وماموضوع نقاشنا الأصلي

Quote: النسبة لى لايعنى على الاطلاق ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة مع احترامى لرؤيتك والتى لايعنى ابدا الاتفاق حولها

أخت أشراقة , زي ما أنا كنتا واضحة معاك , بتمنى أنك تكوني واضحه برضو , يعني المخزى من كلامك واضح ,( مع احترامي لرؤيتك والتي لا يعني ابدا الإتفاق حولها) ماهي رؤيتي التي تخالف
(لايعنى على الاطلاق ان المرأة المحجبة ترادفها الفضيلة وفى الجانب الآخر الغير محجبة ترادفها الرذيلة )؟؟!!

Quote: اجابة على شنو يا اخت نهال، لم تسألينى سؤالا لاجيب عليه بلا او نعم

طلبتي اني أجيب براهين على كلامي ورديت انها في القرآن والسنه
وما أديتيني رد يثبت بالمقابل أنو الأمور البتكلم عنها غير واجبة
كان ردك فقط انو في أئمة لكل منهم تفسير.. . ولو كنتي على الأقل قريتي تفسير الأئمة الأربعة كنتي اكتشفتي انهم ما اختلفوا في الفرائض , ولا على الأمور الواضح تحريمها في القرآن الكريم


أما عن ذكر المواضيع الجانبية , فلم أقصد بها منعك من التعبير عن رأيك , ولكن انتي من بدأ بقول أسلوب أركان النقاش
ومن أسلوب أركان النقاش يا أستاذة ,عدم مواجهة الموضوع , والتهرب من الإجابات الواضحة
أعلنتي رفضك لما كتبت , وطلبتي البراهين
ولكن ربما أتى الرد ليس كما تشتهين
فكانت ردودك غير مباشرة

المهم يا أستاذة إذا اردتي إكمال المناقشة , فأتمنى فعلا أن تأتي بما يثبت عكس ماقلت
وإما فسيكون أختلافك معي لمجرد الإختلاف

وكل سنه وانتي طيبة

Quote: أما عن ذكر المواضيع الجانبية , فلم أقصد بها منعك من التعبير عن رأيك , ولكن انتي من بدأ بقول أسلوب أركان النقاش ومن أسلوب أركان النقاش يا أستاذة ,عدم مواجهة الموضوع , والتهرب من الإجابات الواضحة أعلنتي رفضك لما كتبت , وطلبتي البراهين ولكن ربما أتى الرد ليس كما تشتهين فكانت ردودك غير مباشرة

كل الذى تعلمته يانهال هى المواجهة، لا اخافها وليس هناك ما اخشاه ابدا ولا اتهرب من الاجابات لان ليس هناك اصلا اسئلة حتى اتهرب منها، هناك نقاش ورؤية مختلفين حولها ولا ادخل فى نقاشات حتى يرضينى الآخر او الاخرى، وكون اجاباتى مباشرة ام لا لا اجد ان هناك ضرورة لنفى ذلك لان تربيتى الفكرية وقناعاتى تحتم على المباشرة ودون مواربة، فما الذى يخفينى؟؟؟؟

Quote: المهم يا أستاذة إذا اردتي إكمال المناقشة , فأتمنى فعلا أن تأتي بما يثبت عكس ماقلت وإما فسيكون أختلافك معي لمجرد الإختلاف

انا لم انطلق من منطلقاتك حتى انفى او اثبت، طرحت الموضوع من وجهة نظرى وليست لى ضرورة لاثبات عكس ماتيتى به لانه ليس محور نقاشى معك

اخت نهال

هل تعتقدين فعلا بانى اختلف معك لمجرد الاختلاف؟ هل بيننا سابق معرفة او اشكال لاسمح الله؟ هل تعتقدين ان تجربتى فى الحياة وبحر العلوم الذى مازلت انهل من حوضه وبعد كل هذا العمر اهدر زمنى فى نقاش لمجرد فكرة الاختلاف مع الآخرين؟؟؟؟؟
عمومااتمنى لك حوار مفيد مع الآخرين ومن هنا بالسلامة والاحترام نفترق

وكل سنة وانتى طيبة

اشراقه

Quote: سؤال آخر اذا الفضيلة منتشره كدة فى السودان لية فى انحدار فى الاخلاق وليه نسبة الايدز وحسب تصريحات وزارة الصحة ماشى فى تزايد؟ الا تعتقدى ان هذا افراز طبيعى للمشروع الحضارى الذى انهار وترك ترسباته وستبقى لزمن بعيد حتى يستعيد مجتمعنا تماسكه الاجتماعى؟

يعني من كلامك دا نفهم إنو الفضيلة والحجاب هي التى ذادت معدلات الإيدز وأ، النساء لابد أن يتبرجن حتى تنخفض معدلات الإيدز أم ماذا نرجو التوضيح لهذه النقطة ؟؟


لانو إذا المشروع الحضاري إ،هار منى ذلك أن المشروع الحضارى هو الحل !!

ولا انا فهمت غلط إذا فهمت غلط صوبيني يا إشراقة

Quote: يعني من كلامك دا نفهم إنو الفضيلة والحجاب هي التى ذادت معدلات الإيدز وأ، النساء لابد أن يتبرجن حتى تنخفض معدلات الإيدز أم ماذا نرجو التوضيح لهذه النقطة ؟؟

الاخ المكاشفى

ارجو ان لاتقولنى مالم اقله وارجو مراجعة ماكتبته للاخت نهال

Quote: لانو إذا المشروع الحضاري إ،هار منى ذلك أن المشروع الحضارى هو الحل !!

مع احترامى لوجهة نظرك الا انى ارى انه سبب كوارث السودان؟

ومع ذلك يبقى الاحترام بيننا

Quote: يا أستاذة يا عظيمة دا ما كلام المذيعة ولا الراجل دا كلام الله وروسوله الكريم الحجاب اللبس المحتشم وعدم الإكثار من التعطر

نهال قلتي فأوفيتي

كل التحايا للذين كتبوا وللذين سوف يكتبون
انا لم اشاهد شئ عن تلك الحلقه ولكن
الطريقه التي تناولتي بها الموضوع تدل على التريقه
وماشاءالله عليك عندك خبره في التريقه
ان يكون تلفزيون السودان ناقص هذا شئ طبيعي لانه لا يوجد تلفزيون او قناه
كامله القصور موجود والاخطاء موجوده ويجب التصحيح
ما شدني هو كلامك عن تحريم العطر للمراه والمشكله انو في ريحة سخريه في كلالمك
والرد الذي جاءت به الاخت نهال احمد كرار هو ما اردته وزيادة عليه اقول
انا متاكد ماممكن يكون مقدم البرنامج ولا المستضيفنو يكون قال حرام كده من غير
تعليل وانا بتوقع يكون الكلام عن خروج المراه من بيتها وهي متعطره وهنا يا ستي
خليها حرام بتاعت ناس البرنامج مني انا حرام حرام حرام واليكي الدليل ما جاء في كراهية خروج المرأة متعطرة
‏حدثنا ‏ ‏محمد بن بشار ‏ ‏حدثنا ‏ ‏يحيى بن سعيد القطان ‏ ‏عن ‏ ‏ثابت بن عمارة الحنفي ‏ ‏عن ‏ ‏غنيم بن قيس ‏ ‏عن ‏ ‏أبي موسى ‏
‏عن النبي ‏ ‏صلى الله عليه وسلم ‏ ‏قال ‏ ‏كل عين زانية والمرأة إذا استعطرت فمرت بالمجلس فهي كذا وكذا ‏ ‏يعني زانية ‏
‏وفي ‏ ‏الباب ‏ ‏عن ‏ ‏أبي هريرة ‏ ‏قال ‏ ‏أبو عيسى ‏ ‏هذا ‏ ‏حديث حسن صحيح ‏

وتاكيد لكلام الاخت نهال ده كلام الرسول يعني لا قناة السودان لا سي ان ان ولا بي بي سي وبعيدا عن المهاترات والعك المابيودي ولا بجيب كوني منطقيه يا تماضر وعليك الله لما تكوني عاوزه تنتقدي التلفزيون السوداني تعالي بي مزاج كده وطلعي بوست قولي التلفزيون السودان كلام فاضي وما عندهم برامج وعواليق ساي والله انا اول واحد اتكيف منك بس تخشي في كلام اشوف انو بيدخلك في حتات ضيقه اتخيل لي مافي ليه داعي
تعرفي انا مشكلتي مش بقول كلامي ده مش عشان اناعاوز اعارضك ولا شخص تاني عاوز يقيف ضدك لا ابدا انا بخاف عليك توردي نفسك في مهالك انتي في غنى عنها
والله من وراء القصد

يا اخوانا ما تظلموا تماضر والمعاها

تماضر شايفة انه هي مفروض تعبد ربها بالطريقة الدايراها هي ما الامرها بيها ربنا
شايفة انها حرة كفاية وواعية ومدركة للالية البتعبد بيها ربنا ... وعندها العبادة ما دام تقاطعت مع قناعات راسخة فيها يبقي قناعاتها لانها واعية كفاية ومدركة كفاية فقناعاتها اولي بالاتباع في طريقة العبادة...

طبعا انا بصراحة كدا وبدون اي نفاق معجب بالطريقة دي جدا ...

بس الطريقة دي دايرة زول في البداية عارف الف باء تاء ثاء الدين

الاخ الكريم عادل فقاد
بارك الله فيكم وجزاكم الله خيرا وجعلك الله صيحة من صيحات الصدق والحق


عليك الله يا اخي لا تحرمنا من قلمك المضي هذا

بالله هو الدش بيجيب القناة السودانية؟؟!!
والله تقدم..وانا من العنوان بقول تماضر
دي سافرت للسودان ولا شنو.
يا ستي انا بختلف معك اختلاف جذري ديل
الشفتيهم وسمعتيهم بيعتبروا في قمة
التقدمية والاستنارة..لو علي العطور
والزينة ما في عوجة تب..انت لو سمعت
البقول المرأة ليس عليها الخروج الي
الشارع الا مرتين ..يوم زفافها الي بيت
زوجها.. ويوم موتها واخذ جثتها من بيتها
الي المقبرة...يا بت الناس بوسي ايدك وش
وضهر علي السمعتيه و قبل ما السمعتيهم ديل
يغيروا رأيهم.

يا "مرأه" يا تماضر
و يا "المرأات" العاملات فيها ما "مرأات"
البرامج دى عملوها عشان نوعكم ده العاوز يبقي ما "مرأه" او يبوظ لينا "المرأه" حقتنا ....
برامج "مرأاويه مركزه، اهم حاجات فى حياتا يفترض ينوروها بيها، الابتعاد عن العطور والضكور، حجب مفاتن الجسد باقى الرجل ده خفيف ولفيف، العقل اصلو ناقص والباقى بنتموا ضرب و لفحى،
شوف نوع كلام البدع ده :

Quote: محمد وماجده يحملان درجة الدكتوراة ماجده فى الشغل ومحمد فى "التكل" يطبخ لنا البنات حلوات ومبدعات ومتحركات فى اتجاه تعريفنا بالعالم والثقافة والانسان ...والابداع...مسلمات على كافرات... يحضر "ماجده" ...."المرأة" بتاعتو من العمل.. وذهبنا "بالمرأة" الشابة التانية الى العمل

هسه ده كلوا ما فتنه؟؟؟؟

ومن هسه بحذركم،يا تماضر و اشراقه وكل "المرأات" العجيبات ديل ما تجوا تقولوا لينا حمال اوجه او تفسير مستنير او لا ينطق انما ينطق به الرجال، ده كلام واضح مكتوب منزل و منتهى، ناس طالبان طبقوهو زى ما هو بى ضبانتو ما اتلفتوا و لا خوفوهم ناس حقوق الانسان و لا تحرير "المرأات"، التلفزيون ده زاتو حرام، "المرأات" البتفاصحن هنافى النت ده ذاتو حرام، الشغل حرام، المغالط يسأل طالبان و لا ابن عثيمين

سؤال واحد يا مرأه : طعاما مؤدلج ده يعنى كيف؟؟ ملاح "ورق" من كتب ماركسيه ؟؟؟
لقد بلغتكن اصلوا

Quote: .."المرأة" لو ما كلموها كل يوم ماذا تفعل فسوف لن تفهم وهى معروفة بمخها التخين ...وشرها المستطير...

Quote: ناس طالبان طبقوهو زى ما هو بى ضبانتو

من الخطأ أن نقول بأن طالبان طبقت العقيدة الإسلامية , طالبان لم تفعل ذلك
طالبان فسروا كل مافي القراآن بطريقة مباشرة وخاطئة تماما
حرموا التعليم على المرأة والخروج للعمل,,, وغيرها الكثير

لماذا عندما نتحدث عن ديننا , ياإما نأخذ الجانب السلبي السيئ جدا , او نأخذ الجانب الذي لا يمت بعلاقة بالإسلام
وكأنه لا يوجدتطبيق سليم للدين من دون تشدد مفرط أو تحرر مبتذل

الدين واضح , والحلال بين والحرام بين
إنما يحتاج لعقول مستنيرة, وقلوب واعية تدرك ذلك

تماضر


الليلللللللللللللللللللللللللللللللللللللللية

رأس السنة

كل سنة وانتى طيبة وعظيمة بحب الناس ليك

Quote: ومن هسه بحذركم،يا تماضر و اشراقه وكل "المرأات" العجيبات

عصام جبرالله مالك عاوز تجيب لينا الهكر؟

لحدى ما اجىء واحتمال اجى اسكن هنا ليك الود والمحبة

الى جميع المتداخلين

اعتذر

ماشة الشغل وامكن يارشفوهو

لو قعد بجى

ولو ما قعد الله معاكم


والمقصود هو مش تريقة والله يا فقاد انا ما قاعده اشوف تلفزيون السودان للاسف ..ولا فقه يا نهال كرار...بس تلفزيون السودان مركز على المراة

كانه مشاكل السودان كلها انحصرت فى "سلوك المراة"

فى ناس ضحكونى..ومافى داعى لذكر اسماء عصام جبرالله
وفى ناس خلعونى "اساسى مثلا...طيب محاربنى ليه ما هو انت كويس"

لكم حبى

تماضر

انشاء مايتأرشف لانه عندى زمن اجالسكم شوية فى اجازتى دى فى هذا الفضاء

بت الشيخ

Quote: طيب دق الريحة ده يعملوه للرجل ولا شنو؟ الصندلية المحلبية ريف دور وكل عطور باريس ...ديل للرجل؟؟ الغريبة فجأة حلل مزيل العرق...

لو بقت على دف الربحة ما كويس المشكلة انو فى هذا الزمن الردء بنظامه فى حاجات تانية منعانى
عام سعيد 2005
تحياتى

.
تماضر الغالية
سلام، وكل سنة وانت وكل امرأة ورجل بخير

Quote: الغريبة فجأة حلل مزيل العرق...

إشمعني يعني؟! غريبة!!

وبعدين أمان المرأة علي شخصها كيف؟ بالتأكيد حرام
اغتصاب المرأة في مناطق الحروب طبعاً حلال
وتشريد المرأة من مسكنها برضو حلال

مِحَن يا زمان
إيمان

ايمان ياصديقة

الذى يحيرنى انهم يستفيدون من كل مكتسبات الحضارة { الغربية} {الكافرة} ويحرمون على البشر حتى الموية النضيفة


كل سنة وانت اروع واجمل

اشراقه

كل سنة وانتن طيبات وفي التلفزيون المؤدلج منسيات
اشراقة سنة حلوة يا جميل ، تماضر ما جات من الشغل ولا شنو ؟ حسي عليك الله يا اشراقة انتي مصدقة انو الناس ديل ما بحبو الريحة ، لوعملو احصائية في موضوع الفشخرة والمسخرة قطعا ايانا الغبش المسوحن موية الا نحنا ؟؟كدي باري تجار الدين غير حب النساودق الريحة وسرقة الصفيحة عندهن شنو ؟؟

راجعة /بت فاطنة

Quote: حسي عليك الله يا اشراقة انتي مصدقة انو الناس ديل ما بحبو الريحة ، لوعملو احصائية في موضوع الفشخرة والمسخرة قطعا ايانا الغبش المسوحن موية الا نحنا ؟؟كدي باري تجار الدين غير حب النساودق الريحة وسرقة الصفيحة عندهن شنو ؟؟

اول مرة اضحك من الصباح كده

الله يديكى العافية ياعشة ويخلى ليك ناس بيتكم الحلوين وابوهم بيرق ويخليك ليهم

ويخلى تماضر ويزيدها من حبنا

اشراقة انتي صاحية ما اسعده من رأس سنة ، يدوم عليك الفرح انتي وعيالك انشاالله ، انا كل راس سنة بقضيه مع البورد وسعيد بهذا اللقاء بحبيبة البورد اشراقة ؟
اقول ليك حاجة عن الحوار الدائر اراه مقفول فالمتحاورين هنا اراهم يتسعملون العضل يعني دا حوار بالعضل وليس من اجل الاقناع والاقتناع ؟؟ الحوار اذا كان ما فيه متعة معرفة اخذ ورد احسن ما تدخلي فيه ؟؟

تحية طيبة للجميع

يا جماعة الما داير التلفزيون ما يشوفوا

اقفلوا... شفروا... على كيفكم

نحنا عاجبنا كده

طماطم
ماقالوا ليه الونسة مع مراة في التلفزيون براهم حرام ؟؟

"داير أكون تاجر عطور أسرح و أدور بين الحسان"
This man definitely has something against "Salah Ibn Al-Badia"