I don't know what you heard about me

??...................

تماضر...

ازيك وكيف حالك....

انا قايتو سمعته حاجة سمحة كتـــــــــــــــــــيره عنك

انشالله اكون اول زول جيت اكلمك


مع خلص التقدير

سفيان

هو نحن سمعنا حاجة لسه ؟

حنية .. القلب الكبير
من صفاه يطرح سمِح
اللسه فى خاطرك يلِح ..
زى الفى رويسات القمح ..
تتحدى فى الريح اللديح
تطرح بذورا بعد تصِح

I heard Nothing; neither bad nor good. I would love to hear something good.o

ياسفيان
ومعتصم الطاهر
وشنتير

ناس

اصحابى فى البورد ده عشرة عمر..الموية ما اندفقت بيناتنا..ما بيننا الا الخير
بقوا يتطنشونى واكتب ليهم يردوا للغاشى والماشى وانا فى النص مطوطحة ..ما دايرة اجيب ليكم عنوان البوستات هنا..عشان لسه عشمانه فى خوتهم

فى حاجات خفية حاصلة فى البورد ده ولا انا بقيت مهلوسة

وناس تانيين ما فى البورد...برضو

مافى داعى لذكر الاسماء

بعملو لى كده ليه ما عارفة..

الضمان ضمان رب العالمين..ولله فى عباده شئون



بينى وبينكم زهجتى مرقت من يدى

الدنيا دى انا طالباها وطن..

وطن عدييل كده..

الادونا ليه ده "ليفه" .. عقد..ومشاكل

الدنيا دى زاتها اظننا عزلنا الزمن الغلط ولا الكرة المفروض نسكن فيها ما ارضية..امكن دى "كرورية"
ما كرة ارضية..

كل ما نقول تتصلح بكرة ...الليل يبدا من الاول..

ياخ انا بكره الظلم والموت والنميمة واغتيال الجمال..

وكل ما تلفت لى نشرة اخبار ولا جريدة ولا مقال ما اشوف الا الكوابيس...

اطير وين؟؟

زهجانة

اخدونى قدر عقلى

والعنوان ده بتاع غنية..

لما اسمعه بحس بيه حاصل على

اخدونى قدر عقلى..يا ناس

انا زهجونووووووووو.....

امكن زهجة ميتافيزيقية

أهه ياتماضر جيت عليك في بكانك / في وشي ان مسحت الناس تسامحي زمانك / الفاتك تفوتي تختي بره حنانك / نسلف وطن بالدين وشيكو ضمانك / ولا يهمك ده زيف /

تماضر
كدي قولي بسم الله وشوفي الناس الحواليك ديل كلهم، ماشاء الله عليك. غايتو أنـا لو عنـدي أصحاب ومريدين زي ديل - بغض النظر عن الناس الفتحوا لي- بكون ماداير من الدنيا دي أي شي تـاني. غايتو أظن إنو العنـدك ده وجع سودان سااااااكت وياريت لو الناس السمحين القاعدين بره ديل كلهم يجوناراجعين وندفر السودان ده مع بعض دفره وااااااااااااااحدة وقويييييييييييية ......... يمكن يدور!! مابعيده علي الله، صاح؟؟

بمناسبة الناس السمحين دي ياريت لو تشوفي لي الحاصل هنـا وتفيديني بأسرع ما يمكن
Re: عضو جديد جدا

الاستاذة العزيزة تماضر

اليوم اوفى اننى لن احتمل
اليوم اوقن ان هذا القلب مثقوب ومهزوم وان الصبر كل
وتلوح لجة حزنى المقهور تكشف سوقها كل الجراح وتستهل
هذا اوان البوح يا كل الجراح تبرجى ودعى البكاء يجيب كيف وما وهل



امكن كل الناس زهجانة

لك الود

...أنا .... لست منهم

الواثق ؟

لقد نفدت منا قواميس الفجيعه

فهل صرنا نلتحف الصبر المر، نتلهى بلعق الجراح ..ونضحك للشوك يجرى على جلود الاصدقاء؟

ماذا يحدث فى دارفور؟

هل يكفى ان نشجب وندين؟

قوس اللهب الذى يأكل هشيم البلد والعرض..امتد الى حواف الصدور.حتى صار القلب مزعة لحم

صار الصوت مبحوحا لايسمعه تجار الحرب ولا الاطفال..

صرنا اشباحا لا تربطنا بالزمن الزاهى الا حلام الموؤوده؟؟

فى ماذا قصرنا حتى نشوى فى ساحات التاريخ ولا نموت؟

العزيزة الاستاذة تماضر

فى زمان الغربه والارتحال زمان نعيش فيه بين ديكتاتوريه العسكر وديمقراطية الانتهازيين

كنا نحن الضحايا 000000لست ادرى ان المعجزة هى تلك التى تنشا فى رحم الياس وتكمل فية

ولايمكن ان يكون الدور مكتمل الا بها 00000لذا كنا المعجزه التى تولد فى زمان

الانتهازيين والسفلة.


وبين الشوق والفقر دوما تكون الغربه وبين احلامنا والواقع يكون الظلم

اما نحن

فالنكون الصمود متاريس امام الجهل قلعه للصمود اينما وجد

دمتى شمس

ملتهبه بالضياء والحريه

Quote: فى حاجات خفية حاصلة فى البورد ده ولا انا بقيت مهلوسة

Ya Tamadur, I wonder what these stealthy things are!!!. Could you be specific? I am interested in your input.o

Sorry for writing in English. Majboor Wallahi, tonight. And I hate one-by-one picking of Arabic letters from Bakri's cyber keyboard.

ود بهنس صديقى..الدنيا جات قاصدانى
خلت صبرى خف..وقللت ايمانى
كان درت النصيحة..ومنبع الاحزانى
طبعتنا العفيفة.. وجنسنا السودانى..

يازول يا ظريف

ومين سمعك ياتماضر

فتحى البحيرى

شنتير

اتفقنا انها هلوسة ساى..حالة اكلينيكية ..امكن

مافى زول هنا غلطان..غلطان المرحوووووووم


ابو مهند...عندك للحكاية دى دبارة؟؟

قلت يالواثق لى بهنس بعد ما اتمنى لى وطن متفائل ..فى بوست مسدار الخرطوم


من خشمك ولى باب السما الفوق سابع
وطن محجوب شريف فيه نازل طالع
وطن فيه النسا الشامخات فى الشارع
فيه طفل سعيد..وشباب مفكر ومانع

وبوليس ما مخيف

أأأأأأأأأأأأ مين ................ يأأأأأأأأأمين

وبوليس ما مخيف

دا الا كان بوليس الحركة
حبيت اشارك بس تحياتى لك و لصديقى العزيز ابومريم.
د.ياسر

هاهاها د. مع انه البوليس سرى برضو ما مخيف صاح؟؟

طبعا فى اسماء كده بتجيب للزول اغانى من الايقاع غنيتك الوقعت ليك يا ياسر عبد القادر

(ده الجنن عبد القادر)

تحياتى

الغالية تماضر ذات القلب الكبير

يا ريت أنا ما أكون من ضمن قائمة الما ردوا عليكي في بعض البوستات.
عجبتني جيتك لي في بوست أحزاني و أكتر منها عجبتني دعوتك الصادقة لزيارتك بمنزلك "الكائن" العامر و عارفاكي أصيلة و بت كرم و جود.
أنا قاعده أرد بالدور يا تماضر و عاوزه أسابق عشان أصلك، قريب جدأً.

أما أنا يا تماضر فما سمعت منك و عنك إلا كل خير، أحلف صادقه على كده.

Quote: الدنيا دى زاتها اظننا عزلنا الزمن الغلط ولا الكرة المفروض نسكن فيها ما ارضية..امكن دى "كرورية" ما كرة ارضية.. كل ما نقول تتصلح بكرة ...الليل يبدا من الاول.. ياخ انا بكره الظلم والموت والنميمة واغتيال الجمال.. وكل ما تلفت لى نشرة اخبار ولا جريدة ولا مقال ما اشوف الا الكوابيس... اطير وين؟؟

أنا ذاتي ما عارفه أطير وين يا تماضر
لكن باين أخيراً لقيت لي محله
عارفاها وين؟
حأرك و ما حأغادر على ناصية جملتك البتقول الدنيا دي" كرورية"
بس خلاص أنا عرفت الحل
عسى تلخيصك لها يكون فيه بعض الخلاص و لو كان فردي و مؤقت!

هاهاهاهاهاها

يا ندى انت واحده

ونوف اتنين

وعمر على تلاته

ناس اتحاد الكتاب..اربعة

وتانى فى اتهامات من زول عزيز وموهوب..مصر ان الناس دايراه يختفى

وحبة حاجات شوية زيادة من عندياتى..مشاريع مطرشقة واحلام اكتر من ما الزول يستحق

ده غير النفسيات السياسية..والله انا السودان ده واجعنى وجع

Quote: يا ندى انت واحده ونوف اتنين وعمر على تلاته

سجمـــــــــــي متين ده؟؟؟؟؟


والله ياست الناس انت اول واحده رديت عليها بس الرد

ماجا بعد كلامك مباشرة لسبب ما ...

حتى تاكد من تاريخ الرد

ياحبيبه انا ماسمعت عنك الا الخير ومامن الليله ولا امبارح من زماااااااان

وانت ادري..

لك العتبى ياغاليه حتى ترضي

احترامي وحبي

نوف

ندى امين بركة الجيتى هنا

يبدو انه حوستنا من نفس القماش..

تعالى لينا وسترين ما يعجبك..والله جد..افسحك لمن تفترى ونضحك لما الليل يبتسم...وارجعى شوفى كان تكتبى ليالى واشنطن دى بالمود ده زاتو

I heard all the best and nice about you and
the king Al sadig sharf aldeen and
his sweetly doughter

Quote: ياخ انا بكره الظلم والموت والنميمة واغتيال الجمال..

توقيع
تماضر
الزهجانة
---------

احمد امين

رقيتنى لى رتبة زهجانة ولا شنو؟؟

الزهج ده الليلة قعدت ليه..

زى ما قال تعمان مرة: الزول يصلح ليه كوكب كامل عشان يعيش تلاتين سنة..؟؟

قررت اتخلص منه بالتخلص من الاختيارات الغلط..

يعنى حاغير شغلى واهتماماتى والبلد ..العايشة فيه..بعدين نشوف الباقى ده من شنو؟؟

السودان ما بتشال ولا بتخت..ده قدر..ورضينا بيه

شكرا على مرورك

فاضل الحلو...

تووووووووشكر ياخ..

انا قلت ليك دى زهجمانية ساكت..ما تتعقدو.....خليكم اعتياديين...هاهاهاهاها

اهى دى راحت ...كده كويس؟؟

والصادق شيخ الدين يستاهل كل خير

Quote: ياخ انا بكره الظلم والموت والنميمة واغتيال الجمال..

دى ياها زاته القالوها لى وسمعت عنها

.





رأيت فيما يري الهائم
امرأة تحمل بيديها
قلباً
وبفرشاتها
علي شفاهنا
ترسم
ابتسامة



حين تكون وحدها
بنا تفكر

حين نكون وحدنا
بها لا نفكر

لكن ابتساماتنا
تتسرب لأطفال الكون جميعاً
والبهلوان يخطف قلوبنا التي
وضعناها علي راحتينا
بها نتيمن

من عندها
يبدأ درس الموسيقي

نقطة ارتكاز الكون
هي موضع قدمها اليمني
حيث يبدأ الرقص

...
إن عرفتيها، ابعثي لها قبلة
وابتسامة
لك سلامي
إيمان

ايمان احمد

لوكانت هذه المرأة التى وصفتيها هى انا

فسأطوى هذا البوست "كالسباته" واتكله فى اقرب "ايكون" عرضة للهكر ليأتى ويسرقه ولا اسأل فيه ثانية عملا بصاحب الجلابية الخايف من الحرامى ..وقال لمرتو "براها ضيقة على...


ياسلام عليك

وعلى سفيان نابرى

ففى الارث قيل من رفع معنويات رفيقه..فى بوست..باسته الملائكة ...سبعين مرة سبعين يوما سبعين عاما ..والعام مقداره الف عام

لكما المحبة الصادقة..

وقبل ما "تمشيا" تعالوا نقلب البوست ده ...علاج فورى لداء السودان الحبيب..ليعود حبيبا

نعمل شنو؟؟ غير التأسى والشجب والادانه..والتوقيعات والمناقشات الحادة..فى طريقة لشىء عملى

انا بقول نبنى مسرح فى كل مدرسة زى ما كنت انا بعمل زمان فى مدارس الثورة...

تحت شعار..

"كيف تبنى مسرحا بدون معلم فى سبعه يوم وبدون قروش؟"

السلام عليكم ورحمة الله وبركاته

العزيزه تماضر

رغم أنشغالى الشديد هذه الايام الا اننى حبيت اعاتبك, ممكن لانو ما بحب اكون شايله زعل من اى زول وكمان اللوم فى معظم الاحيان بعنى تقديرك للشحص ده, يعنى لو ما كنت بتقدر شخصا ما ما بتلومه

حصل مره تجاهلتى اسمى حين شكرتى من قدم لك العزاء فى وفاه الوالد الجليل, رحمه الله رحمه واسعه وغفر له وجعل الجنه مثواه, ورغم اننى لا انتظر شكرا من احد ورغم اننى اتصلت بكى مرتين مره للتعذيتك وتحدثت معكى ومره للأطمئنان عليكى وتركت مسج فى الآنصر مشين الا انكى لم تزكرى اسمى من ضمن من قدمو لكى العزاء (حتى اخر مره اطلع فيها على زاك البوست)

الشئ الثانى بحثت فى اسمك من بين من دعاء بسلامه والدى فلم اجده, انتو عادتكم
واحد بس من ناس البيت يشارك فى المجاملات? كتر خيرو الخال يازول ماقصر
تحياتى

والما رادك ما بلومك


وفى امان الله

لا اله الا الله

كل خير وجميل ...

عادل

عادل عبد العاطى انت الخير


بالله خفف لينا يدك على ندى على وخالد كودى ..ديل اهلى...ههههه


شكرا وهذا مجرد مزاح ...فكل حوار تباشير خير ان لم ينحدر

لهم ولك المحبة

بت الاحفاااااااد

اولا انت اتصلت بى مرتين لة شكرتك من الليلة لغاية اخش القبر ما بقدر اكفيك فضلك على..لكن

لو قلت ليك انه الناس الضربو لى وكتر خيرهم بزيدوا على الفين لو ما تلاته الف..ده غير البوردات التانية والقروبس والقوائم الانا مشتركة فيها والما مشتركة فيها..انا اتطورطت فى مهرجان حب ما بتتخيليه ..مع العزاء والحزن انا اعمل شنو غير الامتنان والاذعان بالقصور..؟؟
عشان كده عملت بوست يا اصدقاء الحزن ..وحاولت اسدى بعض جميل الناس على فيه..حقك على

اما الرجل الفاضل والدك شفاه الله..فما كنت بشوف البورد بانتظام وعينى ما وقعت عليه الا لما اترفع البوست ده وكانوا جنب بعض..انا بالمناسبة كتبت ليك هناك قبل ما اقرا مداخلتك هنا...

وشكرا على كلمتك الثمينة (الما دارك ما لامك) وزى ما درتينى ولمتينى ...انا دايرة معاك كل الخير والمحبة...

الله يرفع ابوك من مرضو..ويخليك للوهج البشابى ليك...وما لاحقك ده..

الغـالـية تـمـاضر
نحن لم نسمع ولكننا نعلم انك رائعة مبدعة اصيلة رقيقة

وبعدين ياغالية ما سمعتي المغني يغني
خـليهـــــــم يقولوا أصلوا الناس بيقولوا

كل الود
ودالعجب

ود العجب..

خليهم يقولو يقولو ما على بالبقولو
دة حبيبى البدورو
انت بحر سماحة يجو العشاق يزورو....طقطقطق

ليلة وين نا البعصر مرورو..

بالله رايك شنو فى الحب ده؟؟ حسة انت بحر سماحة يجو العشاق يزورو دى هابطة؟؟ الباقى هابط نعم لكن دى بالذات ولا هابطة ولا شى...بموت فيها

لكن انت شفتهم بقولو شنو؟؟ كل خير...اذن "على بالبقولو" صاح؟؟

شكرا..على التضامن "تضامن شيخ الدين"

الحبيبة تماضر...
"أحترم غضبك"...أن شاء الله يكون الاستخدام هنا تمام ...
يديك العافية...
انت فيك الحساسية عالية...زي حالتنا هنا والله...لكن ما بنقدر نلمها كلها...
خليك مع ابداعك...

لك الياسمين... وأتمنى ان يتفهم الأخ عثمان محمد صالح انك لست ضده فى شئ... والله ملاحظ انك من دون قصد فى بعض الاحيان تدعمين الجميع بمن فيهم هو... ولتكن سحابة صيف...

أنور

السلام عليكم ورحمة الله وبركاته

يقول محمد نجبب محمد علي
اكاد لا اعى من الامور غير ظاهر خفى
اعود حاملا جراحى القديم
نحو شعرك الجديد
باحثا عن الترنبم
والترتيل والكتابة
ابحرت كان صونك المجداف
ضاربا مسطح المباة
قاصدا نخبل موطني
صحراء موطنى
وداوبا من غابة
لغابة
اتيت عائدا من السجون
حاملا نفسالسؤال
لحظة التكوين
كنت حائرا
اجرجر السؤال
باحثا عن الإجابة
فكانت لإجابة



انة عالم تتخافت فية الأصوات والأضواء وتضاءل المشاعر وتتثاءب الصداقات
وتتدور وتتكور وتتحور وتنزوى الأخوة والصداقات عالم مات فية الإنسان

انا قررت ان اكون ابازر اكتب لوحدى واقرأ لوحدي ولكنى ساشعل تقابة الفكر متى ما شاء ذلك فانتى لك ديون على الكل فباي وسيلة تريديها تاخذيها منصور

الصديق المفتاح

شكرا على الابيات المختارة كما اشكرك كثيرا على الرسالة الصوتية والاهتمام

سازور بوستاتك واذا من الله على بكلام مفيد لن ابخل بالمشاركة وما عدمنا حكمتك...

لك التحية الوافرة

طبعا يا انور كنج "معليش كاتباها بالعربى" كويس انى سكتت ليك لغاية ما دارت الايام وجيت لقيت (احترم غضبك) دى كلمة منطقية ويصلح استخداما...

وفعلا مسألة عثمان صالح سببت لى كثير من الالم ..والتشكيك..لانى لا احمل له سوى الاعجاب والاحترام...واتخيلت انه يوم تانى بنجى نلقى صكوك براءتنا معلنه..لكن يبدو ان الاتهام ما زال يشملنا..فى تهمة لا نعرف عنها شىء وليس لها دوافع او مبررات...فقط سننتظر ذلك اليوم واتنى له كل الخير..وانت برضك شفاف..شايفاك محقب ايديك وواقع لذاعة..مرات كتيرة مضحكة...وحزين لما نضحك على بلاوينا...

شكرا يا انور...والعروس اخبارها شنو..؟؟ (بقيتو كم؟)

تماضر ازيك ...الجميل النقي لا يسمع (بضم الياء) عنه الا كل جميل وكمان ده انتي ست البنات دحين يجهلوك وكيف يجهلوك!!!عييييب يجهلوك اكيد مافي زول يقدر يجهلك ولو كتبتي لي او قلتي كلام يخصني ولم ارد عليك ثقي انا لم اراه ابدا وتحياتي ليك يالغاليه.


انور

الاْخت العزيزة تماضر


دخلت أقول مساء الخير فأذا بى أقرأ كلاما حزينا.

هو أحنا ناقصين ياختى؟

ما نفذت قواميس الفجيعة.

أما البورد فلا تشغلى بالك به, لاْنه وللاْسف الشديد خلط الصالح بالطالح عشان كدا أتوقعى أى حاجة.

ما فى زول سمع فيك أى شئ ةالشكروه قدامه نبذوه(دا ما مثل سودانى برضو؟).

ولا فى زول هيسمع فيكى أى حاجة.

cheer up




سلام...

وبوليس ما مخيف

دا الا كان بوليس الحركة
حبيت اشارك بس تحياتى لك و لصديقى العزيز ابومريم.
د.ياسر

نور تاور

طبعا حكمتك دى ما قادرة اعمل بيها

والبورد فيهو اهلى..كلهم اهلى

مش فى الاهل فى واحدين بكونو فقريين كدا وما بريدوك وفى ناس تلفت انتباهم يجو يبكو ويعتذروا ليك وفى ناس ما ببدلوك بى مال الدنيا؟؟

ده البورد معاى

انا تانى من السودان ده فضل لى شنو غيرو؟؟

شكرا لنصايحك ومرورك من هنا

انور احمد ونور تاور

انتو كنتو متدسيين وين

جيت اراجع ردودى عشان ما اغلط فى زول لقيتكم

انور العزيز لك باقات مفرهدة من براح الدنيا كلو

وكلماتك دافئة ومطمئنة ..يعنى الزول بعد ما شك فى نفسو وكده...تطمنك عروسك

صــديقتي تماضر ..حبابك

اياك..واياك من زهجة هاجر بت الشم..!!
ودمت يازولة من زمن تاني

كبر

تلفونك حرارتو بارده
بالمناسبه فى زوله (أنظر لل ه)بتسأل عنك

ليها عشره سنوات ما شافتك و ح تضرب ليك قريبا

خلى الشمار يخمر عشان يصقع


قلت ليكم أنا خرد لكن ما مصدقيين.

كوستاوى

فط يفط فطا فهو مفطوط؟؟

اخخخخخ....ما قصدى

اما حكاية تلفونى وحرارتو فما صاح..اسال خردتك المصون ضربت لى قبل يومين بتسأل من معلومة ...واكدت لى حكاية جيتكم لينا فى الكريسماس..

كرمستو البلد...

اديها تلفونى سريع وانا منتظرة

I can't wait to know the cumin

كبر من هنا ما بتمشى لو قلت لى زهجة هاجر بت الشم...

وحافقع الضحكة المتوقعه ليها قبل ما الاولاد يجو..عشان ما حاقدر اشرحها ليهم...لك احترامى الزائد

العزيزة تماضر

ما اجملنا بك،

لك وردة

و موسيقى

و اغنيات

ندى

الاعزاء المتداخلين بعد ردى الاخير

تحياتى ومحبتى

جيت من الشغل فى وقت متاخر بالليل ..واصحى بكرة بدرى شديد لى الشغل

اعتذر عن الرد ليكم..دلوكت وحأرد عليكم قطعا غدا بعد العودة

لكن الاغنية دى هدية ليكم ..

ولو مت غنوها فى جنازتى

(( تواصُل )) حمزة سليمان الفنّان وروعة هذه الألحان

وحمزه الله يديه العافية وتمبس لا يموت لا يفوت

ندى على يا فخر نساء السودان

ازداد بك شرفا...وموسيقى وحدائق..

محبتى لك ولخالد التحيات..

(بتجونا متين؟)

Quote: الدنيا دى انا طالباها وطن

غالية و الطلب رخيص

المصيبة يا تماضر ... أنو في ناس طالبنها قروش ... قامت أدتهم الوطن

وبعدين إيمان أحمد لها من اللماحة و الشفافية ما يجعلها تكون قاصداك (بإسم الجميع) ... وإنتي تستحقي هذه ال (ما يجعلها تكون قاصداك):

Quote: رأيت فيما يري الهائم امرأة تحمل بيديها قلباً وبفرشاتها علي شفاهنا ترسم ابتسامة حين تكون وحدها بنا تفكر حين نكون وحدنا بها لا نفكر ..... إلخ

خالد الايوبى (وزوجته الجميلة)

تحياتى العامرة

انا والله لما كتبت البوست ده ما عشان اسمع "شكر" لانه بياكل لحمى ..وبخجلنى مع نفسى المتواضعه..لكن لما البوست جابك انت...ما فى ندامة..وايمان اصلها ما ساهلة..لما انسانة بشموخ ايمان تقول عنى ده كلو: انا تانى شن دايرة؟؟؟ (عالم محظوظة لشكل) اشكر حضورك يا اصيل

.



تماضر!
أيوبي!
!I don't know what you heard about me


.

تماضر
كلما رموك بالحجارة ، اسقطي عليهم من ثمارك ،،

تماضر ست الحبايب
الليلة ذكرتيني حكوة احب دايما احكيها تعرفي مين الحكاها لي هي انتي تماضر شيخ الدين .. وهي عن تلك المرة النوباوية التي تزوجت بتها حليمة ويوم العرس كلهن قعدن واتعصرن في العناقريب وعاملات فيها خلاس ولا عشرة بقرش رغم انو صاحبتنا مداخلاهن ومغنية ليهن وراقصة ليهن ، واحدة فيهن مدت رقبتها ولا ايدها مافي، ولا فتحت خشمها تغني ، فاغتاظت اختنا ومسكت الدلوكة تغني ..:
يعني مالو ما بسوو العديلة لحليمة
اها غنيها الغنى سمح في خشم سيدو
تعرفي انا احيانا بفط بوستاتك معنى بقراها وما برد لانك دائما قريبة من القلب ، اخشى ان ارد عليك ردود من كثرة حبي وفرح بيك تطلع كأنها مزايدة اخشى الا يتسرب الى علاقتنا شئ من النفاق والتزلف مع انسانة صادقة شفافة وصديقتي وهذا يجعل المسالة صعبة ، المسألة دي زي لمن يكون صاحبك ولا قريبك دكتور لا تميل لان تسلمو نفسك لمعالجتها كذلك هو لا يريد ان يغامر معك ، ربما اكون لست على حق ،.. وما عاش من يزعل تماضرنا .

Quote: ،.. وما عاش من يزعل تماضرنا .

تمادر الحبيبه
ماتغشي روحك و تخمينا و تعملي لينا فيها زول عادي
انا شخصيا رغم حبي الشديد ليك ( يا المنطط عينييك )
بحسب الكلمه قبل ما اقولها
عارفه ليه!!
عشان الفنانيين ديل انا عارفهم حساسين كيف
و جميليين كيف

مثلا
انتي بي هناك قلتي كلام خطير خلاس
بكون قاعد جوانا و مابنقدر نقولو
انتي بتقولي البغلبنا
عارفه كده ولا ماعارفه !!
اها دي ضريبتك ادفعيها
و كان غلبك بنتخاتتا ليك
ماتنسي انك الزول الوحيد النقشني

اها زول بالفنننن ده كلو جواهو مابخوف !!

لقد جملتنى اكثر مما يجب..وده طبعا من جمالا فيك او هدت فيك روعة..

نحن بيناتنا المودة

ومافى زول بقدر يشيلا

ولما تخذلنا الموانى

والسفن يكتر رحيلا

بنتكل على قلب واحد

وحزن واحد

ونحيا فى ازمان جميلة

العزيزة تماضر

كلماتك اغاني للجمال والحقيقة والتاريخ

اليأس ممنوع ومساحات التواصل مطلوبة
تحياتي
علوبا المشهور ب علي محمد علي

Quote: لكن الاغنية دى هدية ليكم .. ولو مت غنوها فى جنازتى

شنو ياخي !!!

___

اتمنى لك طول العمر؛ و دوام الصحة؛

و ردود لا تنقطع ......

لحدي ما تتحرجي مع الناس الما حتقدري تردي على ردودهم.

مصطفى عجب

عشت...

وبالمناسبة يوم لقاء البالتوك بحثت عن الغرفة وعرفت انكم حتبدو بعد خروجى للعمل بى ساعتين ..ما عندى حظ كنت دايرة اسمعك واتمنى انه يترتب لقاء معاك مرة جاية وتتوفر لينا الظروف نسمعك

شدة بيضاء وبتزول يا تماضر...هو نحن طايلنك عشان نسمع عنك....


نفسي بس اعرف فصولك
يا قمر انا كيف اطولك

كان بقيت نجمه وسهرت
ومن صفاك انا استعرت
وبدري قبلك كم ظهرت

كيف اصف اشراق وصولك
وكيف اطولك
يا قمر

نورك اشعاع في البوادي
وطاقه للرايح وغادي
كم صغير في الليل بنادي
فرح شليلو الكلو هولك

وكيف اطولك
يا قمر


سأواصل ما بدأ لي...ان شاء الله تعتبروه نجار....ولكن هذا فعلا ما ثبتت رؤيته
لي...

نزار

دى على وزن

يا قمر انا ما بطولك

ادينى من نورك وميض

عشان انور وابقى طولك؟؟

العميرى؟؟

ده شعر لذيذ والله يا نزار

انا عازماك مسادير مع الاولاد بهنس والفاضلابى ووليد

"القطع الاخدر" ده عندك هين ..وهذا ينم عن موهبة فذة...وبتكلم جد..ما دافعنى الا الحق

وتجربة دندنة عاشقة من البلد ما زالت مفرحانى بيك

لك كل الاعزاز والعشرة النبيلة

Quote: تعرفي انا احيانا بفط بوستاتك معنى بقراها وما برد لانك دائما قريبة من القلب

زول يكون قريب من قلب عشه بت فاطنة ده تانى داير شنو اكتر من كده؟؟

تردى ولا ما تردى..حاكتب ليكى يوماتى..

وياحليل الغنية دى..

الليلة مالو ماتسوو العديلة لى حليمة..

فى برضو غنية بتبكى بتاعة البشير اتلقى

الولد صبى وراح من اهلو..والحلة كلها تفتش فيهو..لما بعد تلاته يوم لقوهو..ميت

وحبوبتو بتغنى وتكلم فى الناس:

البشير اتلقى

ياسلااام يا عشة لو سمعتيها تموتى بالبكا..

بحبك..وكان عرسونى بسوقك معاى شهر العسل..

لوووووووووووول شهر العسل مرة واحدة عشان بمشي عشان اقرصني النحل !؟

ودقاسم

انت الدلعتنى..سميتنى النخلة السامقة..

عشان كده بقيت ما بستحمل الاهمال اظن...هههههه

شكرا لانك قريبى واجمل الناس..

تماضر

والله حظك

بس عنوان فقط شوفيهو جاب كم زول وكم زولة

لحدي هسه 566 قراءة و 41 رد

بس ده لحدي الآن

انا غايتو ما سمعت عنك غير انك


م


ب

د


ع


ة



وبس



جمال

جمال السنوسى

هى يعنى "مداخلات"..حاسدنى عليها؟؟


loooooooooooool


تعرف انا لو ما الحب ده..ما اسوى "فيفتى سنت"

والابداع فضلة خيرك..ياااااا جمال

تماضر

انتي بتسوي (مليون ميل مربع)

أنثى بقامة وطن

ووطن يسكن أنثى

تفرتش همومه

وتحمله بين حناياها

امومة لوطن

كثر عدد أباءه
فلم نعد نعرف

من هو الاب الحقيقي




جمال

تماضر العزيزة
منو دا بالله الما بيرد علي مداخلتك ..انتي
بس ورينا ليه..يا ويله ويا سواد ليله.
عمر علي مستحيل يكون في القائمة السوداء
بتاعتك لانو انا متأكد انو بيبدأ بورده ببوستات
تماضر وبيختمها ببوستات تماضر...الشكك ممنوع
والزعل مرفوع

Hi Tumader,


Peace upon your soul

السهيلى ..

بيس بى ابون يو توووو

بتكتب بالنجليزى لى حسه مالك؟؟

ان شا الله سلامة

شكرا على الدعوة الجميلة ..(هل الله عربى؟) مش فى اسم بوست زى ده؟؟ حسة امشى اشوف لقوه شنو عشان اشوف دعوتك دى ..اخرتا شنو هههههههه

اتمنى ان لا اكون في القائمة السوداء؛

فمن يتوعده عمر على بالويل و سواد الليل لا شك

حقو رايح.



فمن رأي ليس كمن سمع .....

حسين ملاسى

هى القائمة القال ليك منو سودا؟

قائمة بمبية ..لون زينب..مطرزة بالنبنفسجى وفيها "زمهرير" فى الكفة..(زمهرير ياقول اشراقة)

وبشكلة اصلو بافى....

كلام خشم..

شكرا مع انى رديت عليك قبل كده...لكن ما عدمناك اخا

تماضر صاحبتي بالتجنس

مالك اسا ما هدي حلاتك ومبتسمه وسكره وكلامك طاعم
تعرفي الدنيا كان حاولت تغلبها بالهم تقوم تغلبك بالندم

شان كدي خليها يا تماضر خليها شان تخليك

يا ابو التـــــــــاء

ان شالله ما اكون انا

ماتفكري كتير واذكري الله دايما الزهجه بتفك

ود العباسية ...برى تبرا من زعلى يا ود العباسية ما انت

وشريط الحلقة بتاعة التلفزيون ما عرفنا اخبارو..لسه فى وانا فيهو؟؟ عاين ليه كويس لما ابيت ترسلو لى.. هههه

بذكر الله كثيرا (ان شا الله هو يذكرخادم خلقها وجدعها) استغفر الله العظيم

توما كدى خلينى من الدنيا

انتى ضابحة؟؟

هاهاهاها...غايتو كتلتينى يومداك بى ضابحة دى

اها حسه ذكرتينى الظار

انا دايرة ظار (ومعاها طرومة وصرة وش)

جد ...القى لى واحد وين؟؟ يتخيل لى انا مشكلتى ظار..

والعلبة البفتحوها دى شنو؟؟ علبة كبريت ولا علبة كبرى؟؟ ياخى ده عالم عجيب خلاص..

هههههه..

شكرا يا تجنس انتى وقايلانى ما شفتك فى المسدار....

عليك الله بعد دخلتى ما تقيفى ...نسدر انا وانتى..مع الوليدات ديل نغلبهم بالجمال ويغلبونا بالرجال..هههه

توووووشكرى يا غالية..والدنيا دى ...اها خليتها...خلال اب شوك

العزيزة الرقيقة حمامة المنبر ،
تماضر ،
أعلم عنك كل الخير وكل الحب توزعينهما على الكل وقلبك الكبير يملأه السرور كما الأطفال يوم العيد (زمان )!!!
لا أذكر كثيرا ملامح وجهك ، ولكنى لن أنسى ابتسامتك المشرقة تقابلين بها كل الناس رغم الأحن ومحن الزمن !
ويكفيك صفاؤك ( الزى موية الزير ) لا عكر ولا تعكير .
فقد أحببناك دائما ،
وأنا أحبك يا أخية .
ست البنات .

تماضر

الزعلك منو؟
بالله فى ناس بتقدر تزعلك؟

قولى لى وماتخافى { عضلات تبش} فى


لسه ما استريتى الكرت؟

ًًُWe h've heard things that sound good
Caring , loving , enjoying motherhood
Camping , picnics , collecting wood
Fighting famine, stocking plenty of food

...Tamadur

...Take it easy

although I believe you are one of those who is really admired by most of the people in the borad

----------------------------------------------------------------

Quote: I don't know what you heard about me

Tamadur or 50 cent

Emam Hassan

That is so sweet of you to say, I am trying


He is fifty sence, I am a whole dollar

no comparison

ha haha

thanks a lot

محمد ابراهيم قرض

وجميل ان اراك عضوا تكتب باسمك الحقيقى ونبضك المبدع..

ده كلو انا؟؟

الزهجة فكت..

لوما فضلت محاربة المجاعات..

لك محبتى الصادقة

يعنى تقصدى يا ست البنات انه خشمى عريض؟؟

هاهاهاهاها

زول يقول ليك ما متذكر ملامح وشك بس متذكر ابتسامتك دى معناها شنو؟؟


والله حسة انا بكتب ليك وميته من الضحك..

ياجماعه ..دة شنو ده.. نفستو علينا مشروع زهجتنا البنينا بيه قطعة الارض دى كلها..

الله يخليك ياستهن لى حدهن..

كلامك نزل على بردن وسلامن

سلام حتى مطلع الامر..او كما قال عاصم الحزين..

شكرا بالالوف لا يوم العرض والوقوف..

امشى اقعدى فى فندق الشيراتون الجنبكم 7 يوم واليوم سنة! يمكن زهجتك او (...) تفك!
فى طريقة تسمعينا الغنية القلتى عليها دى: 50 cent

عشان تفكى زهجتك او (....) تعالى لندن
والله (خير حافظ)!!!!!

Quote: عشان تفكى زهجتك او (....) تعالى لندن والله (خير حافظ)!!!!!

لندن بتفك الزهج؟ اول مرة اسمع بالحاجة دى!!!!!!!!!!!!!!!!!!!!


تماضر

بالجد ماقادرة اصدق انو فى زول فى الدنيا يتسبب فى زعلك

اشرااااااقه

والله ما زول

ظروف بس..قمت انا من نفسى الضيقة رميتها فى الناس

حسة فى زول هنا كان بستاهل يزهجو منه..(فيما عدا اللى بالى بالك)؟

ماخلو لى سبب للزهج...وانا الزهج هذا طرفى منو..بس ابقوا قراب..والدنيا شن فيها؟

شكرا حبيبتى

عادل عثمان

لكل داء دواء يستطب به..الا "الصفاقة" اعيت من يداويها

كيف تريدين أن أبرهن أن حضورك في الكون
مثل حضور المياه,
ومثل حضور الشجر
وأنك زهرة دوّّّار شمس
وبستان نخل
وأغنية أبحرت من وتر
دعينى أقولك بالصمت
حين تضيق العبارة عما أعانى
وحين يصير الكلام مؤامرة أتورط فيها
وتغدو القصيدة آنية من حجر..
دعينى أقولك ما بين نفسي وبينى
وما بين أهداب عينى وعينى
دعينى أقولك بالرمز, إن كنت لا تثقين بضؤ القمر
دعينى أقولك بالبرق
أو برزاز المطر..
دعينى أقدم للبحر عنوان عينيك
إن تقبلى دعوتى للسفر..


نزار

الرائعة تماضر
لم أسمع عنك شيئآ ولكننى قرأت لك إبداعآ في الحروف ونشوة في
الكلمات كنت حينها علي مقاعد المتفرجين..
وحين أتيتنى في إلي رجل في عقده الرابع
قرأت كلماتك مرات ومرات فكأنك عرّافة أتت بما لا يعلمه أحد غيري
كتبتيني في سطرين
وتركتنى للدهشة في حضورك الغريب
ومازالت تلك الحروف ترنّ في أذنى
كموسيقي فرحت بها لأنها كتبت لي
لك التحية أينما كنت يا وردة سقيها الندي

سارة فضل ايتها الجميلة المغامرة...

قرات كل ما كتبت هنا فى هذا المنبر

وكل يوم احس باننا على موعد مع كاتبة لها حضور ..

كلماتك اكبر من ما استحق..

اتمنى ان اطوع طاقاتى .. لتصبح "مقاسى"...وارفل بها..

لا اجد ما اشكرك به غير هذه الكلمة المتداولة الفقيرة "شكرا" ...علك تستقبلينها فى حدائقك فتتلون وتزدهى وتصبح ..من اصل "طير الجنة" او زنبقة او رشة عطر..فهى ابدع فى الحقيقة منهم جميعا..

Quote: والعنوان ده بتاع غنية.. لما اسمعه بحس بيه حاصل على

انت ياتماضر بقيتي تسمعي ففتي سنت متين؟؟

انا لمن دخلت البوست كنت دايرة اعلق على العنوان وعلى اغنية ففتي سنت

كتر خيروووووووووووو


لك كل الود

نوف

الاستاذة تماضر؛

تحياتي

غايتو لو ما رديتي؛

سيصيبني مثل الذي كان قد اصابك.

حسين ملاسى

هاهاهاهاها

انا فاضية من بوست النعمان والشغل

حسة مساهرة عديل كده عشان ارد..

الصبر يا ملاسى الصبر

للجميع محبتى الوافره

والله جاية

Quote: اتمنى لك طول العمر؛ و دوام الصحة؛ و ردود لا تنقطع ...... لحدي ما تتحرجي مع الناس الما حتقدري تردي على ردودهم.

تحققت الامنية بأسرع مما توقعت.
_____

نوف

والله فيفتى سنت دة ما بعجبنى فيه الا الجانب المادى الظاهر فى اسمو...اسمو زاتو لو ما دخلو بيهو فى صندوق ما يدفع ايجار..

بس البيت الاول من الغنية هو اللاصق لى فى مخى وبعتبرو تعبير رشيق..

يا حبيبتى انا غلطت فى حقك وانتى فعلا رديتى على ..لكن عين الزهج عن كل رد كليلة...

واهو الزهج راح والعيون فتحت...

ما اجملك!

حقك على

وريني ليهم ياتماضر
وانا مكفكف ايدي
عشان استعيد مهاراتي في الملاكمه
لك المحبه

LoooL, Tumadir , I am very happy that you are laughing ,
Thanks for the song, long ago I am looking for the reason why Abdelgadir become mad

Regarding ( alpolis alsirry) this joke is a gift to you to keeep laughing:
One spy from Ireland went to a smal city looking for his colleague, his name was Murphy ( and it is a very popular name in Ireland), so he reached the city, he started with the first person asking about Murphy, the man replied that: whom Murphy you want, the bakery is named Murphy, also the butcher, by the way I my self Murphy, so the man asked himself, let me try with him and he said the code ( the sun is shinning and the sky is raining), the man replied with a sudden reaction: ahha you mean Murphy the spy, he is over there, loooool
Greetings
Dr. Yasir

حلوة النكتة ..وذكرتنى يا دكتور ياسر نكتة حكتها لى مريم الطيب قبل يومين وكنا بنتكلم عن مقدرة المرأة على حفظ الاسرار: قالت فى عروس راكبة البص مع عريسا..ماشين على "العش" فى بلد تانية

مده طويلة جدا البص ده ماشى فى الطريق..فجأة وقفوا فى محطة..العريس نزل يدخن ولا حاجة..طوالى العروس اتلفتت على الركاب قالت ليهم: راجلى ده بوليس سرى!

لما رجع البص كل الناس تعاين ليهو بى عين ...جديدة لنج

مش برضو فى زول كاتب فى باب بيتو كده: منزل بابكر على خالد "بوليس سرى"؟؟

هاهاها...السر فى محل السر والجهر فى محل "شيبا"

الموصلى

بتكفكف لى والله ما بتقصر..بس حاسب على "الكراع" ههههههه

انا برضو الفن عامل لى نزلة اليومين ديل..


ههه

شووووووكرن ليك يا ابو هديل...ولو داير عيونى: هديل

دقت خيمتها ولمت خلق الدنيا والعالمين
ومشت وين تماضر دي ياربي؟

ابدا منك يا عمر على

تماضر بقولو مشت وين؟؟

تماضر مشت الشغل

فى زول غير تماضر بمشى الشغل؟؟

تماضر الشقيانة التعبانة ..الشغل ده ما اخترعوه مخصوص عشانها هى..

شغالة مع "المتحديين عقليا" لغاية ما قرب يقوم ليها تخلف عقلى فى اضانا...

بقت اربى اولادى بالتلفون

هاهاهاها...شكرا يا عمر على ..على كلماتك الرطبة..

لانك لو عندك فينى راى ..بكون عندى راى فى روحى..

يجب ان اؤكد على اعجابى بمساهماتك الجيدة للمنبر..وما زعلت منك الا لما كنت بتشاكل..وعامل فيها ما اصيل..

لك محبتى والود الكبير

Quote: بقت اربى اولادى بالتلفون

ها..ها..ها .. و الله احسن من اى "After school"
بالغتى فيها ...

غايتو يا تماضر.. Although I am one of those who have heard "something" about you ..
وبرضو فى الغالب ما ح أكون معنية بالكلام ..
لكن ما قدرت أقاوم ....

انا سمعت عنك شنو يا ربي ????????????????/
انحنا لما كنا صغار انتي كان عندك مسلسل في التلفزيون , المجنني انو ما اسي ما قادر اتزكر,,انتي كان اسمك الفرهيد,,ولا ولا تم الريد ,,ولكنك كنت جميله ولا زلت,,,لقد كنتي احد/ى الذين شكلوا وجداننا,,,انتي برضو كنتي صغيره
بالمناسبة ,,,

تماضــــر ....

طبيـعة الـدنيا زي المــوج ... تشــيل وتـدوي

مـا تهـتمــي للايــام ... ظـــروف بتعـــدي

NOTHING!!!

I HEARD ONLY GOOD NEWS ABOUT YOU; TUMADIR

امام حسن

نزار حسين

طارق ابوعبيدة

اوت كاست

وليد 339

انتو بكرة ...الساعه بقت اتنين وانا بكرة شغالة الفجر

معروف سند

هاك دى شان تتذكر

في وادي امسدر ...

وللجميع حزمة محبة

اختى تماضر

سمعت عنك انك

عجوه معطونة فى عسل

كفاية ولا ازيد

دور نقاس

اللتنين بريدهم..العجوة والعسل

عارف يادور نقاس انا "حلوية"؟؟ وامى علوية؟؟ صدفة غريبة مش؟؟

هههههه.....شكرا يا ظريف

وكدى النسألك انت كنت مشيت وين وجيت بدون اخبار ليه؟؟ بتمشوا وين انتو لما تغيبوا؟؟

الزول بقى لما يشوف ليه وش اليف يفرح زى اللاقا اخوه فى السوق الشعبى فى مدنى

وليد العريس

ما يسمعك صديق الموج يقول بنقطع فيه...

ههههه...شكرا لعصافير الكلام الجابت ليك عنى اجمل الاخبار..

وما سمعت عنك الا السمح...ويسمح حالك دنيا واخرة

شكرا يا تماضر علي الهديه الجميله,,, وادي ام سدر ,,,الله الله,,زمن,,,,الله عليك يا اخت صخر

العصفورة المتمردة
الفنانة/تماضر شيخ الدين
الكتابة لك تتدخل حيذ المجازفة وحقول الالغام لان الصدق هو حرفتك الاولى
وفى كل مره تكتبين يسدد قلمك طعنه نجلاء لدور ومؤسسات الرياء المحترفة
التى تمارس الكذب على الاخرين
وجدت قبل فترة تعريف فى مجلة الريدر دايقست يقول عندما تقول الصحافة
فلان مثير للجدل تعنى انه قام بشئ لانستطيع اثباتة
وانت متهمة بالابداع وفى كل مرة يظن بعض الناس بانهم قتلوك تظهرى مره
اخرى مثل طائر الفنكس الذى يقوم من بين الرماد والانقاض
نعم انت متخصصه فى اشعال الحرائق التى تطرد جرزان الحقول القارضة وشجاعه
ايضا فى تمزيق الاقنعة الواهية التى يتمترس خلفها بعض الناس
لن يحدث شئ ان كتبت لك ام لا المهم ان نقول مانربد ان نقول .......
يقولون ان العقرية هى تحويل الاشياء المعقدة الى اشياء بسيطه وهذه واحده
من الاشباء التى تجيدينها
معجب انا جدا بك وبكتاباتك وابداعك... كثيرون يصفون ابوالدقيق بالحماقة
لكنه شجاع يعشق الضوء والنور
ختاما لك شكرى وتقديرى

Quote: عندما تقول الصحافة فلان مثير للجدل تعنى انه قام بشئ لانستطيع اثباتة

طيب انا اثبت ليك كيف انى زهجانة ...

مرة كنت سايقة عربيتى وقف لى سنجاب فى نص الشارع وقفت العربية ومشيت شلتو وجبت وشو قريب لى وشى وقلت ليه ...تانى ما اشوفك قدامى...

مرة مشيت لى بتاع اللحام اصلح ربع دولار مقدود ...قال لى بصلحو ليك بربع دولار..قلت ليه صلحو وشيلو..

مرة راقدة بتى قالت لى عندنا اكل؟.من الزهج قلت ليها لا..لكن ما بخشمى..هوززت ليها قدمى ...فهمت..

ومليون قصة زى دى تثبت انى زهجانة ...معناها ما مثيرة للجدل..ولا للشكل



هاهاهاها

فااااااهمة كلامك لكن ساااااى غتاتة..

شكرا ليك يا ياسر..وشايفاك طولا وعرضا فى البورد اتمنى ليك مشاركات ملهمة وموفقة وسلامى لصديقك الفاضلابى..

اوت كاست

ليه ما مقصودة بالكلام؟؟

مش زماان كنا صاحبات وباعدت بيننا "البرالمة" وكترة الغياب؟؟ ده البجننى انا زاتو

اما حكاية التربية بالتلفون دى والله ما كضب

محمد؟

اكلت؟

لا فى شنو اكلو

امشى التلاجة..مشيت؟ظ افتحها فى الرف التحت..تلقى كونتينة ..شايفها؟؟ جنبك قدام ..لا ما جنب اللبن..بالجهة التانية ..لقيتها؟؟ طلعها...ختها فى الميكرويف..تلاته دقايق... اعمل كلير اول..عملتو؟

....الخ

الوجبة انتهت ..المذاكرة

ما تكاوى اختك

رتبتى اوضتك؟؟

اقفلو باب الشارع

التلفون ختو فى الهوك

ما تبشتنو الليفن روم..

ماتعملو داك ما تعملو ده..اسمعوا الكلام خليكم فالحين

بكرة بكرة

i love uuuuuuu

bye

وبذلك اعزائى المشاركين اكون قد رددت التحية باحسن منها..

ان عدتم عدنا

وان لم تعودوا

زهجنا تانى

لكم خالص ودى

ولا اراكم الله مكروها

أنا جاي عشان مايحصل علي الحصل ليك مع بت الأحفاد
شايفه إسمي
أهو الله شاهد

تماضر مساء الخير

فى الاْول دخلت أقول سلام
لما لقيتك زهجانة أهتميت

وكتبت البقدر عليه عشان أجبر بخاطرك
لاْنك رضو عزيزة على الكل

ولما دخلت أشوف الحالة المعنويت أرتفعت خلاص
لقيتك رديتى على الكل
وتجاهلتى أسمى
نفس التعامل الاْنتى أشتكيتى منه.
راجعت نفسى
ياربى وين غلط على تماضر لا سمح الله

عزاء الوالد رحمه الله؟
عزيت وأن كنت متأخرة شوية لاْنى فى الاْول ما ربط بينك وبين أسمه
الواحد\ة ما بيدقق على كل حاجة فى البورد.

فى شنو تانى
المشروع البينى وبين أبنك؟
هو أجل الموضوع
وقلت ليه هو والطلبة المعاه متى مايكونوا جاهزين, حاجى
خاصة وأنه الاْمر متعلق بدارفور.

تانى مافى حاجة.

عموما ياتماضر
اذا كنت دخلا غلط فلكى عذرى
وياستى مش حيحصل تانى
واذا كنتى محرجة فى الرد للعلقة الجيدة بينك وبين من أسائونى؟
فيا تماضر أنا مش زعلانة.
العمل العام علمنى القدرة غير المحدودة
فى قبول قسوة الاخرين\ت

سلام...

تعرفى يا نور تاور انك انت استعجلتى

انا كتبت ارد عليك قبل شوية

وفعلا مداخلتك كانت ضايعه منى

انتى وانور احمد وكوستاوى

باين لانى ما مشيت بالدور

ما بينى وبينك الا هذا البحر الهادىء

راجعى المداخلات وستجدينى هناك..لك

اعذرك واعرف كم مؤلم ان يتجاهل الانسان صديقا..ولولاه ما كان هذا الخيط

لك عامر محبتى

انك ذاتك بتفطي كالإكسبرس لايقف في المحطات الصغيرة والجدبدة وان الكل يعمل ذلك وللكل احوال فانتي بعضمة لسانك اجبتي لفلذة كبدك برجلك تغمصي الحالة واسحبيها علي الآخرين فالجميع كالطيور المزبوحة تفتعل الرقص ان كنت في كل الأمور معاتبا صديقك فلن تجد الذي لاتعاتب

اما انتي فقد صفق لك كل السودان ومازال يصفق الاتسمعين ولك الود وجزيل الأمانى

معك الف حق يا منصور

الناس تضيق وتفيق

اما اجابتى لصغيرى برجلى فهى مجرد نكتة كانت سائدة عن سيد دكان فتران وزهجان برقد فى العنقريب..تجيهو شافعه تسالو ياعم احمد عندك ظهرة..فلا يتمالك الا ان يهز لها قدمه "المخلوفة" بان "لا" ويستكتر عليها كلام الخشم

انا بفط..لكن رديت على اى زول ..غالطنى فى دى,

ههههههههه ليك الف شكر

تماضرنا الرائعة
افرحي وزيدي البورد سماحة

الأخت تماضر: انـــا نزلت المشاركة دي هنــا تـاني عشان في الأول كانت فوق هناااااك وخايف تقوم تروح ساكت ويفوتني شرف المشاركة معاك في البوست ده
تماضر
كدي قولي بسم الله وشوفي الناس الحواليك ديل كلهم، ماشاء الله عليك. غايتو أنـا لو عنـدي أصحاب ومريدين زي ديل - بغض النظر عن الناس الفتحوا لي- بكون ماداير من الدنيا دي أي شي تـاني. غايتو أظن إنو العنـدك ده وجع سودان سااااااكت وياريت لو الناس السمحين القاعدين بره ديل كلهم يجوناراجعين وندفر السودان ده مع بعض دفره وااااااااااااااحدة وقويييييييييييية ......... يمكن يدور!! مابعيده علي الله، صاح؟؟

بمناسبة الناس السمحين دي ياريت لو تشوفي لي الحاصل هنـا وتفيديني بأسرع ما يمكن
Re: عضو جديد جدا

حمزاوى النشيط..

شكرا على التفاؤل فينى..

بكن بينى وبينك زهجى سريع..وفرحى سريع يعنى معذبة المعاى..

ياسر عبد العزيز الطيب

قلت بسم الله

الرائعة / تماضر
إنشاءالله اليوم الموود تمام
المهم أنا البقدر أسويهو ليك أبرك ( بفتح الباء و تشديد و كسر الراء ) ليكي فكي عشان يزيل العين .
والبياض على حسابي
( على فكرة أشكر مرورك و ترحيبك بي في بوستي و أنا بعتبر مشاركاتي دي من طرف القاموس لأنو زي ما قلت ليكم أنا عضو موديل 2005 .
و السنة الجاية دي شوفوا ليكم بورد تاني أحسن ليكم




من الركن: فالنسعد بسوداننا أو لنسعد بسودانا

عجبنا

اهلا بيك من قبل ما زمنك يجى

الله يحضرنا زمانك..ختنا من حسة فى قائمة المعجبين

وطبعا اسمك زاتو مقلب..يعنى حنكون معجبين ..لو رضينا او ابينا..

اها كان اصلو نشوف لينا بلدا اخر..اخير نبقى معجبين..برانا فترانين ما بنقدر نرحل كفى رحول الوطن

سلامات...

Quote: شكرا يا انور...والعروس اخبارها شنو..؟؟ (بقيتو كم؟)

بقينا (واحد)...

الوش ده عاجبني عجب يا تماضر...والله نفسي أغيرو بي وشي ده...



وان عدتم عدنا...

تماضر قريبتي

سلام شديييييييييييييد ..
طبعاً أنا ما معاهم ..

في زيارتي الأخيرة لمدينة جدة وفي منزل الحبيب هشام شيخ الدين داعبت إبنه الجميل صهيب قلت ليهو ياخي أنا تماضر دي قريبتي لكن هشام ما قريبي فضحك طويلاً وقال لي يبقى أنا زاتي قريبك لأنو أنا بحب تماضر شديييييييييد يعني إنت تطلع قريبي فضحكنا كثيراً ..

لك كل الود والمحبة ..

طبعا يا انور بتقصد "روح واحده فى جسدين"

اما حكاية وشوش النت دى فانا بشبهم على ناس..تانيين وما فى داعى لذكر الاسماء

مثلا: وش الياهو البضحك وكلو سنون داك ..بشبه ليك منو؟

*************


معتصم دفع الله ..ابقو لى

تحبونى انتو وانا اكون زهجانة؟؟ ده ما جحود لنعمة ربنا..؟؟

استغفر الله العظيم


تحياتى العامرة لصديقى الفنان المرهف صهيب هشام شيخ الدين..فعلا ايام رحيل الوالده قامت بيننا صحبة ..لا تهزها اعاصير الزمن ..ومن ديك وانا خاتاه فى خانة الخل الوفى مع انه ولدى فى الحسبة...حبى وتحياتى له.

Quote: انا زهجونووووووووو.....

.....
تماضر ....

دى معناها شنو ....غلبنى اقراها اصلا ...

لكن برضو أنا ما سمعتا اى حاجة على الأقل لحدى اسى

ناجى الزبير الملك

ال "نووووووووو" حرف نداء

نداء
ات من بئر الاشجان المنسية
و"براثن" احزان الروح
"اصقاع" حواف الذات
نداء من خط الاستواء
بين حقيقة الاشياء
الشىء واللاشىء ..شىء
نداء مبغاه اطراف سماء
ثوب الام المسدل فى السرمد
وبريق الضوء الميت فيك ..مشع بعيون الاخر
الاخر هذا ال "مرااتك" فى كبد العدم
وعمدان المعبد
الاخر فيه صدى ما كنت ..وما سيجىء
الاخر انت موزع فيه كحب المطر ..فى رمل الصحراء
وبينك بين الاخر حرف نداء


وما حتسمع الا خير..شكرا لحضورك

الاستاذة تماضر

لم نسمع عنك غير الجميل والمفرح ..وانك تزدادين شموخا.. ألا يكفيك فخرا ان محبيك ومعجبيك يتمددون على طول السودان وعرضه وينتشرون فى كل بقاع الارض.. امرأة تفوقت على الرجال وعلى نفسهاوسمقت وجلست بقرب شمس الابداع لا يجب ان تبالى بمن يقذفونها بأحجار الحقد...قديما قال شاعر يتهكم من انسان حقير:
انت عندى كثعالة
رام عنقودا فلماابصر العنقود طاله
قال هذا حامض لما رأى ألا يناله

لن ينال من قامتك الصغار والعاطلين عن الابداع والموهبة
فاسمعينا كل جميل .. كن جميلا ترى الوجود جميلا .. وبلاش زهج...

نورالدين منان

نورالدين منان

وانت وين وكيف المدام والاولاد؟

اذا كان لى فى الدنيا حظ من العشرة الطيبة ودفء الصداقة النبيلة..فهى تلك التى حظيت بها من جواركم يا عزيزى..

لقد عرفتم الناس عنى باكثر مما استحق..ورفعتم من شأنى المتواضع حتى اخجلتمونى كرما ولطفا..

اشكرك شكرا وافرا على اوفيك القليل من كثير عطائكم ..وحسن ان يكون الانسان انسانا فى دائرتكم..

لك التحية ولاسرتك الجميلة اجمل السلام.

منان
ممكن ثعال

Quote: ثعاله

يعني شنو !!

خدورى الاغنية ما وصلتنى

ممكن تنزلها لى هنا..؟

بطل "ثغالة"

والله ماثغاله
عاوز اعرف






ثغاله ثم من ؟؟


الاغنيه للاستاذ هاشم ميرغني
تقليد طارق ابوعبيده

مش قلت ليك يا طارق صوتك اتطور

طارق اوريك كيف كمان؟

احساسك اصلا مرهف..يعنى "انت زول حنين" وبكاى ودمعتو قريبة

يللا الصوت بتاعك جميل اصلو..لكن فى حضرة الاداء بتتوزع بين حالة الاغنية الشعورية mood وبين دفقك الاصيل..خلفيتك الجمالية وتاريخك الوجدانى..وبعدين التكنيك الادائى العفوى

تعرف بقيت تعمل هيمنة تامة..على ابعاد صوتك..بدون ما يتظلم اى واحد من التلاته مقومات "المذكورات اعلاه"

دى الغربة ولا الوحده ولا فقدة الوطن ..ولا توفر الاستديو..والزمن وصفاء الذهن والتفرغ..ولا الطموح ولا كلهم؟

صوتك بقى اجمل..دى العارفاها ومتأكده منها

شكرا على الاغنية..وصداقتك

ده بوست غير جيد لتسجيل بعض الاعترافات لانو نسبه دخولو عاليه
لكن البتبلبل يعوم .. اصلك فضحتيني

Quote: دى الغربة ولا الوحده ولا فقدة الوطن ..ولا توفر الاستديو..والزمن وصفاء الذهن والتفرغ..ولا الطموح ولا كلهم؟

تمادر
ماعارف اجاوب .. لكن يتخيل لي
بحب استمتع بالغنيه انا ده .. قبل البسمعني و بحكمني دائما الــ(mood )
بتاع الاغنيه
و يمكن بحس انو انا فاقد حاجه ماعارفها شنو
و يمكن الُكبر دخل
يمكن من المراسيل ( مش الشافع لمن يرسلوهو الدكان بغني في الشارع بي صوت عالي ماشي و جاي )



والله العظيم ماعارف !!
انت ادري




تمادر شكرا علي صداقتك انت دي .. و حلفتك بي ولادك
خلي الزهج .. شوفي الناس القلقانه عليك فوق ديل كتار كيف

احكي ليك نكته !!

في شافع ابوهو دقاهو
طلع الشارع زعلان
قام كتب في حيطه بيتهم
امانه المؤتمر الوطني

ليتنى كنت املك كل هذه الاذرع..

لاحتضن كلمات اصدقائى الزاهية..

ولا افيق

الاخوة/الاخوات زوار هذا البوست الذى يستدعى قراءات فى علم النفس، ارجو ان تسمعوا هذه الاغنية.. ففيها تطريب ليس له علاقة بهذا البوست الباحث عن الرضا وعن الشهرة..
http://www.sudaneseonline.com/sheba/meel1.ram

Quote: في شافع ابوهو دقاهو طلع الشارع زعلان قام كتب في حيطه بيتهم امانه المؤتمر الوطني

قع قع قع قع قع

الاستاذة تماضر
سلامات وارى روحك المرحة قد عادت.. لا تدعى رايات المرح تسقط منك.. اتنين صعايدة راحو محطة القطر ولقوا القطر متحرك .. شمروا جلاليبهم وجروا ورا القطر.. فيهم واح لحق القطر واتشعبط وركب فيهو والتانى وقف ونفسو مقطوع وبقى يضحك .. الناس سألوه مالك بتضحك لوحدك!! قال ليهم اللى ركب القطر هو المودع وانا المسافر...يا تماضر الامور اتلخبتت .. يعنى الشحات او الصعلوك لما يشتم بيل جيتس سيظل نفس الشحات والصعلوك.. مثل مساعد الياي الذى لن يترقى يوما من الايام ليصبح ياى..
الآخ الظريف خضر (ثعالة) دلع ثعلب او تصغير وبى لغة الشوايقة(ده ما الاختصا) تصغير إختصار.يعنى احسن من السح الدح امبو بتاع جيراننا..

نورالدين منان

هيى يا نور الدين منان داير تجيب لى اللوم مع اهلك الحلفاويين..يجى يقولو على عنصرية وما ادراكا؟؟

لازم كان تكتب "انا زاتى حلفاوى" قبل النكتة عشان نضحك بى حرية..


محمد الفاضلابى قالو البخاف من اسد يطلع لو..اهو فطيتك زى السلامو عليكم..وما عندى ادنى قصد "فط"

ههههههه....اسفة جدا واشكرك على الحضور و"تشهيد..بت الاحفاد"

محمد على احمد..مداخلتك دى حشرتها هنااااااك كده كيف؟؟ هاهاها...ياخى الف شكرا على ودادك..وكلامك البنفسجى..الله يقدرنى على جزاكم

كل ما اقرا مداخلتك يا طارق ابوعبيدة القى روحى دايره اقول ليك كلام زيادة وما اعرفو شنو..حاقولو ليك لما اعرفو..

عادل عثمان..اهلا بك

Quote: لوووووووووووول شهر العسل مرة واحدة عشان بمشي عشان اقرصني النحل !؟

ياماما انتى شهر العسل ده شهر كم ؟

تتذكرى عمرو؟